Cricket

Entertainment

Football

دفتر خارجہ کے ترجمان کا کہنا ہے کہ بھارتی قیادت کے حالیہ بیانات، بشمول بہار میں دیے گئے بیانات، ایک انتہائی تشویشناک ذہنیت کی عکاسی کرتے ہیں اور امن کے بجائے دشمنی کو ترجیح دیتے ہیں۔بھارتی قیادت اور بھارتی وزارت خارجہ کے ترجمان کے حالیہ اشتعال انگیز بیانات پر ردعمل دیتے ہوئے ترجمان نے کہا کہ پاکستان کو خطے میں عدم استحکام کا ذمہ دار ٹھہرانے کی کوئی بھی کوشش حقیقت سے منہ موڑنے کے مترادف ہے۔ترجمان نے کہا کہ عالمی برادری بھارت کے دہشت گردی کی پشت پناہی اور پاکستان میں تخریبی سرگرمیوں میں ملوث ہونے کے ریکارڈ سے بخوبی آگاہ ہے، ان حقائق کو کھوکھلی کہانیوں یا توجہ ہٹانے کی کوششوں سے چھپایا نہیں جا سکتا۔انہوں نے کہا کہ جموں و کشمیر کا تنازع خطے میں امن و استحکام کے لیے بنیادی خطرہ بنا ہوا ہے۔ پاکستان کشمیری عوام کی امنگوں اور اقوام متحدہ کی سلامتی کونسل کی قراردادوں کے مطابق اس دیرینہ مسئلے کے منصفانہ اور پائیدار حل کے لیے اپنی جدوجہد جاری رکھے گا۔ اس بنیادی مسئلے کو نظرانداز کرنا خطے کو بداعتمادی اور ممکنہ تصادم کی راہ پر ڈالنے کے مترادف ہے۔ترجمان نے کہا کہ گزشتہ چند ہفتوں کی پیش رفت نے ایک بار پھر جنگی جنون اور جبر کی حکمت عملی کی ناکامی کو ثابت کر دیا ہے۔ بھارت دھمکیوں، غلط بیانی یا طاقت کے ذریعے اپنے مقاصد حاصل نہیں کر سکتا اور نہ ہی کرے گا۔دفتر خارجہ کے ترجمان کا کہنا تھا کہ پاکستان امن اور تعمیری روابط کے لیے پرعزم ہے، لیکن کسی بھی جارحیت کے خلاف اپنی خودمختاری اور علاقائی سالمیت کے دفاع کے لیے بھی پُرعزم ہے۔ جنوبی ایشیا میں پائیدار امن کے لیے سنجیدگی، ضبط اور تنازعات کی بنیادی وجوہات کو حل کرنے کی ضرورت ہے۔

بھارتی حکومت کے اشتعال انگیز بیانات انتہائی تشویشناک ذہنیت کے عکاس ہیں،پاکستان

بھارت دھمکیوں، غلط بیانی یا طاقت کے ذریعے اپنے مقاصد حاصل نہیں کر سکتا اور نہ ہی کرے گا، ترجمان دفتر خارجہ

شہر قائد میں زلزلے کے مسلسل جھٹکوں نے شہریوں میں خوف و ہراس پھیلا دیا۔ گزشتہ 24 گھنٹوں کے دوران پانچویں مرتبہ زلزلے کے جھٹکے محسوس کیے گئے، جس کے بعد شہری کلمہ طیبہ کا ورد کرتے ہوئے گھروں سے باہر نکل آئے۔زلزلے کے جھٹکے لانڈھی، ملیر، شاہ لطیف، بھینس کالونی اور قائدآباد سمیت مختلف علاقوں میں محسوس کیے گئے۔ زلزلہ پیما مرکز کے مطابق جھٹکوں کی شدت 3.2 ریکٹر اسکیل پر ریکارڈ کی گئی اور گہرائی 10 کلومیٹر تھی جبکہ زلزلے کا مرکزکراچی کے علاقے قائد آباد کے قریب تھا۔ماہرین کے مطابق یہ جھٹکے سطح زمین کے نسبتاً کم گہرائی میں پیدا ہوئے، جس کی وجہ سے ان کا اثر زیادہ محسوس ہوا۔ تاہم فوری طور پر کسی قسم کے جانی یا مالی نقصان کی اطلاع نہیں ملی۔

کراچی میں 24 گھنٹوں کے دوران پانچویں بار زلزلے کے جھٹکے، شہری خوفزدہ

زلزلے کی شدت 3.2اور گہرانی صرف 10کلومیٹرریکارڈ ‘مرکزقائدآبادکے قریب تھا،زلزلہ پیمامرکز

گلین میکسویل نے ون ڈے انٹرنیشنل کرکٹ کو خیرباد کہہ دیا۔تفصیلات کے مطابق آسٹریلوی آل راؤنڈر گلین میکسویل نے ون ڈے انٹرنیشنل کرکٹ سے ریٹائر منٹ کا اعلان کر دیا۔ میکسویل آئندہ ٹی ٹوئنٹی ورلڈ کپ پر فوکس کریں گے۔36 سالہ میکسویل اب صرف ٹی ٹوئنٹی انٹرنیشنل فارمیٹ میں آسٹریلیا کی نمائندگی کریں گےاور توقع ہے کہ وہ 2026 کے ٹی 20 ورلڈ کپ تک دستیاب ہوں گے۔ریٹائرمنٹ کا اعلان انہوں نے ایک تفصیلی گفتگو کے دوران ’’فائنل ورڈ پوڈکاسٹ‘‘ میں کیا، جس میں انہوں نے واضح کیا کہ جسمانی طور پر تھکاوٹ اور 2022 میں پیش آنے والی شدید ٹانگ کی انجری اس فیصلے کی بنیادی وجوہات ہیں۔گلین میکسویل کا کہنا تھاکہ مجھے لگنے لگا تھا کہ میری جسمانی حالت ٹیم پر بوجھ بن رہی ہے۔ میں نے سلیکٹرز کو صاف طور پر بتا دیا کہ 2027 کا ورلڈ کپ میرے پلان میں شامل نہیں، اور نئی نسل کو آگے آنے دینا چاہیے۔انہوں نے مزید کہا کہ وہ میدان میں اس وقت تک موجود نہیں رہنا چاہتے تھے جب تک وہ خود کو مکمل فٹ نہ سمجھتے ہوں:"محض چند سیریز کھیلنے کے لیے ٹیم میں جگہ روکے رکھنا مجھے مناسب نہیں لگا۔"میکسویل کا کیریئر اعداد و شمار کے لحاظ سے بھی خاصا متاثرکن رہا۔انہوں نے 149 ون ڈے میچز میں آسٹریلیا کی نمائندگی کی3990 رنز بنائے جن کی اوسط 33.81 رہی77 وکٹیں حاصل کیںان کا اسٹرائیک ریٹ 126.70 رہا جو کہ 2000 سے زائد رنز بنانے والے تمام عالمی کھلاڑیوں میں دوسرا بلند ترین ہے۔ان کے کیریئر کی سب سے یادگار اننگز 2023 ورلڈ کپ میں افغانستان کے خلاف سامنے آئی، جب وہ ایک ٹانگ پر کھیلتے ہوئے ناقابل شکست 201 رنز بنا کر آسٹریلیا کو 91-7 کی نازک صورتحال سے نکال کر فتح دلا گئے۔یہ نہ صرف آسٹریلیا کی تاریخ کی پہلی ڈبل سنچری تھی بلکہ کسی بھی تعاقب میں بنی جانے والی پہلی ڈبل سنچری بھی شمار کی جاتی ہے۔

میکسویل نے ون ڈے انٹرنیشنل کرکٹ سے ریٹائر منٹ کا اعلان کر دیا

چھتیس سالہ میکسویل اب صرف ٹی ٹوئنٹی انٹرنیشنل فارمیٹ میں آسٹریلیا کی نمائندگی کریں گے

پنجاب اسمبلی کے حلقہ پی پی 52 سیالکوٹ کے ضمنی انتخاب میں مسلم لیگ (ن) نے میدان مارلیا۔ریٹرننگ افسر نےمسلم لیگ (ن) کی امیدوار حنا ارشد وڑائچ کی کامیابی کا نوٹیفکیشن جاری کر دیا۔نوٹیفکیشن کے مطابق مسلم لیگ ن کی امیدوارحنا ارشد وڑائچ  نے 78 ہزار 702 ووٹ لے کر کامیابی حاصل کی۔جاری کردہ نوٹیفکیشن کے مطابق پی ٹی آئی کے حمایت یافتہ امیدوار فاخر نشاط گھمن 39 ہزار 18 ووٹ لیکر دوسرے نمبر پر رہے جبکہ پاکستان پیپلزپارٹی کے امیدوار راحیل کامران چیمہ  6 ہزار 832 ووٹ حاصل کر سکے۔اس کے علاوہ تحریک لبیک پاکستان (ٹی ایل پی) کے امیدوار محمد شفاقت نے 4 ہزار 851 ووٹ حاصل کئے۔یاد رہے کہ یہ نشست مسلم لیگ ن کے رکن پنجاب اسمبلی چودھری ارشد وڑائچ کے انتقال کے بعد خالی ہوئی تھی۔لیگی امیدوار حنا ارشد وڑائچ  نے اپنی جیت کو وزیراعلیٰ پنجاب مریم نواز شریف اور اپنے مرحوم والد کے نام کر دیا، جیت پر حنا ارشد وڑائچ کے گھر پر جشن کا سماں رہا، کارکنوں نے بھنگڑے ڈالے اور آتش بازی کی۔

سمبڑیال ضمنی الیکشن میں مسلم لیگ ن نے میدان مارلیا،حنا ارشد وڑائچ کامیاب

پی ٹی آئی کے حمایت یافتہ امیدوار فاخر نشاط گھمن 39 ہزار 18 ووٹ لیکر دوسرے نمبر پر رہے

امریکی ریاست کولوراڈو میں اسرائیل کے حق میں ریلی پرنامعلوم شخص نے حملہ کر دیا جس سے 6 افراد زخمی ہوگئے جبکہ حملہ آور بھی زخمی حالت میں گرفتار کرلیا گیا۔غیر ملکی میڈیا رپورٹس کے مطابقامریکی ریاست کولوراڈو کے شہر بولڈر میں اسرائیل کے حق میں نکالی گئی ایک ریلی اس وقت پرتشدد واقعے میں بدل گئی جب ایک نامعلوم شخص نے ہجوم پر پیٹرول بم پھینک دیے۔ اس واقعے میں 6 افراد زخمی ہو گئے، جن میں سے بعض کی حالت نازک بتائی جا رہی ہے۔ حملہ آور کو بھی زخمی حالت میں حراست میں لے لیا گیا ہے۔عینی شاہدین کے مطابق واقعہ ایک شاپنگ مال کے قریب پیش آیا، جہاں اسرائیل کے حق میں مظاہرہ جاری تھا۔حکام کا کہنا ہے کہ حملہ آور نے واقعے کے دوران ’’فلسطین آزاد کرو‘‘ کا نعرہ بھی لگایا۔زخمیوں کو فوری طور پر قریبی اسپتال منتقل کر دیا گیا، جبکہ پولیس نے علاقے کو گھیرے میں لے کر تحقیقات شروع کر دی ہیں۔ابتدائی طور پر واقعے کی وجہ واضح نہیں ہو سکی، تاہم ایف بی آئی نے اسے ممکنہ دہشت گردی کا واقعہ قرار دیتے ہوئے تفتیش کا دائرہ وسیع کر دیا ہے۔

امریکی ریاست کولوراڈو میں اسرائیل کے حق میں ریلی پرنامعلوم شخص نے حملہ کر دیا

حملہ آور نے واقعے کے دوران ’’فلسطین آزاد کرو‘‘ کا نعرہ بھی لگایا،پولیس نے حملہ آور کو حراست میں لے لیا

حسینہ واجد کو بڑا جھٹکا ،بنگلا دیش میں بڑی تبدیلی آگئی،بنگلا دیش کے کرنسی نوٹوں سے ملک کے بانی اور سابق وزیراعظم شیخ حسینہ کے والد شیخ مجیب الرحمان کی تصویر ہٹا دی گئی اور نئے ڈیزائن والے نوٹ جاری کر دیے گئے۔بنگلادیش میں گزشتہ سال طلبہ کے ملک گیر احتجاج کے بعد شیخ حسینہ واجد کی 16 سالہ مطلق العنان حکمرانی کا خاتمہ اور بھارت فرار ہونے کے بعد دوسری بڑی تبدیلی رونما ہو گئی ہے۔میڈیارپورٹس کے مطابق بنگلا دیش نے گزشتہ روزنئے بینک نوٹ جاری کیے ہیں جن پر ملک کے بانی صدر اور معزول وزیر اعظم شیخ حسینہ کے والد شیخ مجیب الرحمٰن کی تصویر نہیں ہے۔ترجمان بنگلادیشی مرکزی بینک کے مطابق اب نوٹوں پر کسی انسانی شخصیت کی تصویر شامل نہیں کی جائے گی اور اس کی بجائے قدرتی مناظر، تاریخی مقامات، مندروں، محلات اور دیگر ثقافتی ورثے کو اجاگر کرنے والی تصاویر نوٹوں پر شامل کی گئی ہیں۔نئے ڈیزائن میں بنگالی مصور زین العابدین کے بنگال کے قحط پر بنائے گئے معروف فن پارے کو بھی جگہ دی گئی ہے۔ترجمان کے مطابق ابھی 20، 50 اور 1000مالیت کے نوٹ جاری کیے گئے ہیں۔انہوں نے مزید بتایا کہ مختلف مالیت کے نوٹوں کا مرحلہ وار اجراء کیا جائے گا۔ پرانے نوٹ اور سکے ابھی گردش میں رہیں گے۔یاد رہے کہ گزشتہ سال 5 اگست کو بنگلادیش میں پرتشدد مظاہروں اور ان میں سیکڑوں ہلاکتوں کے بعد بنگلادیش کی وزیراعظم شیخ حسینہ واجد استعفیٰ دے کر بھارت فرار ہوگئی تھیں۔

بنگلا دیش میں نئے کرنسی نوٹوں سے ملک کے بانی شیخ مجیب الرحمٰن کی تصویر ہٹادی گئی

اب نوٹوں پر کسی انسانی شخصیت کی تصویر شامل نہیں کی جائے گی، ترجمان مرکزی بینک بنگلادیش

ٹی20 سیریز کے آخری میچ میں پاکستان نے بنگلا دیش کو7وکٹوں سے ہرا کر سیریز میں کلین سوئپ کرلیا، بنگلا دیش کو وائٹ واش کا سامنا کرنا پڑا، قومی ٹیم نے بنگلادیش کا دیا گیا 197 رنز کا ہدف18ویں اوورز میں 3 وکٹوں کے نقصان پر حاصل کرلیا۔محمد حارث نے تیسرے میچ میں کیریئر کی پہلی اور شاندار سنچری اسکور کی۔قبل ازیں لاہورکے قذافی اسٹیڈیم میں کھیلےگئے میچ میں پاکستان نے ٹاس جیت کر فیلڈنگ کا فیصلہ کیا۔بنگلادیش نے پہلےکھیلتے ہوئے مقررہ 20 اوورز میں 6 وکٹ کے نقصان پر 196 رنز بنائے۔بنگلادیش کا آغاز شاندار رہا، پرویزحسین اور تنزید حسن نے 110 رنز کی انتہائی مستحکم بنیاد رکھی۔تنزید 42 اور پرویز 66 رنز بنا کر آؤٹ ہوئے، لیکن اس کے بعد آنے والے بیٹرز بڑا اسکور نہ بناسکے۔لٹن داس نے 22 اور توحید ہری دوئے نے 25 رنز بنائے، بنگلا دیش کا اسکور 6 وکٹ پر196 رنز رہا۔پاکستان کی جانب سے حسن علی نے 38 رنز کے عوض 2 وکٹیں حاصل کیں، عباس آفریدی نے 26 رنز دے کر دو کھلاڑیوں کو آؤٹ کیا ۔197رنز کے ہدف کے تعاقب میں پاکستان کی جانب سے صاحبزادہ فرحان اور صائم ایوب نے بیٹنگ کا آغاز کیا، 8 کے مجموعی اسکور پر صاحبزادہ فرحان آؤٹ ہوکر پویلین لوٹ گئے، صائم ایوب اور محمد حارث نے شراکت داری قائم کر کے اسکور کو 100 پر پہنچایا تو صائم ایوب 29 گیندوں پر 4 چھکوں اور 2 چوکوں کی مدد سے 45 رنز بناکر آؤٹ ہوئے۔ اسی دوران محمد حارث نے اپنی نصف سنچری مکمل کی۔اس کے بعد 137 کے مجموعی اسکور پر حسن نواز 13 گیندوں پر 26 رنز بناکر آؤٹ ہوئے۔ محمد حارث نے 43 گیندوں پر 107 رنز کی شاندارناٹ آؤٹ کی اننگز کھیلی جبکہ سلمان آغا 15 رنز کے ساتھ ناٹ آؤٹ رہے۔بنگلا دیش کی جانب سے مہدی حسن میرزا 2 اور تنظیم حسن ایک وکٹ حاصل کرسکے، پاکستان نے 3 ٹی20 میچز کی سیریز0-3 سے اپنے نام کی۔

پاکستان نے تیسرے ٹی20 میں بنگلادیش کو 7وکٹوں سےہراکر کلین سوئپ کردیا

بنگلادیش کا 197 رنز کا ہدف پاکستان نے تین وکٹوں کے نقصان پر حاصل کرلیا، محمد حارث 107 رنز بنا کرناٹ آؤٹ رہے

جمعیت علمائے اسلام ف کے سربراہ مولانا فضل الرحمان نے کم عمری میں شادی کے قانون کے خلاف ملک بھر میں احتجاج کا اعلان کردیا۔پشاور میں نیوز کانفرنس سے خطاب کرتے ہوئے سربراہ جے یوآئی نے کہاکہ پاکستان کی شناخت اسلام ہے، ملک کی اسلامی شناخت کو ختم کیا جارہا ہے۔انہوںنے کہاکہ اس سے قبل جو قانون سازیاں ہوئیں ، آئی ایم ایف کی تجاویز کو بنیاد بنایا گیا، اقوام متحدہ کی قرار داد کا حوالہ دیکر کم عمر بچیوں کی شادیوں کا قانون سازی کی جا رہی ہے، صدر مملکت مدارس کے قانون پر دستخط نہیں کر رہے۔  مولانا فضل الرحمان نے کہا کہ قرآن و سنت کے منافی قانون سازی ہو رہی ہے، جمہوریت اپنا مقدمہ ہار رہی ہے، ایسے اقدامات کئے جا رہے ہیں کہ ملک میں مسلح گروہ کے بیانیے کو تقویت مل رہی ہے۔سربراہ جے یوآئی نے کہا کہ جنرل مشرف کے زمانے میں بھی خواتین سے متعلق قانون سازی کی گئی ، خلاصہ یہ ہے کہ جائز نکاح کیلئے مشکلات ، زنا بالجبر کے لئے آسانیاں پیدا کی جا رہی ہیں، اسلامی نظریاتی کونسل کم عمری شادی کے قانون کو مسترد کر چکی ہے۔مولانا فضل الرحمان نے کم عمری میں شادی کے قانون کے خلاف ملک بھر میں احتجاج کا اعلان کرتے ہوئے کہا کہ دنیا کے سامنے اپنا بیانیہ رکھیں گے۔انہوںنے کہاکہ نائن الیون کے بعد ہم نے عالمی انقلاب کی باتیں کیں، ہم ایک نئی سرد جنگ میں داخل ہو چکے ہیں، چین کی قیادت میں ایشیا نئی اقتصادی طاقت بننے جا رہا ہے،بھارت سے متعلق گفتگو کرتے ہوئے انڈیا پاکستان کی کشمکش ، توقع کی جا رہی تھی معاملات مفاہمت کیساتھ حل کئے جا رہے ہیں مودی کی حماقتیں جنگ پر لے آئیں۔انہوں نے کہا کہ پی پی پی کی مثال پر لطیفہ یاد آگیا، پی پی پی نے پی ٹی آئی کے خلاف احتجاج اس لئے کیا کہ انہوں نے پیپلز پارٹی کا کرپشن کابھی ریکارڈ توڑ لیا۔سربراہ جے یوآئی نے کہاکہ افغانستان اور پاکستان کے تعلقات ناگزیر ہیں، سی پیک کو افغانستان اور دوسری ریاستوں کی طرف بڑھانا نیک شگون ہے۔

مولانا فضل الرحمان نے کم عمری میں شادی کے قانو ن کیخلاف ملک گیر احتجاج کا اعلان کردیا

ملک کی اسلامی شناخت ختم کی جا رہی ہے، قرآن و سنت سے متصادم قانون سازی ناقابل قبول ہے،سربراہ جے یو آئی

پاکستان اور ترکیہ کی انٹیلی جنس ایجنسیوں کے مشترکہ آپریشن میں داعش کے انتہائی مطلوب دہشت گرد’’ابو یاسر الترکی‘‘ کو گرفتار کر لیا گیا ہے۔ ترک میڈیا اور سرکاری ذرائع کے مطابق اس کامیاب کارروائی میں پاکستان نے کلیدی کردار ادا کیا۔ترکیہ کے سرکاری خبر رساں ادارے’’انادولو ایجنسی‘‘ کے مطابق گرفتار ملزم کا اصل نام اوزغور آلتون ہے، جو دہشت گرد تنظیم داعش میں’’ابو یاسر الترکی‘‘ کے کوڈ نام سے جانا جاتا ہے۔ وہ ترکی میں متعدد دہشت گرد حملوں کا ماسٹر مائنڈ تصور کیا جاتا ہے اور طویل عرصے سے ترکی کی نیشنل انٹیلی جنس آرگنائزیشن (MIT) کو مطلوب تھا۔میڈیارپورٹس کے مطابق اوزغور آلتون کو پاک،افغان سرحدی علاقے سے گرفتار کیا گیا، جہاں وہ افغانستان سے پاکستان میں داخل ہونے کی کوشش کر رہا تھا۔ انٹیلیجنس معلومات کے تبادلے کے بعد آئی ایس آئی نے کارروائی کی اور اسے گرفتار کر کے ترکیہ کے حوالے کیا گیا، جہاں اب اس سے تفتیش جاری ہے۔اطلاعات کے مطابق ملزم داعش کے میڈیا، لاجسٹکس، اور جنگجوؤں کی منتقلی کے نیٹ ورک میں اہم کردار ادا کرتا رہا ہے۔ وہ یورپ اور وسطی ایشیا سے جنگجوؤں کو افغانستان منتقل کرنے اور ترکی سمیت دیگر ممالک میں دہشت گرد حملوں کی منصوبہ بندی میں ملوث رہا ہے۔ترک حکام نے پاکستان کے کردار کو سراہتے ہوئے کہا ہے کہ یہ کارروائی دونوں ممالک کے مابین سیکیورٹی تعاون میں نئی جہتوں کا آغاز ہے۔ یاد رہے کہ حالیہ دنوں میں وزیراعظم شہباز شریف کے دورہ استنبول کے دوران پاکستان اور ترکیہ نے دفاعی اور سیکیورٹی تعاون بڑھانے پر اتفاق کیا تھا۔سیکیورٹی ماہرین کا کہنا ہے کہ ابو یاسر الترکی کی گرفتاری نہ صرف ترکی بلکہ خطے میں داعش کے دوبارہ منظم ہونے کے امکانات کو شدید نقصان پہنچائے گی۔ اس سے قبل بھی داعش - خراسان کے ایک اہم کمانڈر محمد شریف اللہ کو پاکستانی ایجنسیوں نے گرفتار کر کے امریکا کے حوالے کیا تھا۔ وہ 2021 میں کابل ایئرپورٹ حملے کا ماسٹر مائنڈ تھا، جس میں 13 امریکی فوجی مارے گئے تھے۔اگرچہ عالمی سطح پر داعش کی طاقت کو کئی برس پہلے کمزور کیا جا چکا ہے، تاہم حالیہ مہینوں میں تنظیم نے دوبارہ سر اٹھایا ہے۔ مارچ 2024 میں ماسکو کے کنسرٹ ہال پر حملہ، جنوری میں ایرانی شہر کرمان کے بم دھماکے، اور جولائی میں عمان کی مسجد پر حملہ اس بات کا ثبوت ہیں کہ داعش اب بھی عالمی امن کے لیے خطرہ بنی ہوئی ہے۔

پاک افغان سرحد پر پاکستان اور ترکیہ کے مشترکہ آپریشن میں داعش کا اہم کمانڈر گرفتار

اوزغور آلتون کو داعش کا سب سے اہم ترک رکن قرار دیا گیا ہے، گرفتاری کے بعد اسے ترکیہ منتقل کردیا گیا

تھائی لینڈ سے تعلق رکھنے والی اوپل سچاتا چوآنگسری نےمس ورلڈ 2025کا عالمی اعزاز اپنے نام کرلیا،یوں وہ یہ اعزاز حاصل کرنے والی پہلی تھائی حسینہ بن گئیں۔دنیا کے سب سے بڑے مقابلہ حسن مس ورلڈ 2025 کی رنگا رنگ تقریب بھارت کے شہر حیدرآباد میں منعقد ہوئی، جہاں 108 ممالک سے حسیناؤں نے شرکت کی۔ تقریب میں خوبصورتی، ذہانت اور ثقافت کا حسین امتزاج دیکھنے کو ملا۔ایتھوپیا کی حسیت دیرجے اڈماسو کو پہلی رنر اپ قرار دیا گیا، جبکہ پچھلے سال کی فاتح کرسٹینا پسکووا نے اوپل چوآنگسری کو باقاعدہ طور پر تاج پہنایا۔یہ 72 واں عالمی مس ورلڈ مقابلہ تھا، جس کی میزبانی مس ورلڈ 2016 کی فاتح اسٹیفنی ڈیل ویلے اور بھارتی ٹی وی میزبان سچن کمبھار نے مشترکہ طور پر کی۔دلچسپ امر یہ ہے کہ بھارت نے مسلسل دوسرے سال اس عالمی ایونٹ کی میزبانی کی، جو بین الاقوامی سطح پر اس کی ثقافتی اہمیت کو اجاگر کرتا ہے۔میزبان ملک بھارت کی نمائندگی نندنی گپتا نے کی، جو فائنل 20 تک پہنچنے میں کامیاب رہیں، تاہم ٹائٹل حاصل نہ کرسکیں۔

اوپل سچاتا چوآنگسری مس ورلڈ 2025 کا تاج پہننے والی پہلی تھائی حسینہ بن گئیں

عالمی مقابلہ حسن بھارت کے شہر حیدرآباد میں منعقد ہوا، 108 ممالک کی حسیناؤں نے شرکت کی

پاکستان کے ہاتھوں جنگ میں شکست خوردہ بھارتی میڈیا نے دبئی میں ہندوستانی کمیونٹی کی جانب سے قومی ٹیم کے سابق کپتان شاہد آفریدی کو مدعو کرنے پر واویلا مچادیا۔میڈیارپورٹس کے مطابق دبئی میں بھارت کی کیرالا کمیونٹی کے ایونٹ میں پاکستانی اسٹارز شاہد آفریدی اور عمر گل کو مدعو کیے جانے پر بھارتی صحافی بھڑک اٹھے۔25 مئی کو دبئی میں کوچین یونیورسٹی بی ٹیک ایلومنائی ایسوسی ایشن کے زیر اہتمام ایک تقریب کا اہتمام کیا گیا جس میں شاہد آفریدی نے بھی شرکت کی۔سوشل میڈیا پر وائرل اس ایونٹ کی ویڈیو میں کیرالا کمیونٹی کے بھارتی شہری نہ صرف شاہد آفریدی سے ہاتھ ملانے کو بے تاب نظر آئے بلکہ ان کیلئے تالیاں بجائیں، نعرے لگائے، سیٹیاں بجائیں اور انہیں دیکھ کر اپنی خوشی کا بھرپور اظہار کیا۔ایونٹ میں شاہد آفریدی کو’’بوم بوم‘‘ کے نعروں کے ساتھ اسٹیج پر خوش آمدید کہا گیا اور وہ مسکراتے ہوئے جواب دیتے ہیں۔ہو گیا بوم بوم۔ دوسری جانب سوشل میڈیا پر ویڈیو سامنے آنے کے بعد ایک ہنگامہ برپا ہوگیا، بھارتی میڈیا نے اپنے ہی شہریوں کو تنقید کا نشانہ بنانا شروع کر دیا۔ ایک بھارتی صحافی نے سوشل میڈیا پر اعتراض اٹھایا کہ کیا بھارتیوں کو میزبانی کیلئے پاکستانی کرکٹرز ہی ملے تھے؟ خیال رہے کہ پہلگام واقعہ پر بھارتی فوج کی ناکامی پر سوال اٹھاتے ہوئے سابق کپتان شاہد آفریدی نے کہا تھا کہ وہاں پر پٹاخہ بھی پھٹ جائے تو پاکستان پر نام لگادیا جاتا ہے، مقبوضہ کشمیر میں 8 لاکھ بھارتی فوج ہونے کے باوجود یہ واقعہ ہوگیا اس کا مطلب تم نالائق اور نکمے ہو جو لوگوں کو سکیورٹی نہیں دے سکے۔بعدازاں بھارتی جارحیت کے جواب میں پاکستان کی کارروائی کے بعد شاہد آفریدی نے کراچی میں ریلی میں بھی شرکت کی تھی جس نے سوشل میڈیا پر بھارتیوں کو چراغ پَا کردیا تھا۔بھارت کے اندر مختلف نیوز چینلز اور سوشل میڈیا اکاؤنٹس نے شاہد آفریدی کو مدعو کرنے پر شدید ردعمل دیتے ہوئے کہا کہ جس شخص نے جنگی صورتحال میں پاکستان کی حمایت کی اُسے ایوارڈ دینا بھارتی قوم کی توہین ہے۔

کیرالاکمیونٹی ایونٹ میں شاہد آفریدی، عمر گل مدعوکرنے پر بھارتی صحافی بھڑک اٹھے

ایک بھارتی صحافی نے سوشل میڈیا پر اعتراض اٹھایا کہ کیا بھارتیوں کو میزبانی کیلئے پاکستانی کرکٹرز ہی ملے تھے؟

فیلڈ مارشل عاصم منیر نے کہا ہے کہ بلوچستان میں بھارتی مداخلت اب کسی سے چھپی ہوئی نہیں، دہشت گرد نیٹ ورکس کے شواہد ہیں۔وزیراعظم شہباز شریف کے ہمراہ کوئٹہ میں گرینڈ جرگے سے خطاب میں فیلڈ مارشل عاصم منیر نے کہا کہ اندرونی ہو یا بیرونی، دشمن کی ہر سازش کو ناکام بنائیں گے،بلوچستان میں دہشتگردی کے نیٹ ورکس کے پیچھے بھارت کا ہاتھ ہے، بھارتی پراکسی وار اب چھپی ہوئی نہیں بلکہ کھلی جارحیت میں تبدیل ہو چکی۔انہوں نے کہا کہ بلوچستان میں امن پر سودے بازی ہر گز نہیں ہوگی،خطاب میں فیلڈ مارشل سید عاصم منیر کا کہنا تھا کہ پاکستان کا مستقبل بلوچستان سے جڑا ہے۔ دشمن کی ہر سازش کو ناکام بنائیں گے، چاہے اندرونی ہو یا بیرونی، پاک فوج ہر خطرے کا بھرپور جواب دینے کیلئے تیار ہے۔فیلڈمارشل سید عاصم منیر نے کہا کہ ہمارے پاس بھارتی مداخلت کے واضح ثبوت ہیں، یہ ہماری قوم، ترقی اورامن کیخلاف کھلی دہشت گردی ہے، دشمن کے ناپاک عزائم ہرصورت ناکام بنائیں گے۔اس موقع پر وزیراعظم نے کہا کہ بھارتی سرپرستی میں دہشت گرد بلوچستان کے امن کی تباہی اور ترقیاتی منصوبوں میں رکاوٹ ڈالنے کے درپے ہیں، فتنہ الہند جیسے دہشت گرد گروہ کی مقامی حمایت کی کوششوں کو روکنا ہوگا۔وزیراعظم شہباز شریف نے قبائلی عمائدین کے مثبت کردار کو سراہتے ہوئے کہا کہ مقامی سطح پر رابطے اور شمولیت ضروری ہے تاکہ دہشتگردوں کوحمایت نہ ملے، دیرپاامن کے لیے دہشت گردی کے خلاف کوششوں کی کامیابی ناگزیر ہے، حکومت، افواج، قانون نافذ کرنے والے ادارے اور عوام دہشت گردی کیخلاف متحد ہیں۔وزیراعظم نے کہاکہ امن دشمن عناصر کو کوئی جگہ نہیں دی جائے گی، وزیراعظم نے واضح کیا کہ دہشت گردوں، ان کے سہولت کاروں اور مددگاروں کے خلاف فیصلہ کن کارروائی ہوگی، اس موقع پر قبائلی عمائدین نے حکومت اور افواجِ پاکستان کے ساتھ کھڑے ہونے کے عزم کا اظہار کیا۔

بلوچستان میں بھارتی مداخلت اب کسی سے چھپی ہوئی نہیں ہے،فیلڈ مارشل عاصم منیر

پاکستان کا مستقبل بلوچستان کے استحکام اور خوشحالی سے جڑا ہے،آرمی چیف کا کوئٹہ میں گرینڈ جرگے سے خطاب

پاکستان اور بنگلا دیش کے درمیان تین میچوں کی سیریز کا تیسرا اور آخری ٹی ٹوئنٹی کرکٹ میچ آج قذافی اسٹیڈیم لاہورمیں کھیلا جائے گا۔میچ رات آٹھ بجے شروع ہوگا اورٹیپمیڈ پربراہ راست دکھایاجائے گا۔پاکستان کو سیریز میں دو۔صفر کی فیصلہ کن برتری حاصل ہے۔بنگلا دیش کی ٹیم لٹن داس کی قیادت میں میدان میں اترے گی ، آل رائونڈر مہدی حسن نائب کپتان ہوں گےجبکہ دیگر اہم کھلاڑیوں میں نجم الحسن شانٹو،پرویز حسین،راشد حسین،سومیا سرکار،شمیم حسین،حسن محمود ،شرفل الاسلام اورتنویر اسلام شامل ہیں۔پاکستان کی ٹیم کو سلمان علی آغا لیڈ کریں گے جبکہ دیگر اہم کھلاڑیوں میں فخر زمان،صائم ایوب،حسن نواز،عرفان خان،محمد حارث،فہیم اشرف،خوشدل شاہ،حسین طلعت،شاداب خان،ابرا احمد،حسن علی ، محمد وسیم ، نسیم شاہ اور حارث رئوف شامل ہیں۔خیال رہے پاکستان نے پہلےٹی20 میچ میں بنگلادیش کو37 جبکہ دوسرے ٹی 20 میں 57 رنز سےشکست دی تھی۔

پاکستان اور بنگلا دیش کے درمیان تیسرا اور آخری ٹی ٹوئنٹی میچ آج کھیلا جائے گا

میچ رات آٹھ بجے شروع ہوگا ،پاکستان کو سیریز میں دو۔صفر کی فیصلہ کن برتری حاصل ہے

چیئرمین جوائنٹ چیف آف اسٹاف کمیٹی جنرل شمشاد مرزا کا کہنا ہے کہ جنوبی ایشیائی خطے میں نیوکلیئر تصادم کا خطرہ موجود ہے، پاکستان اور بھارت کے درمیان کشیدگی کی اصل جڑ مسئلہ کشمیر ہے، جس کا حل ناگزیر ہے۔جنرل ساحر شمشاد مرزا نے سنگاپور میں شنگریلا ڈائیلاگ سے خطاب کرتے ہوئے خبردار کیا کہ جنوبی ایشیا میں ایسے بہت سے تنازعات موجود ہیں جو کسی بھی وقت قابو سے باہر ہو سکتے ہیں۔ انہوں نے واضح کیا کہ خطے میں اب بھی غیر حل شدہ تنازع کشمیر موجود ہے۔ جنرل شمشاد مرزا نے خبردار کیا کہ جنوبی ایشیائی خطے میں نیوکلیئر تصادم کا خطرہ موجود ہے۔انہوں نے فورم پر جنوبی ایشیا میں تنازعات کے حل کے حوالے سے 8 اہم نکات پیش کیے۔انہوں نے کہا کہ ایشیا پیسفک کو مضبوط بنانے کے لیے جنوبی ایشیا کو کبھی نظرانداز نہیں کیا جا سکتا، جنوبی ایشیا میں دو اہم جوہری طاقتیں پاکستان اور بھارت موجود ہیں جن کے درمیان مسئلہ کشمیر اب تک حل طلب ہے، جنوبی ایشیا کی سلامتی کے لیے مذاکرات ناگزیر ہیں۔انہوں نے یہ بھی کہا کہ دونوں ایٹمی طاقتوں کے درمیان کئی دوسرے حل طلب مسائل بھی پائے جاتے ہیں، یہ تنازعات کسی بھی وقت قابو سے باہر ہو سکتے ہیں، اس سے نہ صرف علاقائی بلکہ عالمی سلامتی کو بھی خطرہ لاحق ہو سکتا ہے، ہمیں ادارہ جاتی پروٹوکول، ہاٹ لائنز کو مؤثر بنانے کی ضرورت ہے۔جنرل ساحر شمشاد نے کہا کہ ایشیا پیسیفک اب اکیسویں صدی کا جیوپولیٹیکل کاک پٹ بن چکا ہے، جہاں سٹریٹجک کشیدگی میں مسلسل اضافہ دیکھا جا رہا ہے، خطے میں بحرانوں سے نمٹنے کے ادارہ جاتی نظام نہ صرف نازک ہیں بلکہ غیر مساوی بھی ہیں، جس کی وجہ سے تنازعات کی شدت کم کرنے کے لیے مؤثر مکالمہ اور تعاون کا فقدان ہے۔چیئرمین جوائنٹ چیفس آف اسٹاف کمیٹی نے کہا کہ پائیدار کرائسس مینجمنٹ کے لیے باہمی برداشت، واضح ریڈ لائنز اور مساوی رویہ ناگزیر ہے، جب تک فریقین کو برابری کا درجہ نہیں دیا جاتا، کوئی بھی سٹریٹجک فریم ورک مؤثر ثابت نہیں ہو سکتا۔انہوں نے خبردار کیا کہ ایڈہاک اقدامات ناکافی ہیں، خطے کو ایسے ادارہ جاتی پروٹوکولز، فعال ہاٹ لائنز، کشیدگی میں کمی کے لیے طے شدہ طریقہ کار اور مشترکہ کرائسس مینجمنٹ مشقوں کی ضرورت ہے۔جنرل ساحر شمشاد نے زور دیا کہ مصنوعی ذہانت، سائبر حملے اور رئیل ٹائم بیٹل فیلڈ سرویلنس جیسے جدید حربے سٹریٹجک فیصلوں پر گہرے اثرات ڈال سکتے ہیں، اس لیے کرائسس مینجمنٹ میکنزم میں ان جدید حقیقتوں کو شامل کیا جانا چاہئے۔انہوں نے کہا کہ عالمی سطح پر طاقت اور مفادات اب اخلاقیات، اصولوں، ریاستی خودمختاری، علاقائی سالمیت، انسانی حقوق اور انصاف جیسے اقدار سے بالاتر ہو چکے ہیں، نظریاتی یا علاقائی اختلافات کو دبانے سے نہیں بلکہ پُراعتماد مکالمے اور مؤثر سٹریٹجک کمیونیکیشن سے ہی حل کیا جا سکتا ہے، غلط فہمیاں اور گمراہ کن معلومات کشیدگی کو ہوا دیتی ہیں۔انہوں نے کہا کہ مسئلہ کشمیر کا اقوام متحدہ کی قراردادوں کے مطابق حل جنوبی ایشیا میں امن کی بنیاد ہے، پاکستان اور بھارت کے درمیان کشیدگی کی اصل جڑ مسئلہ کشمیر ہے،جسکاحل ناگزیر ہے۔ پاکستان مسلسل بھارت اورعالمی برادری سے باضابطہ مذاکراتی نظام کی بحالی کا مطالبہ کررہاہے۔جنرل ساحر شمشاد مرزا نے کہا کہ پاکستان اصولوں پرمبنی ایساعالمی نظام چاہتا ہے جو خود مختاری اورضبط وتحمل پرقائم ہو، بھارت نے اقوام متحدہ کے چارٹرکی خلاف ورزی کرتے ہوئے عام شہریوں اورعبادت گاہوں کونشانہ بنایا، برابری،اعتماد اور حساسیت کی پاسداری کے بغیر کوئی بحران مؤثر طور پر حل نہیں ہو سکتا۔

جنوبی ایشیائی خطے میں نیوکلیئر تصادم کا خطرہ موجود ہے، چیئرمین جوائنٹ چیفس آف ا سٹاف کمیٹی

جنگ کے امکانات بڑھ گئے، جنوبی ایشیا میں تنازعات کبھی بھی بے قابو ہوسکتے ہیں، سنگاپور میں تقریب سے خطاب

وفاقی حکومت نےعید سے قبل پیٹرول کی قیمت میں ایک روپے کا اضافہ کردیا جبکہ ہائی اسپیڈ ڈیزل کے نرخ برقرار رکھے گئے ہیں۔وزارت خزانہ نے پیٹرولیم مصنوعات کی قیمتوں میں ردو بدل کا نوٹیفیکیشن جاری کردیا جس کے مطابق پیٹرول کی قیمت میں 1 روپے فی لیٹر اضافہ کیا گیا ہے۔وزارتِ خزانہ کی جانب سے جاری کردہ اعلان کے مطابق پیٹرول کی قیمت میں ایک روپے فی لیٹر اضافہ کیا گیا ہے، جبکہ ہائی اسپیڈ ڈیزل کی قیمت 254 روپے 64 پیسے فی لیٹر پر برقرار رکھی گئی ہے۔ نوٹیفکیشن کے تحت نئی قیمتیں گزشتہ رات یکم جون سے لاگو ہو گئی ہیں۔پیٹرول کی قیمت میں ہونے والے ایک روپے اضافے کے بعد اس کی قیمت 253 روپے 63 پیسے فی لیٹر مقرر کی گئی ہے۔ پیٹرولیم مصنوعات کی نئی قیمت کا اطلاق یکم جون سے اگلے 15 روز کے لیے ہوگا۔

حکومت نے عید سے قبل پٹرول کی قیمت میں ایک روپے فی لیٹر کا اضافہ کر دیا

اضافے کے بعدپٹرول کی نئی قیمت 253 روپے 63 پیسے ہوگئی جبکہ ڈیزل کی قیمت 254 روپے 64 پیسے فی لیٹر برقرار ہے

پاکستان تحریک انصاف (پی ٹی آئی) کے بانی اور سابق وزیراعظم عمران خان نے حکومت کے خلاف احتجاجی تحریک شروع کرنے کا اعلان کردیا۔پی ٹی آئی کے سینیٹر علی ظفر نے اڈیالہ جیل میں عمران خان سے ملاقات کی جس میں ملکی سیاسی وپارٹی امور پر تفصیلی گفتگو ہوئی۔ملاقات کے بعد اڈیالہ جیل کے باہر میڈیا سے گفتگو میں سینیٹر علی ظفر نے کہا کہ عمران خان نے کہا ہے کہ ہمیں عدلیہ اور ایگزیکٹو سے کوئی ریلیف نہیں مل رہا، ہمیں دیوار کے ساتھ لگایا گیا ہے، ہمارے پاس سڑکوں پر آنے کے علاوہ کوئی آپشن نہیں بچا۔انہوں نے کہا کہ ملک گیر تحریک کو بانی پی ٹی آئی جیل سے خود لیڈ کریں گے تاہم احتجاجی تحریک کا مرکز اسلام آباد نہیں ہوگا۔سینیٹر علی ظفر نے کہا کہ احتجاجی تحریک کا پلان بنا کر دینے کی ذمہ داری لگی ہے جو پوری کروں گا، چند دنوں میں احتجاجی تحریک کی حکمت عملی تیار ہو جائے گی جو بانی کو پیش کروں گا۔انہوں نے کہا کہ وکلا اور پارٹی قیادت سے مشاورت کے بعد منصوبہ بندی طے کریں گے، بانی پی ٹی آئی بہت سنجیدہ ہیں اب جو تحریک چلے گی ایسی تحریک اس سے پہلے کبھی نہیں چلی ہو گی۔سینیٹر کے مطابق عمران خان نے کہا کہ ہمیں دیوار کے ساتھ لگایا گیا ہے، ہمارے پاس سڑکوں پر آنے کے علاوہ کوئی آپشن نہیں بچا، ملک بھر میں احتجاج کریں گے جسے میں خود جیل سے لیڈ کروں گا، احتجاجی تحریک سے متعلق تمام ہدایات میں جیل سے دوں گا۔بانی پی ٹی آئی نے کہاکہ اس دفعہ تحریک پوری منصوبہ بندی اور تیاری کے ساتھ چلا کر نتیجہ خیز بنانا ہے، تحریک چلانے میں رکاوٹیں آتی ہیں لیکن ہمیں بھی طریقے آتے ہیں۔علی ظفر نے کہا کہ اگلی ملاقات کے بعد عمران خان خود ذمہ داریاں تفویض کریں گے، انہوں نے پارٹی لیڈرشپ کے بارے میں کہا کہ ان پر اعتماد ہے لیکن تحریک میں خود لیڈ کروں گا، تحریک کے حوالے سے ذمہ داریاں مختلف لوگوں کو دی جائیں گی۔ایک سوال کے جواب میں انہوں نے کہا کہ 5 جون کو بانی پی ٹی آئی کی کیس کی سماعت ہوتی ہے یا نہیں یہ سوالیہ نشان ہے لیکن ہمیں امید ہے کہ ریلیف ملے گا۔

عمران خان نے حکومت کے خلاف احتجاجی تحریک شروع کرنے کا اعلان کردیا

ہمیں دیوار کے ساتھ لگایا گیا ہے، ہمارے پاس سڑکوں پر آنے کے علاوہ کوئی آپشن نہیں بچا، بانی پی ٹی آئی

وزیراعظم محمدشہبازشریف نے کہاہے کہ اگلے مالی سال میں ایک ہزار ارب کے ترقیاتی پروگرام میں بلوچستان کا حصہ 250 ارب روپے ہوگا، بلوچستان کی ترقی پاکستان کی ترقی ہے،بلوچستان کے ساتھ کوئی ناانصافی نہیں ہوگی، فنڈز کی فراہمی کوئی احسان نہیں ہمارا فرض ہے، بلوچستان کے لوگوں کے گلے شکوے مل بیٹھ کر دور کئے جاسکتے ہیں ، دہشت گردوں کو کسی صورت برداشت نہیں کیاجاسکتا،ترقی وخوشحالی اور بدامنی اکٹھے نہیں چل سکتے ۔ وہ ہفتہ کو بلوچستان گرینڈ جرگہ سے خطاب کررہے تھے۔ اس موقع پر فیلڈ مارشل سید عاصم منیر ،قائم مقام گورنر کیپٹن(ر)عبدالخالق اچکزئی ،وزیراعلیٰ بلوچستان میرسرفرازبگٹی ،وفاقی وزراء احسن اقبال ،عطاء اللہ تارڑ،ڈپٹی چیئرمین سینیٹ سیدال خان ناصر،کور کمانڈر 12کور بلوچستان لیفٹیننٹ جنرل راحت نسیم احمد خان اراکین قومی اسمبلی جمال شاہ کاکڑ،نوابزادہ جمال خان رئیسانی ،میاں خان بگٹی،سینیٹرز انوار الحق کاکڑ،بلال خان مندوخیل ،عبدالقدوس بزنجو،صوبائی وزراء ،مشیر ،پارلیمانی سیکرٹریز ،ارکان بلوچستان اسمبلی ،چیف سیکرٹری بلوچستان شکیل قادر خان ،اعلیٰ سول وعسکری قیادت موجود تھی۔وزیراعظم شہبازشریف نے کہاکہ بلوچستان کے عوام کومبارکباد پیش کرتاہوں کہ 6، 7اور 10مئی کو بھارت نے پاکستان پر جو حملہ کیا تھا اس کے جواب میں افواج پاکستان نے بہادری اور دلیری کے ساتھ دشمن کو وہ شکست دی جس کو وہ عمر بھر یاد رکھے گا،بلوچستان اور دوسرے صوبوں کے بھائیوں اور بہنوں کا بھی ممنون ہوں کہ پاکستانی قوم یکجان ہوکر افواج پاکستان کے شانہ بشانہ کھڑی ہوگئی ،بطور وزیراعظم تمام واقعات کا عینی شاہد ہوں میں بلاخوف تردید بتاناچاہتاہوں کہ یہ مختصر ترین لیکن خطرناک جنگ تھی، فیلڈ مارشل سید عاصم منیر کی دلیرانہ ودانشمندانہ اور منظم قیادت کے تحت افواج پاکستان نے یہ جنگ جیت کر نہ صرف قوم کا مان بڑھایابلکہ ان کا سرفخر سے بلند کرتے ہوئے ہم نے 1971ء کا بدلہ لیا۔انہوںنے کہاکہ مخالف پاکستان کی عظیم کامیابی سے سہم گئے ہیںجبکہ پاکستان کے دوستوں کا حوصلہ آسمانوں سے باتیں کررہاہے ، انہوں نے کہا کہ پاکستان جب ایٹمی قوت بنا تو دنیا نے دیکھا کہ پاکستان نے بھارت کے 5دھماکوں کے مقابلے میں 6دھماکے کرکے بھارت کے اوسان خطا کئے۔وزیراعظم محمد شہباز شریف نے کہاکہ میں جرگے میں بلوچستان کے لوگوں کی باتیں سننے آیاہوں یہی قبائل تھے جنہوں نے قائداعظم  محمد علی جناح سے ملاقات میں انکی  قیادت کو قبول کرتے ہوئے پاکستان کا حصہ بننے کااعلان کیا۔ انہوں نے کہا کہ بلوچستان پاکستان کا انتہائی پیارا صوبہ ہے جہاں کے لوگ انتہائی بہادر اور دلیر ہیں ،گلے شکوے بھائیوں کے ساتھ بیٹھ کر دور کئے جاسکتے ہیں لیکن یہ دہشت گرد خون کے پیاسے ہیں ،انہیں پاکستان کی ترقی وخوشحالی ذرہ برابر بھی نہیں بھاتی ،ان لوگوں کے ہتھکنڈوں کو ناکام بنانے کیلئے سب کو ملکر کام کرنے کی ضرورت ہے ،جو خلاء اور نقائص ہیں مشاورت سے ان کو پْر کیاجاسکتاہے۔ انہوں نے کہا کہ ،2010 میں متفقہ این ایف سی ایوارڈ منظور ہوا، این ایف سی ایوارڈز کی منظوری میں اس وقت کی سیاسی قیادت نے اہم کردار ادا کیا۔انہوں نے کہاکہ قومی یکجہتی ،اتحاد واتفاق کیلئے صوبے کو 160ارب کی بجائے اگر 1600ارب روپے بھی نچھاور کرنا پڑے تو وہ بھی کم ہیں ،بلوچستان کے زمینداروں کیلئے وزیراعلیٰ بلوچستان کے ساتھ مل کر 70ارب روپے کے منصوبے پر کام جاری ہے ،این25چمن کوئٹہ کراچی شاہراہ  جسے خونی شاہراہ کہا جاتا ہے جس پر آئے روز حادثات میں قیمتی جانوں کا ضیاع ہوتا ہے ،ہماری 16ماہ کی حکومت میں اس منصوبے کو فنڈنگ بھی  دی اور دنیا میں جب تیل کی قیمتیں گریں تو ڈیڑھ سو ارب روپے کے ذریعے فائدہ پہنچاتے ہوئے این 25منصوبے کی تعمیر کیلئے لائحہ عمل بنایا، انہوں نے کہا کہ بلوچستان کے فاصلے بہت زیادہ ہیں ،وسیع رقبہ تقاضا کر تا ہے کہ انویسٹمنٹ کا حجم بھی زیادہ ہوناچاہیے ،تمام معاملات کو پیش نظررکھ کر ترقی کے حوالے سے فیصلے کئے گئے ہیں بلکہ آئندہ پی ایس ڈی پی میں ڈھائی سو ارب روپے کا فنڈز صرف بلوچستان کیلئے ہے ،وفاقی ترقیاتی پروگرام (پی ایس ڈی پی ) کا 25فیصد حصہ بلوچستان کیلئے ہے یہ یہاں کے لوگوں کا حق ہے ،ان وسائل کو شفاف طریقے سے مختلف اضلاع میں ایمانداری سے عوام کی ترقی وخوشحالی کے لئے استعمال ہونا چاہیے ۔انہوں نے کہاکہ،یقینا ًنوجوان وزیراعلیٰ بلوچستا ن اور ان کی ٹیم ایمانداری کے ساتھ کام کرر ہی ہے ، انہوں نے کہا کہ بطور وزیراعلیٰ پنجاب کوئٹہ میں دل کے ہسپتال کیلئے دو ارب روپے مختص کئے تھے ، وزیراعلیٰ مریم نواز نے بھی ان منصوبوں پر عملدرآمد جاری رکھا ہے، بطور وزیراعلیٰ پنجاب وہاں کے تعلیمی اداروں میں یہاں کے نوجوانوں کیلئے تعلیم کا حصول ہو یا دوسرے منصوبے ، 10فیصد حصہ بلوچستان کیلئے رکھاہے وزیراعظم نیکہاکہ بلوچستان کے لوگوں کے گلے شکوے سر آنکھوں پر لیکن دہشتگرد جو درندوں کے علاوہ کچھ نہیں انہیں ہم میں سے کوئی بھی برداشت نہیں کرسکتا، جو لوگ ورغلائے گئے جو بھٹک گئے ان کو واپس لانے کیلئے ہم سب کو مل کر بہترین کاوشیں کرنی چا ہیں انہوںنیکہاکہ،میری حکومت میں بلوچستان کے ساتھ معاشی ،سماجی ناانصافی کا تصور بھی نہیں کیاجاسکتا، سوراب میں جو دلخراش واقعہ پیش آیابتایاجائے کہ آگ اور پانی اکھٹے چل سکتے ہیں ؟ انہوں نے کہا کہ ترقی وخوشحالی اور بدامنی اکھٹے نہیں چل سکتے ،ہمارے پاس یہ نادر موقع ہے کہ پشاور سے لیکر کوئٹہ اور کوئٹہ سے کراچی تک اور کراچی سے لیکر لاہور تک پوری قوم یکجا ہے ،ہمیں آپس میں اتحاد واتفاق کو پیدا کرناہوگا ،مل بیٹھنے سے ایک کنبہ خوشحال اور توانا ہو تا ہے، اس کو نظر بد نہیں لگ سکتی۔

وزیراعظم نے بلوچستان کیلئے250 ارب روپے کا ترقیاتی فنڈ مختص کرنے کا اعلان کردیا

بھائیوں میں ناراضی ہو تو بیٹھ کر بات ہوتی ہے،عمائدین بتائیں وہ کون سی خرابیاں ہیں جنہیں دور کیا جائے، کوئٹہ گرینڈ جرگہ سے خطاب

بھارتی فوج نے بھی پہلی مرتبہ پاکستان سے جھڑپ میں بھارتی لڑاکا طیارے گرنے کا اعتراف کر لیا۔بھارتی افواج کے چیف آف ڈیفنس سٹاف جنرل انیل چوہان نے سنگاپور میں جاری شنگریلا ڈائیلاگ کے دوران بلوم برگ کو انٹرویو دیتے ہوئے اعتراف کیا کہ بھارتی فضائیہ نے لڑاکا طیارے کھوئے ہیں تاہم انہوں نے واضح طور پر تعداد بتانے سے گریز کیا اور اس بات پر زور دیا کہ طیارے گرنا اہم نہیں، یہ جاننا ضروری ہے کہ وہ کیوں گرے۔پاکستان کے ہاتھوں 6 بھارتی طیارے گرائے جانے سے متعلق امریکی جریدے کے سوال پر بھارتی فوج کے چیف آف ڈیفنس اسٹاف انیل چوہان نے کہا کہ بھارتی طیارے گرنے سے زیادہ یہ اہم ہے کہ وہ کیوں گرے، طیارہ گرایا گیا؟ انیل چوہان کا مزید کہنا تھا کہ تکنیکی غلطیوں کو پہچاننے اور انہیں درست کرنے کے 2 دن بعد طیاروں نے طویل ہدف پر نشانہ بنایا۔پاکستان کی جانب سے بھارت کے 6 طیارے گرائے جانے سے متعلق امریکی جریدے کے سوال پر بھارتی چیف آف ڈیفنس اسٹاف انیل چوہان نے گرنے والے طیاروں کی تعداد بتانے سے انکار کردیا۔تاہم ان کا کہنا تھا کہ یہ معلومات اہم نہیں، اہم یہ ہے کہ وہ گرے کیوں؟ یہ ان کے لیے زیادہ اہم ہے۔واضح رہے کہ گزشتہ روز بھارتی جنتا پارٹی (بی جے پی) کے سینئنر رہنما سبرامنیئم سوامی نے بھی ایک پوڈ کاسٹ کے دوران پاکستان کی جانب سے  بھارتی طیارے مار گرائے جانے کا اعتراف کیا تھا۔پاکستان نے7 مئی کو بھارت کی جانب سے پاکستانی سرزمین پر جارحیت کے ردعمل میں بھارت کے 6 طیارے مار گرائے تھے جن میں 3 رافیل بھی شامل تھے۔9 مئی کو ایک بریفنگ میں رافیل طیارے کے نقصان کے بارے میں ایک سوال کے جواب میں بھارتی فضائیہ کے ائیر مارشل اے کے بھارتی نے کہا تھا کہ نقصانات لڑائی کا حصہ ہوتے ہیں اور میں اس سے زیادہ تفصیل نہیں بتاسکتا، اس سے فریق مخالف کو فائدہ ہوتا ہے۔

بھارتی چیف آف ڈیفنس نے پاک فضائیہ کے ہاتھوں بھارتی طیاروں کی تباہی کا اعتراف کرلیا

پاکستان سے جنگ میں لڑاکا طیارے کھوئے ہیں، بھارتی جنرل کا بلومبرگ سے گفتگو میں اعتراف

اولمپک مقابلوں میں کامیابی حاصل کرنے کے بعد ایشین ایتھلیٹکس چیمپیئن شپ میں بھی ارشد ندیم نے گولڈ میڈل جیت کر پاکستان کا نام پوری دنیا میں روشن کر دیا۔ارشد ندیم نے فائنل کے 5 ویں راؤنڈ میں 86.40 میٹرز کی جیولین تھرو کرکے فائنل اپنے نام کیا ،یہ مقابلہ جنوبی کوریا کے شہر گومی میں منعقد ہو رہا تھا۔بھارت کے سچن یادیو 85.16 کی تھرو کر کے دوسرے نمبر پر رہے اورچاندی کا تمغہ حاصل کیا،جبکہ جاپان کے یوٹا ساکی یاما نے 83.75 میٹر تھرو کےساتھ تیسری پوزیشن حاصل کی اور کانسی کا تمغہ اپنے نام کیا۔پاکستان کے ارشد ندیم نے پہلی تھرو 75.64 میٹر کی پھینکی جبکہ دوسری کوشش میں ارشد ندیم کی تھرو 76.80 میٹر کی رہی، ارشد ندیم نے تیسری کوشش میں 85.57 میٹر کی تھرو پھینکی، ارشد ندیم نے چوتھی کوشش میں 83.99 میٹر کی تھرو پھینکی۔چوتھے راؤنڈ کے اختتام پر ارشد ندیم چارٹ پر پہلے نمبر پر موجود رہے جس کے بعد انہوں نے اپنی آخری تھرو 86.40 میٹر لمبی پھینکی اور بلآخر گولڈ میڈل اپنے نام کر لیا۔خیال رہے کہ گروپ اے کے کوالیفائنگ راؤنڈ میں ارشد ندیم نے اپنی پہلی ہی کوشش میں 86.34 میٹر کی شاندار تھرو کی تھی، جو اس مرحلے کی سب سے لمبی تھرو ثابت ہوئی۔ایشین ایتھلیٹکس چیمپئن شپ میں ارشد ندیم کی کامیابی پر ملک بھر میں جشن منایا جا رہا ہے۔ میاں چنوں میں ارشد ندیم کے گھر پر بھنگڑے ڈالے گئے ، میٹھائیاں تقسیم کی گئیں۔ارشد ندیم کے والدین خوشی سے نہال ہیں، ان کا کہنا ہے کہ پوری رات بیٹے کی کامیابی کیلئے دعائیں کیں۔دوسری جانب ایشین ایتھلیٹکس چیمپئن شپ کے جیولن تھرو فائنل میں شاندار کامیابی حاصل کرنے والے قومی ہیرو ارشد ندیم نے اپنی کامیابی پر قوم سے اظہارِ تشکر کرتے ہوئے کہا ہے کہ پوری قوم کا شکر گزار ہوں، جنہوں نے بھرپور دعائیں کیں۔ کامیابی پر جتنا بھی شکر ادا کروں کم ہے۔ارشد ندیم نے کہا کہ کسی بھی میدان میں کامیابی کے لیے محنت لازم ہے۔ انہوں نے نوجوانوں کو مخاطب کرتے ہوئے کہا کہ نوجوان محنت کریں، اللہ خود سپورٹ کرتا ہے۔ارشد ندیم نے مزید کہا کہ کھیل کوئی بھی ہو، اس میں محنت اور لگن ہی کامیابی کی کنجی ہے۔

ارشد ندیم نے ایشین ایتھلیٹکس چیمپئن شپ میں گولڈ میڈل جیت لیا

بھارت کے سچن یادیو 85.16 کی تھرو کر کے دوسرے نمبر پر رہے اورچاندی کا تمغہ حاصل کیا

قومی ٹیم کے سابق بابراعظم بنگلادیش کیخلاف سیریز سے باہر ہونے کے بعد سڑک پر نوجوانوں سے لڑ پڑے۔سماجی رابطے کی سائٹ ایکس (ٹوئٹر) پر ایک ویڈیو وائرل ہورہی ہے جس میں دیکھا جاسکتا ہے کہ بابراعظم سڑک کے بیچ میں کچھ مداحوں کے ساتھ الجھ رہے ہیں۔ویڈیو میں بابراعظم کو مداحوں نے گھیرا ہوا ہے اور کرکٹر تلخ لہجے میں انہیں کچھ کہہ رہے ہیں تاہم اسکی آواز واضح نہیں کہ معاملہ کیا ہوا۔بابراعظم نے ایک مداح کو دھکا دیتے ہوئے بھیڑ سے نکلے اور اپنی گاڑی کی طرف جاتے دیکھائی دیے، یہ ویڈیو کلپ سوشل میڈیا پر وائرل ہورہا ہے جس پر انہیں کڑی تنقید کا نشانہ بنایا جارہا ہے۔واضح رہے کہ دورہ نیوزی لینڈ میں بدترین پرفارمنس کے بعد بابراعظم کو ٹی20 اسکواڈ سے ڈراپ کردیا گیا تھا جبکہ بنگلادیش کیخلاف ٹی20 سیریز میں انہیں موقع نہیں دیا گیا۔

سابق کپتان بابراعظم سڑک پر نوجوان مداحوں سے الجھ پڑے، ویڈیو وائرل

ویڈیووائرل ہونے کے بعدسوشل میڈیا پلیٹ فارم پر کرکٹر کو نامناسب رویے پر شدید تنقید کا سامنا ہے

امریکا کے صدر ڈونلڈ ٹرمپ نے کہا ہے کہ پاکستانی نمائندے آئندہ ہفتے امریکا آرہے ہیں۔ جنوبی ایشیائی ملک ٹیرف سے متعلق معاہدہ کرنا چاہتے ہیں۔ میڈیارپورٹس کے مطابق صدر ٹرمپ نے یہ بات جوائنٹ بیس اینڈریوز پر میڈیا کے نمائندوں سے کہی۔صدر ٹرمپ نے کہا کہ وہ بھارت اور پاکستان دونوں کے ساتھ کام کررہے ہیں۔ امریکا اس وقت بھارت سے ڈیل کرنے کے بہت قریب ہے جبکہ پاکستانی نمائندے آئندہ ہفتے امریکا آرہے ہیں۔ پاکستان کو برآمدات پر امریکا کی جانب سے 29 فیصد ٹیرف کا سامنا ہے کیونکہ پاکستان کا تجارتی سرپلس 3ارب ڈالر ہے۔ جبکہ بھارت کو امریکا شپمنٹ پر 26 فیصد ٹیرف کا سامنا ہے۔قبل ازیںاوول آفس میں ایلون مسک کی موجودگی میں میڈیا سے بات کرتے ہوئے صدر ٹرمپ نے کہا کہ ہم نے پاکستان اوربھارت کوجنگ سے روکا، یہ نویں بار تھا کہ صدر ٹرمپ نے کہا کہ بھارت اور پاکستان کے درمیان کشیدگی جوہری تباہی کا باعث بن سکتی تھی۔صدر ٹرمپ نے کہا کہ جنگ بندی پر وہ پاکستان اوربھارت کے رہنماوں کے شکر گزار ہیں۔تاہم انہوں نے یہ واضح کیا ہےکہ ان لوگوں کے ساتھ تجارت نہیں کرسکتے جوایک دوسرے پرگولیاں برسارہے ہوں۔انہوں نے مزید کہا کہ اگر بھارت اور پاکستان لڑرہے ہوں تو انہیں ان دونوں ممالک سے ٹریڈ معاہدہ کرنے میں کوئی دلچسپی نہیں۔ امریکی صدر نے یہ بھی کہا کہ امریکا کسی سے بھی بہتر لڑسکتا ہے، ہمارے پاس دنیا کی سب سے بڑی فوج ہے۔انہوں نے مزید کہا کہ اسرائیل اور حماس کے درمیان جنگ بندی معاہدہ جلد ہوسکتا ہے، امریکا اور ایران جوہری پروگرام معاہدے کے قریب ہیں۔امریکی صدر کا کہنا تھا کہ چینی صدر شی جن پنگ سے تجارت اور ٹیرف پر بات کروں گا، امید ہے تجارت اور ٹیرف پر امریکا چین اختلافات دور ہوجائیں گے۔ڈونلڈ ٹرمپ نے مزید کہا کہ غیرملکی طالب علموں کو فی الحال امریکا سے نہیں نکال رہے، ہارورڈ یونیورسٹی کے ساتھ لڑائی کے باوجود چاہتا ہوں غیرملکی طلبا یہاں تعلیم حاصل کریں۔

ٹیرف پر مذاکرات کیلئےپاکستانی نمائندے آئندہ ہفتے امریکا آرہے ہیں،امریکی صدر ٹرمپ

پاکستان اور بھارت سے کہا ایٹمی ہتھیاراستعمال کرنے والوں کے ساتھ تجارت نہیں کریں، امریکی صدر

The Bangladesh tour of Pakistan will commence on 21st August and the tour will consist of red-ball cricket only. 

PAK vs BAN Live Telecast & Live Score of 1st Test

<p>The Pakistan vs Bangladesh&nbsp;<a href="http://www.tapmad.com/blog/pak-vs-ban-bangladesh-tour-of-pakistan-2024-schedule-squads/362-2-0">test series</a>&nbsp;will commence on 21st August and the tour will consist of red-ball cricket only.&nbsp;</p>

<p>The PAK vs BAN 2024 test series will be the seventh Test series between the two Asian rivals, with Pakistan solely dominating in the previous six encounters.&nbsp;</p>

<p>Both teams will be eyeing a series victory as the upcoming Pakistan vs Bangladesh series will form part of the ICC World Test Championship.&nbsp;</p>

<p>With a humiliating exit from the CWC 2024 and rumors of issues between team members, the Bangladesh tour of Pakistan is the ideal chance for the men in green to improve their stats and reputation.&nbsp;</p>

<p>On the other hand, Bangladesh, who have been hit with protests and <a href="https://www.tapmad.com/blog/pakistan-vs-bangladesh-bcb-president-resigns-amid-2024-bangladesh-tour-of-pakistan/416-2-0">turmoil back home</a>, hope to bring some respite to their citizens with a series victory on foreign soil.&nbsp;</p>

<h2>Where to watch Pakistan national cricket team&nbsp;vs Bangladesh national cricket team 1st Test match live?</h2>

<p>tapmad has secured the <a href="http://www.tapmad.com/watch/pakistan-vs-bangladesh-live-test/011611">live streaming</a> rights for the Pakistan vs Bangladesh&nbsp;series.&nbsp;</p>

<p>With both matches taking place in Rawalpindi, tapmad&#39;s PAK vs BAN live streaming&nbsp;is offering the perfect solution to every cricket fans&rsquo; problem who reside out of the twin cities.&nbsp;</p>

<p>So what could be better than watching your favorite players play from the comfort of your home? It&rsquo;s time to indulge yourself in the world of limitless live cricket streaming.&nbsp;</p>

<h2>Pakistan vs Bangladesh&nbsp;1st Test live telecast in Pakistan</h2>

<p>The Pakistan vs Bangladesh two match test series live telecast will be available on PTV Sports.&nbsp;</p>

<h2>Pakistan vs Bangladesh live streaming in India</h2>

<p>The PAK vs BAN test series&nbsp;will not be live telecast or live streamed in India.</p>

<h2>When will the Pakistan vs Bangladesh&nbsp;1st test match start?</h2>

<p>The PAK vs BAN&nbsp;test matches will begin at 10 AM (PST).</p>

<h2>When will the Bangladesh tour of Pakistan begin?</h2>

<p>The PAK vs BAN <a href="https://www.tapmad.com/blog/saim-ayub-scores-1st-half-century-in-pakistan-vs-bangladesh-1st-test-match/419-2-0">1st test</a>&nbsp;will begin on 21st August. The 1st test match will be played from 21st-25th August and the 2nd test will be played from 30th Aug till 3rd September in Rawalpindi.&nbsp;</p>

PAK vs BAN Live Streaming - How & Where To Watch Live in Pakistan & India?

Where to watch Pakistan national cricket team vs Bangladesh national cricket team 1st Test match live?

Pakistan vs Bangladesh 1st Test live telecast in Pakistan

Pakistan vs Bangladesh live streaming in India

When will the Pakistan vs Bangladesh 1st test match start?

When will the Bangladesh tour of Pakistan begin?

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan