Cricket

Entertainment

Football

کولمبیا کا مشہور ٹماٹر میلہ گران ٹومیٹینا فیسٹیول رنگ و رونق کے ساتھ واپس لوٹ آیا، جس میں ہزاروں افراد نے شرکت کی۔ یہ فیسٹیول کئی سال تعطل کے بعد دوبارہ منایا گیا ہے، 2020 اور 2021 میں یہ ایونٹ کوویڈ19وبا کے باعث منسوخ کر دیا گیا تھا، بعدازاں ٹماٹروں کی بڑھتی ہوئی قیمتوں اور صدارتی انتخابات کی مصروفیات کی وجہ سے ایونٹ ملتوی ہوتا رہا۔ سوٹا مارچن کی گلیوں میں شرکا نے ایک دوسرے پر 45ٹن سے زائد ٹماٹر پھینکے، جس کا مقصد صرف تفریح نہیں بلکہ مقامی معیشت میں ٹماٹر کی اہمیت کو خراجِ تحسین پیش کرنا بھی تھا۔منتظمین کے مطابق 3 روزہ فیسٹیول کے دوران تقریبا 20 ہزار سیاحوں کی آمد متوقع ہے، یہ ایونٹ ناصرف کولمبیا بلکہ بین الاقوامی سیاحوں کیلیے بھی ایک منفرد اور دلچسپ موقع فراہم کرتا ہے۔اس میلے کی بنیاد اسپین کے شہر بونیول میں ہونے والے لا ٹومیٹینا فیسٹیول سے متاثر ہو کر رکھی گئی تھی۔

کولمبیا میں ایک دوسرے پر ٹماٹرپھینکنے کا فیسٹیول دوبارہ شروع

تین روزہ فیسٹیول کے دوران تقریبا 20 ہزار سیاحوں کی آمد متوقع ہے،منتظمین

تہران(این این آئی)ایران کے سرحدی شہر سرباز میں 2پاکستانیوں کو قتل کردیا گیا۔اہلخانہ کے مطابق مقتول پاکستانیوں کا تعلق احمد پور شرقیہ اورکراچی سے ہے، دونوں پاکستانی ایران میں حجام کی دکان پرکام کرتے تھے۔بہاولپور سے تعلق رکھنے والے مجاہدکے بھائی کے مطابق اس کا بھائی کئی سال سے ایران میں مزدوری کرتا تھا،گزشتہ رات ملزمان نے مجاہد کو قتل کرنے کے بعد ویڈیو بھیجی۔مقتول کے بھائی فاروق کے مطابق ملزمان نے بھائی کو اغوا کرکے تاوان طلب کیا تھا، فاروق کے مطابق جاں بحق ہونے والے دوسرے مزدور محمد فہیم کا تعلق کراچی سے ہے۔واضح رہے کہ 2 ماہ قبل بھی ضلع بہاولپور کے 8 مزدوروں کو ایران میں قتل کردیا گیا تھا۔

ایران کے سرحدی شہر سرباز میں 2 پاکستانیوں کو قتل کردیا گیا

مقتول پاکستانیوں کا تعلق احمد پور شرقیہ اورکراچی سے ،حجام کی دکان پرکام کرتے تھے،اہلخانہ

چیئرمین پی ٹی آئی بیرسٹر گوہر خان نے کہاہے کہ بانی پی ٹی آئی نے کہا ہے اب اسلام آباد کی کال کے بجائے پورے ملک میں احتجاج ہو گا، بانی پی ٹی آئی احتجاجی تحریک کو خود لیڈ کریں گے۔چیئرمین پی ٹی آئی بیرسٹر گوہر خان نے بانی پی ٹی آئی سے ملاقات کے بعد راولپنڈی کی اڈیالہ جیل کے باہر میڈیا سے گفتگو کرتے ہوئے کہا کہ بانی پی ٹی آئی سے توشہ خانہ ٹو کیس کے موقع پر ملاقات ہوئی، انہوں نے کہا ہے کہ سارے دروازے بند کر دیے گئے ہیں۔چیئرمین پی ٹی آئی کے مطابق بانی پی ٹی آئی نے کہا ہے کہ احتجاجی تحریک سے متعلق تمام ہدایات عمر ایوب کو دی جائیں گی، بانی پی ٹی آئی نے احتجاج کا ابھی کوئی ٹائم فریم نہیں دیا، جو وہ خود دیں گے، انہوں نے کہا ہے کہ وہ پی ٹی آئی کے پیٹرن ان چیف ہوں گے۔بیرسٹر گوہر نے بتایا کہ تمام فیصلے بانی پی ٹی آئی ہی کریں گے جس طرح پہلے کرتے تھے، مجھے چیئرمین شپ سے ہٹانے کی باتیں افواہیں پھیلانے والے لوگ کر رہے ہیں، بانی پی ٹی آئی پیٹرن چیف ہیں، میں پارٹی کا چیئرمین رہوں گا۔انہوں نے کہا کہ پارٹی کا چیئرمین نہ ہونے کی صورت میں سب کو پتہ ہے نتائج کیا ہوں گے، احتجاج کی ذمے داری ہمیشہ علی امین گنڈا پور کو دی جاتی تھی اب ایسا نہیں ہے، احتجاج سے متعلق مختلف لوگوں کو مختلف ذمے داریاں دی جائیں گی۔بیرسٹر گوہر کے مطابق بانی پی ٹی آئی نے پارٹی لیڈر شپ پر کوئی عدم اعتماد نہیں کیا ہے، میں ابھی بھی چاہتا ہوں کہ مسائل بات چیت کے ذریعے حل ہوں، سمبڑیال الیکشن میں دھاندلی کی گئی، ہم کسی صورت پاکستان کو نقصان پہنچانے کی کوشش نہیں کریں گے۔انہوںنے کہاکہ بانی پی ٹی آئی کے کیسز نہیں لگتے ہیں تو شنوائی نہیں ہوتی، ہماری کسی سے کوئی بات نہیں ہو رہی، بانی پی ٹی آئی نے اسٹیبلشمنٹ سے مذاکرات کا آپشن کھلا رکھا ہے۔

عمران خان نے کہا ہے اب پورے ملک میں احتجاج ہو گا، جسے وہ خود لیڈ کرینگے،بیرسٹر گوہر

بانی پی ٹی آئی نے اسٹیبلشمنٹ سے مذاکرات کا آپشن کھلا رکھا ہے،چیئرمین پی ٹی آئی کی میڈیاسے گفتگو

پشاور(این این آئی) وزیر اعظم محمد شہبازشریف نے کہاہے کہ فیلڈ مارشل کی قیادت میں بھارت کو جو سبق سکھایا وہ زندگی بھر نہیں بھولے گا،جب مورخ پاکستان کی تاریخ لکھے گا، خیبرپختونخوا کے عوام کی اس 77 سالہ تاریخ میں جو عظیم قربانیاں اور جدوجہد ہیں، وہ ہمیشہ سنہری حروف سے یاد رکھی جائیں گے۔پشاور میں امن وامان پر جرگے کا انعقاد کیا گیا ہے جس میں وزیراعظم شہباز شریف، فیلڈ مارشل عاصم منیر، وزیراعلیٰ خیبرپختونخوا علی امین گنڈا پور اور گورنر فیصل کریم کنڈی سمیت دیگر سیاسی وعسکری قیادت اور قبائلی عمائدین شریک ہوئے۔وزیراعظم شہباز شریف نے امن وامان پر جرگے سے خطاب کرتے ہوئے کہا کہ 6 اور 7 مئی کو جس طرح دشمن نے گھات لگاکر حملہ کیا اور بے گناہ پاکستانیوں کو شہید کیا، جس کے جواب میں افواج پاکستان نے فیلڈ مارشل کی قیادت میں جو زندگی کا سبق سکھایا ہے وہ ہندوستان قیامت تک کبھی نہیں بھولے گا۔وزیراعظم شہباز شریف نے کہا کہ جرگے کے شرکا کو سلام پیش کرتا ہوں، خیبرپختونخوا بہت عظیم صوبہ ہے یہ بہت خوبصورت صوبہ ہے اور یہاں کے عوام دلیر، غیور اور غیرت مند قوم ہیں۔انہوںنے کہاکہ خیبرپختونخوا کے عوام نے 1947 میں پاکستان کا ساتھ دیا، صوبے کے عوام نے ہمیشہ پاکستان کا پرچم بلند کیا، آپ نے قوت اور دلیری کے ساتھ ہمیشہ پاکستان کا دفاع کیا۔انہوں نے کہا کہ یہاں کے عوام نے بہت قربانیاں دی جسے تاریخ کبھی بھلا نہیں پائے گا اورجب بھی پاکستان کی بات آئی، آپ نے تمام باتوں اور اختلافات کو ایک طرف کرکے پاکستان کا پرچم بلند کیا، میں آپ کو دل کی گہرائیوں سے تحسین پیش کرنے آیا ہوں۔شہباز شریف نے کہا کہ جب مورخ پاکستان کی تاریخ لکھے گا، خیبرپختونخوا کے عوام کی اس 77 سالہ تاریخ میں جو عظیم قربانیاں اور جدوجہد ہیں، وہ ہمیشہ سنہری حروف سے یاد رکھی جائیں گے۔انہوں نے کہا کہ 2016 میں اے پی ایس کا واقعہ ہوا تو کس طرح بچوں اور اساتذہ کو شہید کیا گیا جس میں سپایوں کے بچے بھی تھے، پشاور میں ایک میٹنگ میں سوچ سمجھ کر فیصلہ کیا گیا، اس کے بعد جو کچھ ہوا وہ ہم سب کے سامنے ہے۔انہوںنے کہاکہ قبائلی عمائدین نے جو آج باتیں کی ہیں، ہمیں ان پر سنجیدگی سے غور کرنا ہوگا اور مل بیٹھ کر فیصلے کرنا ہوں گے، علی امین گنڈا پور نے جو بات کی کہ این ایف سی ایوارڈ کو 15 سال ہوگئے اور اب اس کو دوبارہ نظرثانی کرنا ہوگی۔انہوں نے کہا کہ این ایف سی میں خیبرپختونخوا کے حصے کے حوالے سیکمیٹی تشکیل دی جائے گی جب کہ اگست میں این ایف سی سے متعلق پہلی میٹنگ بلائیں گے۔وزیراعظم نے کہا کہ 2010 کے ایوارڈ میں پہلا آئٹم خیبرپختونخوا کے لیے دہشت گردی کے خلاف جو وسائل ہیں، اس پر چاروں صوبوں نے ایک فیصد پر اتفاق کیا اور مختلف ادوار میں صرف اس مد میں خیبرپختونخوا کو 700 ارب روپے دیے گئے جب کہ دہشتگردی کیخاتمے تک کے پی کو فنڈ کی فراہمی کا سلسلہ جاری رہیگا۔انہوںنے کہاکہ خیبرپختونخوا دہشت گردی کے خلاف جنگ میں فرنٹ لائن صوبہ تھا اور آج بھی ہے جب کہ بلوچستان میں بھی دہشتگردی کے واقعات ہورہے تھے لیکن بلوچستان کو دہشت گردی سے نمٹنے کے لیے این ایف سی کے تحت فنڈ ملنے پر شامل نہیں کیا گیا تھا۔انہوں نے کہا کہ علی امین گنڈا پور نے دیگر مطالبات بھی کیے ہیں، جیسے این ایف سی ایوارڈ کے لیے کمیٹی بنائی، اسی طرح آپ کے معاملات کے لیے بیٹھ جاتے ہیں اور ایک کمیٹی تشکیل دے دیں گے جو اس کو سنجیدگی سے دیکھیں گے۔شہباز شریف نے کہا کہ بھارت کے ساتھ جنگ میں پاکستان کے جہاں باقی صوبوں کے عوام کی افواج پاکستان کے ساتھ دعائیں شامل تھیں، ویسے ہی پشاور سمیت دیگر جنوبی اضلاع میں ہمارے بھائیوں اور بہنوں نے افواج پاکستان کی کامیابی کے لیے دعائیں مانگیں۔انہوںنے کہاکہ 6 اور 7 مئی کو جس طرح دشمن نے گھات لگاکر حملہ کیا اور بے گناہ پاکستانیوں کو شہید اور زخمی کیا، ڈھائی بجے مجھے فیلڈ مارشل نے اٹھایا اور کہا کہ بھارت نے دوبارہ حملہ کردیا اور اس کے بعد جو افواج پاکستان نے فیلڈ مارشل کی قیادت میں جو زندگی کا سبق سکھایا ہے وہ ہندوستان قیامت تک کبھی نہیں بھولے گا۔انہوں نے کہا کہ پاکستان کو جس طرح اس جنگ میں عزت عطا فرمائے، اسی طرح معاشی میدان میں بھی پاکستان ایک عظیم قوم بن کر ابھرے گی، آج قوم ایک ہے تو ہمیں پاکستان کی کامیابی کے لیے بڑے اور کڑے فیصلے کرنے ہیں۔انہوںنے کہاکہ مودی سرکار کو جو شکست فاش ہوئی ہے، مودی سرکار اپنے شکست کے زخم چاٹ رہی ہے، غصے اور ہیجانی کیفیت میں ہے، کبھی کہتے ہیں کہ گولی ماریں گے تو کبھی کہتے ہیں پانی بند کریں گے تو میں واضح کردوں ، پانی کا ایک ایک قطرہ پاکستانیوں کا حق ہے جب کہ بھارت نے دوبارہ کوئی حرکت کی تو اسی طرح سبق سکھایا جائے گا۔شبہاز شریف نے کہا کہ پانی کے معاملے پر ہم نے فیصلہ کرنا ہے اور اس حوالے سے چاروں صوبوں کو دعوت دیں گے، بیٹھ کر بات کریں گے پانی کو ذخائر کو کس طرح بڑھانا ہے تاکہ بھارت کے ناپاک اور مذموم عزائم دفن ہوجائیں۔

وزیراعظم شہباز شریف کا این ایف سی ایوارڈ میں خیبرپختونخوا کے حصے پر کمیٹی تشکیل دینے کا اعلان

بھارت کے عزائم خاک میں ملانے کیلیے اب صوبوں کو ساتھ ملا کر پانی ذخیرہ کریں گے، پشاور میں جرگے سے خطاب

آسٹریلیا نے آئندہ سال کے آغاز میں پاکستان کے خلاف وائٹ بال سیریز کے لیے دورہ پاکستان کی باضابطہ تصدیق کر دی ہے۔کرکٹ آسٹریلیا کے نئے سی ای او ٹوڈ گرین برگ نے کہا ہے کہ آئندہ برس کے اوائل میں آسٹریلیا نے وائٹ بال سیریز کے لئے پاکستان کا دورہ کرنا ہے۔نیوز کانفرنس کرتے ہوئے ٹوڈ گرین برگ نے کہا کہ امید ہے یہ ایک مرتبہ پھر پاکستان کا اچھا دورہ ہو گا ، پاکستان کے خلاف سیریز ہمارے شیڈول کا ایک اہم حصہ ہے ،ریڈ بال اور وائٹ بال سیریز کے لئے پاکستان اور آسٹریلیا کی آپس میں اچھی بات چیت رہی ہے۔ انہوں نے کہا کہ ہمیں مزید سیریز کے لیے مواقع تلاش کرنا ہیں جو یقینی طور پر ہم کریں گے، ہم پاکستان میں سیریز کھیلنا چاہیں گے، 2022 میں طویل عرصے کے بعد پاکستان کا دورہ کیا تھا جو انتہائی شاندار رہا۔سی ای او کرکٹ آسٹریلیا نے کہا کہ ہم بگ بیش لیگ میں زیادہ سے زیادہ پاکستان کے کھلاڑیوں کو خوش آمدید کہیں گے ،پاکستان کے کھلاڑیوں کی کمیونٹی میں بہت مقبولیت ہے، ہماری کوشش ہے کہ پوری دنیا سے بی بی ایل کے لئے کھلاڑیوں کی توجہ حاصل کریں۔ اگر پاکستان کے کھلاڑی آتے ہیں تو یقینی طور پر وہ یہاں لطف اندوز ہوں گے ،ٹوڈ گرین برگ نے کہا کہ پاکستان کے کھلاڑیوں کے حوالے سے اس وقت بات چیت کا سلسلہ جاری ہے، امید ہے بی بی ایل کے اگلے ایڈیشن کے لئے چند کھلاڑیوں کی توجہ ضرور حاصل کریں گے۔

آسٹریلیا کی وائٹ بال ٹیم آئندہ برس پاکستان کا دورہ کرے گی، سی ای او کرکٹ آسٹریلیا

ہم پاکستان میں سیریز کھیلنا چاہیں گے، 2022 میں طویل عرصے کے بعد پاکستان کا دورہ کیا تھا جو انتہائی شاندار رہا

نیویارک (این این آئی)  جون 2025 کے آغاز میں فوربس کی نئی رپورٹ کے مطابق ایلون مسک ایک بار پھر دنیا کے امیر ترین شخص قرار پائے ہیں۔ ان کی دولت کا تخمینہ 423 ارب ڈالر لگایا گیا ہے، مئی میں ٹیسلاکی روبوٹیکسی لانچ کی خبروں کے باعث اسٹاک میں 23 فیصد اضافے سے ہوا۔میڈیارپورٹس کے مطابق اس ماہ فیس بک کے بانی مارک زکربرگ نے حیران کن طور پر جیف بیزوس کو پیچھے چھوڑتے ہوئے دوسری پوزیشن حاصل کرلی۔ ان کی دولت میں 34 ارب ڈالر کا اضافہ ہوا، جبکہ جیف بیزوس کی دولت 19 ارب ڈالر بڑھ کر 220 ارب ڈالر ہوئی۔مائیکروسافٹ کے سابق سی ای او اسٹیو بالمر نے بھی ترقی کرتے ہوئے اسپین کے زارا چین کے بانی امانسیو اورٹیگا کو پیچھے چھوڑ دیا اور نویں نمبر پر آ گئے۔ بالمر کی دولت 133 ارب ڈالر ہو گئی ہے۔اس فہرست میں وارن بفیٹ کو سب سے زیادہ نقصان اٹھانا پڑا۔ ان کی کمپنی برکشائر ہیتھاوے کے حصص میں 5 فیصد کمی کی وجہ سے ان کی دولت 9 ارب ڈالر کم ہوکر 158 ارب ڈالر رہ گئی۔فرانس کے برنار آرنو کی دولت میں بھی 3 ارب ڈالر کی کمی دیکھی گئی ہے، اور وہ اب 144 ارب ڈالر کے مالک ہیں۔فوربس کے مطابق دنیا کے 10 امیر ترین افراد کی مجموعی دولت اب 1.9 ٹریلین ڈالر ہے، جو مئی کے مقابلے میں 140 ارب ڈالر زیادہ ہے۔

ایلون مسک ایک بارپھردنیا کے امیر ترین شخص بن گئے

دنیا کے 10 امیر ترین انسانوں کی فہرست جاری، ایلون مسک سرفہرست

چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے کہا ہے کہ بھارت کے خلاف 96 گھنٹوں کی لڑائی مکمل طور پر اپنے وسائل سے لڑی، باہر سے کوئی مدد حاصل نہیں۔برطانوی نشریاتی ادارے بی بی سی کو دیے گئے اپنے ایک انٹرویو میں چیئرمین جوائنٹ چیفس آف اسٹاف کمیٹی نے کہ بھارت کیساتھ کشیدگی کےدوران کہیں سے کوئی مدد نہیں حاصل کی گئی۔ چین کی جانب سے پاکستان کی مدد کے لئے سیٹلائٹس کی پوزیشن بدلنے کے سوال پر جنرل ساحر شمشاد نے بتایا کہ پاکستان نے جو آلات استعمال کیے وہ یقیناً ایسے ہی ہیں جیسے بھارت کے پاس ہیں۔انہوں نے کہا ہے کہ پاکستان نے کچھ ساز و سامان دوسرے ممالک سے خریدا ہے، حقیقی وقت میں پاکستان نے صرف اور صرف اندرونی صلاحیتوں پر انحصار کیا۔ان کا کہنا تھا کہ اب کسی بھی تنازع کو بڑی جنگ میں بدلنے کیلئے بہت کم وقت اور جواز چاہیے، مستقبل میں اگر کوئی تنازع ہوا تو وہ صرف مخصوص علاقوں تک محدود نہیں رہے گا بلکہ پورے انڈیا اور پورے پاکستان کو متاثر کرے گا۔چیئرمین جوائنٹ چیفس آف سٹاف کمیٹی نے مزید کہا کہ پاک بھارت تنازعات حل کرنے کے لئے مؤثر اور منظم طریقہ کار موجود نہیں۔جنرل ساحر شمشاد مرزا نے مزید کہا ہے کہ ہنگامی رابطوں کیلئے صرف ڈی جی ایم اوز کی ہاٹ لائن پر ہی انحصار ہوتا ہے، آپ کا واسطہ انتہا پسند ذہنیت کے ساتھ ہو تو عالمی برادری کے پاس مداخلت کے لیے محدود وقت ہوتا ہے، اس بار امریکا اور دیگر ممالک نے کیا، وہ مہلت بھی اب بہت محدود ہو چکی ہے۔

باہر سے مدد نہیں لی،بھارت کیخلاف جنگ مکمل اپنے وسائل سے لڑی، جنرل ساحر شمشاد

پاکستان نے صرف اور صرف اندرونی صلاحیتوں پر انحصار کیا،چیئرمین جوائنٹ چیفس آف اسٹاف کمیٹی کا انٹرویو

کراچی کے پوش علاقے ڈیفنس میں نوجوان پر بہیمانہ تشدد کے کیس میں پولیس نے کارروائی کرتے ہوئے ایک اور ملزم کو گرفتار کر لیا ہے، جس کے بعد اس کیس میں گرفتار افراد کی تعداد چار ہو گئی ہے۔پولیس حکام کے مطابق گرفتار ہونے والا نیا ملزم واقعے کی وائرل ویڈیو میں واضح طور پر متاثرہ نوجوان پر تشدد کرتے ہوئے نظر آ رہا ہے۔ پولیس نے سی سی ٹی وی فوٹیج اور سوشل میڈیا پر موجود ویڈیوز کی مدد سے ملزم کی شناخت کی اور فوری طور پر کارروائی کرتے ہوئے اسے گرفتار کر لیا۔یاد رہے کہ اس کیس میں مرکزی ملزم کو گزشتہ روز گرفتار کیا گیا تھا، جس کے بعد پولیس نے باقی ملوث افراد کی تلاش کا دائرہ وسیع کر دیا تھا۔ واقعے کی ویڈیو سامنے آنے کے بعد شہری حلقوں میں شدید غم و غصہ پایا جا رہا ہے، اور سوشل میڈیا پر متاثرہ نوجوان کے لیے انصاف کا مطالبہ زور پکڑ رہا ہے۔پولیس کا کہنا ہے کہ گرفتار تمام افراد سے تفتیش جاری ہے اور دیگر ملزمان کی گرفتاری کے لیے بھی چھاپے مارے جا رہے ہیں۔ جلد ہی تمام ذمہ داروں کو قانون کے کٹہرے میں لایا جائے گا۔دوسری جانب کراچی کی سٹی کورٹ میں ڈیفنس میں نوجوان پر تشدد کے کیس کی سماعت ہوئی جس سلسلے میں پولیس نے ملزم سلمان فاروقی سمیت دیگر ملزمان کو عدالت میں پیش کیا۔پولیس نے عدالت سے ملزمان کے جسمانی ریمانڈ کی استدعا کی جسے عدالت نے منظور کرتے ہوئے 2 روز کا جسمانی ریمانڈ دے دیا۔ادھر عدالت میں پیشی کے موقع کی ایک ویڈیو سوشل میڈیا پر وائرل ہو رہی ہے جس میں ملزمان کو پولیس نے ریمانڈ کے لیے عدالت میں پیش کیا تووکلا مشتعل ہو گئے۔ پولیس کی جانب سے ملزمان کو عدالت سے باہر لے جانے کے دوران وکلاء کی جانب سے ملزمان کو مارو مارو کے نعرے لگائے۔ہجوم کی جانب سے مزید کہا گیا کہ تمہاری اپنی بیٹی ہوتی تو کیا کرتے، تم نے اس کو اتنا مارا کہ وہ پاؤں پڑھی اور ہاتھ جوڑے لیکن تمہیں شرم نہیں آئی۔یاد رہے کہ یکم جون کو کراچی کے علاقے ڈیفنس کے خیابان اتحاد کمرشل میں کار سوار نے موٹرسائیکل سوار پر تشدد کیا تھا۔پولیس کے مطابق موٹرسائیکل سوار شخص بہنوں کے ساتھ جا رہا تھا، موٹرسائیکل سے کار کو ٹکر لگی جس کے بعد کار سوار شخص نے موٹرسائیکل سوار شخص پر تشدد کیا۔

کراچی، ڈیفنس میں نوجوان پر تشدد کا واقعہ،پولیس نے ایک اور ملزم کو گرفتارکرلیا

مقدمہ میںگرفتار افراد کی تعداد 4 ہوگئی، شہری پر تشدد کے واقعے میں ملوث مرکزی ملزم کو کل ہی گرفتار کرلیا گیا تھا

کراچی کی ملیر جیل سے قیدیوں کے فرار کے واقعے کے بعد آئی جی سندھ غلام نبی میمن نے اگلے ہی صبح جیل کا ہنگامی دورہ کیا۔ انہوں نے جیل کی سیکیورٹی صورتحال کا تفصیلی جائزہ لیا اور متعلقہ حکام سے واقعے پر بریفنگ حاصل کی۔اس موقع پر میڈیا سے گفتگو کرتے ہوئے آئی جی سندھ نے بتایا کہ ملیر جیل میں قید اکثر قیدی منشیات سے متعلق مقدمات میں گرفتار ہیں، جن میں سے کئی افراد نفسیاتی مسائل کا بھی شکار ہیں۔ ان کا کہنا تھا کہ ایسے قیدیوں میں بے چینی، اضطراب اور اشتعال انگیزی کا رجحان زیادہ پایا جاتا ہے، جو ایسے افسوسناک واقعات کا سبب بن سکتا ہے۔غلام نبی میمن نے پولیس اور رینجرز کی جانب سے بروقت اور مؤثر کارروائی کو سراہا اور کہا کہ سیکیورٹی اداروں نے واقعے کے فوراً بعد علاقہ سیل کر کے سرچ آپریشن شروع کر دیا، جس کے نتیجے میں متعدد مفرور قیدیوں کو دوبارہ گرفتار کر لیا گیا ہے۔آئی جی سندھ نے مزید اعلان کیا کہ واقعے کی مکمل اور شفاف تحقیقات کے لیے ایک اعلیٰ سطحی تحقیقاتی کمیٹی قائم کی جا رہی ہے، جس میں پولیس، جیل حکام اور دیگر قانون نافذ کرنے والے اداروں کے افسران شامل ہوں گے۔ کمیٹی اس واقعے کے تمام پہلوؤں کا جائزہ لے کر ذمہ داروں کا تعین کرے گی تاکہ مستقبل میں اس نوعیت کے واقعات کی روک تھام کی جا سکے۔

ملیر جیل سے قیدیوں کے فرار کا واقعہ، آئی جی سندھ کا ہنگامی دورہ، اعلیٰ سطحی تحقیقاتی کمیٹی قائم

کمیٹی اس واقعے کے تمام پہلوؤں کا جائزہ لے کر ذمہ داروں کا تعین کرے گی ،آئی جی سندھ کی میڈیاسے گفتگو

اسلام آباد میں معروف ٹک ٹاکر ثناء یوسف قتل، چترال سے تعلق رکھنے والی متاثرہ لڑکی کو گھر میں گولیاں مار دی گئیںتفصیلات کے مطابق اسلام آباد کے سیکٹر جی-13 میں ایک دل دہلا دینے والا واقعہ پیش آیا ہے جہاں معروف ٹک ٹاکر ثناء یوسف کو فائرنگ کر کے قتل کر دیا گیا۔ مقتولہ کا تعلق خیبرپختونخوا کے ضلع چترال سے بتایا جا رہا ہے۔پولیس کے مطابق یہ افسوسناک واقعہ تھانہ سنبل کی حدود میں پیش آیا۔ عینی شاہدین اور ابتدائی اطلاعات کے مطابق حملہ گزشتہ روز شام تقریباً 5 بجے ہوا، جب ملزم ثناء یوسف کے گھر میں داخل ہوا اور اچانک ان پر فائرنگ کر دی۔ فائرنگ کے نتیجے میں ثناء یوسف کے سینے میں دو گولیاں لگیں جس سے وہ شدید زخمی ہو گئیں۔گھر والوں نے انہیں فوری طور پر اسپتال منتقل کیا، تاہم وہ زخموں کی تاب نہ لاتے ہوئے دم توڑ گئیں۔ واقعے کی اطلاع ملتے ہی پولیس موقع پر پہنچ گئی اور شواہد اکٹھے کر لیے گئے۔اس واقعے کا مقدمہ مقتولہ کی والدہ کی مدعیت میں تھانہ سنبل میں درج کر لیا گیا ہے۔ ایف آئی آر کے مطابق، مقتولہ کی والدہ نے بیان دیا ہے کہ وہ ملزم کو پہچانتی ہیں اور اسے سامنے آنے پر با آسانی شناخت کر سکتی ہیں۔ پولیس نے ملزم کی تلاش کے لیے تفتیش کا آغاز کر دیا ہے اور سی سی ٹی وی فوٹیجز سمیت دیگر شواہد کی مدد سے تحقیقات جاری ہیں۔تاحال قتل کی وجہ سامنے نہیں آ سکی، تاہم پولیس مختلف پہلوؤں سے معاملے کی جانچ کر رہی ہے۔ سوشل میڈیا پر بھی اس واقعے پر شدید غم و غصے کا اظہار کیا جا رہا ہے اور عوام انصاف کا مطالبہ کر رہے ہیں۔

اسلام آباد میں معروف ٹک ٹاکر ثناء یوسف کو فائرنگ کر کے قتل کر دیا گیا

ٹک ٹاکر ثناء یوسف کے قتل کا مقدمہ تھانہ سنبل میں مقتولہ کی والدہ کی مدعیت میں درج کر لیا گیا

کراچی میں زلزلے کے جھٹکوں کے دوران ملیر جیل سے200سے زائد قیدی فرار ہوگئے۔قیدیوں نے پولیس اہلکاروں سے اسلحہ چھین کر فائرنگ کی، فائرنگ کے دوران ایک قیدی ہلاک جبکہ 5 زخمی ہوگئے، 3 ایف سی کے اہلکار بھی زخمی ہوئے 80 قیدیوں کو مختلف علاقوں سے گرفتار کر لیا گیا، 9 مشتبہ افراد کو بھی حراست میں لے لیا گیا۔میڈیارپورٹس کے مطابق کراچی کی ڈسٹرکٹ جیل ملیر، جسے عرفِ عام میںبچہ جیل بھی کہا جاتا ہے میںزلزلے کے جھٹکوں کے پیش نظر قیدیوں کو بیرکوں سے باہر لایا گیا تھا۔ اس دوران بعض قیدیوں نے موقع کا فائدہ اٹھا کر فرار کی کوشش کی،جیل انتظامیہ کےمطابق چھ سو سے زائد قیدیوں نے جیل میں توڑ پھوڑکی،مرکزی دروازے پرکھڑے اہلکاروں سے اسلحہ چھینا اور زخمی کرکے فرار ہوگئے۔واقعے کےبعد پولیس کی دوڑیں لگ گئیں،قیدیوں کو فرارسے روکنے کیلئےشدید ہوائی فائرنگ کی گئی،جیل سپرنٹنڈنٹ کے مطابق بھاگنے والے 216 قیدیوں میں سے 100 کو دوبارہ گرفتارکرلیا گیا،100 سو سے زائد کی  تلاش جاری ہے۔واقعےمیں ایک قیدی ہلاک،3 زخمی ہوئے،2 ایف سی اور 2 پولیس اہلکاربھی زخمی ہیں،جنھیں جناح اسپتال منتقل کردیا گیا ہے۔واقعے کے بعد ڈی جی رینجرز سندھ ایس ایس پی ملیراوراعلی پولیس حکام ملیرجیل پہنچے،پولیس حکام کے مطابق فرار قیدیوں کی تلاش کےلیےمختلف علاقوں میں سرچ آپریشن جاری ہے۔اس حوالے سے وزیر داخلہ سندھ ضیاء الحسن لنجار کا کہنا تھا کہ دیوار کوئی توڑی نہیں گئی آٹھ سو سے زیادہ قیدی بیرکوں سے باہر تھے۔وزیر داخلہ سندھ ضیاء الحسن لنجار اور وزیر جیل سندھ علی حسن زرداری نے بھی واقعے کا نوٹس لیتے ہوئے آئی جی جیل اور ڈی آئی جیل سے فوری رپورٹ طلب کرلی ہے۔اب تک  80 سے زائد قیدیوں کو دوبارہ گرفتار کیا جا چکا ہے۔پولیس حکام کے مطابق قیدیوں کے خلاف مقدمات درج کیے جا رہے ہیں، جن میں جیل توڑنے، پولیس پر حملے اور دیگر دفعات شامل ہوں گی، آپریشن کے دوران 9 مشبتہ افراد کو بھی حراست میں لیا گیا ہے۔

کراچی میں زلزلے کے جھٹکوں کے دوران ملیر جیل سے200سے زائد قیدی فرار ہوگئے

زلزلے کے باعث قیدیوں کو بیرکوں سے باہر لایا گیا تھا،اب تک 80 سے زائد فرار قیدیوں کو دوبارہ گرفتار کر لیا گیا ہے

بلاول بھٹو نے کہاکہ بھارت کی جانب سے بغیر شواہد پاکستان پر الزام تراشی کی جارہی ہے جو قابل قبول نہیں۔ ہندوستان کی جانب سے پاکستان کے شہری علاقوں پر حملے اور سندھ طاس معاہدے کی معطلی خطے میں امن کے لیے خطرہ ہے۔ عالمی برادری جنوبی ایشیا میں کسی بھی تنازع سے قبل اس کا حل تلاش کرے۔پاک بھارت جنگ کے بعد پیدا شدہ صورت حال پر اپنا مؤقف پیش دنیا کے سامنے پیش کرنے کے لیے پاکستانی سفارتی وفد نیویارک میں موجود ہے۔ چیئرمین پیپلزپارٹی بلاول بھٹو کی قیادت میں وفد نے اقوام متحدہ میں چین، روس کے مندوبین اور دیگر کئی ممالک کے نمائندوں سے ملاقاتیں کرکے پاکستان کا مؤقف سامنے رکھا ہے۔ چیئرمین بلاول بھٹو زرداری نے بے بنیاد بھارتی الزامات کو اقوام متحدہ کی سلامتی کونسل کے منتخب اراکین کے سامنے دلائل کے ساتھ مسترد کیا۔چیئرمین بلاول بھٹو زرداری نےدنیا کو واضح پیغام دیا کہ بغیر کسی تحقیق یا شواہد کے پاکستان پر الزام تراشی ناقابلِ قبول ہے، بھارت کی جانب سے شہری علاقوں کو نشانہ بنانا اور سندھ طاس معاہدے کو معطل کرنا خطے کے امن کے لیے خطرہ ہے۔چیئرمین بلاول بھٹو زرداری کا کہنا تھا کہ سندھ طاس معاہدے کی معطلی سے پاکستان میں پانی کی قلت، غذائی بحران اور ماحولیاتی تباہی جنم لے سکتی ہے،عالمی برادری صرف تنازع کے بعد حل کی کوششوں تک محدود نہ رہے بلکہ جنوبی ایشیا میں دیرپا امن کے لیے تنازع سے قبل حل تلاش کرے۔اس موقع پر وفد میں شامل سینیٹر شیری رحمان، حنا ربانی، مصدق ملک و دیگر نے بریفنگ دیتے ہوئے کہا بھارت کی جانب سے شہری علاقوں کو نشانہ بنانا اور سندھ طاس معاہدے کو معطل کرنا خطے کے امن کے لیے خطرہ ہے، سندھ طاس معاہدے کی معطلی سے پاکستان میں پانی کی قلت، غذائی بحران اور ماحولیاتی تباہی جنم لے سکتی ہے۔اقوام متحدہ کی سلامتی کونسل کے منتخب اراکین نے پاکستان کی سفارتی کاوشوں کو سراہا۔

سندھ طاس معاہدے کو معطل کرنا،شہری علاقوں کونشانہ بنانا خطے کے امن کیلئے خطرہ ہے،بلاول

پاکستانی سفارتی وفد کی اقوام متحدہ میں چین، روس سمیت مختلف ممالک کے نمائندوں سے ملاقاتیں، بھارتی الزامات مسترد

وفاقی حکومت کی جانب سے عیدالاضحی پر 6 سے 9 جون تک چھٹیوں کا اعلان کردیا جس کا نوٹی فکیشن بھی جاری کردیا گیا ہے۔میڈیا رپورٹ کے مطابق عیدالاضحی کی تعطیلات 6 جون بروز جمعہ سے 9 جون بروز پیر تک ہوں گی، کابینہ ڈویژن نے سرکاری تعطیلات کا نوٹی فکیشن جاری کردیا۔کابینہ ڈویژن کی جانب سے وزیراعظم شہباز شریف کی منظوری کے بعد عیدالاضحٰی کی چھٹیوں کا نوٹیفکیشن جاری کیا گیا ہے۔واضح رہے کہ پاکستان میں ذوالحجہ 1446 ہجری کا چاند 30 مئی کو نظر آیا تھا، یکم ذوالحجہ 29 مئی کو تھی اور اس حساب سے پاکستان میں عید الاضحی 7 جون بروز ہفتہ ہوگی۔

وفاقی حکومت نے عیدالاضحی کی چھٹیوں کا اعلان کردیا، نوٹیفکیشن جاری

پاکستان میںعیدالاضحیٰ کی تعطیلات 6 جون بروز جمعہ سے 9 جون بروز پیر تک ہوں گی

بانی پاکستان تحریک انصاف (پی ٹی آئی) عمران خان نے چوتھی مرتبہ پولی گراف ٹیسٹ کروانے سے انکار کر دیا۔لاہور پولیس کی تفتیشی ٹیم ڈپٹی سپرنٹنڈنٹ آف پولیس (ڈی ایس پی) آصف جاوید کی سربراہی میں اڈیالہ جیل پہنچی تھی، تفتیشی ٹیم میں انسپکٹر محمد تصدق، انسپکٹر سلیم اور انسپکٹر نوید شامل تھے، پنجاب فارنزک یونٹ کے عابد ایوب بھی تفتیشی ٹیم میں شامل تھے۔تفتیشی ٹیم بانی پی ٹی آئی کا 9 مئی کے کیسز میں پولی گراف ٹیسٹ کرنے آئی تھی، لاہور پولیس پہلے بھی 3 مرتبہ بانی پی ٹی آئی کا پولی گراف، فوٹو گرامیٹک اور وائس میچنگ ٹیسٹ کرنے آچکی ہے۔تفتیشی ٹیم نے بانی پی ٹی آئی کیخلاف لاہور میں درج 9 مئی کے 11 مقدمات کے حوالے سے تفتیش کرنا تھی۔

بانی پی ٹی آئی عمران خان نے ایک بار پھر پولی گرافک ٹیسٹ کرانے سے انکار کردیا

پنجاب پولیس اور فرانز ک ماہرین چار گھنٹے انتظار کے بعد اڈیالہ سے واپس لاہور روانہ ہوگئے

اسلام آباد (این این آئی)وفاقی حکومت کے سالانہ بجٹ میں پیٹرول سمیت ہر قسم کی نقد خریداری کی حوصلہ شکنی کے لیے اضافی رقم لینے کی تجویز ہے۔نجی ٹی وی نے ذرائع کے حوالے سے بتایاکہ بجٹ 26-2025 میں نقد خریداری کی حوصلہ شکنی پر مبنی تجاویز فنانس بل کا حصہ بنانے کا فیصلہ کیا گیا ہے۔ذرائع کے مطابق پیٹرول پمپ سے نقد تیل خریدنے پر 3 روپے تک اضافی وصولی کی تجویز زیر غور ہے، اس سے پیٹرول پمپ پر ٹیکس چوری اور ملاوٹ پر قابو پانے میں مدد ملے گی، پیٹرول پمپس پر نقد کے ساتھ ڈیجیٹل ادائیگی کے اقدامات بھی کیے جائیں گے، کیو آر کوڈز، ڈیبٹ، کریڈٹ کارڈز اور موبائل ادائیگی کے اقدامات کیے جائیں گے۔ذرائع ایف بی آر کے مطابق مینو فیکچررز اور درآمد کنندگان نقد فروخت پر اضافی 2 فیصد ٹیکس لے سکیں گے، اس تجویز کو قابل عمل بنانے کے لیے کارپوریٹ سیکٹر کے ساتھ متعدد اجلاس ہو چکے ہیں، دکانوں پر نقد خریداری پر بھی اضافی ٹیکس عائد کرنے کی تجویز زیر غور ہے جبکہ ریسٹورنٹس پر پہلے ہی کارڈ سے ادائیگی پر ٹیکس کی چھوٹ ہے۔ذرائع کے مطابق بجٹ میں تنخواہ دار طبقے کے لیے ٹیکس کی شرح کی مد میں زیادہ ریلیف نہیں مل سکے گا، تنخواہ دار طبقے کے لیے ریلیف معمولی نوعیت کا ہو گا۔ایف بی آر ذرائع نے بتایا کہ خریدار زیادہ ٹیکس ادا کرنے کے بعد نقد ادائیگی کرنے میں آزاد ہوں گے، درآمد کنندگان اور مینوفیکچررز کو اپنیسپلائرز اور خریداروں کو ڈیجیٹل ادائیگیوں پر معیاری 18 فیصد جنرل سیلز ٹیکس وصول کرنا ہو گا، ادائیگیاں بھی سادہ کیو آر کوڈز اور دیگر ڈیجیٹل حل کیذریعے دستیاب ہوں گی۔ذرائع کے مطابق یونٹ مینیجر، جیولرز، شادی ہالز، ڈاکٹر اور وکلاء کو ٹیکس نیٹ میں لانے کی کوئی تجویز زیر غور نہیں ہے۔

آئندہ بجٹ میں پٹرول سمیت ہر قسم کی نقد خریداری پر اضافی رقم لینے کی تجویز

بجٹ 26-2025 میں نقد خریداری کی حوصلہ شکنی پر مبنی تجاویز فنانس بل کا حصہ بنانے کا فیصلہ کیا گیا ہے،رپورٹ

کراچی کے پوش علاقے ڈیفنس میں کار سے ٹکرانے پر موٹرسائیکل سوار نوجوان کو بہنوں کی موجودگی میں سرعام تشدد کا نشانہ بنانے والے مرکزی ملزم سلمان فاورقی کوبھی پولیس نے گرفتار کرلیا، ملزم کے خلاف گزری تھانے میں مقدمہ درج کیا گیا تھا۔گزشتہ روز کراچی کے پوش علاقے ڈیفنس میں کار اور موٹر سائیکل میں تصادم کے بعد کار سوار بااثر شخص آپے سے باہر ہوگیا اور نوجوان کو اس کی بہنوں کے سامنے تشدد کا نشانہ بنایاتھا۔واقعے کی فوٹیج وائرل ہونے کے بعد پولیس بھی ایکشن میں آگئی اور واقعے کا مقدمہ درج کرکے بااثر شخص کے سیکیورٹی گارڈ، ڈرائیور اور گھریلو ملازم کو حراست میں لے لیا اور ایک گاڑی بھی تحویل میں لے لی تھی۔پولیس کے مطابق ملزم نے معمولی واقعے پر گارڈز کے ساتھ مل کر نوجوان پر تشدد کیا تھا جس کی ویڈیوز وائرل ہوئی تھیں، نوجوان کے ساتھ موجود خواتین معافی مانگتی رہیں مگر ملزم نے پھر بھی تشدد کا نشانہ بنایا، ملزم کے خلاف درخواست موصول ہونے پر اسے گرفتار کرلیا گیا۔موٹر سائیکل سوار کے ساتھ خاتون نے گاڑی کے مالک کو ہاتھ جوڑ کر منت سماجت کی مگر گاڑی کے مالک نے دھکے دیکر دھتکار دیا، پورے معاملے کو وہاں موجود کافی لوگوں نے دیکھا اور ویڈیوز بنا کر سوشل میڈیا پر بھی اپ لوڈ کیں۔اس حوالے سے ڈی آئی جی ساؤتھ اسد رضا کا کہنا ہے کہ ملزم سلمان فاروقی کو گذری تھانہ منتقل کردیا گیا۔اسد رضا کا کہنا ہے کہ ملزم کے دفتر اور گھر پر بھی چھاپے مارے گئے، ملزم سلمان فاروقی شہری پر تشدد میں ملوث ہے،  ملزم کو 24 گھنٹے میں مجسٹریٹ کے سامنے پیش کیا جائے گا، گرفتار ملزم سے تفتیش کی جا رہی ہے، قرار واقعی سزا دی جائے گی،  گرفتار ملزم سلمان فاروقی کا بیان لیا جا رہا ہے۔ڈی آئی جی اسد رضا کا کہنا ہے کہ ویڈیو میں دیکھا جا سکتا ہے کہ ملزمان نے شہری پر تشدد کیا،  مقدمہ واقعے کے وقت موجود ایک شہری کی مدعیت میں درج کیا گیا ہے،  تشدد کے شکار شہری سے رابطہ کیا جا رہا ہے، ویڈیو بنانے والے شہری کی مدعیت میں مقدمہ درج کیا گیا ہے، عینی شاہد اور متاثرہ شہری کا بیان بھی مقدمے کا حصہ بنایا جائے گا، ہم اچھا کیس تیار کریں گے اور اس کو مثالی کیس بنائیں گے۔قبل ازیں پولیس نے بتایا تھا کہ سلمان فاروقی بائیونک فلمز نامی اشتہاری کمپنی کا سربراہ ہے، ملزم کی گرفتاری کے لیےمختلف مقامات پر چھاپے مارے جا رہے ہیں، تاہم اب اسے گرفتار کرلیا گیا ہے۔

کراچی، ڈیفنس میں موٹر سائیکل سوار پر تشدد کرنے والاملزم سلمان فاروقی گرفتار

ملزم نے معمولی واقعے پر گارڈز کے ساتھ مل کربہنوں کے سامنے نوجوان پر تشدد کیا تھا جس کی ویڈیوز وائرل ہوئی تھیں

اسلام آباد(این این آئی) بینظیر انکم سپورٹ پروگرام نے 3 سال سے زائد عرصے سے مستفید ہونے والے مستحقین کو 30جون 2025 تک از سرنو سروے کرانے کی ہدایت کردی۔بینظیر انکم سپورٹ پروگرام کی چیئرپرسن روبینہ خالد نے تصدیق کی ہے کہ دوبارہ سروے کا عمل صرف ان افراد کیلئے ہے جو تین سال سے زائد عرصے سے بی آئی ایس پی کی امداد وصول کررہے ہیں، ان کی مالی پوزیشن کی موجودہ صورتحال جاننے کیلیے دوبارہ تصدیق لازمی قراردی گئی ہے تاکہ معلوم ہو سکے کہ وہ اس وقت امداد کے مستحق ہیں یا نہیں۔اعلامیے کے مطابق ایسے تمام مستحقین جو 3 سال سے زائد عرصے سے بی آئی ایس پی پروگرام سے مستفید ہو رہے ہیں وہ اپنا قومی شناختی کارڈ اور بچوں کا ب فارم ہمراہ رکھ کر قریبی بے نظیر انکم سپورٹ پروگرام کے دفتر میں جاکر ازسرنو اپنا سروے کروائیں، جو مستحقین 30جون تک اپنا سروے نہیں کرائیں گے ان کی مالی امداد روک دی جائے گی۔

بے نظیر انکم سپورٹ پروگرام کا ازسر نو سروے کرانے کا فیصلہ کرلیا گیا

دفتر میں جاکر ازسرنو اپنا سروے کروائیں، جو مستحقین 30جون تک سروے نہیں کرائیں گے ان کی مالی امداد روک دی جائیگی

دفتر خارجہ کے ترجمان کا کہنا ہے کہ بھارتی قیادت کے حالیہ بیانات، بشمول بہار میں دیے گئے بیانات، ایک انتہائی تشویشناک ذہنیت کی عکاسی کرتے ہیں اور امن کے بجائے دشمنی کو ترجیح دیتے ہیں۔بھارتی قیادت اور بھارتی وزارت خارجہ کے ترجمان کے حالیہ اشتعال انگیز بیانات پر ردعمل دیتے ہوئے ترجمان نے کہا کہ پاکستان کو خطے میں عدم استحکام کا ذمہ دار ٹھہرانے کی کوئی بھی کوشش حقیقت سے منہ موڑنے کے مترادف ہے۔ترجمان نے کہا کہ عالمی برادری بھارت کے دہشت گردی کی پشت پناہی اور پاکستان میں تخریبی سرگرمیوں میں ملوث ہونے کے ریکارڈ سے بخوبی آگاہ ہے، ان حقائق کو کھوکھلی کہانیوں یا توجہ ہٹانے کی کوششوں سے چھپایا نہیں جا سکتا۔انہوں نے کہا کہ جموں و کشمیر کا تنازع خطے میں امن و استحکام کے لیے بنیادی خطرہ بنا ہوا ہے۔ پاکستان کشمیری عوام کی امنگوں اور اقوام متحدہ کی سلامتی کونسل کی قراردادوں کے مطابق اس دیرینہ مسئلے کے منصفانہ اور پائیدار حل کے لیے اپنی جدوجہد جاری رکھے گا۔ اس بنیادی مسئلے کو نظرانداز کرنا خطے کو بداعتمادی اور ممکنہ تصادم کی راہ پر ڈالنے کے مترادف ہے۔ترجمان نے کہا کہ گزشتہ چند ہفتوں کی پیش رفت نے ایک بار پھر جنگی جنون اور جبر کی حکمت عملی کی ناکامی کو ثابت کر دیا ہے۔ بھارت دھمکیوں، غلط بیانی یا طاقت کے ذریعے اپنے مقاصد حاصل نہیں کر سکتا اور نہ ہی کرے گا۔دفتر خارجہ کے ترجمان کا کہنا تھا کہ پاکستان امن اور تعمیری روابط کے لیے پرعزم ہے، لیکن کسی بھی جارحیت کے خلاف اپنی خودمختاری اور علاقائی سالمیت کے دفاع کے لیے بھی پُرعزم ہے۔ جنوبی ایشیا میں پائیدار امن کے لیے سنجیدگی، ضبط اور تنازعات کی بنیادی وجوہات کو حل کرنے کی ضرورت ہے۔

بھارتی حکومت کے اشتعال انگیز بیانات انتہائی تشویشناک ذہنیت کے عکاس ہیں،پاکستان

بھارت دھمکیوں، غلط بیانی یا طاقت کے ذریعے اپنے مقاصد حاصل نہیں کر سکتا اور نہ ہی کرے گا، ترجمان دفتر خارجہ

شہر قائد میں زلزلے کے مسلسل جھٹکوں نے شہریوں میں خوف و ہراس پھیلا دیا۔ گزشتہ 24 گھنٹوں کے دوران پانچویں مرتبہ زلزلے کے جھٹکے محسوس کیے گئے، جس کے بعد شہری کلمہ طیبہ کا ورد کرتے ہوئے گھروں سے باہر نکل آئے۔زلزلے کے جھٹکے لانڈھی، ملیر، شاہ لطیف، بھینس کالونی اور قائدآباد سمیت مختلف علاقوں میں محسوس کیے گئے۔ زلزلہ پیما مرکز کے مطابق جھٹکوں کی شدت 3.2 ریکٹر اسکیل پر ریکارڈ کی گئی اور گہرائی 10 کلومیٹر تھی جبکہ زلزلے کا مرکزکراچی کے علاقے قائد آباد کے قریب تھا۔ماہرین کے مطابق یہ جھٹکے سطح زمین کے نسبتاً کم گہرائی میں پیدا ہوئے، جس کی وجہ سے ان کا اثر زیادہ محسوس ہوا۔ تاہم فوری طور پر کسی قسم کے جانی یا مالی نقصان کی اطلاع نہیں ملی۔

کراچی میں 24 گھنٹوں کے دوران پانچویں بار زلزلے کے جھٹکے، شہری خوفزدہ

زلزلے کی شدت 3.2اور گہرانی صرف 10کلومیٹرریکارڈ ‘مرکزقائدآبادکے قریب تھا،زلزلہ پیمامرکز

گلین میکسویل نے ون ڈے انٹرنیشنل کرکٹ کو خیرباد کہہ دیا۔تفصیلات کے مطابق آسٹریلوی آل راؤنڈر گلین میکسویل نے ون ڈے انٹرنیشنل کرکٹ سے ریٹائر منٹ کا اعلان کر دیا۔ میکسویل آئندہ ٹی ٹوئنٹی ورلڈ کپ پر فوکس کریں گے۔36 سالہ میکسویل اب صرف ٹی ٹوئنٹی انٹرنیشنل فارمیٹ میں آسٹریلیا کی نمائندگی کریں گےاور توقع ہے کہ وہ 2026 کے ٹی 20 ورلڈ کپ تک دستیاب ہوں گے۔ریٹائرمنٹ کا اعلان انہوں نے ایک تفصیلی گفتگو کے دوران ’’فائنل ورڈ پوڈکاسٹ‘‘ میں کیا، جس میں انہوں نے واضح کیا کہ جسمانی طور پر تھکاوٹ اور 2022 میں پیش آنے والی شدید ٹانگ کی انجری اس فیصلے کی بنیادی وجوہات ہیں۔گلین میکسویل کا کہنا تھاکہ مجھے لگنے لگا تھا کہ میری جسمانی حالت ٹیم پر بوجھ بن رہی ہے۔ میں نے سلیکٹرز کو صاف طور پر بتا دیا کہ 2027 کا ورلڈ کپ میرے پلان میں شامل نہیں، اور نئی نسل کو آگے آنے دینا چاہیے۔انہوں نے مزید کہا کہ وہ میدان میں اس وقت تک موجود نہیں رہنا چاہتے تھے جب تک وہ خود کو مکمل فٹ نہ سمجھتے ہوں:"محض چند سیریز کھیلنے کے لیے ٹیم میں جگہ روکے رکھنا مجھے مناسب نہیں لگا۔"میکسویل کا کیریئر اعداد و شمار کے لحاظ سے بھی خاصا متاثرکن رہا۔انہوں نے 149 ون ڈے میچز میں آسٹریلیا کی نمائندگی کی3990 رنز بنائے جن کی اوسط 33.81 رہی77 وکٹیں حاصل کیںان کا اسٹرائیک ریٹ 126.70 رہا جو کہ 2000 سے زائد رنز بنانے والے تمام عالمی کھلاڑیوں میں دوسرا بلند ترین ہے۔ان کے کیریئر کی سب سے یادگار اننگز 2023 ورلڈ کپ میں افغانستان کے خلاف سامنے آئی، جب وہ ایک ٹانگ پر کھیلتے ہوئے ناقابل شکست 201 رنز بنا کر آسٹریلیا کو 91-7 کی نازک صورتحال سے نکال کر فتح دلا گئے۔یہ نہ صرف آسٹریلیا کی تاریخ کی پہلی ڈبل سنچری تھی بلکہ کسی بھی تعاقب میں بنی جانے والی پہلی ڈبل سنچری بھی شمار کی جاتی ہے۔

میکسویل نے ون ڈے انٹرنیشنل کرکٹ سے ریٹائر منٹ کا اعلان کر دیا

چھتیس سالہ میکسویل اب صرف ٹی ٹوئنٹی انٹرنیشنل فارمیٹ میں آسٹریلیا کی نمائندگی کریں گے

پنجاب اسمبلی کے حلقہ پی پی 52 سیالکوٹ کے ضمنی انتخاب میں مسلم لیگ (ن) نے میدان مارلیا۔ریٹرننگ افسر نےمسلم لیگ (ن) کی امیدوار حنا ارشد وڑائچ کی کامیابی کا نوٹیفکیشن جاری کر دیا۔نوٹیفکیشن کے مطابق مسلم لیگ ن کی امیدوارحنا ارشد وڑائچ  نے 78 ہزار 702 ووٹ لے کر کامیابی حاصل کی۔جاری کردہ نوٹیفکیشن کے مطابق پی ٹی آئی کے حمایت یافتہ امیدوار فاخر نشاط گھمن 39 ہزار 18 ووٹ لیکر دوسرے نمبر پر رہے جبکہ پاکستان پیپلزپارٹی کے امیدوار راحیل کامران چیمہ  6 ہزار 832 ووٹ حاصل کر سکے۔اس کے علاوہ تحریک لبیک پاکستان (ٹی ایل پی) کے امیدوار محمد شفاقت نے 4 ہزار 851 ووٹ حاصل کئے۔یاد رہے کہ یہ نشست مسلم لیگ ن کے رکن پنجاب اسمبلی چودھری ارشد وڑائچ کے انتقال کے بعد خالی ہوئی تھی۔لیگی امیدوار حنا ارشد وڑائچ  نے اپنی جیت کو وزیراعلیٰ پنجاب مریم نواز شریف اور اپنے مرحوم والد کے نام کر دیا، جیت پر حنا ارشد وڑائچ کے گھر پر جشن کا سماں رہا، کارکنوں نے بھنگڑے ڈالے اور آتش بازی کی۔

سمبڑیال ضمنی الیکشن میں مسلم لیگ ن نے میدان مارلیا،حنا ارشد وڑائچ کامیاب

پی ٹی آئی کے حمایت یافتہ امیدوار فاخر نشاط گھمن 39 ہزار 18 ووٹ لیکر دوسرے نمبر پر رہے

Pakistan’s top-order batter, Saim Ayub broke his half-century drought in international cricket during the first Test against Bangladesh here on Wednesday.

Saim Ayub Scores 1st Half-Century in Pakistan vs Bangladesh 1st Test Match

Pakistan&rsquo;s top-order batter, Saim Ayub broke his half-century drought in international cricket during the first Test against Bangladesh here on Wednesday.

Undoubtedly, Saim Ayub has been the Pakistan team&rsquo;s knight in shining armor during Pakistan vs Bangladesh 1st <a href="https://www.tapmad.com/watch/pakistan-vs-bangladesh-live-test/011611">test match</a>.&nbsp;

Saim reached the milestone on the last ball of Shoriful Islam&rsquo;s eighth over on the opening day of the Rawalpindi Test.

The opening batter hit four boundaries and one six on his way to a 76-ball half-century.

The PAK vs BAN 1st test was set to begin at 10:30 AM on Wednesday, but overnight rain in the city delayed the match for 4 hours.&nbsp;

Pakistan lost opening batter Abdullah Shafique (2) in the fourth over after Zakir Hasan took a spectacular flying catch off Hasan Mahmud.

Skipper Shan Masood (6) and star batter <a href="https://www.tapmad.com/blog/shocking-collapse-babar-azams-unbelievable-8th-duck-stuns-fans-in-test-cricket/418-2-0">Babar Azam</a> (0) fell prey to Shoriful Islam&rsquo;s exceptional bowling, leaving Pakistan at a crushing 16-3.

The skipper Shan and Babar were caught behind the wicket by Liton Das.&nbsp;

Saim took it upon himself to take his team to a decent score before Saud joined him and together they helped Pakistan to recover with a solid partnership of 97* runs.

Pakistan were 81-3 at the tea break, with Saim and Saud unbeaten at 42 and 28 respectively.

Moreover, Saud Shakeel has also become the joint fastest Pakistani batsman to score 1000 runs in test cricket. He achieved this milestone in just 11 matches.&nbsp;

The match is now in its last session which will end at 6 PM (PST).&nbsp;

The Pakistan vs Bangladesh <a href="https://www.tapmad.com/blog/pak-vs-ban-test-series-pakistan-announces-squad-for-bangladesh-tour/399-2-0">test series</a> is part of the ICC World Test Championship and will take place from 21st August till 3rd September.&nbsp;

Both test matches will be played at the Rawalpindi Cricket Stadium.&nbsp;

Saim Ayub Scores 1st Half-Century in Pakistan vs Bangladesh 1st Test Match

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan