Cricket

Entertainment

News

Football

شرم الشیخ(این این آئی)مصر کے سیاحتی شہر شرم الشیخ میں غزہ امن معاہدے پر دستخط کردئیے گئے، امریکا، مصر، ترکیہ کے صدور اور امیر قطر نے معاہدے پر دستخط کیے ہیں۔ وزیر اعظم شہباز شریف غزہ امن معاہدے پر دستخط کی تقریب میں شریک ہوئے۔بین الاقوامی سربراہی اجلاس سے امریکی صدر ڈونلڈ ٹرمپ نے خطاب کرتے ہوئے قطر، ترکی اور مصر کی قیادت کو خراج تحسین پیش کیا۔امریکی صدر نے اپنی افتتاحی تقریر کے دوران قطر اور ترکی کے رہنماؤں کی تعریف کرتے ہوئے ان کی کوششوں کو سراہا۔انہوں نے اپنے مصری ہم منصب کا بھی شکریہ ادا کرتے ہوئے انہیں شاندار انسان اور عظیم جنرل قرار دیا۔امریکی صدر ڈونلڈ ٹرمپ نے کہا کہ غزہ امن معاہدے سے مشرق وسطی میں امن قائم ہوگا، تاریخی دن ہے ،غزہ امن معاہدہ بڑی کامیابی ہے، دوست ممالک کے تعاون سے غزہ امن معاہدہ ممکن ہوا، غزہ امن معاہدے میں مصر کا کردار اہم ہے۔

امریکا، مصر، قطر اور ترکیہ کے سربراہان نے غزہ امن معاہدے پر دستخط کردیے ،شہبازشریف کی شرکت

غزہ امن معاہدے سے مشرق وسطی میں امن قائم ہوگا، تاریخی دن ،غزہ امن معاہدہ بڑی کامیابی ہے، ٹرمپ

شرم الشیخ میں ہونے والے امن سربراہ اجلاس کے موقع پر وزیرِاعظم محمد شہباز شریف اور فلسطین کے صدر محمود عباس کے درمیان نہایت خوشگوار ملاقات ہوئی، جس میں بحرین کے فرمانروا شاہ حمد بن عیسی الخلیفہ بھی شریک تھے۔ملاقات کے دوران صدر محمود عباس نے فلسطینی عوام کے حقِ خودارادیت کے لیے پاکستان کی مسلسل حمایت پر وزیرِاعظم شہباز شریف کا شکریہ ادا کیا۔ ان کا کہنا تھا کہ پاکستان نے ہر عالمی فورم پر فلسطین کے مؤقف کو اجاگر کیا اور ہمیشہ فلسطینیوں کے ساتھ کھڑا رہا۔وزیرِاعظم شہباز شریف نے غزہ کے بہادر عوام کو خراجِ تحسین پیش کرتے ہوئے کہا کہ فلسطینیوں نے صبر، استقامت اور قربانیوں سے تاریخ رقم کی ہے۔ انہوں نے کہا کہ پاکستان، فلسطین کے ساتھ اپنے دیرینہ برادرانہ تعلقات کو مزید مضبوط بنانے کے لیے پُرعزم ہے۔دونوں رہنماؤں نے غزہ میں ہونے والی جنگ بندی پر اطمینان کا اظہار کیا اور اس معاہدے کو خطے میں پائیدار امن کی بنیاد قرار دیا۔اس موقع پر وزیرِاعظم شہباز شریف نے آرمینیا اور آذربائیجان کے صدور سے بھی غیر رسمی ملاقات کی اور دونوں ممالک کو حالیہ امن معاہدے پر مبارکباد دی۔ گفتگو کے دوران علاقائی اور عالمی امور پر بھی تبادلۂ خیال کیا گیا۔

شرم الشیخ میں وزیراعظم شہباز شریف اور صدر محمود عباس کی ملاقات، فلسطین کی حمایت پر شکریہ

بحرین کے فرمانروا بھی ملاقات میں شریک، شہباز شریف نے فلسطینی عوام کی جدوجہد اور قربانیوں کو سلام پیش کیا

لاہور کے قذافی اسٹیڈیم میں پاکستان اور جنوبی افریقا کے درمیان دو ٹیسٹ میچوں کی سیریز کے پہلے ٹیسٹ کا دوسرا دن اختتام پذیر ہوگیا، جہاں جنوبی افریقا نے اپنی پہلی اننگز میں 6 وکٹوں کے نقصان پر 216 رنز بنا لیے۔پاکستان کی 378 رنز کی پہلی اننگز کے جواب میں مہمان ٹیم نے محتاط انداز میں بیٹنگ شروع کی، تاہم اسپنرز نے جلد ہی اپنی گرفت مضبوط کر لی۔کپتان ایڈن مارکرم 20 رنز بنا کر نعمان علی کی گیند پر محمد رضوان کے ہاتھوں کیچ آؤٹ ہوئے، جبکہ ویان ملڈر بھی 17 رنز بنا کر پویلین لوٹ گئے۔ریان رِکلنٹن نے 71 رنز کی اننگز کھیل کر مزاحمت ضرور کی، مگر دوسرے اینڈ سے وکٹیں گرتی رہیں۔ اسٹبز 8، بریوس صفر اور ویرین محض 2 رنز بنا کر آؤٹ ہوئے۔ کھیل کے اختتام پر ٹونی ڈی زورزی 81 اور متھوسامے 6 رنز کے ساتھ کریز پر موجود تھے۔پاکستان کی جانب سے نعمان علی نے شاندار بولنگ کرتے ہوئے 85 رنز کے عوض 4 وکٹیں حاصل کیں، جبکہ سلمان علی آغا اور ساجد خان نے ایک، ایک کھلاڑی کو آؤٹ کیا۔ جنوبی افریقا کو پاکستان کی برتری ختم کرنے کے لیے مزید 162 رنز درکار ہیں۔اس سے قبل پاکستان نے اپنی پہلی اننگز 313 رنز 5 کھلاڑی آؤٹ پر دوبارہ شروع کی۔ محمد رضوان نے 75، سلمان علی آغا نے 93 رنز کی عمدہ اننگز کھیلی۔ نعمان علی اور ساجد خان کھاتہ کھولے بغیر آؤٹ ہوئے، جبکہ حسن علی ناٹ آؤٹ رہے۔جنوبی افریقا کی جانب سے متھوسامے نے 6 وکٹیں حاصل کیں، پرینیلان سبراین نے دو، جبکہ ربادا اور ہارمر نے ایک ایک وکٹ حاصل کی۔دوسرے دن کے اختتام پر میچ کا توازن پاکستان کے حق میں نظر آ رہا ہے، تاہم جنوبی افریقا کے بیٹسمین اگر تیسرا دن سنبھال گئے تو میچ دلچسپ رخ اختیار کر سکتا ہے۔

لاہور ٹیسٹ، جنوبی افریقا نے 6 وکٹوں کے نقصان پر 216 رنز بنالئے، پاکستان کی برتری برقرار

پاکستان کی جانب سے نعمان علی نے شاندار بولنگ کرتے ہوئے 85 رنز کے عوض 4 وکٹیں حاصل کیں

امریکی صدر ڈونلڈ ٹرمپ نے کہا ہے کہ مشرق وُسطیٰ ایک نئے دور میں داخل ہو چکا ہے، جہاں امن کی کرنیں ابھر رہی ہیں۔ اسرائیلی پارلیمنٹ سے  خطاب میں انہوں نے دعویٰ کیا کہ’ہم نے ناممکن کو ممکن کر دکھایا‘، اور اس خطے میں برسوں بعد امن کا سورج طلوع ہوا ہے۔صدر ڈونلڈ ٹرمپ نے اسرائیلی پارلیمنٹ میں اپنے خطاب کے دوران کہا کہ مشرق وُسطیٰ کے حالات تیزی سے بدل رہے ہیں اور خطہ اب امن کے ایک نئے دور میں داخل ہو چکا ہے۔ ان کا کہنا تھا کہ اس کامیابی کے پیچھے عرب اور مسلم دنیا کا کردار قابلِ تعریف ہے، جن کے تعاون سے ایک ناممکن دکھنے والا معاہدہ ممکن بنایا گیا۔ٹرمپ نے مزاحیہ انداز میں انکشاف کیا کہ اسرائیلی وزیراعظم نیتن یاہو بعض اوقات ایسے ہتھیاروں کی درخواست کرتے تھے جن کے بارے میں وہ خود بھی نہیں جانتے تھے۔ ان کے مطابق، ایران کے ساتھ دوستی کے دروازے اب بھی کھلے ہیں اور امریکا پائیدار امن کے لیے ہر مثبت موقع سے فائدہ اٹھائے گا۔امریکی صدر ٹرمپ کے اسرائیلی پارلیمنٹ سے خطاب کے دوران بائیں بازو کے ارکان پارلیمنٹ نے فلسطین کے حق میں احتجاج اور نعرے بازی کی، اس دوران ایوان میں شور شرابا بھی کیا گیا، تاہم سیکیورٹی اہلکار نے احتجاج کرنے والے رکن کو ایوان سے باہر کردیااس دوران ٹرمپ نے اپنا خطاب جاری رکھتے ہوئے کہا کہ اب بندوقیں خاموش ہو چکی ہیں، قیدی اپنے گھروں کو لوٹ چکے ہیں، اور امید کا نیا دن طلوع ہو چکا ہے۔انہوں نے بتایا کہ ان کی انتظامیہ نے آٹھ بڑی جنگوں کو رکوانے میں کردار ادا کیا، جبکہ امریکا کی فوج اس وقت اپنی تاریخ کی سب سے مضبوط حالت میں ہے۔ ٹرمپ کے مطابق فلسطینی عوام کے لیے مصائب کا ایک طویل دور ختم ہو چکا ہے اور اب وقت تعمیرِ نو کا ہے۔ایران پر امریکی حملے سے متعلق گفتگو کرتے ہوئے انہوں نے کہا کہ بی ٹو بمبار طیاروں نے 37 گھنٹے کی مسلسل پرواز کے دوران 14 بم گرائے، جس سے ایران کی ایٹمی تنصیبات کو نقصان پہنچا۔ ان کے بقول، اس کارروائی کے بغیر جنگ بندی ممکن نہ تھی۔ٹرمپ نے کہا کہ بعض مبصرین کے مطابق مشرق وسطیٰ میں ایسا امن پانچ سو سال بعد ممکن ہوا ہے، جبکہ کچھ اسے تین ہزار سال بعد کا سب سے بڑا تاریخی لمحہ قرار دے رہے ہیں۔ انہوں نے مزید کہا کہ اب امریکا کی توجہ روس اور حزب اللہ کے غیر مسلح کیے جانے پر مرکوز ہے۔صدر ٹرمپ نے اپنے خطاب کے اختتام پر کہا کہ آج دنیا نے دیکھ لیا ہے کہ امن محض خواب نہیں بلکہ ایک حقیقت بن چکا ہے اور یہ حقیقت دنیا کے مستقبل کو نئی سمت دے گی۔

جنگ ختم، مشرق وسطی میں ایک نئے تاریخی دور کا آغاز ہوچکاہے،امریکی صدر

امریکی صدر ٹرمپ کے خطاب کے دوران اسرائیلی پارلیمنٹ میں احتجاج، فلسطینی ریاست کے حق میں نعرے

کراچی کی ملیر ندی میں کورنگی کاز وے کے قریب سونے کے ذرات ملنے کی افواہ نے پورے شہر میں ہلچل مچا دی۔سوشل میڈیا پر وائرل ہونے والی چند ویڈیوز نے شہریوں کو اس قدر پرجوش کر دیا کہ سیکڑوں افراد کھدائی کا سامان لے کر ندی کنارے پہنچ گئے۔عینی شاہدین کے مطابق مرد، خواتین اور بچے دن کی روشنی میں زمین کھود کر سونا تلاش کرتے دکھائی دیے۔کورنگی کاز وے کے اطراف کی سڑکیں عوام کے رش کے باعث ٹریفک جام کا منظر پیش کرتی رہیں۔پولیس کے مطابق وائرل ویڈیوز میں دکھائے گئے "سونے کے ذرات" دراصل کچرے میں شامل پیتل کے ٹکڑے تھے، جنہیں غلط فہمی میں قیمتی دھات سمجھ لیا گیا۔ایس ایچ او کے آئی اے محمد علی نیازی کا کہنا ہے کہ سونا برآمد ہونے کی کوئی حقیقت نہیں، عوام افواہوں پر یقین نہ کریں۔دوسری جانب سوشل میڈیا پر اب بھی ’کراچی کا نیا سونا ندی‘ کے عنوان سے درجنوں ویڈیوز گردش کر رہی ہیں، جبکہ کچھ شہری اب بھی امید لگائے بیٹھے ہیں کہ شاید قسمت ان پر مسکرا جائے۔سونا تو نہیں ملا، مگر کراچی کے شہریوں کاسونا ملنے کا جوش ضرور سوشل میڈیا پر چھا گیا ،جسے دیکھ کر کہا جا سکتا ہے، افواہوں کا بخار سونے سے بھی زیادہ قیمتی ہے۔

کراچی میں ’سونا نکلنے‘ کی افواہ پر عوام کا ہجوم، ملیر ندی میں کھدائی کی ویڈیو وائرل

سوشل میڈیا پر’سونا نکل آیا‘ کی ویڈیوز جنگل کی آگ کی طرح پھیل گئیں، شہری ہاتھوں میں بیلچے لیے ندی کنارے پہنچ گئے

پنجاب کے بعد کراچی میں بھی ٹی ایل پی کی احتجاجی کال کے باعث شہر کے مختلف علاقوں میں ہنگامہ آرائی اور جلاؤ گھیراؤ کے واقعات پیش آئے، جس سے شہریوں کو شدید مشکلات کا سامنا کرنا پڑا۔نیو کراچی کے نالہ اسٹاپ اور فور کے چورنگی پر مظاہرین کے احتجاج سے ٹریفک نظام درہم برہم ہوگیا۔ مشتعل افراد نے گاڑیوں پر پتھراؤ کیا اور شیشے توڑ دیے۔ پولیس کے مطابق بروقت کارروائی کرتے ہوئے علاقے میں شیلنگ کے ذریعے صورتحال پر قابو پالیا گیا۔ ڈی آئی جی ویسٹ عرفان علی بلوچ نے بتایا کہ نیو کراچی، سندھی ہوٹل اور فور کے چورنگی کے اطراف امن بحال کر دیا گیا ہے اور پانچ مظاہرین کو گرفتار کر لیا گیا ہے۔پولیس کے مطابق شہر میں بھاری نفری تعینات کر دی گئی ہے تاکہ کسی بھی ناخوشگوار واقعے سے نمٹا جا سکے۔دوسری جانب پنجاب کے مختلف شہروں، خصوصاً مریدکے میں بھی ٹی ایل پی کے احتجاج کے دوران حالات کشیدہ رہے۔ پولیس اور رینجرز نے جی ٹی روڈ خالی کرانے کے لیے آپریشن کیا جو پانچ گھنٹے تک جاری رہا۔ اس دوران فائرنگ اور جلاؤ گھیراؤ کے واقعات پیش آئے۔میڈیارپورٹس کے مطابق مذہبی جماعت کے سربراہ سعد رضوی کو گولی لگنے کی اطلاعات موصول ہوئیں، تاہم اس کی تصدیق سرکاری سطح پر نہیں ہو سکی۔ آپریشن کے دوران ایک ایس ایچ او سمیت دو پولیس اہلکار جاں بحق اور درجنوں زخمی ہوگئے۔پنجاب پولیس کے ترجمان کے مطابق احتجاج کے دوران مظاہرین نے پولیس پر پتھراؤ اور پیٹرول بموں سے حملے کیے، جس کے جواب میں قانون نافذ کرنے والے اداروں کو محدود کارروائی کرنا پڑی۔ ترجمان کے مطابق مذہبی جماعت کے تین کارکن اور ایک راہگیر جاں بحق، جبکہ آٹھ افراد زخمی ہوئے۔پولیس کے مطابق مشتعل افراد نے چالیس کے قریب سرکاری اور نجی گاڑیوں کو آگ لگا دی، جبکہ متعدد مظاہرین کو گرفتار کر لیا گیا ہے۔ قانون نافذ کرنے والے اداروں کا کہنا ہے کہ علاقے میں سرچ آپریشن جاری ہے اور امن و امان کی مکمل بحالی کے لیے اقدامات کیے جا رہے ہیں۔

پنجاب کے بعدکراچی میں بھی ٹی ایل پی کا احتجاج اور جلاؤ گھیراؤ، مختلف سڑکیں بند

نیو کراچی سمیت مختلف علاقوں میں جلاؤ گھیراؤ، پتھراؤ اور ٹریفک جام، پنجاب میں پولیس اور مظاہرین میں تصادم، سعد رضوی کے زخمی ہونے کی اطلاعات

نو منتخب وزیر اعلیٰ خیبرپختونخوا محمد سہیل آفریدی نے کہا ہے کہ میرا قائد عمران خان ملٹری آپریشن کے خلاف تھا تو ہم بھی اس کے بالکل خلاف ہیں، ملٹری آپریشن دہشت گردی کا حل نہیں، دنیا بھر میں مذاکرات کی طرف آیا جارہا ہے۔خیبر پختونخوا کے نومنتخب وزیرِاعلیٰ محمد سہیل آفریدی نے اپنے انتخاب کے بعد صوبائی اسمبلی میں پہلے خطاب کے دوران واضح کیا کہ وہ اور ان کی جماعت فوجی آپریشن کے مخالف ہیں۔ ان کے بقول دہشت گردی یا بدامنی کا حل بندوق نہیں بلکہ مذاکرات اور عوامی اعتماد میں پوشیدہ ہے۔سہیل آفریدی نے کہا کہ عمران خان نے ہمیشہ امن، جمہوریت اور بات چیت کی سیاست کی ہے، اور میں اسی سوچ کو آگے بڑھاؤں گا۔ انہوں نے اپنے قائد کو خراجِ تحسین پیش کرتے ہوئے کہا کہ میرا قائد جانتا ہے کہ میں ایک متوسط طبقے سے تعلق رکھنے والا عام کارکن ہوں، جس نے اپنی محنت سے یہاں تک کا سفر طے کیا۔ میرے نام کے ساتھ نہ بھٹو ہے، نہ زرداری صرف پاکستان اور محنت ہے۔انہوں نے اپنے خطاب میں کہا کہ عشروں سے قبائل کو پیچھے رکھا گیا، مگر اب یہ سوچ بدلنے کا وقت ہے۔میں اپنے قبیلے کا نمائندہ ضرور ہوں مگر سب سے پہلے پاکستانی ہوں۔ انہوں نے مزید کہا کہ میڈیا کے ان نمائندوں کو سلام پیش کرتا ہوں جنہوں نے حق کے لیے اپنی آواز بلند کی اور اپنی نوکریاں قربان کیں، خصوصاً شہید ارشد شریف جنہوں نے سچائی کے لیے اپنی جان دی۔سہیل آفریدی نے سابق وزیرِاعلیٰ علی امین گنڈاپور کے جذبے کو بھی سراہا اور کہا کہ انہوں نے پارٹی نظم و ضبط کی ایک اعلیٰ مثال قائم کی۔ انہوں نے کہا کہ “میرے لیے یہ عہدہ کسی تخت یا تاج سے بڑھ کر ذمہ داری ہے۔ اگر میرے لیڈر کو میری ضرورت پڑی تو میں اس کرسی کو ایک لمحے میں لات مار کر چھوڑ دوں گا۔”انہوں نے خبردار کیا کہ اگر عمران خان کی جیل یا قید کے معاملات ان کی فیملی کی مرضی کے بغیر تبدیل کیے گئے تو پورے ملک میں احتجاجی تحریک شروع کردی جائے گی۔ سہیل آفریدی نے کہا کہ میرے لیڈر نے اسرائیل کو تسلیم کرنے سے انکار کیا، ‘Absolutely Not’ کہا، اسی وجہ سے ان کی حکومت گرائی گئی۔نئے وزیرِاعلیٰ نے افغان پالیسی پر نظرِثانی کی ضرورت پر زور دیتے ہوئے کہا کہ چالیس سال سے پاکستان میں رہنے والے افغان بھائیوں کے ساتھ عزت اور انصاف کا سلوک ہونا چاہیے۔ ان کا کہنا تھا کہ “انہیں دھکے مار کر نکالنا کسی پالیسی کا حل نہیں، ایسی پالیسی عوامی نمائندوں کے مشورے سے بننی چاہیے۔انہوں نے 9 مئی کے واقعات کو تحریک انصاف کے خلاف ایک “منظم آپریشن” قرار دیتے ہوئے کہا کہ اس واقعے کی غیرجانبدار تحقیقات ہونی چاہئیں۔ انہوں نے مزید کہا کہ عوام ہی ریاست کی اصل طاقت ہیں اور آج ریاست عوام کے ساتھ کھڑی ہے۔اپنے خطاب کے اختتام پر سہیل آفریدی نے اعلان کیا کہ وہ عمران خان کی رہائی کے لیے عملی جدوجہد کریں گے۔ میرے پاس کھونے کو کچھ نہیں، میں احتجاجی سیاست کا سپاہی ہوں اور اپنے قائد کے حکم پر لبیک کہوں گا۔

فوجی آپریشن نہیں، مذاکرات ہی واحد راستہ ہیں،خیبر پختونخوا کے نئے وزیرِاعلیٰ کا اعلان

میرے نام کے ساتھ نہ بھٹو ہے، نہ زرداری ،محنت سے اس مقام تک پہنچا ہوں، سہیل خان آفریدی

خیبر پختونخوا اسمبلی میں سیاسی ہلچل کے بعد تحریک انصاف کے امیدوار سہیل آفریدی 90 ووٹ لے کر نئے قائدِ ایوان منتخب ہوگئے۔خیبر پختونخوا اسمبلی کا اجلاس اسپیکر بابر سلیم سواتی کی زیر صدارت ہوا،خیبرپختونخوا اسمبلی میں ہونے والے ووٹنگ کے عمل میں سہیل آفریدی نے 90 ووٹ حاصل کیے اور قائدِ ایوان منتخب ہو گئے۔اپوزیشن جماعتوں نے انتخابی عمل کا بائیکاٹ کرتے ہوئے ایوان سے واک آؤٹ کیا۔انتخابی اجلاس کی صدارت اسپیکر بابرسلیم نے کی۔ اسپیکر نے واضح کیا کہ وزیراعلیٰ کا انتخاب شیڈول کے مطابق ہوگا کیونکہ یہ صوبے کی آئینی ذمہ داری ہے۔انہوں نے کہا کہ وزیراعلیٰ ہی صوبے کا آئینی سربراہ ہوتا ہے اور اسمبلی کو آئین کے مطابق اپنا کردار ادا کرنا چاہیے۔دوسری طرف اپوزیشن لیڈر عباداللہ نے ایوان میں اظہارِ خیال کرتے ہوئے کہا کہ وہ اب بھی علی امین گنڈاپور کو ہی وزیراعلیٰ تسلیم کرتے ہیں، موجودہ انتخابی عمل غیرآئینی ہے کیونکہ ایک حکومت کے ہوتے ہوئے دوسرے وزیراعلیٰ کا انتخاب آئینی حدود سے تجاوز ہے۔ عباداللہ نے اس بنیاد پر ایوان سے واک آؤٹ کا اعلان کیا۔اسمبلی اجلاس میں سابق وزیراعلیٰ علی امین گنڈاپور بھی شریک ہوئے، انہوں نے سہیل آفریدی کو وزیراعلیٰ منتخب ہونے پر مبارکباد دیتے ہوئے کہا کہ یہ ہماری اکثریت کا فیصلہ ہے، میں نے پارٹی قیادت کے حکم پر استعفیٰ دیا، جمہوری عمل کو آگے بڑھنے دیا جائے، تاخیری حربے استعمال نہ کیے جائیں۔دوسری جانب گورنر خیبر پختونخوا فیصل کریم کنڈی نے وزیراعلیٰ کا آج ہونے والا انتخاب غیر آئینی قرار دیتے ہوئے کہا کہ جب تک علی امین کا استعفی منظور نہیں ہوتا وزیراعلی کا انتخاب غیر آئینی تصور ہوگا۔خیال رہے کہ اس سے قبل گورنر خیبرپختونخوا فیصل کریم کنڈی نے علی امین گنڈاپور کے استعفے پر اعتراض اٹھاتے ہوئے کہا تھا کہ انہیں دو مختلف استعفے موصول ہوئے ہیں جن کے دستخط آپس میں مشابہت نہیں رکھتے۔ گورنر نے علی امین گنڈاپور کو 15 اکتوبر کو وضاحت کیلئے گورنر ہاؤس طلب کیا تھا۔

پاکستان تحریک انصاف کے رہنما محمد سہیل آفریدی نئے وزیر اعلیٰ خیبرپختونخوا منتخب

نومنتخب وزیراعلیٰ نے 90 ووٹ حاصل کیے، بائیکاٹ کے باعث اپوزیشن امیدواروں کو کوئی ووٹ نہ مل سکا

امریکی صدر ڈونلڈ ٹرمپ نے کہا ہے کہ پاکستان اور افغانستان کے درمیان جنگ کا سنا،مسئلہ حل کرنے کی کوشش کروں گا۔ڈونلڈ ٹرمپ مشرق وُسطیٰ کے دورے پر روانہ ہو گئے ہیں اور روانگی سے قبل میڈیا سے گفتگو کرتے ہوئے کہا کہ پاکستان اور افغانستان کے درمیان جاری تنازعے کو حل کرنے کی کوشش کریں گے۔ انہوں نے غزہ میں امن قائم کرنے اور یرغمالیوں کی جلد رہائی کے عزم کا بھی اظہار کیا۔صدر ٹرمپ نے میڈیا سے بات کرتے ہوئے کہا کہ غزہ میں جنگ ختم ہو گئی ہے اور جلد وہاں’بورڈ آف پیس‘ قائم کیا جائے گا، ساتھ ہی غزہ میں جنگ بندی برقرار رہے گی۔ یرغمالیوں کی رہائی مقررہ وقت سے قبل ممکن ہے۔انہوں نے اسرائیل کے وزیراعظم نیتن یاہو اور قطر کو بھی امن قائم کرنے کی کوششوں پر سراہا۔ صدر نے مزید کہا کہ اگر یوکرین کی جنگ ختم نہ ہوئی تو امریکہ وہاں ٹوماہاک میزائل بھیج سکتا ہے۔ انہوں نے پاکستان اور بھارت کے درمیان جنگ روکنے میں ٹیرف کی مدد کو بھی یاد کیا۔ڈونلڈ ٹرمپ کاکہناتھاکہ میں جنگیں رُکوانے میں ماہر ہوں،سُنا ہے پاکستان اور افغانستان کے درمیان جنگ جاری ہے، جسے وہ واپس آ کر دیکھیں گے اور دوبارہ حل کرنے کی کوشش کریں گے۔ ٹرمپ نے گفتگو کے دوران نوبل انعام کا بھی حوالہ دیا ان کا کہنا تھا کہ اگرچہ 2024 میں میرا کام نمایاں تھا، مگر 2025 میں بھی بہت سے بڑے عالمی اقدامات کیے، میرا مقصد انعام لینا نہیں بلکہ لوگوں کی جانیں بچانا ہے۔صدر ٹرمپ کا دورہ اسرائیل سے شروع ہو گا، جہاں وہ یرغمالیوں اور ان کے اہلخانہ سے ملاقاتیں کریں گے، اسرائیلی پارلیمنٹ سے خطاب کریں گے اور عسکری و سیاسی حکام سے میٹنگز کریں گے۔اسرائیل کے بعد صدر مصر جائیں گے تاکہ شرم الشیخ میں غزہ امن سمٹ میں حصہ لیں، جس میں 20 سے زائد ممالک کے رہنما شامل ہوں گے۔ اس سمٹ میں حماس اور اسرائیل کے درمیان سیز فائر معاہدے کو حتمی شکل دی جائے گی اور عرب ممالک کے اسرائیل سے سکیورٹی معاہدے کے منصوبے پر بھی غور کیا جائے گا۔صدر ٹرمپ کے مشرق وسطیٰ دورے کو عالمی سطح پر امن کی کوششوں کے طور پر دیکھا جا رہا ہے، اور دنیا کی نظریں غزہ امن سمٹ کے فیصلوں پر مرکوز ہیں جو خطے کی سیاسی صورتحال پر اہم اثر ڈال سکتے ہیں۔

صدر ٹرمپ مشرق وسطیٰ کے دورے پر روانہ، پاکستان اور افغانستان کے تنازعے کو حل کرنے کا عندیہ

غزہ کیلئے’’بورڈ آف پیس‘‘ جلد قائم کیا جائے گا ، امریکی صدر کی مشرق وسطیٰ کے دورے پر روانگی سے قبل گفتگو

মার্কিন প্রেসিডেন্ট ডোনাল্ড ট্রাম্প মধ্যপ্রাচ্য সফরে রওনা হয়েছেন এবং যাত্রার আগে সাংবাদিকদের সঙ্গে কথা বলার সময় বলেছেন যে পাকিস্তান ও আফগানিস্তানের মধ্যে চলমান সংঘাত তিনি সমাধানের চেষ্টা করবেন। তিনি আরও বলেন, গাজায় যুদ্ধ শেষ হয়েছে এবং খুব শিগগিরই “বোর্ড অব পিস” গঠন করা হবে। ট্রাম্প জানান, গাজায় যুদ্ধবিরতি বজায় থাকবে এবং বন্দীদের মুক্তি নির্ধারিত সময়ের আগেই সম্ভব হতে পারে।
ট্রাম্প ইসরায়েলের প্রধানমন্ত্রী নেতানিয়াহুকে প্রশংসা করে বলেন, তিনি চমৎকার কাজ করেছেন এবং কাতারকেও কৃতিত্ব পাওয়া উচিত। তিনি আরও সতর্ক করেন যে, যদি ইউক্রেন যুদ্ধ শেষ না হয়, তাহলে তিনি ইউক্রেনকে টমাহক ক্ষেপণাস্ত্র পাঠাতে পারেন। ট্রাম্প বলেন, “আমি শুনেছি পাকিস্তান ও আফগানিস্তানের মধ্যে যুদ্ধ চলছে, আমি ফিরে এসে এটা দেখব এবং আরেকবার চেষ্টা করব, কারণ আমি যুদ্ধ বন্ধ করতে পারদর্শী।”
মার্কিন প্রেসিডেন্টের সফর শুরু হবে ইসরায়েল থেকে, যেখানে তিনি মুক্তিপ্রাপ্ত বন্দীদের ও তাদের পরিবারের সঙ্গে সাক্ষাৎ করবেন। এছাড়াও ইসরায়েলি সংসদে বক্তব্য রাখবেন এবং সামরিক ও রাজনৈতিক নেতাদের সঙ্গে বৈঠক করবেন।
ইসরায়েল সফর শেষে ট্রাম্প মিশরের শার্ম আল-শেখে গাজা শান্তি সম্মেলনে যোগ দেবেন। এই সম্মেলনে বিশটিরও বেশি দেশের নেতা অংশ নেবেন। সেখানে হামাস ও ইসরায়েলের মধ্যে যুদ্ধবিরতি চুক্তিকে চূড়ান্ত রূপ দেওয়া হবে এবং আরব দেশগুলোর সঙ্গে ইসরায়েলের নিরাপত্তা চুক্তির পরিকল্পনাও আলোচনায় থাকবে।
ট্রাম্পের এই মধ্যপ্রাচ্য সফরকে বিশ্বজুড়ে শান্তি প্রচেষ্টার অংশ হিসেবে দেখা হচ্ছে। গাজা শান্তি সম্মেলনের ফলাফল এখন সবার নজরের কেন্দ্রবিন্দু, যা ভবিষ্যতে আঞ্চলিক রাজনীতিতে গুরুত্বপূর্ণ প্রভাব ফেলতে পারে।

মধ্যপ্রাচ্য সফরে রওনা হলেন প্রেসিডেন্ট ট্রাম্প, পাকিস্তান ও আফগানিস্তানের দ্বন্দ্ব সমাধানের ইঙ্গিত

গাজার জন্য শিগগিরই “বোর্ড অব পিস” গঠন করা হবে — মধ্যপ্রাচ্য সফরে রওনা হওয়ার আগে মার্কিন প্রেসিডেন্টের বক্তব্য

خیبرپختونخوا میں نئے وزیراعلیٰ کے انتخاب میں ایک اور رکاوٹ آگئی،گورنر خیبر پختونخوا نے وزیراعلیٰ علی امین گنڈا پور کا استعفیٰ اعتراض لگا کر واپس کر دیا۔جبکہ علی امین گنڈاپور نے گورنر خیبرپختونخوا فیصل کریم کنڈی کی جانب سے استعفوں میں دستخط کے فرق پر اٹھائے گئے اعتراض کو مسترد کرتے ہوئے واضح کیا ہے کہ 8 اور 11 اکتوبر کو جمع کرائے گئے دونوں استعفے ان کے مستند دستخطوں کے ساتھ ہیں۔تفصیلات کے مطابق گورنر خیبرپختونخوا فیصل کریم کنڈی نے وزیراعلیٰ کے دستخط پر اعتراض لگا کر استعفیٰ واپس کردیا ہے، گورنر خیبرپختونخوا فیصل کریم کنڈی کی جانب سے لکھے گئے خط میں علی امین گنڈا پور کے دونوں استعفوں پر دستخط کو مختلف اور غیرمشابہ قرار دیا گیا۔فیصل کریم کنڈی نے استعفوں کی تصدیق کے لئے وزیراعلیٰ علی امین کو 15 اکتوبر کو دن 3 بجے گورنر ہاؤس آنے کی ہدایت کردی۔گورنر فیصل کریم کنڈی نے مؤقف اختیار کیا کہ صوبے میں آئینی اور جمہوری عمل کو شفاف رکھنے کے لیے استعفے کی باقاعدہ تصدیق ناگزیر ہے۔دوسری جانب وزیراعلیٰ خیبرپختونخوا علی امین گنڈاپور نے گورنر خیبرپختونخوا فیصل کریم کنڈی کی جانب سے استعفوں میں دستخط کے فرق پر اٹھائے گئے اعتراض کو مسترد کرتے ہوئے واضح کیا ہے کہ 8 اور 11 اکتوبر کو جمع کرائے گئے دونوں استعفے ان کے مستند دستخطوں کے ساتھ ہیں۔سوشل میڈیا پر اپنے بیان میں علی امین گنڈاپور کا کہنا تھا کہ 8 اکتوبر کو جمع کرایا گیا استعفیٰ گورنر آفس پہلے ہی تسلیم کر چکا ہے اس کے باوجود اب اس پر اعتراضات اٹھانا حیران کن ہے۔وزیراعلیٰ نے اپنے ردعمل میں مزید کہا کہ میں دوبارہ واضح کر رہا ہوں کہ 8 اکتوبر اور 11 اکتوبر 2025 کو جمع کرائے گئے دونوں استعفے میرے اصل اور مستند دستخطوں کے ساتھ ہیں۔ اس میں کسی قسم کا ابہام یا تضاد نہیں۔دوسری جانب خیبرپختونخوا میں نئے وزیراعلیٰ کے انتخاب کی تیاریاں جاری ہیں، تاہم گورنر کی جانب سے علی امین گنڈا پور کے استعفے پر اعتراض کے بعد انتخاب ملتوی ہونے کا خدشہ پیدا ہوگیا ہے۔واضح رہے کہ خیبر پختونخوا اسمبلی میں آج نئے قائد ایوان کا انتخاب ہونے جارہا ہے جس کے لیے 4 امیدواروں کے کاغذات نامزدگی منظور ہوئے ہیں۔ان امیدواروں میں پاکستان تحریک انصاف کے سہیل آفریدی، جے یو آئی ف کے مولانا لطف الرحمان، مسلم لیگ ن کے سردار شاہ جہان یوسف اور پیپلز پارٹی کے ارباب زرک خان شامل ہیں۔سیاسی منظرنامہ پیچیدہ ہوتا جا رہا ہے، اور اب سب کی نظریں گورنر ہاؤس میں 15 اکتوبر کی پیش رفت پر مرکوز ہیں، جو خیبرپختونخوا کی آئندہ سیاسی رہنمائی کا تعین کرے گی۔

گورنرکےپی فیصل کریم کنڈی نے وزیراعلیٰ علی امین گنڈا پور کا استعفیٰ اعتراض لگا کر واپس کر دیا

فیصل کریم کنڈی نے استعفوں کی تصدیق کیلئے وزیراعلیٰ علی امین کو 15 اکتوبر کو دن 3 بجے گورنر ہاؤس آنے کی ہدایت کردی

اٹلی کی حکمران جماعت برادرز آف اٹلی نے ملک بھر میں عوامی مقامات پر مسلم خواتین کے برقع اور نقاب کے استعمال پر پابندی کے لیے نیا بل پیش کرنے کا اعلان کیا ہے۔حکام کا کہنا ہے کہ یہ اقدام مبینہ اسلامی علیحدگی پسندی کے خلاف ہے، جبکہ ناقدین اسے مذہبی آزادی پر حملہ قرار دے رہے ہیں۔پارٹی کے رکنِ پارلیمنٹ آندریا ڈیلماسٹرو نے کہا کہ مذہبی آزادی مقدس ہے، لیکن اسے آئین کے مطابق اور کھلے عام استعمال کرنا چاہیے۔اگر یہ بل منظور ہوا تو دکانیں، اسکول، دفاتر اور سرکاری اداروں میں برقع یا نقاب پہننا منع ہوگا۔ خلاف ورزی کی صورت میں 300 سے 3 ہزار یورو تک جرمانہ عائد کیا جائے گا۔بل میں پردے کے علاوہ مساجد کی فنڈنگ، جبری شادیوں اور غیر ملکی مذہبی فنڈز کی شفافیت کے امور بھی شامل ہیں۔یہ بل وزیراعظم جورجیا میلونی کی دائیں بازو کی حکومت کے "قومی اتحاد اور سیکیورٹی" ایجنڈے کا حصہ ہے۔پارٹی کی امیگریشن سربراہ سارا کیلانی کا کہنا ہے کہ مذہبی گروہوں سے شفافیت ضروری ہے، خاص طور پر غیر تسلیم شدہ گروہوں سے۔اٹلی اس پابندی کو نافذ کرنے والا پہلا یورپی ملک نہیں ہوگا، کیونکہ پہلے ہی فرانس، بیلجیئم، نیدرلینڈ، سوئٹزرلینڈ، آسٹریا، ڈنمارک، بلغاریہ اور جرمنی میں کہیں مکمل اور کہیں جزوی پابندیاں موجود ہیں۔یہ بل اٹلی میں مذہبی آزادی اور قومی سیکیورٹی کے توازن کو پرکھنے والا نیا مرحلہ ثابت ہو سکتا ہے، جس پر ملکی اور بین الاقوامی سطح پر سخت بحث متوقع ہے۔

اٹلی میں برقع اور نقاب پر پابندی کی تجویز، خلاف ورزی پر جرمانہ ہوگا

دکانوں، اسکولوں اور سرکاری دفاتر میں نقاب یا برقع پہننے پر 300 سے 3 ہزار یورو تک جرمانہ تجویز

الجزیرہ کے لندن اسٹوڈیو میں ایک دلچسپ واقعہ پیش آیا جب لائیو نیوز نشریات کے دوران اچانک ایک چوہا اسٹوڈیو میں داخل ہوگیا۔اینکر اپنی خبریں پڑھ رہی تھیں کہ چوہا ان کے سامنے ڈیسک پر آ گیا، جس پر اینکر نے فوری طور پر اپنی نشست چھوڑ دی اورچیختے ہوئے دوسری طرف بھاگی،چوہا بھی ڈر کے مارے وہاں سے بھاگ گیا،بعدازاں اینکر نے پرسکون ہو کر ناظرین سے معافی مانگتے ہوئے نشریات دوبارہ جاری رکھی۔وائرل ویڈیو میں دیکھا جا سکتا ہے کہ چوہا کس تیزی کے ساتھ اینکر کے سامنے سے گزرا اور اسٹوڈیو سے بھاگ نکلا۔ناظرین نے اس واقعے کی ویڈیو سوشل میڈیا پر تیزی سے شیئر کی اور اینکر کی پیشہ ورانہ صلاحیت کو سراہا۔الجزیرہ کے ذرائع کے مطابق واقعے کے بعد اسٹوڈیو کی صفائی اور پیسٹ کنٹرول ٹیم کو طلب کیا گیا تاکہ مستقبل میں ایسے واقعات سے بچا جا سکے۔یہ واقعہ نہ صرف مزاحیہ اور دلچسپ تھا بلکہ اینکر کی پیشہ ورانہ مہارت کی بھی بہترین مثال ہے،جو مشکل صورتحال میں بھی خود پر قابو پا کر نشر جاری رکھنے میں کامیاب رہی۔

الجزیرہ لندن اسٹوڈیو میں لائیو نشریات کے دوران چوہے کی اچانک انٹری،ویڈیووائرل

سوشل میڈیا پر وائرل ویڈیو میں اینکر کی گھبراہٹ اور چوہے کی تیز حرکت دیکھی جا سکتی ہے

پاک افغان بارڈر پر افغانستان کی طرف سے بلا اشتعال فائرنگ پر پاک فوج نے بھرپور جوابی کارروائی کرتے ہوئے 200 سے زیادہ طالبان اور منسلک دہشت گردوں کو ہلاک اور کئی زیادہ کو زخمی کردیا جب کہ پاکستان کے 23 بہادر جوانوں نے جام شہادت نوش کیا۔پاک فوج کے شعبہ تعلقات عامہ (آئی ایس پی آر) کے مطابق 11 اور 12اکتوبر کی رات افغان طالبان اور فتنہ الخوارج نے سرحدی علاقوں میں پاکستان پر حملہ کیا، جس کا مقصد دہشت گردی کی سہولت کاری کے لیے سرحدی خطے کو غیر مستحکم کرنا تھا۔ترجمان کے مطابق پاکستانی افواج نے چوکس رہتے ہوئے دشمن کے اس بڑے حملے کو مؤثر اور فیصلہ کن انداز میں پسپا کیا۔ جوابی کارروائی میں طالبان کے متعدد کیمپ، چوکیاں اور تربیتی مراکز تباہ کیے گئے۔آئی ایس پی آر نے بتایا کہ کارروائی کے دوران شہری آبادی کو نقصان سے محفوظ رکھنے کے لیے تمام ممکنہ احتیاطی اقدامات کیے گئے۔ جوابی کارروائی میں دشمن کی 21 چوکیاں قبضے میں لے لی گئیں اور طالبان کے کئی اہم تربیتی کیمپ اور انفراسٹرکچر مکمل طور پر تباہ کر دیے گئے۔فوجی ترجمان کے مطابق لڑائی کے دوران پاکستان کے 23 بہادر سپاہیوں نے جامِ شہادت نوش کیا، جب کہ 20 جوان زخمی ہوئے۔ترجمان نے کہا کہ طالبان حکومت کو واضح طور پر آگاہ کر دیا گیا ہے کہ پاکستان کے خلاف دہشت گردی کے لیے افغان سرزمین کا استعمال کسی صورت برداشت نہیں کیا جائے گا۔انہوں نے مزید کہا کہ یہ افسوسناک واقعہ اُس وقت پیش آیا جب طالبان وزیر خارجہ بھارت کے دورے پر تھے، جو خود خطے میں دہشت گردی کا سب سے بڑا سہولت کار ہے۔آئی ایس پی آر نے طالبان حکومت سے کہا کہ وہ ’’فتنۂ ہندوستان‘‘، ’’خوارج‘‘ اور ’’داعش‘‘ جیسے عناصر کے خاتمے کے لیے فوری اور قابلِ تصدیق اقدامات کرے۔ ترجمان نے کہا کہ پاکستان اپنی خودمختاری اور عوام کے تحفظ کے لیے ہر قیمت پر اقدامات جاری رکھے گا۔آخر میں ترجمان نے کہا کہ طالبان حکومت کو اشتعال انگیزی سے گریز کرنا چاہیے اور افغان عوام کی بھلائی، امن اور ترقی کو ترجیح دینی چاہیے۔ اگر طالبان حکومت بھارت کے ساتھ مل کر دہشت گرد گروہوں کی سرپرستی جاری رکھے گی تو پاکستان افغانستان سے دہشت گردی کے مکمل خاتمے تک چین سے نہیں بیٹھے گا۔

پاک افغان سرحد پر شدید جھڑپیں، 200 سے زیادہ طالبان و دہشت گرد ہلاک، 23 پاکستانی جوان شہید

جوابی کارروائیوں میں طالبان کے متعدد ٹھکانے تباہ کر دیئے گئے، دشمن کی 21 چوکیوں کو قبضے میں لے لیا گیا، آئی ایس پی آر

قومی کرکٹ ٹیم کے سابق کپتان اور اسٹار بیٹر بابر اعظم نے ایک اور تاریخی سنگِ میل عبور کر لیا۔بابر اعظم ورلڈ ٹیسٹ چیمپئن شپ (WTC) میں 3 ہزار رنز مکمل کرنے والے پہلے ایشیائی بلے باز بن گئے ہیں۔یہ اعزاز انہوں نے جنوبی افریقہ کے خلاف لاہور کے قذافی اسٹیڈیم میں جاری ٹیسٹ سیریز کے پہلے میچ کے دوران حاصل کیا۔بابر اعظم نے ورلڈ ٹیسٹ چیمپئن شپ کے دوران 37 میچز میں 47.95 کی شاندار اوسط سے 3021 رنز مکمل کیے۔یہ کارنامہ انجام دے کر وہ نہ صرف پاکستان کے پہلے بلکہ دنیا کے مجموعی طور پر آٹھویں کھلاڑی بن گئے جنہوں نے اس ایونٹ میں تین ہزار رنز کا ہندسہ عبور کیا۔اعداد و شمار کے مطابق، ایشیائی بیٹرز میں بابر اعظم کے بعد دوسرا نمبر بھارتی کپتان شبمن گل کا ہے،جنہوں نے 39 میچز میں 2826 رنز بنائے ہیں۔ورلڈ ٹیسٹ چیمپئن شپ کے مجموعی چارٹ میں بابر اعظم آٹھویں پوزیشن پر ہیں،جبکہ سرفہرست بیٹر انگلینڈ کے جو روٹ ہیں جنہوں نے 69 میچز میں 6080 رنز اسکور کر رکھے ہیں۔دوسرے نمبر پر آسٹریلیا کے اسٹیو اسمتھ، تیسرے پر مارنوس لبوشین، چوتھے پر بین اسٹوکس اور پانچویں پر ٹریوس ہیڈ موجود ہیں۔بابر اعظم نے 2016 میں ویسٹ انڈیز کے خلاف ٹیسٹ ڈیبیو کیا تھا۔اب تک وہ 59 ٹیسٹ میچز میں 108 اننگز کھیل چکے ہیں جن میں انہوں نے 4235 رنز بنائےان کا بہترین اسکور 196 رنز ہے جبکہ ٹیسٹ کرکٹ میں وہ دو وکٹیں بھی حاصل کر چکے ہیں۔بابر اعظم کا یہ سنگِ میل نہ صرف پاکستانی کرکٹ کے لیے اعزاز ہے بلکہ اس بات کا ثبوت بھی کہاستقامت، کلاس اور محنت کے ساتھ پاکستانی بیٹر دنیا کے کسی بھی بڑے کھلاڑی سے کم نہیں۔

بابراعظم ورلڈ ٹیسٹ چیمپئن شپ میں 3 ہزار رنز بنانے والے پہلے ایشیائی بلے باز بن گئے

سابق کپتان بابر اعظم ایشیا کے پہلے اور دنیا کے آٹھویں بیٹر جنہوں نے WTC میں 3 ہزار رنز مکمل کیے

قذافی اسٹیڈیم لاہور میں کھیلے جا رہے دو ٹیسٹ میچوں کی سیریز کے پہلے میچ کے پہلے روز کھیل کے اختتام پر پاکستان نے جنوبی افریقہ کے خلاف اپنی پہلی اننگز میں 5 وکٹوں کے نقصان پر 313 رنز بنا لیے۔کپتان شان مسعود نے ٹاس جیت کر پہلے بیٹنگ کا فیصلہ کیا۔ پاکستان کی جانب سے عبداللہ شفیق اور امام الحق نے اننگز کا آغاز کیا، تاہم عبداللہ شفیق محض 2 رنز بنا کر پویلین لوٹ گئے۔ ان کے بعد شان مسعود اور امام الحق نے ذمہ دارانہ بیٹنگ کرتے ہوئے ٹیم کا اسکور مستحکم کیا۔163 کے مجموعی اسکور پر شان مسعود 76 رنز بنا کر آؤٹ ہوئے، جبکہ 199 پر امام الحق بھی 93 رنز کی شاندار اننگز کھیل کر ہمت ہار گئے۔ اسی اسکور پر اگلی ہی گیند پر سعود شکیل بغیر کوئی رن بنائے وکٹ گنوا بیٹھے، اور دو اوور بعد بابر اعظم بھی 23 رنز بنا کر پویلین لوٹ گئے۔بعدازاں محمد رضوان اور سلمان آغا نے پانچویں وکٹ پر 114 رنز کی شراکت قائم کر کے ٹیم کو سنبھالا۔پہلےدن کے اختتام پر پاکستان نے 5 وکٹوں پر 313 رنز بنائے، محمد رضوان 62 اور سلمان آغا 52 رنز کے ساتھ کریز پر موجود ہیں۔

پہلا ٹیسٹ،پاکستان نے پہلے دن کے اختتام پر5وکٹوں کے نقصان پر313رنز بنالئے

شان مسعود، امام الحق اور محمد رضوان کی ذمہ دارانہ بیٹنگ،محمد رضوان 62 اور سلمان آغا 52 رنز کے ساتھ کریز پر موجود ہیں

প্রধান নির্বাচন কমিশনার এ. এম. এম নাসির উদ্দিন বলেছেন, রাতের অন্ধকারে ভোট চাই না। আমাদের লক্ষ্য শান্তিপূর্ণ, নিরাপদ ও সুষ্ঠু নির্বাচন। রোববার  চট্টগ্রাম সার্কিট হাউসে ত্রয়োদশ জাতীয় সংসদ নির্বাচন সামনে রেখে সাংবাদিকদের সঙ্গে আলাপকালে নির্বাচনের পরিবেশ ও সাংবাদিকদের নিরাপত্তা নিয়ে স্পষ্ট বার্তা দেন তিনি।
সাংবাদিকদের সঙ্গে সহযোগিতা নিশ্চিত করার প্রতিশ্রুতি দিয়ে সিইসি নাসির উদ্দিন বলেন, ভোটকেন্দ্রের ভেতরে সাংবাদিকদের প্রবেশে কোনো বাধা নেই। সাংবাদিকদের প্রবেশের জন্য নির্দেশ দেওয়া হয়েছে। রোহিঙ্গা ভোটারদের বিষয়ে তিনি বলেন, নির্বাচন হবে নতুন ভোটার তালিকার ওপর ভিত্তি করে, যা সাধারণ মানুষের স্বচ্ছ ও সুষ্ঠু ভোটাধিকার নিশ্চিত করবে।

হাসিনার মতো রাতের অন্ধকারে ভোট চাই না : সিইসি

শান্তিপূর্ণ, নিরাপদ ও সুষ্ঠু নির্বাচনই নির্বাচন কমিশনের প্রধান লক্ষ্য বলে জানিয়েছেন প্রধান নির্বাচন কমিশনার।

আসন্ন ত্রয়োদশ জাতীয় সংসদ নির্বাচনে যারা বিশৃঙ্খলা তৈরি করবে, তাদের বিরুদ্ধে কঠোর ব্যবস্থা নেওয়া হবে বলে জানিয়েছেন অন্তর্বর্তী সরকারের স্বরাষ্ট্র উপদেষ্টা মো. জাহাঙ্গীর আলম চৌধুরী। রবিবার সচিবালয়ে আইন-শৃঙ্খলাসংক্রান্ত কোর কমিটির সভা শেষে এ কথা বলেন স্বরাষ্ট্র উপদেষ্টা।
এ সময় তিনি বলেন, নির্বাচনে বিশৃঙ্খলা সৃষ্টি করতে পারে এমন লোকদের চিহ্নিত করে কঠোর ব্যবস্থা নেয়া হবে। এজন্য সুস্পষ্ট কর্মপরিকল্পনা প্রণয়ন করা হবে। ঝুঁকিপূর্ণ ভোটকেন্দ্রে সিসিটিভি ক্যামেরা থাকবে। দেড় লাখ পুলিশ সদস্যকে প্রশিক্ষণ দেয়া হবে। আগামী জানুয়ারির মধ্যে প্রশিক্ষণ শেষ হবে। এবারের নির্বাচনে বিজিবির ১ হাজার ১০০ প্লাটুনে ৩৩ হাজার সদস্য নিয়োজিত থাকবে। তা ছাড়া এবারের নির্বাচনে প্রায় ৮০ হাজার সশস্ত্র বাহিনীর সদস্য মোতায়েন করা হবে বলেও জানান তিনি।

নির্বাচনে বিশৃংখলা করলে ব্যবস্থা-স্বরাষ্ট্র উপদেষ্টা

দেড় লাখ পুলিশ সদস্যের প্রশিক্ষণ চলছে, ঝুঁকিপূর্ণ কেন্দ্রে সিসিটিভি ক্যামেরা বসানো হবে, কড়া নজরদারিতে সম্পন্ন হবে ভোট প্রক্রিয়া।

پاکستانی سکیورٹی ذرائع کا کہنا ہے کہ افغان جارحیت پر پاکستانی ردعمل کو پاکستان اور افغانستان کے عوام کے درمیان جنگ تصور نہ کیا جائے، جوابی حملہ صرف دہشت گرد ٹھکانوں اور تربیتی مراکز پر ہوگا۔پاک افغان بارڈر پر افغانستان کی طرف سے بلا اشتعال فائرنگ کی گئی جس کا پاک فوج نے بھرپور جواب دیا، پاکستانی فورسزکی بھر پور جوابی کارروائی سے متعددافغان فوجی ہلاک ہوگئے، بھاری نقصانات کے باعث متعدد افغان پوسٹیں خالی ہو گئیں۔سکیورٹی ذرائع کے مطابق حالیہ افغان جارحیت اور پاکستانی ردعمل کو پاکستان اور افغانستان کے عوام کے درمیان جنگ نہ سمجھا جائے، جارحیت افغان عبوری حکومت،طالبان اورخوارج کی جانب سے مسلط کی گئی ہے۔سکیورٹی ذرائع کا کہنا ہے کہ افغان جارحیت مبینہ طور پر بھارتی مالی معاونت سے کی جا رہی ہے، دہشت گرد عناصر پاکستان کے خلاف جنگ کو ہوا دے رہے ہیں۔ذرائع کے مطابق پاکستان کا افغان عوام یا عوامی مقامات کو نشانہ بنانے کا کوئی ارادہ نہیں، کارروائی افغانستان کے بھارت پرست شرپسند عناصر کے خلاف ہے۔پاک فوج نے ایک بار پھر واضح کر دیا ہمارا ہدف دہشت گرد ہیں، عوام نہیں۔ امن چاہتے ہیں، لیکن جارحیت کا جواب ہمیشہ بھرپور انداز میں دیا جائے گا۔

پاکستانی ردعمل کو پاک افغان عوام کے درمیان جنگ نہ سمجھا جائے، سکیورٹی ذرائع

یہ کارروائی افغانستان میں موجود بھارتی سرپرستی میں موجود شرپسند عناصرکے خلاف ہے، سکیورٹی ذرائع

ایران نے پاکستان اور افغانستان کے درمیان حالیہ سرحدی کشیدگی پر گہری تشویش کا اظہار کرتے ہوئے دونوں ممالک سے مطالبہ کیا ہے کہ وہ فوری طور پر مذاکرات کے ذریعے حالات کو معمول پر لائیں۔تہران میں ایرانی وزارتِ خارجہ کے ترجمان اسماعیل بقائی نے ایک بیان میں کہا کہ ہر ملک کی علاقائی سالمیت اور قومی خودمختاری کا احترام نہایت ضروری ہے۔ ایران اپنے تمام برادر اور ہمسایہ ممالک کے ساتھ پُرامن تعلقات اور خطے میں استحکام کا خواہاں ہے۔ترجمان کے مطابق اگر ضرورت پڑی تو ایران پاکستان اور افغانستان کے درمیان بڑھتی ہوئی کشیدگی کو کم کرنے کے لیے مصالحانہ کردار ادا کرنے کے لیے بھی تیار ہے۔ایرانی وزارتِ خارجہ نے زور دیا کہ خطے میں امن، ترقی اور تعاون کے لیے باہمی احترام اور مسلسل مکالمہ ناگزیر ہیں۔ ترجمان نے کہا کہ کشیدگی میں اضافہ خطے کے استحکام کے لیے خطرہ بن سکتا ہے، اس لیے پاکستان اور افغانستان کو دانشمندی، صبر اور تحمل کا مظاہرہ کرتے ہوئے اپنے اختلافات سفارتی ذرائع سے حل کرنے چاہئیں۔یاد رہے کہ گزشتہ رات افغان فورسز کی بلا اشتعال فائرنگ کے نتیجے میں پاک افغان سرحد پر انگور اڈا، باجوڑ اور کرم کے مقامات پر جھڑپیں ہوئیں، جن کا پاک فوج نے بھرپور اور مؤثر جواب دیا۔ موجودہ صورتحال پر کئی ممالک نے تشویش کا اظہار کرتے ہوئے دونوں ہمسایہ ممالک پر زور دیا ہے کہ وہ مذاکرات کے ذریعے امن کی راہ اختیار کریں۔

پاک افغان سرحدی کشیدگی پر ایران کی گہری تشویش، مذاکرات کے ذریعے مسئلے کے حل پر زور

قومی خودمختاری کا احترام ناگزیرہے، ایران امن و استحکام کیلئے مصالحانہ کردار ادا کرنے کو تیارہے،ایرانی وزارت خارجہ

پاکستان نے افغانستان کے سفیر کو وزارتِ خارجہ طلب کر کے بھارت اور افغانستان کے درمیان جاری ہونے والے حالیہ مشترکہ اعلامیے پر سخت تحفظات کا اظہار کیا ہے۔دفترِ خارجہ کے مطابق، اسلام آباد میں افغان سفیر کو طلب کر کے نئی دہلی میں جاری مشترکہ اعلامیے کے بعض نکات پر پاکستان کے گہرے خدشات سے آگاہ کیا گیا۔ اعلامیے میں جموں و کشمیر کو بھارت کا حصہ قرار دینا نہ صرف اقوامِ متحدہ کی سلامتی کونسل کی قراردادوں کی خلاف ورزی ہے بلکہ یہ جموں و کشمیر کے عوام کی حقِ خودارادیت کی جدوجہد کے خلاف ایک اشتعال انگیز قدم بھی ہے۔ترجمان دفتر خارجہ نے کہا کہ بھارت اور افغانستان کا مشترکہ اعلامیہ اس خطے کے عوام کے جذبات کی توہین ہے۔ پاکستان نے افغان نگران وزیر خارجہ کے اس بیان کو بھی مکمل طور پر مسترد کر دیا جس میں انہوں نے دہشت گردی کو پاکستان کا’اندرونی مسئلہ‘ قرار دیا تھا۔پاکستان نے ایک بار پھر واضح کیا کہ دہشت گرد گروہ’فتنہ الخوارج‘ اور ’فتنہ الہندستان‘ سے وابستہ عناصر افغان سرزمین سے پاکستان کے خلاف کارروائیاں کر رہے ہیں، جنہیں افغانستان کے اندر موجود بعض حلقوں کی حمایت حاصل ہے۔اعلامیے میں کہا گیا کہ دہشت گردی کی ذمہ داری پاکستان پر ڈالنے سے عبوری افغان حکومت اپنے علاقائی امن اور استحکام کے تقاضوں سے بری الذمہ نہیں ہو سکتی۔ پاکستان نے یاد دلایا کہ گزشتہ چار دہائیوں سے وہ تقریباً چالیس لاکھ افغان مہاجرین کی میزبانی کر رہا ہے، اور اب جبکہ افغانستان میں امن بحال ہو چکا ہے، غیرقانونی طور پر مقیم افغان شہریوں کی واپسی ناگزیر ہے۔دفترِ خارجہ کے مطابق، پاکستان دیگر ممالک کی طرح اپنی سرزمین پر غیر ملکیوں کی موجودگی کو منظم کرنے کا حق رکھتا ہے۔ ساتھ ہی، پاکستان نے افغان شہریوں کے لیے تعلیمی اور طبی ویزے جاری رکھنے اور انسانی بنیادوں پر تعاون جاری رکھنے کے عزم کا اعادہ کیا۔ترجمان نے مزید کہا کہ پاکستان ایک پرامن، مستحکم اور خوشحال افغانستان کا خواہاں ہے، اسی لیے اسلام آباد نے تجارت، رابطوں اور اقتصادی تعاون کو فروغ دینے کے لیے ہر ممکن سہولت فراہم کی ہے۔اعلامیے کے آخر میں حکومتِ پاکستان نے واضح کیا کہ اپنے عوام کی سلامتی اور قومی خودمختاری کے تحفظ کے لیے تمام ضروری اقدامات کیے جائیں گے، اور توقع ظاہر کی کہ عبوری افغان حکومت اپنی سرزمین کو دہشت گرد عناصر، بالخصوص’فتنہ الخوارج‘ اور’فتنہ الہندستان‘، کے پاکستان کے خلاف استعمال سے روکنے کے لیے عملی اقدامات کرے گی۔

پاکستان کا افغان سفیر کو طلب کر کے بھارت،افغان مشترکہ اعلامیے پر شدید احتجاج

بھارت اورافغانستان کے مشترکہ اعلامیے میں جموں و کشمیر کو بھارت کا حصہ قرار دینا عالمی قراردادوں کی خلاف ورزی ہے

Stream Pakistan matches in AFC Asian Qualifiers on tapmad.

Watch AFC Asian Qualifiers Pakistan Matches on tapmad

Football fans now have a single destination to watch Pakistan&rsquo;s quest for the AFC Asian Cup exclusively on tapmad, the country&rsquo;s leading OTT platform.

Through its acquisition of the exclusive digital rights for Pakistan&rsquo;s home fixtures in the AFC Asian Qualifiers, tapmad will stream the matches live across Pakistan, Bangladesh, and Nepal.

Supporters can follow every moment as Pakistan faces Afghanistan, Syria, and Myanmar in its pursuit of regional glory.

As one of Asia&rsquo;s most anticipated tournaments, the AFC Asian Qualifiers unite top national teams in a battle for a coveted place on the continental stage.

With this development, tapmad further strengthens its reputation as the premier hub for live sports streaming in Pakistan.

Commenting on the announcement, COO Aly Rana said: 
&ldquo;We are proud to bring Pakistan&rsquo;s AFC Asian Qualifiers campaign to millions of passionate football fans. Over the years, tapmad has consistently supported sports that needed more visibility, from hockey in the past to football today. Our mission is to make premium sports content accessible and affordable while contributing to the growth of Pakistan&rsquo;s sports culture.&rdquo;

Building on this vision, tapmad&rsquo;s commitment extends well beyond mainstream entertainment.

By providing a platform for sports that often receive less attention, it not only amplifies their visibility but also supports the development of a stronger sports ecosystem in Pakistan.

From highlighting hockey in the past to now championing football, the platform continues to broaden its catalog, bringing together live sports and a rich library of on demand content.

With this variety and accessibility, tapmad reaffirms its position as Pakistan&rsquo;s ultimate streaming destination.

Fans can download the tapmad app from the Google Play Store or iOS App Store, or simply visit <a href="http://www.tapmad.com" target="_new">www.tapmad.com</a> to start streaming.

tapmad Secures Exclusive Streaming Rights for Pakistan’s AFC Asian Qualifiers Home Matches

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan