Cricket

Entertainment

Football

صدر مملکت آصف علی زرداری نے بھارت کے خلاف معرکہ حق میں نمایاں خدمات انجام دینے والی شخصیات کو اعلیٰ قومی اعزازات سے نواز دیا۔معرکہ حق میں لازوال جرأت اور جنگی مہارت کا اعتراف کرتے ہوئے فیلڈ مارشل سید عاصم منیر کو ’ہلال جرأت‘ جبکہ وفاقی وزراء اور چیئرمین پیپلز پارٹی کو نشان امتیاز سے نواز دیا گیا۔ایوان صدر میں سول و عسکری شخصیات کو اعلیٰ اعزازات دینے کی پروقار تقریب ہوئی۔اس موقع پر صدر مملکت آصف علی زرداری نے نمایاں کارکردگی کا مظاہرہ کرنے والی شخصیات کو اعزازات دیے۔ تقریب میں وزیراعظم شہباز شریف بھی موجود تھے۔فیلڈ مارشل سید عاصم منیر کو انتہائی مشکل حالات میں فوج کی بہترین قیادت کرنے پرہلال جرات سے نوازا گیا۔چیئرمین جوائنٹ چیفس آف اسٹاف کمیٹی جنرل ساحر شمشاد کو ’نشان امتیاز‘ عطا کیا گیا جبکہ ائیر چیف مارشل ظہیر احمد بابر کو ’ہلال جرات‘ سے نوازا گیا۔علاوہ ازیں سفارتی سطح پر پاکستان کا مقدمہ بھرپور انداز میں لڑنے پر نائب وزیراعظم اسحاق ڈار کو بھی اعزاز سے نوازا گیا، سندھ طاس معاہدے پر بھرپور مؤقف اپنانے پر وفاقی وزیر قانون اعظم نذیر تارڑ کو بھی اعزاز سے نوازا گیا۔بھارت کی بلااشتعال جارحیت کا منہ توڑ جواب دینے پر وزیر دفاع خواجہ آصف کو ’نشان امتیاز‘ اور معرکہ حق میں اطلاعات کی بہترین ترسیل پر وزیر اطلاعات عطا تارڑ کو ’نشان امتیاز‘ سے نوازا گیا۔داخلی محاذ پر بہترین یکجہتی اور امن قائم رکھنے پر وزیر داخلہ محسن نقوی کو بھی ’نشان امتیاز‘ سے نوازا گیا۔علاوہ ازیں پاکستان کا مؤقف عالمی سطح پر اجاگر کرنے پر بلاول بھٹو زرداری کو ’نشان امتیاز‘ سے نوازا گیا۔ انہوں نے بھارت کی مکارانہ سازشوں کو عالمی سطح پر بے نقاب کیا تھا۔قومی اتفاق رائے اور سیاسی ہم آہنگی قائم کرنے میں اہم کردار پر معاون خصوصی رانا ثنا اللہ کو ’نشان امتیاز‘ دیا گیا۔

فیلڈ مارشل سید عاصم منیر کو ’ہلال جرأت‘ اور بلاول بھٹو کو ’نشان امتیاز‘ سے نوازدیا گیا

ایوان صدر میں ہونے والی پروقار تقریب میں صدر مملکت آصف علی زرداری نے سول و عسکری شخصیات کو اعلیٰ اعزازت سے نوازا

انٹرنیٹ سرچ انجن گوگل نے پاکستان کے 78 ویں یوم آزادی پر نیا ڈوڈل جاری کرتے ہوئے اپنی سالانہ روایت کو برقرار رکھا۔گوگل ہر سال یوم آزادی کے موقع پر نیا ڈوڈل جاری کرتا آیا ہے، علاوہ ازیں گوگل پاکستان کے اہم ترین دوسرے دنوں اور واقعات پر بھی خصوصی ڈوڈل جاری کرتا آیا ہے۔گوگل ڈوڈل سرچ انجن گوگل کے ہوم پیج پر موجود وہ خصوصی، عارضی لوگو ہوتا ہے جو اہم تاریخی، ثقافتی، عالمی واقعات، تعطیلات، یا مشہور شخصیات کی یاد منانے کے لیے ڈیزائن کیا جاتا ہے۔مذکورہ ڈوڈل عام طور پر گوگل کے اصل لوگو کی جگہ لیتا ہے، عارضی طور پر گوگل کا اپنا لوگ معطل کردیا جاتا ہے۔گوگل ڈوڈل میں تصاویر، اینیمیشنز، ویڈیوز، یا انٹرایکٹو گیمز شامل ہو سکتے ہیں، جسے کلک کرنے پر اس کی مزید تفصیلات معلوم کی جا سکتی ہیں۔رواں برس گوگل نے پاکستان کے یوم آزادی پر ڈوڈل جاری کرتے ہوئے اپنے نوٹ میں بتایا کہ پاکستان 14 اگست 2025 کو اپنی آزادی کی 78ویں سالگرہ منا رہا ہے۔نوٹ میں بتایا گیا کہ 14 اگست کے تاریخی دن سن 1947 میں پاکستان نے تقریباً 200 سالہ غیر ملکی اقتدار سے آزادی حاصل کر کے ایک خودمختار ریاست کی حیثیت اختیار کی تھی۔نوٹ کے مطابق سال 1947 کے ایکٹ آف انڈیپنڈنس کے بعد برصغیر کے مسلمانوں نے اپنی الگ آزاد قومی ریاست کے قیام کے لیے پاکستان تحریک کا آغاز کیا، اس تحریک کی قیادت آل انڈیا مسلم لیگ نے کی، جس کے سربراہ قائداعظم محمد علی جناح تھے، ان کی انتھک جدوجہد نے پاکستان کے قیام کا خواب شرمندہ تعبیر کیا۔گوگل نے ڈوڈل جاری کرتے ہوئے اپنے نوٹ میں بتایا کہ پاکستان میں یومِ آزادی کے جشن کا آغاز دارالحکومت اسلام آباد میں 31 توپوں کی سلامی سے ہوتا ہے، جس کے بعد صدارتی اور پارلیمانی عمارات پر پرچم کشائی کی تقریبات منعقد کی جاتی ہیں۔سیاسی رہنما قومی ترقی اور پیش رفت پر تقاریر کرتے ہیں، جنہیں ٹیلی ویڑن پر براہِ راست نشر کیا جاتا ہے۔ملک بھر میں پریڈز، آتش بازی، محب وطن میوزک کنسرٹس اور ایوارڈز کی تقریبات کا اہتمام بھی کیا جاتا ہے، جو پاکستانی قوم کے جذبے اور اتحاد کی عکاسی کرتی ہیں۔یہ دن ہر پاکستانی کے لیے فخر اور عزم کی تجدید کا موقع ہے کہ وہ اپنے وطن کی ترقی اور خوشحالی کے لیے اپنا کردار ادا کریں۔

پاکستان کے یوم آزادی کے موقع پر گوگل نے ڈوڈل جاری کردیا

ڈوڈل کے ڈیزائن میں تبدیلی کرتے ہوئے سبز ہلالی پرچم کو آسمان پر لہراتے ہوئے دکھایا گیا ہے

اسلام آباد(این این آئی)فیلڈمارشل سیدعاصم منیر نے یوم آزادی پر تمام اہل پاکستان کو دل کی گہرائیوں سے مبارکباد دیتے ہوئے کہا ہے کہ پاک فوج کی پیشہ وارانہ مہارت، جنگی تیاری پر مکمل اعتماد ہے، سرحدوں کی حفاظت کے لیے کسی بھی قربانی سے دریغ نہیں کریں گے، پاک فوج خطرات سے نمٹنے کے لیے پوری طرح تیار ہے اور اپنی آزادی و خود مختاری پر کبھی سمجھوتہ نہیں کریں گے۔آئی ایس پی آر کے مطابق آرمی چیف فیلڈ مارشل عاصم منیر نے یوم آزادی پر اپنے خصوصی پیغام میں کہا کہ اپنے بزرگوں، برصغیر کے مسلمانوں کی قربانیوں کو خراج تحسین پیش کرتا ہوں، مذہبی اقلیتیں آج بھی ملکی ترقی میں اپنا بھرپور کردار ادا کر رہی ہیں، دہشت گردی کو شکست دینے کے لیے انتہائی بھاری جانی ومالی قیمت ادا کی۔انہوں نے کہا کہ جدوجہد آزادی سمیت معرکہ حق کے شہدا کو سلام پیش کرتا ہوں، شہدا کی جرات و بہادری، عزم و جذبہ ایمانی کو سلام پیش کرتے ہیں، پاکستان مقبوضہ کشمیر کے مظلوم بھائیوں کی جدوجہد کی مکمل حمایت کرتا ہے۔فیلڈ مارشل عاصم منیر نے کہا کہ کشمیریوں کو ان کا حق خود ارادیت دینا مسئلے کا واحد، منصفانہ اور پائیدار حل ہے، عالمی برادری فلسطینیوں کے حقوق کے تحفظ کے لیے فوری اقدامات کرے۔انہوں نے یوم آزادی پر تمام اہل پاکستان کو دل کی گہرائیوں سے مبارکباد دیتے ہوئے کہا کہ پاک فوج کی پیشہ ورانہ مہارت، جنگی تیاری پر مکمل اعتماد ہے، سرحدوں کی حفاظت کے لیے کسی بھی قربانی سے دریغ نہیں کریں گے۔آرمی چیف نے کہاکہ بھارتی سرکار نے روایتی ہٹ دھرمی دکھائی، پاکستان کی شہری آبادی پر حملہ کیا، قوم کی حمایت سے مسلح افواج نے بھارتی جارحیت کے جواب میں آپریشن بنیان مرصوص کیا، جو تاریخ میں افواج پاکستان کی بہادری، ولولہ انگیز جذے کی علامت بن چکا ہے۔انہوںنے کہاکہ پاک فوج روایتی، غیرروایتی، ہائبرڈ خطرات سے نمٹنے کے لیے پوری طرح تیار ہے، اپنی آزادی، خودمختاری پر کبھی سمجھوتہ نہیں کریں گے، ہم خطے مین امن، ترقی اور خوشحالی کے متمنی ہیں، پہلگام واقعے کی پاکستان نے نہ صرف مذمت کی بلکہ شفاف عالمی تحقیقات کی پیش کی۔دریں اثنا، آئی ایس پی آر کے مطابق آرمی چیف فیلڈ مارشل سید عاصم منیر، چیئرمین جوائنٹ چیفس آف اسٹاف کمیٹی جنرل ساحر شمشاد مرزا، چیف آف دی نیول اسٹاف ایڈمرل نوید اشرف اور ایئر چیف مارشل ظہیر احمد بابر سدھو نے مسلح افواجِ پاکستان کی جانب سے قوم کو پاکستان کے 79ویں یومِ آزادی کے موقع پر دلی مبارکباد پیش کی ہے، یہ دن اتحاد، استقامت اور روشن مستقبل کے لیے مشترکہ وڑن پر غیر متزلزل عزم کی فتح کی علامت ہے۔آئی ایس پی آر کے مطابق مسلح افواج کے سربراہان نے بانیانِ پاکستان کو خراجِ عقیدت پیش کرتے ہوئے کہا کہ ہم ان کے ناقابلِ تسخیر جذبے، عزم اور قائداعظم محمد علی جناح کی بصیرت افروز قیادت میں دی جانے والی بے مثال قربانیوں کو سلام پیش کرتے ہیں، وہ قربانیاں جنہوں نے آزادی کی راہ ہموار کی، آزادی کے مقصد پر ان کا حوصلہ، دور اندیشی اور غیر متزلزل یقین آج بھی ہمارے لیے رہنمائی کا ایک لازوال مینار ہے۔بیان میں کہا گیا کہ مسلح افواج اْن عظیم رہنماؤں، مدبر سیاستدانوں اور جان نثار سپاہیوں کو گہری عقیدت و احترام کے ساتھ سلام پیش کرتی ہیں جنہوں نے وطنِ عزیز کی بنیادیں رکھیں اور ان کے ورثے کو ہمیشہ سنبھالے رکھنے کے عزم کا اظہار کرتی ہیں۔بیان میں کہا گیا کہ بطور محافظِ وطن ہم پاکستان کی خودمختاری اور علاقائی سالمیت کے تحفظ، آئین کی پاسداری، اور ان اقدار کی حفاظت کے غیر متزلزل عزم کا اعادہ کرتے ہیں جو ہماری قومی شناخت کا حصہ ہیں۔مسلح افواج کی قیادت نے کہا کہ مسلح افواج اور عوام کے درمیان اٹوٹ رشتہ ہماری اجتماعی قوت کا سنگ بنیاد ہے، یومِ آزادی کے اس موقع پر آئیے ہم اس عزم کو پھر سے تازہ کریں کہ امن، ترقی اور اتحاد کے لیے مسلسل کوشش کریں گے اور ایمان، اتحاد اور قربانی کے اصولوں پر کاربند رہتے ہوئے ایک مضبوط، خوشحال اور ترقی یافتہ پاکستان کے خواب کو حقیقت میں بدلیں گے۔

پاک فوج کی پیشہ وارانہ مہارت، جنگی تیاری پر مکمل اعتماد ہے، فیلڈ مارشل

پاک فوج خطرات سے نمٹنے کیلئے پوری طرح تیار ،آزادی و خود مختاری پر کبھی سمجھوتہ نہیں کریں گے،سیدعاصم منیر

ملک بھر میں آج78 واں یوم آزادی ملی جوش و جذبے کے ساتھ منایا جا رہا ہے ، رواں سال یوم آزادی کو معرکہ حق کی عظیم فتح سے منسوب کیا گیا ہے۔دن کے آغاز پروفاقی دارالحکومت اسلام آباد میں 31 اور صوبائی دارالحکومتوں میں 21، 21 توپوں کی سلامی دی گئی،فضا نعرہ تکبیر اللہ اکبر کےنعروں سے گونج اٹھی،اس موقع پرفوجی جوانوں کی جانب سے پاکستان زندہ باد اورنعرہ تکبیربلندکیاگیا،توپوں کی سلامی کا آغاز تلاوت قرآن پاک سےکیا گیا،تقریب کے اختتام پر ملکی سلامتی، ترقی اور خوشحالی کیلئےخصوصی دعا بھی کی گئی،مساجدمیں بھی نماز فجر کے بعد ملکی ترقی، یکجہتی، امن اور خوشحالی کیلئے خصوصی دعائیں کی گئیں۔پرچم کشائی کی مرکزی تقریب اسلام آباد میں پاکستان مونومنٹ میں منعقد ہوئی، جس میں وزیراعظم شہباز شریف اور وفاقی وزرا شریک ہوئے۔پرچم کشائی کی تقریب میں اسکولوں کے بچوں کی بڑی تعداد بھی موجود تھی۔ علاقائی لباس میں ملبوس بچوں نے وزیراعظم کو پاکستان مونومنٹ آمد پر پھول پیش کیے۔وزیر اعظم شہباز شریف نے پرچم کشائی کی، یادگار پاکستان پر پھول رکھے اور ملک کی سلامتی، ترقی اور خوشحالی کے لیے خصوصی دعا کی، پرچم کشائی کی تقریب کے موقع پر ملی جوش و جذبے سے قومی ترانہ پڑھا گیا۔جشن آزادی کے موقع پر بانی پاکستان قائد اعظم محمد علی جناح کے مزار پر گارڈز کی تبدیلی کی پر وقار تقریب ہوئی، پاکستان نیول اکیڈمی کے چاق و چوبند کیڈٹس نے اعزازی گارڈز کے فرائض سنبھال لئے، ایک دستہ پاک بحریہ کے سیلرز اور دوسرا پاکستان نیول اکیڈمی کے کیڈٹس پر مشتمل ہے، گارڈز میں 4 خواتین کیڈٹس بھی شامل ہیں۔کمانڈنٹ پاکستان نیول اکیڈمی کموڈور تصور اقبال تقریب کے مہمان خصوصی تھے، کمانڈنٹ پاکستان نیول اکیڈمی کموڈور تصور اقبال نے مزار قائدؒ پر پھولوں کی چادر چڑھائی اور فاتحہ خوانی کی، پاک بحریہ کی جانب سے بابائے قوم محمد علی جناحؒ کو قومی سلام پیش کیا گیا، مہمانوں کی کتاب میں اپنے تاثرات بھی قلمبند کئے۔ادھر لاہور میں مزار اقبال پر بھی گاڈرز کی تبدیلی کی پروقار تقریب کا انعقاد ہوا، جس میں پنجاب رینجرز کے دستے نے پاکستان آرمی کو چارج دے دیا۔اس سے پہلے رات 12 بجتے ہی اسلام آباد، لاہور، کراچی، پشاور، کوئٹہ اور ملتان سمیت ملک کے کونے کونے میں آتش بازی کا شاندار مظاہرہ کیا گیا، نوجوان قومی پرچم اور جھنڈیاں لیے سڑکوں پر نکل آئے۔گلیوں، شاہراہوں، چوراہوں کو برقی قمقموں سے سجا دیا گیا، سرکاری عمارتوں پر چراغاں کیا گیا۔ جناح اسپورٹس کمپلیکس اسلام آباد میں یومِ آزادی اورمعرکہ حق کی فتح کی تقریب منعقد کی گئی۔ تقریب میں صدر مملکت آصف علی زرداری، وزیرِاعظم شہباز شریف اور تینوں مسلح افواج کے سربراہان شریک ہوئے۔ تقریب میں وفاقی کابینہ کے ارکان، قومی اسمبلی اورسینیٹ ارکان اوردوست ممالک کے سفراء سمیت بڑی تعداد میں شہری بھی شریک ہوئے۔تقریب میں تینوں مسلح افواج پر مشتمل میوزک بینڈ کا شاندار مارچ پاسٹ کیا جبکہ پاک آرمی، پاک بحریہ اور پاک فضائیہ کے چاق چوبند دستوں سمیت پنجاب رینجرز، ایف سی خیبرپختونخوا کے دستوں نے بھی مارچ پاسٹ کیا۔ یومِ آزادی اور معرکہ حق کی فتح کی تقریب میں وزیراعظم شہبازشریف نے یادگارِ معرکہ حق کے ماڈل کی نقاب کشائی بھی کی۔

ملک بھر میں آج یومِ آزادی ملی جوش و جذبے سے منایا جا رہا ہے، تقریبات کا سلسلہ جاری

وفاقی دارالحکومت اسلام آباد میں 31 اورصوبائی دارالحکومتوں میں 21، 21 توپوں کی سلامی دی گئی

تہران (این این آئی)ایران نے کہاہے کہ امریکا کے ساتھ براہ راست جوہری مذاکرات مناسب حالات میں ممکن ہوسکتے ہیں۔ایرانی میڈیا سے گفتگو میں ایرانی اول نائب صدر محمد رضا عارف نے کہا ہے کہ حالات موزوں ہوں تو ایران امریکا کے ساتھ جوہری مذاکرات کر سکتا ہے۔انہوں نے مزید کہا کہ امریکا کا ایران سے یورینیم افزودگی کا مکمل خاتمہ کرنے کا مطالبہ ایک مذاق ہے۔گزشتہ روز ایران کے سپریم لیڈر علی خامنہ ای کے مشیر علی اکبر ولایتی نے کہا تھاکہ ایران کو قفقاز میں امریکی راہداری منصوبہ قبول نہیں ہے، تہران اپنی سرحدوں کے قریب اس راہداری کی تعمیر کی اجازت نہیں دے گا۔ڈونلڈ ٹرمپ نے آذربائیجان اور آرمینیا کے درمیان امن معاہدہ کرانے کے ساتھ قفقاز میں اس منصوبے کی تجویز بھی دی، جس کو خطے کے دوسرے ممالک نے دیرپا امن کے حصول کے لیے فائدہ مند قرار دیا ہے، تاہم مشیر علی اکبر ولایتی نے کہا کہ ایران اس راہداری کو روک دے گا۔ انھوں نے کہا خواہ روس کے ساتھ مل کر یا اس کے بغیر لیکن ہم اس اقدام کو روکیں گے، ان کا کہنا تھا کہ امریکا اس منصوبے کے تحت اپنی عسکری اور سیاسی موجودگی کو مستحکم کرنا چاہتا ہے۔

امریکا کیساتھ براہ راست جوہری مذاکرات مناسب حالات میں ممکن ہوسکتے ہیں، ایران

امریکا کا ایران سے یورینیم افزودگی کا مکمل خاتمہ کرنے کا مطالبہ ایک مذاق ہے،اول نائب صدر

فچ اور ایس اینڈ پی گلوبل کی مثبت کریڈٹ ریٹنگ کے بعد پاکستان کی معیشت بارے ایک اور اہم پیشرفت سامنے آگئی۔عالمی ریٹنگ ایجنسی موڈیز نے پاکستان کی ریٹنگ بہتر کر کے سی ڈبل اے ون کر دی۔موڈیز کی جانب سے جاری اعلامیے میں کہا گیا ہے کہ پاکستان کی مقامی اور غیر ملکی کرنسی کی کریڈٹ ریٹنگ سی ڈبل اے ٹو تھی جسے بہتر کر کے سی ڈبل اے ون کیا جا رہا ہے۔عالمی ایجنسی کے اعلامیے کے مطابق پاکستان کے کریڈٹ آؤٹ لک کو بھی مثبت سے مستحکم کر دیا گیا ہے۔موڈیز کا کہنا ہے پاکستان کی بہتر بیرونی پوزیشن اپ گریڈ کی وجہ ہے، اپ گریڈ کا سبب آئی ایم ایف پروگرام میں جاری ریفارمز کے سبب بھی ہے۔عالمی ریٹنگ ایجنسی کے مطابق توقعات ہیں کہ پاکستان کے زرمبادلہ ذخائر بڑھتے رہیں گے، تاہم پاکستان کو آفیشلز پارٹنرز کی ضرورت رہے گی۔موڈیز نے اس بات کا بھی ذکر کیا ہے کہ پاکستان کی حکومتی حکمت عملی میں سیاسی غیر یقینی صورتحال اور کمزور حکومتی کارکردگی کے مسائل موجود ہیں، جو کریڈٹ پروفائل پر منفی اثر ڈال سکتے ہیں۔

عالمی ریٹنگ ایجنسی موڈیز نے پاکستان کی کریڈٹ ریٹنگ ایک درجہ بہترکردی

عالمی ریٹنگ ایجنسی کی طرف سے پاکستان کی فارن ڈیبٹ ریٹنگ سی اے اے ٹو سے سی اے اے ون کی گئی ہے

اسلام آباد(این این آئی) پاکستان اور  امریکا نے انسداد دہشت گردی ڈائیلاگ کے مشترکہ اعلامیے میں  ہر قسم کی دہشتگردی کے خاتمے کے عزم کا اعادہ کیا ہے۔امریکی سفارتخانے کی جانب سے جاری اعلامیے میں کہا گیا ہے کہ پاکستان اور امریکا کے درمیان انسداد دہشت گردی ڈائیلاگ کی صدارت نبیل منیر اور گریگری ڈی لوجرفو نے مشترکہ طور پر کی۔اعلامیے کے مطابق ڈائیلاگ میں ہر قسم کی دہشت گردی کے خاتمے کے عزم کا اعادہ کیا گیا، فریقین نے بی ایل اے، داعش خراسان، ٹی ٹی پی کے خطرات سے نمٹنے پر زور دیا۔مشترکہ اعلامیے میں کہا گیا ہے کہ امریکا نے پاکستان کی دہشت گردوں کو قابو کرنے کی کامیابیوں کو سراہا، اور جعفر ایکسپریس سمیت خضدار اسکول بس حملے میں جانی نقصان پر افسوس کا اظہار کیا۔امریکی سفارتخانے کی جانب سے جاری اعلامیے میں بتایا گیا ہے کہ ڈائیلاگ میں سکیورٹی چیلنجز اور نئی ٹیکنالوجی کے دہشت گردی میں استعمال سے نمٹنے پر اتفاق کیا گیا، ادارہ جاتی ڈھانچے کو مضبوط بنانے اور صلاحیتوں میں اضافہ کرنے پر بھی زور دیا گیا۔اعلامیے کے مطابق اقوام متحدہ سمیت کثیرالجہتی فورمز پر قریبی تعاون جاری رکھنے کا عزم کا اعادہ کیا گیا جبکہ دہشت گردی کے خاتمے اور امن و استحکام کے لیے مسلسل اور منظم روابط ضروری قرار دیا گیا۔

امریکا دہشت گردی کو قابو کرنے میں پاکستان کی کامیابیوں کا معترف، ملکر کام کرنے کا عزم

ڈائیلاگ میں دہشت گردی کے خاتمے اور امن و استحکام کیلئے مسلسل اور منظم روابط ضروری قرار دیا گیا، اعلامیہ امریکی سفارتخانہ

پاکستان تحریک انصاف کے چیئرمین بیرسٹر گوہر نے واضح کیا ہے کہ بانی پی ٹی آئی عمران خان نے وزیراعلیٰ خیبرپختونخوا علی امین گنڈاپور سے استعفیٰ کا نہیں کہا بلکہ صوبے میں امن و امان کی بگڑتی صورت حال پر تشویش کا اظہار کیا تھا۔ نجی ٹی وی سے گفتگو میں انہوں نے بتایا کہ عرفان سلیم اور عائشہ بانو سمیت کسی کو بھی شوکاز نوٹس جاری نہیں ہوا، دونوں کو مستقبل میں کسی اور جگہ ایڈجسٹ کیا جائے گا۔بنی گالہ نیلامی کی خبروں کو بے بنیاد قرار دیتے ہوئے بیرسٹر گوہر نے کہا کہ خبر سامنے آنے پر میں نے اسے لیگل گروپ میں شیئر کیا، بعد میں نیب نے بھی وضاحت دی کہ وہ پراپرٹی عمران خان کی نہیں۔ ان کے مطابق عمران خان کی کسی جائیداد کے خلاف کوئی کارروائی نہیں ہو رہی۔انہوں نےمزید کہا کہ عمران خان نے واضح کیا کہ تحریک چلانے کے لیے وہ خود کافی ہیں، بیٹوں کو پاکستان آنے کی ضرورت نہیں، تاہم اگر وہ آنا چاہیں تو ان کا پرتپاک استقبال کیا جائے گا۔ پارٹی کبھی براہِ راست ان کے بیٹوں سے رابطے میں نہیں رہی، یہ رابطہ صرف خاندان کے افراد کرتے ہیں۔بیرسٹر گوہر نے مزید کہا کہ عمران خان کا مقصد تھا کہ صوبے میں آپریشن نہ ہو، اور صوبائی حکومت بھی آپریشن کے حق میں نہیں۔ گرینڈ الائنس فی الحال 6 جماعتوں پر مشتمل ہے، جس میں مولانا فضل الرحمن اور جماعت اسلامی کو شامل کرنے کی کوشش جاری ہے۔ ان کے مطابق لانگ مارچ نہ کرنے کا فیصلہ بھی عمران خان نے خود کیا تھا، حالانکہ احتجاج کے لیے پورا ملک سڑکوں پر نکل آیا تھا۔

عمران خان نے علی امین گنڈاپور کو مستعفی ہونے کا نہیں کہا،بیرسٹر گوہر

بنی گالہ نیلامی کی خبر بے بنیاد ہیں،عمران خان کی کسی پراپرٹی پر کارروائی نہیں ہو رہی،چیئرمین پی ٹی آئی

وفاقی وزیر خزانہ محمد اورنگزیب نے کہا ہے کہ بجلی کے نرخوں میں کمی کے لیے ٹاسک فورس کام کر رہی ہے، جلد بجلی سستی ہو گی،پہلی بار زرعی آمدنی کو بھی ٹیکس نظام کا حصہ بنایا گیا،ہماری کوشش ہے کاروباری لوگوں کی زیادہ سے زیادہ حوصلہ افزائی ہو۔بدھ کو تقریب سے خطاب کرتے ہوئے وزیرخزانہ نے کہاکہ پالیسی ریٹ میں مزید کمی سے متعلق بھی اعلان جلد کیا جائے گا۔محمد اورنگزیب نے کہا کہ اس سال ریاستی ملکیتی اداروں کی نجکاری تیزی سے آگے بڑھے گی، ایف بی آر میں اصلاحات کے عمل کی نگرانی وزیر اعظم خود کر رہے ہیں۔وفاقی وزیر نے کہا کہ اقتصادی میدان میں پاکستان کی کامیابیوں کو عالمی سطح پر سراہا جا رہا ہے، ایک تیسری عالمی ریٹنگ ایجنسی بھی پاکستان کی ریٹنگ میں بہتری کا اعلان کرے گی۔انہوںنے کہاکہ امریکا سے ٹیرف مذاکرات کے بعد پاکستان کے ایکسپورٹ کے مواقع بڑھے ہیں، ہم صحیح سمت کی طرف جا رہے ہیں، ٹیکسیشن کے نظام کو ہم نے ٹھیک کرنا ہے۔انہوں نے کہا کہ پہلی بار زرعی آمدنی کو بھی ٹیکس نظام کا حصہ بنایا گیا ہے، جتنی مالیاتی اسپیس میسر تھی اس کے مطابق تنخواہ داروں کو ٹیکس ریلیف دے چکے، ٹیکس نیٹ کو بڑھانے کے سوا ہمارے پاس کوئی راستہ نہیں ہے۔انہوں نے کہاکہ آئی ایم ایف سے معاہدوں کا ہدف معاشی ترقی ہے، اس سال کے آخر میں پانڈا بانڈ جاری کر رہے ہیں، چین سے بھی ہم معاہدے کر رہے ہیں، دو دن پہلے گیلپ کے سروے میں کاروباری برادری کا اعتماد بڑھ رہا ہے، آنے والے دنوں میں مزید بہتری کی اْمید ہے۔محمد اورنگزیب نے کہاکہ ہماری کوشش ہے کاروباری لوگوں کی زیادہ سے زیادہ حوصلہ افزائی ہو، پرائیویٹ سیکٹر نے اس ملک کی اکانومی کو لیڈ کرنا ہے، ہمارا کام کاروباری طبقے کو بہتر ماحول فراہم کرنا ہے، وزیراعظم کی قیادت میں ملک کے تمام چیمبرز سے ہم رابطے میں ہیں۔وزیر خزانہ نے کہا کہ ایس آئی ایف سی کھلے دل کے ساتھ سب کو اعتماد میں لینے کے عمل پر کار بند ہے، جہاں جہاں کاروبار میں جائز تشویش ہے اس کو حل کرنے کی کوشش کر رہے ہیں۔ ہم نے مشاورتی کمیٹیاں تشکیل دی ہیں، میری درخواست ہے کہ ہم مل جل کر قدم سے قدم ملا کر چلیں، ہم نے پاکستان کو خوشحال ملک بنانا ہے، اللّٰہ ہمیں اتحاد اور اتفاق سے ملک کی خدمت کرنے کی توفیق دے۔انہوںنے کہاکہ میں سب کو یوم آزادی کی مبارکباد پیش کرتا ہوں، ہماری پہچان لاکھوں لوگوں کی قربانیوں کا نتیجہ ہے، مختلف سیکٹرز میں معیشت میں بہتری پر آپ کے سامنے ہے، مجھے اْمید ہے اس سال معیشت میں مزید بہتری آئے گی۔انہوں نے کہاکہ ہم نے پچھلے سال ایک ٹریلین ڈیٹ سروس ادا کی ہے، ہم اپنا ہاؤس ان آرڈر کر رہے ہیں، اسٹاک ایکسچینج میں 60 فیصد گروتھ ہوئی ہے،اسٹاک ایکسچینج میں اچھی بات یہ ہے کہ نئے سرمایہ کاروں میں اضافہ ہوا ہے۔محمد اورنگزیب نے کہاکہ وفاقی حکومت نے 45 وزارتوں اور محکموں کی رائٹ سائزنگ کا عمل شروع کیا ہے، سرکاری اداروں کی نجکاری تیزی سے بڑھے گی، وزیر اعظم ایف بی آر ٹرانسفارمیشن کی میٹنگز کی خود نگرانی کر رہے ہیں، بجٹ کی تشکیل میں نہیں پورے سال آپ سے رابطہ میں رہیں گے۔

بجلی کے نرخوں میں کمی کیلئے ٹاسک فورس کام کر رہی ہے، جلد بجلی سستی ہو گی،وزیر خزانہ

ملکی قرضوں میں 41 فیصد اضافہ ہوا ہے، تاہم ادائیگیوں کے ساتھ صورتحال بہتر ہو جائے گی، محمداورنگزیب

آذربائیجان کی فوج کے فرسٹ ڈپٹی وزیر دفاع اور چیف آف جنرل اسٹاف کرنل جنرل کریم ولییف نے چیف آف آرمی اسٹاف فیلڈ مارشل عاصم منیرکو فوجی تعاون کے میدان میں خدمات کے اعتراف کے طور پر آذربائیجان کا اعلیٰ پیٹریاٹک وارمیڈل عطا کیا۔آئی ایس پی آر کے مطابق کرنل جنرل کریم ولییف نے جنرل ہیڈکوارٹرز میں آرمی چیف فیلڈ مارشل عاصم منیر سے ملاقات میں باہمی دلچسپی کے امور، بالخصوص موجودہ عالمی و علاقائی سلامتی کی صورتحال پر تبادلۂ خیال کیا۔ آذربائیجان کے چیف آف جنرل اسٹاف نے معرکۂ حق میں پاک فوج کی پیشہ ورانہ مہارت اور کامیابی کو سراہا۔آئی ایس پی آر کے مطابق وفد نے یومِ آزادی اور فتح کی تقریبات کے موقع پر نیک خواہشات کا اظہار کیا، اس موقع پر آرمی چیف نے آذربائیجان کی قیادت اور عوام کا شکریہ ادا کیا۔آرمی چیف نے آذربائیجان کا معرکۂ حق کے دوران پاکستانی عوام کی حمایت اور یومِ آزادی کی تقریب میں شرکت کیلئے آذری دستہ بھیجنے پر شکریہ ادا کیا۔آئی ایس پی آر کے مطابق کرنل جنرل کریم ولیئیف نے صدر الہام علیئیف کی جانب سے آذربائیجان کا اعلیٰ عسکری اعزاز عطا کیا، یہ ایوارڈ پاکستان اور آذربائیجان کے مابین عسکری تعاون میں ان کی شاندار خدمات کا اعتراف ہے۔کرنل جنرل کریم ولیئیف نے دہشت گردی کے خاتمے میں پاکستان کی غیر متزلزل کوششوں کو سراہا،  انہوں نے دفاع اور سلامتی کے شعبے میں تعاون کو مزید بڑھانے کے آذربائیجان کے عزم کو دہرایا۔ معزز مہمان نے پاکستان کی شاندار میزبانی اور آذربائیجان کیلئے مستقل حمایت پر شکریہ بھی ادا کیا۔آئی ایس پی آر کے مطابق جی ایچ کیو آمد پر کرنل جنرل کریم ولیئیف کو پاک فوج کے چاق و چوبند دستے نے گارڈ آف آنر پیش کیا، کرنل جنرل کریم ولیئیف نے یادگارِ شہداء پر پھولوں کی چادر بھی چڑھائی۔

آرمی چیف سید عاصم منیر کو آذربائیجان کے اعلیٰ ترین پیٹریاٹک وار میڈل سے نوازدیا گیا

فیلڈمارشل عاصم منیر سے آذربائیجان کے چیف آف جنرل اسٹاف کی ملاقات، اہم امور پر تبادلہ خیال کیا

سسرال والوں کے لیے بُری خبر آگئی۔شادی شدہ خواتین کو سسرال یا شوہر کے گھر سے بلاوجہ نکالنے والوں کے لیے بڑی قانونی خبر آ گئی۔ قومی اسمبلی میں پاکستان پیپلز پارٹی کی رکنِ اسمبلی شرمیلا فاروقی نے ایک اہم بل پیش کیا جس کا مقصد خواتین کو گھریلو بے دخلی سے مؤثر قانونی تحفظ فراہم کرنا ہے۔بل کے متن کے مطابق اگر کوئی شوہر یا اس کے گھر کا کوئی فرد بیوی کو بلاجواز یا غیرمنصفانہ طور پر گھر سے نکالتا ہے تو اسے سخت سزا کا سامنا کرنا پڑے گا۔ مجرم کو کم از کم 3 ماہ اور زیادہ سے زیادہ 6 ماہ قید کے ساتھ 2 لاکھ روپے تک جرمانہ بھی کیا جا سکے گا۔ یہ قانون نہ صرف شوہر بلکہ گھر کے کسی بھی فرد پر لاگو ہو گا، بشمول ساس، سسر، دیور یا نند، اگر وہ اس غیرقانونی عمل میں شریک پائے گئے۔مزید یہ کہ بیوی کو گھر سے نکالنے کے مقدمات فرسٹ کلاس مجسٹریٹ کی عدالت میں سنے جائیں گے، تاکہ متاثرہ خواتین کو فوری انصاف فراہم ہو اور کیسز میں غیر ضروری تاخیر نہ ہو۔ڈپٹی اسپیکر قومی اسمبلی نے بل کو مزید غور و خوض کے لیے متعلقہ پارلیمانی کمیٹی کے سپرد کر دیا ہے، جو اس کا تفصیلی جائزہ لے کر ضرورت پڑنے پر ترامیم تجویز کرے گی تاکہ اسے مزید مضبوط اور مؤثر بنایا جا سکے۔

بیوی کو گھر سے نکالنے پر قید اور جرمانے کی سزا ہوگی، قومی اسمبلی میں بل پیش کردیا گیا

شوہر یا اس کے گھر کا کوئی فرد بیوی کو بلاجواز یا غیرمنصفانہ طور پر گھر سے نکالتا ہے تو اسے سخت سزا کا سامنا کرنا پڑے گا

چیف جسٹس یحییٰ آفریدی نے بحریہ ٹاؤن کی جائیدادوں کی نیلامی کا کیس سننے سےمعذرت کر لی۔سپریم کورٹ میں بحریہ ٹاؤن کی جائیدادوں کی نیلامی کے خلاف دائر کیس کی سماعت چیف جسٹس یحییٰ آفریدی کی سربراہی میں ہونے والے تین رکنی بینچ کے روبرو مقرر تھی۔ سماعت کے آغاز میں چیف جسٹس یحییٰ آفریدی نے کیس سننے سے معذرت کرتے ہوئے ریمارکس دیے کہ یہ مناسب ہوگا کہ اس معاملے کو وہی پرانا بینچ سنے جس نے اس پر پہلے سماعت کی تھی۔اس موقع پر وکیل بحریہ ٹاؤن نے عدالت کو آگاہ کیا کہ اسلام آباد ہائیکورٹ اس کیس سے متعلق تفصیلی فیصلہ جاری کر چکی ہے۔ انہوں نے کہا کہ وہ اس فیصلے کے تناظر میں اپنی اضافی معروضات بھی سپریم کورٹ میں جمع کرانا چاہتے ہیں۔عدالت عظمیٰ نے وکیل کی درخواست منظور کرتے ہوئے اضافی معروضات جمع کرانے کی اجازت دے دی۔ بعد ازاں بینچ نے کیس کو دوبارہ پرانے بینچ کے سپرد کرنے کا حکم دیتے ہوئے سماعت غیر معینہ مدت کے لیے ملتوی کر دی۔بحریہ ٹاؤن کی جائیدادوں کی نیلامی سے متعلق یہ معاملہ کافی عرصے سے عدالتوں میں زیر سماعت ہے، اور اس میں ملک کی بڑی نجی ہاؤسنگ اسکیم کے قانونی و مالی پہلوؤں پر مختلف عدالتی فورمز پر بحث جاری ہے۔

چیف جسٹس یحییٰ آفریدی نےبحریہ ٹاؤن کی جائیداد نیلامی کا کیس سننے سے معذرت کرلی

چیف جسٹس یحییٰ آفریدی نے کیس پرانے بینچ کو بھجواتے ہوئے سماعت غیر معینہ مدت کیلئے ملتوی کردی

بھارتی اپوزیشن جماعت کانگریس کی جنرل سیکریٹری پریانکا گاندھی نے غزہ میں جاری اسرائیلی کارروائیوں کو کھلے عام نسل کشی قرار دیتے ہوئے شدید ردعمل ظاہر کیا ہے۔ بھارتی میڈیا رپورٹس کے مطابق پریانکا گاندھی نے کہا کہ اسرائیلی حملوں میں اب تک 60 ہزار سے زائد فلسطینی شہید ہو چکے ہیں، جن میں اٹھارہ ہزار سے زائد معصوم بچے بھی شامل ہیں۔ انہوں نے عالمی برادری کی خاموشی اور عملی اقدام نہ کرنے کوخود ایک سنگین جرم قرار دیا۔پریانکا گاندھی نے کہا کہ بھارتی حکومت کا اس مسئلے پر خاموش تماشائی بنے رہنا نہ صرف افسوسناک بلکہ شرمناک بھی ہے۔ ان کا کہنا تھا کہ اسرائیلی ناکہ بندی کے باعث غزہ میں سینکڑوں بچوں سمیت ہزاروں افراد بھوک اور غذائی قلت کے باعث جان کی بازی ہار رہے ہیں۔کانگریس رہنما نے اقوام متحدہ، عالمی اداروں اور انسانی حقوق کی تنظیموں سے فوری اور مؤثر اقدامات اٹھانے کی اپیل کی تاکہ مزید جانوں کے ضیاع کو روکا جا سکے۔

غزہ میں اسرائیلی مظالم پر مودی کی خاموشی سنگین جرم اور بے حسی ہے،پریانکا گاندھی

عالمی اداروں کی غزہ پر خاموشی سنگین جرم ہے جہاں 60 ہزار افراد کا قتل کیا جا چکا ہے، کانگریس رہنما

ویسٹ انڈیز نے تیسرے اور آخری میچ میںپاکستان کو 202 رنز کے بڑے مارجن شکست دے کر 34 سال بعد پاکستان سے ایک روزہ سیریز جیت لی۔ٹاروبا میں کھیلے گئے میچ میں پاکستان کے کپتان محمد رضوان نے ٹاس جیت کر پہلے میزبان ٹیم کو بیٹنگ کی دعوت دی۔ ویسٹ انڈیز نے مقررہ 50 اوورز میں 6 وکٹ کے نقصان پر 294 رنز بنائے۔ کپتان شائے ہوپ نے شاندار بیٹنگ کرتے ہوئے 94 گیندوں پر ناقابلِ شکست 120 رنز اسکور کیے جبکہ جسٹن گریوز نے صرف 24 گیندوں پر جارحانہ 43 رنز بنائے۔ پاکستان کی جانب سے نسیم شاہ اور ابرار احمد نے 2، 2 وکٹیں حاصل کیں جبکہ محمد نواز اور صائم ایوب کے حصے میں ایک ایک وکٹ آئی۔295 رنز کے تعاقب میں پاکستانی بیٹنگ لائن بری طرح ناکام رہی اور پوری ٹیم صرف 92 رنز پر ڈھیر ہو گئی۔ ٹاپ آرڈر میں صائم ایوب، عبداللہ شفیق اور کپتان محمد رضوان بغیر کوئی رن بنائے آؤٹ ہوئے، بابر اعظم بھی صرف 9 رنز ہی بنا سکے۔ سلمان علی آغا 30 اور محمد نواز 23 رنز کے ساتھ نمایاں رہے۔ویسٹ انڈیز کی جانب سے جیڈن سلز نے تباہ کن بولنگ کرتے ہوئے 6 وکٹیں حاصل کیں جبکہ گداکیش موتی نے 2 اور روسٹن چیز نے ایک کھلاڑی کو آؤٹ کیا۔ شائے ہوپ کو میچ کا بہترین کھلاڑی اور جیڈن سلز کو سیریز کا بہترین کھلاڑی قرار دیا گیا۔واضح رہے کہ پاکستان اور ویسٹ انڈیز کے درمیان تین میچوں کی سیریز کے پہلے ون ڈے میچ میں پاکستان نے ویسٹ انڈیز کو 5 وکٹوں سے شکست دی تھی جبکہ میزبان ٹیم نے دوسرے میچ میں گرین شرٹس کو 5 وکٹوں سے ہرایا تھا۔

تیسرا ون ڈے،ویسٹ انڈیز نے پاکستان کو 202 رنز سے ہرا کر سیریزجیت لی

ویسٹ انڈیز کی 34 سال بعد تاریخی فتح، پاکستان کی ٹیم 295 رنز کے تعاقب میں 92 رنز پر ڈھیر ہوگئی

کراچی(این این آئی)کراچی کے شہریوں کو سستی بجلی کی فراہمی کے لیے سندھ کے وزیرِ توانائی ناصر حسین شاہ نے بڑا اعلان کر دیا۔صوبائی وزیر ناصر حسین شاہ نے اعلان کیا کہ کراچی کی صنعت اور رہائشیوں کو سیپرا کے تحت سستی بجلی فراہم کی جائے گی، سستی بجلی کے نرخ کے الیکٹرک کی نسبت بہت کم ہوں گے۔وزیرِ توانائی سندھ نے کہا کہ بجلی ہم خود بنائیں گے اور ایس ٹی ڈی سی کے تحت خود ترسیل کریں گے، بجلی کے نرخ بھی اب ہم خود طے کر سکیں گے۔انہوں نے واضح کیا کہ ایس ٹی ڈی سی کی ترسیل شدہ بجلی کا نیپرا کے نرخوں سے تعلق نہیں ہوگا اور ایس ٹی ڈی سی سے ترسیل کی گئی بجلی کا نرخ نیپرا سے بہت کم ہوگا، سیپرا میں لوگوں کو بھرتی کر لیا گیا ہے اور رواں ماہ اگست ہی نوٹیفکیشن جاری ہو جائے گا۔ناصر حسین شاہ نے کہا کہ ہماری بنیادی توجہ کا مرکز اکنامک زونز ہیں، ہماری کوشش ہے کہ سیپرا کے تحت بجلی کی پہلی ترسیل کے فور کے گرڈ کو فراہم کی جائے۔صوبائی وزیر نے کہا کہ ہم نے سندھ اسمبلی سے سیپرا کو آئینی طور پر منظور کروا لیا ہے، اب کراچی کے شہری بھی سستی بجلی حاصل کر سکیں گے، تاہم ترسیلی نظام ایس ٹی ڈی سی کے پاس ہونا چاہیے۔انہوں نے کہا کہ کے الیکٹرک کے بورڈ میں سندھ کی نمائندگی نہیں ہے، وفاق کے تین ڈائریکٹر ہیں۔ وفاق سے کہا ہے کہ ایک نمائندہ وفاق کا ہو اور باقی دوسندھ سے ہوں۔وزیر توانائی کا کہنا تھا کہ سندھ حکومت کا کے الیکٹرک کو سولر پارکس کے ذریعے سستی بجلی فراہم کرنے کا معاہدہ ہوا ہے، کے الیکٹرک سے کہا ہے کہ سولر سے جب بجلی بن رہی ہے تو مہنگے ایندھن والی بجلی نہ خریدیں۔

حکومت سندھ کا کراچی کے شہریوں کو سستی بجلی کی فراہمی سے متعلق بڑا اعلان

سستی بجلی کے نرخ کے الیکٹرک کی نسبت بہت کم ہوں گے، صوبائی وزیر توانائی ناصرحسین شاہ

بھارتیہ جنتا پارٹی (بی جے پی) کے رہنما اور بولی وُڈ اداکار متھن چکرورتی نے پاکستان پیپلز پارٹی کے چیئرمین اور سابق وزیر خارجہ بلاول بھٹو زرداری کے حالیہ بیان پر سخت اور نامناسب ردعمل ظاہر کیا ہے۔بلاول بھٹو نے چند روز قبل سندھ طاس معاہدے میں ممکنہ تبدیلیوں پر بھارت کو دوٹوک وارننگ دیتے ہوئے کہا تھا کہ پاکستانی عوام میں اتنی طاقت ہے کہ وہ نہ صرف جنگ میں بھارت کا مقابلہ کر سکتے ہیں بلکہ چھ دریا واپس لینے کی صلاحیت بھی رکھتے ہیں۔ ان کا کہنا تھا کہ اگر پاکستان کو مجبور کیا گیا تو وہ پیچھے ہٹنے یا جھکنے والا نہیں ہوگا۔کلکتہ میں میڈیا سے گفتگو کرتے ہوئے متھن چکرورتی نے بلاول کے بیان پر ردعمل دیتے ہوئے دھمکی آمیز لہجہ اختیار کیا اور کہا کہ اگر ایسی باتیں کرتے رہیں اور ہماری کھوپڑی سنک گئی تو ایک کے بعد ایک براہموس میزائل چلے گا۔انہوں نے طنزیہ انداز میں مزید کہا کےہم نے تو یہ بھی سوچ رکھا ہے کہ ایک ڈیم بنایا جائے جس میں بھارت کے 140 کروڑ لوگ پیشاب کریں، پھر اسے کھول دیں تاکہ سونامی جیسا منظر پیدا ہو۔متھن چکرورتی نے کہا کہ معافی چاہتا ہوں، پاکستان کے عوام کے ساتھ ہمارا کوئی لینا دینا نہیں۔ یہ بات میں نے صرف ان (بلاول بھٹو) کے لیے کہی ہے۔انھوں نے مزید کہا کہ پاکستانی عوام سے کوئی مسئلہ نہیں ہے۔ وہ امن پسند ہیں، جنگ نہیں چاہتے۔ مسئلہ صرف اشتعال انگیزی پھیلانے والے عناصر سے ہے۔متھن چکرورتی کےاس بیان پردونوں ممالک کے سیاسی اور عوامی حلقوں میں شدید ردعمل دیکھنے کو مل رہا ہے۔یاد رہے یہ پہلا موقع نہیں جب بلاول بھٹو نے بھارت کو پانی کے معاملے پر سخت وارننگ دی ہو۔ جون میں بھی پارلیمنٹ میں خطاب کے دوران انہوں نے کہا تھا کہ اگر پاکستان کو اپنے حصے کا پانی نہ ملا تو ’جنگ ہوگی‘۔واضح رہے کہ بھارت نے اپریل میں 1960 کا سندھ طاس معاہدہ معطل کر دیا تھا، یہ اقدام پہلگام حملے کے چند دن بعد سامنے آیا تھا، جس میں 26 افراد ہلاک ہوئے تھے۔ بھارتی وزیر داخلہ امیت شاہ پہلے ہی اعلان کر چکے ہیں کہ یہ معاہدہ اب دوبارہ بحال نہیں کیا جائے گا۔

کھوپڑی سنک گئی تو، متھن چکرورتی نے بلاول بھٹو کو میزائل حملوں کی دھمکی دیدی

بھارتی اداکار کا سندھ طاس معاہدے پر بلاول کے سخت مؤقف پر نامناسب طنز، ’’ڈیم اور سونامی‘‘ کا متنازعہ بیان

آئی سی سی نے جولائی 2025 کیلئے بھارت کے ٹیسٹ کپتان شبمن گل کو پلیئر آف دی منتھ قرار دے دیا۔بھارتی بلے باز شبمن گل نے چوتھی بار آئی سی سی پلیئر آف دی منتھ کا اعزاز جیت کر نئی تاریخ رقم کردی، وہ ایسا کرنے والے واحد کھلاڑی بن گئے ہیں۔ صرف 25 سال کی عمر میں  شبمن گل نے انگلینڈ کے خلاف ٹیسٹ سیریز میں شاندار بیٹنگ کا مظاہرہ کرتے ہوئے مداحوں اور ماہرین کو متاثر کیا۔تین ٹیسٹ میچز میں شبمن گل نے 75 کی شاندار اوسط سے 754 رنز اسکور کیے، جن میں ایک ڈبل سنچری اور دو مزید سنچریاں شامل ہیں۔ ایجبسٹن ٹیسٹ میں انہوں نے 269 اور 161 رنز کی یادگار اننگز کھیل کر بھارت کو 336 رنز سے تاریخی فتح دلائی۔اس کارکردگی کے ساتھ وہ انگلینڈ میں ٹیسٹ ڈبل سنچری بنانے والے پہلے بھارتی کپتان اور بیرون ملک یہ کارنامہ انجام دینے والے دوسرے کپتان بن گئے۔ انہوں نے سنیل گواسکر اور سچن ٹنڈولکر جیسے عظیم کھلاڑیوں کے پرانے ریکارڈز بھی توڑ ڈالے۔شبمن گل آئی سی سی پلیئر آف دی منتھ کا اعزاز چار مرتبہ جیتنے والے پہلے مرد کھلاڑی ہیں۔ اس کامیابی کو انہوں نے اپنے کیریئر اور بطور کپتان ایک اہم سنگِ میل قرار دیا۔ اس ایوارڈ کے لیے آئی سی سی نے شبمن گل کے ساتھ انگلینڈ کے بین سٹوکس اور جنوبی افریقہ کے ویان ملڈر کو بھی نامزد کیا تھا۔

شبمن گل نے آئی سی سی پلیئر آف دی منتھ کا اعزاز جیت کر تاریخ رقم کردی

ایجبسٹن میں ڈبل سنچری اور شاندار ریکارڈز نے شبمن گل کو کرکٹ تاریخ میں منفرد مقام دلوا دیا

پشاور ہائیکورٹ نے قومی اسمبلی اور سینیٹ میں نئے اپوزیشن لیڈرز کی تقرری روک دی، عمر ایوب اور شبلی فراز کے خلاف مزید کارروائی سے بھی روک دیا۔پشاور ہائی کورٹ کے جسٹس ارشد علی اور جسٹس خورشید اقبال پر مشتمل 2 رکنی بینچ نے عمر ایوب اور شبلی فراز کو الیکشن کمیشن کی جانب سے ڈی نوٹی فائی کرنے کے خلاف درخواست پر سماعت کی۔بیرسٹر گوہر خان نے عدالت کو بتایا کہ 2 درخواستیں دائر کی ہیں، ایک عمر ایوب کی اور دوسری شبلی فراز کی ہے، عمر ایوب اپوزیشن لیڈر قومی اسمبلی اور شبلی فراز سینیٹ میں اپوزیشن لیڈر تھے، 5 اگست کو الیکشن کمیشن نے درخواست گزاروں کو نااہل کیاجبکہ اسپیکر قومی اسمبلی نے عمر ایوب اور چیئرمین سینیٹ نے شبلی فراز کو ڈی نوٹیفائی کرکے ان کی سیٹیں خالی قرار دی ہیں۔31 جولائی کو اِنسدادِ دہشت گردی عدالت نے درخواست گزاروں اور دیگر پی ٹی آئی ممبران کو 10، 10 سال قید کی سزا سنائی۔بیرسٹر گوہر نے کہا کہ اپوزیشن لیڈر آئینی عہدہ ہے، اسمبلی رول 39 کے تحت اپوزیشن لیڈر بنتا ہے، جب کوئی ممبر قومی اسمبلی بنتا ہے تو پھر الیکشن کمیشن کا کام ختم ہو جاتا ہے، سپریم کورٹ کا اس حوالے سے فیصلہ موجود ہے کہ الیکشن کمیشن کسی ممبر کو نااہل قرار نہیں دےسکتا،بیرسٹر گوہر نے کہا کہ الیکشن کمیشن نے اس سے پہلے این اے ون چترال کے عبدالطیف کو بھی نااہل قرار دیا، الیکشن کمیشن نے اظہر صدیق کیس کا غلط حوالہ دیکر ان کو نااہل قرار دیا، ہم نے 180 سیٹیں جیتی، پارلیمنٹ میں 90 سیٹوں کے ساتھ گئے، اب 77 رہ گئے ہیں، ہمیں عمر ایوب پر فخر ہے اس کو تین کروڑ لوگوں نے ووٹ دیا ہے۔انہوں نے کہا کہ اب حکومت کسی دوسری پارٹی کا اپوزیشن لیڈر لانا چاہتی ہے، اسپیکر نے ریفرنس نہیں بھیجا اور الیکشن کمیشن نے انہیں نااہل قرار دیا، عدالت حکم دے کہ مزید کارروائی نہ کریں۔جسٹس سید ارشد علی نے اپنے ریمارکس میں کہا کہ کل تک ہم آپ کو حکم امتناع دیتے ہیں، عدالت نے سینیٹ میں نئے اپوزیشن لیڈر کی تقرری بھی روک دی۔عدالت نے الیکشن کمیشن اور دیگر فریقین کو نوٹس جاری کرتے ہوئے 15 اگست تک جواب طلب کرلیا۔

پشاور ہائیکورٹ نے قومی اسمبلی اور سینیٹ میں نئے اپوزیشن لیڈرز کی تقرریاں روک دیں

عدالت نے الیکشن کمیشن اور دیگر فریقین کو نوٹسز جاری کرتے ہوئے 15 اگست تک جواب طلب کرلیا

معروف امریکی گلوکارہ میڈونا نے پوپ لیو سے اپیل کی ہے کہ وہ جلد از جلد غزہ کا دورہ کریں کیونکہ وہاں اسرائیلی حملوں کی وجہ سے بچے سب سے زیادہ متاثر ہورہے ہیں۔میڈونا نے انسٹاگرام پر جاری کیے گئے پیغام میں لکھا کہ ایک ماں ہونے کے ناطے وہ بچوں کی یہ تکلیف برداشت نہیں کر سکتی، بچے سب کے ایک جیسے ہوتے ہیں اور آپ وہ واحد شخص ہیں جنہیں اندر جانے سے روکا نہیں جا سکتا۔گلوکارہ نے مزید کہا کہ ہمیں انسانی بنیادوں پر راستے مکمل طور پر کھولنے کی ضرورت ہے تاکہ ان معصوم بچوں کو بچایا جا سکے۔واضح رہے کہ پوپ لیو نے فلسطینیوں کی حمایت میں بارہا بات کی ہے اور اس حوالے سے وہ پوپ فرانسس کی پیروی کر رہے ہیں۔مقبوضہ بیت المقدس کے لاطینی پیٹریارک کارڈینل پیئربتستا پیزابالا اور مقبوضہ بیت المقدس کے یونانی آرتھوڈوکس پیٹریارک تھیوفیلس سوم نے پچھلے ماہ غزہ کا دورہ کیا تھا، اور وہاں کی صورتِ حال کو اخلاقی طور پر ناقابلِ قبول قرار دیا تھا۔پیزابالا اس خطے میں کیتھولک کے سب سے اعلی مذہبی رہنما ہیں، انہوں نے اور تھیوفیلس سوم نے غزہ کا دورہ اس وقت کیا جب غزہ سٹی میں موجود ہولی فیملی چرچ پر ایک اسرائیلی حملے میں کم از کم تین افراد جاں بحق ہو گئے تھے۔یاد رہے کہ پوپ فرانسس اپنی وفات سے کچھ ہی عرصہ پہلے تک ہولی فیملی چرچ میں پناہ لینے والے افراد سے ہر رات فون پر رابطہ رکھتے تھے۔یہ بھی یادرہے کہ  اسرائیل کی جارحیت کے باعث غزہ میں انسانی امداد کی ترسیل ممکن نہیں ہو پا رہی، جس سے قحط اور بھوک کا خطرہ سنگین ہو گیا ہے۔ اقوام متحدہ اور عالمی ادارہ صحت بھی اس صورتحال کو خطرناک قرار دے چکے ہیں اور خبردار کیا ہے کہ اب تک بھوک سے سینکڑوں بچوں سمیت متعدد افراد جان کی بازی ہار چکے ہیں۔

پاپ سٹار میڈونا کی پاپائے روم لیو چہاردہم سے غزہ کا دورہ کرنے کی اپیل

سیاست مسائل حل نہیں کر سکتی بلکہ شعور ہی تبدیلی لا سکتا ہے، ماں ہونے کے ناطے بچوں کی تکلیف برداشت نہیں کرسکتی، گلوکارہ

واشنگٹن (این این آئی) عالمی شہرت یافتہ برطانوی اخبار فنانشل ٹائمز کے مطابق پاکستان اور امریکا کے درمیان تعلقات میں غیر متوقع بہتری آئی ہے، جس نے بھارت کو سخت پریشان کر دیا ہے۔یہ پیشرفت امریکی صدر ڈونلڈ ٹرمپ کی حکومت اور پاکستان کے درمیان حالیہ سفارتی رابطوں کے نتیجے میں سامنے آئی ہے۔رپورٹ کے مطابق فیلڈ مارشل جنرل عاصم منیر نے اس سال موسم گرما میں دو بار امریکا کے اعلی سطحی دورے کیے۔ سب سے حالیہ دورہ فلوریڈا کا تھا، جہاں انہوں نے امریکی سینٹرل کمانڈ کے سربراہ جنرل مائیکل کوریلا کی ریٹائرمنٹ تقریب میں شرکت کی۔ اس سے قبل جون میں فیلڈ مارشل جنرل عاصم منیر نے صدر ٹرمپ کے ساتھ دو گھنٹے کا نجی دوپہر کا کھانا کھایا، جو پاکستان اور بھارت کے درمیان کئی دہائیوں میں سب سے خونریز جھڑپ کے صرف ایک ماہ بعد ہوا تھا۔یہ ملاقات اس لیے بھی اہم سمجھی جا رہی ہے کیونکہ ماضی میں ڈونلڈ ٹرمپ نے پاکستان پر کھلے عام تنقید کی تھی۔ تاہم، اب منظرنامہ یکسر بدل چکا ہے۔ ایشیا پیسیفک فانڈیشن کے سینیئر تجزیہ کار مائیکل کوگل مین نے فنانشل ٹائمز سے بات کرتے ہوئے کہا: امریکا اور پاکستان کے تعلقات میں یہ پیشرفت حیران کن ہے۔ میں اسے ایک غیر متوقع دوبارہ آغاز بلکہ ایک نیا دور کہوں گا۔ پاکستان نے اس غیر روایتی صدر سے تعلقات بڑھانے کا فن خوب سمجھ لیا ہے۔رپورٹ کے مطابق پاکستان نے یہ کامیابی ایک جامع حکمتِ عملی کے ذریعے حاصل کی ہے، جس میں دہشت گردی کے خلاف تعاون، صدر ٹرمپ کے بزنس نیٹ ورک میں موجود اہم شخصیات تک رسائی، توانائی، معدنی وسائل اور کرپٹو کرنسی سے متعلق معاہدے شامل ہیں۔ اس کے ساتھ ساتھ وائٹ ہاس کے لیے مثبت پیغام رسانی پر بھی زور دیا گیا۔امریکی اخبارنے ایک بڑی پیشرفت کا ذکر کرتے ہوئے بتایا کہ مارچ میں پاکستان نے داعش-خراسان کے ایک اہم ملزم کو گرفتار کر کے امریکی حکام کے حوالے کیا، جو 2021 کے کابل ایئرپورٹ دھماکے کا ماسٹر مائنڈ سمجھا جاتا ہے۔ صدر ٹرمپ نے اس گرفتاری کو اپنے اسٹیٹ آف دی یونین خطاب میں پاکستان کی بڑی کامیابی قرار دیتے ہوئے سراہا۔مزید برآں، اپریل میں ٹرمپ کی حمایت یافتہ کرپٹو کرنسی منصوبہ ورلڈ لبرٹی فنانشل اور پاکستان کے کرپٹو کونسل کے درمیان ایک معاہدہ طے پایا۔ اس منصوبے کے بانیوں میں سے ایک نے پاکستان کے دورے کے دوران ملک کے وسیع معدنی وسائل کی تعریف کی۔رپورٹ کے مطابق بھارت اس تیزی سے بدلتے تعلقات پر سخت برہم ہے، خاص طور پر اس وقت جب امریکا نے بھارت پر درآمدی ٹیرف 50 فیصد کر دیا جبکہ پاکستان کے لیے یہ شرح صرف 19 فیصد رکھی۔ بھارتی وزیراعظم نریندر مودی نے ٹرمپ کے اس بیان کی بھی تردید کی کہ امریکا نے مئی میں پاکستان اور بھارت کے درمیان سیز فائر میں ثالثی کی تھی۔ بھارت کا کہنا ہے کہ یہ معاہدہ دونوں ممالک کی افواج نے براہ راست بات چیت کے ذریعے طے کیا۔

پاکستان اور ٹرمپ حکومت کی بڑھتی قربت نے بھارت کی تشویش میں اضافہ کردیا

پاکستان نے داعش خراسان کے ایک اہم ملزم کو گرفتار کر کے امریکی حکام کے حوالے کیا،ٹرمپ نے اسے خوب سراہا،رپورٹ

اِنسدادِ دہشت گردی عدالت (اے ٹی سی) لاہور نے 9 مئی کے دو کیسز میں پی ٹی آئی کے وائس چیئرمین شاہ محمود قریشی کو رہا کرنے کا حکم جاری کردیا۔عدالت نے سپرنٹنڈنٹ جیل کو شاہ محمود قریشی کی رہائی کا مراسلہ جاری کردیا ہے۔عدالت کی جانب سے کہا گیا ہے کہ شاہ محمود قریشی کسی اور مقدمے میں مطلوب نہیں تو انہیں رہا کیا جائے۔راحت بیکری کے باہر جلاؤ گھیراؤ اور تھانہ شادمان جلاؤ گھیراؤ کے مقدمہ میں رہائی کا مراسلہ جاری کیا گیا۔واضح رہے کہ ایک روز قبل انہی مقدمات میں پی ٹی آئی کے دیگر رہنماؤں ڈاکٹر یاسمین راشد، عمر سرفراز چیمہ، میاں محمود الرشید اور اعجاز چوہدری کو 10، 10 سال قید اور 6، 6 لاکھ روپے جرمانے کی سزا سنائی گئی تھی، جب کہ ان کی جائیدادیں ضبط کرنے کا بھی حکم دیا گیا تھا۔شاہ محمود قریشی کو دونوں مقدمات سے بری کرتے ہوئے عدالت نے واضح کیا کہ رہائی کا حکم صرف اسی صورت لاگو ہوگا جب وہ کسی اور کیس میں زیرِ حراست نہ ہوں۔

انسداد دہشت گردی عدالت نےپی ٹی آئی رہنما شاہ محمود قریشی کو رہا کرنے کا حکم دے دیا

شاہ محمود قریشی کسی اور مقدمے میں مطلوب نہیں تو انہیں رہا کیا جائے،اِنسدادِ دہشت گردی عدالت

WPL 2025: Discover top players, predicted pairings, and key matchups set to light up the courts in Mumbai this August.

WPL 2025's Top Players & Predicted Pairings

<p>World Padel League 2025 is no longer playing small- it is becoming a real show stopper. This season appears to be stacked with a line-up of matches that might not be easy to miss, and you can be sure that there will be surprise couples that will shake things up in the most thrilling ways.</p>

<h2>Men Crew</h2>

<ul>
	<li>
	<p style="font-style: normal;">Alejandro Galan: lighting reflexes, sharp volleys, and pure net play.</p>
	</li>
	<li>
	<p style="font-style: normal;">Juan Lebr&oacute;n: massive smashes, cunning positioning, and the killer instinct.</p>
	</li>
	<li>
	<p style="font-style: normal;">Agustin Tapia: artistic twists and turns, defense into attack at times.</p>
	</li>
	<li>
	<p style="font-style: normal;">Arturo Coello: strong, powerful, solid as hell wherever he is standing on the court.</p>
	</li>
</ul>

<h2>Female Crew</h2>

<ul>
	<li>
	<p style="font-style: normal;">Paula Josemaria: fast on feet, point construction at its nicest.</p>
	</li>
	<li>
	<p style="font-style: normal;">Ariana Sanchez: does not get rattled under fire, she sees even the smallest holes and fires into them.</p>
	</li>
	<li>
	<p style="font-style: normal;">Gemma Triay: aggressive vibe, covers the entire court as though it is her court.</p>
	</li>
	<li>
	<p style="font-style: normal;">Bea Gonzalez: a young girl, fearless, and growing into new levels with each occasion.</p>
	</li>
</ul>

<h2>Teaming &ndash; Our Choice</h2>

<ul>
	<li>
	<p style="font-style: normal;">Galan / Lebron: the most dangerous, most experienced men&#39;s team in the league.</p>
	</li>
	<li>
	<p style="font-style: normal;">Tapia / Coello: power and explosion combined with complementary styles.</p>
	</li>
	<li>
	<p style="font-style: normal;">Josemaria / Sanchez: they were still on their title crest and near invincible as a pair.</p>
	</li>
	<li>
	<p style="font-style: normal;">Triay / Gonzalez: youthful energy game that is aggro.</p>
	</li>
</ul>

<p>Note: These combos are founded on contemporary form and prior achievements and thus they are not concrete.</p>

<h2>Form Guide</h2>

<ul>
	<li>
	<p style="font-style: normal;">GalanLebron form of Spain dominated international tourneys during the previous season. Tapia-Coello can blow past pretty near anyone when she clicks.</p>
	</li>
	<li>
	<p style="font-style: normal;">JosemariaSanchez has been keeping the W version on leash, and TriayGonzalez has straightened their game against the best players.</p>
	</li>
</ul>

<h2>It Might Be Epic Matchups to Watch</h2>

<ul>
	<li>
	<p style="font-style: normal;">Galan / Lebron Vs Tapia / Coello: smash versus precision.</p>
	</li>
	<li>
	<p style="font-style: normal;">Josemaria-Sanchez Russia vs Triay-Gonzalez-Russia: defensive grip vs attacking flare.</p>
	</li>
	<li>
	<p style="font-style: normal;">Tapia / S nchez Mixed Doubles: Tapia-S&aacute;nchez never fail to add spice to each rally.</p>
	</li>
</ul>

<h2>Final Word</h2>

<p>WPL 2025 will be awesome. Elite performers are stepping onto the circuit, and each day in Mumbai is staged to be one of those &ldquo;remember where you were&rdquo; shows. Fans should get ready for heart-pounding rallies, unforgettable smashes, and moments that will be talked about for years.</p>

<p>&nbsp;</p>

<p>&nbsp;</p>

WPL 2025's Top Players & Predicted Pairings

Men Crew

Female Crew

Teaming – Our Choice

Form Guide

It Might Be Epic Matchups to Watch

Final Word

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan