Sports News

Entertainment

پاکستان میں آج  ذی القعد 1445 ہجری کا چاند نظر نہیں آیا،اس لئے یکم ذوالقعدہ بروزجمعہ10مئی کو ہوگی۔تفصیلا ت کے مطابق مولانا عبدالخبیر آزاد کی زیر سرپرستی چیئر مین رویت ہلال کمیٹی کا اجلاس منعقد میں جس میں ملک بھر سے شہادتیں جمع کی گئیں لیکن ذی القعدہ 1445 ہجری کا چاند نظر نہیں آیا، رویت ہلال کمیٹی کی جانب سے جاری نوٹیفکیشن میں کہا گیا ہے کہ یکم ذی القعدہ جمعہ 10 مئی سے ہو گی۔

پاکستان میں ذی القعد کا چاند نظر نہیں آیا، یکم ذی القعدہ 10مئی کو ہوگی

News

ملک بھر سے شہادتیں جمع کی گئیں لیکن ذی القعدہ 1445 ہجری کا چاند نظر نہیں آیا،رویت ہلال کمیٹی

خیبر پختونخوا میں سکیورٹی فورسز کا آپریشن،6دہشت گرد وں کو جہنم واصل کردیا۔پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے خیبر پختونخوا میں 2 الگ الگ آپریشنز کئے، ڈی آئی خان میں دہشتگردوں کی موجودگی پر کارروائی کی گئی، شدید فائرنگ کے تبادلے میں 5 دہشت گرد مارے گئےہلاک دہشت گردوں سے اسلحہ اورگولہ باردو برآمدہوا۔آئی ایس پی آر کے مطابق شمالی وزیرستان میں انعام اللہ نامی دہشت گرد مارا گیا، ہلاک دہشت گرد سکیورٹی فورسز اور شہریوں پر حملوں میں ملوث تھے۔پاک فوج کے شعبہ تعلقات عامہ کے مطابق علاقے میں دیگر دہشت گردوں کے خاتمے کیلئے سینی ٹائزیشن آپریشن جاری ہے، سکیورٹی فورسز ملک سے دہشت گردی کی لعنت کے خاتمے کیلئے پرعزم ہیں۔

سیکیورٹی فورسز کی ڈی آئی خان، شمالی وزیرستان میں کارروائیاں، 6 دہشت گرد جہنم واصل

ڈیرہ اسماعیل خان میں 5اور شمالی وزیرستان میں ایک دہشت گر دہلاک ہوا، آئی ایس پی آر

پی ٹی آئی کے رہنما اور اپوزیشن لیڈر قومی اسمبلی عمر ایوب نے کہا کہ ملک میں آئین وقانون کی بالادستی ہونی چاہئے۔اپوزیشن لیڈر قومی اسمبلی عمر ایوب نے کہا کہ پچھلے ہفتے بانی پی ٹی آئی سے میری ملاقات ہوئی، بانی پی ٹی آئی نے کہا کہ وہ کسی قسم کی سودا بازی کرنے کیلئے تیارنہیں، آئین میں واضح ہے کہ فوج سیاست میں مداخلت نہیں کرے گی۔عمر ایوب نے کہا کہ ہمارا ایک ہی ایجنڈا آئین وقانون کی بالادستی ہے، ہماری پارٹی نے بہت قربانیاں دی ہیں، ہم نے ربڑ بلٹ، آنسو گیس کی شیلنگ برداشت کی، آگ کا دریا عبور کرکے یہاں پہنچے۔ اپوزیشن لیڈر کا مزید کہنا تھا کہ مجھ پر ایک کیس ایکسرے مشین کی چوری کا بھی بنایا گیا، مجھ پر ایک کیس پرانی موٹرسائیکل چھیننے کا بھی بنایا گیا، قتل، اغوا اور دہشتگردی کے پرچے ہم پردرج کئے گئے، ہمارے میڈیا کے لوگوں کو اٹھایا جا رہا ہے۔انہوں نے کہا کہ یہ سب لندن پلان کا حصہ تھا، ٹارگٹ اس وقت کے وزیراعظم تھے۔

بانی پی ٹی آئی عمران خان کسی قسم کی سودے بازی کرنے کیلئے تیار نہیں،عمر ایوب

ہمارا ایک پوائنٹ ایجنڈا آئین اور قانون کی بالادستی ہے، اپوزیشن لیڈر کا سیمینار سے خطاب

پاکستان تحریک انصاف (پی ٹی آئی) کے بانی اور سابق وزیراعظم عمران خان نے کہا ہے کہ وہ 2014 میں ہونے والے دھرنے کی انکوائری کے لیے تیار ہیں اور انہیں اس ایسی کمیٹی کے سامنے پیش ہوکر خوشی محسوس ہوگی۔عمران خان نے اڈیالہ جیل میں میڈیا سے بات چیت کرتے ہوئے کہا کہ مجھے خوشی ہوگی کہ مجھے انکوائری کمیٹی میں پیش کیا جائے، 2014ء کے دھرنے کے حوالے سے مجھ پر جتنے الزامات لگائے گئے سب غلط ہیں۔عمران خان کا کہنا تھا کہ سابق نگران وزیراعظم انوار الحق کاکڑ کے فارم 47 کے حوالے سے بیان کے بعد وفاقی حکومت سے کیا مذاکرات ہوسکتے ہیں؟ صدر وزیراعظم وزیراعلی پنجاب اور سینٹ الیکشن فراڈ ہیں،انہوں نے کہا کہ نون لیگ کے لوگوں نے انہیں پہلے ہی نجی طور پر مطلع کردیا تھا کہ جب تک قاضی فائز عیسیٰ چیف جسٹس نہیں بنتے نہ الیکشن ہوں گے اور نہ ہی نواز شریف واپس آئیں گے۔عمران خان نے کہا کہ میرا آدھا خاندان فوج اور آدھا خاندان بیورو کریسی میں ہے، فوج ہماری ہے اور ہمیں فوج سے کوئی مسئلہ نہیں، انہوں نے کہا کہ خدا کے واسطے فوج کو سیاست میں نہ گھسیٹیں، ہم نے اپنی 27 سال کی تاریخ میں کبھی جلاؤ گھیراؤ نہیں کیا،انہوں نے مزید کہا کہ دو حکومتیں ہم نے انتخابات کے لیے تحلیل کیں کیوں کہ ہماری سیاسی جماعت انتشار نہیں چاہتی۔عمران خان کا کہناتھا کہ نو مئی واقعات کا مجھے اس وقت پتا چلا جب مجھے سپریم کورٹ میں پیش کیا گیا، میں نے نومئی کے واقعات کی چیف جسٹس عمر عطا بندیال کے سامنے مذمت کی تھی۔

سارےالزامات غلط ہیں،2014ء کے دھرنے کی انکوائری کیلئے تیار ہوں، عمران خان

خدا کے واسطے فوج کو سیاست میں نہ گھسیٹیں، ہمیں فوج سے کوئی مسئلہ نہیں،اڈیالہ جیل میں صحافیوں سے گفتگو

بجلی صارفین کے لیے بری خبر آ گئی۔ حکومت نے ایک ماہ کیلئے بجلی 2 روپے 83 پیسے فی یونٹ مہنگی کردی۔تفصیلات کے مطابق حکومت نے مہنگائی کے ستائے ہوئے عوام پر بجلی بم گرا دیا گیا، بجلی مزید 2 روپے 83 پیسے فی یونٹ مہنگی کر دی گئی جس کا نوٹیفکیشن جاری کر دیا گیا۔بجلی کی قیمتوں میں اضافہ مارچ کی ماہانہ فیول ایڈجسٹمنٹ کی مد میں ایک ماہ کےلیے کیا گیا۔بجلی کی قیمتوں میں اضافے کا اطلاق رواں ماہ کے بجلی بلوں پر ہوگا، اضافہ کا اطلاق لائف لائن اور کے الیکٹرک صارفین پر نہیں ہوگا،نیپرا کے نوٹیفکیشن کے مطابق قیمتوں میں اضافے سے صارفین پر 26 ارب کا اضافی بوجھ پڑے گا۔

حکومت نے مہنگائی کے ستائے ہوئے عوام پرایک اوربجلی بم گرادیا

بجلی کی قیمتوں میں اضافہ مارچ کی ماہانہ فیول ایڈجسٹمنٹ کی مد میں ایک ماہ کےلیے کیا گیا

ملائیشیا میں جاری سلطان اذلان شاہ ہاکی ٹورنامنٹ میں پاکستان نے کینیڈا کو 4-5 گول سے شکست دے کر ایونٹ کے فائنل کیلئے مضبوط امیدوار کے طور پر اپنی حیثیت ثابت کردی۔ تفصیلات کے مطابق اذلان شاہ ہاکی ٹورنامنٹ میں پاکستان نے تیسری کامیابی سمیٹ لی، قومی ٹیم نے کینیڈا کو بھی شکست دے دی۔آئپوہ میں جاری سلطان اذلان شاہ ہاکی کپ کے پانچویں منٹ میں سین ڈیوس نے گول اسکور کیا جبکہ 17ویں منٹ میں ہربر سدھو نے فیلڈ گول اسکور کرکے کینیڈا کو صفر کے مقابلے میں 2 گول کی برتری دلادی۔تاہم پاکستان نے کم بیک کرتے ہوئے پہلے ہاف کے اختتام سے پہلے پاکستان کے ابوبکر نے یکے بعد دیگرے پینلٹی کارنر کے 2 گول اسکور کرکے میچ برابر کردیا۔دوسرے ہاف میں پاکستان کا پلڑا بھاری رہا، 36ویں منت میں ارشد لیاقت، 44 ویں منٹ میں علی غضنفر نے فیلڈ گول اسکور کیا جبکہ کینیڈا کی جانب سے سین ڈیویس اور ارجات نے فیلڈ گول کیے۔میچ کے اختتام تک پاکستان کو کینیڈا کے چار گول کے مقابلے میں پانچ گول کی برتری حاصل ہوگئی۔واضح رہے سلطان اذلان شاہ ہاکی ٹورنامنٹ میں میزبان ملائشیا، پاکستان، کینیڈا، جاپان، نیوزی لینڈ اور جنوبی کوریا کی ٹیمیں شریک ہیں۔

اذلان شاہ ہاکی ٹورنامنٹ میں پاکستان کی تیسری فتح کینیڈا کو بھی ہرادیا

Sports

ہاکی ٹورنامنٹ میں میزبان ملائشیا، پاکستان، کینیڈا، جاپان، نیوزی لینڈ اور جنوبی کوریا کی ٹیمیں شریک ہیں

پی ڈی ایم اے پنجاب نے رواں ہفتے صوبے میں ہیٹ ویو، بارشوں اور طوفان کا الرٹ جاری کر دیا۔ترجمان پی ڈی ایم اےکےمطابق 8 سے 10 مئی پنجاب میں دن کے درجہ حرارت میں 3 سے 5 ڈگری اضافے کا امکان ہے۔ پنجاب کے بیشتر اضلاع میں گرد آلود ہوائیں، گرج چمک کے ساتھ بارش ہو سکتی ہے۔پنجاب کے مختلف اضلاع میں 10 اور 11 مئی کو طوفانی بارشوں کا امکان ہے، پنجاب بھرمیں ضلعی انتظامیہ کو اس موسمی صورتٍ حال سے آگاہ کر دیا گیا ہے۔پی ڈی ایم اے پنجاب کے ڈی جی کے مطابق طوفان سے کھڑی فصلوں کو نقصان پہنچنے کا خدشہ ہے۔انہوں نے یہ بھی کہا ہے کہ گرمی اور لو کی شدت میں اضافے سے عوام کو محتاط رہنا ہو گا۔ دوپہر کے وقت کام کرنے والے لو سے بچنے کا اہتمام کریں۔

پی ڈی ایم نےرواں ہفتے ہیٹ ویو، بارشوں، طوفان کا الرٹ جاری کردیا

پنجاب کے مختلف اضلاع میں 10 اور 11 مئی کو طوفانی بارشوں کا امکان ہے، پی ڈی ایم اے

چین کے تعاون سے پاکستان نے خلائی تحقیق کے میدان میں اہم سنگ میل عبور کرلیا، خلائی مشن ’چینگ ای 6‘ کے ساتھ پاکستان کا سیٹلائٹ ’آئی کیوب قمر‘ چاند کے مدار میں داخل ہوگیا۔تفصیلات کے مطابق  پاکستان کا پہلا سیٹلائٹ خلائی مشن آئی کیوب چاند کے مدار میں کامیابی سے پہنچ گیا۔چانگ ای 6 مشن نے پاکستانی سیٹلائٹ آئی کیوب قمر کو کامیابی سے چاند کے مدار میں پہنچا دیا۔ آئی کیوب قمر کی ڈپلائمنٹ کے بعد ایس او پیز کے مطابق تمام ذیلی سسٹمز کا جائزہ لیا جائے گا۔پاکستانی خلائی سائنسدان ڈاکٹر خرم خورشید اور ڈاکٹر قمر الاسلام چین میں موجود ہیں، آئی کیوب قمر کی ڈپلائمنٹ سے پہلے ایس او پیز کے مطابق تمام ذیلی سسٹمز کا جائزہ لیا جائے گا، سیٹلائٹ امیجنگ سسٹم کے آپریشنل ہونے سے پہلے تمام ذیلی نظاموں کی تصدیق میں تقریباً ایک ہفتہ لگ سکتا ہےجس کے بعد آئی کیوب قمر سے چاند کی پہلی تصویر 15 یا 16 مئی تک موصول ہو نے کا امکان ہے۔اگلے مرحلے میں چانگ ای 6 کے لینڈر اور اسینڈر کو چاند کے جنوبی قطب کی عقبی جانب لینڈ کروایا جائے گا، چانگ ای 6 مشن سے مین لینڈر 1 جون کو علیحدہ ہوگا جبکہ چانگ ای 6 مشن 2 جون کو قمری سطح سے مٹی اور چٹانوں کے سیمپلز جمع کرے گا۔چانگ ای 6 مشن چار جون کو واپسی کا سفر شروع کرے گا اور 6 جون کو چانگ ای 6 مشن ڈاکنگ کرے گا، پروگرام کے مطابق چانگ ای 6 مشن 53 روزہ مشن مکمل کرنے کے بعد 25 جون کو زمین پر واپس لینڈ کرے گا۔واضح رہے کہ آئی کیوب قمر پاکستان کا پہلا چاند پر بھیجا گیا سیٹلائٹ ہے، جو 3 مئی کو چین کے ہینان اسپیس لانچ سائٹ سے خلا میں بھیجا گیا تھا۔ آئی کیوب قمر پاکستان کا پہلا ڈیپ اسپیس مشن ہے۔

بڑی کامیابی پاکستان چاند پرپہنچ گیا، آئی کیوب قمر چاند کے مدار میں داخل

آئی کیوب قمر کے مطابق تمام ذیلی سسٹمز کا جائزہ لیا جائے گا، 15 یا 16 مئی تک چاند کی پہلی تصویر موصول ہونے کا امکان

لاہور ہائیکورٹ کے باہر وکلاء کی احتجاجی ریلی پر پولیس نے دھاوا بول دیا۔سول عدالتوں کی ماڈل ٹاؤن کچہری منتقلی اور وکلاء کیخلاف مقدمات کے معاملے پر وکلاء نے ایوان عدل سے لاہور ہائیکورٹ تک احتجاجی ریلی نکالی، احتجاجی مظاہرین جی پی او چوک پہنچے تو پولیس نے دھاوا بول دیا۔جی پی او چوک پر پولیس اور احتجاجی وکلاء کے درمیان تصادم ہوا جس کے نتیجے میں پولیس نے مظاہرین پر لاٹھی چارج کیا اور آنسو گیس کے شیل برسائے، پولیس کی جانب سے احتجاجی مظاہرین کو منتشر کرنے کیلئے واٹرکینن کا بھی استعمال کیا گیا۔پولیس نے مظاہرے میں شریک وکلاء کو گرفتار بھی کیا، وکلاء نے جی پی او چوک اور ہائیکورٹ کے باہر لگے بیریئرز کو ہٹا دیا، وکلاء کی جانب سے پولیس پر پتھراؤ بھی کیا گیا جس کے نتیجے میں  ایس پی ماڈل ٹاؤن زخمی ہو گئے۔پولیس کی اضافی نفری بھی صورتحال کو قابو کرنے اور وکلا کو منتشر کرنے کے لیے طلب کرلی گئی ہے، اینٹی رائٹس فورس کے دستوں کو بھی طلب کرلیا گیا ہے۔وکلاء مظاہرین اور پولیس کے درمیان تصادم کے باعث مال روڈ پر ٹریفک کا نظام درہم برہم ہو کررہ گیا جبکہ اطراف کی سڑکوں پر ٹریفک کا شدید دباؤ ہے۔دوسری جانب ایس ایس پی آپریشنز لاہور نے کہا ہے کہ وکلاء کے پتھراؤ کے بعد پولیس نے شیلنگ کی، وکلاء کو پُرامن ریلی نکالنے کی اجازت ہے، وکلاء نے پولیس پر تشدد کیا، وکلاء نے قانون کو ہاتھ میں لینے کی کوشش کی، قانون کسی کو ہاتھ میں لینے کی اجازت نہیں ہے۔

وکلاء کی احتجاجی ریلی پر پولیس نے دھاوا بول دیا

لاہور میں وکلا کا مطالبات کے حق میں احتجاج، پولیس کا لاٹھی چارج ، متعدد گرفتار

عدالت نے بشریٰ بی بی کو سب جیل بنی گالہ سے اڈیالہ جیل منتقل کرنے کا حکم دے دیا۔ہائی کورٹ کے جسٹس میاں گل حسن اورنگزیب نے بشریٰ بی بی کی جانب سے دائر درخواست منظور کرتے ہوئے محفوظ کیا گیا فیصلہ جاری کردیا۔واضح رہے کہ سابق وزیراعظم عمران خان کی اہلیہ بشریٰ بی بی کی جانب سے بنی گالہ سے اڈیالہ جیل منتقلی کی درخواست دائر کی گئی تھی، جس پر اسلام آباد ہائی کورٹ کے جسٹس میاں گل حسن اورنگزیب نے گزشتہ ہفتے فریقین کے دلائل سننے کے بعد فیصلہ محفوظ کیا تھا۔عدالت نے بشریٰ بی بی کو بنی گالہ سب جیل رکھنے کا نوٹیفکیشن کالعدم قرار دے کر اڈیالہ جیل منتقل کرنے کا حکم دے دیا۔واضح رہے کہ 31 جنوری کو بشریٰ بی بی کو توشہ خانہ ریفرنس میں 14 سال قید کی سزا سنائی گئی تھی۔خیال رہے بانی پی ٹی آئی کی اہلیہ اور سابق خاتون اول توشہ خانہ ریفرنس اور عدت میں نکاح کے مقدمات میں قید اورجرمانے کی سزا بھگت رہی ہیں۔

اسلا م آباد ہائی کورٹ نے بنی گالہ کو سب جیل رکھنے کا نوٹی فکیشن کالعدم قرار دے دیا

عدالت نےبشریٰ بی بی کو بنی گالہ سے اڈیالہ جیل منتقل کرنے کا حکم دیدیا

امریکا نے کہا ہے کہ سعودی ولی عہد محمد بن سلمان کے دورہ پاکستان کی حمایت کرتے ہیں اور اسے سراہتے ہیں۔ترجمان امریکی محکمہ خارجہ میتھیو ملر نے پریس بریفنگ میں کہا کہ پاکستانی انتخابات سے متعلق ہمارےمؤقف میں کوئی تبدیلی نہیں آئی۔ انہوں نے کہا کہ امریکا پاکستان میں کسی سیاسی جماعت کو سپورٹ نہیں کر تا۔انہوں نے کہا کہ امریکی سفیر ڈونلڈ بلوم نے قائد حزب اختلاف عمر ایوب اور دیگر سے ملاقات کی، معاشی اصلاحات، انسانی حقوق، علاقائی سلامتی اور دوطرفہ تعلقات پر تبادلہ خیال کیا گیا۔ میتھیو ملر کا مزید کہنا تھا کہ امریکا سعودی ولی عہد کے دورۂ پاکستان کی حمایت کرتا ہے اور اسے سراہتا ہے۔پی ٹی آئی رہنماؤں کے ساتھ عمران خان کے خلاف ’بے بنیاد‘ الزامات اور انسانی حقوق پر بات چیت سے متعلق گفتگو کرتے ہوئے میتھیو ملر نے سیاسی غیر جانبداری پر امریکی موقف کو دہرایا۔انہوں نے کہا کہ ہمارا مؤقف وہی ہے جو ہم پہلے بیان کر چکے ہیں، پاکستان میں انتخابات سے متعلق کوئی پوزیشن نہیں رکھتے، ہم بنیادی انسانی حقوق کو برقرار رکھنا چاہتے ہیں۔امریکی محکمہ خارجہ نے سابق وزیراعظم عمران خان سمیت پاکستان میں قید تمام قیدیوں کے تحفظ کو یقینی بنانے کی اہمیت پر زور دیتے ہوئے کہا ہے کہ امریکا پاکستان میں کسی سیاسی جماعت کو سپورٹ نہیں کرتا۔ امریکی محکمہ خارجہ نے کہا کہ ہم پاکستان یا دنیا میں کہیں بھی ہر قیدی کی حفاظت دیکھنا چاہتے ہیں۔ ہر شخص، ہر قیدی قانون کے تحت تحفظ کا حقدار ہے

سعودی ولی عہد کے دورۂ پاکستان کی حمایت کرتے ہیں، امریکا

عمران خان سمیت تمام قیدیوں کا تحفظ چاہتے ہیں، امریکی محکمہ خارجہ

پاسپورٹ بنوانے کے پلان بنانے والے شہریوں کے لیےا بری خبر آگئی ہے، پاسپورٹ کی فاسٹ ٹریک کیٹیگری فیسوں میں اضافہ کردیا گیا ہے، نئی اضافہ شدہ فیس کا اطلاق 8 مئی بروز بدھ (آج)سے ہوگا۔پاسپورٹ حکام کے مطابق آرڈینری اور ارجنٹ پاسپورٹ کی فیسوں میں پہلے اضافہ کردیا گیا تھا، فنانس اپروول آنے پر فاسٹ ٹریک کی فیسوں میں کردیا گیا۔ڈائریکٹریٹ جنرل امیگریشن اینڈ پاسپورٹس کے مطابق پانچ سال کی مدت کے حامل چھتیس صفحات کے مشین ریڈایبل پاسپورٹ کی فیس ساڑھے 12 ہزار، بہتر صفحات کی فیس ساڑھے 18 ہزار اور سو صفحات کی فیس 23 ہزار روپے ہوگی۔دس سالہ مشین ریڈایبل پاسپورٹ کے لیے چھتیس، بہتر اور سو صفحات کے لیے فیس بالترتیب 16 ہزار 200، 25 ہزار 200 اور 32 ہزار روپے ہوگی۔پانچ سال کے 36 صفحات والے نارمل پاسپورٹ کی فیس بڑھا کر ساڑھے 4 ہزار روپے کر دی گئی، جبکہ ارجنٹ پاسپورٹ کی ساڑھے 7 ہزار، دس سال والے پاسپورٹ کی فیس 6 ہزار 700 اور ارجنٹ کی 11 ہزار 200 روپے کردی گئی ہے۔اسی طرح پانچ سال کے 72 صفحات والے نارمل پاسپورٹ کی فیس 8 ہزار 200، ارجنٹ کی ساڑھے 13 ہزار، دس سال والے پاسپورٹ کی فیس 12 ہزار 400 اور ارجنٹ کی 20 ہزار 200 روپے کردی گئی ہے۔ 5 سال کی مدت کے حامل 36 صفحات کے مشین ریڈ ایبل پاسپورٹ کی فیس اضافے کے بعد 12500 روپے ہوگئی ہے۔72 صفحات کی فیس 18500 روپے جبکہ 100 صفحات کے حامل پاسپورٹ کی فیس 23000 روپے مقرر کی گئی ہے۔نئی فیسوں کے اطلاق کے بعد 10 سالہ مشین ریڈ ایبل پاسپورٹ کے لیے 36، 72 اور100 صفحات کے لیے فیس بالترتیب 16200، 25200 اور32000 ہزارروپے ہوگی، اضافہ شدہ فیس کا اطلاق بدھ 8 مئی سے ہوگا۔دوسری جانب لاہور اور کراچی میں ایک ایک پاسپورٹ دفتر 24 گھنٹے کھلا رکھنے کا نوٹیفکیشن جاری کر دیا گیا۔ڈائریکٹوریٹ جنرل امیگریشن اینڈ پاسپورٹس نے نوٹیفکیشن جاری کیا۔  نوٹیفکیشن کے مطابق گارڈن ٹاؤن لاہور اور عوامی مرکز کراچی کے پاسپورٹ دفتر 24 گھنٹے کھلیں رہیں گے۔

پاسپورٹ کی فاسٹ ٹریک کیٹیگری کی فیسوں میں ایک بار پھر بڑا اضافہ کردیاگیا

فیسوں میں اضافہ فنانس اپروول آنے پر کیا گیا ،اضافہ شدہ فیس کا اطلاق آج سے ہو گا، پاسپورٹ حکام

قومی ٹیم کے کپتان بابراعظم دورہ آئرلینڈ اور انگلینڈ کے دوران ایک مرتبہ پھر ریکارڈ بُک میں کئی ریکارڈ اپنے نام کر سکتے ہیں۔دورہ آئرلینڈ سے شروع ہونے والی 3 ٹی20 میچز پر مشتمل سیریز کا پہلا میچ 10 مئی کو ڈبلن میں کھیلا جائے گا، بابراعظم اس دورے کے دوران متعدد سنگ میل عبور کرسکتے ہیں جس سے وہ بھارت کے ویرات کوہلی اور روہت شرما کو پیچھے چھوڑ دیں گے۔صرف ایک فتح انہیں یوگنڈا سے تعلق رکھنے والے برائن مسابا کے ریکارڈ کو توڑتے ہوئے سب سے کامیاب ترین ٹی 20کپتان بنا دے گی۔ بابر اس وقت مسابا کے ساتھ بحیثیت کپتان 44 فتوحات کے ساتھ برابر ہیں۔اصغر افغان 52 میچز میں 42 کامیابیاں حاصل کرکے تیسرے جب کہ این مورگن 72 مقابلوں میں 42 میچز جیت کر چوتھے نمبر پر ہیں۔مزید برآں بابر اعظم فی الحال 76 میچوں کے ساتھ تاریخ میں سب سے زیادہ T20I میں اپنی قوم کی کپتانی کرنے پر آسٹریلیا کے ایرون فنچ کے ساتھ بندھے ہوئے ہیں۔جب وہ 10 مئی کو آئرلینڈ کے خلاف پاکستان کی قیادت کریں گے تو بابر اعظم ایرون فنچ کو پیچھے چھوڑتے ہوئے سب سے زیادہ ٹی ٹونٹی میچز میں اپنی ٹیم کی کپتانی کا ریکارڈ اپنے نام کر لیں گے۔بیٹنگ کے محاذ پر بابر اعظم ٹی ٹونٹی کرکٹ میں 4000 رنز کا ہندسہ عبور کرنے والے پہلے پاکستانی کھلاڑی بننے کے قریب ہیں۔ 107 اننگز میں 3823 رنز بنا کر وہ ویرات کوہلی اور روہت شرما سے پیچھے ہیں۔بابر اعظم آئرلینڈ کے خلاف سیریز کو کوہلی کے ریکارڈ کو ختم کرنے کے موقع کے طور پر دیکھتے ہیں جس کو پیچھے چھوڑنے کے لیے صرف 215 رنز درکار ہیں۔یہ سیریز بابر کے لیے بہت اہمیت کی حامل ہے کیونکہ اس کا مقصد ہندوستانی بیٹنگ لیجنڈ کو پیچھے چھوڑنا اور کرکٹ کی تاریخ میں اپنا نام لکھوانا ہے۔

ٹی 20 ورلڈکپ سے قبل کئی ریکارڈقومی ٹیم کے کپتان بابر اعظم کے منتظر

بابر اعظم ویرت کوہلی کا ایک اور ریکارڈ توڑنے کے قریب

روس کے صدر ولادیمیر پوتن نے کریملن میں منعقدہ تقریب کے دوران آئندہ چھ سال کیلئے ملک کے صدر کے عہدے کا حلف اُٹھا لیا ۔بین الاقوامی میڈیارپورٹس کے مطابق امریکا اور اس کے کئی اتحادی ممالک نے اس تقریب کا بائیکاٹ کیا۔ اس موقع پر صدر ولادیمیر پیوٹن کا کہنا تھا کہ ’یہ مغرب پر منحصر ہے کہ وہ تصادم اور تعاون میں سے کس کا انتخاب کرتا ہے۔پیوٹن 1999 سے صدر یا وزیر اعظم کے طور پر برسراقتدار ہیں اور انہوں نے اپنے نئے مینڈیٹ کا آغاز یوکرین جنگ کے دو سال سے زائد عرصے کے بعد کیا ہے۔گرینڈ کریملن پیلس میں منعقدہ تقریب کے دوران پیوٹن نے کہا کہ روس موجودہ مشکل دور سے مضبوطی سے گزرے گا اور فاتح بن کر ابھرے گا۔انہوں نے کہا کہ ہم ایک متحد اور عظیم قوم ہیں اور مل کر ہم تمام رکاوٹوں پر قابو پا لیں گے، ہم نے جو کچھ منصوبہ بنایا ہے اس کا ادراک کریں گے، اور ہم مل کر جیت حاصل کریں گے۔ واضح رہے پیوٹن نے مارچ میں ہونے والے انتخابات میں بھاری اکثریت سے کامیابی حاصل کی تھی۔

پیوٹن نے مزید 6 سال کیلئے روس کے صدر کی حیثیت سے حلف اٹھالیا

یہ مغرب پر منحصر ہے کہ وہ تصادم اور تعاون میں سے کس کا انتخاب کرتا ہے،ولادیمیرپیوٹن

نومنتخب میئرلندن صادق خان نے فلسطینیوں کےحق میں آوازبلندکردی۔تفصیلات کےمطابق انہوں نےاپنےایک بیان میں فوری جنگ بندی کا مطالبہ کیااورکہاکہ برطانوی حکومت عوامی سطح پر جنگ بندی کا مطالبہ کرےاور حکومت اسرائیل کو رفح پر حملہ کرنے سے روکے۔صادق خان نےکہاکہ برطانیہ اب خود کو شہری اموات میں ملوث رہنے کی اجازت نہیں دے سکتا۔ فلسطینیوں کو امداد کی فراہمی مزید مشکل ہو جائے گی۔رفح پر اسرائیلی حملے بہت بڑا المیہ ہوگا، رفح پر حملے کی صورت میں مزید بےگناہ فلسطینیوں کی ہلاکتوں کا خدشہ ہے۔انہوں نے کہا کہ فلسطینی خاندانوں کو امداد فراہم کرنا پہلے سے کہیں زیادہ مشکل ہوجائے گا۔صادق خان کا کہنا تھا اسرائیل فلسطین تنازع پر برطانوی حکومت کے نقطہ نظر میں فوری تبدیلی کی ضرورت ہے، برطانیہ اب خود کو شہریوں کی ہلاکتوں میں ملوث رہنے کی اجازت نہیں دے سکتا۔ان کا مزید کہنا تھا کہ برطانیہ اسرائیل کو ہتھیاروں کی فراہمی فوری طور پر بند کرے۔واضح رہے کہ اسرائیل نے جنگ بندی پر غور کے اعلان کے بعد غزہ کے علاقے رفح پر بمباری کر دی ہے، اسرائیلی ٹینکوں نے رات کے وقت پیش قدمی کے بعد رفح بارڈر کراسنگ پر قبضہ بھی کر لیا ہے۔ اسرائیل نے حماس کی جانب سے جنگ بندی تجاویز پر رضامندی دیے جانے کے چند گھنٹے بعد ہی امن کوششوں کو ناکام بنا دیا۔

میئر لندن صادق خان نے فلسطین میں فوری طور پر جنگ بندی کا مطالبہ کر دیا

World

اسرائیل فلسطین تنازع پر برطانوی حکومت کے نقطہ نظر میں فوری تبدیلی کی ضرورت ہے،صادق خان

پاکستان تحریک انصاف کے سیکریٹری اطلاعات رؤف حسن نے کہا ہے کہ ہم نے جوڈیشل کمیشن کا مطالبہ کیا تھا آج بھی چاہتے ہیں کہ غیر جانبدار جوڈیشل کمیشن ہو، وہ کہتے ہیں جوڈیشل کمیشن 2014ء کے دھرنے کی بات کرے گا، پارلیمنٹ پر حملے کی بات کرے گا، ہم کہتے ہیں ٹھیک ہے وہ جوڈیشل کمیشن سائفر کے معاملے، عمران خان پر حملے کی بھی بات کرے، ان معاملات پر اگر جوڈیشل کمیشن بناتے ہیں تو ہم تائید کریں گے، رات کے اندھیرے میں مینڈیٹ لوٹا گیا اس کی بھی انکوائری ہونی چاہئے، آپ پی ٹی آئی کے خلاف پریس کانفرنس کریں گے تو ہم آپ کی باتیں نہیں بھولیں گے، جو کچھ ڈی جی آئی ایس پی آر نے آج کی پریس کانفرنس میں کہا اس تمام پر ہم ان کو چیلنج کرتے ہیں اس کے ثبوت لے کر آئیں۔پی ٹی آئی کے سینئر رہنما رؤف حسن نے پاک فوج کے محکمہ تعلقات عامہ ( آئی ایس پی آر) کے ڈائریکٹر جنرل کی پریس کانفرنس پر اپنا ردعمل دیتے ہوئے کہا ہے کہ ان کی پریس کانفرنس تضادات کی بھرپور غمازی کرتی ہے، پاکستان تحریک انصاف بھی اپنی شرائط پر جوڈیشل کمیشن کے قیام کی حمایت کرتی ہے۔رؤف حسن نےپریس کانفرنس کرتے ہوئے کہا کہ پاکستان تحریک انصاف پر الزامات کی کوئی بنیاد نہیں ہے، ڈی جی آئی ایس پی آر کا کہنا درست نہیں کہ ملک میں جمہوریت کو کوئی خطرہ نہیں، رؤف حسن نے الزام لگایا کہ اس وقت بھی ملک میں ایک شخص فیصلے کر رہا ہے اور آمریت ہے ایسی صورت حال میں ملک نہیں چل سکتا۔رؤف حسن نے کہا کہ 9 مئی کے واقعات کے حوالے سے پاکستان تحریک انصاف پر لگائے جانے تمام تر الزامات کو چیلنج کرتے ہیں اور جوڈیشل کمیشن کے قیام کی تائید کرتے ہیں۔ ہم بھی 9 مئی کے ثبوت مانگ رہے ہیں، 9 مئی کے واقعات کے بعد پی ٹی آئی نے بھی انکوائری قائم کرنے کی بات کی تھی کہ ان الزامات کی غیر جانبدارانہ تحقیقات ہونی چاہیں۔رؤف حسن نے کہا کہ پاکستان تحریک انصاف بھی یہی مطالبہ کرتی ہے کہ 9 مئی کے واقعات کے پیچھے کون تھا، اس کی تحقیقات ہونی چاہیں۔ کون لوگ تھے جنہوں نے یہ جرم کروایا، ایک کمیشن بننا چاہیے جو ان الزامات کی انکوائری کرے گا۔رؤف حسن نے کہا کہ اگر ڈی جی آئی ایس پی آر اسلام آباد دھرنے سے لے کر کمیشن سے تحقیقات کا مطالبہ کر رہے ہیں تو پھر رجیم چینج کی بھی انکوائری ہو گی، سائفر کیس کی بھی تحقیقات ہوں گی، عمران خان پر حملے، آڈیو لیکس، جبری طلاقوں اور سیاسی انجینئرنگ کے علاوہ 8 فروری کو عوامی مینڈیٹ کے چوری ہونے کی بھی تحقیقات کرے گا۔ڈی جی آئی ایس پی آر کی پریس کانفرنس پر ردعمل دیتے ہوئے انہوں نے کہا کہ آج ڈی جی آئی ایس پی آر کی بریفنگ کے حوالے سے بات کریں گے، میرے ذہن میں سوالات آتے ہیں کہ منتشر ذہن کیا ہوتا ہے، ڈی جی آئی ایس پی آر نے کہا جمہوریت کو کوئی خطرہ نہیں، خطرہ اس چیز کو ہوتا ہے جو موجود ہو، جمہوریت تو موجود ہی نہیں، ملک پر اس وقت ایک طبقہ قابض ہے اور اسٹیبلشمنٹ اس کا حصہ ہے، جو باتیں کی گئیں وہ ریاست اور ملک کے لیے ٹھیک نہیں ہیں، ریاست اور عوام کے تعلق کو خراب کیا جارہا ہے، ترجمان پاک فوج کا بیان تضادات سے بھرپور ذہن کی غمازی کر رہا تھا، ان کو خوف ہے کہ ملک آزاد ہوگا تو ان کے کرتوت باہر آجائیں گے، ہم کہیں نہیں جارہے ہم یہیں ہیں۔انہوں نے کہا کہ پاکستان تحریک انصاف اس سے پہلے بھی ان تمام واقعات کی جوڈیشل کمیشن کے ذریعے تحقیقات کا مطالبہ کرتے رہے ہیں۔ پاکستان تحریک انصاف بھی چاہتی ہے کہ قوم کو پتا چلے کہ مجرم کون ہے؟رؤف حسن نے الزام لگایا کہ ہمارے لوگوں کو اغوا کیا گیا، ان سے بیانات دلائے گئے، انہیں عدالتوں میں پیش نہیں کیا گیا۔ فنگر پوائنڈنگ یا الزام تراشیوں سے معاملات حل نہیں ہوں گے۔رؤف حسن کا کہنا ہے کہ عمران خان نے فوج کے حق میں بیانات دیئے ہیں، انہوں نے کہا ہے فوج بھی میری ہے یہ جوان بھی میرے ہیں، ہمارے لیے انتشاری ٹولے کا لفظ استعمال کیا گیا، ہمارے لاکھوں کے مجمعے میں کوئی گملا نہیں ٹوٹا، پی ٹی آئی کبھی انتشار نہیں پھیلاتی، 9 مہینے سے ہمارا قائد قید میں ہے، عوامی حمایت اُس کے ساتھ ہے جو اڈیالہ میں بیٹھا ہے، کہا گیا کہ 7 فی صد لوگوں نے ووٹ دیا یہ غلط بیانی ہے، اپنی جماعتوں کو کہیں 2 ہزار بندہ اکٹھا کریں ہم 2 لاکھ اکٹھا کریں گے، دیکھتے ہیں کس کے ساتھ پبلک سپورٹ ہے۔

رؤف حسن کا ڈی جی آئی ایس پی آر کو تفصیلی جواب

پی ٹی آئی نے جوڈیشل کمیشن بنانے سے متعلق آئی ایس پی آر کا مطالبہ تسلیم کرلیا

آسمان سے بارش ہونا، اولے گرنا، برف گرنا طوفانی ہواؤں کا چلنا یہ سب قدرتی عمل میں شامل ہیں۔لیکن ایران میں ایک ایسی بارش ہوئی ہے جس کو دیکھنے والوں نے حیرانگی کا اظہار کیا ہے۔یہ بارش کوئی عام بارش نہیں تھی بلکہ اس بارش کے دوران آسمان سے مچھلیوں کی برسات ہوئی۔میڈیارپورٹس کے مطابق ایران میں شدید بارشوں کے درمیان ایک نایاب واقعہ پیش آیا ہے، جہاں آسمان سے پانی کے ساتھ ساتھ مچھلیاں بھی برس پڑیں۔اس نایاب منظر کی ویڈیو سوشل میڈیا خوب وائرل ہو رہی ہے اور صارفین حیران ہیں کہ ایسا کیسے ممکن ہے؟سوشل میڈیا پر وائرل ان ویڈیوز میں کئی مچھلیاں آسمان سے گرتی ہوئی دکھائی دے رہی ہیں، اور جو شخص ویڈیو بنا رہا ہے اس کی خوشی بھی دیدنی ہے۔مغربی ایران کے شہر یاسوج میں گزشتہ دنوں ایک عجیب واقعہ میں پیش آیا جہاں آسمان سے مچھلیوں آگریں۔سائنسدانوں نے اسے مچھلیوں کی بارش کے واقعہ سے تعبیر کیا ہے، ایرانیوں کی طرف سے فلمائے گئے ایک ویڈیو کلپ میں دیکھا جا سکتا ہے کہ شہر کے اندر ٹریفک رواں دواں ہیں اور اس دوران سڑک پر درجنوں مچھلیاں گرتی دکھائی گئی ہیں۔خیال کیا جا رہا ہے کہ یہ واقعہ طوفانوں یا تیز ہوا کے دھاروں کی وجہ سے پیش آیا، ہوائی طوفان پانی کے بڑے ذخیرے اور مچھلیوں کو لے گیا اور کئی کلومیٹر طور لے جاکر زمین پر چھوڑ دیا۔ایک صارف نے ویڈیو شیئر کرتے ہوئے لکھا، ’اچانک ایران میں مچھلیوں کی بارش ہو گئی۔ یہ ایرانی شہر یاسوج میں بارش کے بعد ہوا، جس کے بعد اچانک مچھلیاں شہر کی گلیوں میں رہنے والوں پر گرنے لگیں۔واضح رہے کہ اس سے قبل آسٹریلا، امریکا سمیت بعض دیگر ممالک میں بھی اسی نوعیت کے واقعات رونما ہو چکے ہیں اور سائنسدان اس معاملے پر اپنی ریسرچ جاری رکھے ہوئے ہیں۔

آسمان سے برستے پانی کیساتھ مچھلیوں کی بارش دیکھ کر لوگ دنگ رہ گئے،ویڈیووائرل

بارش کیساتھ ساتھ مچھلیوں کی برسات کی نایاب منظر کی ویڈیو سوشل میڈیا خوب وائرل ہو رہی ہے

سپریم کورٹ نے میشا شفیع پر آن لائن جرح کیخلاف علی ظفر کی اپیل نمٹادی۔سپریم کورٹ میں میشاء شفیع جنسی ہراسگی کیس کی سماعت ہوئی۔ سماعت جسٹس منصور علی شاہ کی سربراہی میں تین رکنی بینچ نے کی۔فصیلات کےمطابق سپریم کورٹ کےجسٹس منصورعلی شاہ کی سربراہی میں تین رکنی بنچ نےسماعت کی۔گلوکار علی ظفر نے میشا شفیع کی آن لائن جرح کے معاملے پر دائر اپیل واپس لے لی ۔سپریم کورٹ نے علی ظفر کی اپیل واپس لینے کی بنیاد پر خارج کر دی۔وکیل علی ظفرنےموقف اختیارکیاکہ میشا شفیع پر آن لائن جرح ہوچکی ہے، اپیل غیر موثر ہونے پر واپس لینا چاہتے ہیں۔

علی ظفر نے میشا شفیع کی آن لائن جرح کے معاملے پر دائر اپیل واپس لے لی

میشاشفیع جنسی حراسگی کیس،سپریم کورٹ نے علی ظفر کی اپیل واپس لینے کی بنیاد پر خارج کر دی

پاکستان تحریک انصاف نے 9 مئی کے واقعات پر ایک بھر جوڈیشل کمیشن بنانے کا مطالبہ کر دیا۔تفصیلات کے مطابق بیرسٹرگوہر نے کہا ہے کہ ہم مطالبہ کرتے ہیں کہ 9 مئی پر جوڈیشل کمیشن بنایا جائے، بانی پی ٹی آئی کا مقصد ایسا نہیں تھا کہ امریکا سے تعلق خراب کرجائیں۔بانی پی ٹی آئی سے ملاقات کے بعد میڈیا سے گفتگو کرتے ہوئے انہوں نے کہا کہ آج اڈیالہ جیل میں بانی پی ٹی آئی سے ملاقات ہوئی ہے، پہلے انتظار پنجھوتہ کو روکا گیا اور آج شیر افضل مروت کو اندر جانے نہیں دیا گیا،بیرسٹر گوہر نے کہا کہ بانی پی ٹی آئی مخصوص نشستوں کے حوالے سے سپریم کورٹ کے فیصلے سے خوش ہیں۔ بانی پی ٹی آئی کی سپریم کورٹ کے حکم پر تسلی ہے، یقین ہے کہ کسی بھی پارٹی کو جیتی سیٹوں سے زیادہ سیٹیں نہیں دی جائیں گی اور ہمیں ہمیں انصاف ملے گا۔بیرسٹر گوہر نے بتایا کہ بانی پی ٹی آئی نے نگران وزیراعظم انورالحق کاکڑ کے بیان پر بھی بات کی ہے، پہلی کمشنر راولپنڈی اور اب سابق نگران وزیراعظم نے فارم 47 کا اعتراف کیا ہے، ہم عدلیہ سے درخواست کرتے ہیں کہ الیکشن کمیشن کی درخواستوں پر سماعت ہو، باقی درخواستوں پر بھی بینچ بنائے تاکہ فیصلہ ہوسکے۔بیرسٹر گوہر نے کہا کہ بانی پی ٹی آئی کو امریکی سفیر سے ملاقات کا بتایا ہے، بانی پی ٹی آئی نے امریکی سفیر سے ملاقات پر اطمینان کا اظہار کیا ہے، ہم 9 مئی کو پُرامن احتجاج کریں گے، تمام ٹکٹ ہولڈرز شرکت کریں گے۔انہوں نے کہا کہ 9 مئی کی سی سی ٹی وی فوٹیج کہا ہے؟ ہم مطالبہ کرتے ہیں کہ 9 مئی پر جوڈیشل کمیشن بنایا جائے،ایک سوال پر انہوں نے کہا کہ ڈی جی آئی ایس پی آر کا بیان پڑھوں گا تو پھر بات کروں گا۔اس موقع پر شعیب شاہین نے کہا کہ ریاستی دہشت گردی کے ذریعے بانی پی ٹی آئی کو اغوا کیا گیا، نومئی واقعات، ظل شاہ قتل کیس، لیٹر بھیجنے والے واقعات پر کیمرے خراب ہوجاتے ہیں، ان کے سی سی ٹی وی کیمرے بیڈ رومز میں صحیح چلتے ہیں۔

تحریک انصاف کا 9 مئی کے واقعات پر جوڈیشل کمیشن بنانے کا مطالبہ

ڈی جی آئی ایس پی آر کا بیان پڑھوں گا تو پھر بات کروں گا،صحافی کےسوال پر بیرسٹرگوہرکاجواب

مودی سرکار کی جانب سے بڑی معیشت ہونے کا دعوے کے برعکس بھارتی عوام بے روزگاری کے باعث شدید عدم استحکام کا شکار ہے۔الجزیرہ کی رپورٹ کے مطابق مودی سرکار کے زیر اقتدار بھارت میں بےروزگاری اور غربت انتہائی سنگین حد تک پہنچ گئی ، مودی سرکار کے بھارت سے بے روزگاری ختم کرنے کے تمام تر وعدے اور دعوے جھوٹے ثابت ہونے لگے ۔انڈیا ایمپلائمنٹ رپورٹ کے مطابق بھارت کی بے روزگار عوام کا 83 فیصد حصہ نوجوانوں کا ہے ، بےروزگاری اور مودی سرکار کی بے حسی سے تنگ آکر بھارتی نوجوان غیر رسمی نوکریاں کرنے پر مجبور ہیں، بھارت کے نصف سے زیادہ نوجوان آن لائن نوکریاں کرکے اپنا پیٹ پال رہے ہیں۔تحقیق کے مطابق بھارت میں بے روزگاری کے باعث تقریباً 70 فیصد تعمیراتی مزدور کم سے کم اجرت پر کام کرنے پر مجبور ہیں ۔بھارتی تھنک ٹینک کی رپورٹ کے مطابق مودی سرکار کے اقتدار میں آنے کے بعد سے بھارت میں ملازمتوں کا معیار بہت گر چکا ہے، نئی دہلی میں قائم انسٹی ٹیوٹ فار ہیومن ڈیولپمنٹ کے سینٹر فار ایمپلائمنٹ اسٹڈیز کے ڈائریکٹر نے کہا کہ بھارتی معیشت میں غیر رسمی نوکریوں میں بہت اضافہ ہوا ہے۔ایک رپورٹ کے مطابق بھارت میں 90 فیصد عوام غیر رسمی نوکریاں کرنے پر مجبور ہے اور اور رسمی ملازمت کا گراف بہت نیچے آگیا ہے، الجزیرہ رپورٹ کے مطابق 2022 میں باقاعدہ ملازمت 24.2 فیصد سے گر کر 22.7 رہ گئی ہے۔الجزیرہ کو بھارتی شہری روہیت کمار ساھو نے انٹرویو میں کچھ حیرت انگیز انکشافات کیے ، ساھو نے الجزیرہ کو بتایا کہ "مجھے مجبوراً ڈیلیوری بوائے کی نوکری کرنا پڑ رہی ہے تا کہ اپنے کالج کی فیس بھر سکوں، ملک میں بے روزگاری اور مالی استحصال کی وجہ سے میں غیر رسمی نوکریاں کرنے پر مجبور ہوں لیکن اسکے باوجود میں اپنی تعلیم کے اخراجات پورے کرنے میں قاصر ہوں۔ساھو کے مطابق گورنمنٹ کی 12 ہزار سیٹوں پر 4 لاکھ بھارتی درخواستیں جمع کرواتے ہیں، اب ایسے حالات میں ہمیں کون نوکری دے گا ؟ بے روزگاری کے خوف سے بھارتی عوام ہر قسم کا قانونی اور غیر قانونی راستہ اپنانے پر مجبور ہیں۔بھارت میں بے روزگاری سے تنگ عوام غیر قانونی طور پر امریکہ اور برطانیہ منتقل ہو رہی ہے، بھارت میں بڑھتی بےروزگاری سے انسانی اسمگلنگ عروج پر پہنچ چکی ہے۔

بے روزگاری عروج پر،مودی سرکار کے بیروزگاری ختم کرنے کے دعوے جھوٹ نکلے

مودی سرکار کے زیر اقتدار بھارت میں بیروزگاری اور غربت انتہائی سنگین حد تک پہنچ گئی،رپورٹ

چیف جسٹس پاکستان نے کہا ہے کہ جو جج مداخلت دیکھ کر کچھ نہ کرے اسے جج نہیں ہونا چاہیے، گھر بیٹھ جائے۔سپریم کورٹ کے لارجر بینچ نے اسلام آباد ہائیکورٹ ججز کے عدلیہ میں مداخلت کے خط پر ازخودنوٹس کیس کی سماعت کی۔اٹارنی جنرل نے جواب جمع کرانے کیلئے کل تک کا وقت مانگ لیا۔جسٹس اطہر من اللہ نے اپنا لکھا ہوا اضافی نوٹ پڑھا کہ وفاقی حکومت ایجنسیاں کنٹرول کرتی ہے، وفاقی حکومت الزامات کا جواب دے، وفاقی حکومت کو اپنی پوزیشن واضح کرنی چاہیے، ہائیکورٹ کے ججز نے نشاندہی کی کہ مداخلت کا سلسلہ اب تک جاری ہے، وفاقی حکومت کی ذمہ داری ہے وہ مطمئن کرے مداخلت نہیں۔سپریم کورٹ میں اسلام آباد ہائیکورٹ کے 6 ججز کے خط سے متعلق ازخود نوٹس کیس کی سماعت کے دوران چیف جسٹس نے ریمارکس دیئے کہ جو جج مداخلت دیکھ کر کچھ نہیں کر سکتا وہ گھر بیٹھ جائے۔چیف جسٹس آف پاکستان جسٹس قاضی فائز عیسیٰ کی سربراہی میں 6 رکنی لارجر بنچ نے کیس کی سماعت کی، جسٹس منصور علی شاہ، جسٹس مسرت ہلالی، جسٹس اطہر من اللہ، جسٹس جمال مندوخیل اور جسٹس نعیم اختر افنان بنچ کا حصہ ہیں۔سماعت کے دوران سپریم کورٹ بار ایسوسی ایشن نے عدالت میں اپنی تجاویز جمع کرائیں جس میں سپریم کورٹ بار کا کہنا تھا کہ بارعدلیہ کی آزادی پر کبھی سمجھوتہ نہیں کرے گی۔ عدلیہ میں مداخلت کرنے والوں کے خلاف تحقیقات ہونی چاہئیں۔ تجاویز  میں کہا گیا کہ اسلام آباد ہائیکورٹ کو کسی بھی قسم کی مداخلت پر توہین عدالت کی کارروائی کرنی چاہیے تھی، کارروائی نہ کرنا سمجھ سے بالاتر ہے۔اس دوران جسٹس اطہر من اللہ نے عدلیہ میں انٹیلی جنس اداروں کی مداخلت پر وفاقی حکومت کے جواب دینے کا آرڈر کا حصہ پڑھا۔ چیف جسٹس نے ریمارکس دیے کہ تعجب ہورہا ہے کہ اتنے وکیل ہیں لیکن عدلیہ کی آزادی کے لیے ایک پیج پر نہیں آسکتے۔ میں جمہوریت پر یقین رکھتا ہوں، پاکستان بار کونسل اور سپریم کورٹ بار بڑی تنظیمیں ہیں جب ہدف ایک ہے تو کہیں ایک ہیں۔دورانِ سماعت جسٹس اطہر من اللہ نے کہا کہ 6 ججز نے خط میں لکھا کہ مداخلت کا عمل جاری ہے اور سب مان رہے ہیں کہ مداخلت ہورہی ہے۔ ساری ہائیکورٹس نے اپنی رپورٹس میں سیاسی مقدمات پر سنگین باتوں کو اجاگر کیا ہے اور ایک ہائیکورٹ نے تو یہ کہا کہ یہ آئین کو سبوتاژ کیا گیا ہے۔جسٹس جمال خان مندوخیل نے ریمارکس دیے کہ مداخلت تو ہورہی ہے لیکن حکومت کچھ نہیں کررہی۔ ہم سب کو ماننا چاہیے انڈر ٹیکنگ دیں کہ وکلا کی مداخلت بھی روکی جائے گی۔چیف جسٹس نے کہا کہ کیا آپ چاہتے ہیں کہ تحقیقات ہو یا نہ ہو؟ مجھے بار بار کہنا پڑ رہا ہے کہ آگے بڑھتے ہیں کیونکہ دیگر افراد بھی ہیں، میں سپریم جوڈیشل کونسل کا چیئرمین ہوں لیکن میں بطور خود سپریم جوڈیشل کونسل نہیں بلکہ سپریم جوڈیشل کونسل میں دیگر ممبران بھی ہیں۔ جسٹس اطہر من اللہ نے کہا کہ آپ امید کرتے ہیں کہ ایک جج وہ کام کرے جو سپریم کورٹ نہیں کرسکتی۔ حقیقت بہت مختلف ہے اور ہم سب جانتے ہیں حقیقت کیاہے، ہائیکورٹ کے ججز ہیں، غلط نہیں کہہ سکتے، سب مان رہے کہ مداخلت ہوتی ہے، اس کا علاج بتا دیں جو ہائیکورٹ کے ججوں نے کہا ہے۔ ہم خوفزدہ کیوں ہیں، سچ کیوں نہیں بولتے،  ہمیں عدلیہ میں مداخلت کو تسلیم کرنا چاہیے۔بعد ازاں سپریم کورٹ نے اسلام آباد ہائیکورٹ کے 6 ججز کے خط سے متعلق ازخود نوٹس کیس کی سماعت غیر معینہ مدت تک ملتوی کر دی اور کہا کہ کیس کی آئندہ تاریخ بنچ کی دستیابی کی صورت میں دی جائے گی۔

عدلیہ میں مداخلت ہورہی ہے، جسٹس اطہر، پھر آپ کو یہاں نہیں بیٹھنا چاہیے، چیف جسٹس

جو جج مداخلت دیکھ کر کچھ نہ کرے اسے جج نہیں ہونا چاہیے، گھر بیٹھ جائے، چیف جسٹس کے ریمارکس

Wasim Akram, the renowned cricket player from Pakistan, disclosed the cause of the low attendance at the Pakistan Super League (PSL) 2024 matches in Karachi.

National Bank Stadium in Karachi has already hosted two PSL 2024 matches. In contrast to Lahore and Multan, the attendance was comparatively modest despite the fixtures&#39; interesting events.&nbsp;

<h2>The Pavilion Team Responds</h2>

A video showing the &quot;The Pavilion&quot; team returning without viewing the game due to traffic and security measures was released by Fakhar-e-Alam, the host of the A Sports show &quot;The Pavilion,&quot; which features renowned cricketers Wasim Akram, Misbah-ul-Haq, and Azhar Ali as panelists.&nbsp;

Wasim Akram added that they were stuck in traffic for ninety minutes before returning to the studios because they were unable to make it to the National Bank Stadium, where they were supposed to watch the game.&nbsp;

The famous cricket player mockingly claimed that containers are thought to be the perfect answer to issues. Additionally, he said that they now know why there hasn&#39;t been a lot of attendance.

In the caption, Fakhar-e-Alam claimed that despite their best efforts, they had a horrible time getting to National Stadium Karachi.&nbsp;

&ldquo;No defined routes anywhere and every side we tried was closed off with containers causing massive traffic congestion,&rdquo; he stated. &ldquo;Authorities are requested to make a sensible traffic flow plan. This is why crowds are missing in Karachi. Most people just can&rsquo;t get to the stadium.&quot;

Why aren't fans of the PSL in Karachi attending matches? Wasim Akram clarifies

The Pavilion Team Responds

Related Post

Pakistan's Usman Tariq Stuns Fans with Unique Bowling Action in PSL