Cricket

Entertainment

Football

اسلام آباد (این این آئی)وزیراعظم محمد شہباز شریف نے آئندہ سالوں میں مون سون اور کلائوڈ برسٹ سے پیدا ہونے والی کسی بھی ممکنہ صورتحال سے نمٹنے کیلئے پیشگی اقدامات کی ہدایت کرتے ہوئے کہا ہے کہ اس ضمن میں وفاقی حکومت ہر ممکن تعاون فراہم کرے گی، این ڈی ایم اے صوبوں کے ساتھ مل کر اس سلسلہ میں مربوط منصوبہ بندی کرے، وزارت منصوبہ بندی اور وزارت موسمیاتی تبدیلی اس سلسلہ میں تعاون فراہم کریں، موجودہ مون سون کے دوران صوبے تیاری کے ساتھ صورتحال سے نمٹ رہے ہیں جس سے جانی نقصان کم ہوا ہے تاہم جو جانی نقصان ہوا اس پر افسوس کا اظہار کرتے ہیں۔ جمعرات کو وزیراعظم محمد شہباز شریف نے نیشنل ایمرجنسیز آپریشنز سنٹر اسلام آباد کا دورہ کیا۔ اس موقع پر وزیراعظم کو حالیہ مون سون بارشوں اور سیلابی صورتحال پر بریفنگ دی گئی۔ وزیراعظم نے اس موقع پر اظہار خیال کرتے ہوئے کہا کہ گذشتہ چند ہفتوں کے دوران این ڈی ایم اے کا میرا یہ دوسرا دورہ ہے، این ڈی ایم اے میں جدید ٹیکنالوجی اور قابل انسانی وسائل دیکھ کر خوشی ہوتی ہے۔ وزیراعظم نے کہا کہ حالیہ دنوں میں کلائوڈ برسٹ ہوئے جس سے غیر معمولی صورتحال کا سامنا ہے، چکوال، لاہور، راولپنڈی اور دیگر شہروں میں شدید بارشیں ہوئیں، آکا شکر ہے کہ جنوبی پنجاب سمیت دیگر علاقوں میں بارشوں کا زور نہیں ہے۔ انہوں نے کہا کہ این ڈی ایم اے کی پی ڈی ایم ایز کے ساتھ کوآرڈینیشن خوش آئند ہے، پنجاب حکومت نے وزیراعلیٰ مریم نواز کی قیادت میں اور دیگر صوبائی حکومتوں نے مون سون کی غیر معمولی صورتحال سے نمٹنے کیلئے اچھے انتظامات کئے جس کے نتیجہ میں نقصانات کم ہوئے تاہم جو جانی نقصان ہوا، ان کیلئے جنت الفردوس میں اعلیٰ مقام اور زخمیوں کی جلد صحت کیلئے دعاگو ہیں۔ انہوں نے کہا کہ جس طرح بریفنگ میں بتایا گیا کہ آنے والے برسوں میں کلائوڈ برسٹ میں مزید شدت آئے گی تو اس سے نمٹنے کیلئے ابھی سے تیاری کرنی چاہئے، وفاقی حکومت اور این ڈی ایم اے کو صوبوں کے درمیان قریبی کوآرڈینیشن ہونا چاہئے، اس کیلئے این ڈی ایم اے کو جو مزید سازوسامان چاہئے وہ مہیا کریں گے، صوبے بھی اپنے طور پر انسانی وسائل، ٹیکنالوجی، ریسکیو اور ریلیف کیلئے اس میں سرمایہ کاری کریں گے۔ وزیراعظم نے کہا کہ وزارت موسمیاتی تبدیلی اور وزارت منصوبہ بندی و ترقی کو این ڈی ام اے اور صوبوں کے ساتھ مل کر آئندہ سال کی بھرپور تیاری کرنی چاہئے۔ وزیراعظم نے کہا کہ بدقسمتی سے پاکستان ان ممالک میں شامل ہے جس کا  گیسوں میں اخراج  کے ساتھ کوئی لینا دینا نہیں، اس کے باوجود ہم دنیا کے اس سے متاثر ٹاپ ٹین ممالک کی ریڈ لسٹ میں شامل ہیں۔ وزیراعظم نے کہا کہ یہ ا? تعالیٰ کی طرف سے ہمارے لئے ایک موقع بھی ہے کہ ہم ریزیلیئنٹ قوم بنیں، زرعی اور دیگر شعبہ جات کا انفراسٹرکچر بڑھائیں۔ وزیراعظم نے کہا کہ این ڈی ایم اے اور صوبوں کے درمیان بہترین کام کیلئے تعاون جاری ہے۔ وزیراعظم نے کہا کہ اس سال کے تجربے کا جائزہ لے کر صوبوں کے ساتھ آئندہ سال کیلئے تیاری کی جائے، وزارت منصوبہ بندی اور وزارت موسمیاتی تبدیلی کے وزراء￿  متعلقہ اداروں کے ساتھ مل بیٹھ کر اس حوالہ سے مربوط منصوبہ تشکیل دیں تاکہ جس طرح یہ پیشنگوئی کی جا رہی ہے کہ آئندہ اس کی شدت بڑھے گی، ہمیں اس صورتحال میں کم سے کم نقصانات کو یقینی بنانے کیلئے پیشگی اقدامات کرنا ہوں گے۔ انہوں نے اس موقع پر وفاقی وزیر اطلاعات و نشریات کے  کردار کو مفید قرار دیتے ہوئے ان کا شکریہ ادا کیا، انہیں ہدایت کی کہ اسے مزید بڑھایا جائے اور آگاہی مہم سے بروقت اس کی حساسیت سے عوام کو آگاہ کرنا ہے، اس کیلئے سوشل، الیکٹرانک اور پرنٹ کا شعبہ بہترین کام کر رہا ہے، اس کو مزید آگے بڑھانا ہو گا۔ قبل ازیں چیئرمین این ڈی ایم اے لیفٹیننٹ جنرل انعام حیدر نے وزیراعظم کو بریفنگ دیتے ہوئے بتایا کہ اس سال مون سون کی مجموعی شدت گذشتہ سال کے مقابلہ میں 60 سے 70 فیصد زیادہ ہے، اس سال معمول سے دو سے تین سپیل کا اضافہ ہوا ہے، اب تک 178 انسانی جانوں کا نقصان ہوا ہے جبکہ 500 زخمی ہیں، اس دفعہ پنجاب کے زیریں علاقے، پنجاب اور اسلام آباد کے ملحقہ علاقے اور آزاد جموں و کشمیر میں اس کی شدت زیادہ ہے۔ وزیراعظم کو بتایا گیا کہ روزانہ کی بنیاد پر ڈیٹا صوبائی ڈیزاسٹر مینجمنٹ اتھارٹیز کے ساتھ شیئر کیا جا رہا ہے، آرمی، ریسکیو 1122، چیف سیکرٹریز کے دفاتر، اریگیشن واٹر اینڈ پاور سے متعلقہ حکام آن بورڈ ہیں، آنے والے سات دنوں میں پنجاب، آزاد جموں و کشمیر اور کے پی کے، کے شمالی علاقے زیادہ متاثر ہوں گے۔ وزیراعظم کو بتایا گیا کہ اب تک مون سون کے تین سپیل آ چکے ہیں جبکہ 21 سے 28 جولائی تک چوتھا، اگست کے پہلے ہفتے پانچواں، دوسرے ہفتے چھٹا اور تیسرے ہفتے میں ساتواں سپیل متوقع ہے۔ انہوں نے بتایا کہ نشیبی علاقوں میں اس وقت پانی کھڑا ہے اور ہر متوقع امداد کی فراہمی یقینی بنائی جا رہی ہے۔ انہوں نے بتایا کہ آج رات راولپنڈی، اسلام آباد میں شدید بارش متوقع ہے۔

کلاؤڈ برسٹ سے شدید بارشوں کی غیر معمولی صورتحال کا سامنا ہے، وزیراعظم

موسمیاتی تبدیلی سے نمٹنےکے لیےتمام ادارے این ڈی ایم اے کے ساتھ ملکر مستقبل کیلئے پلان بنائیں،شہبازشریف

پاکستان سمیت عالمی مارکیٹ میں سونا سستا ہو گیا ہے،آل پاکستان جیمز اینڈ جیولرز ایسوسی ایشن کے مطابق ملک میںآج  سونے کی فی تولہ قیمت 900 روپے کی کمی کے بعد 3 لاکھ 55 ہزار 100 روپے ہو گئی۔جبکہ 10 گرام سونےکی قیمت 706 روپے کم ہو کر 3 لاکھ 4 ہزار 441 روپے ہوگئی۔دوسری جانب عالمی بازار میں سونے کا بھاؤ 9 ڈالرز کم ہوکر 3 ہزار 326 ڈالرز فی اونس ہو گیا۔دوسری جانب پاکستان اسٹاک ایکسچینج میں زبردست تیزی کا سلسلہ برقرار ہے۔اسٹاک مارکیٹ میں آج کاروبار کے آغاز پر انڈیکس میں زبردست تیزی دیکھنے میں آئی۔کاروباری روز کے اختتام پر ہنڈرڈ انڈیکس 2285 پوائنٹس کے اضافے کیساتھ پہلی بار ایک لاکھ 38 ہزار 665 پوائنٹس کی تاریخی حد پر بند ہوا۔

ملک میں سونے کی فی تولہ قیمت میں 900 روپے کی کمی ہو گئی

ہنڈرڈ انڈیکس 2285 پوائنٹس کے اضافے کیساتھ ایک لاکھ 38 ہزار 665 پوائنٹس کی تاریخی حد پر بند ہوا

پاکپتن کے نواحی گاؤں پیر غنی میں سابقہ خاتون اول بشریٰ بی بی کے بیٹے موسیٰ مانیکا کی مبینہ فائرنگ سے ملازم زخمی ہوگیا۔میڈیار پورٹس کے مطابق  بشریٰ بی بی کے بیٹے موسیٰ مانیکا نے جلد کام نہ کرنے پر اپنے ہی ملازم کو گولی مار کر شدید زخمی کردیا ہے۔پولیس کے مطابق موسیٰ مانیکا نے تکرار کے دوران طیش میں آکر فائرنگ کی، جس سے 17 سالہ علی بہادر زخمی ہو گیا۔ڈی پی او پاکپتن جاوید چدھڑ کے مطابق  ملزم موسیٰ مانیکا کو گرفتار کر لیا گیا ہے اور ملزم سے  اسلحہ بھی برآمد کرلیا گیا ہے۔ڈی پی او پاکپتن جاوید چدھڑ نے مزید بتایا کہ ملزم موسیٰ مانیکا کی فائرنگ سے ملازم علی بہادر زخمی ہوا جسے طبی امداد کی فراہمی کے لیے اسپتال منتقل کردیا گیا تھا اور اب اس کی حالت خطرے سے باہر ہے۔ڈی پی او جاوید چدھڑ نے کہا کہ مجرم کتنا ہی با اثر کیوں نہ ہو، اس کے خلاف قانون کے مطابق کارروائی کی جائے گی، کوئی بھی ملزم قانون سے بالا تر نہیں ہے، ملزمان سے آہنی ہاتھوں سے نمٹا جائے گا۔

سابقہ خاتون اول بشریٰ بی بی کے بیٹے موسیٰ مانیکانے ملازم کو گولی مار دی،ملزم گرفتار

مجرم کتنا ہی با اثر کیوں نہ ہو اس کے خلاف قانون کے مطابق کارروائی کی جائے گی، ڈی پی او پاکپتن

ترجمان دفتر خارجہ نے امریکی صدر ڈونلڈ ٹرمپ کے دورہ پاکستان کی خبروں پر لاعلمی ظاہر کر دی۔دفترخارجہ کے ترجمان شفقت علی خان نے غیر ملکی خبر ایجنسی سے گفتگو کرتے ہوئے کہا کہ امریکی صدر کے دورہ پاکستان سے متعلق علم نہیں ہے۔پاکستانی وزارت خارجہ کے ترجمان نے ان رپورٹس پر تبصرہ کرتے ہوئے کہا کہ ’فی الحال ہمیں سابق صدر ٹرمپ کے متوقع دورے سے متعلق کوئی اطلاع موصول نہیں ہوئی۔ قبل ازیں میڈیا پر یہ خبریں سامنے آئی تھیں کہ امریکی صدر ٹرمپ 18 ستمبر کو پاکستان کے دورے پر اسلام آباد پہنچیں گے جس دوران وہ پاکستان کی سیاسی و عسکری قیادت سے ملاقاتیں کریں گے۔برطانوی خبر رساں ادارے کے مطابق اگر دورے کی تصدیق ہو جاتی ہے تو یہ دو دہائیوں میں کسی امریکی صدر کا پہلا دورہ پاکستان ہو گا۔ خبر ایجنسی کا کہنا ہے کہ امریکی صدر ٹرمپ 17 سے 19 ستمبر کو برطانیہ کا دورہ کریں گے۔اس حوالے سے برطانوی رائل پیلس نے بھی تصدیق کی ہےکہ امریکی صدر ٹرمپ برطانیہ کے بادشاہ چارلس کی دعوت پر برطانیہ پہنچیں گے۔

دفتر خارجہ نے امریکی صدرٹرمپ کے دورہ پاکستان سے لاعلمی کا اظہار کردیا

باضابطہ طور پر ہمیں کوئی اطلاع موصول نہیں ہوئی کہ امریکی صدر ستمبر میں پاکستان کا دورہ کرینگے،ترجمان دفترخارجہ

واشنگٹن (این این آئی)امریکی محکمہ خارجہ کی ترجمان ٹیمی بروس نے بھارت کی جانب سے سندھ طاس معاہدے کی معطلی سے متعلق سوال پر کوئی واضح جواب دینے سے گریز کیا ہے۔پریس کانفرنس کے دوران جب ان سے سندھ طاس معاہدے کی ممکنہ معطلی پر ردعمل پوچھا گیا تو ترجمان کا کہنا تھا کے ’’میرے پاس اس مخصوص موضوع پر کہنے کے لیے فی الحال کچھ نہیں ہے۔ ہم آپ کو اس پر بعد میں تفصیلی جواب فراہم کریں گے۔‘‘تاہم ترجمان نے دیگر بین الاقوامی امور پر گفتگو کرتے ہوئے کہا کہ امریکہ اسرائیل اور شام کے درمیان کشیدگی کم کرنے کے لیے کردار ادا کر رہا ہے، جبکہ غزہ میں جاری بحران پر بھی مذاکرات جاری ہیں۔ ان کا کہنا تھا کہ جنگ بندی کی شرائط پر عملدرآمد کے لیے لائحہ عمل طے کیا جا رہا ہے، اور حالیہ ہلاکتوں کی ذمہ داری حماس پر عائد ہوتی ہے۔انہوں نے مزید کہا کہ امریکی صدر ڈونلڈ ٹرمپ روس کے موجودہ رویے سے خوش نہیں ہیں، اور وہ چاہتے ہیں کہ روس اور یوکرین کا تنازع سفارتکاری کے ذریعے حل ہو۔

بھارت کی طرف سے سندھ طاس معاہدے کی معطلی پر خاموشی، امریکا نے جواب ٹال دیا

امریکہ اسرائیل اور شام کے درمیان کشیدگی کم کرنے کے لیے کردار ادا کر رہا ہے،ترجمان ٹیمی بروس

صرف ہڈیاں۔۔۔ مگر قیمت؟ پورے30اعشاریہ 5 ملین ڈالر!جی ہاں، ایک نایاب نوجوان سیراٹوسارس ڈائناسور کا فوسل سوتھبیز میں نیلام ہوا اور اس کی قیمت بن گئی تاریخ کی تیسری سب سے مہنگی ڈائناسور نیلامی! نیویارک میں مشہور نیلام گھر سوتھبیز نے ایک نایاب نوجوان سیراٹوسارس ڈائناسور کا فوسل 30.5 ملین ڈالر میں نیلام کر دیا، جو پاکستانی کرنسی میں تقریباً 9 ارب روپے بنتے ہیں۔یہ 150 ملین سال پرانا گوشت خور ڈایناسور شمالی امریکہ میں پایا جاتا تھا۔ ماہرین کے مطابق یہ فوسل اس لیے بھی خاص ہے کیونکہ یہ واحد کم عمرسیراٹوسارس ہے جو اب تک ملا ہے۔ یہ فوسل تقریباً 6 فٹ اونچا اور 11 فٹ لمبا ہے۔ اس کی کھوپڑی مکمل اور نہایت اچھی حالت میں محفوظ ہے جو کہ نیلامی میں اس کی سب سے بڑی خوبی رہی۔یہ ڈائناسور آج سے 90 ملین سال پہلے امریکہ کے مغربی علاقوں میں دریائی میدانوں میں گھومتا پھرتا تھا۔دلچسپ بات یہ ہے کہ دنیا بھر میں اب تک صرف چار سیراٹوسارس وسلز ملے ہیں اور یہ واحد نابالغ  ہے۔یہ فوسل 1996 میں وائیومنگ کے قریب بون کیبن کواری  نامی مقام سے دریافت کیا گیا تھا۔پہلے اسے یٹاھ کے  میوزیم آف اینشینٹ لائف  نے خریدا، لیکن 2024 میں اسے اپنی کلیکشن سے نکال دیا۔ پھر اسے خرید لیا بروک سِسن نے، جو پہلے اسی میوزیم کا ملازم تھا اور اب ایک کمرشل پیلیونٹولوجسٹ بن چکا ہے۔اس نے اسے مکمل طور پر ماؤنٹ کروا کر سوتھبیز کے لیے تیار کیا اور پھروہ ہوگیا جو اب دنیا دیکھ رہی ہے، 30اعشاریہ5ملین ڈالر کا تاریخی سودا!یہ نیلامی 2020 اور 2024 میں ہونے والی ریکارڈ بولیوں کے بعد ایک اور نئی مثال بن گئی ہے کہ کس طرح ڈایناسور آج بھی انسانوں کو حیران کر رہے ہیں نہ صرف سائنسی میدان میں، بلکہ بازار میں بھی۔یہ صرف ایک فوسل نہیں، بلکہ وقت کے ساتھ جڑی ایک کہانی ہے۔

صرف ہڈیاں۔۔۔ مگر قیمت؟ پورے30اعشاریہ 5 ملین ڈالر!

دنیا کا تیسرا مہنگا ترین ڈائناسور،Ceratosaurus کا نایاب فوسل 30.5 ملین ڈالر میں نیلام

امریکی صدر ڈونلڈ ٹرمپ کا ستمبر میں پاکستان آنے کا امکان ہے،رپورٹس کے مطابق امریکی صدر ٹرمپ کا ستمبر میں ایشیائی ممالک کے اہم دورے کا امکان ظاہر کیا جا رہا ہے، جس میں ان کا پاکستان، بھارت اور چین شامل ہیں۔ ڈونلڈ ٹرمپ  کا 18ستمبر کو بھارت میں منعقد ہونے والی کانفرنس میں شرکت کے موقع پر دورہ پاکستان متوقع ہے۔رپورٹس کے مطابق امریکی صدرڈونلڈٹرمپ سرکاری دورے پر بھارت جانے سے پہلے پاکستان پہنچیں گے، امریکی صدر ڈونلڈ ٹرمپ کے دورہ پاکستان کے حوالے سے سفارتی حکام کو بھی آگاہ کر دیا گیا ہے۔میڈیارپورٹس کے مطابق امریکی صدر ٹرمپ دورہ پاکستان کے دوران صدرمملکت آصف علی زرداری، وزیر اعظم شہباز شریف اور فیلڈ مارشل وآرمی چیف سید عاصم منیر سمیت اہم شخصیات سے ملاقاتیں کریں گے۔نجی ٹی وی کے مطابق اس حوالے سے سینئر سیاستدان اور سابق سینیٹر مشاہدحسین سید نے کہا کہ میرے پاس ایسی اطلاعات ہیں امریکی صدرٹرمپ چند گھنٹے کے لئے پاکستان کادورہ کریں گے۔اگر صدر ٹرمپ پاکستان کا دورہ کرتے ہیں تو یہ سابق صدر جارج ڈبلیو بش کے بعد کسی بھی امریکی صدر کا پہلا دورہ پاکستان ہوگا، جس سے دونوں ممالک کے تعلقات میں ایک نئے باب کا آغاز متوقع ہے۔امریکی صدر کے ممکنہ دورے کو پاکستان میں خاصی اہمیت دی جا رہی ہے اور یہ امید کی جا رہی ہے کہ اس سے دونوں ممالک کے تعلقات میں نئی جہت پیدا ہوگی۔واضح رہے حال ہی میں امریکی صدر ڈونلڈ ٹرمپ نے فیلڈ مارشل عاصم منیر کے اعزاز میں وائٹ ہاؤس میں تقریب کا اہتمام کیا تھا۔اس سے قبل امریکا کے سابق صدر جارج ڈبلیو بش نے مارچ 2006 میں پاکستان کا دورہ کیا تھا۔ اس سے قبل صدر کلنٹن، صدر نکسن اور صدر جانسن بھی پاکستان کا دورہ کر چکے ہیں۔

ڈونلڈ ٹرمپ 18ستمبر کو پاکستان آئینگے ۔۔ تیاریاں شروع کردی گئیں

ڈونلڈ ٹرمپ  کا 18ستمبر کو بھارت میں منعقد ہونے والی کانفرنس میں شرکت کے موقع پر دورہ پاکستان متوقع ہے

ہانیہ عامر اور دلجیت دوسانجھ کی فلم’’سردار جی تھری‘‘ نے پاکستانی سینماؤں میں دھوم مچا دی!پاکستانی اداکارہ ہانیہ عامر اور بھارتی پنجابی اسٹار دلجیت دوسانجھ کی جوڑی نے باکس آفس پر ایسا جادو چلایا کہ’’سردار جی تھری‘‘ پاکستان میں سب سے زیادہ کمائی کرنے والی بھارتی پنجابی فلم بن گئی ہے۔27 جون کو ریلیز ہونے والی اس فلم نے صرف پاکستان میں 31 کروڑ روپے سے زائد کا بزنس کر لیا ہے، اور سابقہ سپر ہٹ فلم’’کیری آن جٹا تھری‘‘ کو بھی پیچھے چھوڑ دیا ہے۔ یعنی ایک نئی تاریخ رقم ہو گئی ہے!دلچسپ بات یہ ہے کہ فلم نے نہ صرف پاکستانی سینماؤں میں بلکہ بین الاقوامی سطح پر بھی زبردست کمائی کی ہے 60 لاکھ امریکی ڈالرز سے زائد کا بزنس ہو چکا ہے۔تاہم یہ فلم بھارت میں ریلیز نہیں ہو سکی۔ 22 اپریل کو پہلگام میں ہونے والا دہشت گرد حملہ، جس کے بعد بھارت اور پاکستان کے تعلقات مزید کشیدہ ہو گئے۔ اس سے پہلے بھی فلم کے ٹریلر پر بھارت میں ہنگامہ مچ گیا تھا، کیونکہ فلم میں پاکستانی اداکارہ ہانیہ عامر کی موجودگی کچھ حلقوں کو پسند نہیں آئی۔مگر سیاست اپنی جگہ، فن نے ایک بار پھر سرحدوں کو کراس کر کے دل جیت لیے!سردار جی تھری نے یہ ثابت کر دیا ہے کہ جب بات اچھی کہانی اور شاندار پرفارمنس کی ہو تو شائقین صرف انٹرٹینمنٹ دیکھتے ہیں، پاسپورٹ نہیں۔

ہانیہ عامر اور دلجیت دوسانجھ کی’’سردار جی تھری ‘‘نے پاکستان میں باکس آفس پر تاریخ رقم کر دی

پاکستان میں 31 کروڑ کا بزنس،کیری آن جٹا تھری کو پیچھے چھوڑ کر سب سے زیادہ کمائی کرنے والی بھارتی پنجابی فلم بن گئی

ایران کے سپریم لیڈر آیت اللہ علی خامنہ ای نے خبردار کیا ہے کہ اگر ایران کو دوبارہ کسی فوجی کارروائی کا نشانہ بنایا گیا، تو اس کا ردعمل پہلے سے کہیں زیادہ شدید ہوگا۔ ان کا کہنا تھا کہ ایران نے جوابی کارروائی کے طور پر جو کچھ پہلے کیا، وہ محض شروعات تھی اصل طاقت تو ابھی دکھانا باقی ہے۔سرکاری ٹیلی ویژن پر قوم سے خطاب کرتے ہوئے آیت اللہ خامنہ ای نے کہا کہ ایرانی عوام امریکا اور اسرائیل جیسی طاقتوں کے سامنے ڈٹی ہوئی ہے، اور یہ خود ایک بڑی کامیابی ہے۔ انہوں نے واضح کیا کہ اگر دشمنوں نے کوئی نیا حملہ کیا، تو ایران کی جانب سے اس سے کئی گنا بڑا وار کیا جائے گا جیسا کہ العدید بیس پر کیا گیا تھا۔یاد رہے کہ گزشتہ ماہ ایران نے قطر میں موجود امریکی فوجی اڈے ’’العدید‘‘ پر میزائل حملہ کیا تھا، جو امریکا کا مشرق وسطیٰ میں سب سے اہم فوجی مرکز تصور کیا جاتا ہے۔ یہ کارروائی اس وقت کی گئی جب امریکا اور اسرائیل نے ایران کی جوہری تنصیبات کو نشانہ بنا کر کشیدگی کو بڑھایا تھا۔دوسری جانب امریکا، فرانس، جرمنی اور برطانیہ کی جانب سے ایران پر جوہری مذاکرات کی بحالی کے لیے دباؤ ڈالا جا رہا ہے، اور اگست کے آخر تک مذاکرات شروع کرنے کی ڈیڈ لائن دی گئی ہے۔ بصورت دیگر، اقوام متحدہ کی طرف سے ایران پر نئی عالمی پابندیوں کے نفاذ کا امکان ظاہر کیا جا رہا ہے۔ایرانی پارلیمنٹ نے بھی دوٹوک موقف اپناتے ہوئے کہا ہے کہ ایران کسی صورت امریکا کی پیشگی شرائط کو قبول نہیں کرے گا۔ ساتھ ہی سپریم لیڈر نے ایرانی سفارت کاروں کو تاکید کی ہے کہ وہ مکمل تیاری کے ساتھ سفارتی محاذ پر متحرک رہیں اور رہنمائی کے مطابق قدم اٹھائیں۔

ایران پراگر دوبارہ حملہ ہوا تو امریکا کو بڑی قیمت چکانی پڑے گی، آیت اللہ خامنہ ای

العدید بیس پر حملہ صرف آغاز تھا، اصل طاقت دکھانا ابھی باقی ہے،ایرانی سپریم لیڈر کا سرکاری ٹی وی پر خطاب

ویسٹ انڈیز کے مایہ ناز آل راؤنڈر آندرے رسل نے انٹرنیشنل کرکٹ سے ریٹائرمنٹ کا اعلان کر دیا۔37 سالہ رسل نے اعلان کیا ہے کہ وہ رواں ماہ آسٹریلیا کے خلاف ہوم سیریز کے دوران اپنے آخری دو انٹرنیشنل میچز کھیل کر ریٹائر ہو جائیں گے۔ویسٹ انڈیز اور آسٹریلیا کے درمیان 5 ٹی ٹوئنٹی میچز پر مشتمل یہ سیریز 20 جولائی سے 28 جولائی تک کھیلی جائے گی۔آندرے رسل اپنا الوداعی میچ 22 جولائی کو جمیکا کے سبینا پارک میں اپنے ہوم گراؤنڈ پر کھیلیں گے جہاں ہزاروں مداح انہیں آخری بار ویسٹ انڈیز کی جرسی میں ایکشن میں دیکھیں گے۔ویسٹ انڈیز کرکٹ بورڈ نے رسل کے اعزاز میں ایک پیغام جاری کیا ہے، جس میں کہا گیا ہے کےپندرہ سال تک آپ نے دل سے، جذبے سے ویسٹ انڈیز کے لیے کھیلا، آپ کا شکریہ۔آندرے رسل کا کیریئر شاندار کارکردگیوں سے بھرپور رہا۔ انہوں نے ویسٹ انڈیز کی نمائندگی کرتے ہوئے ایک ٹیسٹ، 56 ون ڈے اور 84 ٹی ٹوئنٹی انٹرنیشنل میچز کھیلے۔ وہ 2012 اور 2016 میں ٹی ٹوئنٹی ورلڈ کپ جیتنے والی ویسٹ انڈین ٹیم کا حصہ بھی رہے اور یہی ان کی پہچان بن گئی۔یاد رہے کہ رسل نے 2019 کے بعد سے صرف ٹی ٹوئنٹی فارمیٹ میں ہی کھیلنا جاری رکھا اور اب وہ 2026 کے ورلڈ کپ سے ایک سال قبل انٹرنیشنل کرکٹ کو خیر باد کہہ رہے ہیں۔کرکٹ شائقین کے لیے یہ ایک جذباتی لمحہ ہے کیونکہ آندرے رسل صرف ایک کھلاڑی نہیں، بلکہ ایک’’کرکٹنگ فینومینا‘‘ تھے، جنہوں نے دنیا بھر کے فینز کو اپنے پاور ہٹنگ سے دیوانہ بنایا۔

ویسٹ انڈیز کے پاور ہٹر آل راؤنڈر آندرے رسل نےانٹرنیشنل کرکٹ سے ریٹائرمنٹ کا اعلان کر دیا

آندرے رسل اپنے ہوم گراؤنڈ جمیکا کے سبینا پارک میں 22 جولائی کو اپنا آخری انٹرنیشنل میچ کھیلیں گے

پنجاب، خیبر پختونخوا اور اسلام آباد میں شدید مون سون بارشوں نے تباہی مچا دی ہے۔راولپنڈی اور اسلام آباد میں کل رات سے ہونے والی موسلا دھار بارش نے جل تھل ایک کر دیا ہے، نالہ لئی میں پانی کی سطح بلند ہونے کے باعث خطرے کے الارم بجا دیے گئے ہیں اور قریبی آبادی کو محفوظ مقام پر منتقل ہونے کی ہدایت جاری کر دی گئی ہے۔ جڑواں شہروں میں کل رات سے اب تک 230 ملی میٹر بارش ریکارڈ کی جا چکی ہے، جس کے باعث راولپنڈی اسلام آباد میں نشیبی علاقے زیرآب آ گئے ہیں،کتاریاں اور گوالمنڈی کے مقامات پر پانی کی سطح 21 فٹ تک جا پہنچی، جس کے بعد خطرے کے سائرن بجا دیے گئے اور قریبی آبادی کو محفوظ مقامات پر منتقل ہونے کی ہدایات جاری کی گئی ہیں۔ڈھوک کھبہ، مورگاہ اور دھمیال سمیت کئی علاقوں میں پانی گھروں میں داخل ہو گیا، جبکہ ضلعی انتظامیہ نے راولپنڈی میں ایک دن کی چھٹی کا اعلان کر دیا ہے، جبکہ ریسکیو ، واسا، سول ڈیفنس سمیت تمام اداروں کو ہائی الرٹ کردیا گیا ہے۔نالہ لئی، کٹاریاں اور گوالمنڈی میں انخلاء کی وارننگ جاری کر دی گئی ہیں، ریسکیو حکام کا کہنا ہے کہ پانی کی سطح بلند ہونے سے قریبی آبادی کو خطرہ ہے،  شہری احتیاطاً محفوظ مقامات پر منتقل ہوجائیں۔ایم ڈی واسا نے ٹرپل ون بریگیڈ سے بھی رابطہ کیا ہے اور ترجمان کا بتانا ہے کہ ایمرجنسی کی صورت میں پاک فوج کو طلب کرنے کا فیصلہ کیا گیا ہے،  شہریوں کو غیر ضروری سفر سے گریز کی ہدایت کی گئی ہے۔دوسری جانب چکوال میں کلاوڈ برسٹ اور 423 ملی لیٹر بارش کے بعد فلڈ ایمرجنسی اور نافذ ہنگامی صورتحال نافذ کردی گئی۔جہلم کے علاقے ڈھوک بدر میں طوفانی بارش کے باعث 40 افراد، جن میں خواتین اور بچے بھی شامل تھے، سیلابی ریلے میں پھنس گئے جنہیں ہیلی کاپٹر کی مدد سے ریسکیو کیا گیا۔ نالہ پنہاں میں طغیانی کے باعث رجروڑ نکہ خاص میں بھی کئی افراد محصور ہو گئے ہیں۔چکوال میں کلاؤڈ برسٹ کے باعث شدید بارش ہوئی، جس سے نشیبی علاقے زیرِ آب آ گئے اور پانی گھروں میں داخل ہو گیا۔ ضلعی انتظامیہ کے مطابق چکوال میں 423 ملی میٹر، کلر کہار اور وہالی زیر میں 325 ملی میٹر جبکہ چوآسیدن شاہ میں 310 ملی میٹر بارش ریکارڈ کی گئی۔چکوال کے علاقے کھیوال میں مکان کی چھت گرنے سے ایک شخص اور ایک بچہ جاں بحق ہو گئے، جب کہ خاتون اور بچی زخمی ہوئیں۔ڈھوک مستانی اور پادشہان سمیت دیگر علاقوں میں پانی آبادیوں میں داخل ہو چکا ہے، جس کے بعد شہریوں کی محفوظ مقامات کی جانب نقل مکانی جاری ہے۔ ریسکیو ادارے متاثرہ افراد کو نکالنے اور امدادی کارروائیاں جاری رکھے ہوئے ہیں۔ایڈیشنل ڈپٹی کمشنر بلال بن حفیظ نے ہنگامی صورتحال کی تصدیق کرتے ہوئے کہا ہے کہ شدید بارشوں اور کلاؤڈ بلاسٹ کے باعث سیلابی کیفیت پیدا ہوئی ہے، جس سے نمٹنے کے لیے پاک فوج اور اسپیشل فورسز کی مدد ناگزیر ہو گئی ہے۔

اسلام آباد،راولپنڈی میں شدید بارش، نالہ لئی میں طغیانی، خطرے کے سائرن بج گئے،چھٹی کااعلان

چکوال میں کلاوڈ برسٹ اور 423 ملی لیٹر بارش کے بعد فلڈ ایمرجنسی اور نافذ ہنگامی صورتحال نافذ کردی گئی، فوج طلب

قومی کرکٹ ٹیم تین ٹی ٹوئنٹی انٹرنیشنل میچوں پر مشتمل سیریز کھیلنےکے لیے بنگلہ دیش کے دارالحکومت ڈھاکا پہنچ چکی ہے۔ قومی اسکواڈ دو مختلف گروپس میں بنگلہ دیش پہنچی، جہاں آج کھلاڑی آرام کریں گے تاکہ میدان میں اترنے سے قبل مکمل طور پر فٹ اور تازہ دم ہو سکیں۔پاکستان اور بنگلہ دیش کے درمیان یہ ٹی ٹوئنٹی سیریز 20 جولائی سے شروع ہوگی۔ تینوں میچز ڈھاکا کے معروف شیربنگلا کرکٹ اسٹیڈیم میں بالترتیب20،22جولائی اور24جولائی کو کھیلے جائیں گے۔یہ سیریز نہ صرف دونوں ٹیموں کے لیے اہم ہوگی بلکہ شائقین کرکٹ کے لیے بھی جوش و خروش سے بھرپور لمحات لے کر آئے گی۔بنگلہ دیش سے سیریز کھیلنے کے بعد گرین شرٹس ویسٹ انڈیز کے خلاف ٹی 20 سیریز کے لیے امریکا روانہ ہوں گے۔

بنگلا دیش کیخلاف تین ٹی 20 میچوں پر مشتمل سیریز کھیلنے کیلئے پاکستان کرکٹ ٹیم ڈھاکا پہنچ گئی

پاکستان اور بنگلہ دیش کے درمیان 3 ٹی ٹونٹی انٹرنیشنل میچز کی سیریز 20 جولائی سے شروع ہوگی

بلوچستان کے ضلع آواران میں سیکیورٹی فورسز نے آپریشن کرتے ہوئے فتنہ الہندوستان کے تین دہشت گردوں کو ہلاک کردیا، فائرنگ کے تبادلے میں میجر سید رب نواز طارق نے جام شہادت نوش کیا۔پاک فوج کے شعبۂ تعلقاتِ عامہ (آئی ایس پی آر) کے مطابق سیکیورٹی فورسز کے آپریشن میں بھارتی سرپرستی میں کام کرنے والے 3 دہشت گرد ہلاک ہو گئے۔آئی ایس پی آر کا کہنا ہے کہ اطلاعات کے مطابق دہشت گرد بھارتی ایجنسی کی پراکسی تنظیم ’فتنہ الہندستان‘ سے تعلق رکھتے تھے۔آئی ایس پی آرکے مطابق دہشت گردوں کے ساتھ شدید فائرنگ کے تبادلے میں میجر سید رب نواز طارق شہید ہو گئے۔آئی ایس پی آر کے مطابق 34 سالہ میجر رب نواز کا تعلق ضلع مظفرآباد سے ہے، شہید میجر نے بہادری سے لڑتے ہوئے جان کا نذرانہ پیش کیا۔پاک فوج کے شعبہ تعلقات عامہ کے مطابق علاقے میں مزید کسی دہشت گرد کے خاتمے کیلئے سینی ٹائزیشن آپریشن جاری ہے۔آئی ایس پی آر کے مطابق سکیورٹی فورسز ملک سے انڈین سپانسرڈ دہشت گردی کے خاتمے کیلئے پُرعزم ہمارے بہادر جوانوں کی ایسی قربانیاں ہمارے عزم کو مزید تقویت دیتی ہیں۔

بلوچستان،سیکیورٹی فورسز کی کامیاب کارروائی ،فتنہ الہندوستان کے 3 دہشت گردہلاک، میجر شہید

میجر سید رب نواز طارق دشمن کا بہادری سے مقابلہ کرتے ہوئے جامِ شہادت نوش کر گئے ،آئی ایس پی آر

بلوچستان کے علاقے قلات میں کراچی سے کوئٹہ جانے والی مسافر کوچ پر نامعلوم افراد نے فائرنگ کی جس کے نتیجے میں 3 افراد جاں بحق اور متعدد زخمی ہوگئے جبکہ دو کی حالت تشویشناک ہے۔اس حوالے سے ترجمان حکومت بلوچستان شاہد رند نے بتایا ہے کہ قلات کے علاقے نمرغ میں کراچی سے کوئٹہ جانے والی مسافر کوچ پر فائرنگ کا افسوسناک واقعہ پیش آیا ہے، جس کے نتیجے میں 3 مسافر جاں بحق ہو گئے۔شاہد رند نے بتایا کہ واقعے کے فوراً بعد سیکیورٹی فورسز اور انتظامیہ جائے وقوعہ پر پہنچ گئیں، جبکہ لاشوں اور زخمیوں کو ڈسٹرکٹ ہیڈ کوارٹر اسپتال قلات منتقل کر دیا گیا ہے۔ترجمان بلوچستان حکومت کے مطابق ڈی ایچ کیو اسپتال قلات میں ایمرجنسی نافذ کر دی گئی ہے۔ کچھ زخمیوں کی حالت نازک بتائی جا رہی ہے۔شاہد رند کا کہنا ہے کہ سیکیورٹی فورسز نے علاقے کو گھیرے میں لے لیا ہے۔ سیکیورٹی فورسز کا سرچ آپریشن جاری ہے، سیکیورٹی فورسز حملہ آوروں کا تعاقب کر رہی ہیں۔دوسری جانب صدرِ مملکت آصف علی زرداری نے قلات میں مسافر بس پر بزدلانہ دہشت گرد حملے کی شدید مذمت کرتے ہوئے قیمتی جانوں کے ضیاع پر دکھ اور افسوس کا اظہار کیا ہے، انہوں نے کہا کہ  بے گناہ عام شہریوں کو نشانہ بنانا انتہائی سفاکانہ اور قابل مذمت فعل ہے، دہشتگرد امن و استحکام کو سبوتاژ کرنا چاہتے ہیں، یہ انسانیت اور امن کے دشمن ہیں۔آصف علی زرداری کا کہنا تھا کہ قوم کی حمایت سے دہشتگردی کے ناسور کا مکمل خاتمہ کریں گے اور ریاست دہشتگردی کے خلاف پوری قوت سے کارروائی جاری رکھے گی، زخمیوں کو فوری اور بہترین طبی سہولیات کی فراہمی یقینی بنانے کی ہدایت کرتے ہوئے جاں بحق افراد کے لواحقین کے ساتھ اظہار تعزیت کیا۔وزیراعظم محمد شہباز شریف نے بلوچستان کے ضلع قلات میں کراچی سے کوئٹہ جانے والی مسافر بس پر فتنہ الہندوستان کے دہشتگردوں کی فائرنگ کے نتیجے میں معصوم شہریوں کی شہادت پر اظہار افسوس کیا اور شہداء کے لیے دعائے مغفرت اور لواحقین کے لیے صبر و استقامت کی دعا کی۔شہباز شریف نے زخمیوں کو فوری طبی امداد فراہم کرنے کی ہدایت کی اور کہا کہ معصوم اور نہتے شہریوں کی جان و مال کو نقصان پہنچانے والے دہشت گردوں کو بہت سخت قیمت ادا کرنی پڑے گی،حکومت اور سکیورٹی فورسز ملک سے دہشتگردی کے مکمل خاتمے کے لیے پر عزم ہیں۔

بلوچستان،قلات میں مسافر بس پر نامعلوم افراد کی فائرنگ سے 3 افراد جاں بحق ہوگئے

مسافر کوچ کراچی سے کوئٹہ جارہی تھی،زخمیوں کوڈی ایچ کیو اسپتال منتقل کردیاگیا، ترجمان حکومت بلوچستان

بنگلہ دیش میں انتخابی سیاست ایک نئے موڑ پر آ گئی ہے، جہاں عوامی لیگ کی رجسٹریشن معطل کیے جانے کے بعد اب اس کا تاریخی انتخابی نشان ’کشتی‘ بھی الیکشن کمیشن کی ویب سائٹ سے ہٹا دیا گیا ہے۔ یہ نشان کئی دہائیوں سے جماعت کی سیاسی پہچان سمجھا جاتا تھا۔الیکشن کمیشن کی آفیشل ویب سائٹ پر عوامی لیگ کو ’’رجسٹرڈ سیاسی جماعتیں (رجسٹریشن معطل)‘‘ کے زمرے میں چھٹے نمبر پر درج کیا گیا تھا۔ کل تک جماعت کے نام کے ساتھ ’’کشتی‘‘ کا نشان بھی نظر آ رہا تھا، تاہم آج صبح یہ نشان غائب کر دیا گیا۔الیکشن کمیشن کے سسٹم مینیجر محمد رفیق الحق نے بنگلہ دیشی میڈیا سے گفتگو کرتے ہوئے اس تبدیلی کی تصدیق کرتے ہوئے بتایا کہ یہ فیصلہ اعلیٰ حکام کی ہدایات پر کیا گیا۔یہ بات قابلِ ذکر ہے کہ 12 جولائی کو نیشنل سٹیزن پارٹی (NCP) کے ایک وفد نے چیف الیکشن کمشنر سے ملاقات کی تھی، جس میں عوامی لیگ کی معطل رجسٹریشن کے تناظر میں ’’کشتی‘‘ کا نشان بھی فہرست سے ہٹانے کا مطالبہ کیا گیا تھا۔دلچسپ امر یہ ہے کہ حال ہی میں الیکشن کمیشن کے کمشنر عبد الرحمان مسعود نے ایک بیان میں کہا تھا کہ انتخابی نشانات پر کسی جماعت کا مستقل حق نہیں ہوتا۔ ’’کشتی‘‘ کا نشان عوامی لیگ کو دیا گیا تھا، لیکن اس کی ملکیت کمیشن کے پاس ہی رہتی ہے۔فی الوقت بنگلہ دیش میں 50 رجسٹرڈ سیاسی جماعتیں ہیں جن کے لیے 69 انتخابی نشانات مختص کیے گئے ہیں۔ تاہم الیکشن کمیشن نے وزارتِ قانون کو نشانات کی تعداد 115 تک بڑھانے کی تجویز دے رکھی ہے۔’کشتی‘ کے ہٹائے جانے کو ملک کے سیاسی ماہرین ایک سنگین پیش رفت قرار دے رہے ہیں، جو عوامی لیگ کے مستقبل پر کئی سوالات کھڑے کر رہی ہے۔

الیکشن کمیشن نے عوامی لیگ کا انتخابی نشان ’کشتی‘ ویب سائٹ سے ہٹا دیا

رجسٹریشن معطلی کے بعد، عوامی لیگ کے عشروں پرانے انتخابی نشان کو بھی فہرست سے نکال دیا گیا

عالمی و ملکی صرافہ بازاروں میں سونا مسلسل دوسرے روز بھی سستا ہو گیا۔آل پاکستان جیمز اینڈ جیولرز ایسوسی ایشن کے مطابق ملک میں سونے کی فی تولہ قیمت میں 3 ہزار روپے کی کمی ہوئی جس کے بعدسونے کی فی تولہ قیمت 3 لاکھ 59 ہزار روپے سے کم ہو کر 3 لاکھ 56 ہزار روپے پر آگئی۔جبکہ 10 گرام سونے کے دام میں 2 ہزار 572 روپے کمی ہوئی جس کے بعد 10 گرام سونا 3 لاکھ 5 ہزار 212 روپے کی سطح پر آگیا۔ادھر عالمی صرافہ مارکیٹ میں سونے کی قیمت 30 ڈالر فی اونس کمی آگئی جس کے بعد بین الاقوامی صرافہ بازاروں میں فی اونس سونا 3 ہزار 335 ڈالر کا ہوگیا۔دوسری جانب پاکستان اسٹاک مارکیٹ میں آج تیزی کارجحان دیکھا گیا،کاروباری روز کے اختتام پر ہنڈرڈ انڈیکس 440 پوائنٹس اضافے کیساتھ ایک لاکھ 36 ہزار 379 پوائنٹس پر بند ہوا۔

ملک میں سونا 3ہزار روپے فی تولہ کمی کے بعد  3 لاکھ 56 ہزارروپے کا ہوگیا

پاکستان اسٹاک ایکسچینج میں تیزی کارجحان،100انڈیکس میں440پوائنٹس کااضافہ

امریکی صدر ڈونلڈ ٹرمپ نےاعلان کیاہے کہ یکم اگست سے ٹیرف کی ادائیگیاں شروع کی جائیں گی، اور اس اقدام کو انہوں نے امریکی معیشت کے استحکام کی جانب ایک اہم پیش رفت قرار دیا۔ٹرمپ کا کہناتھا کہ ایران سے بات کرنے کی کوئی جلدی نہیں ہے،ایران کی جوہری تنصیبات کو مکمل تباہ کردیا ہے۔میڈیا سے گفتگو میں ٹرمپ نے کہا کہ چھوٹے ملکوں کو ٹیرف لیٹر جلد جاری کریں گے، شرح 10 فی صد کے قریب ہوگی۔ٹرمپ کا کہناتھا کے ایران کے ساتھ جوہری مذاکرات فی الحال غیر ضروری ہیں اور امریکا نے اس حوالے سے اپنا سخت موقف واضح کر دیا ہے۔ٹرمپ نے مزید بتایا کہ یوکرین کو اسلحہ فراہم کر دیا گیا ہے اور روس کے ساتھ تعلقات میں سختی لائی جائے گی، خاص طور پر ان ممالک پر جو ماسکو سے تجارتی روابط رکھیں گے۔ انہوں نے خبردار کیا کہ اگر روس اور یوکرین کے درمیان 50 دن میں امن معاہدہ نہ ہوا، تو امریکا روس کے تجارتی شراکت داروں پر 100 فیصد درآمدی ٹیکس عائد کر دے گا۔روس-یوکرین جنگ کے حوالے سے ٹرمپ نے موجودہ امریکی صدر جو بائیڈن کو تنقید کا نشانہ بناتے ہوئے کہا کہ یہ جنگ بائیڈن کی کمزور خارجہ پالیسی کا نتیجہ ہے۔ انہوں نے کہا کہ روسی صدر ولادیمیر پیوٹن کی امن پسندی کے دعوے محض باتیں ہیں، حقیقت میں ایسا کچھ نظر نہیں آیا۔بات چیت کے دوران ٹرمپ نے ایک بار پھر دعویٰ کیا کہ ان کے دورِ صدارت میں انہوں نے پاکستان اور بھارت کے درمیان ممکنہ جنگ کو روکا تھا، جو کہ جنوبی ایشیا میں بڑا بحران بن سکتا تھا۔یہ بیانات ایک ایسے وقت پر سامنے آئے ہیں جب ایران نے حال ہی میں واضح کیا ہے کہ اگر امریکا یورینیم افزودگی روکنے پر اصرار کرے گا تو وہ مذاکرات کا حصہ نہیں بنے گا۔ ایران کا مؤقف ہے کہ پرامن جوہری توانائی کے استعمال کا اس کا حق ہے، اور وہ اس حق سے پیچھے نہیں ہٹے گا۔

ایران کی جوہری تنصیبات تباہ کر دی ہیں، بات چیت کی کوئی جلدی نہیں،ڈونلڈ ٹرمپ

ایران کی جوہری تنصیبات کو مکمل طور پر تباہ کر دیا گیا ہے تاکہ عالمی امن کو یقینی بنایا جا سکے، امریکی صدر

وفاقی کابینہ نے ای او بی آئی پنشنرز کی پنشن میں 15فیصد اضافے کی منظوری دے دی، اضافے کا اطلاق یکم جنوری 2025سے کیا جائے گا۔وزیراعظم شہباز شریف کی زیر صدارت وفاقی کابینہ کے اجلاس میں اہم سیاسی اور اقتصادی امور پر تبادلہ خیال کیا گیا۔وفاقی کابینہ نے ای او بی آئی پنشنرز کی پنشن میں 15فیصد اضافے کی منظوری دے دی، اضافے کا اطلاق یکم جنوری 2025سے کیا جائے گا۔کابینہ نے وزارت قومی صحت کی سفارش پر اسپتالوں اور متعلقہ صحت کےاداروں میں استعمال ہونے والی انسداد کینسر، دل کے امراض اور زندگی بچانے والی ادویات کی درآمد پربھی پانچ سال کی مزید استثنٰی کی منظوری دے دی۔وزیراعظم نے کابینہ اجلاس سے خطاب کرتے ہوئے کہاکہ کہا کہ محرم الحرام کی مجالس کے پرامن انعقاد پر پوری پاکستان قوم، چاروں صوبوں کے وزرائے اعلیٰ اور وزیر داخلہ محسن کو مبارکباد پیش کرنا چاہتا ہوں۔ وزیراعظم نے کہا کہ ہمارے کابینہ کو ڈیڑھ سال کا عرصہ گزر گیا ہے، اب ہر 2 ماہ بعد ہر وزارت کی کارکردگی کو جانچیں گے، اچھے نتائج پر شاباش دیں گے اور خامیوں کو دور کرنے کی کوشش کریں گے اور اس کے لیے میں کسی تادیبی کارروائی سے پیچھے نہیں ہٹوں گا۔وزیراعظم نے دوٹوک انداز میں متنبہ کیا کہ دوٹوک الفاظ میں کہنا چاہتا ہوں کہ کسی کو جھوٹا تاثر پیدا کرنے کی اجازت نہیں دی جائے گی، صرف کارکردگی اور قوم کی خدمت ہی ترجیح ہے، جو معیار پر پورا اترے گا وہ ہمارے سروں کا تاج ہوگا اور جو معیار پر پورا نہیں اترا اسے احساس دلائیں گے۔

وفاقی کابینہ نے ای او بی آئی پنشنرز کی پنشن میں 15فیصد اضافے کی منظوری دیدی

اب ہر 2 ماہ بعد ہر وزارت کی کارکردگی کو جانچیں گے، اچھے نتائج پر شاباش دیں گے،کابینہ اجلاس سے خطاب

سابق انگلش فاسٹ بولر جیمز اینڈرسن اور روکی فلنٹوف نے دی ہنڈرڈ کے لیے مختلف فرنچائز سے وائلڈ کارڈ معاہدے حاصل کر لیے۔اینڈرسن کو مانچسٹر اوریجنلز نے منتخب کرلیا، تجربہ کار پیسر نے انگلش ٹی 20 بلاسٹ میں لارنس کے لیے 8 میچز میں 14 وکٹیں حاصل کیں۔دوسری جانب، 17 سالہ روکی فلنٹوف کا ناردرن سپر چارجرز کے ساتھ معاہدہ ہوگیا، ان کے والد اینڈریو فلنٹوف اسی فرنچائز کے ہیڈ کوچ بھی ہیں۔اینڈرسن کو مارچ میں ڈرافٹ میں منتخب نہ ہونے کے بعد وائلڈ کارڈ کے ذریعے 31 ہزار پاؤنڈ کے عوض اپنایا گیا، دی ہنڈرڈ کے پانچویں سیزن کا آغاز 5 اگست 2025 سے ہوگا۔

جیمز اینڈرسن اور روکی فلنٹوف کو ’’دی ہنڈرڈ ‘‘ میں وائلڈ کارڈ مل گیا

تجربہ کار پیسر نے انگلش ٹی 20 بلاسٹ میں لارنس کے لیے 8 میچز میں 14 وکٹیں حاصل کیں

سانگھڑ میں ٹانگ سے محروم کی جانے والی اونٹنی کو مصنوعی ٹانگ لگادی گئی۔گزشتہ برس سندھ کے ضلع سانگھڑ میں ظلم کا نشانہ بننے والی اونٹنی کو مصنوعی ٹانگ لگانے کا تجربہ کامیاب ہوگیا اور اب وہ اپنے پیروں پر بخوبی کھڑی ہوسکتی ہے۔گزشتہ برس جون میں یہ واقعہ سامنے آیا تھا جب سانگھڑ میں اپنے کھیت پر داخل ہونے پر بے رحم وڈیرے نے اونٹنی کو تشدد کا نشانہ بنایا اور پھر مزید بے دردی کا مظاہرہ کرتے ہوئے تیز دھار آلے سے اس کی ٹانگ کاٹ ڈالی۔سوشل میڈیا پر درد و تکلیف سے بلکتی اونٹنی کی ویڈیوز وائرل ہوئیں تو ہنگامہ برپا ہوگیا اور حکومت سندھ بھی حرکت میں آگئی۔بعدازاں پولیس نے مقدمہ بھی درج کیا اور کچھ لوگوں کو گرفتار بھی کیا گیا تاہم ملزمان کے بااثر ہونے کے باعث اونٹنی کے مالک نے اصل ملزم کی نشاندہی سے انکار کردیا۔جس کے بعد جانوروں کے حقوق کے ادارے کی جانب سے ٹانگ کاٹے جانے سے زخمی ہونے والی اونٹنی کو ’کیمی‘ کا نام دیکر ریسکیو کرتے ہوئے کراچی منتقل کردیا گیا تھا۔جانوروں کی فلاح کے لیے کام کرنے والی تنظیم نے ایک سال اونٹنی کا خیال رکھا اور مشکلات کے باوجود رضاکار کی ٹیم نے حوصلہ نہیں ہارا۔رضاکاروں کی ٹیم نے ہر رکاوٹ کے باوجود کیمی کا ساتھ نہیں چھوڑا اور بالآخر انہیں کامیابی ملی اور اونٹنی کو مصنوعی ٹانگ لگادی گئی۔ڈائریکٹرسی ڈی آرایس بینجی پروجیکٹ سارہ جہانگیر کے مطابق اونٹنی جب آئی تو خوفزدہ اور شدید تکلیف میں تھی، اونٹنی کے لیے خاص طور پر تیار کردہ مصنوعی ٹانگ امریکا سے منگوائی گئی تھی۔اس حوالے سے پیپلز پارٹی کی رہنما شازیہ عطا مری نے اونٹنی کی نئی تصاویر جاری کردی ہیں۔

سانگھڑ میں ٹانگ سے محروم کی جانے والی اونٹنی کو مصنوعی ٹانگ لگادی گئی

سانگھڑ میں بے رحمی کا نشانہ بننے والی اونٹنی کا کامیاب علاج،مصنوعی ٹانگ لگا کر کھڑا کر دیا گیا

پاکستان کو بالآخر برطانیہ کی ’ایئر سیفٹی لسٹ‘ سے نکال دیا گیا،برطانیہ نے پاکستانی ایئر لائنز پر عائد طویل المدتی پابندی کو ختم کرنے کا اعلان کر دیا ہے۔ اس اہم پیشرفت کی تصدیق پاکستان میں تعینات برطانوی ہائی کمشنر جین میریٹ نے کی۔برطانوی ہائی کمشنر کے مطابق پاکستان کو ایئر سیفٹی کی فہرست سے خارج کر دیا گیا ہے جس کے بعد پاکستانی ایئر لائنز اب برطانیہ کے لیے براہِ راست پروازوں کی اجازت کی درخواست دے سکتی ہیں۔ یہ فیصلہ ایئر سیفٹی کے نظام میں کی گئی بہتری کو مدنظر رکھتے ہوئے کیا گیا ہے۔برطانیہ کی سول ایوی ایشن اتھارٹی کی جانب سے پروازوں کے آغاز سے قبل ایئرلائنز کو اجازت نامہ حاصل کرنا ہوگا۔ برطانوی ہائی کمیشن کے مطابق، پاکستان کو سیفٹی لسٹ سے نکالنے کا عمل مکمل طور پر تکنیکی اور غیر جانبدار طریقہ کار کے تحت انجام پایا۔ برطانوی ہائی کمشنر جین میریٹ نے اس پیشرفت پر پاکستانی اور برطانوی ماہرین کے درمیان تعاون کو سراہا اور امید ظاہر کی کہ جلد پاکستانی ایئر لائنز برطانیہ کے لیے پروازوں کا آغاز کریں گی۔ ان کا کہنا تھا کہ فضائی رابطوں میں بہتری نہ صرف تجارتی مواقع کو بڑھائے گی بلکہ پاکستان میں مقیم خاندانوں کے لیے ایک بڑی سہولت بھی ثابت ہوگی۔یاد رہے کہ 2020 میں پائلٹس کے جعلی لائسنس اسکینڈل سامنے آنے کے بعد برطانیہ اور یورپی یونین نے پاکستانی ایئرلائنز کی پروازوں پر پابندی عائد کر دی تھی۔ تاہم، پاکستانی حکام کی جانب سے اصلاحاتی اقدامات کے بعد گزشتہ برس نومبر میں یورپی یونین نے یہ پابندی اٹھا لی تھی، اور اب برطانیہ کی جانب سے بھی یہ خوشخبری سامنے آئی ہے۔

بڑی خبر، برطانیہ نے پاکستانی ایئر لائنز پر عائد پابندیوں کو ختم کرنے کا اعلان کر دیا

تمام پاکستانی ایئرلائنز اب برطانیہ کیلئے پروازوں کی اجازت حاصل کرنے کیلئے درخواست دے سکتی ہیں،، برطانوی ہائی کمشنر

Here’s how the conditions could shape games, and why fans in Pakistan should stream via tapmad, the official rights holder.

Pitch Report & Weather Forecast – WCL 2025 at Edgbaston

The <a href="https://www.tapmad.com/sports/wcl-2025/162/1">World Championship of Legends 2025</a> kicks off on 18 July at Edgbaston in Birmingham&mdash;a venue with a rich Test history. Expect changing weather, wicket quirks, and classic England-style play. Here&rsquo;s how the conditions could shape games, and why fans in Pakistan should stream via tapmad, the official rights holder.

<h2>Birmingham Weather Rundown</h2>

<ul>
	<li>Day 1 (14 July): Warm (25 &deg;C), mainly sunny&mdash;ideal start with no delays 
	&nbsp;</li>
	<li>Midweek (15&ndash;17 July): Intermittent rain and cloud cover (20&ndash;25 &deg;C) may impact pitch moisture 
	&nbsp;</li>
	<li>Match week (18&ndash;20 July): Warm with afternoon showers likely&mdash;heavy rains expected midday on the 20th 
	&nbsp;</li>
</ul>

Fog or cloud in mornings could delay tosses or soften the wicket&mdash;equipping bowlers with added swing and bounce.

<h2>Pitch Behaviour at Edgbaston</h2>

<ul>
	<li>Early overs: Historically grassy and moist&mdash;ideal for seamers to extract movement. Sparked pace bowling and swinging deliveries . 
	&nbsp;</li>
	<li>Mid-match: As the moisture evaporates, the surface becomes more batting-friendly. According to recent Test games, the chasing side has consistently succeeded 
	&nbsp;</li>
	<li>Spin factor: Drying patches later in the day could allow spinners to find turn&mdash;especially with gradual pitches requiring tactical field placements .</li>
</ul>

<h2>Toss Insights &amp; Match Strategy</h2>

<ol>
	<li>Seamer-friendly mornings: Expect captains to bowl first when overcast or damp. Delayed toss could favour bowl-first tactics. 
	&nbsp;</li>
	<li>Batting advantage later: As the sun breaks through post-showers, pitches flatten and batting becomes easier&mdash;ideal for chasing teams. 
	&nbsp;</li>
	<li>Spin introduction: Especially during evening games&mdash;bring in seasoned tweakers like Harbhajan or Monty Panesar mid-innings.</li>
</ol>

<h2>tapmad: Your Pitch-Side Companion in Pakistan</h2>

<ul>
	<li>Live pitch visuals: High-definition broadcast captures cracks, grass cover, and wicket pace. 
	&nbsp;</li>
	<li>Pre-match analysis: Expert commentary on weather trends, pitch prep, and toss implications. 
	&nbsp;</li>
	<li>In-game updates: On-the-go stats, spin reports, and tactical shifts&mdash;not available on generic platforms. 
	&nbsp;</li>
	<li>Multi-device convenience: Smartphone during travel, Smart TV at home&mdash;tapmad covers every viewing style.</li>
</ul>

<h2>Final Take</h2>

Edgbaston&rsquo;s legacy as a swing-dominant, family-friendly venue continues&mdash;modern T20 edits of classic conditions. Expect early seam movements, batting-friendly afternoons, and twisty late sessions for spinners. Toss strategy, weather timing, and smart bowling changes could decide matches.

For fans in Pakistan, <a href="https://www.tapmad.com/">tapmad is your definitive portal</a>, delivering real-time weather, pitch detail, expert insight, and every ball live. Don&rsquo;t just watch the match&mdash;understand the game.

Pitch Report & Weather Forecast – WCL 2025 at Edgbaston

Birmingham Weather Rundown

Pitch Behaviour at Edgbaston

Toss Insights & Match Strategy

tapmad: Your Pitch-Side Companion in Pakistan

Final Take

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan

Pitch Report & Weather Forecast – WCL 2025 at Edgbaston

Birmingham Weather Rundown

Pitch Behaviour at Edgbaston

Toss Insights & Match Strategy

tapmad: Your Pitch-Side Companion in Pakistan

Final Take

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan

Pitch Report & Weather Forecast – WCL 2025 at Edgbaston