Cricket

Entertainment

Football

پاکستان میں ربیع الاول کا چاند نظر نہیں آیا،مرکزی رویت ہلال کمیٹی نے ملک بھر میں ربیع الاول کا چاند نظر نہ آنے کا اعلان کر دیا۔ یکم ربیع الاول 26 اگست بروز منگل ہوگی جب کہ 12 ربیع الاول 6 ستمبر بروز ہفتہ ہوگی۔مرکزی رویت ہلال کمیٹی کا مرکزی اجلاس چیئرمین مرکزی رویت ہلال کمیٹی مولانا ابوالخبیر آزاد کی زیرصدارت کراچی میں ہوا۔اجلاس میں رویت ہلال کمیٹی کراچی کے ممبران، وزارت مذہبی امور، محکمہ سپارکو، محکمہ موسمیات اور وزارت سائنس اینڈ ٹیکنالوجی کے نمائندوں نے شرکت کی۔اس کے علاوہ اسلام آباد، لاہور، کوئٹہ، پشاور سمیت دیگر علاقوں میں زونل کمیٹیوں کے اجلاس ہوئے ۔رویت ہلال کمیٹی کو ملک بھر کے کسی بھی حصے سے چاند کی شہادت موصول نہیں ہوئی جس کے بعد متفقہ طور پر فیصلہ کیا گیا کہ ملک بھر میں یکم ربیع الاول 26 اگست بروز منگل کو ہوگی۔چیئرمین رویت ہلال کمیٹی، مولانا عبدالخبیر نےپریس کانفرنس میں میڈیا کو بتایا کہ ملک بھر میں کسی بھی جگہ سے چاند نظر آنے کی کوئی شہادت موصول نہیں ہوئی۔ انہوں نے کہا کہ ربیع الاوّل کا پہلا دن 26 اگست بروز منگل جبکہ 12 ربیع الاوّل 6 ستمبر بروز ہفتے کو مذہبی جوش و جذبے کے ساتھ منائی جائے گی۔اس موقع پر محکمہ موسمیات کے حکام نے بتایا کہ چاند کی عمر 32 گھنٹے تھی اور اسے شام 7 بج کر 3 منٹ سے 7 بج کر 44 منٹ تک نظر آنا تھا، ملک کے بیشتر حصوں میں بارش اور ابر آلود موسم کی وجہ سے چاند نظر آنے کے امکانات پہلے ہی کم تھے۔

پاکستان میں ربیع الاوّل کا چاند نظر نہیں آیا،12ربیع الاول 6ستمبربروزہفتہ کو ہوگی

ملک بھر سےچاندنظرآنے کی کوئی شہادت موصول نہیں ہوئی،یکم ربیع الاول منگل26اگست کو ہوگی،چیئرمین رویت ہلال کمیٹی

افغانستان کرکٹ بورڈ نے ایشیا کپ 2025 کے لیے اِسکواڈ کا اعلان کر دیا۔ایشیا کپ9 سے 28 ستمبر تک متحدہ عرب امارات میں کھیلا جائے گا، جہاں خطے کی بڑی ٹیمیں ٹائٹل کیلئے ایک دوسرے کے مدمقابل ہوں گی۔تجربہ کار لیگ اِسپنر راشد خان ٹیم کی قیادت کریں گے،اس کے علاوہ رحمان اللّٰہ گرباز، ابراہیم زادران، درویش رسولی، صدیق اللّٰہ اتل، عظمت اللّٰہ عمرزئی، کریم جنت، محمد نبی اِسکواڈ میں شامل ہیں۔گلبدین نائب، شرف الدین اشرف، محمد اسحاق، مجیب الرحمان، اے ایم غضنفر، نور احمد، فرید احمد ملک، نوین الحق اور فضل حق فاروقی بھی اِسکواڈ کا حصہ ہوں گے۔ایشیا کپ میں افغانستان کی ٹیم بنگلادیش، سری لنکا اور ہانگ کانگ کے ساتھ گروپ بی میں شامل ہے۔ایشیا کپ سے قبل افغان ٹیم ایک اہم سہ ملکی ٹی ٹوئنٹی سیریز میں حصہ لے گی جس میں میزبان یو اے ای اور پاکستان بھی شامل ہیں۔ یہ سیریز رواں ہفتے جمعہ کے روز شارجہ میں شروع ہو گی۔افغان کرکٹ بورڈ کے مطابق اِسکواڈ میں تجربہ اور نوجوان کھلاڑیوں کا بہترین امتزاج شامل ہے، جس سے امید کی جا رہی ہے کہ ٹیم ایشیا کپ میں شاندار پرفارمنس دے گی۔

ایشیا کپ کیلئے افغانستان کے اسکواڈ کا اعلان ،لیگ اسپنر راشد خان قیادت کرینگے

ایشیا کپ میںافغانستا ن کی ٹیم راشدخان کی قیادت میںاپنا پہلا میچ ہانگ کانگ کے خلاف کھیلے گی

تہران (این این آئی )ایرانی پارلیمنٹ نے اس بات کو مسترد کر دیاہے جسے اس نے مغربی ہدایات کی پالیسی یا جوہری پروگرام سے دستبرداری قرار دیا۔ ایرانی پارلیمنٹ کی قومی سلامتی اور خارجہ پالیسی کمیٹی کے ترجمان ابراہیم رضائی نے کہا کہ فرانس جوہری تنازعے سے آگے بڑھ رہا ہے اور ایران کے میزائل پروگرام پر پابندیاں لگانا چاہتا ہے۔ مغربی ممالک کی جانب سے ایران کو اس کی طاقت سے محروم کرنے کی کوششوں پر تنقید کی گئی۔ یہ ایسے وقت میں سامنے آیا جب ایران نے آج  آبنائے ہرمز  سے دشمنانہ بحری جہازوں کے گزرنے پر پابندیاں عائد کرنے کے امکان کا اشارہ دیا۔ایرانی رہنما علی خامنہ ای کے نمائندے نے اخبار کو بتایا کہ خطرے اور جنگ کی صورتحال میں ملک کے مفادات اور خودمختاری کے تحفظ کے لیے تمام قومی ذرائع استعمال کیے جانے چاہئیں۔ انہوں نے مزید کہا کہ بین الاقوامی معاہدوں کے مطابق آبنائے ہرمز ایران کے کنٹرول میں ہے جو دشمن کے بحری جہازوں کے گزرنے پر پابندیاں عائد کرنے کا امکان فراہم کرتا ہے۔ اس اقدام کا مطلب آبنائے کو مکمل طور پر بند کرنا نہیں بلکہ دشمنوں کے خلاف مخصوص پابندیاں لگانا ہے۔انہوں نے مزید کہا کہ اس طرح کے اقدام کے محض اعلان سے بھی مخالفین پر بھاری اقتصادی اثرات مرتب ہو سکتے ہیں اور ان کے اخراجات میں اضافہ ہو سکتا ہے۔ اسی تناظر میں ایرانی سپاہ پاسدارانِ انقلاب کے کمانڈر محمد باکپور نے اسرائیل کو دھمکی دی کہ اگر کوئی بھی جارحیت دوبارہ دہرائی گئی تو پہلے سے زیادہ فیصلہ کن اور سخت جواب دیا جائے گا۔باکپور، جنہیں گزشتہ جون میں 12 دن کی جنگ کے دوران حسین سلامی کے مارے جانے کے بعد تعینات کیا گیا تھا، نے کہا کہ انقلابی گارڈ کی فورسز کسی بھی اسرائیلی حملے کا مقابلہ کرنے یا ملک میں افراتفری پھیلانے کی کارروائی کا مقابلہ کرنے کے لیے ہمیشہ تیار رہتی ہیں۔ پاسدارانِ انقلاب کے کمانڈر کی دھمکیوں کا ذکر ایرانی وزیرِ دفاع عزیز نصیر زادہ نے بھی کیا جنہوں نے کہا کہ ایران نے بعض ممالک میں ہتھیاروں کی فیکٹریاں اور فوجی ڈھانچہ قائم کیا ہے جنہیں ضرورت پڑنے پر ظاہر کیا جائے گا۔

ایران نے مغرب کی ہدایات کی پالیسی کو مسترد کردیا، آبنائے ہرمز پر پابندی لگانے کا عندیہ

مغربی ممالک ہمارے میزائل پروگرام پر پابندیاں عائد کرنا اور ہمیں طاقت کے تمام عناصر سے محروم کرنا چاہتے ہیں، ایرانی پارلیمان

نائب وزیراعظم اور وزیرِ خارجہ اسحٰق ڈار نے بنگلہ دیش کے دورے کے دوران چیف ایڈوائزر پروفیسر محمد یونس اور مشیر خارجہ ایم ڈی توحید حسین سے تفصیلی ملاقات کی۔ یہ دورہ تقریباً 13 برس بعد کسی پاکستانی وزیرِ خارجہ کا بنگلہ دیش پہنچنا ہے، جسے دونوں ملکوں کے تعلقات میں سنگِ میل قرار دیا جا رہا ہے۔ترجمان دفترِ خارجہ کے مطابق ملاقات میں پاکستان اور بنگلہ دیش کے تعلقات کی بحالی پر بات چیت ہوئی۔ نوجوانوں کے درمیان روابط بڑھانے، خطے میں کنیکٹیویٹی بہتر بنانے اور علاقائی تعاون کے امکانات پر بھی غور کیا گیا۔ نائب وزیراعظم اسحٰق ڈار نے اس موقع پر پروفیسر محمد یونس کو وزیراعظم شہباز شریف کی نیک خواہشات بھی پہنچائیں، اسحاق ڈار نے بنگلا دیشی حکومت کی شاندار میزبانی پر شکریہ ادا کیا۔قبل ازیں ڈھاکا میں پاکستان اور بنگلہ دیش کے درمیان 6 اہم معاہدوں اور مفاہمتی یادداشتوں پر دستخط بھی ہوئے۔ اس موقع پر اسحٰق ڈار اور بنگلہ دیشی مشیر خارجہ ایم ڈی توحید حسین موجود تھے۔ معاہدوں میں دونوں ملکوں کے سفارت کاروں اور حکومتی اہلکاروں کے لیے ویزا ختم کرنے کا معاہدہ نمایاں ہے۔اس کے علاوہ انسٹیٹیوٹ آف اسٹریٹجک اسٹڈیز اسلام آباد اور بنگلہ دیش انسٹی ٹیوٹ آف انٹرنیشنل اینڈ اسٹریٹجک اسٹڈیز کے درمیان ایم او یو، ٹریڈ جوائنٹ ورکنگ گروپ کی یادداشت، اور ایسوسی ایٹڈ پریس آف پاکستان اور بنگلہ دیش سنگباد سنگستھا کے درمیان بھی تعاون کے معاہدے طے پائے۔اسحٰق ڈار نے بنگلہ دیشی حکومت کی بہترین میزبانی پر شکریہ ادا کیا اور اس عزم کا اظہار کیا کہ دونوں ممالک باہمی تعلقات کو ایک نئے دور میں داخل کریں گے۔

پاکستان اور بنگلہ دیش قریب آنے لگے، ویزا فری معاہدے سمیت 6 تاریخی ایم او یوز پر دستخط

13 برس بعد کسی پاکستانی وزیرِ خارجہ کا ڈھاکا کا دورہ، تعلقات کی بحالی اور تعاون بڑھانے پر اتفاق

چینی وزیرِ خارجہ وانگ ای کی فیلڈ مارشل سید عاصم منیر سے اہم ملاقات پر چین کی وزارت خارجہ کا بیان سامنے آیا ہے۔پاک فوج کے سربراہ فیلڈ مارشل جنرل سید عاصم منیر اور چین کے وزیرِ خارجہ وانگ ای کے درمیان اہم ملاقات ہوئی، جس میں دوطرفہ تعلقات، انسدادِ دہشت گردی تعاون اور علاقائی استحکام پر تفصیلی تبادلۂ خیال کیا گیا۔چینی وزارتِ خارجہ کے مطابق وزیرِ خارجہ وانگ ای نے اس موقع پر کہا کہ پاکستانی فوج قومی استحکام کا ستون اور پاک چین دوستی و تعاون کی مضبوط محافظ ہے۔ انہوں نے کہا کہ پاکستان اور چین نے وقت کے کڑے امتحانات کے باوجود اپنی روایتی دوستی کو مزید مضبوط کیا ہے۔ چین اپنی سفارت کاری میں پاکستان کو ہمیشہ اولین ترجیح دیتا ہے اور مستقبل میں بھی پاکستان کی علاقائی سالمیت اور قومی سلامتی کے تحفظ میں بھرپور تعاون جاری رکھے گا۔وانگ ای نے مزید کہا کہ دنیا میں غیر یقینی حالات کے باوجود مضبوط پاک چین تعلقات کا فروغ علاقائی امن و استحکام کے لیے نہایت سودمند ہے۔ چین عالمی امور میں پاکستان کے بڑے کردار کا خیر مقدم کرتا ہے اور دونوں ممالک ایک دوسرے کے دکھ سکھ میں ہمیشہ شریک رہے ہیں۔اس موقع پر فیلڈ مارشل جنرل سید عاصم منیر نے کہا کہ چین پاکستان کا ’’آہنی دوست‘‘ ہے اور دونوں ممالک کے درمیان اسٹریٹجک شراکت داری چٹان کی طرح مضبوط ہے۔ انہوں نے چین کی قیادت کا پاکستان کی معاشی اور سماجی ترقی میں قیمتی تعاون پر شکریہ ادا کیا اور کہا کہ پاکستانی فوج انسداد دہشت گردی اور سیکیورٹی تعاون کو فعال طور پر فروغ دینے کے لیے تیار ہے۔فیلڈ مارشل نے اس عزم کا بھی اظہار کیا کہ پاکستان میں چینی اہلکاروں، منصوبوں اور اداروں کی حفاظت یقینی بنائی جائے گی اور پاک چین دوستی کو مزید مستحکم بنانے کے لیے تمام تر اقدامات کیے جائیں گے۔

پاکستانی فوج قومی استحکام کا ستون، پاک چین دوستی اور تعاون کی مضبوط محافظ ہے،چینی وزیر خارجہ

پاکستان میں چینی اہلکاروں، منصوبوں اور اداروں کی حفاظت یقینی بنانے کی کوشش جاری رہے گی، فیلڈ مارشل عاصم منیر

اسلام آباد (این این آئی)پاکستان پیپلز پارٹی اور مسلم لیگ (ن)نے ضمنی انتخابات مل کر لڑنے کا اعلان کردیا ۔اسلام آباد میں لیگی رہنماء و وفاقی وزیر حنیف عباسی اور پیپلز پارٹی رہنما راجہ پرویز اشرف نے دیگر کے ہمراہ مشترکہ پریس کانفرنس کی۔راجہ پرویز اشرف نے کہا کہ ضمنی انتخاب میں مل کر حصہ لینے کا فیصلہ کیا ہے، دونوں جماعتیں ضمنی انتخابات ملکر لڑیں گی، ضمنی الیکشن میں طے شدہ فارمولے کے تحت حصہ لیں گے، جہاں امیدوار رنر اپ تھا اسی جماعت کا امیدوار الیکشن لڑے گا۔پی پی پی رہنماء نے کہا کہ ہماری ملاقات اپنی اپنی قیادت کے حکم پر ہوئی ہے، وزیراعظم شہباز شریف کا شکریہ ضمنی انتخابات کا اصول طے ہوگیا، خوش اسلوبی کے ساتھ معاملات کو حتمی شکل دی گئی ہے۔اس موقع پر وزیر ریلوے حنیف عباسی نے کہا کہ ہم اتحادی ہیں، دونوں جماعتوں کی لیڈر شپ دانشمندانہ فیصلے کرتی ہے، دونوں جماعتیں ایک دوسرے کے امیدواروں کو سپورٹ کریں گی، ضمنی انتخابات میں بھرپور کامیابی حاصل کریں گی۔حنیف عباسی نے کہا کہ سندھ پنجاب اور پنجاب سندھ کیلئے دعا گو ہے، ضمنی انتخابات میں ہم کامیاب ہوں گے، پورے پاکستان کو پتا ہونا چاہیے کہ اتحادی ہیں، ہماری لیڈر شپ یہی بتاتی ہے کہ ہم اتحادی ہیں، خیبر پختونخوا کے سیلاب متاثرین کے لیے دعاگو ہیں۔

پیپلز پارٹی اور مسلم لیگ(ن) نے ضمنی انتخابات مل کر لڑنے کا اعلان کردیا

ضمنی الیکشن میں طے شدہ فارمولے کے تحت حصہ لیں گے، جہاں امیدوار رنر اپ تھا اسی جماعت کا امیدوار الیکشن لڑے گا، راجہ پرویز اشرف

واشنگٹن (این این آئی)امریکی جریدے بلوم برگ کی ایک حالیہ رپورٹ کے مطابق پاکستان فضائیہ نے چین کے تیار کردہ جدید میزائل پی ایل 15 کو استعمال کرتے ہوئے بھارتی جنگی طیاروں کو 100 میل سے زیادہ فاصلے سے کامیابی کے ساتھ نشانہ بنایا۔ اس کارروائی کے دوران پاکستانی طیاروں کو جوابی حملے کا کوئی خطرہ درپیش نہیں ہوا۔یہ کامیاب تجربہ نہ صرف خطے میں بلکہ عالمی سطح پر طویل فاصلے تک مار کرنے والے فضائی ہتھیاروں کی اہمیت اجاگر کرنے کا باعث بنا۔ اس کے بعد امریکی فوج کو اپنی فضائی برتری برقرار رکھنے کے لیے فوری طور پر نئی حکمتِ عملی اپنانے پر مجبور ہونا پڑا۔پینٹاگون کی ایک رپورٹ میں بتایا گیا کہ چینی فضائیہ نے 2023 میں پی ایل 17 کو عملی طور پر فعال کردیا تھا۔ یہ میزائل پی ایل 15 کا جدید ورژن ہے جو 400 کلو میٹر یعنی تقریبا 248 میل تک اپنے اہداف کو نشانہ بنانے کی صلاحیت رکھتا ہے۔پاکستان کے اس کامیاب آپریشن نے خطے میں فضائی طاقت کا توازن بدل دیا۔ اس کے جواب میں امریکی فضائیہ اور بحریہ نے لاک ہیڈ مارٹن کے خفیہ منصوبے ای آئی ایم 260 پر کام تیز کرنے کیلیے مالی سال 2026 میں ایک ارب ڈالر کی فنڈنگ کی درخواست کی ہے۔ای آئی ایم 260 جسے جوائنٹ ایڈوانسڈ ٹیکٹیکل میزائل بھی کہا جاتا ہے، خاص طور پر ایف 22 اور ایف 35 طیاروں کے اندرونی ہتھیاروں کے خانوں کے لیے تیار کیا گیا ہے۔ مستقبل میں اسے ایف 16، ایف 15 اور ڈرون جنگی طیاروں کے ساتھ بھی مربوط کرنے کا منصوبہ ہے۔امریکی فضائیہ کے مطابق پاکستان کے پی ایل 15 کے کامیاب استعمال نے یہ ظاہر کر دیا ہے کہ امریکی فضائی برتری کو چیلنج کرنے والے نئے خطرات اب حقیقی صورت اختیار کرچکے ہیں۔ ان خطرات سے نمٹنے کیلیے ایک جدید اور زیادہ موثر میزائل کی تیاری ناگزیر ہے۔دستاویزات سے پتا چلتا ہے کہ امریکی فضائیہ نے میزائل کی تیاری کیلیے 368 ملین ڈالر اور اضافی 300 ملین ڈالر کی درخواست دی ہے، جبکہ بحریہ نے 301 ملین ڈالر مختص کرنے کا مطالبہ کیا ہے۔ یہ نیا میزائل موجودہ ای آئی ایم 120 ایمرام کی جگہ لے گا جو 1993 سے استعمال میں ہے۔اب تک اس منصوبے پر 350 ملین ڈالر سے زائد خرچ ہوچکے ہیں، جبکہ لاک ہیڈ مارٹن کو اس کی ترقیاتی ذمے داری اگست 2017 میں دی گئی تھی۔

پاکستانی میزائلوں کی کامیابی نے امریکا کو نئے میزائل بنانے پر مجبور کردیا

پاکستان کے اس کامیاب آپریشن نے خطے میں فضائی طاقت کا توازن بدل دیا،بلومبرگ کی رپورٹ

کراچی(این این آئی)کراچی میں بھارتی خفیہ ایجنسی را کا بڑا نیٹ ورک پکڑا گیا، شہر میں دہشت گردوں کے سیف ہاؤس کا بھی انکشاف ہوا ہے۔کراچی میں پریس کانفرنس کرتے ہوئے ایڈیشنل آئی جی سی ٹی ڈی سندھ آزاد خان نے کہا کہ 18مئی 2025کو بدین کے 45 سالہ شخص کے قتل میں ملوث 4افراد کو 8جولائی کو گرفتار کیا، ملزمان سے تفتیش کے دوران نیٹ ورک کا پتہ لگایا گیا۔اے آئی جی آزاد خان نے بتایا کہ واردات کی سی سی ٹی وی فوٹیج میں 3ملزمان کو دیکھا گیا، عینی گواہوں نے بھی ملزمان کو دیکھا، قتل کے الزام میں دو ملزمان کو گرفتار کر کے ان کے قبضے سے واردات میں استعمال ہونے والے پستول اور موٹر سائیکل برآمد کیے گئے۔انہوں نے کہا کہ دوران تفتیش اس بات کا انکشاف ہوا قتل کی منصوبہ بندی سنجے نامی بھارتی ایجنٹ نے کی، حملے کا ماسٹر مائنڈ سنجے سنجیو کمار عرف فوجی ایک خلیجی ریاست میں رہائش پذیر ہے جس نے شیخوپورہ کے رہائشی سلمان کو ہائر کیا۔انہوںنے کہاکہ بھارتی خفیہ ایجنسی کا ایجنٹ سنجے سینجیو کمار عرف فوجی نے خلیجی ریاست میں 2 پاکستانیوں کو ایجنٹ بنایا،ملزم سلمان کے تشکیل کردہ گینگ میں عمیر، سجاد، عبید اور شکیل شامل تھے،ملزم عمیر اصغر، سجاد، عبید، شکیل، ارسلان ، طلحہ عمیر کو گرفتار کیا گیا، واردات کے بعد ملزم سلمان نیپال فرار ہوا، یہ سارے شواہد آنے کے بعد ٹیرزم فنانسنگ کا بھی پرچہ درج کیا گیا۔انہوں نے کہا کہ ملزمان کو ٹیکنیکل بنیادروں پر تحقیقات کے ذریعے گرفتار کیا گیا، ملزمان سے ایک نائن ایم ایم پستول، ایک تیس بور پستول، موبائل فونز اور موٹرسائیکل برآمد ہوئی ہے۔ ملزمان کے بیانات، ریکوریز، بینک ٹرانزیکشنز اور را کی سہولت کاری سے متعلق مزید تفتیش جاری ہے، واردات میں کالعدم تنظیم کی سہولت کاری کے واضح شواہد سامنے آئے ہیں۔ایڈیشنل آئی جی سی ٹی ڈی آزاد خان نے بتایا کہ را نے اس واردات کے لیے خطیر رقم خرچ کی اور سنجے نے اس قتل کو بیرون ملک سے ہینڈل کیا، اس قتل پر بھارتی میڈیا نے جشن بھی منایا،بھارتی خفیہ تنظیم را نے علیحدگی پسند تنظیم کو بھی بطور ہتھیار استعمال کیا۔آئی جی سی ٹی ڈی آزاد خان نے کہا کہ اس طرح کی دہشت گردی اسٹیٹ اسپانسرڈ دہشت گردی کہلاتی ہے ، معاملہ ہر فورم پر اٹھائیں گے، گرفتار ملزمان سے تحقیقات جاری ہیں، مزید گرفتاریاں بھی متوقع ہیں۔

کراچی میں بھارتی خفیہ ایجنسی را کا نیٹ ورک پکڑا گیا،دہشت گردوں کے سیف ہاؤسز کا انکشاف

’’را ‘‘نے ٹارگٹ کلنگ میں علیحدگی پسند تنظیم کو استعمال کیا، ایڈیشنل آئی جی سی ٹی ڈی سندھ کی پریس کانفرنس

بنگلا دیش کرکٹ بورڈ (بی سی بی) نے نیدرلینڈز کے خلاف ہوم ٹی ٹوئنٹی سیریز اور ایشیا کپ 2025 کے لیے 16 رکنی اسکواڈ کا اعلان کردیا ہے۔ایشیاکپ متحدہ عرب امارات میں کھیلا جائے گا۔ ٹیم کی قیادت وکٹ کیپر بیٹر لٹن داس کریں گے۔اعلان کردہ اسکواڈ میں نوجوان اور تجربہ کار کھلاڑیوں کا امتزاج شامل ہے۔ ٹاپ آرڈر میں تنزید حسن، پرویز حسین احمون، سیف حسن اور توحید ہردوی موجود ہیں جبکہ مڈل آرڈر میں جا کر علی انک، شميم حسین اور کپتان لٹن داس ٹیم کا حصہ ہوں گے۔اسکواڈ میں وکٹ کیپنگ کے فرائض کے لیے قاضی نرول حسن سہان کو بھی شامل کیا گیا ہے۔ آل راؤنڈرز میں شاک مہدی حسن اور اسپنرز میں رشاد حسین، ناسم احمد ٹیم میں شامل ہیں۔فاسٹ بولنگ یونٹ میں مستفیض الرحمٰن، تنزیم حسن ساکب، تسکین احمد، شوریف الاسلام اور شعیف الدین ٹیم کا حصہ ہیں۔بنگلادیش کے اسکواڈ میں لٹن داس (کپتان)، تنزید حسن، پرویز حسین ، سیف حسن، توحید ہری دوئے، جاکر علی ، شميم حسین، قاضی نورالحسن ، مہدی حسن، ریشاد حسین، ناصم احمد، مستفیض الرحمان، تنزیم حسن ، تسکین احمد، شرفل اسلام اور سیف الدین شامل ہیں،جبکہ اسٹینڈ بائے کھلاڑیوں میںسومیا سرکار،مہدی حسن مرزا،تنویر اسلا م اورحسن محمود شامل ہیں۔علاوہ ازیں  بنگلا دیش اور نیدرلینڈز کے درمیان تین میچوں کی ٹی ٹوئنٹی سیریز 30 اگست سے 3 ستمبر تک ڈھاکا میں کھیلی جائے گی۔بنگلہ دیشی شائقین پرامید ہیں کہ ٹیم ایشیا کپ 2025 میں شاندار کارکردگی کا مظاہرہ کرتے ہوئے اپنی حریف ٹیموں کو سخت مقابلہ دے گی۔واضح رہے کہ ایشیا کپ 2025 ٹی 20 فارمیٹ میں 9 سے 28 ستمبر تک متحدہ عرب امارات میں کھیلا جائے گا۔ایشیا کپ  میں بنگلا دیش کو گروپ بی میں رکھا گیا ہے۔ ٹیم اپنا پہلا میچ 11 ستمبر کو ہانگ کانگ کے خلاف کھیلے گی، اس کے بعد 13 ستمبر کو سری لنکا اور 16 ستمبر کو افغانستان سے مقابلہ ہوگا۔

بنگلہ دیش کرکٹ بورڈ نے ایشیا کپ 2025 کیلئے قومی اسکواڈ کا اعلان کر دیا

ٹیم کی قیادت وکٹ کیپر بیٹر لٹن داس کریں گے،اعلان کردہ اسکواڈ میں نوجوان اور تجربہ کار کھلاڑیوں کا امتزاج شامل ہے

فیلڈ مارشل سید عاصم منیر نے سول و عسکری اداروں کے تعاون کو بلوچستان کے مسائل کے حل کے لیے ضروری قرار دے دیا،سید عاصم منیر نے کہا ہے کہ پاک فوج بلوچستان کے عوام کے شانہ بشانہ کھڑی ہے، ترقی خوشحالی اور پائیدار ترقی کے لیے پاک فوج بلوچستان کے عوام کے ساتھ ہے۔آئی ایس پی آر کے مطابق فیلڈ مارشل سید عاصم منیر نے تربت، بلوچستان کا دورہ کیا، دورے کا مقصد موجودہ سیکورٹی صورتحال کا جائزہ لینا، ترقیاتی اقدامات کا معائنہ کرنا، اور بلوچستان میں استحکام اور خوشحالی کے لیے فوجی اور سول اداروں کے درمیان ہم آہنگی کو مضبوط بنانا تھا۔وزیراعلیٰ بلوچستان میر سرفراز بگٹی، چیف سیکرٹری بلوچستان اور دیگر اعلیٰ حکام بھی اس موقع پر موجود تھے۔فیلڈ مارشل کو سیکیورٹی کی مجموعی صورتِ حال، خطرات کے تناظر، فتنہ الہندوستان کے خلاف کامیاب آپریشنز، جاری ترقیاتی منصوبوں، اور جنوبی بلوچستان میں سماجی و اقتصادی حالات بہتر بنانے کی کوششوں پر تفصیلی بریفنگ دی گئی۔سید عاصم منیر نے وزیراعلیٰ بلوچستان اور سول انتظامیہ کے نمائندوں سے ملاقات کے دوران گڈ گورننس، بنیادی ڈھانچے کی ترقی، اور جامع و عوام دوست ترقی کی اہمیت پر زور دیا۔انہوں نے ان چیلنجز سے نمٹنے کے لیے سول اور عسکری اداروں کی مشترکہ کوششوں کی اہمیت کو اجاگر کیا، جن کا سامنا بلوچستان کے عوام کو ہے، اور جنوبی بلوچستان کی سماجی و اقتصادی ترقی کے لیے کی جانے والی تمام کوششوں کے لیے غیر متزلزل حمایت کا اعادہ کیا۔فیلڈ مارشل عاصم منیر نے بلوچستان کے عوام کے ساتھ پاک فوج کے کندھے سے کندھا ملا کر کھڑے رہنے کے عزم کا اعادہ کیا تاکہ امن، خوشحالی اور پائیدار ترقی کو یقینی بنایا جا سکے۔فیلڈ مارشل نے جوانوں سے ملاقات کے دوران ان کے بلند حوصلے، عملی تیاری، اور قومی خودمختاری کے دفاع کے لیے غیر متزلزل عزم کو سراہا، انہوں نے مشکل حالات کے باوجود خطے میں امن و استحکام کے قیام میں ان کے کردار کو خراجِ تحسین پیش کیا۔قبل ازیں فیلڈ مارشل سید عاصم منیر کا تربت پہنچنے پر کور کمانڈر بلوچستان نے استقبال کیا۔

پاک فوج بلوچستان کے عوام کے شانہ بشانہ کھڑی ہے،فیلڈ مارشل سید عاصم منیر

سید عاصم منیر کا بلوچستان کے علاقے تربت کا دورہ، سکیورٹی صورتحال اور ترقیاتی اقدامات کا جائزہ لیا گیا، آئی ایس پی آر

چیئرمین پی ٹی آئی بیرسٹر گوہر کا کہنا ہے کہ جب ہم کوشش کر رہے ہیں کہ تناؤ ختم ہو تو گرفتاریاں شروع ہو جاتی ہیں۔علیمہ خان کے دوسرے بیٹے کی حراست پر اپنے ردِ عمل میں انہوں نے کہا کہ عمران خان کے فیملی ممبرز کو گرفتار کر کے سیاسی تناؤ پیدا کیا جا رہا ہے، کل علیمہ خان کے بیٹے شاہریز کو گرفتار کیا گیا اور آج دوسرے بیٹے کو بھی کر لیا گیا۔انہوں نے مزید کہا کہ عمران خان کو آئیسولیٹ کیا جا رہا ہے، اِنہیں اخبار نہیں دیے جا رہے، اِن حرکتوں سے عوام میں نفرت میں اضافہ ہو گا۔یاد رہے کہ عمران خان کی ہمشیرہ علیمہ خان کے دوسرے بیٹے کو بھی لاہور سے حراست میں لے لیا گیا ہے۔

جب ہم کوشش کر رہے ہیں کہ تناؤ ختم ہو تو گرفتاریاں شروع ہو جاتی ہیں،بیرسٹر گوہر

پاکستان کے لیجنڈری فاسٹ بولر اور سوئنگ کے سلطان وسیم اکرم نے ورلڈکپ فاتح کپتان عمران خان کو اپنی کرکٹنگ زندگی کا سب سے عظیم رہنما قرار دے دیا۔انگلش کرکٹرز مائیکل وان، سر الیسٹر کُک، ڈیوڈ لائیڈ اور فل ٹفنل کے پوڈکاسٹ میں گفتگو کرتے ہوئے وسیم اکرم نے کہا کہ عمران خان وہ واحد کپتان تھے جنہوں نے ہمیشہ فرنٹ سے لیڈ کیا، ٹیم کو اعتماد دیا اور ہر کھلاڑی سے سو فیصد کارکردگی کا تقاضا کیا۔انہوں نے کہا کہ عمران خان کو عام طور پر ایک عظیم کرکٹر کے طور پر دیکھا جاتا ہے، لیکن حقیقت یہ ہے کہ وہ قدرتی طور پر اتنے ٹیلنٹڈ نہیں تھے، بلکہ اپنی محنت اور غیر معمولی عزم کے ذریعے کامیابی حاصل کی۔ وسیم اکرم کے مطابق 1976ء میں عمران خان نے اپنا باؤلنگ ایکشن مکمل طور پر بدل ڈالا، جو ایک انتہائی مشکل کام تھا لیکن ان کی لگن نے سب کچھ ممکن بنایا۔وسیم اکرم نے مزید کہا کہ کرکٹ میں جو کچھ بھی انہوں نے میدان کے اندر اور باہر حاصل کیا، اس کا کریڈٹ عمران خان کو جاتا ہے۔ "وہ ہمیشہ ہمیں حوصلہ دیتے، اعتماد دلاتے اور ٹیم کے ہر فرد کو بہتر بنانے پر زور دیتے تھے۔"انہوں نے یہ بھی بتایا کہ عمران خان کبھی سست روی برداشت نہیں کرتے تھے۔ اگر کھلاڑی نے محنت کی ہو لیکن نتیجہ نہ آئے تو وہ اسے قبول کر لیتے، مگر کوشش میں کمی پر برہمی ظاہر کرتے۔یاد رہے کہ وسیم اکرم نے 1984ء میں اپنے انٹرنیشنل کیریئر کا آغاز کیا، اسی دوران عمران خان نے ان کی رہنمائی کرتے ہوئے انہیں دنیا کے بہترین فاسٹ باؤلرز میں شمار ہونے کا موقع دیا۔ بعدازاں عمران خان کی قیادت میں پاکستان نے 1992ء میں اپنا پہلا اور واحد ورلڈکپ جیتا، جس کے فائنل میں وسیم اکرم مین آف دی میچ قرار پائے تھے۔

لیجنڈری فاسٹ بولر وسیم اکرم نے اپنی کامیابیوں کا کریڈٹ عمران خان کو دے دیا

میں نے کرکٹ میں جو کچھ کیا، میدان میں اور میدان سے باہر اس کا کریڈٹ عمران خان کو جاتا ہے، وسیم اکرم

اسلام آباد (این این آئی)ملک بھر میں امیگریشن کا نیا نظام متعارف کروانے کا فیصلہ کرلیا گیا، ای امیگریشن نظام کے نفاذ کے بعد مسافروں کو قطاروں میں لگ کر انتظار نہیں کرنا پڑے گا۔ذرائع نے بتایا کہ وزرات داخلہ نے نئے ای امیگریشن کا نظام متعارف کرانے کی منظوری دے دی ہے، اور آئندہ ماہ سے ای امیگریشن کا نظام نافذ کردیا جائے گا۔ای امیگریشن نظام میں ایپلی کیشن کے ذریعے مسافر کی تفصیلات امیگریشن ڈپارٹمنٹ کو مل جائیں گی۔مسافر ایئرپورٹ پر ای گیٹ کے ذریعے روانہ ہوتے رہیں گے، انہیں کاؤنٹر پر جانے کی ضرورت نہیں ہوگی۔ذرائع کے مطابق وزرات داخلہ نے مقدمات (ایف آئی آر) کے ڈیجیٹل اندراج کا نظام بھی رائج کرنے کی منظوری دے دی ہے۔

پاکستان کے تمام ایئرپورٹس پر آئندہ ماہ سے ای امیگریشن کا نظام نافذ کرنے کی منظوری

ای امیگریشن نظام کے نفاذ سے مسافروں کو قطاروں میں لگ کر انتظار نہیں کرنا پڑے گا

مصر کے ماہرینِ آثارِ قدیمہ نے بحیرہ روم کے ساحلی شہر اسکندریہ کے قریب سمندر کی تہہ سے قدیم نوادرات بازیاب کر لیے ہیں۔ محکمہ آثارِ قدیمہ کے مطابق یہ نوادرات صدیوں سے پانی کے اندر دبے ہوئے تھے جو اب جدید غوطہ خوری اور بحری کھدائی کے ذریعے نکالے گئے ہیں۔اہلکاروں کے مطابق دریافت ہونے والی اشیاء میں قدیم برتن، مجسمے اور پتھر کے ڈھانچے شامل ہیں جو مصر کی ہزاروں سال پرانی تہذیب کی عکاسی کرتے ہیں۔ یہ نوادرات نہ صرف اسکندریہ کی قدیم تاریخ بلکہ یونانی و رومی ادوار سے تعلق رکھنے والے آثار کی بھی نشاندہی کرتے ہیں۔ماہرین کا کہنا ہے کہ اسکندریہ کے ساحل کے قریب زیرِ آب کھنڈرات اور تاریخی ورثہ دنیا بھر کے سیاحوں اور محققین کے لیے ہمیشہ پرکشش رہا ہے۔ ان دریافتوں کو محفوظ بنا کر میوزیم میں رکھا جائے گا تاکہ عوام اور دنیا بھر کے سیاح قدیم تہذیبوں کے بارے میں جان سکیں۔

مصر کے ساحلی شہر اسکندریہ کے قریب سمندر سے قدیم نوادرات دریافت

بحیرہ روم کی تہہ سے برتن، مجسمے اور پتھر کے ڈھانچے دریافت، قدیم تہذیبوں کی نئی جھلک سامنے آگئی

ملائیشیا کی ریاست ترنکگانو نے نماز جمعہ کی ادائیگی کے حوالے سے قوانین مزید سخت کر دیے ہیں۔ حکام کے مطابق اگر کوئی مرد بغیر کسی شرعی عذر کے جمعہ کی نماز ترک کرتا ہے تو اسے دو سال قید یا تین ہزار رنگٹ (تقریباً دو لاکھ پاکستانی روپے) جرمانہ، یا دونوں سزائیں دی جا سکتی ہیں۔اس سے پہلے تین بار نماز جمعہ چھوڑنے پر کارروائی کی جاتی تھی، تاہم نئے ضابطوں کے تحت اب ایک بار کا ناغہ بھی جرم شمار ہوگا۔انتظامیہ نے واضح کیا ہے کہ خلاف ورزی کرنے والوں کے خلاف کارروائی عوامی شکایات یا حکومتی گشتوں کی بنیاد پر ہوگی۔ اس موقع پر ریاستی ایگزیکٹو کونسل کے رکن محمد خلیل عبدالہادی نے کہا کہ سزا دینے سے پہلے عوام کو یاد دہانی کروانا لازمی ہے، کیونکہ جمعہ کی نماز محض ایک مذہبی فریضہ نہیں بلکہ مسلمانوں کے اتحاد اور نظم و ضبط کی علامت ہے۔ان کا مزید کہنا تھا کہ کارروائی صرف انہی افراد کے خلاف کی جائے گی جو بار بار توجہ دلانے کے باوجود جان بوجھ کر نماز جمعہ کی ادائیگی سے گریز کریں گے۔

ملائیشیا میں جمعہ کی نماز ترک کرنا جرم قرار، 2 سال قید یا بھاری جرمانہ، سزا ہوگی

ترنکگانو میں قانون سخت، اب ایک بار غیر شرعی عذر کے بغیر نماز جمعہ نہ پڑھنے پر بھی کارروائی ہوگی

ڈرائیونگ لائسنس کے اجراء پر مزید سخت شرائط عائد کردی گئیں، قانون کی خلاف ورزی پر سخت سزائیں دی جائیں گی۔گورنر سندھ کامران خان ٹیسوری نے صوبائی موٹر وہیکلز (ترمیمی) بل 2025ء کی منظوری دے دی۔شہریوں کی حفاظت کو مدنظر رکھتے ہوئے یہ قانون سازی کی گئی ہے اور اس  موٹر وہیکلز بل کی خلاف ورزی پر سخت قانونی کارروائی عمل میں لائی جائے گی۔ترمیمی بل میں ہیوی وہیکلز کے ڈرائیونگ لائسنس کے اجرا پر مزید شرائط عائد کر دی گئی ہیں۔ علاوہ ازیں  ایل ٹی وی اور ایچ ٹی وی لائسنس کے لیے پری لائسنس ٹریننگ کورس لازمی قرار دیا گیا ہے۔اسی طرح  ڈرائیورز کے لیے ڈی میرٹ پوائنٹ سسٹم کی منظوری  بھی دے دی گئی ہے۔گورنر سندھ نے بل کی منظوری آئین کے آرٹیکل 116 کے تحت دی ہے ، جس کے بعد یہ بل فوری طور پر نافذ العمل ہوگیا ہے۔

سندھ میں ڈرائیونگ لائسنس قوانین مزید سخت، خلاف ورزی پر سخت کارروائی ہوگی

گورنر سندھ نے موٹر وہیکلز ترمیمی بل 2025 کی منظوری دیدی، ایل ٹی وی اور ایچ ٹی وی لائسنس کیلئے پری ٹریننگ کورس لازمی

مشکل کی گھڑی میں برطانیہ نے پاکستان کے ساتھ کھڑا ہونے کا اعلان کر دیا،برطانیہ نے اعلان کیا ہے کہ پاکستان میں حالیہ مون سون بارشوں اور سیلاب سے متاثرہ اضلاع کے لیے 1.33 ملین پاؤنڈ (تقریباً 60 کروڑ روپے) کی ہنگامی امداد فراہم کی جائے گی۔ اس امداد سے پنجاب، خیبر پختونخوا اور گلگت بلتستان کے 7 اضلاع میں 2 لاکھ 23 ہزار سے زیادہ متاثرہ افراد کو ریلیف ملے گا۔برطانوی ہائی کمشنر جین میریٹ کے مطابق یہ تعاون متاثرہ کمیونٹیز تک فوری مدد پہنچانے کیلئے ہے، جس میں خشک راشن، موبائل میڈیکل کیمپس، پینے کے صاف پانی کی بحالی، نہری نظام کی مرمت اور کسانوں کے لیے معاونت شامل ہے۔اب تک 2,400 مقامی رضاکاروں کو سرچ اینڈ ریسکیو کی تربیت دی جا چکی ہے، جن میں سے 25 رضاکار ریسکیو 1122 کے ساتھ مل کر بونیر میں کام کر رہے ہیں۔ کئی علاقوں میں موبائل کلینکس بھی قائم کیے گئے ہیں تاکہ ان جگہوں پر بنیادی صحت کی سہولت فراہم کی جا سکے جہاں مقامی کلینکس متاثر ہوئے ہیں۔متاثرہ خاندانوں کو خیمے، گھریلو اشیاء، ڈگنٹی کٹس اور راشن بھی دیے جا رہے ہیں۔ اقوام متحدہ کا انسانی ہمدردی کا ادارہ (UNOCHA) مختلف تنظیموں کے ساتھ مل کر یہ یقینی بنا رہا ہے کہ امداد تیزی اور شفافیت کے ساتھ مستحق افراد تک پہنچے۔

برطانیہ نے پاکستان میں سیلاب متاثرین کیلئے 1.33 ملین پاؤنڈ امداد کا اعلان کردیا

سیلاب اور بارشوں سے متاثرہ علاقوں میں 2 لاکھ سے زائد افراد کو ریلیف، خوراک، طبی سہولتیں اور خیمے فراہم کیے جائیں گے

راولپنڈی(این این آئی)فیلڈ مارشل سید عاصم منیر  سے چینی وزیر خارجہ نے ملاقات کی ، جس میں دونوں ملکوں کے درمیان اسٹریٹیجک شراکت داری مضبوط بنانے کے عزم کا اعادہ کیا گیا۔آئی ایس پی آرکے مطابق اس اہم ملاقات میں علاقائی سلامتی کی صورتحال، انسداد دہشت گردی کے اقدامات سمیت باہمی دلچسپی کے دیگر امور پر بھی تفصیلی تبادلہ خیال کیا گیا۔دونوں رہنماؤں نے اس عزم کو دہرایا کہ پاکستان اور چین کے درمیان ہر موسم کی اسٹریٹیجک شراکت داری کو مزید مستحکم کیا جائے گا اور علاقائی و عالمی فورمز پر قریبی تعاون کو فروغ دیا جائے گا۔اس موقع پر چینی وزیر خارجہ وانگ ای نے پاکستان کی خودمختاری اور ترقی کیلئے چین کی غیر متزلزل حمایت کا اعادہ کیا،جبکہ آرمی چیف نے مشکل حالات میں چین کی مستقل حمایت پر شکریہ ادا کیا۔ملاقات میں اس بات پر بھی اتفاق کیا گیا کہ خطے میں امن، استحکام اور خوشحالی کے فروغ کیلئے دونوں ممالک اپنا مشترکہ کردار ادا کرتے رہیں گے۔

فیلڈ مارشل سے چینی وزیر خارجہ کی ملاقات، اسٹریٹیجک شراکت داری مضبوط بنانے کا عزم

خطے میں امن، استحکام اور خوشحالی کیلئے دونوں ممالک اپنا مشترکہ کردار ادا کرتے رہیں گے، ملاقات میں اتفاق

پاکستانی معیشت کیلئے بڑی خوشخبری آگئی ، ایشیائی ترقیاتی بینک ریکوڈک منصوبے کیلئے 41 کروڑ ڈالر فراہم کرے گا ۔پاکستان کے ریکو ڈک تانبے اور سونے کے بڑے منصوبے کے لیے ایشیائی ترقیاتی بینک نے 41 کروڑ ڈالر کا فنڈنگ پیکیج فراہم کرنے کا فیصلہ کیا ہے۔ایشیائی ترقیاتی بینک کے اعلامیہ کے مطابق فنڈنگ پیکیج میں 300 ملین ڈالر کے دو قرضے اور 110 ملین ڈالر کی مالی ضمانت شامل ہے، جو حکومتِ پاکستان کو سہولت فراہم کرے گی۔ریکوڈک کا شمار دنیا کے سب سے بڑے غیر استعمال شدہ معدنی ذخائر میں ہوتا ہے، جسے کینیڈین کمپنی بیرک گولڈ آپریٹ کرے گی۔ منصوبے کی کُل لاگت 6.6 ارب ڈالر ہے، جس میں 50 فیصد حصہ بیرک گولڈ اور بقیہ وفاقی و صوبائی حکومتوں کے پاس ہوگا۔منصوبے سے 2028 کے بعد تانبہ اور سونے کی پیداوار شروع ہوگی، جس سے متوقع طور پر 70 ارب ڈالر کا فری کیش فلو حاصل ہوگا۔ ابتدائی مرحلے میں سالانہ دو لاکھ میٹرک ٹن تانبہ پیدا کرنے کا ہدف رکھا گیا ہے، جو توسیع کے بعد چار لاکھ ٹن تک پہنچ سکتا ہے۔ بیرک گولڈ کے مطابق منصوبے کی عمر 37 سال سے زائد بھی ہو سکتی ہے اگر مزید اپ گریڈ اور نئی دریافتیں کی جائیں۔ریکوڈک منصوبہ کئی سال تک قانونی تنازعات میں الجھا رہا، تاہم 2022 میں ان مسائل کو حل کر لیا گیا۔ اس سے قبل انٹرنیشنل فنانس کارپوریشن 700 ملین ڈالر کی فنڈنگ کی منظوری دے چکی ہے، جبکہ مزید سرمایہ کاری کے لیے امریکی ایکسپورٹ-امپورٹ بینک، کینیڈین ایکسپورٹ ڈویلپمنٹ ادارہ اور جاپانی جے بی آئی سی سے بھی مذاکرات جاری ہیں۔ماہرین کا کہنا ہے کہ یہ منصوبہ پاکستان کے معدنی شعبے میں غیر ملکی سرمایہ کاری کے لیے ایک سنگِ میل ثابت ہوگا اور معیشت کو نیا استحکام بخشے گا۔

ایشیائی ترقیاتی بینک نےریکوڈک منصوبے کیلئے 41 کروڑ ڈالر کے مالیاتی پیکیج کی منظوری دیدی

منصوبے سے 2028 کے بعد تانبا اور سونا حاصل ہونا شروع ہوگا، جس سے تقریباً 70 ارب ڈالر کا فری کیش فلو پیدا ہوگا

گلگت بلتستان کے ضلع غذر میں گلیشیئر پھٹنے کے باعث آنے والے سیلاب اور لینڈ سلائیڈنگ نے تباہی مچادی ہے، جس کے نتیجے میں متعدد دیہات زیرِ آب آگئے جبکہ راؤشن گاؤں کی پوری آبادی محصور ہو کر رہ گئی۔ ضلعی حکام کے مطابق کم از کم 50 افراد پھنس گئے تھے جنہیں پاک فوج اور ریسکیو ٹیموں کی مدد سے نکال لیا گیا۔ضلعی انتظامیہ کا کہنا ہے کہ تالی داس کے مقام پر رات گئے گلیشیئر پھٹنے سے لینڈ سلائیڈنگ ہوئی، جس کے نتیجے میں دریائے غذر کا بہاؤ رک گیا اور پانی جھیل کی صورت اختیار کرنے لگا۔ ماہرین کے مطابق اگر بروقت اقدامات نہ کیے گئے تو قریبی بستیاں شدید خطرے سے دوچار ہوسکتی ہیں۔وزیر داخلہ گلگت بلتستان شمس لون نے تصدیق کی ہے کہ سیلاب نے علاقے کو بری طرح متاثر کیا ہے تاہم خوش قسمتی سے کوئی جانی نقصان نہیں ہوا۔ ان کا کہنا تھا کہ متاثرین کو نکالنے کے لیے ہیلی کاپٹر طلب کیا گیا ہے جبکہ کمانڈر ایف سی این اے کی ہدایت پر فوجی ہیلی کاپٹر فوری طور پر روانہ کر دیا گیا۔ترجمان گلگت بلتستان حکومت فیض اللہ فراق نے بتایا کہ تقریباً 100 گھرانے مکمل طور پر تباہ ہوگئے اور لوگوں کا شدید مالی نقصان ہوا ہے۔ ان کے مطابق پانی تیزی سے پھیل رہا ہے اور نشیبی علاقے زیرِ آب آرہے ہیں، تاہم بروقت اطلاع دینے کے باعث انسانی جانیں محفوظ رہیں۔علاقہ مکینوں کا کہنا ہے کہ دریائے غذر بند ہونے کے بعد عطا آباد جھیل جیسی صورتحال پیدا ہوگئی ہے۔ متاثرہ آبادی نے حکومت سے اپیل کی ہے کہ انہیں فوری طور پر محفوظ مقامات پر منتقل کیا جائے۔ترجمان نے مزید کہا کہ وزیراعلیٰ گلگت بلتستان ذاتی طور پر صورتحال کی نگرانی کر رہے ہیں اور ریسکیو 1122 سمیت ڈیزاسٹر مینجمنٹ کے ادارے موقع پر موجود ہیں تاکہ مزید نقصانات سے بچا جا سکے۔

گلگت بلتستان کے ضلع غذر میں گلیشیئر پھٹنے سے بڑا سیلاب، درجنوں دیہات متاثر

دریائے غذر کا بہاؤ رک گیا، عطا آباد جھیل جیسی صورتحال پیدا، پاک فوج اور ریسکیو اداروں کی کارروائیاں جاری

لاہورپولیس نے بانی پی ٹی آئی عمران خان کی بہن علیمہ خان کے بیٹے شاہ ریز کو گرفتار کرنے کی تصدیق کر دی۔ ڈی آئی جی انویسٹی گیشن کے مطابق شاہ ریز عظیم 9 مئی کے مقدمات میں لاہور پولیس کو مطلوب تھا ملزم کو جلد قانون کے کٹہرے میں لایا جا رہا ہے۔حکام کا کہنا ہے کہ ملزم کو آج عدالت میں پیش کیا جائے گا، جہاں اس کے خلاف قانونی کارروائی عمل میں لائی جائے گی۔ڈی آئی جی انویسٹی گیشن نے واضح کیا کہ ریاست مخالف سرگرمیوں میں ملوث افراد کسی رعایت کے مستحق نہیں، قانون سب کے لیے برابر ہے اور ایسے عناصر کے خلاف سخت کارروائی جاری رہے گی۔یاد رہے گزشتہ روز عمران خان کی بہن علیمہ خان نے کہاتھا کہ 4 مسلح نقاب پوش ان کے بیٹے شاہ ریز کو گھر سے اغوا کرکے لے گئے ہیں۔علیمہ خان کا کہنا تھا کہ سادہ کپڑوں میں ملبوس 4 مسلح افراد کچن کے راستے گھر میں داخل ہوئے، ان کا بیٹا اپنی بیوی اور والد کے ساتھ گھر کی بالائی منزل پر تھا، مسلح افراد نے گھر میں ڈائیورز کو بھی ہراساں کیا۔ترجمان پی ٹی آئی نے بھی دعویٰ کیا تھا کہ مسلح افراد دروازے توڑ کر شاہ ریز کو بیڈ روم سے اغوا کرکے لے گئے، شاہ ریز خان کے 2 بچوں کے سامنے کمرے میں گھس کر تشدد کیا گیا۔

پولیس نے علیمہ خان کے بیٹے شاہ ریز کو گرفتار کرنے کی تصدیق کر دی

علیمہ خان کے بیٹے شاہ ریز کو 9 مئی کے مقدمات میں گرفتار کیا گیا، ڈی آئی جی انوسٹی گیشن

Naseem Shah and Abbas Afridi wow CPL fans with late-order sixes, proving Pakistan’s pacers can strike big when it matters.

Pakistani Pacers Surprise With Big Sixes in CPL 2025

Naseem Shah and Abbas Afridi showed unexpected firepower with the bat in the Caribbean Premier League 2025.

In a recent clash for St. Kitts and Nevis Patriots, Abbas Afridi cleared the ropes twice to lift the run rate. Naseem Shah then shocked the crowd in the final over, smashing two sixes of his own. The Pakistani quicks, usually trusted with the ball, suddenly turned into power hitters as the stands erupted.

Pakistani tail enders can strike harder and hit out for sixes when the game is on the line.

It hasn&rsquo;t all been smooth for Naseem, though. He concedes 40 runs in three overs without taking a wicket against the Trinbago Knight Riders.

In the same match, Abbas Afridi takes two wickets in two overs and gives away only 24 runs against the Guyana Amazon Warriors.

Fans now see both Naseem and Afridi not only as bowlers but also as hitters. They can turn the tables in no time. So, the question now is how they will carry this form forward and make an impact in the upcoming CPL games.

Pakistani Pacers Surprise With Big Sixes in CPL 2025

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan