Cricket

Entertainment

Football

بھارت کی جانب سے فنانشل ایکشن ٹاسک فورس (فیٹف) کےآج ہونے والے اجلاس میں پاکستان کو دوبارہ گرے لسٹ میں شامل کرانے کی کوشش ناکام ہو گئی ہے۔ذرائع کے مطابق اجلاس میں پاکستان کو گرے لسٹ میں رکھنے کے بجائے صرف رپورٹنگ کے مرحلے میں رکھنے کا فیصلہ کیا گیا ہے۔اجلاس کے دوران بھارتی وفد نے پاکستان کے خلاف سخت مؤقف اپنانے کی بھرپور کوشش کی، تاہم چین نے پاکستان کے مؤقف کی کھل کر حمایت کی اور پاکستان کو ریلیف دینے کی تائید کی۔علاوہ ازیں، ترکی اور جاپان نے بھی پاکستان کے حق میں ووٹ دیا اور مکمل تعاون کا اظہار کیا۔یاد رہے کہ پاکستان کو اکتوبر 2022 میں فیٹف کی گرے لسٹ سے نکالا گیا تھا۔ پاکستان 2018 سے گرے لسٹ میں شامل تھا اور اس دوران کئی اہم اقدامات کئے گئے جنہیں عالمی سطح پر سراہا گیا۔فنانشل ایکشن ٹاسک فورس دنیا بھر میں منی لانڈرنگ اور دہشت گردی کی مالی معاونت کے خلاف نگرانی کرنے والا عالمی ادارہ ہے، جس کے 37 ارکان میں امریکا، برطانیہ، چین، بھارت، ترکی، خلیجی تعاون کونسل اور یورپی کمیشن شامل ہیں۔

پاکستان کو فیٹف کی گرے لسٹ میں شامل کرانے کی بھارتی کوشش ناکام ہوگئی

فیٹف اجلاس میں پاکستان کو گرے لسٹ میں رکھنے کے بجائے صرف رپورٹنگ لسٹ میں رکھنے کا فیصلہ کی اگیا ہے

کراچی کے مختلف علاقوں میں ایک دفعہ پھر زلزلے کے جھٹکے محسوس کیے گئے جس سے لوگوں میں خوف و ہراس پھیل گیا۔لوگ کلمہ طیبہ اور دورد پاک کا ورد کرتے ہوئے اپنے گھروں سے باہر نکل آئے۔ زلزلہ پیما مرکز نے کہا ہے کہ زلزلے کی شدت ریکٹر اسکیل پر 3.2 ریکارڈ کی گئی ہے،زلزلے کی گہرائی 35 کلو میٹر تھی، زلزلہ پیما مرکز کے مطابق زلزلہ ملیر سے 12 کلومیٹر جنوب میں آیا۔چیف میٹرولوجسٹ امیر حیدرنے بتایا ہے کہ کراچی کے علاقے ملیر، شاہ فیصل کالونی، قائد آباد، گلزار ہجری، یونیورسٹی روڈ  اور اس کے اطراف کے علاقوں میں زلزلے کے جھٹکے محسوس کیے گئے ہیں۔چیف میٹرولوجسٹ نے بتایا کہ زلزلے کے جھٹکے لانڈھی فالٹ لائن متحرک ہونے کی وجہ سے آرہے ہیں اور یہ جھٹکے کب تک  جاری رہ سکتے ہیں یہ بتانا ناممکن ہے۔انہوں نے کہا کہ 2009 میں بھی لانڈھی فالٹ لائن متحرک ہوئی تھی، اس وقت  2 ماہ سے زائد تک معمولی شدت کے زلزلے ریکارڈ ہوئے تھے۔واضح رہے کہ کراچی میں یکم جون سے زلزلوں کا سلسلہ شروع ہوا تھا اور اب تک مختلف علاقوں میں مجموعی طور پر 39 زلزلوں کے  جھٹکے محسوس کیے جا چکے ہیں۔

کراچی کے مختلف علاقوں میں ایک بار پھر زلزلے کے جھٹکے،لوگوں میں خوف ہراس

شہرقائد میںیکم جون سے شروع ہونے والا سلسلہ تاحال جاری، اب تک 39 زلزلوں کے جھٹکے محسوس کیے جا چکے ہیں

ایران نے جوابی کارروائی ’وعدہ صادق 3‘ کا آغاز کرتے ہوئے اسرائیل کے مختلف مقامات پر میزائل حملے کر دیے، گزشتہ رات سے جاری حملوں میں اسرائیل کی کئی عمارتیں تباہ ہوگئیں جب کہ ان حملوں کے نتیجے میں اسرائیلی خاتون سمیت 3 ہلاک اور 80 اسرائیلی شہری زخمی ہوگئے۔تفصیلات کے مطابق ایران اور اسرائیل کے درمیان جاری کشیدگی نے شدت اختیار کرلی ہے، ایران نے صبح سویرے اسرائیل پر پانچواں بڑا میزائل حملہ کر دیا۔ایران کی جانب سے کیے گئے تازہ حملے میں تل ابیب میں اسرائیلی جوہری تحقیقی مرکز پر میزائل حملہ کیا گیا۔ تازہ حملے میں درجنوں میزائل داغے گئے،ایران اب تک 200 سے زیادہ میزائل داغ چکا ہے،ایران کی جانب سے اسرائیل کے دارالحکومت تل ابیب میں میزائلوں کی بارش کی گئی جس سے  متعدد عمارتیں ملبے کا ڈھیر بن گئی ہیں ایرانی حملوں کے نتیجے میں اب تک4اسرائیلی ہلاک اور 63 سے زائد زخمی ہوئے ہیں۔اسرائیلی میڈیا کے مطابق دھماکوں کی آوازیں تل ابیب، یروشلم اور گش دان میں سنی گئیں جس سے شہریوں میں خوف وہراس پھیل گیا اور شہریوں کو محفوظ مقامات پر منتقل ہونے کی ہدایت کی گئی۔ تل ابیب میں اسرائیلی جوہری تحقیقی مرکز کو بھی نشانہ بنایا گیا۔ پاسداران انقلاب کے مطابق آپریشن وعدہ صادق 3 میں اسرائیل میں متعدد اہداف کو نشانہ بنایا گیا ہے اور اسرائیل پر 300 سے زائد میزائل داغے جا چکے ہیں۔ایرانی میڈیا کی جانب سے دعویٰ کیا گیا ہے کہ حملوں میں اشددود، تل ابیب، حیفہ اور بیرشیبا میں اسٹریٹیجک اہداف کو نشانہ بنایا گیا ہے۔ دوسری جانب اسرائیلی میڈیا کے مطابق ایران نے 200 بیلسٹک میزائل داغے ہیں جن میں سے متعدد کو فضا میں ہی ناکارہ کر دیا گیا۔ایرانی حملے میں اسرائیلی فوجی ہیڈکوارٹر کریا کی عمارت کو بھی نشانہ بنایا گیا۔اسرائیلی صحافی ایلون مزراہی نے سوشل میڈیا پر کہا ہے کہ ایرانی حملے میں تل ابیب میں واقع اسرائیلی فوجی ہیڈکوارٹر کو بھی نشانہ بنایا گیا ہے، کریا ہیڈکوارٹر میں اسرائیلی وزیراعظم نیتن یاہو فوجی بریفنگ لیتے رہے ہیں۔تل ابیب اور مقبوضہ بیت المقدس میں بیلسٹک میزائل فائر کیے گئے جن میں عمارتوں سمیت 7 مقامات کو نشانہ بنایا گیا جس سے 9 عمارتیں مکمل تباہ ہوگئیں اور سیکڑوں اپارٹمنٹس کو بھی نقصان پہنچا اور بجلی کا نظام مفلوج ہو گیا۔اسرائیل اور ایران کے درمیان یہ کشیدگی اب ایک کھلی جنگ کی شکل اختیار کر چکی ہے، جس کے اثرات پورے مشرقِ وسطیٰ میں محسوس کیے جا رہے ہیں۔ عالمی برادری شدید تشویش میں مبتلا ہے۔فی الوقت اسرائیل میں خوف و ہراس کی فضا قائم ہے، جب کہ ایران مسلسل جوابی کارروائی پر ڈٹا ہوا ہے، اس کے فوجی ذرائع واضح طور پر اعلان کر چکے ہیں کہ ’’اب صرف میزائل بولیں گے۔‘‘

ایران کے اسرائیل پر رات بھر میزائل حملے،تل ابیب دھماکوں سے لرز اٹھا، 4 ہلاک متعدد عمارتیں تباہ

تہران کا آپریشن ’وعدہ صادق 3‘ جاری،تل ابیب، حیفہ، مقبوضہ بیت المقدس پر میزائل برسادیے، صہیونی ریاست کا جوہری تحقیقی مرکز بھی نشانہ بنایا گیا

خیبرپختونخوا حکومت نے مالی سال 2025-26 کے لیے 2 ہزار 119 ارب روپے کا بجٹ پیش کر دیا، جس میں سرکاری ملازمین کی تنخواہوں میں 10 فیصد اور پنشن میں 7 فیصد اضافے کی تجویز دی گئی ہے۔صوبائی وزیر خزانہ آفتاب عالم خان نے صوبائی اسمبلی میں بجٹ پیش کرتے ہوئے کہا کہ رواں مالی سال کے دوران صوبے نے واجب الادا قرضوں کی مد میں 49 ارب روپے ادا کیے، جن میں 18 ارب روپے سود شامل ہے۔ ان کے مطابق، سابقہ حکومت نے 100 ارب روپے سرپلس بجٹ چھوڑا تھا، تاہم وفاق کی جانب سے این ایف سی شیئر میں 42 ارب روپے اور ضم شدہ اضلاع کے جاری اخراجات میں 40 ارب روپے کی کمی کی گئی۔وفاقی ٹیکس اہداف میںایک ہزار ارب روپے کی کمی کے باعث خیبرپختونخوا کو 90 ارب روپے کم موصول ہوئے۔ بجٹ میں سالانہ ترقیاتی پروگرام (ADP) کا حجم 547 ارب روپے رکھا گیا ہے، جبکہ کل اخراجات کا تخمینہ 1,962 ارب روپے ہے، اور 157 ارب روپے کا سرپلس بجٹ تجویز کیا گیا ہے۔کم از کم تنخواہ36ہزار روپے سے بڑھا کر40ہزار روپے کرنے کی تجویز ہے۔ ایگزیکٹو الاؤنس نہ لینے والے ملازمین کے لیے ڈسپیرٹی الاؤنس میں 15 سے 20 فیصد اضافہ تجویز کیا گیا ہے۔وزیر خزانہ نے نشاندہی کی کہ بجلی کے خالص منافع کی مد میں وفاق پر 71 ارب روپے اور تیل و گیس کی مد میں 58 ارب روپے کے بقایاجات واجب الادا ہیں۔ ترقیاتی بجٹ میں 1,349 جاری اور 810 نئے منصوبے شامل ہیں۔سڑکوں کی تعمیر کے لیے 16 فیصد حصہ مختص کیا گیا ہے، جس کے لیے 53 ارب 64 کروڑ روپے رکھے گئے ہیں۔ صحت کے لیے 182 منصوبوں پر 27 ارب، ابتدائی و ثانوی تعلیم کے 96 منصوبوں پر 13 ارب، اور اعلیٰ تعلیم کے 63 منصوبوں پر 6 ارب 27 کروڑ روپے خرچ کیے جائیں گے۔ٹرانسپورٹ، کھیل، داخلہ، توانائی، زراعت، اور اضلاع کی ترقی کے لیے بھی اربوں روپے کے منصوبے رکھے گئے ہیں۔ بندوبستی اضلاع کے لیے 120 ارب اور ADP پلس کے تحت ترقیاتی بجٹ میں 30 فیصد اضافہ کر کے اسے 155 ارب روپے تک پہنچایا گیا ہے۔مزید برآں، مختلف اصلاحاتی پروگراموں کے لیے 7 ارب روپے مختص کیے گئے ہیں، جن میں صحت، معدنیات، صنعت، لائیواسٹاک، بلدیات اور سیاحت کے منصوبے شامل ہیں۔

خیبرپختونخوا کا 2 ہزار 119 ارب روپے کا بجٹ پیش، تنخواہوں اور پنشن میں اضافہ

ترقیاتی پروگرام کیلئے 547 ارب روپےجبکہ کم سے کم ماہانہ اجرت میں 4 ہزار کا اضافہ کرتے ہوئے 40 ہزار روپے کر دی گئی ہے

وزیر اعلیٰ سندھ سید مراد علی شاہ نے نئے مالی سال کے لیے 3 ہزار 451ارب روپے کا بجٹ پیش کردیا، سرکاری ملازمین کے لیے بجٹ میں 10 تا 12 فیصد ایڈہاک ریلیف الاؤنس دینے، 5 فیصد محصولات ختم کرنے کا اعلان کیا گیا ہے۔سندھ بجٹ میں گریڈ ایک سے گریڈ 16تک کے ملازمین کی تنخواہوں میں 12اور پنشن میں 8 فیصد اضافہ کیا گیا ہے،جبکہ گریڈ 17 سے 22 تک کے ملازمین کی تنخواہوں میں 10 فیصد اضافے کی منظوری دے دی ہے، وزیراعلیٰ سندھ سید مراد علی شاہ بجٹ تقریر کررہے ہیں۔وزیراعلیٰ سندھ مراد علی شاہ نے کہا کہ یہ ایک جامع بجٹ ہے، پنشن میں 8 فیصد اضافہ کیا جائے گا، صحت کا بجٹ پچھلے سال کے 302.2 ارب روپے کے مقابلے میں 8 فیصد زیادہ ہے، لاڑکانہ میں ایک نئے اسپتال کے لیے 10 ارب روپے مختص کیے ہیں۔وزیراعلیٰ سندھ مراد علی شاہ نے اپنی تقریر میں کہا کہ میرے لیے اعزاز ہے کہ 10 ویں بار سندھ کا بجٹ پیش کر رہا ہوں، انشا اللہ آگے بھی کرتا رہوں گا۔دسواں بجٹ پیش کرتے ہوئے ان کا کہنا تھا کہ صوبائی بجٹ کا حجم 3 ہزار 451.87 ارب روپے رکھا گیا، بجٹ تخمینے 3 ہزار 56.3 ارب روپے کے مقابلے میں 12.9 فیصد زائد ہے۔سندھ بجٹ میں گریڈ ایک سے گریڈ 16تک کے ملازمین کی تنخواہوں میں 12اور پنشن میں 8 فیصد اضافہ کیا گیا ہے،جبکہ گریڈ 17 سے 22 تک کے ملازمین کی تنخواہوں میں10 فیصد اضافے کی منظوری دے دی ہے۔وزیر خزانہ سندھ نے کہا کہ بلدیاتی حکومتوں کیلئے سالانہ ترقیاتی پروگرام کا حصہ 132 ارب روپے رکھا گیا،مراد نئے بجٹ میں کراچی کی ترقی پر خصوصی توجہ دی گئی، سڑکوں کی مرمت، سیوریج اور پانی کی فراہمی کے نظام کی بہتری کیلئے رقوم مختص کی گئی ہیں، کراچی میں شہری ٹرانسپورٹ کو وسعت دی جائے گی۔انہوں نے بتایا کہ پاکستان کی پہلی 50 الیکٹرک بسیں کراچی میں متعارف کرائی جائیں گی، کراچی کی الیکٹرک بسوں کے قافلے میں اگست 2025ء تک مزید 100 بسیں شامل کی جائیں گی، کراچی کے بی آر ٹی منصوبوں میں پیش رفت ہوئی ہے، ییلولائن تکمیل کے قریب ہے، ریڈ لائن 50 فیصد سے زائد مکمل ہوگئی ہے، کورنگی کاز وے پل، شاہراہِ بھٹو کی بہتری کیلئے اقدامات بھی بجٹ کا حصہ ہیں۔

سندھ کا 3 ہزار 451 ارب روپے کا بجٹ پیش، سرکاری ملازمین کی تنخواہوں اور پنشن میں اضافہ

ترقیاتی پروگرام کیلئے 1018ارب، تعلیم کیلئے 523 ارب اور صحت کیلئے 326 ارب روپے مختص کیے گئے ہیں

امریکی صدر ڈونلڈ ٹرمپ نے واضح کیا ہے کہ ایران پر حالیہ اسرائیلی حملوں میں امریکہ براہ راست شامل نہیں تھا، تاہم انہوں نے تہران پر دباؤ ڈالتے ہوئے خبردار کیا ہے کہ اگر ایران نے جوہری معاہدے پر آمادگی ظاہر نہ کی تو آئندہ حملے پہلے سے کہیں زیادہ شدید اور تباہ کن ہوں گے۔غیر ملکی میڈیا کے مطابق ٹرمپ کا کہنا تھا کہ ہم نے ایران کو معاہدہ کرنے کا کہا، لیکن انہوں نے انکار کیا۔ ہم معاہدے کے بہت قریب تھے مگر کچھ رکاوٹوں کی وجہ سے یہ ممکن نہ ہو سکا۔انہوں نے مزید کہا کہ ایران کو جوہری معاہدے کا ایک اور موقع دیا جا رہا ہے اور اب فیصلہ تہران کو کرنا ہے، اس سے پہلے کہ دیر ہو جائے اور کچھ بھی باقی نہ بچے۔سابق امریکی صدر نے زور دے کر کہا کہ امریکہ دنیا کا سب سے مہلک ہتھیار بنانے والا ملک ہے، جب کہ اسرائیل کے پاس بھی ان ہتھیاروں کا بڑا ذخیرہ موجود ہے اور وہ جانتا ہے کہ ان کا استعمال کیسے کرنا ہے۔

معاملے کو ختم کرنا ہو گا ، ایران فوری معاہدہ کرلے ورنہ کچھ نہیں بچے گا،ڈونلڈ ٹرمپ

ایران پر حملوں میں امریکہ کا کوئی کردار نہیں، تہران معاہدہ کر لے ورنہ نتائج سنگین ہوں گے،امریکی صدر

ناظرین کے بے صبری سے انتظار کا وقت ختم ہوا!tapmad کی نئی اور بڑی پیشکش ’’شمشیر‘‘ کی پہلی قسط آج، 13 جون سے باقاعدہ طور پر اسٹریمنگ کے لیے دستیاب ہے۔ ڈرامے کا آفیشل ٹریلر پہلے ہی سوشل میڈیا پر تہلکہ مچا چکا ہے، اور اب اس کی مکمل سیریز کا آغاز ہو چکا ہے، جو ناظرین کو ایک نئی دنیا میں لے جائے گی۔شمشیر ایک ایسی داستان ہے جو طاقت کی ہوس، انتقام کی آگ اور انصاف کی جدوجہد کو نہایت مؤثر انداز میں پیش کرتی ہے۔ یہ سیریز جذباتی گہرائی، سنسنی خیز مناظر اور شاندار مکالموں سے مزین ہے، جو ناظرین کو مکمل طور پر اپنی گرفت میں لے لیتی ہے۔پاکستان کے قومی کھیل ہاکی پر بنائی گئی ویب سیریز کےمرکزی کرداروں میں فرحان سعید، حریم فاروق، خالد انعم اور بہروز سبزواری شامل ہیں، جن کی جاندار اداکاری پہلے ہی شائقین کی توجہ کا مرکز بنی ہوئی ہے۔ سیریز کو نینا کاشف اور tapmad نے پروڈیوس کیا ہے، جب کہ تحریر شاہد ڈوگر کی ہے۔ ہدایت کاری شہرزاد شیخ کی ہے، جن کا شمار پاکستان کے کامیاب ہدایت کاروں میں ہوتا ہے۔ ایگزیکٹو پروڈیوسر کے فرائض یاسر پاشا اور ایسوسی ایٹ پروڈیوسر کے طور پر احسن رضا فردوسی شامل ہیں۔اگر آپ رومانس، ڈرامہ، اور سنسنی سے بھرپور کہانیاں پسند کرتے ہیں، تو ’’شمشیر‘‘ آپ کے لیے ہے! اس کی پہلی قسط آج سےtapmad پر دیکھیں اور ایک نئی ڈرامائی دنیا کا حصہ بنیں۔

tapmad کی سنسنی خیز پیشکش ’’شمشیر‘‘ کی پہلی قسط آج سے اسٹریمنگ پر دستیاب ہوگی

اگر آپ رومانس، ڈرامہ، اور سنسنی سے بھرپور کہانیاں پسند کرتے ہیں، تو ’’شمشیر‘‘ آپ کے لیے ہے

سعودی عرب نے ایران پر اسرائیل کے حالیہ فضائی حملوں کو شدید تنقید کا نشانہ بناتے ہوئے انہیں ایران کی خودمختاری اور سلامتی کے خلاف کھلی جارحیت قرار دیا ہے۔سعودی وزارت خارجہ کی جانب سے جاری کردہ بیان میں کہا گیا ہے کہ اسرائیلی کارروائیاں بین الاقوامی قوانین، انسانی اصولوں اور اقوامِ متحدہ کے چارٹر کی واضح خلاف ورزی ہیں۔ بیان میں کہا گیا ہے کہ یہ ناقابلِ قبول حملے خطے کے امن کو سنگین خطرات سے دوچار کر سکتے ہیں۔سعودی عرب نے عالمی برادری، بالخصوص اقوام متحدہ اور سلامتی کونسل سے مطالبہ کیا ہے کہ وہ فوری طور پر اس جارحیت کو روکنے کے لیے مؤثر اور عملی اقدامات کریں۔بیان میں ایران کوبرادر اسلامی ملک قرار دیتے ہوئے واضح کیا گیا کہ اس طرح کے حملے نہ صرف ایران کی سالمیت پر حملہ ہیں بلکہ پورے خطے کے امن اور استحکام کے لیے بھی خطرناک ہیں۔

سعودی عرب کی ایران پر اسرائیلی حملے کی شدید مذمت، اقوام متحدہ سے فوری اقدام کا مطالبہ

وزارتِ خارجہ کی جانب سے جاری بیان میں کہا گیا ہے کہ یہ کارروائیاں بین الاقوامی قوانین اور اصولوں کی کھلی خلاف ورزی ہیں

ایران نے اسرائیلی جارحیت کا جواب دیتے ہوئے ایک بڑی کارروائی میں اسرائیل پر 100 سے زائد ڈرونز سے حملہ کر دیا ہے۔ اسرائیلی فوج نے حملے کی تصدیق کرتے ہوئے اسے انتہائی سنگین صورتِ حال قرار دیا ہے۔اسرائیلی ڈیفنس فورسز کے مطابق، ایران کی جانب سے کئی درجن ڈرونز اسرائیلی حدود کی طرف بھیجے گئے ہیں، جنہیں روکنے کے لیے فضائی دفاعی نظام کو فوری طور پر متحرک کیا گیا ہے۔ فوجی ترجمان کا کہنا ہے کہ آئندہ چند گھنٹے ہمارے لیے کڑے ہوں گے۔ایرانی ذرائع نے اس کارروائی کو ابتدائی ردعمل قرار دیتے ہوئے مزید جوابی اقدامات کا عندیہ دیا ہے۔عالمی میڈیا کے مطابق، اسرائیل میں تمام غیر ضروری سرگرمیوں کو معطل کر دیا گیا ہے، اسکول بند کر دیے گئے ہیں اور غیر ملکیوں کے انخلا کا عمل شروع ہو چکا ہے۔ اسرائیلی حکومت نے ملک بھر میں ہنگامی حالت نافذ کرتے ہوئے شہریوں کو قریبی بم شیلٹرز میں منتقل ہونے کی ہدایت کی ہے۔قبل ازیں، ایران کی جانب سے بیلسٹک میزائل حملوں کے خدشے کے پیش نظر اسرائیل نے اپنی فوج اور ایئر ڈیفنس سسٹمز کو پہلے ہی ہائی الرٹ پر رکھا تھا۔واضح رہے آج صبح اسرائیل نے ایران پر فضائی حملے کیے تھے، جن میں ایران کے جوہری پروگرام اور دیگر درجنوں عسکری اہداف کو نشانہ بنایا گیا تھا،ایرانی سرکاری میڈیا کے مطابق حملے کے نتیجے میں پاسداران انقلاب کے سپریم کمانڈر جنرل حسین سلامی اور میجر جنرل محمد باقری سمیت کئی اعلیٰ فوجی اور ایٹمی سائنسدان شہید ہوگئے تھے۔

ایران کا بھرپور جوابی وار، اسرائیل پر 100 سے زائد ڈرونز سے حملہ

اسرائیلی فوج نے ایرانی حملے کی تصدیق کر دی، ملک بھر میں ایمرجنسی نافذ، شہریوں کو شیلٹرز کے قریب رہنے کی ہدایت

بھارت کی ایک معروف خاتون نجومی آسٹو شرمستا کی حیران کن پیشگوئی سچ ثابت ہو گئی جس میں انہوں نے ایئر انڈیا کے بوئنگ 787 ڈریم لائنرکے حادثے کا اشارہ دیا تھا۔ یہ ویڈیو، جو 5 جون کو سوشل میڈیا پر پوسٹ کی گئی تھی، اب ایک بار پھر وائرل ہو رہی ہے۔ویڈیو میں آسٹو شرمستا کو واضح طور پر یہ کہتے سنا جا سکتا ہے کہ میں اپنی اُس پیشگوئی پر اب بھی قائم ہوں، کہ 2025 میں ایک بڑا فضائی حادثہ رونما ہو سکتا ہے۔یہ پیشن گوئی گزشتہ روز افسوسناک طور پر حقیقت کا روپ دھار گئی، جب احمد آباد سے لندن جانے والی ایئر انڈیا کی پرواز ٹیک آف کے کچھ ہی دیر بعد گر کر تباہ ہو گئی۔ طیارے میں موجود 242 مسافروں میں سے صرف ایک شخص معجزانہ طور پر زندہ بچ پایا۔سوشل میڈیا پر صارفین کی جانب سے نجومی کی حیران کن پیشگوئی پر حیرت اور تجسس کا اظہار کیا جا رہا ہے۔ایک صارف نے لکھا،آپ اتنی درست پیشن گوئیاں کیسے کر لیتی ہیں؟ کیا یہ کوئی خاص طاقت ہے؟دوسرا صارف کہتا ہے،یہ محض اتفاق نہیں لگتا، بلکہ حیرت انگیز مہارت کا مظاہرہ ہے۔خاتون نجومی کی ویڈیوز اب تک لاکھوں بار دیکھی جا چکی ہیں، اور ان کے فالورز کی تعداد تیزی سے بڑھ رہی ہے۔

بھارتی خاتون نجومی  شرمستھانے طیارہ حادثے کی ایک ہفتہ قبل کی گئی پیشگوئی وائرل ہوگئی

خاتون نجومی نےایک پیشن گوئی میں ایئر انڈیا کے بوئنگ 787 ڈریم لائنرکے حادثے کا اشارہ دیا تھا

امریکی صدر ٹرمپ نے پاکستان اور بھارت کے درمیان مسئلہ کشمیر پر ثالثی کی ایک بار پھر پیشکش کرتے ہوئے کہا ہے کہ میں کوئی بھی مسئلہ حل کر سکتا ہوں۔ امریکی صدر ڈونلڈ نے وائٹ ہاؤس میں میڈیا سے گفتگو میں کہا کہ میں نے تجارت کے ذریعے پاک بھارت جنگ روکی، پاکستان اور بھارت نے میری بات کو سمجھا، دونوں ملکوں کے درمیان جنگ روکنے کے لیے کوئی بات نہیں کررہا تھا لیکن یہ بڑا کام تھا۔پاکستان اور بھارت کے درمیان جوہری جنگ شروع ہونے والی تھی، پاکستان اور بھارت کی قدر کرتا ہوں، دونوں ملکوں سے کہا کہ اگر جنگ کرو گے تو تجارت نہیں ہوگی، پاکستانی وفد آئندہ ہفتے تجارت پر گفتگو کرنے امریکا آرہا ہے۔ان کا کہنا تھا کہ پاک بھارت جنگ روکنے پر فخر ہے، دونوں ملکوں کے پاس خطرناک تعداد میں جوہری ہتھیار ہیں، میرے خیال میں جنگ روکنے پر پوری ری پبلک پارٹی کو کریڈٹ دینا چاہیے۔امریکی صدر ٹرمپ کاکہناتھا کہ کشمیر کے مسئلے پر پاکستان اور بھارت کے درمیان ایک طویل عرصہ سے دشمنی چلی آ رہی ہے۔ اس لیے میں کشمیر کے مسئلے کے حل کے لیے کچھ بھی کرسکتا ہوں۔یاد رہے کہ امریکی صدر ڈونلڈ ٹرمپ اس سے قبل بھی متعدد بار پاک بھارت حالیہ جنگ رکوانے کا کریڈٹ خود کو دے چکے ہیں۔

امریکی صدر ٹرمپ نے ایک مرتبہ پھر کشمیر پر ثالثی کی پیشکش کردی

میں نے تجارت کے ذریعے پاکستان اور بھارت کے درمیان جنگ روک دی، دونوں ممالک نے میری بات کو سمجھا،ٹرمپ

ایران کے سپریم لیڈر آیت اللہ علی خامنہ ای نے اسرائیل کے حالیہ فضائی حملوں پر شدید ردِعمل دیتے ہوئے اسے سنگین جرم قرار دیا ہے اور خبردار کیا ہے کہ اسرائیل کو اس کارروائی کی بھاری قیمت چکانی پڑے گی۔سماجی رابطے کی ویب سائٹ ایکس (سابقہ ٹوئٹر) پر جاری بیان میں آیت اللہ خامنہ ای نے ایرانی قوم کو مخاطب کرتے ہوئے کہا کہ آج صبح صہیونی ریاست نے ایران کی سرزمین پر خون آلود اور شیطانی ہاتھوں سے سنگین جرم کا ارتکاب کیا۔ انہوں نے کہا کہ دشمن نے رہائشی علاقوں کو نشانہ بنا کر اپنی درندگی اور فطرت کو پوری دنیا کے سامنے بے نقاب کر دیا ہے۔سپریم لیڈر نے تصدیق کی کہ اسرائیلی حملے میں کئی فوجی کمانڈرز اور جوہری سائنسدان شہید ہو چکے ہیں، تاہم انہوں نے زور دیا کہ ان شہداء کے جانشین اپنے مشن کو جاری رکھیں گے اور دشمن کو منہ توڑ جواب دیں گے۔آیت اللہ خامنہ ای نے واضح انداز میں کہا کہ اسرائیل نے اپنے لیے تلخ اور تکلیف دہ انجام چن لیا ہے، اور اس میں کوئی شک نہیں کہ اسے اس جرم کی سزا ضرور ملے گی۔ ان کا کہنا تھا کہ ایران کی مسلح افواج کے مضبوط بازو اسرائیل کو سزا دیے بغیر خاموش نہیں بیٹھیں گے۔

اسرائیل نے اپنے لیے تلخ اور تکلیف دہ انجام چن لیا ہے،سزا ضرور ملے گی،آیت اللہ خامنہ ای

سپریم لیڈر کا شہداء کو خراجِ عقیدت ،ایران کی مسلح افواج اسرائیل کو سزا دیے بغیر نہیں رکیں گی ، ایرانی سپریم لیڈر

اسرائیل نے جارحیت کا مظاہرہ کرتے ہوئے ایران پر بڑا حملہ کیا ہے جس کے نتیجے میں ایران کی مسلح افواج کے سربراہ میجر جنرل محمد باقری اور ایرانی پاسداران انقلاب کے سربراہ جنرل حسین سلامی، جوہری سائنسدان محمد مہدی طہرانچی اور فریدون عباسی بھی شہید ہوگئے، اسرائیل نے حملے میں ایران کے جوہری اور عسکری مراکز کو نشانہ بنانے کا دعویٰ کیا ہے جبکہ ایرانی میڈیا کے مطابق حملوں میں شہری آبادی کو بھی نشانہ بنایا گیا ہے اور کئی بچے بھی شہید ہوئے ہیں۔ایرانی سرکاری ٹیلی ویژن نے اطلاع دی ہے کہ اسرائیل کی جانب سے کیے گئے فضائی حملوں میں تہران میں واقع اسلامی انقلابی گارڈز (پاسدارانِ انقلاب) کا ہیڈکوارٹر نشانہ بنا ہے۔غیر ملکی میڈیا کے مطابق اسرائیلی حملے میں ایرانی چیف آف اسٹاف میجر جنرل محمد باقری شہید ہو گئے ہیں، کمانڈر حسین سلامی کو بھی شہید کر دیا گیا ہے، جبکہ اسرائیلی حکام نے دعویٰ کیا ہے کہ حملے میں متعدد سینئر جوہری سائنسدان بھی مارے گئے ہیں۔ ایرانی میڈیا کے مطابق اسرائیل نے رہائشی علاقوں کو بھی نشانہ بنایا، جس میں متعدد بچے شہید ہو گئے ہیں۔تاحال ایرانی حکام کی جانب سے اس حملے میں پاسداران انقلاب کے سربراہ یا دیگر عہدیداروں کی شہادت کی باضابطہ تفصیلات جاری نہیں کی گئیں۔تہران میں سیکیورٹی الرٹ جاری کر دیا گیا ہے اور شہریوں کو محتاط رہنے کی ہدایت دی گئی ہے، جب کہ خطے میں جاری کشیدگی کے مزید بڑھنے کا خدشہ ظاہر کیا جا رہا ہے۔

اسرائیلی حملے میں ایرانی میجر جنرل محمد باقری، حسین سلامی اور کئی جوہری سائنسدان شہید ہوگئے

اسرائیل کی جانب سے کیے گئے فضائی حملوں میں تہران میں واقع پاسدارانِ انقلاب کا ہیڈکوارٹر نشانہ بنا ہے

مشرق وُسطیٰ میں حالات ایک بار پھر سنگین ہو گئے ہیں۔ اسرائیل نے ایران پر بڑے پیمانے پر فضائی حملے کر دیے ہیں جن میں ایرانی فوجی کمانڈرز، معروف جوہری سائنسدان اور متعدد عام شہریوں کی شہادت کی اطلاعات موصول ہوئی ہیں۔اطلاعات کے مطابق، اسرائیلی فضائیہ کے درجنوں لڑاکا طیاروں نے جمعہ کی صبح تہران سمیت ایران کے مختلف شہروں میں درجنوں مقامات کو نشانہ بنایا۔ حملوں میں ایرانی مسلح افواج کے سربراہ، پاسداران انقلاب کے کمانڈر، اور جوہری توانائی ادارے سے وابستہ اہم سائنسدانوں کے جاں بحق ہونے کا دعویٰ کیا گیا ہے۔برطانوی اور امریکی میڈیا کے مطابق، شہید ہونے والوں میں ڈاکٹر فریدون عباسی، سابق سربراہ ایرانی ایٹمی توانائی ادارہ، اور محمد مہدی طہرانچی، صدر اسلامی آزاد یونیورسٹی شامل ہیں۔ ان دونوں سائنسدانوں کو ایران کی جوہری پالیسی کا معمار سمجھا جاتا تھا۔ایرانی سرکاری میڈیا نے دارالحکومت تہران کے شمالی، مغربی اور وسطی علاقوں پر حملوں کی تصدیق کر دی ہے۔ کئی علاقوں میں دھماکوں کی آوازیں سنی گئیں اور دھوئیں کے بادل دیکھے گئے۔ شہریوں کو گھروں میں رہنے اور احتیاط برتنے کی ہدایات جاری کر دی گئی ہیں۔ ایران نے اہم ہوائی اڈوں پر تمام پروازیں معطل کر دی ہیں، جبکہ ریاستی ٹی وی نے لوگو پر سیاہ پٹی لگا کر ہنگامی صورتحال کی علامت دے دی ہے۔اسرائیلی وزیر دفاع نے اعلان کیا ہے کہ اسرائیل نے ایران پر پیشگی حملہ کر دیا ہے اور ملک میں ہنگامی حالت نافذ کر دی گئی ہے۔ اسرائیلی حکام کا کہنا ہے کہ یہ حملے ایران کی جوہری و عسکری صلاحیت کو محدود کرنے کے لیے کیے گئے۔عالمی سطح پر بھی ان حملوں کا فوری ردعمل دیکھنے میں آیا ہے۔ تیل کی قیمتوں میں اضافہ ہو گیا ہے اور امریکہ، آسٹریلیا، نیوزی لینڈ سمیت کئی ممالک نے مشرق وسطیٰ کی صورتحال پر شدید تشویش ظاہر کی ہے۔تجزیہ کاروں کے مطابق یہ کارروائی خطے میں ایک نئے اور ممکنہ طور پر خطرناک جنگی مرحلے کی شروعات ہو سکتی ہے۔

اسرائیل نے ایران پر بڑا حملہ کردیا، متعددفوجی کمانڈرز اور جوہری سائنسدان شہید

تہران میں سیکیورٹی ہائی الرٹ، شہری آبادی اور بچوں کی ہلاکت کی اطلاعات، خطے میں کشیدگی مزید بڑھنے کا خدشہ

آئی سی سی ہال آف فیم میں شامل ہونے والی پاکستان ویمن کرکٹ ٹیم کی سابق کپتان ثناء میر نے ایک اور اعزاز حاصل کرلیا۔سابق کپتان ثناء میر لارڈرز کرکٹ اسٹیڈیم کی تاریخی روایت کا حصہ بن گئیں، ثناءمیر نے ورلڈ ٹیسٹ چیمپئن شپ کے فائنل کے دوسرے روز روایتی گھنٹی بجائی۔ثناء میر نے روایتی انداز میں گھنٹی بجا کر کھیل کے شروعات کا اعلان کیا۔گھنٹی میچ کے آغاز سے 5 منٹ قبل بجائی جاتی ہے تاکہ کھلاڑی الرٹ ہوجائیں۔ واضح ہے کہ ثنا ءمیر کو حال ہی میں آئی سی سی ہال آف فیم میں شامل کیا گیا ہے اور وہ ہال آف فیم میں شامل ہونے والی پاکستان کی پہلی خاتون کرکٹر ہیں۔ یاد رہے کہ لارڈز کرکٹ گراؤنڈ میں آسٹریلیا اور جنوبی افریقہ کے درمیان ورلڈ ٹیسٹ چیمپئن شپ کا فائنل میچ کھیلا جا رہا ہے۔

پاکستان ویمنز ٹیم کی سابق کپتان ثناء میر نے ایک اور اعزاز اپنے نام کرلیا

ثناء میر نےورلڈ ٹیسٹ چیمپئن شپ کے دوسرے روز لارڈز کرکٹ گراؤنڈ کی گھنٹی بجائی

آسٹریلیا کے کپتان پیٹ کمنز نے جنوبی افریقا کے خلاف فائنل میں اہم اعزاز حاصل کرلیا۔ورلڈ ٹیسٹ چیمپئن شپ کے فائنل میں آسٹریلیا کی ٹیم پہلی اننگز میں 212 رنز پر آؤٹ ہوئی جواب میں جنوبی افریقا کی ٹیم 138 رنز پر ڈھیر ہوگئی۔پیٹ کمنز نے فائنل کے دوسرے روز 6 وکٹیں لے کر متعدد ریکارڈز اپنے نام کرلیے۔ پیٹ کمنز طویل ترین فارمیٹ میں 300 وکٹیں حاصل کرنے والے آٹھویں آسٹریلوی بولر بن گئے ہیں۔آئی سی سی ٹیسٹ چیمپئن فائنل لندن کے لارڈز میدان میں کھیلا جا رہا ہے۔ میچ کے دوران آسٹریلوی کپتان پیٹ کمنز نے 28 رنز دے کر 6 وکٹیں حاصل کیں اور انگلش کپتان باب ولس کا 43 سال پرانا ریکارڈ توڑ دیا۔اس سے قبل 1982 میں انگلینڈ کے کپتان باب ولس نے بھارت کے خلاف 101 رنز دے کر 6 وکٹیں اور نیوزی لینڈ کے کپتان ڈینیئل ویٹوری نے 69 رنز دے کر 5 وکٹیں حاصل کی تھیں۔دوسری جانب پیٹ کمنز 6 وکٹیں لے کر لارڈز کے میدان میں دوسرے فاسٹ باؤلر کپتان بھی بن گئے ہیں۔ اس سے قبل یہ کارنامہ انگلینڈ کے کپتان باب ولس نے 1982 میں انجام دیا تھا۔دریں اثنا پیٹ کمنز نے پہلی اننگز میں شاندار باؤلنگ کی بدولت ٹیسٹ کیریئر کی 300 وکٹیں بھی مکمل کر لی ہیں۔پیٹ کمنز کی اس شاندار کارکردگی نے نہ صرف آسٹریلیا کی پوزیشن کو مستحکم کیا بلکہ انہیں دنیائے کرکٹ کے عظیم بولرز کی صف میں بھی شامل کر دیا ہے۔

پیٹ کمنز نے جنوبی افریقا کے خلاف 6 وکٹیں لے کر 43 برس پرانا ریکارڈ توڑ دیا

آسٹریلیا کے کپتان پیٹ کمنز ٹیسٹ کرکٹ میں 300 وکٹیں حاصل کرنے والے آٹھویں آسٹریلوی بولر بن گئے ہیں

بھارتی شہر احمد آباد میں مسافر طیارہ گر کرتباہ ہوگیا جس کے نتیجے طیارے میں سوار 241 افراد ہلاک ہوگئے۔ ایک مسافر معجزانہ طور پر بچ گیا۔بھارتی میڈیا کے مطابق طیارے میں سوار عملے کے12 اراکین سمیت 241 افراد ہلاک ہوگئے جبکہ ایک مسافر بچ گیا۔بھارتی میڈیا رپورٹس کے مطابق ایئرانڈیا کی فلائٹ نمبر اے آئی 171 بھارتی ریاست گجرات کے احمد آباد ایئرپورٹ سے لندن (برطانیہ) کیلئے روانہ ہوئی تھی، حادثہ ٹیک آف کے دوران پیش آیا، طیارے میں دو پائلٹ اور عملے کے 10 ارکان سمیت 242 افراد سوار تھے۔میڈیا رپورٹس کے مطابق حادثے کے شکار طیارے میں سابق وزیراعلیٰ گجرات وجے روپانی، 169 بھارتی شہری، 53 برطانوی، ایک کینیڈین اور 7 پرتگالی شہریوں سمیت 11 بچے بھی موجود تھے۔بھارتی میڈیا کی رپورٹس میں بتایا گیا ہے کہ طیارہ آبادی پر گر کر تباہ ہوا۔ریسکیو آپریشن کے دوران لاشیں ملنے کا سلسلہ جاری ہے۔ ہلاکتوں کی تعداد 240 سے زائد ہوگئی جن میں ہاسٹل میں رہائش پذیر طلبا بھی شامل ہیں۔ابتدائی رپورٹس میں بتایا گیا ہے کہ ٹیک کے آف کے دوران طیارہ ایک درخت میں الجھا جس کے نتیجے میں یہ حادثہ رونما ہوا۔ جہاز میں تکنیکی خرابی پیدا ہو جانے کی بھی اطلاعات ملی ہیں۔ایئر انڈیا کا بدنصیب طیارہ شہر کے ایک گنجان آباد علاقے میں گرا ہے۔ یہ علاقہ ایئر پورٹ سے ملا ہوا ہے۔ شاہی باغ ایریا اور نروڑا کے سنگم پر واقع ایک اپارٹمنٹ بلاک پر یہ بلاک آئی جی بی کمپاؤنٹ میں واقع ہے۔ طیارے کا اگلا حصہ فلیٹس کے درمیان پھنس گیا۔طیارے کے 230 مسافروں میں 8 ڈاکٹر بھی شامل تھے۔ جہاں یہ طیارہ گرا وہاں چونکہ آبادی بہت زیادہ ہے اس لیے لوگ بڑی تعداد میں جائے حادثہ پر جمع ہوگئے۔ اِس کے نتیجے میں امدادی کارروائیوں میں شدید مشکلات پیش آئیں۔ طیارہ حادثے کے بعد جائے حادثہ کی ویڈیوز بھی سامنے آئی ہیں جس میں دھواں اٹھتا دیکھا جاسکتا ہے۔بھارتی میڈیا کا بتانا ہے کہ حادثہ بھارتی وقت کے مطابق 1 سے 2 بجے کے درمیان پیش آیا اور حادثے کے بعد احمد آباد ایئر پورٹ پر فلائٹ آپریشن بند کردیا گیا ہے جبکہ اسپتالوں میں ایمرجنسی نافذ کردی گئی ہے۔فلائٹ ریڈار کے مطابق اڑان بھرنے کے بعد ایک منٹ سے بھی کم وقت میں 625 فٹ کی بلندی پر طیارے سے رابطہ منقطع ہو گیا تھا۔بھارتی ڈی جی سول ایوی ایشن کا کہنا ہے کہ طیارہ گرنے سے قبل ایک بج کر 39 منٹ پرکیپٹن نے مے ڈے کی کال دی، حادثے کا شکار بوئنگ 787 طیارہ 11 سال پرانا تھا۔

ایئرانڈیا کا مسافر طیارہ گر کر تباہ،سابق وزیراعلیٰ گجرات سمیت 241 مسافر ہلاک، ایک زندہ بچ گیا

ایئر انڈیاکی فلائٹ نمبر اے آئی 171 بھارتی ریاست گجرات کے احمد آباد ایئرپورٹ سے لندن کیلئے روانہ ہوئی تھی

وزیراعظم شہباز شریف نے بھارت کے شہر احمد آباد کے قریب پیش آنے والے طیارہ حادثے پر گہرے دکھ اور افسوس کا اظہار کیا ہے۔ اپنے سوشل میڈیا پیغام میں انہوں نے کہا کہ بھارتی ائیر لائن کے مسافر طیارے کے حادثے پر دل گرفتہ ہوں۔ انہوں نے جاں بحق افراد اور زخمیوں کے اہل خانہ سے یکجہتی کا اظہار کرتے ہوئے متاثرین کیلئے نیک تمناؤں کا پیغام دیا۔اس افسوسناک سانحے پر دیگر پاکستانی رہنماؤں نے بھی تعزیتی پیغامات دیے ہیں۔ مسلم لیگ (ن) کے قائد نواز شریف نے کہا کہ یہ حادثہ ایک انسانی سانحہ ہے جو سرحدوں سے بالاتر ہے، اور ہم سب کو مشترکہ انسانیت کا احساس دلاتا ہے۔ انہوں نے بھارتی وزیراعظم نریندر مودی اور بھارتی عوام سے ہمدردی کا اظہار کیا۔پیپلز پارٹی کے چیئرمین اور سابق وزیر خارجہ بلاول بھٹو زرداری نے حادثے میں قیمتی جانوں کے ضیاع پر گہرے دکھ کا اظہار کرتے ہوئے کہا کہ ایئر انڈیا کی پرواز، جس میں تقریباً 240 افراد سوار تھے، ٹیک آف کے فوراً بعد تباہ ہو گئی، اور یہ ایک دل دہلا دینے والا واقعہ ہے۔وزیر دفاع خواجہ آصف نے بھی اس سانحے پر گہرے رنج و غم کا اظہار کیا اور جاں بحق افراد کے لواحقین سے تعزیت کی۔نائب وزیراعظم اور وزیرخارجہ اسحٰق ڈار نے بھی طیارہ حادثے پر افسوس کا اظہار کیا ہے، ایکس پر اپنے پیغام میں انہوں نے لکھا کہ احمد آباد، گجرات میں ایئر انڈیا کی پرواز کے حادثے پر دکھ ہوا، اس المناک واقعے میں قیمتی جانوں کے ضیاع پر تعزیت کا اظہار کرتے ہیں، دکھ کی اس گھڑی میں ہماری ہمدردیاں متاثرین کے اہل خانہ کے ساتھ ہیں۔

احمد آباد طیارہ حادثہ، پاکستانی قیادت کی جانب سے اظہار افسوس

وزیراعظم شہبازشریف،بلاول ،نواشریف ودیگر کا بھارت میں طیارہ حادثے پر اظہارافسوس

پاکستان کرکٹ ٹیم کے سابق کپتان وسیم اکرم کا حیدر آباد کے نیاز اسٹیڈیم میں لگے اپنے مجسمے سے ردعمل سامنے آگیا۔سماجی رابطے کی ویب سائٹ ایکس پر وسیم اکرم نے اپنے مجسمے کے ساتھ چیتے کے مجسمے کی تصویر لگا کر لکھا کہ میرا مجسمہ یقیناً اس چیتے سے بہتر ہے۔انہوں نے کہا کہ نیاز اسٹیڈیم حیدر آباد میں لگائے گئے میرے مجسمے کے حوالے سے بہت باتیں ہو رہی ہیں، میرے خیال میں آئیڈیا کی زیادہ اہمیت ہوتی ہے۔وسیم اکرم کا کہنا تھا کہ مجسمہ بنانے والے کو کریڈٹ دینا چاہیے، اس کوشش پر اور جو جو اس میں شامل رہا ہے انہیں فل مارکس دینے چاہئیں۔واضح رہے کہ سوئنگ کے سلطان کہلائے جانے والے پاکستان کے لیجنڈری فاسٹ بولر وسیم اکرم کا مجسمہ حال ہی میں نیاز اسٹیڈیم حیدرآباد میں نصب کیا گیا جو شائقین کرکٹ کو متاثر کرنے میں ناکام رہا۔ مجسمے کی تصاویر سوشل میڈیا پر وائرل ہونے کے بعد کرکٹ شائقین نے اس کی شکل و شباہت پر شدید تنقید کی ہے۔یہ مجسمہ آئی سی سی ورلڈکپ 1999ء کی پاکستانی جرسی پہنے وسیم اکرم کے بالنگ ایکشن کو ظاہر کرتا ہے۔ تاہم مداحوں نے شکایت کی ہے کہ مجسمے کا چہرہ وسیم اکرم سے بالکل مشابہت نہیں رکھتا، بلکہ وہ کسی ہالی ووڈ ایکشن ہیرو جیسا لگتا ہے۔

نیازا سٹیڈیم حیدرآباد میں نصب اپنے مجسمے کو دیکھ کر وسیم اکرم بھی خاموش نہ رہ سکے

مجسمہ بنانے والے کو کریڈٹ دینا چاہیے اور جو جو اس میں شامل رہا ہے انہیں فل مارکس دینے چاہئیں، سابق کپتان

ایران نے خبردار کیا ہے کہ اگر واشنگٹن اور تہران کے درمیان کشیدگی میں اضافہ ہوا یا ایران پر کوئی جارحانہ اقدام کیا گیا، تو خطے میں موجود امریکی فوجی اڈے ایرانی حملوں کا نشانہ بن سکتے ہیں۔ ایک حالیہ بیان میں ایرانی وزیر دفاع عزیز ناصر زادے نے واضح کیا کہ ایران پر کسی بھی حملے کی صورت میں مشرق وسطیٰ میں قائم امریکی تنصیبات کو نشانہ بنایا جائے گا۔ان کا کہنا تھا کہ ایران جنگ نہیں چاہتا اور ترجیح مذاکرات کو دے رہا ہے، لیکن اگر مذاکرات ناکام رہے اور ایران کے خلاف فوجی کارروائی کی گئی، تو تہران بھرپور جواب دے گا۔ایرانی وزیر دفاع کا کہنا تھا کہ ’ہم امید کرتے ہیں کہ حالات اس نہج تک نہیں پہنچیں گے اور جوہری مذاکرات کے مثبت نتائج سامنے آئیں گے، لیکن اگر امریکا نے جارحیت کی راہ اپنائی تو اسے اس کی بھاری قیمت چکانی پڑے گی اور امریکا کو خطے سے اپنا انخلاء کرنا پڑے گا۔

ایران کی امریکی حملے کی صورت میں سخت ردعمل کی دھمکی

ہم امید کرتے ہیں کہ حالات اس نہج تک نہیں پہنچیں گے اور جوہری مذاکرات کے مثبت نتائج سامنے آئیں گے، ایرانی وزیر دفاع

بھارتی شہر احمد آباد میں ائیر انڈیا کا مسافر طیارہ گرکر تباہ ہوگیا۔بھارتی میڈیا کے مطابق ریاست گجرات کے شہر احمد آباد کے ائیرپورٹ کے قریب ائیر اندیا کا مسافر بردار طیارہ گرگیا جس میں عملے کے 12 ارکان سمیت 242 سے زائد افرادسوار تھے۔رپورٹ کے مطابق ممکنہ طور پر ائیر انڈیا کا طیارہ احمد آباد ائیرپورٹ سے  لندن جارہا تھا کہ ٹیک آف کرنے کے 5 منٹ بعد ہی گرکر تباہ ہوگیا۔ائیر انڈیا کی پرواز اے آئی 171 احمد آباد ائیرپورٹ سے روانگی کے وقت 322 کلومیٹر فی گھنٹہ کی رفتار سے محض 625 فٹ اوپر اڑ سکی اور پھر ٹیکنیکل طور پر گرکر تبا ہوگئی۔بھارتی میڈیا کی رپورٹس میں بتایا گیا جارہا ہےکہ طیارہ آبادی پر گرکر تباہ ہوا اور حادثے میں متعدد ہلاکتوں کا بھی خدشہ  ہے۔ایئر انڈیا نے سوشل میڈیا پلیٹ فارم ایکس (سابق ٹوئٹر) پر حادثے کی تصدیق کرتے ہوئے کہا ہے کہ: “پرواز AI171، جو احمد آباد سے لندن گیٹوک جا رہی تھی، آج ایک حادثے کا شکار ہوئی۔ ہم صورتحال کا جائزہ لے رہے ہیں اور جلد مزید معلومات فراہم کریں گے۔حادثے کی وجوہات معلوم کرنے کے لیے تحقیقاتی ٹیم متحرک کر دی گئی ہے۔ ڈی جی سی اے، اے ڈی اے ڈبلیو، اور ایف او آئی کے نمائندے پہلے ہی احمد آباد میں موجود تھے اور اب تفصیلات اکھٹی کر رہے ہیں۔حادثے کے بعد احمد آباد ایئر پورٹ جانے والے تمام راستے بند کر دیے گئے ہیں۔

بھارتی شہر احمد آباد میں ائیر انڈیا کاطیارہ گرکر تباہ242مسافرسوارتھے

طیارے نے لندن جانے کیلئے اڑان بھری تھی، ایئرپورٹ کے قریب رہائشی آبادی پر جا گرا

The PAK vs BAN 2nd test day 1 is canceled due to continuous rain in Rawalpindi. This match is the 2nd and last match of the Bangladesh tour of Pakistan 2024.

Pakistan vs Bangladesh 2nd Test Day 1 Called Off Due To Rain

The PAK vs BAN 2nd test day 1 is abandoned due to rain.

The Pakistan vs Bangladesh 2nd test was scheduled to begin at 10:30 AM today. However, rain interference has postponed the beginning of the match.&nbsp;

Forecast for day 1 does not look good as multiple puddles have formed in the outfield due to continuous rain. The pictorial updates from the venue do not look promising.&nbsp;

Both teams would be disheartened as Bangladesh would be hoping to win the 2nd and final match of the PAK vs BAN series after claiming a historic victory in the <a href="https://www.tapmad.com/blog/pakistans-agony-multiplies-after-losing-to-bangladesh-in-1st-test/424-2-0">1st test</a>.&nbsp;

On the other hand, Pakistan will be looking to notch up their performance, win the game and draw the series, while picking up some valuable World Test Championship points.

The PAK vs BAN 2nd test will also be played at the Rawalpindi Cricket Stadium just like the 1st test.&nbsp;

The city has already experienced a thunderstorm this morning and it is expected that it&rsquo;s going to rain continuously throughout the day.&nbsp;

Chances are there that the skies might clear up a bit after 2 PM Local time. However, the current ground conditions give the impression that it will take a lot of time for the ground staff to make it ready for play so, even if rain stops, fans will not get to see much play today.&nbsp;

A 2-0 series win will boost Bangladesh team&rsquo;s morale and World Test Championship ranking significantly.&nbsp;

Meanwhile, a loss in this match will further complicate things for Pakistan.&nbsp;

PAK vs BAN 2nd Test Day 1 Abandoned Due To Rain

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan