Cricket

Entertainment

Football

امریکی صدر ڈونلڈ ٹرمپ نے ایک اور امن معاہدہ کرا دیا، آذربائیجان اور آرمینیا کے درمیان مکمل جنگ بندی معاہدے پر دستخط کرا دیئے۔ ٹرمپ کی میزبانی میں آذربائیجان اور آرمینیا کے درمیان تاریخی امن معاہدہ طے پا گیا، جس کے تحت دونوں ممالک نے مکمل جنگ بندی اور تجارتی تعاون بڑھانے پر اتفاق کر لیا۔ وائٹ ہاؤس میں ہونے والی اس ملاقات میں آذربائیجان کے صدر اور آرمینیا کے وزیراعظم نے باضابطہ طور پر امن معاہدے پر دستخط کیے، جبکہ صدر ٹرمپ نے بطور گواہ اس معاہدے کی توثیق کی۔ بعد ازاں تینوں رہنماؤں نے مشترکہ پریس کانفرنس سے خطاب کیا۔امریکی صدر نے آذربائیجان اور آرمینیا کے سربراہان کے ساتھ نیوز کانفرنس کرتے ہوئے کہاکہ آذربائیجان اور آرمینیا تجارت اور معیشت کو ترجیح دیں گے، توانائی، تجارت اور ٹیکنالوجی میں دونوں ملکوں سے دو طرفہ معاہدہ ہوگا۔ انہوں نے کہا کہ میں نے انہیں مشورہ دیا کہ جنگ نہیں بلکہ تجارت کریں، اور انہوں نے وعدہ کیا ہے کہ آئندہ جنگ نہیں ہوگی۔ اس معاہدے میں ٹیکنالوجی اور مصنوعی ذہانت کے شعبے میں تعاون بھی شامل ہے۔ڈونلڈ ٹرمپ نے کہا کہ میں جنگیں نہیں چاہتا، امن اور تجارت چاہتا ہوں، روس سے ڈیل آخری مرحلے میں ہے، صدر پیوٹن اور زیلنسکی سے جلد ملاقات ہوگی، روس اور یوکرین اب امن چاہتے ہیں۔ٹرمپ نے ایک بار پھر پاک بھارت جنگ بندی کا تذکرہ کرتے ہوئے کہا کہ دونوں ملک بڑی جنگ کی طرف جارہے تھے، کہا لڑائی نہیں تجارت کرو، پاکستان اور بھارت کے رہنماؤں نے دانشمندی کا مظاہرہ کیا، امریکی صدرکا کہنا تھا کہ ٹیکنالوجی معاہدوں میں اے آئی ڈیلز شامل رہیں گی۔اس موقع پرآذربائیجان کے صدر الہام علیوف نے کہا آج تاریخی دن ہے، امن کیلئے نیا راستہ کھلا ہے، امریکا کے ساتھ سٹریٹجک پارٹنرشپ کا آغاز کریں گے، وزیر اعظم پشینیان نے بھی معاہدے کو دوطرفہ تعلقات میں اہم سنگ میل قرار دیا۔واضح رہے کہ آذربائیجان اور آرمینیا کے درمیان دہائیوں سے نگورنو کاراباخ کے معاملے پر تنازع جاری رہا۔ 1994 میں چھ سالہ جنگ کے اختتام پر آرمینیا نے علاقے کے بڑے حصے پر قبضہ کیا، تاہم 2020 میں آذربائیجان نے دوبارہ کچھ علاقے پر کنٹرول حاصل کر لیا۔ اکتوبر 2023 میں آذربائیجان کی فوجی کارروائی کے بعد نگورنو کاراباخ کے علیحدگی پسند گروپوں نے ہتھیار ڈال کر حکومت تحلیل کرنے اور آذربائیجان سے الحاق کا اعلان کیا۔

ٹرمپ نے ایک اور جنگ رُکوا دی، آذربائیجان اور آرمینیا کے درمیان امن معاہدہ ہوگیا

آذربائیجان اور آرمینیا نے ٹرمپ کی میزبانی میں دہائیوں پرانے تنازع کے خاتمے کیلئے ’امن معاہدے‘ پر دستخط کردیے

پاکستان نے ویسٹ انڈیز کو پہلے ون ڈے میں 5 وکٹوں سے شکست دیکر سیریز میں 0-1 کی برتری حاصل کر لی۔ویسٹ انڈیزنے پہلے بیٹنگ کرتے ہوئے 281 رنز کا ہدف دیا جوپاکستان نےدلچسپ مقابلے کے بعد 49ویں اوورز میں حاصل کرلیا۔ٹرینیڈاڈ میں کھیلے گئے میچ میں پاکستان نے ویسٹ انڈیز کے خلاف ٹاس جیت کر پہلے فیلڈنگ کا فیصلہ کیا۔ ویسٹ انڈیز کی ٹیم 49 اوورز میں 280 رنز بنا کر آؤٹ ہوئی، ایون لوئس 60 رنز کے ساتھ نمایاں بیٹر رہے، جب کہ کپتان شائے ہوپ نے 55 اور روسٹن چیز نے 53 رنز کی اننگز کھیلی۔ رتھرفورڈ 10، گڈاکیش موتی 31 رنز بنا کر آؤٹ ہوئے جب کہ شیمار جوزف 8 اور شیفرڈ 4 رنز بنا سکے اور یوں ویسٹ انڈیز کی پوری ٹیم 49 اوورز میں 280 رنز بنا کر آؤٹ ہو گئی۔پاکستان کی جانب سے شاہین شاہ آفریدی نے شان دار بولنگ کرتے ہوئے 4 وکٹیں حاصل کیں، نسیم شاہ نے 3 اور صائم ایوب، سفیان مقیم اور سلمان آغا نے ایک ایک وکٹ لی۔ہدف کے تعاقب میں پاکستان نے281 رنز کا ہدف 49ویں اوور میں 5 وکٹوں کے نقصان پر حاصل کرلیا۔ اننگز کے آغاز میں اوپنر صائم ایوب صرف 5 رنز بناکر آؤٹ ہوگئے۔پہلی وکٹ گرنے کے بعد عبداللہ شفیق اور بابر اعظم نے ذمہ داری سے بیٹنگ کی اور ٹیم کا اسکور آگے بڑھایا لیکن پھر عبداللہ شفیق 29 رنز بناکر پویلین لوٹ گئے، اس کے بعد بابر بھی 47 رنز بنا سکے۔کپتان محمدرضوان 53رنز کی اننگز کھیل کرآئوٹ ہوئے جبکہ سلمان علی آغا23رنز بناسکے، 5 وکٹیں گرنے کے بعد نوجوان بیٹر حسن نواز اور حسین طلعت نے ذمہ درانہ بیٹنگ کی اور 49 ویں اوور میں ہدف پورا کر کے ٹیم کو کامیابی دلوائی، حسن نواز 63 اور حسین طلعت 41 رنز بناکر ناقابل شکست رہے۔حسن نواز شاندار کارکردگی پر میچ کے بہترین کھلاڑی قرار پائے۔ویسٹ انڈیز کی جانب سے شمار جوزف نے 2، سیلز ، موتی اور روسٹن چیز نے ایک ایک وکٹ لی۔ پاکستان نے 3 میچز کی سیریز میں ایک صفر کی برتری حاصل کرلی ہے۔

پاکستان نے ویسٹ انڈیز کو پہلے ون ڈے میں 5 وکٹوں سےہراکرسیریز میں برتری حاصل کرلی

پاکستان نے ویسٹ انڈیز کا 281 رنز کا ہدف 49 ویں اوور میں 5 وکٹوں کے نقصان پر حاصل کرلیا

سکیورٹی فورسز نے پاک افغان بارڈر سے خوارجیوں کی پاکستان میں داخل ہونے کی کوشش ناکام بنا دی،بلوچستان کے ضلع ژوب میں سیکیورٹی فورسز نے بڑا آپریشن کرتے ہوئے 33 خارجی دہشت گردوں کو ہلاک کر دیا۔پاک فوج کے شعبہ تعلقات عامہ (آئی ایس پی آر)کے مطابق 7 اور 8 اگست کی درمیانی رات بھارتی پراکسی فتنہ خوارج سے تعلق رکھنے والے دہشت گردوں کا ایک بڑا گروہ پاکستان،افغان سرحد کے راستے سے دراندازی کی کوشش کر رہا تھا۔آئی ایس پی آر کے مطابق سیکورٹی فورسز نے بلوچستان کے ضلع ژوب کے جنرل علاقے سمبازہ میں مثر طریقے سے ان دہشتگردوں کی دراندازی کی کوشش کو ناکام بنایا۔پاک فوج کے شعبہ تعلقات عامہ نے بتایا کہ سیکیورٹی فورسز کے جرات مندانہ اور مثر آپریشن کے نتیجے میں 33 بھارتی اسپانسرڈ خوارج مارے گئے، جبکہ اسلحہ، گولہ بارود اور دھماکا خیز مواد کا بڑا ذخیرہ بھی برآمد کیا گیا۔آئی ایس پی آر کے مطابق علاقے میں موجد دیگر خارجی دہشتگردوں کو ختم کرنے کے لیے کلیئرنس آپریشن کیا جا رہا ہے۔انہوںنے کہا کہ پاکستان کی سیکیورٹی فورسز ملک کی سرحدوں کے دفاع اور ملک سے ہندوستانی اسپانسرڈ دہشت گردی کی لعنت کو ختم کرنے کے لیے پرعزم ہیں۔

افغان سرحد سے دراندازی کی کوشش ناکام،33خارجی دہشت گرد ہلاک

مارے گئے دہشت گردوں کے قبضے سے بھاری مقدار میں اسلحہ، گولہ بارود اور دھماکا خیز مواد بھی برآمد کیا گیا،آئی ایس پی آر

امریکی جریدے بلوم برگ نے ایک دھماکہ خیز انکشاف کیا ہے کہ فیلڈ مارشل عاصم منیر سے ملاقات کے خدشے پر مودی نے ٹرمپ کی دعوت سے انکار کیا۔امریکی جریدے بلوم برگ نے انکشاف کیا ہے کہ بھارتی وزیرِ اعظم نریندر مودی نے امریکی صدر ڈونلڈ ٹرمپ کی جانب سے دی گئی خصوصی ڈنر دعوت اس لیے مسترد کر دی کیونکہ انہیں خدشہ تھا کہ وہاں فیلڈ مارشل سید عاصم منیر سے ملاقات ہو سکتی ہے۔ یہ فیصلہ نہ صرف دو ممالک کے تعلقات میں بڑھتی خلیج کو ظاہر کرتا ہے بلکہ اس کے پیچھے ایک انتہائی کشیدہ پس منظر بھی ہے۔بلوم برگ کی رپورٹ کے مطابق 17 جون کو ٹرمپ اور مودی کے درمیان 45 منٹ طویل ٹیلی فونک گفتگو ہوئی، جو امریکابھارت تعلقات میں ایک ٹرننگ پوائنٹ ثابت ہوئی۔ یہ بات چیت ابتدا میں رسمی تھی، مگر جلد ہی سخت جملوں کے تبادلے میں بدل گئی۔ صدر ٹرمپ نے کھلے عام بھارتی معیشت کو’مردہ‘ قرار دیتے ہوئے اس کی پالیسیوں پر کڑی تنقید کی، اور اسی گفتگو کے بعد بھارت پر امریکی ٹیرف 50 فیصد تک بڑھا دیا گیا۔رپورٹ کے مطابق اس گفتگو کے بعد واشنگٹن میں ہونے والے ایک اہم عشائیے کی دعوت مودی کو بھی دی گئی تھی، مگر وہاں فیلڈ مارشل عاصم منیر کی موجودگی کی خبروں نے بھارتی وزیراعظم کو پیچھے ہٹنے پر مجبور کر دیا۔ مودی کے قریبی حلقوں کا کہنا ہے کہ یہ فیصلہ محض سفارتی پروٹوکول نہیں بلکہ پالیسی سیفٹی کے تحت کیا گیا تاکہ کسی غیر متوقع مکالمے یا میڈیا کی توجہ کا سامنا نہ کرنا پڑے۔یہ واقعہ اس وقت پیش آیا جب امریکابھارت تعلقات پہلے ہی کشیدگی کا شکار تھے، اور اب تجزیہ کاروں کا ماننا ہے کہ مودی کے اس انکار نے واشنگٹن اور نئی دہلی کے درمیان سردمہری کو مزید گہرا کر دیا ہے۔ عالمی سیاست میں یہ پیشرفت نہ صرف پاک امریکا تعلقات پر اثر ڈال سکتی ہے بلکہ خطے کی طاقت کے توازن میں بھی ہلچل مچا سکتی ہے۔

فیلڈ مارشل عاصم منیر سے ملاقات کا خوف،مودی نے ٹرمپ کی دعوت ٹھکرادی

فیلڈ مارشل عاصم منیر سے ممکنہ ملاقات کے ڈر سے مودی امریکی صدر سے نہیں ملے،بلوم برگ کی رپورٹ

اسلام آباد (این این آئی)تحریک انصاف کے رہنما عمر ایوب کو قومی اسمبلی کے اپوزیشن لیڈر کے عہدے سے ہٹا دیا گیا، عمر ایوب سے اپوزیشن لیڈر کا چیمبر بھی واپس لے لیا گیا۔تفصیلات کے مطابق قومی اسمبلی میں پاکستان تحریک انصاف کو بڑا دھچکا لگا ہے جہاں پارٹی سے تین اہم عہدے واپس لے لیے گئے ہیں۔نجی ٹی وی کی رپورٹ میں ذرائع کے حوالے سے بتایا گیا ہے کہ عمر ایوب کو اپوزیشن لیڈر کے عہدے سے ہٹا دیا گیا ہے عمر ایوب سے اپوزیشن لیڈر کا چیمبر بھی واپس لے لیا گیا ہے جبکہ زرتاج گل کا پارلیمانی لیڈر اور احمد چٹھہ کا ڈپٹی پارلیمانی لیڈر کا عہدہ بھی ختم کر دیا گیا۔ذرائع نے بتایا کہ اسپیکر قومی اسمبلی نے ممبران کی نااہلی کے حوالے سے ایوان کو آگاہ کر دیا ہے، نئے اپوزیشن لیڈر کیلئے اپوزیشن اور اسپیکر کے درمیان مشاورت کا عمل شروع ہو گا۔منتخب ہونے کے بعد اسپیکر قومی اسمبلی نئے اپوزیشن لیڈر کو نوٹیفکیشن جاری کریں گے، پی ٹی آئی آزاد اراکین کو پارلیمانی لیڈراور ڈپٹی پارلیمانی لیڈر کے لیے دوبارہ نام دینا ہوں گے۔

پی ٹی آئی کوبڑاجھٹکا،عمر ایوب اپوزیشن لیڈر کے عہدے سے فارغ

اپوزیشن لیڈر، پارلیمانی لیڈر اور ڈپٹی پارلیمانی لیڈر کے عہدے خالی، اپوزیشن لیڈر کا چیمبر بھی واپس لے لیا گیا

تہران(این این آئی)ایران میں ایک خاتون کے ہاتھوں 11 شوہروں کو قتل کرنے کا لرزہ خیز واقعہ سامنے آیا ہے، جسے ملک کی تاریخ کا سب سے خوفناک سلسلہ وار قتل کیس قرار دیا جا رہا ہے۔ایرانی میڈیا کے مطابق کلثوم اکبری نامی خاتون کو آج تہران کی عدالت میں پیش کیا گیا، جہاں اس پر 11 قتل اور ایک اقدامِ قتل کا الزام عائد کیا گیا۔کلثوم اکبری، جسے ایرانی میڈیا میں بلیک وِڈوکا نام دیا جا رہا ہے۔ عدالت میں 22 سالکے دوران اپنے 11 شوہروں کو پیسہ اور جائیداد ہتھیانے کے لیے قتل کرنے کا اعتراف کیا۔پراسیکیوٹرز کے مطابق، یہ سلسلہ سال 2000 سے شروع ہوا۔ اکبری عام طور پر بوڑھے اور بیمار مردوں کو اپنا شکار بناتی تھیں، ان سے شادی کے بعد انہیں آہستہ آہستہ ذیابیطس کی دوا، محرکات، اور بعض اوقات صنعتی الکوحل کے ذریعے زہر دیتی تھیں۔ضعیف العمر شوہروں کی ان اموات کو عام طور پر طبعی وجوہات سمجھا گیا جس کی وجہ سے کلوثوم اکبری پر شک نہ ہو سکا اور وہ یکے بعد دیگرے ہولناک وارداتیں کرتی رہی اور پیسے بٹورتی رہی۔ تاہم کلثوم اکبری کا آخری شکار عزیزاللہ بابائی نامی شخص تھا، جس کی موت 2023 میں ہوئی اور عزیز اللہ کے بیٹے نے اپنی سوتیلی ماں پر شک کا ظاہر کیا، پولیس نے سختی سے تفتیش کی تو کلثوم اکبری نے سارے جرائم قبول کرلیے۔عدالتی دستاویزات کے مطابق کلثوم اکبری نے ایک اور شخص کو زہر دینے کی کوشش کی تھی، مگر وہ بچ گیا۔ جس پر ایک اقدام قتل کا الزام بھی عائد کیا گیا۔عدالت میں چار مقتولین کے خاندانوں نے ملزمہ کے لیے سزائے موت کا مطالبہ کیا۔ اب تک 45 سے زائد افراد کیس میں مدعی بن چکے ہیں، جنہوں نے خاتون پر مختلف الزامات عائد کیے ہیں۔اکبری پر 11 قتل اور ایک اقدام قتل کے الزامات ہیں۔ جلد سنانے کا عندیہ دیا ہے۔ یہ کیس ایرانی اور بین الاقوامی میڈیا کی بھرپور توجہ کا مرکز بن چکا ہے۔

ایران، 22 سال میں 11 شوہروں کو قتل کرنے والی سیریل کلر بیوی پر فرد جرم عائد

کلثوم اکبری مختلف امراض میں مبتلا عمر رسیدہ مردوں سے شادی کرتی اور زائد دوا کھلا کر قتل کردیتی تھی،رپورٹ

سان فرانسسکو(این این آئی)اوپن اے آئی نےایک نیا جدید ترین اورزیادہ طاقتور اے آئی ماڈل چیٹ جی پی ٹی 5جاری کر دیا۔شنہوا کے مطابق معروف امریکی ٹیکنالوجی کمپنی اوپن اے آئی نے اپنانیا اور جدید ترین مصنوعی ذہانت ماڈل جی پی ٹی 5 باقاعدہ طور پر جاری کر دیا، جو اگلی نسل کے چیٹ بوٹ کو تقویت فراہم کرے گا۔ایک براہِ راست نشریاتی تقریب کے دوران اوپن اے آئی نے جی پی ٹی 5کو اب تک کا ذہین ترین اور تیز ترین ماڈل قرار دیا، جس میں پروگرامنگ، تحریری صلاحیتوں اور پیچیدہ کاموں کی انجام دہی میں نمایاں بہتری لائی گئی ہے۔اوپن اے آئی کے سی ای او سیم آلٹ مین نے ایک پریس بریفنگ میں اسکو دنیا کا بہترین ماڈل قرار دیتے ہوئے کہا کہ یہ کمپنی کی مصنوعی عمومی ذہانت کی جانب پیش رفت میں ایک اہم سنگِ میل ہے۔کمپنی کے مطابق، اس پروگرام کوپانچ ہزارگھنٹے کے سخت جانچ عمل سے گزارا گیا ہے، یہ پچھلے ماڈل جی پی ٹی 4 کے مقابلے میں زیادہ ذہین، تیز اور کارآمد ہے، خاص طور پر تحریر نویسی، کوڈنگ اور صحت کے شعبے میں مؤثر نتائج فراہم کرے گا۔یہ ماڈل کے جوابات جی پی ٹی فور کے مقابلے میں تقریباً پینتالیس فیصد کم غلطیاں کرتا ہے اور اوپن اے آئی  تھری کے مقابلے میں تقریباً اسی فیصد کم غلطیاں کرتا ہے۔

اوپن اے آئی نے جدید ترین اے آئی ماڈل جی پی ٹی 5ریلیز کردیا

یہ ماڈل کے جوابات جی پی ٹی فور کے مقابلے میں تقریباً پینتالیس فیصد کم غلطیاں کرتا ہے

ویسٹ انڈیز اور پاکستان کی کرکٹ ٹیموں کے درمیان تین ایک روزہ بین الاقوامی میچوں پر مشتمل سیریز کا پہلا میچ آج برائن لارا سٹیڈیم، تاروبا، ٹرینیڈاڈمیں کھیلا جائے گا۔ یہ میچ ڈے اینڈ نائٹ ہوگا اور پاکستانی وقت کے مطابق میچ رات گیارہ بجے شروع ہوگا۔میچ سے قبل دونوں ٹیموں نے ٹرینیڈاڈ میں بھرپور پریکٹس کی، کپتان محمد رضوان کا کہنا ہے کہ ویسٹ انڈیز کے خلاف ون ڈے سیریز میں اسپنر ابرار احمد اور سفیان مقیم ٹرمپ کارڈ ثابت ہو سکتے ہیں۔تین و ن ڈے میچوں کی سیریز میں مایہ ناز وکٹ کیپر بلے باز محمد رضوان گرین شرٹس کی قیادت کریں گے جبکہ ویسٹ انڈیز ٹیم کو شائے ہوپ لیڈ کریں گے۔ ون ڈے سیریز کا دوسرا میچ 10 اگست کو کھیلا جائے گا جبکہ تیسرا اور آخری ون ڈے میچ 12 اگست کو کھیلا جائےگا۔یاد رہےاس سے قبل دونوں ٹیموں کے درمیان 3ٹی20 بین الاقوامی میچوں کی سیریز مکمل ہوچکی ہے جو پاکستان کی ٹیم نے 1-2 سے جیت لی تھی۔ پاکستان کی ٹیم ون ڈے سیریز کے آغاز سے قبل بھرپور تیاریوں میں مصروف ہے۔

پاکستان اور ویسٹ انڈیز کے درمیان پہلا ون ڈے آج کھیلا جائے گا

میچ رات11بجے شروع ہوگا،محمدرضوان پاکستان جبکہ شائے ہوپ ویسٹ انڈیز کی قیادت کریں گے

دنیا بھر میں فلسطینیوں سے اظہارِ یکجہتی کا سلسلہ جاری ہے۔غیرملکی میڈیا کے مطابق اطالوی پارلیمنٹ کے اراکین نے فلسطینی عوام سے منفرد انداز میں اظہارِ یکجہتی کیا ہے۔اٹلی کی سیاسی جماعت فائیو اسٹار موومنٹ کے ارکان نے پارلیمنٹ میں فلسطینی پرچم کے رنگوں والے لباس پہن کر فلسطینیوں سے یکجہتی کا اظہار کیا۔ان ارکان کا کہنا تھا کہ آج ہم یہ پرچم نہیں لہرا رہے کیونکہ آپ ہم سے چھین لیں گے، آج ہم اس پرچم کو اپنے جسم سے لگارہے ہیں کیونکہ یہ اب صرف فلسطین کا پرچم نہیں بلکہ انسانیت کے لیے جدوجہد کرنے والوں کا عالمی پرچم بن چکا ہے۔

اطالوی اراکینِ پارلیمنٹ کا فلسطینی عوام سے منفرد انداز میں اظہارِ یکجہتی

یہ اب صرف فلسطین کانہیں بلکہ انسانیت کے لیے جدوجہد کرنے والوں کا عالمی پرچم بن چکا ہے،ارکان پارلیمنٹ

فیلڈ مارشل عاصم منیر ، چیئرمین جوائنٹ چیفس آف اسٹاف کمیٹی جنرل ساحر شمشاد مرزا ، چیف آف نیول اسٹاف ایڈمرل نوید اشرف اور چیف آف دی ایئر اسٹاف ایئر چیف مارشل ظہیر احمد بابر سدھو نے پاک افواج کے ہمراہ میجر طفیل محمد شہید نشان حیدر کو ان کی 67 ویں برسی پر زبردست خراج عقیدت پیش کیاہے۔میجر طفیل محمد شہید نے سابق مشرقی پاکستان کے لکشمی پور سیکٹر میں دشمن کے خلاف جرات و بہادری کی بے مثال داستان رقم کرتے ہوئے جامِ شہادت نوش کیا۔زخمی ہونے کے باوجود انہوں نے دشمن کے خلاف لڑائی جاری رکھی اور مشن کو کامیابی سے مکمل کیا۔ ان کے عظیم کارنامے پر قوم نے انہیں نشانِ حیدر جیسے اعلیٰ ترین اعزاز سے نوازا۔افواج پاکستان کی جانب سے جاری بیان میں کہا گیا کہ میجر طفیل شہید اور تمام شہداء کی قربانیاں قوم کا سرمایہ افتخار ہیں۔ان کی جرات، ایثار اور وطن سے محبت آنے والی نسلوں کیلئے مشعل راہ ہیں، وطن کی سلامتی اور خودمختاری کیلئے جانوں کا نذرانہ دینے والے یہ عظیم سپوت ہمیشہ دلوں میں زندہ رہیں گے۔پاک افواج نے کہا کہ ہم ان تمام ہیروز کو سلام پیش کرتے ہیں جنہوں نے وطن کے دفاع کیلئے جان کا نذرانہ پیش کیا، ان کی قربانیاں ہمارے لیے امن، استحکام اور آزادی کی ضمانت ہیں۔دوسری جانب صدرِ مملکت آصف علی زرداری اور وزیر اعظم محمد شہباز شریف نے پاکستان کے ہیرو میجر طفیل محمد شہید (نشانِ حیدر) کو ان کے 67 ویں یومِ شہادت پر زبردست خراجِ عقیدت پیش کیا۔اپنے الگ الگ پیغامات میں دونوں رہنماؤں نے کہا کہ آج سے 67 برس قبل میجر طفیل محمد نے دشمن کے خلاف بہادری سے لڑتے ہوئے مادرِ وطن پر اپنی جان قربان کی۔صدرِ مملکت نے کہا کہ پوری قوم میجر طفیل محمد شہید کی قربانی اور بہادری کو سلام پیش کرتی ہے۔ پاکستان آج ان عظیم سپوتوں کی قربانیوں کی بدولت محفوظ ہے اور ہم اپنے تمام ہیروز کو سلام پیش کرتے ہیں جنہوں نے ملک کی سلامتی کے لیے اپنی جانیں نچھاور کیں۔انہوں نے کہا کہ میجر طفیل محمد شہید کی قربانی قوم کے لیے مشعلِ راہ ہے اور ہم اپنے شہدا کی قربانیوں کو ہمیشہ یاد رکھیں گے۔وزیر اعظم شہباز شریف نے بھی اس موقع پر کہا کہ پاکستان کو اپنی بہادر افواج پر فخر ہے جو دشمن کا ہر محاذ پر ڈٹ کر مقابلہ کر رہی ہیں۔انہوں نے اس عزم کا اظہار کیا کہ قوم اپنے شہدا کی قربانیوں کو کبھی فراموش نہیں کرے گی اور ان کے نقشِ قدم پر چلتے ہوئے ملک کی حفاظت جاری رکھے گی۔

پاک افواج کا میجر طفیل محمد شہید نشان حیدر کو 67 ویں یوم شہادت پر خراجِ عقیدت

شہداء قوم کیلئےمشعلِ راہ ہیں، مسلح افواج اپنے تمام شہداء کو شاندار خراجِ عقیدت پیش کرتی ہے،آئی ایس پی آر

اسرائیل کی سیاسی و سیکیورٹی کابینہ نے غزہ شہر پر فوجی کنٹرول حاصل کرنے کے منصوبے کی منظوری دے دی ہے، جو کہ صہونی وزیراعظم نیتن یاہو کے اس اعلان کے بعد سامنے آئی ہے کہ اسرائیل پورے غزہ پٹی پر فوجی کنٹرول کا ارادہ رکھتا ہے۔اسرائیلی وزیراعظم بنیامین نیتن یاہو کے دفتر نے اعلان کیا ہے کہ سیکیورٹی کابینہ نے غزہ شہر پر فوجی قبضے کے منصوبے کی منظوری دے دی ہے۔اس فیصلے کے بعد اسرائیلی فوج نے شمالی غزہ کے رہائشیوں کو علاقہ خالی کرنے کا حکم جاری کر دیا ہے، جس سے زمینی آپریشن میں شدت کا خدشہ بڑھ گیا ہے۔سیکیورٹی کابینہ کے اجلاس سے قبل امریکی ٹی وی چینل ’فاکس نیوز‘ کو دیے گئے انٹرویو میں نیتن یاہو نے کہا تھا کہ اسرائیل غزہ پر مستقل قبضہ نہیں رکھے گا، بلکہ صرف ایک’’سیکیورٹی پٹی‘‘ قائم کرے گا جس کا انتظام کسی عرب فورس کے حوالے کیا جائے گا۔ تاہم یہ واضح نہیں کہ کن ممالک کو یہ ذمہ داری سونپی جائے گی۔اُن کے بقول اس اقدام کا مقصد حماس کو ختم کرنا اور غزہ کے عوام کو’’آزادی‘‘ دلانا ہے۔دوسری جانب، فوجی قیادت اور حکومت کے درمیان اس منصوبے پر اختلافات بھی سامنے آ رہے ہیں۔آئی ڈی ایف چیف ایال زامیر نے فوجی کارروائی کے دائرہ کار پر تحفظات کا اظہار کیا ہے۔نیتن یاہو کے دفتر کے مطابق، کابینہ کے اکثر ارکان سمجھتے ہیں کہ حماس کو شکست دینے اور یرغمالیوں کی واپسی کے لیے موجودہ حکمت عملی ناکافی ہے۔البتہ، اس منصوبے کی مکمل منظوری کابینہ کے آئندہ اجلاس میں دی جائے گی جو اتوار کو متوقع ہے۔واضح رہے کہ اسرائیل نے 2005 میں غزہ سے فوجی انخلا کیا تھا، لیکن آج بھی اس کی سرحدوں، فضائی حدود اور بحری راستوں پر کنٹرول برقرار ہے۔نئے منصوبے میں غزہ کے دیگر علاقوں پر بھی مرحلہ وار کنٹرول حاصل کرنے کا امکان ظاہر کیا جا رہا ہے۔یاد رہے حماس نے اسرائیلی وزیراعظم کے بیان کی مذمت کرتے ہوئے اسے غزہ جنگ بندی مذاکرات پر شب خون کے مترادف قرار دیا تھا۔حماس نے ایک بیان میں واضح کیا کہ وہ اسرائیل کو کسی صورت غزہ پر مکمل کنٹرول کرنے کی اجازت نہیں دیں گے۔حماس کا کہنا ہے کہ اسرائیل کا اصل مقصد فلسطینیوں کا قتل عام کرنا اور بے دخلی کا ہے، نیتن یاہو یرغمالیوں کو اپنے مفادات پر قربان کرنا چاہتے ہیں، مزاحمتی تنظیم کے مطابق وہ دشمن کے خلاف آخر تک لڑتے رہیں گے۔

نیتن یاہو کا متنازع منصوبہ ،غزہ کے عوام کو ’آزادی‘ دینے کے نام پر اسرائیل کی پیش قدمی

اسرائیل کی سکیورٹی کابینہ نے غزہ شہر پر قبضے کی منظوری دے دی، مزید خونریزی کا خدشہ

ایم ڈبلیو ایم نے حکومت سے مذاکرات کے بعد اربعین مارچ ملتوی کرنے کا اعلان کر دیا۔حکومت، شیعہ علما کونسل اور مجلس وحدت مسلمین (ایم ڈبلیو ایم) کے درمیان سات نکاتی ایجنڈے پر اتفاق ہوگیا، جس کے بعد اربعین مارچ کو مؤخر کرنے کا فیصلہ کیا گیا۔وفاقی وزیر مملکت برائے داخلہ طلال چوہدری، گورنر سندھ، ایم ڈبلیو ایم اور ایم کیو ایم کی قیادت نے مشترکہ پریس کانفرنس میں تفصیلات سے آگاہ کیا۔طلال چوہدری نے میڈیا سے گفتگو کرتے ہوئے کہا کہ حکومت نے سکیورٹی وجوہات پر مشکل فیصلہ کیا، 7 نکات پر اتفاق کر لیا گیا، عراقی ویزے کی مدت میں 60 روز تک توسیع ہو گی، جن کے عراق کے ویزے جاری ہو چکے، حکومت انہیں رعایتی ٹکٹ دلائے گی، سرحد پر موجود طلبا کو بغیر رکاوٹ ایران میں داخل ہونے دیا جائے گا۔طلال چوہدری نے کہا کہ عراقی ویزے کی مدت میں ساٹھ دن تک توسیع کرانے کی کوشش کی جائے گی۔ جن زائرین کو ویزے جاری ہو چکے ہیں، انہیں رعایتی نرخوں پر ٹکٹس فراہم کیے جائیں گے۔انہوں نے مزید کہا کہ سرحد پر موجود طلبہ کو ایران میں داخلے کی اجازت دی جائے گی اور حکومت اس بات پر معذرت خواہ ہے کہ زائرین کو اس بار مشکلات کا سامنا کرنا پڑا۔اس موقع پرگفتگو کرتے ہوئےگورنر سندھ کامران ٹیسوری نے کہا کہ ایم ڈبلیو ایم کی قیادت کا شکریہ ادا کرتا ہوں جنہوں نے قافلہ واپس کیا، زائرین نے ہوائی سفر میں ڈسکاؤنٹ کا مطالبہ کیا ہے، نہیں چاہتے جہاں پہلے سے سکیورٹی مسائل ہیں وہی زائرین پیدل جائیں۔انہوں نے مزید کہا کہ روضوں کی زیارت کا راستہ بند نہیں کیا جا سکتا۔ اربعین مارچ ملتوی کر دیا گیا ہے اور اب احتجاجی سرگرمیوں کے بجائے مذاکرات کے ذریعے مسائل حل کیے جائیں گے۔اس موقع بات کرتے ہوئے ایم ڈبلیو ایم کے وائس چیئرمین مولانا احمد اقبال رضوی نے اعلان کیا کہ کاروانِ عزاداری کو مؤخر کیا جا رہا ہے اور حکومت کے ساتھ ہونے والے معاہدے پر مکمل اعتماد ہے۔ انہوں نے کہا کہ تمام مسلمان نواسہ رسولؐ امام حسین ؓسے عقیدت رکھتے ہیں، اور یہ سفر، خواہ ہوائی، بحری یا زمینی، تاقیامت جاری رہے گا۔انہوں نے گورنر سندھ کا شکریہ ادا کرتے ہوئے کہا کہ انہوں نے ثالثی میں کلیدی کردار ادا کیا۔ زائرین کے مطالبات میں ویزہ توسیع، ہوائی سفر میں رعایت، اور خرچ شدہ رقوم کی واپسی شامل تھے، جن پر حکومت نے یقین دہانی کرائی ہے۔علامہ احمد اقبال رضوی نے کہا کہ حکومت نے معاملے کو مثبت اندازمیں حل کیا، ہم مارچ ختم کرنے کا اعلان کرتے ہیں، گورنرسندھ کامران ٹیسوری کو مطالبات پورے کروانے کے لیے ضامن بنایا ہے۔خیال رہےکہ گزشتہ دنوں وزیرداخلہ محسن نقوی نےاعلان کیا تھا کہ رواں سال اربعین کے لیے زائرین براستہ بلوچستان،ایران یا عراق نہیں جاسکتے،جس کے بعد مجلس وحدت مسلمین نے زائرین کے لیے اربعین پر زمینی راستوں پرپابندی کے خلاف ملک گیر احتجاج کا اعلان کیا تھا۔

اربعین مارچ کا فیصلہ مؤخر،حکومت اور ایم ڈبلیو ایم میں 7 نکاتی معاہدہ طے پا گیا

حکومت زائرین کے عراقی ویزے میں 60 دن تک توسیع کرائے گی، خصوصی رعایتی پروازوں کا انتظام کریگی،وزیر مملکت

قومی کرکٹر حیدر علی پاکستان شاہینز کے دورہ انگلینڈ کے دوران بڑی مشکل میں پھنس گئے،مانچسٹر پولیس نے ان کے خلاف ایک خاتون کی جانب سے مبینہ زیادتی کے الزام میں مجرمانہ تحقیقات کا آغاز کر دیا ہے۔ یہ واقعہ حال ہی میں پاکستان شاہینز کے دورہ انگلینڈ کے دوران پیش آیا، جس کی خبر ملتے ہی پاکستان کرکٹ بورڈ (پی سی بی) نے فوری کارروائی کرتے ہوئے حیدر علی کو عبوری طور پر معطل کر دیا ہے۔انگلش میڈیا رپورٹس کے مطابق ایک مقامی خاتون نے حیدر علی کے خلاف زیادتی کی شکایت درج کرائی، جس پر مانچسٹر پولیس نے حیدر علی کو حراست میں لیا اور بعد ازاں ضمانت پر رہا کر دیا۔ اس وقت حیدر علی کو برطانیہ چھوڑنے کی اجازت نہیں ہے اور انہیں دو ہفتے بعد دوبارہ تفتیش کے لیے طلب کیا گیا ہے۔اس سنگین معاملے پر پاکستان کرکٹ بورڈ (پی سی بی) نے فوری ردعمل دیتے ہوئے حیدر علی کو عبوری طور پر معطل کر دیا ہے۔ پی سی بی کے مطابق، یہ فیصلہ قانونی تحقیقات مکمل ہونے تک مؤثر رہے گا۔پی سی بی کے مطابق، حیدر علی کو قانونی حقوق کے تحفظ کے لیے مکمل قانونی معاونت فراہم کی جا رہی ہے تاکہ ان کے قانونی حقوق کا تحفظ یقینی بنایا جا سکے۔ بورڈ نے برطانیہ کے قانونی نظام اور تفتیشی عمل کا احترام کرتے ہوئے اس بات پر زور دیا ہے کہ تحقیقات کو مکمل ہونے دیا جائے۔ پی سی بی نے اس ضمن میں فیصلہ کیا ہے کہ تحقیقات مکمل ہونے تک حیدر علی کو فوری طور پر عبوری معطلی کا سامنا کرنا ہوگا۔قانونی کارروائی مکمل ہونے اور تمام حقائق سامنے آنے کے بعد، پی سی بی اپنے ضابطہ اخلاق کے تحت مناسب کارروائی کا حق محفوظ رکھتا ہے۔جب تک تحقیقات مکمل نہیں ہوتیں، پی سی بی اس معاملے پر مزید تبصرہ نہیں کرے گا۔یہ واقعہ نہ صرف قومی سطح پر بلکہ بین الاقوامی کرکٹ حلقوں میں بھی تشویش کا باعث بن گیا ہے، اور شائقین اس کیس کے تمام پہلوؤں پر گہری نظر رکھے ہوئے ہیں۔

خاتون سے مبینہ زیادتی کا الزام، پی سی بی نے کرکٹر حیدر علی کو معطل کر دیا

حیدر علی کیخلاف برطانیہ میں مجرمانہ تحقیقات کی جارہی ہیں، قانونی کارروائی مکمل ہونے کے بعد انضباطی کارروائی کرنے پر غور ہوگا، پی سی بی

الیکشن ہوئے مہینے گزر گئے، لیکن انصاف کا انتظار ابھی باقی ہے۔۔کیا آپ جانتے ہیں کہ آدھی سے زیادہ الیکشن درخواستیں ابھی بھی فیصلہ کی منتظر ہیں؟فافن کی نئی رپورٹ نے الیکشن ٹربیونلز کی کارکردگی کا پول کھول دیا۔فری اینڈ فیئر الیکشن نیٹ ورک (فافن) نے الیکشن ٹربیونلز کارکردگی پر آٹھویں رپورٹ جاری کردی، جس میں کہا گیا ہے کہ آدھی سے زیادہ الیکشن پٹیشنز ابھی تک زیر التوا ہیں۔فافن کی جانب سے جاری رپورٹ کے مطابق 21اپریل سے 31جولائی 2025کے دوران عام انتخابات 2024سے متعلق 35انتخابی درخواستوں پر ٹربیونلز نے فیصلے سنائے، ان فیصلوں کے بعد اب تک مجموعی طور پر 171درخواستوں کا فیصلہ ہو چکا ہے، جو ملک بھر میں قائم 23 ٹربیونلز کے زیر التوا کیسز کا 46 فیصد بنتا ہے۔فافن رپورٹ کے مطابق مجموعی طور پر 374انتخابی درخواستیں دائر ہوئیں، جن میں سے 124قومی اسمبلی کی نشستوں اور 250صوبائی اسمبلیوں کی نشستوں کے نتائج کو چیلنج کرنے سے متعلق ہیں۔رپورٹ میں بتایا گیاکہ اب تک قومی اسمبلی سے متعلق تقریبا 62 فیصد جبکہ صوبائی اسمبلیوں سے متعلق 50فیصد درخواستوں پر فیصلے نہیں ہوئے۔مزید کہا گیا کہ 35میں سے 28 درخواستوں پر فیصلے پنجاب میں ہوئے، سندھ اور خیبر پختونخوا میں 3،3جبکہ بلوچستان میں ایک درخواست پر فیصلہ ہوا۔پنجاب میں لاہور کے 4ٹربیونلز نے 15، بہاول پور ٹربیونل نے 9، راولپنڈی اور ملتان ٹربیونلز نے 2،2درخواستوں پر فیصلے سنائے جبکہ سندھ میں کراچی کے 2ٹربیونلز نے 3درخواستیں نمٹائیں۔اسی طرح، خیبر پختونخوا میں بنوں ٹربیونل نے 3کیسز پر فیصلے دیے جبکہ بلوچستان میں کوئٹہ ٹربیونل نے ایک درخواست پر فیصلہ سنایا۔فافن نے اپنی رپورٹ میں بتایاہے کہ اگرچہ پنجاب میں فیصلوں کی رفتار میں بہتری آئی ہے، لیکن باقی 3صوبوں میں اپریل 2025 کے بعد سے اس عمل میں واضح سست روی دیکھی جا رہی ہے۔ رپورٹ کے مطابق 23میں سے 12انتخابی ٹربیونلز نے 21اپریل 2025کے بعد سے اب تک کوئی بھی فیصلہ نہیں دیا۔رپورٹ کے مطابق بلوچستان میں3ٹربیونلز نے 52میں سے 44درخواستوں (85فیصد)پر فیصلے دئیے،پنجاب میں8ٹربیونلز نے 192میں سے 94درخواستوں (49فیصد)پر فیصلے کیے،خیبر پختونخوامیں6ٹربیونلز نے 43میں سے 12درخواستوں (28فیصد)کا فیصلہ سنایا،اسی طرح سندھ میں5ٹربیونلز نے 84میں سے صرف 21درخواستیں (25فیصد)نمٹائیں۔رپورٹ میں بتایا گیاہے کہ قومی اسمبلی کی 124انتخابی درخواستوں میں سے اب تک صرف 47(38فیصد) پر فیصلے ہو چکے ہیں، جن میں پنجاب سے 30، بلوچستان سے 9، سندھ سے 5اور خیبر پختونخوا سے 3شامل ہیں۔فافن نے بتایا کہ صوبائی اسمبلیوں سے متعلق 250درخواستوں میں سے 124(50فیصد)پر فیصلے سنائے جا چکے ہیں، جن میں پنجاب سے 64، بلوچستان سے 35، سندھ سے 16اور خیبر پختونخوا سے 9شامل ہیں۔

آدھی سے زیادہ الیکشن پٹیشنز ابھی تک زیر التوا ہیں، فافن نے رپورٹ جاری کردی

فافن کی نئی رپورٹ نے الیکشن ٹربیونلز کی کارکردگی کا پول کھول دیا، 374 میں سے صرف 171 درخواستوں پر فیصلے ہوئے

اسلام آباد (این این آئی)نیشنل الیکٹرک پاور ریگولیٹری اتھارٹی (نیپرا)نے کراچی سمیت ملک بھر کے لیے بجلی سستی کرنے کی منظوری دے دی، کمی کا اطلاق لائف لائن اور پری پیڈ صارفین پر نہیں ہوگا۔میڈیا رپورٹ کے مطابق کراچی سمیت ملک بھر کے بجلی صارفین کے لیے اچھی خبر ہے کہ نیپرا نے سہ ماہی ایڈجسٹمنٹ کے تحت بجلی 1.89 روپے فی یونٹ سستی کرنے کی منظوری دے دی ہے۔نیپرا نے بجلی کی قیمت میں کمی کافیصلہ وفاقی حکومت کو ارسال کردیا، جس میں کہا گیا ہے کہ قیمت میں کمی اپریل تا جون 2025 کی سہ ماہی ایڈجسٹمنٹ کی مد میں منظور کی گئی۔فیصلے میں کہا گیا کہ قیمت میں کمی کا اطلاق کے الیکڑک سمیت تمام ڈسکوز کے صارفین پر اور اگست تا اکتوبر 2025 کے لیے ہوگا۔نیپرا کے فیصلے کے مطابق بجلی صارفین کو کمی کا 55 ارب87 کروڑ 40لاکھ روپے کا ریلیف ملے گا۔دریں اثنا نیپرا نے جون 2025 کی ماہانہ ایڈجسٹمنٹ کی مد میں بھی بجلی 78 پیسے فی یونٹ سستی کرنے کا نوٹیفکیشن جاری کردیا۔نوٹیفکیشن کے مطابق جون 2025 کی ماہانہ ایڈجسٹمنٹ کی مد میں بجلی کراچی کے سوا باقی ملک کے لیے 78 پیسے فی یونٹ سستی کی گئی ہے۔نوٹیفکیشن میں کہا گیا کہ بجلی صارفین کو کمی کا ریلیف اگست کے بلوں میں ملے گا، جبکہ بجلی کی قیمت میں اس کمی کا اطلاق کے الیکڑک صارفین پر نہیں ہوگا۔نیپرا کے مطابق بجلی کی قیمت میں کمی کا اطلاق لائف لائن اور پری پیڈ صارفین پر نہیں ہوگا۔

بجلی صارفین کو ریلیف،کراچی سمیت ملک بھر کیلئے بجلی ایک روپیہ 89 پیسے فی یونٹ سستی

نیپرا نے بجلی سستی کرنے کی منظوری دیدی،کمی کا اطلاق لائف لائن اور پری پیڈ صارفین پر نہیں ہوگا

کیا عمران خان ایک کاغذصرف معافی لکھ کرجیل سے نکل سکتے ہیں؟وزیراعظم کے معاونِ خصوصی رانا احسان افضل نے دھماکہ خیز انکشاف کر دیا، پی ٹی آئی کے بانی اور سابق وزیرِاعظم عمران خان کو حکومت کی جانب سے ریلیف کی مشروط پیشکش سامنے آئی ہے۔ وزیراعظم کے معاون خصوصی برائے تجارت و صنعت، رانا احسان افضل نے ایک نجی ٹی وی پروگرام میں گفتگو کرتے ہوئے کہا کہ اگر عمران خان اپنے کیے گئے اقدامات پر پشیمانی کا اظہار کریں اور صدرِ مملکت کو تحریری معافی کی درخواست جمع کروائیں، تو ان کی سزا میں نرمی یا مکمل معافی دی جا سکتی ہے۔رانا احسان افضل نے واضح کیا کہ موجودہ حکومت کے پاس خود سے سزا ختم کرنے کا اختیار نہیں، لیکن پاکستان کے آئین کے تحت صدرِ مملکت کو معافی دینے کا آئینی حق حاصل ہے۔ انہوں نے مزید کہا کہ عدالت کی جانب سے دی گئی سزا کا خاتمہ صرف آئینی طریقہ کار اور معافی کی اپیل کے ذریعے ہی ممکن ہے، جو اس وقت تبھی ہو سکتی ہے جب مجرم ندامت کا مظاہرہ کرے۔رانا احسان افضل نے مزید کہا کہ 9 مئی کے واقعات اور دیگر قانونی معاملات اپنی جگہ موجود ہیں، تاہم سیاست میں بات چیت کے دروازے ہمیشہ کھلے رہنے چاہئیں۔ انہوں نے کہا کہ اختلافات کے باوجود سیاسی مفاہمت ممکن ہے، مگر بدقسمتی سے پی ٹی آئی واحد جماعت ہے جو مسلسل مکالمے سے انکاری ہے۔اس کے ساتھ ہی، پاکستان پیپلز پارٹی کے سیکریٹری جنرل نیر بخاری کا بیان بھی سامنے آیا ہے، جس میں انہوں نے کہا کہ ریاست کے پاس قانونی اور آئینی طور پر یہ اختیار موجود ہے کہ وہ کسی بھی فوجداری مقدمے کو ختم کرے یا سزا معاف کرے۔ ان کا کہنا تھا کہ صدرِ پاکستان کو یہ اختیار حاصل ہے کہ وہ معافی دے سکتے ہیں، لیکن یہ سب کچھ تبھی ممکن ہوگا جب سیاسی سطح پر بات چیت ہو گی۔نیر بخاری نے مزید کہا کہ اگر مذاکرات نہ ہوں تو اس طرح کے ریلیف کی کوئی راہ ممکن نہیں، کیونکہ قانونی ریلیف کا راستہ بھی سیاسی ہم آہنگی سے نکلتا ہے۔اُدھر پاکستان تحریک انصاف نے اپنے قائد کی رہائی کے لیے ملک گیر احتجاجی مہم کا آغاز کر دیا ہے۔ لاہور اور کراچی میں مظاہرے کیے گئے جہاں کئی کارکنوں کو حراست میں لے لیا گیا، جب کہ راولپنڈی اور اسلام آباد میں کوئی بڑا اجتماع منعقد نہ ہو سکا اور متعدد افراد، جن میں خواتین بھی شامل تھیں، گرفتار ہوئیں۔خیال رہے عمران خان، جو اگست 2023 سے اڈیالہ جیل میں قید ہیں، اس وقت 190 ملین پاؤنڈ کرپشن کیس میں سزا کاٹ رہے ہیں اور 9 مئی 2023 کے احتجاج سے متعلق دہشت گردی کے الزامات کا بھی سامنا کر رہے ہیں۔

معافی مانگیں تو معافی ممکن ہے ،حکومت کی عمران خان کو مشروط ریلیف کی پیشکش

اگرعمران خان صدر کو رحم کی اپیل جمع کرائیں تو میری رائے میں ان کی سزا بالکل معاف کی جا سکتی ہے،معاون خصوصی وزیراعظم

اسلام آباد (این این آئی)حکومت نے 5 سال میں 24 اداروں کی مرحلہ وار نجکاری کا فیصلہ کیا ہے، پہلے مرحلے میں ایک سال کے اندر پی آئی اے، روز ویلٹ ہوٹل اور فرسٹ وومن بینک سمیت 10 اداروں کی نجکاری کا عمل مکمل کیا جائے گا۔گزشتہ روز حکومت نے 24 سرکاری اداروں کی نجکاری کے لیے گزشتہ سال مرتب کی گئی فہرست قومی اسمبلی میں پیش کردی۔وزیر نجکاری عبدالعلیم خان کی جانب سے پیش کردہ تحریری جواب کے مطابق اداروں کی نجکاری 3 مراحل میں کی جائے گی، نجکاری پہلے مرحلے میں ایک سال کے اندر پی آئی اے، روز ویلٹ ہوٹل، فرسٹ وومن بینک سمیت 10 اداروں کی نجکاری کا عمل مکمل کیا جائے گا۔تحریری جواب کے مطابق ہائوس بلڈنگ فنانس کارپوریشن اور زرعی ترقیاتی بینک بھی نجکاری کے پہلے مرحلے کی فہرست میں شامل ہیں۔تحریری جواب میں بتایا گیا کہ دوسرے مرحلے میں 3 سال کے اندر 13 اداروں کی نجکاری کی جائے گی، جبکہ تیسرے مرحلے میں 5 سال کے اندر پوسٹل لائف انشورنس کمپنی کی نجکاری کا عمل مکمل کیا جائے گا۔عبدالعلیم خان نے بتایا کہ پہلے مرحلے میں آئیسکو سمیت 3 ڈسکوز کی نجکاری بھی کی جائے گی جبکہ دوسرے مرحلے میں اسٹیٹ لائف انشورنس، یوٹیلیٹی اسٹورز کارپوریشن اور 4 جینکوز کی نجکاری کی جائے گی، دوسرے مرحلے میں لیسکو سمیت 6 ڈسکوز کی بھی نجکاری کی جائے گی۔

حکومت کا ایک سال کے اندر پی آئی اے سمیت 10 اداروں کی نجکاری کا فیصلہ

پہلے مرحلے میں پی آئی اے، روز ویلٹ ہوٹل اور فرسٹ وومن بینک کی نجکاری کا عمل مکمل کیا جائے گا

چیئرمین پاکستان تحریک انصاف (پی ٹی آئی) بیرسٹر گوہر نے کہا ہے کہ ہمارے ارکان نے کروڑوں کی پیشکش ٹھکرا دی ،عمران خان کا ساتھ نہیں چھوڑیں گے ،پارلیمنٹ ہاؤس کے باہر میڈیا سے گفتگو کرتے ہوئے بیرسٹر گوہر کا کہنا تھا کہ ہمارے ارکان کو کروڑوں کی پیشکش ہوئی، مگر ہم نے انکار کیا،سب کچھ قربان کیا، لیکن کمپرومائز نہیں کیا، جن کے بچے، گھر، کاروبار سب متاثر ہوئے، وہ آج بھی پارٹی کے ساتھ کھڑے ہیں۔انہوں نے کہا کہ عمران خان کے ساتھ تھے، ہیں اور ہمیشہ رہیں گے۔بیرسٹر گوہر نے کہا کہ پچاس پچاس کیسز ایک ایک رکن پر ہیں وہ تو پہلے ہی قربانیاں دے رہے ہیں، ایک طرف قائمہ کمیٹیوں کی چیئرمین شپ، وزارت اور کیسز ختم کرنے کی پیشکش ہو، دوسری طرف کیسز ہیں اور مصیبتیں ہیں ارکان بھی دربدر ہیں۔بیرسٹر گوہر نے کہا کہ آج بھی ہمارے زیادہ تر کارکن کرائے کے گھروں میں رہ رہے ہیں۔ ہم بانی پی ٹی آئی کے ساتھ ہیں، تھے اور رہیں گے، ہمیں اپنے ارکان پر فخر ہے۔انہوں نے کہا کہ ضمنی الیکشن سے متعلق پہلے عمران خان کے ساتھ بات کریں گے، ہم اس پارلیمنٹ کا حصہ رہیں گے۔بیرسٹرگوہرکا کہنا تھا کہ کیسز ختم کرانے اور مراعات لینے والوں سے ہمارا راستہ الگ ہے، پارلیمنٹ کا میدان خالی نہیں چھوڑا، الیکشن ہم سے چرائے گئے، مگر ہم نے پھر بھی ہار نہیں مانی۔بیرسٹر گوہر نے مزید کہا کہ عمران خان سے ضرور ملاقات کروں گا، ہم نے مشکل راستہ چُنا، آسان آپشنز کو رد کیا ہے۔بیرسٹر گوہر نے کہا کہ پی ٹی آئی کا 5 اگست کا احتجاج مؤثر اور کامیاب تھا، ملک میں ہر ضلع میں لوگ بابر نکلے اور یکجہتی کا اظہار کیا۔

ہمارے ارکان نے کروڑوں کی پیشکش ٹھکرا دی ،عمران خان کا ساتھ نہیں چھوڑیں گے ، بیرسٹر گوہر

ہمارے لوگ تمام تر مشکلات کے باوجود عمران خان کے ساتھ کھڑے ہیں، بیرسٹر گوہر کی میڈیا سے گفتگو

ملک میں ماہ اگست میں یوم آزادی کے موقع پر ایک ساتھ 4 تعطیلات کا امکان پیدا ہوگیاہے۔کابینہ ڈویژن کے نوٹیفکیشن کے مطابق پاکستان میں 14 اگست کو یوم آزادی پر عام تعطیل ہوگی۔چہلم امام حسین جمعہ 15 اگست کو ہوگا، چہلم کی تعطیل وفاقی تعطیلات میں شامل نہیں ہے تاہم صوبائی سطح پر مقامی تعطیل کی صورت میں متعلقہ علاقوں میں چھٹی ہوگی۔ مخصوص علاقوں میں چہلم کی تعطیل کی صورت میں جمعرات 14 اگست، جمعہ 15 اگست، ہفتہ 16 اور اتوار 17 اگست کی تعطیلات یکجا ہوسکتی ہیں۔یاد رہےگزشتہ سال بھی راولپنڈی اور کراچی میں چہلم کے موقع پر عام تعطیل کا اعلان کیا گیا تھا۔حکام کی جانب سے یوم آزادی اور چہلم کے موقع پر امن و امان برقرار رکھنے کیلئے سکیورٹی کے سخت ترین انتظامات کی ہدایت کی گئی ہے۔

بڑی خوشخبری،ملک میں یوم آزادی کے موقع پر ایک ساتھ 4 تعطیلات کا امکان

یوم آزادی اور چہلم کے موقع پر امن و امان برقرار رکھنے کیلئے سکیورٹی کے سخت ترین انتظامات کی ہدایت کردی گئی

پاکستان کرکٹ ٹیم کے سابق کپتان اور لیجنڈری فاسٹ بولر وسیم اکرم نے ایشیا کپ 2025 کے لیے بابر اعظم کی ٹیم میں واپسی کا مطالبہ کر دیا ہے۔ نجی ٹی وی سے گفتگو کرتے ہوئے سوئنگ کے سلطان نے کہا کہ قومی ٹیم کو اس اہم ایونٹ میں ایک تجربہ کار اور ذمہ دار بیٹر کی اشد ضرورت ہے، اور بابر اعظم اس معیار پر پورا اترتے ہیں۔وسیم اکرم کا کہنا تھا کہ اگر فیصلہ میرے ہاتھ میں ہوتا تو میں بابر کو ٹیم میں ضرور شامل کرتا، کیونکہ ایشیا کپ کے بعد ورلڈ کپ جیسا بڑا ایونٹ بھی سامنے ہے۔ انہوں نے تجویز دی کہ بابر اعظم کو نمبر 3 پر بیٹنگ کرنی چاہیے، کیونکہ یہ پوزیشن ان کے لیے آئیڈیل ہے، تاہم فیصلہ کوچ اور ٹیم مینجمنٹ کو صورتحال کے مطابق کرنا چاہیے۔سابق کپتان نے بابر کی بیٹنگ صلاحیتوں کو سراہتے ہوئے یاد دلایا کہ 2019 میں جب وہ سمرسیٹ کی جانب سے کھیل رہے تھے تو انہوں نے 150 کے اسٹرائیک ریٹ سے دھواں دھار اننگز کھیلی تھیں۔ وسیم اکرم نے کہا کہ جب کسی بڑے میچ میں 140 یا 160 رنز کے ہدف کا تعاقب ہو رہا ہو تو ٹیم کو ایک ایسے بیٹر کی ضرورت ہوتی ہے جو ذمہ داری سے کھیلے اور ساتھی کھلاڑی کو بھی ساتھ لے کر چلے اور بابر اعظم ایسی صلاحیت رکھتے ہیں۔واضح رہے کہ بابر اعظم نے آخری بار دسمبر 2024 میں جنوبی افریقا کے خلاف ٹی20 میچ کھیلا تھا، اس کے بعد ان کے اسٹرائیک ریٹ پر تنقید کے باعث انہیں ٹیم سے باہر کر دیا گیا۔ تاہم فخر زمان کی حالیہ انجری کے بعد کرکٹ حلقوں میں بابر کی واپسی کے مطالبات زور پکڑتے جا رہے ہیں، اور اب وسیم اکرم بھی ان آوازوں میں شامل ہو چکے ہیں۔

بابر اعظم کی واپسی کا وقت آ گیا، وسیم اکرم نے پی سی بی سے بڑا مطالبہ کردیا

فخر زمان کی انجری کے بعد سینئر بیٹر بابراعظم کی واپسی کی بازگشت، وسیم اکرم بھی میدان میں آ گئے

اسلام آباد(این این آئی)اسلام آباد میں میں باجے بیچنے والوں کا باجا بجا دیا جائے گا،یوم آزادی 14 اگست سے قبل اسلام آباد میں باجوں کی فروخت اور استعمال پر پابندی عائد کردی گئی ہے۔پاکستان میں کسی بھی خوشی کے موقع پر اس کے جشن منانے کا انداز اس قدر شدید ہوتا ہے کہ لوگ کسی قسم کی حدود و قیود کا خیال نہیں رکھتے اور وہ جشن لوگوں کیلئے تکلیف کا باعث بن جاتا ہے۔ہر سال کی طرح اس سال بھی یوم آزادی ملی جوش و جذبے سے منایا جائے گا، لیکن اس بار وفاقی دارالحکومت اسلام آباد میں کسی قسم کے باجوں، شرارت یا بدتہذیبی کو برداشت نہیں کیا جائے گا۔ضلعی انتظامیہ اسلام آبادنے تمام اسٹالز سے باجے قبضے میں لینے کا فیصلہ کرتے ہوئے باجوں کی فروخت اور استعمال پر پابندی عائد کر دی ہے۔ڈی سی اسلام آباد کی جانب سے تمام اسسٹنٹ کمشنرز اور مجسٹریٹس کو ہدایات جاری کر دی گئیں ہیں کہ تمام افسران فی الفور فیلڈ میں نکلیں اور باجے فروخت کرنیوالوں کے خلاف کاروائیاں یقینی بنائیں، جس ایریا کے اسٹالز سے باجے برآمد ہوئے متعلقہ افسر ذمہ دار ہوگا،باجوں کے خلاف کاروائیاں یوم آزادی تک یومیہ بنیادوں پر کی جائیں، ڈی سی اسلام آباد نے ہدایت کی ہے کہ پابندی کی خلاف ورزی کرنے والوں کے خلاف سخت کاروائیاں کی جائیں۔

اسلام آباد میں باجوں کی فروخت اور استعمال پر پابندی عائد کر دی گئی

جس علاقے کے اسٹالز سے باجے برآمد ہوئے متعلقہ افسر ذمہ دار ہوگا، ڈی سی اسلام آباد

Pakistan’s ODI squad began preparations with an optional training session at the Brian Lara Cricket Academy

Pakistan Squad Trains Ahead of First ODI vs West Indies in Trinidad

Pakistan&rsquo;s ODI squad began preparations with an optional training session at the Brian Lara Cricket Academy, under the supervision of head coach Mike Hesson and his staff. The 15-member squad, which arrived on Tuesday from Florida, took part in a focused three-hour drill session featuring batting nets, bowling routines, and intensive fielding practice.&nbsp;

Adobe footwork, throwing drills, and catching work featured prominently in the session ahead of the series opener on 8 August. The team is set to resume full training at 1:30 PM local time on Thursday.

<h2>Match Details: ODI Series Schedule</h2>

<ul>
	<li>1st ODI: 8 August &ndash; Brian Lara Cricket Academy 
	&nbsp;</li>
	<li>2nd ODI: 10 August 
	&nbsp;</li>
	<li>3rd ODI: 12 August</li>
</ul>

All three matches will be played at the Brian Lara Cricket Academy, Trinidad &amp; Tobago.

<h2>Squad Composition</h2>

<ul>
	<li>Captain &amp; Leaders: Mohammad Rizwan (c), Salman Ali Agha (vc)</li>
	<li>Batters: Babar Azam, Abdullah Shafique, Saim Ayub, Hussain Talat, Fakhar Zaman (now&nbsp; ruled out due to hamstring injury)</li>
	<li>Wicketkeeper: Mohammad Haris</li>
	<li>All-Rounders: Faheem Ashraf, Mohammad Nawaz, Hasan Nawaz</li>
	<li>Bowlers: Shaheen Afridi, Naseem Shah, Abrar Ahmed, Hasan Ali, Sufiyan Muqeem</li>
</ul>

Note: Fakhar Zaman was ruled out of the remaining West Indies tour with a hamstring strain and will undergo rehabilitation. Replacement discussions are underway.

Pakistan Squad Trains Ahead of First ODI vs West Indies in Trinidad

Match Details: ODI Series Schedule

Squad Composition

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan