Cricket

Entertainment

Football

وزیراعظم شہبازشریف نے سعودی ولی عہد محمد بن سلمان سے ملاقات کی ہے۔سعودی میڈیا کے مطابق وزیر اعظم اور سعودی ولی عہد کی ملاقات منیٰ میں ہوئی جس میں نائب وزیراعظم اسحاق ڈار اور فیلڈ مارشل سید عاصم منیر بھی موجود تھے۔سعودی میڈیا نے بتایاکہ دونوں رہنماؤں نے ایک دوسرے کو عید کی مبارک باد دی۔ملاقات میں دونوں ملکوں کے دیرینہ تعلقات اور مختلف شعبوں میں تعاون مضبوط بنانے پر بات چیت کی۔علاوہ ازیں وزیر اعظم نے شاہی دیوان میں ولی عہد و وزیرِ اعظم سعودی عرب شہزادہ محمد بن سلمان بن عبدالعزیز آل سعود کی جانب سے دئیے گئے خصوصی ظہرانے میں بطور مہمانِ خاص شرکت کی ،ولی عہد سعودی عرب نے وزیرِ اعظم کا خصوصی استقبال کیا اور خود گاڑی چلا کر وزیرِ اعظم کو ظہرانے میں شرکت کیلئے لے کر گئے،ظہرانے میں سعودی ولی عہد نے وزیرِ اعظم محمد شہباز شریف کا بھرپور استقبال کیا اور دونوں رہنماؤں کے مابین غیر رسمی گفتگو ہوئی،ظہرانے میں مشرق وسطی کے اہم رہنماؤں سمیت سعودی کابینہ کے ارکان اور اعلی سعودی سول و عسکری قیادت شریک تھے،وزیرِ اعظم نے سعودی ولی عہد کی جانب سے شاندار استقبال اور ظہرانے میں بطور مہمان خاص شرکت کی، پاکستان و سعودی عرب کے دیرنہ برادرانہ تعلقات اور وزیرِ اعظم کی قیادت میں پاکستان کی سفارتی کامیابیوں کا مظہر ہے۔وزیراعظم آفس سے جاری کردہ اعلامیے کے مطابق وزیراعظم شہباز شریف اور ولی عہد محمد بن سلمان کے وفود کے ہمراہ تفصیلی ملاقات میں پاکستان اور مملکت سعودی عرب کے درمیان گہرے، اسٹریٹجک اور برادرانہ تعلقات کا اعادہ کیا گیا۔وزیراعظم نے پاک بھارت کشیدگی کے دوران مملکت کے فعال کردار اور امن و استحکام کو فروغ دینے کو سراہا اور کہا کہ جنوبی ایشیا میں پائیدار امن صرف بات چیت کے ذریعے ہی ممکن ہے۔دونوں رہنماوٴں نے غزہ کی سنگین انسانی صورتحال پر بات چیت کی اور بین الاقوامی برادری پر اخلاقی اور قانونی ذمہ داریوں کو پورا کرنے پر زور دیا، مسئلہ فلسطین کے منصفانہ اور پائیدار حل کے لیے اپنی غیر متزلزل حمایت کا اعادہ کیا۔وزیر اعظم شہباز شریف نے سیاسی، اقتصادی اور سیکیورٹی کے شعبوں میں دوطرفہ تعاون کی بڑھتی ہوئی رفتار پر اطمینان کا اظہار کیا۔ دونوں رہنماوٴں نے عوام کی امنگوں کے مطابق اسٹریٹجک شراکت داری کو مزید بلند کرنے پر اتفاق کیا۔سعودی ولی عہد نے وزیراعظم کی جلد ازجلد پاکستان کا سرکاری دورہ کرنے کی دعوت قبول کرلی۔بعدازاں وزیرِاعظم وفد کے ہمراہ واپس وطن روانہ ہوگئے۔

وزیراعظم کی سعودی ولی عہد سے ملاقات، ایک دوسرے کو عید کی مبارکباد دی

سعودی ولی عہد نے وزیرِ اعظم کا خصوصی استقبال کیا اور خود گاڑی چلا کر وزیرِ اعظم کو ظہرانے میں شرکت کیلئے لے کر گئے

ممبئی (این این آئی)انڈین پریمیئر لیگ (آئی پی ایل) میں رائل چیلنجرز بنگلور (آر سی بی) کی جیت کے جشن میں بھگڈر سے ہلاکتوں کے معاملے پرپولیس نے فرنچائز کے ملازمین کو گرفتار کر لیا۔دو روز قبل آئی پی ایل میں رائل چیلنجرز بنگلور (آر سی بی) کی پہلی بار فتح کا جشن منانے کے دوران ریاست کرناٹک کے شہر بنگلور میں 2 مختلف مقامات پر بھگدڑ مچنے سے کم از کم 11 افراد ہلاک جبکہ متعدد زخمی ہوگئے تھے۔میڈیا رپورٹس کے مطابق  بھگڈر مچنے سے ہلاکتوں کے معاملے پر بنگلورو پولیس نے رائل چیلنجرز بنگلور کے ملازمین کو گرفتار کر لیا۔گرفتار ملازمین آر سی بی کے ہیڈ آف مارکیٹنگ اینڈ ریونیو سمیت ایک انٹرٹینمنٹ نیٹ ورک کے دو اعلیٰ عہدیدار بھی شامل ہیں، جن کی گرفتاری کیلئے کرناٹکا کے وزیر اعلیٰ نے احکامات جاری کیے تھے۔دوسری جانب کرناٹکا کے وزیر اعلیٰ نے کئی پولیس اہلکاروں کو بھی معطل کرنے کے احکامات جاری کیے تھے، مزید برآں واقعے کی اعلیٰ سطحی تحقیقات بھی کرائی جا رہی ہیں۔

رائل چیلنجرز کی جیت کے جشن میں بھگڈر سے 11 افراد کی ہلاکت، فرنچائز کے کئی ملازمین گرفتار

ایف آئی آر میں ایونٹ مینجمنٹ کمپنی اور کرناٹکا اسٹیٹ کرکٹ ایسوسی ایشن کی انتظامی کمیٹی بھی نامزد

وزیراعظم شہباز شریف، فیلڈ مارشل عاصم منیر نے عمرہ کی سعادت حاصل کر لی۔ شہباز شریف اور فیلڈ مارشل سید عاصم منیر نے وفد کے ہمراہ خانہ کعبہ میں نوافل ادا کیے اور بنیان مرصوص کی عظیم فتح پر اللہ تعالیٰ کا شکر ادا کیا ہے۔وزیرِ اعظم آفس کی جانب سے جاری بیان کے مطابق شہباز شریف اور فیلڈ مارشل سید عاصم منیر نے وفد کے ہمراہ ولیِ عہد شہزادہ محمد بن سلمان کی خصوصی دعوت پر سعودی عرب کا دورہ کیا۔ بیان کے مطابق وزیراعظم اور پاکستانی وفد سعودی ولیِ عہد اور وزیرِ اعظم محمد بن سلمان کی خصوصی دعوت پر سعودی عرب کے دورے پر ہیں جہاں انہوں نے جمعرات اور جمعہ کی درمیانی شب عمرہ کی ادائیگی کی۔ پاکستانی وفد کے لیے خانہ کعبہ کے دروازہ خصوصی طور پر کھولا گیا، وزیراعظم اور آرمی چیف نے وفد کے ہمراہ خانہ کعبہ میں نوافل ادا کیے اور بنیان مرصوص کی عظیم فتح پر اللہ تعالیٰ کا شکرانہ ادا کیا۔بیان میں بتایا گیا کہ وزیر اعظم اور  فیلڈ مارشل نے وفد کے ہمراہ  پاکستان کی معاشی میدان اور عوامی فلاح کیلئے اقدامات کے حوالے سے حالیہ کامیابیوں پر اللہ رب العزت کا شکر ادا کرتے ہوئے ملکی ترقی و خوشحالی کے ساتھ ساتھ امت مسلمہ بالخصوص ظلم و جبر کے شکار کشمیری و فلسطینی مسلمان بہن بھائیوں کیلئے خصوصی دعائیں کیں۔نائب وزیرِ اعظم و وزیرِ خارجہ محمد اسحاق ڈار، وزیرِ داخلہ سید محسن رضا نقوی اور وزیرِ اطلاعات و نشریات عطاء اللہ تارڑ بھی وزیرِاعظم کے ہمراہ تھے۔

وزیراعظم شہباز شریف، فیلڈ مارشل عاصم منیر نے عمرہ کی سعادت حاصل کر لی

دونوں رہنمائوں کیلئے خانہ کعبہ کا دروازہ خصوصی طور پر کھولا گیا ، نوافل کی ادائیگی ، ملکی ترقی کیلئے دعائیں

کراچی میں دفعہ 144 کے تحت سمندر میں نہانے پر پابندی عائد کردی گئی۔تفصیلات کے مطابق دفعہ 144 کے تحت سمندر میں نہانے پر پابندی عائد کرکے نوٹیفکیشن جاری کر دیا گیا۔جاری کردہ نوٹیفکیشن کے مطابق پابندی سمندر میں تغیانی اور اونچی لہروں کے باعث لگائی گئی ہے۔نوٹیفکیشن کے مطابق سمندر میں نہانے پر پابندی 6 سے 13 جون تک لگائی گئی ہے۔

کراچی میں عیدالاضحی کے موقع پر دفعہ 144 کے تحت سمندر میں نہانے پر پابندی

جاری کردہ نوٹیفکیشن کے مطابق پابندی سمندر میں تغیانی اور اونچی لہروں کے باعث لگائی گئی ہے

خیبر پختونخوا میں کئی مقامات پر افغان مہاجرین آج عیدالاضحی منا رہے ہیں، بوہری برادری بھی آج عید قرباں منا رہی ہے، کراچی میں بوہرہ برادری نے نماز عید ادا کی اور اس کے بعد جانوروں کی قربانی کی۔تفصیلات کے مطابق کراچی میں بوہرہ برادری نے جمعہ کو عید الاضحی مذہبی جوش و جذبے سے منائی۔کراچی میں طاہری مسجد میں بوہرہ برادری کا نماز عید کا بڑا اجتماع ہوا، نماز عید میں ملک وقوم کے لیے خصوصی دعائیں کی گئیں۔ نماز عید کے بعد ایک دوسرے کو مبارک باد دی گئی۔ نماز کے دیگر اجتماعات صدر، پاکستان چوک، حیدری، بلوچ کالونی سمیت مختلف علاقوں میں ہوئے۔نماز عید کے بعد بوہرہ برادری نے سنت ابراہیمی پر عمل کرتے ہوئے جانوروں کی قربانی کی۔نماز عید کے موقع پر سیکیورٹی کے سخت انتظامات کیے گئے تھے۔دوسری جانب پشاور سمیت خیبر پختونخوا کے کئی مقامات پر افغان مہاجرین بھی آج عید الاضحی منا رہے ہیں، جہاں انہوں نے نماز عید ادا کی ہے، حیات آباد، بورڈ بازار، کارخانو مارکیٹ، شمشتو کیمپ، ناصر باغ میں نماز عید الاضحی ادا کی گئی۔

کراچی میں بوہرہ برادری نے آج عید الاضحی مذہبی جوش و جذبے سے منائی

نماز عید کے بعد بوہرہ برادری نے سنت ابراہیمی پر عمل کرتے ہوئے جانوروں کی قربانی کی

شہر قائد میں آج صبح بھی زمین لرزنے کا سلسلہ جاری رہا جس کے بعد چھ روز میں آنے والے زلزلوں کی تعداد 32 تک پہنچ گئی۔تفصیلات کے مطابق شہر قائد کراچی میں آج بھی زلزلے کے 2 جھٹکے محسوس کیے گئے ہیں جس کے بعد کراچی میںپچھلے ہفتے سے آنے والے زلزلوں کی مجموعی تعداد 32 ہوگئی ہے۔چیف میٹرولوجسٹ امیر حیدر لغاری نے کہا ہے کہ کراچی میں یکم جون سے اب تک زلزلے کے 32 جھٹکے رپورٹ ہوئے ہیں، زلزلے کے یہ تمام جھٹکے معمولی شدت کے تھے، زلزلے کی کم سے کم شدت 1.5 اور زیادہ شدت 3.6 ریکارڈ ہوئی۔امیر حیدر لغاری نے میڈیا سے گفتگو کے دوران کہا ہے کہ زلزلے کا آخری جھٹکا صبح 8 بج کر 32 منٹ پر 1.5شدت کا ریکارڈ کیا گیا، زلزلوں کے جھٹکوں کی گہرائی 2 کلو میٹر سے 188 کلو میٹر تک تھی۔ انہوں نے مزید کہا کہ زلزلےکے جھٹکے قائدآباد، گڈاپ، ملیر، ڈی ایچ اے اور کورنگی سے رپورٹ ہو رہے ہیں۔

شہر قائد کراچی میں آج بھی زلزلے کے 2 جھٹکے محسوس کیے گئے

کراچی میںپچھلے ہفتے سے آنے والے زلزلوں کی مجموعی تعداد 32 ہوگئی ہے

سعودی عرب سمیت دنیا کے بیشتر مسلم ممالک میں آج عید الاضحی مذہی جوش و خروش سےمنائی جا رہی ہے۔سعودی عرب کے علاوہ متحدہ عرب امارات، قطر، کویت، ترکی، شام، اردن، عمان اور عراق میں بھی آج ہی عید الاضحی منائی جا رہی ہے جبکہ برطانیہ، امریکہ، کینیڈا اور آسٹریلیا میں مقیم مسلمان بھی آج ہی کے دن عیدِ قربان منا رہے ہیں۔ مسجد الحرام اور مسجد نبوی میں نماز عید کے روح پرور اجتماعات ہوئے ہیں، امت مسلمہ کے اتحاد اور فلسطین کی آزادی کے لیے خصوصی دعائیں مانگی گئیں۔حجاج کرام سنت ابراہیمی کی ادائیگی میں مصروف ہیں۔مکہ مکرمہ کی مسجد الحرام اور مدینہ منورہ کی مسجد نبویﷺ  میں نمازِ عید کے روح پرور اجتماعات منعقد ہوئے جن میں لاکھوں فرزندانِ توحید نے شرکت کی۔مسجدالحرام میں امام مسجدِ حرم الشیخ ماہر المعیقلی نے نماز عید کی امامت کی اور خطبہ دیا،دوسری جانب لاکھوں حجاج آج مناسک حج کے اگلے مرحلے کے لیے مذدلفہ سے منیٰ پہنچے، جہاں حجاج جمرہ عقبہ (بڑے شیطان) کی رمی میں مصروف ہیں۔حج کے تیسرے اور آخری مرحلے میں بڑے شیطان کو کنکریاں مارنے کا سلسلہ جاری ہے، لاکھوں حجاج رمی اور قربانی کرنے کے بعد سر منڈوا کر احرام کھول دیں گے۔ طوافِ زیارت کےلیے عام لباس میں مسجد الحرام جائیں گے، عام لباس میں ہی سعی کریں گے۔ حجاج کرام 11 اور 12 ذوالحجہ کو بھی منیٰ میں قیام کریں گے اور تینوں شیطانوں کی رمی کرینگے۔

سعودی عرب سمیت خلیجی ممالک میں آج عیدالاضحی مذہبی جوش وخروش سے منائی جارہی ہے

مسجد الحرام، مسجد نبویﷺ میں نماز عید کے بڑے اجتماعات،اُمت مسلمہ کے اتحاد اور کیلئے خصوصی دعائیں مانگی گئیں

وزیراعظم شہباز شریف سعودی ولی عہد شہزادہ محمد بن سلمان کی دعوت پر دو روزہ دورے پر سعودی عرب پہنچ گئے۔جدہ کے گورنر شہزادہ سعود بن عبداللہ سمیت دیگر اعلیٰ حکام نے وزیر اعظم کا پرتپاک استقبال کیا جبکہ شہباز شریف کے ہمراہ ایک اعلیٰ سطحی وفد بھی موجود ہے۔اعلامیے کے مطابق  وزیرِ اعظم ولی عہد شہزادہ محمد بن سلمان کی دعوت پر سعودی عرب پہنچے ہیں، وزیراعظم کے ہمراہ اعلیٰ سطح وفد بھی موجود ہے۔وزیراعظم شہباز شریف عید الاضحی سعودی عرب میں منائیں گے اور اسی دن سعودی ولی عہد شہزادہ محمد بن سلمان سے ملاقات کریں گے۔ملاقات میں دوطرفہ تعلقات، تجارت، سرمایہ کاری، امت مسلمہ کی فلاح و بہبود، اور علاقائی امن و سلامتی کے امور پر تبادلہ خیال کیا جائے گا۔وزیراعظم پاک، بھارت کشیدگی کم کرنے میں سعودی قیادت کے کردار پر شکریہ ادا کریں گے۔

وزیراعظم 2 روزہ دورے پر سعودی عرب پہنچ گئے، عید وہیں منائیں گے

وزیراعظم شہباز شریف حالیہ پاک بھارت تنازع کو کم کرنے میں تعمیری کردار پر سعودی قیادت کا شکریہ بھی ادا کریں گے

دفتر خارجہ نے شملہ معاہدے کی منسوخی کی قیاس آرائیوں کی تردید کر دی۔ پاکستان اور بھارت کے درمیان جاری کشیدگی کے تناظر میں دفتر خارجہ نے واضح موقف اختیار کرتے ہوئے کہا ہے کہ پاکستان نے بھارت کے ساتھ طے پانے والے کسی بھی دوطرفہ معاہدے کی منسوخی کا نہ تو کوئی حتمی فیصلہ کیا ہے اور نہ ہی اس حوالے سے باضابطہ کوئی قدم اٹھایا گیا ہے۔واضح رہے کہ وزیردفاع خواجہ آصف نے بھارت کے ساتھ حالیہ کشیدگی کے دوران بھارتی حکام کے بیانات کے تناظر میں ایک انٹرویو کے دوران کہا تھا کہ شملہ معاہدہ ختم ہوچکا ہے اور اب کنٹرول لائن سیز فائر لائن ہے۔سیزفائر لائن کے بعد ہم واپس 1948 والی پوزیشن پر آگئے ہیں۔ وفاقی وزیر نے کہا تھا کہ 1948 کے بعد رائے شماری سے متعلق جو ہوا اس کے بعد یہ سیزفائر لائن ہے اور بھارت کے اقدامات کی وجہ سے شملہ معاہدے کی حیثیت اب ختم ہوچکی ہے۔

قیاس آرائیاں بے بنیاد ہیں،دفترخارجہ نے بھارت کےساتھ شملہ معاہدہ منسوخی کی تردید کردی

خواجہ آصف نے کہا تھا کہ بھارت کے ساتھ شملہ معاہدہ فارغ ہوگیا اور ہم 1948 والی پوزیشن پر واپس آگئے ہیں

وزیراعلیٰ خیبرپختونخوا علی امین گنڈا پور نے کہا ہے کہ پارٹی کے لیڈر کو ناحق جیل میں رکھنا زیادتی ہے، ہمیں ان کے ساتھ بیٹھ کر بات کرنے کی اجازت نہیں دی جارہی، 26 ویں ترمیم کے بعد عدلیہ سے کوئی امید نہیں، عدلیہ آزاد ہو تو آزاد فیصلے ہوں گے، اسلام کے نام پر بننے والے ملک میں انصاف کہیں نظر نہیں آرہا، بشریٰ بی بی کو 14ماہ سے نظر بند کر کے رکھا گیا ہے، ہمارے پاس آئینی راستہ ہے وہ احتجاج کا راستہ ہے، اپنا حق حاصل کرنے کیلئے تحریک طرف جائیں گے۔وزیراعلیٰ کے پی علی امین گنڈا پور نے بانی پی ٹی آئی سے اڈیالہ جیل میں ملاقات کے بعد جیل کے باہر میڈیا سے گفتگو میں کہا کہ میری بانی سے تفصیلی ملاقات ہوئی ہے، ہمارا بجٹ آنے والا ہے اس حوالے سے معاشی ٹیم کی ملاقات بجٹ سے پہلے کرائیں گے، اگر ملاقات نہیں کرائی گئی تو پھر لائحہ عمل طے کریں گے۔انہوں نے کہا کہ ہماری صوبے میں حکومت ہے بانی کی ان پٹ بجٹ لازمی ہے، بانی نے فنڈز انسانی فلاح پر لگانے کا حکم دیا ہے، ہم نے ویلفیئر پر کام کرنا ہے جو علاقے پیچھے رہ گئے ہیں ان کو اوپر لانا ہے۔ علی امین گنڈاپور نے کہا کہ ہمیں کچھ نظر نہیں آرہا ہم احتجاج کا حق رکھتے ہیں، پاکستان کے لیڈر کو جیل میں رکھا گیا ہے، ہم نے تحریک سڑکوں پر چلانی ہے، اس کو ہم حاصل کرکے رہیں گے۔انہوں نے کہا کہ بانی کو اپنے لوگوں پر فخر ہے، قوم کھڑی ہے، لوگوں سے پارٹیاں چھڑوائی جس طرح ووٹ ملا اس سے ثابت ہوگیا قوم جاگ چکی ہے، انہوں نے ہمیں گولیاں ماری جو دنیا کی تاریخ میں کبھی نہیں ہوا، ہم نے کوشش کرنی ہے فیصلہ عوام کریں گے۔ان کا کہنا تھا کہ اس ملک پر قبضہ کرنے والے اس ملک کو تباہ کررہے ہیں، ہمارے ملک کے بجٹ کی شروعات قرضوں سے ہوتی ہے، اگر قرضوں پر گھر چلا تو اس کا سودا کردیں گے۔

عدلیہ سے کوئی امید نہیں رہی، اب احتجاج کا آئینی راستہ استعمال کرینگے، وزیراعلیٰ خیبرپختونخوا

پارٹی کے لیڈر کو ناحق جیل میں رکھنا زیادتی ہے، وزیراعلیٰ خیبرپختونخوا کی اڈیالہ جیل کے باہر گفتگو

نئی دہلی سے خبر ہے کہ بھارت اور میانمار کی سرحد پر ایک نئی ریاست زوگام کے قیام کی تحریک نے زور پکڑ لیا ہے،بھارت اور میانمار کی سرحد پر ایک نئی ریاست زوگام کے قیام کی کوششوں نے خطے میں سنسنی پھیلا دی ہے۔تفصیلات کے مطابق بھارت، میانمار اور بنگلہ دیش کے سرحدی علاقوں میں ایک نئی ریاست کے قیام کی بازگشت سنائی دے رہی ہے۔ اس مجوزہ ریاست کا نام ’’زوگام‘‘ ہے، جسے زو، کوکی، چن اور دیگر مسیحی قبائل آباد کرنا چاہتے ہیں۔زوگام کا تصور کوئی نیا نہیں، بلکہ 1988 میں پیش کیا گیا تھا۔ تاہم حالیہ دنوں میں بھارت کی ریاست منی پور میں ہونے والے نسلی فسادات کے بعد اس تحریک کو نئی جان ملی ہے۔ زو کمیونٹی کا کہنا ہے کہ انہیں اپنی شناخت، تحفظ اور خودمختاری چاہیے۔ادھر بنگلہ دیش کی وزیر اعظم شیخ حسینہ کا انکشاف تہلکہ خیز ہے۔ ان کے مطابق ایک سفید فام شخص نے ان سے کہا تھا کہ اگر وہ بنگلہ دیش میں ایک فوجی اڈے کی اجازت دیں، تو انہیں انتخابی مدد دی جائے گی۔ اس انکشاف نے شکوک و شبہات کو جنم دیا ہے کہ کہیں یہ ایک بڑی عالمی سازش تو نہیں؟بھارت میں بھی سیاسی درجہ حرارت بڑھ چکا ہے۔ فری موومنٹ ریجیم کو ختم کر کے سرحد پر باڑ لگانے کا فیصلہ کیا گیا ہے، جس پر میزورم کی حکومت اور زو تنظیموں نے اعتراضات اٹھائے ہیں۔کیا زوگام ایک نیا ملک بننے جا رہا ہے؟ یا یہ صرف ایک سیاسی چال ہے؟ اس سوال کا جواب آنے والا وقت ہی دے گا، لیکن شمال مشرقی بھارت میں حالات یقینی طور پر بدل رہے ہیں۔

بھارت کی سرحد پر ایک نئی ریاست؟ زوگام تحریک اور خطے میں ابھرتا ہوا تنازعہ

بھارت اور میانمار کی سرحد پر نئی ریاست زوگام کے قیام کی کوششیں، خطے میں کشیدگی بڑھنے لگی

وفاقی ادارہ شماریات نے جانور شماری کے اعداد وشمار جاری کردیے ہیں، جس کے مطابق ملک میں گدھوں کی تعداد مزید بڑھ گئی ہے اور اسی طرح دیگر جانوروں کی تعداد میں بھی اضافہ ہوا ہے۔تفصیلات کے مطابق ملک میں گدھوں سمیت دیگر مویشیوں کی تعداد میں اضافہ ہوگیا، گدھوں کی تعداد ایک لاکھ 9 ہزار اضافے سے 60 لاکھ 47 ہزار ہوگئی۔مویشیوں کی مجموعی تعداد میں 21 لاکھ 71 ہزار کا اضافہ ہوا، جس کے بعد ان کی کل تعداد 5 کروڑ 75 لاکھ 40 ہزار سے بڑھ کر 5 کروڑ 97 لاکھ 11 ہزار پر پہنچ گئی۔سرکاری دستاویزات کے مطابق ملک میں ایک سال کے دوران گدھوں اور مختلف مویشیوں کی تعداد میں اضافہ دیکھنے میں آیا ہے۔گدھوں کی تعداد میں ایک لاکھ 9 ہزار کا اضافہ ہوا، جس کے بعد ان کی مجموعی تعداد 59 لاکھ 38 ہزار سے بڑھ کر 60 لاکھ 47 ہزار ہوگئی۔اسی عرصے کے دوران بھینسوں کی تعداد میں 13 لاکھ 78 ہزار کا اضافہ ریکارڈ کیا گیا ہے، جس کے بعد بھینسوں کی مجموعی تعداد 4 کروڑ 63 لاکھ 10 ہزار سے بڑھ کر 4 کروڑ 76 لاکھ 88 ہزار ہو گئی۔دستاویزات کے مطابق بھیڑوں کی تعداد 3 لاکھ 88 ہزار بڑھ کر 3 کروڑ 31 لاکھ 19 ہزار ہو گئی، اسی طرح بکریوں کی تعداد میں 23 لاکھ 58 ہزار کا اضافہ دیکھا گیا ہے، جس کے بعد ان کی کل تعداد 8 کروڑ 93 لاکھ 93 ہزار تک جا پہنچی۔اسی عرصے کے دوران اونٹوں کی تعداد میں 14 ہزار کا اضافہ ہوا اور اب ان کی تعداد 11 لاکھ 63 ہزار سے بڑھ کر 11 لاکھ 77 ہزار ہو چکی ہے۔دستاویزات سے مزید پتا چلتا ہے کہ گھوڑوں کی تعداد میں ایک ہزار اور خچروں کی تعداد میں تین ہزار کا اضافہ ہوا، جس کے بعد گھوڑوں کی تعداد 3 لاکھ 83 ہزار اور خچروں کی تعداد 2 لاکھ 27 ہزار ریکارڈ کی گئی۔دستاویزات کے مطابق ایک سال کے دوران مویشیوں کی مجموعی تعداد میں 21 لاکھ 71 ہزار کا اضافہ ہوا، جس کے بعد ان کی کل تعداد 5 کروڑ 75 لاکھ 40 ہزار سے بڑھ کر 5 کروڑ 97 لاکھ 11 ہزار پر پہنچ گئی۔

پاکستان میں گدھوں کی تعدادبڑھ گئی،جانور شماری کے دلچسپ اعداد و شمار جاری

ایک سال میں مویشیوں کی تعداد میں 21 لاکھ 71 ہزار کا اضافہ ہوا، وفاقی ادارہ شماریات

انٹرنیشنل کرکٹ کونسل (آئی سی سی) نے ٹی ٹوئنٹی پلیئرز کی رینکنگ جاری کردی۔آئی سی سی پلیئرز رینکنگ کی ٹاپ ٹین میں پاکستان کا کوئی کھلاڑی شامل نہیں ہے۔آئی سی سی ٹی ٹوئنٹی پلیئرز کی رینکنگ میں آسٹریلیا کے ٹریوس ہیڈ پہلے نمبر پر ہیں جب کہ بھارت کے ابھیشیک شرما کا دوسرا اور انگلش بیٹر فل سالٹ کا تیسرا نمبر ہے۔پاکستان کے سابق کپتان بابراعظم تین درجے تنزلی کے باعث 12 ویں نمبر پر چلے گئے ہیں اور محمد رضوان ایک درجہ تنزلی کے باعث 13 ویں نمبر پر پہنچ گئے ہیں۔وکٹ کیپر بیٹر محمد حارث 210 درجہ اونچی چھلانگ کی بدولت اب 30ویں نمبر پر آگئے ہیں ، حسن نواز 57 درجے بہتری کے بعد 46 نمبر پر موجود ہیں۔پاکستان کے صائم ایوب 4 درجے ترقی کے بعد 61 ویں پر موجود ہیں اور کپتان سلمان علی آغا 42 درجے ترقی کے بعد 76 ویں نمبر پر پہنچ گئے ہیں۔

آئی سی سی ٹی 20 رینکنگ جاری، بابر اور رضوان کی تنزلی،حارث کی ترقی

سابق کپتان بابراعظم تین درجے تنزلی کے باعث 12 ویں نمبر پر چلے گئے ہیں

مسجد الحرام کے امام شیخ صالح بن حمید نے خطبہ حج کے دوران فلسطین کے مظلوم مسلمانوں کے خصوصی دعا کراتے ہوئے کہا ہے کہ اے اللہ! فلسطین کے بھائیوں کی مدد فرما، عورتوں اور بچوں کو قتل کرنے والوں کو برباد کردے، ان کے قدم اکھیڑ دے،شیطان انسان کا دشمن ہے، شیطان سے بچو، نیکی اور برائی کبھی برابر نہیں ہوسکتی، قیامت،جہنم،جنت پر ایمان ہوناچاہیے،چھوٹی سے چھوٹی نیکی کو بھی حقیر نہ جانو، اللہ فخر، تکبرکرنیوالے کو پسند نہیں کرتا، اللہ کے رسول کے احکامات کی پاسداری کرو، جن چیزوں سے روکا گیا ہے ان سے دور رہو،خیرکاکام کرنیوالوں کیلئے آخرت میں جنت ہوگی، نیک اعمال کرنیوالوں کیلئے دنیا میں بھی خیر و برکت ہوگی۔حج کے رکن اعظم وقوف عرفہ کے دوران میدان عرفات میں واقع مسجد نمرہ میں خطبہ حج دیتے ہوئے شیخ صالح بن حمید نے امت مسلمہ کو ہدایت کی کہ چھوٹی سے چھوٹی نیکی کو بھی حقیر نہ جانو، اللہ فخر، تکبرکرنیوالے کو پسند نہیں کرتا، اللہ کے رسول کے احکامات کی پاسداری کرو، جن چیزوں سے روکا گیا ہے ان سے دور رہو۔امام حرم نے کہاکہ اللہ نے کہا ہے کہ خیرکاکام کرنیوالوں کیلئے آخرت میں جنت ہوگی، نیک اعمال کرنیوالوں کیلئے دنیا میں بھی خیر و برکت ہوگی، تقویٰ اختیار کرنا ایمان والوں کی شان ہے، تقویٰ دنیا و آخرت کی بھلائی کا سبب ہے۔انہوں نے کہاکہ رسول اکرم ؐ نے فرمایا اے ایمان والو! اللہ کی عبادت ایسے کرو کہ جیسے تم اللہ کو دیکھ رہے ہو، یا پھر اللہ کی عبادت اس طرح سے کرو کہ جیسے اللہ تمھیں دیکھ رہا ہے، انہوں نے تقلین کی کہ آپس میں ایک دوسرے سے بڑھ کر نیکی کا کام کرو، اللہ سے ڈرتے رہو،تقوی اختیار کرو، اللہ کی پکڑ بہت سخت ہے۔انہوں نے کہا کہ نبی ؐنے فرمایا اللہ کی عبادت کرو،اسکیساتھ کسی کو شریک نہ کرو، نیکو کاروں، تقوی اختیار کرنے والوں کیلئے آخرت میں اچھاانجام ہے، چھوٹی سے چھوٹی نیکی کو بھی حقیر نہ جانو، اللہ فخر اور تکبرکرنے والے کو پسند نہیں کرتا۔امام حرم نے کہا کہ شیطان انسان کا دشمن ہے، شیطان سے بچو، اللہ تمہیں آزماتا ہے، اللہ نے ہر چیز کا وقت مقرر کررکھا ہے، نیک لوگ جنت میں جائیں گے اور ہمیشہ وہیں رہیں گے، اللہ نے زمین اور آسمان کو چھ دنوں میں پیدا کیا۔شیخ صالح بن حمید نے امت مسلمہ کو بدعت اور غیبت سے دور رہنے کی تلقین کرتے ہوئے کہاکہ اللہ سے دعا مانگتے رہو ،اس کی عبادت کرتے رہو، اللہ کی توحید،اس کے رسولوں پر ایمان لانا ایمان کا حصہ ہے، نیکی اور برائی کبھی برابر نہیں ہوسکتی، قیامت،جہنم،جنت پر ایمان ہوناچاہیے،اللہ کی رضا جنت سے بھی بڑی ہے، دنیا میں ہمارے ساتھ جو ہو رہا ہے وہ لوح محفوظ میں ہے، انہوں نے کہاکہ انسان کی نیکیاں اسکی روح اور جسم کو پاک کردیتے ہیں۔انہوں نے امت مسلمہ کو تاکید کی کہ شیطان تمھارا کھلا دشمن ہے اس سے دور رہو، اللہ نے نیکی کرنے اور برائی سے دور کا حکم دیا، دشمن کو معاف کرنا بھی نیکی ہے، نیکیاں برائیوں کو مٹا دیتی ہیں لہذا نیکیوں کی زیادہ سے زیادہ کوشش کرنی چاہیے، نماز قائم کرو، یہ اللہ اور بندے کے درمیان ایک بہترین رابطہ اور سب سے زیادہ درمیان کی نماز کی حفاظت کرو، اللہ تعالی نے فساد فی الارض سے سختی سے منع فرمایا ہے۔انہوںنے کہاکہ انسان کو باطنی امراض سے بچنا چاہیے کیونکہ باطنی امراض کی وجہ سے انسان اللہ کا تقرب حاصل نہیں کر پاتا، رمضان کے روزے تم پر فرض کیے گئے جیسے تم سے پچھلی امتوں پر فرض کیے گئے، روزے انسان کو باطنی امراض سے پاک کر دیتے ہیں۔امام حرم نے کہا کہ دین اسلام کے 3 درجات ہیں جس کا اعلیٰ درجہ احسان ہے، دوسرا درجہ ایمان کا ہے جو زبان سے اقرار، دل سے یقین اور اعضا سے عمل کرنا ہے، ایمان کی شاخیں 70 سے زائد ہیں، لاالہ الااللہ کہنا اعلیٰ ہے اور راستے سے تکلیف دہ چیز کو دور کرنا سب سے نچلا ہے۔شیخ ڈاکٹرصالح بن عبد اللہ نے کہا کہ اے ایمان والو! عہد اور وعدے کو پورا کرو، جب بھی بات کرو اچھی بات کرو، اللہ صبر کرنے والوں کو پورا ثواب عطا کرتا ہے، اللہ کا شکر گزار بندوں سے وعدہ ہے کہ جتنا شکر کریں گے انہیں زیادہ نعمتوں سے نواز دے گا۔امام حرم نے حجاج کرام اور حرمین شریفین کی شاندار خدمات انجام دینے پر خادم حرمین شریف شاہ سلیمان اور ولی عہد محمد بن سلیمان کو شاندار الفاظ میں خراج تحسین پیش کیا، انہوں نے حجاج کرام کو سمع و طاعت سے کام لینے کی تلقین کرتے ہوئے اسے شریعت کا تقاضہ قرار دیا، انہوں نے سمع و طاعت سے تعاون کی صورتحال پیدا ہوتی ہے تاکہ مناسک حج آسانی سے ادا ہوسکیں۔امام حرم نے کہا کہ اے بیت اللہ کے حاجیو! نبی کریم ؐ عرفہ میں اسی مقام پر کھڑے ہوئے تھے اور جب آپؐنے خطبہ دے دیا تو 2 نمازیں پڑھیں اور دونوں قصر کیں اور پھر مزدلفہ چلے گئے، اورپھر آپ ؐ نے مغرب اور عشا جمع کرکے پڑھیں، (مغرب 3 رکعت اور عشا دو رکعت)، پھر تھوڑی دیر رکھے اور کنکریاں جمع کیں اور پھر فجر ہوگئی اور پھر آپ ؐمنیٰ چلے گئے جہاں جمرات عقبہ پر کنکریاں ماریں اور پھر قربانی ادا کرکے سر منڈایا اور پھر احرام سے آزاد ہوکر کعبۃاللہ کا طواف کیا اور پھر 2،3 راتیں رکنے کے لیے منیٰ آئے اور 11 ذو الحج کو تینوں شیطانوں کو کنکریاں ماریں۔امام حرم نے حجاج کرام کو اللہ کا زیادہ سے زیادہ ذکر حمد و ثنا بیان کرنے اور شکر بجالانے کی تقلین کرتے ہوئے کہاکہ شکر کرو کے اللہ نے یہ دن دکھایا، جس میں دعا قبول ہوگی، اللہ سے گناہوں کی معافی مانگو۔خطبہ حج کے اختتام پر امام حرم نے امت مسلمہ کے لیے دعا کرتے ہوئے کہا کہ اے اللہ مسلمانوں کے احوال اچھے کردے، ہمارے دل جوڑ دے، ہمارے دلوں میں محبت ڈال دے۔امام حرم نے فلسطین کے مظلوم مسلمانوں کے لیے خصوصی دعا کرتے ہوئے کہا کہ اے اللہ! فلسطین کے بھائیوں کی مدد فرما، ان کے شہدا کو معاف کردے، زخمیوں کو شفا دے دے۔امام حرم نے رنجیدہ آواز میں دعا کی کہ اے اللہ! عرفات سے دعا کی جارہی ہے، اہل فلسطین کے دشمنوں کو تباہ و برباد کردے، اے اللہ! تو اپنے دشمنوں کو تباہ و برباد کردے، وہ عورتوں اور بچوں کے قاتلوں کو برباد کردے، ان کے قدم اکھیڑ دے، ان میں تفریق ڈال دے، اے اللہ! وہ بچوں کے قاتل ہیں، ان میں تفریق ڈال دے، اے اللہ! مسلمانوں کو ہدایت عطا فرما۔امام حرم نے خادم حرمین شریفین شاہ سلیمان بن عبدالعزیز کی صحت اور ولی عہد محمد بن سلیمان کے لیے آسانی کی دعا فرمائی۔خطبہ حج کے بعد حجاج کرام نے میدان عرفات میں امام شیخ صالح بن حمید کی امامت میں نماز ظہرین (حالت سفر میں ظہر اور عصر کی دو، دو رکعت جسے قصر کہا جاتا ہے) ادا کی۔

اللہ تعالی مدد فرمامعصوم فلسطینی بچوں، عورتوں کے قاتلوں کو برباد کردے،خطبہ حج

ایمان والوں کو اللہ سے ڈرنا چاہئے اور تقوی اختیار کرنا چاہئے، شیطان مسلمانوں کا دشمن ہے اور مسلمانوں کو اس سے دور رہنا چاہئے

ڈیفنس میں بااثر شخص کے ہاتھوں تشدد کا نشانہ بننے والے نوجوان نے عدالت میں نے ملزمان کو معاف کردیا۔ کراچی کی مقامی عدالت میں ڈیفنس اتحاد کمرشل میں نوجوان پر تشدد کے کیس کی سماعت ہوئی جس دوران  متاثرہ نوجوان سدھیر بھی عدالت میں پیش ہوا۔ متاثرہ نوجوان سدھیر نے دونوں ملزمان سلمان فاروقی اور اویس ہاشمی کو شناخت کرلیا ہے۔سدھیر نے عدالت میں بیان دیا کہ اس کے علم میں نہیں تھا کہ عدالت نے اسے بلایا تھا، لیکن جب وکیل نے بتایا تو میں وہ فوراً عدالت میں پیش ہوگیا۔عدالتی استفسار پر سدھیر نے بتایا کہ اسے کسی قسم کے دباؤ کا سامنا نہیں اور وہ کسی مقدمہ بازی میں نہیں پڑنا چاہتا، سدھیر نے عدالت کو بتایا کہ اس نے ملزم سلمان فاروقی کو معاف کردیا ہے، عدالت اب اس کیس میں نامزد ملزمان کے حوالے سے جو بھی فیصلہ کرے اسے کوئی اعتراض نہیں ہوگا۔فریقین کے دلائل کے بعد عدالت نے ملزمان کی درخواست ضمانت پر فیصلہ محفوظ کرلیا جو بعد میں سنایا جائے گا۔

ڈیفنس کراچی میں تشدد کے شکار نوجوا ن نے گرفتار ملزمان کو معاف کردیا

میں کیس کی پیروی نہیں کرنا چاہتا ، ملزموں کو معاف کردیا ،ڈیفنس میں تشدد کا نشانہ بننے والے نوجوان کا عدالت میں بیان

امریکی صدر ڈونلڈ ٹرمپ نے ایران، افغانستان اور یمن سمیت 12 ممالک کے عوام پر امریکا میں داخلے پر پابندی عائد کردی۔ ٹرمپ نے  ایک نئے سفری پابندی کے حکم نامے پر دستخط کر دیے جس کے تحت 12 ممالک کے شہریوں کے امریکا میں داخلے پر پابندی عائد کی گئی ہے۔ صدارتی حکم کے مطابق یہ نئی سفری پابندیاں پیر 9 جون سے نافذ العمل ہوں گی جس کے بعد متاثرہ ممالک کے شہریوں کو امریکا میں داخلے کی اجازت نہیں ہوگی یا انہیں سخت ترین سکیورٹی مراحل سے گزرنا پڑے گا۔ جن 12 ممالک پر مکمل پابندی عائد کی گئی ہے ان میں افغانستان، ایران، یمن، لیبیا، صومالیہ، سوڈان، کانگو، برما، چاڈ، ایریٹریا، استوائی گنی، اور ہیٹی شامل ہیں۔ان ممالک کے شہریوں کو امریکی ویزا یا امیگریشن کی کسی بھی سہولت سے مکمل طور پر محروم کر دیا گیا ہے۔ امریکی صدر نے مزہد 6 ممالک کو جزوی سفری پابندی کی فہرست میں شامل کیا ہے جن میں برونڈی، کیوبا، لاؤس، سیرالیون، ترکمانستان اور وینزویلا شامل ہیں۔ ان ممالک کے مسافروں کو امریکا میں داخلے سے قبل سخت جانچ پڑتال، اضافی تصدیق، اور محدود ویزہ شرائط کا سامنا ہوگا۔اس متعلق وائٹ ہاؤس کے جاری کردہ بیان میں بتایا گیا ہے کہ اس اقدام کا مقصد امریکی عوام کو خطرناک غیر ملکی عناصر سے محفوظ رکھنا ہے۔صدر ٹرمپ نے اپنے ایک ویڈیو پیغام میں کہا کہ گزشتہ دنوں کولوراڈو میں پیش آیا دہشت گرد حملہ اس بات کا ثبوت ہے کہ وہ غیر ملکی شہری جو درست طریقے سے ویری فائی نہیں ہوتے، ہمارے ملک کے لیے شدید خطرہ بن سکتے ہیں۔ امریکی صدر نے ہارورڈ یونیورسٹی میں غیر ملکی طالب علموں کے ویزوں پر بھی پابندی لگا دی ہے۔

ٹرمپ نےایران ،افغانستان سمیت 12 ممالک کے شہریوں پر امریکا میں داخلے پر پابندی لگا دی

ان ممالک میں افغانستان، ایران، یمن، لیبیا، صومالیہ، سوڈان، کانگو، برما، چاڈ، ایریٹریا، استوائی گنی اور ہیٹی شامل ہیں

پاکستان نے کہا کہ غزہ میں مستقل جنگ بندی کی قرارداد کے ویٹو ہونے سے بہت خطرناک پیغام جائے گا۔پاکستان کے مستقل مندوب عاصم افتخار نے سلامتی کونسل میں خطاب کرتے ہوئے کہا کہ غزہ میں 54 ہزار سے زائد فلسطینی شہید ہو چکے ہیں جن میں خواتین اور بچے بھی بڑی تعداد میں شامل ہیں۔انہوں نے کہا کہ غزہ میں اس وقت سنگین صورتحال ہے اور قرارداد کے ویٹو ہونے سے بہت خطرناک پیغام جائے گا۔پاکستان کے مستقل مندوب نے کہا کہ غزہ میں جنگ بندی کے لیے اور کتنا وقت چاہیے؟ زمین پر غزہ کا حال جہنم سے زیادہ برا ہے۔عاصم افتخار نے کہا کہ 24 گھنٹوں میں 100 سے زائد فلسطینیوں کو شہید کیا جا چکا ہے، اسرائیل غزہ میں جنگی جرائم اور نسل کشی کا مرتکب ہو رہا ہے۔پاکستان کے مندوب عاصم افتخار نے مزید کہا کہ خوراک کے لیےغزہ میں شہریوں کا قتل ہو رہا ہے، غزہ میں قتل عام بند ہونا چاہیے، شہریوں کو جینے کا حق ہے، پاکستان فلسطین کی سیاسی اور سفارتی حمایت جاری رکھے گا۔  عاصم افتخار نے کہا کہ پاکستان کوغزہ جنگ بندی کی قرارداد ویٹو ہونے پر افسوس ہے، جنگ بندی کی قرارداد مسترد ہونا عالمی انسانی قوانین کی خلاف ورزی ہے، غزہ میں مستقل جنگ بندی اور آزاد فلسطینی ریاست کے قیام کا مطالبہ کرتے ہیں۔

غزہ جنگ بندی قرارداد ویٹو ہونے سے بہت خطرناک پیغام جائے گا، پاکستان مندوب

خوراک کے لیےغزہ میں شہریوں کا قتل ہو رہا ہے، غزہ میں قتل عام بند ہونا چاہیے، شہریوں کو جینے کا حق ہے،عاصم افتخار

سلامتی کونسل میں غزہ میں مستقل جنگ بندی کی قرارداد مسترد کر دی گئی۔اقوام متحدہ کی سلامتی کونسل میں غزہ میں فوری، غیر مشروط اور مستقل جنگ بندی اور انسانی امداد کی بلا رکاوٹ فراہمی کے مطالبے پر مبنی قرارداد کو امریکا نے ویٹو کر دیا۔اقوام متحدہ سلامتی کونسل میں غزہ میں مستقل جنگ بندی کی قرارداد پاکستان سمیت 10 غیر مستقل ارکان کے ساتھ مل کر الجزائر نے پیش کی۔قرارداد میں غزہ میں مستقل جنگ بندی اور بلا رکاوٹ امداد کی رسائی کا مطالبہ شامل تھا۔تاہم امریکا نے سلامتی کونسل میں پیش کی گئی غزہ میں مستقل جنگ بندی کی قرارداد ویٹو کردی۔سلامتی کونسل کے 15 میں سے  14 ارکان نے غزہ جنگ بندی مطالبے کےحق میں ووٹ دیا۔ قرارداد کےحق میں ووٹ دینے والوں میں پاکستان بھی شامل تھا۔قراردادمیں اسرائیل اور حماس کے درمیان جاری جنگ کے فوری خاتمے اور انسانی امداد کی فراہمی کو یقینی بنانے کا مطالبہ کیا گیا تھا۔امریکی نائب مندوب ڈوتھی شیا نے قرارداد کو ویٹو کرنے کی وضاحت دیتے ہوئے کہا کہ اسرائیل کو اپنی سلامتی کے تحفظ کا پورا حق حاصل ہے، اور ’اسرائیلی سکیورٹی کو نقصان پہنچانے والی کوئی بھی چیز قابل قبول نہیں۔‘ ان کا کہنا تھا کہ ’حماس کو شکست دینا اور اسے دوبارہ خطرہ نہ بننے دینا اسرائیل کا حق ہے۔

اقوام متحدہ کی سلامتی کونسل میں غزہ جنگ بندی کی قرارداد امریکا نے ویٹو کردی

پاکستان سمیت سلامتی کونسل کے 15 میں سے 14 ارکان نے غزہ جنگ بندی مطالبے کےحق میں ووٹ دیا

اسلام آباد(ویب ڈیسک) 18 سال سے کم عمر لڑکیوں کی شادی پر پابندی عائد کرنے والے قانون چائلڈ میرج ریسٹرین بل 2025کو فیڈرل شریعت کورٹ میں چیلنج کر دیا گیا ہے۔ شہزادہ عدنان نامی شہری نے اپنے وکیل مدثر چوہدری ایڈووکیٹ کے توسط سے درخواست دائر کی، جس میں مؤقف اختیار کیا گیا ہے کہ یہ قانون اسلامی احکامات کے منافی ہے۔درخواست میں مؤقف اپنایا گیا ہے کہ نکاح سے متعلق قوانین کا تعین قرآن و سنت کی روشنی میں کیا جانا چاہیے، جبکہ حالیہ قانون سازی میں ان بنیادی اسلامی اصولوں کو نظر انداز کیا گیا ہے۔ درخواست گزار کا کہنا ہے کہ شادی کے لیے عمر کی حد مقرر کرنا قرآن و حدیث میں موجود رہنمائی کے برخلاف ہے، اور یہ قانون اسلامی تعلیمات سے متصادم ہے۔درخواست میں خاص طور پر اس بات پر اعتراض اٹھایا گیا ہے کہ اس قانون کے تحت قید بامشقت جیسی سزا تجویز کی گئی ہے، جو درخواست گزار کے مطابق نہ صرف غیر اسلامی ہے بلکہ آئینِ پاکستان کے بھی خلاف ہے۔ مزید برآں، درخواست میں بعض قرآنی آیات کا حوالہ دیتے ہوئے کہا گیا ہے کہ اسلامی نقطۂ نظر سے بلوغت نکاح کے لیے بنیادی معیار ہے، نہ کہ عمر۔درخواست گزار نے عدالت سے استدعا کی ہے کہ چائلڈ میرج ریسٹرین بل کو قرآن و سنت کے خلاف قرار دے کر کالعدم کیا جائے، اور ریاستی اداروں کو اس قانون کے تحت مقدمات درج کرنے سے روکا جائے۔قانونی و مذہبی حلقوں میں اس درخواست پر بحث چھڑنے کا امکان ہے، کیونکہ یہ معاملہ نہ صرف شریعت سے متعلق ہے بلکہ بچوں کے تحفظ اور خواتین کے حقوق جیسے حساس موضوعات سے بھی جڑا ہوا ہے۔

کم عمر لڑکی کی شادی کا قانون فیڈرل شریعت کورٹ میں چیلنج کردیاگیا

شادی سے متعلق قانون قرآن اور حدیث کے خلاف بنایا گیا ہے،شہری کا درخواست میںموقف

رہنماء پی ٹی آئی شیخ وقاص اکرم نے کہا ہے کہ ہم سمبڑیال میں ہونے والے الیکشن کو نہیں مانتے، الیکشن میں دھاندلی کی گئی۔ اسلام آباد میں پارٹی رہنما عالیہ حمزہ کیساتھ پریس کانفرنس سے خطاب کرتے ہوئے شیخ وقاص اکرم نے کہا کہ پولیس نے تحریک انصاف کے پولنگ ایجنٹوں کو باہر نکالا، الیکشن میں پولیس کو رکاوٹ کی اجازت نہیں ہوتی۔انہوں نے کہا کہ جو فسطائیت، غنڈہ گردی پنجاب حکومت نے کی اس کی مثال نہیں ملتی، پنجاب میں پی ٹی آئی نے دھاندلی کے خلاف پرامن احتجاج کیا۔ شیخ وقاص اکرم نے کہا کہ یہ الیکشن نہیں تھا کیونکہ انتخابات شفاف عمل کا نام ہے، ووٹنگ میں دھاندلی ہوئی اور بیلٹ باکسز بھرے گئے، الیکشن میں کسی طریقہ کار پر عمل نہیں کیا گیا۔ انہوں نے کہا کہ جہاں 1300 ووٹ تھے وہاں 1400 کاسٹ ہوگئے، یہ بنا بنایا ڈرامہ تھا جسے ہم نہیں مانتے۔شیخ وقاص اکرم نے کہا کہ اس سے پہلے جو امیدوار تھے انھوں نے فارم 47پر 58 ہزار ووٹ لئے تھے، اس وقت الیکشن میں ٹرن آوٹ بھی بہت زیادہ تھا۔ ضمنی انتخابات میں کم ٹرن آوٹ کے باوجود ووٹ 78ہزار پڑ گئے، ہم اس الیکشن نتائج کو مسترد کرتے ہیں، ٹرن آئوٹ بہت کم تھا، ن لیگ والے بالکل نہیں نکلے۔ انہوں نے کہا کہ نون لیگ کے کیمپس خالی تھے، یہ سب فراڈ تھا، ہم اس کو نہیں مانتے، عالیہ حمزہ نے اس الیکشن میں بہت محنت کی۔

سمبڑیال الیکشن کو نہیں مانتے، بدترین دھاندلی ہوئی، شیخ وقاص اکرم

جہاں 1300 ووٹ تھے وہاں 1400 کاسٹ ہوگئے، یہ بنا بنایا ڈرامہ تھا ، عالیہ حمزہ کے ہمراہ پریس کانفرنس

حج کا رکن اعظم وقوف عرفہ آج ادا کیا جائے گا، دنیا بھر سے آئے لاکھوں عازمینِ حج میدانِ عرفات میں جمع ہونا شروع ہوگئے، تاریخی مسجد نمرہ میں خطبہ حج سنیں گے۔ تفصیلات کے مطابق دنیا بھر سے آئے ہوئے لاکھوں عازمینِ حج آج بروز 9 ذوالحجہ میدانِ عرفات میں جمع ہیں، جہاں وہ حج کے سب سے اہم رکن، وقوفِ عرفہ کی سعادت حاصل کر رہے ہیں۔حج کے رکن اعظم وقوف عرفہ کے موقع پر دنیا بھر کے مسلمانوں کے لیے خطبۂ حج کو اس سال 35 مختلف عالمی زبانوں میں ترجمہ کر کے نشر کیا جائے گا، تاکہ دنیا بھر کے لاکھوں مسلمان براہِ راست اس پیغام کو سمجھ سکیں۔لاکھوں عازمین نے منیٰ میں قیام کیا، عازمین آج رکن اعظم وقوف عرفہ کیلئے میدان عرفات پہنچیں گے، عازمین 9 ذوالحجہ کو حج کا خطبہ سننے کے بعد ظہر اور عصر کی نمازیں ادا کریں گے پھر حجاج کرام سورج غروب ہونے تک میدان عرفات میں وقوف کریں گے۔اذان مغرب کے بعد نماز پڑھے بغیر حجاج کرام میدان عرفات سے مزدلفہ روانہ ہوں گے، مزدلفہ میں حجاج کرام مغرب اور عشاء کی نمازیں ملا کر پڑھیں گے، مزدلفہ میں حجاج کرام شیطان کو مارنے کیلئے کنکریاں جمع کریں گے اور پھر حجاج مزدلفہ میں کھلے آسمان تلے رات گزاریں گے اور 10 ذوالحجہ کو وقوف مزدلفہ کے بعد رمی کیلئے روانہ ہوں گے۔

لبیک اللھم لبیک ،حج کا رکن اعظم وقوف عرفہ آج ادا ہو گا

عازمین آج مسجد نمرہ میں خطبہ حج سنیں گے، ظہر اور عصر کی نمازیں ادا کریں گے، اورمیدان عرفات میں وقوف کرینگے

PAK won the toss and chose to bat first in the Pak vs Zim 3rd ODI

Pak vs Zim 3rd ODI Live Match Updates & Score

Pakistan won the toss and chose to bat first in the Pak vs Zim 3rd ODI.&nbsp;

The Pakistan tour of Zimbabwe 2024 will feature 3 ODIs and 3 T20I matches. This white-ball bilateral series will run from 24th November till 5th December.&nbsp;

Zimbabwe secured a massive victory in the 1st ODI by beating Pakistan by 80 runs via the DLS method. The hosts outshined Pakistan in both batting and bowling departments.&nbsp;

Winning the 1st match of the series gave Zimbabwe a 1-0 lead in the ODI series and an immense boost to their confidence.

Follow our official <a href="https://whatsapp.com/channel/0029VaAdx1iLY6d69TiZbo0m">Whatsapp Channel.</a> 
 
No matter how vulnerable the Pakistan team may look right now, defeating them surely is a feat worth celebrating.&nbsp;

Pakistan rested Babar Azam, Shaheen Afridi, and Naseem Shah in the 1st ODI, and played three debutants; Haseebullah Khan, Aamir Jamal, and Faisal Akram.&nbsp;

Zimbabwe&rsquo;s innings saw significant knocks played by Richard Ngarava (48) and Sikandar Raza (39) as they helped their team put 205 on the scoreboard before being bowled out in 40.2 overs.&nbsp;

As usual, Pakistani bowlers rose to the occasion with debutant left-arm wrist-spinner Faisal Akram taking 3/24 and off-spinner Agha Salman also claiming 3/42.

In the second ODI, the Pakistan team bounced back really well, thanks to Saim Ayub&rsquo;s blistering 113* off 62 balls. The tourists beat the hosts by 10 wickets in just 18.2 overs.&nbsp;

Let&rsquo;s see if Zimbabwe can create history by winning their first ever series against Pakistan by winning the ongoing 3rd ODI.&nbsp;

Pak vs Zim 3rd ODI: From 1-1 to 2-1, Which Team Will Create History Today?

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan