Cricket

Entertainment

Football

سابق امریکی صدر جو بائیڈن کو پروسٹیٹ کینسر کی تشخیص ہوئی ہے، جس کی تصدیق ان کے دفتر کی جانب سے جاری کردہ ایک سرکاری بیان میں کی گئی ہے۔بیان کے مطابق، 82 سالہ بائیڈن کو پروسٹیٹ کینسر کی ایک جارحانہ قسم لاحق ہوئی ہے جو ان کے جسم کی ہڈیوں تک پھیل چکی ہے۔ اس تشویشناک صورتحال کے پیشِ نظر بائیڈن اور ان کے اہلِ خانہ ماہر معالجین کے ساتھ مل کر ممکنہ علاج کی حکمتِ عملی پر غور کر رہے ہیں۔واضح رہے کہ بائیڈن کی صدارتی مدت 20 جنوری کو ختم ہوئی تھی، جس کے بعد وہ معمول کی زندگی گزار رہے تھے۔دوسری جانب موجودہ صدر ڈونلڈ ٹرمپ نے اس خبر پر افسوس کا اظہار کرتے ہوئے کہا کہ میلانیا اور میں جو بائیڈن میں کینسر کی تشخیص کی خبر سن کر بے حد افسردہ ہیں۔ انہوں نے بائیڈن کی اہلیہ جل بائیڈن اور ان کے اہلِ خانہ سے ہمدردی کا اظہار کرتے ہوئے ان کی جلد صحت یابی کے لیے دعا کی۔ میڈیکل ماہرین کے مطابق، پروسٹیٹ کینسر مردوں میں عام پایا جانے والا مرض ہے جو تولیدی نظام کے ایک چھوٹے سے غدود، پروسٹیٹ گلینڈ میں پیدا ہوتا ہے۔ اس کی ابتدائی تشخیص اور بروقت علاج سے زندگی بچانے کے امکانات کافی حد تک بڑھ جاتے ہیں۔

سابق امریکی صدر جوبائیڈن میں پروسٹیٹ کینسر کی تشخیص

علاج کے آپشن کا جائزہ لیا جا رہا ہے ، بائیڈن آفس ، بیماری کا سن کر افسردہ ہوں ، ڈونلڈ ٹرمپ

فضا علی حال ہی میں اپنے لائیو مارننگ شو میں پہنے گئے بولڈ لباس کی وجہ سے سوشل میڈیا پر تنقید کی زد میں آ گئیں ہیں،پاکستانی شوبز انڈسٹری کی معروف اداکارہ، گلوکارہ، ماڈل اور ٹی وی میزبان فضا علی کو اپنے مارننگ شو کی حالیہ ایپی سوڈ میں بولڈ اور انتہائی باریک لباس پہن کر پروگرام کرنے پر شدید تنقید کا سامنا کرنا پڑ رہا ہے۔ فضا نے اس شو میں سیاہ اور نیلے رنگ کا شیفون کا لباس پہنا، جس میں ان کے بازو اور پیٹ نمایاں ہورہے تھے۔یہ شو پالتو کتوں کے حوالے سے تھا، جس کی ویڈیو اور تصاویر سوشل میڈیا پر وائرل ہو رہی ہیں۔سوشل میڈیا پر فضا کے لباس پر صارفین کی جانب سے شدید ردعمل دیکھنے میں آیا۔فضا علی کی جانب سے پہنے گئے لباس پر سوشل میڈیا صارفین نے سخت ناراضگی کا اظہار کرتے ہوئے ٹی وی میزبان کو شدید تنقید کا نشانہ بنایا اور بعض صارفین نے تو اداکارہ  کے خلاف انتہائی نامناسب اور سخت الفاظ کا بھی استعمال کیا۔  ایک صارف نے تبصرہ کیا،بہت سستا لباس ہے، جبکہ ایک اور نے کہا، کم از کم ایک بڑا اِنر پہن لیتیں۔کچھ صارفین نے ان کے اکثر شو میں دکھائی دینے والے مذہبی رویے اور لباس کے تضاد پر بھی سوال اٹھایا، خاص طور پر رمضان ٹرانسمیشن کے بعد کے اس طرح کے لباس کے انتخاب پر تنقید کی۔پروگرام کے دوران فضا علی کی کتوں کے ہمراہ بنائی گئی ایک ویڈیو بھی سوشل میڈیا پر تیزی سے وائرل ہو گئی جس پر ان کے مداحوں نے ان کے انداز اور لباس دونوں کو ہی تنقید کا نشانہ بنایا۔

معروف اداکارہ فضا علی کومارننگ شو میں بولڈ لباس پہننے پر کڑی تنقید کا سامنا

سیاہ اور نیلے رنگ کا شیفون کا لباس پہنا، جس میں ان کے بازو اور پیٹ نمایاں ہورہے تھے

پاک فوج کے ترجمان اور شبہ تعلقات عامہ آئی ایس پی آر کے ڈائریکٹر جنرل لیفٹیننٹ جنرل احمد شریف چوہدری کا کہنا ہے نا تو بھارت اسرائیل ہے اور نا ہی پاکستان فلسطین، ہم امن پسند لوگ ہیں بھارت نے ہمیں اکسایا یا حملہ کیا تو  ہمارا ردعمل تیز اور وحشیانہ ہوگاان کا کہناتھا کہ ہم کبھی بھی بھارتی بالادستی کے آگے نہیں جھکیں گے، وہ یہ بات جتنی جلدی سمجھ لے، علاقائی امن اور دنیا کیلئے اتنا ہی بہتر ہوگا۔ڈائریکٹر جنرل آئی ایس پی آر لیفٹیننٹ جنرل احمد شریف چوہدری نے ترکیہ کے سرکاری خبر رساں ادارے انادولو ایجنسی کو انٹرویو دیتے ہوئے مقبوضہ جموں و کشمیر کے علاقے پہلگام میں سیاحوں پر ہونےو الے حملے کا الزام پاکستان پر عائد کرنے اور ان دعوؤں کے حوالے سے کوئی ثبوت پیش نہ کرنے پر کہا کہ نئی دہلی حکومت دہشت گردی کے واقعات کو بہانہ بنارہی ہے اور اسے اس سے باز آنا چاہیے۔ڈی جی آئی ایس پی آر احمد شریف کا واضح طور پر کہنا تھا کہ’’ پاکستان دنیا میں اس وقت سب سے زیادہ دہشت گردی کا شکار ملک ہے‘‘۔ پاکستان میں جنوری 2024 سے اب تک 3700 سے زیادہ دہشت گردی کے واقعات ہو چکے ہیں۔ان 17 ماہ سے بھی کم عرصے میں 3896 افراد جاں بحق ہوئے  جن میں سے 1314 شہید ہیں۔ 2500 سے زیادہ اپنے اعضاء کھو چکے ہیں، ہمارے لاکھوں لوگ جان کی بازی ہار چکے ۔اس ساری دہشت گردی کی سرپرستی اور حوصلہ افزائی بھارت کر رہا ہے۔ڈی جی آئی ایس پی آر نے کہا کہ کشمیر میں یا بھارت میں جو کچھ بھی ہو رہا ہے وہ بھارتی جبر کی وجہ سے اندرونی مسئلہ ہے۔ کشمیر ایک بین الاقوامی تسلیم شدہ تنازعہ ہے۔ بھارت کشمیر کو حل کرنے کی کوشش نہیں کر رہا  بلکہ وہ جبر سے اسے اندرونی مسئلہ  بنانے کی کوشش کر رہا ہے۔ہم ایک امن پسند قوم ہیں، اگر بھارت نے ہمیں اکسایا یا حملہ کیا تو ہمارا ردعمل تیز اور وحشیانہ ہوگا۔انہوں نے واضح کیا کہ حقیقت یہ ہے کہ بھارت امریکا نہیں، اور پاکستان افغانستان نہیں ہے۔ بھارت اسرائیل نہیں ہے اور پاکستان  فلسطین نہیں ہے۔ پاکستان، بھارتی تسلط کے سامنے نہیں جھکے گا۔ بھارت جتنی جلدی یہ بات سمجھ جائے گا یہ علاقائی اور عالمی امن کیلئے اچھا ہوگا۔ بھارت پہلگام واقعہ میں پاکستان کو مورد الزام ٹھہرا کر کوئی بھی ثبوت دینے میں ناکام رہا۔نئی دہلی حکومت ان واقعات کو دہشت گردی کے بہانے کے طور پر استعمال کر رہی ہے۔ڈی جی آئی ایس پی آرکے مطابق جعفرایکسپریس پر حملہ کرنے والی بی ایل اے نے کھلے عام بھارت سے فوجی مدد کی درخواست کی تھی۔نئی دہلی میں کچھ رہنماؤں، سیاست دانوں اور ریٹائرڈ جنرلوں نے بی ایل اے کی حمایت میں بیانات دیے تھے۔حالیہ کشیدگی میں بھارت کے پانچ جنگی طیارے مار گرائے جن میں سے تین رافیل تھے۔پوری دنیا جانتی ہے کہ پاکستان نے بھارتی طیارے مار گرائے لیکن نئی دہلی اسے ماننے کو تیار نہیں۔

بھارت اسرائیل ہے نہ پاکستان فلسطین، جارحیت کا بے رحمانہ جواب دینگے،ترجمان پاک فوج

بھارت جتنی جلدی یہ سمجھ جائے گا یہ علاقائی اور عالمی امن کیلئے اچھا ہوگا،ترکیہ کی سرکاری خبررساں ایجنسی کو انٹرویو

راولپنڈی(این این آئی)ڈی جی  آئی ایس پی آر لیفٹیننٹ جنرل احمد شریف چوہدری نے کہا ہے کہ کوئی پاکستان کا پانی روکنے کی جرات نہ کرے، بھارت نے پانی روکا تو پاکستان کے ردعمل کے نتائج سالوں اور دہائیوں تک محسوس کیے جائیں گے، بھارت کی کشمیرپالیسی، ظلم وجبر اور کشمیر کو اندرونی معاملہ بنانے کی کوشش ناکام ہو چکی ہے۔برطانوی میڈیا کو دئیے گئے انٹرویو میں ڈی جی آئی ایس پی آر نے کہاکہ حکومت پاکستان پانی کے معاملے پربھارت کو واضح کرچکی ہے، فوج کی طرف سے مزید کچھ کہنے کی ضرورت نہیں،24کروڑ سے زائد لوگوں کا پانی روکنے کا کوئی پاگل آدمی ہی سوچ سکتا ہے۔انہوںنے کہاکہ بھارت ایسا کرنے کی ہمت نہیں کرسکتا، امید کرتے ہیں ایسا وقت نہ آئے لیکن آیا تو دنیا ہمارے اقدامات دیکھے گی، بھارت نے پاکستان کا پانی روکا تو سالوں اور  دہائیوں تک اس کے نتائج محسوس کیے جائیں گے۔ ترجمان پاک فوج نے کہا کہ ہم اپنے کیے گئے وعدوں کی مکمل پاسداری کرتے ہیں، ہم سیاسی حکومت کی ہدایات کو مکمل طور پر مانتے ہیں اور ان کے عزم کا پاس رکھتے ہیں، پاکستانی فوج کی طرف سے یہ جنگ بندی برقرار رہے گی، فریقین کے درمیان رابطے میں اعتماد سازی کے اقدامات کیے گئے ہیں، اگر خلاف ورزی ہوتی ہے تو ہمارا جواب ہمیشہ ہوگا اور موقع پر ہوگا، جواب صرف ان ہی چوکیوں اور مقامات پر ہوگا جہاں سے جنگ بندی کی خلاف ورزی کی گئی ہو۔ایک سوال کے جواب میں   لیفٹیننٹ جنرل احمد شریف چوہدری نے کہاکہ میں تصدیق کرسکتا ہوں کہ بھارت کا چھٹا گرنے والا طیارہ میراج 2000ہے، ہم نے صرف طیاروں کو نشانہ بنایا، مزید کارروائی کرسکتے تھے مگر ہم نے ضبط کا مظاہرہ کیا، حملوں کے باوجود ہمارے تمام فضائی اڈے مکمل طور پر فعال ہیں، پاک فضائیہ کے پاس ایسے وسائل ہیں جن کی مدد سے فوری طور پر اڈوں کو فعال کیا جاسکتا ہے۔ترجمان پاک فوج نے کہاکہ بھارت کی کشمیرپالیسی، ظلم وجبر اور کشمیر کو اندرونی معاملہ بنانے کی کوشش ناکام ہو چکی ہے، جب تک بھارت بات چیت نہیں کرتا دونوں ممالک مسئلے کا حل نہیں نکالتے، تنازع کی آگ بھڑکنے کا خطرہ موجود رہے گا۔

بھارت نے پانی روکا تو ہمارے ردعمل کے نتائج دہائیوں تک محسوس کیے جائینگے،ترجمان پاک فوج

کوئی پاگل شخص 24 کروڑ سے زائد عوام کا پانی روکنے کا سوچ سکتا ہے، خلاف ورزی پر جواب دیں گے، انٹرویو

پاکستان سپر لیگ (پی ایس ایل) کے دسویں ایڈیشن کے 29ویں میچ میں لاہور قلندرز نے پشاور زلمی کو 26 رنز سے شکست دے کر پلے آف کے لیے کوالیفائی کرلیا۔راولپنڈی میں آندھی اور بارش کی وجہ سے میچ کا ٹاس تاخیر سے ہوا جس کے بعد اوورز کو 20 کے بجائے ایک اننگز میں 13 تک محدود کیا گیا۔پشاور زلمی کی ٹیم بابر اعظم کی کپتانی میں پہلی بار لیگ کے اگلے رائونڈ میں نہ جاسکی، پشاور کی ٹیم 150 رنز کے تعاقب میں 123 رنز بناسکی۔قبل ازیں راولپنڈی کرکٹ اسٹیڈیم میں ہونیوالے میچ میں پشاور زلمی نے ٹاس جیت کر لاہور قلندرز کو بیٹنگ کی دعوت دی، پہلے بیٹنگ کرتے ہوئے لاہور قلندرز نے مقررہ 13 اوورز میں 8 وکٹوں کے نقصان پر 149 رنز بنائے۔لاہور قلندرز کی جانب سے فخر زمان 60 رنز بناکر نمایاں رہے، محمد نعیم نے 22، کوشال پریرا نے 17، عبداللہ شفیق نے 5، سکندر رضا نے 4 جبکہ آصف علی نے 18 رنز بنائے۔پشاور زلمی کی جانب سے ڈینیل سیمز ، علی رضا اور احمد دانیال نے 2، 2 وکٹیں حاصل کی۔150رنز کےہدف کےتعاقب میں 20 کے مجموعی اسکور پر صائم ایوب پویلین لوٹ گئے، پھر 35 کے مجموعی اسکور پر محمد حارث بھی آؤٹ ہوگئے،زلمی کی جانب سے اننگز کا آغاز کرنے والے صائم ایوب اور محمد حارث 8،8 رنز بناسکے، بابراعظم 16، میکس برائنٹ صفر، معاز صداقت 4 رنز کے مہمان ثابت ہوئے۔ عبدالصمد 17، احمد دانیال 24، لک ووڈ صفر پر ہی آؤٹ ہوگئے جبکہ ڈینئل سیمز 26، اور کپتان بابر اعظم نے 16 رنز بناسکے۔ شاہین آفریدی نے 2، حارث رؤف اور سکندر رضا نے ایک ایک وکٹ حاصل کی، سلمان مرزا نے 4 کھلاڑیوں کو پویلین بھیجا۔خیال رہے کراچی کنگز، کوئٹہ گلیڈی ایٹرز، لاہور قلندرز اور اسلام آباد یونائیٹڈ پلے آف میں پہنچ گئی ہیں۔میچ میں اننگز کے وقفے کے دوران پاک فضائیہ کو خراج تحسین پیش کرنے کی تقریب ہوئی ،ایئر چیف اورچیئرمین پی سی بی محسن نقوی بھی راولپنڈی کرکٹ اسٹیڈیم میں موجود تھے۔اسٹیڈیم میں پاک فضائیہ اورپاکستان زندہ باد کے نعرے گونجتے رہے،گلوکار ساحر علی بگا اور شجاع حیدر نے شاندار پرفارمنس دی،اسٹیڈیم میں شاندار آتش بازی کا مظاہرہ بھی کیا گیا۔

پی ایس ایل 10،لاہور قلندرز نے پشاور زلمی کو26رنز سے ہراکر پلے آف کیلئے کوالیفائی کرلیا

بارش سے متاثرہ 13 اوورزکے میچ میںپشاور زلمی کی ٹیم 150 رنز کے ہدف کے جواب میں 128 رنز بناسکی

اسلام آباد(این این آئی)مشہور پاکستانی کوہ پیما سرباز خان نے نیپال میں واقع دنیا کی تیسری بلند ترین چوٹی مانٹ کنچن جنگا (8586 میٹر)کو کامیابی سے سر کر لیا، اس کامیابی کے ساتھ ہی وہ دنیا کی 8000میٹر سے بلند 14پہاڑی چوٹیوں کو آکسیجن کی مدد کے بغیر سر کرنے والے پہلے پاکستانی بن گئے۔سرباز خان نے اتوار کی صبح بغیر اضافی آکسیجن کے نیپال میں واقع دنیا کی تیسری بلند ترین چوٹی مانٹ کنچن جنگا (8586 میٹر)کو سر کیا، دنیا کی تمام 14آٹھ ہزار میٹر سے بلند پہاڑی چوٹیوں کو آکسیجن کی مدد کے بغیر سر کرنے کا کارنامہ چند ہی کوہ پیماں نے سر انجام دیا ہے۔سرباز خان اس سے قبل گزشتہ سال اکتوبر میں دنیا کے 8000 میٹر سے بلند تمام 14 پہاڑوں کو سر کرنے والے پہلے پاکستانی کوہ پیما بن چکے تھے۔سرباز کے ٹور آرگنائزر، امیجن نیپال نے ایک بیان میں کوہ پیما کو مبارکباد دیتے ہوئے کہا کہ ہم پاکستان سیاپنے عزیز دوست، کلائنٹ، اور شراکت دار سرباز خان کو صبح 18مئی 2025 کو بغیر اضافی آکسیجن کے دنیا کے تیسرے بلند ترین پہاڑ کنچن جنگا (8586 میٹر)کو سر کرنے کی ان کی ناقابل یقین کامیابی پر دل کی گہرائیوں سے مبارکباد پیش کرتے ہیں۔اس بارے میں الپائن کلب آف پاکستان کے سیکرٹری کرار حیدری نے کہاکہ اس چوٹی کو سر کرنے کے ساتھ ہی، سرباز خان بغیر آکسیجن کے تمام 14 بلند ترین چوٹیوں کو سر کرنے والے پہلے پاکستانی بن گئے ہیںانہوں نے مزید کہاکہ سرباز خان نے پوری قوم کا سر فخر سے بلند کر دیا ہے، بغیر آکسیجن کے تمام 14 آٹھ ہزار میٹر بلند چوٹیوں کو سر کرنا ایک نادر اور بہادرانہ کارنامہ ہے، وہ دنیا کی بلند ترین چوٹیوں پر پاکستانی عزم، مہارت اور حوصلے کی علامت ہیں۔سرباز نے اتوار کی صبح پاکستانی وقت کے مطابق 4:15 بجے مانٹ کنچن جنگا کو کامیابی سے سر کر کے کوہ پیمائی کی تاریخ میں ایک سنگ میل عبور کیا۔اس کارنامے کو جو چیز غیر معمولی بناتی ہے وہ یہ ہے کہ سرباز نے بغیر کسی اضافی آکسیجن کے دنیا کے تیسرے بلند ترین پہاڑ کو سر کیا ،جو پاکستان کے کوہ پیمائی کے ورثے میں ایک یادگار لمحہ ہے۔اس تاریخی سنگ میل تک سرباز کا سفر ایک دہائی سے زیادہ کے عزم، نظم و ضبط اور خالص حوصلے پر محیط ہے، انہوں نے آکسیجن سلنڈر کے بغیر 8000 میٹر سے بلند درج ذیل 14 چوٹیوں کو کامیابی سے سر کیا۔مانٹ کنچن جنگا کی چوٹی سر کرنا نہ صرف سرباز خان کو تاریخ کے عظیم ترین کوہ پیماں میں شامل کرتا ہے بلکہ اس سے پاکستان کے عوام اور خاص طور پر گلگت بلتستان کی کوہ پیمائی کی برادری کو بے حد فخر محسوس ہوتا ہے، جہاں سے سرباز کا تعلق ہے۔انہوں نے یہ کامیابی خالص الپائن کوہ پیمائی کے جذبے، یعنی کم سے کم ساز و سامان، شرپاں کی طرف سے لگائی گئی کوئی مقررہ رسیاں یا کیمپ نہیں، اور آکسیجن سلنڈر کا سہارا لیے بغیر، حاصل کی، یہ ایک ایسا انداز ہے جو کوہ پیمائی کی حقیقی اور مشکل ترین شکل کی نمائندگی کرتا ہے۔سرباز کا مشن ہمیشہ سے یہ رہا ہے کہ وہ دنیا کے بلند ترین مقامات پر پاکستان کی نمائندگی کریں اور اگلی نسل کے کوہ پیماں کو اسی جذبے اور استقامت کے ساتھ اپنے نقش قدم پر چلنے کی ترغیب دیں۔35 سالہ سرباز کا تعلق گلگت بلتستان کے ضلع ہنزہ کے علاقے علی آباد سے ہے اور انہوں نے 2016 میں اپنے کوہ پیمائی کے کیریئر کا آغاز کیا تھا۔ان میں سے چار مہمات میں، ان کے ہمراہ مرحوم محمد علی سدپارہ بھی تھے۔گزشتہ سال دھولاگیری چوٹی سر کرنے کے مشن پر روانہ ہونے سے قبل انہوں نے کہا تھا:  میں اس مہم کا منتظر ہوں اور اپنے مرشد علی سدپارہ کے خواب کے قریب پہنچ رہا ہوں، جن کا بھی 14 بلند ترین چوٹیوں کو سر کرنے کا ایسا ہی خواب تھا، لیکن بدقسمتی سے اس سال کے اوائل میں کے ٹو پر موسم سرما کی مہم کے دوران وہ جاں بحق ہوگئے ۔کوہ پیما نائلہ کیانی، ساجد سدپارہ، سول سوسائٹی کے ممبران اور سیاستدانوں سمیت پاکستانی کوہ پیماں نے سرباز کو ان کے تاریخی کارنامے پر مبارکباد پیش کی ہے۔

بنا آکسیجن دنیا کی تمام بلند ترین چوٹیاں سر کرنے والا پہلا پاکستانی کوہ پیماسرباز خان

سرباز خان آکسیجن سپورٹ کے بغیر دنیا کی 8000 میٹر سے بلند 14 پہاڑی چوٹیاں سر کرنے والے پہلے پاکستانی بن گئے

اسلام آباد(این این آئی)معرکہ حق پاکستان نے تاریخی فتح پر بھارتی جارحیت اور جھوٹ بے نقاب کر کے ڈوزیئر جاری کر دیا، ڈوزیئر میں آپریشن بنیان مرصوص میں تاریخی کامیابی کے ناقابل تردید شواہد موجود ہیں۔ذرائع کے مطابق  ڈوزیئر میں پہلگام فالس فلیگ اور بھارتی جارحیت کے ناقابل تردید شواہد بھی موجود ہیں، آپریشن بنیان مرصوص کے حقائق، سیٹلائٹ تصاویر ڈوزیئر کا حصہ ہیں، پہلگام فالس فلیگ پر مستند بین الاقوامی میڈیا رپورٹس بھی ڈوزیئر کا حصہ ہیں۔ڈوزیئر میں کہا گیا ہے کہ پاکستان امن کا علم بردار ہے اور اپنی سالمیت کا ہر قیمت پر دفاع کرے گا۔ڈوزیئر میں پہلگام فالس فلیگ کے بعد بھارتی میڈیا اور را  سے منسلک سوشل میڈیا اکاؤنٹس کی تفصیلات بھی شامل ہیں۔ڈوزیئر میں پاکستان مخالف منظم مہم اور فیک نیوز کے ناقابل تردید شواہد پیش کیے گئے ہیں۔ڈوزیئر میں کہا گیاکہ بھارتی جنگجو میڈیا نے جھوٹی خبروں اور گمراہ کن پروپیگنڈا کر کے جنگ کا ماحول بنایا، بین الاقوامی میڈیا، بھارتی سیاستدانوں، عوام نے پہلگام فالس فلیگ اور  بھارتی میڈیا کے کردار پر سوالات اٹھائے۔ذرائع کے مطابق  ڈوزیئر میں پاکستان کی جانب سے بھارت کو پہلگام واقعے کی شفاف تحقیقات کے لیے مخلصانہ کاوشوں کا بھی ذکر کیا۔ڈوزیئر میں کہا گیا کہ بھارتی جارحیت اور بزدلانہ حملے میں معصوم پاکستانی بچے، خواتین اور شہری شہید ہوئے، بھارتی جارحیت کے تمام شواہد ڈوزیئر میں پیش کیے گئے ہیں۔ڈوزیئر میں کہا گیا کہ پاکستان نے اپنے دفاع اور بھارتی جارحیت کے جواب میں آپریشن بنیان مرصوص شروع کیا، آپریشن بنیان مرصوص نے بھارت کو دھول چٹا دی اور بھارتی عزائم کو خاک میں ملا دیا، پاکستان نے بھارتی جارحیت کے جواب میں صرف بھارتی ملڑی ٹارگٹس کو نشانہ بنایا۔ڈوزیئر میں کہا گیا کہ صرف ان بھارتی ٹارگٹس کو نشانہ بنایا گیا جہاں سے نہتے اور معصوم پاکستانیوں پر حملے کیے گئے۔ڈوزیئر میں بھارتی نقصانات کی تفصیل ناقابلِ تردید شواہد کے ساتھ پیش کی گئی ہیں۔سفارتی ماہرین نے کہا کہ پاکستان نے مکمل شواہد کے ساتھ ڈوزیئر جاری کر کے سفارتی محاذ پر بھی کامیابی حاصل کر لی ہے، پاکستان نے بھارتی جارحیت کو شواہد سے بے نقاب کیا ہے۔

معرکہ حق، پاکستان نے بھارتی جارحیت اور جھوٹ بے نقاب کر کے ڈوزیئر جاری کر دیا

آپریشن بُنیان مرصوص کےحقائق، سیٹلائٹ تصاویر، پہلگام فالس فلیگ پر مستند بین الاقوامی میڈیا رپورٹس بھی ڈوزیئر کا حصہ ہیں

پاکستان سپر لیگ (پی ایس ایل) سیزن 10 میں پشاور زلمی اور لاہور قلندرز کا گروپ مرحلے کا میچ راولپنڈی میں آندھی وبارش کے باعث تاخیر کا شکار ہوگیا۔ راولپنڈی اور اسلام آباد میں تیزآندھی اوربارش کے باعث لاہور قلندرز اور پشاور زلمی کے میچ کا ٹاس تک نہیں ہوسکا، تیز آندھی اور طوفانی بارش کے باعث اسٹیڈیم میں پچ کو کور سے ڈھانپ دیا گیا۔واضح رہےلاہورقلندرز اورپشاورزلمی دونوں ٹیموںکیلئے آج کا میچ انتہائی اہم ہے فتح کی صورت میں ایک ٹیم اگلے پلے آف مرحلے میں کوالیفائی کرجائے گی۔اگربارش کے باعث میچ نہ ہوسکا تو پوائنٹس کے حساب سے لاہور قلندرز کی ٹیم پلے آف میں جگہ بنالےگی۔واضح رہے دن بھر کی شدید گرمی کے بعد شام ڈھلتے ہی اسلام آباد راولپنڈی سمیت ملک کے مختلف شہروں میں آندھی کیساتھ موسلا دھار بارش ہوئی ، بارش ہونے سے مختلف شاہرائوں پر پانی کھڑا ہوگیا جس سے ٹریفک کی روانی بھی متاثر ہوئی۔راولپنڈی میں بھی وقفے وقفے سے بارش کا سلسلہ جاری ہے ،اٹک اور گردونواح میں تیز ہواؤں کے ساتھ موسلا دھار بارش ہوئی جس سے جھلستی گرمی کا زور ٹوٹ گیا ،پشاور میں طوفان سے مختلف علاقوں میں درخت اور دیواریں گرنے سے 5 افراد زخمی ہوگئے ، ریسکیو 1122 کے مطابق افغان کالونی، اسد انور کالونی، رانو گھڑی میں مختلف عمارتوں کی چھتیں اور دیواریں گر گئیں۔

راولپنڈی میں بارش کے باعث لاہورقلندرزاورپشاورزلمی کا میچ تاخیر کا شکار ہوگیا

اسلام آباد وراولپنڈی کے مختلف علاقوں میں تیزہوائوں کیساتھ بارش، اسٹیڈیم میں پچ کو کور سے ڈھانپ دیا گیا

پاکستان سپر لیگ (پی ایس ایل) کے 28ویں میچ میں کوئٹہ گلیڈی ایٹرز نے دلچسپ مقابلے کے بعدملتان سلطان کو 2وکٹوں سے شکست دیدی۔کوئٹہ گلیڈی ایٹرزنے ملتان سلطانز کادیاگیا 186 رنز کا ہدف آخری بال پر8وکٹوں کے نقصان پرحاصل کرلیا۔حسن نواز نے 67 رنز کی ناقابل شکست اننگز کھیلی۔راولپنڈی کرکٹ اسٹیڈیم میں ہونیوالے میچ میں ملتان سلطانز نے کوئٹہ گلیڈی ایٹرز کیخلاف ٹاس جیت کر پہلے بیٹنگ کا فیصلہ کیا اور مقررہ 20 اوورز میں 7 وکٹوں کے نقصان پر 185 رنز بنائے۔ملتان سلطانز کی جانب سے اننگز کا آغاز کپتان محمد رضوان اور یاسر خان نے کیا تاہم محمد رضوان 4 رنز کے مہمان ثابت ہوئے، اوپنر یاسر خان 45 اور طیب طاہر 36 رنز کیساتھ نمایاں رہے۔جہانزیب سلطان 25، ہمایوں الطاف 16، محمد عامر برکی 21 اور شاہد عزیز 29 رنز کی اننگز کھیلنے میں کامیاب رہے۔کوئٹہ گلیڈی ایٹرز کی جانب سے عثمان طارق 3، خرم شہزاد، فہیم اشرف، محمد وسیم، ابرار احمد نے ایک ایک وکٹ حاصل کی۔ملتان سلطانز کے دیئے گئے186رنز کے ہدف کے تعاقب میںکوئٹہ کی جانب سے کپتان سعود شکیل اور خواجہ نافع نے 77 رنز کا بہترین آغاز فراہم کیا۔ سعود شکیل 18 رنز بنا کر آؤٹ ہوئے۔حسن نواز نے 38 گیندوں پر 67 رنز کی ناقابل شکست اننگ کھیلی۔ انکی اننگ میں 6 بلند وبالا چھکے اور دو چوکے شامل تھے۔ خواجہ نافع نے بھی 26 گیندوں پر 51 رنز کی برق رفتار اننگ کھیلی۔ انہوں نے چار چھکے اور پانچ چوکے لگائے۔ملتان سلطانز کی جانب سے شاہد عزیز نے 3 جبکہ محمد حسنین، عبید شاہ اور پیٹر ہٹزوگلونے ایک ایک وکٹ حاصل کی۔اس فتح کے ساتھ ہی کوئٹہ گلیڈی ایٹرز پوائنٹس ٹیبل پر سرفہرست آ گئی ہے۔

پی ایس ایل10،کوئٹہ گلیڈی ایٹرز نے ملتان سلطانز کو2وکٹوں سے شکست دیدی

کوئٹہ گلیڈی ایٹرزنے ملتان سلطانز کادیاگیا 186 رنز کا ہدف آخری بال پر8وکٹوں کے نقصان پرحاصل کرلیا

پاکستانی شوبز انڈسٹری کی دلکش اداکارہ اور مس پاکستان ورلڈ اریج چوہدری نے عالمی مقابلہ حسن کے حوالے سے مداحوں سے اہم انکشاف کردیا۔ انڈپینڈنٹ اردو کو دیے گئے ایک انٹرویو میں خود پر ہونے والی تنقید کو خندہ پیشانی سے قبول کرتے ہوئے کہا کہ کسی کی زبان کو روکا نہیں جا سکتا۔ ہر ایک کی اپنی رائے ہوتی ہے اور میں تنقید کو اصلاح کے طور پر لیتی ہوں۔اریج چودھری نے بتایا کہ مقابلہ حسن میں کسی لڑکی کا انتخاب صرف ظاہری خوبصورتی کی بنیاد پر نہیں ہوتا بلکہ کئی ٹاسک بھی دیئے جاتے ہیں جنھیں مکمل کرنا لازمی ہوتا ہے۔انھوں نے کہا کہ بلکہ مقابلہ حسن میں انتخاب 80فیصد فلاحی کام کی بنیاد پر ہوتا ہے کہ امیدوار اپنے ملک میں کتنا فلاحی کام کرتے ہیں۔اریج چودھری نے بتایا کہ مقابلے میں حصہ لینے والوں کو فلاحی کاموں کیلئے وقت بھی دیا جاتا ہے،جو جتنا بہتر ٹاسک پورا کرتا ہے اتنے زیادہ نمبر ملتے ہیں۔ اریج چودھری نے مس پاکستان ورلڈ کا ٹائٹل جیتنے پر کہاکہ مجھے آج بھی اس کامیابی پر فخر ہے، اس کے لیے سخت محنت کی تھی۔خیال رہے اریج چوہدری جو کہ ایک خوبصورت اور باصلاحیت پاکستانی ماڈل اور اداکارہ ہیں انہوں نے حال ہی میں اے آر وائی ڈیجیٹل کے مقبول ڈرامہ سیریل کبھی میں کبھی تم میں اپنے کردار نتاشا سے شہرت حاصل کی ہے۔کبھی میں کبھی تم کے علاوہ اداکارہ کے دیگر مقبول ڈراموں میں جنٹلمین ،وہ پاگل سی،شادی کارڈ اورترک وفا، شامل ہیں صرف اداکاری ہی نہیں اریج چوہدری بین الاقوامی سطح پر سابق مس پاکستان ورلڈ کا اعزاز جیتنے کی وجہ سے بھی کافی مقبول ہیں۔

مقابلہ حسن میں صرف لڑکی کی خوبصورتی نہیں دیکھی جاتی،اریج چوہدری

مقابلے میں حصہ لینے والاجتنا بہتر ٹاسک پورا کرتا ہے اتنے زیادہ نمبر ملتے ہیں،انٹرویو

ڈی جی آئی ایس پی آر لیفٹیننٹ جنرل احمد شریف چوہدری نے کہا ہے کہ پاکستانی قوم کو نہ کبھی دبایا جا سکتا ہے، نہ دھمکایا جا سکتا ہے اور نہ ہی بھارتی جارحیت یا تسلط سے مرعوب کیا جا سکتا ہے۔ڈی جی آئی ایس پی آر لیفٹیننٹ جنرل احمد شریف کا کہنا تھا کہ دشمن نے ہمیں ڈرانے کے لیے 9 اور 10 مئی کی شب مزید میزائل داغے لیکن بھارت بھول گیا کہ پاکستان کی قوم، اس کی افواج نہ کبھی جھکتی ہیں اور نہ جھکائی جا سکتی ہیں۔پاک فوج کے شعبہ تعلقات عامہ کے سربراہ ڈی جی آئی ایس پی آر لیفٹیننٹ جنرل احمد شریف نے آر ٹی عریبیہ کو دیے گئے خصوصی انٹرویو میں پاک بھارت حالیہ کشیدگی پر روشنی ڈالتے ہوئے کہا ہے کہ اس تناؤ کو سمجھنے کے لیے اس کے پس منظر میں جانا ضروری ہے۔ ان کا کہنا تھا کہ بھارت اس خطے میں، خاص طور پر پاکستان میں، دہشت گردی کی سرپرستی کر رہا ہے اور حقیقت چھپانے کے لیے جھوٹے بیانیے کے پیچھے چھپ رہا ہے۔ ڈی جی آئی ایس پی آرلیفٹیننٹ جنرل احمد شریف چوہدری نے کہا ہے پاک بھارت تناؤ کو سمجھنے کے لیے اس کا پس منظر جاننا بہت ضروری ہے، بھارت خطے خاص طور پر پاکستان میں دہشتگردی کی سرپرستی کر رہا ہے، بھارت پاکستان میں جاری دہشت گردی کا اصل سرپرست ہے، چاہے وہ خوارج ہوں یا بلوچستان میں سرگرم دہشت گرد گروہ۔ اُنہوں نے کہا کہ بھارت نے ہمیں خوفزدہ کرنے کی کوشش کی، لیکن وہ یہ بھول گیا کہ پاکستان کی عوام اور مسلح افواج ناقابل تسخیر ہیں۔لیفٹیننٹ جنرل احمد شریف چوہدری نے کہا کہ پوری دنیا نے دیکھا کہ بھارتی جارحیت کے خلاف پاکستانی قوم ایک آہنی دیوار، بنیانِ مرصوص، کی طرح ڈٹ گئی۔ڈی جی آئی ایس پی آر نے کہا کہ پاکستانی ایک سنجیدہ قوم ہیں، جن کی پہلی ترجیح امن ہے، اور عالمی برادری اب پاکستانی قوم کی اس سوچ کو بہتر انداز میں سمجھتی ہے۔انہوں نے واضح کیا کہ پاکستان اور بھارت کے درمیان کشیدگی کی اصل وجہ بھارت کا دہشت گردی کا سرپرست اور سہولت کار ہونا ہے، خاص طور پر بلوچستان اور "فتنہ خوارج" جیسے عناصر کے ذریعے پاکستان کو عدم استحکام کا شکار بنانے کی کوششیں۔لیفٹیننٹ جنرل احمد شریف نے کہا کہ بھارت اپنی اس حقیقت کو تسلیم کرنے کے بجائے جھوٹے بیانیے کی آڑ لیتا ہے، اور خود کو جج، جیوری اور ایگزیکیوشنر سمجھ کر متکبرانہ رویہ اپناتا ہے۔انہوں نے کہا کہ پاہلگام واقعے کے بعد بھارت نے بلا ثبوت پاکستان پر الزامات عائد کیے، حالانکہ پاکستان نے واضح مؤقف اختیار کرتے ہوئے کہا کہ بھارت ثبوت کسی بھی غیر جانب دار ادارے کو فراہم کرے، ہم مکمل تعاون کے لیے تیار ہیں۔لیکن بھارت نے سنجیدہ اور منطقی رویہ اپنانے کے بجائے ہماری مساجد اور بے گناہ شہریوں، بشمول خواتین اور بچوں، پر حملہ کیا۔ڈی جی آئی ایس پی آر نے کہا کہ اس کے بعد پاکستان نے انتہائی ذمہ داری، برداشت، اور تناسب کے ساتھ جواب دیا۔ پاکستان نے صرف بھارتی فوجی اہداف کو نشانہ بنایا، کوئی بھی سویلین انفراسٹرکچر متاثر نہیں ہوا۔انہوں نے کہا کہ پاکستان کا ردعمل فوری، سخت اور مؤثر تھا، جس نے دشمن کو حقیقت کا ادراک کرنے پر مجبور کر دیا۔ایک سوال کے جواب میں ڈی جی آئی ایس پی آر نے کہا کہ پاکستان کے ردعمل کے بعد بھارتی وزارتِ دفاع کے ترجمان نے کشیدگی کم کرنے کی درخواست کی، جسے پاکستان نے ایک امن پسند ملک کے طور پر خوش آمدید کہا۔ اس کے بعد ثالثی کرنے والے بین الاقوامی عناصر آگے آئے اور جنگ بندی کے لیے کردار ادا کیا۔ہماری سفارتی کور نے فہم و فراست سے غیر معمولی انداز میں عالمی برادری کو انگیج کیا، ہم پرتشدد نہیں ایک سنجیدہ قوم ہیں، ہماری پہلی ترجیح امن ہے، امریکا جیسی بڑی اور سمجھدار طاقتیں بہتر سمجھتی ہیں پاکستانی عوام کا جذبہ کیا ہے۔ایک اور سوال کے جواب میں اُنہوں نے کہا کہ مسلح افواج نے وہی ذمہ داری ادا کی جو ریاست اور عوام نے اُنہیں سونپی ہے ملک کی خودمختاری اور سرحدوں کا دفاع، اور وہ یہ فرض ہر قیمت پر ادا کرتی رہیں گی۔آخر میں انہوں نے پاکستان کے سفارتی عملے کی کاوشوں کو سراہتے ہوئے کہا کہ اُنہوں نے انتہائی سمجھداری اور مؤثر انداز میں عالمی برادری سے رابطہ کیا اور پاکستان کا مؤقف بہترین انداز میں پیش کیا۔

پاکستان میں جاری دہشت گردی کا اصل سرپرست بھارت ہے،ڈی جی آئی ایس پی آر

بھارت کی دہشت گردی، جھوٹے بیانیے اور حملوں کا پاکستان نے مؤثر جواب دیا،ڈی جی آئی ایس پی آرکی آر ٹی عریبیہ سے خصوصی گفتگو

پاکستان سپرلیگ 10 میں آج ہوگا ڈبل دھمال، آج پی ایس ایل میں دو میچز کھیلے جائیں گے۔تفصیلات کے مطابق پاکستان سپر لیگ (پی ایس ایل) سیزن 10 کے دلچسپ مقابلے جاری ہیں، پی ایس ایل میں آج دو میچز کھیلے جائیں گے جو ٹیپمیڈ پرایچ ڈی کوالٹی میں اشتہارات کے بغیربراہ راست دکھائے جائیں گے۔پہلے میچ میں آج ملتان سلطانز اورکوئٹہ گلیڈی ایٹرز کی ٹیمیں راولپنڈی کرکٹ اسٹیڈیم مدمقابل ہوں گی اور یہ میچ سہ پہر 3 بجے شروع ہوگا۔ آج کادوسرے میچ لاہور قلندرز اورپشاورزلمی کی ٹیموں کے درمیان کھیلا جائے گایہ میچ رات 8 بجے شروع ہو گا۔یاد رہے گزشتہ روز پی ایس ایل 10 کے27 ویں میچ میں کراچی کنگز نے پشاور زلمی کو 23 رنز سے ہرا کر پلے آف کے لیے کوالیفائی کرلیاہے۔کل 19 مئی کو لیگ مرحلے کا آخری میچ اسلام آباد یونائیٹڈ اورکراچی کنگز کے درمیان کھیلا جائے گا، ٹورنامنٹ کے آخری اور فیصلہ کن مرحلے کے چار میچز، جن میں کوالیفائر، دو ایلیمینیٹر اور فائنل شامل ہیں 21 تا 25 مئی کو قذافی اسٹیڈیم لاہورمیں شیڈول ہیں، شائقین فیصلہ کن مقابلوں کا بے چینی سے انتظار کررہے ہیں۔

آج ہوگا ڈبل دھمال، پاکستان سپرلیگ10 میں آج دو میچز کھیلے جائیں گے

پہلے مقابلہ ملتان سلطانزاور کوئٹہ گلیڈی ایٹرز کے درمیان ہوگاجبکہ دوسرے میچ میں لاہورقلندرز پشاورزلمی سے ٹکرائے گی

بھارتی حکومت نے حالیہ جنگ کے دوران پاکستان کی حمایت کرنے والوں کے خلاف کریک ڈاون شروع کر دیا ہے۔بھارت میں پاکستان کے لیے جاسوسی کے الزام میں معروف بھارتی ولاگر جیوتی ملہوترا کو گرفتار کرلیا گیا۔تفصیلات کے مطابق پاکستان سے عبرتناک شکست کے بعد بوکھلاہٹ کی شکار مودی سرکار نے اپنے ملک کی معروف ٹریول ولاگر جیوتی ملہوترا کو حراست میں لے کر5 روز کا ریمانڈ بھی حاصل کرلیا۔بھارتی میڈیاکے مطابق معروف ٹریول وی لاگر جیوتی ملہوترا کو ہریانہ کے شہر حصار سے گرفتار کیا گیا ہے۔ جیوتی ملہوترا ’ٹریول وِد جو‘ کے نام چینل چلاتی ہیں جس کے ساڑھے 3 لاکھ سے زائد سبسکرائبرز ہیں جبکہ وہ انسٹاگرام پر بھی خاصی مقبول ہیں۔خاتون ولاگر کو ہریانہ سے صرف اس لیے گرفتار کیا گیا کیوں کہ وہ دو بار پاکستان کا دورہ کرچکی ہیں اور دہلی میں ایک پاکستانی افسر سے بھی ملاقات کی تھی۔بھارتی میڈیا کے مطابق جیوتی ملہوترا پر ایک پاکستانی شہری کے ساتھ رابطے رکھنے اور حساس معلومات شیئر کرنے کا الزام عائد کیا گیا ہے۔رپورٹ کے مطابق یوٹیوبر جیوتی ملہوترا علاوہ دیگر 5 افراد بھی پاکستان کے لیے جاسوسی کے الزام میں گرفتار کیے گئے ہیں۔دوسری جانب جاسوسی کے الزامات میں گرفتار ہونے والی بھارتی خاتون کے والد کا بیان سامنے آگیا۔این ڈی ٹی وی کے مطابق جیوتی ملہوترا کے والد حارث ملہوترا نے کہا کہ ان کی بیٹی پاکستان یوٹیوب کے لیے ویڈیوز بنانے کے لیے گئی تھی، والد نے پولیس کی جانب سے بیٹی کے ضبط کیے گئے موبائل فونز کی واپسی کا مطالبہ کیا گیا ہے۔یوٹیوبر کے والد کا کہنا تھا کہ پولیس نے ان کے بینک دستاویزات، فون، لیپ ٹاپ اور پاسپورٹ ضبط کر لیے ہیں۔ ان کا کہنا تھا کہ ان کی بیٹی دہلی جایا کرتی تھی اور گزشتہ چار پانچ دنوں سے ہریانہ کے شہر حصار میں موجود تھی۔ہریانہ کے شہری حارث ملہوترہ نے بھارتی خبر ایجنسی اے این آئی کو بتایا کہ وہ پاکستان اور دیگر مقامات پر یوٹیوب کے لیے ویڈیوز بنانے جاتی تھی۔ انہوں نے مزید کہا کہ ان کی بیٹی پاکستان جانے کے لیے تمام ضروری اجازتیں لے چکی تھی۔

پاکستان کیلئے جاسوسی کا الزام، بھارت میں خاتون ولاگرسمیت6افراد گرفتار

ٹریول وی لاگر جیوتی ملہوترا نے2بار پاکستان کا دورہ کیا تھا اور سوشل میڈیا پر ویڈیوز بھی شیئر کی تھیں

پی ایس ایل 10 کے 27ویں میچ میں کراچی کنگز نے پشاور زلمی کو 23 رنز سے شکست دے کر پلے آف مرحلے کے لیے کوالیفائی کرلیاکراچی کنگز کی جانب سے دیے گئے 238 رنز کے تعاقب میں پشاور زلمی کی ٹیم 5 وکٹوں کے نقصان پر 214 رنز بناسکی۔تفصیلات کے مطابق پشاور زلمی نے ٹاس جیت کر فیلڈنگ کا فیصلہ کیا کراچی کنگز نے پہلے کھیلتے ہوئے مقررہ 20 اوورز میں 4 وکٹ کے نقصان پر 237 رنز بنائے جس میں ڈیوڈ وانر 86 رنز کے ساتھ سرفہرست رہے جبکہ جیمز ونس نے 72 رنز کی اننگ کھیل کر ٹیم کو بڑا ہدف دینے میں مدد کی جبکہ خوشدل شاہ نے 43 اور محمد نبی نے 26 رنز بنائے ۔ان کے علاوہ عرفان خان 2 رنز بنانے میں کامیاب ہوئے ۔پشاور زلمی کی جانب سے لیوک ووڈ نے 2 ، علی ضا اور عارف یعقوب نے ایک ایک وکٹ حاصل کی۔ہدف کے تعاقب میں پشاور زلمی کی پوری ٹیم مقررہ 20اوورز میں پانچ وکٹوں کے نقصان پر 214رنز بنا سکی، پشاور زلمی کی جانب سے صائم ایوب 47، محمد حارث 9، ٹم کوہلر20، میکس برانٹ7 بنا کر آؤٹ ہوئے، جبکہ معاذ صادق نے 19اور حسین طلعت نے 12رنز بنائے اورآؤٹ نہیں ہوئے۔زلمی کے کپتان بابر اعظم نے 94رنز کی شاندار اننگز کھیلی لیکن ٹیم کو شکست سے نہیں بچا سکے۔ کراچی کنگز کی جانب سے  جمیزونس نے 3،ڈیوڈ وارنر نے ایک کھلاڑی کو آؤٹ کیا۔کراچی کنگز نے فتح کے بعد پلے آف کے لیے کوالیفائی کرلیا ہے جب کہ کوئٹہ گلیڈی ایٹرز پہلے ہی پلے آف کے لیےکوالیفائی کرچکی ہے۔

کراچی کنگز نے پشاور زلمی کو23رنزسے ہرا کر پلے آف کیلئے کوالیفائی کرلیا

کراچی کنگز کے 238 رنز کے تعاقب میں پشاور زلمی کی ٹیم 5 وکٹوں کے نقصان پر 214 رنز بناسکی

پاکستان کرکٹ بورڈ (پی سی بی) نے آج کا دن پاکستان آرمی کے نام کردیا۔راولپنڈی میں پشاور زلمی اور کراچی کنگز کے درمیان میچ کے اننگز بریک میں پاک فوج کو خراج تحسین پیش کیا گیا۔ کرکٹ بورڈ نے پی ایس ایل 10 کو افواج پاکستان کے نام کردیا، راولپنڈی اسٹیڈیم میں آرمی چیف جنرل عاصم منیر بھی میچ دیکھنے پہنچ گئے۔میچ کے آغاز سےقبل شہدائے وطن کی عظیم قربانیوں کو خراج عقیدت بھی پیش کیا گیا اور شہدا کے لیے ایک منٹ کی خاموشی اختیار کی گئی۔پہلی اننگز کے خاتمے کے بعد دوبارہ تقریب کا آغاز ہوا تو آرمی چیف بھی اسٹیڈیم میں موجود تھے۔ ان کے ساتھ ڈی جی آئی ایس پی آر لیفٹیننٹ جنرل احمد شریف چوہدری اور چیئرمین پی سی بی محسن نقوی بھی موجود تھے۔تقریب کے میزبان حمزہ عباسی نے اعلان کیا کہ  پاکستان سپر لیگ کے تین دن آرمی، نیوی اور ائیر فورس کے نام کردیےگئے ہیں۔پہلا دن آرمی، دوسرا دن نیوی اور تیسرا دن ائیر فورس کے نام کردیا گیا،راولپنڈی اسٹیڈیم میں پاکستان زندہ باد کے فلک شگاف نعرے بلند کیے گئے۔چیئرمین پاکستان کرکٹ بورڈ محسن نقوی بھی راولپنڈی اسٹیڈیم میں موجود ہیں، اسٹیڈیم میں آتش بازی کا شاندار مظاہرہ کیا گیا اور گلوکاروں نے ملی نغمے پیش کیے گئے۔

پی ایس ایل 10 کا میلہ دوبارہ سج گیا،پی سی بی نے آج کا دن پاکستان آرمی کے نام کردیا

اسٹیڈیم میں پاکستان زندہ باد کے فلک شگاف نعرے،پہلا دن آرمی، دوسرا دن نیوی اور تیسرا دن ائیر فورس کے نام کردیا گیا

کینبرا(این این آئی)نیوزی لینڈ میں احتجاج کے طور پر ہاکا ڈانس کرنے والے تین پارلیمنٹیرینز کو معطل کردیا گیا ہے۔میڈیارپورٹس کے مطابق واقعہ کی تحقیقات کیلئے بنائی کمیٹی کا کہنا تھا کہ ہاکا ڈانس سے دیگر ارکان کو بھی شہ ملتی اور وہ بھی اسی طرح کے احتجاج کی راہ اپناتے۔ نیوزی لینڈ کی پارلیمانی کمیٹی نے تین ماوری ارکانِ پارلیمان کو معطل کردیا ہے۔ ان اراکین نے گزشتہ سال ایک متنازع بل کی منظوری کے دوران روایتی ہاکا احتجاج کیا تھا۔نومبر میں ہانا راوہیتی میپی کلارک نے پارلیمنٹ میں ہاکا رقص کرتے ہوئے احتجاج کیا تھا اور ایک متنازع بل کی کاپی پھاڑ دی تھی، اس دوران ویٹیٹی اور نگریوا پیکر بھی ان کے ساتھ شامل تھے۔جس کے بعد استحقاق کمیٹی نے سفارش کی تھی کہ ماوری پارٹی کے شریک رہنماؤں ڈیبی نگاریوا پیکر اور راویری ویٹیٹی کو 21 دنوں جبکہ 22 سالہ قانون ساز ہانا راوہیتی میپی کلارک کی رکنیت 7 دونوں کیلئے معطل کی جائے۔تاہم اب کمیٹی نے ان تین پارلیمنٹیرینز کو معطل کرتے ہوئے کہا ہے کہ ہاکا ڈانس دیکھ کر دیگر قانون ساز بھی اسی راہ پر لگ سکتے ہیں۔

نیوزی لینڈ، ہاکا ڈانس کرنے والے 3 پارلیمنٹیرینز کو معطل کردیا گیا

ہاکا ڈانس دیکھ کر دیگر قانون ساز بھی اسی راہ پر لگ سکتے ہیں، تحقیقاتی کمیٹی کا فیصلہ

ڈی جی آئی ایس پی آر لیفٹیننٹ جنرل احمد شریف چوہدری نے سوال اٹھایا ہے کہ جو لوگ فوج مخالف باتیں کرتے تھے کیا ان کا احتساب نہیں ہونا چاہئے؟، پاکستان کی فوج عوام سے اور عوام پاک فوج سے ہے، عوام اور مسلح افواج متحد ہوئے تو کوئی دہشت گرد نہیں بچے گا، سیاسی پلائی آہنی دیوار ملک کے عوام، بچے اور بچیاں ہیں،اب ہمیں متحد ہوکر آہنی دیوار کو دہشت گردی کی طرف موڑنا ہے۔ہفتے کو ڈی جی آئی ایس پی آر نے اسلام آباد کے طلبا اور اساتذہ کے ساتھ خصوصی نشست کا اہتمام کیا گیا جس میں انہوں نے نوجوانوں کی ملک کے لیے کاوشوں کو نہایت اہم قرار دیا۔ڈی جی آئی ایس پی آر نے دشمن کے ناپاک عزائم سے آگاہ کرتے ہوئے متحد رہنے کی تلقین کی اور کہا کہ پاکستان امن کا گہوارہ ہے۔ اور پاکستان کی فتح دراصل امن کی فتح ہے ۔لیفٹیننٹ جنرل احمد شریف نے پورے ملک کے اساتذہ کو پاک فوج کی جانب سے سلام بھی پیش کیا۔شرکا سے گفتگو کرتے ہوئے ڈی جی آئی ایس پی آرنے کہا کہ جس طریقے سے طلباء نے پاکستان اور پاک فوج کیلیے والہانہ محبت کا اظہار کیا ہے اسے دیکھ کر کہہ سکتا ہوں کہ پاکستان کا مستقبل نہ صرف روشن ہے بلکہ تابناک بھی ہے۔انہوں نے کہا کہ آپ کو لوگ کہتے تھے یہ اپنا کام نہیں کرتے، آپ ان سے سوال کریں کہ فوج نے اپنا کام کیا یا نہیں کیا؟ کیا ایسے لوگوں کا احتساب نہیں ہونا چاہیے جو اپنی فوج، افسروں اور جوانوں کے خلاف باتیں کرتے تھے۔ڈی جی آئی ایس پی آر نے کہاکہ پاکستان کی فوج عوام سے اور عوام پاک فوج سے ہے، سیاسی پلائی آہنی دیوار آپ ہیں، اس ملک کے عوام، بچے اور بچیاں ہیں۔انہوں نے کہا کہ یقین رکھیں یہ نسل اور آپ کے بعد کی نسلیں کبھی بھی ملک کی حفاظت سے پیچھے نہیں ہٹیں گی۔ ڈی جی آئی ایس پی آر نے طلبا کو بتایا کہ پاکستان میں ںظر آنے والی دہشت گردی کے پیچھے بھارت ہے۔انہوں نے کہا کہ آہنی دیوار (بنیان مرصوص)کو اب ہم نے متحد ہوکر دہشت گردی کی طرف موڑنا ہے، عوام اور فوج اکھٹے ہوں گے تو ملک میں کوئی دہشت گرد نہیں بچے گا۔ڈی جی آئی ایس پی آر نے کہا کہ تمام بچے اپنے اساتذہ کا احترام کریں، ہمیں اپنے اساتذہ کو سیلوٹ کرنا چاہیے۔ انہوں نے پاک فوج کی جانب سے اساتذہ کو سیلوٹ کیا۔ڈی جی آئی ایس پی آر نے پاکستان زندہ باد کا اسٹیج سے جبکہ بچوں کے ساتھ ملکر نعرہ لگوایا کشمیر بنے گا پاکستان کا نعرہ بھی لگوایا۔

عوام اورفوج اکٹھے ہوں گے تو اس ملک میں کوئی دہشت گرد نہیں بچے گا،ڈی جی آئی ایس پی آر

اب ہمیں متحد ہوکر آہنی دیوار کو دہشت گردی کی طرف موڑنا ہے،ڈی جی آئی ایس پی آرکی اسلام آباد کے طلباء و اساتذہ کیساتھ خصوصی نشست

امریکی صدر ٹرمپ نے کہا ہے کہ خارجہ پالیسی امور میں زندگی میں آج تک جس بات پر سب سے زیادہ سراہا گیا وہ پاک، بھارت جنگ بندی کامیاب بنانا ہے،ہم نے پاکستان اور بھارت کے درمیان ممکنہ ایٹمی جنگ کو رکوایا۔امریکی صدر نے خطے میں امن کے لیے پاکستان کے کلیدی کردار کو عالمی سطح پر سراہا اور کھل کر پاکستان کی تعریف کی۔امریکی ٹی وی فوکس نیوز کوانٹرویو میں ڈونلڈ ٹرمپ نے انکشاف کیا ہے کہ پاکستان اور بھارت، دو جوہری طاقتیں، ایک وقت ایسے مقام پر پہنچ گئی تھیں جہاں نیوکلیئر جنگ کا خطرہ منڈلا رہا تھا، مگر امریکی سفارتی کوششوں سے بڑی تباہی ٹال دی گئی،ڈونلڈٹرمپ نے کہا کہ پاکستان کے ساتھ ان کی بہت اچھی بات چیت ہوئی اور دونوں ممالک کو بات چیت کی میز پر لانا ایک بڑی کامیابی ہے۔صدرٹرمپ نے کہا کہ ان کی پاکستان سے بہت عمدہ بات چیت ہوئی ہے۔ ہم پاکستان کو نظرانداز نہیں کرسکتے کیونکہ تالی دونوں ہاتھوں سے بجتی ہے۔امریکی صدر کا کہنا تھاکہ بھارت کے معاملے میں تو وہ پُریقین تھے تاہم پاکستان سے بھی تجارت پر بات کی ہے، پاکستان کی خواہش ہے کہ امریکا سے تجارت کرے، پاکستان نے جنگ کے بجائے تجارت کو ترجیح دے کر عالمی قیادت ثابت کی۔ٹرمپ کا کہنا تھاکہ پاکستانی ذہین لوگ ہیں۔ وہ حیرت انگیز اشیا بناتےہیں، حیرت ہے کہ پاکستان سے اچھے تعلقات ہونے کے باوجود امریکا اس ملک سے زیادہ تجارت نہیں کرتا۔امریکی صدر نے کہا کہ پاکستان اور بھارت کوئی چھوٹی موٹی نہیں، بڑی ایٹمی طاقتیں ہیں، دونوں ایک دوسرے سے سخت ناراض تھے، ادلے کا بدلہ ہورہا تھا، دونوں ملک زیادہ سے زیادہ قوت سے حملہ آور ہورہے تھے اور بات نیوکلیئر ہتھیاروں تک پہنچ سکتی تھی۔امریکی صدر نے کہا کہ نیوکلیئر جنگ کا لفظ ہی غلیظ ہے، یہ وہ بدنما ترین چیز ہے جو کبھی رونما ہوسکتی ہے، انہوں نے اس بات پر افسوس کا اظہار کیا کہ دونوں ممالک اس کے بہت قریب تھے کیونکہ ایک دوسرے سے نفرت عروج پر تھی تاہم اب دونوں فریق خوش ہیں۔سفارتکاری کے بارے میں ٹرمپ نے بتایا کہ درحقیقت انہوں نے اپنے اہلکاروں سے کہا تھا کہ پاکستان اوربھارت کو ٹیلی فون کریں، تجارت اور ملاقاتوں کا آغاز کریں، فریقوں سے کہا کہ ہم تجارت کو بہت زیادہ بڑھائیں گے۔امریکی صدر کا کہنا تھا کہ وہ تجارت کو دشمنیاں ختم کرنے اور امن قائم کرنے کیلئے استعمال کر رہے ہیں، وہ وعدوں پر عمل کرنے والے شخص ہیں۔بھارت پر تنقید کرتے ہوئے امریکی صدر نے کہا کہ بھارت دنیا میں وہ ملک ہے جو سب سے زیادہ ٹیرف لگاتا ہے، انہوں نے دوسروں کیلئے کاروبار کرنا تقریباً ناممکن بنا دیا ہے تاہم اب بھارت بھی امریکا کے ساتھ ٹیرف سو فی صد کم کرنے پر تیار ہے۔ٹرمپ نے انٹرویو کے آخر میں خود کو وعدے پورے کرنے والا لیڈر قرار دیا اور کہا کہ ان کی قیادت میں امریکا نہ صرف عالمی امن کے لیے کام کر رہا ہے بلکہ اقتصادی محاذ پر بھی نئے دروازے کھول رہا ہے۔

پاک بھارت جنگ بندی پر سب سے زیادہ سراہا گیا،امریکی صدر ٹرمپ

پاکستانی ذہین لوگ ہیں، حیرت انگیز اشیا بناتے ہیں پاکستان کو نظر انداز نہیں کیاجاسکتا، صدر ٹرمپ

عالمی شہرت یافتہ فٹبالر کرسٹیانو رونالڈو نے کمائی کے میدان میں سبھی ایتھلیٹس کو پیچھے چھوڑ دیا۔امریکی جریدے فوربز نے 2025 کے سالانہ سب سے زیادہ کمائی کرنے والے کھلاڑیوں کی فہرست جاری کی ہے، جس میں پرتگالی فٹبالر کرسٹیانو رونالڈو مسلسل تیسرے سال بھی سب سے آگے ہیں۔ رونالڈو نے پچھلے 12 مہینوں میں 275 ملین ڈالرز کی زبردست کمائی کی، جن میں 160 ملین ڈالر کھیل کے معاہدوں سے جبکہ 115 ملین ڈالر اشتہارات اور دیگر کاروباری سرگرمیوں سے حاصل کیے گئے۔اس فہرست میں امریکی باسکٹ بال کے معروف کھلاڑی اسٹیفن کری 15 کروڑ 60 لاکھ ڈالرز کے ساتھ دوسرے جبکہ برطانوی باکسر ٹائیسن فیوری 14 کروڑ 60 لاکھ ڈالرز کی کمائی کے ساتھ تیسرے نمبر پر موجود ہیں۔ارجنٹائن کے عالمی کپ فاتح کپتان لائنل میسی 135 ملین ڈالرز کے ساتھ پانچویں نمبر پر آگئے ہیں۔

کرسٹیانو رونالڈو دنیا میں سب سے زیادہ کمائی کرنے والے ایتھلیٹ بن گئے

رونالڈو نے لگاتار تیسری مرتبہ دنیا میں سب سے زیادہ کمائی کرنیوالے اتھلیٹ بننے کا اعزاز اپنے نام کرلیا

ڈونلڈ ٹرمپ امریکی صدارت سنبھالنے کے بعد اپنے پہلے مشرق وسطیٰ کے دورے پر سعودیہ اور قطر کے بعد 15 مئی کو متحدہ عرب امارات (یو اے ای) پہنچے، جہاں صدارتی محل میں لڑکیوں نے ان کا استقبال روایتی رقص سے کیا، جس میں سفید لباس میں ملبوس خواتین اپنے کھلے بالوں کو دائیں بائیں لہراتی دکھائی دیں۔یہ منظر سوشل میڈیا پر وائرل ہوگیا ۔امریکی ویب سائٹ نیویارک پوسٹ کے مطابق ڈونلڈ ٹرمپ کا استقبال روایتی خلیجی رقص ’العیالہ‘ سے کیا گیا، اس دوران مرد اور خواتین ایک ساتھ رقص کرتے دکھائی دیے۔ڈونلڈ ٹرمپ کی یو اے ای آمد پر ان کا ’العیالہ‘ رقص سے استقبال کرنے کی ویڈیوز سوشل میڈیا پر وائرل ہوگئیں اور دنیا بھر کے صارفین کے درمیان اس معاملے پر ایک نئی بحث چھڑ گئی۔اور صارفین کی جانب سے تجسس اور حیرت کا اظہار کیا گیا کہ آخر اس استقبال کو کیا کہا جاتا ہے؟ تو واضح رہے کہ یہ استقبال دراصل ’’العیالہ‘‘ نامی روایتی ثقافتی مظاہرہ ہے جو امارات اور شمالی عمان میں مہمانوں کے خیرمقدمی موقع پر کیا جاتا ہے۔اسے اکثر خلیجی ڈانس بھی کہا جاتا ہے۔یہ رقص نہ صرف خلیجی ثقافت کا نمائندہ ہے بلکہ اس کی جڑیں عرب قبائلی تاریخ میں بہت گہرائی تک پیوست ہیں۔العیالہ جنگی منظر کی علامتی نقالی ہے، جو شادیوں، تہواروں اور سرکاری تقریبات میں دکھائی جاتی ہے۔ اس میں مرد بانس کی چھڑیوں کے ساتھ صف بندی میں رقص کرتے ہیں، جب کہ خواتین ڈھول کی تھاپ پر اپنے بالوں کو ہوا میں لہراتی ہیں۔ یہ رقص یونیسکو کی جانب سے عالمی ثقافتی ورثے کے طور پر تسلیم بھی کیا جاچکا ہے۔اس رقص کو مرد اور عورت دونوں الگ الگ انداز میں پیش کرتے ہیں، تاہم العیالہ یاخلیجی ڈانس کی اصطلاح زیادہ تر خواتین کے مخصوص انداز میں رقص کے لیے استعمال ہوتی ہے جس میں لمبے سیاہ بالوں کو گھما کر لہرانے کا فن شامل ہوتا ہے۔خلیجی خواتین اس رقص میں اپنے لمبے، کھلے اور خوشبو دار بالوں کو دھن کے ساتھ ہم آہنگ کرتے ہوئے ہوا میں گھما کر لہراتی ہیں۔یہ حرکت نہ صرف دیکھنے میں مسحورکن معلوم ہوتی ہے بلکہ عورت کے حسن، وقار اور اعتماد کی علامت بھی مانی جاتی ہے۔عرب دنیا میں لمبے بال عورت کی نسوانیت کی علامت سمجھے جاتے ہیں، اور یہ رقص اسی پہلو کو فنکارانہ انداز میں ظاہر کرتا ہے۔ڈونلڈ ٹرمپ کے استقبال میں یہی روایت ادا کی گئی جس نے دنیا بھر کی توجہ حاصل کرلی اور خلیجی ثقافت کو عالمی اسٹیج پر اجاگر کیا۔

دورہ متحدہ عرب امارات کے دوران ٹرمپ کامنفردرقص سے استقبال، سوشل میڈیا پر نئی بحث

ٹرمپ کی یو اے ای آمد پر ان کا ’العیالہ‘ رقص سے استقبال کرنے کی ویڈیوز سوشل میڈیا پر وائرل ہوگئیں

پھرسیٹی بجے گی، پی ایس ایل کا میلہ آج سے دوبارہ سجے گا۔تفصیلات کے مطابق ایچ بی ایل پی ایس ایل سیزن 10 کی ٹائٹل دوڑ آج 9 روز کے وقفے کے بعد دوبارہ شروع ہو رہی ہے، راولپنڈی کرکٹ اسٹیڈیم میں کراچی کنگز کا مقابلہ پشاورزلمی سے ہوگا، میچ رات ساڑھے7 بجے شروع ہو گا اورٹیپمیڈ پربراہ راست دکھایاجائے گا۔کراچی کنگز کی ٹیم لیگ میں 8 میچز کھیل چکی ہے جن میں 5 میچز میں کامیابی حاصل کرنے کے بعد کراچی کنگز کی ٹیم 10 پوائنٹس کے ساتھ پوائنٹس ٹیبل پر دوسری پوزیشن پر موجود ہے ۔پشاور زلمی کی ٹیم بھی 8 میچز کھیل چکی ہے جن میں وہ 4 میچز جیتنے کے بعد 8 پوائنٹس کےساتھ ٹیبل پر پانچویں نمبر پر ہے ۔ ٹورنامنٹ کا فائنل 25 مئی کو قذافی اسٹیڈیم، لاہور میں کھیلا جائے گا۔واضح رہے کہ بھارت کی جانب سے پاکستان پر حملے کے بعد پی ایس ایل کے بقیہ میچز روک دیئے گئے تھے، بھارت کو منہ توڑ جواب دینے کے بعد اب دوبارہ سے پی ایس ایل کے میچز کھیلے جائیں گے۔

پی ایس ایل میلہ آج سے دوبارہ سجے گا، کراچی کنگزکا مقابلہ پشاور زلمی سے ہوگا

میچ رات ساڑھے 7 بجے شروع ہو گا،پوانٹس ٹیبل پرکراچی کنگز کے10جبکہ پشاورزلمی کے8پوائنٹس ہیں

South Africa have announced their ODI squad for the PAK vs SA ODI series.

PAK vs SA ODI Series: South Africa Announces ODI Squad

South Africa have announced their ODI squad for the <a href="https://www.tapmad.com/blog/pak-vs-sa-2024-25-series-squads-and-schedule/508-2-0">PAK vs SA</a> ODI series.&nbsp;

The first game of this three-match series will be played on 17th December at the Eurolux Boland Park in Paarl.

The strongest players of the South African team have been selected to play the ODIs against Pakistan.&nbsp;

Follow our official <a href="https://whatsapp.com/channel/0029VaAdx1iLY6d69TiZbo0m">Whatsapp Channel.</a>&nbsp;

Rabada, Klaasen, Miller, &amp; Maharaj will make a comeback into the ODI squad strengthening the Proteas lineup even further.&nbsp;

The squad selection clearly shows South Africa&rsquo;s intent of making full use of the opportunity to play against Pakistan before ICC Champions Trophy 2025.&nbsp;

Although South Africa will play a tri-series in Pakistan, which also includes New Zealand, in February next year, those matches will take place too close to the conclusion of the SA20 on February 8 for a first-choice squad to be available.

In comparison to the South Africa squad that last played an ODI, the Proteas selection committee has made nine changes including selecting Kagiso Rabada, Heinrich Klaasen, David Miller, Tabraiz Shamsi, and Keshav Maharaj, all of whom last played an ODI almost a year ago.&nbsp;

Furthermore, the inclusion of 18-year-old Kwena Maphaka will add more depth and strength to the South African pace attack.&nbsp;

The squad will be led by regular captain Temba Bavuma, who was injured when playing an ODI against Ireland in October but has since returned to form in the Test arena.&nbsp;

<h2>South Africa squad for ODI series against Pakistan</h2>

Temba Bavuma (capt), Ottneil Baartman, Tony de Zorzi, Marco Jansen, Heinrich Klaasen (wk), Keshav Maharaj, Kwena Maphaka, Aiden Markram, David Miller, Andile Phehlukwayo, Kagiso Rabada, Tristan Stubbs, Ryan Rickelton, Tabraiz Shamsi, Rassie van der Dussen.

PAK vs SA ODI Series: South Africa Picks The Strongest Players for ODI Squad

South Africa squad for ODI series against Pakistan

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan