Cricket

Entertainment

Football

سعودی عرب سمیت دنیا کے بیشتر مسلم ممالک میں آج عید الاضحی مذہی جوش و خروش سےمنائی جا رہی ہے۔سعودی عرب کے علاوہ متحدہ عرب امارات، قطر، کویت، ترکی، شام، اردن، عمان اور عراق میں بھی آج ہی عید الاضحی منائی جا رہی ہے جبکہ برطانیہ، امریکہ، کینیڈا اور آسٹریلیا میں مقیم مسلمان بھی آج ہی کے دن عیدِ قربان منا رہے ہیں۔ مسجد الحرام اور مسجد نبوی میں نماز عید کے روح پرور اجتماعات ہوئے ہیں، امت مسلمہ کے اتحاد اور فلسطین کی آزادی کے لیے خصوصی دعائیں مانگی گئیں۔حجاج کرام سنت ابراہیمی کی ادائیگی میں مصروف ہیں۔مکہ مکرمہ کی مسجد الحرام اور مدینہ منورہ کی مسجد نبویﷺ  میں نمازِ عید کے روح پرور اجتماعات منعقد ہوئے جن میں لاکھوں فرزندانِ توحید نے شرکت کی۔مسجدالحرام میں امام مسجدِ حرم الشیخ ماہر المعیقلی نے نماز عید کی امامت کی اور خطبہ دیا،دوسری جانب لاکھوں حجاج آج مناسک حج کے اگلے مرحلے کے لیے مذدلفہ سے منیٰ پہنچے، جہاں حجاج جمرہ عقبہ (بڑے شیطان) کی رمی میں مصروف ہیں۔حج کے تیسرے اور آخری مرحلے میں بڑے شیطان کو کنکریاں مارنے کا سلسلہ جاری ہے، لاکھوں حجاج رمی اور قربانی کرنے کے بعد سر منڈوا کر احرام کھول دیں گے۔ طوافِ زیارت کےلیے عام لباس میں مسجد الحرام جائیں گے، عام لباس میں ہی سعی کریں گے۔ حجاج کرام 11 اور 12 ذوالحجہ کو بھی منیٰ میں قیام کریں گے اور تینوں شیطانوں کی رمی کرینگے۔

سعودی عرب سمیت خلیجی ممالک میں آج عیدالاضحی مذہبی جوش وخروش سے منائی جارہی ہے

مسجد الحرام، مسجد نبویﷺ میں نماز عید کے بڑے اجتماعات،اُمت مسلمہ کے اتحاد اور کیلئے خصوصی دعائیں مانگی گئیں

وزیراعظم شہباز شریف سعودی ولی عہد شہزادہ محمد بن سلمان کی دعوت پر دو روزہ دورے پر سعودی عرب پہنچ گئے۔جدہ کے گورنر شہزادہ سعود بن عبداللہ سمیت دیگر اعلیٰ حکام نے وزیر اعظم کا پرتپاک استقبال کیا جبکہ شہباز شریف کے ہمراہ ایک اعلیٰ سطحی وفد بھی موجود ہے۔اعلامیے کے مطابق  وزیرِ اعظم ولی عہد شہزادہ محمد بن سلمان کی دعوت پر سعودی عرب پہنچے ہیں، وزیراعظم کے ہمراہ اعلیٰ سطح وفد بھی موجود ہے۔وزیراعظم شہباز شریف عید الاضحی سعودی عرب میں منائیں گے اور اسی دن سعودی ولی عہد شہزادہ محمد بن سلمان سے ملاقات کریں گے۔ملاقات میں دوطرفہ تعلقات، تجارت، سرمایہ کاری، امت مسلمہ کی فلاح و بہبود، اور علاقائی امن و سلامتی کے امور پر تبادلہ خیال کیا جائے گا۔وزیراعظم پاک، بھارت کشیدگی کم کرنے میں سعودی قیادت کے کردار پر شکریہ ادا کریں گے۔

وزیراعظم 2 روزہ دورے پر سعودی عرب پہنچ گئے، عید وہیں منائیں گے

وزیراعظم شہباز شریف حالیہ پاک بھارت تنازع کو کم کرنے میں تعمیری کردار پر سعودی قیادت کا شکریہ بھی ادا کریں گے

دفتر خارجہ نے شملہ معاہدے کی منسوخی کی قیاس آرائیوں کی تردید کر دی۔ پاکستان اور بھارت کے درمیان جاری کشیدگی کے تناظر میں دفتر خارجہ نے واضح موقف اختیار کرتے ہوئے کہا ہے کہ پاکستان نے بھارت کے ساتھ طے پانے والے کسی بھی دوطرفہ معاہدے کی منسوخی کا نہ تو کوئی حتمی فیصلہ کیا ہے اور نہ ہی اس حوالے سے باضابطہ کوئی قدم اٹھایا گیا ہے۔واضح رہے کہ وزیردفاع خواجہ آصف نے بھارت کے ساتھ حالیہ کشیدگی کے دوران بھارتی حکام کے بیانات کے تناظر میں ایک انٹرویو کے دوران کہا تھا کہ شملہ معاہدہ ختم ہوچکا ہے اور اب کنٹرول لائن سیز فائر لائن ہے۔سیزفائر لائن کے بعد ہم واپس 1948 والی پوزیشن پر آگئے ہیں۔ وفاقی وزیر نے کہا تھا کہ 1948 کے بعد رائے شماری سے متعلق جو ہوا اس کے بعد یہ سیزفائر لائن ہے اور بھارت کے اقدامات کی وجہ سے شملہ معاہدے کی حیثیت اب ختم ہوچکی ہے۔

قیاس آرائیاں بے بنیاد ہیں،دفترخارجہ نے بھارت کےساتھ شملہ معاہدہ منسوخی کی تردید کردی

خواجہ آصف نے کہا تھا کہ بھارت کے ساتھ شملہ معاہدہ فارغ ہوگیا اور ہم 1948 والی پوزیشن پر واپس آگئے ہیں

وزیراعلیٰ خیبرپختونخوا علی امین گنڈا پور نے کہا ہے کہ پارٹی کے لیڈر کو ناحق جیل میں رکھنا زیادتی ہے، ہمیں ان کے ساتھ بیٹھ کر بات کرنے کی اجازت نہیں دی جارہی، 26 ویں ترمیم کے بعد عدلیہ سے کوئی امید نہیں، عدلیہ آزاد ہو تو آزاد فیصلے ہوں گے، اسلام کے نام پر بننے والے ملک میں انصاف کہیں نظر نہیں آرہا، بشریٰ بی بی کو 14ماہ سے نظر بند کر کے رکھا گیا ہے، ہمارے پاس آئینی راستہ ہے وہ احتجاج کا راستہ ہے، اپنا حق حاصل کرنے کیلئے تحریک طرف جائیں گے۔وزیراعلیٰ کے پی علی امین گنڈا پور نے بانی پی ٹی آئی سے اڈیالہ جیل میں ملاقات کے بعد جیل کے باہر میڈیا سے گفتگو میں کہا کہ میری بانی سے تفصیلی ملاقات ہوئی ہے، ہمارا بجٹ آنے والا ہے اس حوالے سے معاشی ٹیم کی ملاقات بجٹ سے پہلے کرائیں گے، اگر ملاقات نہیں کرائی گئی تو پھر لائحہ عمل طے کریں گے۔انہوں نے کہا کہ ہماری صوبے میں حکومت ہے بانی کی ان پٹ بجٹ لازمی ہے، بانی نے فنڈز انسانی فلاح پر لگانے کا حکم دیا ہے، ہم نے ویلفیئر پر کام کرنا ہے جو علاقے پیچھے رہ گئے ہیں ان کو اوپر لانا ہے۔ علی امین گنڈاپور نے کہا کہ ہمیں کچھ نظر نہیں آرہا ہم احتجاج کا حق رکھتے ہیں، پاکستان کے لیڈر کو جیل میں رکھا گیا ہے، ہم نے تحریک سڑکوں پر چلانی ہے، اس کو ہم حاصل کرکے رہیں گے۔انہوں نے کہا کہ بانی کو اپنے لوگوں پر فخر ہے، قوم کھڑی ہے، لوگوں سے پارٹیاں چھڑوائی جس طرح ووٹ ملا اس سے ثابت ہوگیا قوم جاگ چکی ہے، انہوں نے ہمیں گولیاں ماری جو دنیا کی تاریخ میں کبھی نہیں ہوا، ہم نے کوشش کرنی ہے فیصلہ عوام کریں گے۔ان کا کہنا تھا کہ اس ملک پر قبضہ کرنے والے اس ملک کو تباہ کررہے ہیں، ہمارے ملک کے بجٹ کی شروعات قرضوں سے ہوتی ہے، اگر قرضوں پر گھر چلا تو اس کا سودا کردیں گے۔

عدلیہ سے کوئی امید نہیں رہی، اب احتجاج کا آئینی راستہ استعمال کرینگے، وزیراعلیٰ خیبرپختونخوا

پارٹی کے لیڈر کو ناحق جیل میں رکھنا زیادتی ہے، وزیراعلیٰ خیبرپختونخوا کی اڈیالہ جیل کے باہر گفتگو

نئی دہلی سے خبر ہے کہ بھارت اور میانمار کی سرحد پر ایک نئی ریاست زوگام کے قیام کی تحریک نے زور پکڑ لیا ہے،بھارت اور میانمار کی سرحد پر ایک نئی ریاست زوگام کے قیام کی کوششوں نے خطے میں سنسنی پھیلا دی ہے۔تفصیلات کے مطابق بھارت، میانمار اور بنگلہ دیش کے سرحدی علاقوں میں ایک نئی ریاست کے قیام کی بازگشت سنائی دے رہی ہے۔ اس مجوزہ ریاست کا نام ’’زوگام‘‘ ہے، جسے زو، کوکی، چن اور دیگر مسیحی قبائل آباد کرنا چاہتے ہیں۔زوگام کا تصور کوئی نیا نہیں، بلکہ 1988 میں پیش کیا گیا تھا۔ تاہم حالیہ دنوں میں بھارت کی ریاست منی پور میں ہونے والے نسلی فسادات کے بعد اس تحریک کو نئی جان ملی ہے۔ زو کمیونٹی کا کہنا ہے کہ انہیں اپنی شناخت، تحفظ اور خودمختاری چاہیے۔ادھر بنگلہ دیش کی وزیر اعظم شیخ حسینہ کا انکشاف تہلکہ خیز ہے۔ ان کے مطابق ایک سفید فام شخص نے ان سے کہا تھا کہ اگر وہ بنگلہ دیش میں ایک فوجی اڈے کی اجازت دیں، تو انہیں انتخابی مدد دی جائے گی۔ اس انکشاف نے شکوک و شبہات کو جنم دیا ہے کہ کہیں یہ ایک بڑی عالمی سازش تو نہیں؟بھارت میں بھی سیاسی درجہ حرارت بڑھ چکا ہے۔ فری موومنٹ ریجیم کو ختم کر کے سرحد پر باڑ لگانے کا فیصلہ کیا گیا ہے، جس پر میزورم کی حکومت اور زو تنظیموں نے اعتراضات اٹھائے ہیں۔کیا زوگام ایک نیا ملک بننے جا رہا ہے؟ یا یہ صرف ایک سیاسی چال ہے؟ اس سوال کا جواب آنے والا وقت ہی دے گا، لیکن شمال مشرقی بھارت میں حالات یقینی طور پر بدل رہے ہیں۔

بھارت کی سرحد پر ایک نئی ریاست؟ زوگام تحریک اور خطے میں ابھرتا ہوا تنازعہ

بھارت اور میانمار کی سرحد پر نئی ریاست زوگام کے قیام کی کوششیں، خطے میں کشیدگی بڑھنے لگی

وفاقی ادارہ شماریات نے جانور شماری کے اعداد وشمار جاری کردیے ہیں، جس کے مطابق ملک میں گدھوں کی تعداد مزید بڑھ گئی ہے اور اسی طرح دیگر جانوروں کی تعداد میں بھی اضافہ ہوا ہے۔تفصیلات کے مطابق ملک میں گدھوں سمیت دیگر مویشیوں کی تعداد میں اضافہ ہوگیا، گدھوں کی تعداد ایک لاکھ 9 ہزار اضافے سے 60 لاکھ 47 ہزار ہوگئی۔مویشیوں کی مجموعی تعداد میں 21 لاکھ 71 ہزار کا اضافہ ہوا، جس کے بعد ان کی کل تعداد 5 کروڑ 75 لاکھ 40 ہزار سے بڑھ کر 5 کروڑ 97 لاکھ 11 ہزار پر پہنچ گئی۔سرکاری دستاویزات کے مطابق ملک میں ایک سال کے دوران گدھوں اور مختلف مویشیوں کی تعداد میں اضافہ دیکھنے میں آیا ہے۔گدھوں کی تعداد میں ایک لاکھ 9 ہزار کا اضافہ ہوا، جس کے بعد ان کی مجموعی تعداد 59 لاکھ 38 ہزار سے بڑھ کر 60 لاکھ 47 ہزار ہوگئی۔اسی عرصے کے دوران بھینسوں کی تعداد میں 13 لاکھ 78 ہزار کا اضافہ ریکارڈ کیا گیا ہے، جس کے بعد بھینسوں کی مجموعی تعداد 4 کروڑ 63 لاکھ 10 ہزار سے بڑھ کر 4 کروڑ 76 لاکھ 88 ہزار ہو گئی۔دستاویزات کے مطابق بھیڑوں کی تعداد 3 لاکھ 88 ہزار بڑھ کر 3 کروڑ 31 لاکھ 19 ہزار ہو گئی، اسی طرح بکریوں کی تعداد میں 23 لاکھ 58 ہزار کا اضافہ دیکھا گیا ہے، جس کے بعد ان کی کل تعداد 8 کروڑ 93 لاکھ 93 ہزار تک جا پہنچی۔اسی عرصے کے دوران اونٹوں کی تعداد میں 14 ہزار کا اضافہ ہوا اور اب ان کی تعداد 11 لاکھ 63 ہزار سے بڑھ کر 11 لاکھ 77 ہزار ہو چکی ہے۔دستاویزات سے مزید پتا چلتا ہے کہ گھوڑوں کی تعداد میں ایک ہزار اور خچروں کی تعداد میں تین ہزار کا اضافہ ہوا، جس کے بعد گھوڑوں کی تعداد 3 لاکھ 83 ہزار اور خچروں کی تعداد 2 لاکھ 27 ہزار ریکارڈ کی گئی۔دستاویزات کے مطابق ایک سال کے دوران مویشیوں کی مجموعی تعداد میں 21 لاکھ 71 ہزار کا اضافہ ہوا، جس کے بعد ان کی کل تعداد 5 کروڑ 75 لاکھ 40 ہزار سے بڑھ کر 5 کروڑ 97 لاکھ 11 ہزار پر پہنچ گئی۔

پاکستان میں گدھوں کی تعدادبڑھ گئی،جانور شماری کے دلچسپ اعداد و شمار جاری

ایک سال میں مویشیوں کی تعداد میں 21 لاکھ 71 ہزار کا اضافہ ہوا، وفاقی ادارہ شماریات

انٹرنیشنل کرکٹ کونسل (آئی سی سی) نے ٹی ٹوئنٹی پلیئرز کی رینکنگ جاری کردی۔آئی سی سی پلیئرز رینکنگ کی ٹاپ ٹین میں پاکستان کا کوئی کھلاڑی شامل نہیں ہے۔آئی سی سی ٹی ٹوئنٹی پلیئرز کی رینکنگ میں آسٹریلیا کے ٹریوس ہیڈ پہلے نمبر پر ہیں جب کہ بھارت کے ابھیشیک شرما کا دوسرا اور انگلش بیٹر فل سالٹ کا تیسرا نمبر ہے۔پاکستان کے سابق کپتان بابراعظم تین درجے تنزلی کے باعث 12 ویں نمبر پر چلے گئے ہیں اور محمد رضوان ایک درجہ تنزلی کے باعث 13 ویں نمبر پر پہنچ گئے ہیں۔وکٹ کیپر بیٹر محمد حارث 210 درجہ اونچی چھلانگ کی بدولت اب 30ویں نمبر پر آگئے ہیں ، حسن نواز 57 درجے بہتری کے بعد 46 نمبر پر موجود ہیں۔پاکستان کے صائم ایوب 4 درجے ترقی کے بعد 61 ویں پر موجود ہیں اور کپتان سلمان علی آغا 42 درجے ترقی کے بعد 76 ویں نمبر پر پہنچ گئے ہیں۔

آئی سی سی ٹی 20 رینکنگ جاری، بابر اور رضوان کی تنزلی،حارث کی ترقی

سابق کپتان بابراعظم تین درجے تنزلی کے باعث 12 ویں نمبر پر چلے گئے ہیں

مسجد الحرام کے امام شیخ صالح بن حمید نے خطبہ حج کے دوران فلسطین کے مظلوم مسلمانوں کے خصوصی دعا کراتے ہوئے کہا ہے کہ اے اللہ! فلسطین کے بھائیوں کی مدد فرما، عورتوں اور بچوں کو قتل کرنے والوں کو برباد کردے، ان کے قدم اکھیڑ دے،شیطان انسان کا دشمن ہے، شیطان سے بچو، نیکی اور برائی کبھی برابر نہیں ہوسکتی، قیامت،جہنم،جنت پر ایمان ہوناچاہیے،چھوٹی سے چھوٹی نیکی کو بھی حقیر نہ جانو، اللہ فخر، تکبرکرنیوالے کو پسند نہیں کرتا، اللہ کے رسول کے احکامات کی پاسداری کرو، جن چیزوں سے روکا گیا ہے ان سے دور رہو،خیرکاکام کرنیوالوں کیلئے آخرت میں جنت ہوگی، نیک اعمال کرنیوالوں کیلئے دنیا میں بھی خیر و برکت ہوگی۔حج کے رکن اعظم وقوف عرفہ کے دوران میدان عرفات میں واقع مسجد نمرہ میں خطبہ حج دیتے ہوئے شیخ صالح بن حمید نے امت مسلمہ کو ہدایت کی کہ چھوٹی سے چھوٹی نیکی کو بھی حقیر نہ جانو، اللہ فخر، تکبرکرنیوالے کو پسند نہیں کرتا، اللہ کے رسول کے احکامات کی پاسداری کرو، جن چیزوں سے روکا گیا ہے ان سے دور رہو۔امام حرم نے کہاکہ اللہ نے کہا ہے کہ خیرکاکام کرنیوالوں کیلئے آخرت میں جنت ہوگی، نیک اعمال کرنیوالوں کیلئے دنیا میں بھی خیر و برکت ہوگی، تقویٰ اختیار کرنا ایمان والوں کی شان ہے، تقویٰ دنیا و آخرت کی بھلائی کا سبب ہے۔انہوں نے کہاکہ رسول اکرم ؐ نے فرمایا اے ایمان والو! اللہ کی عبادت ایسے کرو کہ جیسے تم اللہ کو دیکھ رہے ہو، یا پھر اللہ کی عبادت اس طرح سے کرو کہ جیسے اللہ تمھیں دیکھ رہا ہے، انہوں نے تقلین کی کہ آپس میں ایک دوسرے سے بڑھ کر نیکی کا کام کرو، اللہ سے ڈرتے رہو،تقوی اختیار کرو، اللہ کی پکڑ بہت سخت ہے۔انہوں نے کہا کہ نبی ؐنے فرمایا اللہ کی عبادت کرو،اسکیساتھ کسی کو شریک نہ کرو، نیکو کاروں، تقوی اختیار کرنے والوں کیلئے آخرت میں اچھاانجام ہے، چھوٹی سے چھوٹی نیکی کو بھی حقیر نہ جانو، اللہ فخر اور تکبرکرنے والے کو پسند نہیں کرتا۔امام حرم نے کہا کہ شیطان انسان کا دشمن ہے، شیطان سے بچو، اللہ تمہیں آزماتا ہے، اللہ نے ہر چیز کا وقت مقرر کررکھا ہے، نیک لوگ جنت میں جائیں گے اور ہمیشہ وہیں رہیں گے، اللہ نے زمین اور آسمان کو چھ دنوں میں پیدا کیا۔شیخ صالح بن حمید نے امت مسلمہ کو بدعت اور غیبت سے دور رہنے کی تلقین کرتے ہوئے کہاکہ اللہ سے دعا مانگتے رہو ،اس کی عبادت کرتے رہو، اللہ کی توحید،اس کے رسولوں پر ایمان لانا ایمان کا حصہ ہے، نیکی اور برائی کبھی برابر نہیں ہوسکتی، قیامت،جہنم،جنت پر ایمان ہوناچاہیے،اللہ کی رضا جنت سے بھی بڑی ہے، دنیا میں ہمارے ساتھ جو ہو رہا ہے وہ لوح محفوظ میں ہے، انہوں نے کہاکہ انسان کی نیکیاں اسکی روح اور جسم کو پاک کردیتے ہیں۔انہوں نے امت مسلمہ کو تاکید کی کہ شیطان تمھارا کھلا دشمن ہے اس سے دور رہو، اللہ نے نیکی کرنے اور برائی سے دور کا حکم دیا، دشمن کو معاف کرنا بھی نیکی ہے، نیکیاں برائیوں کو مٹا دیتی ہیں لہذا نیکیوں کی زیادہ سے زیادہ کوشش کرنی چاہیے، نماز قائم کرو، یہ اللہ اور بندے کے درمیان ایک بہترین رابطہ اور سب سے زیادہ درمیان کی نماز کی حفاظت کرو، اللہ تعالی نے فساد فی الارض سے سختی سے منع فرمایا ہے۔انہوںنے کہاکہ انسان کو باطنی امراض سے بچنا چاہیے کیونکہ باطنی امراض کی وجہ سے انسان اللہ کا تقرب حاصل نہیں کر پاتا، رمضان کے روزے تم پر فرض کیے گئے جیسے تم سے پچھلی امتوں پر فرض کیے گئے، روزے انسان کو باطنی امراض سے پاک کر دیتے ہیں۔امام حرم نے کہا کہ دین اسلام کے 3 درجات ہیں جس کا اعلیٰ درجہ احسان ہے، دوسرا درجہ ایمان کا ہے جو زبان سے اقرار، دل سے یقین اور اعضا سے عمل کرنا ہے، ایمان کی شاخیں 70 سے زائد ہیں، لاالہ الااللہ کہنا اعلیٰ ہے اور راستے سے تکلیف دہ چیز کو دور کرنا سب سے نچلا ہے۔شیخ ڈاکٹرصالح بن عبد اللہ نے کہا کہ اے ایمان والو! عہد اور وعدے کو پورا کرو، جب بھی بات کرو اچھی بات کرو، اللہ صبر کرنے والوں کو پورا ثواب عطا کرتا ہے، اللہ کا شکر گزار بندوں سے وعدہ ہے کہ جتنا شکر کریں گے انہیں زیادہ نعمتوں سے نواز دے گا۔امام حرم نے حجاج کرام اور حرمین شریفین کی شاندار خدمات انجام دینے پر خادم حرمین شریف شاہ سلیمان اور ولی عہد محمد بن سلیمان کو شاندار الفاظ میں خراج تحسین پیش کیا، انہوں نے حجاج کرام کو سمع و طاعت سے کام لینے کی تلقین کرتے ہوئے اسے شریعت کا تقاضہ قرار دیا، انہوں نے سمع و طاعت سے تعاون کی صورتحال پیدا ہوتی ہے تاکہ مناسک حج آسانی سے ادا ہوسکیں۔امام حرم نے کہا کہ اے بیت اللہ کے حاجیو! نبی کریم ؐ عرفہ میں اسی مقام پر کھڑے ہوئے تھے اور جب آپؐنے خطبہ دے دیا تو 2 نمازیں پڑھیں اور دونوں قصر کیں اور پھر مزدلفہ چلے گئے، اورپھر آپ ؐ نے مغرب اور عشا جمع کرکے پڑھیں، (مغرب 3 رکعت اور عشا دو رکعت)، پھر تھوڑی دیر رکھے اور کنکریاں جمع کیں اور پھر فجر ہوگئی اور پھر آپ ؐمنیٰ چلے گئے جہاں جمرات عقبہ پر کنکریاں ماریں اور پھر قربانی ادا کرکے سر منڈایا اور پھر احرام سے آزاد ہوکر کعبۃاللہ کا طواف کیا اور پھر 2،3 راتیں رکنے کے لیے منیٰ آئے اور 11 ذو الحج کو تینوں شیطانوں کو کنکریاں ماریں۔امام حرم نے حجاج کرام کو اللہ کا زیادہ سے زیادہ ذکر حمد و ثنا بیان کرنے اور شکر بجالانے کی تقلین کرتے ہوئے کہاکہ شکر کرو کے اللہ نے یہ دن دکھایا، جس میں دعا قبول ہوگی، اللہ سے گناہوں کی معافی مانگو۔خطبہ حج کے اختتام پر امام حرم نے امت مسلمہ کے لیے دعا کرتے ہوئے کہا کہ اے اللہ مسلمانوں کے احوال اچھے کردے، ہمارے دل جوڑ دے، ہمارے دلوں میں محبت ڈال دے۔امام حرم نے فلسطین کے مظلوم مسلمانوں کے لیے خصوصی دعا کرتے ہوئے کہا کہ اے اللہ! فلسطین کے بھائیوں کی مدد فرما، ان کے شہدا کو معاف کردے، زخمیوں کو شفا دے دے۔امام حرم نے رنجیدہ آواز میں دعا کی کہ اے اللہ! عرفات سے دعا کی جارہی ہے، اہل فلسطین کے دشمنوں کو تباہ و برباد کردے، اے اللہ! تو اپنے دشمنوں کو تباہ و برباد کردے، وہ عورتوں اور بچوں کے قاتلوں کو برباد کردے، ان کے قدم اکھیڑ دے، ان میں تفریق ڈال دے، اے اللہ! وہ بچوں کے قاتل ہیں، ان میں تفریق ڈال دے، اے اللہ! مسلمانوں کو ہدایت عطا فرما۔امام حرم نے خادم حرمین شریفین شاہ سلیمان بن عبدالعزیز کی صحت اور ولی عہد محمد بن سلیمان کے لیے آسانی کی دعا فرمائی۔خطبہ حج کے بعد حجاج کرام نے میدان عرفات میں امام شیخ صالح بن حمید کی امامت میں نماز ظہرین (حالت سفر میں ظہر اور عصر کی دو، دو رکعت جسے قصر کہا جاتا ہے) ادا کی۔

اللہ تعالی مدد فرمامعصوم فلسطینی بچوں، عورتوں کے قاتلوں کو برباد کردے،خطبہ حج

ایمان والوں کو اللہ سے ڈرنا چاہئے اور تقوی اختیار کرنا چاہئے، شیطان مسلمانوں کا دشمن ہے اور مسلمانوں کو اس سے دور رہنا چاہئے

ڈیفنس میں بااثر شخص کے ہاتھوں تشدد کا نشانہ بننے والے نوجوان نے عدالت میں نے ملزمان کو معاف کردیا۔ کراچی کی مقامی عدالت میں ڈیفنس اتحاد کمرشل میں نوجوان پر تشدد کے کیس کی سماعت ہوئی جس دوران  متاثرہ نوجوان سدھیر بھی عدالت میں پیش ہوا۔ متاثرہ نوجوان سدھیر نے دونوں ملزمان سلمان فاروقی اور اویس ہاشمی کو شناخت کرلیا ہے۔سدھیر نے عدالت میں بیان دیا کہ اس کے علم میں نہیں تھا کہ عدالت نے اسے بلایا تھا، لیکن جب وکیل نے بتایا تو میں وہ فوراً عدالت میں پیش ہوگیا۔عدالتی استفسار پر سدھیر نے بتایا کہ اسے کسی قسم کے دباؤ کا سامنا نہیں اور وہ کسی مقدمہ بازی میں نہیں پڑنا چاہتا، سدھیر نے عدالت کو بتایا کہ اس نے ملزم سلمان فاروقی کو معاف کردیا ہے، عدالت اب اس کیس میں نامزد ملزمان کے حوالے سے جو بھی فیصلہ کرے اسے کوئی اعتراض نہیں ہوگا۔فریقین کے دلائل کے بعد عدالت نے ملزمان کی درخواست ضمانت پر فیصلہ محفوظ کرلیا جو بعد میں سنایا جائے گا۔

ڈیفنس کراچی میں تشدد کے شکار نوجوا ن نے گرفتار ملزمان کو معاف کردیا

میں کیس کی پیروی نہیں کرنا چاہتا ، ملزموں کو معاف کردیا ،ڈیفنس میں تشدد کا نشانہ بننے والے نوجوان کا عدالت میں بیان

امریکی صدر ڈونلڈ ٹرمپ نے ایران، افغانستان اور یمن سمیت 12 ممالک کے عوام پر امریکا میں داخلے پر پابندی عائد کردی۔ ٹرمپ نے  ایک نئے سفری پابندی کے حکم نامے پر دستخط کر دیے جس کے تحت 12 ممالک کے شہریوں کے امریکا میں داخلے پر پابندی عائد کی گئی ہے۔ صدارتی حکم کے مطابق یہ نئی سفری پابندیاں پیر 9 جون سے نافذ العمل ہوں گی جس کے بعد متاثرہ ممالک کے شہریوں کو امریکا میں داخلے کی اجازت نہیں ہوگی یا انہیں سخت ترین سکیورٹی مراحل سے گزرنا پڑے گا۔ جن 12 ممالک پر مکمل پابندی عائد کی گئی ہے ان میں افغانستان، ایران، یمن، لیبیا، صومالیہ، سوڈان، کانگو، برما، چاڈ، ایریٹریا، استوائی گنی، اور ہیٹی شامل ہیں۔ان ممالک کے شہریوں کو امریکی ویزا یا امیگریشن کی کسی بھی سہولت سے مکمل طور پر محروم کر دیا گیا ہے۔ امریکی صدر نے مزہد 6 ممالک کو جزوی سفری پابندی کی فہرست میں شامل کیا ہے جن میں برونڈی، کیوبا، لاؤس، سیرالیون، ترکمانستان اور وینزویلا شامل ہیں۔ ان ممالک کے مسافروں کو امریکا میں داخلے سے قبل سخت جانچ پڑتال، اضافی تصدیق، اور محدود ویزہ شرائط کا سامنا ہوگا۔اس متعلق وائٹ ہاؤس کے جاری کردہ بیان میں بتایا گیا ہے کہ اس اقدام کا مقصد امریکی عوام کو خطرناک غیر ملکی عناصر سے محفوظ رکھنا ہے۔صدر ٹرمپ نے اپنے ایک ویڈیو پیغام میں کہا کہ گزشتہ دنوں کولوراڈو میں پیش آیا دہشت گرد حملہ اس بات کا ثبوت ہے کہ وہ غیر ملکی شہری جو درست طریقے سے ویری فائی نہیں ہوتے، ہمارے ملک کے لیے شدید خطرہ بن سکتے ہیں۔ امریکی صدر نے ہارورڈ یونیورسٹی میں غیر ملکی طالب علموں کے ویزوں پر بھی پابندی لگا دی ہے۔

ٹرمپ نےایران ،افغانستان سمیت 12 ممالک کے شہریوں پر امریکا میں داخلے پر پابندی لگا دی

ان ممالک میں افغانستان، ایران، یمن، لیبیا، صومالیہ، سوڈان، کانگو، برما، چاڈ، ایریٹریا، استوائی گنی اور ہیٹی شامل ہیں

پاکستان نے کہا کہ غزہ میں مستقل جنگ بندی کی قرارداد کے ویٹو ہونے سے بہت خطرناک پیغام جائے گا۔پاکستان کے مستقل مندوب عاصم افتخار نے سلامتی کونسل میں خطاب کرتے ہوئے کہا کہ غزہ میں 54 ہزار سے زائد فلسطینی شہید ہو چکے ہیں جن میں خواتین اور بچے بھی بڑی تعداد میں شامل ہیں۔انہوں نے کہا کہ غزہ میں اس وقت سنگین صورتحال ہے اور قرارداد کے ویٹو ہونے سے بہت خطرناک پیغام جائے گا۔پاکستان کے مستقل مندوب نے کہا کہ غزہ میں جنگ بندی کے لیے اور کتنا وقت چاہیے؟ زمین پر غزہ کا حال جہنم سے زیادہ برا ہے۔عاصم افتخار نے کہا کہ 24 گھنٹوں میں 100 سے زائد فلسطینیوں کو شہید کیا جا چکا ہے، اسرائیل غزہ میں جنگی جرائم اور نسل کشی کا مرتکب ہو رہا ہے۔پاکستان کے مندوب عاصم افتخار نے مزید کہا کہ خوراک کے لیےغزہ میں شہریوں کا قتل ہو رہا ہے، غزہ میں قتل عام بند ہونا چاہیے، شہریوں کو جینے کا حق ہے، پاکستان فلسطین کی سیاسی اور سفارتی حمایت جاری رکھے گا۔  عاصم افتخار نے کہا کہ پاکستان کوغزہ جنگ بندی کی قرارداد ویٹو ہونے پر افسوس ہے، جنگ بندی کی قرارداد مسترد ہونا عالمی انسانی قوانین کی خلاف ورزی ہے، غزہ میں مستقل جنگ بندی اور آزاد فلسطینی ریاست کے قیام کا مطالبہ کرتے ہیں۔

غزہ جنگ بندی قرارداد ویٹو ہونے سے بہت خطرناک پیغام جائے گا، پاکستان مندوب

خوراک کے لیےغزہ میں شہریوں کا قتل ہو رہا ہے، غزہ میں قتل عام بند ہونا چاہیے، شہریوں کو جینے کا حق ہے،عاصم افتخار

سلامتی کونسل میں غزہ میں مستقل جنگ بندی کی قرارداد مسترد کر دی گئی۔اقوام متحدہ کی سلامتی کونسل میں غزہ میں فوری، غیر مشروط اور مستقل جنگ بندی اور انسانی امداد کی بلا رکاوٹ فراہمی کے مطالبے پر مبنی قرارداد کو امریکا نے ویٹو کر دیا۔اقوام متحدہ سلامتی کونسل میں غزہ میں مستقل جنگ بندی کی قرارداد پاکستان سمیت 10 غیر مستقل ارکان کے ساتھ مل کر الجزائر نے پیش کی۔قرارداد میں غزہ میں مستقل جنگ بندی اور بلا رکاوٹ امداد کی رسائی کا مطالبہ شامل تھا۔تاہم امریکا نے سلامتی کونسل میں پیش کی گئی غزہ میں مستقل جنگ بندی کی قرارداد ویٹو کردی۔سلامتی کونسل کے 15 میں سے  14 ارکان نے غزہ جنگ بندی مطالبے کےحق میں ووٹ دیا۔ قرارداد کےحق میں ووٹ دینے والوں میں پاکستان بھی شامل تھا۔قراردادمیں اسرائیل اور حماس کے درمیان جاری جنگ کے فوری خاتمے اور انسانی امداد کی فراہمی کو یقینی بنانے کا مطالبہ کیا گیا تھا۔امریکی نائب مندوب ڈوتھی شیا نے قرارداد کو ویٹو کرنے کی وضاحت دیتے ہوئے کہا کہ اسرائیل کو اپنی سلامتی کے تحفظ کا پورا حق حاصل ہے، اور ’اسرائیلی سکیورٹی کو نقصان پہنچانے والی کوئی بھی چیز قابل قبول نہیں۔‘ ان کا کہنا تھا کہ ’حماس کو شکست دینا اور اسے دوبارہ خطرہ نہ بننے دینا اسرائیل کا حق ہے۔

اقوام متحدہ کی سلامتی کونسل میں غزہ جنگ بندی کی قرارداد امریکا نے ویٹو کردی

پاکستان سمیت سلامتی کونسل کے 15 میں سے 14 ارکان نے غزہ جنگ بندی مطالبے کےحق میں ووٹ دیا

اسلام آباد(ویب ڈیسک) 18 سال سے کم عمر لڑکیوں کی شادی پر پابندی عائد کرنے والے قانون چائلڈ میرج ریسٹرین بل 2025کو فیڈرل شریعت کورٹ میں چیلنج کر دیا گیا ہے۔ شہزادہ عدنان نامی شہری نے اپنے وکیل مدثر چوہدری ایڈووکیٹ کے توسط سے درخواست دائر کی، جس میں مؤقف اختیار کیا گیا ہے کہ یہ قانون اسلامی احکامات کے منافی ہے۔درخواست میں مؤقف اپنایا گیا ہے کہ نکاح سے متعلق قوانین کا تعین قرآن و سنت کی روشنی میں کیا جانا چاہیے، جبکہ حالیہ قانون سازی میں ان بنیادی اسلامی اصولوں کو نظر انداز کیا گیا ہے۔ درخواست گزار کا کہنا ہے کہ شادی کے لیے عمر کی حد مقرر کرنا قرآن و حدیث میں موجود رہنمائی کے برخلاف ہے، اور یہ قانون اسلامی تعلیمات سے متصادم ہے۔درخواست میں خاص طور پر اس بات پر اعتراض اٹھایا گیا ہے کہ اس قانون کے تحت قید بامشقت جیسی سزا تجویز کی گئی ہے، جو درخواست گزار کے مطابق نہ صرف غیر اسلامی ہے بلکہ آئینِ پاکستان کے بھی خلاف ہے۔ مزید برآں، درخواست میں بعض قرآنی آیات کا حوالہ دیتے ہوئے کہا گیا ہے کہ اسلامی نقطۂ نظر سے بلوغت نکاح کے لیے بنیادی معیار ہے، نہ کہ عمر۔درخواست گزار نے عدالت سے استدعا کی ہے کہ چائلڈ میرج ریسٹرین بل کو قرآن و سنت کے خلاف قرار دے کر کالعدم کیا جائے، اور ریاستی اداروں کو اس قانون کے تحت مقدمات درج کرنے سے روکا جائے۔قانونی و مذہبی حلقوں میں اس درخواست پر بحث چھڑنے کا امکان ہے، کیونکہ یہ معاملہ نہ صرف شریعت سے متعلق ہے بلکہ بچوں کے تحفظ اور خواتین کے حقوق جیسے حساس موضوعات سے بھی جڑا ہوا ہے۔

کم عمر لڑکی کی شادی کا قانون فیڈرل شریعت کورٹ میں چیلنج کردیاگیا

شادی سے متعلق قانون قرآن اور حدیث کے خلاف بنایا گیا ہے،شہری کا درخواست میںموقف

رہنماء پی ٹی آئی شیخ وقاص اکرم نے کہا ہے کہ ہم سمبڑیال میں ہونے والے الیکشن کو نہیں مانتے، الیکشن میں دھاندلی کی گئی۔ اسلام آباد میں پارٹی رہنما عالیہ حمزہ کیساتھ پریس کانفرنس سے خطاب کرتے ہوئے شیخ وقاص اکرم نے کہا کہ پولیس نے تحریک انصاف کے پولنگ ایجنٹوں کو باہر نکالا، الیکشن میں پولیس کو رکاوٹ کی اجازت نہیں ہوتی۔انہوں نے کہا کہ جو فسطائیت، غنڈہ گردی پنجاب حکومت نے کی اس کی مثال نہیں ملتی، پنجاب میں پی ٹی آئی نے دھاندلی کے خلاف پرامن احتجاج کیا۔ شیخ وقاص اکرم نے کہا کہ یہ الیکشن نہیں تھا کیونکہ انتخابات شفاف عمل کا نام ہے، ووٹنگ میں دھاندلی ہوئی اور بیلٹ باکسز بھرے گئے، الیکشن میں کسی طریقہ کار پر عمل نہیں کیا گیا۔ انہوں نے کہا کہ جہاں 1300 ووٹ تھے وہاں 1400 کاسٹ ہوگئے، یہ بنا بنایا ڈرامہ تھا جسے ہم نہیں مانتے۔شیخ وقاص اکرم نے کہا کہ اس سے پہلے جو امیدوار تھے انھوں نے فارم 47پر 58 ہزار ووٹ لئے تھے، اس وقت الیکشن میں ٹرن آوٹ بھی بہت زیادہ تھا۔ ضمنی انتخابات میں کم ٹرن آوٹ کے باوجود ووٹ 78ہزار پڑ گئے، ہم اس الیکشن نتائج کو مسترد کرتے ہیں، ٹرن آئوٹ بہت کم تھا، ن لیگ والے بالکل نہیں نکلے۔ انہوں نے کہا کہ نون لیگ کے کیمپس خالی تھے، یہ سب فراڈ تھا، ہم اس کو نہیں مانتے، عالیہ حمزہ نے اس الیکشن میں بہت محنت کی۔

سمبڑیال الیکشن کو نہیں مانتے، بدترین دھاندلی ہوئی، شیخ وقاص اکرم

جہاں 1300 ووٹ تھے وہاں 1400 کاسٹ ہوگئے، یہ بنا بنایا ڈرامہ تھا ، عالیہ حمزہ کے ہمراہ پریس کانفرنس

حج کا رکن اعظم وقوف عرفہ آج ادا کیا جائے گا، دنیا بھر سے آئے لاکھوں عازمینِ حج میدانِ عرفات میں جمع ہونا شروع ہوگئے، تاریخی مسجد نمرہ میں خطبہ حج سنیں گے۔ تفصیلات کے مطابق دنیا بھر سے آئے ہوئے لاکھوں عازمینِ حج آج بروز 9 ذوالحجہ میدانِ عرفات میں جمع ہیں، جہاں وہ حج کے سب سے اہم رکن، وقوفِ عرفہ کی سعادت حاصل کر رہے ہیں۔حج کے رکن اعظم وقوف عرفہ کے موقع پر دنیا بھر کے مسلمانوں کے لیے خطبۂ حج کو اس سال 35 مختلف عالمی زبانوں میں ترجمہ کر کے نشر کیا جائے گا، تاکہ دنیا بھر کے لاکھوں مسلمان براہِ راست اس پیغام کو سمجھ سکیں۔لاکھوں عازمین نے منیٰ میں قیام کیا، عازمین آج رکن اعظم وقوف عرفہ کیلئے میدان عرفات پہنچیں گے، عازمین 9 ذوالحجہ کو حج کا خطبہ سننے کے بعد ظہر اور عصر کی نمازیں ادا کریں گے پھر حجاج کرام سورج غروب ہونے تک میدان عرفات میں وقوف کریں گے۔اذان مغرب کے بعد نماز پڑھے بغیر حجاج کرام میدان عرفات سے مزدلفہ روانہ ہوں گے، مزدلفہ میں حجاج کرام مغرب اور عشاء کی نمازیں ملا کر پڑھیں گے، مزدلفہ میں حجاج کرام شیطان کو مارنے کیلئے کنکریاں جمع کریں گے اور پھر حجاج مزدلفہ میں کھلے آسمان تلے رات گزاریں گے اور 10 ذوالحجہ کو وقوف مزدلفہ کے بعد رمی کیلئے روانہ ہوں گے۔

لبیک اللھم لبیک ،حج کا رکن اعظم وقوف عرفہ آج ادا ہو گا

عازمین آج مسجد نمرہ میں خطبہ حج سنیں گے، ظہر اور عصر کی نمازیں ادا کریں گے، اورمیدان عرفات میں وقوف کرینگے

بھارتی شہر بنگلورو میں آئی پی ایل کی جیت کا جشن سوگ میں بدل گیا، رائل چیلنجر بنگلوروکی وکٹری پریڈ میں بھگدڑ مچنے سے 11 افراد ہلاک اور متعدد زخمی ہوگئے، مزید ہلاکتوں کا خدشہ ہے۔تفصیلات کے مطابق آئی پی ایل کی جیت کا جشن اس وقت قیامت خیز سانحے میں بدل گیا جب بنگلور میں چناسوامی اسٹیڈیم کے باہر رائل چیلنجرز بنگلور (آر سی بی) کے آئی پی ایل جیتنے کی خوشی میں منائے جانے والے جشن میں بھگدڑ مچنے سے متعدد افراد ہلاک و زخمی ہوگئے۔بھارتی میڈیا کے مطابق آئی پی ایل جیتنے والی ٹیم رائل چیلجز کے ہزاروں مداح جشن میں شرکت کیلئے اسٹیڈیم کے اطراف جمع ہوئے تھے، ہجوم کے بے قابو ہونے کے باعث اسٹیڈیم کے متعدد داخلی راستوں پر بھگدڑ مچ گئی۔نائب وزیراعلیٰ کرناٹک نے اموات کی تصدیق کردی اور بتایا کہ واقعے میں خواتین اور بچوں سمیت متعدد افراد بے ہوش بھی ہوئے۔ حادثے کے بعد اسپتالوں میں ایمرجنسی نافذ کر دی گئی جبکہ متاثرہ افراد کو فوری طور پر اسپتال منتقل کردیا گیا۔واضح رہے کرناٹک اسٹیٹ کرکٹ ایسوسی ایشن (کے ایس سی اے) نے آر سی بی کے تاریخی آئی پی ایل ٹائٹل جیتنے پر ایک خصوصی تقریب کا انعقاد کیا تھا، جس کیلئے ٹیم کی احمدآباد سے واپسی کے بعد ہزاروں مداح اسٹیڈیم پہنچے تھے، کئی افراد کے پاس انٹری پاسز نہیں تھے، جس کی وجہ سے داخلے کے مقام پر شدید افراتفری پھیل گئی۔عینی شاہدین کے مطابق مداح دیواریں اور باڑیں پھلانگ کر اندر داخل ہونے کی کوشش کرتے نظر آئے، پولیس نے صورت حال پر قابو پانے کیلئے لاٹھی چارج کیا۔ زخمیوں کو قریبی اسپتال منتقل کیا گیا ہے۔

آئی پی ایل میں رائل چیلنجرز بنگلور کی فتح کے جشن میں بھگدڑ مچنےسے 11افراد ہلاک ہوگئے

بھارتی شہر بنگلورو میں آئی پی ایل کی جیت کا جشن سوگ میں بدل گیا

وزیراعظم شہباز شریف نے کہا ہے کہ پاکستان اور امریکا کے تعلقات نئے دور میں داخل ہورہے ہیں ،دونوں ممالک تعلقات کو مضبوط بنانے کیلئے پرعزم ہیں،انسداد دہشت گردی کیلئے پاکستان کی قربانیاں کسی سے کم نہیں، بھارت نے پہلگام واقعے پر غیر جانبدارانہ تحقیقات کی مخلصانہ پیشکش رد کر کے حملہ کیا، خواتین، بچوں کو نشانہ بنایا، دفاع میں منہ توڑ جواب دیا گیا،امریکی صدر جنگ بندی کرا کے ثابت کردیا وہ امن کے پیامبر ہیں، امن کے فروغ، اقتصادی روابط میں اضافے کیلئے ٹرمپ کی کوششیں قابل ستائش ہیں۔اسلام آباد میں امریکی سفارتخانے میں یوم آزادی کی تقریب سے خطاب کے دوران وزیراعظم نے کہا کہ امریکا کے 249ویں یوم آزادی کی مبارکباد دیتا ہوں۔انہوں نے کہا کہ دونوں ملک جمہوری روایات اور آئین کی بالادستی پر یقین رکھتے ہیں جب کہ امریکا، پاکستان کو تسلیم کرنے والے ابتدائی ممالک میں شامل تھا جب کہ امریکا پہلا ملک ہے جس نے پاکستان کو 1947ء میں تسلیم کیا۔انہوں نے کہا کہ پاکستان اور امریکا کے تعلقات کی ایک تاریخ ہے، دونوں ممالک کے تعلقات ایک نئے دور میں داخل ہوررہے ہیں جبکہ دونوں ممالک تعلقات کو مضبوط بنانے کے لیے پرعزم ہیں۔وزیراعظم نے کہا کہ نائن الیون کے بعد دہشتگردی کے خلاف عالمی جنگ شروع ہوئی، 2018 میں پاکستان نے دہشت گردی کا مکمل خاتمہ کردیا تھا، دہشت گردی کے خلاف جنگ میں پاکستان نے بھاری جانی ومالی نقصان اٹھایا، انسداد دہشت گردی کے لیے پاکستان کی قربانیاں کسی سے کم نہیں۔انہوں نے کہا کہ پہلگام واقعے پر بھارت کو غیرجانبدارانہ عالمی انکوائری کی پیشکش کی، ہماری مخلصانہ پیشکش کے جواب میں بھارت نے پاکستان پر حملہ کردیا، بھارتی جارحیت میں خواتین اور بچوں کو بھی نشانہ بنایا گیا۔ انہوں نے کہا کہ 9اور 10مئی کو بھارت نے پھر جارحیت کی، پاکستان نے اپنے دفاع میں جوابی کارروائی کی جس میں بھارت کے 6جہاز مار گرائے۔ انہوں نے کہا کہ کوئی شک نہیں رہا کہ پہلگام واقعہ بھارت کا فالس فلیگ آپریشن تھا، پاکستان نے کشیدہ صورتحال میں بھی بہت تحمل کا مظاہرہ کیا، پاکستان ہمیشہ خطے میں امن واستحکام اور خوشحالی کا خواہشمند رہا ہے۔ انہوں نے کہا کہ امریکی دوستوں نے کشیدگی میں کمی کے لیے رابطہ کیا جب کہ پاک-بھارت کشیدگی میں کمی اور جنگ بندی کے لیے دوست ممالک کا کردار خوش آئند ہے، پاکستان اور بھارت کے درمیان جنگ بندی پر عمل ہورہا ہے۔ انہوں نے کہا کہ امریکی صدر سرد اور گرم جنگ کے خلاف ہیں، جنگ بندی میں ٹرمپ کے کردار کو سراہتے ہیں، ٹرمپ نے بغیر کسی شبے کے ثابت کردیا وہ امن کے پیامبر ہیں، امن کے فروغ، اقتصادی روابط میں اضافے کے لیے صدر ٹرمپ کی کوششیں قابل ستائش ہیں۔ انہوں نے کہا کہ پاکستان کی ترقی کے لیے مختلف امریکی منصوبے قریبی تعلقات کے عکاس ہیں، ہماری توجہ معیشت کو مضبوط کرنے پر ہے جب کہ امریکا کے ساتھ ٹیرف کے مسئلے سمیت تجارت میں اضافے کے لیے اقدامات جاری ہیں۔

پاکستان اور امریکا تعلقات کو مضبوط بنانے کیلئے پر عزم ہیں، وزیراعظم شہبازشریف

امریکی صدر نے ثابت کیا وہ امن کے پیامبر ہیں،امریکا کی یومِ آزادی تقریب سے خطاب

قومی اقتصادی کونسل نے ایک ہزار ارب روپے کا وفاقی ترقیاتی بجٹ ،آئندہ مالی سال کیلئے 4.2فیصد جی ڈی پی گروتھ ،برآمدات کا ہدف 35ارب ڈالر مقرر کرنے کی منظوری دے دی ،این 25کے بجٹ میں 20ارب روپے کی کٹوتی ،داسو ہائیڈرو پاور منصوبے کیلئے 20ارب، دیامر بھاشا ڈیم کیلئے 35ارب، مہمند ڈیم کیلئے 35.7ارب روپے مختص کردیئے گئے ۔ بدھ کو قومی اقتصادی کونسل کا اجلاس وزیراعظم شہباز شریف کی زیر صدارت منعقد ہوا جس میں وزیراعلی پنجاب مریم نواز، وزیراعلی بلوچستان سرفراز بگٹی ،وزیراعلی خیبر پختونخوا علی امین گنڈاپور اور وزیراعلی سندھ مراد علی شاہ نے شرکت کی،اجلاس میں وفاق اور صوبائی حکومتوں کے نمائندے بھی شریک ہوئے، قومی اقتصادی کونسل کے اجلاس میں بجٹ اہداف کی منظوری کے حوالے سے غور کیا گیا۔اجلاس میں قومی ترقیاتی پلان، پی ایس ڈی پی، میکرو اکنامک اہداف کا جائزہ لیا گیا، اجلاس میں نئے مالی سال کی معاشی شرح نمو، زراعت، صنعت، سروسز سیکٹر کے اہداف کی منظوری سے متعلق مشاورت کی گئی۔ پلاننگ کمیشن ذرائع کے مطابق قومی اقتصادی کونسل سے 1ہزار ارب روپے کے وفاقی ترقیاتی بجٹ کی منظوری دی گئی، جبکہ این ای سی سے آئندہ مالی سال کیلئے 4.2فیصد جی ڈی پی گروتھ ہدف منظور کیا گیا۔اجلاس میں بلوچستان میں این 25کیلئے بجٹ میں کٹوتی کرتے ہوئے 120ارب کی بجائے 100ارب روپے کا پیکیج منظور ہوا، اجلاس میں برآمدات کا ہدف 35ارب ڈالر مقرر کرنے کی بھی منظوری دی گئی ہے۔وفاقی حکومت نے وزارت آبی وسائل کیلئے 147ارب روپے، داسو ہائیڈرو پاور منصوبے کیلئے 20ارب، دیامر بھاشا ڈیم کیلئے 35ارب، مہمند ڈیم کیلئے 35.7ارب اور کراچی بلک واٹر سپلائی کیلئے 8.2ارب روپے مختص کیے ہیں۔ کراچی کے کے-فور منصوبے کیلئے 9.4ارب روپے رکھے گئے ہیں۔ایس آئی ایف سی کیلئے 50کروڑ، سائنس و ٹیکنالوجی کیلئے 4.7ارب، اسپارکو کیلئے 4ارب جبکہ پارلیمنٹرین سکیموں کیلئے 50ارب روپے رکھے گئے ہیں۔ وزارت موسمیاتی تبدیلی کیلئے 2.7ارب روپے کا بجٹ مختص کیا گیا ہے۔نیشنل ہائی وے اتھارٹی کیلئے 302ارب، ڈی جی خان این-55منصوبے کیلئے 11.4 ارب، ہوشاب-خضدار ایم8سیکشن کیلئے 7ارب، خضدار،کچلاک، کراچی-کوئٹہ اور کچلاک-چمن سیکشن کیلئے علیحدہ علیحدہ 40، 40ارب جبکہ حیدرآباد،سکھر موٹروے کیلئے 30ارب روپے رکھے گئے ہیں۔وزارت دفاع کیلئے 11.5ارب، نیو گوادر ایئرپورٹ کیلئے 4ارب، تعلیم کیلئے 19.2 ارب، آزاد کشمیر و گلگت بلتستان کے دانش اسکولوں کیلئے 9ارب، وزیراعظم یوتھ اسکل پروگرام کیلئے 4.3ارب اور خصوصی علاقوں و صوبوں کیلئے 16.2ارب روپے مختص کئے گئے ہیں۔خیبرپختونخوا کیلئے محض 55کروڑ، سندھ کے ترقیاتی منصوبوں کیلئے 47.4ارب، سیلاب متاثرہ علاقوں کیلئے 20ارب، کراچی انڈسٹریل ایریا کی سڑکوں کیلئے 2.5ارب، سندھ کوسٹل ہائی وے کیلئے 4ارب، نواب شاہ-رانی پور ہائی وے، سانگھڑ این5کیلئے 6،6 ارب، بلوچستان کیلئے 93ارب روپے رکھے گئے ہیں۔خیبرپختونخوا کے ضم شدہ اضلاع کیلئے 70.4ارب، آزاد جموں و کشمیر کیلئے 45 ارب، گلگت بلتستان کیلئے 37ارب، ہائر ایجوکیشن کے 140منصوبوں کی فنڈنگ کیلئے 45ارب، وزارت آئی ٹی کیلئے 13.5 ارب، کراچی آئی ٹی پارک کیلئے 4ارب، اسلام آباد ٹیکنالوجی پارک کیلئے 5ارب روپے رکھے گئے ہیں۔وزارت داخلہ کے 16 منصوبوں کیلئے 11ارب، سیف سٹی اسلام آباد کیلئے 3ارب، نادرا ڈیجیٹل اکنامی منصوبے کیلئے 2.5 ارب، اسلام آباد ڈویلپمنٹ پیکیج کیلئے 2ارب، ایچ-16 ماڈل جیل کیلئے 1.1ارب، وزارت قانون کیلئے 1.7 ارب، جی-10 کورٹس فیسلیٹیشن سینٹر کیلئے 1.1 ارب، وزارت میری ٹائم کیلئے 3.3 ارب، گڈانی شپ بریکنگ انڈسٹری کیلئے 2 ارب روپے مختص کیے گئے ہیں۔صحت کے منصوبوں کیلئے 15.3 ارب، جناح میڈیکل کمپلیکس کراچی میں قائداعظم ہیلتھ ٹاور کیلئے 5 ارب، پاکستان اٹامک انرجی کمیشن کیلئے 4.7 ارب، وزارت منصوبہ بندی کیلئے 12.42 ارب، سیلاب زدہ بلوچستان کیلئے 8 ارب روپے فراہم کیے جائیں گے۔وزارت توانائی کیلئے 104 ارب، این ٹی ڈی سی کی بہتری کیلئے 16 ارب، داسو ٹرانسمیشن لائن کیلئے 16 ارب، رحیم یار خان-بہاولپور 220 کے وی لائن کیلئے 5 ارب روپے رکھے گئے ہیں۔ریلوے کیلئے مجموعی طور پر 24 ارب روپے رکھے گئے ہیں جن میں تھرکول ریلوے لائن کیلئے 9.3 ارب، ریلوے کارگو، بوگیوں اور کوچز کی خریداری کیلئے 7 ارب روپے شامل ہیں۔وزارت توانائی کیلئے 104 ارب اور این ٹی ڈی سی کا نظام بہتربنانے کیلئے 16ارب روپے ترقیاتی بجٹ مختص کیے گئے۔

قومی اقتصادی کونسل کا اجلاس، ایک ہزار ارب روپے کا ترقیاتی بجٹ منظور

وزیراعلی پنجاب مریم نواز، سی ایم بلوچستان سرفراز بگٹی، وزیر اعلی کے پی علی امین، سی ایم سندھ مراد شاہ اجلاس میں شریک ہوئے

لاہور(این این آئی)پہلگام واقعہ اور پاک بھارت جنگ کے باعث بھارتی ایئر لائنز کیلئے پاکستان کی فضائی حدود کی بندش سے صرف ایئر انڈیا کو 8 ارب 20 کروڑ روپے سے زائد کا نقصان ہوچکا۔اس امر کا انکشاف ایئر انڈیا کے چیف ایگزیکٹیو آفیسر کیمبل ولسن کی طرف سے بھارتی حکومت کو لکھے گئے خط میں کیا گیا جبکہ گزشتہ 40 روز میں دیگر ایئر لائنز کو بھی اربوں روپے کا نقصان ہو چکا ہے۔پاکستان ایئر پورٹ اتھارٹی کے ذرائع کے مطابق بھارتی ائیر لائنز پر پاکستان کی فضاؤں کو استعمال کرنے پر پابندی عائد کیے جانے کو چالیس روز مکمل ہوگئے،پاکستان کی فضائی حدود پر پابندی لگنے سے بھارتی ائیر لائنز کو روزانہ کی بنیاد پر فیول اور دوران سفر مختلف ممالک میں لینڈنگ اور ٹیک ااف کے اضافی اخراجات کی مد میں یومیہ 30 سے 40 کروڑ روپے سے زائد کا نقصان برادشت کرنا پڑ رہا ہے۔صرف ائیر انڈیا کو روزانہ پرواز کے دورانیہ میں اضافے اور دیگر اخراجات کی مد میں 20 کروڑ روپے کا نقصان ہو رہا ہے اور اس بات کو ائیر انڈیا کمپنی کے سی ای او کیمبل ولسن تسلیم کر چکے ہیں بلکہ انہوں نے بھارتی حکومت کو اس سلسلے میں لیٹر بھی لکھ دیا ہے کہ کتنا نقصان ہو چکا بلکہ پابندی اسی طرح لگی رہی تو مزید اربوں روپے کا نقصان ہوگا۔ پاکستان نے بھارتی ائیر لائن پر فضائی حدود استعمال کرنے پر پابندی 23 اپریل کو عائد کی تھی جو تاحال جاری ہے۔سول ایوی ایشن ذرائع کے مطابق صرف ائیر انڈیا کو نقصان نہیں ہو رہا بھارت کی روزانہ100 کے قریب پروازیں یورپ، امریکا اور کینیڈا سمیت لاطینی امریکا جانے اور واپس آنے کیلئے پاکستان کی فضائی حدود کو استعمال کرتی تھی لیکن اب ان ائیر لائن کو متبادل فضائی روٹس استعمال کرنا پڑتا ہے جس کا اضافی دورانیہ دو گھنٹے سے لیکر ساڑھے تین گھنٹے زائد ہے۔

پاکستانی فضائی حدود کی بندش ،ایئر انڈیا کو 8 ارب 20 کروڑ کا نقصان

بھارتی ائیر لائنز پر پاکستان کی فضاؤں کو استعمال کرنے پر پابندی عائد کیے جانے کو چالیس روز مکمل  ہوگئے

ملک میں انتخابی عمل کی شفافیت کو یقینی بنانے اور آئندہ انتخابات کی تیاری کے پیش نظر وفاقی حکومت نے چیف الیکشن کمشنر اور الیکشن کمیشن کے دو ممبران کی تقرری کے لیے باضابطہ مشاورتی عمل کا آغاز کر دیا ہے۔ اس ضمن میں وزیراعظم شہباز شریف نے قومی اسمبلی میں اپوزیشن لیڈر عمر ایوب خان کو ایک خط ارسال کیا ہے، جس میں ملاقات کی باضابطہ دعوت دی گئی ہے۔وزیراعظم کی جانب سے لکھے گئے خط میں کہا گیا ہے کہ چیف الیکشن کمشنر اور دو ممبران کی آئینی مدت 26 جنوری کو مکمل ہو چکی ہے، تاہم وہ آئین کے آرٹیکل 215 کے تحت اپنے فرائض تاحال انجام دے رہے ہیں۔خط میں مزید کہا گیا ہے کہ آئین کے آرٹیکل 218 کے مطابق نئے چیف الیکشن کمشنر اور ممبران کی تقرری کے لیے سفارشات پارلیمانی کمیٹی کو بھیجی جانی ہیں۔ اس مقصد کے لیے وزیراعظم نے اپوزیشن لیڈر کو ملاقات کی دعوت دیتے ہوئے کہا ہے کہ اتفاقِ رائے سے موزوں امیدواروں کا انتخاب ضروری ہے۔سیاسی تجزیہ کاروں کے مطابق یہ مشاورت نہ صرف آئینی تقاضہ ہے بلکہ آنے والے عام انتخابات کے لیے الیکشن کمیشن کی ساکھ اور غیرجانبداری کو یقینی بنانے کے لیے بھی اہم سنگِ میل ثابت ہو سکتی ہے۔ خیال رہے کہ اس وقت ملک میں سیاسی درجہ حرارت بلند ہے، ایسے میں الیکشن کمیشن کی قیادت میں تبدیلی ایک نازک مگر فیصلہ کن مرحلہ تصور کی جا رہی ہے۔

نئے چیف الیکشن کمشنر کے تقررکامعاملہ، وزیراعظم نے اپوزیشن لیڈر کو مشاورت کیلئے مدعو کرلیا

شہباز شریف نے اپوزیشن لیڈر کو خط میں کہا ہے کہ چیف الیکشن کمشنر اور 2 ارکان کی مدت26جنوری کو ختم ہوچکی ہے

لیون (این این آئی) فرانس کے شہر لیون میں ایک افسوسناک اور اشتعال انگیز واقعہ پیش آیا ہے جہاں ایک شخص نے مسجد سے قرآن پاک کا نسخہ چرا کر اسے نذر آتش کر دیا۔غیر ملکی خبر رساں ادارے کے مطابق واقعہ اتوار اور پیر کی درمیانی شب پیش آیا۔ رون ریجن کی مساجد کی کونسل کے مطابق ملزم مسجد میں داخل ہوا، قرآن پاک کا ایک نسخہ چرایا، اسے جلایا اور فرار ہو گیا۔پولیس نے تصدیق کی ہے کہ واقعے کی تحقیقات کا آغاز کر دیا گیا ہے، اور مشتبہ شخص کی تلاش جاری ہے۔ یہ واقعہ فرانس میں مذہبی اقلیتوں خصوصا مسلمان کمیونٹی میں شدید غم و غصہ کا باعث بنا ہے۔

فرانس میں قرآن پاک کی بے حرمتی، مسجد سے نسخہ چرا کر نذر آتش کر دیا گیا

واقعہ فرانس میں مذہبی اقلیتوں خصوصا مسلمان کمیونٹی میں شدید غم و غصہ کا باعث بنا ،غیرملکی میڈیا

Fans in Pakistan can watch PAK vs NZ 1st ODI live online in HD and ad-free on tapmad.

PAK vs NZ 1st ODI Live Streaming, Live Score, Squads, & Match Time

<p>The PAK vs NZ 1st ODI of the tri-series is scheduled to take place tomorrow i.e, 8th February at the Gaddafi Stadium in Lahore.&nbsp;</p>

<p>Pakistan, New Zealand, and South Africa will lock horns with each other in a tri-nation ODI series from <a href="https://www.tapmad.com/blog/pakistan-tri-nation-odi-series-schedule/584-2-0">February 8th till 14th</a>.&nbsp;</p>

<p>This ODI tri-series will give these three teams the ideal chance to batten down the hatches before the mighty ICC Champions Trophy 2025.&nbsp;</p>

<h2>PAK vs NZ live streaming: Where to watch online in Pakistan?</h2>

<p>Fans in Pakistan can watch PAK vs NZ 1st ODI live online in HD and ad-free on tapmad.&nbsp;</p>

<p>tapmad will stream all 4 matches of the Pakistan tri-nation ODI series 2025 uninterrupted and in top-notch HD quality. Witness ODI cricket at its finest with Pakistan, New Zealand, and South Africa battling it out amongst each other right before the ICC Champions Trophy 2025.</p>

<h2>Pakistan vs New Zealand 1st ODI squads</h2>

<p>Pakistan squad: Babar Azam, Mohammad Rizwan (c)(wk), Fakhar Zaman, Saud Shakeel, Tayyab Tahir, Faheem Ashraf, Kamran Ghulam, Khushdil Shah, Salman Ali Agha, Usman Khan (wk), Abrar Ahmed, Haris Rauf, Muhammad Hasnain, Naseem Shah, Shaheen Afridi.&nbsp;</p>

<p>New Zealand squad: Kane Williamson, Mark Chapman, Rachin Ravindra, Will Young, Daryl Mitchell, Glenn Phillips, Michael Bracewall, Mitchell Santner (c), Nathan Smith, Devon Conway (wk), Tom Latham (wk), Ben Sears, Jacob Duffy, Lockie Ferguson, Matt Henry, Will O&rsquo;Rourke.</p>

<h2>PAK vs NZ tri series 2025 match time</h2>

<p>The PAK vs NZ 1st ODI will begin at 2 PM (PST). The 1st match of the ODI tri-series will be played on February 8th at the newly renovated Gaddafi Stadium in Lahore.&nbsp;</p>

PAK vs NZ 1st ODI Live Streaming, Live Score, Squads, & Match Time

PAK vs NZ live streaming: Where to watch online in Pakistan?

Pakistan vs New Zealand 1st ODI squads

PAK vs NZ tri series 2025 match time

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan