Cricket

Entertainment

Football

پاکستان نے غزہ میں مستقل اورغیر مشروط جنگ بندی کا مطالبہ کر دیا۔اقوام متحدہ میں پاکستان کے مستقل مندوب، سفیر عاصم افتخار احمد نے سلامتی کونسل میں ایک بیان دیتے ہوئے غزہ میں جاری انسانیت سوز بحران کو اجاگر کیا اور عالمی برادری سے مطالبہ کیا کہ وہ انسانی امدادی کارکنوں کے تحفظ اور فلسطینی عوام کی حالتِ زار کو ختم کرنے کے لیے فوری اقدام کرے۔تفصیلات کے مطابق اقوام متحدہ میں پاکستان کے مستقل مندوب عاصم افتخار نے اقوام متحدہ کے سلامتی کونسل اجلاس میں خطاب کرتے ہوئے کہاکہ غزہ سے فلسطینیوں کی بے دخلی منظور نہیں، غزہ کے محاصرے کو فوری ختم کیا جائے، غزہ میں بھوک کو بطور ہتھیاراستعمال کیا گیا۔عاصم افتخار نے کہاکہ غزہ میں طبی عملے اور ہسپتال پر حملے کئے گئے، 71ہزار بچوں 17ہزار ماؤں کو علاج معالجہ کی ضرورت ہے، فلسطینیوں کو امن کے ساتھ رہنے کا حق ہے، غزہ کی تعمیر نو کے پروگرام کی بھر پور حمایت کی جائے۔یواین ریلیف چیف نے سلامتی کونسل کو بریفنگ دیتے ہوئے بتایاکہ کہ غزہ کی ناکہ بندی فوری ختم کی جائے، غزہ میں قحط تشویشناک رخ اختیار کرگیا ہے۔دوسری جانب غزہ میں اسرائیلی جارحیت بدستور جاری ہے۔ عرب میڈیا کے مطابق گزشتہ چوبیس گھنٹوں میں اسرائیلی فضائی حملوں میں مزید 46 فلسطینی شہید اور 73 زخمی ہو گئے۔ اسرائیل نے پناہ گزین کیمپوں اور رہائشی گھروں کو نشانہ بنایا، جب کہ خان یونس پر کی گئی بمباری میں کم از کم 20 افراد شہید ہوئے۔18 مارچ سے اب تک 2,780 فلسطینی شہید ہو چکے ہیں جب کہ غزہ میں شہداء کی مجموعی تعداد 52,908 ہو گئی ہے۔ زخمیوں کی تعداد ایک لاکھ انیس ہزار سات سو اکیس (119,721) ہو چکی ہے۔ انفراسٹرکچر کی تباہی نے غزہ کو کھنڈر میں تبدیل کر دیا ہے اور انسانی بحران شدید ترین سطح پر پہنچ چکا ہے۔اقوام متحدہ، اسلامی ممالک اور انسانی حقوق کی عالمی تنظیموں کی جانب سے مطالبہ کیا جا رہا ہے کہ اسرائیلی حملے فوری بند کیے جائیں، محاصرہ ختم کیا جائے اور غزہ میں فوری انسانی امداد کی بلا رکاوٹ فراہمی کو یقینی بنایا جائے۔

سلامتی کونسل کااجلاس، پاکستان کا غزہ میں مستقل اورغیر مشروط جنگ بندی کا مطالبہ

غزہ میں بھوک کو بطور ہتھیار استعمال کیا جا رہا ہےجس سے لوگ مر رہے ہیں اقوام متحدہ میں مستقل مندوب عاصم افتخار کا خطاب

امریکی صدر ڈونلڈ ٹرمپ نے سعودی عرب پر اسرائیل کو تسلیم کرنے پر زور دیتے ہوئے کہا ہے کہ سعودی عرب کا اسرائیل کو تسلیم کرنا ان کی عزت افزائی ہوگی۔ریاض میں سرمایا کاری فورم میں خطاب میں کہا کہ سعودی عرب کا اسرائیل کو تسلیم کرنا میری عزت افزائی ہوگی، ان کی خواہش اور خواب یہ ہے کہ سعودی عرب جلد ہی ابراہیمی معاہدے میں شامل ہو جائے گا، ایسا ہوا تو یہ مشرقِ وسطیٰ کے مستقبل کےلیے بہت اہم پیش رفت ہوگی۔امریکی صدر نے ریاض میں سعودی امریکن انوسٹمنٹ فورم سے خطاب کرتے ہوئے ٹرمپ نے ایران کو بھی امن کی پیشکش کی اور کہا کہ دنیا میں امن کے لئے ایران کے ساتھ ڈیل کرنا چاہتے ہیں۔ سعودی ولی عہد شہزادہ محمد بن سلمان کے ساتھ ملاقات کے بعد شام پر عائد پابندیاں اٹھانے کا فیصلہ کیا تاکہ وہاں کے عوام کو ایک نیا موقع دیا جا سکے۔ایران کے حوالے سے ٹرمپ کا کہنا تھامیں امن کے لیے ایران کے ساتھ ڈیل کرنا چاہتا ہوں، اگر انہوں نے موقع گنوا دیا تو سخت پابندیاں جاری رہیں گی۔غزہ کے حوالے سے صدر ٹرمپ نے کہا کہ وہاں کے عوام کے ساتھ ناروا سلوک ناقابلِ تصور ہے اور وہ اس جنگ کے جلد خاتمے کے لیے کام کر رہے ہیں۔ٹرمپ نے کہا کہ گزشتہ مہینوں میں بہت کارنامے انجام دیے، چین نے امریکا پر عائد ٹیکسوں میں کمی پر آمادگی ظاہر کی، ہم مزید کمی لائیں گے۔ چین نے امریکی مصنوعات کےلیے دروازے کھولنے کی اجازت دے دی، امریکا میں بیورو کریسی کو کافی حد تک محدود کر دیا ہے۔صدر ٹرمپ نے کہا کہ محمد بن سلمان ایک عظیم اور کرشماتی شخصیت ہیں، انکا کہنا تھا کہ امریکا کے پاس دنیا کی بہترین معیشت ہے، میری موجودگی کے باعث امریکا دولت بنانے کیلئے پرکشش ملک بن گیا۔انھوں نے کہا کہ جزیرہ نما عرب انتہائی خوبصورت خطہ ہے، یہ خطہ اپنے بیٹوں کی محنت اور لگن کی بدولت ترقی کی جانب گامزن ہے۔ٹرمپ نے کہا کہ جنگیں پسند نہیں، دنیا بھر میں امن دیکھنا چاہتا ہوں،چند دن پہلے اُن کی انتظامیہ نے پاکستان اور بھارت کے درمیان بڑھتے ہوئے پرتشدد حملوں کو ختم کرانے کے لیے بڑی کامیابی سے تاریخی فائر بندی کرائی۔امریکی صدر نے کہا کہ پاکستان اور بھارت کے درمیان جنگ بندی کیلئے اُنہوں نے تجارت کو استعمال کیا اور دونوں ملکوں سے کہا کہ آؤ، ایک دوسرے پر ایٹمی میزائل پھینکنے کے بجائے آپس میں تجارت کرتے ہیں ،جس کے بعد جنگ رک گئی، اگریہ جنگ نہ رکتی تو اس میں لاکھوں لوگ مر سکتے تھے ٹرمپ نے امید ظاہر کی ہے کہ پاکستان اور بھارت کے درمیان حالیہ جنگ بندی قائم رہے گی اور امکان ظاہر کیا ہے کہ امریکا دونوں ملکوں کے رہنماؤں کو ایک عشائیے پر اکٹھا کر سکتا ہے۔امریکی صدر ڈونلڈ ٹرمپ کے دورہ سعودی عرب میں امریکا اور سعودی عرب کے درمیان 142 ارب ڈالر کے دفاعی معاہدوں پر دستخط ہوگئے۔وائٹ ہاؤس کا کہنا ہے کہ دفاعی معاہدہ 6 سو ارب ڈالر کے سعودی سرمایہ کاری وعدے کا حصہ ہے۔ دفاعی معاہدوں میں جی ای گیس ٹربائنز کی برآمدات، توانائی کے شعبے میں 14 ارب 20 کروڑ ڈالر کا معاہدہ اور 4 ارب 80 کروڑ ڈالر کے 737 بوئنگ طیاروں کا معاہدہ بھی شامل ہے۔

امریکی صدرنے سعودی عرب سے اسرائیل کو تسلیم کرنےکی خواہش کر دی

پاک بھارت جنگ بندی قائم رہے گی، ممکن ہے امریکہ دونوں ممالک کے رہنماوں کو عشائیہ پر اکٹھا کرلے، ڈونلڈ ٹرمپ

پاکستان نے بھارت کی جانب سے جنگ کے میدان میں شکست کے بعد سفارتی سطح پر اپنائے جانے والے ہتھکنڈوں کا بھی منہ توڑ جواب دیتے ہوئے اسلام آباد میں تعینات بھارتی ہائی کمیشن کے اہلکار کو ناپسندیدہ شخصیت قرار دے کر ملک چھوڑنے کی ہدایت کردی۔دفترخارجہ کے ترجمان شفقت علی خان کی جانب سے جاری بیان کے مطابق اسلام آباد میں بھارتی ہائی کمیشن کے ایک اہلکار کو ناپسندیدہ شخصیت قرار دے دیا گیا ہے۔انہوں نے کہا کہ حکومت پاکستان نے اسلام آباد میں تعینات بھارتی ہائی کمیشن کے ایک اہلکار کو اُس کی سرگرمیوں کی بنیاد پر ناپسندیدہ شخصیت قرار دے دیا ہے کیونکہ بھارتی اہلکار کی حرکات سفارتی استحقاق اور حیثیت سے مطابقت نہیں رکھتی ہیں۔بھارتی ہائی کمیشن کے اہلکار کو ہدایت کی گئی ہے کہ وہ 24 گھنٹوں کے اندر پاکستان چھوڑ دے اور اس فیصلے سے بھارتی ناظم الامور کو وزارت خارجہ طلب کر کے باضابطہ احتجاجی مراسلے کے ذریعے آگاہ کیا گیا۔اسلام آباد میں تعینات بھارتی سفارت کار شنکر ریڈی چنتالا جاسوسی میں ملوث پایا گیا تھا، اسی لیے پاکستان نے انہیںناپسندیدہ شخصیت قرار دے دیا۔بھارتی ہائی کمیشن کو ہدایت کی گئی ہے کہ وہ اس بات کو یقینی بنائے کہ شنکر ریڈی چنتالا اور ان کے اہلِ خانہ 24 گھنٹوں کے اندر پاکستان سے چلے جائیں۔قبل ازیں بھارتی حکومت نے اپنی جارحیت جاری رکھتے ہوئے پاکستانی سفارت کار کو ناپسندیدہ شخصیت قرار دے دیا اور انہیں 24 گھنٹوں میں ملک چھوڑنے کا حکم دیا تھا،بھارتی وزرات خارجہ کے مطابق پاکستانی ناظم الامور کو ہندوستانی وزارت خارجہ طلب کیا گیا اور انہیں احتجاجی مراسلہ جاری کیا گیا۔واضح رہے کہ 22 اپریل کو پہلگام میں مقامی سیاحوں پر حملے کے بعد بھارت نے بے جاالزام تراشی اور اشتعال انگیزی کا سلسلہ شروع کرتے ہوئے پاکستان کے ساتھ سندھ طاس معاہدہ معطل کردیا تھا۔

پاکستان نے بھارتی سفارتکار کو ناپسندیدہ شخص قرار دیکر 24 گھنٹوں میں ملک چھوڑنے کا حکم دیدیا

بھارتی ہائی کمیشن میں تعینات اہلکار کو ان کی غیرسفارتی سرگرمیوں پر ناپسندیدہ شخصیت قرار دیا گیا ہے، ترجمان دفترخارجہ

پاکستان تحریک انصاف کے بانی چیئرمین عمران خان کے بیٹوں قاسم اور سلیمان کا پہلا انٹرویو منظرعام پر آگیا۔سابق وزیراعظم پاکستان عمران خان کے بیٹوں نے کہا ہے کہ ہمارے والد ایک اصول پسند آدمی ہیں، ان کا ایمان بہت مضبوط ہے، ان کو سزائے موت کی دھمکیاں دی جارہی ہیں لیکن وہ کوئی ڈیل نہیں کریں گے۔سوشل میڈیا پلیٹ فارم ایکس پر ماریو ناؤفل کے شو میں انٹرویو دیتے ہوئے انہوں نے کہا کہ ہمارے والد عمران خان کو دو سال سے قید تنہائی میں رکھا ہوا ہے، کاش ہم اپنے والد سے فون پر گفتگو کر پاتے، ہماری اپنے والد سے فون پر گفتگو نہیں کرائی جاتی، عدالت نے ہر ہفتے بات کروانے کا حکم دیا ہے لیکن دو دو مہینوں تک ہمارے بات نہیں کروائی جاتی، ہماری جب والد سے بات کرائی بھی جاتی تھی تو لائن 20 منٹ پر کٹ جاتی تھی، آدھا وقت وہ ہمیں نصیحتیں کرتے، باقی ہماری زندگیوں کے بارے میں پوچھتے ہیں۔قاسم خان نے کہا کہ ہم نے اپنے والد عمران خان کو آخری بار دیکھا جب انہیں 3 گولیاں لگی ہوئی تھیں، وہ مضبوط تھے، استقامت سے کھڑے تھے اور مسکرا رہے تھے، وہ اُنہیں توڑنے کی کوشش کر رہے ہیں لیکن وہ ڈیل نہیں کریں گے، مییرے والد بہت اصول پسند ہیں، وہ کبھی بھی ڈیل نہیں کریں گے اور نہ دوسرے لوگوں کی طرح کوئی ڈیل قبول کریں گے۔قاسم اور سلیمان نے کہاکہ والد نے ہمیں خاموش رہنے کو کہا ہے لیکن اب ہمارے پاس کوئی چارہ نہیں، ہم نے سوچا تھا کہ یہ چند ہفتے کے لیے ہوگا، اب تو 2 سال ہو گئے، اُنہوں نے عمران خان کو دھندلانے کی کوشش کی، یہاں تک کہ 1992 کے ورلڈ کپ کی تصاویر کو بھی مٹا دیا۔قاسم اور سلیمان کا مزید کہنا تھا کہ ہمارے والد 70 سال کی عمر کے ہیں، اُنہیں گولی مار دی گئی۔ علاج کےلیے ڈاکٹر بھی نہیں دیا گیا، یہ انصاف نہیں، اذیت ہے، آج وہ سزائے موت کے قیدیوں کے لیے بنائے گئے سیل میں ہیں، جہاں نہ روشنی ہے، نہ وکیل اور نہ ہی ڈاکٹر کو رسائی ہے۔سلیمان خان نے مزید کہاکہ جمہوریت پر دباؤ اور الیکشن میں دھاندلی کے خلاف بڑا احتجاج ریکارڈ کروانے کے بعد جیل میں عمران خان پر سزا کے طور پر مزید سختیاں بڑھا دی گئیں۔ ہمارے والد کرپٹ نہیں اور یہ بات میرے خیال سے اسٹیبلشمنٹ بھی جانتی ہے۔انہوں نے کہاکہ آج باضابطہ انٹرویو دینے کی وجہ یہ ہے کہ حالات کافی مایوس کن ہوتے جا رہے ہیں اور ہمارے والد کو سزائے موت کی دھمکیاں دی جا رہی ہیں، ہمارے والد کو معلوم ہے کہ ہم یہ انٹرویو دے رہے ہیں، ہم نے ان سے اجازت لی تھی۔ٹرمپ انتظامیہ کے لیے پیغام کے حوالے سے سلیمان خان نے کہا کہ ہم اپنے والد کی رہائی کے حوالے سے ہر اُس حکومت سے اپیل کریں گے، جو آزادیٔ اظہار اور حقیقی جمہوریت کی حامی ہو۔ان کا کہنا تھا کہ وہ چاہتے ہیں کہ عالمی برادری سب کچھ دیکھے کہ ان کے ساتھ کیا ہو رہا ہے، انہوں نے امید ظاہر کی کہ وہ کوئی اقدام بھی کریں گے اور اس معاملے پر توجہ دینے کے لیے ٹرمپ سے بہتر اور کون ہوسکتا ہے۔انہوں نے مزید کہا کہ ہم ڈونلڈ ٹرمپ سے بات کرنا چاہیں گے یا کوئی ایسا راستہ نکالنا چاہیں گے جس سے وہ کسی طرح مدد کر سکیں، کیونکہ آخر میں ہمارا مقصد صرف اپنے والد کو قید سے آزاد کرانا، پاکستان میں جمہوریت لانا اور ان کے بنیادی انسانی حقوق کو یقینی بنانا ہے۔واضح رہے کہ عمران خان کے دونوں بیٹے قاسم اور سلیمان برطانیہ میں اپنی والدہ جمائما خان کے ساتھ رہ رہے ہیں۔ جمائما عمران خان کی پہلی بیوی ہیں جن کو وہ طلاق دے چکے ہیں۔

ہمارے والد کو سزائے موت دینے کی دھمکیاں دی جارہی ہیں، عمران خان کے بیٹوں کا انٹرویو

میرے والد پر ایسے مقدمات کرنے کی دھمکیاں دی گئی ہیں، جن میں انہیں سزائے موت ہو سکتی ہے،سلیمان خان

راولپنڈی (این این آئی) بانی پی ٹی آئی عمران خان نے کہا ہے کہ مودی اس وقت شدید غصے میں ہے ،وہ انتقام کے چکر میں پھر حماقت کرے گا اس لئے فورسز اور قوم کو الرٹ رہنا ہوگا۔اڈیالہ جیل میں بانی پی ٹی آئی سے ملاقات کے بعد عمران خان کی تینوں بہنوں نے میڈیا سے گفتگو کی اور سابق وزیراعظم کی جانب سے قوم کے نام دیا گیا پیغام پہنچایا۔علیمہ خان نے بتایا کہ آج ہم تینوں بہنوں کی عمران خان سے ملاقات ہوئی، ہم نے بتایا کہ وکلا باہر کھڑے ہیں، انہوں نے 3 کو نہیں جانے دیا، پارٹی کی گفتگو بیرسٹرگوہر سے کریں گے۔انہوں نے کہا کہ عمران خان نے موجودہ حالات پر گفتگو کی، ہم نے بتایا کہ پاکستانی قوم کیسے جوش اور جزبے کے ساتھ نڈر تھی، ملک کے دفاع کیلئے پاکستانی متحد ہیں، عمران خان نے کہا کہ جنگ میں فوری ریسپانس بہت اہم ہوتا ہے۔علیمہ خان کے مطابق عمران خان نے کہا کہ پاکستانی قوم اور فورسز کو الرٹ رہنا ہوگا، مودی پاکستان سے سخت نفرت کرتا ہے وہ اس وقت سخت غصے میں ہے جس کی وجہ سے انتقام کیلئے وہ دوبارہ کوئی حماقت کرے گا۔علیمہ خان نے کہا کہ بانی نے موجودہ حالات پر گفتگو کی، بانی کو ہم نے بتایا پاکستانی قوم بہت خوش ہے۔عمران خان نے کہا کہ جنگ میں فوری رد عمل ضروری ہوتا ہے، مقبوضہ کشمیر میں فالس فلیگ آپریشن کیا گیا اور اس کے بعد مودی نے پاکستان پر الزامات لگا کر حملہ کیا۔ انہوں نے کہا کہ جنگ میں 60 فیصد گیم دماغ کا ہوتا ہے اور مجھے خدشہ ہے کہ بدترین شکست کے بعد مودی دوبارہ کچھ کرے گا۔

مودی انتقام کے چکر میں پھر حماقت کرے گا فورسز اور قوم کو الرٹ رہنا ہوگا، عمران خان

فوج اور لوگوں نے جس طرح جواب دیا سوشل میڈیا کی جنگ بھی پاکستان جیت گیا، بانی چیئرمین پی ٹی آئی

ایچ بی ایل پاکستان سپر لیگ (پی ایس ایل) 10 کے بقیہ میچز کا شیڈول جاری کردیا گیا۔تفصیلات کے مطابق پاکستان سپر لیگ (پی ایس ایل) کے دسویں ایڈیشن کے بقیہ 8 میچز کا حتمی شیڈول جاری کردیا گیا ہے جس کے تحت پہلا میچ 17 مئی کو راولپنڈی اور فائنل 25 مئی کو لاہور میں کھیلا جائے گا۔پاکستان کرکٹ بورڈ کی جانب سے جاری کردہ شیڈول کے مطابق لیگز میچز راولپنڈی اور پلے آف راؤنڈ لاہور میں ہوگا۔پہلا میچ 17 مئی کو راولپنڈی اسٹیڈیم میں پشاور زلمی اورکراچی کنگز کے درمیان ہو گا۔18 مئی کو راولپنڈی کرکٹ اسٹیڈیم میں ایک ڈبل ہیڈر شیڈول ہے۔ دن کے پہلے میچ میں ملتان سلطانز اور کوئٹہ گلیڈی ایٹرز آمنے سامنے ہوں گے، جبکہ شام کے میچ میں پشاور زلمی اور لاہور قلندرز کے درمیان ٹاکرا ہوگا۔ایونٹ کا آخری گروپ میچ 19 مئی کو اسلام آباد یونائیٹڈ اور کراچی کنگز کے درمیان کھیلا جائے گا۔گروپ اسٹیج کے بعد، مقابلے لاہور منتقل ہو جائیں گے، جہاں پہلا کوالیفائر 21 مئی کو قذافی اسٹیڈیم میں ہوگا۔ ایلیمینیٹر 1 اور کوالیفائر 2 بالترتیب 22 اور 23 مئی کو منعقد ہوں گے۔تمام میچز رات 7 بج کر 30 منٹ پر شروع ہوں گے، سوائے 18 مئی کے شام کے میچ کے، جو رات 8 بجے شروع ہوگا۔ اسی دن دوپہر کے میچ کا آغاز سہ پہر 3 بجے ہوگا۔ٹکٹوں سے متعلق تفصیلات جلد جاری کی جائیں گی۔

ایچ بی ایل پی ایس ایل10 کے بقیہ میچز کا حتمی شیڈول جاری کردیا گیا

پہلا میچ 17 مئی کو راولپنڈی اسٹیڈیم میں پشاور زلمی اورکراچی کنگز کے درمیان ہو گا،فائنل25مئی کو لاہور میں ہوگا

چیئرمین پاکستان کرکٹ بورڈ (پی سی بی) نے قومی ٹیم کے نئے ہیڈ کوچ کے نام کا باضابطہ اعلان کر دیا ہے۔سماجی رابطے کی ویب سائٹ ایکس پر چیئرمین پی سی بی محسن نقوی نے بتایا کہ انہیں یہ اعلان کرتے ہوئے خوشی ہو رہی ہے کہ نیوزی لینڈ کے سابق کرکٹر اور معروف کوچ مائیک ہیسن 26 مئی سے پاکستان کرکٹ ٹیم کے وائٹ بال (ون ڈے اور ٹی20) ہیڈ کوچ کی ذمہ داریاں سنبھالیں گے۔محسن نقوی کے مطابق اس عہدے کے لیے موصول ہونے والی متعدد درخواستوں کا جائزہ لینے کے بعد مائیک ہیسن کو اس منصب کے لیے منتخب کیا گیا۔ اس سے قبل اطلاعات تھیں کہ اسلام آباد یونائیٹڈ کے موجودہ کوچ مائیک ہیسن پاکستان سپر لیگ (پی ایس ایل) کے دسویں ایڈیشن کے اختتام پر قومی ٹیم کے ہیڈ کوچ مقرر کیے جائیں گے۔

نیوزی لینڈ کےمائیک ہیسن پاکستان کرکٹ ٹیم کے نئے وائٹ بال ہیڈ کوچ مقرر

معروف کوچ مائیک ہیسن 26 مئی سے پاکستان کرکٹ ٹیم کےہیڈکوچ کی ذمہ داریاں سنبھالیں گے

سڈنی (این این آئی)آسٹریلیا کے ڈیوڈ وارنر نے پاکستان سپر لیگ (پی ایس ایل) پر اعتماد کا اظہار کر دیا۔اس حوالے سے آسٹریلوی میڈیا کا کہنا ہے کہ کراچی کنگز کے کپتان ڈیوڈ وارنر پی ایس ایل کے بقیہ میچز میں شرکت کیلیے پاکستان واپس جائیں گے، وہ پی ایس ایل مکمل کرنے کیلیے بقیہ میچز میں شریک ہوں گے۔آسٹریلوی میڈیا نے کہا کہ ڈیوڈ وارنر نے پی ایس ایل میں شرکت کی میڈیا کو تصدیق کی ہے۔ پی ایس ایل ملتوی ہونے کے بعد غیر ملکی کھلاڑی پاکستان سے چلے گئے تھے۔آسٹریلوی میڈیا کا کہنا ہے کہ بین میکڈرموٹ بھی پی ایس ایل کیلیے دوبارہ پاکستان جانے کا پلان کر رہے ہیں۔سیز فائر کے بعد پاکستان کرکٹ بورڈ (پی سی بی) پی ایس ایل دوبارہ شروع کرنے کا پلان کر رہا ہے، پی سی بی نے پی ایس ایل کے دوبارہ شروع کرنے کے لیے فرنچائز سے میٹنگز کی ہیں۔واضح رہے کہ پاکستان کرکٹ بورڈ (پی سی بی) اور پی ایس ایل فرنچائز نے پاکستان سپر لیگ 10 کے بقیہ میچز کیلیے 17 سے 25 مئی کی ونڈو پر اتفاق کرلیا ہے۔

ڈیوڈ وارنر نے پی ایس ایل کے بقیہ میچز میں شرکت کی تصدیق کردی

بین میکڈرموٹ بھی پی ایس ایل کیلئے دوبارہ پاکستان جانے کا پلان کر رہے ہیں،آسٹریلوی میڈیا

امریکی صدر ڈونلڈ ٹرمپ پہلے غیر ملکی دورے پر سعودی عرب پہنچ گئے جہاں شہزادہ محمد بن سلمان نے ان کا استقبال کیا۔تفصیلات کے مطابق امریکی صدر ڈونلڈ ٹرمپ کے دورہ مشرق وسطیٰ کا آغاز ہوچکا اور اس سلسلے میں وہ سب سے پہلے سعودی عرب پہنچ گئے جہاں سعودی ولی عہد نے ان کا استقبال کیا، اس موقع پر امریکی صدر کو روایتی قہوہ بھی پیش کیا گیا۔ ۔ اس دورے میں غزہ میں اسرائیل،حماس جنگ پر سفارتی کوششیں، ایران کے جوہری پروگرام پر مذاکرات اور اربوں ڈالر کے تجارتی معاہدے ایجنڈے کا حصہ ہوں گے۔یہ ٹرمپ کا وائٹ ہاؤس واپسی کے بعد پہلا بڑا غیر ملکی دورہ ہے، جس کا زیادہ تر محور تیل سے مالا مال خطے سے تجارتی معاہدے اور نئی سرمایہ کاری کی کوششیں ہوں گی۔واشنگٹن پوسٹ کے مطابق یہ ٹرمپ کا وائٹ ہاؤس واپسی کے بعد پہلا بڑا بین الاقوامی دورہ ہے۔ وہ اس دورے میں قطر اور متحدہ عرب امارات بھی جائیں گے۔یہ دورہ ایسے وقت میں ہو رہا ہے جب صدر ٹرمپ کو بعض سیکیورٹی خدشات کا سامنا ہے، خاص طور پر قطر کی جانب سے تحفے میں دیے جانے والے پرتعیش طیارے کے معاملے پر، جس کے بارے میں امریکی دفاعی ماہرین اور خفیہ ادارے سوالات اٹھا چکے ہیں۔یہ دورہ نہ صرف جغرافیائی سیاست میں تبدیلی لا سکتا ہے بلکہ امریکا اور خلیجی ممالک کے درمیان تجارتی تعلقات کو بھی نئی سمت دے سکتا ہے۔

دورہ مشرق وسطیٰ کا آغاز،امریکی صدر سعودی عرب پہنچ گئے،ایران اور غزہ پر اہم فیصلے متوقع

سعودی ولی عہد محمد بن سلمان نے امریکی صدر ڈونلڈ ٹرمپ کا ہوائی اڈے پر استقبال کیا اور روایتی قہوہ بھی پیش کیا

کرکٹ کے شائقین کیلئے بڑی خوشخبری،چیئرمین پاکستان کرکٹ بورڈ (پی سی بی) محسن نقوی نے پی ایس ایل کی بحالی کا اعلان کردیا۔چیئرمین (پی سی بی) محسن نقوی نے ایکس پر جاری بیان میں کہا کہ پی ایس ایل کے بقیہ 8 میچز 17 سے 25 مئی تک ہوں،ان کا کہناتھا پی ایس ایل وہیں سے شروع ہوگا جہاں روکا گیا تھا، ہم متحد ہیں اور کرکٹ کا جشن منائیں گے۔محسن نقوی کا کہنا تھا کہ پی ایس ایل 10 کے بقیہ میچز 17 مئی سے شروع ہوں گے، پی ایس ایل کا فائنل 25 مئی کو کھیلا جائیگا۔ محسن نقوی نے ٹورنامنٹ کی واپسی پر جوش و خروش کا اظہار کرتے ہوئے کہا ہے کہ پی ایس ایل 10 وہیں سے شروع ہو رہا ہے جہاں سے اس روکا گیا تھا، 6 ٹیمیں، کوئی خوف نہیں، ایک بار پر متحد ہو کر کرکٹ کی سپرٹ کا جشن منائیں گے۔رپورٹ کے مطابق پی ایس ایل کے میچز راولپنڈی اور لاہور میں ہوں گے، پاکستان کرکٹ بورڈ لیگ کے بقیہ میچز کے لیے زیادہ سے زیادہ غیر ملکی پلیئرز واپس لانے کے لیے کوشاں ہے۔خیال رہے کہ پاکستان سپر لیگ (پی ایس ایل) پاک بھارت جنگ کے نتیجے میں سکیورٹی خدشات کے پیش نظر اختتامی میچز روک دئیے گئے تھے اور پی ایس ایل غیر معینہ مدت کے لیے ملتوی کردیا تھااور غیر ملکی کھلاڑیوں کو واپس بھیج دیا گیا تھا۔

کرکٹ شائقین کیلئے خوشخبری! پی ایس ایل10کا پہلا میچ  17 مئی جبکہ فائنل 25 مئی کو ہوگا

پی ایس ایل وہیں سے شروع ہوگا جہاں روکا گیا تھا، ہم متحد ہیں اور کرکٹ کا جشن منائیں گے،چیئرمین پی سی بی

پاکستان تحریک انصاف (پی ٹی آئی) کے وائس چیئرمین شاہ محمود قریشی نے بھارت سے جنگ بندی کے بعد ملک کے اندر بھی سیاسی جنگ بندی کرنے کی اپیل کردی۔میڈیارپورٹس کے مطابق کوٹ لکھپت جیل سے عوام کے نام ایک خط میں انہوں نے کہا کہ میں سنجیدہ قومی مکالمہ شروع کرنے کی درخواست کرتا ہوں۔ شاہ محمود قریشی نے اپنے خط میں کہا کہ پاک بھارت کشیدگی کے دوران پی ٹی آئی کی قیادت، کارکنان اور پوری قوم اپنی افواج کے پیچھے سیسہ پلائی دیوار بن کر کھڑی رہی۔ واضح رہے کہ کچھ روز قبل چیئرمین پاکستان تحریک انصاف ( پی ٹی آئی) بیرسٹر گوہر نے بھی کہا تھا کہ بھارت کے ساتھ سیز فائر ہو سکتا ہے تو پی ٹی آئی کے ساتھ بھی سیاسی سیز فائر ہونا چاہیے۔ایک بیان میں بیرسٹر گوہر نے کہا تھا کہ بانی پی ٹی آئی سب سے بڑی جماعت کے لیڈر ہیں اور وہ جیل میں ہیں۔

شاہ محمود قریشی نے ملک کے اندر بھی سیاسی جنگ بند کرنے کی اپیل کردی

پاک بھارت کشیدگی کے دوران پی ٹی آئی کی قیادت، کارکنان اور پوری قوم اپنی افواج کے پیچھے سیسہ پلائی دیوار بن کر کھڑی رہی

پاک فوج کے شعبہ تعلقات عامہ (آئی ایس پی آر ) نے معرکہ حق کے دوران شہدا ءاور زخمیوں کی تفصیلات جاری کر دیں۔پاک فوج کے شعبہ تعلقات عامہ (آئی ایس پی آر) کے مطابق معرکہ حق کے دوران وطن کا تحفظ کرتے ہوئے 11 جوانوں نے جام شہادت نوش کیا جبکہ عام شہریوں پر جارحیت کا جواب دیتے ہوئے 78 اہلکار زخمی بھی ہوئے۔پاک فوج کے مطابق 6 اور 7 مئی کی درمیانی شب بھارت نے پاکستان کے خلاف بلا اشتعال حملے کیے جس میں بچوں، بزرگوں اور خواتین سمیت شہریوں کو نشانہ بنایا گیا۔آئی ایس پی آر کے مطابق مادر وطن پر قربان ہونے والوں میں آرمی کے 6 اور فضائیہ کے 5 اہلکار شامل ہیں۔ترجمان پاک فوج کے مطابق شہید ہونے والے میں نائیک عبدالرحمان، لانس نائیک دلاور خان، لانس نائیک اکرام اللہ، اور نائیک وقار خالد شامل ہیں، جبکہ سپاہی عدیل اکبر اور نثار بھی وطن پر قربان ہوئے۔آئی ایس پی آر کے مطابق پاک فضائیہ کے اسکواڈرن لیڈر عثمان یوسف، چیف ٹیکنیشن اورنگزیب بھی معرکہ حق کے دوران شہید ہوگئے، سینئر ٹیکنیشن نجیب سلطان، سینئر ٹیکنیشن مبشر اور کارپورل ٹیکنیشن فاروق بھی شہداء میں شامل ہیں۔ترجمان پاک فوج کے مطابق بھارتی فوج نے 6 اور 7 مئی کو بلااشتعال حملے شروع کئے، بھارتی حملوں میں 40 عام شہری شہید ہوئے، جن میں 7 خواتین اور 15 بچے شامل تھے، بھارتی حملوں سے 27 بچوں اور 10 خواتین سمیت 121 افراد زخمی ہوئے۔آئی ایس پی آر کی جانب سے جاری بیان میں کہا گیا ہے کہ شہداء قوم کا فخر ہیں، شہداء کی قربانی جرات، جذبے اور محب الوطنی کی شاندار علامت ہے، ان کی عظیم قربانی کو کبھی فراموش نہیں کیا جائے گا، زخمیوں کی جلد صحت یابی کیلئے دعاگو ہیں، قوم جارحیت کے سامنے پرعزم ہے، اس میں کوئی ابہام نہیں رہنا چاہیے۔ترجمان پاک فوج نے مزید کہا کہ پاکستان کی خودمختاری پر کوئی سمجھوتہ نہیں کیا جائے گا، آئندہ کسی بھی جارحیت کا فیصلہ کن جواب دیا جائے گا۔ان شاء اللہ۔پاکستان زندہ باد۔ افواجِ پاکستان پائندہ باد

معرکہ حق، مادر وطن کی دفاع میں اسکواڈرن لیڈر عثمان سمیت 11 جوان شہید اور 78 زخمی ہوئے

بھارتی جارحیت کے نتیجے میں 40 پاکستانی شہری شہید ہوئے ،شہدا میں 7 خواتین اور 15 بچے بھی شامل ہیں، آئی ایس پی آر

پاکستان پر قرضے ملکی تاریخ کی نئی بلند ترین سطح پر پہنچ گئے۔پاکستانی قرضوں کے حجم میں مسلسل اضافہ جاری ہے، اسٹیٹ بینک آف پاکستان نے اعداد و شمار جاری کر دیئے۔اسٹیٹ بینک آف پاکستان کے مطابق پاکستانی قرضوں کا حجم مسلسل اضافے سے 73 ہزار 600 ارب روپے سے بڑھ گیا، ہر پاکستانی ساڑھے تین لاکھ روپے کا مقروض ہو گیا۔نجی ٹی وی کے مطابق پاکستان کا قرضوں پر انحصارمزید بڑھ گیا اور ملک پر قرضے اور واجبات ملکی تاریخ کی نئی بلند ترین سطح 89ہزار 834ارب روپے ہوگئے۔اسٹیٹ بینک دستاویز کے مطابق مارچ 2025تک پاکستان پر قرضے اور واجبات 89ہزار 834ارب روپے ہوگئے۔ایک سال میں قرضوں اور واجبات میں 8ہزار 384ارب روپے اور رواں مالی سال کے پہلے 9ماہ(جولائی 2024تا مارچ 2025)کے دوران قرضوں اور واجبات میں 4ہزار 377ارب روپے کا اضافہ ریکارڈ کیا گیا۔مارچ 2025تک ملک پر مقامی قرضہ 51ہزار 518ارب روپے جبکہ غیر ملکی قرضہ اور واجبات 36ہزار 509ارب روپے رہے۔دستاویز کے مطابق مارچ 2024تک ملک پر قرضوں اور واجبات کا حجم 81ہزار 450ارب روپے تھا اور جون 2024تک پاکستان پر قرضے اور واجبات 85ہزار 457ارب روپے تھے۔اقتصادی ماہرین کے مطابق مقامی قرضوں کے حجم میں خطرناک حد کا اضافہ حکومتی اخراجات کی وجہ سے ہے۔

پاکستان پر قرضے ملکی تاریخ کی نئی بلند ترین سطح پر پہنچ گئے

مارچ 2025تک پاکستان پر قرضے اور واجبات 89ہزار 834ارب روپے ہوگئے،اسٹیٹ بینک

پاکستان سپر لیگ سیزن 10 کے باقی میچز کا مجوزہ شیڈول سامنے آگیا۔پاکستان کرکٹ بورڈ (پی سی بی) کی جانب سے پاکستان سپر لیگ (پی ایس ایل) کے دسویں ایڈیشن کے بقیہ 8 میچز 17 مئی سے کروانے کا پلان تیارکیاگیا ہے۔میڈیارپورٹس کے مطابق پی ایس ایل 10 کے بقیہ میچز 17 سے 25 مئی تک راولپنڈی اور لاہور میں کھیلے جائیں گے۔ پی ایس ایل کا آغاز راولپنڈی سے ہوگا۔ پی ایس ایل کا فائنل 25 مئی کولاہور میں کھیلا جائے گا۔17 اور 18 مئی کو ڈبل ہیڈر میچز کھیلے جائیں گے جبکہ  19 اور 20 مئی کو پی ایس ایل میں آرام کا دن ہوگا۔ذرائع نے بتایا ہے کہ ایک کوالیفائر، دو ایلیمینیٹر اور فائنل میچ لاہور میں ہوگا۔ذرائع کا کہنا ہے کہ کھلاڑیوں کو رپورٹ کرنے کے لیے 2 دن کا وقت دے دیا گیا، پی ایس ایل کے فرنچائزز 14 مئی کو اسلام آباد میں رپورٹ کریں گے۔ذرائع کے مطابق پاکستان سپر لیگ کے دسویں ایڈیشن کے بقیہ میچز کے لیے تمام فرنچائزز اپنے غیر ملکی کھلاڑیوں سے رابطے میں ہیں اور متعدد کھلاڑیوں نے واپس آنے کی حامی بھی بھرلی ہے۔ذرائع نے بتایا ہے کہ جن فرنچائزز کو غیر ملکی کھلاڑی دستیاب نہیں ہوں گے ان کے بدلے مقامی کھلاڑیوں کا انتخاب کیا جائے گا۔ذرائع کے مطابق پاکستان کرکٹ بورڈ (پی سی بی) کی جانب سے شیڈول کا حتمی اعلان جلد متوقع ہے۔ذرائع نے مزید بتایا کہ پی ایس ایل 10 کے بقیہ میچز سے پاکستان اور بنگلہ دیش کے درمیان ٹی20 سیریز متاثر نہیں ہوگی اور وہ مقررہ وقت پر ہی ہوگی۔واضح رہے کہ پاکستان اور بنگلہ دیش کی ٹیموں کے درمیان 5 میچز پر مشتمل ٹی20 سیریز کا انعقاد لاہور اور فیصل آباد کے اسٹیڈیمز میں ہوگا۔ذرائع نے بتایا ہے کہ پاکستان اور بنگلہ دیش سیریز کے لیے آنے والی براڈ کاسٹنگ ٹیم ہی پی ایس ایل 10 کے بقیہ میچز کی براڈ کاسٹنگ کرے گی۔واضح رہے کہ پاکستان کرکٹ بورڈ نے پاک بھارت جنگ کے باعث پی ایس ایل غیر معینہ مدت کیلئے ملتوی کردیا تھا۔پی سی بی کی جانب سے جاری بیان میں کہا گیا تھا کہ پی ایس ایل کے باقی 8 میچز ملتوی کرنے کا اعلان کرتے ہوئے کہا تھا کہ کرکٹ خوشی اور اتحاد کا ذریعہ ہے، تاہم اس وقت ایک وقفہ لینا چاہیے جب ملک ایسی سنگین صورتحال کا سامنا کر رہا ہو۔

پاکستان سپر لیگ 10 کے بقیہ میچز 17 مئی سے دوبارہ شروع کروانے کاپلان تیار

بقیہ میچز 17  سے 25 مئی تک کھیلے جائیں گے، کھلاڑیوں کو رپورٹ کرنے کیلئے دو دن کا وقت دیدیا گیا

بھارتی وزیراعظم نریندر مودی نے قوم سے خطاب کیا، جس کے دوران وہ آف کلر نظر آئے۔بھارتی وزیراعظم نریندر مودی نے نے کہا ہے کہ پاکستان سے بات صرف دہشت گردی اور آزاد کشمیر پر ہو سکتی ہے،نریندر مودی پاکستان کی جانب سے جوابی کارروائی کے بعد آج منظر عام پر آئے اور قوم سے خطاب کرتے ہوئے کہاکہ ہم نے پاکستان میں دہشتگردوں کے خلاف جو کارروائی کی اس کا کبھی انہوں نے سوچا بھی نہ ہوگا۔پاکستان سے بدترین جنگی شکست کے بعد بھارتی قوم سے خطاب میں وزیراعظم نریندر مودی شکست خوردہ، مایوس اور تھکے ہوئے لیڈر نظر آئے۔نریندر مودی نے اپنے خطاب میں پہلگام واقعے کو ظلم قرار دیا اور پاکستان پر بے بنیاد الزامات کو دہرایا۔بھارتی وزیراعظم نے کہا کہ نیو نارمل یہ ہے کہ بھارت خود پر حملے کا فوری جواب دے گا، پانی اور خون ساتھ نہیں بہہ سکتے، تجارت، مذاکرات اور دہشتگردی ساتھ ساتھ نہیں چل سکتے۔انہوں نے کہا کہ اگر پاکستان سے مذاکرات ہوئے تو دہشت گردی کے خاتمے پر ہوں گے اور کشمیر پر بات ہوگی تو وہ آزاد جموں و کشمیر پر ہوگی۔ نریندر مودی نے یہ بیانیہ دہرایا کہ جنگ بندی پاکستان کی درخواست پر عمل میں آئی ہے، ایٹمی حملے کی دھمکی کی بلیک میلنگ میں نہیں آئیں گے۔مودی نے کہاکہ آپریشن ’سندور‘ کے ذریعے ہم نے واضح پیغام دیا ہے کہ اگر بھارت پر حملہ کریں گے تو ہماری طرف سے منہ توڑ جواب دیا جائےگا۔ انہوں نے کہاکہ پاکستان نے ہمیں جواب دینے کے لیے صرف سرحد پر تیاری کی ہوئی تھی لیکن ہم نے ملک کے اندر جا کر کارروائی کی۔نریندر مودی نے دعویٰ کیاکہ پاکستان کی طرف سے یقین دہانی کروائی گئی کہ آئندہ دہشتگردی کی کارروائی نہیں ہوگی، جس پر ہم نے بھی اتفاق کرلیا اور سیز فائر ہوا۔بھارتی وزیراعظم نے دعویٰ کہاکہ آپریشن سندور کے دوران پاکستان میں 100 سے زیادہ دہشت گردوں کو ہلاک کیا گیا۔دوسری جانب اپوزیشن جماعت کانگریس سمیت بھارت کے تاجروں، بزنس مین، معزز شخصیات اور سابق فوجی افسران نے وزیراعظم مودی کے خطاب کو مایوس کن قرار دیا۔کانگریس لیڈر راہول گاندھی نے کہا کہ وزیراعظم مودی کو اس جنگ سے متعلق مکمل سچ کے ساتھ اسمبلی کو اعتماد میں لینا ہوگا۔

پاکستان سے صرف دہشت گردی اور آزاد کشمیر پر بات ہو سکتی ہے، مودی کا قوم سے خطاب

مودی نے بھارتی قوم کے سامنے پاکستان کیخلاف اپنے گھسے پٹے الزامات دہرا کر خفگی مٹانے کی ناکام کوشش کی

امریکی صدر ڈونلڈ ٹرمپ نے کہا ہے کہ پاکستان اور بھارت میں جوہری جنگ ہو سکتی تھی امریکا نے رکوائی، پاکستان اور بھارت کو تجارت بند کرنے کی دھمکی دی تو دونوں ممالک جنگ بندی پر رضا مند ہوئے، اس سے پہلے دونوں ممالک جنگ بندی اور پيچھے ہٹنے کو تیار نہ تھے۔ٹرمپ کاکہناتھا کہ پاکستان اور بھارت کے درمیان جنگ رکوادی، جوہری تنازع رکوانے پر فخر ہے۔وائٹ ہاؤس میں نیوز کانفرنس کرتے ہوئے امریکی صدر ڈونلڈ ٹرمپ کا کہنا تھا کہ بھارتی جارحیت کے جواب میں پاکستان نے ہندوستان پر جوابی کارروائی کی، ایسا لگ رہا تھا یہ سلسلہ رکنے والا نہیں، میری حکومت کی کوششوں سے دونوں ممالک کے درمیان جنگ رکی جس پر فخر ہے۔انہوں نے کہا کہ دو ایٹمی ممالک کے درمیان خطرناک جنگ لاکھوں لوگوں کی جانیں جا سکتی تھیں، ہماری ثالَثی میں دونوں ممالک کی قیادت نے صورتحال کی سنگینی کو سمجھا اور جنگ روکنے پر آمادہ ہو گئے۔صدر ٹرمپ کا کہنا تھا کہ ہم نے دونوں ممالک کو کہا تھا جنگ نہ روکی تو تجارت نہیں کریں گے، امریکی انتظامیہ کی مدد سے جنگ بندی معاہدہ ممکن ہوا، امریکا پاک بھارت تجارت میں مدددینے کے لیے تیارہے، اس حوالے سے جلد پاکستان سے بات کروں گا۔امریکی صدر نے اس امید کا بھی اظہار کیا کہ دونوں ممالک مستقبل میں ہی اسی طرح ذمہ داری کا مظاہرہ کرتے ہوئے کشیدگی سے گریز کریں گے۔یاد رہے کہ پاک فوج کے آپریشن بنیان المرصوص میں بھارت پر تابڑ توڑ حملوں نے ہندوستان کو جنگ بندی پر مجبور کردیا تھا۔تاہم جنگ بندی کے لیے امریکا نے ثالثی کا کردار ادا کیا اور دونوں ممالک کی اعلیٰ قیادت کے ساتھ امریکی وزیر خارجہ اور نائب صدر براہ راست رابطے میں رہے تھے۔

پاکستان اور بھارت کے درمیان جوہری جنگ رکوانے پر فخر ہے،امریکی صدر

پاکستان اور بھارت کے درمیان تجارتی تعلقات کی بحالی کے لیے بھی مدد کو تیار ہیں، ٹرمپ

راولپنڈی(این این آئی)آرمی چیف جنرل سیدعاصم منیر نے کہا ہے کہ دشمن کی کوئی بھی سازش پاکستان کی مسلح افواج کے عزم کو متزلزل نہیں کرسکتی جبکہ ہمارے شہریوں اور سپاہیوں کی بہادری اور قربانی پاکستان کی سلامتی کی بنیاد ہے۔آئی ایس پی آر کے مطابق آرمی چیف جنرل سیدعاصم منیر نے سی ایم ایچ راولپنڈی کا دورہ کیا، جہاں انہوں نے زخمی اہلکاروں اور شہریوں کی عیادت کی اور ان کی خیریت دریافت کی ،اس دوران، پاک فوج کے سربراہ فردا فردا ہر زخمی اہل کار سے ملے، ان کی غیر معمولی بہادری اور فرض شناسی کو سراہا۔آرمی چیف نے مسلح افواج کی جانب سے زخمیوں کی مستقل دیکھ بھال، بحالی اور فلاح بہبود کے عزم کااعادہ کیا۔اس موقع پر اپنی گفتگو میں جنرل سیدعاصم منیر نے کہاکہ ہمارے شہریوں اور سپاہیوں کی بہادری اور قربانی پاکستان کی سلامتی کی بنیاد ہے، پوری قوم اپنی مسلح افواج کے ہر فرد کے ساتھ پر عزم یکجہتی کا اظہار کرتی ہے۔انہوں نے کہاکہ معرکہ حق / آپریشن بنیان مرصوص کے دوران متحد اور پر عزم ردعمل سامنے آیا، یہ رد عمل عوام کی ثابت قدمی، حمایت کے ساتھ ملک کی عسکری تاریخ کا ایک فیصلہ کن باب بن چکا ہے۔آرمی چیف نے کہا کہ دشمن کی کوئی بھی جارحیت پاکستان کی مسلح افواج کے عزم کو متزلزل نہیں کر سکتا۔

دشمن کی کوئی بھی سازش مسلح افواج کے عزم کو متزلزل نہیں کرسکتی، آرمی چیف

جنرل سیدعاصم منیر کاسی ایم ایچ راولپنڈی کا دورہ ،زخمی اہلکاروں اور شہریوں کی عیادت کی

افواج پاکستان کی جانب سے بھارتی جارحیت کے جواب میں شروع کیا گیا ’آپریشن بنیان مرصوص‘ کی تکمیل کا اعلان کردیا گیا، بھارت کیساتھ 22 اپریل سے 10 مئی تک معرکے کو ’معرکہ حق‘ کا نام دیا گیا ہے۔آئی ایس پی آر کے مطابق خلاف پاکستان کا آپریشن بنیان مرصوص کامیابی سے مکمل کر لیا گیا ہے۔ 6 سے 10 مئی تک کے آپریشنز بنیان مرصوص کا حصہ تھے۔آئی ایس پی آر کے جاری اعلامیہ میں کہا گیا ہے کہ 22 اپریل سے 10 مئی تک پاک بھارت کشیدگی کو معرکہ حق کا نام دیا گیا ہے۔ترجمان آئی ایس پی آر کے مطابق بھارتی اشتعال انگیزی سے خواتین، بچے اور بوڑھے شہید ہوئے۔ ہمارے دل اور ہمدردیاں شہدا کے اہلخانہ کے ساتھ ہیں اور زخمی ہونے والوں کی جلد صحتیابی کے لیے دعا گو ہیں۔آئی ایس پی آر کے مطابق پاکستان نے بھارتی جارحیت کا جواب دے کر اپنے شہیدوں کے خون کا بدلہ لیا اور الحمدللہ پاک افواج نے قوم سے کیا گیا وعدہ پورا کیا۔ مسلح پاک افواج نے بھارتی جارحیت کا منہ توڑ جواب دے کر انصاف کر دکھایا۔جاری بیان میں مزید کہا گیا ہے کہ قوم کے حوصلے اور دعاؤں نے پاک فوج کو ناقابل شکست قوت دی۔ نوجوان سائبر محاذ کے سپاہی بن کر دشمن کے جھوٹ کا مقابلہ کرتے رہے۔ پاکستانی میڈیا بھی بنیان مرصوص کی طرح بھارتی پروپیگنڈے کے خلاف سیسہ پلائی دیوار بنا۔آئی ایس پی آر نے جنگ میں حصہ لینے والے سپائیوں، افسران، پائلٹس، ملاحوں کا شکریہ ادا کرتے ہوئے کہا کہ آپ کی جرأت، پیشہ وارانہ مہارت اور قربانی کی وجہ سے میدان جنگ میں کامیابی ممکن ہوئی۔اعلامیے میں کہا گیا ہے کہ پاکستانی قوم کی ثابت قدمی، دعاؤں اور اخلاقی حمایت نے مسلح افواج کو حوصلہ کیا جبکہ  نوجوان نسل نے سائبر اور انفارمیشن وارفیئر میں پہلی صف کے سپاہی بن کر اپنا کردار ادا کیا۔آئی ایس پی آر نے جنگ کے دوران بھارت کے جھوٹے پروپیگنڈے کیخلاف آہنی دیوار بن کر کھڑے ہونے پر ملکی میڈیا کا شکریہ ادا کیا جبکہ دفترِ خارجہ اور سفارتی عملے کا بھی شکریہ ادا کیا جس نے اس دورانیے میں پاکستان کے مؤقف کو بین الاقوامی سطح پر جس وضاحت، بصیرت اور اعتماد سے پیش کیا۔ترجمان پاک فوج نے اعلامیے میں کہا کہ ہم اپنے سائنسدانوں اور انجینئرز کے بھی ممنون ہیں جنہوں نے جدید ٹیکنالوجی کے ذریعے اس آپریشن کو مؤثر بنایا جبکہ ہم تمام سیاسی جماعتوں کی قیادت کا شکریہ ادا کرتے ہیں  جنہوں نے مادرِ وطن کے دفاع پر مکمل یکجہتی کا مظاہرہ کیا جبکہ  وزیرِ اعظم  اور ان کی کابینہ کا، جنہوں نے اہم فیصلے لے کر قوم کو بحران سے نکالا۔اعلامیے میں کہا گیا ہے کہ پاکستان کی جانب سے دیا گیا ردعمل مشترکہ عسکری ہم آہنگی، جدید جنگی شعور، نیٹ ورک بیسڈ وارفیئر اور ملٹی ڈومین آپریشنز کی اعلیٰ مثال تھا۔ بری، بحری، فضائی اور سائبر محاذوں پر مکمل ہم آہنگی سے 26 سے زائد دشمن کے اہم اہداف کو نشانہ بنایا گیا۔ آئی ایس پی آر نے بتایا کہ سرسا، بھُج، نالیا، آدمپور، بٹھنڈا، پٹھان کوٹ، سرینگر، ادھم پور، جموں میں فضائی اور عسکرے اڈوں کو نشانہ بنایا گیا، اس کے علاوہ 10 بریگیڈ، 80 بریگیڈ، راجوری، نوشہرہ کے ہیڈکوارٹرز تباہ کیے گئے جبکہ دہشت گردی پھیلانے کیلیے راجوری اور نوشہرہ میں قائم کیے گئے بھارتی اڈے و تربیتی مراکز بھی تباہ کیے۔اعلامیے میں بتایا گیا ہے کہ ایل او سی پر دشمن کی پوسٹیں اور توپ خانوں کو بھی نشانہ بنایا گیا، حتیٰ کہ انہوں نے سفید جھنڈے بلند کیے اور جنگ بندی کی اپیل کی۔ آئی ایس پی آر نے کہا کہ بھارتی ڈرونز نے پاکستانی فضائی حدود کی خلاف ورزی کی، جس کے جواب میں پاکستانی مسلح افواج نے اپنے مسلح ڈرونز سے بھارت کے بڑے شہروں بشمول نئی دہلی تک پیغام پہنچایا کہ ہم بھی اُن سے زیادہ ڈرونز کی بھرپور طاقت رکھتے ہیں۔ ترجمان پاک فوج کے مطابق سائبر محاذ پر بھی اہم بھارتی عسکری نیٹ ورک اور بنیادی ڈھانچے کو وقتی طور پر مفلوج کیا گیا جبکہ آپریشن کے دوران پاکستان نے صرف مخصوص اور محدود نوعیت کی جدید ٹیکنالوجی کا استعمال کیا،  تمام حملے صرف اُن ٹھکانوں پر کیے گئے جو براہِ راست دہشت گردی یا معصوم پاکستانیوں کے قتل میں ملوث تھے۔اعلامیے میں واضح کیا گیا ہے کہ مشرقی سرحد پر آپریشن کے دوران بھی پاکستان کو خیبرپختونخوا اور بلوچستان میں بھارتی حمایت یافتہ دہشتگردی کا سامنا کرنا پڑا، جس کا کامیاب انسداد بیک وقت مغربی محاذ پر جاری رہا۔ معرکۂ حق قومی قوتوں کی ہم آہنگی اور قوم کے غیر متزلزل عزم کی عظیم مثال بن گیا، جس نے ملک کی خودمختاری اور سالمیت کا دفاع یقینی بنایا۔ترجمان پاک فوج نے ایک بار پھر واضح کیا ہے کہ کوئی بھی اس غلط فہمی نہ ہے کہ وہ پاکستان کی خودمختاری کو چلینج کرے گا، اگر ایسا ہوا تو ہمارا جواب ہمہ گیر اور فیصلہ کن ہو گا۔

پاک فوج نے آپریشن بُنیان مرصوص کی کامیاب تکمیل کا اعلان کردیا

کوئی اس غلط فہمی نہ رہے کہ وہ ہماری خودمختاری چیلنج کرےگا،ایسی صورت میں ہمہ گیر اور فیصلہ کن جواب دیا جائے گا،اعلامیہ

پاکستان کے ڈائریکٹر جنرل ملٹری آپریشن (ڈی جی ایم او) اور بھارتی ہم منصب کے درمیان  ہاٹ لائن پر بات چیت کا پہلا راؤنڈ مکمل ہوگیا۔میڈیا ذرائع کی رپورٹ کے مطابق پاک بھارت ڈائریکٹر جنرل ملٹری آپریشنز (ڈی جی ایم اوز) کے درمیان بات چیت کا پہلا راؤنڈ مکمل ہوگیا ہے جس میں بات چیت جاری رکھنے کا امکان ظاہر کیا جارہا ہے۔رپورٹ کے مطابق رابطے کے دوران دونوں ممالک کے درمیان اعلان کردہ سیز فائر سے متعلق اہم امور پر غور کیا گیا۔پاکستان اور بھارت کے درمیان 2 روز قبل ہونے والی جنگ بندی کے بعد ڈی جی ایم اوز کا یہ پہلا رابطہ تھا۔بھارتی میڈیا کا کہنا ہے کہ  پاک بھارت ڈی جی ایم اوز کی بات چیت میں جنگ بندی جاری رکھنے پر اتفاق کیا گیا ہے۔واضح رہے کہ بھارت نے 6 اور 7 مئی کی درمیانی شب پاکستان پر میزائلوں سے حملہ کیا تھا، جس پر پاکستان نے جوابی کارروائی کرتے ہوئے دشمن کے 5 جہاز گرا دیے تھے۔بھارت نے اس کے بعد پھر اشتعال انگیزی جاری رکھی، جس کے جواب میں پاکستان کی مسلح افواج نے 10 مئی کی صبح آپریشن ’بنیان مرصوص‘ لانچ کیا اور بھارت میں گھس کر کارروائی کرتے ہوئے فوجی تنصیبات کو نقصان پہنچایا۔پاکستان اور بھارت کے درمیان جاری کشیدگی کم کرانے کے لیے امریکی صدر ڈونلڈ ٹرمپ میدان میں آگئے تھے، جس کے بعد 10 مئی کی شام کو دونوں ملکوں کے درمیان سیز فائر ہوگیا تھا۔گزشتہ رات پریس بریفنگ دیتے ہوئے ڈی جی آئی ایس پی آر لیفٹیننٹ جنرل احمد شریف چوہدری نے کہا تھا کہ پاکستان نے سیز فائر کا کوئی مطالبہ نہیں کیا، یہ خواہش بھارت کی تھی۔خیال رہے کہ امریکا کی ثالثی اور دوست ملکوں کی مدد سے ہونے والی جنگ بندی میں طے پایا ہے کہ دونوں ملک کسی تیسرے ملک میں مذاکرات کریں گے۔

پاکستان اور بھارت کے ڈی جی ایم اوز کے درمیان رابطے کاپہلا راؤنڈ مکمل ہوگیا

لیفٹیننٹ جنرل راجیو گھئی اور ان کے پاکستانی ہم منصب میجر جنرل کاشف عبداللہ کے درمیان ہاٹ لائن پر رابطہ ہوا

اسلام آباد (این این آئی)وزیر دفاع خواجہ آصف نے کہا ہے کہ اگر مذاکرات ہوئے تو بھارت سے تین پوائنٹس پر بات ہوگی۔نجی ٹی وی  سے گفتگو کے دوران خواجہ آصف نے کہا کہ مذاکرات کے دوران بھارت سے کشمیر، دہشت گردی اور پانی سے متعلق بات ہوگی۔انہوں نے کہا کہ دہشت گردی گزشتہ 20 یا 30 سال سے ہو رہی ہے، پاکستان دہشت گردی کا سب سے بڑا شکار ہے۔خواجہ آصف نے کہا کہ مسئلہ کشمیر کے حل کیلئے بھارت اور پاکستان کیلئے یہ سنہری موقع ہے۔وزیر دفاع نے کہا کہ ٹرمپ نے مسئلہ کشمیر پر بات کر کے ایک اور پیشرفت کی ہے، ٹرمپ نے کہا کہ کشمیر کا معاملہ بھی زیرِ بحث آنا چاہیے۔خواجہ آصف نے کہا کہ کتنی بڑی ستم ظریفی ہے کہ دہشت گردی کے سب سے زیادہ شکار ملک پر دہشت گردی کا الزام لگا کر حملہ کیا جائے۔

اگر مذاکرات ہوئے تو بھارت سے تین پوائنٹس پر بات ہوگی، خواجہ آصف

دہشت گردی گزشتہ 20 یا 30 سال سے ہو رہی ہے، پاکستان دہشت گردی کا سب سے بڑا شکار ہے، گفتگو

بھارتی بلے باز اور سابق کپتان بھارتی کرکٹ ٹیم ویرات کوہلی نے ٹیسٹ کرکٹ سے ریٹائرمنٹ کا اعلان کردیا ہے۔ سوشل میڈیا پر جاری کردہ اپنے بیان میں ویرات کوہلی نے لکھا ہے کہ 14 سال ہو گئے ہیں جب میں نے پہلی بار ٹیسٹ کرکٹ میں’’ بیگی بلیو‘‘ پہنی تھی۔ کبھی نہیں سوچا تھا کہ یہ فارمیٹ مجھے اس سفر پر لے جائے گا۔ اس سفر نے مجھے آزمایا، مجھے تراشا، اور مجھے وہ سبق سکھائے جو میں پوری زندگی یاد رکھوں گا۔انہوں نے لکھا کہ ٹیسٹ کرکٹ کھیلنے کا کچھ بہت ہی ذاتی سا تعلق ہوتا ہے۔  طویل دن، اور وہ چھوٹے چھوٹے لمحات جنہیں کوئی نہیں دیکھتا مگر وہ ہمیشہ کیلئے آپ کے ساتھ رہ جاتے ہیں۔اس فارمیٹ سے الگ ہونا آسان نہیں ہے، مگر یہ ابھی ٹھیک لگ رہا ہے۔میں نے اس کھیل کو اپنا سب کچھ دیا اور اس کھیل نے مجھے میری سوچ سے کہیں زیادہ واپس لوٹایا۔میں شکرگزاری سے بھرے دل کے ساتھ رخصت ہو رہا ہوں۔انہوں نے مزید لکھا کہ  اُن لوگوں کے لیے جن کے ساتھ میں نے میدان شیئر کیا، اور اُن تمام لوگوں کے لیے جنہوں نے مجھے اس سفر میں اہمیت دی سب کا شکر گزار ہوں۔میں ہمیشہ اپنی ٹیسٹ کیریئر کو مسکراہٹ کے ساتھ یاد کروں گا۔یاد رہے کہ ویرات کوہلی ٹی ٹوئنٹی کرکٹ سے پہلے ہی ریٹائرمنٹ لے چکے ہیں۔ کوہلی نیشنل ٹیم کیلئے اب صرف ون ڈے فارمیٹ کھیلیں گے۔کوہلی نے 123 ٹیسٹ میچزمیں 46.85 کی اوسط سے 9230 رنز بنائے۔بھارتی سٹار نے 68 ٹیسٹ میچز میں ٹیم کی قیادت کی۔ ویرات کوہلی بھارتی تاریخ کے سب سے کامیاب ٹیسٹ کپتان بھی ہیں۔ کوہلی کی قیادت میں بھارت نے 68 میں سے 40 ٹیسٹ میچز جیتے۔مجموعی ٹیسٹ کرکٹ میں سب سے زیادہ فتوحات حاصل کرنے والے چوتھے کپتان ہیں۔ کوہلی ٹیسٹ کرکٹ میں سب سے زیادہ سکور بنانے والے بھارت کے چوتھے کھلاڑی ہیں۔سب سے زیادہ رنز بنانےمیں سچن ٹنڈولکر، راہول ڈریوڈ اور سنیل گواسکر کے بعد چوتھے نمبر پر ہیں۔

بھارتی بیٹر ویرات کوہلی نے ٹیسٹ کرکٹ سے ریٹائرمنٹ کا اعلان کردیا

ویرات کوہلی نے سماجی پلیٹ فارم انسٹاگرام پر اپنی پوسٹ میں ٹیسٹ کرکٹ سے ریٹائرمنٹ کا اعلان کیا

PAK vs IRE live streaming is not one to miss as this is going to be the last match of the group stage and may as well be the last match of the T20 World Cup 2024 for both teams.

PAK vs IRE T20 World Cup Live Streaming When Where To Watch Match 36 of CWC 2024 In Pakistan India Ireland

PAK vs IRE live streaming is not one to miss as this is going to be the last match of the group stage and may as well be the last match of the T20 World Cup 2024 for both teams.

Pakistan will step into the stadium with a tad bit more confidence as they won their last contest against Canada, thereby keeping their hopes alive for Super-8 qualification.

Ireland may not be feeling as great as they have already lost their chance to qualify for the Super-8 stage.

This contest is scheduled to take place on 16th June at the Central Broward Regional Park, Lauderhill, Florida.

So, let&rsquo;s take a look at how fans can watch PAK vs IRE live streaming in Pakistan, India, and Ireland.

<h2>When to watch PAK&nbsp;vs IRE match 36 of T20 World Cup 2024</h2>

The last match for Ireland and possibly the last one for Pakistan too will take place at the Central Broward Regional Park, Lauderhill, Florida.

The PAK vs IRE match will begin at 7:30 PM (PST), 2:30 GMT, 10:30 AM local time, and 8 PM (IST).

Toss will take place half an hour before the beginning of the match i.e, at 7 PM (PST), 2 GMT, 10 AM local time, and 7:30 PM (IST).

Pakistan will be looking to give their best performance in this match as their chances of qualifying for the Super-8 stage are hanging by a thread and that thread connects to this match majorly.

On the other hand, Ireland will be looking to exit the T20 World Cup 2024 in a decent manner so they will also try to grab a win or a graceful defeat, at the very least.

Up till now, the T20 World Cup has seen some major unpredictable match results which is why it will be interesting to see the outcome of PAK vs IRE, match 36 of Cricket World Cup 2024.

<h2>Where to watch PAK vs IRE live streaming on mobile &amp; TV</h2>

In Pakistan, the PAK vs IRE match live streaming will be available in HD and ad-free on tapmad. Moreover, fans can also use the Ten Sports app for free live streaming of the match.

On TV, the PAK vs IRE match will be shown at PTV and Ten Sports.

In India, the Pakistan vs Ireland match live streaming will be available on Disney+ Hotstar.

For TV users, the match will be broadcast by Star Sports 1 SD, Star Sports 1 HD, Star Sports 1 Hindi SD and Star Sports 1 Hindi HD.

In Ireland, fans can watch the PAK vs IRE T20 World Cup 2024 match on Sky Sports.

PAK vs IRE T20 World Cup Live Streaming: When & Where To Watch Match 36 of CWC 2024 In Pakistan, India, & Ireland

When to watch PAK vs IRE match 36 of T20 World Cup 2024

Where to watch PAK vs IRE live streaming on mobile & TV

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan