Cricket

Entertainment

Football

پاکستان کرکٹ بورڈنے یو اے ای میں ہونے والی ٹی ٹوئنٹی ٹرائی سیریز اور ایشیا ءکپ کے لیے قومی اسکواڈ کا اعلان کر دیا ہے۔پاکستان کرکٹ ٹیم کے سلیکٹر عاقب جاوید اور ہیڈ کوچ مائیک ہیسن نے پاکستان، افغانستان اور امارات کے درمیان سہ فریقی سیریز اور ایشیاءکپ کے لیے 17 رکنی اسکواڈ کا اعلان کیا، 17رکنی اسکواڈ کی قیادت سلمان علی آغا کریں گے جبکہ فخر زمان کو ٹیم میں شامل کرلیا گیا۔سترہ رکنی اسکواڈ میں سلمان علی آغا (کپتان)، ابرار احمد، فہیم اشرف، فخر زمان، حارث رؤف، حسن علی، حسن نواز، حسین طلعت، خوشدل شاہ، محمد حارث (وکٹ کیپر)، محمد نواز، محمد وسیم جونیئر، صاحبزادہ فرحان، صائم ایوب، سلمان مرزا، شاہین شاہ آفریدی اور صوفیان مقیم۔ شامل ہیں۔ٹرائی سیریز 29 اگست سے 7 ستمبر تک شارجہ کرکٹ اسٹیڈیم میں کھیلی جائے گی، جس میں پاکستان کے ساتھ افغانستان اور میزبان یو اے ای کی ٹیمیں شامل ہیں۔ایشین کرکٹ کونسل کے زیر اہتمام ایشیا ءکپ ٹی ٹوئنٹی ٹورنامنٹ 9 سے 28 ستمبر تک دبئی اور ابوظہبی میں ہوگا، جس میں 8 ٹیمیں حصہ لیں گی۔ پاکستان کو گروپ ’اے‘ میں بھارت، عمان اور یو اے ای کے ساتھ رکھا گیا ہے۔

ایشیا ءکپ سہ ملکی سیریزکیلئے17رکنی قومی اسکواڈ کا اعلان، بابر اور رضوان باہر

پاکستان، افغانستان اور یو اے ای کی ٹرائی سیریز 29 اگست سے شارجہ میں، ایشیا کپ 9 ستمبر سے دبئی اور ابوظہبی میں کھیلا جائے گا

نیشنل سائبر کرائم انویسٹی گیشن ایجنسی نے معروف یوٹیوبر سعد الرحمن المعروف ڈکی بھائی کو لاہور ایئر پورٹ سے گرفتار کر لیا۔میڈیارپورٹس کے مطابق ٹک ٹاکر ڈکی بھائی کو سوشل میڈیا پر جوئے کی ترغیب دینے اور فحش مواد پھیلانے کے الزام میں حراست میں لیا گیا۔ڈکی بھائی کو بیرونِ ملک روانگی کی کوشش کرتے ہوئے لاہور ایئرپورٹ سے گرفتار کیا گیا۔ٹک ٹاکر نے اپنے سوشل میڈیا اکاؤنٹس پر جوئے کی ایپلی کیشن سمیت فحش مواد اپ لوڈ کیا تھا، ڈکی بھائی کو نیشنل کرائم انویسٹی گیشن ایجنسی نے حراست میں لیا ہے۔ ڈکی بھائی کا نام پروویژنل نیشنل آئیڈینٹیفکیشن لسٹ(پی این آئی ایل)میں شامل ہے اور وہ متعدد مقدمات میں تحقیقات کا سامنا کر رہے ہیں، جن میں آن لائن جوئے کی پروموشن بھی شامل ہے۔ ڈکی بھائی بیرون ملک روانگی کی کوشش کر رہے تھے تاکہ قانونی کارروائی سے بچ سکیں تاہم ایئر پورٹ حکام نے ان کا نام لسٹ میں موجود ہونے پر انہیں روک لیا۔واضح رہے کہ اس سے قبل 2024 میں بھی ڈکی بھائی اور ان کی اہلیہ عروب جتوئی کو لاہور کے علاقے ماڈل ٹان میں پولیس نے اس وقت حراست میں لیا تھا جب انہوں نے سوشل میڈیا پر اسلحے کی نمائش کی تھی۔خیال رہے کہ اپریل میں موٹروے پولیس نے ڈکی بھائی کے خلاف دوران ڈرائیونگ خطرناک اسٹنٹ کرنے اور تیز رفتاری سے گاڑی چلانے کے دو مقدمات دائر کیے تھے۔

بیرون ملک فرار کی کوشش ناکام، ڈکی بھائی کو لاہور ایئرپورٹ سے گرفتار کرلیا گیا

ڈکی بھائی کا نام  پی این آئی ایل میں شامل ہے اور وہ متعدد مقدمات میں تحقیقات کا سامنا کر رہے ہیں

ربیع الاول 1447 ہجری کے چاند کی متوقع رویت بارے پیش گوئی سامنے آگئی ،ا سپارکو نے ربیع الاول 1447 ہجری کے چاند کی متوقع رویت کے حوالے سے پیش گوئی کر دی ہے۔ماہرین فلکیات کے مطابق ماہ ربیع الاوّل کے چاند کی پیدائش 23 اگست 2025 کو دن 11 بج کر 06 منٹ پر ہونے کا امکان ہے، 24 اگست 2025 کو غروب آفتاب کے وقت نئے چاند کی عمر تقریباً 32 گھنٹے اور 13 منٹ ہوگی۔اسپارکو کی جانب سے کہا گیا ہے کہ ساحلی علاقوں میں غروب آفتاب اور چاند کے غروب ہونے کے درمیان وقت کا دورانیہ تقریباً پونے گھنٹے یعنی 45 منٹ کا ہوگا، موسم صاف ہونے کی صورت میں 24 اگست 2025 کی شام کو چاند نظر آنے کے قوی امکانات ہیں۔اسپارکو کے مطابق یکم ربیع الاوّل 25 اگست 2025 کو ہونے کا امکان ہے جبکہ اس حساب سے 12 ربیع الاوّل یعنی جشن عید میلادالنبیﷺ 5 ستمبر 2025 کو ہونے کے قوی امکانا ت ہیں تاہم ربیع الاوّل کے چاند کی رویت کا حتمی اعلان مرکزی رویت ہلال کمیٹی کرے گی۔واضح رہے کہ ماہ ربیع الاوّل کا چاند دیکھنے کیلئے مرکزی رویت ہلال کمیٹی کا اجلاس 24 اگست کو ہوگا جس کی صدارت چیئرمین مولانا عبدالخبیر آزاد کریں گے اورمرکزی رویت ہلال کمیٹی ربیع الاوّل کا چاند نظر آنے یا نہ آنے کے حوالے سے باضابطہ اعلان کرے گی۔

ربیع الاول 1447 ہجری کا چاند کب نظر آئے گا؟ اسپارکو کی پیش گوئی سامنے آگئی

ماہ ربیع الاول کا آغاز 25 اگست جبکہ جشن میلادالنبی ﷺ 5 ستمبر کو متوقع، حتمی اعلان رویت ہلال کمیٹی کریگی

وزیراعلیٰ خیبرپختونخوا نے بونیر میں جاں بحق افراد کے ورثا کو فی کس 20 لاکھ دینے کا اعلان کر دیا، علی امین گنڈاپور آج دوسرے روز بھی سیلاب متاثرہ علاقوں کا دورہ کریں گے۔تفصیلات کے مطابق وزیر اعلیٰ خیبرپختونخوا علی امین گنڈاپور نے سیلاب سے جاں بحق افراد کے ورثا کو20 لاکھ روپے دینے کا اعلان کردیا۔وزیراعلیٰ کے پی نے ضلع بونیر کے دورے کے دوران ڈپٹی کمشنر آفس میں ریلیف اور بحالی اقدامات کا جائزہ لیا۔ اجلاس میں چیئرمین پی ٹی آئی بیرسٹر گوہر علی خان، صوبائی وزراء، چیف سیکرٹری اور ضلعی انتظامیہ کے حکام شریک تھے۔ اجلاس کے آغاز میں سیلاب سے شہید ہونے والے افراد کے ایصالِ ثواب کے لیے دعا بھی کی گئی۔اس موقع پرعلی امین گنڈاپور کا کہنا ہے کہ متاثرہ علاقوں میں راستے بحال کرنا اولین ترجیح ہے، ایوی ایشن سے اضافی ہیلی کاپٹر مانگے ہیں، سیلاب متاثرین کو مشکل میں تنہا نہیں چھوڑیں گے، جانی نقصان کا ازالہ ممکن نہیں، مالی نقصانات کا ازالہ کی جائے گا۔اجلاس میں بریفنگ کے دوران بتایا گیا کہ ضلع بونیر کی سات ویلج کونسلوں میں کلاوڈ برسٹ کے نتیجے میں 5380 مکانات کو نقصان پہنچا ہے، 209 افراد جاں بحق جبکہ 134 افراد تاحال لاپتہ ہیں اور 159 زخمی ہیں۔ریسکیو اور ریلیف سرگرمیوں میں 10 ایکسکیویٹرز، 22 ٹریکٹرز، 10 ڈی واٹرنگ پمپس، 5 واٹر باؤزرز اور 10 ڈوزرز استعمال کیے جا رہے ہیں، جبکہ 223 ریسکیو اہلکار، 205 ڈاکٹرز، 260 پیرا میڈیکل اسٹاف، 400 پولیس اہلکار اور 300 سول ڈیفنس رضاکار حصہ لے رہے ہیں۔ پاک فوج کے دستے بھی امدادی کارروائیوں میں سرگرم ہیں۔متاثرہ افراد کو خوراک، طبی سہولیات، ٹینٹ، کمبل، میٹرس اور دیگر ضروری اشیاء فراہم کی جا رہی ہیں۔ پیر بابا کا 6 کلومیٹر اور گوکند کا 3.5 کلومیٹر روڈ بحال کر لیا گیا ہے جبکہ 15 مقامات پر لینڈ سلائیڈنگ کا ملبہ بھی ہٹا دیا گیا ہے۔سرکاری اعداد و شمار کے مطابق اب تک سیلاب میں پھنسے 3500 افراد کو بحفاظت نکالا جا چکا ہے، جبکہ بونیر سمیت 8 متاثرہ اضلاع میں ریلیف ایمرجنسی نافذ ہے۔

سیلاب متاثرین کے لواحقین کو 20،20 لاکھ روپے دیے جائیں گے،خیبرپختونخوا حکومت کا بڑا اعلان

وزیراعلیٰ علی امین گنڈاپور کا بونیر کا دورہ، ریلیف سرگرمیوں کا جائزہ، فوج سمیت تمام ادارے امدادی کارروائیوں میں مصروف

امریکا اور بھارت کے درمیان تجارتی تنازع شدت اختیار کر گیا ہے، جس کے نتیجے میں واشنگٹن نے اگست میں ہونے والے طے شدہ تجارتی مذاکرات منسوخ کر دیے۔میڈیارپورٹس کے مطابق امریکی تجارتی وفد کا 25 سے 29 اگست تک نئی دہلی کا دورہ متوقع تھا، تاہم روس سے تیل کی بلاواسطہ اور بالواسطہ خریداری پر اختلافات کے باعث یہ دورہ منسوخ کر دیا گیا۔واشنگٹن نے واضح کیا ہے کہ بھارت کی جانب سے روسی تیل کی درآمد عالمی پالیسیوں کے برعکس ہے، اسی لیے نئی دہلی پر اضافی ڈیوٹی عائد کرنا ناگزیر ہے۔ امریکا نے بھارت پر 25 فیصد اضافی ٹیرف لگا دیا ہے جس کے بعد مجموعی امریکی ٹیرف 50 فیصد تک جا پہنچا ہے۔امریکی حکام کا کہنا ہے کہ بھارت کو بارہا خبردار کیا گیا تھا کہ روسی تیل خریدنے کا سلسلہ بند نہ ہوا تو سخت اقتصادی اقدامات کیے جائیں گے۔واضح رہے کہ حالیہ دنوں میں امریکی وزیر خزانہ نے بھی عندیہ دیا تھا کہ اگر سابق صدر ڈونلڈ ٹرمپ اور روسی صدر ولادیمیر پیوٹن کے مذاکرات ناکام ہوئے تو بھارت پر عائد ٹیرف 50 فیصد سے بھی تجاوز کر سکتا ہے۔یاد رہے کہ روس سے تیل خریدنے کے معاملے پر امریکا نے بھارت کو خبردار کرتے ہوئے اضافی ٹیرف کی دھمکی دی تھی۔امریکی دھمکی کے بعد بھی بھارت کی جانب سے روس سے تیل کی خریداری روکنے کا کوئی اعلان نہیں کیا گیا۔بھارت اور امریکا کے درمیان اب تک مذاکرات کے 5 دور مکمل ہوچکے ہیں، اب ان مذاکرات کا چھٹا دور 25تا 29 اگست کو ہونا تھا، تاہم اب نئی تاریخ متوقع ہے۔

مودی سرکار کو ایک اور دھچکا، امریکا نے بھارت کیساتھ تجارتی مذاکرات منسوخ کردیئے

روس سے تیل کی خریداری بھارت کو مہنگی پڑ گئی، امریکا نے مذاکرات منسوخ کرکے مزید سخت اقدامات کا عندیہ دیدیا

برسلز (این این آئی)فیلڈ مارشل سید عاصم منیر نے کہا ہے کہ سیاسی مصالحت سچے دل سے معافی مانگنے سے ممکن ہے،خدا نے مجھے پاکستان کا محافظ بنایا ہے، اس کے علاوہ کسی عہدے کی خواہش نہیں ہے۔نجی ٹی وی کے مطابق برسلز میں صحافیوں سے گفتگو میں فیلڈ مارشل سید عاصم منیر نے کہا کہ تبدیلی کے بارے میں افواہیں سراسر جھوٹ ہیں، یہ افواہیں پھیلانے والے حکومت اور مقتدرہ دونوں کے مخالف ہیں۔اپنے دورہ برسلز کے دوران ایک تقریب میں فیلڈ مارشل سید عاصم منیر نے گفتگو کرتے ہوئے کہا کہ خدا نے مجھے پاکستان کا محافظ بنایا ہے، اس کے علاوہ کسی عہدے کی خواہش نہیں ہے۔سینئر صحافی سہیل وڑائچ کے سوال پر فیلڈ مارشل عاصم منیر نے کہا کہ سیاسی مصالحت سچے دل سے معافی مانگنے سے ممکن ہے۔آرمی چیف نے سیاسی مصالحت پر گفتگو کے دوران تخلیق آدم سے متعلق قرآنی آیات کا حوالہ دیتے ہوئے کہا کہ تخلیق آدم کے بعد ابلیس کے سوا سب نے آدم کو خدا کا حکم سمجھ کر قبول کیا، معافی مانگنے والے فرشتے رہے اور معافی نہ مانگنے والا شیطان بن گیا۔خارجہ پالیسی کے بارے میں اظہارِ خیال کرتے ہوئے آرمی چیف نے کہا کہ پاکستان کو چین اور امریکا سے تعلقات میں توازن برقرار رکھنے کا طویل تجربہ ہے، ایک دوست کے لیے دوسرے دوست کو قربان نہیں کریں گے۔فیلڈ مارشل سید عاصم منیر نے کہا کہ امریکی صدر ڈونلڈ ٹرمپ کی امن کی خواہش حقیقی ہے، اسی لیے نوبیل امن انعام کے لیے نامزد کرنے میں پہل کی ہے۔فیلڈ مارشل عاصم منیر نے بھارت کو خبردار کیا کہ بھارت پراکسیز کے ذریعے پاکستان کے امن کو تباہ نہ کرے۔ ایک ایک پاکستانی کے خون کا بدلہ لینا ہم پر واجب ہے۔

خدا نے مجھے پاکستان کا محافظ بنایا ہے، اس کے علاوہ کسی عہدے کی خواہش نہیں ،جنرل عاصم منیر

تبدیلی کے بارے میں افواہیں سراسر جھوٹ ہیں، یہ افواہیں پھیلانے والے حکومت اور مقتدرہ دونوں کے مخالف ہیں، آرمی چیف

دنیا بھر میں مصنوعی ذہانت (AI) کے بڑھتے استعمال پر جہاں سہولت اور تفریح کی مثالیں دی جاتی ہیں، وہیں امریکہ میں پیش آنے والا ایک افسوسناک واقعہ خطرے کی گھنٹی بجا رہا ہے۔امریکی ریاست نیو جرسی کے 76 سالہ ریٹائرڈ فوجی، جو یادداشت کی کمزوری کا شکار تھے، فیس بُک میسنجر پرمیٹا کے اے آئی چیٹ بوٹ "بِگ سِس بلی" کے عشق میں مبتلا ہوگئے۔ چیٹ بوٹ نے نہ صرف دوستانہ  چٹپٹی اور رومانوی باتیں کیں بلکہ نیویارک میں ملنے کا بلاوا بھی بھیج دیا۔ رپورٹس کے مطابق بزرگ ٹرین پکڑنے کیلئے گھر سے نکلے، مگر راستے میں گر کر شدیدزخمی ہوگئےاُنہیں اسپتال منتقل کیاگیا مگر وہ تین دن بعد اسپتال میں جان کی بازی ہار گئے۔یہ واقعہ اس وقت سامنے آیا جب رائٹرز اوردیگراداروں نے مِیٹا کی اندرونی اے آئی پالیسیز کا جائزہ لیا۔حیران کُن طور پرمِیٹا کی اے آئی پالیسی کے تحت چیٹ بوٹس کو ایسی "رومانوی فرضی باتیں" کرنے کی اجازت تھی لیکن یہ ورچوئل محبت ایک حقیقی المیے میں بدل گئی۔یہ کیس واضح کررہاہے کے اے آئی کی پیاربھری باتیں بعض اوقات جان لیوا بھی ثابت ہوسکتی ہیں۔

ڈیجیٹل محبت کا خوفناک انجام ایک پیغام نے زندگی چھین لی!

اے آئی کا پیار موت بن گیا، چیٹ بوٹ نے بزرگ کو ملاقات پر بلایا، وہ کبھی واپس نہ آئے

خیبرپختونخوا میں طوفانی بارشوں اور کلاؤڈ برسٹ کے بعد سیلابی صورتحال سے 48 گھنٹے میں ہونے والی اموات کی تعداد307تک جاپہنچی ہے۔تفصیلات کے مطابق  خیبر پختونخوا، گلگت بلتستان اور آزاد کشمیر میں طوفانی بارشوں، بادل پھٹنے ، لینڈ سلائیڈنگ اور سیلابی ریلوں نے بڑے پیمانے پر تباہی مچا دی، مختلف حادثات میں اب تک 307 سے زائد افراد جاں بحق ہو گئے۔خیبرپختونخوا میں حالیہ بارشوں اور فلش فلڈ کے باعث جانی و مالی نقصانات کی ابتدائی رپورٹ پی ڈی ایم اے نے جاری کر دی ہے۔پی ڈی ایم اے کے مطابق جاں بحق افراد میں 279 مرد، 15 خواتین اور 13 بچے شامل ہیں۔بونیر میں جاں بحق افراد کی تعداد 184 جبکہ 23 افراد زخمی ہیں۔ زخمیوں میں 17 مرد، 4 خواتین اور 2 بچے شامل ہیں۔پی ڈی ایم اے کے مطابق مجموعی طور پر 74 گھروں کو نقصان پہنچا ہے۔ 63 گھروں کو جزوی اور 11 گھر مکمل تباہ ہوئے ہیں۔بارشوں کا موجودہ سلسلہ 21 اگست تک جاری رہنے کا امکان ہے۔وزیراعلیٰ خیبرپختونخوا کی ہدایت پر متاثرہ اضلاع کے لیے فوری امدادی فنڈز جاری کر دیے گئے ہیں اور تمام اداروں کو امدادی سرگرمیاں تیز کرنے کی ہدایت کی گئی ہے۔ ضلعی انتظامیہ اور پی ڈی ایم اے کی ٹیمیں مسلسل رابطے میں ہیں اور صورتحال کی نگرانی کی جا رہی ہے۔

خیبرپختونخوا میں کلاؤڈ برسٹ اور فلیش فلڈنگ سے تباہی،اموات کی تعداد 307 تک جاپہنچی

شدید بارشوں کا سلسلہ 21 اگست تک وقفے وقفے سے جاری رہنے کا امکان ہے، پی ڈی ایم اے

امریکی صدر ڈونلڈ ٹرمپ اور روسی صدر ولادیمیر پیوٹن کے درمیان الاسکا میں ہونے والی اہم ملاقات کسی جنگ بندی معاہدے کے بغیر ختم ہوگئی۔ اگرچہ یوکرین جنگ کے خاتمے پر کوئی حتمی پیش رفت نہ ہوسکی، تاہم صدر ٹرمپ نے دعویٰ کیا کہ بات چیت میں’اہم پیش رفت‘ ہوئی ہے۔اینکریج ( الاسکا ) میں تقریباً تین گھنٹے سے زائدجاری رہنے والی اس ملاقات کے بعد ٹرمپ اور پیوٹن نے میڈیا کے سامنے مختصر گفتگو کی۔ صدر ٹرمپ نے کہا کہ’ہم نے کچھ معاملات پر پیش رفت کی ہے، تاہم انہوں نے تفصیلات بتانے سے انکار کیا اور صحافیوں کے سوالات کو نظرانداز کیا۔ملاقات کے بعد دونوں رہنماؤں نے مشترکہ طور پر میڈیا کے سامنے آ کر کہا کہ بعض معاملات پر پیش رفت ہوئی ہے، لیکن تفصیلات ظاہر کرنے سے گریز کیا اور صحافیوں کے سوالات بھی قبول نہ کیے۔روسی صدر پیوٹن نے سب سے پہلے گفتگو کی اور بتایا کہ انہوں نے ٹرمپ کو اینکریج آمد پر خوش آمدید کہا، انہوں نے کہا کہ روس اور امریکا جغرافیائی طور پر قریب ہیں اور یہ حقیقت ہے۔پیوٹن کا کہنا تھا کہ یہ ملاقات "کافی عرصے سے ضروری" تھی اور امید ہے کہ دونوں ملکوں کے درمیان طے پانے والے نکات یوکرین میں امن کی راہ ہموار کریں گے۔انہوں نے کہا کہ ہم امید کرتے ہیں کہ جو سمجھ بوجھ پیدا ہوئی ہے، وہ یوکرین میں امن کی راہ ہموار کرے گی۔جب ٹرمپ نے دوسری ملاقات کی بات کی تو پیوٹن نے مسکراتے ہوئے انگریزی میں کہا کہ اگلی بار ماسکو میں ملیں گے۔اس موقع پر امریکی صدر نے کہا کہ ملاقات مثبت اور تعمیری رہی۔ انہوں نے روس پر مزید پابندیاں لگانے سے انکار کیا۔ ٹرمپ نے اعتراف کیا کہ جنگ بندی پر مکمل اتفاق نہیں ہوسکا مگر امید ہے کہ معاہدہ جلد ممکن ہو جائے گا۔اُن کا کہنا تھا کہ پیوٹن اور زیلنسکی کے درمیان جلد ملاقات متوقع ہے۔ ٹرمپ نے کہا کہ یہ سوچنا غلط تھا کہ مسئلہ جلد حل ہو جائے گا۔ یہ مشکل تنازعہ ہے۔ٹرمپ نے کہا کہ وہ یوکرینی صدر اور نیٹو رہنماؤں سے ٹیلی فون پر بات کریں گے۔ اب امن معاہدے کی ذمہ داری یوکرینی صدر زیلنسکی پر ہے۔ ٹرمپ نے مذاکرات کیلئے روسی ہم منصب اور ان کی پوری ٹیم کا شکریہ ادا کیا اور کہا کہ یہ بہت تعمیری ملاقات رہی، بہت سے معاملات پر پیشرفت کی گئی اور کئی باتوں پر اتفاق کیا گیا۔ٹرمپ نے کہا کہ ہم ابھی وہاں تک نہیں پہنچے، لیکن ہم نے پیش رفت کی ہے، جب تک مکمل معاہدہ نہ ہو، کوئی معاہدہ نہیں ہوا ہے، انہوں نے اس ملاقات کو ’انتہائی نتیجہ خیز‘ قرار دیا اور کہا کہ کئی نکات پر اتفاق ہو گیا ہے، لیکن کوئی تفصیل نہیں بتائی۔ماہرین کے مطابق یہ ملاقات روسی صدر کے لیے سفارتی کامیابی سمجھی جا رہی ہے، کیونکہ یوکرین پر 2022 میں حملے کے بعد یہ پہلا موقع تھا کہ پیوٹن کو مغرب میں اس قدر خوشگوار ماحول میں خوش آمدید کہا گیا۔الاسکا کے اینکریج ایئر بیس پر امریکی صدر ٹرمپ نے ریڈ کارپٹ اور پرجوش مصافحے کے ساتھ روسی ہم منصب کا استقبال کیا۔ یہ پیوٹن کا فروری 2022 میں یوکرین پر حملے کے بعد پہلی مرتبہ مغربی سرزمین پر قدم رکھنا تھا۔ اس ملاقات کا ماحول اس وقت سے بالکل مختلف تھا جب چند ماہ قبل صدر ٹرمپ نے یوکرینی صدر ولودومیر زیلنسکی کو واشنگٹن میں سرد مہری سے ملاقات کا سامنا کرایا تھا۔

ٹرمپ اور پیوٹن کی الاسکا ملاقات بے نتیجہ ختم، یوکرین جنگ بندی پر معاہدہ نہ ہو سکا

طاقتوروں کی ملاقات،برف پگھلی لیکن روس یوکرین جنگ بندی نہ ہوسکی

وفاقی حکومت نے پیٹرولیم مصنوعات کی قیمتوں میں ردوبدل کردیاجس کا نوٹیفکیشن بھی جاری کردیاگیا ہے،حکومت نے اگلے 15روز کیلئے پیٹرول کی قیمت برقرار رکھنے کا فیصلہ کیا جبکہ ہائی اسپیڈڈیزل کی قیمت میں 12روپے 84پیسے فی لٹر کمی کی گئی ہے ۔وزارت خزانہ کی جانب سے جاری نوٹیفکیشن کے مطابق نئی قیمتوں کا اطلاق 16 اگست سے اگلے 15 روز کے لیے ہوگا۔نوٹیفکیشن کے مطابق ہائی اسپیڈ ڈیزل کی قیمت میں 12 روپے 84 پیسے فی لیٹر کمی کی گئی ہے، جس کے بعد نئی قیمت 272 روپے 99 پیسے فی لیٹر مقرر ہوگئی ہے۔ اس سے قبل ڈیزل کی قیمت 285 روپے 83 پیسے فی لیٹر تھی۔پٹرول کی قیمت میں کسی قسم کی تبدیلی نہیں کی گئی اور یہ بدستور 264 روپے 61 پیسے فی لیٹر پر برقرار ہے۔نوٹیفکیشن کے مطابق مٹی کے تیل کی قیمت میں 7 روپے 19 پیسے کمی کر دی گئی ہے، جس کے بعد نئی قیمت 178 روپے 27 پیسے فی لیٹر مقرر ہوئی ہے، جب کہ پہلے یہ 185 روپے 46 پیسے تھی۔ اسی طرح لائٹ ڈیزل آئل کی قیمت میں 8 روپے 20 پیسے کمی کے بعد نئی قیمت 162 روپے 37 پیسے فی لیٹر مقرر کی گئی ہے، جو اس سے قبل 170 روپے 36 پیسے تھی۔

حکومت نے ڈیزل 12 روپے 84 پیسے فی لیٹرسستا کردیا، پٹرول کی قیمت برقرار

پیٹرول کی قیمت 264 روپے 61 پیسے پر برقرار ہے،کمی کے بعدڈیزل کی قیمت 272 روپے 99 پیسے ہو گئی

خیبرپختونخوا حکومت کا ہیلی کاپٹرکریش کرگیا جس کے نتیجے میں ہیلی کاپٹر میں سوار 5 افراد شہید ہوگئے۔وزیراعلیٰ خیبرپختونخوا علی امین گنڈاپور نے تصدیق کرتے ہوئے بتایا کہ باجوڑ میں امدادی سامان لے جانے والا صوبائی حکومت کا ہیلی کاپٹر خراب موسم کے باعث کریش ہوا، حادثے میں 2 پائلٹ سمیت عملے کے 5 افراد شہید ہوئے۔وزیراعلیٰ خیبرپختونخوا نے بتایا کہ خراب موسم کے باعث ایم آئی 17ہیلی کاپٹر سے رابطہ منقطع ہوا تھا اور کے پی حکومت کا دوسرا ہیلی کاپٹر ضلع بونیر میں ریسکیو کارروائیوں میں مصروف ہے۔وزیر اعلی کے پی نے مزید کہا کےبتایاکہ صوبائی حکومت نے ہفتہ کو سوگ کا منانے کا اعلان کیا ہے، صوبے میں قومی پرچم سرنگوں رہے گا۔ علی امین گنڈاپور نے کہاکہ حادثے کی جگہ پر امدادی ٹیمیں بھیج دی گئیں ،شہداء کی ڈیڈ باڈیز کو پورے سرکاری اعزاز کے ساتھ سپرد خاک کردیا کیا جائے گا۔ انہوںنے کہاکہ شہداء کے اہل خانہ کے غم میں برابر کے شریک ہیں، شہداء کے درجات کی بلندی اور پسماندگان کے لیے صبر جمیل کی دعا کرتے ہیں، ہیلی کاپٹر عملے نے دوسروں کی جائیں  بچانے کیلئے اپنی جانیں قربان کردیں۔ انہوںنے کہاکہ یہ ہمارے اصل ہیرو ہیں، ان کی قربانی تاریخ میں سنہرے حروف میں لکھی جائے گی۔

خیبرپختونخوا حکومت کا ہیلی کاپٹرکریش کرگیا، 2 پائلٹ سمیت 5 افراد شہید ہوگئے

شہداء کی ڈیڈ باڈیز کو پورے سرکاری اعزاز کے ساتھ سپرد خاک کردیا کیا جائے گا، وزیر اعلیٰ علی امین گنڈاپور

خیبرپختونخوا کے مختلف اضلاع میں بادل پھٹنے کے باعث پیدا ہونے والی سیلابی صورتحال نے تباہی مچادی، ڈی سی بونیر نے سیلابی ریلوں میں بہہ کر 78 افراد کے جاں بحق ہونے کی تصدیق کردی ،صوبے میں مجموعی اموات146تک جاپہنچی ہیں جس میں اضافے کا خدشہ ہے۔ڈپٹی کمشنر بونیر کاشف قیوم کے مطابق بادل پھٹنے کے نتیجے میں آنے والے سیلاب میں بہہ کر 78 افراد جاں بحق ہوگئے، پہاڑی علاقوں میں زیادہ نقصان ہوا ہے، پانی کی سطح کم ہورہی ہے، اموات کی تعداد بڑھنے کا خدشہ ہے، بونیر میں ایمرجنسی نافذ کردی گئی ہے۔غیر ملکی میڈیا کے مطابق آفات سے نمٹنے والے حکام نے بتایا کہ پاکستان میں گزشتہ 24 گھنٹوں کے دوران مون سون کی بارشوں کے باعث کم از کم 117 افراد جاں بحق ہو گئے،۔صوبائی ڈیزاسٹر مینجمنٹ اتھارٹی کے مطابق ہلاکتوں کی اکثریت یعنی 110 اموات خیبر پختونخوا میں ریکارڈ کی گئیں۔پی ڈی ایم اے کے مطابق حادثات باجوڑ، بٹگرام، تورغر، مانسہرہ،سوات، بونیر اور شانگلہ کے اضلاع میں پیش آئے، سب سے زیادہ نقصان ضلع باجوڑ اور بٹگرام میں ہوا جہاں ریسکیو آپریشن تیز کر دیا گیا ۔ رپورٹ کے مطابق ضلع باجوڑ کی تحصیل سلارزئی میں آسمانی بجلی گرنے اور بادل پھٹنے سے آنے والے سیلابی ریلے کے باعث 21 افرادجاں بحق ہوگئے، جن میں سے 18 کی لاشیں برآمد ہوگئیں، 3 افراد کی تلاش جاری ہے جبکہ 3 افراد زخمی ہوگئے، ایک زخمی کو تشویشناک حالت میں پشاور منتقل کردیا گیا ۔ڈپٹی کمشنر باجوڑ شاہد علی کے مطابق جاں بحق افراد میں بچے اور خواتین بھی شامل ہیں، حادثے میں 4 مکان تباہ ہوگئے،امدادی سرگرمیاں بھی تیز کر دی گئیں ۔ڈپٹی کمشنر نے بتایا کہ پہاڑی تودہ گرنے سے راستے بند ہوگئے تھے جنہیں پیدل مسافت سے عبور کیا گیا، ریسکیو ٹیمیں بھاری مشینری کے ذریعے امدادی کارروائیوں میں مصروف دکھائی دیں، فرنٹیئر کور نارتھ نے ہیلی کاپٹر کے ذریعے متاثرین کے لیے خیمے اور دیگر ضروری سامان پہنچایا۔دریں اثنا، حادثے میں جاں بحق ہونے والوں کی نماز جنازہ ادا کردی گئی، جس میں رکن صوبائی اسمبلی انورزیب خان،ڈپٹی کمشنرشاہد علی،اسسٹنٹ کمشنر خار ڈاکٹر صادق علی، قبائلی عمائدین اور مقامی لوگوں نے شرکت کی۔ریسکیو ذرائع کے مطابق باجوڑ کی تحصیل سلارزئی کے علاقہ جبراڑئی میں کلاؤڈ برسٹ کے نتیجے میں ہونے والی طوفانی بارش کے بعد لینڈ سلائیڈنگ کے نتیجے میں بھاری پہاڑی پتھروں کی زد میں آکر 7 مکانات ملبے کا ڈھیر بن گئے، ملبے تلے دب کر 10 جاں بحق اور کئی لاپتہ ہوگئے۔وزیر اعلیٰ خیبر پختونخوا علی امین گنڈا پور نے باجوڑ کی صورتحال کے حوالے سے ہدایات جاری کردیں، جس کے بعد ڈپٹی کمشنر باجوڑ اور ضلعی انتظامیہ کے دیگر حکام موقع پر پہنچے ہ وزیر اعلیٰ کی ہدایت پر صوبائی حکومت کا ہیلی کاپٹر روانہ کیا گیا ۔وزیراعلیٰ علی امین گنڈاپور نے ہدایت کی ہے کہ ریسکیو اور ریلیف کی کاروائیوں کیے تمام دستیاب وسائل بروئے کار لائے جائیں، کمشنر ملاکنڈ اور ڈپٹی کمشنر باجوڑ ریسکیو کارروائیوں کی خود نگرانی کریں، وزیراعلیٰ نے تمام ضلعی انتظامیہ خصوصا دیر اور سوات کی انتظامیہ کو الرٹ رہنے کی ہدایت کی ہے۔انہوں نے کہا کہ ان اضلاع میں جاری بارشوں اور موسمی صورتحال کے پیش نظر انتظامیہ ہائی الرٹ رہے، کسی بھی ہنگامی صورتحال سے موثر انداز میں نمٹنے اور لوگوں کی جان و مال کی حفاظت کے لیے تمام پیشگی حفاظتی انتظامات یقینی بنائے جائیں۔مقامی اطلاعات کے مطابق بٹگرام اور مانسہرہ کے سرحدی گاؤں نیل بند میں بادل پھٹنے کا واقعہ جمعرات کی رات تقریباً 3 بجے پیش آیا، جس کے نتیجے میں 3 سے 4 گھر بہہ گئے۔اسسٹنٹ کمشنر محمد سلیم خان کے مطابق ہلاکتوں کی تعداد بڑھ کر 15 ہو گئی ہے، مقامی افراد، ریسکیو اہلکار، ریونیو عملہ اور الخدمت فاؤنڈیشن کے رضاکار ریسکیو آپریشن میں حصہ لے رہے ہیں۔اس سے قبل اسسٹنٹ کمشنر بٹگرام محمد سلیم خان نے بتایا کہ ریسکیو 1122 اور ریونیو عملہ ملکال گلی پہنچ چکا ہے، جہاں سے 10 لاشیں برآمد کی گئی ہیں جن میں 6 مرد، 2 خواتین اور ایک بچی شامل ہیں۔وی سی ملکال گلی کے مقامی شخص نور قدیم شاہ نے بتایا کہ دیہاتیوں نے دودھ پتی اور تھوہر کے علاقوں سے 9 لاشیں نکالیں، جبکہ تقریباً 20 افراد تاحال لاپتا ہیں۔انہوںنے کہاکہ علاقے میں سیلابی صورتحال کے باعث چھوٹے لکڑی کے پیدل پل بہہ گئے، 10 سے 15 مویشی ہلاک ہوئے، جبکہ رابطہ سڑکیں اور بجلی پیدا کرنے والے ٹربائن بھی نقصان کا شکار ہوئے۔انہوں نے مقامی دعووں کی تردید کی کہ رابطہ پل، سڑکیں یا مقامی بجلی پیدا کرنے والے ٹربائن بہہ گئے ہیں، ریونیو عملہ اور ریسکیو 1122 موقع پر موجود دکھائی دیئے جبکہ وی سی ملکال گلی سے بٹگرام نندیاری نالہ تک دریا میں درمیانے درجے کی طغیانی کی صورتحال رہی۔سیلابی ریلے سے شملائی مندروالی کے مقام پر اب تک 10 لاشیں ندی سے برآمد کر لی گئی ہیں، جبکہ مزید افراد کی تلاش کے لیے ریسکیو 1122 کی ٹیمیں، پولیس اور مقامی رضاکار امدادی کارروائیوں میں مصروف رہے۔ریسکیو 1122 بٹگرام کے ترجمان کے مطابق ریسکیو حکام کو اطلاع ملی کہ گزشتہ رات یونین کونسل شملائی بٹگرام کے بالائی علاقوں میں بادل پھٹنے اور اچانک سیلاب کے باعث متاثرہ صورتحال پیدا ہوئی۔متاثرہ دیہات میں وہ علاقے بھی شامل ہیں جو نیل بند، سارم اور ملکال گلی کے قریب واقع ہیں، جو بٹگرام اور مانسہرہ اضلاع کی سرحدی حدود میں آتے ہیں۔ترجمان نے بتایا کہ مقامی افراد اور ریسکیو 1122 کی ڈیزاسٹر ٹیمیں موقع پر موجود ہیں،ریسکیو 1122 بٹگرام ڈیزاسٹر ٹیم اور مقامی لوگوں نے سرچ اور ریسکیو آپریشن میں حصہ لیا ۔ریسکیو 1122 بٹگرام کا سرچ اور ریسکیو آپریشن جاری رہا تاہم وقفے وقفے سے بارش اور موبائل نیٹ ورک کی تقریباً مکمل بندش کے باعث مواصلاتی رابطے شدید متاثر ہیںجس سے امدادی سرگرمیوں میں مشکلات پیش آئیںدھر مانسہرہ کے علاقے بسیاں میں گاڑی سیلابی ریلے میں بہہ گئی، ریسکیو1122 کنٹرول روم کو اطلاع موصول ہوتے ہی غوطہ خور ٹیم فوری طور پر جائے حادثہ پر روانہ ہوئی،گاڑی میں 6 افراد سوار تھے جن میں سے 3 کو موقع پر زندہ بچا لیا گیا تاہم 2 افراد 30 سالہ میر اور 25 سالہ اسد جاں بحق ہوگئے ، ایک شخص زخمی ہوا۔مانسہرہ میں بٹل پولیس اسٹیشن کی حدود میں واقع گاؤں ڈھیری حلیم میں 15 مکانات لینڈ سلائیڈنگ کی زد میں آکر تباہ ہوگئے جس کے نتیجے میں 35 افراد ملبے تلے دب گئے۔دریں اثنادیر لوئر کے علاقے میدان سوری پاؤ میں مکان کی چھت گرنے سے بچوں اور خواتین سمیت کئی افراد ملبے تلے دب گئے ، ترجمان ریسکیو 1122 کے مطابق ریسکیو ٹیم شدید بارش، سیلابی ریلوں دشوار گزار اور خراب راستے کے باجود 3 گھنٹے کا راستہ پیدل طے کرتے ہوئے جائے وقوعہ پر پہنچی۔ریسکیو 1122 اور مقامی لوگوں نے اب تک 7 افراد کو ملبے تلے سے نکالا، جن میں سے 5 افراد جاں بحق اور 2 زخمی ہوگئے۔دریں اثنا سیلاب سے متاثرہ سوات اور باجوڑ میں پاک فوج کا فلڈ ریلیف آپریشن جاری رہا،پاک فوج کی ٹیمیں متاثرہ اضلاع میں امدادی سرگرمیوں میں مصروف دکھائی دیئے، سیلاب زدہ علاقوں سے لوگوں کو محفوظ مقامات پر منتقل کیا گیاباجوڑ میں ہیلی کاپٹر کے ذریعے لوگوں کو ریسکیو کیا گیاجبکہ راشن اور ادویہ کی فراہمی بھی بذریعہ ہیلی کاپٹر کی جا تی رہی ، پاک فوج کی ٹیموں کے آتے ہی پاک فوج زندہ باد کے نعرے بلند ہوگئے۔پاک فوج کی جانب سے واضح کیا گیا ہے کہ تمام سیلاب زدگان کو بحفاظت ریسکیو کرنے اور محفوظ مقامات پر منتقل کرنے تک آپریشن جاری رہے گا۔

خیبر پختونخوا میں سیلاب سے بڑے پیمانے پر تباہی، 146سے زائدافراد جاں بحق

ڈپٹی کمشنر بونیر نے 78 افراد کے جاں بحق ہونے کی تصدیق کردی،، بٹگرام میں بھی آبی ریلے 10 افراد کو بہا لے گئے

اسلام آباد (این این آئی)وفاقی حکومت نے یوم آزادی کے موقع پر کھیلوں کے میدان میں نمایاں کارکردگی سر انجام دینے پرسِول ایوارڈدینے کیلئے کھیلوں سے وابستہ شخصیات کے ناموں کا اعلان کیا ہے، بوم بوم شاہد آفریدی اور نوجوان کوہ پیما شہروز کاشف کو ہلال امتیاز جبکہ سابق کپتان ثنا میر کو ستارہ امتیاز کے اعزاز سے نوازا جائے گا،سِول ایوارڈز دینے کی تقریب آئندہ سال 23مارچ کو منعقد ہوگی جس میں قومی کرکٹ ٹیم کے سابق کپتان شاہد آفریدی، نوجوان کوہ پیما شہروز کاشف کو کوہ پیمائی،مرحوم گھڑ سوار ملک محمد عطا کو ہلال امتیاز ایوارڈ سے نوازا جائے گا۔ قومی وویمن ٹیم کی سابق کپتان ثنا میر، اسپیشل ایتھلیٹ حیدر علی کو ستارہ امتیاز سے نوازا جائے گا۔ اسکواش میں حمزہ خان، ٹینس میں رشید ملک، شوٹنگ میں محسن نواز کو تمغہ امتیاز ملے گا۔ شاہ زیب رند کو مکس مارشل آرٹس، محمد سجاد کبڈی میں پرائیڈ آف پرفارمنس ایوارڈ لینگے۔ اسپورٹس جرنلزم میں سینئرا سپورٹس جرنلسٹ عبدالمحی شاہ کو بھی تمغہ امتیاز سے نوازا جاے گا۔

شاہد آفریدی سمیت کھیلوں کی شخصیات کو 23 مارچ کو قومی اعزازات دینے کا اعلان

کوہ پیما شہروز کاشف، سابق ویمن کرکٹر ثنا میر اور ڈسک تھرو میں حیدر علی کو ستارہ امتیاز سے نوازا جائے گا

بھارت میں توہم پرستی کی ایک انوکھی مثال سامنے آئی ہے جہاں ایک خاتون نے ’’لبوبو ڈول‘‘ نامی چینی کھلونے کو دیوتا سمجھ کر اس کی پوجا شروع کر دی۔ وائرل ہونے والی ویڈیو میں خاتون کو ہندو رسومات ادا کرتے، پراساد چڑھاتے اور عقیدت کے ساتھ گڑیا کے سامنے جھکتے دیکھا جا سکتا ہے۔یہ ویڈیو سب سے پہلے ٹک ٹاک اور ایکس پر تیزی سے پھیلی اور صارفین نے اسے دیکھ کر قہقہے لگا دیے۔ ایکس پر شیئر کرنے والے صارف نے دعویٰ کیا کہ ایک بھارتی لڑکی نے اپنی ماں کو یقین دلایا کہ ’’لبوبو‘‘ ایک چینی دیوتا ہے، اور ماں نے فوراً پوجا شروع کر دی۔درحقیقت ’’لبوبو ڈول‘‘ کسی مذہبی شخصیت کی علامت نہیں بلکہ ایک تخیلاتی کردار ہے، جسے ہانگ کانگ کے تخلیق کار کاسنگ لنگ نے ڈیزائن کیا اور 2019 میں چینی کمپنی ’’پاپ مارٹ‘‘ نے اپنی ’’دی مانسٹرز‘‘ سیریز کے تحت لانچ کیا۔ اس کا نام کسی معنی کا حامل نہیں، مگر بڑی آنکھیں، نوکیلے کان، خوفناک مسکراہٹ اور نرم جسم جیسی خصوصیات نے دنیا بھر کے مداحوں کو اپنی طرف متوجہ کر لیا۔یہ گڑیا اتنی مشہور ہو چکی ہے کہ ریانا، کم کارڈیشین، دعا لیپا اور عروشی روٹیلا سمیت کئی عالمی شخصیات کے پاس بھی دیکھی گئی ہے۔ ابتدا میں یہ ایک محدود کلیکشن کا حصہ تھی، مگر اب ایک عالمی فیشن رجحان بن چکی ہے اور لوگ اسے خریدنے کے لیے لمبی قطاروں میں کھڑے نظر آتے ہیں۔

بھارت میں توہم پرستی کی انتہا، خاتون نے ’لبوبو ڈول‘ کی پوجا شروع کردی

ٹک ٹاک اور ایکس پر بڑے پیمانے پر شیئر کی جانے والی اس ویڈیو نے صارفین کو ہنسنے پر مجبور کر دیا

کبھی سرحد پر تناؤ، کبھی مذاکرات کی گونج عالمی تجارتی دباؤ نے بالآخر بھارت اور چین کو دوبارہ آمنے سامنے بیٹھا دیا۔بھارت اور چین کے درمیان 5 سال بعد سرحدی تجارت کی بحالی کے لیے مذاکرات جاری ہیں، جسے دونوں ممالک کے تعلقات میں مثبت پیش رفت قرار دیا جا رہا ہے۔ غیر ملکی خبر رساں اداروں کے مطابق، ٹرمپ دور میں عائد ہونے والے بھاری محصولات اور عالمی تجارتی دباؤ نے دونوں ملکوں کو تعلقات میں نرمی کی طرف مائل کیا ہے۔ماضی میں برف پوش ہمالیائی راستوں کے ذریعے ہونے والی سرحدی تجارت کا حجم محدود تھا، لیکن اس کی علامتی اہمیت ہمیشہ برقرار رہی۔ اب بھارتی وزارت خارجہ کے ترجمان رندھیر جیسوال نے تصدیق کی ہے کہ چین کے ساتھ تمام نامزد تجارتی پوائنٹس اتراکھنڈ میں لیپولیکھ پاس، ہماچل پردیش میں شپکی لا پاس اور سکم میں ناتھو لا پاس کو دوبارہ فعال کرنے پر گفتگو ہو رہی ہے۔بھارتی میڈیا کے مطابق، چینی وزیر خارجہ وانگ یی جلد نئی دہلی کا دورہ کریں گے، جب کہ اس سے پہلے بھارتی وزیر خارجہ جے شنکر جولائی میں بیجنگ جا چکے ہیں۔ مذاکرات میں براہِ راست پروازوں کی بحالی اور سیاحتی ویزوں کے اجرا پر بھی بات ہوگی، جسے 2020 میں ہونے والی مہلک سرحدی جھڑپ کے بعد تعلقات کو معمول پر لانے کی بڑی کوشش سمجھا جا رہا ہے۔تجزیہ کاروں کے مطابق، بھارت اور چین کی یہ پیش رفت جزوی طور پر اس عالمی تجارتی بحران کا نتیجہ ہے جو امریکی صدر ڈونلڈ ٹرمپ کی جانب سے عائد کردہ ٹیرف پالیسیوں اور حالیہ جغرافیائی سیاسی کشیدگی کے باعث پیدا ہوا۔ دونوں ممالک طویل عرصے سے جنوبی ایشیا میں اسٹریٹیجک اثر و رسوخ کے لیے مقابلہ کر رہے ہیں، تاہم موجودہ عالمی حالات نے انہیں عملی تعاون کی طرف مائل کیا ہے۔

پانچ سال بعد بھارت اور چین کے تعلقات میں برف پگھلنے لگی، سرحدی تجارت بحالی پر مذاکرات

سرحدی تجارت کے ساتھ ساتھ دونوں ممالک براہِ راست پروازوں کی بحالی اور سیاحتی ویزوں کے اجرا پر بھی غور کر رہے ہیں

پاکستانی شوبز انڈسٹری کی مقبول ترین اداکارہ ہانیہ عامر نے ایک اور عالمی اعزاز اپنے نام کر لیا، انہیں دنیا کی خوبصورت ترین اداکاراؤں کی فہرست میں شامل کرلیا گیا۔ہانیہ عامر واحد پاکستانی اداکارہ بنیں، جنہیں خوبصورت ترین اداکاراؤں کی فہرست میں شامل کیا گیا ہے۔ہانیہ عامر کو فلموں، ڈراموں اور ویب سیریز کو ریٹنگ دینے اور شوبز شخصیات کے پروفائل بنانے والی کمپنی ’انٹرنیٹ مووی ڈیٹا بیس‘ (آئی ایم بی ڈی) نے اپنی فہرست میں شامل کیا ہے۔آئی ایم بی ڈی نے سال 2025 اور 2026 کی 10 خوبصورت ترین اداکاراؤں کی فہرست جاری کرتے ہوئے ہانیہ عامر کو دنیا کی چھٹی خوبصورت اداکارہ قرار دیا۔جاری کردہ فہرست میں دسویں نمبر پر ترک اداکارہ و ماڈل ہاندے آرچل ہے جو اپنی فلموں کی وجہ سے کافی مقبول ہیں۔فہرست میں نویں نمبر پر ہولی وڈ اداکارہ امبر ہرڈ ہیں، آٹھویں نمبر پر اداکارہ و پروڈیوسر ایما واٹسن جب کہ ساتویں نمبر پر آنا دی آرمس کو رکھا گیا ہے۔دنیا کی 10 خوبصورت ترین اداکاراؤں کی فہرست میں پانچویں نمبر پر بولی وڈ اداکارہ کرتی سنن ہیں جو اس فہرست میں شامل واحد بھارتی اداکارہ ہیں۔چوتھے نمبر پر جنوبی کوریا کی اداکارہ نینسی مکڈونی، تیسرے نمبر پر چینی اداکارہ دلرابا دلمورت جب کہ دوسرے نمبر پر امریکی اداکارہ شیلنی وڈلے کو رکھا گیا ہے۔خوبصورت اداکاراؤں کی فہرست میں آسٹریلیا کی 35 سالہ اداکارہ مارگوٹ روبی کو پہلے نمبر پر رکھا گیا ہے۔اسی فہرست میں ہانیہ عامر چھٹے نمبر پر ہیں، اگرچہ وہ خوبصورتی کے حوالے سے کرتی سنن سے پیچھے ہیں لیکن انہوں نے امبر ہرڈ اور ایما واٹسن جیسی اداکاراؤں کو حسن میں پیچھے چھوڑ دیا۔

اداکارہ ہانیہ عامر دنیا کی 10 خوبصورت اداکاراؤں کی فہرست میں شامل ہوگئیں

پاکستانی اداکارہ نے امبر ہرڈ اور ایما واٹسن جیسی بولڈ ہولی وڈ اداکاراؤں کو حسن میں پیچھے چھوڑ دیا

کویت میں زہریلی شراب پینے کے واقعات نے خوفناک شکل اختیار کر لی، جس کے نتیجے میں 13 تارکین وطن جاں بحق اور 21 افراد بینائی سے محروم یا شدید متاثر ہو گئے۔عرب میڈیا کے مطابق کویتی وزارتِ صحت نے بتایا کہ گزشتہ پانچ روز کے دوران میتھانول ملی شراب پینے کے کئی کیسز رپورٹ ہوئے، جن میں 50 افراد کو فوری طور پر ڈائیلاسز (گردوں کی صفائی) کی ضرورت پڑی، جبکہ 31 مریضوں کو مصنوعی سانس فراہم کرنا پڑا۔رپورٹس کے مطابق تمام متاثرہ افراد کا تعلق ایشیائی ممالک سے ہے اور وہ کویت میں مزدوری یا دیگر روزگار کے سلسلے میں مقیم تھے۔یاد رہے کہ کویت میں 1964 سے شراب کی درآمد، تیاری اور فروخت مکمل طور پر ممنوع ہے، تاہم غیر قانونی طریقے سے شراب کی تیاری اور سپلائی کا سلسلہ اب بھی جاری ہے، جو اس طرح کے مہلک واقعات کا سبب بنتا ہے۔

کویت میں زہریلی شراب پینے سے 13 افراد ہلاک، 21 نابینا ہوگئے

زہریلی شراب پینے کے واقعات سے متاثرہ تمام افراد تارکین وطن ہیں اور ان کا تعلق ایشیائی ممالک سے ہے،رپورٹ

مصنوعی ذہانت کے تیز رفتار دور میں حقیقت اور افسانے کے درمیان لکیر دن بہ دن دھندلا رہی ہے۔ حالیہ مثال ایک ایسی واٹر شو ویڈیو ہے جس نے انسٹاگرام، ٹوئٹر اور ٹک ٹاک پر تہلکہ مچا دیا۔اس وائرل کلپ میں دعویٰ کیا گیا کہ ایک وہیل ٹرینر ”جیسکا ریڈکلف“ اپنی ہی تربیت یافتہ کِلر وہیل کے ہاتھوں مار دی گئی۔ ویڈیو میں دکھایا گیا کہ میرین پارک میں لائیو شو کے دوران، موسیقی اور تالیوں کے شور میں، ٹرینر وہیل کی پیٹھ پر ڈانس کر رہی ہے۔ اچانک ایک اورکا چھلانگ لگا کر ٹرینر کو اپنے جبڑوں میں دبوچ لیتی ہے اور پانی میں کھینچ کر لے جاتی ہے۔ کچھ دیر بعد بتایا جاتا ہے کہ خاتون موقع پر ہی دم توڑ گئیں۔لیکن سچ اس ڈرامائی کہانی سے بالکل مختلف ہے۔ عالمی خبر رساں ادارے، میرین پارک انتظامیہ اور فیکٹ چیکنگ ماہرین نے واضح کیا ہے کہ ”جیسکا ریڈکلف“ نام کی کوئی ٹرینر موجود ہی نہیں، واقعے کا کوئی ریکارڈ نہیں اور یہاں تک کہ ویڈیو میں دکھایا گیا پارک بھی فرضی ہے۔امریکی جریدے فوربز نے فرانزک تجزیے کے بعد انکشاف کیا کہ ویڈیو میں پانی کی حرکت، آواز اور منظر کشی سب جدید اے آئی ٹولز سے تخلیق کی گئی ہے۔ فوربز کے مطابق، اگر ایسا سانحہ حقیقی ہوتا تو پوری دنیا کے میڈیا میں سرخیوں میں ہوتا۔ماہرین کا کہنا ہے کہ یہ جعلی ویڈیو ماضی کے دو اصل سانحات 2010 میں سی ورلڈ میں ڈان برانشو اور 2009 میں الاسیس مارٹینز کی ہلاکت سے متاثر ہو کر بنائی گئی ہے۔ اس کا مقصد محض سنسنی پھیلانا اور ناظرین کو گمراہ کرنا تھا۔یہ واقعہ ایک بار پھر یاد دلاتا ہے کہ ڈیجیٹل دنیا میں کسی بھی ویڈیو پر اندھا دھند یقین کرنے سے پہلے معتبر ذرائع سے تصدیق نہایت ضروری ہے، کیونکہ حقیقت اکثر سوشل میڈیا کی کہانیوں سے بہت مختلف ہوتی ہے۔

سوشل میڈیا پر وائرل ہونے والی ٹرینر کی ہلاکت کی ویڈیو کی حقیقت سامنے آ گئی

وائرل ویڈیو میں دکھایا گیا ہے کہ وہیل مچھلی اپنی ٹرینر جیسیکا ریڈکلف کو مکمل طور پر نگل لیتی ہے

پاکستان سمیت دنیا بھر میں کشمیری عوام آج بھارت کے یومِ آزادی کو یومِ سیاہ کے طور پر منا رہے ہیں۔ کشمیر میڈیا سروس کے مطابق کل جماعتی حریت کانفرنس نے مقبوضہ جموں و کشمیر میں مکمل شٹر ڈاؤن ہڑتال کی اپیل کی، تاکہ عالمی برادری کو پیغام دیا جا سکے کہ کشمیری عوام بھارتی تسلط کو مسترد کرتے ہیں اور اپنی آزادی کے لیے پرعزم ہیں۔حریت کانفرنس کے رہنماؤں کا کہنا ہے کہ جس دن بھارت اپنی آزادی کا جشن مناتا ہے، وہ دن کشمیری عوام کے لیے غلامی، جبری قبضے اور ظلم کی علامت ہے۔ یہ دن منانے کا مقصد دنیا کو باور کرانا ہے کہ کشمیری قوم اقوامِ متحدہ کی قراردادوں کے مطابق اپنے پیدائشی حق ،حقِ خودارادیت کا مطالبہ کر رہی ہے۔حریت قیادت کی اپیل کے بعد بھارتی فورسز نے روایتی جبر کا مظاہرہ کرتے ہوئے چھاپے مارے، درجنوں نوجوانوں کو گرفتار کیا اور انٹرنیٹ سروسز معطل کر دیں۔ اس کے باوجود وادی کے مختلف علاقوں میں کشمیری نوجوانوں نے سیاہ جھنڈے، یومِ سیاہ کے بینرز اور پاکستانی پرچم آویزاں کیے۔ کئی مقامات پر بھارت مخالف نعرے اور آزادی کے حق میں وال چاکنگ بھی کی گئی۔دوسری جانب حریت رہنماؤں اور عوام نے 14 اگست کو پاکستان کے یومِ آزادی کو "یومِ تشکر" کے طور پر منایا اور پاکستانی عوام کو دلی مبارکباد پیش کی۔

کشمیری عوام کا بھارت کے یومِ آزادی پر یومِ سیاہ، مقبوضہ وادی میں مکمل ہڑتال

حریت رہنماؤں کی اپیل پر مقبوضہ کشمیر میں شٹر ڈاؤن، سیاہ جھنڈے اور پاکستان کے پرچم آویزاں

آزاد کشمیر، گلگت بلتستان اور خیبرپختونخوا کے مختلف علاقوں میں گزشتہ روز کلاؤڈ برسٹ، طوفانی بارشوں اور سیلابی ریلوں نے تباہی مچادی، جس کے نتیجے میں کم از کم 37افراد جاں بحق اور درجنوں زخمی ہوگئے۔ کلاؤڈ برسٹ، آسمانی بجلی گرنے، ندی نالوں میں طغیانی، سیلابی ریلے، زمین کا کٹاؤ اور رابطہ سڑکوں کی بندش نے نظامِ زندگی مفلوج کر دیا۔خیبر پختونخوا کے ضلع باجوڑ میں کلاؤڈ برسٹ کے نتیجے میں آنے والے سیلاب اور لینڈ سلائیڈنگ کے سبب12افراد جاں بحق ہوگئے ، باجوڑ کی تحصیل سلارزئی کے قریب کلاؤڈ برسٹ کے نتیجے میں سیلابی ریلے میں بہہ کر 12 افراد جاں بحق ہوگئے، متعدد گھروں کو نقصان پہنچا، جبکہ متعددافراد لاپتہ ہیں۔ریسکیو حکام کے مطابق ڈسٹرکٹ ایمرجنسی آفیسر باجوڑ امجد خان کی نگرانی میں سرچ اینڈ ریسکیو آپریشن جاری ہے، متعدد افراد کے زخمی ہونے کی بھی اطلاع موصول ہوئی ہیں۔مقامی ذرائع کے مطابق کلاؤڈ برسٹ کی وجہ سے علاقے میں پانی کی سطح خطرناک حد تک بڑھ گئی، راستہ بند ہونے سے ریسکیو ٹیموں کو مشکلات کا سامنا ہے۔ مقامی آبادی اپنی مدد آپ کے تحت متاثرین کو بچانے کی کوشش کر رہی ہے۔اس کے علاوہ لوئر دیر میں رات سے بارش کا سلسلہ جاری ہے، سوری پاؤ میں مکان کی چھت گرنے سے جاں بحق افراد کی تعداد 5 ہوگئی، جبکہ دو زخمی ہیں، جاں بحق افراد میں خواتین اور بچے شامل ہیں جن کا تعلق ایک ہی خاندان سے تھا۔ریسکیو حکام کا کہنا ہے کہ رات گئے بارش کے باعث مکان کی چھت گر گئی تھی، ملبے تلے 7 افراد دب گئے تھے، 2 زخمیوں کو تیمرگرہ ہسپتال منتقل کر دیا گیا ہے۔دریا پنجکوڑہ سمیت ندی نالوں میں طغیانی سے کئی رابطہ سڑکیں بند ہوگئیں، سیلابی ریلے کے باعث اوڈیگرام رابطہ پل شدید متاثر ہوا، جس سے ٹریفک کا نظام درہم برہم ہوگیا، سیلابی پانی میں پھنسے 25 سیاحوں کو رات گئے ریسکیو کیا گیا۔دوسری جانب آزاد کشمیر میں کلاؤ برسٹ کے بعد ندی نالوں میں طغیانی آنے سے ایک ہی خاندان کے 6 افراد جاں بحق ہو گئے جبکہ گلگت بلتستان میں بھی بارش کے بعد مختلف حادثات میں 10 افراد جاں بحق ہو گئے۔ آزاد کشمیر حکومت نے شدید بارشوں کے باعث دو روز کے لیے تعلیمی ادارے بند کر دیے ہیں۔مظفرآباد کی تحصیل نصیرآباد میں کلاؤڈ برسٹ کے باعث سچہ نالے میں طغیانی آ گئی، جس کی زد میں آ کر ایک ہی خاندان کے 6 افراد جاں بحق ہوگئے۔ ایک نوجوان کی لاش پلندری کے قریب ڈیم سے ملی، جبکہ پلندری میں ایک خاتون جاں بحق اور ایک زخمی ہوگئی۔باغ کے علاقے میں سیاحوں کی گاڑی سیلابی ریلے میں بہہ گئی، تاہم خوش قسمتی سے سیاحوں کو بروقت نکال لیا گیا۔ مچھارہ نالے پر پل اور جہلم ویلی کے علاقے میں چار دکانیں سیلاب میں بہہ گئیں۔وادی نیلم میں رتی گلی کے مقام پر 500 سیاح بیس کیمپ میں پھنس گئے ہیں، جبکہ دریائے پونچھ میں پھنسے 4 افراد کو بچا لیا گیا ہے۔ مظفرآباد، ایبٹ آباد روڈ لینڈ سلائیڈنگ کی وجہ سے بند ہوگیا، جس کے نتیجے میں کئی اہم راستے جیسے کہ جہلم ویلی ہٹیاں بالا اور وادی لیپا بھی مکمل طور پر بند ہو گئے۔اس کے علاوہ گلگت بلتستان میں بھی کلاؤڈ برسٹ نے شدید تباہی مچائی ہے۔ غذر کے علاقے میں سیلابی ریلوں میں بہنے والے 6 افراد کی لاشیں نکال لی گئی ہیں، جن میں ایک خاتون بھی شامل ہے۔ 4 افراد لاپتا ہیں۔ تلاش کے لیے ریسکیو کی ٹیمیں پہنچ گئیں۔دیامر کے علاقے میں بھی سیلاب کی وجہ سے 2 افراد ریلوں میں بہہ گئے، جبکہ سکردو، کھرمنگ اور شگر میں سیلاب نے درجنوں دیہاتوں کو اپنی لپیٹ میں لے لیا، جس سے مکانات، فصلیں، باغات اور بجلی کے کھمبے تباہ ہوگئے۔گلگت بلتستان کے اشکومن روڈ پر آٹھ مختلف مقامات پر سیلاب نے سڑکوں کو بند کر دیا ہے، جبکہ دیو سائی جانے والی سڑک بھی تباہ ہو گئی ہے جس کے باعث سیاحوں کی بڑی تعداد پھنس گئی ہے۔سیلابی ریلے، مٹی کے تودے اور لینڈ سلائیڈنگ کی وجہ سے مقامی عوام کے لیے اپنی جان بچانا مشکل ہوگیا۔

خیبرپختونخوا،آزادکشمیر،اورگلگت بلتستان میںبارشوںاور کلاؤڈ برسٹ سےتباہی،متعدد افراد جاں بحق

آسمانی بجلی گرنے، ندی نالوں میں طغیانی، سیلابی ریلے، زمین کا کٹاؤ اور رابطہ سڑکوں کی بندش نے نظامِ زندگی مفلوج کر دیا

ویسٹ انڈیز کے ہاتھوں 34 سال بعد سیریز ہارنے اور تیسرے ون ڈے میں شکست کے بعد سابق کرکٹرز نے پاکستانی ٹیم پر سخت تنقید کی ہے۔نجی ٹی وی پرگفتگو کرتے ہوئےسابق کرکٹر باسط علی کا کہناتھا کہ پاکستانی کرکٹرز نام کے سپر اسٹارز اور کام کے زیرو ہیں، باسط علی نے کہا کہ موجودہ پاکستانی کھلاڑی "گھر کے شیر" ہیں، جو صرف چھوٹی ٹیموں کے خلاف اچھا کھیلتے ہیں۔ ان کے مطابق پی سی بی کو چاہیے کہ بڑے حریفوں کے بجائے کمزور ٹیموں کے ساتھ سیریز کروائے، کیونکہ کھلاڑیوں کو اپنی ذاتی کارکردگی سے آگے کچھ نظر نہیں آتا۔کامران اکمل نے کہا کہ اگر اب بھی شرم نہ آئی تو پاکستان کرکٹ کا اللہ ہی حافظ ہے، کپتان اور کوچ دونوں اپنی اصل شکل میں سامنے آ گئے ہیں۔شعیب اختر نے وائٹ بال کے ہیڈ کوچ مائیک ہیسن کے انتخاب اور حکمت عملی پر سوالات اٹھاتے ہوئے کہا کہ وہ اگرچہ ایک اچھے ٹی ٹوئنٹی کوچ ہیں، مگر ون ڈے فارمیٹ کے لیے ان کی صلاحیتیں واضح نہیں۔ ان کا کہنا تھا کہ ون ڈے میں کامیابی کے لیے بیٹنگ، بولنگ اور اسپن میں تجربہ کار اور پرفارمر کھلاڑیوں کو شامل کرنا ضروری ہے، ورنہ ٹیم 50 اوور بھی پورے نہیں کر پائے گی کیونکہ یہ فارمیٹ محض گزارے کا کھیل نہیں ہے۔

نام کے سپر اسٹار، کام کے زیرو،پاکستانی کرکٹرز پر سابق کھلاڑیوں کی کڑی تنقید

مائیک ہیسن ایک قابل ٹی ٹوئنٹی کوچ ہیں، لیکن ون ڈے فارمیٹ میں ان کا طریقہ کار سمجھ سے باہر ہے‘شعیب اختر

Liverpool have confirmed the transfer of Giovanni Leoni from Parma. 18-year-old Italian centre-back will join Liverpool ahead of the Premier League

Liverpool Confirm Signing of Italian Defender Giovanni Leoni

Liverpool have confirmed the transfer of Giovanni Leoni from Parma. 18-year-old Italian centre-back will join Liverpool ahead of the Premier League title defense. The deal is worth approximately &pound;26 million plus add-ons (around &euro;35 million), with Leoni set to join the first-team immediately and undergo a medical in the coming days.

<table cellspacing="0" style="border-collapse:collapse; width:453px">
	<tbody>
		<tr>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:142px">
			Detail
			</td>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:311px">
			Info
			</td>
		</tr>
		<tr>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:142px">
			Club
			</td>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:311px">
			Liverpool (Premier League)
			</td>
		</tr>
		<tr>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:142px">
			Incoming Player
			</td>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:311px">
			Giovanni Leoni
			</td>
		</tr>
		<tr>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:142px">
			Age
			</td>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:311px">
			18
			</td>
		</tr>
		<tr>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:142px">
			Previous Club
			</td>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:311px">
			Parma (Serie A)
			</td>
		</tr>
		<tr>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:142px">
			Fee
			</td>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:311px">
			Approx. &pound;26 million + add-ons (~&euro;35 million)
			</td>
		</tr>
		<tr>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:142px">
			Role at Liverpool
			</td>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:311px">
			Immediate first-team player
			</td>
		</tr>
		<tr>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:142px">
			Reason for Transfer
			</td>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:311px">
			Strengthen defensive depth ahead of season
			</td>
		</tr>
	</tbody>
</table>

Leoni bypasses the loan route and becomes part of the first-team setup right away&mdash;a sign of the club&rsquo;s confidence in him. With departures like Jarell Quansah and uncertainty over Ibrahima Konat&eacute;&rsquo;s contract future, a robust, long-term solution at the heart of defense was essential for Arne Slot&rsquo;s squad.

Tipped as one of Serie A&rsquo;s brightest young defenders, Leoni impressed in his 17 appearances last season&mdash;standing out with his physicality, tactical intelligence, and ability to handle top-level competition.

Liverpool&#39;s summer business is already impressive, but Leoni&rsquo;s arrival solidifies a vision that will balance the need for immediate utility that Liverpool seeks, along with long-term ambition.

Liverpool Confirm Signing of Italian Defender Giovanni Leoni

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan

Detail	Info
Club	Liverpool (Premier League)
Incoming Player	Giovanni Leoni
Age	18
Previous Club	Parma (Serie A)
Fee	Approx. £26 million + add-ons (~€35 million)
Role at Liverpool	Immediate first-team player
Reason for Transfer	Strengthen defensive depth ahead of season