Cricket

Entertainment

News

Football

خدارا منٹو پر رحم کریں!
کیا منٹومرچُکا…نہیں منٹوزِندہ ہے۔وقت کی گُود میں،زمانے کی آغوش میں،کِتابوں کے صفحات پر،اسٹیج پر،تھیٹرمیں،سنیما کے بڑے پردے پر اور ٹی وی کی چھوٹی اسکرین پر،ہمارے ذہنوں میں،ہمارے دلوں میں۔کہیں منافقت کے مُنہ پرتُھوک رہاہے، کہیں مذہب فرشوں کا مذاق اُڑا رہا ہے ، کبھی رات کی تاریکی میں چوری چھپے بالا خانوں اورکوٹُھوں پرآنے والے شریف زادوں اور جعلی پیروں کے اُجلے کپڑوں اور عماموں پر کِیچڑاُچھال رہاہے۔پہلے کتابوں کے ناشر منٹوکو کیش کرانے کے چکر میں رہتے تھے۔کرسی پراُکڑوں بیٹھے ایک ہی نشست میں کاٹ ڈارافسانہ لکھنے والے ،فلمی کہانیاں تحریر کرنے والے،جاندارمکالمے،بے باک جملے اور طنزکے نِشترلگاتے سعادت حسن منٹوکو کبھی اُس کی ویلیو سے بہت کم پیسے اورکبھی صرف ایک بوتل پکڑادیتے تھے اورآج فلم والے اورٹی وی والے منٹو کوکیش کرانے میں لگے ہوئے ہیں۔ اس کی تازہ ترین مثال ہمایوں سعید پروڈکشن کی جاری ڈرامہ سیریز’ میں منٹو نہیں ہوں‘ ہے۔اس بار معروف،مقبو ل اور متنازعہ ڈرامہ نگار خلیل الرحمان قمر نے ’میں منٹو نہیں ہوں‘ لکھ کر منٹو پرہاتھ صاف کرنے کی کوشش کی ہے۔اس بارے میں پہلا تاثر یہ اُبھرتاہے کہ ڈرامہ سیریز کا یہ عنوان صرف لوگوں کو چوکانے کیلئے رکھا گیا ہے۔ اب تک اس ڈرامہ سیریز کی چودہ قسطیں نشر ہوچکی ہیں اور کل جمعہ پانچ ستمبر کو اس کی پندرہویں قسط ٹیلی کاسٹ کی جائے گی۔اس  ڈرامہ کی کہانی،مُکالموں اوراداکاری کے معیار پراخبارات اورٹی وی اسکرین سمیت ہرجگہ تبصرے ہورہے ہیں۔اے آر وائی کے مطابق ڈرامہ کی ہرقسط ناظرین کی تعداد کے لحاظ سے ایک نیا ریکارڈ قائم کررہی ہے۔
توآئیے ناظرین ہوجائے ’میں منٹو نہیں ہوں‘ پرہمارا تبصرہ اورتجزیہ…یوں تو پاکستانی ڈرامے اکثریکسانیت کاشکارہونے کے باوجود پاکستانی ناظرین بالخصوص خواتین کے جذبات کے ساتھ کھیلتے آئے ہیں۔لیکن جب ڈرامہ سیریز’میں منٹونہیں ہوں‘شروع ہوئی توناظرین نے سوچا شاید اس بار کچھ نیا دیکھنے کو ملےگا اور جی ہاں نیا توتھامگراتنا نیا کہ لوگ حیران رہ گئے کہ یہ ڈرامہ ہے یافلسفے کی کلاس۔اس میں کوئی شک نہیں کہ ڈرامے کی پروڈکشن شاندارہے،سیٹ اتنے دلکش لگے جیسے کسی بڑی فلم کی شوٹ ہورہی ہو۔کپڑے،لوکیشنز،لائٹ سب کچھ زبردست ہے لیکن جیسے ہی مُکالمے شروع ہوتے ہیں یوں لگتاہے جیسےکردار محبت کااظہار نہیں کررہےبلکہ ماسٹرز کا تھیسز ڈیفینڈ کررہے ہیں ۔یوں تو ہمارے ہاں ہمایوں سعید رومانس کے شہزادے کہلاتے ہیں لیکن اس ڈرامے میں اِن کا کرداراِتنا سنجیدہ اورفلسفیانہ ساہے کہ ناظرین سوچنے پر مجبور ہوگئے ہیں کہ بھائی محبت میں تھوڑا مسکرا لیاکرو۔سجل علی جو ہمیشہ اپنے خوبصورت و معصوم چہرے اورجاندار اداکاری سے دل جیت لیتی ہیں۔ لگتا ہے اس بار مُکالموں کے بُوجھ تلے دب گئی ہیں۔ اُن کی اورہیرو کی کیمسٹری بالکل ایسے لگتی ہے جیسے دو الگ الگ فارمولے جنہیں زبردستی ایک ہی اِیکویشن میں ڈال دیاگیا ہے۔ویسے ناظرین یہ فیصلہ ہم آپ پرچھوڑتے ہیں کہ اس ڈرامہ سیریز کا ہیرو کون ہے کیونکہ تین مردانہ کِردار محمل کے عشق میں گرفتار ہیں اور محمل بی بی تینوں سے الگ الگ کھیل رہی ہیں۔اورپھرآتی ہیں پھپپو… جی ہاں ماضی میں پنجابی فلموں کی سپراسٹاربجلی کی طرح کوندتی اور کھیتوں کورُوندتی اداکارہ صائمہ نور جن کا بالکل نیا روپ سامنے آیا ہےوہ محمل کی پھوپھی اورڈان سِراج امرت سری کے کِردار میں پورے ڈرامہ پرچھائی ہوئی ہیں۔ان کانہایت خوبصورت اورباوقارانداز ناظرین کے دِلوں کوبھا رہاہے۔ جی ہاں پھپپو کے بغیر یہ ڈرامہ شاید ادھورا رہ جاتا۔ہرسِین میںایک دل موہ لینے والی مسکراہٹ اورپھراچانک ہنستے ہوئے نُورانی چہرے پرغصے ،غم اور انتقام کے شدید رنگ۔ہرسین میں کوئی گہری بات،ہرمنظرمیں کوئی خوشگوارطنز اورپورے وجود پرچھائی ایک پُراسراریت ۔ویسے آصف رضا میر،سِراج امرت سری کے رول میںلاجواب اداکاری کررہے ہیں۔کچھ ناظرین کے نزدیک پھپپواصلی ولن ہیں لیکن حقیقت یہ ہے کہ وہی ڈرامہ کی تفریح اورکشش ہیں۔ڈرامہ کی سست رفتاری اِس کی کمزوری بن سکتی ہے۔بنیادی طور پر یہ محبت کے گِرد گُھومتی کہانی ہے مگرناظرین کے ذہنوں میں یہ سوال اُبھرتا ہے کہ اس میں محبت کہاں ہے اور جواب ملتا ہے فلسفہ کے ڈھیر تلے۔’میں منٹونہیں ہوں، دیکھنے میں آنکھوں کو خوش کرتا ہے اورپروڈکشن کے معیار پرپورا اُترتاہے لیکن کہانی اورمُکالمے کسی شاہی محل کی غلام گردشوں اور بھول بھلیوں کی طرح ہیں۔ یہ ڈرامہ بالکل اُس ڈِش کی طرح ہےجودیکھنے میں شاندار ہو،خُوشبو لاجواب ہو مگر ذائقے میں نمک مرچ کا توازن بگڑ جائے۔ یہ ڈرامہ آپ کو تفریح فراہم کررہاہے یاآپ کے ذہن کواُلجھا رہاہے یہ فیصلہ آپ کے ہاتھ میں ہے۔

ڈرامہ سیریل’میں منٹو نہیں ہوں،صائمہ نور نے میلہ لوٹ لیا،کیا خلیل الرحمان قمر ہمایوں سعید کو ماردیں گے؟

ڈرامہ سیریل منٹومیں پنجابی فلموں کی سپراسٹاربجلی کی طرح کوندتی اور کھیتوں کورُوندتی اداکارہ صائمہ نور جن کا بالکل نیا روپ سامنے آیا ہے

لاہور کی انسداد دہشت گردی عدالت نے جناح ہاؤس کیس میں گرفتار عمران خان کے بھانجے اور علیمہ خان کے دوسرے بیٹے شیر شاہ کی ضمانت منظور کر لی ہے۔ عدالت نے ایک لاکھ روپے کے ضمانتی مچلکوں کے عوض رہائی کا حکم سنایا۔جج منظر علی گل نے کیس کی سماعت کے بعد فیصلہ سناتے ہوئے کہا کہ ملزم کی جانب سے ضمانت کی درخواست منظور کر لی گئی ہے اور مچلکے جمع ہونے پر انہیں رہا کر دیا جائے گا۔ پولیس نے شیر شاہ کو جناح ہاؤس حملہ کیس میں حراست میں لیا تھا، جو کہ 9 مئی 2023 کے بعد درج ہونے والے بڑے مقدمات میں سے ایک ہے۔واضح رہے کہ اس مقدمے میں پی ٹی آئی کے درجنوں رہنماؤں اور کارکنوں کو نامزد کیا گیا تھا، جن میں متعدد گرفتار اور کئی ضمانت پر رہا ہو چکے ہیں۔ گزشتہ روز بھی اسی کیس میں علیمہ خان کے بڑے بیٹے شاہ ریز خان کو ضمانت مل گئی تھی۔

جناح ہاؤس کیس میں علیمہ خان کے دوسرے بیٹے کی بھی ضمانت منظور ہوگئی

انسداد دہشت گردی عدالت لاہور نے ایک لاکھ کے ضمانتی مچلکوں کے عوض ضمانت منظور کی اور ملزم کو رہا کرنے کا حکم دیدیا

بیجنگ (این این آئی)وزیراعظم شہبازشریف نے بیجنگ میں چینی ہم منصب لی چیانگ سے ملاقات کی جس میں انہوں نے پاکستان کی علاقائی سالمیت، خودمختاری اور سماجی و اقتصادی ترقی کے لیے غیر متزلزل حمایت پر چینی قیادت اور قوم کا تہہ دل سے شکریہ ادا کیا۔ جمعرات کو وزیراعظم شہباز شریف اور عوامی جمہوریہ چین کے پریمیئر لی چیانگ کے درمیان وفود کی سطح پر ہونے والی بات چیت کے بعد چینی وزیراعظم کی جانب سے وزیراعظم پاکستان کے اعزاز میں ایک پروقار ظہرانہ بھی دیا گیا۔دونوں رہنماؤں نے پاک چین تعلقات کی مثبت رفتار پر اطمینان کا اظہار کیا جب کہ وزیراعظم نے پاکستان کی علاقائی سالمیت، خودمختاری اور سماجی و اقتصادی ترقی کے لیے غیر متزلزل حمایت پر چینی قیادت اور قوم کا تہہ دل سے شکریہ ادا کیا۔دونوں رہنماؤں نے صدر شی جن پنگ اور وزیراعظم شہباز شریف کے درمیان 2 ستمبر 2025 کو ہونے والی ملاقات میں طے پانے والے اہم اتفاق رائے کی روشنی میں پاک چین ہمہ موسمی تزویراتی تعاون کو مزید مضبوط بنانے کے عزم کا اعادہ کیا۔اس موقع پر مشترکہ ایکشن پلان 29-2024 پر دستخط کو ایک اہم پیش رفت قرار دیا گیا۔شہباز شریف نے کہا کہ پاکستان میں جاری اصلاحاتی اقدامات کے مثبت نتائج چین کی بھرپور حمایت کے باعث ممکن ہو سکے ہیں، انہوں نے جلد ہی چینی کیپٹل مارکیٹ میں پانڈا بانڈز کی فراہمی کے پاکستان کے ارادے کا بھی اظہار کیا۔وزیر اعظم نے بیلٹ اینڈ روڈ انیشیٹو (بی آر آئی) چین پاکستان اقتصادی راہداری (سی پیک) کی اہم شراکت کو اجاگر کیا جب کہ قراقرم ہائی وے اور ایم ایل ون کو دوبارہ ترتیب دینے اور گوادر پورٹ کی آپریشنلائزیشن کے جلد نفاذ کی ضرورت پر زور دیا۔بزنس ٹو بزنس تعاون اور سرمایہ کاری کے وسیع امکانات پر زور دیتے ہوئے وزیر اعظم نے چینی وزیر اعظم کو بیجنگ میں ہونے والی سرمایہ کاری کانفرنس کے بارے میں بتایا جس میں 300 سے زائد پاکستانی کمپنیاں اور 500 چینی کمپنیاں شریک ہو رہی ہیں۔انہوں نے زراعت، کان کنی و معدنیات، ٹیکسٹائل، صنعتی شعبے اور آئی ٹی کو باہمی طور پر فائدہ مند اقتصادی تعاون کے لیے ترجیحی شعبے قرار دیا۔وزیراعظم نے صدر شی جن پنگ کے عالمی گورننس انیشی ایٹو، گلوبل ڈویلپمنٹ انیشی ایٹو،گلوبل سیکیورٹی انیشیٹو اور گلوبل سولائزیشن انیشیٹو سمیت کثیرالجہتی کو مضبوط بنانے کے لیے صدر شی جن پنگ کے تاریخی اقدامات کے لیے پاکستان کی حمایت کا اعادہ کیا۔دونوں رہنماؤں نے اس بات پر زور دیا کہ اگلے سال پاک چین سفارتی تعلقات کے قیام کی 75ویں سالگرہ منائیں گے۔علاوہ ازیں دونوں ممالک کے درمیان مختلف شعبوں جیسا کہ چین-پاکستان اقتصادی راہداری کے فیز 2 کی ترقی، سائنس و ٹیکنالوجی ، انفارمیشن ٹیکنالوجی ، میڈیا اور زراعت، میں تعاون بڑھانے کے حوالے سے مفاہمتی یادداشتوں اور معاہدوں پر دستخط کی تقریب بھی منعقد ہوئی جس میں دونوں رہنماؤں نے شرکت کی۔

وزیراعظم کی چینی ہم منصب سے ملاقات، غیرمتزلزل حمایت پر چین سے اظہار تشکر

دوطرفہ تعلقات کی مثبت رفتار پر اطمینان کا اظہار،پاک چین ہمہ موسمی تزویراتی تعاون کو مزید مضبوط بنانے کے عزم کا اعادہ

نیویارک (این این آئی)اقوام متحدہ کے سیکرٹر ی جنرل انتونیو گوتریش نے پاکستان میں حالیہ تباہ کن سیلاب پر افسوس کا اظہار کیا ہے، جس کے نتیجے میں سیکڑوں افراد جاں بحق اور تقریباً 15 لاکھ متاثر ہوئے۔سیکرٹری جنرل کے ترجمان اسٹیفین دوجارک کے مطابق یہ سیلاب شدید مون سون بارشوں کے باعث آ یا جسے موسمیاتی تبدیلیوں نے مزید سنگین بنا دیا، اس قدرتی آفت سے تین ہزارسے زائد مکانات، چار سو سے زیادہ اسکول اورچالِیس کے قریب صحت مراکز کو نقصان پہنچا جبکہ لاکھوں افراد کو فوری انسانی امداد کی ضرورت ہے۔سیکرٹر ی جنرل نے پاکستانی حکومت کی امدادی کوششوں کو سراہتے ہوئے پنجاب میں 10 لاکھ سے زائد افراد کی محفوظ مقامات پر منتقلی پر ان کی تعریف کی۔ انہوں نے جاں بحق افراد کے لواحقین سے دلی تعزیت کا اظہار ، زخمیوں کی جلد صحتیابی کی دعا اور حکومت و عوامِ پاکستان کے ساتھ یکجہتی کا اعادہ کیا۔ترجمان نے بتایا کہ پاکستان میں سیلاب متاثرین کے ریلیف اور ان کی بحالی کی کوششوں میں مدد کے لیے 6 لاکھ ڈالر جاری کیے ہیں۔

اقوام متحدہ کا پاکستان میں سیلاب کے نتیجے میں جانی و مالی نقصان پر اظہار افسوس

زخمیوں کی جلد صحتیابی کی دعا اور حکومت و عوامِ پاکستان کے ساتھ یکجہتی کا اعادہ‘10لاکھ افراد کی منتقلی کی تعریف

روسی صدر ولادیمیر پیوٹن نے اپنے یوکرینی ہم منصب ولوودیمیر زیلنسکی سے ملاقات کی مشروط آمادگی ظاہر کرتے ہوئے انہیں ماسکو آنے کی دعوت دی ہے۔ پیوٹن نے کہا کہ وہ ملاقات سے کبھی انکار نہیں کرتے اور اگر زیلنسکی تیار ہوں تو وہ ماسکو آ سکتے ہیں لیکن ان کے اختیارات ختم ہو چکے ہیں اس لیے ان سے ملاقات بے نتیجہ رہے گی۔ان کا کہنا تھا کہ ہم یوکرین پر قبضہ کرنے کے لیے نہیں لڑ رہے بلکہ یوکرین کی نیٹو میں شمولیت کی مخالفت کرتے ہیں۔یہ بیان پیوٹن نے چین میں دیا جہاں وہ صدر شی جن پنگ اور شمالی کوریا کے رہنما کم جونگ اُن کے ساتھ دوسری جنگِ عظیم کی 80 ویں سالگرہ کی فوجی پریڈ میں شریک تھے۔ ان کا کہنا تھا کہ اگر مذاکرات میں کسی حل پر اتفاق نہ ہوا تو روس اس تنازع کو فوجی طاقت سے حل کرنے کی اہلیت رکھتا ہے۔دورہ چین کے حوالے سے بات کرتے ہوئے ان کا کہنا تھا کہ چین کے دورے کا نتیجہ مثبت رہا، اور معاہدے باہمی مفاد پر مبنی ہیں جبکہ چین کے ساتھ سوئی گیس کی فراہمی کا منصوبہ طے پایا ہے اور چین کو 100 بلین مکعب میٹر سے زائد گیس فراہم کریں گے۔ادھر امریکی صدر ڈونلڈ ٹرمپ نے اعلان کیا ہے کہ وہ آئندہ دنوں میں پیوٹن سے براہِ راست بات کریں گے۔ ان کے بقول، روس کے خلاف مضبوط اقدامات کیے گئے ہیں اور اب دیکھنا یہ ہے کہ آنے والے دنوں میں حالات کس رخ اختیار کرتے ہیں۔ ٹرمپ نے یہ بھی کہا کہ پیوٹن کو زیلنسکی سے ملاقات کے لیے دی گئی دو ہفتوں کی ڈیڈ لائن مکمل ہو چکی ہے اور اب صورتحال کا بغور جائزہ لیا جا رہا ہے۔یاد رہے کہ روس اور یوکرین کے درمیان جنگ اپنے تیسرے سال میں داخل ہو چکی ہے اور اب تک کوئی مستقل سفارتی حل سامنے نہیں آ سکا۔ پیوٹن کا دعویٰ ہے کہ روسی فوج ہر محاذ پر کامیاب ہے جبکہ ان کے مطابق یوکرین کی جنگی صلاحیت کمزور ہو رہی ہے۔

یوکرینی صدر زیلنسکی ماسکو آ جائیں، ملاقات کے لیے تیار ہوں،روسی صدر

زیلنسکی کے اختیارات ختم ہو چکے، ان سے ملاقات بے نتیجہ رہے گی، پیوٹن کی میڈیاسے گفتگو

بالی ووڈ کے مقبول اداکار بابی دیول ایک بار پھر خبروں کی زینت بن گئے ہیں۔ بابی دیول حال ہی میں ممبئی ایئرپورٹ پر دیکھے گئے جہاں اُن کے پُرسکون مگر اسٹائلش انداز نے سب کی توجہ اپنی جانب مبذول کر لی۔کالی ٹی شرٹ اور سفید جینز میں ملبوس بابی دیول نے مداحوں اور فوٹوگرافروں سے خوشگوار انداز میں گفتگو کی اور تصویریں کھنچوائیں۔ اُن کی موجودگی نے ایئرپورٹ کے ماحول کو مزید پررونق بنا دیا جبکہ سوشل میڈیا پر بھی اُن کی ویڈیوز اور تصاویر تیزی سے وائرل ہو رہی ہیں۔’اینمل‘ کے اسٹار کی یہ جھلک دیکھتے ہی مداحوں میں چہ مگوئیاں شروع ہوگئیں کہ آیا یہ سفر اُن کے نئے منصوبوں کا حصہ ہے یا نہیں۔ خاص طور پر یش راج فلمز کی ہائی پروفائل ایکشن اسپائی تھرلر فلم "الفا" پر نظریں جمی ہیں جس میں بابی دیول کو ایک اہم ولن کے روپ میں دکھایا جائے گا۔ یہ فلم کرسمس 2025 میں ریلیز کے لیے تیار کی جا رہی ہے اور اس میں عالیہ بھٹ اور شرواری واگ بھی شامل ہیں۔اگرچہ باضابطہ طور پر یہ تصدیق نہیں کی گئی کہ ایئرپورٹ پر بابی دیول کی موجودگی فلمی تشہیر سے متعلق ہے، تاہم اُن کا پُراعتماد اور منفرد انداز مداحوں کو یہ ضرور باور کرا رہا ہے کہ اداکار ان دنوں خاصے مصروف ہیں۔اگرچہ باضابطہ طور پر یہ نہیں بتایا گیا کہ ایئرپورٹ پر بابی دیول کی موجودگی فلمی تشہیر کا حصہ ہے یا نہیں، لیکن اُن کے اسٹائل اور پرجوش انداز نے مداحوں میں تجسس ضرور بڑھا دیا ہے۔

بالی ووڈ کے مقبول اداکار بابی دیول ایک بار پھر خبروں کی زینت بن گئے

بابی دیول ممبئی ایئرپورٹ پر اسٹائل کے جلوے بکھیرتے نظر آئے

کراچی(این این آئی)پاکستان کے سابق ٹیسٹ کرکٹر باسط علی کا کہنا ہے کہ محمد حارث پر کوچ بھی بھروسہ نہیں کرتا۔سابق کرکٹر باسط علی نے اپنے یوٹیوب چینل پر سہ ملکی سیریز میں افغانستان سے شکست پر بات کرتے ہوئے کہا کہ محمد حارث بے ہوش کرکٹ کھیل رہے ہیں اور بار بار کی غلطیوں سے سیکھنے میں ناکام رہے ہیں۔انہوں نے کہا کہ حارث اپنی غلطیوں سے نہیں سیکھ رہے ہیں اور ایک بار پھر غیر ذمہ دارانہ شاٹ کھیلتے ہوئے محمد نبی کی گیند پر آؤٹ ہوگئے۔باسط علی  نے کہا کہ نبی کو خاص طور پر لیفٹ ہینڈر کے بیٹر کو بولنگ کرنے کے لیے لایا گیا تھا لیکن اس کے بجائے آپ آؤٹ ہورہے ہیں اس سے ظاہر ہوتا ہے کہ آپ میں کرکٹ کی کوئی سمجھ نہیں ہے، آپ بے ہودہ کرکٹ کھیل رہے ہیں، صرف ایک چھکا لگانے کے لیے ایک ہیرو کی طرح جھوم رہے ہیں۔انہوں نے کہا کہ کوچ بھی اب ان پر بھروسہ نہیں کرتا جیسا کہ اس کی مسلسل گرتی ہوئی بیٹنگ پوزیشن سے ظاہر ہوتا ہے۔سابق کرکٹر نے کہا کہ ہیرو راتوں رات پیدا نہیں ہوتے، وہ محنت سے بنتے ہیں، حارث کو سب کچھ تھالی میں دے دیا گیا، جب پچ مشکل ہوتی ہے تو اوپنرز قدم اٹھاتے ہیں لیکن بنگلادیش کے خلاف کیا ہورہا ہے وہ چھ یا سات پر بیٹنگ کررہا تھا اور یہاں بھی ایسا ہی ہوا۔سابق کرکٹر نے کہا کہ جب کوئی کھلاڑی چھٹے نمبر سے ساتویں نمبر پر چلا جاتا ہے تو یہ واضح ہے کہ کوچ بھی اس پر بھروسہ نہیں کرتا۔

ہیرو راتوں رات نہیں بنتے، محنت سے بنتے ہیں، حارث کو سب کچھ پلیٹ میں ملا،باسط علی

محمد حارث بے ہوش کرکٹ کھیل رہے ہیں اور بار بار کی غلطیوں سے سیکھنے میں ناکام رہے ہیں،سابق ٹیسٹ کرکٹر

بھارتی وزیر اعظم نریندر مودی کے حالیہ جاپان اور چین کے دورے میں بھارتی وزیر خارجہ ایس جے شنکر کی غیرموجودگی نے نئی دہلی کے سیاسی اور سفارتی حلقوں میں بحث چھیڑ دی ہے،بھارتی وزیر خارجہ جے شنکر چین کے دورے پر بھارتی وزیر اعظم کے ساتھ نہیں گئے۔ انہوں نے طبیعت کی ناسازی کو بہانہ بنا کر چین کے دورے پر جانے سے معذرت کی۔ یہ پہلا موقع تھا جب بھارتی وزیر خارجہ کسی غیر ملکی دورے پر وزیر اعظم مودی کے ہمراہ نہیں گئے۔ماضی میں جے شنکر ہمیشہ مودی کے غیر ملکی دوروں کا لازمی حصہ رہے ہیں، تاہم 29 اگست سے یکم ستمبر تک ہونے والے اس دورے میں ان کا نہ جانا کئی سوالات کو جنم دے رہا ہے۔جے شنکر 2019 سے بھارت کے وزیر خارجہ کی حیثیت سے نہ صرف مودی حکومت کی پالیسیوں کے عالمی ترجمان رہے ہیں بلکہ انہیں بھارت کی امریکہ نواز خارجہ حکمتِ عملی کا معمار بھی کہا جاتا ہے۔ لیکن شنگھائی تعاون تنظیم (SCO) کے اجلاس کے موقع پر ان کی غیرموجودگی کو ابتدا میں طبی وجوہات سے جوڑا گیا، تاہم وزارتِ خارجہ کی جانب سے اس حوالے سے کوئی باضابطہ وضاحت سامنے نہیں آئی۔دلچسپ بات یہ ہے کہ جے شنکر کی سوشل میڈیا سرگرمیوں اور ملاقاتوں کی تصاویر بظاہر اس دعوے کو مشکوک بناتی رہیں۔ کئی تجزیہ کاروں کا خیال ہے کہ یہ محض اتفاق نہیں بلکہ بھارت کی خارجہ پالیسی میں پائے جانے والے تضادات کا شاخسانہ ہے، خاص طور پر چین کے حوالے سے جے شنکر کے سخت مؤقف اور امریکہ پر زیادہ انحصار کے باعث۔تھنک ٹینکس اور ماہرین نے اسے مختلف زاویوں سے پرکھا ہے۔ کچھ مبصرین کے مطابق بھارت کا صرف امریکہ پر انحصار ایک بڑی اسٹریٹجک غلطی رہی ہے، جو اُس وقت بے نقاب ہوئی جب واشنگٹن نے بھارت پر سخت تجارتی پابندیاں عائد کیں۔دوسری طرف سابق وزیر خارجہ سلمان خورشید اور سابق سیکرٹری خارجہ کنول سبل نے بھی جے شنکر کی غیرموجودگی پر حیرت کا اظہار کیا۔ ان کے مطابق یہ ایک ایسا موقع تھا جب وزیر خارجہ کا ساتھ ہونا سفارتی اعتبار سے انتہائی اہمیت رکھتا تھا۔تاہم کنول سبل نے یہ امکان مسترد کیا کہ جے شنکر کو جان بوجھ کر پالیسی اختلافات کی وجہ سے الگ رکھا گیا۔ ان کے بقول جے شنکر پالیسی ساز نہیں بلکہ وزیراعظم کے تحت کام کرنے والے ایک اعلیٰ عہدیدار ہیں، اور وہ صرف انہی پالیسیوں پر عمل درآمد کرتے ہیں جو اوپر سے طے کی جاتی ہیں۔

مودی کے دورہ چین میں وزیر خارجہ جے شنکر کی غیرحاضری سوالیہ نشان بن گئی

جے شنکر نے طبیعت کی ناسازی کو بہانہ بنا کر چین کے دورے پر جانے سے معذرت کی تھی

ٹرمپ نے ایک بار پھر حماس سے یرغمالیوں کو رہا کرنے کا مطالبہ کر دیا۔ امریکی صدر ڈونلڈ ٹرمپ نے حماس سے مطالبہ کیا ہے کہ وہ غزہ میں موجود تمام 20 اسرائیلی یرغمالیوں کو فوراً رہا کرے بصورت دیگر صورتحال تیزی سے بدل جائے گی۔سماجی رابطے کی ویب سائٹ ٹروتھ سوشل پر جاری ایک پیغام میں ڈونلڈ ٹرمپ کا کہنا تھا کہ ’میں اسرائیل کو ہر وہ چیز مہیا کرنے جا رہا ہوں جوحماس کوشکست دینے کے لیے ضروری ہے، اگر جیسا میں کہہ رہا ہوں ویسا نہ ہوا تو حماس کا ایک بھی رکن نہیں بچے گا۔عالمی میڈیا رپورٹس کے مطابق ٹرمپ نے حماس کی جانب سے بتدریج یرغمالیوں کی رہائی پر اعتراض کرتے ہوئے زور دیا کہ تمام قیدیوں کو ایک ساتھ آزاد کیا جائے۔تاہم صدر ٹرمپ نے اس بات کی وضاحت نہیں کی کہ اگر حماس یرغمالیوں کو رہا کرتی ہے تو وہ کون سے اقدامات اٹھائیں گے یا ان کے جملے (یہ ختم ہو جائے گا) کا مطلب کیا ہے۔یاد رہے کہ7 اکتوبر 2023 کو حماس نے اسرائیل پر سرحد پار حملہ کیا تھا جس کے دوران تقریباً 250 افراد کو یرغمال بناکر غزہ لے جایا گیا۔اسرائیلی حکام کے مطابق اس وقت غزہ میں 50 اسرائیلی یرغمالی موجود ہیں جن میں سے 20 زندہ ہیں جب کہ بقیہ کی صرف لاشیں موجود ہیں۔

حماس تمام20اسرائیلی یرغمالیوں کوایک ساتھ رہاکرے،ڈونلڈٹرمپ کی دھمکی

حماس دو دو یا پانچ پانچ کے بجائے تمام قیدیوں کو ایک ساتھ آزاد کرے،امریکی صدر ٹرمپ

چین نے پوری دنیا میں کسی بھی مقام کو نشانہ بنانے والا جدید میزائل DF-5C متعارف کروا دیا۔چین نے اپنی عسکری قوت کا بھرپور اظہار کرتے ہوئے ایک شاندار فوجی پریڈ میں جدید ترین بین البراعظمی بیلسٹک میزائل DF-5C دنیا کے سامنے پیش کر دیا۔عالمی میڈیا رپورٹس کے مطابق یہ میزائل اپنی حیرت انگیز خصوصیات کے باعث دنیا بھر کی توجہ کا مرکز بن گیا ہے۔ ماہرین کے مطابق DF-5C کی رینج 12 ہزار سے 20 ہزار کلومیٹر تک ہے، جو امریکا، یورپ اور دنیا کے دیگر حصوں کو بیک وقت نشانہ بنانے کی صلاحیت رکھتا ہے۔یہ جدید میزائل Liquid-fuel سائلوز سے لانچ کیا جاتا ہے اور اس میں ایک وقت میں کئی جوہری وارہیڈز (MIRVs) نصب کیے جا سکتے ہیں۔ ماہرین کا کہنا ہے کہ یہ میزائل دشمن کے میزائل شکن نظام کو چکمہ دینے اور انتہائی درستگی سے ہدف کو تباہ کرنے کی بھرپور صلاحیت رکھتا ہے۔چینی دفاعی ماہرین کے مطابق DF-5C کی ساخت ایسی ہے کہ اسے تین حصوں میں مختلف گاڑیوں کے ذریعے باآسانی منتقل کیا جا سکتا ہے، جس سے لانچنگ کے لیے تیاری میں بہت کم وقت درکار ہوتا ہے۔تجزیہ کاروں کے نزدیک چین نے یہ طاقتور ہتھیار ایسے وقت میں متعارف کرایا ہے جب خطے میں امریکا اور اس کے اتحادیوں کے ساتھ کشیدگی بڑھ رہی ہے۔ امریکی اور یورپی دفاعی ادارے اس اقدام کو ایک واضح "ڈیٹرنس میسج" قرار دے رہے ہیں۔واضح رہے کہ DF-5 سیریز کا آغاز 1970 کی دہائی میں ہوا تھا، لیکن DF-5C اس کا سب سے جدید ورژن ہے جو پرانے ماڈلز کی نسبت زیادہ رینج اور زیادہ وارہیڈز لے جانے کی صلاحیت رکھتا ہے، جسے دفاعی ماہرین دنیا کے خطرناک ترین میزائلوں میں شمار کر رہے ہیں۔

جدید بین البراعظمی میزائل DF-5C کی رونمائی،چین نے دنیا کو چونکا دیا

12 سے 20 ہزار کلومیٹر تک رینج رکھنے والا میزائل، بیک وقت متعدد جوہری وارہیڈز لے جانے کی صلاحیت کا حامل ہے

حیدر علی کے خلاف زیادتی کیس میں اہم پیش رفت سامنے آگئی،پاکستانی کرکٹر حیدر علی ریپ کے الزامات سے بری ہو گئے ہیں اور مانچسٹر پولیس کے مطابق ناکافی شواہد کی بِناپر ان کے خلاف کیس خارج کر دیا گیا ہے۔پولیس ذرائع کے مطابق تحقیقات کے دوران ایسا کوئی ٹھوس ثبوت سامنے نہیں آیا جو الزامات کو ثابت کر سکے۔پولیس نے معاملے کی مکمل تحقیقات کے لیے اضافی وقت لیا تاہم کرکٹر کے خلاف کوئی الزام ثابت نہیں ہو سکا۔ اس فیصلے کے بعد حیدر علی کو تمام الزامات سے بری قرار دے دیا گیا ہے اور ان کا پاسپورٹ بھی جلد واپس کر دیا جائے گا، جس کے بعد وہ برطانیہ سمیت دیگر ممالک کا آزادانہ سفر کر سکیں گے۔یاد رہے کہ یہ معاملہ جولائی میں سامنے آیا تھا جب ایک خاتون نے حیدر علی پر ریپ کا الزام عائد کیا،الزام لگانے والی برٹش پاکستانی خاتون 23 جولائی کو پہلی بار حیدر علی سے مانچسٹر کے ہوٹل میں ملی تھی، قومی کرکٹرکو پولیس نے ایک لڑکی کی طرف سے ریپ کے الزامات عائد کئے جانے کے دو ہفتوں کے بعد گرفتار کیا تھا چند روز بعد انہیں ضمانت پر رہائی ملی۔ پولیس ذرائع نے تصدیق کی تھی کہ خاتون کی حیدر علی سے دوسری ملاقات یکم اگست کو کینٹ کے علاقے ایشفورڈ میں ہوئی تھی، قومی کرکٹر نے روز اوّل سے ریپ کی سختی سے تردید کرتے الزمات کو غلط قرار دیا تھا۔ جبکہ پاکستان کرکٹ بورڈ نے ان پر عارضی پابندی عائد کر دی تھی اور مؤقف اختیار کیا تھا کہ وہ مانچسٹر پولیس کے ایک کرمنل کیس میں شامل تفتیش ہیں۔تاہم اب طویل تحقیقات کے بعد پولیس نے کیس کو بند کرتے ہوئے واضح کیا ہے کہ الزام ثابت کرنے کے لیے شواہد ناکافی ہیں۔واضح رہے حیدر علی پاکستان کی جانب سے 35 ٹی ٹوئنٹی انٹرنیشنل اور 2 ون ڈے انٹرنیشنل میچز کھیل چکے ہیں۔

قومی کرکٹر حیدر علی کیخلاف ریپ کا الزام ثابت نہ ہوسکا، مانچسٹر پولیس نےکیس خارج کردیا

برطانوی پولیس نے حیدر علی کے خلاف تحقیقات کیلئے اضافی وقت لیا لیکن وہ کوئی الزام ثابت نہیں کر سکی

بھارت میں ایک انوکھا اور غیر معمولی واقعہ پیش آیا جس نے سب کو حیران کر دیا۔ ایک نوجوان اپنی گرل فرینڈ سے بات نہ ہونے پر اس قدر ناراض ہوا کہ بجلی کا کھمبا چڑھ کر پورے گاؤں کو ہی اندھیرے میں ڈبو دیا۔بھارتی میڈیا رپورٹس کے مطابق لڑکا بار بار گرل فرینڈ کو کال کر رہا تھا، لیکن فون مسلسل مصروف ملنے پر اس کا غصہ آسمان کو چھو گیا۔ ناراضگی میں اس نے انتہائی قدم اٹھایا اور بجلی کاٹ دی۔سامنے آنے والی ویڈیو میں واضح طور پر دیکھا جا سکتا ہے کہ کس طرح لڑکا کھمبے پر چڑھ کر تاروں سے چھیڑ چھاڑ کرتا ہے اور چند ہی لمحوں میں گاؤں کی بجلی بند ہو جاتی ہے۔ یہ ویڈیو دیکھتے ہی دیکھتے سوشل میڈیا پر وائرل ہوگئی اور صارفین نے دل چسپ تبصرے شروع کر دیے۔واقعے کے بعد لڑکے کا نام یا لڑکی کی شناخت تو سامنے نہیں آ سکی، لیکن یہ ضرور طے ہے کہ اس کا یہ "محبت بھرا احتجاج" خبروں کی زینت ضرور بن گیا۔یوں لگتا ہے کہ لڑکے نے دنیا کو یہ سبق دے دیا کہ کبھی کبھی محبت کے جھٹکے بجلی کے جھٹکوں سے بھی زیادہ خطرناک ہو سکتے ہیں۔

محبت میں شارٹ سرکٹ! گرل فرینڈ کا فون مصروف، عاشق نے گاؤں کی بجلی ہی کاٹ ڈالی

بھارت میں انوکھا واقعہ، ناراض لڑکا کھمبے پر چڑھ گیا، پورا گاؤں اندھیرے میں ڈوب گیا، ویڈیو سوشل میڈیا پر دھوم مچا گئی

پیرس سے بڑی خبر سامنے آئی ہے، جہاں فرانس کے عالمی شہرت یافتہ فلم اسٹار جیرارڈ ڈپاڈیئو پر ریپ اور جنسی زیادتی کے سنگین الزامات کے بعد اب باضابطہ طور پر عدالتی ٹرائل کا آغاز ہونے جا رہا ہے۔اداکارہ شارلوٹ آرنوڈ نے دعویٰ کیا تھا کہ 2018 میں ڈپاڈیئو نے ان کے اپارٹمنٹ میں ان پر حملہ کیا اور زیادتی کی۔ یہ الزام کئی برسوں سے خبروں کی زینت بنا رہا اور اب عدالت نے فیصلہ سنایا ہے کہ ڈپاڈیئو کو ٹرائل کا سامنا کرنا ہوگا۔یاد رہے کہ ڈپاڈیئو دنیا کے سب سے بڑے اور بااثر اداکاروں میں شمار ہوتے ہیں، لیکن انہوں نے ہمیشہ ان الزامات کی سختی سے تردید کی ہے۔ ان کا کہنا ہے کہ وہ بے گناہ ہیں اور یہ مقدمہ ان کی ساکھ خراب کرنے کے لیے بنایا گیا ہے۔اب دیکھنا یہ ہے کہ فرانس کی عدالت میں ہونے والا یہ ٹرائل کیا نیا موڑ لے گا۔ کیا شارلوٹ آرنوڈ کے الزامات درست ثابت ہوں گے یا ڈپاڈیئو اپنی بے گناہی ثابت کر پائیں گے؟قوم اور دنیا بھر کی نظریں اس مقدمے پر جمی ہوئی ہیں۔

فرانسیسی فلم اسٹار جیرارڈ ڈپاڈیئو پر ریپ کا مقدمہ، عدالت میں ٹرائل کا سامنا

اداکارہ شارلوٹ آرنوڈ نے 2018 میں الزام لگایا تھا، ڈپاڈیئو نے ہمیشہ الزامات کی تردید کی

عید میلاد النبیﷺ پر سندھ حکومت نے دو روزہ عام تعطیلات کا اعلان کردیا۔سندھ حکومت کی جانب سے جاری نوٹیفکیشن کے مطابق جمعہ 5  اور ہفتہ 6 ستمبر کو سندھ کے سرکاری  اداروں میں عام تعطیل ہوگی۔ نوٹیفکیشن کے مطابق عید میلاد النبیﷺ پر سندھ میں 5 اور 6 ستمبرکو تعلیمی ادارے اور دفاتر بند  ہوں گے،حکومت کے انتظامی کنٹرول کے تحت کارپوریشنز اور لوکل کونسلز کے دفاتر بھی بند رہیں گے۔یاد رہے کہ وفاقی حکومت نے عید میلاد النبی ﷺ کے موقع پر صرف ایک چھٹی (ہفتہ ) کا اعلان کیا ہے،کابینہ ڈویژن کی جانب سے جاری نوٹیفکیشن کے مطابق 6 ستمبر بروز ہفتہ کو تمام سرکاری، نیم سرکاری ادارے، اسکولز، کالجز اور دفاتر بند رہیں گے۔

عید میلاد النبیؐ کے موقع پر حکومت سندھ نے دو روزہ عام تعطیلات کا اعلان کر دیا

سندھ کے تمام سرکاری دفاتر اور خود مختار ادارے بند رہیں گے،نوٹیفکیشن جاری

واشنگٹن (این این آئی)امریکا کے صدر ڈونلڈ ٹرمپ نے چینی صدر شی جن پنگ کو طنز بھرا پیغام دیتے ہوئے کہا ہے کہ امریکا کے خلاف سازش کرتے ہوئے پیوٹن اور کم جونگ کو میری نیک خواہشات پہنچائیں۔سماجی رابطے کی ویب سائٹ پر جاری کیے گئے بیان میں انہوں نے کہا کہ چین کے صدر بیرونی حملہ آور کو شکست دینے میں امریکی مدد کا اعتراف کریں۔شنگھائی تعاون تنظیم اجلاس پر ٹرمپ نے کہا کہ چین اور روس کی شمولیت کے ساتھ امریکا کے خلاف اتحاد بننے پر تشویش نہیں ہے۔یوکرین تنازع پر ڈونلڈ ٹرمپ نے کہا کہ روسی صدر سے بہت مایوس ہوا ہوں، یوکرین جنگ میں لوگوں کی زندگیاں بچانے کے لیے کچھ کروں گا۔

امریکی صدر ٹرمپ کا چینی ہم منصب کے نام طنز بھرا پیغام جاری

امریکا کے خلاف سازش کرتے پیوٹن اور کم جونگ کو میری نیک خواہشات پہنچائیں،امریکی صدر

جسٹس بابر ستار نے چیف جسٹس سرفراز ڈوگر کے نام خط لکھ کر نیا پنڈورا باکس کھول دیا۔اسلام آباد ہائیکورٹ میں فل کورٹ میٹنگ سے پہلے بڑی پیش رفت سامنے آئی ہے۔ اسلام آباد ہائیکورٹ کی فل کورٹ میٹنگ سے پہلے ہائیکورٹ کے جج جسٹس بابر ستار اور جسٹس سردار اعجاز نے چیف جسٹس ہائیکورٹ سرفراز ڈوگر کو خطوط لکھے ہیں۔ جسٹس بابر ستار کے 4 صفحات پر مشتمل خط کی کاپی سامنے آگئی، جسٹس بابر ستار نے چیف جسٹس سرفراز ڈوگر کو ایک خط لکھ کر ہائی کورٹ کی داخلی صورتحال پر کئی سوالات اٹھا دیے ہیں۔ چار صفحات پر مشتمل اس خط کی کاپی نہ صرف چیف جسٹس کو بھیجی گئی بلکہ تمام ججز اور رجسٹرار کے ساتھ بھی شیئر کی گئی ہے۔خط میں جسٹس بابر ستار نے براہِ راست سوال کیا کہ کیا اسلام آباد ہائیکورٹ کے ججز واقعی اپنی آئینی ذمہ داریاں ادا کر رہے ہیں؟ کیا شہری آج بھی عدالت کو اپنے بنیادی حقوق کا محافظ سمجھتے ہیں؟ اور کیا ضلعی عدلیہ کو آزاد ادارہ بنانے کی کوئی سنجیدہ کوشش ہوئی؟جسٹس بابر ستار نے روسٹر کی تیاری اور کیسز کی فکسنگ میں شفافیت پر سوال اٹھاتے ہوئے کہا کہ سینئر ججز کو نظر انداز کرکے ٹرانسفر اور ایڈیشنل ججز کو مقدمات بھجوائے جا رہے ہیں۔ ان کے مطابق، چیف جسٹس اور ججز کو یاد رکھنا چاہیے کہ وہ بادشاہ نہیں بلکہ عوامی عہدے دار ہیں۔خط میں مزید کہا گیا کہ بعض کیسز میں کاز لسٹ ہی جاری نہیں کی جاتی، جس سے عدلیہ کی آزادی براہِ راست متاثر ہو رہی ہے۔ یہاں تک کہ چند مواقع پر سنگل بینچز سے بھی محروم کیا گیا۔ بابر ستار نے تنقید کی کہ ججز کے بیرونِ ملک سفر کے لیے این او سی کو لازمی قرار دینا ایسے ہے جیسے انہیں غیر اعلانیہ طور پر ای سی ایل پر ڈال دیا گیا ہو۔ان کا کہنا تھا کہ ادارے بنانے میں دہائیاں لگتی ہیں مگر انہیں کمزور کرنے میں لمحے لگتے ہیں۔ یہی وجہ ہے کہ عدلیہ کو اپنی ساکھ بچانے کے لیے فوری اور شفاف اقدامات کرنے کی ضرورت ہے۔اسلام آباد ہائیکورٹ میں اٹھنے والی یہ اندرونی بحث ایک بات صاف ظاہر کر رہی ہے کہ سب سے بڑی جنگ اب عدلیہ کے اندر ہی شفافیت اور اعتماد کی ہے۔

ادارے بنانے میں دہائیاں لگتی ہیں تباہ کرنے میں کچھ وقت نہیں لگتا، جسٹس بابر ستار کاخط

کیا اسلام آباد ہائیکورٹ کے ججز اپنی آئینی ذمہ داری پوری کر رہے ہیں؟ جسٹس بابر ستار کر چیف جسٹس سردار سرفراز ڈوگر کو خط

عوامی مسلم لیگ کے سربراہ اور سابق وفاقی وزیر شیخ رشید احمد نے کہا ہے کہ ملک میں انصاف کو عام کرنا ہوگا، کیونکہ یہی پاکستان کے امن و ترقی کی ضمانت ہے۔راولپنڈی کی انسدادِ دہشت گردی عدالت کے باہر میڈیا سے گفتگو کرتے ہوئے شیخ رشید نے کہا کہ جج صاحب کی طبیعت ناساز تھی مگر ہماری حاضری لگ گئی۔ ان کا کہنا تھا کہ میرا بھتیجا کبھی فیصل آباد گیا ہی نہیں، لیکن اسے وہاں 4 مختلف مقدمات میں دس، دس سال قید کی سزا سنا دی گئی ہے، جبکہ جرح کرنے کی بھی اجازت نہیں دی گئی۔انہوں نے الزام عائد کیا کہ ان کیسز کا کوئی گواہ موجود نہیں، ہمیں مقدمہ لڑنے کی اجازت نہیں دی جا رہی اور وکلا و گواہان سب سرکاری طور پر مقرر ہیں۔ شیخ رشید نے کہا کہ انصاف رسوا ہو کر رہ گیا ہے، غریب ورکرز کو سزائیں دی جا رہی ہیں جن کے گھروں میں نہ کھانے کو کچھ ہے اور نہ بچوں کی فیس دینے کے پیسے۔سابق وفاقی وزیر کا کہنا تھا کہ انصاف کی فراہمی ہی ملک کو آگے لے جا سکتی ہے۔ “ہم چاہتے ہیں پاکستان میں امن و سکون ہو، لیکن ایسا انصاف نہ ہو کہ لوگ آسمان کی طرف دیکھنے لگیں۔”اس موقع پر انہوں نے پانی کے مسئلے پر بھی کھل کر اظہار خیال کیا۔ شیخ رشید نے کہا کہ کالا باغ ڈیم اور دیگر ڈیم بنانے کی ہمیشہ کوشش کی گئی، میں 16 سے 17 بار وزیر رہا اور ہر بار اس مسئلے پر زور دیا۔ لیکن سندھ کے لوگ کالا باغ ڈیم کو قبول نہیں کرتے۔ انہوں نے کہا کہ بھارت کی آبی جارحیت نے پاکستانی کسان کو تباہ کر کے رکھ دیا ہے، اس لیے وقت آ گیا ہے کہ کسانوں کی حقیقی معنوں میں مدد کی جائے۔

— انصاف کو عام کیا جائے، ورنہ عوام آسمان کی طرف دیکھنے پر مجبور ہو جائیں گے،شیخ رشید

انصاف رسوا ہوگیا، دھجیاں ادھڑ گئیں، جن غریب ورکرز کو سزائیں دی گئی ہیں ان کے گھروں میں کھانے کیلئے کچھ بھی نہیں، میڈیا سے گفتگو

چین کے صدر شی جن پنگ نے دنیا کو امن کا پیغام دے دیا ہے، بیجنگ میں فوجی پریڈ سے خطاب میں انھوں نے کہا کہ انسانیت کو جنگ یا امن میں سے کسی ایک کا انتخاب کرنا ہوگا۔بیجنگ کے تاریخی تیان آن من اسکوائر میں دوسری جنگِ عظیم میں جاپان پر فتح کی 80 ویں سالگرہ کے موقع پر ایک شاندار اور یادگار فوجی پریڈ منعقد ہوئی۔ یہ پریڈ چین کی تاریخ کی سب سے بڑی پریڈ قرار دی جا رہی ہے جس میں فضائیہ، بحریہ اور بری فوج کے دستوں کے ساتھ خواتین فوجیوں نے بھی جوش و جذبے کے ساتھ شرکت کی۔ فوجی بینڈز نے قومی ترانہ بجایا جبکہ 80 توپوں کی سلامی اس دن کی تاریخی اہمیت کا اعلان کر رہی تھی۔تقریب کے آغاز میں صدر شی جن پنگ نے فوجی گاڑی پر پریڈ کا معائنہ کیا اور جنگ میں جان دینے والے چینی سپاہیوں کے لیے ایک منٹ کی خاموشی اختیار کی گئی۔ اس موقع پر ہائپر سونک میزائلز، ڈرونز، جدید ٹینک اور دیگر جدید ہتھیاروں کی بھرپور نمائش کی گئی جس نے دنیا کو چین کی دفاعی صلاحیتوں کا عملی مظاہرہ دکھایا۔تقریب میں پاکستان کے وزیراعظم شہباز شریف، روسی صدر ولادیمیر پیوٹن، شمالی کوریا کے رہنما کم جونگ اُن، ایران کے صدر مسعود پزشکیان سمیت 26 عالمی رہنماؤں نے شرکت کی۔ جاپان کے خلاف لڑنے والے ریٹائرڈ فوجی بھی شریک ہوئے جنہیں قوم کی طرف سے خراجِ تحسین پیش کیا گیا۔صدر شی جن پنگ نے اپنے خطاب میں کہا کہ "دنیا اس وقت امن اور جنگ کے نازک موڑ پر کھڑی ہے۔ انسانیت کو آج فیصلہ کرنا ہے کہ وہ مستقبل امن کے ساتھ گزارنا چاہتی ہے یا جنگ کے سائے میں۔" انہوں نے واضح کیا کہ چینی عوام ہمیشہ امن کے قیام کے لیے پرعزم ہیں، اور چین کا ترقی کا سفر کسی طاقت کے دباؤ سے رکا نہیں جا سکتا۔شی جن پنگ نے کہا کہ چین ایک ایسا عالمی نظام چاہتا ہے جو انصاف اور مساوات پر مبنی ہو، اور چینی قوم نے کبھی دھونس یا جبر کے سامنے سر نہیں جھکایا۔ انہوں نے زور دیا کہ چین اپنی ماضی کی مشکلات کو کسی دوسرے ملک پر مسلط نہیں کرے گا، بلکہ دنیا کے ساتھ مل کر امن و خوشحالی کی راہ ہموار کرے گا۔خطاب کے اختتام پر صدر شی نے عالمی برادری سے اپیل کی کہ تاریخ کے المیوں کو دوبارہ دہرانے سے روکا جائے اور دنیا کو امن کے راستے پر لے جایا جائے۔تقریب کے دوران 80 توپوں کی سلامی دی گئی، جو اس تاریخی فتح کی 80ویں سالگرہ کی علامت تھی۔ اس قومی تقریب کو چین بھر میں براہِ راست نشر کیا گیا اور اسے ملکی تاریخ کے ایک اہم لمحے کے طور پر دیکھا جا رہا ہے۔

انسانیت کو آج جنگ یا امن میں سے ایک کو چننا ہے، چینی صدر شی جن پنگ

بیجنگ میں دوسری جنگِ عظیم کی 80 ویں برسی کی پروقار تقریب، عالمی رہنماؤں کی بھرپور شرکت، جدید ہتھیاروں کی شاندار نمائش

بھارتی توانائی مارکیٹ میں ایک بڑی ہلچل مچ گئی ہے۔خبر رساں ادارے رائٹرز کے مطابق سعودی عرب کی آئل کمپنی آرامکو اور عراق کی سرکاری تیل کمپنی سومو نے بھارتی ریفائنری کمپنی نایارا انرجی کو خام تیل کی سپلائی اچانک بند کردی ہے۔یہ فیصلہ اس وقت سامنے آیا جب جولائی میں یورپی یونین نے نایارا پر پابندیاں عائد کیں، کیونکہ اس ریفائنری کو روسی حمایت یافتہ قرار دیا گیا تھا۔اعداد و شمار کے مطابق نایارا انرجی عام طور پر ہر ماہ عراق سے 20 لاکھ بیرل اور سعودی عرب سے 10 لاکھ بیرل تیل خریدتی تھی، مگر اگست میں دونوں ممالک سے ایک بھی شپ منٹ نہیں ملی۔آخری بار عراقی باسرہ آئل 29 جولائی کو بھارت پہنچا، جبکہ سعودی شپ منٹ 18 جولائی کو ودینار بندرگاہ پر اتری تھی۔اب نایارا کی تمام سپلائیز براہِ راست روسی کمپنی روزنیفٹ سے آ رہی ہیں۔ودینار ریفائنری، جس کی یومیہ صلاحیت 4 لاکھ بیرل ہے، اس وقت صرف 70 سے 80 فیصد استعداد پر چل رہی ہے کیونکہ پابندیوں کے بعد شپنگ اور سیلز میں مشکلات بڑھ گئی ہیں۔مزید یہ کہ، نایارا جو بھارت کی مجموعی ریفائننگ کی صلاحیت کا 8 فیصد کنٹرول رکھتی ہے، اپنی مصنوعات کی ترسیل کے لیے اب روایتی جہاز رانی کے بجائے متبادل ’ڈارک فلیٹ‘ پر انحصار کر رہی ہے، کیونکہ بڑی شپنگ کمپنیاں پیچھے ہٹ چکی ہیں۔ماہرین کا کہنا ہے کہ اس صورتحال سے بھارت کو نہ صرف روس پر زیادہ انحصار کرنا پڑے گا بلکہ عالمی توانائی مارکیٹ میں بھی نئی صف بندیاں دیکھنے کو ملیں گی۔فی الحال بھارتی حکومت اور نایارا انرجی نے اس پیش رفت پر کوئی باضابطہ ردعمل نہیں دیا۔واضح رہے امریکا کے صدر ڈونلڈ ٹرمپ نے بھارت سے تجارتی معاملات پر گزشتہ روز کہا کہ اب بھارت نے اپنے محصولات کو صفر کرنے کی پیشکش کی ہے لیکن اب بہت دیر ہوچکی، یہ پیش کش کئی سال پہلے کر دینی چاہیے تھی۔

مودی کو ایک اور جھٹکا،سعودی و عراقی کمپنیوں نے بھارتی کمپنی کو تیل کی سپلائی بند کر دی

روسی حمایت یافتہ کمپنیوں پر پابندی کے اثرات نمایاں،عراق سے 20 لاکھ اور سعودی عرب سے 10 لاکھ بیرل کی درآمد متاثر

خیبرپختونخوا کے علاقے ضلع بنوں میں بھارتی سرپرستی میں سرگرم دہشت گرد خارجیوں کے حملے کو ناکام بنا دیا گیا تاہم فائرنگ کے تبادلے میں سیکیورٹی فورسز کے 6 اہلکار شہید ہوگئے جبکہ 5 دہشت گرد مارے گئے۔آئی ایس پی آر کےمطابق بھارتی اسپانسرڈ خوارج نے ایف سی ہیڈ کوارٹرز بنوں پرحملہ کر کے سیکیورٹی حدود کو توڑنے کی کوشش کی۔ترجمان پاک فوج کا کہنا ہے کہ بھارتی پراکسی فتنہ الخوارج کے تمام 5 دہشت گردوں کو ہلاک کردیا گیا،شدید جھڑپ میںپاک فوج اور ایف سی کے 6 اہلکاروں نے بہادری سے لڑتے ہوئے جام شہادت نوش کیا۔آئی ایس پی آر کے مطابق بھارتی اسپانسرڈ خوارج نے بارودی مواد سے بھر گاڑی دیوار حصار سے ٹکرائی، خودکش دھماکے کے نتیجے میں حصار کی دیوار کا کچھ حصہ گر گیا۔دھماکے سے قریبی سول انفرااسٹرکچر کو نقصان پہنچا  جس سے 3 شہری زخمی ہوئے۔ترجمان پاک فوج کا کہنا ہے کہ کلیئرنس آپریشن جاری رہے گا، جوانوں نے بہادری اور پیشہ ورانہ مہارت کا مظاہرہ کرتے ہوئے خوارج کو نشانہ بنایا۔اس بھیانک اور بزدلانہ عمل کے مجرموں کو انجام تک پہنچایا جائے گا۔ڈی جی آئی ایس پی آر کا کہنا ہے کہ سیکیورٹی فورسز پوری قوم کے شانہ بشانہ بھارتی اسپانسرڈ دہشت گردی کے مکمل خاتمے کیلئے پر عزم ہیں ۔ہمارے بہادر سپاہیوں اور شہریوں کی یہ لازوال قربانیاں ملک کے دفاع کے عزم کو مزید مضبوط کرتی ہیں ۔

بنوں ، ایف سی ہیڈکوارٹرز پر فتنۃ الخوارج کا حملہ، 5 دہشت گرد ہلاک، 6 اہلکار شہید

دہشت گردوں نے ہیڈ کوارٹر کے سیکیورٹی حصار کو توڑنے کی کوشش کی تاہم ناپاک سازش کو ناکام بنادیا گیا، آئی ایس پی آر

وفاقی حکومت نے عید میلادالنبیؐ کے موقع پر ملک بھر میں عام تعطیل کر اعلان کردیا۔وزیراعظم شہباز شریف کی منظوری سے کابینہ ڈویژن نے عام تعطیل کا نوٹیفکیشن جاری کردیا ہے۔نوٹیفکیشن میں کہا گیا ہے کہ 6 ستمبر 2025 بروز ہفتہ کو عید میلاد النبیﷺ کے موقع پر ملک بھر میں عام تعطیل ہوگی۔یاد رہے کہ پاکستان سمیت دنیا کے کئی ممالک میں نبی آخر الزمان حضرت محمد مصطفیٰ ﷺ کے یومِ ولادت کا جشن مذہبی عقیدت و احترام کے ساتھ منایا جاتا ہے۔نبی آخر الزمانﷺ کی حیات مبارکہ اور تعلیمات پوری انسانیت کے لیے مینارہ نور ہیں، آپ صلی اللہ علیہ والہ وسلم کو ہدیہ عقیدت پیش کرنے کے لیے خصوصی کانفرنسز تقریبات اور محفل میلاد منعقد کی جاتی ہیں۔اس مبارک موقع پر عمارتوں، گلیوں، شاہراہوں، مساجد اور گھروں کو برقی قمقوں سے سجایا جاتا ہے۔

وفاقی حکومت نے عید میلاد النبیﷺ کے موقع پر 6 ستمبر کو عام تعطیل کا اعلان کردیا

وزیراعظم شہباز شریف کی منظوری سے کابینہ ڈویژن نے عام تعطیل کا نوٹیفکیشن جاری کر دیا

Legends XI won the toss and chose to field first against Zalmi XI in the Peshawar flood relief exhibition match.

Legends Xi Win Toss, Elect To Field First In Peshawar Zalmi Flood Relief Exhibition Match

The long-awaited Flood Relief Match finally took off at the Imran Khan Stadium in Peshawar on Saturday, where cricket stars of yesterday and today came together for a noble cause. Fans tuned in on tapmad to watch legends and current heroes unite on one field, proving that cricket is more than just a game&mdash;it&rsquo;s a way to bring people together for humanity.

Inzamam-ul-Haq-led Pubg IX won the toss and chose to go out first against Zalmi XI, who were under the leadership of Babar Azam. The game was organized to help raise money to help the flood victims and rebuild the flood-damaged areas, hence making an impact beyond the boundary ropes.

The fans filled the stands with energy as cricketing legends such as Shahid Afridi, Shoaib Akhtar, Waqar Younis, and Younis Khan merged with the upcoming and existing legends to create a rare show of zeal and goal.

The appearance game is not only a game about cricket but also a game about hope, solidarity, and people giving back to the society that has been ravaged by catastrophic floods in the country. Each of the runs scored and each of the wickets taken carries a burden: the burden of a still greater purpose, to help those who need it.

When the players enter the field under the service banner in sports, the cricket spirit becomes brighter than ever in Peshawar.

Legends Xi Win Toss, Elect To Field First In Peshawar Zalmi Flood Relief Exhibition Match

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan