Cricket

Entertainment

News

Football

امریکی صدر ڈونلڈ ٹرمپ نے اقوامِ متحدہ کی کارکردگی پر سوال اٹھاتے ہوئے کہا ہے کہ اگر عالمی ادارہ جنگوں کو روکنے میں ناکام ہے تو پھر اس کے وجود کا کیا مقصد رہ جاتا ہے۔نیویارک میں جنرل اسمبلی کے اجلاس سے خطاب کرتے ہوئے ٹرمپ نے اپنی سیاسی حکمتِ عملی کے پرانے نکات دہراتے ہوئے سابق صدر جو بائیڈن کو عالمی بحرانوں کا ذمہ دار قرار دیا۔ ان کا کہنا تھا کہ ڈیموکریٹ حکومت کی پالیسیوں نے دنیا کو عدم استحکام سے دوچار کیا۔ٹرمپ نے اسرائیل کے ساتھ قریبی فوجی و سیاسی تعلقات تسلیم کرتے ہوئے کہا کہ امریکا غزہ میں جاری جنگ کے خاتمے کے لیے سنجیدہ کوششوں میں مصروف ہے۔ ان کا کہنا تھا کہ یہ جنگ فوری طور پر ختم ہونی چاہیے کیونکہ اب تک 65 ہزار سے زائد فلسطینی جان کی بازی ہار چکے ہیں۔ ان کے مطابق امن قائم کرنے کے لیے مذاکرات ہی واحد راستہ ہیں۔امریکی صدر نے اس بات پر زور دیا کہ فلسطینی ریاست قائم ہونی چاہیے لیکن اس میں حماس کا کوئی کردار نہیں ہوگا۔ انہوں نے یرغمالیوں کے مسئلے پر زور دیتے ہوئے کہا کہ ہمیں فوری طور پر تمام 20 یرغمالیوں کو زندہ واپس لانا ہے جبکہ 38 یرغمالیوں کی لاشوں کی واپسی بھی ترجیحی بنیاد پر ہونی چاہیے۔ٹرمپ نے الزام عائد کیا کہ حماس نے بارہا امن کے مواقع ضائع کیے ہیں، جبکہ بعض مغربی ممالک کا فلسطین کو تسلیم کرنا دراصل حماس کو انعام دینے کے مترادف ہے جو خطے میں مزید بداعتمادی کو جنم دے گا۔انہوں نے ایران کو ایٹمی ہتھیار بنانے سے روکنے کے عزم کو دہراتے ہوئے کہا کہ ان کے دور میں اسرائیل اور ایران کے درمیان ایک بڑی جنگ ٹل گئی تھی۔ روس اور یوکرین کی لڑائی پر بات کرتے ہوئے ٹرمپ نے کہا کہ پیوٹن سے قریبی تعلقات کے باعث وہ یہ تنازع ختم کرا سکتے تھے لیکن بھارت اور چین کی جانب سے روسی تیل کی خریداری نے جنگ کو مزید طول دیا۔ٹرمپ کا دعویٰ تھا کہ اگر وہ صدر ہوتے تو نہ غزہ میں موجودہ جنگ چھڑتی اور نہ ہی یوکرین کا تنازعہ شروع ہوتا، کیونکہ وہ پہلے ہی دنیا کی سات جنگیں ختم کرا چکے ہیں۔اپنے خطاب میں انہوں نے غیر قانونی امیگریشن کو عالمی خطرہ قرار دیتے ہوئے کہا کہ غیر قانونی تارکینِ وطن امریکا سمیت دنیا بھر کے ممالک کے لیے تباہی کا باعث بن رہے ہیں۔

غزہ میں امن چاہتے ہیں تو تمام 20 یرغمالیوں کی رہائی کی حمایت کریں، امریکی صدر

اگر میں صدر ہوتا تو نہ غزہ میں جنگ ہوتی اور نہ روس یوکرین آمنے سامنے آتے، ٹرمپ کا اقوام متحدہ میں خطاب

صرف 13 سال کا ایک بچہ، نہ ٹکٹ، نہ بورڈنگ کارڈ… اور وہ کابل سے دہلی جا پہنچا۔ لیکن کیسے؟ جہاز کے لینڈنگ گیئر میں چھپ کر! یہ بچہ اصل میں ایران جانا چاہتا تھا مگر غلطی سے دہلی جانے والی پرواز پر سوار ہوگیا۔ حیرت کی بات یہ ہے کہ اتنے خطرناک اور جان لیوا سفر کے باوجود وہ بالکل صحیح سلامت بچ گیا۔بھارتی میڈیا کے مطابق افغانستان سے تعلق رکھنے والا 13 سالہ لڑکا خطرناک اور حیران کن انداز میں نئی دہلی پہنچ گیا۔ رپورٹ کے مطابق یہ کمسن لڑکا کابل ایئرپورٹ کے ممنوعہ حصے میں داخل ہوا اور افغان ایئرلائن کی پرواز کے لینڈنگ گیئر میں چھپ گیا۔ تقریباً دو گھنٹے کی پرواز کے بعد طیارہ دہلی ایئرپورٹ پر اترا تو عملے نے لڑکے کو طیارے کے قریب دیکھ کر سیکیورٹی کو اطلاع دی۔ابتدائی پوچھ گچھ میں لڑکے نے بتایا کہ وہ افغانستان کے شہر قندوز کا رہائشی ہے اور اسی روز سفر کر کے کابل پہنچا تھا۔ اس نے مزید بتایا کہ دراصل اس کا ارادہ ایران جانے کا تھا، لیکن لاعلمی کی وجہ سے وہ غلطی سے دہلی جانے والی پرواز میں سوار ہوگیا۔اندرا گاندھی ایئرپورٹ پر اس کا فوری طبی معائنہ کیا گیا جہاں یہ بات سامنے آئی کہ معجزانہ طور پر وہ مکمل طور پر صحت مند ہے۔ خطرناک سفر کے دوران نہ صرف وہ زندہ بچ گیا بلکہ اُسے کسی قسم کی چوٹ یا خراش بھی نہیں آئی۔ بعدازاں اُسے دوبارہ کابل واپس بھیج دیا گیا۔ایوی ایشن ماہرین کے مطابق لینڈنگ گیئر کا خانہ انتہائی مہلک جگہ ہے۔ کمرشل طیارے عموماً 30 سے 40 ہزار فٹ کی بلندی پر پرواز کرتے ہیں جہاں درجہ حرارت منفی 50 ڈگری سینٹی گریڈ تک گر جاتا ہے اور آکسیجن کی شدید کمی ہو جاتی ہے۔ اس صورتحال میں زندہ بچنے کے امکانات صرف 23 فیصد رہ جاتے ہیں۔ ماہرین کے مطابق وہاں موجود افراد ہائیپوکسیا (آکسیجن کی کمی) یا ہائیپو تھرمیا (شدید سردی) کا شکار ہو سکتے ہیں، جبکہ لینڈنگ گیئر کی حرکت سے مہلک چوٹ لگنے کا بھی خدشہ رہتا ہے۔ایئرلائن کی ٹیم نے طیارے کے معائنے کے دوران لینڈنگ گیئر سے ایک سرخ اسپیکر بھی برآمد کیا جو غالباً لڑکے کا ذاتی سامان تھا۔ مکمل جانچ پڑتال کے بعد جہاز کو دوبارہ پرواز کے لیے کلیئر قرار دے دیا گیا۔

13 سالہ افغان لڑکا لینڈنگ گیئر میں چھپ کر زندہ بھارت پہنچ گیا

40 ہزار فٹ بلندی پر منفی 50 ڈگری سردی اور آکسیجن کی کمی سے زندہ بچنے کے امکانات صرف 23 فیصد ہوتے ہیں،ایوی ایشن ماہرین

سندھ حکومت نے خواتین کے لیے پنک اسکوٹیز پروگرام کے تحت مفت الیکٹرک اسکوٹیز فراہم کرنے کا اعلان کر دیا ہے۔ اس سلسلے میں صوبائی وزیر شرجیل انعام میمن کی زیر صدارت اہم اجلاس ہوا، جس میں سیکریٹری ٹرانسپورٹ اسد ضامن، سندھ ماس ٹرانزٹ اتھارٹی کی ایم ڈی کنول بھٹو اور دیگر افسران شریک ہوئے۔شرجیل انعام میمن نے اجلاس میں بتایا کہ صوبائی حکومت رواں ہفتے طالبات اور ملازمت پیشہ خواتین کے لیے ایک انقلابی اقدام اٹھا رہی ہے جس کا مقصد ان کی روزمرہ آمدورفت کو آسان اور محفوظ بنانا ہے۔ ان کے مطابق یہ پروگرام خواتین کو وقت اور اخراجات کی بچت کے ساتھ ایک باوقار اور محفوظ سفر کی سہولت فراہم کرے گا۔انہوں نے کہا کہ اسکیم خاص طور پر ان خواتین کے لیے تیار کی گئی ہے جو تعلیم، ملازمت یا دیگر ضروریات کے لیے پبلک ٹرانسپورٹ استعمال کرتی ہیں۔ درخواست گزار خواتین کا ڈیٹا سندھ ماس ٹرانزٹ اتھارٹی مرتب کر رہی ہے، جبکہ میرٹ اور ضرورت کی بنیاد پر اسکوٹیز فراہم کی جائیں گی۔صوبائی وزیر نے مزید کہا کہ حکومت نے ایک شفاف اور آسان میکنزم بنایا ہے تاکہ زیادہ سے زیادہ خواتین اس سہولت سے فائدہ اٹھا سکیں۔ سندھ حکومت چاہتی ہے کہ خواتین اپنی زندگی کے ہر شعبے میں بااختیار ہوں اور یہ اسکیم اس مقصد کے حصول کی جانب ایک مثبت قدم ہے۔انہوں نے طالبات اور ورکنگ ویمن کو مشورہ دیا کہ وہ اس سہولت سے فائدہ اٹھا کر تعلیم، روزگار اور دیگر سرگرمیوں میں بھرپور حصہ لیں۔

سندھ حکومت کا خواتین کے لیے مفت الیکٹرک اسکوٹیز دینے کا فیصلہ

یہ اقدام خواتین کو محفوظ، باوقار اور کم خرچ سفر کی سہولت فراہم کرنےکیلئے کیا جا رہا ہے، شرجیل میمن

راولپنڈی کی انسداد دہشتگردی عدالت نے 9 مئی کو جی ایچ کیو پر حملے کے کیس میں عمران خان کی دو درخواستیں مسترد کر دیں۔ سماعت جج امجد علی شاہ کی سربراہی میں ہوئی جس میں عمران خان کو واٹس ایپ لنک کے ذریعے عدالت میں پیش کیا گیا۔دورانِ سماعت وکلاء صفائی فیصل ملک اور سلمان اکرم راجہ نے مؤقف اپنایا کہ عمران خان نے درخواست دائر کی ہے کہ 19 ستمبر کی عدالتی کارروائی اور سی سی ٹی وی فوٹیج فراہم کی جائے، جبکہ جیل ٹرائل کو ہائیکورٹ کے حکم تک مؤخر کیا جائے۔ عدالت نے کہا کہ کارروائی نہیں روکی جاسکتی، اگر کوئی اعتراض ہے تو ہائیکورٹ سے رجوع کیا جائے۔عدالت کی اجازت پر وکلاء نے عمران خان سے آن لائن بات کرنے کی کوشش کی، تاہم آواز ڈراپ ہونے اور تصویر واضح نہ آنے کے باعث وکلاء صفائی نے ایک بار پھر عدالتی کارروائی کا بائیکاٹ کر دیا اور کمرہ عدالت سے باہر چلے گئے۔پراسیکیوٹر نے دلائل دیتے ہوئے کہا کہ وکلاء کبھی کارروائی چھوڑ دیتے ہیں اور کبھی وقت مانگتے ہیں، ان کا رویہ ٹرائل کیلئے سنجیدہ نہیں بلکہ عدالت کا وقت ضائع کرنے کے مترادف ہے۔سلمان اکرم راجہ نے کہا کہ عدالت کو حکومتی دباؤ نہیں بلکہ آئین کے مطابق چلنا چاہیے، ایک قیدی کو واٹس ایپ کال پر پیش کرنا بنیادی حقوق کے خلاف ہے۔ اس پر عدالت نے ریمارکس دیے کہ پچھلی بار عمران خان کو موقع دیا گیا لیکن انہوں نے کارروائی کا بائیکاٹ کیا، ٹرائل کورٹ ہائیکورٹ کے احکامات کو نظر انداز نہیں کر سکتی۔دلائل مکمل ہونے کے بعد عدالت نے عمران خان کی دونوں درخواستیں خارج کر دیں۔

جی ایچ کیوحملہ کیس، انسداد دہشت گردی عدالت نے عمران خان کی دونوں درخواستیں مسترد کردیں

عمران خان کو واٹس ایپ لنک پر پیش کیا لیکن آواز ڈراپ ہونے، شکل واضح نظر نہ آنے پر وکلاء صفائی نے عدالتی کارروائی کا بائیکاٹ کردیا

سری لنکا کو ہراؤ یا گھر جاؤ ‘‘ گرین شرٹس پر سخت دباؤ آگیا، ایشیا کپ سپر 4 راؤنڈ کا اہم مقابلہ آج ابوظبی میں ہو گا۔تفصیلات کے مطابق ایشیا کپ 2025 ٹی ٹوئنٹی کے سپر فور مرحلے میں آج پاکستان اور سری لنکا کی ٹیمیں ابوظبی کے شیخ زاید اسٹیڈیم میں آمنے سامنے ہوں گی۔ یہ میچ دونوں ٹیموں کے لیے نہایت اہمیت کا حامل ہے کیونکہ جیتنے والی ٹیم فائنل کی دوڑ میں مضبوط امیدوار بن جائے گی جبکہ شکست کی صورت میں ایونٹ میں ان کا سفر مشکل یا ختم ہوسکتا ہے۔پاکستانی ٹیم دبئی سے ابوظبی پہنچنے کے بعد گزشتہ روز آرام کرچکی ہے اور اب اپنی پہلی کامیابی کے لیے پرعزم ہے۔ قومی ٹیم کے کپتان سلمان آغا کا کہنا ہے کہ جیت کے لیے تینوں شعبوں میں بہترین کھیل پیش کرنا ہوگا تاکہ فائنل تک رسائی ممکن ہو۔گرین شرٹس کو سپر فور کے اپنے پہلے میچ میں بھارت کے ہاتھوں 6 وکٹوں سے شکست ہوئی تھی جبکہ سری لنکا کو بنگلہ دیش نے 4 وکٹوں سے مات دی تھی۔ اس صورتحال میں دونوں ٹیموں پر یکساں دباؤ ہے اور کسی ایک کی بھی ناکامی فائنل کی دوڑ سے باہر ہونے کے مترادف ہوسکتی ہے۔ٹورنامنٹ کی پوائنٹس ٹیبل پر فی الحال پاکستان کا رن ریٹ منفی میں ہے جسے بہتر بنانا لازمی ہوگا، بصورت دیگر فائنل تک رسائی مشکل ہوجائے گی۔ دوسری جانب سری لنکن ٹیم گروپ مرحلے میں ناقابل شکست رہی تھی لیکن سپر فور میں اس کا آغاز ناکام رہا۔ سری لنکا کے پاس مضبوط بیٹنگ لائن اور متوازن بولنگ اٹیک موجود ہے جو پاکستانی بیٹرز کے لیے مشکلات پیدا کرسکتا ہے، خاص طور پر اس لیے کہ ابوظبی کی سلو پچ اسپنرز کے لیے سازگار سمجھی جارہی ہے۔ایونٹ کے فارمیٹ کے مطابق سپر فور میں شامل چاروں ٹیموں کے پاس اب بھی فائنل کھیلنے کا موقع ہے اور ایک کامیابی بھی کسی ٹیم کو فیصلہ کن مرحلے تک پہنچا سکتی ہے۔آج کا یہ میچ فائنل تک رسائی کے لیے فیصلہ کن ثابت ہوسکتا ہے، مداحوں کی نظریں ابوظبی میں ہونے والے اس اعصاب شکن مقابلے پر جمی ہوئی ہیں۔

ایشیا کپ سپر فور مرحلہ،پاکستان اورسری لنکا کی ٹیمیں آج آمنے سامنے ہوں گی

فائنل تک رسائی کے لیے گرین شرٹس کو لازمی فتح درکار، شکست کی صورت میں اگر مگر کا کھیل شروع ہوجائے گا

برطانیہ،کینیڈا ، آسٹریلیا اور پرتگال کے بعد فرانس نے بھی فلسطین کو ریاست تسلیم کرلیا،ایفل ٹاور پر فلسطین اور اسرائیلی کے پرچم لہرا دیے گئے۔اقوام متحدہ کی جنرل اسمبلی کے اجلاس میں فرانس کے صدر ایمانویل میکرون نے باضابطہ طور پر فلسطین کو آزاد ریاست تسلیم کرنے کا اعلان کیا جس پر ہال تالیوں سے گونج اُٹھا۔ مگر اسی دوران امریکا کی نشست خالی رہی، جس نے عالمی سیاست میں ایک نئی بحث چھیڑ دی ہے۔اپنے خطاب میں صدر میکرون نے کہا کہ فلسطینی ریاست کو تسلیم کرنا مشرق وسطیٰ میں قیامِ امن اور دو ریاستی حل کی طرف ایک ناگزیر قدم ہے۔ ان کا کہنا تھا کہ اب مزید انتظار ممکن نہیں، وقت آگیا ہے کہ جنگ و خونریزی ختم ہو اور حماس کے زیرِ حراست باقی مغویوں کو فوری رہا کیا جائے۔فرانسیسی صدر نے واضح کیا کہ فلسطینی عوام کو حقوق دینے کا مطلب اسرائیلی عوام کے حقوق چھیننا نہیں، بلکہ یہ ایک منصفانہ توازن قائم کرنے کی کوشش ہے۔ انہوں نے عالمی برادری کو پیغام دیا کہ دنیا امن کے ایک نایاب موقع کے قریب کھڑی ہے، اگر اب بھی اقدام نہ کیا گیا تو یہ موقع ہمیشہ کے لیے ضائع ہو سکتا ہے۔میکرون نے یاد دلایا کہ حالیہ مہینوں میں برطانیہ، کینیڈا، آسٹریلیا اور پرتگال سمیت کئی ممالک نے فلسطین کو ریاست تسلیم کیا ہے۔ ان کے مطابق، اب تک فلسطین کو تسلیم کرنے والے ممالک کی تعداد 151 ہو چکی ہے، جن میں اندورا، بیلجیم، لکسمبرگ، مالٹا، مراکش اور سان مارینو بھی شامل ہیں۔اس اعلان کو دنیا بھر کے کئی ممالک اور عالمی اداروں نے خوش آئند قرار دیا اور کہا کہ فلسطینی عوام کے لیے ریاست کا حق کسی انعام کا نہیں بلکہ انصاف کا تقاضا ہے۔ تاہم اسرائیل اور امریکا نے اس فیصلے پر سخت ردِعمل دیا ہے اور مؤقف اپنایا ہے کہ موجودہ حالات میں فلسطین کو ریاست تسلیم کرنا امن عمل کو نقصان پہنچا سکتا ہے۔فرانس کے اس تاریخی اعلان نے ایک بار پھر یہ حقیقت اجاگر کر دی ہے کہ فلسطین کا مقدمہ محض سیاست نہیں بلکہ عالمی انصاف اور انسانی حقوق کا سوال ہے۔

فرانس کے صدر ایمانویل میکرون نے باضابطہ طور پر فلسطین کو آزاد ریاست تسلیم کرلیا

اقوام متحدہ اجلاس میں میکرون کا خطاب، ہال تالیوں سے گونج اُٹھا، امریکا کی نشست خالی رہی

سپریم کورٹ نے ملٹری کورٹ کے سزا یافتہ ملزمان کو اپیل کا حق دینے کے لیے حکومت کو 45 روز میں قانون سازی کرنے کا حکم جاری کردیا ہے جب کہ تحریری فیصلے میں کہا گیا ہے کہ آرمی ایکٹ میں بنیادی ضابطہ موجود ہے مگر عام شہریوں کے لیے اپیل کے مناسب فورم کا فقدان ہے، آزادانہ اپیل کیلئے 45 دن میں قانون سازی پوری کی جائے۔سپریم کورٹ کے جاری کردہ تفصیلی فیصلے میں کہا گیا ہے کہ آئینی بینچ نے 7 مئی کو انٹرا کورٹ اپیلیں منظور کرتے ہوئے فوجی ٹرائلز سے متعلق پانچ رکنی بنچ کا فیصلہ کالعدم قرار دیا تھا۔ جسٹس امین الدین خان نے 68 صفحات پر مشتمل فیصلہ تحریر کیا، جس میں جسٹس محمد علی مظہر کا 47 صفحات پر مشتمل اضافی نوٹ بھی شامل ہے، جس سے جسٹس مسرت ہلالی، جسٹس حسن رضوی اور جسٹس شاہد بلال نے اتفاق کیا۔ تاہم جسٹس جمال مندوخیل اور جسٹس نعیم افغان نے اختلافی نوٹ لکھا۔فیصلے میں کہا گیا کہ آرمی ایکٹ کو مکمل کالعدم قرار دینے کا مقصد نہیں، البتہ عام شہریوں کے لیے اپیل کا حق نہ ہونا آئینی کمی ہے۔ عدالت نے واضح کیا کہ فوجی عدالتوں میں بھی آئین کے آرٹیکل 10 اے کے تحت منصفانہ ٹرائل کے اصولوں کی پاسداری ضروری ہے۔فیصلے میں بتایا گیا کہ اٹارنی جنرل نے سماعت کے دوران بارہا کہا کہ اگر عدالت ہدایت دے تو حکومت پارلیمنٹ کے ذریعے قانون سازی کرے گی اور اس حکم کو سنجیدگی سے لیا جائے گا۔عدالت نے قرار دیا کہ اپیل کا آزاد حق نہ ہونے سے آرمی ایکٹ کے تحت موجود ضابطہ کار شہریوں کے لیے آئینی طور پر ناکافی ہے، اس کمی کو دور کرنے کے لیے پارلیمانی قانون سازی ناگزیر ہے۔قانونی ماہرین کے مطابق سپریم کورٹ کے اس فیصلے کے بعد فوجی عدالتوں میں دی جانے والی سزاؤں پر نظرثانی کا نیا دروازہ کھل گیا ہے، جو مستقبل کی عدالتی اور پارلیمانی سمت کا تعین کرے گا۔

ملٹری کورٹ کے سزا یافتہ ملزمان کو اپیل کا حق دیا جائے،سپریم کورٹ کا بڑا حکم

آرمی ایکٹ میں شہریوں کیلئے اپیل کا مناسب فورم موجود نہیں، 45 دن میں قانون سازی کی جائے، تحریری فیصلہ

اقوام متحدہ کی جنرل اسمبلی کے 80 ویں اجلاس کے موقع پر وزیر اعظم شہباز شریف اور امریکی صدر ڈونلڈ ٹرمپ کی ملاقات متوقع ہے۔ یہ ملاقات سائیڈ لائن سیشنز کے دوران ہوگی جس میں اہم علاقائی اور عالمی امور پر بات چیت کی جائے گی۔اقوام متحدہ جنرل اسمبلی کا 80 واں اجلاس نیو یارک میں شروع ہوگیا ہے۔ وائٹ ہاؤس کی ترجمان کیرولین لیوٹ کے مطابق امریکی صدر ڈونلڈ ٹرمپ اجلاس کے موقع پر متعدد عالمی رہنماؤں سے ملاقاتیں کریں گے۔ترجمان نے بتایا کہ صدر ٹرمپ کی پہلی ملاقات اقوام متحدہ کے سیکرٹری جنرل انتونیو گوتریس سے ہوگی۔ اس کے بعد وہ پاکستان، سعودی عرب، متحدہ عرب امارات، قطر، ترکیے، مصر، اردن اور انڈونیشیا کے سربراہان سے بھی علیحدہ ملاقاتیں کریں گے۔ اس کے علاوہ یوکرین، ارجنٹائن اور یورپی یونین کے رہنما بھی ان کی ملاقاتوں میں شامل ہوں گے۔ترجمان نے یہ بھی انکشاف کیا کہ صدر ٹرمپ رواں ہفتے ٹک ٹاک سے متعلق معاہدے پر دستخط کریں گے۔ مزید کہا گیا کہ مغربی ممالک کی جانب سے فلسطین کو ریاست کے طور پر تسلیم کرنے کے فیصلے سے صدر ٹرمپ اتفاق نہیں کرتے۔واضح رہے کہ دفتر خارجہ پاکستان پہلے ہی اعلان کرچکا ہے کہ وزیر اعظم شہباز شریف 22 سے 26 ستمبر تک اقوام متحدہ کی جنرل اسمبلی کے اجلاس میں شرکت کریں گے، جہاں امریکی صدر سے ملاقات کا بھی امکان ظاہر کیا گیا تھا۔سیاسی ماہرین کے مطابق یہ ملاقات پاک امریکا تعلقات کی سمت طے کرنے اور خطے میں سفارتی ترجیحات کے تعین میں اہم کردار ادا کرے گی۔

ٹرمپ اورشہبازشریف کی اقوام متحدہ اجلاس کے دوران ملاقات ہوگی، وائٹ ہاؤس کی تصدیق

امریکی صدر عالمی رہنماؤں سے سائیڈ لائن ملاقاتیں کریں گے،اس ہفتے ٹک ٹاک معاہدے پر دستخط بھی متوقع

ایشیا کپ کے سپر فور مرحلے کے فیصلہ کن میچ سے قبل پاکستانی اوپنر صاحبزادہ فرحان کا کہنا ہے کہ ہمیں پورا یقین ہے کہ ٹورنامنٹ کے فائنل میں ایک بار پھر روایتی حریف بھارت سے مقابلہ ہوگا۔سری لنکا کے خلاف میچ سے قبل پری میچ پریس کانفرنس میں گفتگو کرتے ہوئے انہوں نے کہا کہ ہم بھرپور تیاری کے ساتھ میدان میں اتریں گے اور پُر اعتماد ہیں کہ بھارت کے ساتھ دوبارہ فائنل کھیلیں گے۔صاحبزادہ فرحان نے مزید کہا کہ فخر زمان کے دوسرے اینڈ پر بیٹنگ کرنے سے انہیں کھل کر کھیلنے کا حوصلہ ملا۔ بھارت کے خلاف نصف سنچری اسکور کرنے پر اپنے جشن کے بارے میں ان کا کہنا تھا کہ عام طور پر ففٹی پر جشن نہیں مناتا، لیکن اس میچ میں ایک دم خیال آیا اور میں نے سیلیبریشن کی،انہوں نے مسکراتے ہوئے کہا کہ لوگ اس کو جو بھی مطلب دیں، مجھے اس کی پرواہ نہیں۔خیال رہے کہ ایشیا کپ کا فائنل 28 ستمبر کو دبئی میں کھیلا جائے گا، جہاں سپر فور مرحلے کی دو بہترین ٹیمیں ٹائٹل کے لیے آمنے سامنے ہوں گی۔کرکٹ ماہرین کے مطابق اگر پاکستان سری لنکا اوربنگلادیش کو شکست دینے میں کامیاب ہو گیا تو ایشیا کپ کا فائنل ایک بار پھر روایتی حریفوں کے درمیان کرکٹ کے سب سے بڑے معرکے میں بدل جائے گا۔

ہمیں یقین ہے کہ فائنل بھارت سے ہوگا، صاحبزادہ فرحان کا دبنگ اعلان

عام طور پر ففٹی پر جشن نہیں مناتا، لیکن اس میچ میں ایک دم خیال آیا اور میں نے سیلیبریشن کی،ضاحبزادہ فرحان

برطانیہ نے فلسطین کو ایک تاریخی اعزاز دیتے ہوئے لندن میں قائم فلسطینی مشن کے دفتر کو باضابطہ طور پر سفارت خانے کا درجہ دے دیا۔ اس فیصلے کے بعد پہلی مرتبہ فلسطینی پرچم برطانیہ کی سرزمین پر سرکاری طور پر لہرایا گیا۔عالمی خبر رساں اداروں کے مطابق برطانیہ سمیت کئی مغربی ممالک کے فلسطینی ریاست کو تسلیم کرنے کے بعد لندن میں فلسطینی سفارت خانے پر پرچم کشائی کی پروقار تقریب منعقد کی گئی۔تقریب سے خطاب کرتے ہوئے فلسطینی سفیر حسام زملوط نے کہا کہ آج کا دن فلسطینی قومی جدوجہد کی تاریخ کا ایک یادگار موڑ ہے۔ انہوں نے کہا کہ سفارت خانے کا درجہ ملنا محض ایک سفارتی پیشرفت نہیں بلکہ یہ تاریخی ناانصافیوں کی تلافی اور آزادی، وقار اور بنیادی انسانی حقوق پر مبنی مستقبل کے عزم کی تجدید ہے۔انہوں نے مزید کہا کہ برطانیہ کے اس جرات مندانہ اقدام کی اہمیت اس وقت اور بڑھ گئی ہے جب فلسطینی عوام غزہ میں بمباری، بھوک، مغربی کنارے میں ریاستی جبر اور زمینوں کے قبضے کا سامنا کر رہے ہیں۔تقریب میں فلسطینی پرچم کے رنگوں کی معنویت بھی اجاگر کی گئی۔ سفیر کے مطابق سیاہ رنگ غم و الم، سفید رنگ امید، سبز رنگ فلسطین کی سرزمین اور سرخ رنگ عوام کی قربانیوں کی علامت ہے۔سفارتی ماہرین کے مطابق برطانیہ کا یہ فیصلہ نہ صرف فلسطینی عوام کے لیے حوصلہ افزا ہے بلکہ عالمی سطح پر فلسطینی ریاست کو تسلیم کرنے کی مہم کو نئی رفتار دے گا۔

برطانیہ فلسطینی مشن کو سفارت خانہ کا درجہ دینے والا پہلا ملک بن گیا

لندن میں فلسطینی پرچم پہلی بار سرکاری طور پر لہرایا گیا، تقریب میں فلسطینی سفیر کا جذباتی خطاب

جنوبی افریقہ نےدورہ پاکستان کے لیےٹیسٹ ون ڈے اورٹی ٹونٹی اسکواڈز کا اعلان کردیا،دورےمیں جنوبی افریقی ٹیم دو ٹیسٹ تین ون ڈے اور تین ٹی ٹونٹی میچزکی سیریزکھیلے گی۔ اس اعلان کے ساتھ ہی جنوبی افریقہ کے مایہ ناز وکٹ کیپر بیٹر کوئنٹن ڈی کوک نے ون ڈے انٹرنیشنل کرکٹ سے ریٹائرمنٹ واپس لیتے ہوئے وائٹ بال کرکٹ میں شاندار واپسی کرلی ہے۔تفصیلات کے مطابق پروٹیز ٹیم پاکستان کے خلاف دو ٹیسٹ، تین ون ڈے اور تین ٹی ٹوئنٹی میچوں پر مشتمل سیریز کھیلے گی۔ ٹیسٹ ٹیم کی قیادت اوپنر ایڈن مارکرم کریں گے، کیونکہ مستقل کپتان ٹیمبا باووما پنڈلی کی انجری کے باعث دورے سے باہر ہوگئے ہیں۔ کیشو مہاراج ری ہیب مکمل نہ ہونے کے باعث صرف دوسرے ٹیسٹ کے لیے اسکواڈ میں شامل کیے گئے ہیں۔ٹی ٹوئنٹی اسکواڈ کی قیادت تجربہ کار بیٹر ڈیوڈ ملر کے سپرد کی گئی ہے جبکہ ون ڈے انٹرنیشنل ٹیم کے لیے میتھیو بریٹزکی کو عبوری کپتان مقرر کیا گیا ہے۔ سب سے اہم خبر یہ ہے کہ وکٹ کیپر بیٹر کوئنٹن ڈی کوک، جو ورلڈ کپ 2023 کے بعد ون ڈے کرکٹ سے ریٹائر ہوگئے تھے، انہوں نے ریٹائرمنٹ واپس لے لی ہے اور اب وہ پاکستان کے خلاف ون ڈے اور ٹی ٹوئنٹی اسکواڈ کا حصہ ہوں گے۔میڈیا رپورٹس کے مطابق کوئنٹن ڈی کوک نے وائٹ بال کے دونوں فارمیٹس کھیلنے کی خواہش ظاہر کی تھی، جس کے بعد انہیں دوبارہ ٹیم میں شامل کیا گیا ہے۔ یاد رہے کہ ان کا آخری وائٹ بال میچ 2024 کے ٹی ٹوئنٹی ورلڈ کپ کا فائنل تھا جو بارباڈوس میں کھیلا گیا، جہاں جنوبی افریقہ کو بھارت کے ہاتھوں شکست ہوئی تھی۔ٹیسٹ اسکواڈ 7 اکتوبر کو پاکستان روانہ ہوگا جبکہ روانگی سے قبل ٹیم 5 اور 6 اکتوبر کو پریٹوریا میں خصوصی ٹریننگ کرے گی۔ماہرین کرکٹ کا کہنا ہے کہ کوئنٹن ڈی کوک کی واپسی پروٹیز بیٹنگ لائن کو نئی جان بخشے گی اور پاکستان کے خلاف سیریز دونوں ٹیموں کے لیے یادگار ثابت ہوسکتی ہے۔

جنوبی افریقا نے دورہ پاکستان کیلئے ٹیسٹ ون ڈے اور ٹی ٹوئنٹی اسکواڈز کا اعلان کردیا

ریٹائرمنٹ واپس لینے والے کوئنٹن ڈی کوک ون ڈے اور ٹی ٹوئنٹی ٹیم میں شامل، ایڈن مارکرم ٹیسٹ قیادت کریں گے

عدالت نے پی ٹی آئی کے سابق رکن قومی اسمبلی جمشید دستی کو جعلی ڈگری کیس میں سات سال قید کی سزا سنا دی ،سیشن کورٹ ملتان نے جمشید احمد دستی کے خلاف جعلی ڈگری کیس کا فیصلہ سناتے ہوئے انہیں سات برس قید کی سزا سنادی۔ جمشید دستی کے خلاف الیکشن کمیشن نے جعلی ڈگری کا استغاثہ دائر کر رکھا تھا، جمشید دستی نے 2008ء میں مدرسے کی بی اے کی ڈگری پر الیکشن میں حصہ لیا تھا۔عدالت میں الیکشن کمیشن نے مؤقف اختیار کیا کہ جمشید دستی نے 2008ء کے عام انتخابات میں مظفرگڑھ کے حلقہ این اے 178 سے حصہ لیا اور اس موقع پر انہوں نے ایک مدرسے کی بی اے کی ڈگری پیش کی تھی ، تحقیقات کے دوران یہ انکشاف ہوا کہ سندھ ہائر ایجوکیشن کمیشن کے پاس اس ڈگری کا کوئی ریکارڈ موجود نہیں ہے۔استغاثہ کے مطابق جمشید دستی نے حقائق چھپائے اور آئین پاکستان کے آرٹیکل 62 اور 63 کی خلاف ورزی کی، جن کے تحت کسی بھی امیدوار کے لیے صادق اور امین ہونا لازم ہے،  اسی بنیاد پر استغاثہ نے ان کے خلاف کارروائی کی استدعا کی تھی۔ عدالت نے تفصیلی سماعت کے بعد فیصلہ سناتے ہوئے انہیں سات برس قید کی سزا دی اور قرار دیا کہ جعلی ڈگری رکھنے والے شخص کو عوامی نمائندگی کے لیے اہل قرار نہیں دیا جا سکتا۔خیال رہےکہ جمشید احمد دستی کا تعلق ضلع مظفرگڑھ سے ہے اور وہ کئی برس سے ملکی سیاست میں متحرک رہے ہیں، انہوں نے مختلف ادوار میں آزاد حیثیت اور بعد ازاں مختلف سیاسی جماعتوں کے پلیٹ فارم سے انتخابات میں حصہ لیا۔ 2008ء میں پہلی مرتبہ قومی اسمبلی کے رکن منتخب ہوئے اور بعد ازاں عوامی راج پارٹی کے بانی کے طور پر بھی سرگرم رہے، ان کی عوامی مقبولیت زیادہ تر غریب طبقے اور پسماندہ علاقوں میں دیکھی جاتی رہی ہے۔جعلی ڈگری کیس ان کے سیاسی کیریئر پر سب سے بڑا دھبہ سمجھا جاتا ہے،  الیکشن کمیشن نے تحقیقات کے بعد ان کی رکنیت ختم کرائی تھی جبکہ اس مقدمے کی کارروائی کئی برسوں تک چلتی رہی۔ آخرکار سیشن کورٹ ملتان نے فیصلہ سناتے ہوئے انہیں سات برس قید کی سزا سنائی ۔دوسری جانب اپنے سوشل میڈیا اکاؤنٹ پرجاری بیان میںجمشیددستی نے کہا ہے کہ ان کے خلاف یہ کارروائی مخالفین کی سازش ہے اور انہیں جان بوجھ کر انتخابی سیاست سے باہررکھنے کی کوشش کی جا رہی ہے وہ فیصلے کیخلاف اپیل کرینگے اوراپنی بےگناہی ثابت کریں گے۔

عدالت نےجمشید دستی کو جعلی ڈگری کیس میں 7 سال قید کی سزا سنادی

جمشید دستی کے خلاف الیکشن کمیشن نے جعلی ڈگری کا استغاثہ دائر کر رکھا تھا

فخر زمان کے غلط آؤٹ پر پاکستان نے آئی سی سی کو ٹی وی امپائر کی شکایت کردی۔جب میدان پر فیصلے متنازع ہوں، تو سوال صرف اسکور کا نہیں، انصاف کا بھی ہوتا ہے ایشیا کپ کے اہم ترین مقابلے میں ایسا ہی ایک لمحہ فخر زمان کے آؤٹ کی صورت میں سامنے آیا۔ایشیا کپ کے سب سے ہائی وولٹیج میچ میں ایک فیصلے نے ساری توجہ اپنی طرف کھینچ لی۔ پاکستان اور بھارت کے مقابلے میں فخر زمان کا آؤٹ نہ صرف میدان میں تنازع کا سبب بنا بلکہ میچ کے بعد کرکٹ حلقوں میں بھی بحث کا مرکز رہا۔میچ کے دوران ٹی وی امپائر نے فخر زمان کو کیچ آؤٹ قرار دیا، جس فیصلے پر قومی ٹیم کے کھلاڑی اور مینجمنٹ سخت نالاں دکھائی دی۔اب اس حوالے سے پیشرفت ہوئی ہے میڈیا رپورٹس کے مطابق پی سی بی نے ایشیا کپ میں بھارت کے خلاف میچ کے دوران فخر زمان کو متنازع آؤٹ دینے پر آئی سی سی سے ایمپائر کی شکایت کر دی۔ ذرائع کے مطابق پی سی بی نے ایمپائر کے خلاف انکوائری کا مطالبہ بھی کیا ہے۔میچ کے بعد ٹیم منیجر نوید اکرم چیمہ نے ریفری اینڈی پائی کرافٹ کو اس فیصلے پر اپنے تحفظات سے آگاہ کیا، جبکہ کپتان کی آفیشل رپورٹ میں بھی امپائرنگ کے اس فیصلے کو اجاگر کیا گیا ہے۔ بتایا جاتا ہے کہ سری لنکا سے تعلق رکھنے والے ٹی وی امپائر روچیرا پالیاگروگے نے یہ متنازع فیصلہ دیا جس نے میچ کا رخ بدل دیا۔فخر زمان اُس وقت 15 رنز بنا کر کھیل رہے تھے اور پاکستان کا اسکور 21 پر تھا،جب بھارتی وکٹ کیپر نے زمین سے گیند پکڑا اور اپیل کی جس پر تھرڈ امپائر نے آوٹ دیا، تھرڈ امپائر کے غلط فیصلے کی وجہ سے پاکستانی ٹیم کو نقصان ہوا۔ آؤٹ دیے جانے کے بعد ڈریسنگ روم واپس جا کر انہوں نے ہیڈ کوچ کے ساتھ فیصلے پر ناراضی کا اظہار کیا۔میچ کے بعد پریس کانفرنس میں کپتان سلمان علی آغا نے کہا کہ انہیں لگا گیند زمین پر لگی تھی، لیکن امپائر کا فیصلہ حتمی ہوتا ہے۔ انہوں نے تسلیم کیا کہ یہ فیصلہ شاید درست نہ ہو، مگر ٹیم نے امپائرز کے فیصلے کا احترام کیا۔یاد رہے کہ فخر زمان کو متنازع آؤٹ دینے والے ٹی وی امپائر نے رواں ٹورنامنٹ میں پہلے پاک بھارت میچ میں بھی پاکستان کیخلاف ایل بی ڈبلیو کے تین غلط فیصلے دیے تھے جو ریویو میں واپس ہوئے۔اتوار کو پاکستان اور بھارت کے درمیان ہونے والے ایشیا کپ سپر فور مرحلے کے میچ میں سری لنکا سے تعلق رکھنے والے امپائر روچیرا پلیاگروگے کو بطور تھرڈ امپائر ذمہ داریاں دی گئی تھیں۔فخر زمان کا آؤٹ محض ایک وکٹ نہیں، ایک ایسا فیصلہ تھا جس نے نہ صرف پاکستانی شائقین کے دل میں بےچینی پیدا کی بلکہ امپائرنگ کے معیار پر بھی ایک بار پھر سوال کھڑا کر دیا۔

پاکستان نےآئی سی سی سے فخر زمان کے متنازع آؤٹ پر باقاعدہ شکایت کردی

امپائر نے پہلے میچ میں بھی ایل بی ڈبلیو کے تین غلط فیصلے دیے تھے جو ریویو میں واپس ہوئے تھے

بالی ووڈ کے معروف اداکار سنجے دت، جنہیں مداح پیار سے’سنجو بابا‘ کے نام سے یاد کرتے ہیں، نے ممبئی میں اپنے پہلے ریسٹورنٹ کا شاندار افتتاح کر دیا۔ یہ نیا وینچر نہ صرف ان کے بزنس کی دنیا میں انٹری کا نشان ہے بلکہ ایونٹ کے دوران ان کا منفرد اسٹائل بھی سوشل میڈیا پر موضوعِ گفتگو بن گیا۔افتتاحی تقریب میں سنجے دت نے ایک رَگڈ اسٹائل جیکٹ اور ڈینم جینز پہن رکھی تھی، جس نے ان کی انٹری کو اور بھی شاندار بنا دیا۔ مداحوں نے ان کےلُک کو’شو کا اصل ہائی لائٹ‘ قرار دیا اور لانچ کے چند ہی گھنٹوں بعد ان کی تصاویر اور ویڈیوز مختلف پلیٹ فارمز پر وائرل ہو گئیں۔ریسٹورنٹ کا ڈیزائن سنجے دت کی شخصیت کی طرح دلکش اور پرکشش ہے، جس میں جدید طرزِ تعمیر اور جاندار ماحول کو یکجا کیا گیا ہے۔ یہاں بھارتی اور بین الاقوامی کھانوں کا امتزاج پیش کیا جائے گا، جو اسے ممبئی کے نئے کلینری ہاٹ اسپٹ میں تبدیل کر سکتا ہے۔تقریب میں انڈسٹری کے دوستوں، قریبی ساتھیوں اور مداحوں کی بڑی تعداد نے شرکت کی۔ یہ لمحہ سنجے دت کے لیے اس بات کا ثبوت تھا کہ وہ صرف سلور اسکرین پر ہی نہیں بلکہ بزنس اور اسٹائل کے میدان میں بھی ٹرینڈ سیٹر ہیں۔سنجے دت کا یہ قدم فلموں کے ساتھ ساتھ ہاسپیٹیلٹی انڈسٹری میں بھی ان کا نیا انداز سامنے لاتا ہے۔

سنجے دت نے ممبئی میں پہلا ریسٹورنٹ لانچ کردیا، جیکٹ کا اسٹائل سوشل میڈیا پر وائرل

سنجو بابا کی اسٹائلش جیکٹ اور ڈینم کے ساتھ انٹری، لانچ ایونٹ کی تصویریں اور ویڈیوز انٹرنیٹ پر چھا گئیں

ملک میں ٹیکس نیٹ سے باہر یا کم ٹیکس دینے والے جیولرز کے خلاف بڑے پیمانے پر کارروائی کا فیصلہ کر لیا گیا ہے۔ میڈیا رپورٹس کے مطابق فیڈرل بورڈ آف ریونیو (ایف بی آر) نے اس سلسلے میں 60 ہزار سے زائد جیولرز کا ڈیٹا اکٹھا کر لیا ہے، جس سے یہ انکشاف ہوا کہ ملک بھر میں تقریباً 57 ہزار سے زائد جیولرز میں سے صرف 21 ہزار رجسٹرڈ ہیں، جبکہ ان میں بھی محض 10 ہزار سے کچھ زائد افراد نے اپنے ٹیکس ریٹرنز جمع کرائے ہیں۔ بیشتر جیولرز پر آمدن کم ظاہر کرنے اور ٹیکس چوری کے الزامات سامنے آئے ہیں۔ذرائع کے مطابق کارروائی کے پہلے مرحلے میں پنجاب کے 900 جیولرز کی فہرست مرتب کی گئی ہے جن کا تعلق لاہور، راولپنڈی، فیصل آباد اور ملتان سے ہے۔ ان دکانداروں کے ٹیکس ریٹرنز ان کی اصل آمدن، کاروباری حجم اور طرزِ زندگی سے میل نہیں کھاتے۔ صرف وفاقی دارالحکومت کی ایک مارکیٹ میں ہی درجنوں ایسے جیولرز پائے گئے ہیں جو یا تو ٹیکس نیٹ میں شامل نہیں یا اپنی کمائی کو چھپا کر کم ٹیکس ادا کر رہے ہیں۔ایف بی آر کا مؤقف ہے کہ ایماندار تاجروں کو ہراساں کرنے کے بجائے صرف ان افراد کے خلاف کارروائی ہوگی جو جان بوجھ کر ٹیکس چوری کرتے ہیں۔ ادارے کے مطابق ملک کی معیشت کو بہتر بنانے اور شفافیت لانے کے لیے تمام شعبوں کو ٹیکس نیٹ میں لانا ناگزیر ہے۔ماہرین کے مطابق اگر اس اقدام کو مؤثر انداز میں نافذ کیا گیا تو نہ صرف جیولری مارکیٹ میں ٹیکس چوری کم ہو گی بلکہ قومی خزانے کی آمدن میں بھی نمایاں اضافہ ممکن ہو سکے گا۔

ٹیکس چوری کے خلاف ایف بی آرنے بڑی کارروائی کرنے کافیصلہ کرلیا، 60 ہزار جیولرز کا ڈیٹا جمع

زیورات کے کاروبار سے وابستہ ہزاروں جیولرز کا رہن سہن اور دکانیں ٹیکس ریٹرنز سے میل نہیں کھاتیں،ایف بی آر حکام

مشرقِ وُسطیٰ میں جاری کشیدگی کے تناظر میں چین نے ایک بار پھر فلسطین کے مؤقف کی بھرپور حمایت کرتے ہوئے عالمی برادری سے اپیل کی ہے کہ فلسطین کو اقوام متحدہ کی مکمل رکنیت دی جائے۔ بیجنگ کا کہنا ہے کہ اسرائیلی اقدامات نہ صرف انسانی بحران کو بڑھا رہے ہیں بلکہ دو ریاستی حل کے راستے میں بھی بڑی رکاوٹ بنے ہوئے ہیں۔بین الاقوامی میڈیا کے مطابق چینی وزیر خارجہ وانگ یی نے کہا ہے کہ چین غزہ میں فوری جنگ بندی اور دیرپا امن کے قیام کے لیے پرعزم ہے۔ ان کا کہنا تھا کہ گزشتہ دو برسوں سے جاری غزہ جنگ نے سنگین انسانی بحران کو جنم دیا ہے، جبکہ اسرائیلی اقدامات نہ صرف بین الاقوامی قوانین کی خلاف ورزی ہیں بلکہ دو ریاستی حل کو بھی شدید خطرات سے دوچار کر رہے ہیں۔وانگ یی کا کہنا تھا کہ اسرائیل فلسطین تنازع کے حل کے لیے عالمی برادری کو 3 ناگزیر اقدامات پر عمل کرنا چاہیے جس میں غزہ میں فوری جامع جنگ بندی، فلسطینیوں کی اپنے علاقے پر حکمرانی اور دو ریاستی حل کو مضبوطی سے قائم رکھنا شامل ہے۔انہوں نے مزید کہا کہ عالمی برادری دوریاستی حل کے تحت فلسطین کی اقوام متحدہ میں مکمل رکنیت کی حمایت بھی کرے۔یہ بیان ظاہر کرتا ہے کہ چین نہ صرف فلسطینی ریاست کے قیام کی کھل کر حمایت کر رہا ہے بلکہ عالمی سیاست میں اپنی سفارتی حیثیت کو بھی مزید مستحکم کرنے کی کوشش کر رہا ہے۔

چین نے اقوام متحدہ میں فلسطین کی رکنیت کیلئے عالمی حمایت کی اپیل کردی

اسرائیلی اقدامات دو ریاستی حل اور خطے کے استحکام کیلئے خطرہ ہیں،چینی وزیر خارجہ

اسلام آباد کی انسدادِ دہشت گردی عدالت نے جوڈیشل کمپلیکس حملہ کیس میں پاکستان تحریک انصاف (پی ٹی آئی) کے رہنما اور سابق اسپیکر قومی اسمبلی اسد قیصر کے ناقابلِ ضمانت وارنٹ گرفتاری جاری کر دیے۔ عدالت نے حکم دیا کہ انہیں گرفتار کرکے پیش کیا جائے۔کیس کی سماعت جج طاہر عباس سپرا نے کی، جس دوران پرویز الہٰی، اسد عمر اور شبلی فراز کی حاضری سے استثنا کی درخواستیں منظور کر لی گئیں۔ عدالت نے مزید کارروائی کے لیے کیس کو 6 اکتوبر تک ملتوی کر دیا۔عدالتی ریکارڈ کے مطابق اس کیس میں عمران خان سمیت دیگر پی ٹی آئی رہنماؤں کے خلاف بھی تھانہ سی ٹی ڈی میں مقدمہ درج ہے۔ سماعت کے دوران پرویز الہٰی کی جانب سے سردار محمد رزاق ایڈووکیٹ جبکہ دیگر رہنماؤں کی طرف سے وکلاء کی ٹیم عدالت میں پیش ہوئی۔

جوڈیشل کمپلیکس حملہ کیس میں اسد قیصر کے ناقابلِ ضمانت وارنٹ گرفتاری جاری

عدالت نےپرویز الہٰی، اسد عمر اور شبلی فراز کی حاضری سے استثنیٰ کی درخواستیں منظور کرلیں

بین الاقوامی سیاست میں ایک اہم پیش رفت سامنے آئی ہے،برطانیہ، کینیڈا اور آسٹریلیا کے بعد اب پرتگال نے بھی فلسطین کو باضابطہ طور پر ایک آزاد ریاست کے طور پر تسلیم کرنے کا اعلان کردیا ہے۔ پرتگالی وزیر خارجہ پاولو رینجل نے نیویارک میں صحافیوں سے گفتگو کرتے ہوئے کہا کہ فلسطین کی ریاست کو تسلیم کرنا پرتگال کی مستقل اور بنیادی خارجہ پالیسی کا حصہ ہے۔انہوں نے واضح کیا کہ خطے میں پائیدار اور دیرپا امن کے لیے’دو ریاستی حل‘ ہی واحد راستہ ہے۔ پاولو رینجل نے اس بات کا اعتراف بھی کیا کہ فلسطینی ریاست کو تسلیم کرنے کا فیصلہ غزہ میں جاری انسانی بحران کو فی الفور ختم نہیں کرسکتا، تاہم فوری جنگ بندی ناگزیر ہے۔پرتگالی وزیر خارجہ نے کہا کہ ہم غزہ میں جنگ کے فوری خاتمے کے حامی ہیں اور حماس کو کسی بھی علاقے پر کنٹرول نہیں ہونا چاہیے۔ انہوں نے یرغمال بنائے گئے تمام افراد کی رہائی کا مطالبہ کرتے ہوئے غزہ میں بھوک، تباہی اور مغربی کنارے میں اسرائیلی بستیوں کے پھیلاؤ کی شدید مذمت کی۔خیال رہے کہ اس سے قبل برطانیہ، کینیڈا اور آسٹریلیا بھی فلسطین کو ریاست کے طور پر تسلیم کرنے کا اعلان کرچکے ہیں۔ برطانوی وزیراعظم سر کیئر اسٹارمر نے اپنے ویڈیو پیغام میں فلسطین کو تسلیم کرنے کا باضابطہ اعلان کیا تھا۔ کینیڈین وزیراعظم مارک کارنی نے بھی سوشل میڈیا پر کہا تھا کہ کینیڈا فلسطین کو تسلیم کرتا ہے اور اس کے پرامن مستقبل کی تعمیر میں شراکت کرے گا۔ آسٹریلوی حکومت نے اپنے اعلان میں مؤقف اختیار کیا کہ فلسطینی ریاست کو تسلیم کرنا دو ریاستی حل کے عالمی عمل کا اہم حصہ ہے اور مستقبل میں فلسطین کے ساتھ سفارتی تعلقات اور سفارتخانوں کے قیام پر غور کیا جائے گا۔پرتگال کا یہ فیصلہ نہ صرف فلسطینی عوام کے حقِ خودارادیت کی حمایت ہے بلکہ اس سے یہ اشارہ بھی ملتا ہے کہ عالمی سطح پر اب دو ریاستی حل کے مطالبے کو مزید تقویت مل رہی ہے۔ تاہم اصل امتحان اس وقت شروع ہوگا جب یہ اعلانات عملی اقدامات میں ڈھلیں گے اور فلسطینی عوام کو حقیقی امن اور آزادی نصیب ہوگی۔

برطانیہ، کینیڈا اور آسٹریلیا کے بعد پرتگال نے بھی فلسطین کو ریاست تسلیم کرنے کا اعلان کردیا

دو ریاستی حل ہی خطے میں مستقل امن کی ضمانت ہے، غزہ میں فوری جنگ بندی ناگزیر ہے،پرتگالی وزیر خارجہ

ایشیا کپ سپر فور کے دبئی اسٹیڈیم میں جہاں ایک طرف بیٹ اور بال کی جنگ جاری تھی، وہیں دوسری طرف ایک اور مقابلہ شائقین اور کھلاڑی کے درمیان دیکھنے کو ملا۔ بھارتی فینز کے جملوں کا سامنا کرنے والے حارث رؤف نے ایسا جواب دیا کہ پورا سوشل میڈیا گونج اُٹھا۔ایشیا کپ کے سپر فور مرحلے کے دوسرے میچ میں بھارت نے پاکستان کو 6 وکٹوں سے شکست دے دی، لیکن اس میچ کی اصل کہانی اسکور بورڈ سے زیادہ حارث رؤف کی جرات مندی رہی۔بھارت کے خلاف بیٹنگ کے دوران جب حارث رؤف باؤنڈری لائن پر فیلڈنگ کر رہے تھے تو بھارتی شائقین نے انہیں ’کوہلی کوہلی‘ کے نعروں سے اشتعال دلانے کی کوشش کی۔ تاہم فاسٹ بولر نے روایتی انداز میں جواب دینے کے بجائے اپنی مخصوص اسٹائل میں بھرپور پیغام دیا۔ حارث نے ہاتھ کی انگلیوں سے ’سِکس۔زِیرو‘کا نشان بنایا اور جہاز گرنے کا اشارہ دے کر بھارتی فینز کو پاک فضائیہ کی تاریخی برتری یاد دلادی، حارث روف نے ہاتھ کے اشارے میں بھارتی رافیل جنگی جہاز گرائے جانے کی نقل بھی اتاری۔گراؤنڈ میں موجود پاکستانی تماشائیوں نے بھی اس موقعے پر رافیل رافیل کے نعرے لگائے۔یہ لمحہ چند ہی لمحوں میں سوشل میڈیا پر وائرل ہوگیا، جہاں صارفین نے دلچسپ اور طنزیہ تبصرے شروع کر دیے۔ ایک صارف نے ویڈیو شیئر کرتے ہوئے لکھا’رافیل طیاروں کے گرنے کی بہترین یاد دہانی‘۔ ایک اور نے کہا ’سِکس۔زِیرو‘لاجواب ہے۔ صرف ایک دو نہیں بلکہ درجنوں صارفین نے اس اشارے کو بہادری اور دلیری کی علامت قرار دیا اور بھارتی تماشائیوں کے لیے کرارا جواب کہا۔واضح رہے کہ مئی میں پاک فضائیہ کے ایئروائس مارشل اورنگزیب احمد نے بھارت کے چھ طیارے گرائے جانے کے بعد کہا تھا کہ بھارت کے خلاف فضائی معرکہ پاکستان نے ’سِکس۔زِیرو‘سے جیتا ہے۔اس منفرد موقع پر وزیر دفاع خواجہ آصف بھی خاموش نہ رہے۔ انہوں نے پنجابی زبان میں ایکس پر لکھا:"حارث رؤف ٹھیک ٹکر یا، کم چک کے رکھ۔"ساتھ ہی مزید کہا: "کرکٹ میچ تے ہوندے رہندے نیں، پر ’سِکس۔زِیرو‘تے قیامت تک بھارت نہیں بھولے گا اور دنیا بھی یاد رکھے گی۔یوں یہ میچ صرف ایک کرکٹ مقابلہ نہیں بلکہ ایک تاریخی اشارے کی بدولت ہمیشہ کے لیے یادگار بن گیا۔

ایشیا کپ، بھارت کے خلاف میچ میں حارث رؤف کا بھارتی شائقین کو 0-6 کا انوکھا جواب وائرل

حارث رؤف چھا گئے،بھارتی فینز کے ہوٹ کرنے پرفاسٹ بولر نے رافیل طیاروں کے گرنے کی یاد تازہ کردی

امریکہ میں کورونا ویکسین سے متعلق پالیسی میں بڑی تبدیلی کردی گئی ہے، ویکسین اب ہر شہری کے لیے عمومی طور پر تجویز نہیں کی جائے گی۔امریکی بیماریوں پر قابو پانے اور بچاؤ کے ادارے (CDC) کے مشاورتی پینل نے اعلان کیا ہے کہ اب کورونا ویکسین صرف’مشترکہ فیصلہ سازی‘کے تحت لگائی جائے گی۔ اس فیصلے کے بعد ویکسین لگوانے یا نہ لگوانے کا فیصلہ شہری اپنے معالج یا ہیلتھ کیئر پرووائیڈر سے مشورہ کر کے کریں گے۔یہ فیصلہ دراصل ویکسین کے لیے دی جانے والی وسیع اور عمومی سفارش کو ختم کرتا ہے، تاہم ویکسین تک رسائی محدود نہیں ہوگی۔ پینل کے مطابق کورونا ویکسین اب بھی ہیلتھ انشورنس کے ذریعے شہریوں کو دستیاب رہے گی۔یاد رہے کہ ماضی میں امریکہ میں ہر فرد کے لیے ویکسین لگوانے کی وسیع سفارش موجود تھی، لیکن اب صرف مخصوص افراد یا وہ لوگ جو اپنے ڈاکٹر کے مشورے سے اسے ضروری سمجھیں گے، وہی ویکسین لگوائیں گے۔امریکی ماہرین کا کہنا ہے کہ اس فیصلے کا مقصد ویکسین کے حوالے سے اعتماد بڑھانا اور لوگوں کو اپنی صحت کے بارے میں ذاتی طور پر باخبر فیصلے کرنے کا اختیار دینا ہے۔

امریکا میں کورونا ویکسین سے متعلق پالیسی میں بڑی اور اہم تبدیلی کردی گئی

اب ویکسین صرف ڈاکٹر سے مشورے کے بعد ہی لگائی جائے گی، امریکی مشاورتی پینل کا فیصلہ

ایشیا کپ ٹی ٹوئنٹی کے سپر فور مرحلے کے سب سے بڑے ٹاکرے میں روایتی حریف پاکستان اور بھارت ایک بار پھر آمنے سامنے آئے، جہاں شائقین کرکٹ نے دبئی انٹرنیشنل اسٹیڈیم میں ایک سنسنی خیز مقابلے کی امید باندھ رکھی تھی۔ تاہم بھارتی بیٹسمینوں نے شاندار بلے بازی کرتے ہوئے میچ کو یکطرفہ بنا دیا۔ایشیا کپ ٹی ٹوئنٹی کے سپر فور مرحلے کے دوسرے میچ میں بھارت نے پاکستان کوباآسانی 6  وکٹوں سے شکست دے دی۔پاکستان کی جانب سے دیا جانے والا172 رنز کا ہدف بھارت نے 4 وکٹوں کے نقصان پر سات گیندیں قبل ہی حاصل کر لیا۔بھارت کی جانب سے شبمن گل نے 47 اور ابھشیک شرما نے 74 رنز کی شاندار اننگز کھیلی۔ دبئی انٹرنیشنل کرکٹ اسٹیڈیم میں ہونیوالے ایونٹ کے سپر فور کے ہائی وولٹیج ٹاکرے میں بھارتی کرکٹ ٹیم کے کپتان سوریا کمار یادیو نے ٹاس جیت کر پاکستانی کپتان سلمان علی آغا کو بیٹنگ کی دعوت دی تھی۔پہلے بیٹنگ کرتے ہوئے پاکستان نے مقررہ 20 اوورز میں 5 وکٹوں کے نقصان پر 171 رنز بنائے، صاحبزادہ فرحان 58 رنز کیساتھ نمایاں رہے۔صائم ایوب21، فخرزمان 15رنز بناکر آؤٹ ہوئے۔ حسین طلعت نے11 گیندوں پر 10 رنز بنائے۔ محمد نواز19 گیندوں پر 21 رنز بناکر آؤٹ ہوئے۔ سلمان علی آغا 13 گیندوں پر 17رنز بناسکے، فہیم اشرف نے8گیندوں پر20رنز کی جارحانہ اننگز کھیلی۔بھارت کی جانب سے ہارڈک پانڈیا اور کلدیپ یادیو نے ایک،ایک جبکہ شوام ڈوبے نے 2کھلاڑیوں کو آؤٹ کیا۔172 رنز کے ہدف کے تعاقب میں بھارت کی جانب سے اننگز کا آغاز ابھیشیک شرما اور شبمن گل نے کیا اور اوپنر ابھشیک شرما نے شاہین شاہ آفریدی کو پہلی ہی گیند پر شاندار چھکا لگایا ،ابھیشیک شرما نے 39 گیندوں پر 74 رنز کی جارحانہ اننگز کھیلی، شبمن گِل نے 28 گیندوں پر 47 رنز اسکور کیے۔ سوریا کمار یادیو صفر، سنجو سیمسن 13 رنز بناسکے جب کہ تلک ورما 30 اور ہاردک پانڈیا 7 رنز بنا کر ناٹ آؤٹ رہے۔پاکستان کی جانب سے حارث رؤف نے 2، فہیم اشرف اور ابرار احمد نےایک ایک کھلاڑی کو آؤٹ کیا۔شاندار بلےبازی پر ابھیشیک شرما میچ کے بہترین کھلاڑی قرار پائے۔یادرہےکہ اس سے پہلےگروپ میچ میںبھی بھارت نےپاکستان کو7 وکٹ سے شکست دی تھی۔بھارت کی اس فتح کے ساتھ پاکستان کے لیے سپر فور مرحلے میں مشکلات مزید بڑھ گئی ہیں، جبکہ بھارتی ٹیم فائنل تک رسائی کی مضبوط امیدوار بن کر ابھری ہے۔

ایشیا کپ سپر فور مرحلہ،بھارت نےباآسانی پاکستان کو 6 وکٹوں سے شکست دیدی

پاکستان کادیاگیا 172 رنز کا ہدف بھارتی ٹیم نے 19 ویں اوورز میں 4 وکٹوں کے نقصان پر حاصل کرلیا

India sets up 189 target for Oman in Abu Dhabi. They are playing the last match of Group A after securing top position in the points table.

India Piles Up 188 Runs in Match Against Oman

India has posted a strong total of 188 against Oman in the last group stage game of the ACC Men&rsquo;s Asia Cup 2025. The defending champions took advantage of Samson&rsquo;s fifty, while multiple late-order cameos also helped them to put on a commanding total on the scoreboard. In a great show of skills, the Oman bowlers kept things tight and took regular wickets to keep India under 200.

After winning the toss at Abu Dhabi, India decided to bat first against Oman. They made two changes to the squad by including Arshdeep Singh and Harshit Rana in place of Jasprit Bumrah and Varun Chakravarthy. The management specifically decided to rest Bumrah for today&rsquo;s game, as they need the ace Indian bowler fully fit for the Super Four matches.

Coming out to bat, India started off well. Abhishek Sharma took down the Oman bowlers in an aggressive way. However, the disappointing run of Shubman Gill at the top continued. An absolute ripper from Shah Faisal did the demolition job for Gill, as once again, he looked uncomfortable. The Indian vice-captain got out after scoring just 5 runs.

However, the wicket of Gill didn&rsquo;t change Abhishek&rsquo;s plan. He came to the crease to utilize Powerplay, as most of his game is based on that. He played freely during the first six overs, giving India a strong total of 60 at the end of the Powerplay.

But after the completion of that, things became difficult for him. He got out cheaply after nicking the outside length delivery. Ramanandi picked up this crucial wicket, ensuring India do not fly away on the back of Powerplay runs.

Sanju Samson, however, played a steady knock for India. He came out to bat at 3 today in place of Suryakumar Yadav. Sanju understood the changing condition of the pitch, as it was becoming a bit slow and harder to bat on. He didn&rsquo;t try to slog the ball all the way, instead, tried to play every over according to merit. Due to this, he made a steady fifty and guided India to put on a strong total at the end.

The other Indian batters couldn&rsquo;t perform big in the 1st innings. There were short cameos from some batters that gave India much needed momentum at the end. The innings of Tilak Varma proved to be good, as he hit 2 big sixes at the end. He finished off by scoring quick 29 runs in the middle.

On the back of Samson&rsquo;s fifty and late order cameos, India has now posted 188 on the board. They are looking confident to defend this score, as chasing it in the slow Abu Dhabi wicket would definitely be a tough challenge for Oman batters.

India Scores 188 Against Oman at Abu Dhabi Clash

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan