Cricket

Entertainment

Football

جسٹن ٹروڈو اور کیٹی پیری کی قربتوں کے چرچے۔۔ مونٹریال کی خفیہ ملاقات نے ہلچل مچا دی۔تفصیلات کے مطابق کینیڈا کے سابق وزیراعظم جسٹن ٹروڈو اور امریکی گلوکارہ کیٹی پیری کے درمیان قریبی تعلقات کی افواہیں ان دنوں عالمی میڈیا میں خبروں کی زینت بنی ہوئی ہیں۔غیر ملکی رپورٹس کے مطابق دونوں شخصیات کو کینیڈا کے شہر مونٹریال میں ایک مشہور اور پرتعیش ریسٹورنٹ میں ایک ساتھ دیکھا گیا، جس کے بعد سوشل میڈیا اور میڈیا پلیٹ فارمز پر چہ مگوئیاں شروع ہو گئیں۔دی گارجین میں شائع ہونے والی ایک رپورٹ میں بتایا گیا ہے کہ مونٹریال کے ایک مقامی عہدیدار نے اس بات کی تصدیق کی ہے کہ جسٹن ٹروڈو اور کیٹی پیری نے حالیہ دنوں میں ایک ساتھ کھانے کا اہتمام کیا۔ رپورٹ کے مطابق دونوں نے تقریباً دو گھنٹے ایک ساتھ گزارے، کاک ٹیلز سے ملاقات کا آغاز کیا اور پھر ٹونا، لوبسٹر اور ایسپراگس سمیت کئی لذیذ پکوانوں سے لطف اندوز ہوئے۔امریکی میڈیا پر شائع ہونے والی ایک تصویرنے افواہوں کو مزید ہوا دی۔ جس میں دونوں کو ریسٹورنٹ میں موجود دیکھا جا سکتا ہے۔ اس تصویر کے بعد قیاس آرائیاں کی جا رہی ہیں کہ دونوں کے درمیان دوستی سے بڑھ کر کوئی تعلق موجود ہو سکتا ہے، اگرچہ تاحال نہ جسٹن ٹروڈو، نہ کیٹی پیری اور نہ ہی ریسٹورینٹ انتظامیہ نے اس ملاقات پر کوئی باضابطہ بیان جاری کیا ہے۔دلچسپ پہلو یہ ہے کہ دونوں شخصیات حال ہی میں اپنی سابقہ محبتوں سے علیحدہ ہو چکی ہیں۔ کیٹی پیری نے رواں ماہ اپنے دیرینہ ساتھی، ہالی وڈ اداکار اور منگیتر اورلینڈو بلوم سے کئی برس کے تعلق کے بعد راہیں جدا کر لی ہیں۔ اسی طرح جسٹن ٹروڈو نے اگست 2023 میں اپنی اہلیہ صوفی گریگوار سے 18 سالہ ازدواجی تعلق ختم کرنے کا اعلان کیا تھا۔اس ملاقات کے بعد دنیا بھر میں مداح دونوں شخصیات کے ممکنہ رومانوی تعلق کے بارے میں جاننے کے لیے بیتاب ہیں، تاہم سچائی کیا ہے، یہ وقت ہی بتائے گا۔

کینیڈا کے سابق وزیراعظم کی امریکی گلوکارہ کے ساتھ ڈیٹ کی افواہیں، تصویر منظر عام پر

امریکی میڈیا پر شائع ہونے والی ملاقات کی تصاویر نے بھی دونوں کے درمیان افیئرز کی افواہوں کو ہوا دی

کراچی کے علاقے ڈیفنس فیز 6 میں پیش آنے والے افسوسناک واقعے میں معروف قانون دان خواجہ شمس الاسلام فائرنگ سے جان کی بازی ہار گئے، جب کہ ان کے بیٹے دانیال شمس شدید زخمی ہو گئے۔پولیس کے مطابق واقعہ اس وقت پیش آیا جب خواجہ شمس الاسلام ڈیفنس کی مسجد قرآن اکیڈمی میں تاجر مزمل پراچہ کی نماز جنازہ میں شرکت کے لیے آئے تھے۔ فائرنگ مسجد کے باہر اُس وقت ہوئی جب وہ نماز کے بعد واپس نکل رہے تھے۔عینی شاہدین کا کہنا ہے کہ حملہ آور نے شلوار قمیص پہن رکھی تھی اور چہرے پر ماسک لگا رکھا تھا۔ وہ پہلے سے موقع پر موجود تھا اور جیسے ہی خواجہ شمس الاسلام مسجد سے باہر آئے، اُس نے قریب آ کر فائرنگ شروع کر دی۔گولیاں لگنے سے سینئر وکیل شدید زخمی ہوئے، جنہیں فوری طور پر اسپتال منتقل کیا گیا، مگر وہ جانبر نہ ہو سکے۔ ان کا بیٹا دانیال بھی فائرنگ سے زخمی ہوا اور اُسے طبی امداد فراہم کی جا رہی ہے۔پولیس اور دیگر قانون نافذ کرنے والے ادارے واقعے کی مختلف پہلوؤں سے تفتیش کر رہے ہیں جبکہ جائے وقوعہ سے شواہد بھی جمع کیے جا رہے ہیں۔ ابتدائی طور پر واقعے کو ٹارگٹڈ حملہ قرار دیا جا رہا ہے، تاہم تحقیقات جاری ہیں۔

کراچی ڈیفنس میں فائرنگ، معروف وکیل خواجہ شمس الاسلام جاں بحق، بیٹا زخمی

قرآن اکیڈمی مسجد کے باہر حملہ آور نے ماسک پہن کر نشانہ بنایا، قانون نافذ کرنے والے ادارے تحقیقات میں مصروف

سندھ ہائیکورٹ نے کے الیکٹرک کے سی ای او مونس علوی کے خلاف سابق خاتون افسر کی جانب سے دائر ہراسانی کیس میں صوبائی محتسب کے فیصلے کو معطل کر دیا۔ عدالت نے ابتدائی سماعت میں مذکورہ حکم کو عارضی طور پر معطل کرتے ہوئے تمام متعلقہ فریقین کو نوٹس جاری کیے ہیں اور 8 اگست تک جواب طلب کر لیا ہے۔یہ مقدمہ ایک خاتون کی جانب سے ہراسانی کی شکایت پر دائر کیا گیا تھا، جس کے بعد صوبائی محتسب نے مونس علوی کو عہدے سے ہٹانے اور جرمانہ عائد کرنے کا فیصلہ سنایا تھا۔ تاہم، مونس علوی نے اس فیصلے کو سندھ ہائیکورٹ میں چیلنج کیا۔عدالت نے سماعت کے دوران وکیل سے استفسار کیا کہ صوبائی محتسب کو کس قانون کے تحت یہ اختیار حاصل ہے؟ مونس علوی کے وکیل کا کہنا تھا کہ کے الیکٹرک ایک بین الصوبائی کمپنی ہے، جو صرف سندھ نہیں بلکہ بلوچستان کے علاقوں جیسے حب، لسبیلہ اور وندر کو بھی بجلی فراہم کرتی ہے، لہٰذا اس کیس پر وفاقی محتسب کا دائرہ اختیار بنتا ہے، صوبائی محتسب کا نہیں۔عدالت نے سوال اٹھایا کہ کیا واقعی یہ کیس صرف وفاقی سطح پر سنا جا سکتا ہے؟ مزید دلائل سننے کے بعد عدالت نے نہ صرف مونس علوی کو برطرف کرنے کا حکم عارضی طور پر معطل کر دیا بلکہ ان پر عائد 25 لاکھ روپے جرمانے کی رقم ناظر سندھ ہائیکورٹ کے پاس جمع کرانے کی ہدایت بھی کی۔عدالت نے شکایت کنندہ خاتون، صوبائی محتسب اور دیگر فریقین کو بھی نوٹس جاری کرتے ہوئے آئندہ سماعت 8 اگست کو مقرر کر دی۔

کے الیکٹرک کے سی ای او مونس علوی کو عہدے سے ہٹانے کا حکم عارضی طور پر معطل

سندھ ہائیکورٹ نے صوبائی محتسب کے فیصلے پر عملدرآمد روکتے ہوئے فریقین سے 8 اگست تک جواب طلب کرلیا

واشنگٹن (این این آئی)امریکی صدر ڈونلڈ ٹرمپ نے کہا ہے کہ ایران کی ایٹمی طاقت بننے کی صلاحیت ختم کردی ہے، اگر امریکہ کارروائی نہ کرتا تو ایران کچھ ہفتوں میں ایٹمی طاقت بن سکتا تھا۔وائٹ ہائوس میں ریسلر ٹرپل ایچ اور دیگر کے ہمراہ تقریب سے خطاب میں صدر ٹرمپ نے کہا کہ غزہ کی صورتحال خوفناک ہے، جس کے لیے اقدامات اٹھا رہے ہیں۔تقریب سے خطاب کے دوران امریکی صدر کا کہنا تھا کہ کینیڈا نے فلسطین کو ریاست تسلیم کرنے سے متعلق اعلان کرکے اچھا نہیں کیا، فلسطینی ریاست پر کینیڈا کا موقف ڈیل بریکر نہیں۔روس کے حوالے سے صدر ٹرمپ نے کہا کہ روس یوکرین میں جو کچھ کر رہا ہے وہ بالکل قابل مذمت ہے اور اب یہ جنگ اب رک جانی چاہیے۔ امریکی صدر ڈونلڈ ٹرمپ نے روس پر پابندیاں عائد کرنے سے متعلق بھی عندیہ دیا۔امریکی صدر نے فیزیکل فٹنس سے متعلق ایگزیکٹو آرڈر پر دستخط کیے۔ علاوہ ازیں امریکا میں صدارتی فٹنس ایوارڈ کو بحال کردیا گیا۔

کارروائی نہ کرتے تو ایران کچھ ہفتوں میں ایٹمی طاقت بن سکتا تھا،ڈونلڈٹرمپ

کینیڈا نے فلسطین کو ریاست تسلیم کرنے سے متعلق اعلان کرکے اچھا نہیں کیا،امریکی صدر

راولپنڈی (این این آئی)چیف آف آرمی اسٹاف فیلڈ مارشل عاصم منیر نے کہا ہے کہ پاک،چین دوستی ناقابل تسخیر ہے جو وقت کی ہر کسوٹی پر پوری اتری ہے اور بدلتے ہوئے چیلنجز کے باوجود پاک،چین تعلقات مضبوط ہیں۔پاک فوج کے شعبہ تعلقات عامہ (آئی ایس پی آر) کے مطابق چین کی پیپلز لبریشن آرمی (پی ایل اے) کے 98ویں یوم تاسیس پر جی ایچ کیو میں تقریب ہوئی، جس میں چینی سفیر جیانگ زائیڈونگ نے بطور مہمان خصوصی شرکت کی۔اس موقع پر دفاعی اتاشی میجر جنرل وانگ زونگ، چینی سفارتخانے کے افسران اور پاکستان کی تینوں مسلح افواج کے سینئر افسران بھی موجود تھے۔اس موقع پر فیلڈ مارشل عاصم منیر نے چینی مہمانوں کو مبارکباد دیتے ہوئے کہا کہ چین کے دفاع، سلامتی اور ترقی میں پی ایل ایکا کردار قابل تعریف ہے، پاک-چین دوستی وقت کی ہر کسوٹی پر پوری اتری ہے اور بدلتے ہوئے چیلنجز کے باوجود پاک،چین تعلقات مضبوط ہیں۔انہوں نے بدلتی اسٹریٹجک صورتحال کے باوجود پاک-چین دوستی کو ناقابل تسخیر قرار دیا اور کہا کہ پاک فوج اور پی ایل اے کے درمیان بھائیوں جیسا رشتہ ہے۔فیلڈ مارشل نے پاک فوج اور پی ایل اے کی شراکت کو مشترکہ اسٹریٹجک مفادات کا محافظ قرار دیا۔تقریب سے خطاب میں چینی سفیر نے کہا کہ دہشت گردی کے خلاف جنگ میں پاک فوج نے بے مثال کردار ادا کیا۔انہوں نے پاکستان کے ساتھ اپنی اسٹریٹجک شراکت داری کے لیے چین کی غیر متزلزل حمایت اور عزم کا اعادہ کیا۔

پاک،چین دوستی ناقابل تسخیر اور وقت کی ہر کسوٹی پر پوری اتری ہے، فیلڈ مارشل عاصم منیر

چین کے دفاع، سلامتی اور ترقی میں پی ایل ایکا کردار قابل تعریف ہے،آرمی چیف کا تقریب سے خطاب

مانچسٹر کے اولڈ ٹریفورڈ اسٹیڈیم سے پاکستانی تماشائی کو باہر نکالنے پر انگلش کاؤنٹی کرکٹ کلب لنکا شائر نے معافی مانگ لی۔ چند روز قبل بھارت انگلینڈ ٹیسٹ میچ کے دوران ایک مداح کوپاکستانی ٹیم کی ٹی شرٹ پہننے پرگراؤنڈ سے نکال دیا گیا تھا۔غیر ملکی میڈیا رپورٹس کے مطابق لنکا شائر نے اولڈ ٹریفورڈ اسٹیڈیم سے پاکستانی تماشائی کے اخراج کے بعد پیش آنے والی ’کسی بھی پریشانی اور جرم کی وجہ سے‘ معافی مانگ لی ہے۔اس حوالے سے شائق فاروق نذر نے کہا تھا کہ میں میچ دیکھ رہا تھا، سکیورٹی والوں نے پاکستانی شرٹ ڈھانپنے کو کہا، سکیورٹی والوں نے بولا شرٹ تبدیل کر لو یا گراؤنڈ سے چلے جاؤ۔یاد رہے کہ پہلگام واقعے کے بعد بھارت اور پاکستان کے درمیان کشیدگی میں اضافہ ہوا ہے جس کا اثر کرکٹ تعلقات پر بھی پڑا ہے، حال ہی میں لیجنڈز کرکٹ ٹورنامنٹ کے دوران بھارتی کرکٹرز نے پاکستان کے خلاف دو میچز کھیلنے سے انکار کیا جن میں سیمی فائنل بھی شامل تھا۔

پاکستانی ٹیم کی شرٹ پہنے مداح کو اسٹیڈیم سے نکالنے پر لنکاشائر کاؤنٹی نے معافی مانگ لی

چند روز قبل بھارت انگلینڈ ٹیسٹ کے دوران ایک مداح کوپاکستان ٹیم کی ٹی شرٹ پہننے پرگراؤنڈ سے نکال دیا گیا تھا

کرکٹ کے شائقین کے لیے بڑی خوشخبری ہے! پاکستان، افغانستان اور متحدہ عرب امارات کے درمیان سہ فریقی ٹی ٹوئنٹی سیریز کا اعلان کر دیا گیا ہے، جو 29 اگست سے 7 ستمبر تک شارجہ کرکٹ اسٹیڈیم میں کھیلی جائے گی۔یہ ٹورنامنٹ ایشیا کپ سے قبل تینوں ٹیموں کیلئے ایک شاندار وارم اپ ثابت ہوگا، کیونکہ اے سی سی مینز ٹی ٹوئنٹی ایشیا کپ 9 ستمبر سے 28 ستمبر تک متحدہ عرب امارات میں ہی کھیلا جائے گا۔سیریز میں ہر ٹیم دوسری دو ٹیموں کے خلاف دو دو میچز کھیلے گی، یعنی ہر ٹیم کو کم از کم چار میچز کھیلنے کا موقع ملے گا۔ آخر میں ٹاپ دو ٹیمیں 7 ستمبر کو فائنل میں آمنے سامنے ہوں گی۔آئیے اب بات کرتے ہیں مکمل شیڈول کی،29 اگست کو اوپننگ میچ ہوگا افغانستان اور پاکستان کے درمیان،30 اگست کو پاکستان کا مقابلہ ہوگا یو اے ای سے،1 ستمبر کو یو اے ای اور افغانستان مدمقابل آئیں گے،2 ستمبر کو پاکستان اور افغانستان ایک بار پھر ٹکرائیں گے،4 ستمبر کو پاکستان ایک بار پھر یو اے ای کے خلاف میدان میں اترے گا،5 ستمبر کو افغانستان اور یو اے ای کے درمیان مقابلہ ہوگا،اور آخر میں، 7 ستمبر کو ہوگا فائنل جس میں ٹورنامنٹ کی دو بہترین ٹیمیں ٹکرائیں گی۔تمام میچز شام 7 بجے شارجہ کرکٹ اسٹیڈیم میں کھیلے جائیں گے۔یہ سیریز نہ صرف ایشیا کپ کی تیاریوں کا بہترین موقع ہے، بلکہ تینوں ٹیموں کے کھلاڑیوں کو اپنی صلاحیتوں کے اظہار کا بھی سنہری موقع فراہم کرے گی۔تو ناظرین، تیاری کر لیں ایک اور دھواں دار کرکٹ فیسٹیول کی، کیونکہ میدان سجنے والا ہے شارجہ میں جہاں تین ایشیائی ٹیمیں کریں گی ایک دوسرے کا سامنا۔

پاکستان، افغانستان اور یو اے ای کے درمیانٹی ٹوئنٹی سیریز کا اعلان

پاکستان ، افغانستان اور یو اے ای کی تین ملکی سیریز ،ٹی ٹوئنٹی ٹرائی سیریز 29 اگست سے 7 ستمبر تک شارجہ میں ہو گی

بھارتی حکومت کی طرف سے وزیر اعلیٰ خیبر پختونخوا کے فیٹف سے متعلق بیان کو سیاق و سباق سے ہٹ کر پیش کرنے اور پاکستان میں دہشت گردی کی سرپرستی اور اوچھے ہتھکنڈوں سے متعلق علی امین گنڈا پور نے سخت ردعمل دیا ہے۔ علی امین گنڈاپور نے بھارت کے خلاف فیٹف (فنانشل ایکش ٹاسک فورس) جانے کا اعلان کر دیا۔اپنے ویڈیو پیغام میں وزیراعلیٰ کے پی علی امین گنڈاپور کا کہنا تھا کہ بھارت نے ان کا بیان توڑ مروڑ کر پیش کیا اور پاکستان کو فیٹف کی گرے لسٹ میں ڈالوانے کی کوشش کی۔انہوں نے کہا کہ مودی! میں تمہیں پیغام دے رہا ہوں، ہم تمہاری طرح بزدل نہیں جو رات کی تاریکی میں آئیں، ہم نعرہ لگا کر آتے ہیں، دشمن کو بتا کر آتے ہیں، بھارت کو FATF کی گرے لسٹ میں شامل کرانے کیلئے وہ خود ثبوتوں کے ساتھ عالمی فورمز پر جائیں گے اور یہ ثابت کریں گے کہ انڈیا گرے لسٹ میں جانے کیلئے سو فیصد فٹ ہے۔وزیراعلیٰ نے کہا کہ بھارت آج سے نہیں، بلکہ ہمیشہ سے پاکستان، خصوصاً بلوچستان، گلگت بلتستان اور خطے میں دہشت گردی میں ملوث رہا ہے، افغان جنگ کے دوران بھارت نے 100 سے زائد قونصل خانے کھول کر پاکستان میں دہشت گردی کو ہوا دی۔ان کا کہنا تھا کہ چینی باشندوں اور تنصیبات پر ہونے والے حملوں کے تانے بانے بھی بھارت سے جا ملتے ہیں، پاکستانی حکومتیں، دفاعی ادارے، عوام اور پوری قوم ملک کے دفاع کیلئے متحد ہیں اور ہر محاذ پر بھارت کے جھوٹے پراپیگنڈے کا بھرپور جواب دیا جائے گا۔وزیراعلیٰ کے پی نے کہا کہ اسی طرح میں یہ بھی واضح کرنا چاہتا ہوں کہ ہمارے پشتونوں نے کشمیر کو آزاد کروایا تھا، ان شاءاللہ وقت آئے گا کہ یہ جو باقی کشمیر جس پر بھارت نے قبضہ کیا ہوا ہے ہم پختون اس کو بھی آزاد کروائیں گے۔مودی کو پیغام دیتے ہوں علی امین نے کہا کہ پاکستان کے دفاع کے لیے ہم سب ایک ہیں، میں تمہیں اور تمہاری حکومت کو بھی ایکسپوز بھی کروں گا۔ تم نے جو سیاق و سباق سے ہٹ کر ایک غلط بیانیہ پیش کر کے پاکستان کو فیٹف کی گرے لسٹ میں ڈالوانے کی کوشش کی ہے، میں فزیکلی وہاں جا کر بتاؤں گا اور ثابت کروں گا کہ دہشتگردی کے حوالے سے فیٹف کی گرے لسٹ میں جانے کے لیے بھارت 100 فیصد فٹ ہے اور ان شاءاللہ فیٹف کی گرے لسٹ میں ڈلواؤں گا۔علی امین گنڈاپور کا مزید کہنا تھا کہ آج مجھے عمران خان کی وہ بات یاد آ رہی جو انہوں نے مودی کے بارے میں بالکل ٹھیک کہی تھی کہ ’’بڑے عہدے پر چھوٹا انسان‘۔واضح رہے کہ جمعرات کو بھارتی حکومت نے فیٹف میں وزیراعلیٰ خیبر پختونخوا علی امین گنڈاپور کا بیان پاکستان کے خلاف بطور ثبوت جمع کروایا۔فیٹف حکام کے مطابق بھارت کی جانب سے وزیراعلیٰ کے پی کا بیان جمع کروایا گیا ہے۔وزیراعلیٰ خیبر پختونخوا علی امین گنڈاپور نے الزام لگایا تھا کہ ہم طالبان کو گرفتار کرتے ہیں لیکن ادارے انہیں رہا کر دیتے ہیں۔بھارتی حکومت نے فیٹف میں علی امین گنڈا پور کے اس بیان کو اپنے مؤقف کی تائید قرار دیتے ہوئے پاکستان کو گرے لسٹ میں ڈالنے کی درخواست کی ہے۔خیال رہےکہ اکتوبر 2022 میں فیٹف نے پاکستان کو گرے لسٹ سے نکال دیا تھا، پاکستان 2018 سے فیٹف کی گرے لسٹ میں تھا۔

بھارت کو فیٹف کی گرے لسٹ میں ڈلواؤں گا،علی امین گنڈا پور کا بڑا اعلان

وزیر اعلیٰ خیبر پختونخوا کا بھارت کے پروپیگنڈے پر سخت ردعمل، مودی کو دو ٹوک پیغام، عالمی فورمز پر ثبوتوں کے ساتھ جانے کا اعلان

امریکی صدر ڈونلڈ ٹرمپ کی انتظامیہ نے روس سے تیل کی خریداری کے معاملے پر بھارت پر سخت مایوسی کا اظہار کیا ہے۔ امریکی وزیر خزانہ اسکاٹ بیسینٹ نے ایک انٹرویو میں کہا کہ بھارت روس سے خام تیل خرید کر اسے ریفائن کرکے فروخت کرتا ہے، جو عالمی برادری کی توقعات کے برعکس ہے۔ ان کا کہنا تھا کہ بھارت نے خود کو ایک ذمہ دار عالمی طاقت کے طور پر پیش کرنے میں ناکامی دکھائی ہے، اور اس رویے نے امریکا کے ساتھ اس کے تجارتی تعلقات کو غیر یقینی بنا دیا ہے۔اسکاٹ بیسینٹ کے مطابق صدر ڈونلڈ ٹرمپ اور ان کی ٹیم بھارت کے موجودہ فیصلوں سے سخت مایوس ہیں، اور مستقبل میں دونوں ممالک کے درمیان تجارتی معاہدوں کا انحصار بھارت کے رویے پر ہوگا۔ادھر بلوم برگ کی رپورٹ کے مطابق صدر ٹرمپ کی جانب سے بھارتی درآمدات پر 25 فیصد ٹیرف کے اعلان کے بعد نئی دہلی نے امریکا کو مطلع کیا ہے کہ وہ ففتھ جنریشن ایف 35 سٹیلتھ لڑاکا جیٹ خریدنے میں دلچسپی نہیں رکھتا۔ رپورٹ میں بتایا گیا ہے کہ بھارتی حکومت امریکا کو خوش کرنے کے لیے بعض مصنوعات کی خریداری بڑھانے پر غور کر رہی ہے، تاہم اس میں دفاعی ساز و سامان اور خصوصاً ایف 35 طیاروں کی خریداری شامل نہیں۔یہ امر قابل ذکر ہے کہ رواں سال کے آغاز میں بھارتی وزیر اعظم نریندر مودی کے وائٹ ہاؤس دورے کے دوران صدر ٹرمپ نے بھارت کو جدید ایف 35 طیارے فروخت کرنے کی پیشکش کی تھی، جس پر مودی نے غور کرنے کا وعدہ کیا تھا۔ رپورٹ کے مطابق بھارت فی الحال ٹرمپ انتظامیہ کے ٹیرف فیصلے کے خلاف کسی جوابی اقدام کی پوزیشن میں نہیں اور امریکا کو ناراض کرنے کے بجائے دوطرفہ تجارتی مذاکرات جاری رکھنے کا خواہاں ہے۔

بھارت خود کو ایک ذمہ دارعالمی طاقت کے طور پر پیش کرنے میں ناکام رہا،امریکا

مستقبل میں دونوں ممالک کے درمیان تجارتی معاہدوں کا انحصار بھارت کے رویے پر ہوگا، امریکی وزیر خزانہ

امریکا نے آج سے دنیا بھر پر تجارتی ٹیرف کے اطلاق کا آغاز کر دیا،امریکی صدرنے مختلف ممالک پرٹیرف سے متعلق ایگزیکٹو آرڈر پر دستخط کردیئےامریکی صدر ڈونلڈ ٹرمپ کی قیادت میں وائٹ ہاؤس نے نئی عالمی تجارتی پالیسی کا اعلان کرتے ہوئے دنیا بھر کے ممالک پر مختلف شرح کے جوابی ٹیرف عائد کر دیے۔ خوش آئند بات یہ ہے کہ پاکستان کو اس پالیسی میں بھارت کے مقابلے میں نمایاں رعایت مل گئی ہے۔وائٹ ہاؤس اعلامیے کے مطابق جنوبی ایشیا کے حریف ممالک میں پاکستان پر 19 جبکہ بھارت پر 25 فیصد ٹیرف عائد کیا گیا، یوں اسلام آباد کو ٹرمپ انتظامیہ کی نئی حکمتِ عملی میں سفارتی کامیابی حاصل ہوئی۔تجزیہ کاروں کے مطابق اس رعایت کے پیچھے پاکستان کی حالیہ سفارتی سرگرمیاں اہم کردار ادا کرتی ہیں، جن میں فیلڈ مارشل سید عاصم منیر کی صدر ٹرمپ سے ملاقات، وزیرِ اعظم شہباز شریف اور امریکی وزیرِ خارجہ مارکو روبیو کا ٹیلیفونک رابطہ اور نائب وزیرِ اعظم اسحاق ڈار و وزیرِ خزانہ محمد اورنگزیب کی واشنگٹن میں ہونے والی ملاقاتیں شامل ہیں۔نئی فہرست کے مطابق پاکستان کے ساتھ انڈونیشیا، ملائیشیا، تھائی لینڈ اور فلپائن پر بھی 19 فیصد ٹیرف عائد کیا گیا ہے۔ بھارت کے ساتھ قازقستان اور مالدووا پر 25 فیصد، جنوبی افریقہ، الجزائر اور لیبیا پر 30 فیصد جبکہ میانمار اور لاؤس پر 40 فیصد محصولات لگائے گئے ہیں۔ سب سے بھاری 41 فیصد ٹیرف شام پر عائد کیا گیا ہے۔امریکا نے اپنے قریبی اتحادی اسرائیل پر بھی 15 فیصد ٹیرف لاگو کیا جبکہ کینیڈا پر یہ شرح 25 سے بڑھا کر 35 فیصد کر دی گئی۔ ٹرمپ کے تازہ حکم نامے میں ایکواڈور، گھانا اور آئس لینڈ کو بھی 15 فیصد ٹیرف کی فہرست میں شامل کر دیا گیا۔قابلِ ذکر بات یہ ہے کہ چین اس فہرست میں شامل نہیں، البتہ 12 اگست کی ڈیڈ لائن کے بعد بیجنگ پر بھی دوبارہ بھاری محصولات لگائے جانے کا امکان ہے۔ ماضی میں امریکا اور چین ایک دوسرے پر تین ہندسوں تک کے ٹیرف عائد کر چکے ہیں لیکن حالیہ جنگ بندی کے بعد فی الحال یہ شرح کم رکھی گئی ہے۔یاد رہے کہ گزشتہ روز پاکستان اور امریکا کے درمیان ایک اہم تجارتی معاہدہ بھی طے پایا تھا، جس کا اعلان امریکی صدر ڈونلڈ ٹرمپ نے ٹرتھ سوشل پر اپنی پوسٹ کے ذریعے کیا۔ اس معاہدے کا مقصد دوطرفہ تجارت کو فروغ دینا، منڈیوں تک رسائی بڑھانا، سرمایہ کاری کو راغب کرنا اور باہمی تعاون کے نئے دروازے کھولنا ہے۔

امریکانے تجارتی ٹیرف کے اطلاق کا آغاز کر دیا،پاکستان کو رعایت مل گئی، بھارت کو بڑا جھٹکا

پاکستان پر19بھارت 25 فیصد، بنگلہ دیش 20 فیصد، عراق 35 فیصد، شام 41 فیصد، اور میانمار پر 40 ٹیرف لاگو ہوگا

پاکستان نے  3 میچز پر مشتمل ٹی ٹوئنٹی سیریز کے پہلے میچ میں ویسٹ انڈیز کو 14 رنز سے شکست دے کرسیریز میں ایک صفر کی برتری حاصل کرلی۔پاکستان کے 179 رنز کے ہدف کے جواب میں ویسٹ ایڈیز کی ٹیم مقررہ 20 اوورز میں 7 وکٹوں کے نقصان پر 164 رنز بنا سکی۔امریکی ریاست فلوریڈا کے شہر لاؤڈرہل میں کھیلے جانے والے میچ میں ویسٹ انڈین کپتان شائے ہوپ نے ٹاس جیت کر پاکستان کو بیٹنگ کی دعوت دی۔پاکستان نے مقررہ 20 اوورز میں 6 وکٹوں کے نقصان پر 178 رنز بنائے۔صائم ایوب 57 اور فخر زمان 28 رنز کے ساتھ نمایاں رہے۔ اس کے علاوہ حسن نواز نے 24 رنز بنائے جب کہ فہیم اشرف 16 اور صاحبزادہ فرحان 14 رنز بنا سکے۔کپتان سلمان علی آغا 11 اور محمد حارث 6 رنز کے ساتھ ناقابل شکست رہے۔ویسٹ انڈیز کی جانب سے شیمارجوزف نے 3 وکٹیں حاصل کیں جب کہ ہولڈر، عقیل حسین اور شیفرڈ نے ایک ، ایک کھلاڑی کو آؤٹ کیا۔179 رنز کے ہدف کے تعاقب میں ویسٹ انڈیز کے اوپنرز نے اچھا آغاز کیا تاہم اوپنرز کے آوٹ ہونے کے بعد وکٹوں کی لائن لگ گئی۔ ویسٹ انڈیز کی جانب سے جانسن چارلس اور جیول اینڈریو 35، 35 رنز کے ساتھ نمایاں رہے جبکہ کپتان شائے ہوپ صرف 2 رن ہی بنا سکے ان کے علاوہ گدیش موتی صفر، شرفین ردرفورڈ 11، روسٹن چیز 5 اور ریموریو شیفرڈ نے 12 رنز بنائے۔جیسن ہولڈر 30 اور شمار جوزف 21 رنز بنا کر ناٹ آؤٹ رہے جبکہ پاکستان کی طرف سے محمد نواز نے 3 اور صائم ایوب نے 2 وکٹیں حاصل کیں جبکہ شاہین آفریدی اور سفیان مقیم کے حصے میں ایک ایک وکٹ آئی۔آل راؤنڈ پرفارمنس پر صائم ایوب پلیئر آف دی میچ قرار پائے، میچ میں صائم نے 57 رنز بنائے اور 2 وکٹیں بھی حاصل کیں،پاکستان کو تین میچز کی سیریز میں ایک صفر کی برتری حاصل ہوگئی۔

پاکستان نے پہلے ٹی 20 میچ میں ویسٹ انڈیز کو 14 رنز سے شکست دیدی

پاکستان کے179 رنز کے ہدف کے تعاقب میں ویسٹ انڈیز کی ٹیم 7 وکٹوں کے نقصان پر 164 رنز ہی بنا سکی

وفاقی حکومت نےآئندہ 15 روز کے لیے پیٹرولیم مصنوعات کی نئی قیمتوں کا اعلان کردیا، پیٹرول کی قیمت میں 7 روپے 54 پیسے فی لیٹر کمی کردی جبکہ ہائی اسپیڈ ڈیزل ایک روپے 48 پیسے فی لیٹر مہنگا کردیا۔ وزارت خزانہ کی جانب سے جاری نوٹیفکیشن کے مطابق پٹرول کی قیمت میں 7 روپے 54 پیسے کمی جبکہ ہائی اسپیڈ ڈیزل کی قیمت میں ایک روپے 48 پیسےکا اضافہ کیا گیا ہے۔قیمتوں میں کمی کے بعد فی لٹر پٹرول کی قیمت 264 روپے 61 پیسے اور ہائی اسپیڈ ڈیزل کی قیمت 285 روپے 83 پیسے ہوگئی۔وزارت خزانہ نے پٹرولیم مصنوعات کی قیمتوں میں ردوبدل کا نوٹیفکیشن جاری کردیا، نئی قیمتوں کا اطلاق رات 12 بجے سے ہوگیا۔

عوام کیلئے خوشخبری،حکومت نے پیٹرول 7 روپے 54 پیسے فی لیٹر سستا کردیا

ہائی اسپیڈ ڈیزل کی قیمت میں ایک روپے 48 پیسےکا اضافہ،پٹرول کی نئی قیمت 264 روپے 61 پیسے ہوگئی

ویسٹ انڈیز کرکٹ بورڈ نے پاکستان کے خلاف ہونے والی تین میچوں کی ٹی 20 سیریز کے لیے اسکواڈ کا اعلان کر دیا ہے، جس میں 4 تبدیلیاں کی گئی ہیں۔شائی ہوپ ٹیم کی قیادت کریں گے جبکہ شمار جوزف، کیسی کارٹی، ایلِک اتھنیز اور جانسن چارلس کو اسکواڈ میں شامل کیا گیا ہے۔دوسری جانب الزاری جوزف، ایون لوئس، برینڈن کنگ اور شمرون ہیٹمائر ٹیم کا حصہ نہیں ہوں گے۔ الزاری جوزف کو آرام دیا گیا ہے، برینڈن کنگ ذاتی وجوہات اور شمرون ہیٹمائر انجری کے باعث دستیاب نہیں ہوں گے۔پاکستان اور ویسٹ انڈیز کے درمیان 3 میچز پر مشتمل سیریز کل سے کھیلی جائے گی ،پاکستان اور ویسٹ انڈیز کے درمیان سیریز کا پہلا ٹی 20 میچ جمعہ کی صبح 5 بجے فلوریڈا کے سینٹرل بروورڈ پارک اینڈ بروورڈ کاؤنٹی اسٹیڈیم میں کھیلا جائے گا، جبکہ باقی دونوں میچز 2 اور 3 اگست کو اسی مقام پر ہوں گے۔

ویسٹ انڈیز نے پاکستان کیخلاف ٹی 20 سیریز کیلئے اسکواڈ کا اعلان کردیا

پاکستان اور ویسٹ انڈیز کے درمیان 3 میچز پر مشتمل سیریز کل سے کھیلی جائے گی ،پہلا میچ صبح 5بجے شروع ہوگا

خیبرپختونخوا اسمبلی میں سینیٹ کے ضمنی الیکشن میں پاکستان تحریک انصاف کی مشعال یوسفزئی کامیاب ہوکر سینیٹر منتخب ہوگئیں۔خیبرپختونخوا اسمبلی میں سینیٹ کی خالی نشست پر انتخاب میں پی ٹی آئی کی امیدوار مشعال یوسفزئی کو 86 ووٹ ملے جبکہ اپوزیشن کی امیدوار مہتاب ظفر نے 53 ووٹ حاصل کیے۔آزاد امیدوار صائمہ خالد نے ایک ووٹ حاصل کیا جبکہ دو ووٹ مسترد کیے گئے۔سینیٹ الیکشن جیتنے کے بعد میڈیا سے گفتگو میں مشال یوسفزئی نے کہا کہ بانی پی ٹی آئی نے مجھ پر اعتماد کیا اور ملک کی کم عمر ترین سینیٹر بن گئی، وزیراعلیٰ علی امین گنڈا پور نے بھرپور سپورٹ کیا جبکہ بیرسٹر گوہر، رہنماؤں اور ورکرز کی شکر گزار ہوں۔انہوں نے کہا کہ ہمارے تین ووٹ مسترد ہوئے، ایک ایم پی اے بیمار بھی ہے، ہمارا کوئی ووٹ کسی اور امیدوار کو نہیں ملا۔مشال یوسفزئی نے کہا کہ میرے لیڈر کا دیا ہوا اعزاز ہے، میری پانچ ماہ سے اپنے لیڈر سے ملاقات نہیں ہوئی، مشعل کو ووٹ نہیں ملا بلکہ نظریہ عمران کے وژن کو ووٹ دیا گیا ہے۔خیال رہے سینیٹ کی مذکورہ نشست ڈاکٹر ثانیہ نشتر کی ریٹائرمنٹ پر خالی ہوئی تھی، انتخاب میں کسی بھی امیدوار کو جیتنے کے لیے 73 ووٹ درکار تھے۔

خیبرپختونخوا سے سینیٹ کی خالی نشست پر تحریک انصاف کی مشعال یوسفزئی سینیٹر منتخب

پی ٹی آئی کی مشال یوسفزئی نے 86 ووٹ حاصل کئے جبکہ اپوزیشن کی مشترکہ امیدوار مہتاب ظفرکو 53 ووٹ ملے

چیئرمین پی ٹی آئی بیرسٹر گوہر نے پی ٹی آئی قیادت کو 9 مئی کیسز میں سزاؤں کو ہائیکورٹ میں چیلنج کرنے کا اعلان کر دیا ہے۔اسلام آباد میں پارٹی رہنماؤں کے ہمراہ میڈیا سے گفتگو کرتے ہوئے انہوں نے کہا کہ آج جمہوریت کے لیے افسوسناک دن ہے، ہمارا مینڈیٹ چوری کیا گیا، ہمارے لیڈر کو جیل میں رکھا گیا اور انصاف کے دروازے بند کیے گئے، عمران خان پر پریشر کے لیے ان کی اہلیہ کو سزا سنائی گئی، ہم نے ان سب کے باوجود ریاست کے ساتھ چلنے کا فیصلہ کیا، ہ ہم نے ہر ممکن کوشش کی کہ جمہوریت چلے، ایوان چلے لیکن ظلم، ناانصافی اور غیر مساوی سلوک کی انتہا ختم ہونے کا نام نہیں لے رہی۔بیرسٹر گوہر نے فیصل آباد اے ٹی سی عدالت کی جانب سے 9 مئی کیسز میں پی ٹی آئی قیادت کو سزائیں سنائے جانے کے فیصلے کو ہائیکورٹ میں چیلنج کرنے کا اعلان کرتے ہوئے کہا ہے کہ ہم نے تحریک چلانی ہے یا ایوان میں جانا ہے جلد اس کا فیصلہ کریں گے۔ آئندہ کا لائحہ عمل بہت جلد بتائیں گے۔بیرسٹر گوہر نے مزید کہا کہ تحریک انصاف سسٹم پر یقین رکھتی ہے اور ہمیں صرف انصاف چاہیے۔ جنہیں سزائیں دی گئیں، وہ تشدد کے حامی نہیں۔ ہم نے مشکلات برداشت کیں مگر سسٹم کو چلنے دیا۔ ہمارے لیڈرز کو سزا دی گئی ان سب کے باوجود ہم سسٹم کا حصہ رہے اور ایوان کے باہر اسمبلی نہیں لگائی۔ اب تحریک انصاف کی سیاسی کمیٹی غور کرے گی کہ ایوان میں جانا ہے یا نہیں۔پی ٹی آئی چیئرمین نے سوال اٹھایا کہ لوگوں کو نا اہل کر کے جمہوریت کا کیا بھلا ہوگا؟ کچھ لوگ سسٹم کو لپیٹنے کی کوشش کر رہے ہیں۔ یہ وقت ہے کہ سیاسی جماعتیں فیصلہ کریں کہ ملک میں جمہوریت قائم رہے۔ ہم اکٹھے ہوں گے باتیں کریں گے لیکن حل نکلنا چاہیے۔ان کا کہنا تھا کہ آج تک ہماری پٹیشن پر فیصلہ نہیں ہوا۔ الیکشن کمیشن کی مدت ختم ہوچکی، پھر بھی وہ فیصلے کر رہے اور ہمارے لوگوں کو نا اہل کر رہے ہیں۔واضح رہے کہ فیصل آباد کی انسداد دہشتگردی کی عدالت نے 9 مئی کے مقدمے میں پی ٹی آئی کی مرکزی قیادت کو 10 سال قید کی سزا سنائی ہے۔اے ٹی سی نے 9 مئی کیس میں 108 ملزموں کو سزا سنائی جبکہ 77 ملزمان کو بری کیا۔

پی ٹی آئی کا 9 مئی کیس میں سزاؤں کا فیصلہ ہائیکورٹ میں چیلنج کرنے کا اعلان

یہ جو فیصلے آرہے ہیں اس سے جمہوریت تباہ ہوجائے گی، چیئرمین پی ٹی آئی کی میڈیا سے گفتگو

فیصل آباد میں انسداد دہشت گردی عدالت نے 9 مئی کے 3 مقدمات کا فیصلہ سناتے ہوئے عمر ایوب، شبلی فراز اور زرتاج گل وزیر سمیت سمیت پاکستان تحریک انصاف (پی ٹی آئی) کے 196 رہنماؤں اور کارکنوں کو 10 سال تک قید کی سزائیں سنادیںجبکہ 88 ملزمان کو مقدمات سے بری کر دیا گیا۔ یہ فیصلہ اے ٹی سی جج جاوید اقبال نے سنایا۔انسداد دہشت گردی عدالت نے حساس ادارے کے دفتر پر حملہ کے الزام میں تھانہ سول لائن میں درج مقدمہ نمبر 832 میں  185 ملزمان میں سے  108 ملزمان کو مجرم قرار دیتے ہوئے سزائیں سنائیں اور 77 ملزمان کو شک کا فائدہ دیتے ہوئے بری کر دیا۔عدالت نے تھانہ غلام محمد آباد کے مقدمہ نمبر 1277 کے فیصلہ میں 66 ملزمان میں سے 60  ملزمان کو مجرم قرار دیتے ہوئے سزا سنائی  جبکہ 6 ملزمان کو بری کر دیا۔اس موقع پر عدالت کے اندر اور باہر سکیورٹی کے سخت انتظامات کیے گئے تھے۔عدالت کی طرف سے سنائے گئے فیصلے میں قومی اسمبلی میں اپوزیشن لیڈر عمرایوب، قومی اسمبلی میں پاکستان تحریک انصاف کی پارلیمانی لیڈر زرتاج گل اور سینیٹ میں پاکستان تحریک انصاف کے پارلیمانی لیڈر شبلی فراز کو دس دس سال قید کی سزا سنائی گئی ہے۔سنی اتحاد کونسل کے چیئرمین حامد رضا کو بھی 10سال قید کی سزا سنائی گئی ہے، علی افضل ساہی کو 3 سال قید کی سزا سنائی گئی ہے جبکہ سابق وفاقی وزیر فواد چودھری اور رکن قومی اسمبلی زین قریشی اور خیال کاسترو کو بری کردیا گیا ہے۔عدالت نے پولیس وین نذرآتش کرنے کے کیس کا بھی فیصلہ سنا دیا، 32 میں سے 28 ملزمان کو مجرم قرار دیتے ہوئے 10،10 سال قید کی سزا سنائی گئی جبکہ 4 ملزمان کو بری کردیا گیا۔واضح رہے کہ سپریم کورٹ نے انسداد دہشت گردی کی عدالتوں کو حکم دیا تھا کہ وہ 9 مئی کے مقدمات میں عدالتی کارروائی مکمل کرتے ہوئے ان پر فیصلہ سنائیں اور سپریم کورٹ کی طرف سے دی جانے والی ڈیڈ لائن اگلے ماہ ختم ہو رہی ہے۔

نومئی کیس،عمرایوب،شبلی فراز،زرتاج گل سمیت مرکزی قیادت کو10سال قید کی سزا

انسداد دہشت گردی عدالت نے پی ٹی آئی رہنما فواد چوہدری، زین قریشی اور خیال کاسترو کو بری کردیا

پاکستان کی باہمت بیٹی ندا صالح نے ملک کا نام ایک نئے انداز سے روشن کر دیا، وہ پاکستان کی پہلی خاتون ٹرین ڈرائیور بن گئی ہیں، جو اس وقت لاہور کی اورنج لائن میٹرو ٹرین کو کامیابی سے چلا رہی ہیں۔انجینیئرنگ یونیورسٹی لاہور سے ٹرانسپورٹ انجینیئرنگ میں ڈگری حاصل کرنے والی ندا صالح نے اپنے خواب کی تعبیر کچھ منفرد طریقے سے پائی۔ ان کا کہنا ہے کہ اُن کے والد چاہتے تھے کہ وہ خاندانی کاروبار سنبھالیں، لیکن ندا نے فیصلہ کیا کہ وہ کچھ الگ کرے گی اور وہی جذبہ انہیں ریلوے کی دنیا میں لے آیا۔ندا صالح نے چینی ماہرین سے 3 ماہ کی خصوصی تربیت حاصل کی اور گزشتہ 8 ماہ سے باقاعدہ ٹرین چلا رہی ہیں۔ اُن کا کہنا ہے کہ جب پہلی بار ٹرین چلائی تو دل میں گھبراہٹ ضرور تھی، لیکن آج وہ پورے اعتماد سے ٹریک پر موجود ہوتی ہیں۔ عوامی ردعمل کے حوالے سے انہوں نے بتایا کہ لوگ اُنہیں دیکھ کر نہ صرف خوش ہوتے ہیں بلکہ اپنی بیٹیوں کے لیے بھی معلومات لیتے ہیں۔ کئی نوجوان لڑکیاں اُن سے متاثر ہو کر ٹریننگ کے لیے رجوع کر رہی ہیں۔ندا کی اس کامیابی پر وزیراعلیٰ پنجاب مریم نواز اور وزیرِ ٹرانسپورٹ بلال اکبر نے اُنہیں "قابلِ فخر بیٹی" قرار دیتے ہوئے مبارکباد دی۔ یہ نہ صرف ندا صالح کی کامیابی ہے بلکہ ہر پاکستانی بیٹی کے لیے ایک نئی امید کی کرن بھی ہے۔

ندا صالح نے تاریخ رقم کر دی،پاکستان کی پہلی خاتون ٹرین ڈرائیور بن گئیں

بیٹیاں کسی سے کم نہیں، مساوی مواقع فراہم کرتے رہیں گے، ندا صالح جیسی بیٹیاں ہم سب کا فخر ہیں، مریم نواز

صوبائی محتسب نے کے الیکٹرک کی سابق چیف مارکیٹنگ افسر مہرین زہرہ کو ہراساں کرنے پر الیکٹرک کے چیف ایگزیکٹو آفیسر (سی ای او) مونس علوی پر بھاری جرمانہ عائد کرتے ہوئے انہیں عہدے سے ہٹانے کا حکم دے دیا۔ محتسب نے فیصلہ سناتے ہوئے مونس علوی پر 25 لاکھ روپے جرمانہ عائد کیا ہے، جو متاثرہ خاتون کو بطور ازالہ ادا کیا جائے گا۔تفصیلات کے مطابق صوبائی محتسب اعلیٰ نے سی ای او کے الیکٹرک مونس علوی کو سزا سنادی۔ صوبائی محتسب اعلیٰ نے سی ای او کے الیکٹرک کو عہدے سے ہٹانے کا حکم دیدیا اور ان پر 25 لاکھ روپے جرمانہ بھی عائد کردیا۔صوبائی محتسب اعلیٰ سندھ کے مطابق سی ای او کے الیکٹرک پر الزام ثابت ہوتا ہے۔واضح رہے کہ سی ای او کے الیکٹرک کے خلاف مہرین زہرہ نے شکایت درج کروائی تھی۔صوبائی محتسب اعلیٰ کے مطابق سی ای او کے الیکٹرک ایک ماہ جرمانے کی رقم ادا کریں۔ انہوں نے شکایت کنندہ مہرین زہرہ کو ہراساں کیا اور ذہنی اذیت دی۔ مونس علوی اگر جرمانے کی رقم ادا نہ کریں تو منقولہ اور غیر منقولہ جائیداد ضبط کی جائے۔ جرمانہ ادا نہ کریں تو شناختی کارڈ اور پاسپورٹ بھی بلاک کیا جائے۔یاد رہے کہ مونس علوی کے خلاف سابق چیف مارکیٹنگ افسر مہرین زہرہ نے شکایت درج کروائی تھی۔ درخواست گزار کے مطابق شکایت کنندہ کو 2019ء میں کے الیکٹرک نے کنسلٹنسی کے لیے رکھا تھا۔مہرین زہرہ کی درخواست پر سماعت جسٹس ریٹائرڈ شاہ نواز طارق نے کی۔کے الیکٹرک کے سی ای او مونس علوی نے صوبائی محتسب کی جانب سے سنائی گئی سزا پر اپنے ردعمل میں کہا ہے کہ میں نے ہمیشہ پیشہ ورانہ تعلقات میں دیانتداری اور وقار کی اقدار کو مقدم رکھا ہے اور میں ہر فرد کیلئے محفوظ اور جامع کام کی جگہوں کو فروغ دینے پر پختہ یقین رکھتا ہوں۔سماجی رابطے کی ویب سائٹ ایکس پر کی گئی وضاحتی پوسٹ میں مونس علوی نے کہا کہ حالیہ فیصلہ میرے لئے نہایت تکلیف دہ ہے، اگرچہ میں قانونی عمل اور ان اداروں کا احترام کرتا ہوں جو اس عمل کو برقرار رکھتے ہیں، مگر اپنے ضمیر کی آواز پر لبیک کہتے ہوئے مجھے یہ کہنا پڑ رہا ہے کہ فیصلے میں دیئے گئے نتائج اس سچائی کی عکاسی نہیں کرتے جو میں نے خود محسوس کی۔انہوں نے لکھا کہا کہ نہ صرف پیشہ ورانہ طور پر بلکہ ذاتی طور پر بھی یہ ایک تکلیف دہ سفر رہا ہے، میں اس فیصلے کا اپنے قانونی مشیروں کے ساتھ جائزہ لے رہا ہوں اور اپنی اپیل کے حق کو استعمال کرنے کا ارادہ رکھتا ہوں۔مونس علوی نے مزید کہا کہ ہر اس فرد کو سنا جانا چاہیے جو خود کو متاثر محسوس کرتا ہے، میں بدستور اس عزم پر قائم ہوں کہ سچائی کو ہر قانونی ذریعے سے سامنے لایا جائے۔سی ای او کے الیکٹرک نے اپنے جاننے والوں، ساتھ کام کرنے والوں اور انصاف کے عمل پر یقین رکھنے والوں کا شکریہ ادا کرتے ہوئے کہا کہ میری عدل و انصاف اور کام کی جگہ پر وقار کے اصولوں سے وابستگی غیرمتزلزل ہے۔

خاتون کو ہراساں کرنے پر سی ای او کے الیکٹرک کو سزا، عہدے سے ہٹانے کا حکم، 25 لاکھ روپے جرمانہ

مونس علوی نے جرمانہ ادا نہ کیا تو ان کی جائیداد ضبط کرلی جائے گی، جبکہ ان کا قومی شناختی کارڈ بھی منسوخ کیا جائے گا، فیصلہ

کینیڈا کے وزیر اعظم مارک کارنی نے اقوامِ متحدہ کی جنرل اسمبلی کے ستمبر میں ہونے والے اجلاس میں فلسطینی ریاست کو تسلیم کرنے کا اعلان کر دیا۔کینیڈا کے وزیراعظم مارک کارنی نے اعلان کیا ہے کہ ان کی حکومت ستمبر میں ہونے والے اقوامِ متحدہ کی جنرل اسمبلی اجلاس کے دوران فلسطین کو باقاعدہ ریاست تسلیم کرنے کا ارادہ رکھتی ہے۔مارک کارنی نے میڈیا سے گفتگو کرتے ہوئے کہا کہ اگر فلسطینی اتھارٹی جمہوری اصلاحات پر آمادہ ہو جائے، تو کینیڈا اس تاریخی اقدام کیلئے تیار ہے۔ ان کے بقول، ان اصلاحات میں شفاف انتخابات اور گورننس کے دیگر پہلو شامل ہوں گے۔مارک کارنی نے کہا کہ غزہ میں شہریوں کی بگڑتی ہوئی صورتحال اس بات کی متقاضی ہے کہ عالمی برادری فوری اور مؤثر اقدامات کرے، کیونکہ اب تاخیر کی کوئی گنجائش باقی نہیں رہی۔کینیڈا کا یہ اقدام اُس بین الاقوامی لہر کا تسلسل ہے جس کے تحت برطانیہ، فرانس اور مالٹا جیسے ممالک پہلے ہی فلسطین کو تسلیم کرنے کی حمایت کا اعلان کر چکے ہیں۔ برطانوی وزیراعظم کیئر سٹارمر نے بھی حالیہ بیان میں کہا تھا کہ اگر اسرائیل نے غزہ میں جنگ بندی اور انسانی امداد کے اقدامات نہ کیے، تو برطانیہ ستمبر میں فلسطینی ریاست کو تسلیم کر لے گا۔کیئر سٹارمر کے مطابق غزہ میں روزانہ کم از کم 500 امدادی ٹرک درکار ہیں، اور وہاں کی انسانی صورتحال ناقابلِ برداشت ہو چکی ہے۔ادھر سابق امریکی صدر ڈونلڈ ٹرمپ نے کینیڈا کے اس اعلان پر سخت ردعمل دیتے ہوئے کہا ہے کہ فلسطینی ریاست کو تسلیم کرنے کا یہ قدم امریکہ اور کینیڈا کے درمیان جاری تجارتی مذاکرات کو متاثر کر سکتا ہے۔ اپنے سوشل میڈیا پلیٹ فارم ’ٹروتھ سوشل‘ پر بیان دیتے ہوئے ٹرمپ نے کہاکےواہ! کینیڈا نے فلسطین کی ریاستی حیثیت کی حمایت کر دی ہے، اب ہمارے لیے ان کے ساتھ تجارتی معاہدہ کرنا بہت مشکل ہو جائے گا۔بین الاقوامی تجزیہ کاروں کے مطابق، کینیڈا کا یہ فیصلہ نہ صرف خطے میں امن کی کوششوں کو سہارا دے گا بلکہ فلسطین کی عالمی سطح پر تسلیم شدہ حیثیت کے حصول میں ایک بڑا قدم ثابت ہو سکتا ہے۔

کینیڈا بھی فلسطین کیساتھ تسلیم کرنے کا اعلان ،امریکا ناراض

کینیڈا نےبھی ستمبر میں فلسطینی ریاست کو تسلیم کرنے پر مشروط آمادگی ظاہر کردی

کراچی کے علاقے ملیر کھوکھراپار میں 16 سالہ اریبہ کے بہیمانہ قتل کی گتھی آخرکار سلجھ گئی۔ پولیس نے بیس روز کی مسلسل تفتیش کے بعد لڑکی کے پڑوسی محمد حذیفہ کو گرفتار کر لیا، جس نے نہ صرف جرم کا اعتراف کیا بلکہ لرزہ خیز تفصیلات بھی بیان کیں۔تفتیشی افسران کے مطابق، 10 جولائی کو اریبہ اپنی دوست کے بارے میں پوچھنے حذیفہ کے گھر آئی تھی، جہاں اس نے مبینہ طور پر اریبہ کو زیادتی کا نشانہ بنایا۔ لڑکی کے شور مچانے پر ملزم نے اس کا منہ دبا دیا، جس کے باعث وہ دم گھٹنے سے موقع پر ہی جاں بحق ہو گئی۔میڈیکل رپورٹ میں زیادتی کی تصدیق کے بعد پولیس نے مشتبہ افراد کے ڈی این اے نمونے لیے، جن میں سے حذیفہ کا ڈی این اے میچ کر گیا۔ پولیس نے اسے حراست میں لیا، اور پوچھ گچھ پر اس نے جرم قبول کر لیا۔ملزم نے عدالت میں 164 کا بیان ریکارڈ کرایا، جہاں اس نے کہا کہ وہ اپنے فعل پر نادم ہے اور "اللہ کی رضا" کے لیے معاف کرنے کی اپیل کی۔ عدالت نے ملزم کو عدالتی حراست میں جیل بھیج دیا ہے۔متوفیہ اریبہ دو بہن بھائیوں میں سب سے بڑی تھی، اور اس کی لاش کچھ روز قبل گھر کے باہر پھندے کی حالت میں ملی تھی، جس کے بعد محلے میں خوف اور غم کی فضا چھا گئی تھی۔

کراچی کے علاقے ملیر کھوکھراپار میں 16 سالہ اریبہ کے بہیمانہ قتل کی گتھی آخرکار سلجھ گئی

کراچی میں 16 سالہ لڑکی کا قاتل پڑوسی نکلا، تہلکہ خیزانکشاف

برطانیہ میں اسلامو فوبیا کے تحت مسلمانوں کو بدنام کرنے کی ایک اور چال اُس وقت ناکام ہوگئی جب "اللّٰہ اکبر" کہہ کر طیارہ بم سے اُڑانے کی دھمکی دینے والا شخص مسلمان نہیں بلکہ بھارتی ہندو نکلا۔لندن سے گلاسگو جانے والی ایزی جیٹ کی پرواز میں ایک شخص نے اچانک "اللہ اکبر" کے نعرے لگاتے ہوئے طیارے کو بم سے اُڑانے کی دھمکی دے دی۔اس واقعے پر طیارے میں خوف و ہراس پھیل گیا، خواتین اور بچے چیخنے لگے۔لیکن ہمت دکھاتے ہوئے ایک مسافر نے اس شخص کو دبوچ کر زمین پر پٹخ دیا، جبکہ ایک اور مسافر اس کے اوپر بیٹھ گیا تاکہ وہ مزید کچھ نہ کر سکے۔حیران کن طور پر دھمکیاں دینے والا شخص لیٹے ہوئے بھی "اللہ اکبر" اور "امریکا و ٹرمپ مردہ باد" کے نعرے لگاتا رہا۔طیارے کی ہنگامی لینڈنگ کی گئی، اس کی تلاشی لی گئی لیکن کسی بھی ممنوعہ مواد کا کوئی سراغ نہیں ملا۔تحقیقات میں انکشاف ہوا کہ یہ شخص مسلمان نہیں بلکہ 41 سالہ ہندو پناہ گزین "ابھے نائیک" ہے، جو بھارت سے تعلق رکھتا ہے اور کافی عرصے سے برطانیہ کے شہر لوٹن میں مقیم تھا۔پولیس نے ابھے نائیک کو باقاعدہ گرفتار کر کے تحقیقات شروع کر دی ہیں اور کہا ہے کہ اس کے ذہنی و نفسیاتی معائنے کا بھی فیصلہ کیا گیا ہے۔واقعے کے محرکات جاننے کے لیے مزید تفتیش جاری ہے۔سوشل میڈیا پر اس واقعے کے بعد شدید ردعمل دیکھنے میں آیا، صارفین نے واضح کیا کہ ایسے واقعات کے ذریعے مسلمانوں کو بدنام کرنے کی مہم اب مزید برداشت نہیں کی جائے گی۔

برطانیہ میں’’اسلاموفوبیا ڈرامہ‘‘ بے نقاب،مسلمانوں کو بدنام کرنے کی چال الٹی پڑ گئی

برطانیہ میں طیارہ تباہ کرنے کی دھمکی دینے والامسافر مسلمان نہیں بھارتی ہندو پناہ گزین تھا

The IND (w) vs SA (w) test will be played on 28th June at the MA Chidambaram Stadium in Chennai.

IND w vs SA w Test Squad History Venue

<p>The IND (w) vs SA (w) test will be played on 28th June at the MA Chidambaram Stadium in Chennai.&nbsp;</p>

<p>India will host South Africa for a one-off women&rsquo;s test match. This match is part of South Africa&rsquo;s all-format tour of India that began with a three-match ODI series and will conclude with a three-match T20I series.&nbsp;</p>

<p>The tour didn&rsquo;t bring much luck for the Proteas as the three-match ODI series ended 3-0 in favor of the host India.&nbsp;</p>

<h2>IND (w) vs SA (w) test squad</h2>

<p>For a series as competitive as this one, both teams will be bringing their best players into their respective squads.&nbsp;</p>

<p>Here&rsquo;s the confirmed squad list for India (w) and South Africa (w).&nbsp;</p>

<p><strong>India: </strong>Smriti Mandhana, Jemimah Rodrigues, Priya Punia, Harmanpreet Kaur (c), Shafali Verma, Shubha Satheesh, Deepti Sharma, Pooja Vastrakar, Meghna Singh, Richa Ghosh (wk), Uma Chetri (wk), Sneh Rana, Saika Ishaque, Rajeshwari Gayakwad, Arundhati Reddy, Renuka Thakur Singh.&nbsp;</p>

<p><strong>South Africa: </strong>Laura Wolvaardt (c), Anneke Bosch, Tazmin Brits, Nadine de Klerk, Annerie Dercksen, Mieke de Ridder, Sinalo Jafta, Marizanne Kapp, Masabata Klaas, Sune Luus, Eliz-Mari Marz, Nonkululeko Mlaba, Tumi Sekhukune, Nondumiso Shangase, Delmi Tucker.</p>

<h2>India (w) vs South Africa (w) test history</h2>

<p>India and South Africa have played two test matches against each other in the past, with their last encounter coming in November 2014, where India emerged victorious by an innings and 34 runs.</p>

<p>The only other women&#39;s test match between the two countries was contested in 2002, with India winning the match by 10 wickets.</p>

<p>The India women&#39;s team last played a test in December 2023 against England and Australia and was triumphant in both.&nbsp;</p>

<p>South Africa women&rsquo;s team played their last test match against Australia women&rsquo;s team on 15 February 2024. Australia women&rsquo;s team won the match by an innings and 284 runs.&nbsp;</p>

<h2>India vs South Africa (w) test match venue&nbsp;</h2>

<p>The IND (w) vs SA (w) one-off test match will be played from 28 June till 1st July at the MA Chidambaram Stadium in Chennai.&nbsp;</p>

<p>The MA Chidambaram stadium is the second oldest cricket stadium in the country after Eden Gardens in Kolkata. It has a seating capacity of 38,200 and was established in 1916.&nbsp;</p>

<h2>Where to watch IND vs SA (w) live match stream?&nbsp;</h2>

<p>Fans can watch India (w) vs SA (w) test match <a href="https://www.tapmad.com/play/ind-women-vs-sa-women-live-odi/11271">live stream</a> online on tapmad.&nbsp;</p>

IND (w) vs SA (w) Test Squad, History, Venue

IND (w) vs SA (w) test squad

India (w) vs South Africa (w) test history

India vs South Africa (w) test match venue

Where to watch IND vs SA (w) live match stream?

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan