Cricket

Entertainment

Football

تیسرے اور آخری ٹی 20 میچ میں پاکستان نے بنگلادیش کو 74 رنز سے ہرادیا تاہم بنگلادیش نے سیریز دو ایک سے اپنے نام کرلی،پاکستان کی جانب سے دیئے گئے 179رنز کے تعاقب میں بنگلہ دیش کی پوری ٹیم 104 رنز بنا کر آل آؤٹ ہوگئی۔قبل ازیںبنگلہ دیش نے ٹاس جیت کر فیلڈنگ کا فیصلہ کیا اور پاکستان کو بیٹنگ کی دعوت دی جس پر پاکستان نے 20 اوورز میں 7 وکٹوں کے نقصان پر 178 رنز بنائے ، پاکستان کی جانب سے صاحبزادہ فرحان 63 رنز کے ساتھ سرفہرست رہے جبکہ حسن نواز نے 33 ، محمد نواز نے 27 اور صائم ایوب نے 21 رنز کی نمایاں اننگز کھیلیں ۔بنگلہ دیش کی جانب سے تسکین احمد نے شاندار باولنگ کا مظاہرہ کرتے ہوئے تین کھلاڑیوں کو آوٹ کیا جبکہ نسم احمد نے 2 ، شریف السلام اور محمد سیف الدین نے ایک ایک وکٹ حاصل کی ۔پاکستان کی جانب سے 179 رنز کے تعاقب میں بنگلہ دیشی کی پوری ٹیم17ویں اوورز میں 104 رنز بنا کر آل آؤٹ ہوگئی،نگلا دیش کی جانب سے محمد سیف الدین ناٹ آؤٹ 35 رنز بنا کر نمایاں رہے۔ مہدی حسن میراز 10، محمد نعیم 10، نسُم احمد 9، کپتان لٹن داس 8، تسکین احمد 7، شریف الاسلام 7، شمیم حسین 5، جاکر علی 1 جبکہ مہدی حسن اور تنزید حسن صفر،صفر کے انفرادی اسکور پر آؤٹ ہوئے۔پاکستان کی جانب سے سلمان مرزا نے 3، فہیم اشرف اور محمد نواز نے 2، 2 جبکہ احمد دانیال،  سلمان آغا اور حسین طلعت نے 1، 1  کھلاڑی کو آؤٹ کیا۔واضح رہے کہ میزبان ٹیم نے 3 میچوں کی سیریز کو دو ایک سے اپنے نام کرلیا ہے۔

تیسرا ٹی 20، پاکستان نے بنگلہ دیش کو 74 رنز سے ہرا دیا،سیریز بنگلادیش کے نام

پاکستان کے 179 رنز کے ہدف کے تعاقب میں بنگلہ دیشی ٹیم 17ویں اوورز میں 104 رنز بنا کر ڈھیر ہوگئی

ریسلنگ کے دنیا کے لیجنڈ ہلک ہوگن71برس کی عمر میں انتقال کرگئےامریکی میڈیا کے مطابق لیجنڈ ریسلر کا انتقال فلوریڈا میں ان کی رہائش گاہ پر دل کا دورہ پڑنے کے باعث ہوا۔رپورٹ کے مطابق ہلک ہوگن نے گزشتہ ماہ  دل کی بڑی سرجری کرائی تھی اور حالیہ ہفتوں میں صحت یاب ہو رہے تھے۔ کچھ ہفتے قبل ہلک ہوگن کی اہلیہ نے بھی ہوگن کے کوما میں ہونے کی افواہوں کی تردید کی تھی۔لیجنڈ ریسلر نے پانچ بار ڈبلیو ڈبلیو ایف چیمپئن شپ کا ٹائٹل اپنے نام کیا، ریسلنگ کے علاوہ انہوں نے فلموں اور ٹی وی میں بھی کام کیا۔ہوگن کو ریسلنگ کی تاریخ کے سب سے بڑے اسٹارز میں شمار کیا جاتا ہے اور وہ دنیا بھر میں ریسلنگ کے مداحوں کے ہیرو رہے ہیں۔ڈبلیو ڈبلیو ای انتظامیہ کی جانب سے ہوگن کے انتقال پر اہلخانہ سے تعزیت کا اظہار کیا گیا ہے۔ہاک ہوگن نہ صرف ریسلنگ رنگ میں بلکہ فلموں اور ٹی وی شوز میں بھی مشہور رہے۔خیال رہے کہ ہلک ہوگن کا اصل نام ٹیری جین بولیا تھا جنہوں نے ریسلنگ کے کیریئر میں متعدد چیمپئن شپ، بیلٹس جیتیں جبکہ اس کھیل کو عالمی سطح پر مقبول بنانے میں بھی اہم اور کلیدی کردار ادا کیا۔

ریسلنگ کے دنیا کے لیجنڈ ہلک ہوگن71 برس کی عمر میں انتقال کرگئے

ہلک ہوگن کا اصل نام ٹیری جین بولیا تھا جنہوں نے ریسلنگ کے کیریئر میں متعدد چیمپئن شپ، بیلٹس جیتیں

وزیراعلیٰ خیبرپختونخوا علی امین گنڈا پور نے کہا ہے کہ صوبے میں کسی آپریشن کی اجازت نہیں دی جائے گی، ہمارا صوبہ ہمیں چلانے دیں، ہمارا صوبہ اپنے وسائل پر پیروں پر کھڑا ہوسکتا ہے۔آل پارٹیز کانفرنس کے بعد علی امین گنڈاپور نے میڈیا کو بریفنگ دیتے ہوئے کہا کہ اے پی سی کا جنہوں نے بائیکاٹ کیا، ان کے لیے ہمارے دروازے کھلے ہیں۔ آج کی کانفرنس صرف امن و امان کے حوالے سے تھی۔وزیراعلیٰ کے پی علی امین گنڈاپور کا کہنا تھا کہ بارڈرایریا وفاقی حکومت کی ذمہ داری ہے، وفاقی حکومت اپنی ذمہ داری پوری نہیں کر رہی، بارڈر ایریا سے متعلق مرکزی حکومت سے بات کریں گے، صوبے میں گڈ طالبان کی کوئی گنجائش نہیں۔انہوں نے کہا کہ اس وقت ڈرونز کے ذریعے کارروائیاں کی جا رہی ہیں، ہم نے فیصلہ کیا ہے صوبے میں دہشتگردوں کیخلاف ڈرون استعمال نہیں ہوگا، کوئی بھی شخص اسلحہ کے ساتھ نظر آئے گا تو اس کیخلاف کارروائی ہوگی، ہم نے ہر ضلع میں پولیس کی بھرتی کی منظوری دی ہے۔ان کا کہنا تھا کہ صوبے کے اثاثے اور اختیار ہمارے پاس ہی ہیں اور ہمیشہ رہیں گے، کوئی ہم سے صوبے کے اثاثے اور اختیار نہیں لے سکتا، صوبے کے اندر کسی قسم کی وفاقی فورس کارروائی نہیں کر سکتی، وفاق اپنی فورسز کو بارڈر کی حفاظت کیلئے لگائے۔علی امین گنڈاپور نے کہا کہ ہمارا صوبہ ہمیں چلانے دیں، وفاقی وزراء ہمارے صوبے سے متعلق بات نہ کریں، ہمارا صوبہ اپنے وسائل پر پیروں پر کھڑا ہوسکتا ہے، ہمارا صوبہ بجلی بنا سکتا ہے، ہمارے تمام واجبات واپس کئے جائیں، بارڈر ٹریڈ کلیئر نہ ہونے سے ہماری تجارت متاثر ہو رہی ہے، ہماری بارڈرٹریڈ کو کلیئر کیا جائے۔وزیراعلیٰ خیبرپختونخوا کا مزید کہنا تھا کہ آپ نے افغانستان 2 نمائندے بھیجے لیکن ہمیں تحفظات ہیں، اسحاق ڈار اور محسن نقوی میرے صوبے کی بات نہیں کر سکتے، میرے صوبے کے مسائل سے متعلق محسن نقوی کچھ نہیں جانتے،محسن نقوی کرکٹ کے فیصلے کرسکتا ہے، فلائی اوور بنا سکتا ہے لیکن ہمارے صوبے کے فیصلے نہیں کر سکتا، میرے صوبے کا فیصلہ یہاں کے عمائدین کریں گے۔انہوں نے مزید کہا کہ جس نے کانفرنس میں شرکت نہیں کی، اُن کی تجاویز کے لیے ہمارے دروازے کھلے ہوئے ہیں۔

خیبرپختونخوا میں کسی آپریشن کی اجازت نہیں دیں گے،وزیر اعلیٰ خیبرپختونخوا

محسن نقوی کرکٹ کے فیصلے کر سکتے ہیں، فلائی اوور بنا سکتے ہیں لیکن ہمارے صوبے کے فیصلے نہیں کر سکتے،گنڈاپور

ڈھاکہ (این این آئی)پاکستان کرکٹ بورڈ کے چیئرمین محسن نقوی نے کہا ہے کہ بھارتی کرکٹ بورڈ کے ساتھ رابطے میں ہیں، بہت جلد ایشیا کپ کے شیڈول کا مسئلہ حل ہوجائے گا۔ایشین کرکٹ کونسل ( اے سی سی ) کے اجلاس کے بعد میڈیا سے گفتگو کرتے ہوئے صدر اے سی سی اور چیئرمین پی سی بی محسن نقوی نے کہا کہ اے سی سی اجلاس میں تمام 25 رکن ممالک نے شرکت کی اور ہم سب نے کرکٹ کے لیے کام کرنے کا فیصلہ کیا ہے۔انہوں نے کہا کہ ہماری تنظیم میں کسی قسم کی کوئی سیاست نہیں ہے، بہت ہی خوشگوار ماحول میں یہ اجلاس ہوا اور امید ہے کہ ہم مستقبل میں بھی اسی طرح اجلاس منعقد کریں گے۔ایشیا کپ کے حوالے سے ایک سوال کے جواب میں میڈیا سے گفتگو کرتے ہوئے محسن نقوی نے کہا کہ ہم بی سی سی آئی کے ساتھ رابطے میں ہیںاور بہت جلد ایشیا کپ کے انعقاد کے حوالے سے اعلان کیا جائے گا۔محسن نقوی سے جب پوچھا گیا کہ ایشیا کپ میں تین بڑے بورڈز کی شرکت مشکوک تھی مگر آخر میں سب شامل ہوگئے تو یہ کیسے ہوا، اس پر چیئرمین پی سی بی نے کہا کہ یہ میری وجہ سے نہیں بلکہ اے سی سی کے تمام اراکین کی بدولت ممکن ہوپایا۔قبل ازیں ایشین کرکٹ کونسل کا سالانہ اجلاس بنگلہ دیش کے دارالحکومت ڈھاکا میں اختتام پذیر ہوگیا۔اجلاس کی صدارت ے سی سی کے صدر اور چیئرمین پاکستان کرکٹ بورڈ محسن نقوی نے کی، اجلاس میں 100 فیصد رکن ممالک نے شرکت کی۔اجلاس میں 2025-26 کا ٹورنامنٹ کیلنڈر اور بجٹ منظوری کے لیے پیش کیا گیا۔ایشین گیمز 2026 (جاپان) میں کرکٹ کو شامل کر دیا گیا، ایشین گیمز میں 10 مردوں اور 8 خواتین ٹیمیں حصہ لیں گی۔دوران اجلاس منگولیا، ازبکستان اور فلپائن کو اے سی سی کا نیا رکن بنایا گیا، اے سی سی نے تینوں نئے ممبر ممالک کو خوش آمدید کہا۔ایشین کرکٹ کونسل کے اجلاس میں تمام اراکین نے کرکٹ کو اولین ترجیح دینے کا عزم کیا۔

بھارتی کرکٹ بورڈ سے رابطے میں ہیں، ایشیا کپ کے شیڈول کا جلد اعلان ہوگا، محسن نقوی

بہت ہی خوشگوار ماحول میں اجلاس ہوا ، امید ہے مستقبل میں بھی اسی طرح اجلاس منعقد کریں گے، چیئرمین پی سی بی

روس میں افسوسناک فضائی حادثے کے دوران مسافر طیارہ گر کر تباہ ہو گیا، جس کے نتیجے میں طیارے میں سوار تمام 49 افراد ہلاک ہو گئے۔غیر ملکی میڈیا رپورٹس کے مطابق یہ المناک واقعہ چین اور روس کی سرحد کے قریب واقع امور ریجن میں پیش آیا، جہاں طیارہ اچانک ریڈار سے غائب ہو گیا تھا۔ حادثے کا شکار ہونے والا طیارہ سائبیریا کی معروف انگارا ایئرلائن کا تھا،جواے این-24ماڈل کا پرانا طیارہ ہے۔ یہ معمول کی پرواز پر تھا اور چین کی سرحد کے قریب واقع روسی شہر ٹنڈا کی طرف جا رہا تھا۔ پرواز کے دوران اچانک ایئر ٹریفک کنٹرول سے رابطہ منقطع ہو گیا اور طیارہ ریڈار سے بھی غائب ہو گیا۔روسی حکام نے فوری طور پر تلاش اور امداد کا آپریشن شروع کیا، جس کے بعد طیارے کا ملبہ ٹنڈا شہر سے تقریباً 10 کلومیٹر دور ایک دشوار گزار پہاڑی علاقے میں ملا۔ ابتدائی معلومات کے مطابق طیارہ خراب موسم اور ممکنہ تکنیکی خرابی کے باعث پہاڑ سے ٹکرا گیا۔ریسکیو ٹیموں کو سخت خراب موسم اور گھنے جنگلات کی وجہ سے شدید مشکلات کا سامنا کرنا پڑا، تاہم امدادی کارروائیاں ہیلی کاپٹرز کے ذریعے جاری رہیں۔ افسوسناک طور پر حکام نے تصدیق کی ہے کہ کسی بھی مسافر کے زندہ بچنے کے آثار نہیں ملے۔علاقائی گورنر ویسلی اورلوف اور روسی تحقیقاتی ادارے اس واقعے کی مکمل چھان بین کر رہے ہیں، تاکہ اس المناک حادثے کی اصل وجوہات کا تعین کیا جا سکے۔ یہ واقعہ روس کی حالیہ ہوابازی کی تاریخ کا ایک اور سیاہ باب بن گیا ہے۔

روس میں مسافر طیارہ گر کر تباہ ہوگیا،بچوں سمیت تمام 49 افراد ہلاک

سائبیریا سے اڑان بھرنے والا طیارہ چین کی سرحد کے قریب پہاڑ سے ٹکرا گیا، کوئی مسافر زندہ نہ بچ سکا

بھارت میں لہنگا واپس نہ کرنے پر نوجوان نے کپڑے کی دکان پر ہنگامہ برپا کردیا جس کی ویڈیو سوشل میڈیا پر وائرل ہوگئی۔بھارتی ریاست مہاراشٹر کے شہر کلیان میں ایک نوجوان کی منگیتر نے لہنگا خریدا جو بعدازاں اسے کسی وجہ سے پسند نہ آیا، جب وہ واپس کرانے پہنچی تو دکان دار نے اسے واپس کرنے سے انکار کیا،  یہ جوڑا تقریباً 32 ہزار بھارتی روپے کا تھا۔دکاندار کی جانب سے لہنگا واپس کرنے سے انکار پر سیانی نامی نوجوان نے طیش میں آکرایکشن موڈ آن کر لیا۔ویڈیو میں دیکھا جا سکتا ہے کہ ایک نوجوان نے دکان میں داخل ہوتے ہی چاقو نکال کر مہنگے کپڑوں کو کاٹنا شروع کر دیااور دھمکیاں دیتا رہا کہ اگر پیسے واپس نہ کیے تو تمہیں بھی اسی طرح کاٹ ڈالوں گا، اس کے بعد وہ لہنگے کے چیتھڑے دکان میں پھینک کر باہر نکل گیا  دکاندار اور عملہ اسےسکتے کے عالم میں دیکھتے رہ گئے۔احتجاج کے اس انوکھے انداز کی ویڈیو جیسے ہی سوشل میڈیا پر وائرل ہوئی صارفین نے مزاحیہ تبصروں سے کمنٹ سیکشن بھر دیا۔ایک نے لکھا کہ جب واپس کرنا ہو تو خریدا ہی کیوں جاتا ہے؟ ایک صارف نے لکھا، منگیتر کو خوش کرنے کے چکر میں پولیس کی مار کھانے والے ہیں۔کسی نے لکھا: ”بھائی، ریٹرن پالیسی نہیں پسند تو نیٹ فلیکس پرغصہ نکالو!“ایک اورکا کہنا تھا: ”محبت میں لہنگا بھی مہنگا لگتا ہے!“فی الحال پولیس کی جانب سے کوئی گرفتاری عمل میں نہیں آئی، لیکن عوامی عدالت نے نوجوان کو’لہنگا واریئر’ کا خطاب دے دیا ہے۔

لہنگا واپس کیوں نہیں کیا بھارتی نوجوان کا کپڑے کی دکان پر ہنگامہ، ویڈیو وائرل

دکاندار کی جانب سے لہنگا واپس کرنے سے انکار پر سیانی نامی نوجوان نے طیش میں آکرایکشن موڈ آن کر لیا

ڈی جی آئی ایس پی آر لیفٹیننٹ جنرل احمد شریف کا کہنا ہے کہ بلوچ عوام پاکستان کے ساتھ تاریخ، مذہب، ثقافت اور روایات کے مضبوط رشتوں میں جڑے ہوئے ہیں اور مٹھی بھر دہشت گرد بلوچستان اورپاکستان کی ترقی و خوشحالی کے سفر کو نہیں روک سکتے۔ لیفٹیننٹ جنرل احمد شریف نے لاہور کی کنگ ایڈورڈ میڈیکل یونیورسٹی کا دورہ کیا، جہاں انتظامیہ، فیکلٹی اور طلباء و طالبات نے ان کا پرتپاک استقبال کیا۔ اس موقع پر ترجمان پاک فوج نے آپریشن بنیان مرصوص کی کامیابیوں، قومی یکجہتی اور دشمن قوتوں کے خلاف فوج کی حکمت عملی پر تفصیل سے روشنی ڈالی۔ان کا کہنا تھا کہ آپریشن بنیان مرصوص معرکۂ حق کی ایک بڑی کامیابی ہے جس میں نوجوانوں اور عوام کی بھرپور حمایت شامل رہی۔  لیفٹیننٹ جنرل احمد شریف نے واضح کیا کہ "کشمیر پاکستان کی شہ رگ ہے اور ہمیشہ رہے گا۔طلباء و طالبات نے افواج پاکستان کو خراجِ تحسین پیش کیا اور اس طرح کے مزید سیشنز کے انعقاد کی خواہش کا اظہار کیا۔

مٹھی بھر دہشت گرد بلوچستان اور پاکستان کی ترقی نہیں روک سکتے،ترجمان پاک فوج

کشمیر پاکستان کی شہ رگ ہے اور ہمیشہ رہے گا، بلوچ عوام پاکستان سے تاریخ، مذہب، ثقافت اور روایت کے رشتوں میں جڑے ہیں

امریکی صدر نے مختلف ممالک پر15سے50فیصد تک ٹیرف عائد کرنے کا اعلان کر دیا۔ ڈونلڈ ٹرمپ نے کہا ہے کہ وہ عالمی منڈی میں تیل کی قیمت کو مزید نیچے لانے کے خواہاں ہیں کیونکہ امریکہ کے پاس دنیا کے سب سے بڑے توانائی ذخائر موجود ہیں۔ واشنگٹن میں منعقدہ آرٹیفیشل انٹیلی جنس (اے آئی) سمٹ سے خطاب کرتے ہوئے صدر ٹرمپ نے عالمی تجارتی پالیسیوں، توانائی معاہدوں اور مصنوعی ذہانت کی دوڑ پر کھل کر اظہار خیال کیا۔ اے آئی سمٹ سے خطاب کرتے ہوئےٹرمپ کہا کہ یورپی یونین کیساتھ سنجیدہ مذاکرات کر رہے ہیں، چین کے ساتھ ڈیل کرنے والے ہیں، جاپان نے مذاکرات کرکے ٹیرف 15فیصد پر لانے پر اتفاق کیا، امریکا میں کاروبار کرنے والے ممالک پر ٹیرف کم کر دیں گے۔ڈونلڈ ٹرمپ کا مزیدکہنا تھاکہ تیل کی قیمت مزید نیچے لانا چاہتے ہیں، توانائی پرمختلف ایشیائی ممالک کیساتھ معاہدے کررہے ہیں۔امریکی صدر نے امریکا اور نیٹو کے درمیان ڈیل پر زور دیتے ہوئے کہا کہ ڈیل کے تحت یورپی اتحادی ہتھیار خرید کر یوکرین کو بھیجیں گے، یورپی اتحادی امریکا کو فوجی سازوسامان کی 100 فیصد ادائیگی کریں گے۔اے آئی ٹیکنالوجی پر گفتگو کرتے ہوئے صدر ٹرمپ نے کہا کہ امریکا نے مصنوعی ذہانت کی عالمی دوڑ کا آغاز کیا تھا اور اب اس میدان میں چین کو شکست دے رہا ہے۔ان کا مزید کہنا تھا کہ مصنوعی ذہانت کی دوڑ کا ہم نے آغاز کیا اور ہم ہی جیتیں گے۔صدر ٹرمپ نے امریکا اور نیٹو کے درمیان تعلقات کو مزید مستحکم کرنے پر زور دیا اور سمٹ کے دوران تین اہم ایگزیکٹو آرڈرز پر دستخط کیے۔ ان آرڈرز کے تحت دفاعی پالیسیوں اور تجارتی معاہدوں میں نئی اصلاحات متعارف کرائی جائیں گی۔

ٹرمپ نےمختلف ممالک پر15سے50فیصد تک ٹیرف عائد کرنے کا اعلان کر دیا

تیل کی قیمت نیچے لانا چاہتے ہیں،امریکا میں کاروبار کرنے والے ممالک پر ٹیرف کم کر دیں گے،امریکی صدر

ٹک ٹاک نے سال 2025 کے صرف تین مہینوں میں ایسا بڑا قدم اٹھایا ہے جس نے سب کو حیران کر دیا۔ پاکستان سمیت دنیا بھر میں لاکھوں نہیں بلکہ کروڑوں ویڈیوز پلیٹ فارم سے ڈیلیٹ کر دی گئیں۔ آخر یہ مواد کیوں ہٹایا گیا؟تفصیلات کے مطابق ٹک ٹاک نے اپنی کمیونٹی گائیڈ لائنز پر عمل درآمد کی رپورٹ جاری کر دی ہے، جو جنوری سے مارچ 2025 تک کے اعداد و شمار پر مشتمل ہے۔ رپورٹ کے مطابق، اس مدت کے دوران صرف پاکستان میں تقریباً 2 کروڑ 50 لاکھ ویڈیوز ڈیلیٹ کی گئیں۔پاکستان میں ڈیلیٹ ہونے والی ویڈیوز میں سے 99 فیصد سے زائد ویڈیوز کو پیشگی طور پر ہی ہٹا دیا گیا، اور ان میں سے 96 فیصد کے قریب ویڈیوز کو پوسٹ ہونے کے 24 گھنٹوں کے اندر حذف کر دیا گیا۔اگر عالمی سطح پر بات کریں تو، ٹک ٹاک نے صرف پہلی سہ ماہی میں تقریباً 20 کروڑ ویڈیوز ڈیلیٹ کیں، جو پلیٹ فارم پر اپ لوڈ کیے گئے کل مواد کا تقریباً ایک فیصد ہیں۔ ان میں سے زیادہ تر، یعنی 18 کروڑ 40 لاکھ سے زائد ویڈیوز، خودکار نظام کے ذریعے نشاندہی کر کے ہٹائی گئیں۔دلچسپ بات یہ ہے کہ ٹک ٹاک نے رپورٹ میں بتایا کہ تقریباً 7 لاکھ 50 ہزار ویڈیوز بعد میں جانچ کے بعد بحال بھی کی گئیں۔رپورٹس کے مطابق 30 فیصد سے زائد ویڈیوز میں حساس یا بالغ موضوعات شامل تھے۔ 11 فیصد سے زیادہ ویڈیوز نے پلیٹ فارم کے تحفظ اور شائستگی کے معیار کی خلاف ورزی کی۔ تقریباً 15 فیصد ویڈیوز نے پرائیویسی اور سیکیورٹی کے اصول توڑے۔ سب سے اہم بات یہ کہ 45 فیصد ویڈیوز غلط معلومات پر مشتمل تھیں اور 14 فیصد کے قریب ویڈیوز مصنوعی ذہانت یا ایڈیٹڈ میڈیا پر مبنی تھیں۔یہ اعداد و شمار ظاہر کرتے ہیں کہ ٹک ٹاک اپنی پالیسیوں پر سختی سے عمل درآمد کر رہا ہے۔

ٹک ٹاک نےپاکستان میں 2 کروڑ 50 لاکھ اور دنیا بھرسے 20 کروڑ ویڈیوز ڈیلیٹ کردیں

زیادہ تر ویڈیوز حساس مواد، غلط معلومات اور اے آئی پر مبنی تھیں، 95 فیصد ویڈیوز 24 گھنٹوں میں ہٹا دی گئیں

میئر لندن صادق خان نے برطانوی حکومت سے فلسطین کو فوری طور پر ریاست تسلیم کرنے کا مطالبہ کردیا،میئر لندن صادق خان نے برطانوی حکومت پر زور دیا ہے کہ وہ فلسطین کو فوری طور پر بطور ریاست تسلیم کرے۔ سوشل میڈیا پر جاری اپنے بیان میں صادق خان نے کہا کہ جب تک فلسطینی ریاست کا باضابطہ وجود تسلیم نہیں کیا جاتا، دو ریاستی حل کی بات محض دکھاوا ہے۔انہوں نے کہا کہ غزہ کی صورتحال ہر گزرتے دن کے ساتھ بدتر ہو رہی ہے۔بھوک سے نڈھال بچے ملبے کے ڈھیر میں مایوسی کے عالم میں غذا تلاش کر رہے ہیں اور امداد کے منتظر فلسطینی خاندان اسرائیلی فوج کی کارروائیوں کا نشانہ بن رہے ہیں۔صادق خان کا کہنا تھا کہ اسرائیلی اقدامات کا کوئی جواز نہیں ہے، اور برطانوی حکومت سمیت عالمی برادری کو چاہیے کہ اسرائیل پر دباؤ بڑھانے کے لیے فوری اور مؤثر اقدامات کرے۔

فلسطین کو ریاست تسلیم کریں، صادق خان کا برطانوی حکومت سے دوٹوک مطالبہ

غزہ میں تباہی اور بھوک کی صورتحال ناقابلِ برداشت ہے، اسرائیلی اقدامات کا کوئی جواز نہیں، میئر لندن

امریکی صدر ٹرمپ کے پاک بھارت سیز فائر کرانے کے بیانات پر راہول گاندھی وزیراعظم مودی پر برس پڑے۔بھارت میں کانگریس رہنما اور لوک سبھا میں اپوزیشن لیڈر راہول گاندھی نے وزیراعظم نریندر مودی پر کڑی تنقید کی ہے اور امریکی صدر ٹرمپ کے جنگ بندی کے دعووں پر مودی کی خاموشی پر سوال اٹھا دیا۔ اپوزیشن لیڈر راہول گاندھی نے وزیراعظم نریندر مودی پر کڑی تنقید کرتے ہوئے امریکی صدر ڈونلڈ ٹرمپ کے پاک بھارت سیز فائر کے بیانات پر مودی کی خاموشی کو ہدف بنایا ہے۔راہول گاندھی کا کہنا تھا کہ وزیراعظم آخر بیان کیسے دے سکتے ہیں؟ ٹرمپ نے اعلان کیا ہے اور یہ حقیقت ہے کہ دنیا جانتی ہے کہ انہوں نے بھارت اور پاکستان کے درمیان جنگ بندی کا اعلان کیا۔ اس حقیقت کو چھپایا نہیں جا سکتا۔انہوں نے مزید کہا کہ یہ معاملہ صرف جنگ بندی تک محدود نہیں، بلکہ دفاع، دفاعی مینوفیکچرنگ اور کئی دیگر اہم موضوعات پر بھی بات ہونی چاہیے۔ حالات اچھے نہیں ہیں اور پوری قوم اس سے واقف ہے۔راہول گاندھی نے بھارتی وزیراعظم نریندرمودی پر الزام لگایا کہ ٹرمپ کے 25 مرتبہ کیے گئے دعووں پر بھی انہوں نے کوئی جواب نہیں دیا۔جو لوگ خود کو دیش بھگت کہتے ہیں وہ خاموش ہیں، مگر یہ سچائی چھپ نہیں سکتی۔راہول گاندھی کا کہنا تھا کہ ٹرمپ کو ایسی سطح کی مداخلت کا کوئی اختیار نہیں، لیکن اگر وہ مسلسل دعویٰ کر رہے ہیں تو بھارتی قیادت کو عوام کو سچ بتانا ہوگا۔

امریکی صدر ٹرمپ کے جنگ بندی کے دعووئوں پر راہول گاندھی مودی پر برس پڑے

ڈونلڈٹرمپ اگر مسلسل دعویٰ کر رہے ہیں تو بھارتی قیادت کو عوام کو سچ بتانا ہوگا،راہول گاندھی

دنیا بھر میں مختلف ملکوں کے پاسپورٹس کی نئی درجہ بندی کردی گئی جس میں پاکستان کا شمار ایک بار پھر کمزور ترین پاسپورٹس میں شمار کیا گیا۔ ہینلے اینڈ پارٹنرز کی تازہ ترین رپورٹ کے مطابق طاقتور ترین پاسپورٹ رکھنے والے ممالک کی فہرست میں تین ایشیائی ممالک بازی لے گئے۔جولائی سے دسمبر 2025 کے لیے جاری کی گئی ہینلے اینڈ پارٹنرز کی اس فہرست میں ایشیائی ملک سنگاپور دنیا کا سب سے طاقتور پاسپورٹ قرار پایا ہے، جس کے شہری 193 ممالک میں بغیر ویزا سفر کر سکتے ہیں۔دوسرے نمبر پر بھی 2 ایشیائی ممالک موجود ہیں۔ جاپان اور جنوبی کوریا مشترکہ طور پردوسرے نمبر پر موجود ہیں جن کے حامل افراد کو 190 ممالک میں ویزا فری رسائی حاصل ہوجاتی ہے۔تیسرا نمبر مشترکہ طور پر 6 ممالک کے نام رہا جن کے پاسپورٹس پر 189 ممالک میں ویزا فری سہولت موجود ہے۔ یہ ممالک ڈنمارک، فن لینڈ، فرانس، جرمنی، آئرلینڈ، اٹلی اور اسپین ہیں۔بیلجیئم، آسٹریا، لگسمبرگ، ناروے، پرتگال اور سویڈن کے حصے میں چوتھا نمبر آیا اور ان ممالک کے پاسپورٹس سے 188 ممالک میں ویزا فری رسائی مل سکتی ہے۔187 ممالک میں ویزا فری داخلے کے ساتھ یونان، نیوزی لینڈ اور سوئٹزر لینڈ کے پاسپورٹس مشترکہ طور پر 5 ویں نمبر پر رہے۔دنیا کا طاقتور ترین سمجھا جانے والاامریکی پاسپورٹ 10 ویں نمبر پر پہنچ گیا ہے۔یو اے ای کے پاسپورٹ سے تیزی سے رینکنگ میں بہتری کی ہے اور ایک دہائی کے دوران 34 درجے بہتری کے بعد 8ویں نمبر پر ہے، چین کا پاسپورٹ بہتری کے بعد 60 نمبر پر موجود ہے۔پاکستان کمزور ترین پاسپورٹ رکھنے والا چوتھا ملک قرار پایا ہے، پاکستان سے اوپر نیپال اور لیبیا 95 ویں، فلسطین، اریٹیریا اور بنگلا دیش 94 ویں، شمالی کوریا 93 ویں، سوڈان 92 ویں، سری لنکا اور ایران 91 ویں نمبر پر موجود ہیں۔مجموعی طور پر پاکستانی پاسپورٹ کے حصے میں صومالیہ اور یمن کے ساتھ مشترکہ طور پر 96 واں نمبر آیا اور اس پر 32 ممالک میں ویزا فری داخلہ ممکن ہے۔پاکستان سے بھی کمزور پاسپورٹ عراق، شام اور افغانستان کا ہے اور ان کی رینکنگ بالترتیب 97، 98 اور 99 ہے۔

دنیا کے طاقتور اور کمزور پاسپورٹس کی نئی فہرست جاری،سنگاپورکا پاسپورٹ طاقتور ترین قرار

صرف 32 ممالک میں ویزا فری رسائی! پاکستانی پاسپورٹ دنیا کے آخری نمبروں پر برقرار

لاہور(این این آئی)دورہ آئرلینڈ کیلئے پاکستان ویمنز ٹیم کا اعلان کر دیا گیا، فاطمہ ثناء آئرلینڈ کے خلاف 3 ٹی ٹوئنٹی میچز میں کپتانی کریں گی۔15 رکنی اسکواڈ کا انتخاب وومنز نیشنل سلیکشن کمیٹی نے اسکلز کیمپ میں شریک 24 کھلاڑیوں میں سے کیا۔آئرلینڈ روانگی سے قبل کراچی میں پری سیریز کیمپ ہو گا جبکہ آئرلینڈ کے خلاف سیریز 6 سے 10 اگست تک ڈبلن میں کھیلی جائے گی۔قومی اسکواڈ میں عالیہ ریاض، ڈیانا بیگ، ایمان فاطمہ، گل فیروزا، مونیبہ علی، نجیحہ علوی (وکٹ کیپر) ٹیم کا حصہ ہیں۔اس کے علاوہ نشرہ سندھو، ناتالیہ پرویز، رمین شمیم، صدف شمس، سعدیہ اقبال، سدرہ امین، طوبیٰ حسن اور وحیدہ اختر بھی 15 رکنی اسکواڈ میں شامل ہیں۔واضح رہے کہ ایمان فاطمہ کو پہلی بار قومی ویمنز اسکواڈ میں شامل کیا گیا ہے انہوں نے 2023ء ویمنز انڈر 19 ورلڈ کپ میں پاکستان کی نمائندگی کی تھی۔

دورہ آئرلینڈ کیلئے پاکستان ویمنز ٹیم کے15رکنی اسکواڈ کا اعلان کردیاگیا

سیریز 6 سے 10 اگست تک ڈبلن میں کھیلی جائے گی، فاطمہ ثناء آئرلینڈ کیخلاف 3 ٹی ٹوئنٹی میچز میں کپتانی کریں گی

پاکستان تحریک انصاف کے بانی اور سابق وزیراعظم عمران خان کے بیٹے قاسم اور سلیمان خان نے اپنے والد کی رہائی کے لیے بین الاقوامی سطح پر مہم کا آغاز کر دیا ہے۔ عمران خان کے بیٹوں قاسم اور سلیمان نے پاکستان آنے سے قبل سابق امریکی انٹیلی جنس چیف اور امریکا میں صدر ٹرمپ کے ایڈوائزر رچرڈ گرینل سے امریکا میں ملاقات کی ہے۔سابق وزیراعظم عمران خان کی رہائی کا مطالبہ کرنے والے رچرڈ گرینل نے سماجی رابطوں کی سائٹ ایکس پر عمران خان کے بیٹوں کے ساتھ تصویر پوسٹ کرتے ہوئے لکھا کہ کیلیفورنیا میں خوش آمدید میرے دوستو، آج آپ لوگوں کے ساتھ وقت گزار کر بہت اچھا لگا۔انہوں نے مزید لکھا کہ آپ کو مضبوط رہنا ہوگا۔ دنیا بھر میں کروڑوں لوگ سیاسی انتقامی کارروائیوں سے تنگ آ چکے ہیں آپ اکیلے نہیں ہیں۔ ساتھ ہی انہوں نے ایک بار پھر عمران خان کی رہائی کا مطالبہ کرتے ہوئے ’فری عمران خان‘ کا ہیش ٹیگ بھی استعمال کیا۔عمران خان کے بیٹوں نے پاکستانی نژاد امریکی معالج ڈاکٹر آصف محمود سے بھی ملاقات کی، جو امریکا میں پی ٹی آئی کی حمایت حاصل کرنے کی مہم میں اہم کردار ادا کر رہے ہیں۔انہوں نے کہا کہ عمران خان کے بیٹوں قاسم اور سلیمان خان پر بے حد فخر ہے جو اپنے والد، سابق وزیراعظم عمران خان کی رہائی کے لیے جدوجہد کر رہے ہیں۔انہوں نے رچرڈ گرینل کو انصاف اور اصولوں کا ساتھ دینے پر سراہا، اور عمران خان کی رہائی کے لیے اتحاد پر زور دیا۔ان ملاقاتوں کے بعد پی ٹی آئی کے کئی رہنما اور حامی صارفین رچرڈ گرینل کا شکریہ ادا کرتے نظر آئے اور عمران خان کی رہائی کا مطالبہ بھی کیا۔یاد رہے عمران خان کے بیٹے سلیمان خان اور قاسم خان نے مئی میں پہلی بار عوامی سطح پر اپنے والد کی قید پر توجہ دلائی تھی، خیال رہے کے عمران خان نے 5 اگست کو ملک گیر احتجاج کی کال دے رکھی ہے جس پر پاکستان تحریک انصاف کے بانی کی بہن علیمہ خان کا کہنا تھا کہ عمران خان کے بیٹے قاسم اور سلمان پی ٹی آئی کی احتجاجی تحریک کا حصہ بنیں گے۔یہ بھی یاد رہے کہ رچرڈ گرینل، جو امریکہ میں سابق قائم مقام ڈائریکٹر نیشنل انٹیلی جنس اور سابق سفارتکار رہ چکے ہیں، اس سے قبل بھی پاکستان کے سابق وزیرِاعظم عمران خان کی گرفتاری پر آواز اٹھا چکے ہیں۔ انہوں نے متعدد بار سوشل میڈیا پر عمران خان کی حمایت کی اور ان کے خلاف مقدمات کو " سیاسی انتقام" قرار دیا۔ گرینل نے کہا تھا کہ پاکستان میں جمہوریت کی بقا کے لیے آزاد عدلیہ، شفاف نظامِ انصاف اور سیاسی انتقام سے پاک عمل ضروری ہے۔

عمران خان کے بیٹوں کی ٹرمپ کے ایلچی رچرڈ گرینل سے ملاقات، رہائی کیلئے مہم شروع کر دی

والد کی رہائی کیلئے بیٹےمیدان میں اترگئے، ٹرمپ کے ایلچی سے ملاقات

نورمقدم کیس میں سزا یافتہ مجرم ظاہر زاکر جعفر نے نظرثانی درخواست دائر کردی۔سپریم کورٹ میں دائر درخواست میں مؤقف اپنایا گیا کہ عدالت نے ملزم کی ذہنی حالت کا تعین نہیں کرایا، سپریم کورٹ میں میڈیکل بورڈ تشکیل دینے کی درخواست دی، سپریم کورٹ نے اس متفرق درخواست پر فیصلہ نہیں دیا۔درخواست میں کہا گیا کہ سزائے موت دینے کیلئے ویڈیو ریکارڈنگ پر انحصار کیا گیا، ویڈیوز ٹرائل کے دوران درست ثابت بھی نہیں کی گئیں، ملزم کو ویڈیو ریکارڈنگز فراہم بھی نہیں کی گئیں، ٹرائل کے دوران کبھی وہ ویڈیوز چلا کر بھی نہیں دیکھی گئیں۔نظرثانی اپیل سینئر وکیل خواجہ حارث کے زریعے دائر کی گئی، درخواست میں کہا گیا کہ فیصلے پر نظرثانی کی ٹھوس وجوہات موجود ہیں، عدالت اپنے فیصلے پر نظرثانی کرے۔یاد رہےمجرم ظاہر جعفر نے 2021 میں نور مقدم کو اسلام آباد میں تشدد کے بعد قتل کردیا تھا جس کے بعد ٹرائل کورٹ نے ظاہر جعفر کو سزائے موت کا حکم سنایا تھا۔بعدازاں اسلام آباد ہائیکورٹ نے بھی مجرم کی سزائے موت برقرار رکھی تھی جس کے بعد ظاہر جعفر نے سزائے موت کے فیصلے کے خلاف سپریم کورٹ میں اپیل کی تھی جسے عدالت عظمیٰ نے مسترد کر دیا گیا تھا۔جسٹس ہاشم کاکڑ نے مختصر فیصلہ سنایا تھاجسٹس ہاشم کاکڑ نے مختصر فیصلے میں قرار دیا تھا کہ ظاہر جعفر کے خلاف قتل کی دفعات میں سزائے موت برقرار رکھی ہے، ریپ کیس میں سزائے موت عمر قید میں تبدیل کردی گئی ہے، جب کہ اغوا کے مقدمے میں 10 سال قید کو کم کرکے ایک سال کر دیا گیا ہے، عدالت نے نور مقدم کے اہل خانہ کو معاوضے کی ادائیگی کا حکم بھی برقرار رکھا تھا۔عدالت نے اپنے فیصلے میں قرار دیا تھا کہ ظاہر جعفر کے مالی جان محمد اور چوکیدار افتخار نے جتنی سزا کاٹ لی، وہ کافی ہے، شریک ملزمان کو عدالت کا تحریری فیصلہ آنے کے بعد رہا کردیا جائے۔

نور مقدم کیس میں سزا یافتہ مجرم ظاہر جعفر نے نظرثانی درخواست دائر کردی

عدالت نے ملزم کی ذہنی حالت کا تعین نہیں کرایا،سزائے موت دینے کیلئے ویڈیو ریکارڈنگ پر انحصار کیا گیا

سلامتی کونسل میں کھلے مباحثے کے دوران پاکستانی سفیر عثمان جدون نے بھارت کا چہرہ ایک بار پھر دنیا کے سامنے بے نقاب کرتے ہوئے کہا ہے کہ بھارت پاکستان میں دہشت گردی کی منظم سرپرستی اور معاونت کر رہا ہے۔اقوام متحدہ کی سلامتی کونسل کے اجلاس میں بھارتی نمائندے کے الزامات پر پاکستان کے نائب مستقل نمائندے نے بھارت کو آئینہ دکھادیا اور کہا کہ بھارتی جارحیت پر پاکستان نے اپنا بھرپور دفاع کیا اور بھارت کے چھ طیارے بھی تباہ کیے۔اقوام متحدہ کی سلامتی کونسل میں ایک مباحثے کے دوران بھارت کے نمائندے نے پاکستان پر دہشت گردی، پہلگام واقعے اور دیگر معاملات پر الزامات کی بوچھاڑ کی۔لیکن پاکستان کے نائب مستقل نمائندے عثمان جدون نے ان الزامات کا نہ صرف مدلل جواب دیا بلکہ بھارت کو سچ کا آئینہ بھی دکھایا۔عثمان جدون نے کہا کہ پاکستان نے بھارت کی جارحیت کا بھرپور دفاع کیا اور اس کے 6 جنگی طیارے تباہ کیے۔انہوں نے بھارت کو یاد دلایا کہ کشمیر پر وہ خود اقوام متحدہ کی قراردادوں کی خلاف ورزی کر رہا ہے اور کشمیریوں کو ان کا بنیادی حق، یعنی حقِ خود ارادیت سے محروم رکھا گیا ہے۔انہوں نے مزید کہا کہ بھارت اپنی ریاستوں میں اقلیتوں پر بھی بدترین سلوک کر رہا ہے، اور سندھ طاس معاہدے کو ختم کرنے جیسی غیرقانونی کوششیں کر کے پاکستان کا پانی روکنے کی کوشش میں ہے۔پاکستانی مندوب نے واضح کیا کہ پاکستان میں ہونے والی دہشت گردی کے پیچھے بھارت ملوث ہے، اور اس کے ناقابلِ تردید شواہد عالمی اداروں کو فراہم کیے جا چکے ہیں۔انہوں نے عالمی برادری سے مطالبہ کیا کہ بھارت کی دہشتگردانہ پالیسیوں کا نوٹس لیا جائے۔آخر میں انہوں نے بھارت کو تنبیہ کی کہ وہ غرور اور جارحیت سے نکل کر حقیقت کا سامنا کرے اور اپنے رویے میں بہتری لائے۔

سلامتی کونسل مباحثہ،بھارت دہشت گردی کی منظم سرپرستی کررہا ہے، پاکستان

اقوام متحدہ میں پاکستان نے بھارت کو آئینہ دکھا دیا، 6 طیارے گرائے جانے کا دوٹوک جواب

کراچی (این این آئی)شہرِ قائد میں ایک نوبیاہتا جوڑے کے ہاں ایک ساتھ 5 بچوں کی پیدائش ہوئی ہے۔بلدیہ ٹاؤن کے علاقے سے تعلق رکھنے والی خاتون کو اچانک طبیعت بگڑنے پر اسپتال منتقل کیا گیا جہاں ایمرجنسی حالت میں ڈاکٹرز نے فوری سرجری کا فیصلہ کیا اور حیران کن طور پر خاتون نے ایک نہیں بلکہ بیک وقت 5 بچوں کو جنم دیا، جن میں لڑکے اور لڑکیاں شامل ہیں۔اسپتال انتظامیہ کے مطابق بچے وقت سے پہلے پیدا ہوئے ہیں جس کے نتیجے میں ان کا وزن بہت کم ہے۔اسپتال انتظامیہ کا کہنا ہے کہ تمام بچوں کو آکسیجن دی گئی ہے۔یہ واقعہ نہ صرف اہل خانہ بلکہ اسپتال کے عملے کے لیے بھی جذباتی لمحہ تھا، کیونکہ ایک ساتھ 5 زندگیوں کی آمد کسی بھی اسپتال میں ایک منفرد اور نایاب واقعہ شمار ہوتا ہے۔

کراچی نجی اسپتال میں خاتون کے ہاں بیک وقت 5 بچوں کی پیدائش

بچے وقت سے پہلے پیدا ہوئے ہیں جس کے نتیجے میں ان کا وزن بہت کم ہے،اسپتال انتظامیہ

واشنگٹن (این این آئی)امریکی صدر ڈونلڈ ٹرمپ  نے پاک بھارت جنگ رکوانے اور جنگ میں 5 طیارے گرائے جانے کا بیان دہرا دیا۔غیر ملکی خبر رساں ادارے کے مطابق ڈونلڈ ٹرمپ نے یہ بات ری پبلکن اراکین سے خطاب کرتے ہوئے کہی۔ڈونلڈ ٹرمپ نے ایک بار پھر جنگ رکوانے کا کریڈٹ لیتے ہوئے کہا کہ وہ جنگ نہ رکواتے تو ایٹمی جنگ چھڑ سکتی تھی۔ انہوں نے کہا کہ میں نے دونوں ملکوں سے کہا کہ جنگ نہ روکی تو امریکا آپ سے تجارت نہیں کرے گا۔  انہوں نے کہا کہ درحقیقت، طیارے مار گرائے جا رہے تھے۔ پانچ، پانچ، چار یا پانچ، لیکن میرا خیال ہے کہ پانچ طیارے واقعی گرائے گئے تاہم انہوں نے مزید کوئی تفصیل نہیں دی۔

ٹرمپ نے پھر بھارت کے زخموں پر نمک چھڑک دیا،بھارت جنگ رکوانے اور 5 طیارے گرنے کا بیان دہرا دیا

میں نے دونوں ملکوں سے کہا کہ جنگ نہ روکی تو امریکا آپ سے تجارت نہیں کرے گا،پبلکن اراکین سے خطاب

امریکا نے اقوام متحدہ کے تعلیمی، سائنسی اور ثقافتی ادارے یونیسکو سے علیحدگی کا باضابطہ اعلان کر دیا ہے۔ یہ فیصلہ ڈونلڈ ٹرمپ کے دور میں کیا گیا تھا، جسے صدر جو بائیڈن نے واپس لے لیا تھا، تاہم اب ٹرمپ انتظامیہ نے دوبارہ اس پر عمل درآمد کا اعلان کر دیا ہے۔عالمی خبر رساں ادارے کی رپورٹ کے مطابق پیرس میں قائم یہ ادارہ دوسری عالمی جنگ کے بعد تعلیم، سائنس اور ثقافت میں بین الاقوامی تعاون کے ذریعے امن کو فروغ دینے کے لیے قائم کیا گیا تھا، امریکا کا اس سے انخلا 31 دسمبر 2026 سے مؤثر ہوگا۔اس حوالے سے وائٹ ہاؤس کی ترجمان اینا کیلی نے کہا کہ’ صدر ٹرمپ نے یونیسکو سے امریکا کو الگ کرنے کا فیصلہ کیا ہے، جو متنازعہ ثقافتی و سماجی ایجنڈے کو سپورٹ کرتا ہے جو اُن عام فہم پالیسیوں سے بالکل مختلف ہیں جن کے لیے امریکیوں نے نومبر میں ووٹ دیا۔ امریکی محکمہ خارجہ کی ترجمان ٹیمی بروس کے مطابق یونیسکو میں شمولیت امریکا کے قومی مفادات سے ہم آہنگ نہیں رہی، اس لیے واشنگٹن نے تنظیم سے دستبرداری کا فیصلہ کیا ہے۔ترجمان کا کہنا تھا کہ یونیسکو سماجی اور ثقافتی سطح پر تفریق کو فروغ دیتا ہے اور ایک ایسے نظریاتی ایجنڈے کا پرچار کرتا ہے جو ”امریکا فرسٹ“ خارجہ پالیسی سے متضاد ہے۔ انہوں نے واضح کیا کہ عالمی اداروں میں امریکی شمولیت کا بنیادی اصول یہی ہے کہ اس سے امریکا کے مفادات کو فائدہ ہو۔امریکی اعلان کے مطابق یونیسکو سے باضابطہ علیحدگی کا اطلاق 21 دسمبر 2026 سے ہوگا، جس کے لیے ادارے کی ڈائریکٹر جنرل آدرے آزولے کو باضابطہ آگاہ کر دیا گیا ہے۔دوسری جانب یونیسکو کی ڈائریکٹر جنرل آڈری آذولے نے امریکی فیصلے پر افسوس کا اظہار کرتے ہوئے کہا کہ یہ متوقع تھا اور ادارے نے اس کے لیے پہلے سے تیاری کر رکھی تھی۔ان کا کہنا تھا کہ یونیسکو نے اپنے مالی وسائل کو متنوع بنا لیا ہے اور اب امریکا کی فنڈنگ ادارے کے بجٹ کا صرف تقریباً 8 فیصد ہے۔یہ ادارہ ان کئی بین الاقوامی تنظیموں میں شامل ہے جن سے ٹرمپ اپنی پہلی مدت صدارت کے دوران امریکا کو الگ کر چکے تھے، جن میں عالمی ادارہ صحت (ڈبلیو ایچ او)، پیرس ماحولیاتی معاہدہ اور اقوام متحدہ کی انسانی حقوق کونسل بھی شامل ہیں۔یونیسکو حکام کے مطابق امریکا کے انخلا سے ان پروگراموں پر محدود اثر پڑے گا جن میں امریکا مالی معاونت فراہم کر رہا تھا۔

امریکی صدر ڈونلڈ ٹرمپ نے امریکا کو یونیسکو سے الگ کرنے کا فیصلہ کرلیا

یونیسکو فلسطینی ریاست کو تسلیم کر کے ایک غلطی کر چکا ہے، جو امریکی خارجہ پالیسی کے منافی ہے، ترجمان امریکی محکمہ خارجہ

امریکی محکمہ خارجہ نے مسئلہ کشمیر پر ثالثی کا عندیہ دیتے ہوئے پاکستان کے ساتھ اہم سطح کی بات چیت کا اعلان کیا ہے۔امریکی محکمہ خارجہ کی ترجمان ٹیمی بروس نے تصدیق کرتے ہوئے کہا ہے کہ پاکستان اور امریکا کے رہنماؤں کے درمیان ایک اہم ملاقات طے پا چکی ہے، جس میں وہ خود بھی شریک ہوں گی۔ پریس بریفنگ کے دوران صحافی نے سوال کیا کہ صدر ٹرمپ کشمیر پر ثالثی کی پیشکش کرچکے ہیں، آئندہ کیا ہونے جا رہا ہے؟ ترجمان نے جواب دیا کہ جمعہ کو ایک پاکستانی رہنما سے ملاقات متوقع ہے، جس میں ان تمام امور پر بات کی جائے گی۔ترجمان امریکی محکمہ خارجہ ٹیمی بروس کا کہنا تھا کہ کشمیر سمیت تمام معاملات پر تبادلہ خیال ہو گا، انہوں نے کہا کہ امریکا جانتا ہے پاک بھارت معاملات کو آگے کیسے بڑھانا ہے، غزہ میں حماس کا زور ختم کر دیا گیا، حماس کے لوگ امدادی سامان لوٹنے میں ملوث ہیں۔ٹیمی بروس نے کہا کہ وٹکوف جنگ بندی کی کوششوں کے سلسلے میں غزہ جا رہے ہیں، وہ دن بھی آئے گا جب جنگ سے تباہ حال غزہ کی تعمیر نو پر کام شروع کیا جائے گا، صدر ٹرمپ روس اور یوکرین کے درمیان براہ راست بات چیت کی حوصلہ افزائی کرتے ہیں۔امریکی محکمہ خارجہ کی ترجمان کا مزید کہنا تھا کہ ڈبلیو ایچ او پر واضح کر چکے کہ امریکا عالمی ہیلتھ معاہدے میں شامل نہیں ہو گا۔

کشمیر پر سفارتی ہلچل، امریکا کا ثالثی کا عندیہ، پاکستان سے اہم مذاکرات کی تیاری

کشمیر، شام اور غزہ میں کشیدگی کم کرنے کی سفارتی کوششیں جاری ہیں،ترجمان امریکی محکمہ خارجہ

کیا آپ نے پولی اینڈری کے بارے میں سنا ہے؟ پولی اینڈری شادی کی ایک قسم ہے جس میں ایک عورت کے بیک وقت کئی شوہر ہوتے ہیں، جو اکثر آپس میں بھائی ہوتے ہیں۔ یہ رسم دنیا کے چند علاقوں جیسے تبت، نیپال اور شمالی بھارت میں رائج ہے۔اگرچہ یہ رسم ہر جگہ ممنوع نہیں، لیکن یہ خاصی متنازع ہے۔ مغربی معاشروں میں پولی اینڈری بہت نایاب ہے اور اکثر غیر قانونی بھی اور کئی ماہرین اسے’’غیر فطری‘‘ یا ’’اخلاق سے گری ہوئی‘‘ شادی تصور کرتے ہیں۔حالیہ دنوں میں پولی اینڈری کی ایک نادر مثال پیش آئی جب بھارتی ریاست ہماچل پردیش کے ہٹی قبیلے کے دو بھائیوں نے ایک ہی عورت سے شادی کر لی۔ یہ شادی ان کی روایتی رسم ’جوڈی دارا‘ کے تحت ہوئی۔بارہ جولائی کو ہماچل پردیش کے شلائی گاؤں میں تین روزہ شادی کی تقریب کا آغاز ہوا، جس میں سونیتا چوہان نے پردیپ اور کپل نیگی نامی دو بھائیوں سے شادی کی۔ اس موقع پر علاقائی موسیقی، رقص اور سینکڑوں مہمانوں کی موجودگی نے تقریب کو یادگار بنایا۔ جوڑے کا کہنا تھا کہ یہ فیصلہ باہمی رضا مندی سے ہوا اور یہ ان کے خاندان کی روایت، اتحاد اور دیانت پر مبنی ہے۔خیال رہے ہماچل پردیش کے کچھ علاقوں میں خاندانی اتحاد قائم رکھنے اور آبائی زمین تقسیم ہونے سے بچانے کے لیے اس قسم کی شرمناک شادی کو قانونی سند حاصل ہے، اگرچہ اس پر عمل بہت کم ہوتا ہے۔ ہندو میرج ایکٹ کے تحت ہٹی قبیلہ اپنی روایتی رسومات کو مخصوص قانونی تحفظ کے تحت جاری رکھے ہوئے ہے۔سرمور میں ہونے والی اس شادی پر تبصرہ کرتے ہوئے قانونی ماہر ران سنگھ چوہان نے بتایا کہ اس علاقے میں عشروں سے پولی اینڈری کی روایت موجود ہے اور ہماچل پردیش ہائی کورٹ نے بھی اسے “جوڈی دارا قانون” کے تحت تسلیم کیا ہے۔ان کا کہنا تھا کہ ایسی کئی شادیاں ان رسوم کے مطابق ہوتی ہیں۔ میڈیا میں شلائی کی شادی کو دیکھ کر حیرت نہیں ہونی چاہیے۔ اس روایت کی جڑیں بہت گہری ہیں اور یہ اس لیے قائم کی گئی تھی تاکہ زمین تقسیم نہ ہو اور خاندان بکھرنے سے بچ جائیں۔

بھارت میںدو بھائیوں نے ایک ہی عورت سے بیک وقت شادی کرلی

پولی اینڈری شادی کی ایک قسم ہے جس میں ایک عورت کے بیک وقت کئی شوہر ہوتے ہیں

Former West Indies pacer and respected commentator Ian Bishop has praised Pakistan’s fast bowler Shaheen Shah Afridi

Ian Bishop Compliments Shaheen Afridi, Calling Him The Next Starc

Former West Indies pacer and respected commentator Ian Bishop has praised Pakistan&rsquo;s fast bowler Shaheen Shah Afridi, calling him a younger version of Australia&rsquo;s left-arm speedster Mitchell Starc.

Speaking on a recent cricket podcast, Bishop compared Afridi&rsquo;s bowling style to Starc&rsquo;s, especially in the way he swings the new ball and attacks the stumps. &ldquo;Shaheen reminds me of a young Mitchell Starc,&rdquo; Bishop said. &ldquo;That full, fast, swinging delivery&mdash;it&rsquo;s deadly. I call him &lsquo;Baby Starc&rsquo; in the commentary box.&rdquo;

Afridi has been a standout performer for Pakistan across formats in recent years. Known for his ability to strike early in T20s and Tests, the 24-year-old has grown into one of the most feared left-arm bowlers in world cricket. His recent performances in the Zimbabwe Tri-Nation Series and against Ireland earlier this year have further boosted his reputation.

Bishop also praised Afridi&rsquo;s growth and maturity as a bowler. &ldquo;He&rsquo;s not just relying on raw pace anymore. He&rsquo;s learning how to read batters and bowl with plans. That&rsquo;s what makes him special,&rdquo; Bishop added.

The nickname &lsquo;<a href="https://a-sports.tv/ian-bishop-praises-shaheen-afridi-calls-him-baby-starc">Baby Starc</a>&rsquo; has already caught on with fans, especially on social media, where clips comparing Afridi and Starc&rsquo;s yorkers have gone viral. While some fans joked that Afridi already has a better record in Asia than Starc, others welcomed the comparison, saying it proves how far the Pakistani pacer has come.

Shaheen, who recently took over leadership duties in Pakistan&rsquo;s bowling group, thanked Bishop in a short social media post, saying: &ldquo;Honoured to be mentioned by a legend. Still learning and improving every day.&rdquo;

With Pakistan set to face West Indies and then enter the Champions Trophy build-up later this year, Afridi will remain a central figure in their bowling attack&mdash;and perhaps now, a &ldquo;Baby Starc&rdquo; with a legacy of his own to create.

Ian Bishop Compliments Shaheen Afridi, Calling Him The Next Starc

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan