Cricket

Entertainment

Football

ملتان سلطانزکی ٹیم ہوم گراونڈ پر بھی کارکردگی دکھانے میں ناکام رہی،پی ایس ایل 10 کے 25ویں میچ میں پشاور زلمی نے ملتان سلطانز کو 7 وکٹوں سے شکست دے دی۔پشاور زلمی نے ملتان سلطانز کی جانب سے دیا جانے والا 109 رنز کا ہدف 13 اوورز میں  باآسانی 2 وکٹوں کے نقصان پر حاصل کرلیا۔قبل ازیں ملتان کرکٹ اسٹیڈیم میں ہونے والے میچ میں ملتان سلطانز کے کپتان محمد رضوان نے پشاور زلمی کیخلاف ٹاس جیت کر بیٹنگ کافیصلہ کیااورپہلے بیٹنگ کرتے ہوئے ملتان سلطانز کی پوری ٹیم 19.1 اوورز میں 108 رنز بناکرآئوٹ ہوگئی۔ملتان سلطانز کی جانب سے شائی ہوپ 23 اور طیب طاہر 22 رنز بنا کر نمایاں رہے، کپتان محمد رضوان نے 17اور یاسر خان نے 10، محمد حسنین نے 11 اور ڈیوڈ ویلی نے 8 رنز بنائے۔پشاور زلمی کی جانب سے احمد دانیال نے 3، معاذ صداقت اور لیوک ووڈ نے 2، 2 جبکہ الزاری جوزف، صائم ایوب اور علی رضا نے ایک ایک کھلاڑی کو پویلین کی راہ دیکھائی۔ملتان سلطانز کی جانب سے دیا جانے والا  109 رنز کا ہدف پشاور زلمی نے 13 اوورز میں 3 وکٹ کے نقصان پر حاصل کرلیا،پشاورزلمی کی جانب سے صائم ایوب 49 رنز بنا کر نمایاں رہے۔ میکس برائنٹ 38 رنز ناٹ آؤٹ بنا کر پویلین لوٹے۔ کپتان بابر اعظم 8 اور مچل اوون 1 رن کے انفرادی اسکور پر آؤٹ ہوئے۔محمد حارث 7 رنز بنا کر ناٹ آؤٹ رہے۔سلطانز کی جانب سے شاہد عزیز نے 2 جبکہ ڈیوڈ ولی نے 1 کھلاڑی کو آؤٹ کیا۔

پی ایس ایل10،پشاورزلمی نے ملتان سلطانز کو7وکٹوں سےہرادیا

پشاور زلمی نے ملتان سلطانز کا 109 رنز کا ہدف 13 ویںاوورز میں باآسانی حاصل کرلیا

پہلگام فالس فلیگ حملے کے بعد مقبوضہ جموں و کشمیر میں بھارتی فوج کی جانب سے کشمیری مسلمانوں پر بڑھتے ہوئے مظالم پر جموں و کشمیر پیپلز ڈیموکریٹک پارٹی کی صدر محبوبہ مفتی نے مودی حکومت کو شدید تنقید کا نشانہ بنایا ہے۔بھارتی ٹی وی کے مطابق ایک بیان میں محبوبہ مفتی نے کہا کہ فالس فلیگ حملے کے بعد نہتے کشمیریوں کو دہشت گرد قرار دے کر ان پر ظلم و ستم کے پہاڑ توڑے جا رہے ہیں۔ ان کا کہنا تھا کہ کلگام میں دو روز قبل اغوا کیے گئے نوجوان امتیاز مغرے کی لاش دریا سے ملی ہے، جس کے ذمہ دار بھارتی سکیورٹی ادارے ہیں۔محبوبہ مفتی نے انکشاف کیا کہ باندی پورہ، کلگام اور دیگر علاقوں میں بھی بھارتی فورسز نے عام شہریوں کو نشانہ بنایا، ان کے گھروں پر چھاپے مارے، گرفتاریاں کیں اور کئی کو ماورائے عدالت قتل کر دیا۔انہوں نے زور دیا کہ پہلگام حملے کی مکمل غیر جانبدارانہ تحقیقات ہونی چاہئیں تاکہ سچ عوام کے سامنے آ سکے۔ ان کا کہنا تھا کہ یہ حملہ مودی حکومت کا ایک سوچا سمجھا منصوبہ تھا تاکہ کشمیری مسلمانوں پر جبر کیا جا سکے اور عالمی توجہ اصل مسائل سے ہٹائی جا سکے۔

پہلگام واقعہ مودی حکومت کا سوچا سمجھا منصوبہ تھا، محبوبہ مفتی کا انکشاف

پہلگام حملے کی مکمل غیر جانبدارانہ تحقیقات ہونی چاہئیں تاکہ سچ عوام کے سامنے آ سکے،صدرپی ڈی پی

عالمی شہرت یافتہ پاپ گلوکارہ لیڈی گاگا نے برازیل کے ساحلی شہر ریو ڈی جنیرو میں ایک مفت اور تاریخی کنسرٹ کے ذریعے مداحوں کے دل جیت لیے، جس میں دو ملین سے زائد افراد شریک ہوئے۔ کوپاکبانا بیچ پر ہونے والا یہ کنسرٹ لیڈی گاگا کے کیریئر کا سب سے بڑا شو قرار دیا جا رہا ہےجبکہ برازیل کی پولیس نےپاپ گلوکارہ لیڈی گاگا کے تاریخی کنسرٹ میں بم دھماکے کا منصوبہ ناکام بنا دیا، دو افراد گرفتار کرلیے گئے۔برازیل کی پولیس نے بتایا ہے کہ انہوں نے گلوکارہ لیڈی گاگا کے ایک بڑے کنسرٹ پر بم حملے کی سازش کو ناکام بنا دیا ہے۔ اس کنسرٹ میں گزشتہ روز ریو ڈی جنیرو کی ریاست کے کوپاکابانا ساحل پر 20 لاکھ سے زائد افراد نے شرکت کی تھی۔میڈیارپورٹس کے مطابق ریو ڈی جنیرو کی سول پولیس، جس نے وزارت انصاف کے ساتھ مل کر کام کیا، نے بتایا کہ اس سازش کی منصوبہ بندی ایک ایسے گروہ نے کی تھی جو نفرت انگیز تقریر کو فروغ دیتا ہے اور نوجوانوں کو انتہا پسندی کی طرف دھکیلتا ہے۔ اس گروپ کے طریقوں میں خود کو نقصان پہنچانا اور پرتشدد مواد کو سماجی وابستگی کی ایک شکل کے طور پر استعمال کرنا بھی شامل ہے۔پولیس نے یہ بھی کہا کہ مشتبہ افراد نابالغ افراد سمیت شرکا کو دیسی ساختہ دھماکہ خیز مواد اور آتش گیر بموں کا استعمال کرتے ہوئے مربوط حملے کرنے کے لیے بھرتی کر رہے تھے۔ وزارت انصاف نے واضح کیا کہ بھرتی کرنے والوں نے خود کو لیڈی گاگا کے عالمی مداحوں کے گروپ’’ لٹل مونسٹرز‘‘کے ارکان کے طور پر متعارف کرایا تھا۔یہ کارروائی وزارت کے انٹرنیٹ آپریشنز لیبارٹری کی جانب سے جاری کردہ ایک رپورٹ کی بنا پر و ریو ڈی جنیرو کی ریاستی پولیس کی انٹیلی جنس کی جانب سے ایک اطلاع موصول ہونے کے بعد کی گئی۔ اس میں ایسے سائبر سیلز کا انکشاف ہوا جو خفیہ زبان اور انتہا پسندانہ علامتوں کا استعمال کرتے ہوئے نوجوانوں میں پرتشدد رویے کی حوصلہ افزائی کر رہے تھے۔اس گروہ کے مبینہ رہنما کو جنوبی ریاست ریو گرانڈے ڈو سول میں بغیر قانونی جواز کے اسلحہ رکھنے کے الزام میں گرفتار کرلیا گیا ہے۔ ریو ڈی جنیرو میں ایک نوجوان کو بچوں کی فحش نگاری ذخیرہ کرنے کے الزام میں بھی حراست میں لیا گیا ہے۔ ریو ڈی جنیرو کی میونسپلٹی کے مطابق امریکی پاپ سٹار لیڈی گاگا کے کنسرٹ میں 2.1 ملین افراد نے شرکت کی تھی۔

لیڈی گاگا کے کنسرٹ میں 20 لاکھ سےزائدافراد کی شرکت کا نیاریکارڈ

برازیل کی پولیس نے بروقت کارروائی کرکے منصوبہ ساز سمیت دو ملزمان کو حراست میں لے لیا

ملک میں آج سونے کی فی تولہ قیمت میں ایک بارپھربڑااضافہ ریکارڈ کیا گیا ہے۔آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت 7800 روپے اضافے کے بعد 3 لاکھ 50 ہزار روپے ہے۔ایسوسی ایشن کے مطابق  10گرام سونے کی قیمت 6687 روپے اضافے سے 3 لاکھ 68 روپے ہے۔جبکہ عالمی بازار میں سونے کی قیمت 76 ڈالر اضافے سے 3316 ڈالر فی اونس ہے۔فی تولہ چاندی 43 روپے مہنگی ہو کر 3 ہزار 425 روپے کی ہوگئی جبکہ 10 گرام چاندی کی قیمت 37 روپے بڑھ کر 2 ہزار 936 روپے تک جاپہنچی۔دوسری جانب پاکستان اسٹاک مارکیٹ میں آج مندی کارجحان رہا۔

ملک میں سونے کی فی تولہ قیمت میں 7ہزار800روپے کا بڑا اضافہ

دس گرام سونے کی قیمت 6 ہزار 687 روپے اضافے کے بعد 3 لاکھ 68 روپے ہوگئی

چیف آف آرمی سٹاف جنرل عاصم منیر نے کہا ہے کہ دہشت گردی کا کوئی مذہب، مسلک یا قوم نہیں ہوتی، قومی یکجہتی کے ساتھ اس کا مقابلہ کریں گے۔آرمی چیف جنرل عاصم منیر نے 15ویں نیشنل ورکشاپ بلوچستان کے شرکاء سے بات چیت کرتے ہوئے کہا کہ غیر ملکی اسپانسرڈ دہشت گردی بلوچستان کی ترقی کے لیے سنگین ترین خطرہ ہے۔ پاک فوج کے شعبہ تعلقات عامہ (آئی ایس پی آر ) کے مطابق آرمی چیف جنرل سید عاصم منیر نے 15ویں نیشنل ورکشاپ بلوچستان کے شرکاء سے بات چیت کی۔ترجمان کے مطابق اس موقع پر پارلیمنٹرینز، بیوروکریٹس، سول سوسائٹی کے نمائندوں اور میڈیا کے افراد کی بڑی تعداد نے شرکت کی۔ کانفرنس کے شرکا سے خطاب کرتے ہوئے آرمی چیف کا کہناتھا تھا کہ بلوچستان میں جاری ترقیاتی منصوبے عوام کی فلاح کے لیے اہم کردار ادا کر رہے ہیں، دشمن عناصر بلوچستان میں خوف و انتشار پھیلانا چاہتے ہیں، انہیں کامیاب نہیں ہونے دیں گے۔انہوں نے کہا کہ غیر ملکی اسپانسرڈ دہشت گردی بلوچستان کی سکیورٹی کے لیے سنگین خطرہ ہے، دہشت گردی کا کوئی مذہب، مسلک یا قوم نہیں ہوتی، قومی یکجہتی کے ساتھ اس کا مقابلہ کریں گے، بلوچ شناخت کے نام پر دہشت گردی کرنے والے بلوچ غیرت پر دھبہ ہیں۔آرمی چیف جنرل عاصم منیر کا مزید کہنا تھا کہ پاکستان خطے میں امن کا خواہاں ہے، سالمیت پر کوئی سمجھوتہ نہیں کریں گے، قومی خودمختاری پر حملہ ہوا تو بھرپور جواب دیا جائے گا۔جنرل عاصم منیر کا کہنا تھا کہ پاکستان کی مسلح افواج اور قانون نافذ کرنے والے ادارے دہشت گردی کے خلاف اپنی جنگ کو عوام کی مکمل حمایت کے ساتھ جاری رکھیں گے۔آئی ایس پی آر کے مطابق ورکشاپ کا اختتام  سوال و جواب کے سیشن کے بعد ہوا۔

قومی خود مختاری پر حملہ ہوا تو بھرپور جواب دیا جائے گا، آرمی چیف

دہشت گردی کا کوئی مذہب، مسلک یا قوم نہیں ہوتی،جنرل عاصم منیر کا نیشنل ورکشاپ بلوچستان کے شرکا سے خطاب

اسٹیٹ بینک نے شرح سود میں ایک فیصد کمی کا اعلان کر دیا۔تفصیلات کے مطابق اسٹیٹ بینک آف پاکستان نے آئندہ دو ماہ کے لیے نئی مانیٹری پالیسی کا اعلان کردیا،اسٹیٹ بینک آف پاکستان نے شرح سود کو 12 فیصد سے کم کرکے 11 فیصد کردیا۔اسٹیٹ بینک اعلامیہ میں کہا گیا کہ مہنگائی کی شرح میں مسلسل کمی شرح سود میں کمی کا سبب بنی۔مہنگائی کی شرح اپریل میں سالانہ بنیادوں پر 0.3فیصد رہی،غذائی اشیا اور توانائی کی قیمتوں میں گراوٹ سے مہنگائی کم رہی۔اعلامیہ میں مزید کہا گیا ہے کہ ایم پی سی نے محتاط زری پالیسی موقف برقرار رکھنے کی اہمیت پر زور دیا،توقع ہے زرمبادلہ ذخائر جون 2025تک بڑھ کر 14ارب ڈالر ہو جائیں گے۔ واضح رہے کہ اسٹیٹ بینک نے گزشتہ ماہ شرح سود 12 فیصد پر برقرار رکھنے کا فیصلہ کیاتھا۔اس سے قبل 27 جنوری 2025 کو اسٹیٹ بینک نے اگلے 2 ماہ کے لیے شرح سود ایک فیصد کم کرنے کا اعلان کیا تھا، جس کے بعد شرح سود 12 فیصد کی سطح پر آگئی تھی۔

اسٹیٹ بینک آف پاکستان نے مانیٹری پالیسی کا اعلان کردیا،شرح سود میں ایک فیصد کمی

اسٹیٹ بینک کی جانب سے شرح سود 12 فیصد سے کم کرکے 11 فیصد کردی گئی ہے

اسلام آباد(این این آئی) چیئرمین پاکستان تحریک انصاف (پی ٹی آئی) بیرسٹر گوہر نے کہا ہے کہ پہلگام واقعہ اور بھارتی اقدامات کے خلاف ہم متحد ہیں، فوج کے ساتھ کھڑے ہیں۔انسداد دہشت گردی عدالت اسلام آباد میں میڈیا سے گفتگو کرتے ہوئے بیرسٹر گوہر کا کہنا تھا کہ پی ٹی آئی واضح طور پر دہشت گردی کی مذمت کرتی ہے، پہلگام واقعہ اور بھارتی اقدامات کے خلاف ہم متحد ہیں اور فوج کے ساتھ کھڑے ہیں۔انہوں نے کہا کہ سندھ طاس معاہدہ معطل کرنے پر آل پارٹیز کانفرنس (اے پی سی) بلائی جانی چاہیے تھی۔چیئرمین پی ٹی آئی کا کہنا تھا کہ کل کی بریفنگ میں شرکت نہ کرنے کے حوالے سے موقف ہے کہ سندھ طاس معاہدے پر اے پی سی ہونی چاہیے تھی نہ کہ بریفنگ، پاکستان کے دفاع کیلئے پی ٹی آئی سیسہ پلائی دیوار کی طرح کھڑی ہے۔

پہلگام واقعہ اور بھارتی اقدامات کیخلاف ہم متحد، فوج کیساتھ کھڑے ہیں،بیرسٹر گوہر

سندھ طاس معاہدہ معطل کرنے پر آل پارٹیز کانفرنس (اے پی سی) بلائی جانی چاہیے تھی،میڈیا سے گفتگو

پاکستان سپر لیگ (پی ایس ایل) سیزن 10 کے دلچسپ مقابلے جاری ہیں،پاکستان سپر لیگ میں آج ایک میچ کھیلا جائے گا،پی ایس ایل 10 کے25ویںمیچ میں آج ملتان سلطانز اورپشاورزلمی کی ٹیمیں آمنے سامنے ہوں گی ۔ملتان کرکٹ اسٹیڈیم میں کھیلا جانے والایہ میچ رات 8 بجے شروع ہو گا اورٹیپمیڈ پربراہ راست دکھایا جائے گا۔ پشاورزلمی کو مایہ نازبیٹربابراعظم لیڈ کر رہے ہیں اور دیگر نمایاں کھلاڑیوں میںانہیں ٹام کوہلر کیڈمور، صائم ایوب، محمد حارث، الزاری جوزف، حسین طلعت، سفیان مقیم جیسے باصلاحیت کھلاڑیوں کی خدمات حاصل ہیں۔ملتان سلطانز کی ٹیم مایہ ناز وکٹ کیپر بلے باز محمد رضوان کی زیر قیادت میدان میں اترے گی، دیگر نمایاں کھلاڑیوں میں مائیکل بریسویل،ڈیوڈ ویلے،شائی ہوپ،کرس جارڈن،محمد حسنین،اوسامہ میر،عثمان خان،افتخار احمد اور کامران غلام شامل ہیں۔پشاورزلمی کی ٹیم ایونٹ میں اب تک سات میچ کھیل چکی ہے جس میں سے اسےتین میں کامیابی جبکہ4میچوں میں شکست کاسامنا کرناپڑا ہے جس کے بعد پوائنٹس ٹیبل پر6پوائنٹس کے بعدپشاورزلمی کی ٹیم پانچویں نمبر پرہے جبکہ ملتان سلطانز کے 2 پوائنٹس کے ساتھ سب سے آخری نمبر پرہے۔

پی ایس ایل 10  میں ملتان سلطانز اور پشاور زلمی کے درمیان مقابلہ آج ہوگا

میچ رات 8 بجے شروع ہو گا ،پوائنٹس ٹیبل پرملتان سلطانز کے2جبکہ پشاورزلمی کے6پوائنٹس ہیں

مظفر آباد(این این آئی) وفاقی وزیر اطلاعات و نشریات عطااللہ تارڑ نے ملکی و غیرملکی میڈیا کو لائن آف کنٹرول (ایل او سی) کا دورہ کروا کر بھارت کے دہشتگردی کے کیمپوں کے بے بنیاد الزامات کا پول کھول دیا۔وفاقی وزیر اطلاعات عطا اللہ تارڑ کی جانب سے عالمی میڈیا سے منسلک صحافیوں کو ایل او سی کا دورہ کرانے کا مقصد بھارت کی جانب سے پھیلائے گئے جھوٹے اور بے بنیاد پروپیگنڈے کو بے نقاب کرنا تھا۔بھارتی پروپیگنڈے کو بے نقاب کرنے کیلئے زمینی حقائق میڈیا کے سامنے پیش کئے گئے اور میڈیا کے نمائندوں کو ان مخصوص مقامات پر لے جایا گیا جنہیں بھارت کی جانب سے مبینہ دہشت گردی کے ٹھکانے قرار دیا گیا تھا۔ زمینی حقائق، مقامی آبادی کی گواہی اور حالات کا خود مشاہدہ کر کے میڈیا نے ان بھارتی دعوؤں کی حقیقت جاننے کا موقع حاصل کیا۔اس موقع پر عطا اللہ تارڑ نے میڈیا سے گفتگو کرتے ہوئے کہا کہ بھارت کی جانب سے بارہا پاکستان کے خلاف بے بنیاد الزامات لگائے گئے، تاہم آج ہم نے عالمی اور ملکی میڈیا کے سامنے تمام حقائق رکھ دیئے ہیں اور جو مقامات بھارت خیالی دہشت گرد کیمپس قرار دیتا رہا ہے، وہ دراصل عام شہری آبادی کے علاقے ہیں۔انہوں نے کہا کہ پاکستان ایک ذمہ دار ریاست ہے جو نہ صرف علاقائی بلکہ عالمی امن کیلئے بھی پرعزم ہے اور پاکستان دنیا کے کسی بھی حصے میں دہشتگردی یا دہشتگردانہ سرگرمیوں کی مذمت کرتا ہے۔عطا اللہ تارڑ کا کہنا تھا کہ ہم نے اپنے عمل سے بارہا ثابت کیا کہ ہم امن کے داعی ہیں لیکن اپنی خودمختاری کے دفاع کیلئے ہم ہر حد تک جائیں گے، بھارت کو الزام تراشی سے پہلے اپنے زیر قبضہ کشمیر میں انسانی حقوق کی خلاف ورزیوں کا نوٹس لینا چاہیے۔انہوں نے کہا کہ بھارت اپنی داخلی ناکامیوں کو چھپانے کیلئے لائن آف کنٹرول پر پروپیگنڈا کرتا ہے لیکن آج عالمی میڈیا نے خود اپنی آنکھوں سے اصل حقیقت دیکھ لی ہے، پاکستان نے ایک بار پھر دنیا کے سامنے واضح کیا ہے کہ وہ علاقائی امن کیلئے پرعزم ہے، تاہم کسی بھی بھارتی جارحیت کا فوری اور منہ توڑ جواب دیا جائے گا۔واضح رہے کہ وزارت اطلاعات کی جانب سے پاکستانی اور عالمی میڈیا کیلئے دو روزہ لائن آف کنٹرول (ایل اوسی) کے دورے کا اہتمام کیا گیا ہے، میڈیا کو ان مقامات پر لے جایا جائے گا جنہیں بھارت دہشت گرد کیمپ بتاتا ہے۔

وزیراطلاعات کا ملکی و غیرملکی میڈیا کیساتھ ایل او سی کا دورہ، بھارتی پروپیگنڈا بے نقاب

میڈیا کے نمائندوں کو ان مخصوص مقامات پر لے جایا گیا جنہیں بھارت کی جانب سے مبینہ دہشت گردی کے ٹھکانے قرار دیا گیا تھا

ملکی دفاع ناقابل تسخیر بنانے کیلئے پاکستان نے فتح میزائل کا کامیاب تجربہ کرلیا،تفصیلات کے مطابق پاکستان نے ’فتح‘ سیریز کا کامیاب تربیتی میزائل تجربہ کیا ہے، جس کی رینج 120 کلومیٹر ہے۔ یہ تجربہ پاک فوج کی جاری مشق ’ایکس انڈس‘ کا حصہ ہے۔ تجربے کا مقصد فوجی دستوں کی عملی تیاری کا جائزہ لینا اور جدید نیوی گیشن سسٹم سمیت تکنیکی صلاحیتوں کی جانچ تھا۔پاک فوج کے شعبہ تعلقات عامہ (آئی ایس پی آر) نے بتایا کہ میزائل زمین سے زمین پر 120 کلومیٹر تک مار کرنے کی صلاحیت رکھتا ہے۔ میزائل کا تجربہ انڈس مشقوں کے دوران کیا گیا، تجربے کا مقصد فوجی تیاری اور تکنیکی صلاحیت کی جانچ ہے، تجربے کے ذریعے میزائل کے جدید نیوی گیشن سسٹم اور بہتر درستی سمیت اہم تکنیکی پیرامیٹرز کی توثیق کی گئی۔تربیتی تجربہ کا پاکستان آرمی کے سینئر افسران کے علاوہ پاکستان کی سٹریٹجک تنظیموں کے افسران، سائنسدانوں اور انجینئرز نے مشاہدہ کیا۔دوسری جانب چیئرمین جوائنٹ چیفس آف سٹاف کمیٹی اور چیف آف آرمی سٹاف نے حصہ لینے والے فوجیوں، سائنسدانوں اور انجینئرز کو کامیاب تجربہ پر مبارکباد دی۔اس موقع پر پاک فوج کے شعبہ تعلقات عامہ (آئی ایس پی آر) نے کہا کہ پاکستان کی علاقائی سالمیت کے خلاف کسی بھی جارحیت کو ناکام بنانے کیلئے پاک فوج کی آپریشنل تیاریوں اور تکنیکی مہارت پر مکمل اعتماد کا اظہار کیا گیا ہے، پاک فوج دشمن کی کسی بھی جارحیت کا بھرپور جواب دینے کی صلاحیت رکھتی ہے۔

پاکستان کاابدالی کے بعد زمین سے زمین پر مار کرنے والے فتح میزائل کا کامیاب تجربہ

میزائل کی رینج 120 کلومیٹر ہے اور یہ تجربہ جاری مشق اندس کا حصہ تھا، آئی ایس پی آر

امریکی محکمہ خارجہ کی جانب سے بھارت اور پاکستان کیلئے ٹریول ایڈوائزری جاری کردی گئی۔ امریکی شہریوں کو دہشت گردی اور دیگر خطرات کے پیش نظر احتیاط برتنے کی ہدایت کی گئی ہے۔امریکی محکمہ خارجہ کے مطابق ٹریول ایڈوائزری میں امریکی شہریوں کو پاکستان اور بھارت کا سفر نہ کرنے کی ہدایت کی ہے۔امریکی شہریوں کو کہا گیا ہے کہ جرائم اور دہشتگردی کے پیش نظر بھارت کے سفر سے گریز کریں، کیوں کہ جموں و کشمیر اور لداخ میں حملوں کے خطرات موجود ہیں۔ٹریول ایڈوائزری کے مطابق پاکستان اور بھارت کی سرحدوں پر مسلح تصادم کے خطرات ہیں، جبکہ وسطی اور مشرقی بھارت کے حصے غیر محفوظ ہیں۔ ٹریول ایڈوائزری میں منی پور کو تشدد اور جرائم کی وجہ سے غیرمحفوظ قرار دیا گیا ہے۔ ایڈوائزری میں کہا گیا ہے کہ بھارتی سیاحتی مقامات پر تشدد، جرائم اور جنسی حملوں کی رپورٹس ہیں، جبکہ بھارتی حکام کے مطابق ملک میں ریپ کے واقعات میں اضافہ ہوا ہے۔ ٹریول ایڈوائزری کے مطابق بھارت میں دہشت گرد بغیر کسی وارننگ کے حملہ کر سکتے ہیں، بھارت میں سیاحتی مقامات، نقل و حمل کے مراکز،  شاپنگ مالز اور سرکاری عمارتوں کو نشانہ بنایا جا سکتا ہے۔ایڈوائزری میں کہا گیا ہے کہ پاکستان اور بھارت کی سرحدوں پر دونوں ملکوں کے فوجیوں کی بڑی تعداد موجود ہے، سرحد اور ایل سی کے قریبی علاقوں میں مسلح تصادم ہو سکتا ہے۔ٹریول ایڈوائزری میں کہا گیا ہے کہ بلوچستان اور خیبرپختونخوا میں دہشتگردی کے خطرات موجود ہے، سیکیورٹی خدشات پر پاکستانی حکومت نے امریکی سفارتکاروں کی نقل و حرکت محدود کردی ہے۔

امریکی شہریوں کو بھارت اور پاکستان کا سفر نہ کرنے کی ہدایت ٹریول ایڈوائزری جاری

ٹریول ایڈوائزری کے مطابق پاکستان اور بھارت کی سرحدوں پر مسلح تصادم کے خطرات ہیں

پاک بھارت کشیدگی میں کمی کیلئے سفارتی کوششیں تیز، ایرانی وزیر خارجہ سید عباس عراقچی سرکاری دورے پر اسلام آباد پہنچ گئے۔تفصیلات کے مطابق ایرانی وزیر خارجہ عباس عراقچی سرکاری دورے پر رات گئے اسلام آباد پہنچ گئے۔ ترجمان دفتر خارجہ کے مطابق اسلام آباد ایئرپورٹ پر ایڈیشنل سیکریٹری خارجہ اسد گیلانی نے ان کا استقبال کیا، اس موقع پر سینئر پاکستانی حکام اور پاکستان میں تعینات ایرانی سفیر بھی موجود تھے۔سرکاری ٹی وی کے مطابق اپنے دورے کے دوران، ایرانی وزیر خارجہ پاکستان کی اعلیٰ قیادت سے اہم ملاقاتیں کریں گے جن میں صدر آصف علی زرداری، وزیر اعظم شہباز شریف اور نائب وزیر اعظم محمد اسحاق ڈار شامل ہیں۔میڈیارپورٹس کے مطابق ایرانی وزیر خارجہ پاک بھارت کشیدگی پر بھی بات کریں گے، ایرانی وزیر خارجہ خطے کی صورتحال پر بھی بات چیت کریں گے۔یہ دورہ ایسے وقت میں ہو رہا ہے جب مقبوضہ کشمیر کے علاقے پہلگام میں بھارتی سیاحوں کی ہلاکت کے بعد پاکستان اور بھارت کے درمیان کشیدگی میں اضافہ ہوا ہے۔ اس صورتحال کے تناظر میں ایران نے ثالثی کی پیشکش کی ہے اور دونوں ہمسایہ ممالک کے ساتھ بات چیت کے ذریعے کشیدگی میں کمی کی کوششوں کا آغاز کیا ہے۔ایرانی وزارت خارجہ کے مطابق عباس عراقچی پاکستان کے بعد رواں ہفتے بھارت کا دورہ بھی کریں گے، تاکہ دونوں فریقین کو بات چیت کی میز پر لایا جا سکے اور خطے میں امن کے امکانات کو تقویت دی جا سکے۔

پاک بھارت کشیدگی میں کمی کی کوششیں، ایرانی وزیر خارجہ پاکستان پہنچ گئے

وزارت خارجہ کے اعلیٰ حکام اور ایرانی سفیر نے اسلام آباد ائیر پورٹ پہنچنے پر ان کا استقبال کیا

بھارتی فوج نے لائن آف کنٹرول پر سیز فائر معاہدے کی خلاف ورزی کرتے ہوئے مختلف پاکستانی چوکیوں پر بلا اشتعال فائرنگ کی، جس کا پاک فوج کی جانب سے منہ توڑ جواب دے دیا گیا۔سکیورٹی ذرائع کے مطابق بھارت نے اتوار کی رات کو متعدد مقامات پر پاکستانی پوسٹوں پر بِلا اشتعال فائرنگ کی۔سکیورٹی ذرائع نے بتایا کہ بھارت نے ایل او سی پر نکیال، کھوئی رٹا، شاردا، کیل سیکٹرز، نیلم اور حاجی پیر سیکٹرز میں بلا اشتعال فائرنگ کی۔ پاک فوج نے ان سیکٹرز میں دشمن کی بلا اشتعال فائرنگ کا منہ توڑ جواب دیا۔سکیورٹی ذرائع کا کہنا ہے کہ افواج پاکستان دشمن کی کسی بھی جارحیت کا منہ توڑ جواب دینے کے لیے تیارہے۔واضح رہے کہ مقبوضہ کشمیر کے علاقے پہلگام میںبھارتی سیاحوں کے قتل کے بعد پاکستان اور بھارت کے درمیان تناؤ بڑھ گیا ہے۔بھارت کی جانب سے سندھ طاس معاہدے کی معطلی سمیت کیے جانے والے اقدامات پر پاکستان نے بھی بھرپور جواب دیا ہے۔

ایل اوسی پر بھارت کی پھر اشتعال انگیزی، پاک فوج کا دشمن کو منہ توڑ جواب

بھارت نے ایل او سی پر نکیال، کھوئی رٹا، شاردا، کیل سیکٹرز، نیلم اور حاجی پیر سیکٹرز میں بلا اشتعال فائرنگ کی

سیاسی قیادت نے پاکستان کیخلاف بھارت کی کشیدگی کے دوران بھرپور یکجہتی کا اظہار کرتے ہوئے کہا ہے کہ تمام سیاسی جماعتیں اپنی فوج کے ساتھ کھڑی ہیں۔وفاقی وزیر اطلاعات و نشریات عطااللہ تارڑ اور ڈی جی آئی ایس پی آر میجرجنرل احمد شریف نے پاک بھارت کشیدگی کے دوران قومی سلامتی کے حوالے سے ملک بھر کی سیاسی قیادت کو ان کیمرا بریفنگ دی۔نجی ٹی وی چینل نے ذرائع کے حوالے سے بتایا کہ اسلام آباد میں پاکستان ٹیلی ویژن کے ہیڈکوارٹر میں ڈی جی آئی ایس پی آر لیفٹیننٹ جنرل احمد شریف چوہدری نے وفاقی وزیر اطلاعات عطا تارڑ کے ہمراہ سیاسی جماعتوں کے نمائندوں کو پاک بھارت کشیدگی کی صورتحال پر بریفنگ دیتے ہوئے پاک فوج کی تیاریوں سے آگاہ کیا۔ڈی جی آئی ایس پی آر نے کہا کہ پاکستان ایک پُر امن ملک ہے اور خطے میں امن چاہتا ہے لیکن اگر پاکستان پر جارحیت مسلط کی جاتی ہے تو افواج پاکستان دشمن کو منہ توڑ جواب دینے کیلئے تیار ہیں۔ان کیمرا سیشن میں موجودہ کشیدہ حالات کے پیش نظر قومی سلامتی کے امور زیر غور آئے اور پہلگام فالس فلیگ آپریشن کے تناظر میں ہونے والے سیشن میں سیاسی جماعتوں کے رہنماؤں کی بڑی تعداد شریک ہوئی۔ڈی جی آئی ایس پی آر کے علاوہ ان کیمرہ سیشن میں وفاقی وزیر اطلاعات و  نشریات نے سیاسی قائدین کو حکومتی سفارتی اقدامات اور ریاستی مؤقف سے بھی آگاہ کیا۔اجلاس میں پاکستان پیپلز پارٹی (پی پی پی) کے علی حیدر گیلانی، سابق وزیراعظم آزاد کشمیر سردار عتیق۔  جمعیت علماء اسلام کے نور عالم خان، وزیر مملکت برائے داخلہ طلال چوہدری،  وزیر مملکت کھیل داس، وزیر مملکت بیرسٹر عقیل ملک، محسن شاہنواز رانجھا بھی شامل تھے۔دیگر رہنماؤں میں وفاقی وزیر صحت مصطفیٰ کمال، وفاقی وزیر امیر مقام، وزیرمملکت بلال اظہر کیانی، پاکستان پیپلز پارٹی کے قمر زمان کائرہ اور خیبرپختونخوا کے سابق وزیراعلیٰ محمود خان، سندھ کے وزرا ناصرشاہ، شرجیل میمن اور سعید غنی، پاکستان پیپلزپارٹی پارلیمنٹیرینز  کی سیکریٹری اطلاعات شازیہ مری اور وزیر اعظم کے معاون خصوصی شہباز بدر بھی موجود تھے۔خیال رہے پاکستان تحریک انصاف نے حکومت کی بیک گراؤنڈ بریفنگ کا بائیکاٹ کیاتھا پی ٹی آئی کا مؤقف ہے کہ موجودہ صورت حال میں آل پارٹیز کانفرنس بلانی چاہیے تھی، اس لیے ہم اس بریفنگ میں شامل ہونا ضروری نہیں سمجھتے۔

پاک بھارت کشیدگی پر ڈی جی آئی ایس پی آراوروزیراطلاعات کی سیاسی قیادت کو بریفنگ

اگر پاکستان پر جارحیت مسلط کی جاتی ہے تو افواج پاکستان دشمن کو منہ توڑ جواب دینے کیلئے تیار ہیں، ڈی جی آئی ایس پی آر

پاکستان نے خطے کی تازہ صورتِ حال پر اقومِ متحدہ کی سلامتی کونسل کو بریفنگ دینے کا فیصلہ کر لیا۔نائب وزیر اعظم و وزیر خارجہ اسحق ڈار نے اقوام متحدہ میں پاکستان کے مستقل مندوب کو سلامتی کونسل کا اجلاس بلانے کی ہدایت کرتے ہوئے کہا ہے کہ اقوام متحدہ کی سلامتی کونسل کا اجلاس بلانے کیلئے فوری اقدامات کریں۔ترجمان دفتر خارجہ کے مطابق  پاکستان نے خطے کی صورت حال پر سلامتی کونسل کو باضابطہ بریفنگ دینے کا فیصلہ کیا ہے، پاکستان سلامتی کونسل کو بھارت کے جارحانہ اقدامات سے آگاہ کرے گا، سندھ طاس معاہدے کو معطل کرنے کے بھارتی غیر قانونی اقدامات کو اجاگر کرے گا۔ دفتر خارجہ نے بتایا کہ واضح کیا جائے گا کہ کس طرح بھارتی جارحانہ اقدامات خطے کی سلامتی خطرے میں ڈال رہے ہیں، سفارتی اقدام پاکستان کی عالمی برادری کے سامنے حقائق پیش کرنے کی کوششوں کا حصہ ہے۔

بھارت سے کشیدگی،پاکستان کا اقوم متحدہ کی سلامتی کونسل کو بریفنگ دینے کا فیصلہ

واضح کیا جائے گا کہ کس طرح بھارتی جارحانہ اقدامات خطے کی سلامتی خطرے میں ڈال رہے ہیں، دفترخارجہ

پاکستان سپر لیگ (پی ایس ایل) کے دسویں ایڈیشن کے 24ویں میچ میں کراچی کنگز نے سنسنی خیز مقابلے کے بعد لاہور قلندرز کو4وکٹوں سے شکست دیدی۔لاہور کے قذافی اسٹیڈیم میں کھیلے جارہے میچ میں کرچی کنگز کے کپتان ڈیوڈ وارنر نے ٹاس جیتنے کے بعد لاہور قلندرز کو بیٹنگ کی دعوت دی۔ 8 ویں اوور میں میچ بارش سے متاثر ہوا تو اسے 15،15 اوورز تک محدود کردیا گیا لاہور قلندرز نے پہلے کھیلتے ہوئے 8 وکٹوں پر 160 رنز بنائے، تاہم ڈک ورتھ لوئس میتھڈ کے تحت کراچی کو جیت کےلیے 168 رنز کا ہدف ملا ۔لاہور قلندرز کی جانب سے اوپنر بلے باز محمد نعیم نے 29 گیندوں پر 65 رنز کی شاندار اننگز کھیلی جبکہ فخر زمان نے 51 رنز بنائے، عبداللہ شفیق 18، سکندر رضا 8، سیم بلنگز اور آصف علی 2، 2 رنز بناکر آؤٹ ہوئے جبکہ ڈیرل مچل اور شاہین شاہ آفریدی بالترتیب صفر،صفربنا سکے۔کراچی کنگز کی جانب سے عباس آفریدی نے 4 جبکہ میر حمزہ، حسن علی اور عامر جمال نے ایک ایک کھلاڑی کو پویلین کی راہ دکھائی۔لاہورقلندرز کے دیئے گئے168رنز کے ہدف کے جواب میںکراچی کنگز کی جانب سے کپتان ڈیوڈ وارنر اور اوپنر ٹم سیفرٹ نے بھی دھواں دار آغاز کیا اور ابتدائی 3 اوورز میں 40 رنز بنائے۔ڈیوڈ وارنز 13 گیندوں پر دو چوکوں اور دو چھکوں کی مدد سے 24 اور سیفرٹ 10 گیندوں پر 4 چوکوں اور ایک چھکے کی مدد سے 24 رنز بنا کر آؤٹ ہوگئے۔، جیمز ونز 13 اور سعد بیگ 25 رنز بنانے کے بعد آؤٹ ہوئے۔خوشدل شاہ صرف 9 رنز بناسکے، محمد نبی 15 رنز بنانے کے بعد آؤٹ ہوئے جب کہ عرفان خان نیازی نے 21 گیندوں پر 48 رنز کی ناقابل شکست اننگز کھیل کر ٹیم کی جیت میں اہم کردار ادا کیا کراچی کنگز نے 168 رنز کا ہدف 15 ویںاوور کی تیسری گیند پر حاصل کرلیا۔لاہور قلندرز کی جانب سے ڈیرل مچل اور حارث رؤف نے 2،2 وکٹیں حاصل کیں جب کہ رشاد حسین اور آصف آفریدی کے حصے میں ایک ایک وکٹ آئی۔

پی ایس ایل10،کراچی کنگز نےلاہورقلندرز کو4وکٹوں سے ہرادیا

کراچی کنگز نے سنسنی خیز مقابلے کے بعد لاہورقلندرز کادیاگیا168رنز کاہدف آخری اوورمیں حاصل کرلیا

پاکستان سپر لیگ (پی ایس ایل) کے دسویں ایڈیشن کے 24ویں میچ میں لاہور قلندرز نے کراچی کنگز کے خلاف آٹھویں اوورز میں ایک وکٹ کے نقصان پر 90 رنز بنالیے ہیں، تاہم بارش کے باعث میچ روک دیا گیا ہے۔قبل ازیں لاہور کے قذافی اسٹیڈیم میں کھیلے جارہے میچ میں کراچی کنگز کے کپتان ڈیوڈ وارنر نے ٹاس جیتنے کے بعد لاہور قلندرز کو بیٹنگ کی دعوت دی تھی۔لاہور قلندرز نے ٹیم میں ایک تبدیلی کی ہے، فاسٹ باؤلر ٹام کرن کی جگہ اسپنر رشاد حسین کو اسکواڈ کا حصہ بنایا گیا ہے۔کراچی کنگز نے ٹیم میں دو تبدیلیاں کی ہیں، فواد علی کی جگہ حسن علی اور عمیر یوسف کی جگہ سعد کو اسکواڈ میں شامل کیا گیا ہے۔پی ایس ایل کی پوائنٹس ٹیبل پر کوئٹہ گلیڈی ایٹر 8 میچ کے بعد 11 پوائنٹس کے ساتھ سرِ فہرست ہے جبکہ اسلام آباد یونائیٹڈ اتنے ہی میچز میں 10 پوائنٹس کے ساتھ دوسرے نمبر پر ہے۔لاہور قلندرز کی نمبرز کی دوڑ میں تیسری پوزیشن ہے، جس کے پوائنٹس کی تعداد 9 ہے جبکہ کراچی کنگز 8 پوائنٹس کے ساتھ چوتھی اور پشاور زلمی 6 پوائنٹس کے ساتھ 5 ویں پوزیشن پر ہے۔پوائنٹس ٹیبل کی آخری پوزیشن پر ملتان سلطانز کی ٹیم ہے، 8 میچز میں سے صرف 1 میں کامیابی حاصل کی اور اسے 7 میں شکست کا سامنا کرنا پڑا ہے، یہ ٹیم اب ایونٹ سے باہر ہو چکی ہے۔

پی ایس ایل10،کراچی کنگز اورلاہورقلندرزکے درمیان میچ بارش کے باعث روک دیا گیا

لاہور قلندرز نے کراچی کنگز کیخلاف آٹھویں اوورز میں ایک وکٹ کے نقصان پر 90 رنز بنالئے تھے

بھارت کی جانب سے جنگی جنون اور پاکستان پر حملے کی منصوبہ بندی کے انکشافات کے بعد پاکستان نے کھل کر بھارت کو خبردار کر دیا ہے کہ کسی بھی جارحیت کی صورت میں مکمل طاقت، بشمول ایٹمی طاقت، استعمال کی جائے گی۔تفصیلات کے مطابق روس میں تعینات پاکستانی سفیر محمد خالد جمالی نے بھارت کی جانب سے کسی بھی مہم جوئی کا جواب ایٹمی ہتھیاروں سمیت پوری قوت سے دینے کا اعلان کردیا۔روسی میڈیا سے بات کرتے ہوئے پاکستانی سفیر محمد خالد جمالی نے واضح کیا کہ پاکستان کے پاس انٹیلی جنس شواہد موجود ہیں، جن سے پتا چلتا ہے کہ بھارت کارروائی کی منصوبہ بندی کررہا ہے۔انہوں نے کہا کہ اگر بھارت نے پاکستان پر حملے کی کوئی کوشش کی تو اسے ایٹمی ہتھیاروں سمیت پوری قوت سے جواب دیا جائے گا، مخصوص علاقوں کونشانہ بنانے کا فیصلہ کیا جا چکا ہے، محسوس ہورہا ہے کہ یہ حملہ قریب ہے اوراس کا خطرہ حقیقی نوعیت کا ہے۔خالد جمالی نے کہا کہ اگر بھارت نے دریاؤں کے پانی کا رخ موڑنے یا اسے روکنے کی کوشش کی تواسے بھی پاکستان جنگی اقدام تصور کرے گا، اور ایسی کسی بھی حرکت کا منہ توڑ جواب دیا جائے گا۔

بھارت کیخلاف جوہری ہتھیار استعمال کرسکتے ہیں،  پاکستانی سفیرخالد جمالی

پاکستان کے پاس انٹیلی جنس شواہد موجود ہیں، جن سے پتا چلتا ہے کہ بھارت کارروائی کی منصوبہ بندی کررہا ہے، خالد جمالی

امریکی ارکانِ کانگریس نے پاک بھارت کشیدگی پر تشویش کا اظہار کرکے دونوں ممالک کو تناؤ کم کرنے کے لیے مذاکرات کا مشورہ دیا ہے۔امریکی کانگریس مین کیتھ سیلف نے واضح کیا ہے کہ پاکستان اور بھارت کے درمیان جنگ کا سوچ بھی نہیں سکتے، دونوں پڑوسی ملک ایٹمی قوت ہیں، جنگ شروع ہوگئی تو وہ کسی کے قابو میں نہیں رہے گی۔امریکی کانگریس مین کیتھ سیلف نے پاکستانی امریکن ریپبلکن کلب میں پاکستانی کمیونٹی کے رہنماؤں سے ملاقات کی، انہوں نے اپنی گفتگو میں امید ظاہر کی کہ پاکستان اور بھارت کشیدگی کو کم کریں گے۔کیتھ سیلف نے کہا کہ پاکستان اور بھارت کے مسائل کئی دہائیوں سے موجود ہیں، لیکن جنگ شروع ہوگئی تو وہ کسی کے قابو میں نہیں رہے گی۔اس ملاقات میں حال ہی میں پاکستان کا دورہ کرنے والے کانگریس مین جیک برگمین بھی موجود تھے، انہوں نے ہم خیال آزاد ممالک کے ساتھ مل کر پاک بھارت کشیدگی میں کمی کے لیے کردار ادا کرنے کی ضرروت پر زور دیا۔

پاک بھارت جنگ چھڑگئی تو کسی کے قابو میں نہیں رہے گی، امریکی رکن کانگریس

پاکستان اور بھارت کے مسائل کئی دہائیوں سے موجود ہیں، جنگ شروع ہوگئی تو اسے کنٹرول نہیں کیا جا سکتا، کیتھ سیلف

جوہانسبرگ(این این آئی)جنوبی افریقی فاسٹ بولر کیگیسو رباڈا نے منشیات کے استعمال کا ٹیسٹ مثبت آنے اور انڈین پریمیئر لیگ (آئی پی ایل) سے وقتی معطلی کا اعتراف کرلیا۔ جنوبی افریقا کے فاسٹ بولر کگیسو ربادا کا ڈوپ ٹیسٹ مثبت آگیا۔کگیسو ربادا کا کہنا ہے کہ مداحوں کو مایوسی ہوئی جس پرشرمندگی ہے، اس وقت عارضی پابندی کا شکار ہوں، جلد ہی کھیل میں واپس آؤں گا۔یاد رہے کہ ربادا ایک ماہ قبل اچانک آئی پی ایل کی ٹیم گجرات ٹائٹنز کو چھوڑ کر وطن واپس چلے گئے تھے۔ گجرات ٹائٹنز کا بتانا تھا کہ ربادا ایک ذاتی اہمیت کے حامل کام کی وجہ سے آئی پی ایل چھوڑ کر گئے ہیں۔انہوں نے آئی پی ایل کے رواں سیزن میں گجرات ٹائٹنز کی جانب سے 2 میچ بھی کھیلے تھے۔جنوبی افریقی کرکٹر اب واپس بھارت پہنچ چکے ہیں جب کہ آئی پی ایل یا آئی سی سی کی جانب سے ابھی ربادا کی باقاعدہ معطلی کا اعلان نہیں کیا گیا ہے۔اگلے ماہ آسٹریلیا کے خلاف ورلڈ ٹیسٹ چیمپئن شپ کے فائنل میں ربادا کی شرکت خطرے میں ہے۔ جنوبی افریقا پہلی بار ٹیسٹ چیمپئن شپ کا فائنل کھیلے گا۔خیال رہے کہ 29 سالہ جنوبی افریقی فاسٹ بولرکگیسو ربادا آئی سی سی ٹیسٹ رینکنگ میں دوسرے نمبر پر موجود ہیں، وہ ٹیسٹ میں اب تک 327 وکٹیں حاصل کرچکے ہیں۔

جنوبی افریقا کے فاسٹ بولر کگیسو ربادا کا ڈوپ ٹیسٹ مثبت آگیا

مداحوں کو مایوسی ہوئی جس پرشرمندگی ہے، عارضی پابندی کا شکار ہوں، جلد واپس آؤں گا،فاسٹ بولر کی گفتگو

پاکستان سپر لیگ (پی ایس ایل) سیزن 10 کے دلچسپ مقابلے جاری ہیں،پاکستان سپر لیگ میں آج ایک میچ کھیلا جائے گا،پی ایس ایل 10 کے24ویںمیچ میں آج کراچی کنگز اورلاہورقلندرز کی ٹیمیں آمنے سامنے ہوں گی ۔قذافی اسٹیڈیم لاہور میں کھیلا جانے والایہ میچ رات 8 بجے شروع ہو گا اورٹیپمیڈ پربراہ راست دکھایا جائے گا۔ لاہور قلندرز کی کپتانی فاسٹ بولر شاہین شاہ آفریدی کے پاس ہے، جبکہ کراچی کنگز کی قیادت آسٹریلیا کے تجربہ کار اوپنر ڈیوڈ وارنر کر رہے ہیں۔ دونوں ٹیمیں اس میچ کو جیت کر پوائنٹس ٹیبل پر اپنی پوزیشن بہتر بنانے کے لیے پرعزم ہیں۔ شائقین کرکٹ اس مقابلے کا شدت سے انتظار کر رہے ہیں، کیونکہ لاہور اور کراچی کی ٹیموں کے درمیان ہونے والے میچز ہمیشہ سے ہی دلچسپ اور سنسنی خیز رہے ہیں۔ پی ایس ایل10 میں پوائنٹس ٹیبل پر لاہور قلندرز کے9جبکہ کراچی کنگز کے8پوائنٹس ہیں۔پندرہ اپریل کو کراچی میں کھیلے گئے میچ میں لاہور قلندرز نے کراچی کنگز کو 65رنز سے ہرایا تھا۔پی ایس ایل کی تاریخ میں دونوں ٹیموں کے درمیان اب تک 20 میچز کھیلے جاچکے ہیں۔لاہور قلندرز نے 6 اور کراچی کنگز نے 13مقابلوں میں کامیابی سمیٹی جبکہ ایک مقابلہ برابر رہا۔

پی ایس ایل 10  میں کراچی کنگزاورلاہورقلندرز کے درمیان مقابلہ آج ہوگا

میچ رات 8 بجے شروع ہو گا ،پوائنٹس ٹیبل پرلاہورقلندرز کے9جبکہ کراچی کنگز کے8پوائنٹس ہیں

Fans in Pakistan can watch Big Bash League live on tapmad. tapmad will stream all BBL matches free as well as ad-free.

Where To Watch Big Bash League Live?

<p>The Big Bash League is undoubtedly the second biggest Twenty20 league after the Indian Premier League.&nbsp;</p>

<p>After debuting in 2011, the BBL has embarked on its 14th edition this year and continues to be a source of exciting world-class cricket.&nbsp;</p>

<p>The 2024-25 edition of the Big Bash League kickstarted on 15th December and is going to run for six weeks till 27th January 2025. The group stage will conclude on 19th January.</p>

<p>This Australian domestic league is being contested by eight teams which feature some of Australia&rsquo;s and the world&#39;s biggest names.</p>

<p>Let&rsquo;s explore possible options of watching the Big Bash League live in Pakistan.&nbsp;</p>

<h2>How to watch Big Bash League live online?</h2>

<p>Fans in Pakistan can watch Big Bash League live on tapmad. tapmad will stream all BBL matches free as well as ad-free.&nbsp;</p>

<h2>Full list of Pakistani players in BBL 2024-25</h2>

<p>Initially, 68 Pakistani players registered themselves for the BBL 2024 men&rsquo;s overseas draft. This group consisted of both seasoned international players as well as uncapped youngsters who were eager to make a mark at the global level.&nbsp;</p>

<p>Out of this massive group of 68 players, only Usama Mir and Zaman Khan were retained by their respective teams. Big names like Haris Rauf, Imad Wasim, Naseem Shah all remained unsold.</p>

<p>Spinner Usama Mir is playing for Melbourne Stars whereas Zaman Khan is representing Sydney Thunders.&nbsp;</p>

Where To Watch Big Bash League Live Online in Pakistan?

How to watch Big Bash League live online?

Full list of Pakistani players in BBL 2024-25

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan