Cricket

Entertainment

Football

ویسٹ انڈیز نے دوسرے ٹی 20 میچ میں سنسنی خیز مقابلے کے بعدپاکستان کو2وکٹوں سے شکست دے کر سیریز ایک ایک سے برابر کر دی۔فلوریڈا میں کھیلے گئےدوسرے ٹی ٹوئنٹی میچ میں پاکستانی ٹیم نے ٹاس جیت کر ویسٹ انڈیز کے خلاف بیٹنگ کا فیصلہ کیا اور مقررہ اوورز میں ویسٹ انڈیز کو جیت کے لیے 134 رنز کا ہدف دیا۔پاکستان کی جانب سے حسن نواز نے سب سے زیادہ 40 رنز بنائے، کپتان سلمان علی آغا نے 38اسکور کیے کب کہ فخر زمان نے 20 رنز بنائے۔ویسٹ انڈیز کے جیسن ہولڈر نے 19 رنز کےعوض 4 وکٹیں حاصل کیں، گودا کیش موتی نے 39 رنز دے کر دو کھلاڑی آؤٹ کیے۔ویسٹ انڈیز نےپاکستان کے دیئے گئے134رنز کا ہدف میچ کی آخری گیند پر حاصل کرلیا۔ویسٹ انڈیز کی جانب سے شائے ہوپ 21، گوداکیش موتی 28 رنز بنا کر نمایاں رہے، ایک موقع پر ویسٹ انڈیز کی شکست یقینی نظر آ رہی تھی لیکن جیسن ہولڈر نے 10 گیندوں پر 16 رنز بنا کر ویسٹ انڈیز کی فتح میں اہم کردار ادا کیا۔ویسٹ انڈیز نے آخری گیند پر مطلوبہ ہدف حاصل کیا، ہدف کے تعاقب میں ویسٹ انڈیز کے آٹھ کھلاڑی آؤٹ ہوئے۔ اس طرح ویسٹ انڈیز نے میچ جیت کر سیریز بھی ایک ایک سے برابر کر دی ہے۔پاکستان کی جانب سے محمد نواز نے 3، صائم ایوب نے 2 جبکہ سفیان مقیم اور شاہین آفریدی نے ایک ایک کھلاڑی کو آؤٹ کیا۔ میچ میں جیسن ہولڈر نے 4 پاکستانی کھلاڑیوں کو پویلین کی راہ دکھائی جبکہ اہم ترین 16 رنز بھی اسکور کیے جس میں آخری گیند پر وننگ شاٹ بھی شامل تھا، آل راؤنڈ پرفارمنس پر انہیں مین آف د میچ قرار دیا گیا۔اب سیریز کا فیصلہ تیسرے میچ میں ہوگا جو کل کھیلا جائے گا۔واضح رہے کہ پہلے ٹی ٹوئنٹی میچ میں پاکستان نے ویسٹ انڈیز کو 14 رنز سے شکست دی تھی۔

دوسرا ٹی 20، ویسٹ انڈیز نے پاکستان کو2وکٹوں سے ہرا کر سیریز برابر کردی

ویسٹ انڈیز نےپاکستان کی جانب سے دیاگیا134رنز کا ہدف میچ کی آخری گیند پر حاصل کرلیا

انگلینڈ میں کھیلی گئی ورلڈ چیمپئن شپ آف لیجنڈز (ڈبلیو سی ایل) کے فائنل مقابلے میں جنوبی افریقہ چیمپئنز نے پاکستان کو 9 وکٹوں سےہرا کر ٹائٹل جیت لیا ہے۔ برمنگھم میں کھیلے جانے والے فائنل میچ میں جنوبی افریقہ چیمپئنز نے 196 رنز کا ہدف 17ویں اوور میں صرف ایک وکٹ کے نقصان پرحاصل کر لیا، فائنل میچ میں پاکستان نے پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 195 رنز بنائے۔ شرجیل خان نے جارحانہ بیٹنگ کرتے ہوئے 44 گیندوں پر 76 رنز اسکور کیے، جن میں 9 چوکے اور 4 چھکے شامل تھے۔ عمر امین 19 گیندوں پر 36 رنز کے ساتھ ناٹ آؤٹ رہے، جبکہ آصف علی نے 15 گیندوں پر 28 رنز بنائے۔ شعیب ملک 25 گیندوں پر 20 رنز ہی بنا سکے۔ جنوبی افریقی بولرز میں ولجین اور وین پارنیل نے 2،2 وکٹیں حاصل کیں۔ہدف کے تعاقب میں جنوبی افریقہ چیمپئنز نے انتہائی جارحانہ انداز اپنایا اور 196 رنز کا ٹارگٹ صرف 17 اوورز میں ایک وکٹ کے نقصان پر حاصل کر لیا۔ کپتان اے بی ڈویلیئرز نے دھواں دھار بیٹنگ کرتے ہوئے 60 گیندوں پر ناقابل شکست 120 رنز بنائے، جس میں 12 چوکے اور 7 چھکے شامل تھے۔ جے پی ڈومنی نے بھی 28 گیندوں پر شاندار 50 رنز بنائے۔ واحد آؤٹ ہونے والے کھلاڑی ہاشم آملہ تھے جو 18 رنز بنا کر سعید اجمل کا شکار بنے۔اے بی ڈویلیئرز کی یہ اننگز نہ صرف میچ جتوانے میں فیصلہ کن ثابت ہوئی بلکہ یہ ان کی ٹورنامنٹ میں تیسری سنچری بھی تھی، جس نے جنوبی افریقہ کو ورلڈ چیمپئن شپ آف لیجنڈز کا نیا فاتح بنا دیا۔

جنوبی افریقا نے پاکستان کو 9وکٹوں سےہرا کر ورلڈ چیمپئن شپ آف لیجنڈز کا ٹائٹل جیت لیا

اسلام آباد (این این آئی)پاکستان تحریک انصاف (پی ٹی آئی) کے بانی عمران خان کے بیٹے قاسم خان نے کہا ہے کہ امریکی صدر ڈونلڈ ٹرمپ ایک ایسی شخصیت ہیں جو ان کے قید والد کے کیس میں فرق ڈال سکتے ہیں۔برطانوی صحافی پیئرز مورگن کے ساتھ دوران انٹرویو جب عمران خان کے بیٹے قاسم خان سے پوچھا گیا کہ کیا ان کا ٹرمپ کیلئے کوئی پیغام ہے ؟ جس پر انہوں نے جواب دیا کہ اگر کوئی فرق ڈال سکتا ہے، تو وہ (ٹرمپ) ہیں۔قاسم خان نے بتایا کہ انہوں نے امریکی صدر ڈونلڈ ٹرمپ کے قریبی ساتھی اور سوشل میڈیا پر عمران خان کی رہائی کا مطالبہ والے رچرڈ گرینل سے بھی ملاقات کی تھی۔قاسم خان نے کہا کہ ہم جانتے ہیں کہ امریکی صدر ڈونلڈ ٹرمپ اور ہمارے والد کے درمیان اچھے تعلقات تھے، جب دونوں عہدے پر تھے تو ان کی بات چیت زبردست ہوتی تھی اور وہ دونوں ایک دوسرے کا احترام کرتے تھے۔انہوں نے کہا کہ اگر ٹرمپ کوئی بیان دیں یا کسی بھی طریقے سے پاکستان میں اسٹیبلشمنٹ سے بات کریں تاکہ ہمارے والد کو رہا کیا جائے، تو وہ ان چند لوگوں میں سے ایک ہیں جو واقعی فرق ڈال سکتے ہیں، اس لیے ہم یقیناً اْن سے بات کرنا چاہیں گے یا ان سے مدد یا حمایت کی امید رکھتے ہیں۔سلیمان خان نے کہا کہ انہیں اپنے والد سے آخری بار ملاقات کیے 3 سال کا عرصہ ہو چکا ہے اور 4 ماہ سے ان کی عمران خان سے کوئی بات نہیں ہوئی، قاسم خان نے اس صورتحال کو انتہائی تکلیف دہ قرار دیا کیونکہ وہ پہلے اپنے والد سے باقاعدگی سے بات کرتے تھے۔قاسم خان نے کہا کہ وہ اور سلیمان عام طور پر عوامی سطح پر بات نہیں کرتے لیکن اب وہ اتنے عرصے سے اپنے والد سے رابطے میں نہ رہنے کی وجہ سے مایوس ہو چکے ہیں۔قاسم خان نے بتایا کہ جب ہم نے پاکستان جانے کا ارادہ ظاہر کیا تو پاکستانی حکومت کے کچھ لوگوں نے ہمیں کہا کہ ہمیں گرفتار کر لیا جائے گا، ہمیں خاندان کے افراد، اندرونی ذرائع اور مختلف افراد کی طرف سے اسی طرح کی وارننگز ملی ہیں،اس کے باوجود ہم ویزا حاصل کرنے کی کوشش کر رہے ہیں، ہم نے ویزا کے لیے درخواست دی ہوئی ہے لیکن ابھی تک کوئی جواب نہیں آیا، دیکھتے ہیں کیا ہوتا ہے۔سلیمان خان نے ایک سوال کے جواب میں کہا کہ اگر وہ پاکستان نہ بھی جا سکیں تو وہ بیرونِ ملک سے اپنے والد کی مدد کے لیے ہر ممکن کوشش کر رہے ہیں، انہوں نے یہ بھی کہا کہ برطانوی حکومت سے انہوں نے ابھی تک اس معاملے پر بات نہیں کی۔انہوں نے ریاستی حکام کو پیغام دیتے ہوئے کہا کہ سب سے پہلے جمہوریت کا احترام کریں، پاکستانی عوام کی مرضی کا احترام کریں جو گزشتہ سال فروری کے انتخابات میں بڑے پیمانے پر دھاندلی کے باوجود واضح تھی اور قانون کی حکمرانی کا احترام کرتے ہوئے عمران خان کو منصفانہ ٹرائل کا موقع دیں۔قاسم خان نے کہا کہ وہ دونوں پاکستان جا کر گرفتار ہونے کے لیے تیار ہیں، ہم کچھ عرصے سے جانے کی کوشش کر رہے ہیں، جو ہوگا، سو ہوگا لیکن ہم 100 فیصد ضرور جائیں گے، چاہے کسی کو اچھا لگے یا نہ لگے۔

عمران خان کے کیس میں امریکی صدر ڈونلڈ ٹرمپ فرق ڈال سکتے ہیں، قاسم خان

امریکی صدر اور ہمارے والد کے درمیان اچھے تعلقات تھے، برطانوی صحافی پیئرز مورگن کیساتھ دوران انٹرویو گفتگو

راولپنڈی(این این آئی)پاکستان تحریک انصاف (پی ٹی آئی) کے بانی عمران خان کا کہنا ہے کہ قاسم اور سلیمان پاکستان آئیں گے لیکن سیاست یا کسی تحریک کا حصہ نہیں بنیں گے۔ عمران خان نے تصدیق کی ہے کہ ان کی اپنے بیٹوں سے ٹیلیفون پر طویل گفتگو کروائی گئی ہے۔ عمران خان نے بتایا کہ ان کی ’ڈیڑھ گھنٹے سے زائد بچوں سے بات ہوئی ہے۔میڈیارپورٹس کے مطابق عمران خان نے اڈیالہ جیل میں توشہ خانہ ٹو کیس کی سماعت کے دوران صحافیوں سے گفتگو میںکہا کہ میرے بچے مجھ سے ملنے پاکستان آئیں گے لیکن قاسم اور سلیمان سیاست میں نہیں آرہے اس لیے وہ یہاں پر کسی سیاسی سرگرمی یا احتجاجی تحریک کا حصہ نہیں بنیں گے کیوں کہ میرے بچوں کا سیاست سے کوئی تعلق نہیں اور نہ ہی وہ کسی تحریک کا حصہ ہوں گے، آج بیٹوں سے فون پر میری بات کروا دی گئی، کئی ماہ بعد ایک گھنٹے سے زائد بچوں سے بات ہوئی ہے، اس کے علاوہ اخبارات بھی ملے ہیں اور ٹی وی بھی آن ہے۔خیال رہے کہ جولائی 2024 میں عمران خان نے بیٹوں سے بات نہ کروانے کے خلاف درخواست دائر کر دی تھی جس پر سماعت اے ٹی سی راولپنڈی کے جج ملک اعجاز آصف نے کی تھی اور جیل انتظامیہ کو نوٹس جاری کیا تھا۔

بیٹےمجھ سے ملنے پاکستان آئیں گے، سیاست یا احتجاجی تحریک کاحصہ نہیں بنیں گے، عمران خان

ایک گھنٹے سے زائد بچوں سے بات ہوئی ہے، اخبارات بھی ملے ہیں اور ٹی وی بھی آن ہوگیا ہے، بانی پی ٹی آئی

بالی وڈ کے کنگ شاہ رخ خان نے اپنے 33سالہ فلمی کیریئر میں بالآخر پہلا نیشنل ایوارڈ جیت لیا۔شاہ رخ خان، جنہیں دنیا بھر میں کنگ آف بالی وڈ کے طور پر جانا جاتا ہے نے 1992میں فلم دیوانہ سے اپنے فلمی سفر کا آغاز کیا اور جلد ہی وہ بھارت کے سب سے مقبول اداکاروں میں شمار ہونے لگے۔ انہوں نے اپنے فلمی کیریئر میں’’دل والے دلہنیا لے جائیں گے،چک دےانڈیا،کچھ کچھ ہوتا ہے‘‘جیسی کئی مشہور فلموں میں اپنی شاندار اداکاری سے مداحوں کے دلوں پر راج کیا۔ شاہ رخ خان نے 33سالہ فلمی کیریئر میں کئی بڑے ایوارڈز بھی جیتے بلکہ انہیں دوسرے ملکوں کی جانب سے بھی کئی بین الاقوامی اعزازات سے نوازا گیا ،لیکن وہ ایک بار بھی بھارت کے نیشنل ایوارڈ کو جیتنے میں کامیاب نہیں ہوئے تھے۔تاہم شاہ رخ خان کا یہ خواب بالآخر پورا ہوگیا ہے۔بھارتی میڈیا کے مطابق شاہ رخ خان نے اپنے فلمی کیریئر  کے 33سال بعد پہلا نیشنل فلم ایوارڈ جیت لیا ہے۔ انہیں یہ ایوارڈ 2023میں ریلیز  ہونے والی فلم جوان میں بہترین اداکاری پر دیا گیا ہے۔شاہ رخ خان 2023میں ہی ریلیز ہونے والی فلم12thفیل میں جاندار اداکاری کرنے والے وکرانت میسی کے ساتھ مشترکہ طور پر بہترین اداکار کے نیشنل ایوارڈ کے فاتح قرار پائے۔اس کے علاوہ رانی مکھرجی کو فلم ’’مسز چیٹرجی ورسز ناروے‘‘میں شاندار اداکاری پر بہترین اداکارہ کا نیشنل ایوارڈ ملا۔شاہ رخ خان نے پہلا نیشنل ایوارڈ جیتنے پر سوشل میڈیا پر پیغام بھی جاری کیا۔شاہ رخ نے انسٹاگرام پر ایک ویڈیو پوسٹ کی ،جس میں انہوں نے نیشنل ایوارڈ جیتنے پر بھارتی حکومت اور اپنے مداحوں کا شکریہ ادا کیا۔

شاہ رخ خان نے 33سالہ فلمی کیریئر میں بالآخرپہلا نیشنل ایوارڈ جیت لیا

شاہ رخ خان کوایوارڈ 2023میں ریلیز  ہونے والی فلم ’جوان‘میں بہترین اداکاری پر دیا گیا

ایران کے صدر مسعود پزشکیان دو روزہ سرکاری دورے پر پاکستان پہنچ گئے ،ایرانی صدر ایک اعلیٰ سطح کے وفد کے ہمراہ لاہور پہنچے، جہاں مسلم لیگ ن کے قائد نواز شریف اور وزیراعلیٰ پنجاب مریم نواز نے ان کا پرتپاک خیرمقدم کیا۔ایرانی صدر کی آمد پر علامہ اقبال انٹرنیشنل ایئرپورٹ کو پاکستانی اور ایرانی پرچموں سے خوبصورتی سے سجایا گیا تھا، جب کہ ایرانی صدر کے استقبال کے لیے ریڈ کارپٹ بھی بچھایا گیا۔یہ مسعود پزشکیان کا بطور صدر پاکستان کا پہلا سرکاری دورہ ہے، جس دوران ان کی صدرِ پاکستان آصف علی زرداری اور اسپیکر قومی اسمبلی سردار ایاز صادق سے اہم ملاقاتیں شیڈول کی گئی ہیں۔ایرانی صدر نے شاعر مشرق علامہ اقبال کے مزار پر حاضری دی، وزیراعلیٰ پنجاب مریم نواز اور دیگر وزرا بھی اس موقع پر موجود تھے، ایرانی صدر نے مزار اقبال پر فاتحہ پڑھی، پھول رکھے اور کتاب میں تاثرات قلم بند کیے۔ایرانی صدر مسعود پزشکیان آج شام اسلام آباد روانہ ہوں گے۔ دورے کے دوران ان کی صدرِ پاکستان آصف علی زرداری، اسپیکر قومی اسمبلی سردار ایاز صادق اور چیئرمین سینیٹ یوسف رضا گیلانی سے ملاقاتیں طے ہیں۔ایرانی سرکاری خبررساں ادارے ’ارنا‘ کے مطابق پاکستان روانگی سے قبل ڈاکٹر پزشکیان نے اس بات پر زور دیا کہ دونوں ممالک کے درمیان سالانہ تجارتی تبادلے کو 10 ارب ڈالر تک بڑھانے کا منصوبہ ہے، اپریل 2024 میں دونوں ممالک نے آئندہ پانچ سالوں میں باہمی تجارت کو فروغ دینے پر اتفاق کیا تھا۔صدر پزشکیان نے یہ بھی کہا کہ ایران، پاکستان اور چین کے ون بیلٹ ون روڈ منصوبے میں فعال شرکت کا خواہشمند ہے، جس کے ذریعے ایران کو یورپ سے جڑنے کا موقع حاصل ہو سکتا ہے۔یاد رہے ڈاکٹر پزشکیان گزشتہ 2 سال میں پاکستان کا دورہ کرنے والے دوسرے ایرانی صدر ہیں، ان سے قبل مرحوم صدر ابراہیم رئیسی نے اپریل 2024 میں پاکستان کا دورہ کیا تھا، جو ان کی ہیلی کاپٹر حادثے میں وفات سے صرف ایک ماہ قبل ہوا تھا۔

ایرانی صدر مسعود پز شکیان کا پاکستان پہنچنے پر پُرتپاک استقبال، مزار اقبال پر حاضری

ایرانی صدر کی آمد پر علامہ اقبال انٹرنیشنل ایئرپورٹ کو پاکستانی اور ایرانی پرچموں سے خوبصورتی سے سجایا گیا تھا

بنگلادیشی ماڈل اور مس ایشیا گلوبل جیتنے والی اداکارہ شانتا پال کو بھارت میںجعلی دستاویزات رکھنے کے الزام میں گرفتار کرلیا گیا۔ بھارتی میڈیا رپورٹس کے مطابق 28 سالہ شانتا پال کو 30 جولائی کے روز ریاست مغربی بنگال کے دارالحکومت کولکتہ میں ان کے کرائے کے اپارٹمنٹ سے پولیس نے حراست میں لیا۔پولیس کے مطابق اداکارہ اپنے ویزے کی مدت ختم ہونے کے بعد بھی بھارت میں ہی چھپ کر مقیم تھیں جبکہ وہ 2023 میں کلکتہ آئیں تھیں۔حکام کا کہنا ہے کہ وہ مقامی باشندوں میں گھل مل جانے کے لیے بروکرز کے ایک نیٹ ورک کے ذریعے یہ جعلی دستاویزات حاصل کر رہی تھیں۔ شانتا پال کی گرفتاری اس وقت عمل میں آئی جب پولیس نے ایک معمول کی جانچ کے دوران ان سے درست ویزا طلب کیا، جسے وہ پیش نہ کر سکیں۔اداکارہ پر الزام ہے کہ انہوں نے بھارت میں رہائش کے لیے جعلی شناختی دستاویزات تیار کروائیں اور انہی کی بنیاد پر ایک فلیٹ کرائے پر حاصل کیا۔ پولیس کا کہنا ہے کہ انہیں اداکارہ سے بعض مشکوک دستاویزات موصول ہوئی ہیں جن کی مختلف سرکاری اداروں سے تصدیق کروائی جا رہی ہے۔شانتا پال، جو کہ ماضی میں "مس ایشیا گلوبل" کا اعزاز بھی حاصل کر چکی ہیں، بنگلادیش میں ماڈلنگ اور اداکاری کے میدان میں خاصی شہرت رکھتی ہیں۔ ان کی بھارت آمد اور وہاں قیام کی مدت سے متعلق بھی تحقیقات کا آغاز کر دیا گیا ہے۔کولکتہ پولیس کے مطابق ابتدائی شواہد سے ظاہر ہوتا ہے کہ اداکارہ نے ممکنہ طور پر طویل مدتی قیام کے لیے بھارت میں جعلی طور پر دستاویزات حاصل کیں۔ اس حوالے سے غیر قانونی طور پر رہائش اختیار کرنے، دھوکہ دہی اور جعل سازی سے متعلق دفعات کے تحت مقدمہ درج کر لیا گیا ہے۔

جعلی دستاویزات کا استعمال، بنگلادیشی اداکارہ شانتا پال بھارت میں گرفتار

اداکارہ 2023 میں بھارت آئیں اور ویزا معیاد ختم ہونے کے بعد چھپ کر مقیم تھیں، پولیس نے کلکتہ فلیٹ سے گرفتار کیا

فیلڈ مارشل سید عاصم منیر کا کہنا ہے کہ ’موجودہ دور کے ہائبرڈ خطرات سے نمٹنے کیلئے پوری قوم کا متحد ہونا ناگزیر ہے،سید عاصم منیر نے قومی خودمختاری اور علاقائی سالمیت کے تحفظ کے لیے پاک فوج کے غیر متزلزل عزم کا اعادہ کرتے ہوئے قومی اتحاد اور سول ملٹری ہم آہنگی کی اہمیت پر زور دیا ہے۔آئی ایس پی آر کے مطابق فیلڈ مارشل سید عاصم منیر نے ہفتے کو ملتان گیریژن کا دورہ کیا، جہاں انہیں کور ہیڈکوارٹر میں فارمیشن کی آپریشنل تیاریوں اور تربیتی سرگرمیوں پر بریفنگ دی گئی۔آرمی چیف نے پاک فوج کی اعلیٰ تیاری پر اطمینان کا اظہار کیا اور قومی خودمختاری اور علاقائی سالمیت کے تحفظ کے عزم کا اعادہ کیا۔بعد ازاں فیلڈ مارشل عاصم منیر نے ملتان میں جدید Z-10ME اٹیک ہیلی کاپٹر کی شمولیت کی تقریب کی صدارت کی۔یہ جدید، ہر موسم میں کارروائی کرنے والا ہیلی کاپٹر دن اور رات میں درست نشانہ لگانے کی صلاحیت رکھتا ہے اور جدید ریڈار اور الیکٹرانک وارفیئر سسٹمز سے لیس ہے، جو پاک فوج کی فضائی اور زمینی اہداف کو نشانہ بنانے کی صلاحیت میں نمایاں اضافہ کرے گا۔فیلڈ مارشل نے مظفرگڑھ فیلڈ فائرنگ رینج میں نئے ہیلی کاپٹرز کی فائر پاور کا عملی مظاہرہ بھی دیکھا۔آئی ایس پی آر کے مطابق Z-10ME ہیلی کاپٹر کی شمولیت پاک فوج کی ایوی ایشن کی جدید خطوط پر استواری کی جانب بڑا قدم ہے، جو متحرک جنگی حکمت عملی میں فیصلہ کن برتری کو یقینی بنائے گا۔اس موقع پر فیلڈ مارشل عاصم منیر نے اکیڈمیا اور سول سوسائٹی کے نمائندوں سے ملاقات میں قومی اتحاد، سول ملٹری ہم آہنگی اور اجتماعی قومی حکمت عملی کی ضرورت پر زور دیا تاکہ ہائبرڈ خطرات کا موثر مقابلہ کیا جا سکے۔دورے کے دوران آرمی چیف نے جوانوں سے بھی ملاقات کی، ان کے بلند حوصلے، پیشہ ورانہ صلاحیت اور جنگی مہارت کو سراہا اور مشترکہ عسکری حکمت عملی کی کامیاب مشق پر اطمینان کا اظہار کیا۔آرمی چیف کی ملتان گیریژن آمد پر کور کمانڈر ملتان نے ان کا پرتپاک استقبال کیا۔

موجودہ دور کے ہائبرڈ خطرات سے نمٹنے کیلئے پوری قوم کا متحد ہونا ناگزیر ہے، فیلڈ مارشل عاصم منیر

پاک فوج کی قوت میں ایک اور اضافہ، جدید گن شپ ہیلی کاپٹر کی شمولیت

کراچی میں سینئر وکیل شمس الاسلام کے قتل کا معاملہ نیا رخ اختیار کر گیا، ملزم عمران آفریدی نے قتل کا اعتراف کرتے ہوئے اسے ذاتی انتقام قرار دے دیا۔ میڈیارپورٹس کے مطابق ملزم نے ویڈیو بیان میں قتل کرنے کااعتراف کرلیا۔ویڈیو بیان میںملزم عمران آفریدی نے قتل کا اعتراف کرتے ہوئے کہا کہ شمس الاسلام نے اُس کے والد کو اغوا کے بعد تشدد کا نشانہ بنا کر قتل کیا، جس کی بنیاد 35 لاکھ روپے کا مالی تنازع تھا۔ عمران آفریدی کے مطابق، نہ صرف اس کے والد کو قتل کیا گیا بلکہ بعد ازاں ان کے خاندان کو جھوٹے مقدمات میں بھی پھنسا دیا گیا۔ اُس نے الزام لگایا کہ شمس الاسلام نے اُس کے بھائیوں پر دہشت گردی کے مقدمات درج کرائے اور خواتین کو بھی قانونی پیچیدگیوں میں الجھایا، حالانکہ ان کا معاملے سے کوئی تعلق نہیں تھا۔عمران آفریدی نے کہا کہ اسے قانونی نظام سے انصاف نہیں ملا، اسی لیے اس نے خود بدلہ لینے کا فیصلہ کیا۔ اُس کا مزید کہنا تھا کہ قتل اُس نے اکیلے کیا اور اس جرم میں کسی عزیز، دوست یا رشتہ دار کا کوئی ہاتھ نہیں، لہٰذا پولیس ان کے خاندان یا دوستوں کو ہراساں نہ کرے۔واضح رہے کہ گزشتہ روز شمس الاسلام کو کراچی کے پوش علاقے خیابانِ راحت میں واقع قرآن اکیڈمی کے باہر اُس وقت فائرنگ کرکے قتل کیا گیا جب وہ بیٹے دانیال الاسلام کے ہمراہ نمازِ جنازہ میں شرکت کے بعد مسجد سے نکل رہے تھے۔ عینی شاہدین کے مطابق وہ جوتے پہن رہے تھے کہ حملہ آور نے اچانک گولیاں چلائیں۔پولیس نے واقعے کا مقدمہ مقتول کے بھائی خواجہ فیض الاسلام کی مدعیت میں درخشاں تھانے میں درج کرلیا ہے، جس میں قتل، دہشت گردی اور دیگر سنگین دفعات شامل ہیں۔ پولیس کا کہنا ہے کہ ملزم کے اعترافی بیان کی روشنی میں مزید تحقیقات جاری ہیں اور شواہد کی بنیاد پر کیس کو منطقی انجام تک پہنچایا جائے گا۔

سینئر وکیل شمس الاسلام سے والد کے قتل کا بدلا لیا،ملزم عمران آفریدی نے ویڈیوبیان میں اعتراف جرم کرلیا

قانون سے انصاف نہیں ملا تو خود بدلہ لیا، قاتل کا ویڈیو بیان منظرِ عام پر

جسٹن ٹروڈو اور کیٹی پیری کی قربتوں کے چرچے۔۔ مونٹریال کی خفیہ ملاقات نے ہلچل مچا دی۔تفصیلات کے مطابق کینیڈا کے سابق وزیراعظم جسٹن ٹروڈو اور امریکی گلوکارہ کیٹی پیری کے درمیان قریبی تعلقات کی افواہیں ان دنوں عالمی میڈیا میں خبروں کی زینت بنی ہوئی ہیں۔غیر ملکی رپورٹس کے مطابق دونوں شخصیات کو کینیڈا کے شہر مونٹریال میں ایک مشہور اور پرتعیش ریسٹورنٹ میں ایک ساتھ دیکھا گیا، جس کے بعد سوشل میڈیا اور میڈیا پلیٹ فارمز پر چہ مگوئیاں شروع ہو گئیں۔دی گارجین میں شائع ہونے والی ایک رپورٹ میں بتایا گیا ہے کہ مونٹریال کے ایک مقامی عہدیدار نے اس بات کی تصدیق کی ہے کہ جسٹن ٹروڈو اور کیٹی پیری نے حالیہ دنوں میں ایک ساتھ کھانے کا اہتمام کیا۔ رپورٹ کے مطابق دونوں نے تقریباً دو گھنٹے ایک ساتھ گزارے، کاک ٹیلز سے ملاقات کا آغاز کیا اور پھر ٹونا، لوبسٹر اور ایسپراگس سمیت کئی لذیذ پکوانوں سے لطف اندوز ہوئے۔امریکی میڈیا پر شائع ہونے والی ایک تصویرنے افواہوں کو مزید ہوا دی۔ جس میں دونوں کو ریسٹورنٹ میں موجود دیکھا جا سکتا ہے۔ اس تصویر کے بعد قیاس آرائیاں کی جا رہی ہیں کہ دونوں کے درمیان دوستی سے بڑھ کر کوئی تعلق موجود ہو سکتا ہے، اگرچہ تاحال نہ جسٹن ٹروڈو، نہ کیٹی پیری اور نہ ہی ریسٹورینٹ انتظامیہ نے اس ملاقات پر کوئی باضابطہ بیان جاری کیا ہے۔دلچسپ پہلو یہ ہے کہ دونوں شخصیات حال ہی میں اپنی سابقہ محبتوں سے علیحدہ ہو چکی ہیں۔ کیٹی پیری نے رواں ماہ اپنے دیرینہ ساتھی، ہالی وڈ اداکار اور منگیتر اورلینڈو بلوم سے کئی برس کے تعلق کے بعد راہیں جدا کر لی ہیں۔ اسی طرح جسٹن ٹروڈو نے اگست 2023 میں اپنی اہلیہ صوفی گریگوار سے 18 سالہ ازدواجی تعلق ختم کرنے کا اعلان کیا تھا۔اس ملاقات کے بعد دنیا بھر میں مداح دونوں شخصیات کے ممکنہ رومانوی تعلق کے بارے میں جاننے کے لیے بیتاب ہیں، تاہم سچائی کیا ہے، یہ وقت ہی بتائے گا۔

کینیڈا کے سابق وزیراعظم کی امریکی گلوکارہ کے ساتھ ڈیٹ کی افواہیں، تصویر منظر عام پر

امریکی میڈیا پر شائع ہونے والی ملاقات کی تصاویر نے بھی دونوں کے درمیان افیئرز کی افواہوں کو ہوا دی

کراچی کے علاقے ڈیفنس فیز 6 میں پیش آنے والے افسوسناک واقعے میں معروف قانون دان خواجہ شمس الاسلام فائرنگ سے جان کی بازی ہار گئے، جب کہ ان کے بیٹے دانیال شمس شدید زخمی ہو گئے۔پولیس کے مطابق واقعہ اس وقت پیش آیا جب خواجہ شمس الاسلام ڈیفنس کی مسجد قرآن اکیڈمی میں تاجر مزمل پراچہ کی نماز جنازہ میں شرکت کے لیے آئے تھے۔ فائرنگ مسجد کے باہر اُس وقت ہوئی جب وہ نماز کے بعد واپس نکل رہے تھے۔عینی شاہدین کا کہنا ہے کہ حملہ آور نے شلوار قمیص پہن رکھی تھی اور چہرے پر ماسک لگا رکھا تھا۔ وہ پہلے سے موقع پر موجود تھا اور جیسے ہی خواجہ شمس الاسلام مسجد سے باہر آئے، اُس نے قریب آ کر فائرنگ شروع کر دی۔گولیاں لگنے سے سینئر وکیل شدید زخمی ہوئے، جنہیں فوری طور پر اسپتال منتقل کیا گیا، مگر وہ جانبر نہ ہو سکے۔ ان کا بیٹا دانیال بھی فائرنگ سے زخمی ہوا اور اُسے طبی امداد فراہم کی جا رہی ہے۔پولیس اور دیگر قانون نافذ کرنے والے ادارے واقعے کی مختلف پہلوؤں سے تفتیش کر رہے ہیں جبکہ جائے وقوعہ سے شواہد بھی جمع کیے جا رہے ہیں۔ ابتدائی طور پر واقعے کو ٹارگٹڈ حملہ قرار دیا جا رہا ہے، تاہم تحقیقات جاری ہیں۔

کراچی ڈیفنس میں فائرنگ، معروف وکیل خواجہ شمس الاسلام جاں بحق، بیٹا زخمی

قرآن اکیڈمی مسجد کے باہر حملہ آور نے ماسک پہن کر نشانہ بنایا، قانون نافذ کرنے والے ادارے تحقیقات میں مصروف

سندھ ہائیکورٹ نے کے الیکٹرک کے سی ای او مونس علوی کے خلاف سابق خاتون افسر کی جانب سے دائر ہراسانی کیس میں صوبائی محتسب کے فیصلے کو معطل کر دیا۔ عدالت نے ابتدائی سماعت میں مذکورہ حکم کو عارضی طور پر معطل کرتے ہوئے تمام متعلقہ فریقین کو نوٹس جاری کیے ہیں اور 8 اگست تک جواب طلب کر لیا ہے۔یہ مقدمہ ایک خاتون کی جانب سے ہراسانی کی شکایت پر دائر کیا گیا تھا، جس کے بعد صوبائی محتسب نے مونس علوی کو عہدے سے ہٹانے اور جرمانہ عائد کرنے کا فیصلہ سنایا تھا۔ تاہم، مونس علوی نے اس فیصلے کو سندھ ہائیکورٹ میں چیلنج کیا۔عدالت نے سماعت کے دوران وکیل سے استفسار کیا کہ صوبائی محتسب کو کس قانون کے تحت یہ اختیار حاصل ہے؟ مونس علوی کے وکیل کا کہنا تھا کہ کے الیکٹرک ایک بین الصوبائی کمپنی ہے، جو صرف سندھ نہیں بلکہ بلوچستان کے علاقوں جیسے حب، لسبیلہ اور وندر کو بھی بجلی فراہم کرتی ہے، لہٰذا اس کیس پر وفاقی محتسب کا دائرہ اختیار بنتا ہے، صوبائی محتسب کا نہیں۔عدالت نے سوال اٹھایا کہ کیا واقعی یہ کیس صرف وفاقی سطح پر سنا جا سکتا ہے؟ مزید دلائل سننے کے بعد عدالت نے نہ صرف مونس علوی کو برطرف کرنے کا حکم عارضی طور پر معطل کر دیا بلکہ ان پر عائد 25 لاکھ روپے جرمانے کی رقم ناظر سندھ ہائیکورٹ کے پاس جمع کرانے کی ہدایت بھی کی۔عدالت نے شکایت کنندہ خاتون، صوبائی محتسب اور دیگر فریقین کو بھی نوٹس جاری کرتے ہوئے آئندہ سماعت 8 اگست کو مقرر کر دی۔

کے الیکٹرک کے سی ای او مونس علوی کو عہدے سے ہٹانے کا حکم عارضی طور پر معطل

سندھ ہائیکورٹ نے صوبائی محتسب کے فیصلے پر عملدرآمد روکتے ہوئے فریقین سے 8 اگست تک جواب طلب کرلیا

واشنگٹن (این این آئی)امریکی صدر ڈونلڈ ٹرمپ نے کہا ہے کہ ایران کی ایٹمی طاقت بننے کی صلاحیت ختم کردی ہے، اگر امریکہ کارروائی نہ کرتا تو ایران کچھ ہفتوں میں ایٹمی طاقت بن سکتا تھا۔وائٹ ہائوس میں ریسلر ٹرپل ایچ اور دیگر کے ہمراہ تقریب سے خطاب میں صدر ٹرمپ نے کہا کہ غزہ کی صورتحال خوفناک ہے، جس کے لیے اقدامات اٹھا رہے ہیں۔تقریب سے خطاب کے دوران امریکی صدر کا کہنا تھا کہ کینیڈا نے فلسطین کو ریاست تسلیم کرنے سے متعلق اعلان کرکے اچھا نہیں کیا، فلسطینی ریاست پر کینیڈا کا موقف ڈیل بریکر نہیں۔روس کے حوالے سے صدر ٹرمپ نے کہا کہ روس یوکرین میں جو کچھ کر رہا ہے وہ بالکل قابل مذمت ہے اور اب یہ جنگ اب رک جانی چاہیے۔ امریکی صدر ڈونلڈ ٹرمپ نے روس پر پابندیاں عائد کرنے سے متعلق بھی عندیہ دیا۔امریکی صدر نے فیزیکل فٹنس سے متعلق ایگزیکٹو آرڈر پر دستخط کیے۔ علاوہ ازیں امریکا میں صدارتی فٹنس ایوارڈ کو بحال کردیا گیا۔

کارروائی نہ کرتے تو ایران کچھ ہفتوں میں ایٹمی طاقت بن سکتا تھا،ڈونلڈٹرمپ

کینیڈا نے فلسطین کو ریاست تسلیم کرنے سے متعلق اعلان کرکے اچھا نہیں کیا،امریکی صدر

راولپنڈی (این این آئی)چیف آف آرمی اسٹاف فیلڈ مارشل عاصم منیر نے کہا ہے کہ پاک،چین دوستی ناقابل تسخیر ہے جو وقت کی ہر کسوٹی پر پوری اتری ہے اور بدلتے ہوئے چیلنجز کے باوجود پاک،چین تعلقات مضبوط ہیں۔پاک فوج کے شعبہ تعلقات عامہ (آئی ایس پی آر) کے مطابق چین کی پیپلز لبریشن آرمی (پی ایل اے) کے 98ویں یوم تاسیس پر جی ایچ کیو میں تقریب ہوئی، جس میں چینی سفیر جیانگ زائیڈونگ نے بطور مہمان خصوصی شرکت کی۔اس موقع پر دفاعی اتاشی میجر جنرل وانگ زونگ، چینی سفارتخانے کے افسران اور پاکستان کی تینوں مسلح افواج کے سینئر افسران بھی موجود تھے۔اس موقع پر فیلڈ مارشل عاصم منیر نے چینی مہمانوں کو مبارکباد دیتے ہوئے کہا کہ چین کے دفاع، سلامتی اور ترقی میں پی ایل ایکا کردار قابل تعریف ہے، پاک-چین دوستی وقت کی ہر کسوٹی پر پوری اتری ہے اور بدلتے ہوئے چیلنجز کے باوجود پاک،چین تعلقات مضبوط ہیں۔انہوں نے بدلتی اسٹریٹجک صورتحال کے باوجود پاک-چین دوستی کو ناقابل تسخیر قرار دیا اور کہا کہ پاک فوج اور پی ایل اے کے درمیان بھائیوں جیسا رشتہ ہے۔فیلڈ مارشل نے پاک فوج اور پی ایل اے کی شراکت کو مشترکہ اسٹریٹجک مفادات کا محافظ قرار دیا۔تقریب سے خطاب میں چینی سفیر نے کہا کہ دہشت گردی کے خلاف جنگ میں پاک فوج نے بے مثال کردار ادا کیا۔انہوں نے پاکستان کے ساتھ اپنی اسٹریٹجک شراکت داری کے لیے چین کی غیر متزلزل حمایت اور عزم کا اعادہ کیا۔

پاک،چین دوستی ناقابل تسخیر اور وقت کی ہر کسوٹی پر پوری اتری ہے، فیلڈ مارشل عاصم منیر

چین کے دفاع، سلامتی اور ترقی میں پی ایل ایکا کردار قابل تعریف ہے،آرمی چیف کا تقریب سے خطاب

مانچسٹر کے اولڈ ٹریفورڈ اسٹیڈیم سے پاکستانی تماشائی کو باہر نکالنے پر انگلش کاؤنٹی کرکٹ کلب لنکا شائر نے معافی مانگ لی۔ چند روز قبل بھارت انگلینڈ ٹیسٹ میچ کے دوران ایک مداح کوپاکستانی ٹیم کی ٹی شرٹ پہننے پرگراؤنڈ سے نکال دیا گیا تھا۔غیر ملکی میڈیا رپورٹس کے مطابق لنکا شائر نے اولڈ ٹریفورڈ اسٹیڈیم سے پاکستانی تماشائی کے اخراج کے بعد پیش آنے والی ’کسی بھی پریشانی اور جرم کی وجہ سے‘ معافی مانگ لی ہے۔اس حوالے سے شائق فاروق نذر نے کہا تھا کہ میں میچ دیکھ رہا تھا، سکیورٹی والوں نے پاکستانی شرٹ ڈھانپنے کو کہا، سکیورٹی والوں نے بولا شرٹ تبدیل کر لو یا گراؤنڈ سے چلے جاؤ۔یاد رہے کہ پہلگام واقعے کے بعد بھارت اور پاکستان کے درمیان کشیدگی میں اضافہ ہوا ہے جس کا اثر کرکٹ تعلقات پر بھی پڑا ہے، حال ہی میں لیجنڈز کرکٹ ٹورنامنٹ کے دوران بھارتی کرکٹرز نے پاکستان کے خلاف دو میچز کھیلنے سے انکار کیا جن میں سیمی فائنل بھی شامل تھا۔

پاکستانی ٹیم کی شرٹ پہنے مداح کو اسٹیڈیم سے نکالنے پر لنکاشائر کاؤنٹی نے معافی مانگ لی

چند روز قبل بھارت انگلینڈ ٹیسٹ کے دوران ایک مداح کوپاکستان ٹیم کی ٹی شرٹ پہننے پرگراؤنڈ سے نکال دیا گیا تھا

کرکٹ کے شائقین کے لیے بڑی خوشخبری ہے! پاکستان، افغانستان اور متحدہ عرب امارات کے درمیان سہ فریقی ٹی ٹوئنٹی سیریز کا اعلان کر دیا گیا ہے، جو 29 اگست سے 7 ستمبر تک شارجہ کرکٹ اسٹیڈیم میں کھیلی جائے گی۔یہ ٹورنامنٹ ایشیا کپ سے قبل تینوں ٹیموں کیلئے ایک شاندار وارم اپ ثابت ہوگا، کیونکہ اے سی سی مینز ٹی ٹوئنٹی ایشیا کپ 9 ستمبر سے 28 ستمبر تک متحدہ عرب امارات میں ہی کھیلا جائے گا۔سیریز میں ہر ٹیم دوسری دو ٹیموں کے خلاف دو دو میچز کھیلے گی، یعنی ہر ٹیم کو کم از کم چار میچز کھیلنے کا موقع ملے گا۔ آخر میں ٹاپ دو ٹیمیں 7 ستمبر کو فائنل میں آمنے سامنے ہوں گی۔آئیے اب بات کرتے ہیں مکمل شیڈول کی،29 اگست کو اوپننگ میچ ہوگا افغانستان اور پاکستان کے درمیان،30 اگست کو پاکستان کا مقابلہ ہوگا یو اے ای سے،1 ستمبر کو یو اے ای اور افغانستان مدمقابل آئیں گے،2 ستمبر کو پاکستان اور افغانستان ایک بار پھر ٹکرائیں گے،4 ستمبر کو پاکستان ایک بار پھر یو اے ای کے خلاف میدان میں اترے گا،5 ستمبر کو افغانستان اور یو اے ای کے درمیان مقابلہ ہوگا،اور آخر میں، 7 ستمبر کو ہوگا فائنل جس میں ٹورنامنٹ کی دو بہترین ٹیمیں ٹکرائیں گی۔تمام میچز شام 7 بجے شارجہ کرکٹ اسٹیڈیم میں کھیلے جائیں گے۔یہ سیریز نہ صرف ایشیا کپ کی تیاریوں کا بہترین موقع ہے، بلکہ تینوں ٹیموں کے کھلاڑیوں کو اپنی صلاحیتوں کے اظہار کا بھی سنہری موقع فراہم کرے گی۔تو ناظرین، تیاری کر لیں ایک اور دھواں دار کرکٹ فیسٹیول کی، کیونکہ میدان سجنے والا ہے شارجہ میں جہاں تین ایشیائی ٹیمیں کریں گی ایک دوسرے کا سامنا۔

پاکستان، افغانستان اور یو اے ای کے درمیانٹی ٹوئنٹی سیریز کا اعلان

پاکستان ، افغانستان اور یو اے ای کی تین ملکی سیریز ،ٹی ٹوئنٹی ٹرائی سیریز 29 اگست سے 7 ستمبر تک شارجہ میں ہو گی

بھارتی حکومت کی طرف سے وزیر اعلیٰ خیبر پختونخوا کے فیٹف سے متعلق بیان کو سیاق و سباق سے ہٹ کر پیش کرنے اور پاکستان میں دہشت گردی کی سرپرستی اور اوچھے ہتھکنڈوں سے متعلق علی امین گنڈا پور نے سخت ردعمل دیا ہے۔ علی امین گنڈاپور نے بھارت کے خلاف فیٹف (فنانشل ایکش ٹاسک فورس) جانے کا اعلان کر دیا۔اپنے ویڈیو پیغام میں وزیراعلیٰ کے پی علی امین گنڈاپور کا کہنا تھا کہ بھارت نے ان کا بیان توڑ مروڑ کر پیش کیا اور پاکستان کو فیٹف کی گرے لسٹ میں ڈالوانے کی کوشش کی۔انہوں نے کہا کہ مودی! میں تمہیں پیغام دے رہا ہوں، ہم تمہاری طرح بزدل نہیں جو رات کی تاریکی میں آئیں، ہم نعرہ لگا کر آتے ہیں، دشمن کو بتا کر آتے ہیں، بھارت کو FATF کی گرے لسٹ میں شامل کرانے کیلئے وہ خود ثبوتوں کے ساتھ عالمی فورمز پر جائیں گے اور یہ ثابت کریں گے کہ انڈیا گرے لسٹ میں جانے کیلئے سو فیصد فٹ ہے۔وزیراعلیٰ نے کہا کہ بھارت آج سے نہیں، بلکہ ہمیشہ سے پاکستان، خصوصاً بلوچستان، گلگت بلتستان اور خطے میں دہشت گردی میں ملوث رہا ہے، افغان جنگ کے دوران بھارت نے 100 سے زائد قونصل خانے کھول کر پاکستان میں دہشت گردی کو ہوا دی۔ان کا کہنا تھا کہ چینی باشندوں اور تنصیبات پر ہونے والے حملوں کے تانے بانے بھی بھارت سے جا ملتے ہیں، پاکستانی حکومتیں، دفاعی ادارے، عوام اور پوری قوم ملک کے دفاع کیلئے متحد ہیں اور ہر محاذ پر بھارت کے جھوٹے پراپیگنڈے کا بھرپور جواب دیا جائے گا۔وزیراعلیٰ کے پی نے کہا کہ اسی طرح میں یہ بھی واضح کرنا چاہتا ہوں کہ ہمارے پشتونوں نے کشمیر کو آزاد کروایا تھا، ان شاءاللہ وقت آئے گا کہ یہ جو باقی کشمیر جس پر بھارت نے قبضہ کیا ہوا ہے ہم پختون اس کو بھی آزاد کروائیں گے۔مودی کو پیغام دیتے ہوں علی امین نے کہا کہ پاکستان کے دفاع کے لیے ہم سب ایک ہیں، میں تمہیں اور تمہاری حکومت کو بھی ایکسپوز بھی کروں گا۔ تم نے جو سیاق و سباق سے ہٹ کر ایک غلط بیانیہ پیش کر کے پاکستان کو فیٹف کی گرے لسٹ میں ڈالوانے کی کوشش کی ہے، میں فزیکلی وہاں جا کر بتاؤں گا اور ثابت کروں گا کہ دہشتگردی کے حوالے سے فیٹف کی گرے لسٹ میں جانے کے لیے بھارت 100 فیصد فٹ ہے اور ان شاءاللہ فیٹف کی گرے لسٹ میں ڈلواؤں گا۔علی امین گنڈاپور کا مزید کہنا تھا کہ آج مجھے عمران خان کی وہ بات یاد آ رہی جو انہوں نے مودی کے بارے میں بالکل ٹھیک کہی تھی کہ ’’بڑے عہدے پر چھوٹا انسان‘۔واضح رہے کہ جمعرات کو بھارتی حکومت نے فیٹف میں وزیراعلیٰ خیبر پختونخوا علی امین گنڈاپور کا بیان پاکستان کے خلاف بطور ثبوت جمع کروایا۔فیٹف حکام کے مطابق بھارت کی جانب سے وزیراعلیٰ کے پی کا بیان جمع کروایا گیا ہے۔وزیراعلیٰ خیبر پختونخوا علی امین گنڈاپور نے الزام لگایا تھا کہ ہم طالبان کو گرفتار کرتے ہیں لیکن ادارے انہیں رہا کر دیتے ہیں۔بھارتی حکومت نے فیٹف میں علی امین گنڈا پور کے اس بیان کو اپنے مؤقف کی تائید قرار دیتے ہوئے پاکستان کو گرے لسٹ میں ڈالنے کی درخواست کی ہے۔خیال رہےکہ اکتوبر 2022 میں فیٹف نے پاکستان کو گرے لسٹ سے نکال دیا تھا، پاکستان 2018 سے فیٹف کی گرے لسٹ میں تھا۔

بھارت کو فیٹف کی گرے لسٹ میں ڈلواؤں گا،علی امین گنڈا پور کا بڑا اعلان

وزیر اعلیٰ خیبر پختونخوا کا بھارت کے پروپیگنڈے پر سخت ردعمل، مودی کو دو ٹوک پیغام، عالمی فورمز پر ثبوتوں کے ساتھ جانے کا اعلان

امریکی صدر ڈونلڈ ٹرمپ کی انتظامیہ نے روس سے تیل کی خریداری کے معاملے پر بھارت پر سخت مایوسی کا اظہار کیا ہے۔ امریکی وزیر خزانہ اسکاٹ بیسینٹ نے ایک انٹرویو میں کہا کہ بھارت روس سے خام تیل خرید کر اسے ریفائن کرکے فروخت کرتا ہے، جو عالمی برادری کی توقعات کے برعکس ہے۔ ان کا کہنا تھا کہ بھارت نے خود کو ایک ذمہ دار عالمی طاقت کے طور پر پیش کرنے میں ناکامی دکھائی ہے، اور اس رویے نے امریکا کے ساتھ اس کے تجارتی تعلقات کو غیر یقینی بنا دیا ہے۔اسکاٹ بیسینٹ کے مطابق صدر ڈونلڈ ٹرمپ اور ان کی ٹیم بھارت کے موجودہ فیصلوں سے سخت مایوس ہیں، اور مستقبل میں دونوں ممالک کے درمیان تجارتی معاہدوں کا انحصار بھارت کے رویے پر ہوگا۔ادھر بلوم برگ کی رپورٹ کے مطابق صدر ٹرمپ کی جانب سے بھارتی درآمدات پر 25 فیصد ٹیرف کے اعلان کے بعد نئی دہلی نے امریکا کو مطلع کیا ہے کہ وہ ففتھ جنریشن ایف 35 سٹیلتھ لڑاکا جیٹ خریدنے میں دلچسپی نہیں رکھتا۔ رپورٹ میں بتایا گیا ہے کہ بھارتی حکومت امریکا کو خوش کرنے کے لیے بعض مصنوعات کی خریداری بڑھانے پر غور کر رہی ہے، تاہم اس میں دفاعی ساز و سامان اور خصوصاً ایف 35 طیاروں کی خریداری شامل نہیں۔یہ امر قابل ذکر ہے کہ رواں سال کے آغاز میں بھارتی وزیر اعظم نریندر مودی کے وائٹ ہاؤس دورے کے دوران صدر ٹرمپ نے بھارت کو جدید ایف 35 طیارے فروخت کرنے کی پیشکش کی تھی، جس پر مودی نے غور کرنے کا وعدہ کیا تھا۔ رپورٹ کے مطابق بھارت فی الحال ٹرمپ انتظامیہ کے ٹیرف فیصلے کے خلاف کسی جوابی اقدام کی پوزیشن میں نہیں اور امریکا کو ناراض کرنے کے بجائے دوطرفہ تجارتی مذاکرات جاری رکھنے کا خواہاں ہے۔

بھارت خود کو ایک ذمہ دارعالمی طاقت کے طور پر پیش کرنے میں ناکام رہا،امریکا

مستقبل میں دونوں ممالک کے درمیان تجارتی معاہدوں کا انحصار بھارت کے رویے پر ہوگا، امریکی وزیر خزانہ

امریکا نے آج سے دنیا بھر پر تجارتی ٹیرف کے اطلاق کا آغاز کر دیا،امریکی صدرنے مختلف ممالک پرٹیرف سے متعلق ایگزیکٹو آرڈر پر دستخط کردیئےامریکی صدر ڈونلڈ ٹرمپ کی قیادت میں وائٹ ہاؤس نے نئی عالمی تجارتی پالیسی کا اعلان کرتے ہوئے دنیا بھر کے ممالک پر مختلف شرح کے جوابی ٹیرف عائد کر دیے۔ خوش آئند بات یہ ہے کہ پاکستان کو اس پالیسی میں بھارت کے مقابلے میں نمایاں رعایت مل گئی ہے۔وائٹ ہاؤس اعلامیے کے مطابق جنوبی ایشیا کے حریف ممالک میں پاکستان پر 19 جبکہ بھارت پر 25 فیصد ٹیرف عائد کیا گیا، یوں اسلام آباد کو ٹرمپ انتظامیہ کی نئی حکمتِ عملی میں سفارتی کامیابی حاصل ہوئی۔تجزیہ کاروں کے مطابق اس رعایت کے پیچھے پاکستان کی حالیہ سفارتی سرگرمیاں اہم کردار ادا کرتی ہیں، جن میں فیلڈ مارشل سید عاصم منیر کی صدر ٹرمپ سے ملاقات، وزیرِ اعظم شہباز شریف اور امریکی وزیرِ خارجہ مارکو روبیو کا ٹیلیفونک رابطہ اور نائب وزیرِ اعظم اسحاق ڈار و وزیرِ خزانہ محمد اورنگزیب کی واشنگٹن میں ہونے والی ملاقاتیں شامل ہیں۔نئی فہرست کے مطابق پاکستان کے ساتھ انڈونیشیا، ملائیشیا، تھائی لینڈ اور فلپائن پر بھی 19 فیصد ٹیرف عائد کیا گیا ہے۔ بھارت کے ساتھ قازقستان اور مالدووا پر 25 فیصد، جنوبی افریقہ، الجزائر اور لیبیا پر 30 فیصد جبکہ میانمار اور لاؤس پر 40 فیصد محصولات لگائے گئے ہیں۔ سب سے بھاری 41 فیصد ٹیرف شام پر عائد کیا گیا ہے۔امریکا نے اپنے قریبی اتحادی اسرائیل پر بھی 15 فیصد ٹیرف لاگو کیا جبکہ کینیڈا پر یہ شرح 25 سے بڑھا کر 35 فیصد کر دی گئی۔ ٹرمپ کے تازہ حکم نامے میں ایکواڈور، گھانا اور آئس لینڈ کو بھی 15 فیصد ٹیرف کی فہرست میں شامل کر دیا گیا۔قابلِ ذکر بات یہ ہے کہ چین اس فہرست میں شامل نہیں، البتہ 12 اگست کی ڈیڈ لائن کے بعد بیجنگ پر بھی دوبارہ بھاری محصولات لگائے جانے کا امکان ہے۔ ماضی میں امریکا اور چین ایک دوسرے پر تین ہندسوں تک کے ٹیرف عائد کر چکے ہیں لیکن حالیہ جنگ بندی کے بعد فی الحال یہ شرح کم رکھی گئی ہے۔یاد رہے کہ گزشتہ روز پاکستان اور امریکا کے درمیان ایک اہم تجارتی معاہدہ بھی طے پایا تھا، جس کا اعلان امریکی صدر ڈونلڈ ٹرمپ نے ٹرتھ سوشل پر اپنی پوسٹ کے ذریعے کیا۔ اس معاہدے کا مقصد دوطرفہ تجارت کو فروغ دینا، منڈیوں تک رسائی بڑھانا، سرمایہ کاری کو راغب کرنا اور باہمی تعاون کے نئے دروازے کھولنا ہے۔

امریکانے تجارتی ٹیرف کے اطلاق کا آغاز کر دیا،پاکستان کو رعایت مل گئی، بھارت کو بڑا جھٹکا

پاکستان پر19بھارت 25 فیصد، بنگلہ دیش 20 فیصد، عراق 35 فیصد، شام 41 فیصد، اور میانمار پر 40 ٹیرف لاگو ہوگا

پاکستان نے  3 میچز پر مشتمل ٹی ٹوئنٹی سیریز کے پہلے میچ میں ویسٹ انڈیز کو 14 رنز سے شکست دے کرسیریز میں ایک صفر کی برتری حاصل کرلی۔پاکستان کے 179 رنز کے ہدف کے جواب میں ویسٹ ایڈیز کی ٹیم مقررہ 20 اوورز میں 7 وکٹوں کے نقصان پر 164 رنز بنا سکی۔امریکی ریاست فلوریڈا کے شہر لاؤڈرہل میں کھیلے جانے والے میچ میں ویسٹ انڈین کپتان شائے ہوپ نے ٹاس جیت کر پاکستان کو بیٹنگ کی دعوت دی۔پاکستان نے مقررہ 20 اوورز میں 6 وکٹوں کے نقصان پر 178 رنز بنائے۔صائم ایوب 57 اور فخر زمان 28 رنز کے ساتھ نمایاں رہے۔ اس کے علاوہ حسن نواز نے 24 رنز بنائے جب کہ فہیم اشرف 16 اور صاحبزادہ فرحان 14 رنز بنا سکے۔کپتان سلمان علی آغا 11 اور محمد حارث 6 رنز کے ساتھ ناقابل شکست رہے۔ویسٹ انڈیز کی جانب سے شیمارجوزف نے 3 وکٹیں حاصل کیں جب کہ ہولڈر، عقیل حسین اور شیفرڈ نے ایک ، ایک کھلاڑی کو آؤٹ کیا۔179 رنز کے ہدف کے تعاقب میں ویسٹ انڈیز کے اوپنرز نے اچھا آغاز کیا تاہم اوپنرز کے آوٹ ہونے کے بعد وکٹوں کی لائن لگ گئی۔ ویسٹ انڈیز کی جانب سے جانسن چارلس اور جیول اینڈریو 35، 35 رنز کے ساتھ نمایاں رہے جبکہ کپتان شائے ہوپ صرف 2 رن ہی بنا سکے ان کے علاوہ گدیش موتی صفر، شرفین ردرفورڈ 11، روسٹن چیز 5 اور ریموریو شیفرڈ نے 12 رنز بنائے۔جیسن ہولڈر 30 اور شمار جوزف 21 رنز بنا کر ناٹ آؤٹ رہے جبکہ پاکستان کی طرف سے محمد نواز نے 3 اور صائم ایوب نے 2 وکٹیں حاصل کیں جبکہ شاہین آفریدی اور سفیان مقیم کے حصے میں ایک ایک وکٹ آئی۔آل راؤنڈ پرفارمنس پر صائم ایوب پلیئر آف دی میچ قرار پائے، میچ میں صائم نے 57 رنز بنائے اور 2 وکٹیں بھی حاصل کیں،پاکستان کو تین میچز کی سیریز میں ایک صفر کی برتری حاصل ہوگئی۔

پاکستان نے پہلے ٹی 20 میچ میں ویسٹ انڈیز کو 14 رنز سے شکست دیدی

پاکستان کے179 رنز کے ہدف کے تعاقب میں ویسٹ انڈیز کی ٹیم 7 وکٹوں کے نقصان پر 164 رنز ہی بنا سکی

وفاقی حکومت نےآئندہ 15 روز کے لیے پیٹرولیم مصنوعات کی نئی قیمتوں کا اعلان کردیا، پیٹرول کی قیمت میں 7 روپے 54 پیسے فی لیٹر کمی کردی جبکہ ہائی اسپیڈ ڈیزل ایک روپے 48 پیسے فی لیٹر مہنگا کردیا۔ وزارت خزانہ کی جانب سے جاری نوٹیفکیشن کے مطابق پٹرول کی قیمت میں 7 روپے 54 پیسے کمی جبکہ ہائی اسپیڈ ڈیزل کی قیمت میں ایک روپے 48 پیسےکا اضافہ کیا گیا ہے۔قیمتوں میں کمی کے بعد فی لٹر پٹرول کی قیمت 264 روپے 61 پیسے اور ہائی اسپیڈ ڈیزل کی قیمت 285 روپے 83 پیسے ہوگئی۔وزارت خزانہ نے پٹرولیم مصنوعات کی قیمتوں میں ردوبدل کا نوٹیفکیشن جاری کردیا، نئی قیمتوں کا اطلاق رات 12 بجے سے ہوگیا۔

عوام کیلئے خوشخبری،حکومت نے پیٹرول 7 روپے 54 پیسے فی لیٹر سستا کردیا

ہائی اسپیڈ ڈیزل کی قیمت میں ایک روپے 48 پیسےکا اضافہ،پٹرول کی نئی قیمت 264 روپے 61 پیسے ہوگئی

New Zealand pacer Matt Henry delivered a career-defining performance, taking 6 for 39 to dismantle Zimbabwe for just 149 in the first innings

Henry’s Six-for Puts New Zealand Firmly in Control on Day 1 in Bulawayo

New Zealand pacer Matt Henry delivered a career-defining performance, taking 6 for 39 to dismantle Zimbabwe for just 149 in the first innings of the opening Test. With the tourists reaching 92/0 at stumps, New Zealand hold a commanding 57‑run lead and strong momentum heading into Day 2.

<h2>Henry Spins the Momentum</h2>

Henry&#39;s 6-wicket haul, comprising 15.3 overs with three maidens, included pivotal scalps such as top-order batters Brian Bennett, Ben Curran, and Nick Welch, as well as skipper Craig Ervine and middle-order threat Sikandar Raza. His figures now stand as the best Test bowling performance by a New Zealand bowler in Zimbabwe, surpassing previous records on the ground.

Teaming up with Nathan Smith, who claimed 3/20, New Zealand&rsquo;s seam attack operated with ruthless precision to collapse Zimbabwe&rsquo;s batting lineup in just over 60 overs.

<h2>New Zealand Ride Smooth Opening Stand</h2>

In reply, openers Devon Conway (51*) and Will Young (41*) batted through the final session without loss, putting up 92 runs in 26 overs to edge ahead of the hosts before stumps. Their calm partnership wiped out more than half the deficit and laid the platform for a strong position on Day 2. 

With Zimbabwe bowled out inside two sessions and New Zealand dominating with both ball and bat, the Black Caps have laid the groundwork for what could be a lopsided Test. Expect momentum, confidence, and match control to stay with the visitors as play resumes.

Henry’s Six-for Puts New Zealand Firmly in Control on Day 1 in Bulawayo

Henry Spins the Momentum

New Zealand Ride Smooth Opening Stand

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan

Henry’s Six-for Puts New Zealand Firmly in Control on Day 1 in Bulawayo

Henry Spins the Momentum

New Zealand Ride Smooth Opening Stand

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan

Henry’s Six-for Puts New Zealand Firmly in Control on Day 1 in Bulawayo