Cricket

Entertainment

News

Football

امریکی صدر ڈونلڈ ٹرمپ نے چین کے ساتھ تجارتی جنگ دوبارہ چھیڑتے ہوئے چینی درآمدات پر 100 فیصد اضافی ٹیرف عائد کرنے اور امریکی ساختہ اہم سافٹ ویئر کی برآمد پر پابندی لگانے کا اعلان کر دیا ہے۔صدرٹرمپ کا کہناتھا کہ چین کی جانب سے نایاب معدنیات کی برآمدات پر کنٹرول کے بعد امریکہ کے پاس کوئی دوسرا راستہ نہیں بچا۔انہوں نے کہاکہ چین مسلسل عالمی تجارتی قوانین کی خلاف ورزی کر رہا ہے، اب وقت آ گیا ہے کہ امریکہ اپنی صنعت، ٹیکنالوجی اور روزگار کی حفاظت کرے۔صدر ٹرمپ کے مطابق یہ فیصلے یکم نومبر سے نافذ العمل ہوں گے۔صدر ٹرمپ نے کہا کہ چینی صدر شی جن پنگ سے ملاقات منسوخ نہیں کی، انہوں نےبتایا وہ مشرق وسطیٰ کے دورے کے دوران مصر جائیں گے، اسرائیلی پارلیمنٹ سے خطاب بھی کریں گے،انہوں نے کہا کہ یرغمالیوں کی واپسی پیر سے شروع ہوگی۔ٹرمپ کے اعلان کے فوراً بعد امریکی اسٹاک مارکیٹس میں زبردست مندی دیکھی گئی، جبکہ ماہرین نے خدشہ ظاہر کیا ہے کہ یہ اقدامات عالمی معیشت میں نئی ہلچل پیدا کر سکتے ہیں۔بیجنگ سے جاری ابتدائی ردعمل میں چینی وزارتِ خارجہ نے اس فیصلے کوغیر منصفانہ اور عالمی تجارت کے اصولوں کے منافی” قرار دیتے ہوئے کہا ہے کہ چین اپنے مفادات کے تحفظ کے لیے سخت اقدامات کرے گا۔تجزیہ کاروں کے مطابق، ٹرمپ کا یہ فیصلہ آنے والے مہینوں میں دنیا کی دو سب سے بڑی معیشتوں کو ایک نئی تجارتی جنگ کے دہانے پر لا کھڑا کر سکتا ہے۔

امریکی صدر ٹرمپ نے چین پر 100 فیصد اضافی ٹیرف عائد کرنے کا اعلان کردیا

امریکہ اور چین کے درمیان تجارتی جنگ پھر بھڑک اٹھی، یکم نومبر سے نئے اقدامات نافذ ہوں گے

امیربالاج قتل کیس کا مرکزی ملزم طیفی بٹ مبینہ پولیس مقابلے میں ہلاک ہوگیا ، ملزم کو انٹرپول کے ذریعے دبئی سے گرفتار کر کے کراچی لایا گیا تھا۔میڈیارپورٹس کے مطابق رحیم یار خان میں پیش آنے والے مبینہ پولیس مقابلے میں امیر بالاج قتل کیس کا مرکزی ملزم خواجہ تعریف گلشن عرف طیفی بٹ ہلاک ہو گیا۔ذرائع کے مطابق، پولیس کی ایک خصوصی ٹیم امیر بالاج قتل کیس میں گرفتار مرکزی ملزم طیفی بٹ کو لاہور منتقل کر رہی تھی تاکہ تفتیش کے اگلے مراحل مکمل کیے جا سکیں۔ تاہم، جیسے ہی قافلہ صادق آباد کے قریب پہنچا، مسلح افراد نے پولیس وین پر گھات لگا کر حملہ کیا۔ پولیس اہلکاروں نے جوابی فائرنگ کی کوشش کی، لیکن حملہ آوروں نے اندھا دھند فائرنگ کرتے ہوئے ملزم کو لے جانے کی کوشش کی۔ اسی دوران گولیوں کے تبادلے میں طیفی بٹ کو اپنے ہی ساتھیوں کی گولی لگ گئی، جس سے وہ موقع پر ہی دم توڑ گیا، پولیس نے علاقے کو گھیرے میں لے کر سرچ آپریشن شروع کر دیا جبکہ طیفی بٹ کی لاش کو مردہ خانے منتقل کر دیا گیا ہے۔پولیس حکام کا کہنا ہے کہ واقعے کی مکمل تحقیقات جاری ہیں، جب کہ حملہ آوروں کی گرفتاری کے لیے خصوصی ٹیمیں تشکیل دے دی گئی ہیں۔واضح رہے کہ ملزم طیفی بٹ کو دبئی سے انٹرپول کے ذریعے گرفتار کیا گیا تھا، ملزم کو گزشتہ روز متحدہ عرب امارات سے پاکستان منتقل کیا گیا تھا۔طیفی بٹ کو پاکستان منتقلی سے قبل دبئی کی عدالت میں پیش کیا گیا تھا، دبئی کی عدالت کے قاضی نے طیفی بٹ سے پاکستان جانے سے متعلق سوال کیا تھا، جس پر طیفی بٹ نے پاکستان جانے اور مقدمات کا سامنا کرنے کا کہا تھا۔ یاد رہے کہ گزشتہ سال 19 فروری کو لاہور میں ٹھوکر نیاز بیگ کے قریب نجی سوسائٹی میں شادی کی تقریب کے دوران حملہ آوروں نے فائرنگ کر کے ٹیپو ٹرکاں والا کے بیٹے امیر بالاج ٹیپو کو قتل کردیا تھا۔

امیربالاج قتل کیس کا مرکزی ملزم طیفی بٹ مبینہ پولیس مقابلے میں ہلاک

امیر بالاج قتل کیس کے مرکزی ملزم طیفی بٹ کو انٹر پول کے ذریعے گرفتار کر کے دبئی سے لاہور لایا گیا تھا جس پر قتل کے متعدد الزامات تھے

خیبرپختونخوا پولیس اور سیکیورٹی فورسز نے پولیس ٹریننگ اسکول ڈیرہ اسمٰعیل خان پر خوارج کا حملہ ناکام بناتے ہوئے خودکش حملہ آور سمیت 6 دہشت گردوں کو ہلاک کردیا، جبکہ فائرنگ کے تبادلہ میں 7 جوان شہید اور تیرہ زخمی ہوگئے۔سنٹرل پولیس آفس کے مطابق، دہشت گردوں نے بارود سے بھرا ٹرک اسکول کے مرکزی دروازے سے ٹکرا دیا، جس کے نتیجے میں زوردار دھماکہ ہوا۔ دھماکے کے فوراً بعد مختلف یونیفارمز میں ملبوس مسلح حملہ آور اسکول کے احاطے میں داخل ہو گئے۔پولیس حکام کے مطابق، اہلکاروں نے فوری جوابی کارروائی کرتے ہوئے دہشت گردوں کو گھیرے میں لیا۔ دونوں جانب سے کئی گھنٹے تک شدید فائرنگ کا تبادلہ جاری رہا، جس دوران دہشت گرد دستی بم بھی پھینکتے رہے۔ڈی پی او صاحبزادہ سجاد احمد اور آر پی او سید اشفاق انور موقع پر موجود رہے اور کارروائی کی خود نگرانی کرتے رہے۔ پولیس اور سیکیورٹی فورسز نے مشترکہ طور پر پانچ گھنٹے طویل آپریشن کے بعد علاقے کو کلیئر قرار دے دیا۔آپریشن کے دوران چھ دہشت گرد مارے گئے جبکہ ان کے قبضے سے خودکش جیکٹس، بارودی مواد، بھاری اسلحہ اور ایمونیشن برآمد کیا گیا۔پولیس ترجمان کے مطابق، زخمی اہلکاروں کو فوری طور پر اسپتال منتقل کر دیا گیا جبکہ ٹریننگ اسکول میں موجود تمام ریکروٹس اور عملے کو محفوظ مقام پر منتقل کر دیا گیا۔ڈی پی او ڈیرہ اسماعیل خان نے بتایا کہ حملے کے وقت دو سو کے قریب ٹرینی، اساتذہ اور اسٹاف اسکول میں موجود تھے، جنہیں بحفاظت نکال لیا گیا۔انسپکٹر جنرل پولیس خیبرپختونخوا ذوالفقار حمید نے شہدا کے درجات کی بلندی کے لیے دعا کرتے ہوئے کہا کہ پولیس جوانوں نے غیر معمولی بہادری کا مظاہرہ کیا، اُن کی قربانیاں ہرگز رائیگاں نہیں جائیں گی۔"انہوں نے کامیاب آپریشن میں حصہ لینے والے افسروں اور جوانوں کے لیے انعامات کا اعلان بھی کیا، جبکہ علاقے میں سرچ اینڈ کلین آپریشن بدستور جاری ہے۔دوسری جانب وفاقی وزیرداخلہ محسن نقوی نے پولیس ٹریننگ سینٹر پر خوارجی دہشت گردوں کے حملے کی مذمت کی ہے۔ انہوں نے دہشت گردوں کا مقابلہ کرتے ہوئے جام شہادت نوش کرنے والے 7 پولیس اہلکاروں کو خراج عقیدت پیش کرتے ہوئے لواحقین سے دلی ہمدردی و اظہار تعزیت کیا ہے۔انہوں نے زخمی اہل کاروں کی جلد صحتیابی کے لیے دعا بھی کی۔

ڈی آئی خان پولیس ٹریننگ اسکول پر حملہ، 7 جوان شہیدجوابی کارروائی میں 6 دہشت گردہلاک

پولیس اور سیکیورٹی فورسز کا پانچ گھنٹے طویل آپریشن، تمام زیر تربیت اہلکار بحفاظت منتقل، دہشت گردوں سے بھاری اسلحہ برآمد

پاک فوج کے شعبہ تعلقاتِ عامہ (آئی ایس پی آر) کے سربراہ لیفٹیننٹ جنرل احمد شریف چوہدری نے کہا ہے کہ سابق ڈی جی آئی ایس آئی لیفٹیننٹ جنرل (ر) فیض حمید کا کورٹ مارشل جاری ہے، اور یہ عمل اپنے حتمی اور منصفانہ انجام تک پہنچے گا۔پشاور میں پریس کانفرنس کے دوران سابق ڈی جی آئی ایس آئی فیض حمید سے متعلق صحافی کے سوال پر ترجمان پاک فوج نے واضح کیا کہ پاک فوج میں خود احتسابی کا عمل بہت مربوط اور اچھا ہے لیکن فوج میں خود احتسابی کا عمل محض الزامات پر کام نہیں کرتا، الزمات ثابت ہو جائیں پھر سزا دی جاتی ہے۔لیفٹیننٹ جنرل احمد شریف چوہدری کا کہنا تھا کہ جس کا ٹرائل ہو رہا ہے وہ سابق ڈی جی آئی ایس آئی ہیں اور یہ انتہائی اہم نوعیت کا معاملہ ہے جس کا ایک قانونی طریقہ کار ہے، سب کو اندازہ ہونا چاہیے اس معاملے میں انصاف کے تمام تقاضے پورے ہوں گے۔ڈی جی آئی ایس پی آر نے کہا کہ فیلڈ جنرل کورٹ مارشل میں تاخیر کی پروا نہیں، انصاف کے تقاضے پورے ہوں گے اور افواج پاکستان میں دفاع کے لیے تمام حقوق حاصل ہوتے ہیں۔ترجمان پاک فوج نے مزید کہا کہ خود احتسابی کا نظام افواجِ پاکستان میں مضبوط اور مؤثر ہے، تاہم یہ محض الزامات پر نہیں بلکہ ٹھوس شواہد کی بنیاد پر عمل میں آتا ہے۔ اُن کا کہنا تھا کہ انصاف میں تاخیر سے زیادہ اہم بات انصاف کے تقاضوں کو مکمل کرنا ہے۔ڈی جی آئی ایس پی آر نے سیاسی بیانات پر ردعمل دیتے ہوئے کہا کہ فوج کو سیاست میں نہ گھسیٹا جائے، ہمارے لیے تمام سیاستدان قابلِ احترام ہیں لیکن ریاست ہمیشہ سیاست سے بالا ہے۔انہوں نے کہا کہ بعض جماعتیں پروپیگنڈے کے ذریعے فوج کو نشانہ بناتی ہیں، مگر فوج کا ترجمان روزانہ بیٹھ کر ردعمل نہیں دے سکتا۔بیانیہ بنانے والوں کے پاس مائیک موجود ہے، مگر فوج کا کام بیان بازی نہیں بلکہ ملکی دفاع ہے

فیض حمید پر الزامات سے متعلق انصاف کے تمام تقاضے پورے کیے جائیں گے، ترجمان پاک فوج

فیض حمید کا کورٹ مارشل ہورہا ہے، آپ تعلق کو ذاتی اور سیاسی بنادیں توجوابدہی ہوگی،ڈی جی آئی ایس آئی

خیبرپختونخوا میں سوچے سمجھے منصوبے کے تحت دہشت گردوں کو جگہ دی گئی،ترجمان پاک فوج

خیبر پختون خوا میں دہشت گردی کے گٹھ جوڑ کو مقامی اور سیاسی پشت پناہی حاصل ہے، ڈی جی آئی ایس پی آر کی پریس کانفرنس

امریکی صدر ڈونلڈ ٹرمپ کا خواب پورا نہ ہو سکا،دنیا کے سب سے بڑے اور معتبر امن ایوارڈ نوبل پِیس پرائز 2025 کا اعلان کر دیا گیا ہے، اور اس سال یہ اعزاز وینزویلا کی جمہوریت نواز رہنما ماریہ کورینا مچاڈو کے نام رہا۔سوئیڈن کی رائل سوئیڈش اکیڈمی آف سائنس کے سربراہ جورجین واٹن فریڈنس نے اوسلو میں ایک باوقار تقریب کے دوران اعلان کرتے ہوئے کہا کہ مچاڈو کو یہ انعام جمہوریت، انسانی آزادی، اور سیاسی حقوق کے تحفظ کے لیے ان کی بے مثال جدوجہد کے اعتراف میں دیا جا رہا ہے۔مچاڈو 2011 سے 2014 تک وینزویلا کی پارلیمنٹ کی رکن رہ چکی ہیں اور برسوں سے ملک میں آمریت کے خلاف پُرامن مزاحمت کی علامت سمجھی جاتی ہیں۔نوبل کمیٹی کے مطابق، مچاڈو کی تحریک نے نہ صرف وینزویلا بلکہ پورے لاطینی امریکا میں جمہوری اقدار کو نئی زندگی بخشی۔ ان کی جدوجہد نے دنیا کو یاد دلایا کہ آزادی کی جنگ ہمیشہ بندوق سے نہیں بلکہ عزم سے جیتی جاتی ہے۔دلچسپ بات یہ ہے کہ امریکی صدر ڈونلڈ ٹرمپ بھی اس سال کے امن انعام کے لیے پرامید تھے۔ اعلان سے چند گھنٹے قبل ٹرمپ نے کہا تھا کہ اگر مجھے یہ انعام نہیں دیا جاتا تو یہ امریکا کی توہین ہوگی، مگر نوبل کمیٹی کا فیصلہ کچھ اور نکلا۔یوں ٹرمپ کا خواب ایک بار پھر خواب ہی رہ گیا، اور دنیا نے سلام پیش کیا ایک ایسی خاتون کو، جس نے ظلم کے اندھیروں میں جمہوریت کی مشعل جلائے رکھی۔نوبل امن انعام ہر سال ایسے فرد یا ادارے کو دیا جاتا ہے جو بین الاقوامی رفاقت، عسکری طاقتوں میں کمی اور امن کے فروغ کے لیے نمایاں خدمات انجام دے۔الفریڈ نوبل وہی سائنسدان جنہوں نے ڈائنامائٹ ایجاد کیا نے اپنی وصیت میں اپنے تمام اثاثے اس مقصد کے لیے وقف کر دیے تھے کہ علم، ادب، سائنس اور امن کے فروغ کے لیے ہر سال نمایاں شخصیات کو اعزاز دیا جائے۔مچاڈو کے نام کئی عالمی اعزازات پہلے بھی آ چکے ہیں، جن میں یورپی پارلیمنٹ کا سخاروف ایوارڈ برائے آزادیِ اظہار شامل ہے۔وہ 2018 میں بی بی سی کی 100 بااثر خواتین کی فہرست میں بھی شامل رہ چکی ہیں۔الفریڈ نوبل نے کہا تھا،بارود دنیا کو بدل سکتا ہے، مگر اصل تبدیلی وہ شخص لاتا ہے جو امن کے بیج بوتا ہے اور ماریہ کورینا مچاڈو نے وہی کر دکھایا۔

نوبل امن انعام 2025 وینزویلا کی بہادر جمہوریت نواز رہنما ماریہ کورینا مچاڈو کے نام

مچاڈو کو آمریت کے خلاف پُرامن جمہوری جدوجہد پر نوبل انعام دیا گیا، ٹرمپ کے دعوے ایک بار پھر خواب بن گئے

فرانس میں ایک عدالت نے مشہور خاتون جیسیل پیلِکو کے ساتھ ہونے والے سنگین ریپ کیس میں سنایا گیا فیصلہ برقرار رکھتے ہوئے، مجرم کی سزا میں ایک سال کا اضافہ کر دیا ہے۔ یہ مجرم ایک سابق تعمیراتی کارکن بتایا جا رہا ہے، جسے گزشتہ سال عدالت نے جیسیل پیلِکو کے ساتھ زیادتی کے جرم میں قصوروار ٹھہرایا تھا۔میڈیا رپورٹس کے مطابق، مجرم نے اپنے خلاف فیصلے کے خلاف اپیل دائر کی تھی جسے فرانسیسی عدالت نے مسترد کر دیا۔عدالت نے مجرم کی سزا میں ایک سال کا اضافہ کرتے ہوئے قید کی مدت 9 سال سے بڑھا کر 10 سال کر دی ہے۔جیسیل پیلِکو کے وکیل کا کہنا ہے کہ عدالت کا فیصلہ متاثرہ خاتون کے لیے انصاف کی جیت ہے۔انہوں نے کہا کہ مجرم نے اپنے جرم کو چھپانے اور شواہد پر اثرانداز ہونے کی کوشش کی، جس کے باعث عدالت نے سزا میں اضافہ مناسب سمجھا۔ادھر مجرم کے وکیل نے تصدیق کی ہے کہ وہ عدالتی فیصلے کے خلاف مزید اپیل دائر نہیں کریں گے۔ فرانسیسی عدلیہ کے اس فیصلے کو خواتین کے تحفظ کے حوالے سے ایک مضبوط پیغام قرار دیا جا رہا ہے، جو واضح کرتا ہے کہ انصاف کی راہ میں کسی طاقتور کو رعایت نہیں مل سکتی۔

فرانسیسی عدالت کا بڑا فیصلہ ،جیسیل پیلِکو ریپ کیس میں مجرم کی سزا میں ایک سال کا اضافہ

عدالت نے سابق تعمیراتی کارکن کی اپیل مسترد کرتے ہوئے سزا 9 سے بڑھا کر 10 سال کر دی

فلسطین کی تاریخ میں پہلی بار کوئی حسینہ عالمی مقابلہ حسن مس یونیورس 2025 میں حصہ لینے جا رہی ہے۔رواں سال نومبر میں تھائی لینڈ میں ہونے والے اس عالمی مقابلے میں دنیا کے مختلف ممالک کی 130 حسینائیں شرکت کریں گی، جن میں فلسطینی حسینہ نادین ایوب بھی شامل ہیں۔نادین ایوب کے پاس ادب اور نفسیات میں اعلیٰ تعلیم کی ڈگری ہے۔ انہوں نے مس یونیورس میں شمولیت کے موقع پر کہا کہ وہ مظلوم فلسطینی قوم کی آواز بن کر اس عالمی پلیٹ فارم پر کھڑی ہوں گی۔ان کا کہنا تھا کہ غزہ اور دیگر علاقوں میں فلسطینی عوام جن حالات سے گزر رہے ہیں، ان کے خلاف بولنا وقت کی ضرورت ہے۔اب دنیا کے کسی فورم پر فلسطینیوں کی آواز دبائی نہیں جا سکتی۔نادین ایوب نے کہا کہ فلسطین کی خواتین بھی باعزت، باہمت اور باصلاحیت ہیں، جو عالمی سطح پر اپنی شناخت منوانے کی صلاحیت رکھتی ہیں۔عالمی مقابلہ حسن 21 نومبر کو تھائی لینڈ میں منعقد ہوگا۔ متحدہ عرب امارات، عراق، لبنان اور ایران سمیت مشرق وسطیٰ کے کئی ممالک کی نمائندہ حسینائیں بھی اس ایونٹ میں شریک ہوں گی۔نادین ایوب کی شمولیت نہ صرف فلسطینی خواتین کے لیے حوصلہ افزا پیغام ہے بلکہ عالمی برادری کے لیے بھی ایک یاد دہانی ہے کہ فلسطین کی کہانی اب ہر پلیٹ فارم پر سنی جائے گی۔

فلسطینی حسینہ نادین ایوب پہلی بار مس یونیورس مقابلے میں شرکت کریں گی

نومبر میں تھائی لینڈ میں ہونے والے اس عالمی مقابلے میں دنیا کے مختلف ممالک کی 130 حسینائیں شرکت کریں گی

جامعہ کراچی میں افسوسناک حادثے کے دوران پوائنٹ کی زد میں آکر طالبہ جاں بحق ہوگئی، حادثہ پوائنٹ سے اترنے کے دوران پیش آیا۔طالبہ کو فوری طور پر اسپتال منتقل کیا گیا تاہم اسی دوران اس کی موت ہوگئی۔متوفیہ کی شناخت انیقہ سعید دختر احمد سعید کے نام سے ہوئی جو بی ایس سوشل ورک ڈیپارٹمنٹ کی طالبہ تھی۔عینی شاہدین کے مطابق حادثہ ڈرائیور کی غلطی سے اس وقت پیش آیا جب طالبہ پوائنٹ سے اُتر رہی تھی تو ڈرایئور نے اچانک بس چلا دی، جس سے وہ گر کر بس کے ٹائروں کے نیچے آگئی۔وائس چانسلر ڈاکٹر خالد عراقی نے واقعے کا سخت نوٹس لیتے ہوئے شعبہ ٹرانسپورٹ کو تحقیقات کا حکم دیا ہے اور ڈرائیور کو فوری طور پر معطل کر دیا گیا ہے۔جامعہ انتظامیہ کی جانب سے جاں بحق طالبہ کے اہلِ خانہ سے دلی تعزیت اور مغفرت کی دعا بھی کی گئی ہے۔میڈیارپورٹس کے مطابق، جامعہ کراچی کے پاس 1980 سے 2000 ماڈل کی پرانی بسیں زیرِ استعمال ہیں، جن کے دروازے اکثر سفر کے دوران کھلے رہتے ہیں۔45 ہزار سے زائد طلبہ کے لیے صرف 30 بسوں کی محدود سہولت میسر ہے، جس پر طلبہ پہلے ہی کئی بار احتجاج کر چکے ہیں۔انیقہ سعید کی المناک موت نے ایک بار پھر جامعہ کراچی کی خستہ حال ٹرانسپورٹ سروس کو بحث کا موضوع بنا دیا ہے، طلبہ اور والدین اب عملی اصلاحات کے منتظر ہیں، محض تحقیقات کے نہیں۔

جامعہ کراچی میں افسوسناک حادثہ، پوائنٹ بس کی زد میں آکر طالبہ جاں بحق

سوشل ورک ڈیپارٹمنٹ کی طالبہ انیقہ سعید پوائنٹ سے اُترتے وقت حادثے کا شکارہوئی، ڈرائیور معطل

تحریک لبیک پاکستان (ٹی ایل پی) کے احتجاجی اعلان کے بعد وفاقی دارالحکومت اسلام آباد اور راولپنڈی میں سکیورٹی ہائی الرٹ کر دی گئی ہے۔ انتظامیہ نے شہر کے داخلی و خارجی راستوں کو بند کر دیا ہے جبکہ تمام سرکاری و نجی تعلیمی ادارے بھی بند رکھنے کا اعلان کیا گیا ہے۔اسلام آباد کے مختلف داخلی راستوں پر کنٹینرز اور رکاوٹیں لگا دی گئی ہیں، فیض آباد، راول ڈیم چوک اور کشمیر ہائی وے سمیت کئی اہم شاہراہوں پر ٹریفک جام ہے۔ اسلام آباد ٹریفک پولیس نے شہریوں کے لیے متبادل روٹس جاری کر دیے ہیں، تاہم طویل تاخیر اور بدترین رش کے باعث عام شہریوں کو شدید مشکلات کا سامنا ہے۔موبائل ڈیٹا سروس بھی گزشتہ رات 12 بجے سے معطل ہے۔ وزارتِ داخلہ کے مطابق وفاقی وزیرِ داخلہ محسن نقوی کی منظوری کے بعد جڑواں شہروں میں موبائل انٹرنیٹ غیر معینہ مدت تک کے لیے بند کیا گیا ہے۔ انٹرنیٹ معطلی کے باعث آن لائن کام، تعلیمی نظام اور کاروباری سرگرمیاں متاثر ہو رہی ہیں۔یاد رہے لاہور میں بدھ کی شب پولیس اور تحریک لبیک کارکنوں کے درمیان جھڑپوں کے بعد حالات کشیدہ ہیں۔ ملتان روڈ پر تنظیم کے مرکز کو کنٹینرز لگا کر بند کر دیا گیا جبکہ شہر کے داخلی و خارجی راستوں پر پولیس کی بھاری نفری تعینات ہے۔ جھڑپوں میں درجنوں افراد زخمی ہوئے، جن میں پولیس اہلکار بھی شامل ہیں۔اسلام آباد میں بھی صورتحال کشیدہ ہے، جہاں انتظامیہ نے احتجاج کو روکنے کے لیے درجنوں مقامات پر ناکے قائم کیے ہیں۔ پولیس نے اب تک 100 سے زائد کارکنوں کو گرفتار کر لیا ہے، جبکہ مختلف علاقوں میں سرچ آپریشن بھی جاری ہے۔پنجاب بھر میں امن و امان کی صورتحال کے پیش نظر صوبائی حکومت نے 10 روز کے لیے دفعہ 144 نافذ کر دی ہے۔ حکم نامے کے مطابق عوامی مقامات، گلیوں اور کھلے میدانوں میں چار سے زائد افراد کے جمع ہونے پر پابندی ہوگی۔ شادیوں، نماز، جنازوں اور عدالتی سرگرمیوں کو اس سے استثنیٰ حاصل ہوگا۔ اسلحے کی نمائش پر بھی مکمل پابندی عائد کر دی گئی ہے۔جڑواں شہروں اور پنجاب کے دیگر علاقوں میں حالات تاحال کشیدہ ہیں۔ انتظامیہ نے عوام سے اپیل کی ہے کہ وہ افواہوں پر یقین نہ کریں اور غیر ضروری طور پر گھروں سے نکلنے سے گریز کریں۔ شہری حلقوں کا کہنا ہے کہ احتجاج اور بندشوں سے روزمرہ زندگی بری طرح متاثر ہو رہی ہے، اور امن و امان کی بحالی کے لیے مؤثر اقدامات ناگزیر ہیں۔

تحریک لبیک کا احتجاج، جڑواں شہروں میں تعلیمی ادارے بند،موبائل انٹرنیٹ معطل، سکیورٹی ہائی الرٹ

اسلام آباد کی جانب مارچ کے اعلان کے بعداسلام آبادمیں کنٹینرز لگ گئے، پنجاب بھر میں دفعہ 144 نافذ، شہریوں کو شدید مشکلات کا سامنا

سیکیورٹی فورسز  نے خیبرپختونخوا کے ضلع اورکزئی میں آپریشن کے دوران 2 افسران اور 9 جوانوں کی شہادت میں ملوث تمام 30 بھارتی حمایت یافتہ خوارج کو ہلاک کر دیا۔آئی ایس پی آر کے مطابق سکیورٹی فورسز نے 7 اکتوبر کو ضلع اورکزئی میں افسوسناک واقعہ میں ملوث دہشت گردوں کے خلاف جوابی کارروائیوں کا سلسلہ جاری رکھا ہے، اس حملے میں لیفٹیننٹ کرنل جنید طارق اور میجر طیّب راحت سمیت کئی جوانوں نے جامِ شہادت نوش کیا تھا۔آئی ایس پی آرکے مطابق، ضلع اورکزئی کے علاقے جمال مایہ میں خفیہ اطلاع پر کیے گئے آپریشن کے دوران سیکیورٹی فورسز اور دہشت گردوں کے درمیان شدید فائرنگ کا تبادلہ ہوا، جس کے نتیجے میں تمام بھارتی سرپرستی میں سرگرم خوارج ہلاک ہو گئے۔آئی ایس پی آر نے بتایا کہ یہ کارروائیاں نہ صرف اورکزئی حملے میں ملوث عناصر کے خلاف جوابی اقدام تھیں بلکہ دہشت گردی میں ملوث مرکزی کرداروں کے خاتمے کی بڑی کامیابی بھی ہیں۔ ترجمان نے مزید کہا کہ علاقے میں کلیئرنس آپریشن جاری ہے تاکہ کسی بھی باقی ماندہ دہشت گرد کو انجام تک پہنچایا جا سکے۔پاک فوج کے مطابق سیکیورٹی فورسز ملک دشمن عناصر اور بھارتی حمایت یافتہ دہشت گرد نیٹ ورکس کے مکمل خاتمے کے لیے پوری طرح پرعزم اور مستعد ہیں۔یاد رہے کہ اورکزئی واقعے میں لیفٹیننٹ کرنل جنید طارق، میجر طیب راحت، نائب صوبیدار اعظم گل، نائیک عادل حسین، نائیک گل امیر، لانس نائیک شیر خان، لانس نائیک طالب فراز، لانس نائیک ارشاد حسین، سپاہی طفیل خان، سپاہی عاقب علی اور سپاہی محمد نے شجاعت کی اعلیٰ مثال قائم کرتے ہوئے جامِ شہادت نوش کیا تھا۔

سکیورٹی فورسز کی کامیاب کارروائی،اورکزئی حملے میں ملوث تمام 30 خارجی دہشت گرد ہلاک

سکیورٹی فورسز نے لیفٹیننٹ کرنل اور میجر سمیت دیگر جوانوں کی شہادت کا بدلہ لے لیا،آئی ایس پی آر

اسرائیل اور فلسطینی تنظیم حماس کے درمیان جنگ بندی اور قیدیوں کے تبادلے کا تاریخی معاہدہ طے پا گیا ہے، جسے امریکی صدر کے دو سالہ غزہ جنگ کے خاتمے کے منصوبے کا پہلا مرحلہ قرار دیا جا رہا ہے۔اسرائیلی کابینہ نے امریکی صدر ڈونلڈ ٹرمپ کے پیش کردہ جنگ بندی منصوبے کے خدوخال کی منظوری دے دی ہے، جس کے تحت حماس کے زیرِ حراست تمام یرغمالیوں کی رہائی ممکن بنائی جائے گی۔عالمی میڈیا کے مطابق غزہ امن منصوبے پر غور کے لیے اسرائیلی کابینہ کا خصوصی اجلاس منعقد ہوا، جس میں وزیراعظم بنیامین نیتن یاہو، اہم وزرا کے ساتھ ساتھ امریکی مشرقِ وسطیٰ کے نمائندہ خصوصی اسٹیو وٹکوف اور ٹرمپ کے داماد جیرڈ کشنر نے بھی شرکت کی۔وزیراعظم کے دفتر سے جاری بیان کے مطابق حکومت نے تمام یرغمالیوں کی رہائی سے متعلق مجوزہ معاہدے کی منظوری دے دی ہے۔ منظوری کے ساتھ ہی جنگ بندی مؤثر ہو گئی، جبکہ کابینہ کے زیادہ تر اراکین نے اس کے حق میں ووٹ دیا۔اسرائیلی وزیراعظم بنیامین نیتن یاہو نے اپنے ایکس اکاؤنٹ پر مختصر بیان میں کہا کہ حکومت نے تمام یرغمالیوں زندہ اور جاں بحق کی رہائی کے فریم ورک کی منظوری دے دی ہے۔رپورٹس کے مطابق منصوبے کے تحت تقریباً دو ہزار فلسطینی قیدیوں کی رہائی عمل میں لائی جائے گی، جبکہ حماس کے قبضے میں موجود اسرائیلی یرغمالیوں کو 72 گھنٹوں کے اندر آزاد کیا جائے گا۔ اسی دوران اسرائیلی فوج غزہ کے اندر نئی پوزیشنز پر منتقل ہوگی، تاہم تقریباً 53 فیصد علاقے پر کنٹرول برقرار رکھے گی۔یہ منصوبہ امریکی ثالثی میں تیار ہوا ہے، جس کے تحت مصر اور قطر کے فوجی اہلکاروں پر مشتمل ایک مشترکہ فورس غزہ میں تعینات کی جائے گی۔ امریکی حکام کے مطابق غزہ میں کوئی امریکی فوجی شامل نہیں ہوگا۔تجزیاتی ماہرین کے مطابق یہ جنگ بندی مشرقِ وُسطیٰ میں امن کی جانب پہلا حقیقی اور عملی قدم ہے، تاہم پائیدار امن کا دارومدار فریقین کے اعتماد، سنجیدگی اور عمل درآمد پر ہوگا۔

اسرائیل اور حماس کے درمیان جنگ بندی اور قیدیوں کے تبادلے کا تاریخی معاہدہ

حکومت نے تمام یرغمالیوں، زندہ اور جاں بحق، کی رہائی کے فریم ورک کی منظوری دے دی ہے،اسرائیلی وزیراعظم

اسپین کی پارلیمنٹ نے اسرائیل کے ساتھ اسلحہ کی خرید و فروخت، ترسیل اور دفاعی تعاون پر مکمل پابندی کے قانون کی منظوری دے دی ہے۔یہ اقدام غزہ میں جاری جنگ اور انسانی بحران کے خلاف یورپ کے اندر بڑھتے ہوئے دباؤ کے نتیجے میں سامنے آیا ہے۔ میڈیارپورٹس کے مطابق اسپین کی پارلیمنٹ نے وزیرِاعظم پیڈرو سانچیز کی پیش کردہ قرارداد کی منظوری دے کر اسرائیل کے ساتھ اسلحے کی خرید و فروخت پر مکمل پابندی کو قانون کا درجہ دے دیا ہے۔اسپین کی پارلیمنٹ میں ہونے والی ووٹنگ کے دوران 178 اراکین نے پابندی کے حق میں جبکہ 169 نے مخالفت میں ووٹ دیا۔ بائیں بازو کی جماعت پوڈیموس کے چار ارکان کی حمایت نے حکومت کو معمولی اکثریت سے کامیابی دلائی، اگرچہ اس جماعت نے پہلے اس اقدام کو ناکافی قرار دیا تھا۔وزیرِاعظم پیڈرو سانچیز کا کہنا ہے کہ اس فیصلے کا مقصد غزہ میں جاری نسل کشی کے خاتمے کے لیے عملی اقدام اٹھانا ہے۔ حکومت نے واضح کیا کہ اکتوبر 2023 سے ہی اسرائیل کے ساتھ دفاعی تجارت بند تھی، تاہم اب اس فیصلے کو قانونی حیثیت دے دی گئی ہے۔نئے قانون کے تحت اسرائیل کو کسی بھی قسم کے دفاعی ساز و سامان، فوجی ٹیکنالوجی یا دیگر فوجی مصنوعات کی برآمد و درآمد مکمل طور پر ممنوع قرار دی گئی ہے۔ فوجی مقاصد کے لیے ایندھن کی ترسیل اور غزہ یا مغربی کنارے کی غیر قانونی بستیوں سے آنے والی مصنوعات کی تشہیر بھی قانوناً بند کر دی گئی ہے۔قانون میں ایک شق یہ بھی شامل ہے کہ اگر قومی مفاد کا تقاضا ہو تو حکومت مخصوص دفاعی آلات پر استثنیٰ دے سکتی ہے۔دوسری جانب اسرائیل نے اس فیصلے پر شدید ردِعمل ظاہر کیا ہے۔ اسرائیلی حکومت نے اس اقدام کو “سیاسی موقع پرستی اور قابلِ مذمت قرار دیتے ہوئے کہا کہ اسپین کا فیصلہ غیر منصفانہ اور یک طرفہ ہے۔اسپین کے میڈیا کے مطابق ووٹنگ جان بوجھ کر 7 اکتوبر کے دن سے ایک روز قبل رکھی گئی تاکہ اسے حماس کے حملے کی سالگرہ کے ساتھ نہ جوڑا جائے۔اسپین کا یہ تاریخی فیصلہ یورپی سیاست میں ایک نئی مثال کے طور پر دیکھا جا رہا ہے، جو خطے میں اسرائیل کے لیے بڑھتی ہوئی تنہائی کی علامت بھی بن گیا ہے۔

اسپین کی پارلیمنٹ نے اسرائیل پر اسلحہ کی خرید و فروخت پر مکمل پابندی عائد کر دی

178 ارکان نے پابندی کے حق میں ووٹ دیا، اسرائیل نے فیصلے کو سیاسی موقع پرستی قرار دے دیا

سابق سینیٹر مشتاق احمد خان نے انکشاف کیا ہے کہ انہوں نے جماعت اسلامی سے استعفیٰ دے دیا ہے، اور جس رات یہ فیصلہ کیا، وہ جذباتی طور پر نہایت مشکل لمحہ تھا۔ ان کا کہنا ہے کہ 19 ستمبر کو صمود فلوٹیلا میں شمولیت سے قبل ہی استعفیٰ دیا تھا، تاہم جماعت اسلامی کی جانب سے تاحال کوئی ردِعمل موصول نہیں ہوا۔انہوں نے نجی ٹی وی سے گفتگو میں بتایا کہ استعفیٰ دیتے وقت وہ بے حد افسردہ تھے، کیونکہ وہ جماعت اسلامی اور اس کی قیادت کا احترام کرتے ہیں۔ تاہم ان کے بقول بعض اوقات تنظیمی حدود نظریاتی آزادی میں رکاوٹ بن جاتی ہیں، اور یہی وجہ تھی کہ انہوں نے آزادانہ طور پر کام کرنے کا فیصلہ کیا۔مشتاق احمد خان نے کہا کہ وہ پاکستان کی تمام اکائیوں کے آئینی حقوق، فلسطین کے عوام کی حمایت، ڈاکٹر عافیہ صدیقی کی رہائی اور جمہوریت کے فروغ کے لیے اپنی آواز بلند کرتے رہیں گے۔ انہوں نے مزیدبتایا کہ میں علی وزیر اور ماہ رنگ بلوچ  اور منظور پشتین سے ملنے جانا چاہتا ہوں، میں چاہتا ہوں کہ عمران خان کا فری ٹرائل کیا جائے۔واضح رہے کہ مشتاق احمد خان 2018 سے 2024 تک جماعت اسلامی کے ٹکٹ پر سینیٹر رہے۔

سابق سینیٹر مشتاق احمد نے جماعت اسلامی سے استعفیٰ دے دیا

ڈاکٹر عافیہ صدیقی اور فلسطین کاز کیلئے کام کرتا رہوں گا، اب میں انسانی حقوق کیلئے کام کروں گا، گفتگو

پاکستان تحریک انصاف نے پنجاب اسمبلی کی اسٹینڈنگ کمیٹیوں سے استعفے دینے کا عندیہ دے کر سیاسی حلقوں میں ہلچل مچا دی ہے۔ چیئرمین پی ٹی آئی بیرسٹر گوہر خان نے میڈیا سے گفتگو میں بتایا کہ عمران خان نے پارٹی قیادت کو ہدایت دی ہے کہ پنجاب میں موجود تمام کمیٹیوں سے فوری استعفے دیے جائیں، تاکہ نئی حکمتِ عملی کے تحت تنظیم نو کی جا سکے۔ چیئرمین پی ٹی آئی بیرسٹر گوہر خان اور سینیٹر علی ظفر نے اڈیالہ جیل کے باہر میڈیا سے گفتگو کرتے ہوئے بتایا کہ عمران خان نے واضح ہدایات دی ہیں کہ پنجاب میں پی ٹی آئی کے تمام ارکان اپنی کمیٹیوں سے استعفے جمع کرائیں۔ بیرسٹر گوہر خان نے کہا کہ عمران خان سے ملاقات کے دوران اہم فیصلے کیے گئے ہیں۔ عمران خان نے کہا کہ پارٹی کے اندرونی نظم و نسق کو مضبوط کرنے اور عوامی رابطہ مہم کو مؤثر بنانے کے لیے نئی حکمتِ عملی اپنائی جا رہی ہے۔ عمران خان نے یہ بھی کہا کہ علی امین گنڈاپور ان کے وفادار ساتھی ہیں، تاہم صوبے میں امن و امان کے مسائل کے باعث قیادت میں تبدیلی ناگزیر تھی۔انہوں نے بتایا کہ علی امین گنڈاپور کے استعفے کے بعد سہیل آفریدی کو نئے وزیراعلیٰ خیبر پختونخوا کے طور پر نامزد کیا گیا ہے، اور یہ فیصلہ عمران خان نے خود کیا۔ بیرسٹر گوہر نے کہا کہ خان صاحب نے ہدایت دی ہے کہ خیبر پختونخوا میں نئی کابینہ کی تشکیل جلد مکمل کی جائے تاکہ انتظامی امور میں تسلسل برقرار رہے۔مزید برآں،بیرسٹر گوہر نے پارٹی میں بڑی تبدیلیوں کے حوالے زیر گردش خبروں کو افواہ قرار دے دیا۔ بیرسٹر گوہر نے کہا کہ پارٹی میں چیئرمین شپ کا کوئی تنازع نہیں، اور اگر وہ خود استعفیٰ دیتے ہیں تو سپریم کورٹ کے فیصلے کے مطابق پارٹی کی قانونی حیثیت متاثر ہو سکتی ہے۔سینیٹر علی ظفر نے بھی گفتگو میں تصدیق کی کہ عمران خان نے وزیراعلیٰ کی تبدیلی کو آئینی عمل قرار دیا ہے اور کہا ہے کہ اگر اس عمل میں کسی نے رکاوٹ ڈالنے کی کوشش کی تو بھرپور احتجاج کیا جائے گا۔ انہوں نے مزید کہا کہ بانی پی ٹی آئی نے موجودہ کابینہ کو فی الحال برقرار رکھنے کی ہدایت دی ہے اور مستقبل میں ضروری سمجھا گیا تو تبدیلیاں کی جائیں گی۔بیرسٹر گوہر نے واضح کیا کہ پارٹی میں کوئی فارورڈ بلاک نہیں، تمام فیصلے بانی کی مشاورت سے کیے جا رہے ہیں اب نظر سب کی اس پر ہے کہ استعفوں کے بعد پنجاب کی سیاسی فضا کیا رخ اختیار کرتی ہے۔

تحریک انصاف کا بڑا فیصلہ، پنجاب کی اسٹینڈنگ کمیٹیوں سے استعفے دینے کی تیاری

عمران خان کی ہدایت پر تمام 14 کمیٹیوں سے مستعفی ہونے کا فیصلہ کیا ہے،بیرسٹر گوہر کی میڈیاسے گفتگو

پرتگال کے عالمی شہرت یافتہ فٹبالر کرسٹیانو رونالڈو نے ایک اور تاریخ رقم کر دی۔ بلومبرگ بلینیئرز انڈیکس کے مطابق وہ دنیا کے پہلے ارب پتی فٹبالر بن گئے ہیں۔ ان کی مجموعی دولت 1.4 ارب ڈالر تک جا پہنچی ہے، جو کسی بھی فٹبالر کے لیے اب تک کی سب سے بڑی رقم ہے۔ رپورٹ کے مطابق رونالڈو کی دولت میں سب سے بڑا اضافہ اس وقت ہوا جب انہوں نے سعودی کلب النصر کے ساتھ تقریباً 400 ملین ڈالر مالیت کا معاہدہ کیا۔ اس معاہدے میں تنخواہ، بونس، خصوصی مراعات اور حتیٰ کہ نجی جیٹ کے استعمال کی سہولت بھی شامل ہے۔کرسٹیانو رونالڈو نے اپنے دو دہائیوں پر مشتمل کیرئیر میں مانچسٹر یونائیٹڈ، ریال میڈرڈ اور یووینٹس جیسے کلبوں کی نمائندگی کی۔ 2002 سے 2023 تک وہ صرف تنخواہوں کی مد میں 550 ملین ڈالر کما چکے ہیں، جبکہ نائیکی اور دیگر عالمی برانڈز کے اشتہارات سے انہیں 175 ملین ڈالر سے زائد آمدنی ہوئی۔بلومبرگ کے مطابق رونالڈو کا النصر کے ساتھ معاہدہ کھیلوں کی تاریخ کے سب سے مہنگے معاہدوں میں شمار ہوتا ہے۔ یہ ڈیل انہیں نہ صرف روجر فیڈرر، ٹائیگر ووڈز اور مائیکل جارڈن جیسے کھلاڑیوں کی صف میں لے آئی بلکہ انہیں فٹبال کی تاریخ کا پہلا ارب پتی اسٹار بھی بنا دیا۔دلچسپ بات یہ ہے کہ رونالڈو کی زیادہ تر دولت براہ راست ان کی تنخواہ سے آئی ہے، جبکہ دیگر ارب پتی کھلاڑیوں نے سرمایہ کاری یا کاروبار کے ذریعے دولت کمائی۔پرتگال کے جزیرے مڈیرا میں پیدا ہونے والے رونالڈو نے کم عمری میں تعلیم چھوڑ کر فٹبال پر توجہ دی۔ آج ان کے نام پر مڈیرا میں ایئرپورٹ، میوزیم اور لگژری ہوٹل موجود ہیں۔انسٹاگرام پر ان کے 660 ملین سے زائد فالوورز ہیں، جو انہیں دنیا کی سب سے زیادہ فالو کی جانے والی شخصیت بناتے ہیں۔ یہی مقبولیت سعودی کلب النصر کے لیے بھی بڑی سرمایہ کاری ثابت ہوئی۔رپورٹ کے مطابق رونالڈو نے ریاض کے قریب 20 ملین یورو مالیت کا محل بھی تعمیر کروا رہے ہیں اور انہیں النصر کلب میں 15 فیصد شراکت داری بھی دی گئی ہے جو ان کے مستقبل کے کاروباری خوابوں کی طرف ایک نیا قدم ہے۔غریب گھرانے سے اُٹھنے والا یہ پرتگالی لڑکا آج صرف ایک فٹبالر نہیں بلکہ عالمی برانڈ بن چکا ہے کرسٹیانو رونالڈو، جس نے ثابت کر دیا کہ خواب اگر بڑے ہوں تو دنیا چھوٹی پڑ جاتی ہے۔

غریب گھرانے کا پرتگالی لڑکا، آج فٹبال کی دنیا کا سب سے امیر ترین کھلاڑی

بلومبرگ بلینیئرز انڈیکس کے مطابق رونالڈو کی دولت 1.4 ارب ڈالر سے تجاوز کر گئی

فلسطینی عوام کے لیے امداد لے جانے والے گلوبل صمود فلوٹیلا کے قافلے میں شریک سابق سینیٹر مشتاق احمد خان اسرائیلی حراست سے رہائی کے بعد پاکستان واپس پہنچ گئے۔ اسلام آباد ایئرپورٹ پر ان کے استقبال کے لیے شہریوں کی بڑی تعداد موجود تھی، جہاں جوش و جذبے کے مناظر دیکھنے میں آئے۔مشتاق احمد خان گلف ایئر کی پرواز GF-770 کے ذریعے بحرین سے اسلام آباد پہنچے۔ ان کی آمد کے موقع پر ایئرپورٹ فلسطینی پرچموں سے سجا ہوا تھا، جبکہ شہریوں نے ان پر پھول نچھاور کیے اور فلسطین کے حق میں نعرے لگائے۔استقبال کے شرکاء کا کہنا تھا کہ مشتاق احمد خان نے عالمی سطح پر اہلِ فلسطین اور امتِ مسلمہ کا موقف بہادری سے اجاگر کیا، اور ان کی یہ قربانی دنیا بھر کے امن پسندوں کے لیے مثال ہے۔واضح رہے کہ سابق سینیٹر مشتاق احمد خان گزشتہ ہفتے غزہ کے لیے امداد لے جانے والے گلوبل صمود فلوٹیلا کے قافلے کے ہمراہ موجود تھے۔ یہ فلوٹیلا اس وقت عالمی توجہ کا مرکز بنا جب اسرائیلی فورسز نے فلسطینیوں کے لیے امداد لے جانے والی کشتیوں کو روک کر متعدد رضاکاروں کو حراست میں لے لیا تھا۔سابق سینیٹر کی وطن واپسی پر عوامی جوش و خروش نے ایک بار پھر ثابت کر دیا کہ پاکستان کے عوام فلسطینیوں کی جدوجہدِ آزادی کے ساتھ دل و جان سے وابستہ ہیں۔

اسرائیلی حراست سے رہائی کے بعد سابق سینیٹر مشتاق احمد پاکستان پہنچ گئے، پرتباک استقبال

اسلام آباد ایئرپورٹ پر شاندار استقبال، شہریوں کا فلسطین کے حق میں اور اسرائیل کے خلاف نعرے بازی

مصری میڈیا کی جانب سے دعویٰ کیا گیا ہے کہ غزہ میں جنگ بندی کا معاہدہ نافذ العمل ہوگیا ہے،مصر کے صدر عبدالفتاح السیسی نے اعلان کیا ہے کہ غزہ میں جنگ بندی معاہدہ نافذالعمل ہو چکا ہے، جبکہ اسرائیلی حکومت کی باضابطہ توثیق آج شام تک متوقع ہے۔ برسوں سے جاری تشدد اور تباہی کے بعد یہ پیش رفت امن کی جانب ایک اہم قدم تصور کی جا رہی ہے۔مصری میڈیا کے مطابق جنگ بندی پاکستانی وقت کے مطابق دوپہر دو بجے مؤثر ہوئی، جس کے ساتھ ہی غزہ میں فائرنگ اور فوجی کارروائیاں رک گئیں۔ مصری نشریاتی ادارے القاہرہ ٹی وی نے رپورٹ کیا کہ شرم الشیخ میں ہونے والے مذاکرات کے نتیجے میں معاہدے کا عملی نفاذ ممکن ہوا۔مصر کی وزارتِ خارجہ نے اس موقع کو ’’نہایت حساس مگر امید افزا‘‘ قرار دیتے ہوئے کہا کہ فریقین کے درمیان یہ مفاہمت خطے میں پائیدار امن کے لیے سنگِ میل ثابت ہو سکتی ہے۔ وزیرِ خارجہ بدر عبدالعاطی آئندہ دنوں میں پیرس جائیں گے، جہاں وہ غزہ کی صورتحال پر ہونے والے وزارتی اجلاس میں شرکت کریں گے تاکہ امن عمل کو مزید مضبوط بنایا جا سکے۔اسرائیلی وزیراعظم کے دفتر نے بیان میں کہا ہے کہ جنگ بندی کی باضابطہ منظوری حکومت کی شام کی میٹنگ کے بعد دی جائے گی۔ ایک اسرائیلی عہدیدار کے مطابق، غزہ میں موجود بیس یرغمالیوں کی رہائی اتوار یا پیر کو متوقع ہے، جسے معاہدے کے ابتدائی عمل درآمد کا حصہ سمجھا جا رہا ہے۔بین الاقوامی ذرائع کے مطابق حماس اور اسرائیل کے درمیان دستخط آج متوقع ہیں، اور معاہدے پر باضابطہ دستخط کے بعد 24 گھنٹوں میں اسرائیلی فوج کا جزوی انخلا شروع کر دیا جائے گا۔ اس سلسلے میں وزیراعظم بنیامین نیتن یاہو نے دو خصوصی اجلاس طلب کیے ہیں، جبکہ اسرائیلی فوج نے تصدیق کی ہے کہ زمینی عمل درآمد کی تیاریوں کا آغاز ہو چکا ہے۔ تل ابیب میں یرغمالیوں کے اہلِ خانہ نے معاہدے کو ’’امن کی جانب ایک امید‘‘ قرار دیا ہے، اور امید ظاہر کی ہے کہ یہ اقدام خطے میں مستقل استحکام کی بنیاد بن سکتا ہے۔

اسرائیلی بربریت کا خاتمہ،غزہ میں جنگ بندی کا معاہدہ نافذالعمل ہوگیا، مصری میڈیا کا دعویٰ

برسوں سے جاری خونریزی کے بعد بالآخر فریقین کے درمیان طے پانے والاجنگ بندی معاہدہ مؤثر ہو گیا

بھارتی کرکٹ لیگ کی جانب سے آسٹریلوی کھلاڑیوں کو دی جانے والی اربوں روپے کی پیشکش ناکام ہوگئی۔ آسٹریلیا کے کپتان پیٹ کمنز اور نائب کپتان ٹریوس ہیڈ نے اپنی قومی ذمہ داریوں کو ترجیح دیتے ہوئے بھارتی لیگ کی پرکشش آفر ٹھکرا دی۔آسٹریلوی میڈیا کے مطابق انڈین پریمیئر لیگ (آئی پی ایل) کی ایک فرنچائز نے پیٹ کمنز اور ٹریوس ہیڈ کو 10 ملین امریکی ڈالر سالانہ (یعنی پاکستانی دو ارب 80 کروڑ روپے سے زائد) کے عوض اپنی ٹیم کے ساتھ کل وقتی اوورسیز ٹی ٹوئنٹی لیگز کھیلنے کی پیشکش کی تھی۔پیشکش میں دونوں کھلاڑیوں کو کرکٹ آسٹریلیا سے علیحدہ ہو کر مختلف بین الاقوامی لیگوں میں حصہ لینے کا کہا گیا تھا۔ تاہم پیٹ کمنز اور ٹریوس ہیڈ نے صاف انکار کرتے ہوئے مؤقف اپنایا کہ "ڈالرز نہیں، ملک ہماری پہلی ترجیح ہے"۔رپورٹس کے مطابق آسٹریلیا کے ٹاپ کھلاڑی اپنے نیشنل کنٹریکٹس کے تحت سالانہ 42 کروڑ روپے کماتے ہیں، جبکہ کپتانی کے الاؤنسز ملا کر پیٹ کمنز کی سالانہ آمدنی تقریباً 84 کروڑ روپے بنتی ہے۔دوسری جانب، بھارتی میڈیا کے مطابق یہ پیشکش آئی پی ایل فرنچائز اونرز کی اُس پالیسی کا حصہ ہے جس کے تحت وہ دنیا بھر کے باصلاحیت کھلاڑیوں کو بڑی رقوم کے عوض انٹرنیشنل کرکٹ سے قبل از وقت ریٹائرمنٹ پر آمادہ کرنے کی کوشش کر رہے ہیں۔یہ پہلا موقع نہیں، اس سے قبل 2023 میں انگلینڈ کے جوفرا آرچر کو بھی بھارتی لیگ کی ایک ٹیم نے دو ارب روپے سے زائد کی آفر دی تھی، جسے انہوں نے بھی مسترد کر دیا تھا۔سڈنی مارننگ ہیرالڈ کے مطابق، اس واقعے نے آسٹریلوی کرکٹ بورڈ کے اندر مالی دباؤ اور کھلاڑیوں پر بڑھتے تجارتی اثرات کے خدشات کو نمایاں کر دیا ہے۔آسٹریلوی کرکٹرز کے اس فیصلے نے دنیا بھر میں یہ پیغام دیا ہے کہ قومی وقار اور وفاداری کی کوئی قیمت نہیں لگائی جا سکتی چاہے آفر کروڑوں ڈالر کی ہی کیوں نہ ہو۔

بھارتی کرکٹ لیگ کی کروڑوں کی پیشکش، آسٹریلوی کرکٹرز نے ملک کو ترجیح دے کر ٹھکرا دی

پیسہ نہیں ملک پہلے،پیٹ کمنز اور ٹریوس ہیڈ نے آئی پی ایل فرنچائز کی10ملین ڈالر کی پیشکش مسترد کر دی

اسرائیل کے ساتھ امن معاہدے کے ابتدائی مرحلے پر دستخط کے بعد حماس نے پہلا باضابطہ ردعمل جاری کر دیا، جس میں عالمی ضامنوں سے معاہدے پر مکمل عمل درآمد کو یقینی بنانے کا مطالبہ کیا گیا ہے۔تفصیلات کے مطابق اسرائیل اور فلسطینی مزاحمتی تنظیم حماس کے درمیان امریکی ثالثی میں طے پانے والے مجوزہ غزہ امن معاہدے کے ابتدائی مرحلے پر دستخط کے بعد خطے میں ایک نئی سیاسی فضا پیدا ہو گئی ہے۔ اس اہم پیش رفت کے فوراً بعد حماس کی جانب سے جاری بیان میں کہا گیا ہے کہ فریقین کے درمیان طے پانے والے معاہدے میں غزہ میں جاری جنگ کا خاتمہ، اسرائیلی افواج کا انخلا، انسانی امداد کی بحالی اور قیدیوں کے تبادلے جیسے نکات شامل ہیں۔حماس نے عالمی برادری، بالخصوص امریکا، قطر، مصر، ترکی اور دیگر ضامن ممالک سے اپیل کی کہ وہ اسرائیل کو اس معاہدے کی تمام شقوں پر مکمل، شفاف اور بروقت عمل درآمد کا پابند بنائیں اور کسی بھی ممکنہ تاخیر یا وعدہ خلافی کو روکنے کے لیے اپنا کردار ادا کریں۔بیان میں حماس نے واضح کیا کہ تنظیم اپنے وعدوں پر قائم ہے، تاہم وہ اپنی قوم کے حقِ خودارادیت، آزادی اور خودمختاری سے کبھی پیچھے نہیں ہٹے گی۔ذرائع کے مطابق، یہ بیان ایسے وقت میں سامنے آیا ہے جب اسرائیل اور حماس کے درمیان امن معاہدے کے ابتدائی مرحلے پر دستخط کے بعد جنگ بندی کے عملی نفاذ کے لیے تیاریوں کا سلسلہ جاری ہے۔عالمی مبصرین کے مطابق، اگر معاہدے پر متفقہ عمل درآمد یقینی بنایا گیا تو یہ مشرقِ وُسطیٰ میں امن کے ایک نئے دور کی بنیاد ثابت ہو سکتا ہے۔

اسرائیل معاہدے کی تمام شقوں پر شفاف، مکمل اور بروقت عمل یقینی بنائے،حماس کا مطالبہ

عالمی ضامن اسرائیل کو عمل درآمد کا پابند بنائیں،امن معاہدے کے بعد حماس کا پہلا باضابطہ ردعمل

اسلام آباد ہائیکورٹ نے ڈرائیونگ لائسنس نہ ہونے کی صورت میں شہریوں کے خلاف فوری مقدمات درج کرنے سے روک دیا اور ہدایت دی کہ پہلے وارننگ یا جرمانہ کیا جائے۔چیف جسٹس اسلام آباد ہائیکورٹ، جسٹس سردار محمد سرفراز ڈوگر نے اس معاملے پر سماعت کی جو ایک شہری کی درخواست پر کی گئی تھی۔ درخواست میں بغیر لائسنس گاڑی چلانے والوں کے خلاف گرفتاریوں، گاڑیاں ضبط کرنے اور مقدمات درج کرنے کی ڈیڈ لائن کو چیلنج کیا گیا تھا۔سماعت کے دوران چیف ٹریفک آفیسر (سی ٹی او) اسلام آباد، کیپٹن ریٹائرڈ حمزہ ہمایوں ذاتی حیثیت میں عدالت کے روبرو پیش ہوئے۔ عدالت نے شہری کی درخواست ہدایات کے ساتھ نمٹا دی۔چیف جسٹس نے قرار دیا کہ کسی بھی شہری کے خلاف لائسنس نہ دکھانے پر فوری مقدمہ درج نہ کیا جائے بلکہ پہلے جرمانہ کیا جائے۔ ان کا کہنا تھا کہ اگر کوئی شخص غفلت یا لاپروائی سے ڈرائیونگ کرے تو اُس صورت میں مقدمہ درج کیا جا سکتا ہے، تاہم صرف لائسنس نہ ہونے پر براہِ راست کریمنل کارروائی مناسب نہیں۔چیف جسٹس نے ریمارکس دیے کہ پاکستان کو قائم ہوئے 70 سال سے زائد ہو چکے ہیں اور شہریوں کو اب تک معلوم ہونا چاہیے کہ ڈرائیونگ لائسنس لازمی ہے، تاہم اگر کسی کے پاس لائسنس کی ہارڈ کاپی موجود نہ ہو تو اس کی ڈیجیٹل یا فوٹو کاپی دکھائی جا سکتی ہے۔سماعت کے دوران سی ٹی او اسلام آباد نے بتایا کہ لائسنس کے نئے نظام میں سیکیورٹی فیچرز متعارف کروائے گئے ہیں اور اب تک کسی بھی شہری کے خلاف لائسنس نہ رکھنے پر کوئی مقدمہ درج نہیں کیا گیا۔چیف جسٹس نے تجویز دی کہ نادرا ایپ کی طرز پر لائسنس کی آن لائن تصدیق کا نظام متعارف کروایا جائے تاکہ شہریوں کو سہولت ملے۔ اس پر سی ٹی او نے بتایا کہ وہ نادرا سے سسٹم لنک کر کے لائسنسنگ کو ڈیجیٹل بنانے کی کوشش کر رہے ہیں۔عدالت نے قرار دیا کہ لائسنس نہ رکھنے والے شہریوں کے خلاف مقدمہ درج کرنا ان کی کریمنل ہسٹری کا باعث بن سکتا ہے، اس لیے پہلی خلاف ورزی پر وارننگ یا جرمانہ کیا جائے، اور بار بار خلاف ورزی کی صورت میں سخت کارروائی عمل میں لائی جائے۔اسلام آباد ہائیکورٹ کے اس فیصلے کو شہریوں کے لیے ایک بڑی ریلیف قرار دیا جا رہا ہے، جس سے توقع ہے کہ ٹریفک قوانین کے نفاذ میں شفافیت اور سہولت دونوں میں اضافہ ہوگا۔

اسلام آباد ہائیکورٹ کا ڈرائیونگ لائسنس نہ رکھنے والوں کے خلاف فوری مقدمہ درج نہ کرنے کا حکم

— شہریوں کو پہلے وارننگ اور جرمانہ کیا جائے، بغیر لائسنس مقدمہ درج کرنا آخری اقدام ہو،چیف جسٹس سرفراز ڈوگر کی ہدایت

The England and Wales Cricket Board (ECB) has officially finalised franchise partnerships for six out of the eight teams in The Hundred

ECB Secures Franchise Deals for Six of Eight Hundred Teams

<p>Franchise relationships with six of the eight teams in The Hundred have been officially confirmed by the England and Wales Cricket Board (ECB), a development that marks a sea change in the format and the source of finances of this competition.</p>

<p>The completed deals involve the following teams and investors:</p>

<ul>
	<li>London Spirit&nbsp;&ndash; Tech Titans consortium (49%)<br />
	&nbsp;</li>
	<li>Birmingham Phoenix&nbsp;&ndash; Knighthead Capital Management (49%)<br />
	&nbsp;</li>
	<li>Manchester Originals&nbsp;&ndash; RPSG Group (70%)<br />
	&nbsp;</li>
	<li>Northern Superchargers&nbsp;&ndash; Sun TV Network (100%)<br />
	&nbsp;</li>
	<li>Southern Brave&nbsp;&ndash; GMR Group (49%)<br />
	&nbsp;</li>
	<li>Welsh Fire&nbsp;&ndash; Washington Freedom (50%)<br />
	&nbsp;</li>
</ul>

<p>The remaining two franchises&mdash;Oval Invincibles&nbsp;and&nbsp;Trent Rockets&mdash;are expected to close their deals later in the year, with both agreements considered &quot;on track&quot;.</p>

<h2><strong>Financial Impact &amp; Strategic Significance</strong></h2>

<ul>
	<li>Valuation bump: The six deals boost The Hundred franchises&#39; valuation to a cumulative pound 975 rn targeting, up to over pound 500 rn the ECB plans to put back into the English and Welsh cricket ecosystem--of which pound 50 rn will be spent on grassroots development.<br />
	&nbsp;</li>
	<li>Operational change: New investor takes official operational control on 1 October 2025, but ECB maintains overall ownership and regulatory power over the competition.<br />
	&nbsp;</li>
	<li>Long-term structure: Strategic, commercial, and regulatory choices will be long-term oriented with a new Hundred Board, which will include the representatives of the ECB, host countries, and investor groups making the decisions, which could include sponsorship, player retention, and schedule.</li>
</ul>

<h2><strong>Why It Matters</strong></h2>

<ol>
	<li>Sustainable growth: This windfall alleviates financial burdens across the county cricket structure and strengthens grassroots investment.<br />
	&nbsp;</li>
	<li>Cross-border appeal: Major strategic bets from companies such as Tech Titans and GMR recognised The Hundred as valuable and propelled it to be the second-highest valued cricket league globally.<br />
	&nbsp;</li>
	<li>Women&rsquo;s game uplift: Many investors have committed to elevating the profile and reach of the women&rsquo;s competition, aligning with the ECB&rsquo;s inclusivity goals.</li>
</ol>

<h2><strong>What&rsquo;s Next</strong></h2>

<ul>
	<li>The rest of the deals involving Oval Invincibles (Reliance Group) and Trent Rockets (Cain International &amp; Ares Management) will likely be sorted out by September 2025.</li>
	<li>The 2025 season of The Hundred will take place between 5 and 31 August, following which the new partnerships will come into play.</li>
</ul>

<p>&nbsp;The franchise milestone is not just a commercial success, but a landmark event that brings steps in the balance of tradition and innovation and supports The Hundred as the key to the future of the England and Wales cricket game.</p>

ECB Secures Franchise Deals for Six of Eight Hundred Teams

Financial Impact & Strategic Significance

Why It Matters

What’s Next

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan