Cricket

Entertainment

Football

لاہور میں تیز آندھی اور بارش کے باعث پی ایس ایل 10 کے لاہور قلندرز اور کوئٹہ گلیڈی ایٹرز کے درمیان میچ کو بے نتیجہ ختم کردیا گیا۔تفصیلات کے مطابق پی ایس ایل کے دسویں ایڈیشن میں لاہور قلندرز اور کوئٹہ گلیڈی ایٹرز کے درمیان میچ کوآندھی اور بارش کے باعث روک دیا گیا تھاجو دوبارہ شروع نہ ہوسکا اور دونوں ٹیموں کو ایک ایک پوائنٹ مل گیا۔قبل ازیں پی ایس ایل 10 کے 21 ویں میچ میں کوئٹہ گلیڈی ایٹرز نے لاہور قلندرز کے خلاف ٹاس جیت کر فیلڈنگ کا فیصلہ کیا تھا قذافی اسٹیڈیم میں ہونیوالے میچ میں لاہور قلندرز نے کوئٹہ گلیڈی ایٹرز کی دعوت پر پہلے کھیلتے ہوئے 11.3 اوورز میں 3 وکٹوں کے نقصان پر 111 رنز بنائے تھے۔تاہم خراب موسم کے باعث کوئٹہ گلیڈی ایٹرز اور لاہور قلندرز کا میچ بے نتیجہ ختم کردیا گیا اور دونوں ٹیموں کو ایک، ایک پوائنٹ دے دیا گیا۔

پی ایس ایل 10،لاہورقلندرز اور کوئٹہ گلیڈی ایٹرز کے درمیان میچ بغیر نتیجہ ختم کردیا گیا

لاہورمیںآندھی اور بارش کے باعث روک دیا گیا تھاجو دوبارہ شروع نہ ہوسکا اور دونوں ٹیموں کو ایک ایک پوائنٹ مل گیا

پاک فوج کے سپہ سالار جنرل سید عاصم منیر نے بھارت کو خبردار کرتے ہوئے واضح کیا کہ بھارت کسی ابہام میں نہ رہے، اگر کسی بھی قسم کی فوجی مہم جوئی کی تو فوری اور بھرپور منہ توڑ جواب دیا جائے گا، پاکستان علاقائی امن کے لئے پرعزم ہے تاہم اپنی جغرافیائی اور نظریاتی سرحدوں کا دفاع کرنے کے لیے تیار ہے۔پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل سید عاصم منیر نے ٹلہ فیلڈ فائرنگ رینجز کا دورہ کیا جہاں پر انہوں نے منگلا سٹرائیک کور کی مشق ہیمر سٹرائیک کا مشاہدہ کیا۔آئی ایس پی آر کے مطابق ٹلہ فائرنگ رینجز آمد پر کور کمانڈر نے آرمی چیف کا خیرمقدم کیا، یہ مشق جنگی تیاری، میدانِ جنگ میں ہم آہنگی، اور جدید ترین ہتھیاروں کے نظام کی عملی یکسوئی کو جنگی حالات میں جانچنے کیلئے ترتیب دی گئی تھی۔ترجمان پاک فوج کا کہنا ہے کہ مشقوں میں مختلف جدید صلاحیتوں کا استعمال کثیر المقاصد لڑاکا طیارے، طویل فاصلے تک مار کرنے والی توپوں کا استعمال، جدید دور کی فیلڈ انجینئرنگ تکنیکیں بھی شامل تھیں۔آئی ایس پی آر کے مطابق فوجی دستوں نے ہم آہنگ جارحانہ چالوں کے دوران غیر معمولی جنگی ہم آہنگی، پھرتی، اور مہارت کا مظاہرہ کیا، اعلیٰ پھرتی اور مہارت فوجی دستوں کی اعلیٰ تربیت اور پیشہ ورانہ صلاحیتوں کا منہ بولتا ثبوت تھا۔ اس موقع پر آرمی چیف نے افسران اور جوانوں کے بلند حوصلے، جنگی مہارت اور جذبے کو سراہا ،آرمی چیف نے جوانوں کو پاکستان آرمی کی عملی برتری کا عملی نمونہ قرار دیا۔آرمی چیف سید عاصم منیر نے قوم کی خودمختاری اور علاقائی سالمیت کے دفاع کیلئے مسلح افواج کے غیر متزلزل عزم کا اعادہ کرتے ہوئے کہا کہ کوئی ابہام نہ رہے، بھارت کی کسی بھی فوجی مہم جوئی کا فوری اور ٹھوس جواب دیا جائے گا۔

بھارت کی کسی بھی مہم جوئی کا فوری،منہ توڑ اور فیصلہ کن جواب دیا جائے گا، آرمی چیف

پاکستان علاقائی امن کا خواہاں ہے مگر قومی مفادات کے تحفظ کیلئے ہماری تیاری اور عزم غیر متزلزل ہے، جنرل عاصم منیر

ایچ بی ایل پاکستان سپر لیگ (پی ایس ایل)  10 کے 20ویں میچ میں کراچی کنگز نے ملتان سلطانز کو 87رنز سے شکست دیکر پلے آف مرحلے کی دوڑ سے باہر کردیا ۔کراچی کنگز کے دیئے گئے205رنز کے ہدف کے تعاقب میں ملتان سلطانز کی پوری ٹیم 117 رنز پر ہی ڈھیر ہوگئی۔قبل ازیں قذافی اسٹیڈیم میں ہونیوالے میچ میں کراچی کنگز نے ٹاس جیت کر پہلے بیٹنگ کافیصلہ کیاکراچی کنگز نے مقررہ 20 اوورز میں 4 وکٹوں کے نقصان پر 204 رنز بنائے۔کراچی کنگز کی جانب سے جیمز ونس نے 65 رنز کی شاندار اننگز کھیلی جبکہ عرفان خان نے 40، خوشدل شاہ نے 33، کپتان ڈیوڈ وارنر نے 30 اور ٹم سائفرٹ نے 22 رنز بنائے۔ملتان سلطانز کی جانب سے عبید شاہ نے 2 وکٹیں حاصل کیں جبکہ کیمفر اور ڈیوڈ ولی نے ایک، ایک وکٹ اپنے نام کی۔کراچی کنگز کے دیئے گئے205رنز کے تعاقب میںملتان سلطانز کےدونوں اوپنرز ایک بار پھر ناکام ثابت ہوئے، کپتان محمد رضوان دوسرے ہی اوور میں کھاتہ کھولے بغیر پویلین واپس لوٹ گئے جب کہ تیسرے نمبر پر بیٹنگ کے لیے آنے والے عثمان خان بھی ایک رن کے مہمان ثابت ہوئے ۔کامران غلام 29 اور یاسر خان 26 رنز بناکر ٹاپ اسکورر رہے، رٹس کیمفر 12، افتخار احمد 8، مائیکل بریسویل 2، ڈیوڈ ویلے صفر اور عبید شاہ 14 رنز پر آؤٹ ہوئے۔کراچی کنگز کی جانب سے محمد نبی نے 3، خوشدل شاہ، میر حمزہ نے 2،2 اور عامر جمال نے ایک وکٹ حاصل کی۔

پی ایس ایل10،کراچی کنگز نےملتان سلطانز کو87رنز سے ہرا دیا

کراچی کنگز کے205رنز کے ہدف کے تعاقب میں ملتان سلطانز کی پوری ٹیم 117 رنز پر ہی ڈھیر ہوگئی

سپریم کورٹ آف پاکستان کے جسٹس جمال مندوخیل نے کہا ہے کہ انصاف تو اللہ کاکام ہے، ہم جج تو دستاویز دیکھ کر فیصلہ کرتے ہیں، ہم نے جو بھی فیصلہ کرنا ہوتا ہے وہ کسی کے دباؤ، خوف اور لالچ میں آئے بغیر کرنا ہوتا ہے۔این آئی آر سی کے زیر اہتمام بین الاقوامی یوم مزدور کانفرنس سے خطاب کرتے ہوئے جسٹس جمال خان مندوخیل نے کہا کہ حدیث ہے تمہارے خادم تمہارے بھائی ہیں جنہیں اللہ نے تمہارے زیر دست بنایا ہے، حدیث ہے کہ ہم سب برابر ہیں اور بھائی ہیں، میرا کوئی کمال نہیں کہ میں جج ہوں۔انہوں نے کہا کہ سوال یہ ہے کہ کیا ہم اپنے کام کے ساتھ انصاف کر رہے ہیں؟ سوال یہ ہے کہ کیا میں بحیثیت جج اپنا کام درست طریقے سے کر رہا ہوں؟ انہوں نے کہاکہ صرف آپ کو مزدور اور مجھے جج کا نام دیا گیا پء، میرا کوئی کمال نہیں کہ میں اس عہدے پر بیٹھا ہوں۔جسٹس جمال مندوخیل نے کہا کہ میں سمجھتا ہوں کہ ہم ججز انصاف نہیں کرتے، آپ حیران ہوں گے کہ میں کیا کہہ رہا ہوں؟ انہوں نے کہاکہ انصاف تو اللہ کا کام ہے ہم تو بس فیصلہ کرتے ہیں، ہم اپنے سامنے موجود دستاویز کو دیکھ کر فیصلہ کر رہے ہوتے ہیں، مجھے خوف ہے کہ جو میرا حلف ہے کہیں میں اس کی خلاف ورزی تو نہیں کر رہا؟انہوں نے کہاکہ آئین میں محنت کش طبقے کے حقوق کی ضمانت دی گئی ہے، محنت کش طبقے کا ملکی ترقی میں اہم کردار ہے،جس صوبے سے میرا تعلق ہے وہاں کان کنی کی جاتی ہے جو مزدور کرتے ہیں، وہ کان کے اندر جاتے ہیں، حکومت کو ان مزدوروں کے حوالے سے قوانین بنانے چاہیے، کان کنی کو صنعت کا درجہ ملنا چاہیے۔انہوں نے کہا کہ کان کن جان خطرے میں ڈال کر اپنے اہل و عیال کی پرورش کرتے ہیں،آئین میں درج حقوق سب کو ملنا چاہیے،کوئی مزدور کسی کا غلام نہیں ہوتا۔جسٹس جمال مندوخیل نے کہا کہ آئین باورکراتا ہے کہ تمام انسان اوران کے حقوق برابر ہیں، سپریم کورٹ انصاف کا سب سے بڑا اور آخری ادارہ ہے، ہم مروجہ قانون کے مطابق فیصلہ کرتے ہیں، ہم فیصلہ کرتے ہیں، انصاف اللہ تعالیٰ کی طرف سے ملتا ہے، مجھے جو رتبہ، پر تعیش دفاتر اور وسائل میسر ہیں وہ مزدور اور آپ کے توسط سے ہیں۔جسٹس جمال مندوخیل نے کہا کہ ہماری ذمہ داری یہاں آتی ہے کہ ہم آئین کہ مطابق فیصلہ کرتے اور اس کا تحفظ کرتے ہیں، ہم نے آئین میں درج پوری قوم کے حقوق کے تحفظ کا حلف لیا ہے، ہم نے جو بھی فیصلہ کرنا ہوتا ہے وہ کسی کے دباو، خوف اور لالچ میں آئے بغیر کرنا ہے۔انہوں نے کہاکہ میں آپ کو یقین دلاتا ہوں کہ میں اور ساتھی ججز آپ کے انصاف اور حقوق کا تحفظ کریں گے، اگر کسی کا ماننا ہے کہ اس کے حق کی خلاف ورزی ہوئی ہے تو مل بیٹھ کر بات کرنا چاہیے۔

انصاف تو اللہ کاکام ہے، ہم جج تو دستاویز دیکھ کر فیصلہ کرتے ہیں، جسٹس جمال مندوخیل

ہم نے جو بھی فیصلہ کرنا ہوتا ہے وہ کسی کے دباؤ، خوف اور لالچ میں آئے بغیر کرنا ہوتا ہے، کانفرنس سے خطاب

دنیا بھر کی طرح پاکستان میں بھی آج یکم مئی کو مزدوروں کے حقوق کے عالمی دن کے طور پر منایا جا رہا ہے، جس کا مقصد محنت کش طبقے کو درپیش مسائل کو اجاگر کرنا اور ان کے حقوق کے تحفظ کا عہد دہرانا ہے۔تفصیلات کے مطابق مزدوروں کے حقوق کے تحفظ کے عزم کی تجدید کے ساتھ آج پاکستان سمیت دنیا بھر میں مزدوروں کا عالمی دن منایا جا رہا ہے۔ آج پاکستان  میں سرکاری تعطیل ہے،پاکستان میں زیادہ تر مزدور غربت کی لکیر سے نیچے رہتے ہیں اور انہیں اپنی بنیادی ضروریات کو پورا کرنے کے لیے شدید مشکلات کا سامنا ہے۔عالمی یومِ مزدور کی تاریخی جڑیں 1886ء کے اُس واقعے سے جڑی ہیں جو امریکا کے شہر شکاگو میں پیش آیا۔ اُس وقت مزدوروں نے 8 گھنٹے کام کے اصول کے لیے احتجاج کیا تھا۔ بدقسمتی سے ان کے پرامن مظاہرے پر پولیس نے گولیاں چلا دیں، جس کے نتیجے میں متعدد مزدور جاں بحق ہو گئے، جب کہ کئی گرفتار مظاہرین کو پھانسی کی سزا دی گئی۔اس سانحے کی یاد میں ہر سال یکم مئی کو دنیا بھر میں یومِ مزدور منایا جاتا ہے تاکہ شکاگو کے ان جاں باز محنت کشوں کو خراجِ عقیدت پیش کیا جا سکے اور مزدور طبقے کے حقوق کی اہمیت کو اجاگر کیا جا سکے۔پاکستان میں باقاعدہ طور پر اس دن کی سرکاری سطح پر شروعات 1973ء میں ہوئیں، جب ذوالفقار علی بھٹو کی حکومت نے اس دن کو قومی سطح پر منانے کا اعلان کیا۔

پاکستان سمیت دنیا بھر میں آج مزدوروں کا عالمی دن منایا جارہا ہے

لیبر ڈے پر گوگل کا نیا ڈوڈل جاری

پاکستان سپرلیگ 10 میں آج ہوگا ڈبل دھمال، آج پی ایس ایل میں دو میچز کھیلے جائیں گے۔تفصیلات کے مطابق پاکستان سپر لیگ (پی ایس ایل) سیزن 10 کے دلچسپ مقابلے جاری ہیں، پی ایس ایل میں آج دو میچز کھیلے جائیں گے جو ٹیپمیڈ پرایچ ڈی کوالٹی میں اشتہارات کے بغیربراہ راست دکھائے جائیں گے۔پہلے میچ میں آج   ملتان سلطانز اور کراچی کنگز کی ٹیمیں لاہور میں مدمقابل ہوں گی اور یہ میچ سہ پہر 3 بجے شروع ہوگا۔ ملتان سلطانز کو مایہ ناز وکٹ کیپر بلے باز محمد رضوان لیڈ کر رہے ہیں جبکہ کراچی کنگز کی ٹیم آسٹریلوی مایہ ناز بلے باز ڈیوڈ وارنر کی قیادت میں میدان میں اترےگی۔آج کادوسرے میچ لاہور قلندرز اور کوئٹہ گلیڈی ایٹرز کی ٹیموں کے درمیان کھیلا جائے گایہ میچ رات 8 بجے شروع ہو گا۔لاہور قلندرز کو مایہ ناز فاسٹ بائولر شاہین شاہ آفریدی لیڈ کر رہے ہیں جبکہ کوئٹہ گلیڈی ایٹرز کو سعود شکیل لیڈ کر رہے ہیں۔ دوسری جانب پی ایس ایل کے شائقین آج ایک ٹکٹ پر2میچز دیکھیں گےپی سی بی کی جانب سے جاری اعلامیے کے مطابق شائقین کرکٹ یکم مئی کو شام کے میچ کےلیے پہلے خریدے گئے اسی ٹکٹ کے ساتھ ڈبل ہیڈر سے لطف اندوز ہوسکتے ہیں۔

آج ہوگا ڈبل دھمال، پاکستان سپرلیگ10 میں آج دو میچز کھیلے جائیں گے

پہلا مقابلہ کراچی کنگز اورملتان سلطانز کے درمیان ہوگا جبکہ دوسرے میچ میںلاہورقلندرزکوئٹہ گلیڈی ایٹرز سے ٹکرائے گی

حکومت نے پیٹرولیم مصنوعات کی قیمتوں میں کمی کا اعلان کردیا۔وزارت خزانہ کی جانب سے پیٹرول اور ڈیزل کی قیمتوں میں کمی کا نوٹیفکیشن بھی جاری کر دیا گیا۔پیٹرول اور ڈیزل کی قیمتوں میں 2، 2 روپے فی لیٹر کمی کی گئی ہے۔پیٹرول کی نئی قیمت 252 روپے 63 پیسے فی لیٹر جبکہ ڈیزل کی نئی قیمت 256 روپے 64 پیسے فی لیٹر مقرر کی گئی ہے۔پیٹرولیم مصنوعات کی نئی قیمتوں کا اطلاق آج رات 12 بجے سے ہوگا۔

پیٹرول اور ڈیزل کی قیمتوں میں 2، 2 روپے فی لیٹر کمی کردی گئی

پیٹرول کی فی لیٹر قیمت 252روپے63پیسے، ڈیزل کی فی لیٹر قیمت 256روپے64پیسے ہو گئی ،نوٹیفکیشن جاری

اسلام آباد یونائیٹڈ کی ٹیم نے پی ایس ایل 10 میں پہلی شکست کا مزا چکھ لیا۔تفصیلات کے مطابق پی ایس ایل 10 کے 19 ویں میچ میں لاہور قلندرز نے اسلام آباد یونائیٹڈ نے کو رنز سے ہرادیا۔لاہور کے قذافی اسٹیڈیم میں کھیلے گئے اس میچ میں اسلام آباد یونائیٹڈ نے ٹاس جیت کر لاہور قلندرز کو پہلے کھیلنے کی دعوت دی تھی جس نے مقررہ 20 اوورز میں 6 وکٹوں کے نقصان پر 209 رنز بنائے تھے۔لاہور قلندرز کی جانب سے فخر زمان نے44، سکندر رضا نے 39 اور ڈیرل مچل نے 28 رنز بنائے۔ ان کے علاوہ محمد نعیم نے 25 اور عبداللہ شفیق نے 22 رنز  بنائے، سیم بلنگز 38 رنز بنا کر ناقابل شکست رہے۔اسلام آباد یونائیٹڈ کی جانب سے عماد وسیم اور جیسن ہولڈر نے 2،2 وکٹیں حاصل کیں۔لاہور قلندرز کی جانب سے دیے گئے 210 رنز کے ہدف کے تعاقب میں اسلام آباد یونائیٹڈ کی ٹیم 121رنزپرآئوٹ ہوگئی۔اسلام آبا یونائیٹڈ کے  ایندریس گوس 41 ، سلمان آغا 36 اور شاداب خان 13 رنز کے ساتھ ڈبل فیگر میں جاسکے۔ لاہور قلندرز کی جانب سے حارث رؤف نے 4 اور سکندر رضا نے 3 وکٹیں حاصل کیں۔

پی ایس ایل10،لاہورقلندرز نے اسلام آباد یونائیٹڈ کو88رنز سے ہرادیا

ڈی جی آئی ایس پی آر میجر جنرل احمد شریف نے کہا ہے کہ بھارتی حملے کی صورت میں جوابی کارروائی کے تمام انتظامات مکمل کرلیے ہیں۔ ڈائریکٹر جنرل (ڈی جی) انٹر سروسز پبلک ریلیشنز (آئی ایس پی آر) لیفٹیننٹ جنرل احمد شریف چوہدری کا کہناتھا کہ ہم اس واقعے کے حقائق پر جائیں گے الزامات پر نہیں۔ لیفٹیننٹ جنرل احمد شریف نے پہلگال واقعہ اور ایف آئی آر کے اندراج پر اہم سوالات اٹھاتے ہوئے کہاکہ پہلگام واقعے کو فوری طور پر مسلمانوں سے جوڑ دیا گیا ، بھارتی میڈیا نے فوری پاکستان پر الزام عائد کردیا ،بھارتی ایجنسیوں سے جڑے سوشل میڈیا ہینڈلز پر دوپہر3بج کر5منٹ پر خبر دی گئی جبکہ بھارتی نیوز چینلز نے سہ پہر 3 بج کر30منٹ پرپہلگام واقعہ کی خبر دی۔ ڈی جی آئی ایس پی آر لیفٹیننٹ جنرل احمد شریف  نے نائب وزیراعظم اسحاق ڈار اور ترجمان دفتر خارجہ کے ہمراہ پریس کانفرنس کرتے ہوئے کہاکہ کیسے ممکن ہے حملہ کے 10 منٹ کے اندر تحقیقات کرکے ایف آئی آر بھی درج کرادی گئی،ایف آئی آر میں لکھا گیا کہ پہلگام واقعہ کے ہینڈلرز سرحد پار تھے،ایف آئی آر میں لکھا گیا کہ لوگوں پر اندھا دھند فائرنگ کی گئی۔ ڈی جی آئی ایس پی آرکا کہناتھا کہ بھارت بیانیہ بناتا رہا کہ لوگوں کو مذہب پوچھ کر نشانہ بنایا گیا،پہلگام میں سیاح کی ویڈیو میں لوگوں کو بھاگتے دیکھا جاسکتا ہے،پہلگام واقعہ میں ایک مسلمان کا بھی قتل کیاگیا،لیفٹیننٹ جنرل احمد شریف چودھری نے کہاکہ الزامات کی بجائے ہم پہلگام واقعے کے حقائق پر جائیں گے ، واقعے کے فوری بعد ایف آئی آر کے اندراج اور مندر جات نے سوال پیدا کردیئے ۔ پہلگام واقعے کو فوری طور پر مسلمانوں سے جوڑ دیا گیا ، بھارتی میڈیا نے فوری طور پر پاکستان پر الزام عائد کردیالیفٹیننٹ جنرل احمد شریف چودھری کاکہناتھا کہ پہلگام میں ہونے والا واقعہ ایل او سی سے 230 کلو میٹر دور ہے، الزام تراشی کی بجائے بھارتی حکومت کو سوالوں کے جواب دینا ہوں گے ،بھارت کی جانب سے بیانیہ بنایا گیا کہ یہ کارروائی مذہب کی بنیاد پر کی گئی ہے ، وزیراعظم نے بھی بھارتی بیانیہ پر سوال اٹھایا ہے۔ ترجمان پاک فوج نے کہاکہ پہلگام واقعے پر استعمال ہونے والے سوشل میڈیا اکاؤنٹس جعفر ایکسپریس حملے میں بھی استعمال ہوئے ،مقبوضہ کشمیر کے عوام نے بھی بھارتی الزام تراشی کا بھانڈا پھوڑ دیا ، دہشت گرد کا کوئی مذہب نہیں ہوتا، اسلامی دہشت گردوں کا کوئی وجود نہیں،بھارت میں سیاسی مفادات کیلئے دہشت گردی کرائی جاتی ہے،ڈی جی آئی ایس پی آر نے کہا کہ پہلگام واقعہ کو سندھ طاس معاہدہ کو معطل کرنے کے لیے استعمال کیا جا رہا ہے، دہشت گردی کے واقعات کو سیاسی مقاصد کے لیے استعمال کرنا بھارت کا وتیرہ ہے، بھارت 50 سال سے اسی ڈگر پر چل رہا ہے، پاکستان پر الزام لگاؤ، کریڈٹ لو اور الیکشن جیتو ، یہ ہے ان کا مقصد۔انہوں نے کہا کہ اطلاعات ہیں کہ بھارتی جیلوں کے پاکستانی قیدیوں کو جعلی مقابلوں میں مارا گیا، بھارت ان قید پاکستانیوں کو جعلی مقابلوں میں استعمال کر رہا ہے، اوڑی میں محمد فاروق کو جعلی مقابلے میں ہلاک کردیا گیا، بھارتی فوج نے اس کو در انداز کہا، درحقیقت وہ معصوم شہری تھا، بھارت بے گناہ لوگوں کو در انداز کا الزام لگا کر مار رہا ہے۔ڈی جی آئی ایس پی آر نے کہا کہ بھارت خود ایک دہشت گرد ریاست ہے، پاکستانی اور کشمیری شہریوں کو بھارت کی جیلوں میں رکھا ہواہے، بھارت ان قیدیوں پر تشدد کرتا ہے اور ان کے بیان دلواتا ہے، بھارت پاکستان میں ریاستی دہشت گردی کروا رہا ہے۔

بھارتی حملے کی صورت میں جوابی کارروائی کے تمام انتظامات مکمل کرلیے ہیں، ڈی جی آئی ایس پی آر

دہشت گردی کے واقعات کو سیاسی مقاصد کیلئے استعمال کرنا بھارت کا وطیرہ ہے، ترجمان پاک فوج

نائب وزیراعظم اور وزیر خارجہ اسحاق ڈار نے کہا ہے کہ پہلگام واقعے کے بعد بھارت نے غیر ذمہ دارانہ اور جارحانہ رویہ اختیار کیا۔پاکستان اور بھارت کے درمیان کشیدگی اور ایل او سی پر بھارتی اشتعال انگیزی پر ڈی جی آئی ایس پی آر لیفٹیننٹ جنرل احمد شریف چوہدری  کے ہمراہ پریس کانفرنس کرتے ہوئے  اسحاق ڈار کا کہنا تھا کہ  پریس کانفرنس کا مقصد موجودہ صورتحال سے آگاہ کرنا ہے۔ وزیر خارجہ اسحاق ڈار کا کہنا تھا کہ پہلگام واقعے میں انسانی جانوں کے نقصان پر افسوس کرتے ہیں، پاکستان ہر قسم کی دہشت گردی کی مذمت کرتا ہے، معصوم شہریوں کا قتل قابل مذمت ہے، اقوام متحدہ کی سلامتی کونسل نے بھی اس حملے کی مذمت کی ہے، پاکستان خود دہشت گردی کا شکار ہے۔انہوں نے کہا کہ پاکستان کا پہلگام واقعے سے کوئی تعلق نہیں ہے لیکن بھارت نے پہلگام واقعے کے بعد غیر ذمہ دارانہ اور جارحانہ رویہ اختیار کیا، پورا خطہ بھارت کے غیر ذمہ دارانہ اقدامات کی وجہ سے خطرے میں ہے۔ان کا کہنا تھا کہ پہلگام واقعے میں ہونے والی انسانی جانوں کے نقصان پر افسوس کا اظہار کرتے ہیں، معصوم شہریوں کا قتل قابل مذمت ہے، دہشت گردی کے متاثرین کا دکھ پاکستان سے بہتر کوئی نہیں جانتا، پاکستان خود دہشت گردی کا شکار ہے۔اسحاق ڈار نے کہا کہ اقوام متحدہ کی سیکورٹی کونسل کی جانب سے بھی اس حملے کی مذمت کی گئی ہے۔اسحاق ڈار کا کہناتھا کہ  بھارت کے غیر قانونی اقدامات اور بیانات نے صورت حال کو پیچیدہ کردیا ہے۔ ہم تصادم روکنے کے لیے عالمی برادری کے ساتھ مل کر کام کر رہے ہیں۔اسحاق ڈار کا کہنا تھا کہ ہم بین الاقوامی برادری سے اس خطرے سے متعلق رابطے میں ہیں، بھارت خطے میں جان بوجھ کرحالات کوکشیدہ کر رہا ہے، پاکستان سمیت کئی ملکوں میں دہشت گردی کے واقعات کے پیچھے بھارت کا ہاتھ ہے، بھارت دوسروں پر انگلی اٹھانےکے بجائے اپنے اندرونی مسائل پر توجہ دے، پہلگام واقعے کے بعد بھارت نے غیر ذمہ درانہ رویہ اور اقدامات کیے۔ان کا کہنا تھا کہ  پاکستان نہ پہلگام واقعے میں ملوث ہے، نہ  پہلگام واقعےکا بینیفشری ہے، پاکستان نے پہلگام واقعےکی غیر جانبدار تحقیقات میں تعاون کی پیشکش کی ہے۔اسحاق ڈار کا کہنا تھا کہ اقوام متحدہ کی قراردادوں میں کشمیرکومتنازعہ علاقہ تسلیم کیا گیا، اگربھارت نے پانی روکنے کی کوشش کی تو یہ جنگ تصور ہوگی، پانی پاکستانی عوام کی لائف لائن ہے، بھارت نے سندھ طاس معاہدہ مؤخر کرکے عالمی قوانین کی خلاف ورزی کی۔ان کا کہنا تھا کہ اگربھارت نےکوئی حرکت کی توبھرپورجواب دیا جائے گا جنگ میں پہل نہیں کریں گے لیکن اگربھارت نےمہم جوئی کی تو ہمارا جواب سخت ہوگا، بھارت میں مسلمانوں اورکشمیریوں کےخلاف مذموم مہم جاری ہے، بھارت خطےمیں دہشت گردی اورانتہا پسندی کوہوا دے رہا ہے۔

جنگ میں پہل نہیں کرینگے، لیکن بھارت کی مہم جوئی کا سخت جواب دیں گے،نائب وزیر اعظم

پاکستان ہر قسم کی دہشتگردی کی مذمت کرتا ہے، پہلگام واقعے میں جانوں کے ضیاع پر افسوس ہے، نائب وزیراعظم

پاکستان کرکٹ بورڈ (پی سی بی) نے بنگلادیش کیخلاف ٹی20 سیریز کیلئے شیڈول جاری کردیا۔بورڈ کی جانب سے جاری کردہ اعلامیے کے مطابق پاکستان اور بنگلادیش کی ٹیمیں 5 ٹی 20 انٹرنیشنل میچز کیلئے ایک دوسرے کے مدمقابل آئیں گی۔پاکستان کرکٹ بورڈ نے تصدیق کی ہے کہ بنگلہ دیش کی مینز کرکٹ ٹیم مئی میں پانچ میچوں کی ٹی ٹوئنٹی سیریز کیلئے پاکستان کا دورہ کرے گی۔ یہ سیریز  فیوچر ٹور پروگرام (  ایف ٹی پی ) کا حصہ ہے جو دراصل تین ون ڈے اور تین ٹی ٹوئنٹی انٹر نیشنل میچوں پر مشتمل تھی تاہم آئندہ سال آئی سی سی مینز ٹی ٹوئنٹی ورلڈ کپ کے پیش نظر دونوں کرکٹ بورڈز نے باہمی طور پر ون ڈے میچوں کی جگہ دو اضافی ٹی ٹوئنٹی انٹرنیشنل کھیلنے پر اتفاق کیا ہے۔پانچ میچوں کی ٹی ٹوئنٹی سیریز 25 مئی سے 3 جون تک فیصل آباد اور لاہور میں کھیلی جائے گی۔ فیصل آباد کا اقبال اسٹیڈیم جس نے گزشتہ سال ستمبر میں افتتاحی چیمپئنز ون ڈے کپ اور گزشتہ ماہ نیشنل ٹی ٹوئنٹی کپ کی کامیابی کے ساتھ میزبانی کی، سیریز کے پہلے اور دوسرے ٹی ٹوئنٹی کی میزبانی  بالترتیب 25 اور 27 مئی کو کرے گا۔ اقبال اسٹیڈیم فیصل آباد جو اس سے قبل 1978 سے 2008 کے درمیان 24 ٹیسٹ اور 16 ون ڈے میچوں کی میزبانی کر چکا ہے، 17 سال کے وقفے کے بعد بین الاقوامی کرکٹ کی واپسی کو خوش آمدید کہے گا۔ اس اسٹیڈیم میں آخری بین الاقوامی میچ اپریل 2008 میں بنگلہ دیش اور پاکستان کے درمیان ون ڈے انٹرنیشنل میچ تھا۔لاہور کا قذافی اسٹیڈیم 30 مئی، یکم جون اور 3 جون کو بقیہ تین ٹی ٹوئنٹی میچوں کی میزبانی کرے گا۔ بنگلہ دیشی ٹیم 21 مئی کو پاکستان  پہنچے گی اور 22 سے 24 مئی تک اقبال اسٹیڈیم میں تربیتی سیشن کرے گی۔پاکستان بنگلہ دیش سیریز کا شیڈول بھی جاری کر دیا گیا( سیریز کے پانچوں میچز رات 8 بجے شروع ہوں گے) ۔ شیڈول کے مطابق 21 مئی کوبنگلہ دیش کی ٹیم پاکستان پہنچے گی ۔25 مئی کو پہلا ٹی ٹوئنٹی انٹرنیشنل میچ اقبال اسٹیڈیم فیصل آباد میں کھیلا جائیگا ۔27 مئی کودوسرا ٹی ٹوئنٹی انٹرنیشنل میچ اقبال اسٹیڈیم فیصل آباد میں کھیلا جائیگا ۔30 مئی کوتیسرا ٹی ٹوئنٹی انٹرنیشنل میچ قذافی اسٹیڈیم لاہور میں کھیلا جائیگا ۔ یکم جون کوچوتھا ٹی ٹوئنٹی انٹرنیشنل میچ قذافی اسٹیڈیم لاہور میں کھیلا جائیگا 3 جون کو پانچواں ٹی ٹوئنٹی انٹرنیشنل میچ قذافی اسٹیڈیم لاہور میں کھیلا جائیگا ۔

پاکستان کرکٹ بورڈ  نے بنگلادیش کیخلاف ٹی20 سیریز کیلئے شیڈول جاری کردیا

فیصل آباد 17 سال بعد ایک بار پھر انٹرنیشنل کرکٹ کی میزبانی کرے گا، تمام میچز رات 8 بجے شروع ہوں گے

بھارتی فوج نے 29 اور 30 اپریل کی درمیانی شب لائن آف کنٹرول پر سیز فائر کی سنگین خلاف ورزی کرتے ہوئے کیانی اور منڈل سیکٹرز میں بلااشتعال فائرنگ کر دی جس کا پاک فوج نے بھرپور اور مؤثر جواب دیا جس سے دشمن خاموش ہو گیا۔سکیورٹی ذرائع کے مطابق پاک فوج کی جوابی کارروائی سے دشمن کے متعدد مورچے تباہ ہوئے جبکہ مقبوضہ کشمیر میں واقع بھارتی فوج کی چکپترا پوسٹ کو بھی مکمل طور پر تباہ کر دیا گیا، مؤثر کارروائی کے بعد بھارتی فوج کی جانب سے فائرنگ بند کر دی گئی۔سکیورٹی ذرائع کا کہنا ہے کہ بھارت کی یہ اشتعال انگیزی اس کے جنگی جنون کی عکاسی کرتی ہے، اس سے قبل بھارت نے مقبوضہ کشمیر کے سرحدی علاقوں سے شہریوں کو خالی کروایا ہے اور وہاں مسلمانوں کے خلاف کریک ڈاؤن کا آغاز بھی کیا جا چکا ہے۔ سکیورٹی ذرائع نے واضح کیا ہے کہ پاک فوج ملک کی سالمیت کے تحفظ کے لیے مکمل طور پر الرٹ اور تیار ہے اور دشمن کی کسی بھی جارحیت کا منہ توڑ جواب دیا جائے گا۔

بھارت کی ایل او سی پربلااشتعال فائرنگ، پاک فوج کا منہ توڑ جواب، متعدد مورچے تباہ

انیتس اور 30 اپریل کی درمیانی شب بلااشتعال فائرنگ کی گئی، بھرپور جوابی کارروائی نے دشمن کے دانت کھٹے کردیے

پاکستان میں رواں ہفتے گرمی کا عالمی ریکارڈ بن سکتا ہے۔امریکی اخبارواشنگٹن پوسٹ نے خبردار کیا ہے کہ رواں ہفتے جنوبی ایشیا میں گرمی 50 ڈگری کے عالمی ریکارڈ کو چھو سکتی ہے۔رپورٹ میں کہا گیا ہے کہ پاکستان کے وسطی اور جنوبی علاقوں میں درجہ حرارت 50 ڈگری تک جا سکتا ہے۔یاد رہےاس سے پہلے پاکستان کے شہر نواب شاہ میں 2018 کے اپریل میں پارہ 50  ڈگری تک گیا تھا جو ایشیا بھر میں گرمی کا ریکارڈ تھا۔دوسری جانب محکمہ موسمیات کا کہنا ہے کہ یکم مئی کو مغربی ہواؤں کا سلسلہ ملک کے بالائی علاقوں پر اثرانداز ہوسکتا ہے اور مغربی ہواؤں کا یہ سسٹم 5 مئی تک ملک پر اثر انداز رہے گا جس کے سبب مئی کے پہلے ہفتے میں بارش کا امکان ہے۔

پاکستان میں اس ہفتے گرمی کا عالمی ریکارڈ بن سکتا ہے،امریکی اخبار نے خبردار کر دیا

رواں ہفتے جنوبی ایشیا میں گرمی 50 ڈگری کے عالمی ریکارڈ کو چھو سکتی ہے،واشنگٹن پوسٹ کی رپورٹ

پاکستان ائیر فورس (پی اے ایف) کی بروقت کارروائی کے نتیجے میں مقبوضہ جموں کشمیر میں پٹرولنگ کرتے بھارتی رافیل طیارے خوف سے فرار ہو گئے۔’پی ٹی وی نیوز‘ کے مطابق دشمن کے رافیل طیاروں نے 29 اور 30 اپریل کی شب مقبوضہ جموں وکشمیر میں پیٹرولنگ کی، پاکستان ایئرفورس کے طیاروں نے بھارتی ایئرفورس کےجنگی طیاروں کی فوراً نشاندہی کرلی۔پاک فضائیہ کی بروقت کارروائی کے نتیجے میں بھارتی رافیل طیارے بوکھلاہٹ کا شکار ہوکر فرار ہوگئے۔رپورٹ کے مطابق 29 اور 30 اپریل کی شب بھارتی ائیر فورس  کے  4 رافیل طیاروں نے بھارتی جغرافیائی حدود میں  رہتے ہوئے  مقبوضہ جموں کشمیر  میں پیٹرولنگ کی۔اس موقع پر پاکستان ائیر فورس  کے طیاروں نے ہندوستانی ائیر فورس کے ان جنگی جہازوں کی فوراً نشان دہی کر لی۔ جس کے بعد پاکستانی ائیر فورس کی بروقت اور مستعد کارروائی پرانڈین رافیل طیارے بوکھلاہٹ کا شکار ہو کر راہ فرار اختیار کر گئے۔ سکیورٹی ذرائع کا کہنا ہے کہ پاکستانی افواج ہندوستان کی طرف سے کسی بھی جارحیت کا منہ توڑ جواب دینے کے لیے ہمہ وقت تیار اور مستعد ہیں۔خیال رہے کہ یہ واقعہ ایسے وقت پر پیش آیا ہے جب پہلگام واقوے کے بعد خطے میں پہلے ہی کشیدگی بڑھ رہی ہے اور کسی بھی غلط اقدام سے صورتحال کسی بڑے تصادم کی شکل اختیار کر سکتی ہے۔دوسری جانب دفاعی مبصرین کا کہنا ہے کہ بھارت کی جانب سے ایسی حرکات غیر ذمہ دارانہ ہیں اور خطے کے امن کے لیے خطرہ بن سکتی ہیں۔پاکستان نے دنیا کو ایک بار پھر یہ پیغام دیا ہے کہ وہ نہ صرف اپنے دفاع کے لیے مکمل تیار ہے بلکہ کسی بھی قسم کی مہم جوئی کا منہ توڑ اور فوری جواب دینے کی بھرپور صلاحیت رکھتا ہے۔

پاک فضائیہ کی بروقت کارروائی،مقبوضہ کشمیر میں پٹرولنگ کرتے بھارتی رافیل طیارے خوف سے فرار

پاک فوج ہر قسم کی بھارتی جارحیت کا منہ توڑ جواب دینے کیلئے مکمل تیار اور چوکس ہے ، سکیورٹی ذرائع

پاکستان اور بھارت کے درمیان پہلگام واقعے کے بعد بڑھتی ہوئی کشیدگی پر امریکا متحرک ہو گیا ہے، اور دونوں ممالک کو پُرامن رہنے کا مشورہ دیا ہے۔ امریکا نے بھارت اور پاکستان پر زور دیا ہے کہ وہ پہلگام واقعے کے بعد پیدا ہونے والی کشیدگی کو مزید نہ بڑھائیں اور معاملے کو تحمل سے حل کریں۔امریکی محکمہ خارجہ کی ترجمان ٹیمی بروس نے اپنی پریس بریفنگ میں بتایا کہ واشنگٹن اسلام آباد اور نئی دہلی، دونوں سے رابطے میں ہے اور فریقین کو کشیدہ صورتحال سے گریز کی ہدایت کی جا رہی ہے۔ترجمان کے مطابق امریکی وزیر خارجہ مارکو روبیو آئندہ 24 گھنٹوں میں پاکستان اور بھارت کے وزرائے خارجہ سے رابطہ کریں گے تاکہ معاملے کو سفارتی ذرائع سے سلجھایا جا سکے۔ انہوں نے مزید کہا کہ دیگر عالمی رہنما اور وزرائے خارجہ کو بھی اس مسئلے پر دونوں ممالک سے بات چیت کرنے کی ترغیب دی جا رہی ہے۔ٹیمی بروس نے کہا کہ امریکا اس معاملے پر مسلسل نظر رکھے ہوئے ہے اور روزانہ کی بنیاد پر اقدامات کیے جا رہے ہیں۔ انہوں نے کہا کہ دونوں ممالک میں امریکی ہم منصبوں کے ساتھ مختلف سطحوں پر براہ راست رابطے جاری ہیں، اور ان کوششوں کا مثبت اثر سامنے آنے کی امید ہے۔ترجمان کا کہنا تھا کہ صدر ٹرمپ کی قیادت میں امریکا اس خطے میں امن و استحکام کے لیے متحرک کردار ادا کر رہا ہے۔ ان کا کہنا تھا کہ موجودہ وقت میں سب سے اہم پہلو وزیر خارجہ مارکو روبیو کی سفارتی کوششوں کا نتیجہ ہے، جس کا اثر جلد نظر آنا چاہیے۔

بھارت اور پاکستان کشیدگی نہ بڑھائیں،تحمل سے مسئلے کا حل نکالیں،امریکا

وزیر خارجہ مارکوروبیو پاکستان، بھارت اور دیگرعالمی رہنماؤں سے  بات  چیت کرینگے، ترجمان امریکی محکمہ خارجہ

پاکستان شوبز کی اداکارہ علیزےشاہ نے سوشل میڈیا سے کنارہ کشی کرنے کا اعلان کر دیا۔تنازعات کے باعث سرخیوں میں رہنے والی اداکارہ اور ماڈل علیزے شاہ نے سوشل میڈیا سے دوری اختیار کرلی، علیزے شاہ جنہوں نے اپنے کیریئر کا آغاز فلم’’ سپر اسٹار‘‘ سے کیا اور ڈرامہ عہد وفا کے ذریعے مقبولیت حاصل کی، حالیہ برسوں سوشل میڈیا ٹرولنگ کا نشانہ بنتی رہی ہیں جس کی وجوہات میں ان کا لباس، اسٹائل اور میوزک ویڈیوز شامل ہیں۔حال ہی میں علیزے شاہ نے سوشل میڈیا پر اپنے ایک پیغام میں بتایا کہ وہ خود پر ہونے والی تنقید سے ذہنی طور پر متاثر ہو رہی ہیں، ان کا کہنا تھا کہ بظاہر وہ مضبوط دکھائی دیتی ہیں، لیکن اندرونی طور پر کئی مسائل سے دوچار ہیں۔انہوں نے واضح کیا کہ انہوں نے کبھی کسی غیر اخلاقی راستے سے شہرت حاصل کرنے کی کوشش نہیں کی، اس کے باوجود انہیں سخت تنقید کا سامنا کرنا پڑتا ہے۔اداکارہ نے اب اپنی انسٹاگرام اسٹوری پر سوشل میڈیا چھوڑنے کا اعلان کیا ہے اور سوشل میڈیا پلیٹ فارمز پر موجود اپنی تمام پوسٹس بھی ڈیلیٹ کر دی ہیں۔یہی نہیں بلکہ ٹرولنگ سے تنگ اداکارہ نے سوشل میڈیا کو جہنم سے تشبیہ دی۔

اداکارہ علیزے شاہ ٹرولنگ سے تنگ آگئیں، سوشل میڈیا کو خیرباد کہہ دیا

علیزے شاہ نے اپنے کیریئر کا آغاز فلم’’ سپر سٹار‘‘ سے کیا اور ڈرامہ عہد وفا کے ذریعے مقبولیت حاصل کی

وفاقی وزیر اطلاعات عطا اللہ تارڑ نے کہا کہ پاک بھارت کشیدگی بارے اگلے 24 سے 36 گھنٹے اہم ہیں۔رات گئے ہنگامی گفتگو کرتے ہوئےعطاء اللہ تارڑ نے انکشاف کیا ہے کہ مصدقہ انٹیلی جنس اطلاعات کے مطابق بھارت آئندہ 24 سے 36 گھنٹوں میں پاکستان کے خلاف فوجی کارروائی کرنے کا ارادہ رکھتا ہے۔ انہوں نے خبردار کیا کہ اگر بھارت نے ایسا کوئی قدم اٹھایا تو اس کے نتائج کی تمام تر ذمہ داری نئی دہلی پر عائد ہوگی۔عطاء اللہ تارڑ کا اپنے بیان میں کہناتھا کہ پاکستان ، بھارت کا خطے  میں مدعی، منصف اور جلاد کا خود ساختہ کردار سختی سے مسترد کرتا ہے۔ پاکستان خود دو دہائیوں سے دہشتگردی کا شکار رہا ہے۔پاکستان دُنیا میں کسی بھی شکل میں دہشتگردی کی سخت مذمت کرتا ہے۔ پہلگام حملے کے بعد پاکستان نے ذمہ دار ریاست ہونے کے ناطے سچائی کا پتہ لگانے اور اس کے محرکات جاننے کیلئے کھلے دل سے آزادانہ اور غیر جانبدارانہ تحقیقات کی پیشکش کی۔ وفاقی وزیر کا مزید کہنا تھا کہ بدقسمتی سے بھارت نے غیر معقولیت اور تصادم کے راستے پر چلنے کا انتخاب کیا جو کہ خطے  اور دنیا میں تباہ کن نتائج کا باعث ہو گا ۔غیر جانبدارانہ تحقیقات سے فرار بذات خود بھارت کے اصل مقاصد کو بے نقاب کرنے کیلئےبڑا ثبوت ہے۔ سیاسی مقاصد کے حصول کیلئے جان بوجھ کر عوامی جذبات کو بھڑکا کر اس طرح فیصلے کرنا بدقسمت اور افسوسناک ہے۔عطاءاللہ تارڑ نے اپنے بیان میں کہا کہ پاکستان اس بات کا  واضح اعادہ کرتا ہے کہ بھارت کی طرف سے کسی بھی قسم کی فوجی مہم جوئی کا یقینی اور فیصلہ کن جواب دیا جائے گا۔بین الاقوامی برادری کو یہ سمجھنے کی ضرورت ہے کہ جنگ سے ہونے والے تباہ کن نتائج کی ذمہ داری  صرف اور صرف بھارت پر عائد ہو گی۔پاکستانی قوم اپنی خودمختاری اور علاقائی سالمیت کا ہر قیمت پر دفاع کرے گی۔

بھارت اگلے 24 سے 36 گھنٹے میں پاکستان پر حملہ کرسکتا ہے ،عطاء اللہ تارڑ

بھارتی فوجی جارحیت کے مستند انٹیلی جنس شواہد موصول ہوئے ہیں، وفاقی وزیر اطلاعات کی رات گئے ہنگامی گفتگو

ٹورنٹو (این این آئی)کینیڈا کے وفاقی انتخابات میں لبرل پارٹی کی کامیابی کے ساتھ ساتھ 2 پاکستانی خواتین نے چوتھی دفعہ فتح حاصل کر کے سیاسی تاریخ میں نیا ریکارڈ قائم کر دیا ہے۔ میڈیارپورٹس کے مطابق کینیڈا میں ہونے والے وفاقی انتخابات میں 6 پاکستانی نژاد کینیڈین کامیابی حاصل کرکے سرخرو ہوگئے۔ رپورٹ کے مطابق اسکار بورو ڈان ویلی ایسٹ سے سلمٰی زاہد، مسی ساگا ایرن ملز سے اقرا خالد اور برامپٹن چِنگوزی پارک سے شفقت علی کامیابی حاصل کرنے میں کامیاب ہوئے۔اٹاوہ سینٹر سے یاسر نقوی، پیئرفونڈز ڈالرڈ سے سمیر زبیری اور ہملٹن سینٹر سے اسلم رانا لبرل پارٹی آف کینیڈا کے پلیٹ فارم سے الیکشن جیتے ہیں۔سلمٰی زاہد، اقرا خالد، شفقت علی، یاسر نقوی اور سمیر زبیری پہلے بھی ارکانِ پارلیمنٹ رہ چکے ہیں جبکہ اسلم رانا پہلی بار رکنِ پارلیمنٹ بنے ہیں۔ الیکشن میں 50 سے زائد پاکستانی نژاد امیدواران نے حصہ لیا تھا۔کینیڈا کے وفاقی انتخابات میں لبرل پارٹی کی کامیابی کے ساتھ ساتھ 2 پاکستانی خواتین نے چوتھی دفعہ فتح حاصل کر کے سیاسی تاریخ میں نیا ریکارڈ قائم کر دیا ہے۔پاکستانی نژاد اقراء خالد چوتھی بار کینیڈین پارلیمنٹ کی رکن منتخب ہوئیں، انہوں نے حریف امیدوار پر 5 ہزار سے زائد ووٹوں کی برتری حاصل کی جب کہ ووٹوں کی گنتی سے لیڈ بڑھنے کا بھی امکان ہے۔رکن پارلیمان منتخب ہونے پر جذباتی منظر بھی سامنے آیا اور وہ فرطِ جذبات میں والد سے لپٹ گئیں۔دوسری جانب ایک اور پاکستانی نژاد خاتون سلمیٰ زاہد نے 21 ہزار ووٹ لے کر کامیابی حاصل کی۔واضح رہے کہ  لبرل پارٹی نے کینیڈا کے تقریبا ساڑھے تین سو کے ایوان میں 168 نشستیں جیت کر سادہ اکثریت حاصل کرلی۔  کینیڈا میں لبرل پارٹی نے الیکشن میں مسلسل چوتھی بار میدان مار لیا ہے، کنزرویٹو پارٹی کو شکست کا سامنا کرنا پڑا ہے۔

کینیڈا کے انتخابات میں2خواتین سمیت6پاکستانی نژاد شہری بھی کامیاب

پاکستانی نژاد خاتون سلمی زاہد نےانتخابات میں کامیابی حاصل کی جبکہ اقرا خالد چوتھی بار کینیڈین پارلیمنٹ کی رکن منتخب ہوئیں

راولپنڈی (این این آئی) بانی پی ٹی آئی عمران خان نے کہا ہے کہ بھارت کے خلاف ہم متحد ہیں،وہ ہمیشہ فالس فلیگ آپریشن کرکے پاکستان پرالزام لگا دیتا ہے۔سابق وزیراعظم عمران خان سے اڈیالہ جیل میں ملاقات کے بعد ان کے وکیل فیصل چوہدری نے میڈیا سے گفتگو کرتے ہوئے کہاکہ بانی پی ٹی آئی عمران خان نے واضح کہا ہے کہ بھارت کے خلاف ہم متحد ہیں، حکومت فارم 47والی ہے، بھارت اور مودی کے خلاف یکجا ہونے کا پیغام دیا ہے۔ فیصل چوہدری نے بتایا کہ عمران خان نے کہا کہ حکومت نے فیصلے کرتے ہوئے کسی کو اعتماد میں نہیں لیا، مودی کے اقدامات نے پاکستانی قوم کو متحد کردیا۔ انہوں نے کہا کہ عمران خان نے بھارت کے خلاف 2019کا موقف اپنایا، انہوں نے کہا کہ بھارت ہمیشہ فالس فلیگ آپریشن کرکے پاکستان پرالزام لگا دیتا ہے۔ انہوں نے بتایا کہ عمران خان نے پوری قوم کو پاکستان کے ساتھ کھڑے رہنے کا کہا ہے، ان سے قومی سلامتی کمیٹی کے فیصلوں پر کوئی بات نہیں ہوئی، انہوں نے کہا ہے میں ملاقات کیلئے آتا رہوں، بانی کی بہنیں الزام لگا رہی ہیں، جو ملاقات کررہے ہیں وہ مشکوک ہیں، یہ ان کا غصہ ہوسکتا ہے۔ انہوں نے کہا کہ عثمان گل اور ظہر عباس بانی پی ٹی آئی کے وکیل ہیں، کسی کے ساتھ بیک ڈور مذاکرات نہیں ہورہے ہیں۔

بھارت کیخلاف ہم متحد ہیں، بانی پی ٹی آئی عمران خان کا جیل سے اہم پیغام

بھارت ہمیشہ فالس فلیگ آپریشن کرکے پاکستان پرالزام لگا دیتا ہے، سابق وزیراعظم

اسلام آ باد(این این آئی)سیکریٹری جنرل اقوام متحدہ انتونیو گوتریس  نے جنوبی ایشیا میں امن کیلئے پاکستان کی کوششوں کو سراہتے ہوئے کہاہے کہ دنیا اس اہم وقت میں خطے میں کسی قسم کی کشیدگی کی متحمل نہیں ہو سکتی جبکہ وزیراعظم شہبازشریف نے پاکستان کے خلاف بھارتی الزامات کو بے بنیادقراردیتے ہوئے کہاہے کہ سندھ طاس کا پانی 24 کروڑ لوگوں کی لائف لائن ہے،بھارت کی طرف سے کسی بھی مہم جوئی کی صورت میں پاکستان اپنی خودمختاری اور علاقائی سالمیت کا پوری طاقت سے دفاع کرے گا۔جاری بیان کے مطابق منگل کووزیراعظم شہبازشریف نے  اقوام متحدہ کے سیکریٹری جنرل انتونیو گوتیرس کے ساتھ ٹیلی فونک رابطہ کیا جس میں جنوبی ایشیا کی صورت حال پر توجہ مرکوز کی گئی۔ وزیراعظم نے کہا کہ پاکستان نے دہشت گردی کے خلاف عالمی جنگ میں بڑی قربانیاں دی ہیں اور وہ دہشت گردی کی تمام شکلوں اور مظاہر میں مذمت کرتا ہے۔پاکستان کے خلاف بھارتی  الزامات کو بے بنیاد قرار دیتے ہوئے وزیر اعظم نے پاکستان کو پہلگام واقعہ سے جوڑنے کی کسی بھی کوشش کو دوٹوک الفاظ میں مسترد کیا اور واقعے کی شفاف اور غیر جانب دارانہ تحقیقات کے اپنے مطالبے کا اعادہ کیا۔وزیر اعظم نے کشمیریوں کی جدوجہد آزادی کو غیر قانونی قرار دینے کی بھارتی کوششوں کے ساتھ ساتھ بھارت کے غیر قانونی طور پر مقبوضہ جموں و کشمیر میں اس کی وسیع پیمانے پر ریاستی سرپرستی میں دہشت گردی پر شدید تشویش کا اظہار کیا۔وزیراعظم نے بھارت کے غیر قانونی اور غیر ذمہ دارانہ اقدامات کو ناقابل قبول قرار دیتے ہوئے کہا کہ سندھ طاس کا پانی 24 کروڑ لوگوں کی لائف لائن ہے۔وزیراعظم نے کہا کہ بھارت کی طرف سے کسی بھی مہم جوئی کی صورت میں پاکستان اپنی خودمختاری اور علاقائی سالمیت کا پوری طاقت سے دفاع کرے گا۔وزیر اعظم نے اقوام متحدہ کے سیکریٹری جنرل سے مطالبہ کیا کہ وہ بھارت کو ذمہ داری اور تحمل سے کام لینے کا مشورہ دیں۔ وزیراعظم نے کہا کہ مقبوضہ جموں و کشمیر کا حل طلب مسئلہ جنوبی ایشیا میں عدم استحکام کی بنیادی وجہ ہے ، اقوام متحدہ سلامتی کونسل کی متعلقہ قراردادوں کے مطابق اس کے منصفانہ حل کے لیے اپنا کردار ادا کرے۔وزیراعظم نے بین الاقوامی برادری کے ذمہ دار رکن اور اقوام متحدہ کی سلامتی کونسل کے غیر مستقل رکن کی حیثیت سے بین الاقوامی امن اور سلامتی کو فروغ دینے کے لیے پاکستان کے غیر متزلزل عزم کا اعادہ کیا۔اس موقع پر سیکریٹری جنرل اقوام متحدہ نے جنوبی ایشیا میں امن کے لیے پاکستان کی کوششوں کو سراہتے ہوئے کہا کہ دنیا اس اہم وقت میں خطے میں کسی قسم کی کشیدگی کی متحمل نہیں ہو سکتی۔

شہبازشریف اور سیکریٹری جنرل اقوام متحدہ کے درمیان رابطہ، بھارتی الزامات بے بنیاد قرار

دنیا اس اہم وقت میں خطے میں کسی قسم کی کشیدگی کی متحمل نہیں ہو سکتی، سیکریٹری جنرل اقوام متحدہ انتونیو گوتریس

پاکستان سپر لیگ (پی ایس ایل) 10 کے 18ویں میچ میں کوئٹہ گلیڈی ایٹرز نے ملتان سلطانزکوباآسانی 10 وکٹوں سے شکست دے دی۔کوئٹہ گلیڈی ایٹرز نے ملتان سلطان کی جانب سے ملنے والا 90 رنز کا ہدف بغیرکسی نقصان کے ساتویں اوور میںباآسانی حاصل کرلیا۔کپتان سعود شکیل 42رنز بنا کر ناٹ آؤٹ رہے، فن ایلن نے 45 رنز کی اننگز کھیلی۔ملتان سلطانز کا کوئی بھی بولر وکٹ حاصل نہیں کرسکا۔قبل ازیں کوئٹہ گلیڈی ایٹرز نے ٹاس جیت کر ملتان سلطانز کو بیٹنگ کی دعوت دی، پہلے بیٹنگ کرتے ہوئے ملتان سلطان کی پوری ٹیم محض 89رنز بناکر پویلین لوٹ گئی۔ملتان سلطانز کی جانب سے اننگز کا آغاز مایوس کن رہا، محمد رضوان 44 رنز کیساتھ ناٹ آؤٹ رہے، عثمان میر 11 رنز بناکر آؤٹ ہوئے جبکہ دیگر کوئی کھلاڑی ڈبل فگر میں داخل نہ ہوسکا۔یاسر خان5، کامران غلام3 ، کرٹس کیمفر 4، افتخار احمد 6، ڈیوڈ ولی 7، محمد حسنین 2، عبید شاہ 1 جبکہ عثمان خان اور مائیکل بریسویل بغیر کھاتے کھولے چلتے بنے۔خیال رہے یہ پی ایس ایل کی تاریخ میں ملتان سلطانز کا کم ترین ٹوٹل ہے۔ اس سے قبل ملتان سلطانز 2023 میں کراچی کنگز کے خلاف 101 رنز پر آؤٹ ہوئی تھی۔کوئٹہ گلیڈی ایٹرز کی جانب سے خرم شہزاد نے 4، فہیم اشرف اور محمد وسیم نے 2، 2 وکٹیں حاصل کیں۔

پی ایس ایل 10،کوئٹہ گلیڈی ایٹرز نے ملتان سلطانز کو10وکٹوں سے ہرا دیا

کوئٹہ گلیڈی ایٹرز نے ملتان سلطان کا دیاگیا90رنز کاہدف بغیرکسی نقصان کے7ویں اوورمیں حاصل کرلیا

Find how and where to watch Barcelona vs Inter live match streaming tonight!

Barcelona vs Inter Milan Live: How to Watch Live, Viewing Options, Schedule, Lineups, Squad & Head-to-Head

<p>The UEFA Champions League 2025 is heating up as Barcelona vs Inter Milan&rsquo;s live match takes center stage in the first leg of the semi-finals. The two European giants clashing at the Barcelona Olympic Stadium, football fans are in for a night of high-intensity match. Here&#39;s everything you need to know about the Barcelona vs Inter Milan live match.</p>

<h3>Barcelona vs Inter Milan Schedule &amp; Venue</h3>

<ul>
	<li>Date: Wednesday, April 30, 2025</li>
	<li>Kick-off Time: 00:00 PST (May 1)</li>
	<li>Venue: Barcelona Olympic Stadium (Estadi Ol&iacute;mpic Llu&iacute;s Companys), Barcelona, Spain</li>
</ul>

<p>As both clubs aim for European glory, this clash promises high-octane football.</p>

<h2>How to Watch Barcelona vs Inter Milan Live in Pakistan</h2>

<p>For fans in Pakistan eager to watch Barcelona vs Inter Milan live, tapmad is the official streaming partner for the <a href="https://www.tapmad.com/sports/uefa-champions-league/95/1">UEFA Champions League 2025</a> in Pakistan.</p>

<p>Viewing Options:</p>

<ul>
	<li>Mobile App &ndash; Stream the match on Android and iOS</li>
	<li>Web Browser &ndash; Visit <a href="https://www.tapmad.com">www.tapmad.com</a></li>
	<li>Smart TV &ndash; Compatible with Android TV, Samsung Smart TVs, and more</li>
</ul>

<p>tapmad offers ad-free, HD live streaming, real-time scoreboards, and multi-device support &mdash; giving football fans in Pakistan a seamless experience.</p>

<h3>Key Players to Watch - Inter vs Barcelona Semi-Final</h3>

<p>Barcelona</p>

<ul>
	<li><strong>Robert Lewandowski &ndash; Forwarder &ndash;</strong> The veteran striker with 11 goals in this season.</li>
	<li><strong>Pedri &ndash; Midfielders &ndash;</strong> 22-year-old, with creative spark in midfield with unmatched vision.</li>
	<li><strong>Ronald Ara&uacute;jo &ndash;</strong> Defender &ndash; One of the best defenders, especially in aerial duels.</li>
</ul>

<p>Inter Milan</p>

<ul>
	<li><strong>Lautaro Mart&iacute;nez &ndash; Forwarder </strong>&ndash; Inter&rsquo;s talisman and top scorer.</li>
	<li><strong>Hakan &Ccedil;alhanoğlu &ndash; Midfielder &ndash;</strong> Master of set pieces and midfield control</li>
	<li><strong>Yann Sommer &ndash; Goalkeepers &ndash;</strong> Experienced Swiss goalkeeper conceded 5 Goals in 11 games.</li>
</ul>

<h2>Barcelona vs Inter Milan H2H Records</h2>

<ul>
	<li>Total Matches Played: 12</li>
	<li>Barcelona Wins: 6</li>
	<li>Inter Milan Wins: 2</li>
	<li>Draws: 4</li>
</ul>

<p>In recent seasons, Inter managed to frustrate Barcelona with compact defending and clinical counters &mdash; but the Catalans remain unbeaten at home in their last 5 UCL encounters with Inter.</p>

Barcelona vs Inter Milan Live: How to Watch in Pakistan, Schedule, Lineups & Head-to-Head

Barcelona vs Inter Milan Schedule & Venue

How to Watch Barcelona vs Inter Milan Live in Pakistan

Key Players to Watch - Inter vs Barcelona Semi-Final

Barcelona vs Inter Milan H2H Records

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan