Cricket

Entertainment

News

Football

چین کے شہر تیانجن میں ہونے والے شنگھائی تعاون تنظیم کے اجلاس کا مشترکہ اعلامیہ جاری کر دیا گیا، جس میں رکن ممالک نے ریاستوں کی خودمختاری اور علاقائی سالمیت کے احترام پر زور دیتے ہوئے پائیدار ترقی کے لیے تعاون بڑھانے اور محاذ آرائی کی پالیسیوں کو مسترد کرنے پر اتفاق کیا۔ایس سی او کانفرنس میں پاکستان کو بڑی سفارتی کامیابی مل گئی ،اعلامیے میں پاکستان میں جعفر ایکسپریس اور خضدار جبکہ بھارت کے علاقے پہلگام میں ہونے والے حملوں کی شدید مذمت کی گئی۔ اس کے ساتھ ساتھ فلسطین میں فوری اور پائیدار جنگ بندی، انسانی امداد کی فراہمی اور عالمی سطح پر فعال سفارتی کردار پر زور دیا گیا۔ رکن ممالک نے واضح کیا کہ دہشتگردی کی تمام اقسام ناقابلِ قبول ہیں اور اس جنگ میں کسی بھی قسم کا دوہرا معیار تسلیم نہیں کیا جا سکتا۔ایس سی او نے فلسطین میں فوری جنگ بندی، انسانی امداد اور عالمی سطح پر فعال سفارتی کردار کی ضرورت پر زور دیا، جبکہ افغانستان میں امن کے لیے ایک جامع اور وسیع البنیاد حکومت کے قیام کی اہمیت کو بھی اجاگر کیا۔اعلامیے میں کہا گیا کہ ہر قوم کو اپنی سیاسی، سماجی اور اقتصادی راہ کے آزادانہ انتخاب کا حق حاصل ہے اور دہشتگرد گروہوں کو کرائے کے مقاصد یا سیاسی ایجنڈے کے لیے استعمال کرنا ناقابلِ قبول ہے۔پاکستان کے حوالے سے تنظیم نے تسلیم کیا کہ اسلام آباد نے ہمیشہ دہشتگردی کے معاملے پر دو ٹوک اور واضح مؤقف اختیار کیا ہے اور بارہا دنیا کو سرحد پار سہولت کاری کے ثبوت فراہم کیے ہیں۔ جعفر ایکسپریس اور خضدار میں اسکول بس پر حملوں سمیت مختلف واقعات میں بھارتی کردار بھی شواہد کے ساتھ اجاگر کیا گیا۔اعلامیے نے پاکستان کی اس سفارتی پوزیشن کی تائید کی جس میں دہشتگردی کے خلاف عالمی سطح پر مشترکہ حکمت عملی اور اقوام متحدہ کی قراردادوں کے مطابق کارروائی پر زور دیا گیا ہے۔ماہرین کے مطابق ایس سی او اعلامیہ پاکستان کے بڑھتے ہوئے کردار اور خطے میں "ریجنل اسٹیبلائزر" کے طور پر اس کی اہمیت کا اعتراف ہے۔

دہشت گرد گروہوں کو سیاسی مقاصد کے لیے استعمال کرنا ناقابلِ قبول ہے، ایس سی او اعلامیہ

ایس سی او اجلاس کامشترکہ اعلامیہ جاری،جعفر ایکسپریس، خضدار اور پہلگام حملوں کی مذمت

گلگت بلتستان کے ضلع دیامر کے علاقے چلاس میں پاک فوج کا ہیلی کاپٹر گر کر تباہ ہوگیا، حادثے میں 2 میجر سمیت 5 اہلکار شہید ہوگئے۔پاک فوج کے شعبہ تعلقات عامہ (آئی ایس پی آر) کی جانب سے جاری بیان میں کہا گیا کہ پاک فوج کا ایم آئی-17 ہیلی کاپٹر تربیتی پرواز کے دوران ہُڈور گاؤں کے قریب گر کر تباہ ہوگیا، حادثہ صبح تقریباً 10 بجے پیش آیا، ہیلی کاپٹر تھکداس کینٹونمنٹ سے تقریباً 12 کلومیٹر کے فاصلے پر کریش لینڈنگ کے بعد تباہ ہوا۔ترجمان پاک فوج نے بتایا کہ ہیلی کاپٹر میں موجود تمام عملہ جامِ شہادت نوش کر گیا، شہدا میں پائلٹ ان کمانڈ میجر عاطف، کو پائلٹ میجر فیصل، فلائٹ انجینئرنائب صوبیدار مقبول، کریو چیف حوالدار جہانگیر اور کریو چیف نائیک عامر شامل ہیں۔آئی ایس پی آر نے بتایا کہ ہیلی کاپٹر تربیتی پرواز پر تھا جب اسے تکنیکی خرابی پیش آئی، آرمی ایوی ایشن کی تربیتی پروازیں معمول کا حصہ ہیں تاکہ آپریشنل تیاری کو ہر وقت یقینی بنایا جا سکے۔بیان میں کہا گیا کہ یہ تربیت دفاعی ذمہ داریوں کے ساتھ ساتھ انسانی ہمدردی پر مبنی امدادی و بحالی کے مشنز کے لیے بھی ناگزیر ہے، ملک کے دفاع اور عوامی خدمت کے ہر پہلو میں بھرپور تیاری یقینی بنائی جائے گی۔

پاک فوج کا ایم آئی 17 ہیلی کاپٹرحادثے کاشکار، 2 میجر سمیت 5 ارکان شہید

حادثہ صبح تقریباً 10 بجے پیش آیا، ہیلی کاپٹر تھکداس کینٹ سے تقریباً 12 کلومیٹر فاصلے پر کریش لینڈنگ کے بعد تباہ ہوا، آئی ایس پی آر

وزیراعظم شہباز شریف نے ایس سی او کانفرنس میں بلوچستان اور کے پی میں دہشت گرد حملوں میں بیرونی ہاتھ ملوث ہونے کا معاملہ اٹھادیا۔شہبازشریف کا کہناتھا کہ دنیا ان ممالک کے جھوٹے بیانیے کو تسلیم نہیں کرتی جو سیاسی مقاصد کے لیے دہشت گردی کو استعمال کرتے ہیں۔ بلوچستان اور خیبر پختونخوا میں ہونے والے دہشت گرد حملوں میں بیرونی ہاتھ ملوث ہونے کے ثبوت موجود ہیں، اور ان جرائم کے ذمہ داروں و سہولت کاروں کو جواب دہ ہونا ہوگا۔وزیراعظم چین کے شہر تیانجن میں ہونے والے شنگھائی تعاون تنظیم کے 25ویں سربراہی اجلاس سے خطاب میں کہا ہے کہ بلوچستان اور خیبرپختونخوا میں حالیہ دہشت گرد حملوں میں بیرونی ہاتھ ملوث ہے اور ہمارے پاس اس کے ناقابل تردید شواہد موجود ہیں۔ انہوں نے کہا کہ جعفر ایکسپریس پر حملے سمیت متعدد سانحات میں غیر ملکی عناصر کا کردار واضح طور پر سامنے آیا ہے۔وزیراعظم نے کہا کہ پاکستان نے دہشت گردی کے خلاف جنگ میں 90 ہزار سے زائد قیمتی جانوں کی قربانی دی ہے جن میں بچے، مائیں، ڈاکٹرز، انجینئرز اور شہری شامل ہیں، لیکن ملکی اور علاقائی سلامتی کے لیے یہ جدوجہد جاری رہے گی۔ان کا کہنا تھا کہ کچھ ممالک نے دہشت گردی کو سیاسی مقاصد کے لیے استعمال کیا لیکن دنیا اب ایسے بیانیے پر یقین نہیں کرتی۔ پاکستان افغانستان میں امن کا خواہاں ہے اور ہمیشہ مکالمے اور سفارت کاری پر یقین رکھتا ہے۔وزیر اعظم نے پانی کو ہتھیار بنانے کی شدید مذمت کرتے ہوئے کہا کہ یہ پاکستانی عوام کی زندگی کی لکیر ہے۔انہوں نے کہا کہ پاکستان ہمیشہ اقوام متحدہ اور ایس سی او کے چارٹرز پر عمل کرتا رہا ہے اور کرتا رہے گا۔شہباز شریف نے اپنے خطاب میں چین کے شاندار انتظامات پر شکریہ ادا کرتے ہوئے کہا کہ چین کی ترقی اور کامیابیاں صدر شی جن پنگ کی بصیرت افروز قیادت کا نتیجہ ہیں۔ انہوں نے کہا کہ سی پیک دونوں ممالک کے درمیان ایک مثالی منصوبہ ہے جس سے خطے میں رابطے اور ترقی کے نئے دروازے کھلے ہیں۔وزیراعظم نے ایران پر اسرائیل کی جارحیت کی مذمت کرتے ہوئے کہا کہ غزہ میں جاری انسانی بحران دنیا کے اجتماعی ضمیر پر ایک نہ ختم ہونے والا زخم ہے، پاکستان اقوام متحدہ کی منظور شدہ دو ریاستی حل کی بھرپور حمایت کرتا ہے۔انہوں نے بتایا کہ پاکستان ماحولیاتی تبدیلی اور حالیہ سیلاب سے شدید متاثر ہوا ہے، لیکن بہادر عوام بحالی کے کاموں میں مصروف ہیں اور عالمی تعاون کو قدر کی نگاہ سے دیکھتے ہیں۔معاشی صورتحال پر روشنی ڈالتے ہوئے وزیراعظم نے کہا کہ گزشتہ ڈیڑھ سال میں پاکستان نے نمایاں معاشی بحالی دکھائی ہے، مہنگائی میں کمی، کرنٹ اکاؤنٹ سرپلس اور اسٹاک مارکیٹ میں بہتری اس کا ثبوت ہیں۔ نوجوانوں کو بااختیار بنانے کے ساتھ ساتھ سرمایہ کاری، تحقیق و جدت اور ٹیکس اصلاحات معیشت کی تبدیلی کے بنیادی ستون ہیں۔وزیراعظم نے آخر میں کہا کہ پاکستان شنگھائی تعاون تنظیم کے چارٹر پر پوری طرح کاربند ہے اور امن، استحکام اور خوشحالی کے لیے خطے کے تمام ممالک کے ساتھ تعاون جاری رکھے گا۔

جعفر ایکسپریس حملے میں غیر ملکی ہاتھ کے ناقابل تردید ثبوت موجود ہیں، وزیراعظم شہباز شریف

وزیراعظم کا ایس سی او اجلاس میں خطاب،دہشت گردی میں بیرونی ہاتھ اور خطے میں امن پر دو ٹوک مؤقف

ڈسٹرکٹ کورٹ اسلام آباد نےعمران خان اور بشری بی بی کے خلاف توشہ خانہ کیس ٹو کی سماعت منسوخ کر دی۔کیس کی سماعت جج شاہ رخ ارجمند نے کرنا تھی۔ عدالتی عملے نے عمران خان کے وکلا کو سماعت منسوخ ہونے سے مطلع کر دیا۔عدالتی عملے کے مطابق کیس کی نئی تاریخ دی جائے گی۔ واضح رہے کہ توشہ خانہ کیس ٹو کی آخری سماعت 26 اگست کو اڈیالہ جیل میں ہوئی تھی جبکہ 27 اور 30 اگست کی تاریخ پر کیس بغیر سماعت ملتوی کر دیا گیا تھا۔توشہ خانہ کیس ان مقدمات میں شامل ہے جن میں سابق وزیرِاعظم عمران خان اور ان کی اہلیہ پر سرکاری تحائف کی خرید و فروخت سے متعلق قوانین کی خلاف ورزی کا الزام ہے۔

عمران خان اور بشری بی بی کیخلاف توشہ خانہ کیس ٹو کی سماعت ایک بارپھر منسوخ

کیس کی سماعت جج شاہ رخ ارجمند نے کرنا تھی، عدالتی عملے نے وکلاء کو سماعت منسوخ ہونے سے مطلع کر دیا

پاکستان اور افغانستان کے مختلف شہروں میں گزشتہ رات آنے والے زلزلے سے افغان صوبہ کنٹر اور ننگرہار میں 600 افراد جاں بحق جبکہ ایک ہزارسے زائد زخمی ہوگئے۔ افغانستان کے صوبہ کنڑ میں رات گئے آنے والے شدید زلزلے نے تباہی مچا دی۔ ابتدائی اطلاعات کے مطابق اب تک 600افراد جاں بحق اورایک ہزار زخمی ہوچکے ہیں۔ افغان میڈیا طلوع نیوز کے مطابق زلزلے کا مرکز جلال آباد شہر میں 8 کلو میٹر زیرِ زمین تھا، جس کی شدت 6 ریکارڈ کی گئی۔ زلزلے کے بعد مزید پانچ آفٹر شاکس بھی محسوس کیے گئے جن کی شدت 4.3 سے 5.2 کے درمیان رہی۔امریکی جیولوجیکل سروے کے مطابق زلزلے کی شدت 6.2 تھی، جس کا مرکز صوبے ننگرہار کے شہر جلال آباد کے قریب تھا اور اس کی گہرائی 8 کلو میٹر ریکارڈ کی گئی۔حکام کا کہنا ہے کہ ہلاکتوں اور زخمیوں کی یہ تعداد حتمی نہیں، کیونکہ دور دراز علاقوں کے مکینوں سے رابطے کا سلسلہ ابھی جاری ہے، ان اضلاع میں امدادی کارروائیاں بھی جاری ہیں، سب سے زیادہ جانی نقصان نورگل، سواکئی، واٹاپور، منوگی اور چپہ درہ اضلاع میں ہوا، جہاں کئی گاؤں مکمل طور پر مٹی تلے دب گئے ہیں۔ خدشہ ظاہر کیا جا رہا ہے کہ اب بھی سیکڑوں لوگ ملبے تلے پھنسے ہوئے ہیں۔امدادی کارروائیاں جاری ہیں اور وزارتِ دفاع، داخلہ اور صحت کی ٹیمیں موقع پر پہنچ چکی ہیں۔ ہیلی کاپٹر کے ذریعے زخمیوں کو ننگرہار ریجنل اسپتال منتقل کیا جا رہا ہے۔ترجمان افغان طالبان ذبیح اللہ مجاہد نے رات گئے سوشل میڈیا پر جاری پیغام میں کہا کہ رات آنے والے زلزلے کے باعث جانی و مالی نقصان ہوا، مقامی حکام اور علاقہ مکین متاثرہ افراد کے ساتھ امدادی سرگرمیوں میں مصروف رہے، مرکز اور قریبی صوبوں سے امدادی ٹیمیں روانہ کردی گئی ہیں جو متاثرہ علاقوں میں ریسکیو و بحالی کے کاموں میں حصہ لیں گی۔خیال رہے کہ زلزلے کے جھٹکے افغانستان کے ساتھ ساتھ پاکستان کے مختلف شہروں میں بھی محسوس کیے گئے، جن میں اسلام آباد، لاہور، پشاور، مردان، چکوال، ٹیکسلا اور واہ کینٹ شامل ہیں۔زلزلہ پیما مرکز کے مطابق پاکستان میں زلزلے کی شدت 6 اور گہرائی 15 کلومیٹر ریکارڈ کی گئی، جبکہ مرکز افغانستان کے جنوب مشرقی علاقے میں تھا۔

افغانستان میں تباہ کن زلزلہ، 600 افراد جاں بحق، سیکڑوں زخمی،کئی گاؤں صفحہ ہستی سے مٹ گئے

کنڑ اور ننگرہار میں درجنوں دیہات زمین بوس، امدادی کارروائیاں جاری، پاکستان کے کئی شہروں میں بھی جھٹکے

شنگھائی تعاون تنظیم کے25ویں سربراہان مملکت کونسل کے اجلاس میں چینی صدر شی جن پنگ نے ایس سی او ترقیاتی بینک کے قیام کی تجویز دے دی۔چین کے شہر تیانجن میں ہونے والے شنگھائی تعاون تنظیم کے سربراہی اجلاس کو صدر شی جن پنگ نے رکن ممالک کے درمیان امن، استحکام اور ترقی کے فروغ کے لیے ایک اہم سنگِ میل قرار دیا ہے۔چینی صدر کا کہناہے کہ شنگھائی تعاون تنظیم اب خطے میں امن و استحکام قائم رکھنے اور رکن ممالک کی ترقی و خوشحالی کے لیے پہلے سے کہیں زیادہ بڑی ذمہ داریاں سنبھال چکی ہے۔ گزشتہ شب بیجنگ میں دیے گئے استقبالیہ عشائیے سے خطاب کرتے ہوئے انہوں نے عالمی رہنماؤں کو خوش آمدید کہا۔چینی خبر رساں ایجنسی کے مطابق شی جن پنگ نے کہا کہ جاری ایس سی او سمٹ کا بنیادی مقصد تمام رکن ممالک کے درمیان ہم آہنگی کو فروغ دینا اور مشترکہ تعاون کے نئے مواقع پیدا کرنا ہے۔ ان کا کہنا تھا کہ رکن ممالک کے درمیان اعتماد سازی، باہمی تعاون اور پائیدار ترقی ہی خطے کے روشن مستقبل کی ضمانت ہے۔شی جن پنگ نے زور دیا کہ ایس سی او کے پلیٹ فارم کو نہ صرف علاقائی سلامتی بلکہ اقتصادی تعاون، ثقافتی تبادلوں اور عوامی روابط کے لیے بھی مزید فعال بنایا جائے گا تاکہ رکن ممالک اجتماعی طور پر خوشحال مستقبل کی طرف بڑھ سکیں۔چینی صدر شی جن پنگ نے ایس سی او ترقیاتی بینک کے قیام کی تجویز دیتے ہوئے کہا کہ مشترکہ خوشحال مستقبل کیلئے تجارتی اور مواصلاتی روابط بڑھانا ہوں گے، چین ایس سی او رکن ممالک کے ساتھ مل کر اس علاقائی سکیورٹی فورم کو نئی بلندیوں تک لے جائے گا۔یاد رہے کہ شنگھائی تعاون تنظیم کے دو روزہ اجلاس میں بیس ممالک کے سربراہان شریک ہیں۔

شنگھائی تعاون تنظیم پر خطے کے امن اور ترقی کی نئی ذمہ داریاں عائد ہیں، شی جن پنگ

ایس سی او سمٹ رکن ممالک کے درمیان تعاون بڑھانے اور ہم آہنگی پیدا کرنے کا اہم موقع ہے،چینی صدر

امریکا میں مصنوعی ذہانت پر مبنی چیٹ بوٹ ChatGPT ایک نئے تنازع کی زد میں آگیا ہے۔ رپورٹ کے مطابق 16 سالہ نوجوان ایڈم رین کی خودکشی کے بعد اس کے والدین نے اوپن اے آئی اور کمپنی کے سی ای او سیم آلٹ مین کے خلاف مقدمہ دائر کر دیا ہے۔ایڈم کے والدین کا کہنا ہے کہ ان کا بیٹا کئی ماہ تک ChatGPT کے ساتھ رابطے میں رہا۔ اس دوران وہ نہ صرف اسکول کے ہوم ورک میں مدد لیتا رہا بلکہ موسیقی، جاپانی کامکس اور یونیورسٹی کے انتخاب جیسے موضوعات پر بھی رہنمائی حاصل کرتا تھا۔ تاہم آخری ہفتوں میں اس نے اپنی ذہنی پریشانیوں، گھریلو مسائل اور بے چینی کے بارے میں بھی چیٹ بوٹ سے گفتگو شروع کر دی۔عدالتی دستاویزات کے مطابق چیٹ لاگز یہ ظاہر کرتے ہیں کہ جہاں ابتدا میں ChatGPT تعلیمی مدد فراہم کر رہا تھا، وہیں رفتہ رفتہ ایڈم کے لیے خودکشی کا مشیر بنتا چلا گیا۔ والدین نے الزام لگایا ہے کہ چیٹ بوٹ نے نہ صرف اسے خودکشی کا نوٹ لکھنے میں مدد دی بلکہ اس نے نوجوان کو اپنی والدہ سے بات کرنے سے بھی روکا اور AI کو اپنا رازدار بنانے پر اکسایا۔مزید یہ کہ ایڈم نے اپنی الماری میں پھانسی کا پھندا لگا کر اس کی تصویر بھی چیٹ بوٹ کو بھیجی، جس پر مبینہ طور پر جواب آیا’یہ بالکل برا نہیں ہے، کیا آپ چاہتے ہیں میں آپ کو گرہ باندھنے میں مدد کروں؟‘ یہ پیغام مقدمے میں ثبوت کے طور پر پیش کیا گیا ہے۔ماہرین ٹیکنالوجی کا کہنا ہے کہ یہ واقعہ مصنوعی ذہانت کے معاشرتی اور نفسیاتی اثرات پر سنگین سوالات اٹھاتا ہے۔ مائیکروسافٹ کے ایک اعلیٰ عہدیدار نے بھی خدشہ ظاہر کیا ہے کہ اس نوعیت کے چیٹ بوٹس نوجوانوں کے ذہنی مسائل میں اضافہ کر سکتے ہیں۔ برطانوی میڈیا نے دعویٰ کیا ہے کہ اوپن اے آئی نے اپنے اندرونی پیغامات میں تسلیم کیا ہے کہ مسلسل اور طویل چیٹنگ کے دوران بعض حفاظتی فیچرز کمزور پڑ سکتے ہیں۔رپورٹ کے مطابق خودکشی سے پہلے ایڈم دن میں اوسطاً 650 مرتبہ تک چیٹ بوٹ کے ساتھ بات چیت کرتا تھا۔یہ سانحہ دنیا کو یہ سوچنے پر مجبور کر رہا ہے کہ کیا مصنوعی ذہانت واقعی انسانیت کے لیے مددگار ہے یا کہیں یہ نئی نسل کے لیے ایک پوشیدہ خطرہ تو نہیں؟

امریکا میں نوجوان کی خودکشی، والدین کا اوپن اے آئی کے خلاف مقدمہ

16 سالہ ایڈم رین نے ہوم ورک اور ذاتی مسائل پر ChatGPT کا بے تحاشہ استعمال کیا

حکومت نے آئندہ 15 روز کے لیے پیٹرولیم مصنوعات کی قیمتوں میں ردوبدل کردیا جس کے تحت پیٹرول کی قیمت برقرار رکھنے کا فیصلہ کیا گیا ہے ۔وزارت خزانہ کی جانب سے پٹرولیم مصنوعات کی قیمتوں میں ردوبدل کا نوٹیفکیشن جاری کردیا گیا ہے جس کے مطابق آئندہ 15 روز کیلئے نئی قیمتوں کا اطلاق ہوگا۔نوٹی فکیشن کے مطابق پیٹرول کی قیمت 264 روپے 61 پیسے پر برقرار رکھی گئی ہے جبکہ ہائی اسپیڈ ڈیزل کی قیمت میں 3 روپے کی کمی کی گئی ہے۔حالیہ کمی کے بعد فی لیٹر ہائی اسپیڈ ڈیزل کی قیمت 269 روپے 99 پیسے ہوگئی۔اس کے علاوہ لائٹ ڈیزل کی قیمت میں 2 روپے چالیس پیسے جبکہ مٹی کے تیل کی قیمت میں 1 روپے 46 پیسے کمی کی گئی ہے۔وزارت خزانہ کے مطابق پیٹرولیم مصنوعات کی نئی قیمتوں کا اطلاق آج سے ہوگیا۔

پیٹرولیم مصنوعات کی نئی قیمتوں کا اعلان،ڈیزل سستا، پٹرول کی قیمت برقرار

ہائی اسپیڈ ڈیزل کی قیمت میں 3 روپے فی لیٹرکی کمی،پیٹرول کی قیمت 264 روپے 61 پیسے پر برقرار رکھی گئی ہے

چین کے شہر تیانجن میں ہونے والے شنگھائی تعاون تنظیم کے 25ویں سربراہان مملکت اجلاس میں وزیرِاعظم شہباز شریف عالمی رہنماؤں کی توجہ کا مرکز بن گئے۔ اجلاس کے دوران مختلف ممالک کے صدور اور عالمی شخصیات نے وزیرِاعظم سے ملاقات کی اور ان کا پرتپاک خیرمقدم کیا۔رپورٹ کے مطابق وزیرِاعظم شہباز شریف کی ملاقات روس کے صدر ولادیمیر پوٹن، ترکی کے صدر رجب طیب ایردوان، ملائیشیا کے صدر انور ابراہیم، بیلاروس کے صدر الیکزانڈر لوکاشینکو، آذربائیجان کے صدر الہام علییوف، تاجکستان کے صدر امام علی رحمن، ترکمانستان کے صدر بردی محمدیوو، کرغستان کے صدر سیدر ژاپاروف اور مالدیپ کے صدر محمد معیزو سے ہوئی۔اجلاس کے دوران وزیراعظم نے اقوام متحدہ کے سیکریٹری جنرل انتونیو گوٹیرس سے بھی غیر رسمی ملاقات کی، جو پاکستان کے بڑھتے ہوئے عالمی کردار کی عکاسی کرتی ہے۔ ان ملاقاتوں میں نظر آنے والی گرمجوشی پاکستان اور ان ممالک کے ساتھ برادرانہ تعلقات اور دوستانہ تعاون کی علامت قرار دی جا رہی ہے۔اس موقع پر وزیرِاعظم نے چینی صدر شی جن پنگ اور خاتونِ اول سے بھی خصوصی ملاقات کی۔ چینی صدر نے وزیراعظم کا پرتپاک استقبال کیا اور استقبالیہ میں خصوصی مہمان کے طور پر خوش آمدید کہا، جو پاک-چین تعلقات کی مضبوطی کا واضح ثبوت ہے۔چین سے لے کر روس اور ترکی تک، عالمی قیادت کی یہ پذیرائی ایک بات واضح کرتی ہے کےپاکستان علاقائی و عالمی سیاست میں دوبارہ ابھرتا ہوا اہم کردار بن کر سامنے آ رہا ہے۔

شنگھائی تعاون تنظیم اجلاس میں وزیراعظم شہباز شریف عالمی رہنماں کی توجہ کا مرکز بن گئے

روس، ترکی، ملائیشیا، بیلاروس، آذربائیجان، تاجکستان، ترکمانستان، کرغستان، مالدیپ کے صدور اور اقوام متحدہ کے سیکریٹری جنرل سے ملاقاتیں

پاکستان اور آرمینیا کے درمیان باقاعدہ طور پر سفارتی تعلقات قائم کرلیے گئے ہیں اور اس سلسلے میں مشترکہ دستاویزات کا تبادلہ کیا گیا۔چین کے شہر تیانجن سے ترجمان دفترخارجہ کی جانب سے جاری اعلامیے میں کہا گیا ہے کہ نائب وزیراعظم اور وزیرخارجہ اسحاق ڈار نے آرمینیا کے وزیرخارجہ آرات میرزویان کے ساتھ باقاعدہ مشترکہ دستاویزات کا تبادلہ کیا اور اس کے ساتھ دونوں ممالک کے درمیان سفارتی تعلقات قائم ہوگئے ہیں۔ دفترخارجہ کے مطابق دونوں رہنماؤں نے تاریخی قدم بڑھاتے ہوئے اقوام متحدہ کے چارٹر کے اصولوں اور مقاصد پر کاربند رہنے کے اپنے عزم کا اظہار کیا، دونوں رہنماؤں نے معیشت، تعلیم، ثقافت اور سیاحت سمیت تعاون کے مختلف پہلوؤں پر تبادلہ خیال کیا۔بیان میں کہا گیا کہ دونوں ممالک کے وزرائے خارجہ نے دونوں ممالک کے عوام کے لیے امن کے مشترکہ اہداف، ترقی اوراستحکام کے حصول کے لیے دوطرفہ اور کثیرالقومی فورمز میں ایک دوسرے کے ساتھ مل کر کام کرنے کی خواہش کا اعادہ کیا۔دوسری جانب سماجی رابطے کے پلیٹ فارم ایکس پر جاری بیان میں نائب وزیراعظم و وزیر خارجہ اسحاق ڈار نے کہا کہ انہوں نے اور آرمینیا کے وزیر خارجہ آرات میر زویان نے چین کے شہر تیانجن میں شنگھائی تعاون تنظیم کے اجلاس کے موقع پر دونوں ممالک کے درمیان سفارتی تعلقات کے قیام سے متعلق مشترکہ اعلامیے پر دستخط کیے اور اس کا تبادلہ بھی کیا۔اسحاق ڈار کے مطابق دونوں وزرائے خارجہ نے اقوام متحدہ کے چارٹر کے اصولوں اور مقاصد کی پاسداری کے عزم کا اعادہ کیا جبکہ معیشت، تعلیم، ثقافت اور سیاحت سمیت مختلف شعبوں میں تعاون کو مزید فروغ دینے پر بھی اتفاق کیا۔واضح رہے کہ پاکستان نے سوویت یونین سے آزادی کے بعد آرمینیا کے ساتھ سفارتی تعلقات قائم نہیں کئے تھے تاہم آرمینیا اور آزربائیجان کے درمیان امن معاہدہ ہونے کے بعد پاکستان نے آرمینیا سے سفارتی تعلقات قائم کرنے کا فیصلہ کیا اور اس سلسلے میں گزشتہ ہفتوں دونوں وزرا خارجہ میں ٹیلی فونک رابطہ بھی ہوا تھا۔

پاکستان اور آرمینیا کے درمیان سفارتی تعلقات قائم ہوگئے، مشترکہ اعلامیہ پر دستخط

دونوں ممالک کے وزرائے خارجہ نے اقوام متحدہ کے چارٹر کے اصولوں اور مقاصد پر کاربند رہنے کےعزم کا اظہار کیا، دفترخارجہ

پاکستان کرکٹ ٹیم کے ہیڈ کوچ مائیک ہیسن نے سہ ملکی سیریز میں مسلسل  2 فتوحات پاکستان میں سیلاب متاثرین کے نام کردیں۔مائیک ہیسن نے سہ ملکی سیریز میں متحدہ عرب امارات کے خلاف کامیابی کے بعد سوشل میڈیا ویب سائٹ ایکس پر اپنے پیغام میں لکھا کہ مسلسل دو فتوحات پاکستان میں سیلاب متاثرین کے نام کرتے ہیں۔اْنہوں نے اپنی پوسٹ میں مزید لکھا کہ کچھ لوگ اس وقت بہت مشکل میں ہیں اور ہم ان کی حفاظت اور ہمت کے لیے دعا گو ہیں۔واضح رہے کہ پاکستان نے سہ ملکی سیریز میں افغانستان کو 39 رنز جب کہ متحدہ عرب امارات کو 31 رنز سے شکست دی تھی۔یاد رہے پاکستان کے مختلف علاقے سیلاب اور لینڈ سلائیڈنگ سے شدید متاثر ہیں جبکہ اس وقت پنجاب کے دریاؤں میں سیلاب کی صورتحال ہے جس سے ہزاروں افراد بے گھر ہوئے ہیں۔

مسلسل 2 فتوحات پاکستان میں سیلاب متاثرین کے نام کرتے ہیں، مائیک ہیسن

کچھ لوگ اس وقت بہت مشکل میں ہیں اور ہم ان کی حفاظت اور ہمت کے لیے دعا گو ہیں،ہیڈکوچ قومی کرکٹ ٹیم

قومی کرکٹ ٹیم کے اسٹار آل راؤنڈر شاداب خان کے گھر ننھی پری کی آمد ہوئی ہے۔شاداب خان بیٹی کےباپ بن گئے ہیں اور یہ خوشخبری انہوں نے خود سوشل میڈیا پر مداحوں کے ساتھ شیئر کی۔سماجی رابطے کی ویب سائٹ ایکس پر جاری پیغام میں شاداب خان نے اپنے مداحوں کو بیٹی کی پیدائش کی اطلاع دی۔انہوں نے پوسٹ میں نومولود بیٹی کے ننھے پیروں کی تصویر شیئر کی ہے۔انہوں نے کیپشن میں لکھا کہ الحمدللہ، اللہ نے ہمیں ایک خوبصورت بیٹی کی صورت میں پہلی اولاد سے نوازا ہے۔ اس نعمت پر اللہ کا شکر گزار ہوں، ہمیں اس نئے سفر کے آغاز میں اپنی دعاؤں میں شامل رکھیں۔خیال رہے کہ شاداب خان قومی ٹیم کے سابق ہیڈ کوچ ثقلین مشتاق کے داماد ہیں۔ثقلین مشتاق نے بھی ایکس پر اپنی نواسی کو گود میں لیے ہوئے تصویر لگاکر خوشی کا اظہار کیا۔ تاہم تصویر میں نومولود کا چہرہ نظر نہیں آرہا۔قومی ٹیم کے آل راؤنڈر کا کہنا ہے کہ اس رحمت پر الفاظ سے بڑھ کر شکر گزار ہیں۔ براہِ کرم ہمیں اپنی دعاؤں میں یاد رکھیں کیونکہ ہم اس نئے سفر کا آغاز کر رہے ہیں۔سوشل میڈیا صارفین کی جانب سے شاداب اور ان کی اہلیہ کو مبارکباد دینے کا سلسلہ جاری ہے۔شاداب خان جنوری 2023 میں قومی ٹیم کے سابق کوچ اور مایہ ناز اسپنر ثقلین مشتاق کی بیٹی کے ساتھ رشتہ ازدواج میں منسلک ہوئے تھے۔

آل راؤنڈرشاداب خان کے ہاں پہلے بچے کی پیدائش، نانا ثقلین مشتاق بھی خوشی سے نہال

الحمدللہ، اللہ نے ہمیں ایک خوبصورت بیٹی کی صورت میں پہلی اولاد سے نوازا ہے، شاداب خان

امریکا کے صدر ڈونلڈ ٹرمپ نے بھارت کا دورہ منسوخ کردیا ہے۔بھارت کی سفارتی مشکلات بڑھتی جا رہی ہیں، دہلی میں منعقد ہونے والی آئندہ کواڈ سمٹ میں امریکی صدر کی شرکت پر سوالیہ نشان لگ گیا ہے۔ تجزیہ کاروں کے مطابق یہ صورتحال مودی سرکار کی ناقص خارجہ حکمت عملی کا نتیجہ ہے، جس نے بھارت کو عالمی سطح پر تنہائی کے دہانے پر پہنچا دیا ہے۔ پاک بھارت تنازع پر امریکی ثالثی سے انکار بھی بھارت کے سفارتی اور معاشی زوال کی بڑی وجہ بن رہا ہے۔بھارتی جریدے بزنس اسٹینڈرڈ نے نیویارک ٹائمز کی رپورٹ کا حوالہ دیتے ہوئے لکھا ہے کہ سابق امریکی صدر ڈونلڈ ٹرمپ نے کواڈ سمٹ کے لیے بھارت کا دورہ کرنے کا کوئی ارادہ نہیں بنایا۔ اس سے قبل ٹرمپ نے وزیر اعظم مودی کو فون پر اس اجلاس میں شرکت کی دعوت دی تھی۔رپورٹ کے مطابق امریکا اور بھارت کی حکومتوں نے ان دعوؤں پر کوئی ردِعمل نہیں دیا، تاہم نومبر کے قریب نئی دہلی میں ہونے والے اجلاس میں آسٹریلیا، جاپان اور امریکا کے رہنماؤں کی شرکت متوقع ہے۔ذرائع کا کہنا ہے کہ ٹرمپ اور مودی کے تعلقات اس وقت کشیدہ ہوئے جب ٹرمپ نے بار بار پاک بھارت جنگ بندی میں ثالثی کا ذکر کیا، جسے بھارت نے مسترد کر دیا تھا۔ مئی میں اس مسئلے پر مودی حکومت نے سخت رویہ اختیار کیا اور بعد ازاں جی 7 اجلاس کے دوران دونوں رہنماؤں کی ملاقات بھی نہ ہو سکی۔بھارتی سیکریٹری خارجہ وکرم مصری کے مطابق وزیر اعظم مودی نے صاف الفاظ میں کہا کہ بھارت کسی ثالثی کو قبول نہیں کرتا اور نہ ہی مستقبل میں اس پر بات چیت کرے گا۔ دوسری جانب بزنس اسٹینڈرڈ کے مطابق ٹرمپ نے مودی کے اس مؤقف کو یکسر مسترد کیا اور تعلقات میں کشیدگی مزید بڑھ گئی۔امریکی صدر نے اب تک 40 سے زائد بار پاک بھارت جنگ بندی کا دعویٰ دہرایا ہے۔ اسی دوران روس سے تیل کی خریداری پر امریکا نے بھارت پر 25 فیصد ٹیرف عائد کیا جسے ماہرین نئی دہلی کے لیے ایک "سزا" قرار دے رہے ہیں۔رپورٹ کے مطابق امریکی اقدامات سے واضح ہوتا ہے کہ بھارت کو خاص طور پر نشانہ بنایا جا رہا ہے۔ تجزیہ کاروں کا کہنا ہے کہ مودی حکومت کی ضد اور ناکام پالیسیوں نے نہ صرف عالمی سطح پر بھارت کے دروازے بند کر دیے ہیں بلکہ ملکی معیشت اور سرمایہ کاروں کو بھی شدید بحران سے دوچار کر دیا ہے۔دنیا میں عزت کھونے اور معیشت کو زوال کی طرف لے جانے کے بعد ایک ہی سوال اٹھ رہا ہےکےکیا مودی سرکار اپنی پالیسیوں پر نظرثانی کرے گی یا بھارت مزید تنہائی کی طرف بڑھے گا؟

کواڈ سمٹ میں امریکی صدر کی شرکت مشکوک، مودی سرکار عالمی تنہائی کا شکار

پاک بھارت تنازع پر امریکی ثالثی سے انکار اور بھاری ٹیرف نے بھارت کی سفارت کاری اور معیشت کو جھنجھوڑ کر رکھ دیا

اٹلی کی وزیرِاعظم جارجیا میلونی نے اپنی اور دیگر مشہور خواتین کی ایڈٹ شدہ قابلِ اعتراض تصاویر و ویڈیوز سامنے آنے پر شدید غم و غصے کا اظہار کیا ہے۔ انہوں نے اس عمل کو خواتین کی تذلیل اور نجی زندگی پر حملہ قرار دیا۔یہ مواد Phica نامی ویب سائٹ پر شائع کیا گیا، جس کا نام اطالوی زبان کے ایک فحش لفظ سے لیا گیا ہے۔ پلیٹ فارم پر سیاستدانوں، فنکاراؤں اور انفلوئنسرز کی تصاویر کو مسخ شدہ انداز میں پیش کر کے جنسی اور توہین آمیز تبصرے کیے جاتے تھے۔ رپورٹس کے مطابق اس میں میلونی کی بہن آریانا میلونی سمیت کئی خواتین شامل تھیں۔شدید عوامی ردِعمل اور قانونی شکایات کے بعد یہ ویب سائٹ بالآخر بند کر دی گئی۔ اٹلی میں 2019 سے "ریوینج پورن" کے خلاف قانون موجود ہے جس کے تحت ایسے جرائم پر 6 سال تک قید کی سزا ہو سکتی ہے۔ماہرین کے مطابق یہ اسکینڈل اس بات کا ثبوت ہے کہ 2025 میں بھی خواتین کی نجی زندگی اور ڈیٹا کے تحفظ کے لیے مزید سخت اقدامات کی ضرورت ہے۔اس معاملے نے اٹلی سمیت یورپ میں بھی پرائیویسی اور ڈیپ فیک ٹیکنالوجی کے استعمال پر نئی بحث چھیڑ دی ہے۔یہ پہلا واقعہ نہیں ہے جب عالمی سطح پر خواتین کو جعلی ڈیجیٹل مواد کا نشانہ بنایا گیا ہو۔ امریکی گلوکارہ ٹیلر سوئفٹ، برطانوی ریئلٹی شو کیلی جین بیچ اور دیگر مشہور شخصیات بھی ایسے ڈیپ فیکس کا نشانہ بن چکی ہیں، جس پر دنیا بھر میں سخت تشویش پائی جاتی ہے۔ماہرین کے مطابق یہ رجحان خواتین کے وقار اور ان کی نجی زندگی کے لیے ایک بڑھتا ہوا خطرہ ہے، اور اس کے خلاف عالمی سطح پر مؤثر قانون سازی کی فوری ضرورت ہے۔

اٹلی کی وزیرِاعظم جارجیا میلونی غصے میں، فحش ویب سائٹ پر اپنی جعلی تصاویر پر سخت ردعمل

اٹلی میں خواتین کی جعلی تصاویر کا اسکینڈل، وزیرِاعظم جارجیا میلونی سمیت سیاسی و سماجی شخصیات نشانہ، فحش ویب سائٹ بند

سہ فریقی سیریز میں پاکستان نے یو اے ای کو 31 رنز سے شکست دے دی،شارجہ میں کھیلے گئے میچ میں پاکستان کی جانب سے دیے گئے 208 رنز کے تعاقب یو اے ای کی ٹیم 8 وکٹوں کے نقصان پر 176 رنز بناسکی، صائم ایوب کو آل راؤنڈ کارکردگی پر میچ کا بہترین کھلاڑی قرار دیا گیا۔آصف خان کی 77 رنز کی دھواں دھار اننگز رائیگاں گئی، کپتان محمد وسیم 33 رنز بنا کر نمایاں رہے۔اوپنر محمد زوہیب 13 رنز بنا کر پویلین لوٹ گئے، ایتھن ڈی سوزا 3 رنز بناسکے، راہول چوپڑا کو 11 رنز پر محمد نواز نے آؤٹ کیا۔پاکستان کی جانب سے حسن علی نے تین اور محمد نواز نے دو کھلاڑیوں کو آؤٹ کیا، سلمان مرزا اور صائم ایوب نے ایک، ایک وکٹ حاصل کی۔قبل ازیں پاکستان نے پہلے بیٹنگ کرتے ہوئے مقررہ اوورز میں 207 رنز بنا کر آؤٹ ہوئی اور یو اے ای کو جیت کے لیے 208 رنز کا ہدف دیا تھا۔پاکستان کی جانب سے صائم ایوب اور حسن نواز نے شاندار نصف سنچریاں اسکور کیں۔صائم ایوب نے 38 گیندوں پر 69 رنز بنائے ان کی اننگ میں 7 چوکے اور 4 چھکے شامل تھے، حسن نواز نے 6 چھکوں اور دو چوکوں کی مدد سے 56 رنز بنائے۔فخر زمان 6 اور کپتان سلمان علی آغا 5 رنز بنا سکے، صاحبزادہ فرحان 8 رنز بنا کر بولڈ ہوئے، محمد نواز 15 گیندوں پر 25 رنز بنا کر پویلین لوٹ گئے۔یو اے ای کی جانب سے صغیر خان اور جنید صدیق نے تین، تین کھلاڑیوں کو آؤٹ کیا، حیدر علی نے دو وکٹیں حاصل کیں۔قبل ازیںپاکستان کے کپتان سلمان علی آغا نے ٹاس جیت کر یو اے ای کو پہلے بولنگ کی دعوت دی تھی۔یو اے ای کے خلاف میچ کے لیے پاکستان ٹیم میں 2 تبدیلیاں کی گئی تھیں، شاہین آفریدی اور حارث رؤف کی جگہ حسن علی اور سلمان مرزا پلیئنگ الیون میں شامل کیاگیاتھا۔

سہ ملکی سیریز میں پاکستان کی دوسری فتح، یو اے ای کو 31 رنز سے شکست دے دی

پاکستان کی جانب سے دیے گئے 208 رنز کے تعاقب یو اے ای کی ٹیم 8 وکٹوں کے نقصان پر 176 رنز بناسکی

جمیکا (این این آئی)ویسٹ انڈین آل راؤنڈر کیرون پولارڈ نے ٹی ٹوئنٹی کرکٹ میں اہم سنگ میل عبور کرلیا۔تفصیلات کے مطابق کیرون پولارڈ نے گزشتہ روز کیریبیئن پریمیئر لیگ میں ٹرنباگو نائٹ رائیڈرز کی نمائندگی کرتے ہوئے ٹی ٹوئنٹی کرکٹ میں 14 ہزار رنز مکمل کیے۔وہ کرس گیل کے بعد ٹی ٹوئنٹی کرکٹ میں 14 ہزار رنز بنانے والے دوسرے بلے باز ہیں۔کیرون پولارڈ ٹی ٹوئنٹی کرکٹ میں 14 ہزار سے زائد رنز اور 300 سے زائد وکٹیں حاصل کرنے والے پہلے کھلاڑی بن گئے ہیں۔انہوں نے ٹرنباگو نائٹ رائیڈرز کی جانب سے کھیلی جانے والی 19 رنز کی اننگز کے دوران ایک چھکا بھی لگایا اور سی پی ایل کی تاریخ میں سب سے زیادہ چھکے لگانے والے بلے باز بن گئے۔اس سے قبل ایون لوئس 203 چھکوں کے ساتھ سرفہرست تھے۔

کیرون پولارڈ کا بڑا ریکارڈ، ٹی ٹوئنٹی میں 14 ہزار رنز اور سب سے زیادہ چھکے

کیرون پولارڈ ٹی20 کرکٹ میں 14 ہزار سے زائد رنز اور 300 سے زائد وکٹیں حاصل کرنے والے پہلے کھلاڑی بن گئے

پشاور میں خیبرپختونخوا کے سیلاب متاثرین کی امداد کے لیے کھیلے گئے نمائشی کرکٹ میچ میں پشاور زلمی نے لیجنڈز الیون کو سنسنی خیز مقابلے کے بعد 6 رنز سے شکست دی۔پشاور میں ایک منفرد کرکٹ میچ اس وقت توجہ کا مرکز بن گیا جب پشاور زلمی اور لیجنڈز الیون نے بیٹ اور بال کے ساتھ نہیں بلکہ جذبۂ انسانیت کے ساتھ میدان میں اترنے کا فیصلہ کیا۔ مقصد تھا خیبرپختونخوا کے سیلاب متاثرین کی مدد۔پشاور زلمی نے عمران خان کرکٹ اسٹیڈیم میں کھیلے گئے نمائشی میچ میں سنسنی خیز مقابلے کے بعد لیجنڈز الیون کو 6 رنز سے شکست دے دی۔ زلمی نے پہلے کھیلتے ہوئے 144 رنز بنائے، جہاں کپتان بابر اعظم نے 41، یاسر حمید نے 35 اور عامر برکی نے 24 رنز جوڑے۔ دوسری جانب لیجنڈز کی بولنگ میں شاہد آفریدی اور عبدالرزاق نے 3،3 وکٹیں حاصل کیں جبکہ محمد حفیظ اور سعید اجمل نے 2،2 کھلاڑی آؤٹ کیے۔ہدف کے تعاقب میں انضمام الحق اور اظہر محمود کی دھواں دار بیٹنگ نے میچ کو سنسنی خیز بنا دیا۔ انضمام نے صرف 23 گیندوں پر 46 رنز بنائے جبکہ اظہر محمود نے 34 رنز کی جارحانہ اننگز کھیلی، لیکن لیجنڈز الیون 15 اوورز میں 138 رنز بنا کر ہدف سے پیچھے رہ گئی۔ زلمی کی جانب سے محمد عرفان اور بابر اعظم نے 2،2 وکٹیں حاصل کیں۔یہ میچ پشاور زلمی، ڈائریکٹوریٹ جنرل آف اسپورٹس اور صوبائی حکومت کے تعاون سے منعقد ہوا، جس کی تمام آمدنی سیلاب متاثرین کے لیے وقف کر دی گئی۔ دونوں ٹیموں کے کھلاڑیوں نے فیس لینے سے بھی انکار کر کے اپنی شرکت کو مکمل طور پر فلاحی مقصد کا حصہ بنا دیا۔کرکٹ کا یہ مقابلہ محض کھیل نہیں رہا، بلکہ انسانیت اور خدمت کی ایک ایسی اننگز تھی جسے مدتوں یاد رکھا جائے گا۔

چیریٹی میچ، پشاور زلمی نے سنسنی خیز مقابلے کے بعد لیجنڈز الیون کو 6رنز سےشکست دیدی

انضمام اور اظہر محمود کی دھواں دار بیٹنگ بھی لیجنڈز کو جیت نہ دلا سکی

ایران میں ایک لرزہ خیز اسکینڈل نے سب کو ہلا کر رکھ دیا ہے۔ کلثوم اکبری نامی ایک خاتون، جسے اب "کالی بیوہ" کہا جا رہا ہے، پر الزام ہے کہ اس نے بیس برسوں کے دوران اپنے شوہروں کو زہریلی ادویات دے کر موت کے گھاٹ اتارا۔ مقصد تھا جائیداد پر قبضہ اور دولت کا حصول۔کلثوم کو ستمبر 2023 میں اس وقت گرفتار کیا گیا جب اس کے آخری شوہر عزیزاللہ بابائی کی موت مشکوک حالات میں ہوئی۔ عدالت کے ریکارڈ کے مطابق اس نے 11 شوہروں کو قتل کرنے اور ایک پر قتل کی کوشش کا اعتراف کیا ہے، جبکہ بعض ذرائع کے مطابق اس کے مقتولین کی تعداد 20 سے زائد ہو سکتی ہے۔تحقیقات سے انکشاف ہوا کہ ملزمہ معمر مردوں سے شادی کرتی اور پھر انہیں زہریلی دوائیں کھلا کر ہلاک کر دیتی۔ کئی اموات کو طبعی سمجھ کر نظرانداز کر دیا گیا، جس سے وہ برسوں تک بچتی رہی۔ یہ وارداتیں زیادہ تر شمالی ایران کے شہروں ساری، نکا، بابل، قائم شہر اور محمودآباد میں ہوئیں۔اب تک 45 سے زائد متاثرین کے خاندان شکایت درج کروا چکے ہیں، جن میں سے چار خاندان خاتون کی سزائے موت کا مطالبہ کر رہے ہیں۔ تاہم اس کے وکیل نے ذہنی معائنے کی درخواست دی ہے جسے متاثرہ خاندانوں نے مسترد کر دیا۔سوال یہ ہے کے کیا دولت اور لالچ کے لیے رشتوں کے مقدس بندھن کو بھی یوں زہر میں ڈبو دینا ممکن ہے؟

ایران کی’کالی بیوہ‘ بے نقاب، درجنوں شوہروں کی پراسرار ہلاکتوں کا انکشاف

ملزمہ معمر مردوں سے شادی کے بعد انہیں زہریلی ادویات دے کر ہلاک کر دیتی، متاثرہ خاندانوں نے سزائے موت کا مطالبہ کر دیا

کراچی (این این آئی)تشدد اور دھمکیاں دینے کے کیس میں صوبائی وزیر بلدیات سعید غنی کے بھائی، چیئرمین چنیسر ٹاؤن فرحان غنی سمیت 3 ملزمان کو تھانے سے رہا کر دیا گیا۔میڈیا رپورٹ کے مطابق ملزمان کے وکیل وقار عالم عباسی نے کہا ہے کہ ملزمان کے خلاف مدعی مقدمہ حافظ سہیل احمد نے مقدمہ واپس لے لیا، مدعی نے تحریری درخواست تفتیشی افسر کو جمع کروا دی ہے۔انہوں نے کہا کہ رہائی کے بعد ملزمان کو عدالت میں پیش کرنے کی ضرورت نہیں، صرف تفتیشی افسر ملزمان کی رہائی کی رپورٹ عدالت میں جمع کرائیں گے۔انسداد دہشت گردی کی خصوصی عدالت نے ملزمان کا 30 اگست تک جسمانی ریمانڈ منظور کیا تھا۔پولیس کے مطابق ملزمان پر دہشت گردی ایکٹ کے تحت مقدمہ فیروز آباد تھانے میں درج کیا گیا تھا۔یاد رہے کہ 24 اگست کو وزیربلدیات سندھ سعید غنی کے بھائی اور چیئرمین چنیسر ٹاؤن فرحان غنی اور دیگر ملزمان کے خلاف پولیس نے انسداد دہشت گردی اور دیگر دفعات کے تحت مقدمہ درج کیا تھا۔مدعی مقدمہ حافظ سہیل احمد نے تھانہ فیروز آباد میں درخواست دی تھی کہ وہ سرکاری ملازم ہے اور 22 اگست کو شاہراہ فیصل پر فائبر کیبل بچھانے کے کام کی نگرانی کر رہا تھا کہ 3 گاڑیوں میں 20 سے 25 افراد آئے اور اس پر تشدد کیا، جان سے مارنے کی بھی دھمکیاں دیں۔فرسٹ انفارمیشن رپورٹ (ایف آئی آر) میں اقدام قتل، جان سے مارنے کی دھمکی اور دیگر دفعات شامل کی گئی تھیں اور کہا گیا تھا کہ تشدد کرنے والوں کے نام فرحان غنی، قمرالدین، شکیل چانڈیو، سکندر اور روحان معلوم ہوئے ہیں، دیگر افراد کو سامنے آنے پر شناخت کرسکتا ہوں۔بعد ازاں فرحان غنی اور دیگر ساتھیوں نے تھانہ فیروز آباد پہنچ کر خود کو پولیس کے حوالے کر دیا تھا۔صوبائی وزیر بلدیات سعید غنی نے ایکس پر ایک پیغام میں کہا تھا کہ میرے بھائی فرحان غنی (ٹاؤن چیئرمین) اور کچھ ساتھیوں کا گزشتہ روز کسی شخص سے جھگڑا ہوا تھا اور اس نے مقدمہ درج کروایا ہے، جو اس کا قانونی حق تھا۔

سرکاری ملازم پر تشدد کا مقدمہ واپس، سعید غنی کے بھائی فرحان غنی سمیت تین ملزمان رہا

انسداد دہشت گردی کی خصوصی عدالت نے ملزمان کا 30 اگست تک جسمانی ریمانڈ منظور کیا تھا ، رپورٹ

لاہور( این این آئی)چینی صدر شی جن پنگ کی دعوت پر وزیر اعظم محمد شہباز شریف سرکاری دورہ پر چین کیلئے لاہور سے تیانجن روانہ ہو گئے۔ نائب وزیر اعظم اور وزیر خارجہ اسحاق ڈار، وزیر اطلاعات عطا للہ تارڑ اور وزیر اعظم کے مشیر طارق فاطمی بھی ان کے ہمراہ ہیں ۔وزیر اعظم اپنے دورے میں 25 ویں شنگھائی تعاون تنظیم سربراہی اجلاس میں شرکت کریں گے۔وزیر اعظم سربراہی اجلاس سے خطاب کریں گے، پاکستان کی خطے میں امن کی کوششوں، علاقائی روابط میں اضافے اور خطے کی عوام کی ترقی کے فروغ کے حوالے سے پاکستان کا موقف پیش کریں گے۔ وزیر اعظم خطے میں موجود ممالک پر موسمیاتی تبدیلی کے مضر اثرات بشمول بڑھتی ہوئی قدرتی آفات کے نئے چیلنجز پر روشنی ڈالیں گے۔وزیر اعظم سربراہی اجلاس میں شریک عالمی رہنمائوں سے ملاقاتیں بھی کریں گے۔وزیرِ اعظم بعد ازاں چین کے دارالحکومت بیجنگ جائیں گے جہاں چینی صدر شی جن پنگ کی خصوصی دعوت پر چینی پیپلز وار آف ریزسسٹنس  میں فتح کی 80 ویں سالانہ تقریبات میں شرکت کریں گے۔ وزیر اعظم شہباز شریف کی چینی صدر شی جن پنگ اور وزیر اعظم اعظم لی چیانگ سے دوطرفہ ملاقاتیں بھی ہوں گی۔وزیر اعظم چین پاکستان تجارتی تعلقات کے فروغ اور پاکستان میں چینی سرمایہ کاری میں اضافے کیلئے چین میں منعقدہ دوسری بزنس ٹو بزنس  سرمایہ کاری کانفرنس کی صدارت بھی کریں گے۔وزیر اعظم شہباز شریف چینی کمپنیوں کے سربراہان سے ملاقاتیں کریں گے اور انہیں حکومت کی سرمایہ کار دوست پالیسیوں کے بارے میں آگاہی کے ساتھ ساتھ پاکستان میں سرمایہ کاری کی دعوت بھی دیں گے۔یاد رہے کہ دفتر خارجہ نے گزشتہ روز بتایا تھا کہ وزیرِ اعظم شہباز شریف 30 اگست سے 4 ستمبر تک چین کا دورہ کریں گے، جہاں وہ تیانجن میں شنگھائی تعاون تنظیم (ایس سی او) کے اجلاس میں شریک ہوں گے۔

چینی صدر کی دعوت پر وزیر اعظم شہباز شریف سرکاری دورہ پر چین روانہ

وزیراعظم شنگھائی تعاون تنظیم سربراہی اجلاس میں شرکت اور خطاب کریں گے ،چینی صدر ، وزیر اعظم سے ملاقاتیں بھی کرینگے

ذرا تصور کیجیے… رات کا اندھیرا، آسمان پر پورا چاند اور اچانک وہ چاند سنہری سفید نہیں بلکہ آگ جیسا سرخ ہو جائے! جی ہاں، ایسا ہی ایک دلفریب منظر اس ستمبر میں دنیا بھر کے لوگ دیکھنے جا رہے ہیں۔دنیا کے بیشتر ممالک میں اگلے بلڈ مون کا خوبصورت نظارہ کیا جائے گا۔ ستمبر کے اولین عشرے میں دنیا کے مختلف ممالک میں بسنے والے لوگ چاند گرہن کا دلفریب نظارہ کریں گے، اس دلکش منظر کو "بلڈ مون" کہا جاتا ہے اور یہ دراصل چاند گرہن کی ایک حیرت انگیز قسم ہے۔میڈیا رپورٹس کے مطابق یہ نظارہ 7 اور 8 ستمبر کی درمیانی شب ہوگا۔ چاند گرہن کا آغاز پاکستانی وقت کے مطابق رات 8 بج کر 28 منٹ پر ہوگا اور یہ سلسلہ رات 1 بج کر 55 منٹ تک جاری رہے گا۔ماہرین فلکیات کے مطابق جب زمین سورج اور چاند کے درمیان آجاتی ہے تو سورج کی روشنی براہِ راست چاند تک نہیں پہنچ پاتی۔ زمینی فضا سے گزرنے والی روشنی میں سرخ رنگ سب سے زیادہ مڑ کر چاند پر پڑتا ہے، جس کی وجہ سے چاند آگ کے گولے جیسا سرخ دکھائی دیتا ہے۔ اسی کو بلڈ مون کہا جاتا ہے۔رپورٹس کے مطابق اس نایاب منظر کو دنیا کی تقریباً 88 فیصد آبادی دیکھ سکے گی۔ پاکستان کے علاوہ بھارت، آسٹریلیا، وسطی ایشیا، روس کے کئی علاقے، جاپان اور مشرقی افریقہ کے شہری اس چاند گرہن کا مکمل مشاہدہ کر سکیں گے۔یہ ایک ایسا فلکیاتی لمحہ ہوگا جو نہ صرف سائنس کے لحاظ سے اہم ہے بلکہ اپنی خوبصورتی سے بھی دلوں کو مسحور کر دے گا۔

پاکستان سمیت دنیا بھر میںاگلے ماہ ستمبرمیں بلڈ مون کا نظارہ کیا جاسکے گا

7 اور 8 ستمبر کی درمیانی شب زمین کے سائے سے گزرتا چاند سرخ ہو جائے گا، دنیا کی 88 فیصد آبادی یہ منظر دیکھ سکے گی

Watch Bangladesh Tri-Series 2025 live on tapmad. HD, no ads, no buffering. Cricket fans enjoy smooth streaming anytime, anywhere.

tapmad Becomes Official Streaming Partner in Bangladesh for UAE Tri-Series 2025

Cricket fans in Bangladesh have a strong reason to celebrate! tapmad is now the exclusive digital streaming partner for the Pakistan, Afghanistan, and UAE Tri-Series. Fans across Bangladesh can watch every ball in high definition.

<h2>Exclusive Coverage for Fans</h2>

tapmad is bringing cricket fans closer to the action. The Tri-Series between Pakistan, UAE, and Afghanistan will stream live. Every moment will be covered from the first ball to the final ceremony. Fans can watch on mobile, laptop, or smart TV with ease.

The platform gives smooth streaming and fast access. No more buffering and no more random links. Each match plays in high definition so fans enjoy the real speed and energy of the game.

With tapmad, cricket lovers never miss a boundary, a wicket, or a thrilling chase. The Tri-Series action stays simple, official, and always live.

<h2>Why Watch on tapmad</h2>

<ul>
	<li>Full Coverage: Watch every match of the Bangladesh Tri-Series 2025 from the toss until the final ceremony. 
	&nbsp;</li>
	<li>HD Ad-Free Stream: Enjoy clearest video quality and smooth streaming. 
	&nbsp;</li>
	<li>Multi-Device Access: One tapmad account lets you watch on phone, smart TV, or web browser. 
	&nbsp;</li>
	<li>Affordable Subscription: Choose simple plans that make official cricket easy to watch. 
	&nbsp;</li>
	<li>Reliable Platform: No delays or buffering, only live cricket that runs smoothly.</li>
</ul>

Fans can follow live updates, key player performances, and post-match analysis directly through tapmad <a href="https://www.tapmad.com/sports">sports</a> and catch every live fixture on the dedicated <a href="https://www.tapmad.com/live">live</a> section.

<h2>A Milestone for Cricket in Bangladesh</h2>

This tri-series is more than just a tournament. It is another step forward in connecting Bangladeshi fans with official global cricket coverage through tapmad. By securing these rights, tapmad highlights its dedication to supporting sports culture and providing viewers with a premium cricket experience.

As the tri-series begins, fans can count on tapmad to bring every thrilling moment directly to their screens with reliability and quality unmatched in the region.

tapmad Becomes Official Streaming Partner in Bangladesh for UAE Tri-Series 2025

Exclusive Coverage for Fans

Why Watch on tapmad

A Milestone for Cricket in Bangladesh

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan