Cricket

Entertainment

News

Football

جسٹس بابر ستار نے چیف جسٹس سرفراز ڈوگر کے نام خط لکھ کر نیا پنڈورا باکس کھول دیا۔اسلام آباد ہائیکورٹ میں فل کورٹ میٹنگ سے پہلے بڑی پیش رفت سامنے آئی ہے۔ اسلام آباد ہائیکورٹ کی فل کورٹ میٹنگ سے پہلے ہائیکورٹ کے جج جسٹس بابر ستار اور جسٹس سردار اعجاز نے چیف جسٹس ہائیکورٹ سرفراز ڈوگر کو خطوط لکھے ہیں۔ جسٹس بابر ستار کے 4 صفحات پر مشتمل خط کی کاپی سامنے آگئی، جسٹس بابر ستار نے چیف جسٹس سرفراز ڈوگر کو ایک خط لکھ کر ہائی کورٹ کی داخلی صورتحال پر کئی سوالات اٹھا دیے ہیں۔ چار صفحات پر مشتمل اس خط کی کاپی نہ صرف چیف جسٹس کو بھیجی گئی بلکہ تمام ججز اور رجسٹرار کے ساتھ بھی شیئر کی گئی ہے۔خط میں جسٹس بابر ستار نے براہِ راست سوال کیا کہ کیا اسلام آباد ہائیکورٹ کے ججز واقعی اپنی آئینی ذمہ داریاں ادا کر رہے ہیں؟ کیا شہری آج بھی عدالت کو اپنے بنیادی حقوق کا محافظ سمجھتے ہیں؟ اور کیا ضلعی عدلیہ کو آزاد ادارہ بنانے کی کوئی سنجیدہ کوشش ہوئی؟جسٹس بابر ستار نے روسٹر کی تیاری اور کیسز کی فکسنگ میں شفافیت پر سوال اٹھاتے ہوئے کہا کہ سینئر ججز کو نظر انداز کرکے ٹرانسفر اور ایڈیشنل ججز کو مقدمات بھجوائے جا رہے ہیں۔ ان کے مطابق، چیف جسٹس اور ججز کو یاد رکھنا چاہیے کہ وہ بادشاہ نہیں بلکہ عوامی عہدے دار ہیں۔خط میں مزید کہا گیا کہ بعض کیسز میں کاز لسٹ ہی جاری نہیں کی جاتی، جس سے عدلیہ کی آزادی براہِ راست متاثر ہو رہی ہے۔ یہاں تک کہ چند مواقع پر سنگل بینچز سے بھی محروم کیا گیا۔ بابر ستار نے تنقید کی کہ ججز کے بیرونِ ملک سفر کے لیے این او سی کو لازمی قرار دینا ایسے ہے جیسے انہیں غیر اعلانیہ طور پر ای سی ایل پر ڈال دیا گیا ہو۔ان کا کہنا تھا کہ ادارے بنانے میں دہائیاں لگتی ہیں مگر انہیں کمزور کرنے میں لمحے لگتے ہیں۔ یہی وجہ ہے کہ عدلیہ کو اپنی ساکھ بچانے کے لیے فوری اور شفاف اقدامات کرنے کی ضرورت ہے۔اسلام آباد ہائیکورٹ میں اٹھنے والی یہ اندرونی بحث ایک بات صاف ظاہر کر رہی ہے کہ سب سے بڑی جنگ اب عدلیہ کے اندر ہی شفافیت اور اعتماد کی ہے۔

ادارے بنانے میں دہائیاں لگتی ہیں تباہ کرنے میں کچھ وقت نہیں لگتا، جسٹس بابر ستار کاخط

کیا اسلام آباد ہائیکورٹ کے ججز اپنی آئینی ذمہ داری پوری کر رہے ہیں؟ جسٹس بابر ستار کر چیف جسٹس سردار سرفراز ڈوگر کو خط

عوامی مسلم لیگ کے سربراہ اور سابق وفاقی وزیر شیخ رشید احمد نے کہا ہے کہ ملک میں انصاف کو عام کرنا ہوگا، کیونکہ یہی پاکستان کے امن و ترقی کی ضمانت ہے۔راولپنڈی کی انسدادِ دہشت گردی عدالت کے باہر میڈیا سے گفتگو کرتے ہوئے شیخ رشید نے کہا کہ جج صاحب کی طبیعت ناساز تھی مگر ہماری حاضری لگ گئی۔ ان کا کہنا تھا کہ میرا بھتیجا کبھی فیصل آباد گیا ہی نہیں، لیکن اسے وہاں 4 مختلف مقدمات میں دس، دس سال قید کی سزا سنا دی گئی ہے، جبکہ جرح کرنے کی بھی اجازت نہیں دی گئی۔انہوں نے الزام عائد کیا کہ ان کیسز کا کوئی گواہ موجود نہیں، ہمیں مقدمہ لڑنے کی اجازت نہیں دی جا رہی اور وکلا و گواہان سب سرکاری طور پر مقرر ہیں۔ شیخ رشید نے کہا کہ انصاف رسوا ہو کر رہ گیا ہے، غریب ورکرز کو سزائیں دی جا رہی ہیں جن کے گھروں میں نہ کھانے کو کچھ ہے اور نہ بچوں کی فیس دینے کے پیسے۔سابق وفاقی وزیر کا کہنا تھا کہ انصاف کی فراہمی ہی ملک کو آگے لے جا سکتی ہے۔ “ہم چاہتے ہیں پاکستان میں امن و سکون ہو، لیکن ایسا انصاف نہ ہو کہ لوگ آسمان کی طرف دیکھنے لگیں۔”اس موقع پر انہوں نے پانی کے مسئلے پر بھی کھل کر اظہار خیال کیا۔ شیخ رشید نے کہا کہ کالا باغ ڈیم اور دیگر ڈیم بنانے کی ہمیشہ کوشش کی گئی، میں 16 سے 17 بار وزیر رہا اور ہر بار اس مسئلے پر زور دیا۔ لیکن سندھ کے لوگ کالا باغ ڈیم کو قبول نہیں کرتے۔ انہوں نے کہا کہ بھارت کی آبی جارحیت نے پاکستانی کسان کو تباہ کر کے رکھ دیا ہے، اس لیے وقت آ گیا ہے کہ کسانوں کی حقیقی معنوں میں مدد کی جائے۔

— انصاف کو عام کیا جائے، ورنہ عوام آسمان کی طرف دیکھنے پر مجبور ہو جائیں گے،شیخ رشید

انصاف رسوا ہوگیا، دھجیاں ادھڑ گئیں، جن غریب ورکرز کو سزائیں دی گئی ہیں ان کے گھروں میں کھانے کیلئے کچھ بھی نہیں، میڈیا سے گفتگو

چین کے صدر شی جن پنگ نے دنیا کو امن کا پیغام دے دیا ہے، بیجنگ میں فوجی پریڈ سے خطاب میں انھوں نے کہا کہ انسانیت کو جنگ یا امن میں سے کسی ایک کا انتخاب کرنا ہوگا۔بیجنگ کے تاریخی تیان آن من اسکوائر میں دوسری جنگِ عظیم میں جاپان پر فتح کی 80 ویں سالگرہ کے موقع پر ایک شاندار اور یادگار فوجی پریڈ منعقد ہوئی۔ یہ پریڈ چین کی تاریخ کی سب سے بڑی پریڈ قرار دی جا رہی ہے جس میں فضائیہ، بحریہ اور بری فوج کے دستوں کے ساتھ خواتین فوجیوں نے بھی جوش و جذبے کے ساتھ شرکت کی۔ فوجی بینڈز نے قومی ترانہ بجایا جبکہ 80 توپوں کی سلامی اس دن کی تاریخی اہمیت کا اعلان کر رہی تھی۔تقریب کے آغاز میں صدر شی جن پنگ نے فوجی گاڑی پر پریڈ کا معائنہ کیا اور جنگ میں جان دینے والے چینی سپاہیوں کے لیے ایک منٹ کی خاموشی اختیار کی گئی۔ اس موقع پر ہائپر سونک میزائلز، ڈرونز، جدید ٹینک اور دیگر جدید ہتھیاروں کی بھرپور نمائش کی گئی جس نے دنیا کو چین کی دفاعی صلاحیتوں کا عملی مظاہرہ دکھایا۔تقریب میں پاکستان کے وزیراعظم شہباز شریف، روسی صدر ولادیمیر پیوٹن، شمالی کوریا کے رہنما کم جونگ اُن، ایران کے صدر مسعود پزشکیان سمیت 26 عالمی رہنماؤں نے شرکت کی۔ جاپان کے خلاف لڑنے والے ریٹائرڈ فوجی بھی شریک ہوئے جنہیں قوم کی طرف سے خراجِ تحسین پیش کیا گیا۔صدر شی جن پنگ نے اپنے خطاب میں کہا کہ "دنیا اس وقت امن اور جنگ کے نازک موڑ پر کھڑی ہے۔ انسانیت کو آج فیصلہ کرنا ہے کہ وہ مستقبل امن کے ساتھ گزارنا چاہتی ہے یا جنگ کے سائے میں۔" انہوں نے واضح کیا کہ چینی عوام ہمیشہ امن کے قیام کے لیے پرعزم ہیں، اور چین کا ترقی کا سفر کسی طاقت کے دباؤ سے رکا نہیں جا سکتا۔شی جن پنگ نے کہا کہ چین ایک ایسا عالمی نظام چاہتا ہے جو انصاف اور مساوات پر مبنی ہو، اور چینی قوم نے کبھی دھونس یا جبر کے سامنے سر نہیں جھکایا۔ انہوں نے زور دیا کہ چین اپنی ماضی کی مشکلات کو کسی دوسرے ملک پر مسلط نہیں کرے گا، بلکہ دنیا کے ساتھ مل کر امن و خوشحالی کی راہ ہموار کرے گا۔خطاب کے اختتام پر صدر شی نے عالمی برادری سے اپیل کی کہ تاریخ کے المیوں کو دوبارہ دہرانے سے روکا جائے اور دنیا کو امن کے راستے پر لے جایا جائے۔تقریب کے دوران 80 توپوں کی سلامی دی گئی، جو اس تاریخی فتح کی 80ویں سالگرہ کی علامت تھی۔ اس قومی تقریب کو چین بھر میں براہِ راست نشر کیا گیا اور اسے ملکی تاریخ کے ایک اہم لمحے کے طور پر دیکھا جا رہا ہے۔

انسانیت کو آج جنگ یا امن میں سے ایک کو چننا ہے، چینی صدر شی جن پنگ

بیجنگ میں دوسری جنگِ عظیم کی 80 ویں برسی کی پروقار تقریب، عالمی رہنماؤں کی بھرپور شرکت، جدید ہتھیاروں کی شاندار نمائش

بھارتی توانائی مارکیٹ میں ایک بڑی ہلچل مچ گئی ہے۔خبر رساں ادارے رائٹرز کے مطابق سعودی عرب کی آئل کمپنی آرامکو اور عراق کی سرکاری تیل کمپنی سومو نے بھارتی ریفائنری کمپنی نایارا انرجی کو خام تیل کی سپلائی اچانک بند کردی ہے۔یہ فیصلہ اس وقت سامنے آیا جب جولائی میں یورپی یونین نے نایارا پر پابندیاں عائد کیں، کیونکہ اس ریفائنری کو روسی حمایت یافتہ قرار دیا گیا تھا۔اعداد و شمار کے مطابق نایارا انرجی عام طور پر ہر ماہ عراق سے 20 لاکھ بیرل اور سعودی عرب سے 10 لاکھ بیرل تیل خریدتی تھی، مگر اگست میں دونوں ممالک سے ایک بھی شپ منٹ نہیں ملی۔آخری بار عراقی باسرہ آئل 29 جولائی کو بھارت پہنچا، جبکہ سعودی شپ منٹ 18 جولائی کو ودینار بندرگاہ پر اتری تھی۔اب نایارا کی تمام سپلائیز براہِ راست روسی کمپنی روزنیفٹ سے آ رہی ہیں۔ودینار ریفائنری، جس کی یومیہ صلاحیت 4 لاکھ بیرل ہے، اس وقت صرف 70 سے 80 فیصد استعداد پر چل رہی ہے کیونکہ پابندیوں کے بعد شپنگ اور سیلز میں مشکلات بڑھ گئی ہیں۔مزید یہ کہ، نایارا جو بھارت کی مجموعی ریفائننگ کی صلاحیت کا 8 فیصد کنٹرول رکھتی ہے، اپنی مصنوعات کی ترسیل کے لیے اب روایتی جہاز رانی کے بجائے متبادل ’ڈارک فلیٹ‘ پر انحصار کر رہی ہے، کیونکہ بڑی شپنگ کمپنیاں پیچھے ہٹ چکی ہیں۔ماہرین کا کہنا ہے کہ اس صورتحال سے بھارت کو نہ صرف روس پر زیادہ انحصار کرنا پڑے گا بلکہ عالمی توانائی مارکیٹ میں بھی نئی صف بندیاں دیکھنے کو ملیں گی۔فی الحال بھارتی حکومت اور نایارا انرجی نے اس پیش رفت پر کوئی باضابطہ ردعمل نہیں دیا۔واضح رہے امریکا کے صدر ڈونلڈ ٹرمپ نے بھارت سے تجارتی معاملات پر گزشتہ روز کہا کہ اب بھارت نے اپنے محصولات کو صفر کرنے کی پیشکش کی ہے لیکن اب بہت دیر ہوچکی، یہ پیش کش کئی سال پہلے کر دینی چاہیے تھی۔

مودی کو ایک اور جھٹکا،سعودی و عراقی کمپنیوں نے بھارتی کمپنی کو تیل کی سپلائی بند کر دی

روسی حمایت یافتہ کمپنیوں پر پابندی کے اثرات نمایاں،عراق سے 20 لاکھ اور سعودی عرب سے 10 لاکھ بیرل کی درآمد متاثر

خیبرپختونخوا کے علاقے ضلع بنوں میں بھارتی سرپرستی میں سرگرم دہشت گرد خارجیوں کے حملے کو ناکام بنا دیا گیا تاہم فائرنگ کے تبادلے میں سیکیورٹی فورسز کے 6 اہلکار شہید ہوگئے جبکہ 5 دہشت گرد مارے گئے۔آئی ایس پی آر کےمطابق بھارتی اسپانسرڈ خوارج نے ایف سی ہیڈ کوارٹرز بنوں پرحملہ کر کے سیکیورٹی حدود کو توڑنے کی کوشش کی۔ترجمان پاک فوج کا کہنا ہے کہ بھارتی پراکسی فتنہ الخوارج کے تمام 5 دہشت گردوں کو ہلاک کردیا گیا،شدید جھڑپ میںپاک فوج اور ایف سی کے 6 اہلکاروں نے بہادری سے لڑتے ہوئے جام شہادت نوش کیا۔آئی ایس پی آر کے مطابق بھارتی اسپانسرڈ خوارج نے بارودی مواد سے بھر گاڑی دیوار حصار سے ٹکرائی، خودکش دھماکے کے نتیجے میں حصار کی دیوار کا کچھ حصہ گر گیا۔دھماکے سے قریبی سول انفرااسٹرکچر کو نقصان پہنچا  جس سے 3 شہری زخمی ہوئے۔ترجمان پاک فوج کا کہنا ہے کہ کلیئرنس آپریشن جاری رہے گا، جوانوں نے بہادری اور پیشہ ورانہ مہارت کا مظاہرہ کرتے ہوئے خوارج کو نشانہ بنایا۔اس بھیانک اور بزدلانہ عمل کے مجرموں کو انجام تک پہنچایا جائے گا۔ڈی جی آئی ایس پی آر کا کہنا ہے کہ سیکیورٹی فورسز پوری قوم کے شانہ بشانہ بھارتی اسپانسرڈ دہشت گردی کے مکمل خاتمے کیلئے پر عزم ہیں ۔ہمارے بہادر سپاہیوں اور شہریوں کی یہ لازوال قربانیاں ملک کے دفاع کے عزم کو مزید مضبوط کرتی ہیں ۔

بنوں ، ایف سی ہیڈکوارٹرز پر فتنۃ الخوارج کا حملہ، 5 دہشت گرد ہلاک، 6 اہلکار شہید

دہشت گردوں نے ہیڈ کوارٹر کے سیکیورٹی حصار کو توڑنے کی کوشش کی تاہم ناپاک سازش کو ناکام بنادیا گیا، آئی ایس پی آر

وفاقی حکومت نے عید میلادالنبیؐ کے موقع پر ملک بھر میں عام تعطیل کر اعلان کردیا۔وزیراعظم شہباز شریف کی منظوری سے کابینہ ڈویژن نے عام تعطیل کا نوٹیفکیشن جاری کردیا ہے۔نوٹیفکیشن میں کہا گیا ہے کہ 6 ستمبر 2025 بروز ہفتہ کو عید میلاد النبیﷺ کے موقع پر ملک بھر میں عام تعطیل ہوگی۔یاد رہے کہ پاکستان سمیت دنیا کے کئی ممالک میں نبی آخر الزمان حضرت محمد مصطفیٰ ﷺ کے یومِ ولادت کا جشن مذہبی عقیدت و احترام کے ساتھ منایا جاتا ہے۔نبی آخر الزمانﷺ کی حیات مبارکہ اور تعلیمات پوری انسانیت کے لیے مینارہ نور ہیں، آپ صلی اللہ علیہ والہ وسلم کو ہدیہ عقیدت پیش کرنے کے لیے خصوصی کانفرنسز تقریبات اور محفل میلاد منعقد کی جاتی ہیں۔اس مبارک موقع پر عمارتوں، گلیوں، شاہراہوں، مساجد اور گھروں کو برقی قمقوں سے سجایا جاتا ہے۔

وفاقی حکومت نے عید میلاد النبیﷺ کے موقع پر 6 ستمبر کو عام تعطیل کا اعلان کردیا

وزیراعظم شہباز شریف کی منظوری سے کابینہ ڈویژن نے عام تعطیل کا نوٹیفکیشن جاری کر دیا

سہ ملکی ٹی ٹوئنٹی سیریز کے چوتھے میچ میں افغانستان نے پاکستان کو 18 رنز سے شکست دیکر ایونٹ میں مسلسل دوسری فتح حاصل کرلی۔ افغانستان کی جانب سے دیے گئے 170 رنز کے تعاقب میں پاکستانی ٹیم مقررہ اوورز میں 9 وکٹوں کے نقصان پر 151 رنز بناسکی۔شارجہ میں کھیلے گئے ایونٹ کے چوتھے میچ میں افغانستان نے ٹاس جیت کر پہلے بیٹنگ کا فیصلہ کیا،پہلے بیٹنگ کرتے ہوئے افغانستان نے مقررہ 20 اوورز میں 5 وکٹوں کے نقصان پر 169 رنز بنائے۔افغانستان کی جانب سے ابراہیم زادران 65 اور صدیق اللہ اٹل 64 رنز بنا کر نمایاں رہے، رحمان اللہ گربز 8، محمد نبی 6 اور عظمت اللہ عمرزئی 4 رنز کے انفرادی اسکور پر پویلین لوٹے، کریم جنت اور کپتان راشد خان8،8 رنز بنا کر ناٹ آؤٹ رہے۔پاکستان کی جانب سے فہیم اشرف نے 4 کھلاڑیوں کو آؤٹ کیا جبکہ صائم ایوب نےایک وکٹ حاصل کی۔افغانستان کے 170 رنز کے ہدف کے جواب میں پاکستان کی ٹیم 9 وکٹوں کے نقصان پر 151 رنز بناسکی۔پاکستان کی جانب سے حارث رؤف 16 گیندوں پر ناٹ آؤٹ 34 رنز بنا کر نمایاں رہے۔ فخر زمان 25، کپتان سلمان آغا20، صاحبزادہ فرحان 18، فہیم اشرف 14، محمد نواز 12، حسن نواز 9، محمد حارث ایک جبکہ صائم ایوب اور شاہین شاہ آفریدی کھاتا کھولے بغیر پویلین لوٹے۔سفیان مقیم 7 رنز بنا کر ناٹ آؤٹ رہے۔ افغانستان کی جانب سے محمد نبی ، نور احمد، فضل حق فاروقی اور راشد خان نے 2، 2 کھلاڑیوں کو آؤٹ کیا۔گزشتہ روز کھیلے گئے میچ میں افغانستان نے یو اے ای کے خلاف کامیابی حاصل کی تھی۔واضح رہے کہ پاکستان اور افغانستان کے درمیان یہ ایونٹ کا دوسرا ٹی 20 میچ تھا، پہلے میچ میں پاکستان نے 39 رنز سے فتح اپنے نام کی تھی۔

سہ ملکی ٹی 20سیریز، افغانستان نے پاکستان کو 18 رنز سے شکست دیدی

افغانستان کے 170 رنز کے ہدف کے جواب میں پاکستان کی ٹیم 9 وکٹوں کے نقصان پر 151 رنز بناسکی

بیجنگ (این این آئی)بیجنگ میں وزیراعظم شہباز شریف اور روسی صدر کی ملاقات، ولادیمیر پیوٹن نے سیلاب سے ہونیوالے نقصانات پر افسوس کا اظہار کیا۔وزیراعظم شہباز کی تیانجن میں شنگھائی تعاون تنظیم ( ایس سی او ) کے سربراہی اجلاس کے بعد بیجنگ میں روسی صدر ولادیمیر پیوٹن سے ملاقات ہوئی، نائب وزیراعظم اسحٰق ڈار اور فیلڈ مارشل سید عاصم منیر بھی ملاقات میں شریک تھے۔شہبازشریف اور ولادیمیر پیوٹن نے گرمجوشی سے مصافحہ کیا، ولادیمیر پیوٹن نے کہا کہ پاکستان کے ساتھ بہترین تعلقات ہیں، روسی صدر نے مزید کہا کہ پاکستان کو اس وقت قدرتی آفات کاسامنا ہے۔ولادیمیر پیوٹن کہا کہ پاکستان میں سیلاب سے نقصانات پر افسوس ہے، انہوں نے کہا کہ پاک روس تعلقات کو مزید فروغ دینا چاہتے ہیں۔وزیراعظم شہباز شریف نے کہا کہ پاک روس تعلقات وقت کے ساتھ مضبوط ہورہے ہیں، پاکستان خطے میں امن ،ترقی اور خوشحالی کا فروغ چاہتا ہے۔وزیراعظم شہباز شریف نے روس سے بہتر تعلقات کی خواہش ظاہر کرتے ہوئے کہا کہ روس سے تعلقات کا فروغ چاہتے ہیں۔دوران ملاقات روسی صدر نے شبازشریف کو ماسکو میں ہونے والے ایس سی او سمٹ میں شرکت کی دعوت دی۔

شہباز شریف اور ولادیمیر پیوٹن کی ملاقات، دوطرفہ تعلقات کو فروغ دینے کا عزم

پاک روس تعلقات وقت کے ساتھ مضبوط ہورہے ہیں، پاکستان خطے میں امن ،ترقی اور خوشحالی کا فروغ چاہتا ہے، وزیر اعظم شہبازشریف کی گفتگو

افغانستان میں گزشتہ روز آنے والے زلزلہ کے بعد برطانیہ نےافغانستان کو ایک ملین پاؤنڈز کی امداد بھیجنے کا اعلان کیا ہے۔ تفصیلات کے مطابق برطانوی حکومت کی جانب سے افغانستان میں ہلاکت خیز زلزلے سے متاثرہ خاندانوں کی امداد کے لیے ایک ملین پاؤنڈ کے ہنگامی پیکج کا اعلان کر دیا ہے۔ان کی جانب سے اس اقدام کا مقصد اقوام متحدہ کی پاپولیشن فنڈ (UNFPA) کی امدادی کوششوں کو سہارا فراہم کرنا ہے، اس امداد میں موبائل ہیلتھ ٹیمیں، ایمرجنسی ہیلتھ کِٹس، اور بے گھر لوگوں کے لیے پناہ گاہیں شامل ہیں۔گزشہ روز مشرقی افغانستان میں مہلک زلزلہ آیا، جس سے صوبہ کنڑ اور ننگرہار میں تباہی مچ گئی، اور اس دوران سینکڑوں افراد جاں بحق جبکہ ہزاروں زخمی اور بے گھر ہو گئے ہیں، طالبان حکومت کے مطابق زلزلے میں 800 سے زائد افراد جاں بحق ہوئے ہیں۔ اس صورتحال میں طالبان حکومت نے اقوام عالم سے امداد کی اپیل بھی کی ہے۔

افغانستان میں ہلاکت خیز زلزلہ، برطانیہ کا ایک ملین پاؤنڈ امداد کا اعلان

امداد کے تحت میڈیکل کِٹس، موبائل ہیلتھ ٹیمیں اور متاثرین کے لیے پناہ گاہیں فراہم کی جائیں گی

وزیراعلیٰ خیبر پختونخوا علی امین گنڈاپور نے مولانا فضل الرحمن اور گورنر کے پی کے فیصل کریم کنڈی پر سخت تنقید کی ہے۔میڈیا سے گفتگو کرتے ہوئے علی امین گنڈاپور نے کہا کہ اگر مولانا فضل الرحمن حق کا کلمہ پڑھنے کے لیے راضی ہو جائیں تو وہ انہیں خوش آمدید کہیں گے، لیکن ان کے بقول "مولانا ایسا نہیں کریں گے۔"انہوں نے الزام لگایا کہ 26 ویں آئینی ترمیم کے وقت مولانا نے پیسے لیے اور حکومت کا ساتھ دیا۔ گنڈاپور نے کہا کہ "ہم نے ان کے پیچھے نمازیں پڑھیں، مگر انہوں نے حکومت کو ووٹ دیا۔" ایک صحافی کے سوال پر انہوں نے دعویٰ کیا کہ "اگر مولانا نے ووٹ دیا تو ظاہر ہے کہ پیسے لیے ہوں گے۔"علی امین گنڈاپور نے مزید کہا کہ ماضی میں عورت کی حکمرانی کو حرام قرار دینے والے مولانا نے اقتدار کے لیے وہی حکمرانی قبول کر لی۔ ان کے مطابق مولانا فضل الرحمن ہمیشہ "باسز" کے حکم پر چلتے ہیں اور سیاست میں پیسہ دیکھ کر ہی فیصلے کرتے ہیں۔وزیر اعلیٰ خبیرپختونخوا علی امین گنڈاپور نےمزید کہا کہ مولانا فضل الرحمٰن کو ہم اچھی طرح جانتے ہیں، میں نے پارٹی سے کہا تھا کہ مولانا ہمارے ساتھ نہیں چلیں گے۔ انہوں نے کہا کہ مولانا فضل الرحمٰن سسٹم میں ہر چیز کا بینیفشری رہے ہیں۔وزیراعلیٰ نے گورنر خیبر پختونخوا فیصل کریم کنڈی پر بھی کڑی تنقید کی اور کہا کہ "گورنر کا کام صرف آئینی ہے مگر وہ پیپلز پارٹی کے انفارمیشن سیکرٹری سے زیادہ کچھ نہیں۔" علی امین نے دعویٰ کیا کہ وہ گورنر کو کے پی ہاؤس سے نکال سکتے ہیں، جیسا کہ اسلام آباد میں پہلے بھی کیا تھا۔ان کا کہنا تھا کہ پاکستان کے 95 فیصد سیاستدان پٹرول، سرکاری گاڑی اور سکیورٹی گارڈ کے پیچھے لگے رہتے ہیں، اور فیصل کریم کنڈی بھی انہی میں شامل ہیں۔

مولانا ہمیشہ پیسے اور اقتدارکیلئے فیصلے کرتے ہیں،علی امین کی فضل الرحمن پرتنقید

مولانا کلمہ حق پڑھنے پر راضی ہو گئے تو ویلکم کروں گا، مگر میں جانتا ہوں، وہ حق کا کلمہ نہیں پڑھیں گے، صحافیوں سے گفتگو

فلسطین کی عالمی سطح پر حمایت میں ایک اور بڑا قدم،فرانس، برطانیہ، آسٹریلیا اور کینیڈا کے بعد اب بیلجیئم نے بھی تاریخی قدم اٹھاتے ہوئے فلسطین کو باقاعدہ طور پر ایک ریاست تسلیم کرنے کا فیصلہ کر لیا ہے۔بیلجیئم کے وزیر خارجہ میکسم پریوٹ نے اپنے سوشل میڈیا پیغام میں اعلان کیا کہ وہ رواں ماہ اقوامِ متحدہ کی جنرل اسمبلی میں فلسطین کو ریاست کے طور پر تسلیم کرنے کا باضابطہ اعلان کریں گے۔ ان کا کہنا ہے کہ یہ اقدام غزہ میں جاری انسانی المیے اور اسرائیل کی جانب سے عالمی قوانین کی خلاف ورزیوں کے جواب میں اٹھایا جا رہا ہے۔بیلجیئم نے اسرائیل کے خلاف سخت پابندیوں کا بھی اعلان کیا ہے، جن میں غیر قانونی اسرائیلی آبادکاریوں سے مصنوعات کی درآمد پر پابندی، اسرائیلی کمپنیوں کے ساتھ سرکاری معاہدوں کا دوبارہ جائزہ اور اسرائیلی پروازوں و ٹرانزٹ پر پابندی شامل ہیں۔ وزیرِ خارجہ کے مطابق یہ اقدامات اسرائیلی عوام کے خلاف نہیں بلکہ ان کی حکومت پر دباؤ ڈالنے کے لیے ہیں تاکہ عالمی قوانین پر عملدرآمد کرایا جا سکے۔یہ فیصلہ دنیا کو یہ پیغام دے رہا ہے کہ اب فلسطین کو نظرانداز کرنا ممکن نہیں رہا، عالمی ضمیر جاگ رہا ہے اور اسرائیل پر دباؤ بڑھتا جا رہا ہے۔

بیلجیئم نے فلسطین کو ریاست تسلیم کرنے اور اسرائیل پر سخت پابندیاں لگانے کا اعلان کردیا

فرانس، برطانیہ، آسٹریلیا اور کینیڈا کے بعد بیلجیئم بھی فلسطین کے ساتھ، اسرائیلی معاہدوں اور پروازوں پر پابندیاں

افغانستان کرکٹ ٹیم کے کپتان اور دنیا کے مایہ ناز اِسپنر راشد خان نے تاریخ رقم کر دی ہے۔ وہ اب ٹی20 کرکٹ میں سب سے زیادہ وکٹیں لینے والے بولر بن گئے ہیں۔سہ ملکی سیریز کے تیسرے میچ میں متحدہ عرب امارات کے خلاف راشد خان نے شاندار کارکردگی دکھاتے ہوئے صرف 21 رنز کے عوض 3 وکٹیں حاصل کیں اور عالمی ریکارڈ اپنے نام کیا۔26 سالہ راشد خان نے اس میچ کے دوران پہلے نیوزی لینڈ کے تجربہ کار فاسٹ بولر ٹم سائوتھی کا ریکارڈ برابر کیا اور پھر سبقت لے کر دنیا کے نمبر ون وکٹ ٹیکر بن گئے۔ٹم سائوتھی نے اپنے کیریئر کے 126 میچز میں 164 وکٹیں حاصل کی تھیں جبکہ راشد خان نے یہ سنگ میل صرف 98 میچز میں عبور کر کے اپنی کلاس اور کمال ثابت کر دیا۔راشد خان نے ثابت کر دیا کہ اسپن جادوگری کی دنیا میں ان کا کوئی ثانی نہیں، یہ افغان اسٹار ٹی20 کرکٹ کا نیا بادشاہ ہے۔

راشد خان ٹی20 میں سب سے زیادہ وکٹیں لینے والے بولر بن گئے

یو اے ای کے خلاف راشد خان نے 21 رنز کے عوض 3 وکٹیں لیں اور عالمی ریکارڈ اپنے نام کرلیا

امریکی صدر ڈونلڈ ٹرمپ نے خبردار کیا ہے کہ بھارت کے درمیان تجارتی تعلقات تباہی کے دہانے پر ہے۔امریکی صد ٹرمپ نے اپنے ٹروتھ سوشل اکائونٹ پر بھارت کے ساتھ تجارتی تعلقات پر سخت تنقید کرتے ہوئے بھارت کو آڑے ہاتھوں لے لیا۔صدر ٹرمپ نے شکوہ کیا کہ بھارت نے دہائیوں تک امریکا کے ساتھ یکطرفہ اور غیرمنصفانہ رویہ اختیار کیا۔صدر ٹرمپ نے کہا کہ امریکی مصنوعات پر بھارت دنیا میں سب سے زیادہ ٹیکس عائد کرتا رہا، جس کی وجہ سے امریکی کاروباری ادارے بھارتی منڈی میں جگہ نہیں بنا سکے۔امریکی صدر نے کہا کہ اس کے برعکس امریکی مارکیٹ میں بھارت بڑے پیمانے پر اپنی اشیا فروخت کرتا رہا ہے۔ڈونلڈ ٹرمپ نے کہا کہ ہم بھارت کے ساتھ بہت کم کاروبار کرتے ہیں مگر وہ ہمارے ساتھ بہت زیادہ بزنس کرتے ہیں۔ وہ ہمیں بڑی تعداد میں اشیا بیچتے ہیں جبکہ ہم انہیں بہت کم بیچتے ہیں۔ یہ دہائیوں سے ایک یکطرفہ تباہی ہے۔انہوں نے کہا کہ بھارت اپنی زیادہ تر تیل اور دفاعی مصنوعات روس سے خریدتا ہے، امریکا سے بہت کم لیتا ہے۔صدر ٹرمپ نے دعویٰ کیا کہ بھارت اب امریکی مصنوعات پر عائد ٹیکس کم کرنے یا ختم کرنے پر آمادہ ہو گیا مگر یہ فیصلہ بہت دیر سے لیا گیا ہے انہیں یہ برسوں پہلے کرنا چاہیے تھا۔ٹرمپ کے اس دھماکہ خیز بیان نے بھارت امریکا تعلقات میں نیا طوفان کھڑا کر دیا ہے۔ کیا واقعی یہ تجارتی جنگ بھارت کی معیشت کو ہلا کر رکھ دے گی۔

بھارت نے ہمیں لوٹا، اب حساب چکانے کا وقت آ گیا ہے، ٹرمپ

بھارت امریکی مصنوعات پر ٹیکس کم کرنے پر آمادہ ہوگیا مگر اب دیر ہوچکی، امریکی صدر

چین کے صدر شی جن پنگ نے کہا ہے کہ دہشت گردی کے خلاف جنگ میں چین پاکستان کی حمایت کرتا ہے۔چینی صدر شی جن پنگ اور وزیر اعظم شہباز شریف کے درمیان ملاقات ہوئی ہے۔ ملاقات میں نائب وزیر اعظم اسحاق ڈار فیلڈ مارشل عاصم منیر اور دیگر وزراء بھی موجود تھے۔اس موقع پر گفتگو کرتے ہوئے چینی صدر نے کہا کہ اُمید ہے پاکستان چینی عملے، منصوبوں اور اداروں کی حفاظت یقینی بنانے کے لیے مؤثر اقدامات کرے گا۔وزیراعظم آفس کی جانب سے جاری کیے گئے اعلامیے کے مطابق وزیر اعظم شہباز شریف اور چینی صدر شی جن پنگ کے درمیان ملاقات انتہائی خوشگوار رہی۔ دونوں رہنماؤں نے دوطرفہ اسٹریٹجک تعاون پر مبنی شراکت داری کو مزید مضبوط کرنے کے عزم کا اعادہ کیا۔
وزیراعظم نے تیانجن میں شنگھائی تعاون تنظیم کے سربراہان مملکت کے سربراہی اجلاس کے کامیاب انعقاد پر صدر شی جن پنگ کو مبارکباد دی اور فسطائیت مخالف جنگ میں فتح کی 80ویں سالگرہ پرانہیں مبارکباد پیش کی۔شہباز شریف نے کہا کہ چینی صدر شی جن پنگ کی بصیرت اور قیادت کی بدولت چین نے جدیدیت اور ترقی کی منازل طے کیں، پاکستان کو چین کی کامیابیوں پر بہت فخر ہے اور وہ اس عظیم سفر میں چین کے ساتھ مل کر کام کرنے کے لیے ہمیشہ تیار رہے گا۔انہوں نے کہا کہ چین جنوبی ایشیا میں جامع مذاکرات کی نگرانی کرے، تاکہ مذاکرات کے ثمرات پاکستان کو مل سکیں، بلوچستان اور خیبرپختونخوا میں دہشتگردی میں بیرونی ہاتھ ملوث ہے۔وزیراعظم نے پاکستان کی علاقائی سالمیت، خودمختاری اور سماجی و اقتصادی ترقی کے لیے چین کی غیر متزلزل حمایت کو سراہا، انہوں نے صدر شی کے بیلٹ اینڈ روڈ انیشی ایٹو (بی آر آئی) کے ایک اہم منصوبے کے طور پر چین ،پاکستان اقتصادی راہداری کی اہمیت کو سراہا اور سی پیک کے اپ گریڈ شدہ اگلے مرحلے میں پانچ مزید راہداریوں کے کامیاب نفاذ کے لیے چین کے ساتھ مل کر کام جاری رکھنے کی خواہش کا اعادہ کیا۔اس موقع پر صدر شی نے کہا کہ چین اقتصادی ترقی کے تمام شعبوں میں پاکستان کی مدد جاری رکھے گا، خاص طور پر جب سی پیک اپنے دوسرے مرحلے میں داخل ہو چکا ہے اور اس کے تحت پاکستان کے اہم ترین اقتصادی شعبوں پر توجہ مرکوز کی جا رہی ہے۔شی جن پنگ نے کہا ہے کہ دہشت گردی کے خلاف جنگ میں چین پاکستان کی حمایت کرتا ہے، اُمید ہے پاکستان چینی عملے، منصوبوں اور اداروں کی حفاظت یقینی بنانے کے لیے مؤثر اقدامات کرے گا۔دونوں رہنماؤں نے اس بات پر اتفاق کیا کہ ان کے ممالک کے درمیان تعلقات منفرد اور بے مثال ہیں اور اس کی عکاسی ان کے دوطرفہ تعاون کو مزید بڑھانے کے ذریعے ہونی چاہئے، دونوں رہنماؤں نے اہم علاقائی اور عالمی پیش رفت پر بھی تبادلہ خیال کیا اور اس سلسلے میں پاکستان اور چین کے درمیان قریبی تعاون جاری رکھنے پر اتفاق کیا۔وزیراعظم نے صدر شی جن پنگ کو اگلے سال پاک چین دوستی کی 75ویں سالگرہ کے موقع کے پاکستان کا سرکاری دورہ کرنے کے لیے اپنی انتہائی پرخلوص دعوت کی تجدید کی۔

دہشت گردی کیخلاف جنگ میں چین پاکستان کی حمایت کرتا ہے، چینی صدر

وزیراعظم شہباز شریف اور صدر شی جن پنگ کی ملاقات، پاک چین تعلقات مزید مضبوط بنانے پر اتفاق

آسٹریلیا کے فاسٹ بولر مچل اسٹارک نے ٹی20 انٹرنیشنل کرکٹ سے ریٹائرمنٹ کا اعلان کردیا ہے تاکہ وہ آئندہ برس کے آخر سے شروع ہونے والے بھاری ٹیسٹ شیڈول اور 2027 ون ڈے ورلڈ کپ پر توجہ مرکوز رکھ سکیں۔کرکٹ آسٹریلیا کے مطابق میچل اسٹارک نے ٹیسٹ اور ون ڈے پر فوکس کے لیے ٹی ٹوئنٹی انٹرنیشنل سے ریٹائرمنٹ کا فیصلہ کیا۔ 35 سالہ فاسٹ بولر، جو پچھلے سال ٹی ٹوئنٹی ورلڈ کپ کے بعد سے کوئی ٹی ٹوئنٹی انٹرنیشنل میچ نہیں کھیلے، اب آسٹریلیا کو صرف  ٹیسٹ اور ون ڈے میچز کے لیے دستیاب ہوں گے،اس کے علاوہ اسٹارک ڈومیسٹک ٹی 20 لیگز بشمول انڈین پریمیئر لیگ میں بھی شرکت کرتے رہیں گے۔ مچل اسٹارک نے اپنے بیان میں کہا کہ ٹیسٹ کرکٹ ہمیشہ میری اولین ترجیح رہی ہے۔ میں نے آسٹریلیا کے لیے کھیلے گئے ہر ٹی20 میچ کا بھرپور لطف اٹھایا، خاص طور پر 2021 ورلڈ کپ کا مزہ اٹھایا کیونکہ ہم نے نہ صرف جیتا بلکہ ٹیم کا شاندار ماحول اور مزہ بھی ناقابلِ فراموش تھا۔واضح رہے کہ مچل اسٹارک نے آسٹریلیا کیلئے 65 ٹی 20 انٹرنیشنل میچز کھیلے جس میں انہوں نے 79 وکٹیں حاصل کیں۔یاد رہےآسٹریلوی ٹیم نے اسٹارک کے بغیر آخری 17 میں سے 14 ٹی ٹوئنٹی میچز جیتے ہیں۔ اب ان کی جگہ نیتھن ایلس، بین ڈورشوئس، شان ایبٹ اور زیویر بارٹلیٹ جیسے بولرز کو زیادہ مواقع ملنے کی توقع ہے۔

آسٹریلوی فاسٹ بولر مچل اسٹارک نے ٹی ٹوئنٹی انٹرنیشنل سے ریٹائرمنٹ کا اعلان کردیا

ٹیسٹ کرکٹ میری ہمیشہ ترجیح رہی ہے ، ایشز اور ون ڈے ورلڈ کپ کا منتظر ہوں ، آسٹریلوی اسٹار

دنیا بھر میں امن و امان کی صورتحال پر نظر رکھنے والے عالمی ادارے انسٹیٹیوٹ فار اکنامکس اینڈ پیس نے 2025 کی سالانہ رپورٹ جاری کر دی ہے، جس میں پاکستان کی درجہ بندی میں مزید تنزلی سامنے آئی ہے۔ رپورٹ کے مطابق پاکستان چار درجے گر کر دنیا کے 163 ممالک میں سے 144 ویں نمبر پر آ گیا ہے۔انسٹیٹیوٹ فار اکنامکس اینڈ پیس کی جانب سے جاری کردہ فہرست میں بتایا گیا ہے کہ پاکستان دنیا کے پرامن ترین ممالک میں شامل تو ہے مگر تنزلی کے باعث اب یہ آخری 20 ممالک میں شمار ہوتا ہے۔ رپورٹ کے مطابق بھارت 115ویں، سری لنکا 97ویں، چین 98ویں، سعودی عرب 90ویں، متحدہ عرب امارات 52ویں، امریکا 128ویں جبکہ بنگلہ دیش 123ویں نمبر پر رہا۔فہرست کی تیاری میں ممالک کے اندرونی تحفظ، سکیورٹی صورتحال، جاری تنازعات اور سیاسی و معاشرتی حالات کو مدنظر رکھا گیا۔رپورٹ کے مطابق آئس لینڈ 1.095 اسکور کے ساتھ مسلسل 17ویں سال دنیا کا سب سے پرامن ملک قرار پایا، اگرچہ اس کے مجموعی اسکور میں معمولی کمی واقع ہوئی ہے۔ آئس لینڈ کے بعد آئرلینڈ دوسرے اور نیوزی لینڈ تیسرے نمبر پر رہا، جبکہ آسٹریا ایک درجے تنزلی کے بعد چوتھے، سوئٹزر لینڈ پانچویں اور سنگاپور چھٹے نمبر پر موجود ہے۔یورپی ممالک پرتگال ساتویں، ڈنمارک آٹھویں، سلوانیا نویں اور فن لینڈ دسویں نمبر پر شامل ہیں۔دوسری جانب دنیا کے سب سے کم پرامن ممالک کی فہرست میں روس آخری یعنی 163ویں نمبر پر ہے، اس کے بعد یوکرین 162، سوڈان 161، جمہوریہ کانگو 160، یمن 159 اور افغانستان 158 ویں نمبر پر ہیں۔ اسرائیل بھی غزہ میں جاری جنگ اور ہزاروں ہلاکتوں کے باعث 155ویں نمبر کے ساتھ دنیا کے 10 بدترین ممالک میں شامل ہے۔رپورٹ نے ایک بار پھر واضح کر دیا ہے کہ دنیا میں امن قائم رکھنے کے لیے طاقتور معیشت یا عسکری قوت کافی نہیں، بلکہ مستقل سکیورٹی، سیاسی استحکام اور معاشرتی ہم آہنگی ہی حقیقی پیمانے ہیں۔

دنیا کے پرامن ممالک کی فہرست، پاکستان کی چار درجے مزید تنزلی، 144ویں نمبر پر

آئس لینڈ 17ویں سال بھی دنیا کا پرامن ترین ملک قرار،انسٹیٹیوٹ فار اکنامکس اینڈ پیس کی سالانہ رپورٹ جاری

کراچی سمیت ملک کے مختلف شہروں میں ایامِ عزا کے اختتامی روز چُپ تعزیے کے جلوس عقیدت و احترام کے ساتھ برآمد ہو رہے ہیں۔ ضلعی انتظامیہ اور پولیس کے مطابق جلوسوں کی سکیورٹی کے لیے فول پروف اقدامات کیے گئے ہیں، بم ڈسپوزل اسکواڈز نے روٹس کی سرچنگ مکمل کر لی ہے، جبکہ شہریوں کی سہولت کے لیے اضافی پولیس نفری، ایمبولینسز اور فائر ٹینڈرز کو الرٹ رکھا گیا ہے۔کراچی میں آج چُپ تعزیے کے دو جلوس نکالے جا رہے ہیں۔ پہلا جلوس صبح 8 بجے نشتر پارک سے برآمد ہوا، جس سے قبل علامہ باقر زیدی نے مجلس سے خطاب کیا۔ بڑی تعداد میں عزاداروں نے شرکت کی۔ یہ جلوس اپنے روایتی راستوں سے ہوتا ہوا کھارادر کے نور باغ مسافر خانہ پر اختتام پذیر ہوگا۔ دوسرا مرکزی جلوس بعد نمازِ ظہرین گولیمار کی امام بارگاہ قصرِ مصیب سے برآمد ہوگا، جو لسبیلہ اور تین ہٹی سے گزرتا ہوا جیل روڈ کے مرکزی دروازے کے سامنے سے گزر کر رات 10 بجے کے قریب امام بارگاہ شاہ نجف مارٹن روڈ پر ختم ہوگا۔اسلام آباد میں چُپ تعزیے کا مرکزی جلوس امام بارگاہ جی-6 سے برآمد ہوگا۔ ضلعی انتظامیہ نے حفاظتی اقدامات اور ٹریفک پلان وضع کر دیا ہے، شہریوں کو متبادل راستے اختیار کرنے کی ہدایت کی گئی ہے۔لاہور میں ایامِ عزا کا الوداعی چُپ تعزیہ جلوس پانڈو اسٹریٹ میں خیمۂ سعادت سے برآمد ہوگا، جو روایتی راستوں سے گزرتا ہوا کربلا گامے شاہ پر اختتام پذیر ہوگا۔ ٹریفک پولیس اور ضلعی انتظامیہ نے داخلی راستوں پر ڈائیورشنز کے ساتھ پارکنگ انتظامات بھی مکمل کر لیے ہیں۔

کراچی سمیت ملک بھر میں چُپ تعزیے کے جلوس، سکیورٹی کے سخت انتظامات

کراچی، لاہور اور اسلام آباد سمیت مختلف شہروں میں جلوس روایتی راستوں سے برآمد، ضلعی انتظامیہ کا فول پروف پلان نافذ

وزیراعلیٰ خیبرپختونخوا علی امین گنڈاپور نے کالا باغ ڈیم کی کھل کر حمایت کر دی۔ علی امین گنڈا پور نے کہا ہے کہ کالا باغ ڈیم ملک کے لیے ناگزیر ہے اور اگر اس حوالے سے کسی صوبے یا طبقے کو تحفظات ہیں تو انہیں بات چیت کے ذریعے دور کیا جانا چاہیے۔خیبر پختونخوا ہاؤس اسلام آباد میں پارٹی اجلاس کے بعد میڈیا سے گفتگو کرتے ہوئے وزیر اعلیٰ نے کہا کہ ڈیم نہ بننے کی وجہ سے ملک بارشوں اور سیلاب سے شدید نقصانات کا شکار ہوا ہے، ہم کچھ ڈیمز کے نام لینے سے کتراتے ہیں، حالانکہ حقیقت یہ ہے کہ کالا باغ ڈیم ریاست کی بقا اور ترقی کے لیے ضروری ہے اور اگر اس حوالے سے کسی کے تحفظات ہیں تو بات کر کے انہیں دور کیا جائے۔علی امین گنڈا پور نے کہا کہ خیبر پختونخوا حکومت کالا باغ ڈیم کی تعمیر میں اپنا حصہ ڈالنے کے لیے تیار ہے اور دیگر صوبوں کو بھی اس میں کردار ادا کرنا چاہیے تاکہ ڈیم کی تعمیر ممکن ہو سکے۔ ان کا کہنا تھا کہ پاکستان میں بروقت ڈیم نہ بننے کی وجہ سے قدرتی آفات سے بڑے پیمانے پر تباہی دیکھی گئی ہے۔ انہوں نے مزید کہا کہ گزشتہ برس صوبے میں چھ ڈیم مکمل کیے گئے ہیں جبکہ گومل زام ڈیم کی تعمیر سے نقصانات میں کمی آئی ہے،  صوبائی حکومت اب مختلف اضلاع میں نئے ڈیم تعمیر کر رہی ہے تاکہ عوام کو مستقبل میں قدرتی آفات سے محفوظ رکھا جا سکے۔وزیر اعلیٰ نے کہا کہ پشاور کے تحفظ کے لیے جبہ ڈیم بنایا جا رہا ہے جبکہ بڈھنی پشاور میں سیلاب سے بچاؤ کے لیے حفاظتی دیوار بھی تعمیر کی جا رہی ہے،  بونیر میں حالیہ کلاؤڈ برسٹ کا جنگلات کی کٹائی سے کوئی تعلق نہیں بلکہ یہ موسمی حدت کے باعث ہوا ہے، جو دنیا کے کسی بھی حصے میں رونما ہو سکتا ہے۔انہوں نے اعلان کیا کہ صوبائی حکومت سیلاب کے پانی کے ساتھ آنے والے پتھروں کو روکنے کے لیے سوئزرلینڈ کی طرز پر نیٹ لگانے کا منصوبہ بنا رہی ہے تاکہ جانی و مالی نقصان کم سے کم کیا جا سکے۔یقیناً، کالا باغ ڈیم کا ذکر پاکستان کی سیاسی اور معاشی تاریخ میں ہمیشہ ایک حساس موضوع رہا ہے، لیکن وزیراعلیٰ خیبرپختونخوا کا یہ دو ٹوک مؤقف اس بحث کو ایک نئی سمت دے سکتا ہے۔ اب دیکھنا یہ ہے کہ دیگر صوبے اس قومی منصوبے پر کس حد تک اپنی ذمہ داری نبھاتے ہیں۔

وزیراعلیٰ خیبرپختونخوا علی امین گنڈا پور نے کالا باغ ڈیم کی کھل کر حمایت کر دی

کالا باغ ڈیم ریاست کیلئے ضروری ہے، جن کے تحفظات ہیں اُن سے بات کی جائے، وزیراعلیٰ خیبرپختونخوا

قومی کرکٹ ٹیم کے مایہ ناز اور جارح مزاج بلے باز آصف علی نے بین الاقوامی کرکٹ کو خیرباد کہہ دیا۔سوشل میڈیا پر ریٹائرمنٹ کا اعلان کرتے ہوئے مدل آرڈر بلے باز کا کہنا تھا ’الحمدللہ، پاکستان کی جرسی پہننا اور ملک کی نمائندگی کرنا ان کی زندگی کا سب سے بڑا اعزاز رہا ہے۔ انہوں نے اپنے مداحوں، ٹیم کے ساتھیوں اور کوچز کی بھرپور حمایت پر خصوصی شکریہ ادا کیا۔انہوں نے اپنے اہلِ خانہ اور قریبی دوستوں کو بھی یاد کیا جنہوں نے مشکل اور کٹھن وقت میں ان کا حوصلہ بڑھایا، بالخصوص اُس لمحے میں جب ورلڈکپ کے دوران ان کی ننھی بیٹی کا انتقال ہوا۔ آصف کے مطابق انہی لوگوں کی دعاؤں اور محبت نے انہیں ہمت دی اور میدان میں آگے بڑھنے کا جذبہ دیا۔آصف علی نے کہا کہ اگرچہ وہ انٹرنیشنل کرکٹ سے ریٹائر ہو رہے ہیں لیکن ان شاء اللہ وہ ڈومیسٹک اور لیگ کرکٹ میں اپنی پرفارمنس جاری رکھیں گے تاکہ دنیا بھر کے شائقین کو کرکٹ کا اصل رنگ دکھا سکیں۔یاد رہے کہ آصف علی نے 58 ٹی ٹوئنٹی انٹرنیشنلز اور 21 ایک روزہ میچز میں پاکستان کی نمائندگی کی۔، انہوں نے پاکستان کے لیے آخری  انٹرنیشنل میچ 2023 میں کھیلا تھا۔

جارح مزاج بلے باز آصف علی نے بین الاقوامی کرکٹ کو خیرباد کہہ دیا

آصف علی نے 58 ٹی ٹوئنٹی انٹرنیشنلز اور 21 ایک روزہ میچز میں پاکستان کی نمائندگی کی

چین کے شہر تیانجن میں ہونے والے شنگھائی تعاون تنظیم کے اجلاس کا مشترکہ اعلامیہ جاری کر دیا گیا، جس میں رکن ممالک نے ریاستوں کی خودمختاری اور علاقائی سالمیت کے احترام پر زور دیتے ہوئے پائیدار ترقی کے لیے تعاون بڑھانے اور محاذ آرائی کی پالیسیوں کو مسترد کرنے پر اتفاق کیا۔ایس سی او کانفرنس میں پاکستان کو بڑی سفارتی کامیابی مل گئی ،اعلامیے میں پاکستان میں جعفر ایکسپریس اور خضدار جبکہ بھارت کے علاقے پہلگام میں ہونے والے حملوں کی شدید مذمت کی گئی۔ اس کے ساتھ ساتھ فلسطین میں فوری اور پائیدار جنگ بندی، انسانی امداد کی فراہمی اور عالمی سطح پر فعال سفارتی کردار پر زور دیا گیا۔ رکن ممالک نے واضح کیا کہ دہشتگردی کی تمام اقسام ناقابلِ قبول ہیں اور اس جنگ میں کسی بھی قسم کا دوہرا معیار تسلیم نہیں کیا جا سکتا۔ایس سی او نے فلسطین میں فوری جنگ بندی، انسانی امداد اور عالمی سطح پر فعال سفارتی کردار کی ضرورت پر زور دیا، جبکہ افغانستان میں امن کے لیے ایک جامع اور وسیع البنیاد حکومت کے قیام کی اہمیت کو بھی اجاگر کیا۔اعلامیے میں کہا گیا کہ ہر قوم کو اپنی سیاسی، سماجی اور اقتصادی راہ کے آزادانہ انتخاب کا حق حاصل ہے اور دہشتگرد گروہوں کو کرائے کے مقاصد یا سیاسی ایجنڈے کے لیے استعمال کرنا ناقابلِ قبول ہے۔پاکستان کے حوالے سے تنظیم نے تسلیم کیا کہ اسلام آباد نے ہمیشہ دہشتگردی کے معاملے پر دو ٹوک اور واضح مؤقف اختیار کیا ہے اور بارہا دنیا کو سرحد پار سہولت کاری کے ثبوت فراہم کیے ہیں۔ جعفر ایکسپریس اور خضدار میں اسکول بس پر حملوں سمیت مختلف واقعات میں بھارتی کردار بھی شواہد کے ساتھ اجاگر کیا گیا۔اعلامیے نے پاکستان کی اس سفارتی پوزیشن کی تائید کی جس میں دہشتگردی کے خلاف عالمی سطح پر مشترکہ حکمت عملی اور اقوام متحدہ کی قراردادوں کے مطابق کارروائی پر زور دیا گیا ہے۔ماہرین کے مطابق ایس سی او اعلامیہ پاکستان کے بڑھتے ہوئے کردار اور خطے میں "ریجنل اسٹیبلائزر" کے طور پر اس کی اہمیت کا اعتراف ہے۔

دہشت گرد گروہوں کو سیاسی مقاصد کے لیے استعمال کرنا ناقابلِ قبول ہے، ایس سی او اعلامیہ

ایس سی او اجلاس کامشترکہ اعلامیہ جاری،جعفر ایکسپریس، خضدار اور پہلگام حملوں کی مذمت

گلگت بلتستان کے ضلع دیامر کے علاقے چلاس میں پاک فوج کا ہیلی کاپٹر گر کر تباہ ہوگیا، حادثے میں 2 میجر سمیت 5 اہلکار شہید ہوگئے۔پاک فوج کے شعبہ تعلقات عامہ (آئی ایس پی آر) کی جانب سے جاری بیان میں کہا گیا کہ پاک فوج کا ایم آئی-17 ہیلی کاپٹر تربیتی پرواز کے دوران ہُڈور گاؤں کے قریب گر کر تباہ ہوگیا، حادثہ صبح تقریباً 10 بجے پیش آیا، ہیلی کاپٹر تھکداس کینٹونمنٹ سے تقریباً 12 کلومیٹر کے فاصلے پر کریش لینڈنگ کے بعد تباہ ہوا۔ترجمان پاک فوج نے بتایا کہ ہیلی کاپٹر میں موجود تمام عملہ جامِ شہادت نوش کر گیا، شہدا میں پائلٹ ان کمانڈ میجر عاطف، کو پائلٹ میجر فیصل، فلائٹ انجینئرنائب صوبیدار مقبول، کریو چیف حوالدار جہانگیر اور کریو چیف نائیک عامر شامل ہیں۔آئی ایس پی آر نے بتایا کہ ہیلی کاپٹر تربیتی پرواز پر تھا جب اسے تکنیکی خرابی پیش آئی، آرمی ایوی ایشن کی تربیتی پروازیں معمول کا حصہ ہیں تاکہ آپریشنل تیاری کو ہر وقت یقینی بنایا جا سکے۔بیان میں کہا گیا کہ یہ تربیت دفاعی ذمہ داریوں کے ساتھ ساتھ انسانی ہمدردی پر مبنی امدادی و بحالی کے مشنز کے لیے بھی ناگزیر ہے، ملک کے دفاع اور عوامی خدمت کے ہر پہلو میں بھرپور تیاری یقینی بنائی جائے گی۔

پاک فوج کا ایم آئی 17 ہیلی کاپٹرحادثے کاشکار، 2 میجر سمیت 5 ارکان شہید

حادثہ صبح تقریباً 10 بجے پیش آیا، ہیلی کاپٹر تھکداس کینٹ سے تقریباً 12 کلومیٹر فاصلے پر کریش لینڈنگ کے بعد تباہ ہوا، آئی ایس پی آر

Full details of Bangladesh vs Netherlands 2nd T20I squads for Sylhet 2025 clash with roles of every player and live streaming on tapmad.

Bangladesh vs Netherlands Live 2nd T20I 2025 – Full Squad Details

<p>The Sylhet crowd is ready for the Bangladesh vs Netherlands clash. The contest promises excitement for cricket fans. Bangladesh supporters can watch every ball live on tapmad. The platform offers smooth HD streaming. The clash will keep fans glued to the screen.</p>

<h2>Bangladesh Squad for Sylhet Clash</h2>

<p>Bangladesh features experienced stars. It also includes young talents. Every player has a clear role and these roles make the squad stronger. The lineup is fully prepared and they are ready to give fans a thrilling show.</p>

<h2>Full Bangladesh 2nd T20I Squad 2025</h2>

<p>Litton Das, Jaker Ali, Mahedi Hasan, Mohammad Saifuddin, Mustafizur Rahman, Nasum Ahmed, Nurul Hasan, Parvez Hossain Emon, Rishad Hossain, Saif Hassan, Shamim Hossain, Shoriful Islam, Tanjid Hasan, Tamim Hasan Sakib, Taskin Ahmed, Towhid Hridoy</p>

<h3>Key Strengths of Bangladesh</h3>

<ul>
	<li>Strong pace attack with Taskin Ahmed and Shoriful Islam</li>
	<li>Skilled spin department led by Nasum Ahmed and Mahedi Hasan</li>
	<li>Power hitters like Litton Das and Towhid Hridoy</li>
	<li>Multiple allrounders who provide flexibility in batting and bowling</li>
</ul>

<h2>Netherlands Squad for Sylhet Clash</h2>

<p>The Netherlands team is bringing a fighting unit to face Bangladesh. Their players mix international exposure with fearless cricket.</p>

<h3>Full Netherlands 2nd T20I Squad 2025</h3>

<p>Scott Edwards, Sebastiaan Braat, Noah Croes, Cedric de Lange, Daniel Doram, Aryan Dutt, Ben Fletcher, Kyle Klein, Tijia Nidamanuru, Max O&rsquo;Dowd, Tim Pringle, Shariz Ahmad, Sikander Zulfiqar, Paul van Meekeren, Vikramjit Singh</p>

<h3>Key Strengths of Netherlands</h3>

<ul>
	<li>Experienced captain Scott Edwards leads from the front</li>
	<li>Opening strength with Max O&rsquo;Dowd and Vikramjit Singh</li>
	<li>Dependable bowlers like Paul van Meekeren and Daniel Doram</li>
	<li>Talented young all rounders including Tim Pringle and Tijia Nidamanuru</li>
</ul>

<h2>Sylhet as the Venue</h2>

<p>Sylhet has become a strong cricket venue in Bangladesh. The pitch supports spinners and quick bowlers while batters also get good value for shots. The crowd support makes matches exciting. Both Bangladesh and Netherlands will feel the pressure of playing in front of passionate fans.</p>

<h2>Why This Match Matters</h2>

<p>The Bangladesh vs Netherlands 2025 clash is more than just another game. It decides momentum in the series. Each player will aim to make a mark and the squads show plenty of balance. The head to head record favors Bangladesh but Netherlands has shown it can surprise strong teams.</p>

<h2>Watch Live on tapmad</h2>

<p>Fans can watch Bangladesh vs Netherlands <a href="https://www.tapmad.com/sports/netherlands-tour-of-bangladesh-2025/190/1">live</a> in HD only on tapmad. The stream is smooth and free from ads. Every ball is covered with instant replays. Supporters can watch on mobile, laptop or TV. One account works everywhere so no fan misses the action.&nbsp;</p>

<h2>Conclusion</h2>

<p>The Bangladesh vs Netherlands 2nd T20I Squads bring excitement to Sylhet. Bangladesh comes with pace, spin and power while Netherlands relies on fearless batting and disciplined bowling. Both teams have balance in every department. Fans can enjoy this exciting clash live in HD with official coverage on tapmad.</p>

Bangladesh vs Netherlands Live 2nd T20I 2025 – Full Squad Details

Bangladesh Squad for Sylhet Clash

Full Bangladesh 2nd T20I Squad 2025

Key Strengths of Bangladesh

Netherlands Squad for Sylhet Clash

Full Netherlands 2nd T20I Squad 2025

Key Strengths of Netherlands

Sylhet as the Venue

Why This Match Matters

Watch Live on tapmad

Conclusion

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan