Cricket

Entertainment

News

Football

قومی ٹی ٹوئنٹی ٹیم کے کپتان سلمان علی آغا نے کہا ہے کہ ان کی پوری توجہ ایشیا کپ جیتنے پر ہے اور بھارتی میڈیا یا تنقید سے انہیں کوئی فرق نہیں پڑتا۔دبئی میں پریس کانفرنس کرتے ہوئے انہوں نے کہا کہ اگرچہ ٹیم پچھلے میچوں میں توقعات کے مطابق پرفارم نہیں کر سکی، لیکن ممکن ہے کھلاڑیوں نے اپنی بہترین کارکردگی فائنل کے لیے سنبھال رکھی ہو۔ ان کاکہنا تھا کہ ایشیا کپ کا فائنل ہمارا اصل امتحان ہے، امید ہے پاکستان جیت کر ہی میدان چھوڑے گا۔سلمان آغا نے مزید کہا کہ اگر کھلاڑی چالیس اوورز تک پلان پر عمل کریں تو کسی بھی ٹیم کو شکست دی جا سکتی ہے۔ انہوں نے صائم ایوب کی تعریف کرتے ہوئے کہا کہ وہ اگلے کئی سالوں تک قومی ٹیم کے لیے قیمتی اثاثہ ثابت ہوں گے، فائنل میں ان سے شاندار بیٹنگ کی توقع ہے۔کپتان نے کہا کہ گراؤنڈ سے باہر کیا ہو رہا ہے، اس پر ان کا کوئی کنٹرول نہیں: “ہمارا کام صرف اپنی کرکٹ کھیلنا ہے۔ جو میڈیا یا دیگر لوگ بول رہے ہیں، ہمیں اس سے کوئی فرق نہیں پڑتا۔ ہمارا اصل ہدف ایشیا کپ کی ٹرافی ہے۔”ہینڈ شیک کے حوالے سے سوال پر سلمان آغا نے کہا کہ ماضی میں پاک بھارت میچز میں کشیدہ حالات کے باوجود ہمیشہ مصافحہ ہوا ہے، اس روایت کو ختم کرنا کرکٹ کے لیے اچھا نہیں۔انہوں نے یہ بھی واضح کیا کہ اسپنرز کو کنڈیشنز کے باعث زیادہ استعمال کیا گیا، لیکن جارحانہ انداز اپنانے کا حق ہر کھلاڑی کو حاصل ہے، بس یہ خیال رکھنا ضروری ہے کہ کسی کی تضحیک نہ ہو۔ٹاس کے حوالے سے ان کا کہنا تھا کہ اب تک میچز میں اس کی خاص اہمیت نہیں رہی اور کل بھی ٹیم حکمتِ عملی اپنی طاقت کے مطابق بنائے گی۔ کپتانوں کے فوٹو شوٹ کے حوالے سے انہوں نے کہا کہ ہم پروٹوکول کے مطابق اپنا کام کریں گے، باقی کسی کا آنا یا نہ آنا ان کی مرضی ہے۔سلمان علی آغا نے آخر میں کہا کہ پوری ٹیم متحد ہے اور مقصد صرف ایک ہے ،ایشیا کپ کا ٹائٹل پاکستان کے نام کرنا۔

ہماراہدف ایشیا کپ کا ٹائٹل جیتنا ہے، بھارتی میڈیا کیا کہہ رہا پرواہ نہیں، سلمان علی آغا

صائم ایوب اگلے دس سال تک ٹیم کے کام آسکتا ہے، صائم نے فیلڈنگ اوربولنگ میں اچھی پرفارمنس دی، دبئی پریس کانفرنس

ایشیا کپ کے فائنل سے قبل شعیب اختر کی ایک بھول نے شائقین کو خوب محظوظ کر دیا۔ لائیو کرکٹ شو میں انہوں نے بھارتی اوپنر ابھیشیک شرما کے بجائے بالی ووڈ اداکار ابھیشیک بچن کا نام لے ڈالا، اور یہ کلپ لمحوں میں وائرل ہوگیا۔سابق پاکستانی فاسٹ بولر شعیب اختر نے لائیو کرکٹ شو میں تبصرہ کرتے ہوئے کہا کہ اگر پاکستان ابھیشیک بچن کو جلد آؤٹ کردے تو بھارت کا مڈل آرڈر مشکلات میں پڑ سکتا ہے۔ یہ سن کر میزبان اور دیگر پینلسٹ نے فوراً وضاحت کی کہ دراصل وہ بھارتی اوپنر ابھیشیک شرما کا ذکر کر رہے تھے۔اس دلچسپ غلطی کی ویڈیو سوشل میڈیا پر جنگل کی آگ کی طرح پھیل گئی اور مداحوں نے شعیب اختر کے اس جملے پر خوب تبصرے کیے۔ معاملہ یہیں ختم نہیں ہوا۔ اداکار ابھیشیک بچن نے بھی موقع ضائع کیے بغیر ایک مزاحیہ ٹویٹ کر ڈالی۔ انہوں نے شعیب اختر کو مخاطب کرتے ہوئے لکھاکہ ’سر، عزت کے ساتھ، یہ ممکن نہیں کہ وہ یہ بھی کر پائیں… اور میں کرکٹ کھیلنے میں بھی اچھا نہیں ہوں!ابھیشیک کا یہ جملہ مداحوں کو بے حد پسند آیا اور میچ سے قبل سنجیدہ ماحول میں ہلکا پھلکا مزاح شامل ہوگیا۔واضح رہے کہ بھارتی اوپنر ابھیشیک شرما اس وقت ایشیا کپ 2025 کے ٹاپ اسکورر ہیں، جنہوں نے چھ اننگز میں شاندار بیٹنگ کے ساتھ 309 رنز بنائے ہیں اور 200 سے زائد اسٹرائیک ریٹ برقرار رکھا ہے۔ اسی لیے شعیب اختر کا ماننا ہے کہ پاکستان کے لیے فائنل میں کامیابی حاصل کرنے کا ایک اہم عنصر یہی ہوگا کہ بھارتی اوپنر کو جلد پویلین بھیجا جائے۔کل دبئی میں ہونے والے پاک بھارت فائنل کا شدت سے انتظار کیا جا رہا ہے اور شعیب اختر کی یہ دلچسپ بھول شائقین کے لیے ایک یادگار لمحہ بن گئی ہے۔

شعیب اختر کی دلچسپ بھول،ابھیشیک شرما کی جگہ ابھیشیک بچن کا نام، اداکار کا شاندار جواب

ایشیا کپ فائنل سے قبل سابق فاسٹ بولر کی لائیو شو میں غلطی، بالی ووڈ اسٹار کے مزاحیہ ٹویٹ نے مداحوں کے چہرے کھلا دیے

لاہور (این این آئی)سابق کپتان اور کوچ وقار یونس نے اوپنر بیٹر صائم ایوب کو بینچ پر بٹھانے کا مطالبہ کردیا۔پاکستان کے سابق فاسٹ بولر وقار یونس نے نوجوان اوپنر صائم ایوب پر ایشیا کپ 2025 میں صفر پر آؤٹ ہونے پر تنقید کی اور انہیں فائنل سے ڈراپ کرنے کا مطالبہ کیا۔مقامی اسپورٹس پلیٹ فارم سے گفتگو میں انہوں نے کہا کہ 22 سالہ صائم اب تک چھ اننگز میں چار مرتبہ صفر پر آؤٹ ہوچکے ہیں۔انہوں نے کہا کہ دیکھو، میں نے یہ بات دوسری ڈک کے بعد کہی تھی کہ انہیں بینچ پر بٹھانے کی ضرورت ہے، ایسا نہیں ہے کہ وہ باصلاحیت نہیں وہ پاکستان کا مستقبل ہے۔وقار یونس نے کہا کہ بعض اوقات جب چیزیں آپ کے لیے ٹھیک نہیں ہوتیں تو آپ شیل میں جاتے رہتے ہیں اور اس کے ساتھ بھی ہی ہورہا ہے۔واضح رہے کہ صائم ایوب نے آخری 10 ٹی 20 اننگز میں 12.0 کی اوسط سے صرف 120 رنز بنائے ہیں جن میں ایک نصف سنچری اور پانچ صفر شامل ہیں۔ایشیا کپ 2025 میں پاکستان نے گزشتہ روز بنگلادیش کو 11 رنز سے شکست دے کر فائنل کے لیے کوالیفائی کرلیا ہے اور پاکستان، بھارت کی ٹیمیں اتوار کو دبئی میں فائنل میں مدمقابل آئیں گی۔

سابق کوچ اور کپتان وقار یونس نے صائم ایوب کو بینچ پر بٹھانے کا مطالبہ کردیا

22 سالہ صائم اب تک چھ اننگز میں چار مرتبہ صفر پر آؤٹ ہوچکے ہیں، میں نے یہ بات دوسری ڈک کے بعد کہی تھی،انٹرویو

کراچی (این این آئی)ریپ کی شکار خاتون اور اس کی جانب سے اپنے طاقتور ملزم سمیت بااثر افراد سے جنگ لڑنے کے موضوع پر بنائے گئے ڈرامے کیس نمبر 9 کو نشر کردیا گیا اور اس کی پہلی ہی قسط نے شائقین کے دل جیت لیے۔ڈرامے کی کہانی معروف اینکر شاہ زیب خانزادہ نے لکھی ہے جب کہ اس کی ہدایات سید وجاہت حسین نے دی ہیں۔ڈرامے کی کاسٹ میں فیصل قریشی، صبا قمر، گوہر رشید، آمنہ شیخ، نوین وقار، حنا بیات، نور الحسن، شاہنواز زیدی، علی رحمن خان اور دیگر فنکار شامل ہیں۔ڈرامے کو جیو ٹی وی پر 24 ستمبر سے نشر کردیا گیا اور ہفتے میں دو بار اسے نشر کیا جائے گا۔ڈرامے کی پہلی قسط نے ہی شائقین کے دل جیت لیے جب کہ سوشل میڈیا پر بھی کیس نمبر 9 کی ویڈیوز وائرل ہوگئیں، جہاں شائقین نے صبا قمر، فیصل قریشی اور جنید خان کی اداکاری کی تعریفیں کیں۔ڈرامے کی پہلی ہی قسط میں صبا قمر کے ساتھ ریپ کو دکھایا گیا ہے، جس وجہ سے شائقین میں ڈرامے کے حوالے سے مزید تجسس بڑھ چکا ہے۔کیس نمبر 9 سماجی موضوع اور تھرلر پر ڈراما مبنی ہے، اس کی کہانی جرائم اور طاقتور و کمزور کے درمیان جاری قانونی جنگ کے گرد گھومتی ہے۔ کیس نمبر نو صرف ایک ڈرامہ نہیں بلکہ ایک کڑوی حقیقت کی عکاسی ہے جو انصاف کی جنگ کو اسکرین پر زندہ کر دیتا ہے۔

ریپ کی شکار خاتون کا بااثر افراد سے جنگ پر مبنی ڈرامے نے شائقین کے دل جیت لیے

کیس نمبر 9 سماجی موضوع اور تھرلر پر ڈراما مبنی ہے، اس کی کہانی جرائم اور طاقتور و کمزور کے درمیان جاری قانونی جنگ کے گرد گھومتی ہے

خیبرپختونخوا کے ضلع کرک میں سیکیورٹی فورسز اور پولیس نے مشترکہ انٹیلی جنس بیسڈ آپریشن کے دوران 17 دہشت گردوں کو ہلاک کردیا، جن کے بارے میں بتایا گیا ہے کہ وہ بھارتی سرپرستی میں سرگرم تھے۔ کارروائی میں بڑی مقدار میں اسلحہ اور گولہ بارود بھی برآمد کیا گیا۔پاک فوج کے شعبہ تعلقات عامہ (آئی ایس پی آر) کے مطابق یہ آپریشن گزشتہ رات ضلع لکی مروت اور کرک کی سرحدی علاقے درشہ خیل میں کیا گیا۔ اطلاع ملی تھی کہ ایک گروہ علاقے میں روپوش ہے جس پر فورسز نے مربوط حکمت عملی کے ساتھ انہیں گھیرے میں لے لیا۔آئی ایس پی آر کا کہنا ہے کہ مقابلے کے دوران 17 دہشت گرد مارے گئے جو فورسز پر حملوں اور بے گناہ شہریوں کے قتل میں ملوث تھے۔ ان کے قبضے سے اسلحہ اور دھماکہ خیز مواد بھی برآمد ہوا۔آئی ایس پی آر کے مطابق علاقے میں مزید ممکنہ بھارتی خوارج کی موجودگی کے شبہ میں کلیئرنس اور سینیٹائزیشن آپریشن جاری رکھا جا رہا ہے تاکہ کسی بھی باقی خطرے کو مکمل طور پر ختم کیا جا سکے۔ترجمان پاک فوج کےمطابق سیکیورٹی فورسز ملک سے بھارتی حمایت یافتہ دہشت گردی کی لعنت کے خاتمے کے لیے پُرعزم ہیں۔ذرائع کے مطابق آپریشن مکمل ہونے کے بعد مقامی افراد نے فورسز کا شاندار استقبال کیا اور کامیاب کارروائی پر خوشی کا اظہار کیا۔دوسری جانب وزیراعظم شہباز شریف نے ضلع کرک میں 17خوارج کو ہلاک کرنے پر سکیورٹی فورسز کو خراج تحسین پیش کرتے ہوئے کہا ہے سکیورٹی فورسز کی پیشہ ورانہ مہارت اور بروقت کارروائی کی بدولت خوارج کے مذموم عزائم خاک میں مل گئے۔ہفتہ کو وزیر اعظم آفس سے جاری بیان کے مطابق وزیر اعظم شہباز شریف نے ضلع کرک میں سکیورٹی فورسز کے آپریشن میں زخمی ہونے والے اہلکاروں کی جلد صحتیابی کی دعا کی۔انہوں نے کہا کہ سکیورٹی فورسز کی پیشہ ورانہ مہارت اور بروقت کارروائی کی بدولت خوارج کے مذموم عزائم خاک میں مل گئے،حکومت اور سکیورٹی فورسز دہشتگردی کے مکمل خاتمے کیلئے پر عزم ہیں۔ وزیر اعظم نے کہا کہ دہشتگردی کی عفریت کو جلد جڑ سے اکھاڑ دیں گے۔

خیبرپختونخوا، سیکیورٹی فورسزاورپولیس کا کرک میںمشترکہ آپریشن، 17 خوارج ہلاک

ہلاک خوارج شہریوں کے قتل اور فورسز پر حملوں میں ملوث تھے، اسلحہ اور گولا بارود برآمد کرلیا گیا،آئی ایس پی آر

افغانستان کی طالبان حکومت نے خواتین کو مرد ڈینٹسٹ سے علاج کرانے سے روک دیا ہے۔العربیہ نیوز کے مطابق صوبہ قندھار میں طالبان اہلکاروں نے مختلف ڈینٹل کلینکس پر چھاپے مارے اور خواتین مریضوں کو علاج کرائے بغیر باہر نکال دیا۔ اس موقع پر کلینکس کو ایک تحریری حکم نامہ بھی دیا گیا، جس میں واضح ہدایت کی گئی کہ خواتین مریضوں کا علاج مرد دندان ساز نہیں کریں گے۔طالبان کا یہ تازہ حکم ایسے وقت میں سامنے آیا ہے جب چند ہفتے قبل ہی ملک بھر میں ’’رومانوی شاعری‘‘ اور غیر اجازت یافتہ مشاعروں پر بھی پابندی لگا دی گئی تھی۔یاد رہے کہ طالبان کے اگست 2021 میں اقتدار سنبھالنے کے بعد خواتین پر یکے بعد دیگرے سخت پابندیاں عائد کی جاتی رہی ہیں۔ خواتین کے لیے ملازمتوں، لڑکیوں کی سیکنڈری تعلیم اور غیر ملکی امدادی اداروں میں کام کرنے پر پہلے ہی پابندی ہے۔اس کے علاوہ خواتین کے پارکس، جم اور کھیلوں کی سہولیات بند کر دی گئی ہیں، جبکہ خواتین کھلاڑیوں کو بین الاقوامی مقابلوں میں شرکت سے بھی روک دیا گیا ہے۔طالبان کے مسلسل فیصلے خواتین کے بنیادی حقوق اور سماجی آزادیوں پر مزید سوالات کھڑے کر رہے ہیں۔

طالبان نے خواتین کے مرد ڈینٹسٹ سے علاج کرانے پر پابندی لگا دی

قندھار میں طالبان اہلکاروں نے خواتین مریضوں کو ڈینٹل کلینکس سے نکال دیا، حکم نامہ جاری

وزیراعظم پاکستان محمد شہباز شریف نے اقوام متحدہ جنرل اسمبلی کے 80 ویں اجلاس سے خطاب کرتے ہوئے کہا کہ پاکستان پرامن بقائے باہمی اور تنازعات کے سفارتی حل پر یقین رکھتا ہے، تاہم کسی بھی جارحیت کی صورت میں ملک اپنے دفاع کے لئے فیصلہ کن اقدامات کرنے کی بھرپور صلاحیت رکھتا ہے۔وزیراعظم شہباز شریف نے اقوام متحدہ کی جنرل اسمبلی سے خطاب کرتے ہوئے اپنے بیان کا آغاز قرآن پاک کی آیت کریمہ سے کیا اور فلسطین کے مظلوم عوام کے ساتھ بھرپور یکجہتی کا اظہار کیا۔انہوں نے کہا کہ دنیا کو دہشت گردی جیسے سنگین چیلنج کا سامنا ہے جبکہ جعلی خبروں اور پروپیگنڈے نے معاشروں کا اعتماد متزلزل کر دیا ہے۔ ان کا کہنا تھا کہ ماحولیاتی تبدیلی بھی ایک ایسا بڑا خطرہ ہے جو ہماری بقا کو متاثر کر رہا ہے۔وزیراعظم نے زور دیا کہ عالمی سطح پر تنازعات میں شدت آ رہی ہے اور بھارت سیاسی مفادات کے لیے صورتحال کو اپنے حق میں استعمال کر رہا ہے۔ ان کا کہنا تھا کہ پاکستان نے حالیہ جارحیت کے دوران دشمن کو منہ توڑ جواب دیا۔ فیلڈ مارشل عاصم منیر کی قیادت اور مسلح افواج کی جرات مندانہ حکمت عملی کے باعث بھارت کے سات طیارے مار گرائے گئے، جس پر جنرل اسمبلی ہال میں پاکستان زندہ باد کے نعرے گونج اٹھے۔انہوں نے کہا کہ بھارت نے عالمی قوانین کی خلاف ورزی کرتے ہوئے شہری آبادی کو نشانہ بنایا، مگر پاکستان نے اقوام متحدہ کے چارٹر کے آرٹیکل 51 کے تحت اپنے دفاع کا حق استعمال کیا۔پاکستان کے امن پسندی کے مؤقف کو دہراتے ہوئے وزیراعظم شہباز شریف نے کہا کہ بھارت سے جنگ جیتنے کے باوجودپاکستان تمام تصفیہ طلب امور پر جامع اورنتیجہ خیز مذاکرات کیلئے تیار ہے۔ اس موقع پر وزیراعظم نے پاک فضائیہ اور ایئر چیف مارشل ظہیر احمد بابر کی قیادت کو خراجِ تحسین پیش کیا اور شہداء کے لواحقین کو سلام پیش کرتے ہوئے کہا کہ ان کی قربانیاں ہمیشہ عزت اور وقار کے ساتھ یاد رکھی جائیں گی۔وزیراعظم نے امریکی صدر ڈونلڈ ٹرمپ کا خصوصی شکریہ ادا کیا جنہوں نے بروقت مداخلت کر کے جنگ بندی یقینی بنائی۔ انہوں نے کہا کہ عالمی امن کے لیے صدر ٹرمپ کا کردار ایسا ہے جس پر انہیں نوبیل انعام دیا جانا چاہیے۔شہباز شریف نے مزید کہا کہ پاکستان ہمیشہ پرامن بقائے باہمی کی پالیسی پر کاربند رہا ہے اور ہم سمجھتے ہیں کہ مکالمے اور سفارتکاری ہی تنازعات کے پائیدار حل کی واحد راہ ہے۔ انہوں نے عالمی برادری سے مطالبہ کیا کہ فلسطین کو ایک آزاد ریاست کے طور پر تسلیم کیا جائے اور مقبوضہ کشمیر میں بھی اقوام متحدہ کی قراردادوں کے مطابق عوام کو حق خودارادیت دیا جائے۔

بھارت کو جنگ میں دیا گیا جواب تاریخ میں ہمیشہ یاد رکھا جائے گا، وزیراعظم شہبازشریف

جنگ جیت چکے، بھارت کے ساتھ جامع اور نتیجہ خیز مذاکرات کیلئے تیار ہیں، وزیر اعظم کا جنرل اسمبلی سے خطاب

بھارتی بورڈ کی شکایت پر صاحبزادہ فرحان اور حارث رئوف آئی سی سی میں پیش ہوگئے اور الزامات تسلیم کرنے سے انکار کردیا ۔ میڈیارپورٹس کے مطابق یشیا کپ میں بھارت کے خلاف میچ کے دوران جشن منانے کے انداز پر لگنے والے الزامات کے جواب میں قومی کرکٹرز حارث رؤف اور صاحبزادہ فرحان آئی سی سی کے میچ ریفری رچی رچرڈسن کے سامنے پیش ہوئے۔بھارت نے دعویٰ کیا تھا کہ صاحبزادہ فرحان نے نصف سنچری مکمل کرنے کے بعد بلے کو بندوق بنا کر فائر کرنے کا اشارہ کیا، جبکہ حارث رؤف نے وکٹ لینے کے بعد اور باؤنڈری لائن پر فیلڈنگ کے دوران بھارتی شائقین کی ہوٹنگ پر جہاز تباہ ہونے کا اشارہ کیا۔ بی سی سی آئی اور بھارتی فینز نے ان حرکات کو ضابطہ اخلاق کی خلاف ورزی قرار دے کر آئی سی سی کو باضابطہ شکایت درج کرائی تھی۔ذرائع کے مطابق سماعت کے دوران صاحبزادہ فرحان نے الزامات کو مسترد کرتے ہوئے کہا کہ ان کی سیلیبریشن کسی طور سیاسی یا بھارت مخالف نہیں تھی، یہ صرف پشتون روایتی انداز میں خوشی منانے کا طریقہ ہے۔ انہوں نے واضح کیا کہ اس اشارے کا مقصد کسی کو ٹارگٹ کرنا نہیں تھا۔دوسری جانب میچ ریفری نے حارث رؤف سے چھ صفر کا اشارہ کرنے کی وضاحت مانگی تو انہوں نے الٹا سوال کیا کہ "آپ بتائیں اس کا مطلب کیا ہے؟"۔ حارث کا کہنا تھا کہ ان کے اشارے کو غلط رنگ دیا گیا ہے اور اس کے حق میں کوئی ثبوت موجود نہیں۔ ان کے سخت جواب پر ریفری کچھ دیر کے لیے خاموش ہو گئے۔ذرائع کا کہنا ہے کہ حارث نے مزید وضاحت دی کہ یہ صرف شائقین کے لیے تھا اور اس کا کوئی اور مقصد نہیں تھا۔ امکان ظاہر کیا جا رہا ہے کہ دونوں کھلاڑیوں کو زیادہ سے زیادہ وارننگ یا میچ فیس کا معمولی جرمانہ عائد کیا جا سکتا ہے۔دوسری طرف پاکستان کی شکایت پر بھارتی کپتان سوریا کمار یادیو کے سیاسی بیان پر بھی کارروائی زیر غور ہے اور اس پر فیصلہ جلد متوقع ہے۔

صاحبزادہ فرحان ،حارث رؤف آئی سی سی میں پیش ہوگئے، الزامات تسلیم کرنے سے انکار

بھارت کی شکایت کے باوجود کرکٹرز نے اپنا کیس مضبوط انداز میں رکھا، جرمانے یا وارننگ کا امکان

جرمن پارلیمنٹ کا اجلاس اس وقت منفرد منظر میں بدل گیا جب ایک خاتون رکن نے اپنی سیاسی ذمہ داریوں کے ساتھ ماں ہونے کا بھی شاندار مظاہرہ کر دکھایا۔جرمنی کی گرین پارٹی سے تعلق رکھنے والی 32 سالہ رکن پارلیمان ہانا اسٹئن مولر نے اپنے نومولود بیٹے کو گود میں اٹھائے بنڈسٹاگ کے اجلاس سے بجٹ تقریر کی۔ یہ پہلا موقع تھا کہ کسی رکن اسمبلی نے بچے کے ہمراہ ایوان میں خطاب کیا۔بنڈسٹاگ کے سرکاری انسٹاگرام پر شیئر کی گئی ویڈیو میں واضح نظر آتا ہے کہ ننھا بچہ سکون سے ماں کے سینے سے لگا سو رہا تھا جبکہ ہانا پورے اعتماد کے ساتھ اپنی تقریر جاری رکھے ہوئے تھیں۔بعدازاں ایک جرمن اخبار سے گفتگو میں ہانا نے بتایا کہ یہ سب پہلے سے طے شدہ نہیں تھا۔ ’’اگر میں بیٹے کو کسی اور کے حوالے کرتی تو وہ جاگ جاتا، اس لیے میں نے اسے گود میں ہی رکھا،‘‘ انہوں نے کہا۔ہانا نے زور دے کر کہا کہ بچے والدین کی روزمرہ زندگی کا حصہ ہیں اور یہ سوچ بدلنی چاہیے کہ والدین اپنے فرائض پورے کرنے کے لیے بچوں کو پورے دن کسی اور کے سپرد کریں۔ انہوں نے خاص طور پر سنگل والدین کی مشکلات پر بھی روشنی ڈالی۔یہ پہلا موقع نہیں جب ہانا نے اپنے بیٹے کو پارلیمنٹ لایا ہو، اس سے قبل بھی وہ کئی اجلاس میں بچے کے ساتھ شریک ہوچکی ہیں، جس پر انہیں تعریف کے ساتھ ساتھ تنقید کا سامنا بھی کرنا پڑا۔ تاہم پارلیمنٹ کی صدر جولیا کلوکنر نے اس عمل کی حمایت کرتے ہوئے کہا کہ ایسے مواقع پر نومولود بچوں کو ایوان میں لانے کی اجازت ہونی چاہیے تاکہ والدین اپنی ذمہ داریاں بہتر طریقے سے ادا کرسکیں۔ہانا اسٹئن مولر کا یہ قدم نہ صرف پارلیمانی تاریخ میں یادگار لمحہ بن گیا بلکہ اس نے یہ پیغام بھی دیا کہ سیاست اور والدین کی ذمہ داریاں ایک ساتھ نبھانا ناممکن نہیں۔

جرمن رکن اسمبلی نے بچے کو گود میں اٹھا کر بجٹ تقریر کرکے تاریخ رقم کردی

بچے والدین کی زندگی کا لازمی حصہ ہیں، سنگل والدین کی مشکلات کو سمجھا جائے،ہانا کا پیغام

اسلام آباد اور خیبر پختونخوا کے مختلف شہروں میں زلزلے کے جھٹکے محسوس کیے گئے۔ زلزلہ پیما مرکز کے مطابق راولپنڈی، پشاور، سوات، لوئر دیر اور چترال سمیت کئی علاقوں میں زمین لرزی، جس کی شدت 5.5 ریکارڈ کی گئی جبکہ گہرائی 195 کلومیٹر تھی۔زلزلہ پیمامرکز کےمطابق زلزلے کا مرکز افغانستان کے ہندوکش ریجن میں واقع تھا۔ جھٹکوں کے بعد شہری خوفزدہ ہو کر گھروں اور عمارتوں سے باہر نکل آئے اور کلمہ طیبہ کا ورد کرتے رہے۔ ابتدائی اطلاعات کے مطابق کسی جانی یا مالی نقصان کی خبر موصول نہیں ہوئی۔

اسلام آباد، پشاور اور شمالی علاقوں میں زلزلے کے جھٹکے، عوام میں خوف و ہراس

5.5 شدت کا زلزلہ ہندوکش ریجن میں آیا، گہرائی 195 کلومیٹر ریکارڈ، جانی و مالی نقصان کی اطلاع نہیں

وزیراعظم شہباز شریف نے کہا ہے کہ امریکی صدر ڈونلڈ ٹرمپ عالمی امن کے لیے اہم کردار ادا کر رہے ہیں، ان کی قیادت میں پاکستان اور امریکا کے تعلقات نئی بلندیوں کو چھوئیں گے۔شہبازشریف نے تنازعات کے خاتمے کے لیے مخلصانہ کوششوں پر ٹرمپ کو امن کا داعی قرار دیا۔وزیراعظم شہباز شریف اور فیلڈ مارشل عاصم منیر کی امریکی صدر ڈونلڈ ٹرمپ سے ملاقات کا اعلامیہ جاری کر دیا گیا۔اعلامیے کے مطابق وزیراعظم شہباز شریف اور آرمی چیف فیلڈ مارشل جنرل سید عاصم منیر نے وائٹ ہاؤس میں امریکی صدر ڈونلڈ ٹرمپ سے ملاقات کی۔ اعلامیے کے مطابق ملاقات خوشگوار ماحول میں ہوئی جس میں دو طرفہ تعلقات اور خطے کی صورتحال پر تفصیلی بات چیت کی گئی۔وزیراعظم نے صدر ٹرمپ کو امن کا علمبردار قرار دیتے ہوئے کہا کہ ان کی جرات مندانہ قیادت سے پاک بھارت سیزفائر ممکن ہوا جس سے خطے میں بڑے سانحے کو ٹالا گیا۔ غزہ میں جنگ بندی کے لیے ٹرمپ کی کوششوں اور مسلم دنیا کے رہنماؤں کو یکجا کرنے کی حکمتِ عملی کو بھی سراہا گیا۔وزیراعظم شہبازشریف نے پاک امریکا تجارتی معاہدے پر صدر ٹرمپ کا شکریہ ادا کرتے ہوئے کہا کہ ان کی قیادت میں تعلقات مزید مضبوط ہوں گے۔ اس موقع پر انہوں نے امریکی سرمایہ کاروں کو پاکستان کے زراعت، آئی ٹی، معدنیات اور توانائی کے شعبوں میں سرمایہ کاری کی دعوت بھی دی۔اعلامیے کے مطابق ملاقات میں سکیورٹی تعاون اور اِنسداد دہشت گردی پر بھی گفتگو ہوئی، جبکہ وزیراعظم شہبازشریف نے امریکی صدرٹرمپ کو پاکستان کے دورے کی دعوت بھی دی۔یہ ملاقات نہ صرف دو طرفہ تعلقات کو نئی سمت دینے کا عندیہ ہے بلکہ خطے میں امن و استحکام کے لیے بھی اہم پیش رفت ثابت ہو سکتی ہے۔

وزیراعظم اور فیلڈ مارشل کی امریکی صدرسے ملاقات، پاک امریکا تعلقات مزید مضبوط بنانے پر اتفاق

سپریم کورٹ آف پاکستان نے اسلام آباد ہائی کورٹ کے چیف جسٹس سرفراز ڈوگر ٹرانسفر کیس میں تفصیلی فیصلہ جاری کرتے ہوئے واضح کیا ہے کہ ہائی کورٹ کے ججز کی منتقلی آئین اور قانون کے عین مطابق ہوئی۔فیصلہ جسٹس محمد علی مظہر نے تحریر کیا، جو 55 صفحات پر مشتمل ہے۔ اس میں کہا گیا کہ کسی بھی جج کو ایک ہائی کورٹ سے دوسری ہائی کورٹ منتقل کرنے سے قبل متعلقہ جج کی رضامندی اور صدر مملکت کی جانب سے چیف جسٹس آف پاکستان اور دونوں ہائی کورٹس کے چیف جسٹس صاحبان سے مشاورت بنیادی تقاضا ہے۔فیصلے کے مطابق صدر مملکت کو آئین کے تحت ججز کی منتقلی کا اختیار حاصل ہے، اور آئین کے آرٹیکلز 175 اے اور 200 میں کوئی تضاد نہیں۔ یہ بھی کہا گیا کہ جج کی منتقلی کے عمل میں بدنیتی یا انتقامی کارروائی کا کوئی ثبوت سامنے نہیں آیا اور نہ ہی عدلیہ کی آزادی اس سے متاثر ہوئی۔عدالت نے مزید کہا کہ اسلام آباد ہائی کورٹ ایکٹ 2010 کے سیکشن 3 میں بھی منتقلی پر کوئی قدغن نہیں لگائی گئی اور صوبائی نمائندگی کے اصول کی خلاف ورزی نہیں ہوئی۔ تاہم، سنیارٹی کے معاملے پر وضاحت کے لیے فائل صدر کو واپس بھیج دی گئی ہے۔فیصلے میں یہ بھی قرار دیا گیا کہ ٹرانسفر کے بعد جج کو "نیا جج" نہیں سمجھا جا سکتا، بلکہ یہ عمل آئینی نظم اور عدالتی وقار کے تحفظ کے ساتھ جڑا ہوا ہے۔

ججز ٹرانسفر کیس،سپریم کورٹ نے اسلام آباد ہائیکورٹ کے ججز کی منتقلی کو جائز اور آئینی قرار دے دیا

جج کی منتقلی جج کی رضامندی اور مشاورت کے بغیر ممکن نہیں، منتقلی کے عمل میں عدلیہ کی رائے کواولیت حاصل ہے، تحریری فیصلہ

امریکی صدر ڈونلڈ ٹرمپ نے اقوام متحدہ کی جنرل اسمبلی کے اجلاس میں پیش آنے والے واقعے کو ’’سازش‘‘ قرار دیتے ہوئے سخت ردعمل دیا ہے۔ ٹرمپ نے اقوام متحدہ کے سیکریٹری جنرل کو خط لکھ کر اس واقعے کی فوری اور شفاف تحقیقات کا مطالبہ کیا۔ٹرمپ کا کہنا تھا کہ ان کی آمد کے دوران تین مختلف مواقع پر رکاوٹیں پیدا کی گئیں۔ ان کے مطابق جب وہ اور خاتونِ اول میلانیا برقی سیڑھی پر سوار ہوئے تو اچانک وہ بند ہوگئی اور انہیں پیدل سیڑھیاں چڑھنا پڑیں۔ اس کے بعد جب انہوں نے تقریر کا آغاز کیا تو ٹیلی پرامپٹر نے کام کرنا چھوڑ دیا، جس سے ان کا خطاب متاثر ہوا۔ صدر کے مطابق ان کا پیغام صرف وہی شرکاء سن سکے جن کے پاس ترجمے کے ہیڈ فونز موجود تھے۔اپنے سوشل میڈیا پلیٹ فارم پر جاری بیان میں ٹرمپ نے کہا کہ یہ واقعات محض حادثہ نہیں بلکہ ایک باقاعدہ سازش ہیں، اور اقوام متحدہ کو اس پر شرمندہ ہونا چاہیے۔دوسری جانب اقوام متحدہ کے اہلکاروں نے وضاحت دی ہے کہ برقی سیڑھی کا رک جانا حفاظتی نظام کی خودکار فعالیت کے باعث ہوا، جسے مبینہ طور پر امریکی وفد کے کسی اہلکار نے حرکت میں لے آیا تھا۔ سیکریٹری جنرل کے دفتر نے بھی اس امکان کی تصدیق کی ہے۔یہ صورتحال اس وقت پیش آئی جب دنیا بھر کے رہنما جنرل اسمبلی کے سالانہ اجلاس میں شریک تھے۔ مبصرین کے مطابق ٹرمپ کا یہ سخت ردعمل اقوام متحدہ اور واشنگٹن کے تعلقات میں مزید کشیدگی پیدا کرسکتا ہے۔

ٹرمپ نے اقوام متحدہ کے اجلاس میں برقی سیڑھی کی خرابی کو ’سازش‘ قرار دے دیا

یہ سب محض حادثات نہیں بلکہ ایک منصوبہ بندی شدہ سازش تھی،امریکی صدر ڈونلڈٹرمپ

ایشیاکپ 2025 کے سپر فور مرحلے کے اہم ترین میچ میں پاکستان نے بنگلا دیش کو11رنزسے شکست دے کر ایشیا کپ کے فائنل کیلئے کوالیفائی کرلیا،فائنل میں ایک بار پھر روایتی حریف بھارت کیساتھ جوڑ پڑے گا۔پاکستان کے 136 رنز کے ہدف کے تعاقب میں بنگلادیش کی ٹیم مقررہ اوورز میں 9 وکٹوں پر 124 رنز بناسکی،بنگلا دیش کی جانب سے شمیم حسین30رنز بناکرنمایاں رہے۔قبل ازِیںدبئی میں کھیلے جانیوالے ایونٹ کے اہم ترین میچ میں بنگلادیش نے پاکستان کے خلاف ٹاس جیت کر بولنگ کا فیصلہ کیا، جو درست ثابت ہوا،پہلے بیٹنگ کرتے ہوئے پاکستان کرکٹ ٹیم کے مقررہ 20 اوورز میں 8 وکٹوں کے نقصان پر 135 رنز بنائے، محمد حارث 31 رنز کیساتھ نمایاں رہے،محمد نواز 25، شاہین شاہ آفریدی 19، کپتان سلمان آغا 19، فخر زمان 13، صاحبزادہ فرحان 4 اور حسین طلعت 3 رنز کے انفرادی اسکور پر آؤٹ ہوئے۔فہیم اشرف 14 اور حارث رؤف 3 رنز کے ساتھ ناٹ رہے، صائم ایوب نے ٹی ٹوئنٹی میچز کے کیریئر میں 9ویں بار صفر پر آؤٹ ہوتے ہوئے شاہد آفریدی کو پیچھے چھوڑ کر صفر پر آؤٹ ہونے والے دوسرے پاکستانی کھلاڑی بن گئے۔بنگلادیش کی جانب سے تسکین احمد نے 3، مہدی حسن اور رشاد حسین نے2،2 کھلاڑیوں کو آؤٹ کیا۔ پاکستان کے دیئے گئے 136 رنز کے ہدف کے تعاقب میںبنگلا دیش کی ٹیم20 اوورز میں 124 رنز بنانے میں کامیاب ہوئی، جس میں شمیم حسین 30 رنز بنا کر سرفہرست رہے ، سیف حسن 18، نور الحسن 16، مہدی حسن 11، تنظیم حسن 10 رنز بنانے میں کامیاب ہوئے ۔پاکستان کی جانب سے شاہین آفریدی اور حارث رؤف نے 3،3 وکٹیں حاصل کیں۔صائم ایوب نے 2 اور محمد نواز نے ایک کھلاڑی کو آؤٹ کیا۔شاہین آفریدی کومیچ کا بہترین کھلاڑی قرار دیا گیا۔خیال رہے کہ پاکستان اور بھارت کی ٹیمیں پہلی بار ایشیا کپ کے فائنل میں آمنے سامنے آئیں گی۔

پاکستان بنگلادیش کو11رنز سے شکست دیکر ایشیاء کپ کے فائنل میں پہنچ گیا

28 ستمبر بروز اتوار کو کھیلے جانے والے فائنل میں پاکستان کا مقابلہ بھارت کے ساتھ ہوگا

امریکی صدر ڈونلڈ ٹرمپ نے ترک صدر رجب طیب اردوان کی فوجی صلاحیتوں کا اعتراف کرتے ہوئے کہا ہے کہ ترک صدر نے امریکی ساختہ ساز و سامان استعمال کرکے اپنی فوج کو طاقتور بنایا۔ وائٹ ہاؤس میں اردوان کی آمد پر صدر ٹرمپ نے پرتپاک استقبال کیا اور انہیں بہترین دوست اور انتہائی قابل احترام رہنما قرار دیا۔ون آن ون ملاقات اور بعد ازاں مشترکہ پریس کانفرنس میں دونوں رہنماؤں نے دوطرفہ تعلقات، دفاعی تعاون، شام، روس یوکرین جنگ اور غزہ کی صورتحال پر تفصیلی گفتگو کی۔صدر ٹرمپ نے کہا کہ امریکا ترکیہ کے ساتھ ایف-16 اور ایف-35 لڑاکا طیاروں سمیت جدید دفاعی معاہدے کرنے کو تیار ہے۔ ان کا کہنا تھا کہ یہ شراکت داری نہ صرف تجارتی اور اقتصادی تعلقات کو نئی بلندیوں تک لے جائے گی بلکہ دفاعی میدان میں بھی نئے مواقع پیدا کرے گی۔ انہوں نے زور دیا کہ ترکیہ روس سے تیل کی خریداری بند کرے تاکہ یوکرین جنگ کے خاتمے کے لیے دباؤ ڈالا جا سکے۔ٹرمپ نے روسی صدر ولادیمیر پیوٹن کو مخاطب کرتے ہوئے کہا کہ اب وقت آگیا ہے کہ وہ جنگ بندی کریں کیونکہ روس کی جاری کارروائیاں دنیا کے امن کے لیے شدید خطرہ بنتی جا رہی ہیں۔ ان کا کہنا تھا کہ پیوٹن لاکھوں ڈالر ہتھیاروں پر خرچ کرنے کے باوجود کوئی بڑی کامیابی حاصل نہیں کر سکے اور اس جنگ میں روسی فوجی سب سے زیادہ نقصان اٹھا رہے ہیں۔شام کے معاملے پر ٹرمپ نے صدر اردوان کو’مسئلہ شام کا فاتح‘ قرار دیا اور کہا کہ حالات کی بہتری اور پابندیاں ہٹنے کا سہرا انہی کو جاتا ہے۔ انہوں نے یہ بھی کہا کہ ترک صدر نے امریکی ہتھیاروں سے اپنی فوج کو مضبوط بنایا اور اس کامیابی کا کریڈٹ بھی انہی کو دیا جانا چاہیے۔غزہ کے حوالے سے گفتگو میں صدر ٹرمپ نے کہا کہ مسلم ممالک کے رہنماؤں کے ساتھ ملاقاتیں مثبت رہی ہیں اور ایک معاہدے کے قریب پہنچ گئے ہیں۔ ان کے مطابق امریکا غزہ میں جنگ بندی اور تمام یرغمالیوں کی واپسی چاہتا ہے اور اس معاملے پر اسرائیلی وزیراعظم سے بھی بات ہوگی۔ترک صدر اردوان نے کہا کہ ترکیہ واشنگٹن کے ساتھ تعلقات کو ایک نئی سطح پر لے جانا چاہتا ہے۔ انہوں نے ایف-16 اور ایف-35 طیاروں کے حصول اور دیگر دفاعی معاہدوں پر بات چیت کی تصدیق کی۔ اردوان کے مطابق امریکا اور ترکیہ کی شراکت داری دونوں ممالک کے مفاد میں ہے۔پریس کانفرنس کے دوران امریکی صدر کے بیانات سے یہ واضح ہوا کہ واشنگٹن خطے میں روس کے بڑھتے ہوئے اثرورسوخ کو روکنے کے لیے ترکیہ کو کلیدی اتحادی کے طور پر دیکھ رہا ہے۔

ترک صدر نے امریکی ساز و سامان سے اپنی فوج کو طاقتور بنایا،ڈونلڈ ٹرمپ

ٹرمپ،اردوان ملاقات، دفاعی معاہدوں، روس یوکرین جنگ اور غزہ پر تفصیلی گفتگو

وزیراعلیٰ پنجاب مریم نواز نے کہا ہے کہ پیپلز پارٹی نے پنجاب کے سیلاب پر سیاست کی، جبکہ سندھ کی صورتحال پر بات نہیں کرنا چاہتی۔ انہوں نے کہا کہ پیپلز پارٹی کو چاہیے کہ وہ اپنے صوبے پر توجہ دے، پنجاب کو ہم خود سنبھال لیں گے۔الیکٹرو بس منصوبے کی افتتاحی تقریب سے خطاب کرتے ہوئے مریم نواز نے کہا کہ مجھے کہا جا رہا ہے کہ دنیا کے سامنے امداد مانگوں، لیکن میں نواز شریف کی بیٹی ہوں، کسی کے آگے ہاتھ نہیں پھیلاؤں گی۔ پنجاب کے عوام کا پیسہ صرف پنجاب کے عوام پر خرچ ہوگا۔انہوں نے بلاول بھٹو کو اپنا "چھوٹا بھائی" قرار دیتے ہوئے کہا کہ وہ اپنے ترجمانوں کو سمجھائیں۔ جنوبی پنجاب کے عوام کو ماضی میں صرف نعرے ملے، مگر عملی اقدامات نواز شریف اور شہباز شریف نے کیے۔وزیراعلیٰ نے کہا کہ بی آئی ایس پی میں صرف 10 ہزار روپے کی امداد دی جاتی ہے، مگر ہم لاکھوں روپے کی مدد دینا چاہتے ہیں تاکہ متاثرہ خاندانوں کے حقیقی نقصان کا ازالہ ہو سکے۔ انہوں نے اعلان کیا کہ ڈی جی خان ڈویژن کے لیے 101 ماحول دوست الیکٹرو بسیں چلائی جائیں گی، جبکہ لیہ، مظفرگڑھ، راجن پور، تونسہ اور کوٹ ادو میں بھی یہ سہولت دستیاب ہوگی۔ خواتین، طلبہ اور بزرگ شہری مفت سفر کریں گے، معذور افراد کے لیے خصوصی سہولت اور خواتین کے لیے محفوظ جگہ بھی مختص کی گئی ہے۔مزید برآں مریم نواز نے کہا کہ بارڈر ملٹری پولیس میں پہلی بار خواتین کی شمولیت خوش آئند ہے اور وعدہ کیا کہ پنجاب کے تمام شہروں کو یکساں ترقی کے مواقع فراہم کیے جائیں گے۔

دنیا سے امداد نہیں مانگوں گی، میں نواز شریف کی بیٹی ہوں، وزیراعلیٰ پنجاب مریم نواز

پنجاب کی فکر چھوڑیں سندھ کا کیا حال ہے اسے دیکھیں اپنے مشورے اپنے پاس رکھیں،وزیراعلیٰ پنجاب

نئی دہلی (این این آئی)بھارتی کرکٹ ٹیم کے کپتان سوریا کمار یادیو کے خلاف کارروائی کا امکان ہے،پاکستان نے سوریا کمار یادیو کے بیان کے خلاف شکایت کی تھی،ایشیا کپ کے میچ ریفری رچی رچرڈسن معاملے کو دیکھ رہے ہیں۔ میڈیارپورٹس کے مطابق ایشیا کپ میں سوریا کمار یادیو کی مشکلات میں اضافہ ہو سکتا ہے، آئی سی سی نے پی سی بی کی شکایت منظور کر لی۔رپورٹ کے مطابق پاکستان کے خلاف گروپ اسٹیج کے میچ کے بعد سوریا کمار یادیو نے سیاسی جملے بولے تھے، پاکستان نے سوریا کمار یادیو کے خلاف آئی سی سی کو باقاعدہ شکایت کی تھی۔بھارتی میڈیا کے مطابق آئی سی سی پاکستان کے شکایت کا جائزہ لے رہا ہے، جلد اس کی باضابطہ سماعت ہوگی، پاکستان کی طرف سےدو آفیشل رپورٹس ملی ہیں۔میچ ریفری رچی رچرڈسن نے پاکستان کی شکایت ملنے پر بھارتی ٹیم مینجمنٹ کو ای میل کرتے ہوئے کہا ہے کہ لگتا ہے سوریا کمار نے کھیل کی ساکھ کو نقصان پہنچایا۔میچ ریفری کی جانب سے کہا گیا کہ پاکستان کے جمع کرائے گئے شواہد کے جائزے کے بعد سوریا کمار کے خلاف کارروائی ہونی چاہیے، سوریا کمار یادیو نے کھیل کے مفاد کے خلاف غیر مناسب ریمارکس دیے۔بھارتی میڈیا کے مطابق سوریا کمار یادیو کے خلاف کارروائی کا جلد امکان ہے۔

کیا بھارتی کپتان پر پابندی لگنے والی ہے؟ کرکٹ دنیا کی نظریں آئی سی سی پر جم گئیں

پاکستان نے سوریا کمار یادیو کے بیان کے خلاف شکایت کی تھی،ریفری رچی رچرڈسن معاملے کو دیکھ رہے ہیں

اقوام متحدہ کی جنرل اسمبلی کے 80ویں اجلاس کے موقع پر وزیراعظم پاکستان شہباز شریف اور بنگلہ دیش کے چیف ایڈوائزر پروفیسر محمد یونس کی اہم ملاقات ہوئی۔ یہ ملاقات خوشگوار اور دوستانہ ماحول میں منعقد ہوئی، جس میں دونوں رہنماؤں نے پاکستان اور بنگلہ دیش کے تعلقات کو مزید مستحکم بنانے کے عزم کا اعادہ کیا۔ملاقات میں دو طرفہ تعاون کو مختلف شعبوں تک وسعت دینے پر گفتگو کی گئی، خاص طور پر تجارت، علاقائی روابط اور عوامی سطح پر تعلقات کو فروغ دینے پر اتفاق کیا گیا۔ وزیراعظم شہباز شریف نے زور دیا کہ پاکستان باہمی عزت، اعتماد اور رواداری کی بنیاد پر تعلقات کو آگے بڑھانے کا خواہاں ہے اور دونوں ممالک کو خطے کی ترقی و خوشحالی کے مشترکہ اہداف کے لیے مل کر کام کرنا ہوگا۔پروفیسر محمد یونس نے پاکستان کے مثبت کردار کو سراہتے ہوئے کہا کہ باہمی تجارت اور ثقافتی تعلقات کو مزید فروغ دینے کی ضرورت ہے۔ ان کا کہنا تھا کہ پاکستان اور بنگلہ دیش کا تعاون خطے میں امن، استحکام اور ترقی کا ذریعہ بن سکتا ہے۔ترجمان دفتر خارجہ کے مطابق یہ ملاقات دونوں ممالک کے درمیان قریبی تعلقات اور خطے میں مشترکہ اہداف کے لیے مل کر آگے بڑھنے کے عزم کی عکاس تھی۔

خطے کی ترقی، خوشحالی اور استحکام کیلئے مشترکہ سفر جاری رہے گا،پاکستان اور بنگلہ دیش کا عزم

وزیراعظم شہباز شریف اور بنگلہ دیشی چیف ایڈوائزر کی ملاقات، تعلقات مزید مضبوط بنانے پر اتفاق

امریکی ٹی وی اسٹار اور معروف فیشن آئیکون کِم کارڈیشین نے اپنی فٹنس کے حوالے سے نیا انکشاف کیا ہے۔ 44 سالہ کِم، جو دنیا بھر میں فیشن اور اسٹائل کے ساتھ ساتھ اپنی صحت مند لائف اسٹائل کی وجہ سے بھی جانی جاتی ہیں، نے بتایا کہ ان کی فٹنس کا سب سے بڑا راز ویٹ ٹریننگ ہے۔ایک غیر ملکی میگزین کو دیے گئے انٹرویو میں کِم نے کہا کہ وہ اپنے مصروف شیڈول کے باوجود روزانہ ورزش کو معمول کا حصہ بناتی ہیں۔ ان کے مطابق ورزش کے دوران زیادہ توجہ وزن اٹھانے پر ہوتی ہے، کیونکہ اس سے جسم نہ صرف مضبوط بلکہ متوازن بھی رہتا ہے۔کِم نے بتایا کہ کمر کے مسائل کے باعث انہیں اپنی ایکسرسائز میں کچھ تبدیلیاں کرنا پڑی ہیں، تاہم انہوں نے ورزش کا تسلسل کبھی نہیں توڑا۔ ان کی روٹین میں تقریباً ڈیڑھ گھنٹے کی مشق شامل ہے، جس میں ویٹ ٹریننگ، کارڈیو اور اسٹریچنگ سب شامل ہوتے ہیں۔دلچسپ بات یہ ہے کہ کِم کارڈیشین کو ڈانس پر مبنی ورزش بالکل پسند نہیں، جبکہ ایک بار ہاٹ یوگا کے دوران وہ سو بھی گئی تھیں۔ ان کا کہنا تھا کہ کامیاب اور صحت مند زندگی کے لیے متوازن روٹین اور باقاعدہ ورزش کو اپنانا ناگزیر ہے۔

– ویٹ ٹریننگ ہے اصل طاقت،کِم کارڈیشین نے اپنی فٹنس کا راز بتا دیا

مصروف شیڈول کے باوجود روز ڈیڑھ گھنٹہ ورزش لازمی کرتی ہوں، کِم کارڈیشین

وزیراعظم شہباز شریف نے کہا ہے کہ توانائی کے شعبے میں گردشی قرضہ ملکی وسائل پر بھاری بوجھ بن چکا تھا، اس مسئلے پر قابو پانا ایک بڑی کامیابی ہے۔نیویارک میں گردشی قرضے کے خاتمے کے منصوبے کی افتتاحی تقریب سے ورچوئل خطاب کرتے ہوئے وزیراعظم نے کہا کہ بجلی کے شعبے میں لائن لاسز بھی بڑا چیلنج ہیں اور آئندہ مرحلے میں ان پر خصوصی توجہ دی جائے گی۔ان کا کہنا تھا کہ وفاقی وزیر توانائی کی قیادت میں ٹاسک فورس نے انتھک محنت کی اور آئی پی پیز کے ساتھ کامیاب مذاکرات کیے۔ یہ منصوبہ تمام اداروں کی اجتماعی کوششوں کا نتیجہ ہے۔ وزیراعظم نے مزید بتایا کہ ان کی آئی ایم ایف کی منیجنگ ڈائریکٹر سے اہم ملاقات ہوئی جس میں پاکستان کی معاشی اصلاحات کو سراہا گیا۔تقریب سے خطاب کرتے ہوئے وفاقی وزیر توانائی اویس لغاری نے کہا کہ گردشی قرضے کی وجہ سے معیشت دباؤ کا شکار تھی لیکن متفقہ حکمت عملی کے ذریعے اس پر قابو پانے کی سمت اہم پیش رفت ہوئی ہے۔ ان کے مطابق آئندہ 6 سال میں اس قرضے سے نجات حاصل کرلی جائے گی۔وزیر خزانہ نے بھی تقریب میں اظہار خیال کرتے ہوئے کہا کہ پاور سیکٹر کے ڈھانچے میں اصلاحات جاری ہیں۔ گردشی قرضے کے خاتمے کی اسکیم ایک سال کی محنت کا نتیجہ ہے اور یہ اقدام توانائی کے شعبے میں دور رس اثرات ڈالے گا۔

گردشی قرض پر قابو، وزیر اعظم نے منصوبے کو بڑی کامیابی قرار دیا

بجلی کے شعبے میں لائن لاسز بھی بڑا چیلنج ہے، اگلے مرحلے میں لائن لاسز کے مسئلے پر توجہ دی جائےگی،وزیراعظم

اقوام متحدہ کی جنرل اسمبلی کے اجلاس میں امریکی صدر ڈونلڈ ٹرمپ کی جانب سے لندن کے میئر صادق خان پر کی جانے والی تنقید کے بعد برطانیہ میں سخت ردعمل سامنے آیا ہے۔ڈونلڈ ٹرمپ نے صادق خان کو’خطرناک میئر‘ قرار دیتے ہوئے دعویٰ کیا تھا کہ وہ لندن میں شریعت نافذ کرنا چاہتے ہیں۔ ان بیانات پر ردعمل دیتے ہوئے لندن کے پہلے مسلم میئر صادق خان نے کہا کہ ٹرمپ کی گفتگو ان کی انتہاپسند سوچ کی عکاسی کرتی ہے۔ ان کا مزید کہنا تھا کہ ایسا محسوس ہوتا ہے جیسے میں امریکی صدر کے دماغ میں بغیر کرائے کے رہائش اختیار کیے ہوئے ہوں۔صادق خان نے کہا کہ صدر ٹرمپ کا طرزِ عمل اسلام مخالف، خواتین مخالف اور نسل پرستانہ رویے کو ظاہر کرتا ہے، جو ان کی شخصیت کی اصل جھلک ہے۔ ان کے مطابق لندن دنیا کے سب سے محفوظ اور متحرک شہروں میں سے ایک ہے، جہاں نہ صرف امریکی شہری بڑی تعداد میں آباد ہیں بلکہ مزید لوگ ہجرت کرکے یہاں آ رہے ہیں۔برطانوی لیبر پارٹی کے رہنماؤں نے بھی صادق خان کی حمایت کرتے ہوئے ٹرمپ کے الزامات کو بے بنیاد قرار دیا۔ رکن پارلیمنٹ روپا حق نے امریکی صدر کے دعوے کو "کھلا جھوٹ" کہا جبکہ ایم پی روزینہ خان نے امریکی سفیر کو طلب کرنے کا مطالبہ بھی کر دیا۔ٹرمپ اور صادق خان کے درمیان یہ لفظی جنگ ایک بار پھر امریکہ اور برطانیہ کے تعلقات میں نیا تناؤ پیدا کرتی دکھائی دے رہی ہے۔

میں ٹرمپ کے دماغ میں بغیر کرائے کے رہتا ہوں،میئر لندن کا امریکی صدر کو کرارا جواب

برطانوی لیبر رہنماؤں نے بھی صادق خان کی حمایت کر دی، امریکی سفیر کو طلب کرنے کا مطالبہ

Bangladesh won the toss and chose to bowl first against India in the Asia Cup 2025 Super Four. Here’s the latest news, playing XIs, and what’s at stake.

Asia Cup 2025 Super Four: Bangladesh Bowl First Against India in Dubai

<p>The stand-in skipper of Bangladesh, Jaker Ali, made the right call at the toss and Jaker Ali put India into the batting. The weather in Dubai tends to have a large influence on such a decision and the weather is likely to be wet later in the evening. By choosing to pursue, Bangladesh has the advantage of being aware of the target and utilize any help provided by the circumstances to its own advantage.</p>

<p>India, under captain Suryakumar Yadav took the challenge of setting a total. Having a good batting lineup at their disposal, India will want to score a competitive mark which can place Bangladesh in a do or die position.</p>

<h2>Playing XIs</h2>

<p><strong>Bangladesh XI:</strong></p>

<p>Saif Hassan, Tanzid Hasan, Parvez Hossain Emon, Towhid Hridoy, Shamim Hossain, Jaker Ali (capt &amp; wk), Rishad Hossain, Nasum Ahmed, Tanzim Hasan Sakib, Mohammad Saifuddin, Mustafizur Rahman</p>

<p><strong>India XI:</strong></p>

<p>Abhishek Sharma, Shubman Gill, Tilak Varma, Suryakumar Yadav (capt), Sanju Samson (wk), Shivam Dube, Hardik Pandya, Axar Patel, Kuldeep Yadav, Jasprit Bumrah, Varun Chakravarthy</p>

<h2>Match Context &amp; Stakes</h2>

<p>The weight of this fixture in the Super Four stage is immense. To India, winning this game today will bring them nearer to a spot in the final. In the case of Bangladesh, the pressure is even greater as they are seeking to survive in the tournament. Each choice, every game, and each wicket may make their campaign.</p>

<p>The move to bowl first indicates that Bangladesh wanted to attack the top order of India at an early stage. The presence of Mustafizur Rahman and Tanzim Hasan Sakib at the forefront of the attack will give Bangladesh some hope of breaking through early on to give them an upper hand.</p>

<p>India on the other hand will be depending on the aggressive start of the opening couple of Abhishek Sharma and Shubman Gill to provide them with momentum. India will prioritize the powerplay with the depth in the batting order with experience of Hardik Pandya and Suryakumar Yadav and will target to establish an overwhelming target.</p>

<h2>Key Battles to Watch</h2>

<ul>
	<li><strong>India&rsquo;s top order vs Bangladesh&rsquo;s new ball bowlers:</strong> The opening overs could dictate the flow of the game.<br />
	&nbsp;</li>
	<li><strong>Spinners in the middle overs:</strong> Kuldeep Yadav and Nasum Ahmed may play pivotal roles in controlling the run flow.<br />
	&nbsp;</li>
	<li><strong>Death overs pressure:</strong> How India finishes with the bat and how Bangladesh counters with their variations will be crucial.</li>
</ul>

<h2>Head-to-Head Record</h2>

<p>India have been the traditional winners in this contest in T20Is and they have won 16 of 17 matches against the two teams. Bangladesh will however, be boosted by their lone win and hope to write another upset in a high-stakes game.</p>

<h2>Conclusion</h2>

<p>The Asia Cup 2025 between India and Bangladesh has the ingredients of a thriller, such as tactical captaincy decisions, star-studded teams, and the stress of the knock-out-style of cricket. As Bangladesh first bowls and India attempts to break India&rsquo;s record (with a massive score), fans are sure of an exciting evening of thrilling cricket at Dubai International Cricket Stadium.</p>

Asia Cup 2025: Bangladesh Win Toss, Bowl First Against India

Playing XIs

Match Context & Stakes

Key Battles to Watch

Head-to-Head Record

Conclusion

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan