Cricket

Entertainment

Football

لاہور(این این آئی)مسافر ٹرینوں کے کرایوں میں ایک بار پھر اضافہ کردیا گیا ہے۔محکمہ ریلوے نے مسافر ٹرینوں کے کرایوں میں 2  فیصد اضافہ کیا ہے۔ 2 ہفتوں کے دوران دوسری مرتبہ کرایوں میں اضافہ کیا گیا ہے۔ریلوے نے 18 جون کو بھی کرایوں میں 3 فیصد اضافہ کیا تھا۔محکمہ ریلوے کی جانب سے جاری نوٹیفکیشن کے مطابق کرایوں میں اضافے کا اطلاق 4 جولائی سے ہوگا۔ریلوے حکام کا کہنا تھا کہ ڈیزل کی قیمت میں اضافے سے ریلوے کو شدید مالی نقصان کا سامنا ہے، کرایوں میں اضافہ ناگزیر تھا۔

پاکستان ریلوے نے 2 ہفتوں کے دوران دوسری مرتبہ کرایوں میں اضافہ کردیا

کرایوں میں اضافے کا اطلاق 4 جولائی سے ہوگا،ریلوے نے18 جون کو بھی کرایوں میں 3 فیصد اضافہ کیا تھا

ایک سانپ نے آسٹریلوی پرواز میں گھنٹوں کی تاخیر کروادی،میلبورن ایئرپورٹ پر ایک انوکھا واقعہ پیش آیا جہاں ایک سانپ کی موجودگی کے باعث مسافر طیارے کی روانگی میں دو گھنٹے کی تاخیر ہو گئی۔ واقعہ اس وقت پیش آیا جب عملے نے بورڈنگ سے قبل طیارے کے لینڈنگ گیئر کے قریب ایک زندہ سانپ کو دیکھا۔سیکیورٹی خدشات کے پیش نظر فوری طور پر وائلڈ لائف حکام کو طلب کیا گیا، جنہوں نے احتیاط سے طیارے کی تلاشی لی۔ بتایا گیا ہے کہ سانپ طیارے کے نچلے حصے میں چھپ گیا تھا جسے نکالنے میں دو گھنٹے لگے۔حکام کے مطابق سانپ ایک غیر زہریلا پائتھن تھا، جو آسٹریلیا کے گرم علاقوں میں عام پایا جاتا ہے، خاص طور پر گرمیوں کے موسم میں ہوائی اڈوں کے اطراف۔ مکمل حفاظتی معائنہ کے بعد پرواز کو روانگی کی اجازت دی گئی، اس دوران مسافروں کو ایئرپورٹ لاؤنج میں انتظار کرنا پڑا۔

آسٹریلیا،جہاز میں سانپ کی موجودگی، پرواز 2 گھنٹے تاخیر کا شکار ہوگئی

میلبرن ایئرپورٹ پر پرواز سے قبل لینڈنگ گیئر میں زندہ سانپ کی موجودگی، وائلڈ لائف ٹیم نے کارروائی کے بعد کلیئرنس دی

اسلام آباد(این این آئی) وفاقی وزیر داخلہ محسن نقوی نے کہا ہے کہ ایران اسرائیل کے درمیان سیزفائر میں وزیراعظم کا اہم کردار ہے، جنگ بندی کے پیچھے بھی وردی ہے، سیزفائر پر پاکستان کو فخر کرنا چاہیے۔وزیر مملکت داخلہ طلال چودھری کے ہمراہ محرم الحرام کے حوالے سے تمام مکاتب فکر کے علمائے کرام سے گفتگو کرتے ہوئے وزیر داخلہ محسن نقوی کا کہنا تھا کہ تمام علما کرام کی آمد پر شکر گزار ہوں، قیام امن میں علما کرام نے ہمیشہ اہم کردارادا کیا، چیئرمین رویت ہلال کمیٹی تمام مکاتب فکر کے لوگوں کو ساتھ لیکر چلتے ہیں۔انہوں نے کہا کہ حضرت امام حسینؓ سب کے ہیں، محرم الحرام میں مذہبی ہم آہنگی کا فروغ انتہائی ضروری ہے، قیام امن حکومت کی ترجیح ہے۔ان کا کہنا تھا کہ اللہ کی نصرت سے بھارت کے خلاف جنگ میں فتح نصیب ہوئی، بھارت کی طرف سے فائر کئے گئے میزائل ہدف تک نہیں پہنچے، جوابی کارروائی میں بھارتی شہریوں کو نشانہ نہیں بنایا، ہم نہیں چاہتے تھے کہ جنگ میں بھارت کے کسی سویلین کو نقصان ہو، ہمارا ایک میزائل بھارت کے آئل ڈپو میں لگا اور سویلین آبادی بچ گئی، فیلڈمارشل کو جنگ میں کسی قسم کی پریشانی نہیں تھی، بھارت نے 4 گنا زیادہ نقصان برداشت کیا، ہم جنگ میں جیت کے بعد یوم آزادی 4 گنا زیادہ منا رہے ہیں۔وزیر داخلہ نے کہا کہ خیبرپختونخوا میں جن علاقوں میں دہشت گردی زیادہ ہے وہاں علما سے بات چیت کرنا ضروری ہے، مقامی لوگوں کی مدد کے بغیر دہشت گردی ختم نہیں ہوسکتی۔محسن نقوی کا کہنا تھا کہ ایران اوراسرائیل کے درمیان سیز فائرمیں وزیراعظم کا اہم کردار ہے، جنگ بندی کے پیچھے بھی وردی ہے۔وزیر مملکت داخلہ طلال چودھری نے کہا کہ علما کرام نے پورے پاکستان میں اپنا فرض بہترین انداز میں نبھایا، علماء کرام دہشت گردی کے خاتمے میں اپنا کردار زیادہ سے زیادہ ادا کریں، سکیورٹی فورسز دہشت گردوں کے خلاف نبردآزما ہیں۔طلال چودھری کا کہنا تھا کہ ہمیں کسی نفرت، فرقہ واریت یا دشمن کے ایجنڈے کا شکار نہیں ہونا، ہم سب کو متحد رہنا ہے۔اس موقع پر چیئرمین مرکزی رویت ہلال کمیٹی مولانا عبدالخبیر آزاد کا کہنا تھا کہ مذہبی ہم آہنگی، رواداری کیلئے پاکستان نے عظیم کردار پیش کیا، اللہ نے ہمیں آپریشن بنیان المرصوص میں کامیابی عطا کی، بھارت جیسے جھوٹے اور مکار ملک نے ہم پر الزام لگایا اور جارحیت کو مسلط کیا۔انہوں نے کہا کہ حکومت اور افواج پاکستان نے بھارتی جارحیت کا منہ توڑ جواب دیا، یہ ملک کلمے کی بنیاد پر وجود میں آیا، عروج اللہ دیتا ہے، ہمارے دوست ملک ایران نے اسرائیل کو بھرپورجواب دیا، ایران اوراسرائیل جنگ میں پاکستان کا کردار بھی بہت روشن ہے، اللہ نے ہمیں عظیم کامیابیوں سے ہمکنار کیا ہے۔مولانا عبدالخبیر آزاد کا مزید کہنا تھا کہ محرم الحرام میں سب مراحل امن اورعافیت کے ساتھ چل رہے ہیں، دشمن بہت عیار ہے، اپنے مسلک کو چھوڑو مت اور کسی کے مسلک کو چھیڑو مت۔

ایران اسرائیل سیز فائر کے پیچھے بھی وردی ہے،بھارت کیخلاف جنگ میں غیبی مدد آئی، محسن نقوی

ایران اسرائیل کے درمیان سیزفائر میں وزیراعظم کا اہم کردار ہے، سیزفائر پر پاکستان کو فخر کرنا چاہیے، وفاقی وزیر داخلہ

اب اسلام آباد میں موٹر سائیکل پر بیٹھے دونوں افراد کوہیلمٹ کا استعمال کرنا پڑ ے گا۔میڈیارپورٹس کے مطابق اسلام آباد میں ٹریفک حادثات کے دوران قیمتی جانوں کے ضیاع کو روکنے کے لیے بڑا اقدام کر لیا گیا۔ اب موٹر سائیکل پر سوار دونوں افراد کے لیے ہیلمٹ پہننا لازمی قرار دے دیا گیا ہے۔چیف ٹریفک آفیسر اسلام آباد کے مطابق موٹر سائیکل پر سوار مرد ہو یا خاتون دونوں کیلئے ہیلمٹ پہننا لازمی ہو گا، انہوں نے کہا کے اس فیصلے کا باقاعدہ اطلاق دو ہفتوں کی آگاہی مہم کے بعد کیا جائے گا۔انہوں نے واضح کیا کہ مہم کے اختتام پر اگر موٹر سائیکل پر سوار دونوں افراد ہیلمٹ نہ پہنے ہوئے پائے گئے تو ان پر جرمانہ عائد کیا جائے گا۔حکام کا کہنا ہے کہ یہ اقدام شہریوں کی حفاظت کو یقینی بنانے اور حادثات میں اموات کی شرح کم کرنے کے لیے اٹھایا گیا ہے۔

اسلام آباد میں نیا ٹریفک قانون،موٹر سائیکل کے دونوں سواروں کے لیے ہیلمٹ لازم

دو ہفتوں کی آگاہی مہم کے بعد موٹر سائیکل پر دونوں سوار کے ہیلمٹ نہ پہننے پر جرمانہ ہوگا،چیف ٹریف آفیسر اسلام آباد

بھارتی شوبز انڈسٹری کی معروف اداکارہ شیفالی زری والا کی اچانک موت پر جہاں فلمی دنیا کی شخصیات نے گہرے دکھ اور افسوس کا اظہار کیا، وہیں معروف اسلامی اسکالر مفتی طارق مسعود کا اس واقعے پر تبصرہ بھی سوشل میڈیا پر تیزی سے وائرل ہو رہا ہے۔شیفالی زری والا، جو سن2ہزار کی دہائی میں’’کانٹا لگا‘‘ کے ریمکس سے شہرت کی بلندیوں پر پہنچی تھیں، 27 جون کی رات صرف 42 سال کی عمر میں دل کا دورہ پڑنے سے انتقال کر گئیں۔ ان کی فٹنس، جِم ٹریننگ اور اینٹی ایجنگ ٹریٹمنٹس کے باوجود ان کی اچانک وفات نے ان کے مداحوں اور بالی وڈ حلقوں کو ہلا کر رکھ دیا۔اس موقع پر مفتی طارق مسعود کی ایک ویڈیو سامنے آئی ہے جس میں وہ شیفالی زری والا کی موت کو عبرت کا نشان قرار دیتے ہوئے کہتے ہیں کہ بتایا جا رہا تھا کہ وہ بہت مشہور اداکارہ تھی، اس کے گانے دنیا بھر میں مشہور ہوئے۔ لیکن آج سب ختم ہو گیا۔ موت نے سب کچھ خاک میں ملا دیا۔ چونکہ وہ ہندو تھیں، انہیں جلا دیا گیا ہوگا، اور یہی انجام ہمیں انسان کی حقیقت سمجھاتا ہے۔انہوں نے افسوس کا اظہار کرتے ہوئے کہا کہ لوگ اس واقعے سے عبرت حاصل کرنے کے بجائے مرحومہ کے گانے چلا کر اسے خراجِ تحسین پیش کر رہے ہیں، جو اسلامی اعتبار سے نہ مناسب ہے اور نہ ہی اس سے کسی مرحوم کو فائدہ پہنچتا ہے۔اس اداکارہ کا میک اپ سالانہ کروڑوں میں ہوتا تھا تاکہ وہ حسین نظر آئے، لیکن اب یہی خوبصورتی راکھ میں تبدیل ہو چکی ہے۔ دنیا جسے کل تک سلیوٹ کرتی تھی، آج وہ مٹی بن چکی ہے۔مفتی طارق مسعود نے مزید کہا کہ غیر مسلموں کی وفات پر اسلامی تعلیمات کے مطابق دعائے مغفرت کرنا جائز نہیں، اور ہمیں اس ضمن میں دین کی حدود کو سمجھنا چاہیے۔انہوں نے یوٹیوب پر ایک ویڈیو کا حوالہ دیتے ہوئے بتایا کہ مردے کو جلانے کا منظر دیکھ کر ایک مسلمان نے کمنٹ کیا کےالحمدللہ کہ میں مسلمان ہوں۔یہ ویڈیو سوشل میڈیا پر تیزی سے وائرل ہو رہی ہے اور مختلف حلقوں میں اس پر بحث بھی جاری ہے۔

معروف بھارتی اداکارہ شیفالی زری والا کی موت، مفتی طارق مسعود کا تبصرہ سوشل میڈیا پر وائرل

غیر مسلموں کی وفات پر اسلامی تعلیمات کے مطابق دعائے مغفرت کرنا جائز نہیں،مفتی طارق مسعود

امریکا نے کہا ہے کہ ایران کا آئی اے ای اے کے ساتھ تعاون معطل کرنے کا انتخاب ناقابل قبول ہے۔تفصیلات کے مطابق امریکی محکمہ خارجہ نے ایران کی جانب سے عالمی ایٹمی توانائی ایجنسی (آئی اےای اے) کے ساتھ تعاون معطل کرنے کو ناقابل قبول قرار دیا ہے۔ ترجمان ٹمی بروس نے ایک پریس کانفرنس میں کہا کہ ایران کو مزید تاخیر کے بغیر عالمی ادارے کے ساتھ مکمل تعاون کرنا چاہیے۔ٹمی بروس نے ایران کے اس فیصلے کو افسوسناک قرار دیتے ہوئے کہا کہ تہران کو یورینیم کی افزودگی کے معاملے پر بین الاقوامی قوانین کا پابند رہنا ہوگا۔ ان کا کہنا تھا کہ ایران، امریکی حملے سے پہلے ہی یورینیم افزودگی میں مصروف تھا اور واشنگٹن یہ واضح کر چکا ہے کہ ایران کو جوہری ہتھیار حاصل کرنے کی اجازت نہیں دی جائے گی۔غزہ کی صورتحال پر بات کرتے ہوئے ٹمی بروس نے کہا کہ جنگ بندی کی راہ ہموار کرنے کے لیے حماس کو ہتھیار ڈالنے ہوں گے اور مغویوں کو رہا کرنا ہوگا۔ ان کے مطابق صدر ٹرمپ 60 روزہ جنگ بندی کے لیے پرامید ہیں، جو اسرائیل کی رضامندی سے مشروط ہے۔ انہوں نے حماس پر جنگ بندی معاہدوں کی خلاف ورزی کا الزام بھی عائد کیا اور کہا کہ موجودہ بحران کی ذمہ دار تنظیم خود ہے۔مزید برآں، ٹمی بروس نے یوکرین اور روس کے درمیان جنگ بندی پر زور دیتے ہوئے کہا کہ صدر ٹرمپ اس تنازع کو مذاکرات کے ذریعے حل کرنا چاہتے ہیں۔دوسری جانب، ایران کے وزیر خارجہ عباس عراقچی نے کہا ہے کہ IAEA سے تعاون کی معطلی ایرانی قانون سازی کا حصہ بن چکی ہے، جسے پارلیمنٹ اور شوری نگہبان دونوں کی منظوری حاصل ہے، لہٰذا ایران اس فیصلے پر عملدرآمد کا پابند ہے۔واضح رہے کہ 25 جون کو ایرانی پارلیمنٹ نے عالمی ایٹمی توانائی ایجنسی کے ساتھ تعاون معطل کرنے کے بل کی منظوری دی تھی، جس کی بعدازاں شوری نگہبان اور صدر ایران نے بھی توثیق کر دی تھی۔

امریکا کے حملے سے پہلے ایران یورینیم کی افزودگی کر رہا تھا، ترجمان امریکی محکمہ خارجہ

ایران کا انٹرنیشنل ایجنسی سے تعاون ختم کرنا افسوسناک ہے، ایران کے پاس جوہری ہتھیار نہیں ہونے چاہئیں، ٹیمی بروس کی پریس کانفرنس

کیا خیبرپختونخوا میں پی ٹی آئی حکومت واقعی خطرے میں ہے؟ جے یو آئی (ف) کا بڑا فیصلہ سامنے آگیا،جمعیت علمائے اسلام (ف) نے پاکستان تحریک انصاف کو یقین دہانی کرا دی ہے کہ وہ خیبرپختونخوا میں حکومت کے خلاف کسی بھی تحریک عدم اعتماد کا حصہ نہیں بنے گی۔رپورٹس کے مطابق مولانا فضل الرحمان نے یہ پیغام اڈیالہ جیل میں قید پی ٹی آئی کے بانی عمران خان تک ان کی بہنوں کے ذریعے پہنچایا، جنہوں نے گزشتہ روز ان سے ملاقات کی۔اطلاعات ہیں کہ مولانا فضل الرحمان سے ان ہاؤس تبدیلی کے لیے رابطہ کیا گیا تھا، تاہم انہوں نے یہ پیشکش مسترد کر دی اور واضح کر دیا کہ وہ کسی سازشی عمل کا حصہ نہیں بنیں گے۔دوسری جانب خیبرپختونخوا میں حکومت کے خاتمے سے متعلق چہ مگوئیاں زور پکڑ گئی ہیں، پی ٹی آئی کی حکومت گرانے اور نہ گرانے کی بحث ملکی سیاسی حلقوں میں زور و شور سے جاری ہے، وزیراعلیٰ کے پی نے اس حوالے سے چیلنج بھی کردیا ہے۔ وزیراعلیٰ خیبرپختونخوا علی امین گنڈاپور نے ممکنہ تحریک عدم اعتماد پر سخت ردعمل دیتے ہوئے کہا ہے کہ جتنا زور لگانا ہے لگا لیں، حکومت کو آئینی طریقے سے نہیں گرایا جا سکتا۔ میں ریاست اور تمام اداروں کو چیلنج کرتا ہوں، اگر میری حکومت گرا دی گئی تو میں سیاست چھوڑ دوں گا۔

جےیوآئی کے پی میں عدم اعتماد کا حصہ نہیں بنے گی، فضل الرحمان کا عمران خان کو پیغام

مولانا فضل الرحمان نے عمران خان کو جیل میں پیغام بھجوا دیا، ان ہاؤس تبدیلی کی پیشکش ٹھکرا دی

آئی ایم ایف کی ایک اور شرط پوری ہوگئی ، اسٹیٹ بینک کے ذخائر فنڈ کے مقررہ 14 ارب ڈالر ہدف سےتجاوز کرگئے۔اسٹیٹ بینک آف پاکستان کے جاری کردہ اعدادوشمار کے مطابق 30 جون 2025 کو زرمبادلہ ذخائر 14 ارب 51 کروڑ ڈالر کی سطح پر پہنچ گئے، جو کہ آئی ایم ایف کے مقرر کردہ 14 ارب ڈالر کے ہدف سے زیادہ ہیں۔رپورٹ کے مطابق مالی سال 2025 میں اسٹیٹ بینک کے ذخائر میں 5 ارب 12 کروڑ ڈالر کا اضافہ ریکارڈ کیا گیا، جب کہ گزشتہ مالی سال کے اختتام پر ذخائر 9 ارب 39 کروڑ ڈالر تھے۔اسٹیٹ بینک کا کہنا ہے کہ جاری کھاتوں میں بہتری، بروقت مالی آمدن (inflows)، ترسیلات زر میں نمایاں اضافہ اور برآمدات میں بہتری نے ذخائر کو بڑھانے میں اہم کردار ادا کیا۔اس کے علاوہ، کھلی مارکیٹ سے ڈالر کی خریداری کی پالیسی نے بھی زرمبادلہ ذخائر کو مستحکم کرنے میں مدد فراہم کی۔

آئی ایم ایف کی ایک اور شرط پوری،زرمبادلہ ذخائرمقررہ 14 ارب ڈالر ہدف سے زائد ہوگئے

ملکی زرمبادلہ ذخائر مقررہ ہدف سے بھی تجاوز کرگئے ہیں، اسٹیٹ بینک کے اعدادو شمار

وزیراعلیٰ خیبرپختونخوا علی امین گنڈا پور نے ریاست کو براہِ راست چیلنج کرتے ہوئے کہا ہے کہ اگر کوئی آئینی طریقے سے ان کی حکومت گرا سکتا ہے تو گرا کر دکھائے، اور اگر کامیاب ہو گیا تو وہ سیاست چھوڑ دیں گے۔پاکستان تحریک انصاف کی پارلیمانی پارٹی کے اجلاس کے بعد چیئرمین پی ٹی آئی بیرسٹر گوہر، سلمان اکرم راجہ سمیت دیگر قائدین کے ہمراہ مشترکہ پریس کانفرنس میں علی امین گنڈا پور کا کہنا تھا کہ حقیقی آزادی کےحصول تک جدوجہد جاری رہےگی، آج پارلیمانی پارٹی کا اجلاس ہمارے اتحاد کا پیغام ہے، تحریک انصاف میں دراڑپیدا کرنا مخالفین کی بھول ہے۔انہوں نے کہا کہ ویسے تو ریاست ماں ہوتی ہے مگر یہ ریاست ہمیں فرعونیت دکھا رہی ہے، اس لیے اب میں اس کو اور تمام اداروں کوچیلنج کررہا ہوں۔ علی امین نے کہا کہ تم نے سازش کی ناکام ہوئے، غیر آئینی طریقے اختیار کیے اُس میں بھی کامیابی نہیں ملی۔وزیراعلیٰ گنڈا پور نے کہا کہ تم غیر آئینی مارشل لا، گورنر راج تو ماضی میں لگا چکے ہو، اب میں تمھاری طاقت، اختیارات کو چیلنج کرتا ہوں، ہمارے بندوں کو جیلوں میں ڈال دو، سارا زور لگا کر خیبرپختونخوا کی حکومت گرا کر دکھاؤ۔علی امین نے کہا کہ قانونی اور آئینی طریقے سے تم حکومت ختم نہیں کرسکتے کیونکہ تم ہمارے بندوں کو نہیں توڑ سکتے اور کسی کی اتنی اوقات نہیں کہ وہ عمران خان نے لوگوں کو توڑ دے۔انہوں نے کہا کہ آج کی میٹنگ ان لوگوں کے لیے پیغام ہے جو سمجھتے کہ ہم الگ ہیں، ہم بانی پی ٹی آئی کی رہائی کے لیے اپنا تن ، من دھن لگا رہے ہیں، میں 9 مئی سے پہلے گرفتار ہوا تھا ، کہا جاتا ہے کہ 9 مئی کو ہم نے زیادتی کی مگر بانی پی ٹی آئی کے خلاف سازش 9 مئی سے پہلے شروع ہوچکی تھی۔علی امین نے کہا کہ 26 ویں آئینی ترمیم عدلیہ پر ایک حملہ ہے اور جب تک ہم واپس اقتدار میں آکر اس کو واپس نہیں کرتے تب تک عدلیہ قید رہے گی، بانی پی ٹی آئی نے کہا کہ میری ملاقات کروائی جائے ، وہ پارٹی کے سربراہ ہیں ان سے ملاقات کرنا ہمارا حق تھا مگر میں نے یہ بھانپ لیا تھا کہ ملاقات نہیں کروائی جائے گی۔وزیراعلیٰ نے کہا کہ ہماری حکومت ، اختیار سب بانی پی ٹی آئی کے پاس ہے وہ جب چاہیں حکومت گرانے کا حکم دے دیں، آئینی طریقے سے کبھی بھی ہماری حکومت نہیں گرائی جا سکتی۔ انہوں نے ایک بار پھر واضح کیا کہ میرا یہ چیلنج ہے کہ غیر آئینی طریقے سے کچھ نا کریں اور ویسے بھی آئینی طریقے سے آپ کچھ بھی نہیں کرسکتے۔ایک سوال کے جواب میں وزیراعلیٰ گنڈا پور نے کہا کہ عمران خان نے کبھی مذاکرات سے انکار نہیں کیا، ہم اُن کے ساتھ بات چیت چاہتے ہیں جن کا اختیار ہے، آج یہ ڈنڈے کے زور پر ملک چلا رہے ہیں اور سب کو معلوم ہے کہ ن لیگ یا پیپلزپارٹی کی کیا حیثیت ہے۔تحریک سے متعلق سوال پر وزیراعلیٰ خیبرپختونخوا نے کہا کہ محرم کے بعد ہم ملک گیر سطح پر اپنی سیاسی تحریک شروع کرنے جارہے ہیں اور اس کو بڑھائیں گے، اگر ہم پر گولیاں چلی تو جواب بھی ویسے ہی آئے گا۔اس موقع پر سیکرٹری جنرل تحریک انصاف سلمان اکرم راجہ نے کہا کہ ہمیں کہا جاتا ہے مٹی ڈالو اور آگے بڑھو ، 8فروری کو عوام  نکلے یہ تاریخی دن تھا ، اس دن کو ہم بھولیں گے نہیں ۔انہوں نے کہا کہ ہم سیاسی جنگ لڑتے رہیں گے پیچھے نہیں ہٹیں گے، یہ انسانیت اور حقوق کی جنگ ہے ، ہماری سیٹیں چھین لینے سے جنگ ختم نہیں ہوگی۔اس موقع پر گفتگو کرتے ہوئے پی ٹی آئی کے چیئرمین بیرسٹر گوہر نے کہاکہ عمران خان تحریک چلانے کا کہیں گے تو ہم اس کے لیے تیار ہیں۔انہوں نے کہاکہ کسی کو تحریک عدم اعتماد کا شوق ہے تو وہ پورا کرلے، خیبرپختونخوا میں ہمارا مینڈیٹ ہے اور صوبائی حکومت برقرار رہے گی۔بیرسٹر گوہر نے کہاکہ یہ تاثر غلط ہے کہ ہم مذاکرات نہیں کرنا چاہتے، عمران خان نے شروع سے کہاکہ مذاکرات ہی مسائل کا حل ہے، لیکن بامعنی بات چیت ہونی چاہیے۔چیئرمین پی ٹی آئی نے کہاکہ عمران خان جو بھی حکم کریں گے ہم سرتسلیم خم کریں گے۔ ہماری نشستیں چھین لی گئیں، ریفرنس بھی بنارہے ہیں لیکن ہم پیچھے نہیں ہٹیں گے۔اس موقع پرگفتگو کرتے ہوئے سیکرٹری اطلاعات شیخ وقاص اکرم کا کہنا تھا کہ تحریک انصاف جیلوں میں قید کارکنوں کی موت کی تحقیقات کا مطالبہ کرتی ہے، چیف جسٹس ہمارے کارکنوں کی اموات کی تحقیقات کےلیےجوڈیشل کمیشن بنائیں۔

اداروں اور ریاست کو چیلنج ہے، اگر ہماری حکومت گرادی تو سیاست چھوڑ دوں گا، علی امین گنڈاپور

عمران خان جس بھی تحریک کا اعلان کرینگے ہم اس پر عمل کرینگے،گنڈاپور، سلمان اکرم راجا، بیرسٹر گوہر و دیگر کی پریس کانفرنس

سپریم کورٹ آف پاکستان کے سینئر جج جسٹس منصور علی شاہ نے ایک بار پھر سیکرٹری جوڈیشل کمیشن کو خط لکھ کر ججز کی سینیارٹی کے تعین کے طریقہ کار پر اعتراضات اٹھا دیے ہیں۔ میڈیارپورٹس کے مطابق جسٹس منصور علی شاہ نے سیکریٹری جوڈیشل کمیشن کو ایک اور خط لکھ دیا، ذرائع نے بتایا کہ جسٹس منصور علی شاہ نے خط گزشتہ روز کے اجلاس سے پہلے لکھا۔خط کےمتن کے مطابق صدر مملکت سینیارٹی طے کرنے سے پہلے چیف جسٹس سے مشاورت کے پابند تھے، آرٹیکل 200 کے تحت صدر مملکت کی چیف جسٹس سے مشاورت لازم تھی۔جسٹس منصور شاہ کے مطابق جب معاملے پر انٹرا کورٹ اپیل بھی زیر التوا ہے تو ایسے میں ان کی رائے میں مشاورت نہایت ضروری تھی۔ذرائع کے مطابق خط میں اس عمل کو آئینی دائرہ اختیار سے تجاوز قرار دیا گیا ہے۔خیال رہے گذشتہ ماہ سپریم کورٹ کے جج جسٹس منصور علی شاہ نے آئینی بینچ کی مدت میں توسیع کی مخالفت کرتے ہوئے 26ویں ترمیم کے فیصلے تک تمام ججز کو آئینی بینچ ڈکلیئر کرنے کا مطالبہ کیا تھا۔یاد رہے کہ 29 جون کو صدر مملکت آصف زرداری نے سپریم کورٹ کے فیصلے کی روشنی میں اسلام آباد ہائیکورٹ کے ججز سینیارٹی طے کی ہے۔صدر مملکت کے فیصلے کے مطابق اسلام آباد ہائیکورٹ میں جسٹس سرفراز ڈوگر اسلام آباد ہائیکورٹ کا سینئر ترین، جسٹس محسن اختر کیانی دوسرے اور جسٹس میاں گل حسن اورنگزیب تیسرے سینئر جج ہوں گے۔نوٹیفکیشن کے مطابق جسٹس طارق محمود جہانگیری چوتھے، جسٹس بابر ستار پانچویں، جسٹس سردار اعجاز اسحاق چھٹے، جسٹس ارباب طاہر ساتویں نمبر ہیں، اس کے علاوہ سینیارٹی لسٹ میں جسٹس ثمن رفعت کا 8واں، جسٹس خادم سومرو کو 9واں نمبر ہوگا۔

صدرمملکت نے جلد بازی میں خود ہی سنیارٹی طے کردی،جسٹس منصورنےایک اورخط لکھ دیا

آرٹیکل 200 کے تحت صدر مملکت کی چیف جسٹس سے مشاورت لازم تھی،جسٹس منصور کےخط کا متن

الیکشن کمیشن آف پاکستان نے سپریم کورٹ کے فیصلے پر عملدرآمد کرتے ہوئے اضافی مخصوص نشستوں پر اراکین کی رکنیت بحال کردی۔الیکشن کمیشن نے مخصوص نشستوں سے متعلق سپریم کورٹ کے فیصلے پر عملدرآمد کردیا، قومی اور صوبائی اسمبلیوں میں 74 مخصوص نشستوں کی بحالی کا نوٹیفکیشن جاری کردیا گیا۔ الیکشن کمیشن آف پاکستان نے سپریم کورٹ کے فیصلے کی روشنی میں قومی و صوبائی اسمبلیوں کی مخصوص نشستیں اور جنرل نشستوں پر پی ٹی آئی کے ٹکٹ پر کامیاب امیدواروں کی واپسی کالعدم قرار دیتے ہوئے مجموعی طور پر 74 نشستیں بحال کی ہیں۔ترجمان الیکشن کمیشن کے مطابق قومی اسمبلی کی 19، خیبرپختونخوا اسمبلی کی 25، پنجاب اسمبلی کی 27 اور سندھ اسمبلی کی 3 نشستیں بحال کر دی گئی ہیں۔الیکشن کمیشن نے اس فیصلے کے تحت 24 اور 29 جولائی 2024 کو جاری کردہ وہ نوٹیفکیشنز بھی واپس لے لیے ہیں جن کے ذریعے پی ٹی آئی کے امیدواروں کی واپسی ظاہر کی گئی تھی۔نوٹیفکیشن میں کہا گیا ہے کہ سپریم کورٹ نے 27 جون 2025 کو نظرثانی اپیلوں پر فیصلہ سناتے ہوئے مذکورہ نوٹیفکیشنز کو کالعدم قرار دیا تھا جس کی روشنی میں الیکشن کمیشن نے یہ اقدام کیا۔ترجمان کے مطابق عدالت عظمیٰ کے فیصلے پر مکمل عمل درآمد کیا گیا ہے اور بحال اراکین اب اسمبلیوں کی کارروائی میں شریک ہو سکیں گے۔نوٹیفکیشن کے مطابق قومی اسمبلی میں خیبر پختونخوا کی خواتین کی 5 مخصوص نشستیں دوبارہ بحال کر دی گئی ہیں، جن میں مسلم لیگ (ن) اور پیپلز پارٹی کو 2،2 جبکہ جے یو آئی کو ایک نشست ملی ہے۔پنجاب سے قومی اسمبلی کی خواتین کی 11 مخصوص نشستیں بھی بحال کی گئی ہیں، جن میں سے 10 نشستیں مسلم لیگ (ن) اور ایک پیپلز پارٹی کے حصے میں آئی ہے۔اس کے علاوہ قومی اسمبلی میں اقلیتوں کی 3 مخصوص نشستیں بھی بحال کر دی گئی ہیں، جن میں مسلم لیگ (ن)، پیپلز پارٹی اور جے یو آئی کو ایک، ایک نشست دی گئی ہے۔مزید برآں، الیکشن کمیشن کے حالیہ فیصلے کے نتیجے میں تین نشستیں فوری طور پر بحال کر دی گئی ہیں، جن پر سپریم کورٹ کے فیصلے کے مطابق پرانے احکامات کا اطلاق نہیں ہوگا۔الیکشن کمیشن کا کہنا ہے کہ یہ فیصلہ عدالت عظمیٰ کے احکامات کی مکمل تعمیل میں کیا گیا ہے اور اس کا مقصد آئینی و قانونی ضابطوں کو برقرار رکھنا ہے۔

سپریم کورٹ کے حکم پر الیکشن کمیشن کا بڑا قدم مخصوص نشستوں سمیت 74 نشستیں بحال کردیں

فیصلے کے بعد قومی و صوبائی اسمبلیوں کی مخصوص نشستوں پر پی ٹی آئی امیدواروں کی واپسی کالعدم ہوگئی

باجوڑ میں صادق آباد پھاٹک میلہ گراونڈ کے قریب بم دھماکا ہوا ہے جس میں اسسٹنٹ کمشنر سمیت 4 افراد شہید ہوگئے۔پولیس حکام کے مطابق خیبرپختونخوا کے ضلع باجوڑ کی تحصیل خار صادق آباد میں پھاٹک میلہ گراؤنڈ کے قریب دھماکا ہوا ہے جس میں چار افراد جام شہادت نوش کر گئے جبکہ 11 زخمی ہیں، دھماکے کے نتیجے میں ایک گاڑی مکمل طور پر تباہ ہوگئی۔ریسکیو حکام کا کہنا ہے کہ دھماکے میں شہید ہونے والوں میں اسسٹنٹ کمشنر ناوگئی، تحصیلدار وکیل خان اور دو پولیس اہلکار شامل ہیں، نعشوں اور زخمیوں کو ہسپتال منتقل کر دیا گیا ہے۔پولیس اور سکیورٹی فورسز نے علاقے کو گھیرے میں لے کر تحقیقات کا آغاز کر دیا ہے۔آئی جی خیبرپختونخوا ذوالفقار حمید نے کہا کہ ابتدائی معلومات کے مطابق الخوارج نے اسسٹنٹ کمشنر ناواگئی فیصل اسماعیل کی گاڑی کو نشانہ بنایا گیا۔آئی جی خیبرپختونخوا ذوالفقار حمید نے کہا کہ واقعے میں ملوث عناصر کی گرفتاری کیلئے ٹیمیں تشکیل دے دی گئی ہیں جبکہ موقع سے تمام ضروری ثبوت اکھٹے کیے جا رہے ہیں۔انہوں نے کہاکہ بی ڈی ٹیمز جائے حادثہ پر موجود ہیں اور دھماکے کی نوعیت کے بارے میں معلومات کی جارہی ہیں۔دوسری جانب صدرِ مملکت آصف علی زرداری نے ضلع باجوڑ میں بم دھماکے کی شدید مذمت کی اور اسسٹنٹ کمشنر نواگئی، تحصیلدار اور دیگر اہلکاروں کی شہادت پر دلی اظہار افسوس اور اہلِ خانہ سے دلی تعزیت اور اظہارِ ہمدردی کیا۔صدر آصف زرداری نے کہا کہ دہشت گرد انسانیت کے دشمن ہیں جو نہتے عوام کو نشانہ بناتے ہیں، دہشت گردی کے مکمل خاتمے کیلئے ہر ممکن اقدامات کے عزم کا اعادہ کرتے ہیں۔ وزیراعظم  شہباز شریف نے ضلع باجوڑ کے مقام پھاٹک میلہ کے قریب ہونے والے دھماکے کی مذمت کی اور دھماکے کے نتیجے میں اسسٹنٹ کمشنر اور تحصیلدار نواگئی سمیت دیگر اہلکاروں کی شہادت پر گہرے دکھ اور افسوس کا اظہار کیا۔وزیراعظم نے شہداء کے بلندی درجات کی دعاء اور شہداء کے اہل خانہ سے تعزیت کی اور زخمی ہونے والوں کی صحت یابی کی دعاء اور انہیں ہر ممکن طبی سہولیات فراہم کرنے کی ہدایت کی۔وزیراعظم نے کہا کہ دہشت گردی کے مکمل خاتمے کے لئے پرعزم ہیں۔

باجوڑ میں خوفناک دھماکا، اسسٹنٹ کمشنر، پولیس اہلکاروں سمیت 4 افراد شہید، 11 زخمی

بم دھماکےمیں اسسٹنٹ کمشنر ناواگئی فیصل اسمعیل، تحصیلدار ناواگئی اور 2 پولیس اہلکار شہید ہوگئے

ملک بھر کے بجلی صارفین کے لیے اچھی خبر آ گئی۔ نیپرا نے یکم جولائی 2025 سے بجلی کے بنیادی ٹیرف میں کمی کی وفاقی حکومت کی درخواست منظور کر لی ہے، جس کا اطلاق نوٹیفکیشن کے بعد ہوگا۔تفصیلات کے مطابق نیشنل الیکٹرک پاور ریگولیٹری اتھارٹی نے یکم جولائی سے بجلی کے بنیادی ٹیرف میں کمی کردی۔ نیپرا نے بجلی کی بنیادی قیمتوں میں اوسط ایک روپے 14 پیسے فی یونٹ کمی کا فیصلہ جاری کر دیا تاہم لائف لائن صارفین اس ریلیف سے محروم رہیں گے، فیصلہ نوٹیفکیشن کے لیے وفاقی حکومت کو ارسال کر دیا گیا ہے۔نیپرا کے مطابق لائف لائن صارفین کے علاوہ تمام صارفین کے لیے فی یونٹ بجلی کی قیمت میں ایک روپے 14پیسے کمی کی گئی ہے، اور اس کا اطلاق کے الیکٹرک سمیت ملک بھر کے تمام صارفین پر ہوگا۔ 50 یونٹ ماہانہ استعمال کرنے والے لائف لائن صارفین کا ٹیرف 3 روپے 95 پیسے فی یونٹ اور 100 یونٹ استعمال کرنے پر 7 روپے 74 پیسے فی یونٹ برقرار رکھا گیا ہے۔100 یونٹ ماہانہ استعمال کرنے والے پروٹیکٹڈ صارفین کے لیے ٹیرف میں ایک روپے 15 پیسے کمی کے بعد نیا نرخ 10 روپے 54 پیسے فی یونٹ مقرر کیا گیا ہے،جبکہ 200 یونٹ استعمال کرنے والوں کیلئے یہ نرخ 13 روپے ایک پیسے فی یونٹ رکھا گیا ہے۔نیپرا کے مطابق نان پروٹیکٹڈ صارفین کی تمام کیٹیگریز میں بھی فی یونٹ ایک روپے 15 پیسے کمی کی گئی ہے۔کمرشل صارفین کے لیے بھی بنیادی ٹیرف میں ایک روپے 14 پیسے کمی کی گئی ہے، جس کے بعد اوسط نرخ 45 روپے 43 پیسے فی یونٹ مقرر ہوا ہے۔نیپرا کی جانب سے کہا گیا ہے کہ بنیادی ٹیرف میں کمی کے باوجود بجلی کی قیمت پر ٹیکسز اور سرچارجز کا اثر برقرار رہے گا، جس کے بعد سیلب کی بنیاد پر فی یونٹ قیمت میں اضافہ ہو سکتا ہے۔ وفاقی حکومت اس فیصلے کا باقاعدہ نوٹیفکیشن جاری کرنے کے بعد کمی کا اطلاق کرے گی۔

یکم جولائی سے بجلی سستی، نیپرا نے بنیادی ٹیرف میں کمی کی منظوری دے دی

نیپرا نے پاور ڈویژن کی درخواست منظور کرتے ہوئے اپنا فیصلہ نوٹیفکیشن کے لیے حکومت کو بھجوا دیا

ایران کے صدر نے بین الاقوامی ایٹمی توانائی ایجنسی کے ساتھ جوہری تعاون معطل کرنے کے قانون کی منظوری دے دی ہے، جس کے بعد ایران کا ْآئی اے ای اےکے ساتھ جوہری معاہدہ عملی طور پر معطل ہو گیا ہے۔رپورٹس  کے مطابق ملک کی پارلیمنٹ نے اسرائیل ایران جنگ کے بعد انٹرنیشنل اٹامک انرجی ایجنسی  کے رویے کو دیکھتے ہوئے اس کے ساتھ تعاون معطلی کا بل منظور کیا تھا جس کی ایرانی سپریم کونسل نے بھی توثیق کی تھی۔ایران کے صدر مسعود پزشکیان نے اب باقاعدہ طور پر اس قانون کو نافذ کردیا ہے جس کے تحت ایران نے آئی اے ای اے سے تعاون معطل کردیا ہے۔پارلیمنٹ سے منظور اس قانون کے تحت ایران آئی اے ای اے کے انسپکٹرز کو اپنی جوہری تنصیبات کی ضمانت تک اس میں داخلے کی اجازت نہیں دے گا۔اس کے علاوہ ایران آئی اے ای اے کے سربراہ رافیل گروسی کے داخلے پر بھی پابندی عائد کرنے پر غورکررہا ہے۔ایرانی سینئر رکن پارلیمنٹ نے کہا کہ ہم نے سپریم کونسل پرآئی اے ای اے کے سربراہ کے داخلے پر پابندی کے لیے زور دیا ہے۔

ایران کے صدر مسعود پزشکیان نےآئی اےای اےسے تعاون معطلی کا قانون نافذ کردیا

قانون کے تحت ایران آئی اے ای اے کے انسپکٹرز کو اپنی جوہری تنصیبات کی ضمانت تک اس میں داخلے کی اجازت نہیں دے گا

ایشیا کپ 2025 میں پاک بھارت ٹاکرے کی ممکنہ تاریخیں سامنے آگئیں، پاک بھارت ٹاکرا 7 ستمبر کو دبئی میں ہوگا بھارتی میڈیا نےدعویٰ کیا ہے کے رواں سال ہونے والا ایشیا کپ نیوٹرل مقام پر منعقد کیا جائے گا، جس کے لیے یو اے ای کو ممکنہ میزبان قرار دیا جا رہا ہے۔ ٹورنامنٹ کی میزبانی رسمی طور پر بھارت کے پاس ہوگی، لیکن میچز کسی تیسرے ملک میں کھیلے جائیں گے۔رپورٹس کے مطابق ایشیا کپ 4 یا 5 ستمبر سے شروع ہو سکتا ہے، رواں سال ایشیا کپ میں پاک بھارت ٹاکرا کم از کم 2 بار ہونے کا امکان ہےاور گروپ اسٹیج میں پاکستان اور بھارت کے درمیان پہلا ٹاکرا 7 ستمبر کو دبئی میں کھیلا جائے گا۔ اگر دونوں ٹیمیں سپر فور میں پہنچتی ہیں تو دوسرا مقابلہ 14 ستمبر کو ہونے کا امکان ہے۔ایشیا کپ 2025 کا فائنل 21 ستمبر کو متوقع ہے۔ اس بار ایونٹ ٹی20 فارمیٹ میں کھیلا جائے گا، جس میں پاکستان، بھارت، سری لنکا، بنگلادیش، افغانستان اور ممکنہ طور پر یو اے ای کی ٹیمیں شریک ہوں گی۔ ایشیا کپ میں روایتی حریفوں پاکستان اور بھارت کے مابین ٹاکرے ہمیشہ شائقین کی توجہ کا مرکز ہوتے ہیں، اور اس سال بھی ان مقابلوں کا شدت سے انتظار کیا جا رہا ہے۔

پاک بھارت ٹاکرا7ستمبر کو دبئی میں ہوگا، ایشیا کپ کا ہنگامہ خیز پلان سامنے آ گیا

ایشیا کپ متحدہ عرب امارات میں ہونے کی اطلاعات، ٹورنامنٹ ٹی20 فارمیٹ میں 4 ستمبر سے شروع ہوگا،بھارتی میڈیا

امریکی صدر ڈونلڈ ٹرمپ نے دعویٰ کیا ہے کہ اسرائیل غزہ میں 60 دن کی جنگ بندی پر رضامند ہو چکا ہے۔ سوشل میڈیا پلیٹ فارم ٹروتھ سوشل پر جاری بیان میں ٹرمپ نے کہا کہ ان کے نمائندوں نے اسرائیلی حکام سے طویل اور نتیجہ خیز ملاقات کی ہے، جس میں جنگ بندی کے امکانات پر تفصیلی بات چیت ہوئی۔ٹرمپ نے کہا کہ وہ تمام فریقین کے ساتھ مل کر جنگ بندی کو عملی شکل دینے کے لیے کام کریں گے۔ انہوں نے امید ظاہر کی کہ فلسطینی تنظیم حماس بھی اس ممکنہ معاہدے کو قبول کرے گی، ورنہ صورتحال مزید بگڑ سکتی ہے۔اس موقع پر سابق صدر نے یہ بھی بتایا کہ اسرائیلی وزیراعظم بن یامین نیتن یاہو 7 جولائی کو امریکہ کے دورے پر آ رہے ہیں، جہاں ان کی ٹرمپ سے اہم ملاقات متوقع ہے۔ ٹرمپ کا کہنا تھا کہ یہ اجلاس سخت موقف پر مبنی ہو گا، لیکن انہیں یقین ہے کہ نیتن یاہو جنگ ختم کرنا چاہتے ہیں۔ انہوں نے مزید کہا کہ اگر تمام فریق متفق ہوئے تو آئندہ ہفتے تک جنگ بندی طے پا سکتی ہے۔دوسری جانب حماس کے ایک سینئر رہنما نے بین الاقوامی میڈیا کو بتایا کہ ثالثی کی کوششیں جاری ہیں، لیکن اسرائیل کے ساتھ مذاکرات میں ابھی بھی تعطل موجود ہے۔

اسرائیل غزہ میں 60 روزہ جنگ بندی کیلئے مان گیاہے، امریکی صدر کا دعویٰ

امید ہے کہ حماس اس معاہدے کو قبول کرے گی، ورنہ صورتحال مزید بگڑ سکتی ہے،امریکی صدر

قازقستان میں عوامی مقامات پرنقاب پہننے پر پابندی عائد کردی گئی۔ قازقستان کے صدر قاسم جومارت توقایف نے ایک نئے قانون پر دستخط کر دیے ہیں جس کے تحت عوامی مقامات پر چہرہ چھپانے والے لباس، جیسے نقاب، پر پابندی عائد کر دی گئی ہے۔خبر رساں اداروں کے مطابق اس قانون کا مقصد ایسے لباس پر قدغن لگانا ہے جو عوامی مقامات پر چہرے کی شناخت میں رکاوٹ بنتے ہیں۔ بل میں واضح کیا گیا ہے کہ یہ اقدام سیکیورٹی اور عوامی شناخت کے تحفظ کے لیے اٹھایا گیا ہے۔قازقستان سے قبل وسطی ایشیائی خطے کے دیگر مسلم اکثریتی ممالک بھی ایسے اقدامات کر چکے ہیں۔ سال 2024 میں تاجکستان نے سرکاری طور پر حجاب پر پابندی عائد کی تھی، جبکہ ازبکستان اور کرغزستان میں بھی اسی نوعیت کی پابندیاں پہلے ہی لاگو ہو چکی ہیں۔یہ اقدامات مذہبی آزادی، ثقافتی اقدار اور ریاستی پالیسی کے درمیان توازن پر عالمی سطح پر ایک نئی بحث کو جنم دے رہے ہیں۔

قازقستان میں نقاب پر پابندی عائد، مسلم خواتین کے لیے خطرے کی گھنٹی؟

قازقستان میں نقاب پر پابندی، صدر توقایف نے متنازع قانون پر دستخط کر دیے

پاکستان نے اقوام متحدہ کی سلامتی کونسل کی جولائی 2025 کے لیے صدارت سنبھال لی ہے۔ اقوام متحدہ میں پاکستان کے مستقل مندوب عاصم افتخار نے اس موقع پر میڈیا بریفنگ دیتے ہوئے کہا کہ پاکستان عالمی تنازعات کے پرامن، مذاکراتی حل کا حامی ہے اور سفارتکاری و ثالثی کو ترجیح دیتا ہے۔انہوں نے کہا کہ پاکستان اپنی صدارت کے دوران فلسطینی عوام کے مسائل کو اجاگر کرے گا اور سلامتی کونسل میں ایک غیر جانبدار، اصولی اور متوازن نقطہ نظر اپنائے گا۔ ان کا کہنا تھا کہ دنیا میں تیزی سے بدلتے حالات پر گہری نظر ہے اور پاکستان شفافیت، ہم آہنگی اور بامعنی مشاورت کے ذریعے امن کے فروغ کے لیے کردار ادا کرے گا۔دفتر خارجہ کے ترجمان نے بھی اس بات کی تصدیق کی کہ پاکستان عالمی امن و سلامتی کو درپیش چیلنجز سے آگاہ ہے اور صدارت کے دوران شفاف، مشاورتی اور متوازن طریقہ اپنایا جائے گا تاکہ اقوام متحدہ میں مؤثر فیصلے کیے جا سکیں۔

پاکستان کا عالمی امن کیلئے نیا سفارتی محاذ، فلسطینی کاز کو ترجیحی ایجنڈا قرار دیدیا

پاکستان جولائی 2025 کیلئے سلامتی کونسل کا صدر منتخب، مستقل مندوب عاصم افتخار کا مذاکرات، سفارتکاری اور ثالثی پر زور

تھائی وزیراعظم پیتونگا ترن شیناوترا معطل، فون کال لیک معاملے پر آئینی عدالت کا بڑا فیصلہ ،تھائی لینڈ کی آئینی عدالت نے ملک کی وزیراعظم پیتونگا ترن شیناوترا کو معطل کر دیا ہے۔ یہ فیصلہ اُس درخواست کے بعد سامنے آیا ہے جو تھائی لینڈ کے 36 سینیٹرز نے عدالت میں دائر کی تھی۔ درخواست گزاروں نے وزیراعظم پر سابق وزیراعظم کے ساتھ ایک نجی فون کال کے لیک ہونے کے بعد آئینی خلاف ورزی اور بے ایمانی کے الزامات عائد کیے تھے۔عدالت نے حکم دیا ہے کہ جب تک سینیٹرز کی جانب سے دائر درخواست پر حتمی فیصلہ نہیں ہو جاتا، وزیراعظم اپنے عہدے پر کام نہیں کر سکیں گی۔یاد رہے کہ حالیہ مہینے تھائی لینڈ اور کمبوڈیا کے درمیان فوجی کشیدگی کے بعد وزیراعظم پیتونگا ترن کی کمبوڈین رہنما سے ایک ٹیلیفونک گفتگو لیک ہو گئی تھی۔ اس گفتگو میں وہ تھائی فوجی جنرل پر تنقید کرتے ہوئے کمبوڈین قیادت کو مشورہ دے رہی تھیں کہ دوسرے فریقوں کی باتوں پر دھیان نہ دیں کیونکہ وہ خود کو زیادہ اہم ظاہر کرنے کی کوشش کر رہے ہیں۔فون کال کے لیک ہونے کے بعد وزیراعظم کو نہ صرف عوامی دباؤ کا سامنا کرنا پڑا بلکہ ان کے استعفے کا بھی مطالبہ کیا گیا، تاہم انہوں نے مستعفی ہونے سے انکار کر دیا تھا۔ اب عدالتی حکم کے بعد وہ عارضی طور پر اقتدار سے باہر ہو گئی ہیں۔

تھائی وزیراعظم  معطل، فون کال لیک معاملے پر آئینی عدالت کا بڑا فیصلہ

چھتیس سینیٹرز کی درخواست پر آئینی عدالت کا بڑا فیصلہ، فوجی جنرل کے خلاف تبصرے پر سیاسی طوفان

ترکیہ میں گستاخانہ خاکہ شائع کرنے پر ہفت روزہ میگزین کے ایڈیٹرز اور کارٹونسٹ کو گرفتار کرلیا گیا۔ترک میڈیا کے مطابق میگزین میں پیغمبر اسلام ﷺ کے گستاخانہ خاکے شائع کیے گئے جس پر عوام میں شدید غم و غصے کی لہر دوڑ گئی تھی۔یہ گستاخانہ خاکہ 26 جون 2025 کے شمارے میں شائع کیا گیاان گستاخانہ خاکوں کی اشاعت پرمذہبی حلقوں کی جانب سے بھی شدید ردعمل سامنے آیا تھا۔استنبول میں واقع میگزین کے دفتر پر مشتعل مظاہرین نے حملہ کر دیا۔ پولیس کی مشتعل مظاہرین کو روکنے کی تمام کوششیں ناکام ثابت ہوئیں۔پولیس نے میگزین کے تازہ شمارے کی تمام کاپیاں ضبط کرلیں اور ادارے کے خلاف قانونی کارروائی کا آغاز کر دیا گیا۔پولیس نے میگزین کے 4 سینیئر ملازمین 2 ایڈیٹر انچیفس، کارٹونسٹ اور منیجنگ ایڈیٹر کو گرفتار کرلیا جبکہ دیگر کئی افراد کے وارنٹ گرفتاری جاری کیے گئے ہیں۔ترک وزیر داخلہ علی یرلی قایا نے بعد ازاں سوشل میڈیا پلیٹ فارم ’ایکس‘ پر ایک ویڈیو شیئر کی، جس میں دکھایا گیا ہے کہ کارٹونسٹ کو ہتھکڑیاں لگا کر لے جایا جا رہا ہے۔وزیر داخلہ نے کارٹونسٹ کے ابتدائی ناموں کا استعمال کرتے ہوئے لکھا کہ ڈی پی نامی شخص، جس نے یہ گھٹیا ڈرائنگ بنائی تھی، اسے پکڑ لیا گیا ہے اور تحویل میں لے لیا گیا ہے۔ بے شرم افراد قانون کے سامنے جوابدہ ہوں گے۔اگرچہ ترکی میں ایک سیکولر قانونی نظام ہے، جس نے 1920 کی دہائی میں اسلامی قانون کو ختم کر دیا تھا۔ تاہم اگر کوئی شخص عوام کے کسی فرقے کی مذہبی اقدار کی کھلم کھلا توہین کرتا ہے، تو قانون کے تحت کسی بھی شخص کو ایک سال تک قید کی سزا دی جا سکتی ہے۔ترک میڈیا کی اطلاعات کے مطابق سوشل میڈیا پر اس تصویر کے پھیلنے کے بعد کئی درجن مظاہرین استنبول میں لیمن کے دفتر کے باہر جمع ہو گئے۔میگزین کے ایڈیٹر انچیف نے ان الزامات کو مسترد کرتے ہوئے وضاحت کی کہ متنازع خاکے کا پیغمبر اسلام سے کوئی تعلق نہیں۔میگزین نے کسی بھی طرح سے جذبات مجروح ہونے کے لیے سوشل میڈیا پر معافی نامہ جاری کیا اور کہا کہ کارٹون کو غلط سمجھا گیا ہے۔بیان میں کہا گیا ہے کہ کارٹونسٹ کا مقصد اسلام کی توہین کرنے کے بجائے اسرائیلی حملوں میں ہلاک ہونے والے ایک مسلمان شخص کے دکھ کو اجاگر کرنا تھا۔میگزین نے کہا کہ مسلمانوں میں پیغمبر کی تعظیم کے لیے دنیا میں سب سے زیادہ استعمال ہونے والا نام محمد ہے۔ اس کارٹون میں پیغمبر کو نہیں دکھایا گیا ہے اور نہ ہی اس میں مذہبی اقدار کا مذاق اڑایا گیا ہے۔میگزین نے کہا کہ بعض افراد اس کی دانستہ طور پر کچھ ایسی تشریحات کر رہے ہیں، جو بدنیتی پر مبنی ہیں۔اس حوالے سے ترک صدر طیب اردوان نے کہا کہ جو لوگ حضرت محمد ﷺ اور دیگر انبیا کی شان میں گستاخی کریں گے ان سے قانون کے مطابق بازپرس کی جائے گی۔صدر اردوان نے مزید کہا کہ مذکورہ خاکہ مزاح کے پردے میں کی گئی ایک گھٹیا اشتعال انگیزی ہے جو نفرت پر مبنی جرم ہے۔

ترکیہ میں توہین رسالت کے شبہے میں کارٹونسٹ اور ایڈیٹوریل ٹیم گرفتار

میگزین کے ایڈیٹر انچیف نے ان الزامات کو مسترد کرتے ہوئے وضاحت کی کہ متنازع خاکے کا پیغمبر اسلام سے کوئی تعلق نہیں

وفاقی حکومت نے بجلی بلوں سے پی ٹی وی فیس ختم کرنے کے اعلان کا نوٹیفکیشن جاری کردیا۔پاور ڈویژن کی جانب سے جاری نوٹیفیکیشن کے مطابق بجلی صارفین کیلئے جولائی 2025سے باضابطہ پی ٹی وی فیس کا خاتمہ کر دیا گیا ہے۔نوٹیفکیشن میں کہا گیا ہے کہ وزیراعظم کے اعلان کی روشنی میں تمام ڈسکوز کو بلوں سے فیس کے خاتمے کے احکامات جاری کئے گئے تھے۔خیال رہے وزیراعظم نے گزشتہ دنوں بجلی بل میں پی ٹی وی لائسنس فیس ختم کرنے کا اعلان کیا تھا جس پر عملدرآمد کرتے ہوئے یہ فیس ختم کر دی گئی۔واضح رہے کہ بجلی کے بلوں میں پی ٹی وی لائسنس فیس وصولی کا آغاز تقریباً 25 سال قبل کیا گیا تھا۔ ابتدا میں اس کی فیس 25 روپے ماہانہ تھی جو اب بڑھا کر 35 روپے کر دی گئی تھی۔تاہم کوئی میکنزم نہ ہونے کے باعث مساجد اور مدارس کے بجلی بلوں میں بھی پی ٹی وی لائسنس فیس شامل ہوتی تھی۔ جس پر عوام الناس کی جانب سے کئی بار ردعمل ظاہر کیا گیا تاہم پی ٹی وی لائسنس فیس مساجد اور مدارس کے بلوں میں بھی وصول کی جاتی رہی۔

پچیس سال بعد بجلی کے بلوں سے پی ٹی وی لائسنس فیس ختم،نوٹیفکیشن جاری  کردیاگیا

پاور ڈویژن نے نوٹی فکیشن میں واضح کردیا ہے کہ پی ٹی وی فیس کا خاتمہ رواں ماہ سے نافذ العمل ہوگا

Pakistan’s Olympic champion Arshad Nadeem has climbed to fourth place in the latest World Athletics rankings for men’s javelin throw.

Arshad Nadeem ranks fourth in World Athletics javelin standings

Pakistan&rsquo;s Olympic champion Arshad Nadeem has climbed to fourth place in the latest World Athletics rankings for men&rsquo;s javelin throw. He achieved 1,370 points, reflecting his dominant performance this season .

Indian athlete Neeraj Chopra leads the world rankings with 1,445 points, closely followed by Grenada&rsquo;s Anderson Peters (1,431) and Germany&rsquo;s Julian Weber (1,407).

Nadeem earned his ranking points primarily from his gold-medal throw of 86.40 m at the Asian Athletics Championships in Gumi, South Korea, last month. It remains his only ranking event this year, a factor that has somewhat limited his climb.

The Pakistani javelin star is expected to compete in two to three international meets before the World Athletics Championships in September, according to <a href="https://a-sports.tv/arshad-nadeem-position-in-world-athletics-rankings-revealed">A-Sports</a>. This can help further boost his ranking.

Nadeem&rsquo;s rise continues from his historic 2024 Olympic gold in Paris, where he shattered the Olympic record with a 92.97 m throw&mdash;Pakistan&rsquo;s first track and field medal in 40 years. His current position confirms his place among the world&rsquo;s elite.

Now ranked fourth globally, Arshad Nadeem stands on the cusp of major events where his upward trajectory can continue. With key competitions ahead, Pakistan&rsquo;s javelin ace has the opportunity to challenge for a top-three world ranking by season&rsquo;s end.

Arshad Nadeem ranks fourth in World Athletics javelin standings

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan