Cricket

Entertainment

News

Football

ایشیا کپ ٹی ٹوئنٹی کے سپر فور مرحلے میں بھارت نے بنگلادیش کو 41 رنز سے شکست دے کر فائنل کے لیے کوالیفائی کرلیا۔دبئی میں کھیلے گئے میچ میں بھارت نے پہلے بیٹنگ کرتے ہوئے مقررہ 20 اوورز میں 6 وکٹوں پر 168 رنز بنائے۔ ابھیشیک شرما نے شاندار بیٹنگ کرتے ہوئے 37 گیندوں پر 75 رنز کی دھواں دار اننگز کھیلی، جبکہ ہاردک پانڈیا نے 38 رنز بنائے۔قبل ازیںبنگلادیش نے ٹاس جیت کر بھارت کو بیٹنگ کی دعوت دی اور ٹیم میں 4 تبدیلیاں کیں۔ کپتان لٹن داس انجری کے باعث ٹیم سے باہر رہے اور قیادت کی ذمہ داری جاکر علی نے سنبھالی۔169 رنز کے ہدف کے تعاقب میں بنگلادیشی ٹیم دباؤ کا شکار رہی اور پوری ٹیم آخری اوور میں 127 رنز پر ڈھیر ہوگئی۔ سیف حسن نے سب سے زیادہ 69 رنز اسکور کیے، جبکہ پرویز حسین 21 رنز بنا سکے۔ باقی کھلاڑی ڈبل فیگر میں بھی داخل نہ ہو سکے۔ بھارت کی جانب سے کلدیپ یادیو نے 3، بمراہ اور چکرورتی نے 2،2 وکٹیں حاصل کیں۔بھارت کی فتح کے ساتھ ہی وہ ایشیا کپ کے فائنل میں پہنچ گیا، جبکہ سری لنکا فائنل کی دوڑ سے باہر ہوگیا۔ اب کل پاکستان اور بنگلادیش کا میچ فیصلہ کن ہوگا، جس کی فاتح ٹیم بھارت کے ساتھ فائنل میں جگہ بنائے گی۔

بھارت نے بنگلادیش کو 41 رنز سے ہرا کر ایشیا کپ کے فائنل میں جگہ بنا لی

پاکستان اور بنگلادیش کا ٹاکرا سیمی فائنل کی صورت اختیار کر گیا، فاتح ٹیم بھارت سے فائنل کھیلے گی

اس سال کے سب سے طاقتور موسمی طوفان راگاسا نے ایشیا کے بعض حصوں کو بری طرح متاثر کیا ہے، جس کے نتیجے میں تائیوان میں شدید سیلابی ریلا اور ہلاکتیں سامنے آئیں جبکہ ہانگ کانگ اور جنوبی چین کی ساحلی پٹیوں کو زبردست طوفانی لہروں اور تیز ہواؤں نے جھنجھوڑ دیا۔تائیوان کے مشرقی ضلع ہوالین (Guangfu وغیرہ) میں بارشوں کی وجہ سے بننے والی قدیم بند جھیل پھٹ گئی، جس سے پانی اور کیچڑ کا بڑا ریلا نیچے والے دیہات میں داخل ہوا۔ ابتدائی حکومتی اور ریسکیو اطلاعات کے مطابق اس واقعے میں کم از کم 17 افراد ہلاک اور کئی لاپتا ہوئے جبکہ سینکڑوں مکانات کو شدید نقصان پہنچا۔ متاثرہ علاقوں میں سرچ اینڈ ریسکیو آپریشن جاری ہیں اور ہزاروں افراد کو محفوظ مقامات پر منتقل کیا جا چکا ہے۔ہانگ کانگ میں راگاسا کے باعث ساحلی علاقوں پر طاقتور لہریں آ گئیں اور متعدد جگہوں پر سیلابی مناظر دیکھنے میں آئے۔ شہر کی آبزرویٹری نے سب سے بڑا طوفانی سگنل جاری کیا، راستے اور پرومینیڈ زیرِ آب آئے، کئی عمارتوں میں پانی داخل ہوا، درخت اکھڑ گئے اور سیکڑوں افراد کو عارضی پناہ گاہوں میں شفٹ کیا گیا۔ ہوائیں اور بارش نے عوامی خدمات اور ٹرانسپورٹ کو معطل کر دیا، اور متعدد پروازیں منسوخ ہوئیں۔چین کے جنوبی صوبہ گوانگ ڈونگ میں سمندر کی سطح بلند ہونے کی وجہ سے ریڈ سٹورم سرج کے انتباہات جاری کیے گئے، اور لاکھوں افراد کو ساحلی علاقوں سے محفوظ مقامات کی طرف منتقل کیا گیا۔ حکام نے اسکول، کارخانوں اور کچھ سڑکوں کو بند کر کے ہنگامی تیاری بڑھا دی ہے۔فلپائن کے شمالی حصوں میں بھی طوفان کے اثرات سے تباہی دیکھی گئی؛ وہاں بھی جانی و مالی نقصان کی اطلاعات آئیں اور ہزاروں افراد بے گھر ہوئے۔ماہرین موسمیات کہتے ہیں کہ عالمی درجہ حرارت اور سمندری پانی کے گرم ہونے کے باعث ایسے انتہائی طاقتور طوفانوں کی شدت اور تکرار میں اضافہ ہو رہا ہے، جس کے نتیجے میں ساحلی ممالک کو پہلے سے زیادہ تیار رہنا ہوگا۔

سپر طوفان راگاسا، ایشیا میں تباہی،ہانگ کانگ میں سیلاب، تائیوان میں کم از کم 17 ہلاک

شمال مغربی بحرالکاہل کا سب سے طاقتور طوفان، لاکھوں افراد بے گھر، چین کے صوبہ گوانگ ڈونگ میں بڑے پیمانے پر انخلا

ایرانی سپریم لیڈر آیت اللہ علی خامنہ ای نے امریکی صدر ڈونلڈ ٹرمپ کے بیانات پر سخت ردعمل دیتے ہوئے واضح کر دیا ہے کہ ایران کسی دباؤ یا دھمکی کے آگے نہیں جھکے گا۔انہوں نے زور دیا کہ ایران کا ایٹمی ہتھیار بنانے کا کوئی منصوبہ نہیں، لیکن یورینیم افزودگی کا عمل ہر حال میں جاری رہے گا۔خامنہ ای نے کہا کہ امریکا کے ساتھ مذاکرات ایران کے لیے فائدہ مند نہیں بلکہ نقصان دہ ہوں گے۔ ان کے مطابق واشنگٹن ہمیشہ وعدہ خلافی کرتا ہے، جھوٹ بولتا ہے اور دھمکیاں دیتا ہے، اس لیے امریکا کے ساتھ کسی بھی جوہری یا سیاسی معاملے پر بات چیت’بند گلی‘ ہے۔انہوں نے مزید کہا کہ ایران اپنی ترقی، خودمختاری اور سائنسی طاقت کو کمزور نہیں ہونے دے گا۔جب ہم مضبوط ہوں گے تو دشمن کے خطرات خود ہی ختم ہو جائیں گے۔یہ بیان ایسے وقت میں سامنے آیا ہے جب صدر ٹرمپ نے اقوام متحدہ کی جنرل اسمبلی سے خطاب میں کہا تھا کہ ایران کو ایٹمی ہتھیار بنانے کی اجازت کبھی نہیں دی جائے گی اور حالیہ اسرائیل،ایران کشیدگی کے دوران ایرانی جوہری تنصیبات پر حملوں کا بھی دفاع کیا۔خامنہ ای کا دوٹوک پیغام یہ ہے کہ ایران اپنی خودمختاری اور ایٹمی پروگرام پر کسی قسم کا سمجھوتہ نہیں کرے گا، چاہے دباؤ کتنا ہی شدید کیوں نہ ہو۔

موجودہ حالات میں امریکا سے مذاکرات ہمارے قومی مفاد میں نہیں ، علی خامنہ ای

ایٹمی پروگرام پر کوئی سمجھوتہ ممکن نہیں،امریکی صدر ٹرمپ کے بیان پر ایرانی سپریم لیڈر کا ردعمل

اداکارہ میمونہ قدوس نے انکشاف کیا ہے کہ شوبز انڈسٹری میں ہم جنس پرستی کا رجحان لاہور سے پروان چڑھا اور وہاں یہ معاملہ زیادہ عام ہے۔اداکارہ نے کہا کہ اگرچہ کراچی میں بھی یہ سب کچھ ہوتا ہے، مگر لاہور میں کھلم کھلا پارٹیاں منعقد کی جاتی ہیں، جب کہ ایسے کام خفیہ محفلوں تک محدود رہنے چاہئیں۔اداکارہ میمونہ قدوس نے حال ہی میں ایک پوڈکاسٹ میں گفتگو کرتے ہوئے شوبز انڈسٹری کے مختلف پہلوؤں پر کھل کر بات کی۔ انہوں نے کہا کہ کراچی اور لاہور کی انڈسٹری میں واضح فرق ہے۔ کراچی کے لوگ زیادہ پروفیشنل ہیں اور وہ مطلب کے بغیر کوئی کام نہیں کرتے، یہاں تک کہ تعلقات میں بھی ایک طرح کا "ڈیل کلچر" پایا جاتا ہے۔اداکارہ نے دعویٰ کیا کہ لاہور کی شوبز انڈسٹری میں کئی معاملات زیادہ پیچیدہ اور متنازع ہیں۔ ان کے مطابق، لاہور میں دکھاوا زیادہ ہے اور بعض تقریبات میں ایسی سرگرمیاں بھی دیکھنے کو ملتی ہیں جو کھلے عام نہیں ہونی چاہئیں۔میمونہ قدوس نے اس موقع پر یہ بھی تسلیم کیا کہ شوبز کی دنیا میں "کاسٹنگ کاؤچ" کا رجحان ماضی میں موجود رہا ہے اور اس کا شکار صرف خواتین ہی نہیں بلکہ مرد اداکار بھی ہوتے رہے ہیں۔ ان کا کہنا تھا کہ ہراسانی کسی ایک جنس تک محدود نہیں، مرد بھی اس مسئلے کا سامنا کرتے ہیں۔اداکارہ کے مطابق، کراچی کے لوگ تعلقات میں بھی براہِ راست ڈیل کی پیشکش کرتے ہیں، یعنی اگر گرل فرینڈ بننا ہے تو کچھ شرائط طے کی جاتی ہیں، بصورتِ دیگر بات ختم کر دی جاتی ہے۔ انہوں نے کہا کہ یہ رویہ اگرچہ مطلب پرستی ہے لیکن اس میں ایک طرح کی پروفیشنل اپروچ بھی جھلکتی ہے۔

شوبز میں ہم جنس پرستی کا رجحان لاہور سے پروان چڑھا، میمونہ قدوس کا انکشاف

انڈسٹری میں بہت زیادہ گند پایا جاتا ہے، کھلم کھلا پارٹیاں منعقد کی جاتی ہیں، میمونہ قدوس نے کئی رازوں سے پردہ اٹھادیا

وزیر اعظم شہباز شریف نے آئی ایم ایف سے درخواست کی ہے کہ پاکستان کی معیشت پر حالیہ سیلاب کے شدید اثرات کو اگلے معاشی جائزے میں شامل کیا جائے۔اقوام متحدہ کی جنرل اسمبلی کے 80 ویں اجلاس کے موقع پر وزیراعظم نے نیویارک میں آئی ایم ایف کی منیجنگ ڈائریکٹر کرسٹالینا جارجیوا سے ملاقات کی۔ اس دوران وزیراعظم نے کہا کہ پاکستان نے مشکل وقت میں آئی ایم ایف کی بروقت مدد کو ہمیشہ سراہا ہے، خصوصاً اسٹینڈ بائی ارینجمنٹ اور توسیعی فنڈ سہولت جیسے اقدامات معیشت کے استحکام میں مددگار ثابت ہوئے۔شہباز شریف کا کہنا تھا کہ پائیدار اصلاحات کے نتیجے میں پاکستان کی معیشت مثبت سمت میں بڑھ رہی ہے اور حکومت پروگرام کے تحت اہداف حاصل کرنے کے لیے پرعزم ہے۔آئی ایم ایف سربراہ نے پاکستان میں سیلاب متاثرین کے ساتھ ہمدردی کا اظہار کیا اور کہا کہ بحالی کے اقدامات کے لیے درست تخمینے اور پالیسی اقدامات انتہائی ضروری ہیں۔ انہوں نے وزیراعظم کے عزم اور معاشی پالیسیوں کو سراہتے ہوئے پاکستان کے لیے ادارے کی مسلسل حمایت کا اعادہ کیا۔

سیلاب کے اثرات آئی ایم ایف جائزے میں شامل کیے جائیں،شہباز شریف کا مطالبہ

پاکستان اپنے وعدوں پر قائم ہے، آئی ایم ایف کی مسلسل شراکت داری ہمارے لیے رہنمائی کا ذریعہ ہے،وزیراعظم شہبازشریف

اقوام متحدہ جنرل اسمبلی اجلاس میں شرکت کے لیے نیویارک پہنچنے والے فرانسیسی صدر میکرون کو پولیس نے صدر ٹرمپ کے قافلے کے گزرنے کے سبب روک دیا، اقوام متحدہ جنرل اسمبلی کے اجلاس میں دلچسپ صورتحال اُس وقت پیدا ہوئی جب فرانسیسی صدر ایمانوئل میکرون کو امریکی صدر ڈونلڈ ٹرمپ کے سخت پروٹوکول کی وجہ سے سڑک پر روک دیا گیا۔واقعہ یوں ہوا کہ میکرون کانفرنس میں شرکت کے بعد قریبی فرانسیسی سفارت خانے جانے نکلے تو اچانک ان کے قافلے کو پولیس نے روک دیا۔ وجہ یہ بتائی گئی کہ صدر ٹرمپ کا قافلہ گزرنے والا ہے، اس لیے تمام راستے بند ہیں۔میکرون نے معاملہ سلجھانے کے لیے گاڑی سے اتر کر پولیس افسران سے بات بھی کی مگر جواب ملا کہ "راستہ تو ابھی بند ہی رہے گا۔" اس پر فرانسیسی صدر نے براہِ راست صدر ٹرمپ کو فون کر ڈالا اور ہنستے ہوئے پوچھا: "کیا آپ کو پتہ ہے میں نے فون کیوں کیا ہے؟" لیکن ٹرمپ کی جانب سے راستہ کھلوانے کے بجائے ہلکی پھلکی گفتگو کے بعد بھی معاملہ وہیں کا وہیں رہا۔انتظار سے تنگ آکر میکرون نے ضد میں آکر فیصلہ کیا کہ اب وہ گاڑی میں نہیں جائیں گے بلکہ پیدل ہی سفارت خانے جائیں گے۔ چنانچہ وہ پیدل روانہ ہوئے اور راستے میں کئی لوگوں نے انہیں پہچان کر تصاویر بھی بنوائیں۔

امریکی صدر کا پروٹوکول، نیویارک پولیس نے فرانسیسی صدر کو بھی روک لیا

میکرون کا ٹرمپ کو فون،صورتحال بتائی مگرامریکی صدر نے بھی ٹرخادیااورراستے بندرہے

پاکستان میں دہائیوں کی محنت سے حاصل ہونے والی غربت میں کمی کا عمل 2020 کے بعد نہ صرف تھم گیا بلکہ اُلٹا اضافہ کی جانب بڑھ گیا ہے۔ عالمی بینک کی تازہ رپورٹ کے مطابق ملک میں غربت کی شرح مسلسل بڑھتے ہوئے تشویشناک حد 25 فیصد سے تجاوز کر گئی ہے۔پاکستان میں غربت کے خاتمے کا دہائیوں پر محیط سفر رکنے کے بعد الٹ کر دوبارہ اضافہ کی جانب بڑھ رہا ہے۔ عالمی بینک کی تازہ رپورٹ کے مطابق ملک میں قومی غربت کی شرح جو 2001-02 میں 64 فیصد سے کم ہو کر 2020 میں 18.3 فیصد تک پہنچ گئی تھی، اب دوبارہ بڑھنا شروع ہوگئی ہے۔رپورٹ میں انکشاف کیا گیا ہے کہ پاکستان میں موجودہ غربت کی سطح 25.3 فیصد تک جا پہنچی ہے، یعنی صرف تین سال میں غربت کی شرح میں 7 فیصد سے زائد کا اضافہ ریکارڈ کیا گیا۔ اعداد و شمار کے مطابق 2022 میں غربت 18.3 فیصد تھی، جو 2023-24 میں بڑھ کر 24.8 فیصد اور 2024-25 میں مزید بڑھ کر 25.3 فیصد ہوگئی۔عالمی بینک کے مطابق 2001 سے 2015 کے درمیان پاکستان میں غربت میں سالانہ اوسطاً 3 فیصد کمی دیکھنے میں آئی، لیکن 2015 کے بعد یہ کمی سست روی کا شکار ہو گئی اور 2018 کے بعد صورتحال مزید خراب ہوگئی۔ رپورٹ میں کہا گیا ہے کہ 2018-19 کے بعد کسی نئے ہاؤس ہولڈ سروے کے اعداد و شمار دستیاب نہیں ہیں۔رپورٹ میں واضح کیا گیا کہ غربت میں کمی کی بڑی وجہ غیر زرعی آمدن رہی جس نے 57 فیصد کردار ادا کیا جبکہ زرعی آمدن سے 18 فیصد کمی ممکن ہوئی۔ ترسیلات زر اور دیگر شعبوں کی آمدنی نے بھی وقتی سہارا دیا، تاہم 2011 سے 2021 کے دوران اوسط آمدن میں صرف 2 سے 3 فیصد اضافہ ریکارڈ کیا گیا۔عالمی بینک کے مطابق کم آمدنی والے طبقے کے تقریباً 85 فیصد افراد غیر رسمی روزگار پر انحصار کرتے ہیں جبکہ مجموعی طور پر 95 فیصد مزدور انفارمل سیکٹر سے وابستہ ہیں۔ رپورٹ میں یہ بھی کہا گیا کہ پاکستان کی 60 سے 80 فیصد آبادی شہری علاقوں سے جڑی ہوئی ہے، لیکن باضابطہ طور پر صرف 39 فیصد لوگ شہروں میں مقیم ہیں۔رپورٹ نے واضح کر دیا کہ اگر معیشت کو پائیدار بنیادوں پر نہ سنبھالا گیا تو غربت میں اضافہ آئندہ برسوں میں ایک بڑے قومی بحران کی شکل اختیار کر سکتا ہے۔

پاکستان میں غربت میں اضافہ، عالمی بینک کی رپورٹ نے خطرے کی گھنٹی بجا دی

غربت میں کمی کا عمل 2020 کے بعد نہ صرف تھم گیا بلکہ اُلٹا اضافہ کی جانب بڑھ گیا ہے، عالمی بینک کی رپورٹ

یوں تو یہ شعر دنیاکی تمام حسینائوں،خصوصا بے حد خوبصورت فلمی ہیروئنز اورنہایت پُرکشش ٹاپ ماڈلز پرپورااُترتا ہے۔ہرحُسن کوزوال ہے مگر کچھ حسینائیں ایسی بھی ہیں جن کی مقبولیت،جن کا جادو،جن کی کشش،جن کا نام اورکام کبھی ماندنہیں پڑتا۔ لاکھوں دلوں کی دھڑکن انجیلینا جولی کا شمار بھی ایسی ہی چند حسینائوں میں ہوتاہے وہ بیشک بیوٹی وِد برین ہیں اورصرف اُن کی خوبصورتی اورذہانت کا ہی شہرہ نہیں ہے بلکہ اُن کی انسان دوستی،بہادری اور آئوٹ اسپوکن ہونا بھی اُن کی شخصیت کو چارچاند لگا دیتا ہے۔امریکا کے نہایت طاقتور،ایڈونچرپسند،بے باک،بے لاگ اور دنیا کو اپنے انگوٹھے کے نیچے دبانے کے خواہش مند صدر ٹرمپ پر انجیلیناجولی نےجو دلیرانہ تنقید کی ہے اس للکار سے ایک بارپھرانہوںنے اپنے مداحوں اورپرستاروں کے دِل جیت لئے ہیں۔ انجلینا جولی کاتعلق ایک فلمی گھرانے سے ہے ان کے والد جان وائٹ بھی مشہوراداکارتھے انجلینا نے ماڈلنگ سے کیریئر کاآغاز کیا اور جلد ہی اپنی خوبصورتی ،منفرد انداز اوراسمارٹ پرسنلٹی کے باعث ہالی ووڈ میں قدم رکھا۔ فلمGIA اورGirl Interrupted میں اُن کی اداکاری نے دنیا کو حیران کردیااور پھرTomb Raiderسے لے کر Mr & Mrs Smithتک انجلینا نے نا صرف ہالی ووڈ کی کامیاب فلموں میں کام کیا بلکہ کئی ایوارڈ اپنے نام کئے جن میں اکیڈمی ایوارڈ آسکر اور گولڈن گلوب شامل ہیں۔ انجلینا جولی صرف ایک اداکارہ ہی نہیں بلکہ فیشن آئیکون بھی ہیں اُن کا ریڈکارپٹ اسٹائل،سماجی ایونٹ میں موجودگی اورمیڈیا میں نمایاں رہنا اُنہیں عالمی گلیمر کی دنیا کا نمایاں حصہ بناتاہے۔ انجلینا جولی کاسفر یہیں پرختم نہیں ہوتا انہوںنے اپنی زندگی کوگلیمر تک محدود نہیں رکھا وہ اقوام متحدہ کی خیرسگالی سفیرتھیں اورانہوںنے دنیا کے جنگ زدہ علاقوں ،مہاجرین کیمپوں اور یتیم خانوں کے دورے کئے ہیں،انہوں نے افغانستان،شام،عراق اورافریقا میں انسانی خدمت کا جوسفر کیا اس نے انہیں دنیا کی سب سے بااثر خواتین کی فہرست میںشامل کردیا۔انجیلینا جولی کسی نہ کسی انداز سے دنیا کو چُونکاتی رہتی ہیں اُن کا تازہ ترین اقدام ان کیلئے سیاست کے میدان میں ایکٹیو رول ادا کرنے کی طرف پیشرفت بن سکتاہے۔ انہوں نے صدر ٹرمپ کی پالیسیوں خاص طور پر ایمرجنسی اورانسانی حقوق کے حوالے سے کُھل کرتنقید کی ہے۔ اُن کا کہنا ہے کہ دنیا کو نفرت اورتقسیم کی نہیں بلکہ امن محبت اورتعاون کی ضرورت ہے۔اُن کا بیان نہ صرف امریکا بلکہ عالمی میڈیا میں بھی نمایاں رہاہے۔انجیلینا جولی نے اسپین میں منعقد ہونے والےسان سیبسٹین فلم فیسٹیول کے دوران سوال کیاگیا کہ کیا اب آپ کوبطورفنکار اوربحیثیت امریکن ہونے سے خوف آتاہے جس کے جواب میں انجیلینا جولی نے کہا کہ مجھے اپنے ملک سے محبت ہے مگر اب یہ پہچانا نہیں جارہا ۔ٹرمپ کے آنے کے بعد میں اس بات سے فکر مند ہوں کے امریکا میں اظہاررائے پرحملے شروع ہوگئے ہیں اختلاف رائے رکھنے والے میڈیا چینلز کو معطل کیاجارہاہے جس کی تازہ مثال اے بی سی پرمشہورامریکی پروگرام’Jimy Kimmel    لائیو‘ کو وقتی طور پر معطل کردیاگیا ہے کیونکہ جممی نے قدامت پسند رہنما چارلی کرک کے قتل پرتنقید کی تھی اورٹرمپ نواز حلقوں کی سوچ کو للکاراتھا۔انجلینا جولی نے اتنے بڑے فیسٹول میں جس طرح امریکا میں اظہار رائے پربڑھتی ہوئے پابندیوں اورامریکی معاشرے کی تقسیم کی نہایت دلیری سے جھلک دکھلائی ہے وہ قابل تحسین ہی نہیں قابل تقلیب بھی ہے۔

مجھے اپنے ملک سے محبت ہے، مگر یہ اب پہچانا نہیں جاتا، انجلینا جولی

ٹرمپ کے آنے کے بعد میں اس بات سے فکر مند ہوں کہ امریکا میں اظہار رائے پر حملے شروع ہوگئے ہیں،گفتگو

ایشیا کپ ٹی 20 کے سپر فور مرحلے کے پاکستان اور سری لنکا کے میچ میں پاکستانی اسپنر ابرار احمد اور سری لنکن اسپنر وانندو ہاسارنگا کے جشن کے چرچے ہونے لگے،ایشیا کپ ٹی ٹوئنٹی کے سپر فور مرحلے میں پاکستان اور سری لنکا کے درمیان کھیلے گئے میچ میں جہاں زبردست مقابلہ ہوا، وہیں ایک دلچسپ موقع اس وقت آیا جب پاکستانی اسپنر ابرار احمد اور سری لنکن اسپنر وانندو ہسارنگا نے ایک دوسرے کے انداز میں جشن منا کر تماشائیوں کو خوب محظوظ کیا۔ایشیا کپ ٹی ٹوئنٹی کے سپر فور مرحلے میں پاکستان اور سری لنکا کے میچ کے دوران ایک دلچسپ لمحہ اس وقت دیکھنے میں آیا جب پاکستانی اسپنر ابرار احمد اور سری لنکن اسپنر وانندو ہسارنگا نے ایک دوسرے کے انداز میں جشن منایا۔ابوظہبی کے میدان میں ہونے والے میچ میں ابرار احمد نے 13ویں اوور میں ہسارنگا کو آؤٹ کرنے کے بعد اُنہیں انہی کے منفرد اسٹائل میں پویلین کی راہ دکھائی۔ اس منظر پر تماشائی اور کمنٹیٹرز مسکرائے بغیر نہ رہ سکے۔بعد ازاں سری لنکن اسپنر ہسارنگا نے بھی پاکستان کی بیٹنگ کے دوران وکٹ حاصل کی تو ابرار احمد کے انداز کو دہراتے ہوئے جشن منایا۔ یہ مناظر ٹی وی کیمروں پر قید ہوئے تو شائقین، کھلاڑیوں اور کمنٹیٹرز نے خوب لطف اٹھایا۔سابق فاسٹ بولر وقار یونس نے کمنٹری کے دوران ہنستے ہوئے کہا کہ اگر میری دونوں ہاتھوں کی دسوں انگلیاں سلامت ہوتیں تو میں بھی ہسارنگا کے اسٹائل میں وکٹ کا جشن مناتا۔میچ کے بعد دونوں اسپنرز نے خوشگوار انداز میں ایک دوسرے سے ملاقات بھی کی، جس پر کرکٹ فینز نے کہا کہ یہی کھیل کا اصل حُسن ہے۔میچ کے بعد دونوں اسپنرز کی خوشگوار ملاقات نے یہ ثابت کیا کہ کھیل صرف جیت اور ہار کا نہیں بلکہ خوشی اور یکجہتی کا بھی ذریعہ ہے۔

ابرار احمد اور ہسارنگا کا ایک دوسرے کے انداز میں جشن، شائقین محظوظ،ویڈیووائرل

ایشیا کپ سپر فور میچ میں دونوں اسپنرز نے منفرد اسٹائل اپنا کر اسٹیڈیم کو قہقہوں سے گونجایا

نیویارک میں امریکی صدر ڈونلڈ ٹرمپ اور مسلم ممالک کے سربراہان کے درمیان اہم ملاقات ہوئی جس میں غزہ سمیت مشرق وُسطیٰ کی نازک صورتحال پر تفصیلی بات چیت کی گئی۔ اس اجلاس میں وزیراعظم شہباز شریف اور نائب وزیراعظم اسحاق ڈار بھی موجود تھے، جبکہ قطر، ترکیہ، سعودی عرب، مصر، انڈونیشیا، امارات اور اردن کے رہنما بھی شریک ہوئے۔صدر ٹرمپ نے گفتگو کے دوران کہا کہ اسلامی ملکوں کے سربراہان سے ملاقات ان کے لیے باعثِ اعزاز ہے، یہ اجلاس آج ہونے والے تمام اجلاسوں میں سب سے اہم ہے۔ ان کا کہنا تھا کہ ہم مل کر مسائل کے حل کی کوشش کریں گے اور یہ ملاقات غزہ جنگ کے خاتمے کے لیے کلیدی ثابت ہوسکتی ہے۔امیرِ قطر نے بھی اجلاس کے دوران کہا کہ غزہ میں صورتحال انتہائی سنگین ہوچکی ہے، جنگ کو فوری طور پر ختم ہونا چاہیے اور اس حوالے سے عملی اقدامات کی ضرورت ہے۔ ملاقات میں ترکیہ، سعودی عرب، قطر، مصر، انڈونیشیا، متحدہ عرب امارات اور اردن کے رہنما بھی موجود تھے۔بعد ازاں صدر ٹرمپ نے میڈیا سے گفتگو میں اس اجلاس کو انتہائی کامیاب قرار دیتے ہوئے کہا کہ غزہ کے مسئلے پر مسلم ممالک کے رہنماؤں کے ساتھ مفید بات چیت ہوئی ہے۔ ان کا کہنا تھا کہ اسرائیل سمیت تمام فریقین سے بات چیت جاری ہے اور امکان ہے کہ غزہ کے مسئلے پر کوئی پیش رفت ہوسکے۔ترک صدر رجب طیب اردوان نے بھی اجلاس کو سودمند اور اہم قرار دیا۔دوسری جانب سربراہی اجلاس کے اختتام پر وزیراعظم شہباز شریف اور امریکی صدر ٹرمپ کی غیر رسمی ملاقات بھی ہوئی، جس میں خوشگوار ماحول میں بات چیت کی گئی۔ اس موقع پر نائب وزیراعظم اسحاق ڈار بھی شریک تھے۔ امکان ہے کہ وزیراعظم شہباز شریف 25 ستمبر کو صدر ٹرمپ سے ون آن ون ملاقات بھی کریں گے۔یہ ملاقات ایک مثبت اشارہ ہے، مگر غزہ کے مسئلے میں حقیقی پیش رفت کے لیے جامع بین الاقوامی اور علاقائی کوششیں درکار ہوں گی۔

ڈونلڈ ٹرمپ کی شہبازشریف سے ملاقات، خوشگوار ماحول میں غیر رسمی گفتگو

امریکی صدرڈونلڈ ٹرمپ کی مسلم ممالک کے رہنماؤں سے اہم ملاقات، غزہ پر تفصیلی گفتگو

اقوام متحدہ کی جنرل اسمبلی میں ترک صدر رجب طیب اردوان نے اسرائیلی مظالم کو تاریخ کا سیاہ ترین باب قرار دیتے ہوئے عالمی قیادت کے ضمیر کو جھنجھوڑا اور کہا کہ غزہ میں جنگ نہیں بلکہ نسل کشی اور قبضے کی پالیسی جاری ہے۔ جنرل اسمبلی سے خطاب کرتے ہوئے ترک صدر رجب طیب اردوان کاکہناتھا کہ گزشتہ صدی میں انسانیت نے ایسی بے رحمی کبھی نہیں دیکھی جو اسرائیل غزہ میں روا رکھ رہا ہے۔ ان کا کہنا تھا کہ یہ جنگ نہیں بلکہ قبضے، نسل کشی اور قتلِ عام کی پالیسی ہے جو اسرائیل کھلے عام جاری رکھے ہوئے ہے۔اردوان نے اپنے جذباتی خطاب میں خبردار کیا کہ غزہ میں اسرائیلی جارحیت پر خاموش رہنے والے بھی اس سنگین جرم کے شریک ہیں۔ انہوں نے غزہ پر مسلط کردہ جنگ کو انسانیت کے لیے ’’سیاہ ترین باب‘‘ قرار دیا اور فوری جنگ بندی کا مطالبہ کیا۔ ان کا کہنا تھا کہ اسرائیل قابو سے باہر ہوچکا ہے اور اس کے جنون کو مزید برداشت نہیں کیا جاسکتا۔ترک صدر نے اسرائیلی بمباری کو نسل کشی قرار دیتے ہوئے کہا کہ فلسطینی عوام کو اجتماعی سزا دی جارہی ہے، لہٰذا عالمی برادری کو اپنی ذمہ داری نبھاتے ہوئے فوری اقدامات کرنے ہوں گے۔ انہوں نے کہا کہ اسرائیل پر لازم ہے کہ وہ حملے بند کرے اور انسانی امداد کو بلا رکاوٹ غزہ میں داخل ہونے دے۔اپنے خطاب میں انہوں نے قطر میں حماس کی قیادت کو نشانہ بنانے کی کوشش کی مذمت کرتے ہوئے کہا کہ یہ اقدام ثابت کرتا ہے کہ اسرائیل حد سے بڑھ چکا ہے۔ اردوان نے انکشاف کیا کہ اسرائیل نے نہ صرف غزہ اور مغربی کنارے بلکہ شام، ایران، یمن اور لبنان پر بھی حملے کیے ہیں، جو پورے خطے کے امن کے لیے بڑا خطرہ ہیں۔صدر اردوان نے خطاب کے دوران دل دہلا دینے والی تصاویر بھی دکھائیں جن میں بھوک سے نڈھال خواتین خالی برتن لیے کھڑی تھیں اور غذائی قلت کے شکار بچے نظر آرہے تھے۔ انہوں نے عالمی رہنماؤں کو مخاطب کرتے ہوئے کہا: ’’اپنے ضمیر سے پوچھیں، کیا 2025 میں اس بربریت کا کوئی جواز ہوسکتا ہے؟‘‘۔ ان کے مطابق یہ شرمناک مناظر گزشتہ 23 ماہ سے دنیا دیکھ رہی ہے۔انہوں نے کہا کہ اسرائیلی بمباری میں اب تک 250 سے زائد صحافی اور درجنوں امدادی کارکن شہید ہو چکے ہیں لیکن اس سب کے باوجود اسرائیل نسل کشی کو چھپا نہیں سکا۔ سیکریٹری جنرل انتونیو گوتریس کی کوششوں کو سراہتے ہوئے انہوں نے افسوس ظاہر کیا کہ اقوام متحدہ اپنے ہی اہلکاروں کو بھی محفوظ نہیں رکھ سکا۔امریکا کو تنقید کا نشانہ بناتے ہوئے ترک صدر نے کہا کہ فلسطینی صدر اور ان کے وفد کو جنرل اسمبلی میں شرکت کے لیے ویزا نہ دینا اقوام متحدہ کے میزبان ملک کے معاہدے کی کھلی خلاف ورزی ہے۔ انہوں نے سوال اٹھایا کہ اس پر جوابدہ کون ہوگا؟اردوان نے دنیا کے تمام ممالک سے فلسطین کو باضابطہ تسلیم کرنے کا مطالبہ کرتے ہوئے کہاکہ میں یہاں نہ صرف اپنے 86 ملین شہریوں کی نمائندگی کر رہا ہوں بلکہ اپنے ان فلسطینی بھائیوں اور بہنوں کی آواز بھی بن رہا ہوں جن کی صدائیں دبائی جارہی ہیں۔اردوان نے دنیا کو خبردار کیا کہ اگر اس بربریت پر بھی دنیا خاموش رہی تو یہ جرم انسانیت کی تاریخ میں کبھی معاف نہیں ہوگا۔

اسرائیل خطے کے امن کیلئے خطرہ بن گیاہے، مزید برداشت نہیں کیا جا سکتا، ترک صدر

ترک صدر کا اقوام متحدہ میں جذباتی خطاب، فوری جنگ بندی اور فلسطین کو تسلیم کرنے کا مطالبہ

نیویارک میں اقوام متحدہ کی جنرل اسمبلی کا اجلاس اس وقت توجہ کا مرکز بن گیا جب سیکریٹری جنرل انتونیو گوتریس نے افتتاحی خطاب میں دنیا کے بڑھتے ہوئے بحرانوں پر کھل کر تشویش کا اظہار کیا۔ گوتریس نے خبردار کیا کہ دنیا ایک خطرناک موڑ پر کھڑی ہے جہاں امن اور ترقی کے ستون بے حسی اور عدم مساوات کے بوجھ تلے لرز رہے ہیں۔اقوامِ متحدہ کے سیکریٹری جنرل انتونیو گوتریس نے جنرل اسمبلی کے افتتاحی اجلاس سے خطاب کرتے ہوئے دنیا بھر میں بڑھتے ہوئے بحرانوں پر گہری تشویش کا اظہار کیا۔انتونیوگوتریس نے کہا کہ آج سے 80 برس قبل متعدد ممالک نے امن اور انسانی بقا کے لیے اقوام متحدہ قائم کی تھی، لیکن جن اصولوں پر یہ ادارہ کھڑا ہے وہ اب شدید دباؤ میں ہیں۔ ان کے مطابق امن اور ترقی کے ستون بے حسی، عدم مساوات اور سزا سے استثنیٰ جیسے رویوں کے بوجھ تلے لرز رہے ہیں۔سیکریٹری جنرل کا کہنا تھا کہ دنیا غیر ذمے دارانہ خلفشار اور مسلسل انسانی تکالیف کے دور میں داخل ہوچکی ہے۔ انہوں نے رکن ممالک کو مخاطب کرتے ہوئے سوال اٹھایا کہ آخر ہم کس قسم کی دنیا تعمیر کرنا چاہتے ہیں، کیونکہ ہمارے سامنے انسانی المیوں اور ماحولیاتی خطرات کی گھنٹیاں بج رہی ہیں۔انتونیو گوتریس نے کہا کہ خودمختار ممالک پر حملے کیے جا رہے ہیں، بھوک کو ہتھیار کے طور پر استعمال کیا جا رہا ہے، سچ کو دبایا جا رہا ہے اور شہروں کا وجود ملبے میں بدل رہا ہے۔فلسطین کی صورتحال پر بات کرتے ہوئے انہوں نے غزہ میں جاری مظالم کو بدترین قرار دیا اور کہا کہ قتل و غارت کا دائرہ تمام حدود پار کر چکا ہے، مگر عالمی عدالت کے فیصلوں پر عمل نہیں کیا گیا۔ ان کے مطابق حماس کے 7 اکتوبر کے حملوں کے جواب میں معصوم فلسطینی عوام کو اجتماعی سزا دینا کسی طور جائز نہیں۔انہوں نے مطالبہ کیا کہ غزہ میں فوری اور مستقل جنگ بندی قائم کی جائے اور یرغمالیوں کو رہا کیا جائے۔اقوام متحدہ کے سربراہ نے مزید کہا کہ ادارے کی صلاحیتوں کو منظم طریقے سے کمزور کیا جا رہا ہے جس سے عالمی امن اور ترقی کے اہداف خطرے میں ہیں۔ گوتریس نے سلامتی کونسل کے کردار پر بھی سوال اٹھایا اور بالواسطہ طور پر امریکا اور روس کی جانب سے بار بار ویٹو کے استعمال کو تنقید کا نشانہ بنایا جس کی وجہ سے غزہ اور یوکرین کی جنگوں میں اقوام متحدہ کا کردار محدود ہوچکا ہے۔انتونیو گوتریس کی تقریر نے ایک بار پھر عالمی ادارے کے مستقبل اور سلامتی کونسل کے مؤثر کردار پر گہرے سوالات کھڑے کر دیے ہیں۔

انتونیو گوتریس کا جنرل اسمبلی سے خطاب، دنیا کو خطرناک دوراہے پر قرار دیدیا

غزہ میں قتل و غارت کی تمام حدیں پار ہوگئیں،سیکریٹری جنرل اقوام متحدہ کا افتتاحی اجلاس سے خطاب

ایشیا کپ ٹی ٹوئنٹی کے سپر فور مرحلے کے تیسرے میچ میں پاکستان نے سری لنکا کو 5 وکٹوں سے شکست دے کر قیمتی دو پوائنٹس حاصل کرلیے۔ابوظبی کرکٹ اسٹیڈیم میں کھیلے گئے میچ میں پاکستان نے 134 رنز کا ہدف 18 اوورز میں پانچ وکٹوں کے نقصان پر پورا کیا۔ گرین شرٹس کی جانب سے محمد نواز 38 اور حسین طلعت 32 رنز کے ساتھ نمایاں رہے اور دونوں کھلاڑیوں نے ذمہ دارانہ بیٹنگ کرتے ہوئے ٹیم کو کامیابی دلائی۔اس سے قبل پاکستان نے ٹاس جیت کر سری لنکا کو بیٹنگ کی دعوت دی۔ لنکن ٹیم مقررہ 20 اوورز میں 8 وکٹوں کے نقصان پر 133 رنز بناسکی۔ سری لنکا کی طرف سے کمنڈو مینڈس 50 رنز کے ساتھ ٹاپ اسکورر رہے جبکہ کرونارتنے 17 رنز بناکر ناٹ آؤٹ رہے۔ دیگر بیٹرز میں پاتھم نسنکا 8، کوشل مینڈس صفر، پریرا 15، آسالنکا 20 اور ہسارنگا 15 رنز بناکر پویلین لوٹ گئے۔پاکستان کی بولنگ میں شاہین شاہ آفریدی نے 3 وکٹیں حاصل کیں، حارث رؤف اور حسین طلعت نے 2، 2 شکار کیے جبکہ ابرار احمد کے حصے میں ایک وکٹ آئی۔ہدف کے تعاقب میں پاکستان کے ابتدائی بیٹرز میں فخر زمان 47، صاحبزادہ فرحان 24، محمد حارث 15، کپتان سلمان علی آغا 5 اور صائم ایوب 2 رنز بناکر آؤٹ ہوئے۔ تاہم محمد نواز اور حسین طلعت نے پراعتماد کھیل کا مظاہرہ کرتے ہوئے ٹیم کو کامیابی کی منزل تک پہنچایا۔سری لنکا کی جانب سے ونندو ہسارنگا اور مہیش ٹھیکشانا نے دو، دو جبکہ دشمانتا چمیرا نے ایک وکٹ حاصل کی۔

ایشیا کپ سپرفورمرحلہ،پاکستان نے سری لنکا کو5وکٹوں سے شکست دیدی

پاکستان نے سری لنکا کادیاگیا 134 رنز کا ہدف 18 اوورز میں 5 وکٹوں کے نقصان پر حاصل کرلیا

امریکی صدر ڈونلڈ ٹرمپ نے کہا ہے کہ پاک بھارت سمیت 7 جنگیں رکوائیں، اقوام متحدہ کا ساتھ شامل نہیں تھا،اقوام متحدہ کے وجود کا مقصد کیا ہے، یہ ادارہ اپنی استعداد کام کے مطابق کام نہیں کررہا،کئی طاقتور ممالک نے فلسطین کو تسلیم کرلیا ،فلسطینی ریاست کو تسلیم کرنا حماس کیلئے زبردست انعام ہو گا،غزہ میں امن چاہتے ہیں تو تمام 20 یرغمالیوں کی رہائی کی حمایت کریں،حماس نے امن کی مناسب پیش کشوں کو مسترد کیا، فلسطینی ریاست کا قیام حماس کیلئے اچھا ثابت ہو گا،امریکا دنیا میں امن کیلئے اپنا کردار ادا کرے گا،ابراہیم معاہدے پر بات چیت چل رہی ہے، میں کسی انعام کیلئےنہیں، دنیا میں امن کے لیے کوششیں کر رہا ہوں،ایران دہشتگردی کا سب سے بڑا حمایتی ہے اور ایٹم بم جیسا مہلک ترین ہتھیار نہیں رکھ سکتا، ہم کبھی ایران کو ایٹمی ہتھیار حاصل نہیں کرنے دیں گے،روسی تیل خرید کر بھارت روس کو مضبوط کر رہا ہے، یورپی ممالک روس سے تیل خریدتے ہیں، یہ شرمناک ہے، چین بھی تیل خرید رہا ہے ،معاہدہ نہ کیا تو روس پر محصولات عائد کریں گے، یورپ کو روس سے توانائی کی تمام خریداریاں فوری روک دینی چاہئیں، لندن نہیں جانا چاہتا، وہاں کا میئر ٹھیک نہیں، وہ اب وہاں شریعت نافذ کرنا چاہتے ہیں مگر ایسا نہیں کر سکتے ،موسمیاتی تبدیلی ایک بڑا دھوکا ہے، بائیڈن انتظامیہ سے ہمیں معاشی بربادی ورثے میں ملی،آج امریکی معیشت دنیا کی مضبوط ترین معیشت اور ہماری فوج دنیا کی مضبوط ترین فوج ہے، اگر کوئی غیر قانونی طور پر امریکا میں داخل ہوا تو اس کو جیل جانا پڑے گا۔ اقوام متحدہ کی جنرل اسمبلی کے 80 ویں اجلاس سے خطاب کرتے ہوئے ڈونلڈ ٹرمپ نے کہا کہ امریکی صدر نے کہا کہ مجھے یہاں بلانے کے لیے بہت شکریہ،چھ سال پہلے میں نے جنرل اسمبلی سے آخری خطاب کیا تھا اس کے بعد سے دو براعظموں میں جنگوں نے امن و امان کو تاراج کردیا اور شدید بحرانوں نے جنم لیا۔انہوں نے کہا کہ ایک سال قبل، گذشتہ انتظامیہ کے تحت امریکا شدید مشکلات کا شکار تھا، میرے عہدہ صدارت سنبھالنے کے صرف آٹھ ماہ بعد حالات تبدیل ہوگئے اور اب امریکا دنیا کا پسندیدہ ترین ملک ہے۔انہوں نے کہا کہ بائیڈن انتظامیہ سے ہمیں معاشی بربادی ورثے میں ملی مگر آج امریکی معیشت دنیا کی مضبوط ترین معیشت اور ہماری فوج دنیا کی مضبوط ترین فوج ہے اور یہ درحقیقت امریکا کا سنہرا دور ہے۔ڈونلڈ ٹرمپ نے کہا کہ میری لیڈرشپ میں امریکا میں مہنگائی کم ہوئی ہے اور افراط زر کو شکست دی جاچکی ہے، اسٹاک مارکیٹ تاریخی بلندیوں پر ہے اور کارکنان کی تنخواہیں 60 سال میں سب سے زیادہ تیزی سے بڑھ رہی ہیں۔ڈونلڈ ٹرمپ نے کہا کہ امریکامیں غیرقانونی طور پر آنے والوں کے راستے بند ہوچکے ہیں اور ان کی آمد صفر ہوگئی ہے جبکہ بائیڈن کی پالیسیوں کی وجہ سے ماضی میں لاکھوں لوگ غیرقانونی طور پر امریکا آرہے تھے۔امریکی صدر نے کہا کہ سات ماہ کے عرصے میں میں نے نہ ختم ہونے والی سات جنگیں ختم کروائیں، ان میں سے دو جنگیں 31 سال سے چلی آرہی تھیں، افسوس ہوا کہ اقوام متحدہ کے بجائے مجھے جنگیں بند کروانی پڑیں، میں نے پاک بھارت سمیت سات جنگیں بند کروائیں۔ڈونلڈ ٹرمپ نے کہا کہ جنگیں ختم کرانے پر اقوام متحدہ سے ایک فون کال بھی نہیں آئی، اقوام متحدہ کھوکھلے الفاظ سے جنگیں نہیں رکواسکتی۔امریکی صدر نے اقوام متحدہ کو ہدف تنقید بناتے ہوئے کہا کہ اقوام متحدہ کے وجود کا کیا مقصد ہے، یہ ادارہ اپنے مقصد اور اپنی استعداد کار کے مطابق کام نہیں کررہا، جنگ بندی کے موقع پر اقوامِ متحدہ کہاں تھی؟ اقوامِ متحدہ میں اصلاحات کرنا چاہتا ہوں۔ایران کے حوالے سے امریکی صدر نے کہا کہ بی ٹو طیاروں کے ذریعے ایرانی جوہری صلاحیت مکمل تباہ کردی تھی، ایران دہشتگردی کا سب سے بڑا حمایتی ہے اور ایٹم بم جیسا مہلک ترین ہتھیار نہیں رکھ سکتا، ہم کبھی ایران کو ایٹمی ہتھیار حاصل نہیں کرنے دیں گے۔امریکی صدر ٹرمپ نے ایرانی جوہری تنصیبات پر امریکہ کے حملے کا ذکر کیا اور بتایا کہ انھوں نے اس سال کے شروع میں ایران کی ایک اہم جوہری تنصیب پر بمباری کا حکم دیا تھا۔انھوں نے کہا کہ ’ہم نے وہ کام کیا جو لوگ 22 سال سے کرنا چاہتے تھے۔انہوں نے کہا کہ طویل عرصے سے غزہ جنگ کے خاتمے کی بھی کوشش کررہا ہوں مگر حماس جنگ بندی کی کوششیں مسترد کرتی آئی ہے، حماس نے قابل عمل امن معاہدوں کو مسترد کیا۔ٹرمپ نے کہا کہ ہم غزہ سے تمام 20 یرغمالیوں کی فوری رہائی چاہتے ہیں ، اگر غزہ میں امن چاہتے ہیں تو تمام 20 یرغمالیوں کی رہائی کی حمایت کریں۔انہوں نے کہا کہ حماس کے مطالبات پورے کرنے کے بجائے یرغمالی رہا کرنے کامطالبہ کیا جائے،امریکی صدر نے کہا کہ مختلف ممالک کا فلسطینی ریاست کو تسلیم کرنا حماس کیلئے بڑا انعام ہوگا۔روس کے حوالے سے اظہارخیال کرتے ہوئے امریکی صدر نے کہا کہ سمجھتا تھا پیوٹن سے تعلقات کی وجہ سے یوکرین جنگ روکنا آسان ہوگا، اگر روس یوکرین جنگ بند کرنے کیلئے راضی نہیں تو ٹیرف عائد کریں گے۔ڈونلڈ ٹرمپ نے کہا کہ چین اور بھارت روس سے تیل کی خریداری جاری رکھ کر اس جنگ کو مسلسل طول دے رہے ہیں۔انہوں نے کہاکہ نیٹو ممالک بھی روس سے تیل اور گیس خرید رہے ہیں، یورپ روس سے لڑ بھی رہا ہے اور اس سے تیل و گیس بھی خرید رہا ہے، یورپی ممالک روس سے توانائی کے تمام منصوبے بند کردیں۔امریکی صدر نے بایولوجیکل ہتھیاروں کے بارے میں کہا کہ کہ انہیں بالکل ختم کرنا چاہیے، ہماری انتظامیہ بایولوجیکل ویپنز کنونشن ) پر عمل درآمد کو یقینی بنانے کیلئے ایک بین الاقوامی کوشش کی قیادت کرے گی، اور ایک ایسے مصنوعی ذہانت ( اے آئی ) تصدیقی نظام کا قیام ہوگا جس پر سب اعتماد کر سکیں۔امریکی صدر ڈونلڈ ٹرمپ نے کہا کہ تمام ملکوں کا تعاون بائیولوجیکل ہتھیاروں کی روک تھام کی عالمی کوششوں میں معاون ہو گا، تاریکینِ وطن کا معاملہ ہمارے دور کا بڑا مسئلہ ہے، اقوامِ متحدہ اس بے قابو مسئلے کے لیے فنڈنگ کر رہی ہے، امریکا میں منشیات لانے والے غیر قانونی گروہوں کے خلاف بھی کارروائیاں کی ہیں۔امریکی صدر ڈونلڈ ٹرمپ نے کہا کہ واشنگٹن ڈی سی امریکا کا کرائم کیپیٹل تھا، اسے دوبارہ پْرامن بنایا، بائیڈن دور میں لاکھوں بچے امریکا اسمگل کیے گئے، واشنگٹن ڈی سی میں فوج کو تعینات کر کے جرائم پر قابو پایا، یہ اب ایک محفوظ ترین شہر ہے، موسمیاتی تبدیلی ایک بڑا دھوکا ہے۔انہوں نے کہا کہ میں کسی انعام نہیں، دنیا میں امن کے لیے کوششیں کر رہا ہوں۔ انہوںنے کہاکہ موسمیاتی تبدیلی ایک بڑا دھوکا ہے، کاربن اخراج جیسی باتیں بکواس ہیں، یوکرین میں بھی اموات روکنے کی کوششیں کر رہا ہوں، میں صدر ہوتا تو یوکرین جنگ نہ ہوتی، ہم مذاکرات کر رہے ہیں تاکہ یرغمالی واپس آ سکیں۔

غزہ میں امن چاہتے ہیں تو تمام 20 یرغمالیوں کی رہائی کی حمایت کریں، امریکی صدر

اگر میں صدر ہوتا تو نہ غزہ میں جنگ ہوتی اور نہ روس یوکرین آمنے سامنے آتے، ٹرمپ کا اقوام متحدہ میں خطاب

صرف 13 سال کا ایک بچہ، نہ ٹکٹ، نہ بورڈنگ کارڈ… اور وہ کابل سے دہلی جا پہنچا۔ لیکن کیسے؟ جہاز کے لینڈنگ گیئر میں چھپ کر! یہ بچہ اصل میں ایران جانا چاہتا تھا مگر غلطی سے دہلی جانے والی پرواز پر سوار ہوگیا۔ حیرت کی بات یہ ہے کہ اتنے خطرناک اور جان لیوا سفر کے باوجود وہ بالکل صحیح سلامت بچ گیا۔بھارتی میڈیا کے مطابق افغانستان سے تعلق رکھنے والا 13 سالہ لڑکا خطرناک اور حیران کن انداز میں نئی دہلی پہنچ گیا۔ رپورٹ کے مطابق یہ کمسن لڑکا کابل ایئرپورٹ کے ممنوعہ حصے میں داخل ہوا اور افغان ایئرلائن کی پرواز کے لینڈنگ گیئر میں چھپ گیا۔ تقریباً دو گھنٹے کی پرواز کے بعد طیارہ دہلی ایئرپورٹ پر اترا تو عملے نے لڑکے کو طیارے کے قریب دیکھ کر سیکیورٹی کو اطلاع دی۔ابتدائی پوچھ گچھ میں لڑکے نے بتایا کہ وہ افغانستان کے شہر قندوز کا رہائشی ہے اور اسی روز سفر کر کے کابل پہنچا تھا۔ اس نے مزید بتایا کہ دراصل اس کا ارادہ ایران جانے کا تھا، لیکن لاعلمی کی وجہ سے وہ غلطی سے دہلی جانے والی پرواز میں سوار ہوگیا۔اندرا گاندھی ایئرپورٹ پر اس کا فوری طبی معائنہ کیا گیا جہاں یہ بات سامنے آئی کہ معجزانہ طور پر وہ مکمل طور پر صحت مند ہے۔ خطرناک سفر کے دوران نہ صرف وہ زندہ بچ گیا بلکہ اُسے کسی قسم کی چوٹ یا خراش بھی نہیں آئی۔ بعدازاں اُسے دوبارہ کابل واپس بھیج دیا گیا۔ایوی ایشن ماہرین کے مطابق لینڈنگ گیئر کا خانہ انتہائی مہلک جگہ ہے۔ کمرشل طیارے عموماً 30 سے 40 ہزار فٹ کی بلندی پر پرواز کرتے ہیں جہاں درجہ حرارت منفی 50 ڈگری سینٹی گریڈ تک گر جاتا ہے اور آکسیجن کی شدید کمی ہو جاتی ہے۔ اس صورتحال میں زندہ بچنے کے امکانات صرف 23 فیصد رہ جاتے ہیں۔ ماہرین کے مطابق وہاں موجود افراد ہائیپوکسیا (آکسیجن کی کمی) یا ہائیپو تھرمیا (شدید سردی) کا شکار ہو سکتے ہیں، جبکہ لینڈنگ گیئر کی حرکت سے مہلک چوٹ لگنے کا بھی خدشہ رہتا ہے۔ایئرلائن کی ٹیم نے طیارے کے معائنے کے دوران لینڈنگ گیئر سے ایک سرخ اسپیکر بھی برآمد کیا جو غالباً لڑکے کا ذاتی سامان تھا۔ مکمل جانچ پڑتال کے بعد جہاز کو دوبارہ پرواز کے لیے کلیئر قرار دے دیا گیا۔

13 سالہ افغان لڑکا لینڈنگ گیئر میں چھپ کر زندہ بھارت پہنچ گیا

40 ہزار فٹ بلندی پر منفی 50 ڈگری سردی اور آکسیجن کی کمی سے زندہ بچنے کے امکانات صرف 23 فیصد ہوتے ہیں،ایوی ایشن ماہرین

سندھ حکومت نے خواتین کے لیے پنک اسکوٹیز پروگرام کے تحت مفت الیکٹرک اسکوٹیز فراہم کرنے کا اعلان کر دیا ہے۔ اس سلسلے میں صوبائی وزیر شرجیل انعام میمن کی زیر صدارت اہم اجلاس ہوا، جس میں سیکریٹری ٹرانسپورٹ اسد ضامن، سندھ ماس ٹرانزٹ اتھارٹی کی ایم ڈی کنول بھٹو اور دیگر افسران شریک ہوئے۔شرجیل انعام میمن نے اجلاس میں بتایا کہ صوبائی حکومت رواں ہفتے طالبات اور ملازمت پیشہ خواتین کے لیے ایک انقلابی اقدام اٹھا رہی ہے جس کا مقصد ان کی روزمرہ آمدورفت کو آسان اور محفوظ بنانا ہے۔ ان کے مطابق یہ پروگرام خواتین کو وقت اور اخراجات کی بچت کے ساتھ ایک باوقار اور محفوظ سفر کی سہولت فراہم کرے گا۔انہوں نے کہا کہ اسکیم خاص طور پر ان خواتین کے لیے تیار کی گئی ہے جو تعلیم، ملازمت یا دیگر ضروریات کے لیے پبلک ٹرانسپورٹ استعمال کرتی ہیں۔ درخواست گزار خواتین کا ڈیٹا سندھ ماس ٹرانزٹ اتھارٹی مرتب کر رہی ہے، جبکہ میرٹ اور ضرورت کی بنیاد پر اسکوٹیز فراہم کی جائیں گی۔صوبائی وزیر نے مزید کہا کہ حکومت نے ایک شفاف اور آسان میکنزم بنایا ہے تاکہ زیادہ سے زیادہ خواتین اس سہولت سے فائدہ اٹھا سکیں۔ سندھ حکومت چاہتی ہے کہ خواتین اپنی زندگی کے ہر شعبے میں بااختیار ہوں اور یہ اسکیم اس مقصد کے حصول کی جانب ایک مثبت قدم ہے۔انہوں نے طالبات اور ورکنگ ویمن کو مشورہ دیا کہ وہ اس سہولت سے فائدہ اٹھا کر تعلیم، روزگار اور دیگر سرگرمیوں میں بھرپور حصہ لیں۔

سندھ حکومت کا خواتین کے لیے مفت الیکٹرک اسکوٹیز دینے کا فیصلہ

یہ اقدام خواتین کو محفوظ، باوقار اور کم خرچ سفر کی سہولت فراہم کرنےکیلئے کیا جا رہا ہے، شرجیل میمن

راولپنڈی کی انسداد دہشتگردی عدالت نے 9 مئی کو جی ایچ کیو پر حملے کے کیس میں عمران خان کی دو درخواستیں مسترد کر دیں۔ سماعت جج امجد علی شاہ کی سربراہی میں ہوئی جس میں عمران خان کو واٹس ایپ لنک کے ذریعے عدالت میں پیش کیا گیا۔دورانِ سماعت وکلاء صفائی فیصل ملک اور سلمان اکرم راجہ نے مؤقف اپنایا کہ عمران خان نے درخواست دائر کی ہے کہ 19 ستمبر کی عدالتی کارروائی اور سی سی ٹی وی فوٹیج فراہم کی جائے، جبکہ جیل ٹرائل کو ہائیکورٹ کے حکم تک مؤخر کیا جائے۔ عدالت نے کہا کہ کارروائی نہیں روکی جاسکتی، اگر کوئی اعتراض ہے تو ہائیکورٹ سے رجوع کیا جائے۔عدالت کی اجازت پر وکلاء نے عمران خان سے آن لائن بات کرنے کی کوشش کی، تاہم آواز ڈراپ ہونے اور تصویر واضح نہ آنے کے باعث وکلاء صفائی نے ایک بار پھر عدالتی کارروائی کا بائیکاٹ کر دیا اور کمرہ عدالت سے باہر چلے گئے۔پراسیکیوٹر نے دلائل دیتے ہوئے کہا کہ وکلاء کبھی کارروائی چھوڑ دیتے ہیں اور کبھی وقت مانگتے ہیں، ان کا رویہ ٹرائل کیلئے سنجیدہ نہیں بلکہ عدالت کا وقت ضائع کرنے کے مترادف ہے۔سلمان اکرم راجہ نے کہا کہ عدالت کو حکومتی دباؤ نہیں بلکہ آئین کے مطابق چلنا چاہیے، ایک قیدی کو واٹس ایپ کال پر پیش کرنا بنیادی حقوق کے خلاف ہے۔ اس پر عدالت نے ریمارکس دیے کہ پچھلی بار عمران خان کو موقع دیا گیا لیکن انہوں نے کارروائی کا بائیکاٹ کیا، ٹرائل کورٹ ہائیکورٹ کے احکامات کو نظر انداز نہیں کر سکتی۔دلائل مکمل ہونے کے بعد عدالت نے عمران خان کی دونوں درخواستیں خارج کر دیں۔

جی ایچ کیوحملہ کیس، انسداد دہشت گردی عدالت نے عمران خان کی دونوں درخواستیں مسترد کردیں

عمران خان کو واٹس ایپ لنک پر پیش کیا لیکن آواز ڈراپ ہونے، شکل واضح نظر نہ آنے پر وکلاء صفائی نے عدالتی کارروائی کا بائیکاٹ کردیا

سری لنکا کو ہراؤ یا گھر جاؤ ‘‘ گرین شرٹس پر سخت دباؤ آگیا، ایشیا کپ سپر 4 راؤنڈ کا اہم مقابلہ آج ابوظبی میں ہو گا۔تفصیلات کے مطابق ایشیا کپ 2025 ٹی ٹوئنٹی کے سپر فور مرحلے میں آج پاکستان اور سری لنکا کی ٹیمیں ابوظبی کے شیخ زاید اسٹیڈیم میں آمنے سامنے ہوں گی۔ یہ میچ دونوں ٹیموں کے لیے نہایت اہمیت کا حامل ہے کیونکہ جیتنے والی ٹیم فائنل کی دوڑ میں مضبوط امیدوار بن جائے گی جبکہ شکست کی صورت میں ایونٹ میں ان کا سفر مشکل یا ختم ہوسکتا ہے۔پاکستانی ٹیم دبئی سے ابوظبی پہنچنے کے بعد گزشتہ روز آرام کرچکی ہے اور اب اپنی پہلی کامیابی کے لیے پرعزم ہے۔ قومی ٹیم کے کپتان سلمان آغا کا کہنا ہے کہ جیت کے لیے تینوں شعبوں میں بہترین کھیل پیش کرنا ہوگا تاکہ فائنل تک رسائی ممکن ہو۔گرین شرٹس کو سپر فور کے اپنے پہلے میچ میں بھارت کے ہاتھوں 6 وکٹوں سے شکست ہوئی تھی جبکہ سری لنکا کو بنگلہ دیش نے 4 وکٹوں سے مات دی تھی۔ اس صورتحال میں دونوں ٹیموں پر یکساں دباؤ ہے اور کسی ایک کی بھی ناکامی فائنل کی دوڑ سے باہر ہونے کے مترادف ہوسکتی ہے۔ٹورنامنٹ کی پوائنٹس ٹیبل پر فی الحال پاکستان کا رن ریٹ منفی میں ہے جسے بہتر بنانا لازمی ہوگا، بصورت دیگر فائنل تک رسائی مشکل ہوجائے گی۔ دوسری جانب سری لنکن ٹیم گروپ مرحلے میں ناقابل شکست رہی تھی لیکن سپر فور میں اس کا آغاز ناکام رہا۔ سری لنکا کے پاس مضبوط بیٹنگ لائن اور متوازن بولنگ اٹیک موجود ہے جو پاکستانی بیٹرز کے لیے مشکلات پیدا کرسکتا ہے، خاص طور پر اس لیے کہ ابوظبی کی سلو پچ اسپنرز کے لیے سازگار سمجھی جارہی ہے۔ایونٹ کے فارمیٹ کے مطابق سپر فور میں شامل چاروں ٹیموں کے پاس اب بھی فائنل کھیلنے کا موقع ہے اور ایک کامیابی بھی کسی ٹیم کو فیصلہ کن مرحلے تک پہنچا سکتی ہے۔آج کا یہ میچ فائنل تک رسائی کے لیے فیصلہ کن ثابت ہوسکتا ہے، مداحوں کی نظریں ابوظبی میں ہونے والے اس اعصاب شکن مقابلے پر جمی ہوئی ہیں۔

ایشیا کپ سپر فور مرحلہ،پاکستان اورسری لنکا کی ٹیمیں آج آمنے سامنے ہوں گی

فائنل تک رسائی کے لیے گرین شرٹس کو لازمی فتح درکار، شکست کی صورت میں اگر مگر کا کھیل شروع ہوجائے گا

برطانیہ،کینیڈا ، آسٹریلیا اور پرتگال کے بعد فرانس نے بھی فلسطین کو ریاست تسلیم کرلیا،ایفل ٹاور پر فلسطین اور اسرائیلی کے پرچم لہرا دیے گئے۔اقوام متحدہ کی جنرل اسمبلی کے اجلاس میں فرانس کے صدر ایمانویل میکرون نے باضابطہ طور پر فلسطین کو آزاد ریاست تسلیم کرنے کا اعلان کیا جس پر ہال تالیوں سے گونج اُٹھا۔ مگر اسی دوران امریکا کی نشست خالی رہی، جس نے عالمی سیاست میں ایک نئی بحث چھیڑ دی ہے۔اپنے خطاب میں صدر میکرون نے کہا کہ فلسطینی ریاست کو تسلیم کرنا مشرق وسطیٰ میں قیامِ امن اور دو ریاستی حل کی طرف ایک ناگزیر قدم ہے۔ ان کا کہنا تھا کہ اب مزید انتظار ممکن نہیں، وقت آگیا ہے کہ جنگ و خونریزی ختم ہو اور حماس کے زیرِ حراست باقی مغویوں کو فوری رہا کیا جائے۔فرانسیسی صدر نے واضح کیا کہ فلسطینی عوام کو حقوق دینے کا مطلب اسرائیلی عوام کے حقوق چھیننا نہیں، بلکہ یہ ایک منصفانہ توازن قائم کرنے کی کوشش ہے۔ انہوں نے عالمی برادری کو پیغام دیا کہ دنیا امن کے ایک نایاب موقع کے قریب کھڑی ہے، اگر اب بھی اقدام نہ کیا گیا تو یہ موقع ہمیشہ کے لیے ضائع ہو سکتا ہے۔میکرون نے یاد دلایا کہ حالیہ مہینوں میں برطانیہ، کینیڈا، آسٹریلیا اور پرتگال سمیت کئی ممالک نے فلسطین کو ریاست تسلیم کیا ہے۔ ان کے مطابق، اب تک فلسطین کو تسلیم کرنے والے ممالک کی تعداد 151 ہو چکی ہے، جن میں اندورا، بیلجیم، لکسمبرگ، مالٹا، مراکش اور سان مارینو بھی شامل ہیں۔اس اعلان کو دنیا بھر کے کئی ممالک اور عالمی اداروں نے خوش آئند قرار دیا اور کہا کہ فلسطینی عوام کے لیے ریاست کا حق کسی انعام کا نہیں بلکہ انصاف کا تقاضا ہے۔ تاہم اسرائیل اور امریکا نے اس فیصلے پر سخت ردِعمل دیا ہے اور مؤقف اپنایا ہے کہ موجودہ حالات میں فلسطین کو ریاست تسلیم کرنا امن عمل کو نقصان پہنچا سکتا ہے۔فرانس کے اس تاریخی اعلان نے ایک بار پھر یہ حقیقت اجاگر کر دی ہے کہ فلسطین کا مقدمہ محض سیاست نہیں بلکہ عالمی انصاف اور انسانی حقوق کا سوال ہے۔

فرانس کے صدر ایمانویل میکرون نے باضابطہ طور پر فلسطین کو آزاد ریاست تسلیم کرلیا

اقوام متحدہ اجلاس میں میکرون کا خطاب، ہال تالیوں سے گونج اُٹھا، امریکا کی نشست خالی رہی

سپریم کورٹ نے ملٹری کورٹ کے سزا یافتہ ملزمان کو اپیل کا حق دینے کے لیے حکومت کو 45 روز میں قانون سازی کرنے کا حکم جاری کردیا ہے جب کہ تحریری فیصلے میں کہا گیا ہے کہ آرمی ایکٹ میں بنیادی ضابطہ موجود ہے مگر عام شہریوں کے لیے اپیل کے مناسب فورم کا فقدان ہے، آزادانہ اپیل کیلئے 45 دن میں قانون سازی پوری کی جائے۔سپریم کورٹ کے جاری کردہ تفصیلی فیصلے میں کہا گیا ہے کہ آئینی بینچ نے 7 مئی کو انٹرا کورٹ اپیلیں منظور کرتے ہوئے فوجی ٹرائلز سے متعلق پانچ رکنی بنچ کا فیصلہ کالعدم قرار دیا تھا۔ جسٹس امین الدین خان نے 68 صفحات پر مشتمل فیصلہ تحریر کیا، جس میں جسٹس محمد علی مظہر کا 47 صفحات پر مشتمل اضافی نوٹ بھی شامل ہے، جس سے جسٹس مسرت ہلالی، جسٹس حسن رضوی اور جسٹس شاہد بلال نے اتفاق کیا۔ تاہم جسٹس جمال مندوخیل اور جسٹس نعیم افغان نے اختلافی نوٹ لکھا۔فیصلے میں کہا گیا کہ آرمی ایکٹ کو مکمل کالعدم قرار دینے کا مقصد نہیں، البتہ عام شہریوں کے لیے اپیل کا حق نہ ہونا آئینی کمی ہے۔ عدالت نے واضح کیا کہ فوجی عدالتوں میں بھی آئین کے آرٹیکل 10 اے کے تحت منصفانہ ٹرائل کے اصولوں کی پاسداری ضروری ہے۔فیصلے میں بتایا گیا کہ اٹارنی جنرل نے سماعت کے دوران بارہا کہا کہ اگر عدالت ہدایت دے تو حکومت پارلیمنٹ کے ذریعے قانون سازی کرے گی اور اس حکم کو سنجیدگی سے لیا جائے گا۔عدالت نے قرار دیا کہ اپیل کا آزاد حق نہ ہونے سے آرمی ایکٹ کے تحت موجود ضابطہ کار شہریوں کے لیے آئینی طور پر ناکافی ہے، اس کمی کو دور کرنے کے لیے پارلیمانی قانون سازی ناگزیر ہے۔قانونی ماہرین کے مطابق سپریم کورٹ کے اس فیصلے کے بعد فوجی عدالتوں میں دی جانے والی سزاؤں پر نظرثانی کا نیا دروازہ کھل گیا ہے، جو مستقبل کی عدالتی اور پارلیمانی سمت کا تعین کرے گا۔

ملٹری کورٹ کے سزا یافتہ ملزمان کو اپیل کا حق دیا جائے،سپریم کورٹ کا بڑا حکم

آرمی ایکٹ میں شہریوں کیلئے اپیل کا مناسب فورم موجود نہیں، 45 دن میں قانون سازی کی جائے، تحریری فیصلہ

اقوام متحدہ کی جنرل اسمبلی کے 80 ویں اجلاس کے موقع پر وزیر اعظم شہباز شریف اور امریکی صدر ڈونلڈ ٹرمپ کی ملاقات متوقع ہے۔ یہ ملاقات سائیڈ لائن سیشنز کے دوران ہوگی جس میں اہم علاقائی اور عالمی امور پر بات چیت کی جائے گی۔اقوام متحدہ جنرل اسمبلی کا 80 واں اجلاس نیو یارک میں شروع ہوگیا ہے۔ وائٹ ہاؤس کی ترجمان کیرولین لیوٹ کے مطابق امریکی صدر ڈونلڈ ٹرمپ اجلاس کے موقع پر متعدد عالمی رہنماؤں سے ملاقاتیں کریں گے۔ترجمان نے بتایا کہ صدر ٹرمپ کی پہلی ملاقات اقوام متحدہ کے سیکرٹری جنرل انتونیو گوتریس سے ہوگی۔ اس کے بعد وہ پاکستان، سعودی عرب، متحدہ عرب امارات، قطر، ترکیے، مصر، اردن اور انڈونیشیا کے سربراہان سے بھی علیحدہ ملاقاتیں کریں گے۔ اس کے علاوہ یوکرین، ارجنٹائن اور یورپی یونین کے رہنما بھی ان کی ملاقاتوں میں شامل ہوں گے۔ترجمان نے یہ بھی انکشاف کیا کہ صدر ٹرمپ رواں ہفتے ٹک ٹاک سے متعلق معاہدے پر دستخط کریں گے۔ مزید کہا گیا کہ مغربی ممالک کی جانب سے فلسطین کو ریاست کے طور پر تسلیم کرنے کے فیصلے سے صدر ٹرمپ اتفاق نہیں کرتے۔واضح رہے کہ دفتر خارجہ پاکستان پہلے ہی اعلان کرچکا ہے کہ وزیر اعظم شہباز شریف 22 سے 26 ستمبر تک اقوام متحدہ کی جنرل اسمبلی کے اجلاس میں شرکت کریں گے، جہاں امریکی صدر سے ملاقات کا بھی امکان ظاہر کیا گیا تھا۔سیاسی ماہرین کے مطابق یہ ملاقات پاک امریکا تعلقات کی سمت طے کرنے اور خطے میں سفارتی ترجیحات کے تعین میں اہم کردار ادا کرے گی۔

ٹرمپ اورشہبازشریف کی اقوام متحدہ اجلاس کے دوران ملاقات ہوگی، وائٹ ہاؤس کی تصدیق

امریکی صدر عالمی رہنماؤں سے سائیڈ لائن ملاقاتیں کریں گے،اس ہفتے ٹک ٹاک معاہدے پر دستخط بھی متوقع

Zimbabwe host UAE Women in six white-ball matches at Bulawayo. Four ODIs and two T20Is double as crucial prep for the 2026 World Cup qualifiers.

Zimbabwe Women Host UAE in Six-Match White-Ball Series

Zimbabwe&rsquo;s women cricket team is set to face UAE in a six-match series This tour is coming at such a crucial juncture. But for Zimbabwe Women, the visit of UAE offers more than just six games of cricket. It is a chance to sharpen skills, test combinations, and build on the confidence from their recent qualifier triumph.

The series begins on September 26 with the first ODI at Queens Sports Club in Bulawayo. Before that, UAE will face Zimbabwe &lsquo;A&rsquo; in a warm-up clash on September 24 at Bulawayo Athletic Club. Four ODIs will be followed by two T20Is, wrapping up on October 6.

Earlier this year <a href="https://www.tapmad.com/sports/zimbabwe-women-tour-of-ireland-2025/165/1">Zimbabwe Women</a> faced defeat against Ireland Women. And this is Zimbabwe&rsquo;s first international assignment since their impressive run at the ICC Women&rsquo;s T20 World Cup Africa Qualifier in Namibia, where they sealed top spot and punched their ticket to the Global Qualifier in Nepal next year. That victory sparked optimism. Now the team must keep the fire burning.

Head coach Walter Chawaguta made it clear how much is riding on this visit. &ldquo;The UAE series is very important to us. It gives us momentum heading into the Global Qualifier and also lets us test players returning from injury,&rdquo; he said. His words carried the weight of expectation, but also belief.

The opponents will not make life easy. UAE Women have quietly built a reputation as a disciplined, improving side with reliable batters and sharp new-ball bowlers. Fans will remember their spirited showing at regional events, and now they arrive in Zimbabwe with points to prove.

The setting adds to the intrigue. Bulawayo&rsquo;s Queens Sports Club has witnessed some historic contests, and the locals are eager for more. If Zimbabwe can carry their qualifier form into this series, they may head into 2026 brimming with confidence. But one collapse or one inspired spell from the visitors could swing the mood quickly.

The stakes feel higher than just six fixtures. Every run and every wicket is a step toward Nepal. Both camps know it. And that makes this contest more than just another bilateral.

<h2>Schedule</h2>

<ul>
	<li>1st ODI - September 26, Queen Sports Club</li>
	<li>2nd ODI - September 28, Queen Sports Club</li>
	<li>3rd ODI - September 30, Queen Sports Club</li>
	<li>4th ODI - October 2, Queen Sports Club</li>
	<li>1st T20I - October 5, Queen Sports Club</li>
	<li>2nd T20I - October 6, Queen Sports Club</li>
</ul>

Zimbabwe Women Face UAE in High-Stakes Six-Match Series

Schedule

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan