Cricket

Entertainment

Football

بین الاقوامی میڈیا رپورٹس کے مطابق امریکا نے بی-2 اسٹیلتھ بمبار طیارے بحرالکاہل کی جانب روانہ کر دیے ہیں، جنہیں ایران کی زیر زمین جوہری تنصیبات کو نشانہ بنانے کی صلاحیت حاصل ہے۔برطانوی اخبار دی ٹیلیگراف کے مطابق فلائٹ ٹریکنگ ڈیٹا سے معلوم ہوا ہے کہ دو سے چار بی-2 بمبار طیارے امریکی ریاست میسوری میں واقع وائٹ مین ایئرفورس بیس سے ہفتہ کی صبح روانہ ہوئے۔ ان کے ہمراہ چار ایندھن بھرنے والے ٹینکر طیارے بھی موجود تھے۔ رپورٹ کے مطابق یہ طیارے مغرب کی سمت بحرالکاہل میں واقع امریکی نیول بیس گوام کی طرف گئے ہیں۔اسی دوران اسرائیلی میڈیا نے دعویٰ کیا ہے کہ امریکا کی یہ فضائی نقل و حرکت ایران کے حساس جوہری مرکز فردو پر ممکنہ حملے کی تیاری کا حصہ ہو سکتی ہے۔ اسرائیلی اخبار ہاریٹز نے سینئر فوجی حکام کے حوالے سے لکھا کہ فردو، جو ایران کے شہر قم کے قریب واقع ہے، طویل عرصے سے اسرائیل کے نشانے پر ہے۔بی-2 طیارے 30 ہزار پاؤنڈ وزنی بنکر بسٹر بم لے جانے کی صلاحیت رکھتے ہیں، جو انتہائی گہرائی میں موجود اہداف کو نشانہ بنانے کے لیے استعمال ہوتے ہیں۔ دفاعی ماہرین کے مطابق فردو تقریباً 80 سے 90 میٹر (262 سے 295 فٹ) زیر زمین واقع ہے اور اسے ایران کی سب سے محفوظ جوہری تنصیب تصور کیا جاتا ہے۔اسرائیلی میڈیا نے اس صورتحال پر تین ممکنہ منظرنامے بیان کیے ہیں۔1،    امریکا براہ راست بی-2 بمبارز کے ذریعے کارروائی کرے۔2،    امریکا اسرائیل کو کارروائی کے لیے ضروری طیارے فراہم کرے۔3،    اسرائیلی ایئرفورس یکطرفہ طور پر طویل فاصلے کے فضائی حملے کرے۔ابھی یہ واضح نہیں کہ بی-2 طیارے گوام میں قیام کریں گے یا مشرق وسطیٰ کے قریب واقع امریکی ایئر بیس ڈیاگو گارشیا تک جائیں گے، جہاں سے ایران تک حملہ آسان ہو سکتا ہے۔رپورٹس کے مطابق یہ پیش رفت ایسے وقت میں سامنے آئی ہے جب مشرق وسطیٰ میں امریکی فوجی موجودگی میں نمایاں اضافہ دیکھنے میں آیا ہے اور واشنگٹن اسرائیل کے ایران پر حملوں میں ممکنہ طور پر شامل ہونے کے آپشن پر غور کر رہا ہے۔فردو کی گہرائی اور حفاظتی ساخت کے باعث عسکری ماہرین میں یہ بحث بھی جاری ہے کہ آیا روایتی بم بھی اس جوہری تنصیب کو مکمل طور پر تباہ کر سکیں گے یا نہیں۔

ایرانی جوہری مرکز کو نشانہ بنانے کیلئے 2 امریکی بی ٹو بمبار طیارےروانہ،برطانوی اخبارکادعویٰ

بی ٹو وہ واحد طیارے ہیں، جو 30 ہزار پاؤنڈ وزنی بنکر بسٹر بم لے جانے کی صلاحیت رکھتے ہیں،رپورٹ

ملائیشیا کے شہر کوالالمپور میں کھیلے گئے ایف آئی ایچ نیشنز ہاکی کپ کے فائنل میں نیوزی لینڈ نے پاکستان کو 2-6 سے شکست دے کر مسلسل دوسری بار ٹائٹل اپنے نام کرلیا۔نیوزی لینڈ نے فائنل میچ کے آغاز سے ہی جارحانہ کھیل پیش کیا اور چھٹے منٹ میں پہلا گول کر کے برتری حاصل کی۔ پہلے کوارٹر کے اختتام تک نیوزی لینڈ کو پاکستان پر 0-2 کی واضح سبقت حاصل ہو چکی تھی۔میچ کے دوسرے کوارٹر میں نیوزی لینڈ نے مزید دو گول اسکور کر کے اپنی برتری 0-4 تک پہنچا دی۔ تیسرے کوارٹر کے آغاز میں نیوزی لینڈ نے پانچواں گول کیا، جس کے بعد پاکستان نے زکریا حیات کے ذریعے اپنا پہلا گول کر کے خسارہ کم کیا۔چوتھے اور آخری کوارٹر میں نیوزی لینڈ نے چھٹا گول کر کے اپنی سبقت مزید مستحکم کی، جبکہ پاکستان کی جانب سے سفیان خان نے دوسرا گول کیا۔ یوں مقررہ وقت کے اختتام پر نیوزی لینڈ نے پاکستان کو 2 کے مقابلے میں 6 گولز سے شکست دے کر ٹورنامنٹ اپنے نام کر لیا۔فائنل میں پاکستان کی دفاعی لائن مسلسل دباؤ کا شکار رہی، جبکہ نیوزی لینڈ نے میچ بھر اٹیکنگ ہاکی کا مظاہرہ کیا۔یاد رہےقبل ازیں پاکستان نے سیمی فائنل میں فرانس کو سنسنی خیز مقابلے کے بعد پنالٹی شوٹ آؤٹ پر 2-3 سے شکست دے کر فائنل میں جگہ بنائی تھی، جس میں گول کیپر منیب الرحمٰن نے شاندار کارکردگی دکھاتے ہوئے فرانس کے تین یقینی گول بچائے تھے۔نیوزی لینڈ نے دوسرے سیمی فائنل میں جنوبی کوریا کو شکست دے کر فائنل تک رسائی حاصل کی تھی۔قومی ٹیم کی حوصلہ افزائی کے لیے بڑی تعداد میں پاکستانی شائقین ہاکی اسٹیڈیم میں موجود تھے، تاہم فائنل میں نیوزی لینڈ کی برتری کو کم نہ کیا جا سکا۔

نیشنز ہاکی کپ فائنل، نیوزی لینڈ نے پاکستان کوشکست دے کر ٹائٹل اپنے نام کرلیا

ملائیشیا کے شہر کوالالمپور کے نیشنل ہاکی اسٹیڈیم میں کھیلے گئے فائنل میں نیوزی لینڈ نے پاکستان کو 2-6 سے زیر کیا

استنبول میں اسلامی تعاون تنظیم (او آئی سی) کے وزرائے خارجہ کے خصوصی اجلاس سے خطاب کرتے ہوئے ترکیہ کے صدر رجب طیب اردوان نے واضح کیا کہ اسرائیلی وزیر اعظم نیتن یاہو کی پالیسیوں نے پورے مشرق وسطیٰ کو تباہی کے دہانے پر پہنچا دیا ہے۔ انہوں نے اسرائیل کو دہشت گرد ریاست قرار دیتے ہوئے کہا کہ نیتن یاہو ہٹلر کی طرح پورے خطے کو جنگ اور بربادی کی طرف دھکیل رہا ہے۔صدر اردوان نے کہا کہ اسرائیل فلسطین، ایران، یمن، لیبیا اور شام میں کھلے عام جارحیت کر رہا ہے اور اس وقت غزہ بھوک، افلاس اور اسرائیلی بمباری کا شکار ہے۔ ان کا کہنا تھا کہ ترکیہ غزہ، ایران، لبنان اور یمن کے مظلوم عوام کے ساتھ کھڑا ہے اور ان کی حمایت جاری رکھے گا۔انہوں نے ایران پر حالیہ اسرائیلی حملے کو سفارت کاری کی توہین اور خطے کے امن کے لیے سنگین خطرہ قرار دیا۔ صدر اردوان نے کہا کہ یہ وقت مزید جنگوں کا نہیں بلکہ سفارتی حل اور مذاکرات کا ہے۔ اگر اسرائیل کو نہ روکا گیا تو پورا خطہ بدترین تباہی کی لپیٹ میں آ سکتا ہےترک صدر نے او آئی سی کے رکن ممالک پر زور دیا کہ وہ اپنے باہمی اختلافات کو پس پشت ڈال کر مسلمانوں کے اتحاد کا عملی مظاہرہ کریں۔ انہوں نے کہا کہ یہ وقت ایک مذہب، ایک عقیدہ اور ایک مقصد کے ساتھ یکجہتی کا ہے۔اردوان نے دو ٹوک الفاظ میں کہا کہ مسلم دنیا مزید خاموش تماشائی نہیں بن سکتی۔ انہوں نے عالمی برادری پر بھی زور دیا کہ وہ اسرائیل کی کھلی جارحیت کو فوری طور پر روکے اور مشرق وسطیٰ میں پائیدار امن کے لیے اپنا مؤثر کردار ادا کرے۔او آئی سی اجلاس میں 40 سے زائد اسلامی ممالک کے وزرائے خارجہ شریک ہوئے، جن میں پاکستان کے نائب وزیر اعظم اسحاق ڈار اور ایرانی وزیر خارجہ عباس عراقچی بھی شامل تھے۔ اجلاس میں غزہ، ایران-اسرائیل کشیدگی اور خطے کے استحکام پر تفصیلی غور کیا گیا۔اسحاق ڈار نے اجلاس میں پاکستان کا مؤقف پیش کرتے ہوئے اسرائیلی حملوں کی شدید مذمت کی، جبکہ ایرانی وزیر خارجہ نے اسرائیل پر سفارتکاری سبوتاژ کرنے کا الزام عائد کرتے ہوئے کہا کہ ایران دفاع کا حق محفوظ رکھتا ہے۔صدر اردوان نے خطاب کے اختتام پر ایک بار پھر کہا کہ اسرائیل کا دو ریاستی حل سے فرار قابل قبول نہیں۔ انہوں نے اسلاموفوبیا کے خلاف ترکیہ کے سخت موقف کو دہرایا اور شامی عوام کے ساتھ مکمل اظہارِ یکجہتی بھی کیا۔

نیتن یاہو ہٹلر کی طرح پورے خطے کو جنگ اور بربادی کی طرف دھکیل رہا ہے،ترک صدر

استنبول میں او آئی سی اجلاس، ترک صدراردوان کی مسلم ممالک سے اختلافات ختم کر کے یکجہتی کی اپیل

استنبول (این این آئی)پاکستان اور ترکی نے ایران پر اسرائیلی جارحیت کی شدید مذمت کرتے ہوئے خطے میں کشیدگی میں کمی کیلئے سفارتی کوششیں جاری رکھنے پر اتفاق جبکہ دو طرفہ برادرانہ تعاون مزید مضبوط بنانے کے عزم کا اعادہ کیا ہے۔ترجمان دفتر خارجہ کے مطابق اسلامی تعاون تنظیم کے وزرائے خارجہ اجلاس میں نائب وزیراعظم سینیٹر اسحاق ڈار اور فیلڈ مارشل سید عاصم منیر نے ترکیہ کے صدر سے اہم ملاقات کی  ترجمان کے مطابق ملاقات میں نائب وزیر اعظم و وزیر خارجہ نے وزیراعظم شہباز شریف کی جانب سے صدر اردوان کیلئے نیک خواہشات اور گرمجوشی پر مبنی پیغام پہنچایا اور پاکستان و ترکی کے درمیان مضبوط اور برادرانہ تعلقات کی اہمیت پر زور دیا۔دونوں رہنمائوں نے دو طرفہ تعاون کو مزید گہرا اور مضبوط بنانے کے عزم کا اعادہ کیا جبکہ بین الاقوامی قانون کی کھلی خلاف ورزیوں پر مبنی اسرائیلی حملوں کی سخت مذمت ایران کی خودمختاری، علاقائی سالمیت اور اقوام متحدہ کے منشور کے تحت اس کے دفاع کے حق کی مکمل حمایت کا اعادہ کیا۔دونوں رہنماں نے کشیدگی میں کمی کیلئے سفارتی کوششیں جاری رکھنے پر اتفاق کیا اور عالمی برادری سے مطالبہ کیا کہ وہ خطے میں امن و استحکام کی بحالی کے لیے کردار ادا کرے۔فریقین نے غزہ میں جاری اسرائیلی جارحیت کو فوری طور پر روکنے اور محصور فلسطینی عوام تک انسانی امداد کی بلاتعطل فراہمی کے لیے کوششیں تیز کرنے کی فوری ضرورت پر زور دیا۔نائب وزیر اعظم و وزیر خارجہ نے صدر ایردوان کو OIC وزرائے خارجہ اجلاس کے کامیاب انعقاد اور اسلامی تعاون تنظیم یوتھ فورم کی جانب سے ان کی قیادت کو سراہنے پر دیے گئے ایوارڈ پر مبارکباد پیش کی۔

نائب وزیر اعظم ،فیلڈ مارشل کی ترک صدر سے ملاقات، ایران پر اسرائیلی جارحیت کی مذمت

خطے میں کشیدگی میں کمی کیلئے سفارتی کوششیں جاری رکھنے پر اتفاق ،دو طرفہ برادرانہ تعاون مزید مضبوط بنانے کے عزم کا اعادہ

پاکستان نے بھارت کی جانب سے سندھ طاس معاہدے کو مسترد کرنے کے بیان پر شدید ردعمل دیتے ہوئے اسے بین الاقوامی قوانین کی کھلی خلاف ورزی قرار دیا ہے۔ ترجمان دفتر خارجہ کا کہنا ہے کہ سندھ طاس معاہدہ محض ایک سیاسی مفاہمت نہیں بلکہ ایک بین الاقوامی معاہدہ ہے جس پر کسی ایک فریق کی جانب سے یک طرفہ طور پر نظرثانی یا انکار ممکن نہیں۔ترجمان نے کہا کہ بھارت کی جانب سے معاہدے کو معطل کرنے کا غیر قانونی اعلان بین الاقوامی قانون، معاہدے کی شقوں اور ریاستوں کے باہمی تعلقات کے بنیادی اصولوں کی صریح خلاف ورزی ہے۔ ایسے اقدامات نہایت خطرناک اور غیر ذمہ دارانہ مثال قائم کرتے ہیں، جو نہ صرف عالمی معاہدوں کی ساکھ کو متاثر کرتے ہیں بلکہ بھارت جیسی ریاست کی سنجیدگی پر بھی سوال اٹھاتے ہیں۔ ترجمان دفتر خارجہ نے زور دیا کہ پانی کو سیاسی ہتھیار کے طور پر استعمال کرنا عالمی سطح پر تسلیم شدہ ریاستی اصولوں کے منافی ہے۔ بھارت کو چاہیے کہ وہ اپنے یک طرفہ اور غیر قانونی موقف کو فوری طور پر واپس لے اور سندھ طاس معاہدے پر مکمل اور بلا تعطل عمل درآمد کو یقینی بنائے۔ ترجمان نے واضح کیا کہ پاکستان اس معاہدے کا مکمل احترام کرتا ہے اور اپنے جائز حقوق اور مفادات کے تحفظ کے لیے تمام ضروری اقدامات کرے گا۔واضح رہے کہ بھارتی وزیر داخلہ امت شاہ نے دعویٰ کیا ہے کہ نئی دہلی، اسلام آباد کے ساتھ سندھ طاس معاہدہ کبھی بحال نہیں کرے گی اور پاکستان جانے والے پانی کا رخ بھارت کے اندرونی علاقوں کی طرف موڑ دیا جائے گا۔ٹائمز آف انڈیا کو انٹرویو امت شاہ نے دعویٰ کیا کہ پاکستان کو وہ پانی کبھی نہیں ملے گا جو اسے ’’ناجائز طور‘‘ پر مل رہا تھا۔

بھارت کاسندھ طاس معاہدہ کبھی بحال نہ کرنے کااعلان،پاکستان کا شدیدردعمل

پاکستان اس معاہدے کا مکمل احترام کرتا ہے اور اپنے حقوق و مفادات کے تحفظ کیلئے تمام ضروری اقدامات کرے گا، ترجمان دفترخارجہ

حکومتِ پاکستان نے امریکی صدر ڈونلڈ جے ٹرمپ کو 2026 کے نوبل امن انعام کے لیے باضابطہ طور پر نامزد کرنے کا فیصلہ کیا ہے۔ یہ فیصلہ اُن کی فیصلہ کن سفارتی مداخلت اور حالیہ پاک-بھارت کشیدگی کے دوران ان کی کلیدی قیادت کے اعتراف کے طور پر کیا گیا ہے۔سرکاری اعلامیے کے مطابق بھارت کی بلا اشتعال جارحیت پاکستان کی خودمختاری اور علاقائی سالمیت کی سنگین خلاف ورزی تھی، جس کے نتیجے میں معصوم شہریوں، خواتین اور بچوں کی قیمتی جانیں ضائع ہوئیں۔ پاکستان نے اپنے دفاع کے حق کا استعمال کرتے ہوئے آپریشن بنیان مرصوص کے تحت ایک محدود اور محتاط فوجی کارروائی کی، جس کا مقصد صرف بھارتی حملے کا جواب دینا تھا۔اعلامیے میں کہا گیا ہے کہ اس انتہائی نازک مرحلے پر صدر ٹرمپ نے غیر معمولی سفارتی بصیرت اور قیادت کا مظاہرہ کیا۔ ان کی ذاتی دلچسپی اور براہ راست سفارتی رابطوں کی بدولت پاکستان اور بھارت کے درمیان تیزی سے بگڑتی ہوئی صورتحال پر قابو پایا گیا، جنگ بندی ممکن ہوئی اور دو ایٹمی طاقتوں کے درمیان ممکنہ تباہ کن جنگ ٹل گئی۔پاکستان نے صدر ٹرمپ کی جانب سے مسئلہ جموں و کشمیر کے پرامن حل کے لیے بارہا پیشکش کو بھی سراہا ہے۔ حکومتی اعلامیے کے مطابق مسئلہ کشمیر جنوبی ایشیا میں کشیدگی اور عدم استحکام کی بنیادی وجہ ہے، اور اس کا حل اقوام متحدہ کی قراردادوں کے مطابق ہونا ضروری ہے تاکہ خطے میں مستقل امن قائم ہو سکے۔حکومت پاکستان نے واضح کیا کہ صدر ٹرمپ کی حالیہ سفارتی کوششیں نہ صرف جنوبی ایشیا بلکہ مشرق وسطیٰ کے دیگر سنگین تنازعات، خصوصاً غزہ میں جاری انسانی بحران اور ایران کے ساتھ بڑھتی کشیدگی کے حوالے سے بھی اہمیت رکھتی ہیں۔ پاکستان کو امید ہے کہ صدر ٹرمپ کا کردار عالمی امن کے قیام میں مثبت اور نتیجہ خیز ثابت ہوتا رہے گا۔حکومت پاکستان کی جانب سے یہ نامزدگی صدر ٹرمپ کی امن کے فروغ، مسئلہ کشمیر کے حل میں دلچسپی، اور عالمی سطح پر تنازعات کے سفارتی حل کی حمایت کے طور پر پیش کی گئی ہے، جسے بین الاقوامی سطح پر بھی قدر کی نگاہ سے دیکھا جا رہا ہے۔واضح رہے کہ امریکی صدر نے پاکستان اور بھارت کےدرمیان جنگ بند کرانے پرنوبل پرائز دینے کا مطالبہ کیا تھا،میڈیا سے گفتگو کرتے ہوئے انہوں نے کہا کہ روانڈا، کانگو، سربیا ، کوسوو کیلئے بھی نوبل پرائز دو، نوبل پرائز صرف لبرلز کو ملتا ہے یہ لوگ مجھے نہیں دیں گے۔

پاکستان نے امریکی صدر ٹرمپ کو 2026 کے امن کے نوبل انعام کیلئے نامزد کرنے کی سفارش کر دی

ٹرمپ کو نوبیل پرائز کیلئے نامزد کرنے کا فیصلہ حالیہ پاک بھارت بحران میں انکے فیصلہ کن سفارتی مداخلت پر کیا گیا

پاکستان کی پہلی خاتون وزیرِاعظم، شہید جمہوریت محترمہ بے نظیر بھٹو کی 72ویں سالگرہ آج عقیدت و احترام سے منائی جا رہی ہے،ملک بھر میں کیک کاٹنے کی تقریبات، سیمینارز اور دعائیہ نشستوں کا اہتمام کیا گیا ہے جن میں ان کی جمہوری جدوجہد، قائدانہ صلاحیتوں اور عظیم قربانیوں کو خراجِ تحسین پیش کیا جا رہا ہے۔محترمہ بے نظیر بھٹو 21 جون 1953 کو کراچی میں پیدا ہوئیں۔ وہ سابق وزیرِاعظم ذوالفقار علی بھٹو کی صاحبزادی تھیں، جنہوں نے انہیں بچپن میںپنکی کے نام سے پکارا۔ بے نظیر بھٹو نے اعلیٰ تعلیم دنیا کی ممتاز جامعات ہارورڈ اور آکسفورڈ سے حاصل کی۔محترمہ بے نظیر بھٹو کو تاریخ میں دخترِ مشرق اور شہیدِ جمہوریت کے القابات سے یاد کیا جاتا ہے۔ ان کی سیاسی بصیرت، عوامی مقبولیت اور جمہوریت سے وابستگی انہیں ہمیشہ زندہ رکھے گی۔دوسری جانب دختر مشرق شہید بینظیر بھٹو کی 72 ویں سالگرہ پر صدر مملکت آصف علی زرداری اور وزیر اعلی سندھ مراد علی شاہ نے عالم اسلام کی پہلی وزیر اعظم کو خراج عقیدت پیش کرتے ہوئے کہا ے کہ شہید بی بی کا وژن آج بھی ہمارے لیے مشعل راہ ہے، اس سے رہنمائی لے کر جمہوریت مضبوط کریں گے۔سابق وزیراعظم بینظیر بھٹو شہید کی 72 ویں سالگرہ کے موقع پر جاری پیغام میں صدر مملکت آصف علی زرداری نے اُن کی قومی خدمات اور عظیم قربانیوں کو زبردست خراجِ عقیدت پیش کیا۔صدر مملکت نے کہا کہ شہید محترمہ بینظیر بھٹو نے جمہوریت، انسانی وقار اور خواتین کے حقوق کے لیے جو ناقابل فراموش جدوجہد کی، وہ آج بھی تاریخ کا روشن باب ہے۔انہوں نے کہا کہ محترمہ بینظیر بھٹو نے آمریت کے خلاف جرأت اور استقامت کے ساتھ مزاحمت کی اور ملک میں جمہوریت کی بحالی کے لیے چلنے والی تحریکوں کی قیادت کی۔ وہ قانون کی حکمرانی اور آئین کی بالادستی پر مکمل یقین رکھتی تھیں۔ ان کا وژن، قربانیاں اور عوام سے گہری وابستگی پاکستان پیپلز پارٹی کی اجتماعی میراث ہیں۔صدر زرداری کا کہنا تھا کہ شہید بی بی ہمیشہ خواتین کی سماجی اور معاشی خودمختاری کی علمبردار رہیں۔ وہ پسماندہ طبقات اور اقلیتوں کی آواز بن کر ابھریں اور ایک پرامن، خوشحال اور جمہوری پاکستان کی خواہاں تھیں۔ ان کی اصولی سیاست آج بھی ایک منصفانہ اور جمہوری معاشرے کے قیام کے لیے مشعلِ راہ ہے۔صدر مملکت نے اس عزم کا اظہار کیا کہ ہم محترمہ بینظیر بھٹو کے وژن سے رہنمائی لیتے ہوئے نہ صرف جمہوریت کو مستحکم کریں گے بلکہ ہر شہری کے بنیادی حقوق کا تحفظ بھی یقینی بنائیں گے۔مراد علی شاہ نے شہید بینظیر بھٹو کی 72 ویں سالگرہ کے موقع پر اپنے پیغام میں کہا کہ مجھے فخر ہے کہ میری سیاسی تربیت بینظیر بھٹو نے کی، بینظیر بھٹو نے اپنی جان دے کر ملک میں جمہوریت بحال کی ہے۔انہوں نے کہا کہ بینظیر بھٹو نے پولیو مہم کا آغاز خود اپنی بیٹی کو قطرے پلا کر کیا تھا، وہ ہر مظلوم کی آواز اور ہر کمزور کی امید تھیں، آج بینظیر بھٹو کی قربانیوں، قیادت اور مشن کو یاد کرنے کا دن ہے۔وزیر اعلیٰ سندھ نے کہا کہ ہم شہید بینظیر بھٹو کے مشن کو جاری رکھنے کا عہد کرتے ہیں، بینظیر بھٹو کا خواب ایک ترقی یافتہ، بااختیار اور جمہوری پاکستان تھا۔مراد علی شاہ نے کہا کہ بینظیر بھٹو کی سالگرہ پر اتحاد، صحت اور تعلیم کے پیغام پر عمل کرنا ہے، ان کی سالگرہ پر انہیں خراج عقیدت پیش کرنے کا دن ہے۔

پاکستان کی پہلی خاتون وزیرِاعظم، شہید بینظیر بھٹو کی 72ویں سالگرہ آج منائی جا رہی ہے

شہید بی بی کا وژن آج بھی مشعلِ راہ ہے، رہنمائی لے کر جمہوریت مضبوط کریں گے، صدر مملکت آصف زرداری

اسرائیل نے ایران کے شہر اصفہان میں ایک نیوکلیئر تنصیب کو نشانہ بنایا ہے، تاہم ایرانی حکام کے مطابق حملے کے باوجود کسی قسم کے خطرناک مواد کے اخراج کی اطلاع نہیں ملی۔ دوسری جانب ایران کی جانب سے اسرائیل پر جوابی حملوں کی شدت میں اضافہ ہو گیا ہے۔اطلاعات کے مطابق ایران نے اسرائیل کے خلاف 18ویں حملے کی لہر کے دوسرے مرحلے کا آغاز کرتے ہوئے میزائلوں کی بارش کر دی، جس کے نتیجے میں پورے اسرائیل میں خطرے کے سائرن بجنے لگے۔ اسرائیلی حکام نے دعویٰ کیا ہے کہ انہوں نے ایران میں میزائل ذخائر، انفراسٹرکچر اور پاسداران انقلاب کے ایک سینئر کمانڈر کو نشانہ بنایا ہے۔الجزیرہ کی رپورٹ کے مطابق اصفہان میں دھماکے کے بعد شہر کا فضائی دفاعی نظام فعال کر دیا گیا۔ یہ شہر ایران کے سب سے بڑے جوہری تحقیقی مرکز اصفہان نیوکلیئر ٹیکنالوجی سینٹر کا حامل ہے۔ اصفہان کے نائب گورنر کے مطابق اسرائیلی حملوں میں لنجان، مبارکہ، شہریزہ اور اصفہان کے مختلف مقامات کو نشانہ بنایا گیا، تاہم نیوکلیئر تنصیب سے کسی بھی خطرناک مواد کے اخراج کی تردید کی گئی ہے۔ادھر اسرائیلی وزیر دفاع نے دعویٰ کیا ہے کہ حملے میں قدس فورس کے سربراہ سعید یزد ہلاک ہو گئے ہیں۔ ان کے مطابق اسرائیلی فوج نے ایران میں ایک اپارٹمنٹ پر حملہ کیا جہاں یہ کمانڈر موجود تھے۔ تاہم ایرانی حکام یا بین الاقوامی ذرائع سے اس دعوے کی تصدیق نہیں ہو سکی۔پاسداران انقلاب نے اپنی ویب سائٹ پر جاری بیان میں بتایا ہے کہ اسرائیل کے خلاف آپریشن وعدہ صادق 3 کے تحت حملوں کی نئی لہر شروع کی گئی ہے، جس میں ڈرونز اور مختلف اقسام کے میزائل استعمال کیے جا رہے ہیں۔ ایرانی حکام کے مطابق یہ میزائل حملے انتہائی درستگی کے ساتھ اسرائیلی فوجی مراکز، دفاعی صنعتوں، کمانڈ اینڈ کنٹرول سسٹمز، لاجسٹک کمپنیاں، اور بن گوریون ایئرپورٹ سمیت نیواتیم اور ہتساریم کے فضائی اڈوں پر کیے گئے ہیں۔پاسداران انقلاب کا کہنا ہے کہ یہ تمام اہداف وہ ہیں جو غزہ، لبنان اور یمن کے عوام کے خلاف بھی استعمال ہوتے رہے ہیں، اور یہی مراکز ایران کے خلاف موجودہ جارحیت میں بھی کلیدی کردار ادا کر رہے ہیں۔ایرانی حکام کے مطابق حالیہ جوابی حملے اسرائیلی فوجی طاقت کے مقابلے میں ایران کی دفاعی اور حملہ آور صلاحیت میں مسلسل اضافے کا ثبوت ہیں۔

اسرائیل کا اصفہان میں نیوکلیئر سائٹ پر حملہ، ایران کی جوابی کارروائیوں میں شدت

ایران کا بھرپور جواب،اسرائیل پر نیا حملہ، متعدد شہروں میں دھماکوں کی گونج، فوجی مراکز، صنعتیں نشانہ

امریکی صدر ڈونلڈ ٹرمپ نے کہا ہے کہ اسرائیل سے ایران پر حملے روکنے کی درخواست کرنا ’بہت مشکل‘ ہے، تہران زیادہ سے زیادہ چند مہینوں میں جوہری ہتھیار حاصل کرنے کے قابل ہو جائے گا لیکن ہم ایسا ہونے نہیں دے سکتے۔ٹرمپ کا کہنا تھاہے کہ ایران سے بات کریں گے، دیکھتے ہیں کیا نتیجہ نکلتا ہے،میں مذاکرات سے پہلے سیز فائر چاہتا ہوں، حالات کی مناسبت سے مذاکرات کے دوران جنگ بندی کی حمایت کرسکتا ہوں۔میڈیا سے گفتگو کرتے ہوئے امریکی صدر ڈونلڈ ٹرمپ کا کہنا تھا کہ رکنا بہت مشکل ہوگا، اسرائیل ٹھیک جارہا ہے، ایران کم اچھا جارہا ہے۔انہوں نے کہا کہ ایران پر حملہ کرنے کا فیصلہ کرنے کے لیے زیادہ سے زیادہ دو ہفتے لوں گا۔صدر ٹرمپ کا کہنا تھا کہ اسرائیل کے پاس اتنی صلاحیت نہیں کہ وہ ایران کی جوہری صلاحیت ختم کر سکے، ایران میں زمینی افواج اتارنا آخری حل ہو گا۔صحافی نے ان سے سوال پوچھا کہ ایک تجویز ہے کہ اگر آپ ایران اور اسرائیل کے درمیان ڈیل کرواتے ہیں تو جوہری انسپکٹرز دونوں ممالک میں جاتے ہیں تو آپ امن کا نوبل انعام جیتے سکتے ہیں، جس پر ڈونلڈ ٹرمپ کا کہنا تھا کہ مجھے روانڈا، کانگو، سربیا، کوسو، اور سب سے بڑھ کر پاکستان اور بھارت کے درمیان جنگ بندی کرانے پر نوبل انعام ملنا چاہیے۔ڈونلڈ ٹرمپ نے اپنے ہی انٹیلی جنس حکام کوغلط قرار دیتے ہوئے کہا کہ ایران نے ایٹمی طاقت کیلئے مواد جمع کر لیا تھا، ڈائریکٹر انٹیلی جنس ایرانی ایٹمی ہتھیاروں سے متعلق غلط ہیں، ایران کی ایٹمی صلاحیت سے متعلق تلسی گبارڈ نے بھی غلط کہا۔

اسرائیل کے پاس اتنی صلاحیت نہیں کہ وہ ایران کی جوہری صلاحیت ختم کر سکے،امریکی صدر

ایران سے بات کریں گے، دیکھتے ہیں کیا نتیجہ نکلتاہے، میں مذاکرات سے پہلے سیزفائر چاہتا ہوں،ٹرمپ کی گفتگو

اسلام آباد (این این آئی)ملک میں مہنگائی میں اضافے کی رفتار میں کمی کا رجحان جاری ہے ،حالیہ ایک ہفتے کے دوران ہفتہ وار مہنگائی میں اضافے کی رفتار میں مزید 0.27فیصد کمی واقع ہوئی ہے جبکہ  8اشیا مہنگی ہوئیں۔وفاقی ادارہ شماریات کی جانب سے جاری مہنگائی کی ہفتہ وار رپورٹ میں بتایا گیا کہ حالیہ ایک ہفتے کے دوران  ہفتہ وار مہنگائی میں اضافے کی رفتار میں مزیدصفراعشاریہ27فیصد کمی واقع ہوئی ہے جبکہ گزشتہ ہفتے سالانہ بنیاد پر بھی مہنگائی میں اضافے کی رفتار کی شرح منفی2اعشاریہ صفر چھ فیصد ریکارڈ کی گئی ہے۔اعداد وشمار میں بتایا گیا کہ ایک ہفتے میں23 اشیا سستی اور 8 مہنگی جبکہ 20 اشیار کی قیمت میں استحکام رہا۔رپورٹ کے مطابق حالیہ ایک ہفتے کے دوران آلو 3.75، گڑ2.25 فیصد، چینی2.13 فیصد، ایل پی جی 14.86فیصد، چکن 2.17فیصد، باسمتی ٹوٹا چاول 0.84فیصد، خشک پاوڈر دودھ0.97فیصد، سرسوں کا تیل1.12فیصد، چائے 0.39فیصد، ڈیزل 3.10فیصد اور پیٹرول1.88فیصد مہنگا ہوا۔رپورٹ کے مطابق گزشتہ ہفتے انڈے 9.53فیصد، ٹماٹر 5.62فیصد، دال چنا 0.35فیصد، لہسن 1.03، کیلے0.01فیصد، جلانے والی لکڑی0.01 فیصد اور گھی 0.17فیصد سستا ہوا ہے۔اعدادوشمار میں بتایا گیا کہ حالیہ ہفتے کے دوران حساس قیمتوں کے اعشاریہ کے لحاظ سے سالانہ بنیادوں پر 17 ہزار 732روپے ماہانہ تک آمدنی رکھنے والے طبقے کے لیے مہنگائی میں اضافے کی رفتار0.05 فیصد کمی کے ساتھ منفی3.08 فیصد، 17 ہزار 733روپے سے 22ہزار 888روپے ماہانہ تک آمدنی رکھنے والے طبقے کے لیے مہنگائی میں اضافے کی رفتار 0.05 فیصدکمی کے ساتھ منفی 4.11فیصد رہی۔اسی طرح 22 ہزار 889روپے سے 29 ہزار 517 روپے ماہانہ تک آمدنی رکھنے والے طبقے کے لییمہنگائی میں اضافے کی رفتار0.10 فیصد کمی کے ساتھ منفی2.40فیصد، 29 ہزار 518روپے سے 44 ہزار 175 روپے ماہانہ تک آمدنی رکھنے والے طبقے کے لیے مہنگائی میں اضافے کی رفتار0.13فیصد کمی کے ساتھ منفی 1.48فیصد رہی۔وفاقی ادارہ شماریات کے مطابق گزشتہ ایک ہفتے کے دوران 44 ہزار 176روپے ماہانہ سے زائد آمدنی رکھنے والے طبقے کے لیے مہنگائی میں اضافے کی رفتار0.42 فیصدکمی کے ساتھ منفی 0.63 فیصدرہی۔

مہنگائی کی شرح میں 0.27فیصد کمی کے دعوئوں کے باوجود متعدد اشیاء مہنگی ہوگئیں

گزشتہ ہفتے میں23 اشیاء سستی اور 8 مہنگی جبکہ 20 اشیاء کی قیمت میں استحکام رہا،ادارہ شماریات

سیکرٹری جنرل اقوام متحدہ انتونیو گوتریس نے ایران اسرائیل فوری جنگ بندی کا مطالبہ کردیا۔ اقوام متحدہ کے سیکرٹری جنرل انتونیو گوتریس کا کہنا ہے کہ ایران اسرائیل کشیدگی کو صرف اور صرف سفارت کاری کے ذریعے حل کیا جا سکتا ہے۔ اقوام متحدہ کی سلامتی کونسل کا ایران اسرائیل کشیدگی پر اہم ہنگامی اجلاس شروع ہوگیا جس کا افتتاح سیکرٹری جنرل انتونیو گوتریس نے فوری جنگ بندی کا مطالبہ کرتے ہوئے کیا۔انتونیو گوتریس نے کہا کہ ایران بارہا جوہری ہتھیار نہ بنانے کی یقین دہانی کروا چکا ہے۔انھوں نے مزید کہا ایران میں ایٹمی تنصیبات اور عوامی مراکز پر حملے کیے گئے،ان کا کہنا تھا کہ عوامی مقامات اور طبی مراکز پر حملے عالمی قوانین کے خلاف ہیں۔سیکرٹری جنرل کاکہناتھاکہ وہ یورپی ممالک اور ایران کے درمیان آج ہونے والے مذاکرات کا خیر مقدم کرتے ہیں،ان کا کہنا تھا کہ آج کے سلامتی کونسل اجلاس سے بھی امن کا واضح پیغام جانا چاہیے۔انتونیو گوتیرس نے خبردار کرتے ہوئے کہا کہ کہ ایران اسرائیل کشیدگی کو بڑھاوا دیا گیا تو پھر یہ جنگ کسی کے قابو میں نہیں رہے گی،انہوںنے مزید کہا کہ ایران اسرائیل کشیدگی کو صرف اور صرف سفارت کاری کے ذریعے حل کیا جا سکتا ہے۔  انتونیو گوتریس نے کہا کہ اسرائیل ایران کشیدگی میں قیمتی انسانی جانوں کا ضیاع ہورہا ہے،انہوں نے مزید کہا کہ ایران اور اسرائیل کے درمیان کشیدگی کو اب مزید بڑھنے نہیں دیا جاسکتا۔ فوری جنگ بندی وقت کی ضرورت ہے۔

سیکرٹری جنرل اقوام متحدہ کا ایران اسرائیل کشیدگی پر فوری جنگ بندی کا مطالبہ

مسئلے کا حل صرف سفارت کاری ہے، جنگ بڑھ گئی تو قابو سے باہر ہو جائے گی،انتونیو گوتریس

چیئرمین پیپلز پارٹی بلاول بھٹو زرداری نے کہا ہے کہ بھارت سندھ طاس معاہدہ تسلیم نہیں کرتا تو پاکستان سے ایک اور جنگ لڑے ہم دوبارہ اسے شکست دیں گے، ہم اپنے دریا کا تحفظ کرنا جانتے ہیں۔متعدد ممالک کے سفارتی دورے کے بعد کراچی واپسی پر پیپلز پارٹی کے کارکنوں کی جانب سے استقبالیہ سے خطاب کرتے ہوئے بلاول بھٹو نے کہا کہ پاکستان نے بھارت کو عبرت ناک شکست دی، پاکستان کے ساتھ سچ اور بھارت کے ساتھ جھوٹ کھڑا تھا، کشمیر کا معاملہ ہمارے لئے سب سے اہم ہے ، ہم نے سفارتی دورے میں دنیا کو امن کا پیغام پہنچایا، کشمیر میں بھارتی ظلم کو اجاگر کیا، جگہ جگہ کشمیر کا مسئلہ اجاگر کیا، جنگ ہارنے کے بعد بھارت کی کوشش تھی کہ ہمیں سفارتی محاذ پر شکست دے مگر ہم نے اپنی موثر مہم کے ذریعے بھارت کو سفارتی محاذ پر بھی شکست دی۔بلاول بھٹو نے کہا کہ ہم نے مثبت سیاست کا استعمال کیا، عالمی میڈیا میں بھارت کا بیانیہ ہار گیا اور پاکستان کا بیانیہ جیت گیا، ہم نے پاکستان کا مقدمہ اقوام متحدہ میں پیش کیا، ہم بھارت کو بتانا چاہتے ہیں کہ آپ کو سندھ طاس معاہدہ ماننا پڑے گا، اس کے پاس دو آپشن ہیں یا تو معاہد تسلیم کرے ورنہ پاکستان سے ایک اور جنگ لڑے اور ہم اس جنگ میں بھی بھارت کو شکست دے گے، ہم اپنے دریا کا دفاع کرنا جانتے ہیں۔انہوں نے کہا کہ پاکستان میں کچھ لوگ صوبوں کے درمیان نفرتیں پھیلاتے ہیں، بھارت نے جب ہمارے دریا پر حملہ کیا ہے تو یہ سیاسی یتیم کہاں غائب ہیں؟ ان کے پیچھے ہمیشہ سے بھارت رہا ہے جو پاکستان نہ کھپے اور سندھ نہ کھپے کے نعرے لگائے ہیں، اب جب الیکشن ہوں گے تو ان سیاسی یتیموں کو ہم ایک بار پھر عبرت ناک شکست دلائیں گے۔

بھارت سندھ طاس معاہدہ نہیں مانتا تو ایک اور جنگ لڑے ہم دوبارہ شکست دیں گے، بلاول بھٹو

ہم نے بھارت کو سفارتی محاذ پر بھی شکست دی،کراچی واپسی پر پیپلز پارٹی کارکنوں کے استقبالیہ سے خطاب

امریکی صدر ڈونلڈ ٹرمپ نے چین کی کمپنی بائٹ ڈانس کو ٹک ٹاک کے امریکی اثاثے فروخت کرنے کے لیے دی گئی 19 جون کی ڈیڈلائن میں 90 دن کی توسیع کر دی ہے۔یہ فیصلہ اس قانون کے باوجود کیا گیا ہے جس کے تحت بائٹ ڈانس کو یا تو امریکی اثاثے فروخت کرنا ہوں گے یا پھر امریکا میں ایپ کو بند کرنا پڑے گا، اگر اس حوالے سے کوئی خاطر خواہ پیش رفت نہ کی گئی ہو۔وائٹ ہاؤس کے مطابق، صدر ٹرمپ نے یہ مہلت اس لیے دی ہے تاکہ کمپنی کو ضروری وقت دیا جا سکے کہ وہ امریکی قومی سلامتی سے متعلق خدشات کو دور کرتے ہوئے معاہدے کو حتمی شکل دے سکے۔ یاد رہے کہ امریکی حکومت کو ٹک ٹاک سے متعلق یہ خدشات لاحق ہیں کہ چینی حکومت صارفین کا ڈیٹا حاصل کر سکتی ہے، جسے واشنگٹن قومی سلامتی کا خطرہ سمجھتا ہے۔ بائٹ ڈانس ان الزامات کی تردید کرتا آیا ہے۔صدر ٹرمپ نے ایک ایگزیکٹو آرڈر کے ذریعے بائٹ ڈانس کو حکم دیا تھا کہ وہ امریکا میں اپنے تمام اثاثے فروخت کرے یا دیگر اقدامات کرے ورنہ ٹک ٹاک کو مکمل طور پر بند کر دیا جائے گا۔ تاہم حالیہ فیصلے سے کمپنی کو مزید وقت مل گیا ہے تاکہ وہ ممکنہ خریداروں کے ساتھ مذاکرات مکمل کر سکے۔یہ تیسری بار ہے کہ ٹرمپ انتظامیہ نے ٹک ٹاک کو ملک میں جاری رکھنے کے لیے مہلت دی ہے۔ یاد رہے کہ امریکی حکومت نے 2024 میں ٹک ٹاک کو قومی سلامتی کے لیے ممکنہ خطرہ قرار دیتے ہوئے قانون سازی کی تھی، جس کے تحت چینی کمپنی بائٹ ڈانس کو ایپ کے امریکی اثاثے مقامی خریدار کو منتقل کرنے کی شرط دی گئی تھی۔ پہلے مرحلے میں 19 جنوری 2025 کی ڈیڈ لائن رکھی گئی تھی، جس میں بعد ازاں 75 دن کی توسیع کی گئی۔

ٹرمپ نے ٹک ٹاک کی امریکی اثاثوں کی فروخت کی ڈیڈلائن 90 دن کیلئے بڑھا دی

چینی کمپنی بائٹ ڈانس کو امریکا میں ٹک ٹاک بندش سے بچنے کیلئے مزید وقت مل گیا، ڈیٹا سیکیورٹی خدشات بدستور برقرار

نوبیل انعام یافتہ ملالہ یوسف زئی، معروف اداکارہ جوڈی ڈینچ اور دنیا بھر کی کئی بااثر شخصیات نے ایک کھلے خط پر دستخط کیے ہیں جس میں برطانوی حکومت سے مطالبہ کیا گیا ہے کہ وہ غزہ میں جاری انسانی بحران میں اپنی شراکت ختم کرے۔یہ خط، جس پر اداکاروں، کھلاڑیوں، ڈاکٹروں اور انسانی حقوق کے کارکنوں نے دستخط کیے ہیں، اس بات پر زور دیتا ہے کہ برطانیہ کی جانب سے اسرائیل کو اسلحے کی فراہمی غزہ میں امداد کی راہ میں سب سے بڑی رکاوٹ ہے۔خط میں کہا گیا ہے کہ جب تک اسرائیل کو اسلحہ فراہم کیا جاتا رہے گا، غزہ تک موثر انسانی امداد کی ترسیل ممکن نہیں بنائی جا سکتی۔یاد رہے کہ غزہ میں اسرائیلی افواج کی جانب سے شدید فوجی کارروائیاں جاری ہیں، جن کے نتیجے میں ہزاروں فلسطینی شہری جاں بحق اور زخمی ہو چکے ہیں، جبکہ عالمی برادری کی طرف سے مسلسل جنگ بندی اور انسانی امداد کی اپیلیں کی جا رہی ہیں۔

جب تک اسرائیل کو اسلحہ دیا جاتا رہے گا، غزہ میں انسانیت مرتی رہے گی، عالمی شخصیات کا انتباہ

ملالہ یوسف زئی سمیت عالمی شخصیات کا برطانیہ سے غزہ میں اسرائیلی مظالم پر پالیسی بدلنے کا مطالبہ

پاکستان نے ایف آئی ایچ نیشنز کپ کے سنسنی خیز سیمی فائنل میں فرانس کو پنالٹی شوٹ آؤٹ کے ذریعے شکست دے کر فائنل میں جگہ بنا لی ہے۔ملائیشیا میں جاری ایونٹ کے پہلے سیمی فائنل میں دونوں ٹیموں کے درمیان سخت مقابلہ دیکھنے کو ملا۔ مقررہ وقت تک میچ 3-3 گول سے برابر رہا۔ دلچسپ بات یہ ہے کہ پاکستان نے ابتدائی دو گول کے خسارے سے شاندار واپسی کی اور تیسرے کوارٹر میں مسلسل تین گول کر کے میچ میں کم بیک کیا۔جب مقابلہ برابر رہا تو فیصلہ پنالٹی شوٹ آؤٹ پر چلا گیا، جہاں گرین شرٹس نے دلیرانہ کھیل پیش کرتے ہوئے فرانس کو 2-3 سے مات دے دی۔ پاکستان کی جانب سے تین کامیاب شوٹ آؤٹس ہوئے جبکہ فرانس صرف دو بار گیند کو جال میں پہنچا سکا۔اس شاندار فتح کے بعد پاکستان نیشنز کپ کے فائنل میں پہنچ گیا ہے، جہاں اب وہ ٹائٹل کے لیے میدان میں اترے گا۔

نیشنز ہاکی کپ ،پاکستان نےفرانس کو شکست دے کر فائنل میں جگہ بنالی

پاکستان نے ایف آئی ایچ نیشنز کپ میں فرانس پنالٹی شوٹ آؤٹس پر ہراکر فائنل کے لیے کوالیفائی کرلیا۔

واشنگٹن(این این آئی) فیلڈ مارشل عاصم منیر نے کہا ہی کہ پاکستان علاقائی کشیدگی میں کمی اور تعاون پرمبنی سکیورٹی فریم ورک کے فروغ میں فعال کردار ادا کرتا رہے گا۔پاک فوج کے شعبہ تعلقات عامہ (آئی ایس پی آر)کے مطابق آرمی چیف فیلڈ مارشل عاصم منیر کا امریکا کا سرکاری دورہ جاری ہے جہاں انہوں نے امریکی تھنک ٹینکس اور اسٹریٹیجک امور کے نمائندوں سے ملاقات کی، اس ملاقات نے پاکستان کے اسٹریٹیجک وژن کو بہتر طور پر سمجھنے کا موقع فراہم کیا۔آئی ایس پی آر کے مطابق آرمی چیف نے واشنگٹن میں ممتازاسکالرز، تجزیہ کاروں، پالیسی ماہرین اور بین الاقوامی میڈیا اداروں کے نمائندگان سے گفتگو کی جس میں پاکستان کے اصولی موقف کو علاقائی اور عالمی معاملات پر اجاگر کیا گیا جبکہ آرمی چیف نے دہشت گردی سے متعلق پاکستان کے نکتہ نظر پر روشنی ڈالی۔آئی ایس پی آر کا کہنا ہی کہ فیلڈ مارشل عاصم منیر نے معرکہ حق اور آپریشن بنیان مرصوص پر بھی تفصیلی روشنی ڈالی اور علاقائی امن و استحکام سے متعلق پاکستان کے تعمیری کردار کو اجاگر کیا۔آئی ایس پی آر کے مطابق فیلڈ مارشل عاصم منیر نے پاکستان کی غیرمعمولی صلاحیتوں پر بھی روشنی ڈالی اور آئی ٹی، زراعت اور معدنی وسائل سمیت مختلف شعبوں میں بین الاقوامی شراکت داروں کو اشتراک کے مواقع تلاش کرنیکی دعوت دی جب کہ اس گفتگو کے دوران پاک امریکا دیرینہ شراکت داری کا بھی جائزہ لیا گیا۔فیلڈ مارشل نے کہا کہ بعض علاقائی عناصر دہشت گردی کو ہائبرڈ وار فیئر کے ہتھیار کے طور پر استعمال کررہے ہیں، پاکستان دہشت گردی کے خلاف عالمی جنگ میں صفِ اول پر رہا ہے، پاکستان نے ایک محفوظ دنیا کیلئے بے پناہ انسانی اور معاشی قربانیاں دی ہیں۔آرمی چیف کا کہنا تھا کہ پاکستان علاقائی کشیدگی میں کمی اور تعاون پرمبنی سکیورٹی فریم ورک کے فروغ میں فعال کردار ادا کرتا رہے گا۔آئی ایس پی آر کے مطابق شرکا نے آرمی چیف کے خیالات کی کھلے دل سے پیشکش اور وضاحت کو سراہا۔

پاکستان نے محفوظ اور پرامن دنیا کی خاطر بھاری جانی و مالی قربانیاں دی ہیں، فیلڈ مارشل

فیلڈ مارشل سیدعاصم منیر کی امریکی تھنک ٹینکس اور اسٹریٹیجک امور کے نمائندوں سے ملاقات میں گفتگو

پاکستانی ڈرامہ انڈسٹری کی سینئر اداکارہ عائشہ خان 77 برس کی عمر میں کراچی میں انتقال کر گئیں۔میڈیارپورٹس کے مطابق افسوسناک طور پر ان کی نعش گلشن اقبال میں واقع ان کے فلیٹ سے ایک ہفتے بعد ملی، جہاں وہ اکیلی رہائش پذیر تھیں۔ اہلِ محلہ نے فلیٹ سے شدید بدبو آنے پر پولیس کو اطلاع دی، جس کے بعد دروازہ توڑ کر ان کی لاش برآمد کی گئی۔عائشہ خان 1948 میں پیدا ہوئیں اور کراچی یونیورسٹی سے تعلیم حاصل کرنے کے بعد 1964 میں پاکستان ٹیلی ویژن (پی ٹی وی) کے ذریعے اپنے فنی سفر کا آغاز کیا۔ وہ 1960، 70 اور 80 کی دہائی میں پی ٹی وی کی مقبول ترین چہروں میں شامل رہیں اورافشاں،عروسہ،فیملی 93،مہندی،مبارک ہو بیٹی ہوئی ہے،میری گڑیا،نقاب زن اورتیری رضا جیسے کامیاب ڈراموں کا حصہ بنیں۔عائشہ خان معروف اداکارہ خالدہ ریاست (مرحومہ) کی بڑی بہن تھیں، جنہوں نے بھی اپنے وقت میں ڈرامہ انڈسٹری میں نمایاں مقام حاصل کیا۔ان کی وفات پر شوبز انڈسٹری کے سینئر فنکاروں اور مداحوں نے گہرے دکھ کا اظہار کیا۔ خالد انعم، صبا فیصل، شگفتہ اعجاز اور دیگر فنکاروں نے عائشہ خان کی فنی خدمات کو زبردست خراجِ تحسین پیش کیا۔ آرٹس کونسل آف پاکستان کے صدر احمد شاہ نے ان کی وفات کو ڈرامہ انڈسٹری کے لیے ایک ناقابلِ تلافی نقصان قرار دیا۔عائشہ خان کا فنی سفر، ان کی باوقار شخصیت اور لازوال ڈرامے ہمیشہ پاکستانی شوبز کی تاریخ کا روشن باب رہیں گے۔

سینئراداکارہ عائشہ خان انتقال کر گئیں، پاکستانی ڈرامہ انڈسٹری ایک قیمتی ستارے سے محروم

پاکستانی ڈرامہ انڈسٹری کی سینئر اداکارہ کی وفات پر شوبز انڈسٹری کے فنکاروں اور مداحوں نے گہرے دکھ کا اظہار کیا

اسلام آباد (این این آئی)جوڈیشل کمیشن نے آئینی بینچز کی مدت میں تیس نومبر تک توسیع کردی۔ جوڈیشل کمیشن کا اجلاس چیف جسٹس یحییٰ آفریدی کی صدارت میں منعقد ہوا جس میں مختلف عدالتی امور زیر بحث آئے۔ذرائع کے مطابق اجلاس میں جوڈیشل کمیشن نے جسٹس امین الدین خان اور دیگر آئینی بنچز کی مدت میں 30نومبر تک توسیع کردی۔جوڈیشل کمیشن نے سندھ ہائیکورٹ کے آئینی بینچ میں تبدیلی کردی ہے جسٹس آغا فیصل کی جگہ جسٹس عدنان اقبال کو آئینی بینچ میں شامل کرلیا گیا ہے اسی طرح جسٹس ثنا اکرم کی جگہ جسٹس جعفر آئینی بینچ میں شامل ہوئے ہیں۔جوڈیشل کمیشن نے تمام ہائیکورٹس کے آئینی بینچز کی مدت میں بھی 6 ماہ کی توسیع کردی ہے۔واضح رہے کہ جسٹس امین الدین خان کو بطور سربراہ آئینی بینچ مزید 6 ماہ کے لیے مقرر کیا گیا تھا۔اس سے قبل دسمبر 2024 میں جوڈیشل کمیشن نے آئینی بینچ کو 6 ماہ کے لیے توسیع دی تھی۔

جوڈیشل کمیشن نے آئینی بینچز کی مدت میں تیس نومبر تک توسیع کردی

جوڈیشل کمیشن کا اجلاس چیف جسٹس یحییٰ آفریدی کی صدارت میں منعقد ہوا جس میں مختلف عدالتی امور زیر بحث آئے

رام اللہ(این این آئی )فلسطینی پناہ گزینوں کے لئے اقوام متحدہ کی ریلیف اینڈ ورکس ایجنسی (یو این آر ڈبلیو اے)نے خبردار کیا ہے کہ غزہ میں جاری اسرائیلی حملوں کے باعث صحت کا شعبہ سنگین بحران کی کیفیت سے دوچار ہو چکا ہے۔امارات نیوز ایجنسی کے مطابق ادارے کی جانب سے جاری بیان میں بتایا گیا ہے کہ غزہ میں استعمال ہونے والی ضروری طبی سامان کا 45 فیصد ذخیرہ پہلے ہی ختم ہو چکا ہے جبکہ باقی ماندہ سامان کا ایک چوتھائی حصہ آئندہ چھ ہفتوں کے اندر ختم ہونے کا خدشہ ہے۔بیان میں مزید کہا گیا ہے کہ جان بچانے والی ادویات اور خون سے حاصل کردہ اجزا کا ذخیرہ اختتام کے قریب ہے جس کی وجہ سے مریضوں کی جانیں خطرے میں ہیں۔یو این آر ڈبلیو اے نے عالمی برادری اور امدادی اداروں سے مطالبہ کیا ہے کہ غزہ میں طبی امداد کی فوری ضرورت ہے لہٰذا وہ فوری طور پر غزہ میں بڑھتی ہوئی طبی امداد کی فراہمی کے لیے اقدامات کریں تاکہ انسانی جانوں کو بچایا جا سکے۔

غزہ میں صحت کا شعبہ سنگین بحران کا شکار ہے، طبی امداد فوری درکار ہے،اقوام متحدہ

باقی ماندہ سامان کا ایک چوتھائی حصہ آئندہ چھ ہفتوں کے اندر ختم ہونے کا خدشہ ہے،یو این آر ڈبلیو اے

سپریم کورٹ آف پاکستان نے ججز کی سنیارٹی اور ٹرانسفر سے متعلق اہم آئینی مقدمے کا فیصلہ سنا دیا ۔ عدالت عظمیٰ کا کہنا ہے کہ ججز کا تبادلہ غیر آئینی نہیں ہے۔ عدالت نے ججز کی سنیارٹی کا معاملہ صدر پاکستان کو ریمارنڈ کر دیا۔ عدالت نے دو تین کی اکثریت سے ججز کی درخواستوں کو مسترد کردیا۔تفصیلات کے مطابق سپریم کورٹ  آف پاکستان نے ججز ٹرانسفر کیس کا محفوظ فیصلہ سنا دیا۔ 2 کے مقابلے میں 3 ججز نے تبادلوں کو درست اور آئینی قرار دیا۔ فیصلہ جسٹس محمد علی مظہر نے پڑھ کر سنایا۔ اکثریتی فیصلے میں  عدالت نے قرار دیا کہ جسٹس سردار سرفراز ڈوگر کا ٹرانسفر آئین و قانون کے مطابق ہے۔عدالتی فیصلے میں واضح کیا گیا کہ ججز کے تبادلے کے جاری کردہ نوٹیفکیشن کو کالعدم قرار نہیں دیا جا رہا۔ عدالت نے حکم دیا کہ جب تک صدرِ مملکت سینارٹی کے معاملے کو طے نہیں کرتے، تب تک جسٹس سردار سرفراز ڈوگر ہی قائم مقام چیف جسٹس اسلام آباد ہائیکورٹ کے فرائض انجام دیتے رہیں گے۔سپریم کورٹ نے اپنے اکثریتی فیصلے میں کہا ہے کہ ججز کی ٹرانسفر کے عمل میں آئینی خلاف ورزی نہیں پائی گئی، اور اس کا مقصد کسی جج کی تقرری کو ختم کرنا نہیں بلکہ انتظامی ضرورت کے تحت تبادلہ کرنا تھا۔ اس موقع پر عدالت نے صدرِ مملکت کو ہدایت کی کہ سینارٹی کے معاملے کو جتنا جلد ممکن ہو، حل کریں تاکہ مستقل چیف جسٹس کی تقرری عمل میں لائی جا سکے۔یہ مقدمہ اس وقت سامنے آیا جب صدر مملکت کی جانب سے دیگر ہائی کورٹس کے ججز کو اسلام آباد ہائی کورٹ میں ٹرانسفر کیا گیا، جس کے بعد اسلام آباد ہائی کورٹ کے پانچ ججز نے سنیارٹی کے معاملے پر 20 فروری 2024 کو سپریم کورٹ سے رجوع کیا تھا۔

اسلام آباد ہائیکورٹ میں ججز تبادلہ بدنیتی پر مبنی تھا،جسٹس نعیم اختر اور جسٹس شکیل کا اختلافی نوٹ

صدر مملکت نے تبادلے کے معاملے میں آئینی خلاف ورزی کی، جسٹس نعیم اختر اور جسٹس شکیل احمد کا اختلافی نوٹ

دبئی (این این آئی)انٹرنیشنل کرکٹ کونسل نے ویمنز ٹی 20 ورلڈ کپ 2026 کے شیڈول کا اعلان کردیا۔آئی سی سی کی جانب سے جاری کردہ شیڈول کے مطابق ٹورنامنٹ 12 جون سے 5 جولائی تک انگلینڈ میں ہوگا، پاکستان، بھارت، جنوبی افریقا، آسٹریلیا اور 2 کوالیفائر ٹیمیں گروپ ون میں موجود ہیں۔گروپ ٹو میں ویسٹ انڈیز، سری لنکا، نیوزی لینڈ، انگلینڈ اور 2 کوالیفائر ٹیمیں شامل ہیں۔پاکستان اور بھارت کا مقابلہ 14 جون کو ایجبسٹن میں ہوگا۔پاکستان ویمنز ٹیم اپنا دوسرا میچ جنوبی افریقا سے 17 جون کو کھیلے گی، پاکستان اور کوالیفائر کے درمیان میچ 20 جون کو ہوگا، قومی ٹیم آسٹریلیا کیخلاف 23 جون کو ہیڈنگلے میں میچ کھیلے گی جبکہ 27 جون کو پاکستان کوالیفائی کرنے والی دوسری ٹیم سے مقابلہ کرے گی۔سیمی فائنل 30 جون اور 2 جولائی کو شیڈول ہیں جبکہ میگا ایونٹ کا فائنل 5 جولائی کو لارڈز میں کھیلا جائے گا۔

آئی سی سی نے ویمنز ٹی 20 ورلڈ کپ 2026کے شیڈول کا اعلان کردیا

ٹورنامنٹ 12 جون سے 5 جولائی تک انگلینڈ میں ہوگا، پاکستان، بھارت، جنوبی افریقا، آسٹریلیا گروپ ون میں موجود

Former PCB Chairman Zaka Ashraf has denied rumors of a fight between Babar Azam and Shaheen Afridi. He said the unity between them strengthened when Shaheen replaced Babar as T20 captain.

Former PCB Chairman Denies Rumors Of A Dispute Between Babar Azam & Shaheen Afridi

Ex-PCB Chairman Zaka Ashraf has refuted rumors of a dispute between ace fast bowler Shaheen Afridi and Pakistan&rsquo;s white-ball captain Babar Azam.&nbsp;

According to speculations, there has been some tension between the star players of Pakistan cricket team ever since Afridi replaced Babar as the captain of the T20I team after the ICC Men&rsquo;s ODI World Cup 2023.&nbsp;

However, Chairman PCB at that time, Zaka Ashraf has blatantly denied all rumors of a rift between Afridi and Babar.&nbsp;

As per Zaka Ashraf, the unity between team members strengthened after Shaheen&rsquo;s appointment as the T20 team&rsquo;s captain.&nbsp;

&ldquo;No, the unity didn&rsquo;t end [after removing Babar Azam as captain]. In fact, the unity improved. When we told him to play as a player, which is his talent, but as a captain, his performance is not good, he agreed,&rdquo; he stated during an interview at a local news channel.&nbsp;

Furthermore, Ashraf defended his decision to make Shan Masood the captain of Pakistan test team and to make Mohammad Hafeez the team director. He also cleared the air regarding the matter of grouping inside the team.&nbsp;

&ldquo;No, there was no grouping. The team was good. And we brought Shan Masood as the captain. He was a very good captain. He is still a very good player,&rdquo; he added

&ldquo;And&nbsp;our management, along with the team, Mohammad Hafeez, an excellent cricketer, a very honest person, we brought him along. Umar Gul, Saeed Ajmal, and these players, we brought them along so that the coaching staff is with the team.&rdquo;

For those who don&rsquo;t know, Shaheen Afridi was removed as captain after just one series loss against New Zealand and Babar Azam was reappointed as the captain of Pakistan&rsquo;s twenty20 team right before the ICC Men&rsquo;s T20 World Cup 2024 where the PCT couldn&rsquo;t get past the group stage.&nbsp;

Former PCB Chairman Denies Rumors Of A Dispute Between Babar Azam & Shaheen Afridi

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan