Cricket

Entertainment

News

Football

ایشیا کپ 2025 کے 9ویں میچ میں بنگلہ دیش نے افغانستان کو دلچسپ مقابلے کے بعد 8 رنز سے شکست دے دی ۔بنگلا دیش کے دیئے گئے155 رنز کے ہدف کے تعاقب میں افغانستان کی پوری ٹیم آخری گیند پر 146 رنز بناکر آؤٹ ہوگئی، رحمان اللہ گرباز 35 رنز کیساتھ نمایاں رہے۔قبل ازیں بنگلادیش کرکٹ ٹیم کے کپتان لٹن داس نے افغانستان کیخلاف ٹاس جیت کر پہلے بیٹنگ کو ترجیح دی ۔پہلے بیٹنگ کرتے ہوئے بنگلادیش نے مقررہ 20 اوورز میں 5 وکٹوں کے نقصان پر 154 رنز بنائے، تنزید حسن 52 رنز کیساتھ نمایاں رہے جبکہ دیگر کھلاڑیوں میں سیف حسن نے 30، شمیم حسین نے 11، توحید ہردوئی نے 26 اور نور الحسن نے 12 رنز بنائے۔افغانستان کی جانب سے راشد خان اور نور احمد نے 2، 2 جبکہ عظمت اللہ عمرزئی نے ایک وکٹ حاصل کی۔بنگلادیش کی جانب سے دیئے گئے155 رنز کے ہدف کے تعاقب میں افغانستان کی ٹیم 146 رنز ہی بنا سکی، افغان اوپنر بیٹر رحمٰن اللہ گرباز 35 اور عظمت اللہ عمرزئی 30 رنز بنا کر نمایاں رہے، کپتان راشد خان 20، گلبدین نائب 16، محمد نبی 15، نور احمد 14، کریم جنت 6، ابراہیم زادران 5 جبکہ صدیق اللہ اٹل اور غضنفر صفر،صفر کے انفرادی اسکور پر آؤٹ ہوئے۔فضل حق فاروقی 2 رنز بنا کر ناٹ آؤٹ پویلین لوٹے۔بنگلادیش کی جانب سے مستفیض الرحمان نے 3 کھلاڑیوں کو آؤٹ کیا۔ نسم احمد، رشاد حسین اور تسکین احمد نے 2، 2 وکٹیں حاصل کیں۔یاد رہےبنگلادیشی ٹیم نے ایونٹ میں 2 میچز میں فتح حاصل کرلی ہے، جس کے بعد اُس کے پوائنٹس کی تعداد 4 ہوگئی ہے جبکہ رن ریٹ سری لنکا اور افغانستان سے کم ہے، اُسے اگلے مرحلے تک رسائی کیلئےافغانستان اور سری لنکا کےاَگلے میچ کے فیصلے تک انتظار کرنا ہوگا۔

ٹی 20ایشیا کپ،بنگلادیش نے افغانستان کو دلچسپ مقابلے کے بعد 8 رنز سےہرادیا

بنگلا دیش کے دیئے گئے155 رنز کے ہدف کے تعاقب میں افغانستان کی ٹیم 146 رنز بناسکی

لکسمبرگ نے اقوام متحدہ کے اجلاس میں فلسطین کو بطور ریاست تسلیم کرنے کا اعلان کر دیا۔ایک اور یورپی ملک لکسمبرگ نے اعلان کیا ہے کہ اقوام متحدہ کے ہونے والے اجلاس میں وہ بھی دیگر ممالک کی طرح فلسطین کو بطور ریاست تسلیم کرلے گا۔لکسمبرگ کے وزیراعظم لُک فریڈن نے اپنے بیان میں کہا کہ غزہ میں حالیہ مہینوں کے دوران انسانی بحران شدت اختیار کر گیا ہے، جہاں قحط، نسل کشی اور انسانی حقوق کی سنگین خلاف ورزیاں دنیا کے سامنے ہیں۔انہوں نے کہا کہ یورپی ممالک کے پاس اب صرف دو ریاستی حل ہی ایک مستقل اور پائیدار امن کا واحد راستہ بچا ہے، اسی لیے لکسمبرگ بھی 23 ستمبر کو ہونے والے جنرل اسمبلی اجلاس میں فلسطین کو تسلیم کرنے والے ممالک میں شامل ہوگا۔وزیراعظم لُک فریڈن نے اس بات پر زور دیا کہ دنیا بھر میں دو ریاستی حل کے لیے کوششیں تیز ہو رہی ہیں اور لکسمبرگ بھی اس عمل میں اپنا کردار ادا کرے گا،انہوں نے واضح کیا کہ لکسمبرگ کی حکومت عالمی برادری کے ساتھ کھڑی ہے اوروقت آگیا ہے کہ الفاظ سے آگے بڑھ کر عملی فیصلے کیے جائیں تاکہ خطے میں پائیدار امن کی راہ ہموار ہو سکے۔واضح رہے کہ اس سے پہلے فرانس، برطانیہ، کینیڈا، آسٹریلیا، بیلجیم اور مالٹا فلسطین کو ریاست کے طور پر تسلیم کرنے کا اعلان کر چکے ہیں، جبکہ پرتگال بھی اس حوالے سے غور کر رہا ہے۔یہ اعلان ظاہر کرتا ہے کہ فلسطین کے حق میں عالمی رائے عامہ تیزی سے ہم آہنگ ہو رہی ہے اور مستقبل قریب میں مزید ممالک کےفلسطین کے حق فیصلے سامنے آ سکتے ہیں۔

لکسمبرگ نے بھی فلسطین کو بطور ریاست تسلیم کرنے کا اعلان کردیا

فرانس، برطانیہ، کینیڈا، آسٹریلیا، بیلجیئم اور مالٹا بھی اقوام متحدہ کے اجلاس میں فلسطین کو تسلیم کرلیں گے

وزیراعلیٰ خیبرپختونخوا علی امین گنڈا پور نے کہا ہے کہ پی ٹی آئی کے اندر بعض عناصر پارٹی کو کمزور کرنے کی کوشش کر رہے ہیں۔داہگل ناکہ پر میڈیا سے گفتگو میں ان کا کہنا تھا کہ جتنی جدوجہد انہوں نے عمران خان کو رہا کرانے کے لیے کی ہے، اتنی کسی نے نہیں کی۔ “زندگی کا کوئی دن ایسا نہیں گزرا جب عمران خان کی رہائی کے لیے کوشش نہ کی ہو، وزیراعلیٰ کا کہنا تھا کہ ہم عمران خان کی ہدایات پر عمل پیرا ہیں، جو بھی اس کے علاوہ بات کرتا ہے وہ ہمارا نمائندہ نہیں ہے۔ ایک سوال کے جواب میں انہوں نے وضاحت کی کہ عمران خان کا ٹوئٹر اکاؤنٹ انہی افراد کے پاس ہے جنہیں خود بانی نے اجازت دی ہے۔ہم عمران خان کو جواب دہ ہیں، مگر کوئی ذاتی بیانیہ بنانے والا پارٹی کی نمائندگی نہیں کرتا،علی امین گنڈا پور نے مزید کہا کہ عمران خان سے ملاقات نہ ہونے کی وجہ سے مسائل اور غلط فہمیاں بڑھ رہی ہیں، بعض بیانات بعد میں وضاحت طلب بن جاتے ہیں۔ ان کے مطابق عمران خان نے کئی بار واضح کیا ہے کہ وہ مذاکرات کے لیے تیار ہیں لیکن بات چیت صرف اسی سے ہوگی جس کے پاس اختیار ہے۔انہوں نے کہا کہ بطور وزیراعلیٰ انہوں نے افغان حکومت کے ساتھ مذاکرات کی تجویز دی تو اسے ان کا کام نہ ہونے کا بہانہ بنا کر مسترد کر دیا گیا، حالانکہ بے بنیاد الزامات اور سیاسی پروپیگنڈا پارٹی کو نقصان پہنچا رہا ہے۔ان کا کہنا تھا کہ بجٹ سے پہلے پارٹی کو عمران خان کی براہِ راست رہنمائی کی ضرورت تھی مگر ملاقات کی درخواستوں کے باوجود رکاوٹیں ڈالیں گئیں۔ انہوں نے الزام عائد کیا کہ پارٹی کے اندر چند لوگ ایجنڈا چلا رہے ہیں اور سینیٹ انتخابات جیسے معاملات میں بھی تنازعات پیدا کیے جا رہے ہیں۔وزیراعلیٰ نے کہا کہ پارٹی نے ملک کی تاریخ کے بڑے جلسے اور مارچ کیے ہیں اور اب 27 تاریخ کو خیبرپختونخوا میں بڑا جلسہ ہوگا۔ ان کے بقول عوام کو متحد کرنا اور آئین و ملک کا تحفظ سب سے بڑی ترجیح ہے۔علی امین گنڈا پور کے یہ بیانات واضح کرتے ہیں کہ تحریک انصاف اس وقت اندرونی اختلافات اور بیانیوں کے ٹکراؤ کا شکار ہے۔ بانی سے ملاقاتوں میں رکاوٹیں اور قیادت کے ساتھ براہِ راست رابطے کا فقدان پارٹی کے اندر مزید تقسیم پیدا کر رہا ہے، جس کا اثر آنے والے سیاسی جلسوں اور فیصلوں پر بھی پڑ سکتا ہے۔

ہم عمران خان کے نظریے پر قائم ہیں، ذاتی بیانیہ بنانے والے ہمارے ترجمان نہیں، گنڈا پور

عمران خان کا ٹوئٹر اکاؤنٹ انہی افراد کے پاس ہے جنہیں خود بانی پی ٹی آئی نے اجازت دی ہے،وزیراعلیٰ خیبرپختونخوا

امریکی صدرٹرمپ نے معروف امریکی اخبار نیو یارک ٹائمز پر ہتک عزت اور توہین کا مقدمہ دائر کرنے کا اعلان کردیا۔ سوشل میڈیا پلیٹ فارم ٹرتھ سوشل پر جاری بیان میں ٹرمپ نے کہا کہ آج مجھے نیویارک ٹائمز کے خلاف 15 ارب ڈالر کا ہتکِ عزت اور توہین کا مقدمہ دائر کرنے کا اعزاز حاصل ہوا ہے، جو فلوریڈا کی عدالت میں پیش کیا جائے گا۔ ٹرمپ نے الزام لگایا کہ نیویارک ٹائمز نے برسوں سے ان کے، ان کے خاندان اور کاروبار کے بارے میں جھوٹ پھیلایا اور اب وقت آگیا ہے کہ اس کا حساب لیا جائے۔انہوں نے کہا کہ اخبار نے ڈیموکریٹ امیدوار کمالا ہیرس کی کھلے عام حمایت کرکے غیر قانونی انتخابی مہم میں معاونت کی، جسے انہوں نے “امریکی تاریخ کا سب سے بڑا غیر قانونی انتخابی عطیہ” قرار دیا۔ٹرمپ کا کہنا تھا کہ دہائیوں سے یہ اخبار ان کے خاندان، امریکا فرسٹ تحریک اور’میک امریکا گریٹ اگین‘ مہم کو بدنام کرنے میں مصروف ہے۔ مقدمے میں اخبار کے مضامین اور ایک کتاب کا حوالہ بھی دیا گیا ہے جس میں ٹرمپ پر سنگین الزامات عائد کیے گئے تھے۔یہ مقدمہ اس حقیقت کو اجاگر کرتا ہے کہ ٹرمپ میڈیا پر تنقید قبول کرنے کے بجائے قانونی حربے اختیار کر کے اپنی بیانیے کو کنٹرول کرنے کی کوشش کر رہے ہیں ایک ایسا رجحان جو آزادی صحافت اور اظہار رائے کے اصولوں کے لیے سوالیہ نشان ہے۔

ٹرمپ نے نیویارک ٹائمز کیخلاف 15 ارب ڈالر کا ہتک عزت کا دعویٰ دائر کر دیا

امریکی صدر ٹرمپ نے اخبار اور چند صحافیوں پر جھوٹے بیانات کا الزام عائد کیا، مقدمہ فلوریڈا کی عدالت میں فائل

دبئی میں پاکستانی کرکٹ ٹیم کی آج ہونے والی پریس کانفرنس منسوخ کر دی گئی۔پاکستان اور بھارت کے درمیان ایشیا کپ میں جانبداری کا مظاہرہ کرنے والے میچ ریفری اینڈی پائیکرافٹ کو ایونٹ سے نہ نکالنے پر پاکستان کرکٹ بورڈ کی جانب سے سخت ردِ عمل سامنے آرہا ہے۔میڈیارپورٹس کے مطابق قومی ٹیم کی متحدہ عرب امارات (یو اے ای) کے خلاف دبئی میں شیڈول میچ سے قبل آج پریس کانفرنس شیڈول تھی، جسے حالیہ تنازع کے پیش نظر ملتوی کر دیا گیا ہے۔ٹیم ذرائع کے مطابق پاکستانی کھلاڑی نے آج شام ساڑھے 7 بجے پریس کانفرنس کرنا تھی،ذرائع کا کہنا ہے کہ رات 9  بجے پاکستانی ٹیم کی پریکٹس پروگرام کے مطابق ہوگی تاہم صورتحال تبدیل ہوئی تو پریکٹس بھی منسوخ ہوسکتی ہے۔یاد رہے کہ ایشیاکپ میں پاکستان اور متحدہ عرب امارات کے درمیان میچ کل کھیلا جائے گا۔واضح رہے کہ آئی سی سی نے پاکستان کرکٹ بورڈ کا ایشیا کپ سے میچ ریفری اینڈی پائی کرافٹ کو ہٹانے کا مطالبہ مسترد کردیا ہے۔ذرائع کے مطابق آئی سی سی نے پاکستان کرکٹ بورڈ کے میچ ریفری سے متعلق مطالبے کو مسترد کردیا ہے۔جس کے بعد پی سی بی چیئرمین محسن نقوی آج  اہم مشاورت کرنے جا رہے ہیں ،اس کے علاوہ پاکستان کرکٹ بورڈ پاک بھارت میچ کے ریفری کو ہٹانے کے مطالبے پر آئی سی سی کے فیصلے پر جلد اپنا مؤقف دے گا۔ ذرائع کے مطابق ایشیاکپ کے حوالے سے پی سی بی جلد فیصلہ کرے گا اور اگلےچند گھنٹوں میں بورڈ ایشیاکپ کے بارے میں اپنامؤقف پیش کرے گا۔تجزیہ کاروں کے مطابق اگر پی سی بی اور آئی سی سی کے درمیان یہ کشیدگی بڑھی تو نہ صرف ایشیا کپ بلکہ مستقبل کے عالمی ایونٹس میں بھی پاکستان کے تعلقات متاثر ہوسکتے ہیں۔

میچ ریفری کا تنازع،دبئی میں پاکستانی کرکٹ ٹیم کی آج ہونیوالی پریس کانفرنس منسوخ

پاکستان کا تیسرا میچ(کل) 17 ستمبر کو یو اے ای کے خلاف دبئی انٹرنیشنل کرکٹ اسٹیڈیم میں شیڈول ہے

جسٹس طارق محمود جہانگیری کی مبینہ جعلی ڈگری کیس میں بڑی پیش رفت سامنے آگئی،اسلام آباد ہائیکورٹ نےجسٹس طارق محمود جہانگیری کو جعلی ڈگری رکھنے کے الزام میں عدالتی فرائض انجام دینے سے روک دیا۔ میڈیارپورٹس کے مطابق اسلام آباد ہائی کورٹ نے جعلی ڈگری کیس میں جسٹس طارق محمود جہانگیری کو سپریم جوڈیشل کونسل کے فیصلے تک بطور جج کام سے روکنے کا حکم دے دیا جبکہ سینئر قانون دان بیرسٹر ظفر اللہ خان اور اشتر علی اوصاف کو عدالتی معاون مقرر کردیا، اسلام آباد ہائیکورٹ کے نئے روسٹر میں جسٹس طارق محمود جہانگیری کے ڈویژن اور سنگل بینچز ختم کردیے گئے۔اسلام آباد ہائیکورٹ کے 2 رکنی بینچ نے آج کی سماعت کا حکم نامہ جاری کر دیا۔جسٹس طارق محمود جہانگیری مبینہ جعلی ڈگری کیس میں 2 عدالتی معاون بھی مقررکردئیےگئے،سینئر قانون دان بیرسٹر ظفر اللہ خان اور سابق اٹارنی جنرل اشتر اوصاف کو عدالتی معاونین مقرر کیا۔اس کےعلاوہ اٹارنی جنرل پاکستان کو بھی کیس کے قابل سماعت ہونے پرمعاونت کے لئےنوٹس جاری کردیا گیا،اسلام آباد ہائیکورٹ کے ججز کا نیا ڈیوٹی روسٹر بھی جاری کردیا گیا،نئے ڈیوٹی روسٹرمیں جسٹس طارق محمود جہانگیری کا نام شامل نہیں،جسٹس طارق محمود جہانگیری کے ڈویژن بینچ اورسنگل بینچ ختم کر دئیے گئے۔

اسلام آباد ہائیکورٹ نے جسٹس طارق محمود جہانگیری کو جوڈیشل ورک سے روک دیا

مبینہ جعلی ڈگری کیس میں پیشرفت، سپریم جوڈیشل کونسل کے فیصلے تک جج عدالتی امور انجام نہیں دے سکیں گے

اسرائیلی وزیراعظم بنیامین نیتن یاہو نے اعتراف کیا ہے کہ قطر اور کئی دیگر ممالک کی پالیسیوں کے باعث اسرائیل عالمی سطح پر بڑھتی ہوئی تنہائی کا شکار ہے۔ اسرائیلی اخبار کو دیے گئے انٹرویو میں انہوں نے کہا کہ قطر چین سمیت متعدد ملکوں کے ساتھ مل کر اسرائیل پر اقتصادی محاصرہ مسلط کرنے کی کوشش کر رہا ہے، جس کے ساتھ میڈیا ناکہ بندی بھی کی جا رہی ہے۔نیتن یاہو نے اسرائیل کی صورتحال کو قدیم یونانی ریاست اسپارٹا سے تشبیہ دیتے ہوئے کہا کہ اب ملک کو "سپر اسپارٹا" بن کر سخت حالات کا مقابلہ کرنے کے لیے تیار رہنا ہوگا۔ انہوں نے زور دیا کہ اسرائیل کو اپنی معیشت اور خصوصاً دفاعی صنعت کو زیادہ سے زیادہ خود مختار بنانا ہوگا تاکہ کسی بھی قسم کی پابندیوں یا ناکہ بندی کا سامنا کیا جا سکے۔انہوں نے دعویٰ کیا کہ جس طرح ایران پابندیوں کے باوجود اپنے نظام کو قائم رکھنے میں کامیاب ہوا، اسی طرح اسرائیل بھی قطر اور اس کے اتحادیوں کی کوششوں کو ناکام بنا دے گا۔ نیتن یاہو کے مطابق یورپ میں بعض مسلم اقلیتیں اسرائیل مخالف بیانیے کو فروغ دے رہی ہیں، تاہم امریکا اور دیگر کئی ممالک بدستور اسرائیل کے ساتھ کھڑے ہیں۔انہوں نے مزید کہا کہ اسرائیل کو روایتی میڈیا اور سوشل میڈیا دونوں پر اپنا اثر و رسوخ بڑھانے کے لیے بڑے پیمانے پر سرمایہ کاری کرنی ہوگی تاکہ دنیا بھر میں اپنے مؤقف کو مضبوط بنایا جا سکے۔نیتن یاہو کایہ بیان اس حقیقت کی عکاسی کرتا ہے کہ عالمی سطح پر اسرائیل کو بڑھتے دباؤ کا سامنا ہے، اور اگر یہ رجحان جاری رہا تو اسرائیل کو سفارتکاری کے بجائے پروپیگنڈا اور عسکری انحصار پر زیادہ تکیہ کرنا پڑے گا۔

قطر اور اتحادیوں نے اسرائیل کو عالمی سطح پر تنہا کر دیا،نیتن یاہو کا اعتراف

قطر اور دیگر ممالک اقتصادی دباؤ اور میڈیا ناکہ بندی کے ذریعے اسرائیل کو کمزور کرنا چاہتے ہیں، نیتن یاہو

انٹرنیشنل کرکٹ کونسل (آئی سی سی) نےپی سی بی کی جانب سے ایشیا کپ کے میچ ریفری اینڈی پائی کرافٹ کو ہٹانے کے مطالبے کو قبول نہ کرنے کا فیصلہ کیا ہے۔بھارتی میڈیا کے دعوے کے مطابق انٹرنیشنل کرکٹ کونسل (آئی سی سی) نے پاکستان کرکٹ بورڈ کی جانب سے میچ ریفری اینڈی پائی کرافٹ کو ایشیا کپ سے ہٹانے کا مطالبہ مسترد کر دیا ہے۔ رپورٹس کے مطابق آئی سی سی نے گزشتہ رات پاکستان کو اس حوالے سے آگاہ کیا۔رپورٹس میں دعویٰ کیا گیا ہے کہ پائی کرافٹ کو پورے ٹورنامنٹ سے ہٹانے کے بجائے صرف پاکستان کے میچز سے الگ کرنے پر غور کیا جا رہا ہے، اور ان میچوں کے لیے سابق ویسٹ انڈین کرکٹر رچی رچرڈسن کو بطور میچ ریفری مقرر کرنے کا امکان ہے۔ ذرائع کے مطابق ایشین کرکٹ کونسل (اے سی سی) اس معاملے میں درمیانی راستہ نکالنے کی کوشش کر رہی ہے اور تجویز دی گئی ہے کہ پاکستان کے میچز میں پائی کرافٹ کی جگہ کسی اور ریفری کو تعینات کیا جائے۔واضح رہے کہ پاکستان نے بھارت کے خلاف میچ کے بعد "ہینڈ شیک" تنازعے پر اعتراض اٹھاتے ہوئے آئی سی سی سے مطالبہ کیا تھا کہ پائی کرافٹ کو ایشیا کپ سے ہٹایا جائے۔ پی سی بی کا مؤقف تھا کہ ریفری نے بھارتی ٹیم کے دباؤ پر یہ مؤقف اختیار کیا، تاہم آئی سی سی کے مطابق یہ فیصلہ گراؤنڈ میں موجود ایشین کرکٹ کونسل کے ایک نمائندے کی ہدایت پر کیا گیا تھا۔پاکستان نے واضح کیا ہے کہ اگر میچ ریفری کو تبدیل نہ کیا گیا تو ٹیم ایشیا کپ کے مزید میچز کھیلنے سے انکار بھی کر سکتی ہے۔یہ معاملہ کھیل سے زیادہ سفارتی دباؤ اور سیاست کا عکس دکھاتا ہے، اور اگر اس کا فوری حل نہ نکالا گیا تو ایشیا کپ میں تنازعات کرکٹ کو پس منظر میں دھکیل سکتے ہیں۔

آئی سی سی نے پی سی بی کا مطالبہ مسترد کر دیا، اینڈی پائی کرافٹ ایشیا کپ سے نہیں ہٹیں گے

پاکستان کے اعتراض کے بعد پائی کرافٹ کو صرف قومی ٹیم کے میچز سے الگ کرنے پر غور، رچی رچرڈسن کے نام پر مشاورت جاری

امریکی صدر ڈونلڈ ٹرمپ نے کہا ہے کہ قطر امریکا کا قریبی اتحادی ہے اور اسرائیل دوبارہ قطر پر حملہ نہیں کرے گا۔ وائٹ ہاؤس میں صحافیوں سے گفتگو کرتے ہوئے ٹرمپ نے کہا کہ اسرائیلی وزیراعظم بنیامین نیتن یاہو قطر کے خلاف کارروائی نہیں کریں گے، تاہم امکان ہے کہ اسرائیل حماس رہنمائوں کا پیچھا کرے گا۔صدر ٹرمپ نے الزام عائد کیا کہ حماس کی جانب سے دھمکی دی گئی ہے کہ وہ یرغمالیوں کو قتل کر سکتی ہے۔ انہوں نے قطر کو ایک’بہترین اتحادی‘ قرار دیتے ہوئے کہا کہ اکثر لوگ یہ حقیقت نہیں جانتے۔ٹرمپ نے امریکی ویب سائٹ ایکسیوس کی اس رپورٹ کو مسترد کیا جس میں دعویٰ کیا گیا تھا کہ نیتن یاہو نے انہیں دوحہ پر ممکنہ حملے سے قبل ذاتی طور پر آگاہ کیا تھا۔ صدر نے وضاحت کی کہ انہیں اس حوالے سے براہِ راست کوئی اطلاع نہیں ملی۔ ایک صحافی کے سوال پر کہ انہیں حملے کا علم کیسے ہوا، ٹرمپ نے جواب دیا کہ’ویسے ہی جیسے آپ کو معلوم ہوا۔‘امریکی صدر نے مزید کہا کہ وہ مشرق وُسطیٰ میں امن قائم کرنے کی کوشش کر رہے ہیں اور اس سلسلے میں انہیں انعامات ملنے چاہئیں۔ انہوں نے بتایا کہ جمعہ کو ان کی چینی صدر سے بات چیت طے ہے۔ٹرمپ نے اس موقع پر وینزویلا میں امریکی فضائی کارروائی کا بھی ذکر کیا، جس میں ان کے مطابق تین دہشتگرد ہلاک ہوئے جبکہ امریکی فوج کو کوئی نقصان نہیں پہنچا۔ ان کا کہنا تھا کہ ڈرگ کارٹلز امریکا میں منشیات اسمگل کرنے کی کوشش کر رہے ہیں جو امریکی قومی سلامتی اور مفادات کے لیے خطرہ ہیں۔امریکی صدر نے کہا کہ میمفس سمیت مختلف شہروں میں بڑھتی ہوئی بدامنی کے باعث مرحلہ وار نیشنل گارڈز تعینات کیے جائیں گے۔ ان کا کہنا تھا کہ پیشہ ور مظاہرین احتجاج کے نام پر جلاؤ گھیراؤ میں ملوث ہیں اور انہوں نے شدت پسند گروپ ٹیفا سمیت شرپسند عناصر کے خلاف کارروائی کا اعلان کیا۔

قطر ہمارا اتحادی ہے، اسرائیل دوحہ پر دوبارہ حملہ نہیں کرے گا، امریکی صدر ٹرمپ

امریکی صدر ڈونلڈ ٹرمپ نے نیتن یاہو کے حملے کی پیشگی اطلاع دینے کی خبروں کی تردید کر دی

معروف امریکی ڈیزائنر ٹوری برچ نے نیویارک فیشن ویک میں اپنی اسپرنگ 2026 کلیکشن لانچ کر دی، جس میں جدید فیشن کو نسوانیت کے مختلف پہلوؤں کے ساتھ ہم آہنگ کیا گیا۔ٹوری برچ نے اپنی کلیکشن کے بارے میں بات کرتے ہوئے کہا کہ "اس بار میرا فوکس خواتین کی پیچیدگی اور ان کے اسٹائل کے مختلف رخوں پر تھا، کیونکہ ہر عورت کا انداز اپنی ایک الگ کہانی سناتا ہے۔"اس شو میں پیش کیے گئے ملبوسات میں ہلکے اور شوخ رنگوں کا امتزاج، منفرد تراش خراش، اور روایتی کے ساتھ ساتھ ماڈرن اسٹائل کی جھلک نمایاں رہی۔ فیشن انڈسٹری سے تعلق رکھنے والے افراد اور شائقین نے ٹوری برچ کی تخلیقی سوچ اور ڈیزائن کو خوب سراہا۔ماہرین کے مطابق برچ کا یہ کلیکشن نہ صرف ٹرینڈ سیٹر ثابت ہوگا بلکہ خواتین کے لیے اسپرنگ اور سمر سیزن کے فیشن میں نیا رخ بھی متعارف کرائے گا۔

معروف ڈیزائنرٹوری برچ نے نیویارک فیشن ویک میں اسپرنگ 2026 کلیکشن پیش کر دیا

شو میں پیش کیے گئے ملبوسات میں ہلکے اور شوخ رنگوں کا امتزاج اور روایتی کے ساتھ ساتھ ماڈرن اسٹائل کی جھلک نمایاں رہی

قطر کے دارالحکومت دوحہ میں حماس رہنماؤں پر اسرائیلی فضائی حملے کے بعد اقوامِ متحدہ کی انسانی حقوق کونسل کا ہنگامی اجلاس آج جنیوا میں منعقد ہو رہا ہے۔ یہ اجلاس پاکستان اور کویت کی درخواست پر طلب کیا گیا ہے، جس میں حماس رہنماؤں کے خلاف اسرائیلی کارروائیوں پر غور کیا جائے گا۔دوسری جانب اسرائیل نے اس اجلاس کو غیر سنجیدہ قرار دیتے ہوئے مؤقف اپنایا ہے کہ اس کے کسی بھی نتیجے سے عالمی انسانی حقوق کا نظام کمزور ہوگا، تجزیہ کاروں کے مطابق اسرائیل ماضی میں بھی عالمی اداروں کے فیصلوں کو مسترد کرتا آیا ہے تاکہ اپنی جنگی پالیسیوں کو جاری رکھ سکے۔یاد رہے کہ 9 ستمبر کو دوحہ میں حماس قیادت کے اجلاس کو اسرائیلی فضائی حملے کا نشانہ بنایا گیا تھا، جس میں چھ افراد جاں بحق ہوئے، تاہم حماس کے اعلیٰ رہنما محفوظ رہے۔ حماس ذرائع کے مطابق اس وقت اجلاس میں غزہ میں ممکنہ جنگ بندی اور امریکی صدر کی تجویز پر تبادلہ خیال کیا جا رہا تھا۔

پاکستان اور کویت کی درخواست پر اقوام متحدہ کی کونسل کا ہنگامی اجلاس آج جنیوا میں ہوگا

اجلاس میں حماس رہنماؤں کے خلاف اسرائیلی فضائی کارروائیوں پر تبادلہ خیال کیا جائے گا

بلوچستان کے ضلع کیچ میں دہشت گردوں کے بچھائے گئے آئی ای ڈی دھماکے میں پاک فوج کے کیپٹن سمیت پانچ جوان شہید ہوگئے، جب کہ فورسز کے مؤثر جوابی آپریشن میں ’’فتنہ الہند‘‘ گروہ کے پانچ دہشتگرد انجام کو پہنچا دیے گئے۔پاک فوج کے شعبہ تعلقات عامہ (آئی ایس پی آر) کے مطابق ضلع کیچ کے علاقے شیر بندی میں سیکیورٹی فورسز کی گاڑی کو بارودی سرنگ سے نشانہ بنایا گیا۔ اس افسوسناک حملے میں کیپٹن وقار احمد، نائیک عصمت اللہ، لانس نائیک جنید احمد، خان محمد اور سپاہی محمد ظہور مادرِ وطن پر قربان ہوگئے۔آئی ایس پی آر کے مطابق واقعے کے بعد علاقے میں فوری کلیئرنس آپریشن کیا گیا، جس میں بھارتی پراکسی نیٹ ورک ’’فتنہ الہند‘‘ سے تعلق رکھنے والے پانچ دہشت گرد مارے گئے۔آئی ایس پی آر کے مطابق علاقے میں سرچ اور سینیٹائزیشن آپریشن جاری ہے تاکہ کسی بھی چھپے دہشت گرد کو بھی گرفتار یا ہلاک کیا جا سکے۔ترجمان پاک فوج نے کہا کہ شہداء کی قربانیاں پوری قوم کے لیے مشعلِ راہ ہیں اور ان سے ہمارے عزم کو مزید تقویت ملتی ہے۔ انہوں نے واضح کیا کہ سیکیورٹی فورسز قوم کے شانہ بشانہ کھڑی ہیں اور ملک کو بھارتی سرپرستی میں ہونے والی دہشت گردی سے مکمل نجات دلانے تک جدوجہد جاری رہے گی۔

بلوچستان، سیکیورٹی فورسز کی گاڑی پر آئی ای ڈی دھماکہ، 5 جوان شہید،کلیئرنس آپریشن، 5 دہشت گرد ہلاک

شہداء میں کیپٹن وقار احمد ، نائیک اسمت اللہ، لانس نائیک جنید احمد، خان محمد اور سپاہی محمد ظہور شامل ہیں، آئی ایس پی آر

حکومت نے پٹرولیم مصنوعات کی نئی قیمتوں کا اعلان کردیا جو آئندہ پندرہ روز کے لیے مؤثر رہیں گی۔ وزارتِ خزانہ کے نوٹیفکیشن کے مطابق پٹرول کی موجودہ قیمت میں کوئی تبدیلی نہیں کی گئی جبکہ ڈیزل 2 روپے 78 پیسے فی لٹر مہنگا کردیا گیا ہے۔اعلامیہ میں کہا گیا ہے کہ پٹرول کی قیمت بدستور 264 روپے 61 پیسے فی لٹر برقرار رہے گی۔ دوسری جانب 2 روپے 78 پیسے فی لیٹر اضافے کے بعد ڈیزل کی نئی قیمت 272 روپے 77 پیسے فی لٹر مقرر کی گئی ہے۔ وزارتِ خزانہ کے مطابق نئی قیمتوں کا اطلاق رات 12 بجے سے ہوگیا۔

حکومت نے آئندہ 15 روز کیلئے پیٹرولیم مصنوعات کی قیمتوں کا اعلان کر دیا

پیٹرول کی قیمت برقرار جبکہ ڈیزل کی قیمت میں 2 روپے78 پیسے فی لیٹر اضافہ کیا گیاہے

قطر پر اسرائیلی حملے کے خلاف مسلم دنیا متحد ہوگئی، مسلم ممالک نے قطر کو جوابی اقدامات کے لیے مکمل تعاون کی یقین دہانی کروا دی۔ دوحہ میں عرب-اسلامی سربراہ ہنگامی اجلاس کا مشترکہ اعلامیہ جاری کیا گیا جس میں اسرائیلی جارحیت کی سخت مذمت اور قطر کے ساتھ مکمل یکجہتی کا اظہار کیا گیا۔ اجلاس میں سعودی ولی عہد شہزادہ محمد بن سلمان، ترک صدر رجب طیب اردوان، وزیراعظم پاکستان شہباز شریف، ایرانی صدر مسعود پزشکیاں سمیت متعدد ممالک کے سربراہان نے شرکت کی۔اعلامیے میں کہا گیا کہ قطر پر اسرائیل کا بزدلانہ اور غیر قانونی حملہ خطے میں امن و استحکام کی ہر کوشش کو سبوتاژ کرنے کے مترادف ہے۔ رہنماؤں نے عالمی برادری سے مطالبہ کیا کہ اسرائیل کو فوری طور پر اسلحے کی فراہمی بند کی جائے اور عرب و مسلم ممالک اسرائیل کے ساتھ اپنے سفارتی و معاشی تعلقات پر نظرثانی کریں۔شرکاء نے قطر کے مہذب اور دانشمندانہ مؤقف کو سراہتے ہوئے کہا کہ غیر جانبدار ثالث پر حملہ بین الاقوامی امن عمل پر کاری ضرب ہے۔ اجلاس میں اسرائیل کی جانب سے قطر کو دوبارہ نشانہ بنانے کی دھمکیوں کو بھی مسترد کیا گیا۔مشترکہ اعلامیے میں فلسطینی عوام کی حمایت کا اعادہ کرتے ہوئے کہا گیا کہ 1967ء کی سرحدوں کے مطابق فلسطین پر اسرائیلی قبضہ ختم ہونا چاہیے اور خطے کو ایٹمی ہتھیاروں سے پاک کرنے کے لیے عملی اقدامات کیے جائیں۔رہنماؤں نے غزہ میں جنگ بندی کے لیے قطر، مصر اور امریکا کی ثالثی کوششوں کی حمایت کا عزم بھی ظاہر کیا اور کہا کہ اگر ثالثی کی کاوشوں کو سبوتاژ کیا گیا تو پورا خطہ انتشار کا شکار ہو جائے گا۔اعلامیے میں اس بات پر زور دیا گیا کہ مسلم دنیا قطر کے ساتھ مکمل یکجہتی میں کھڑی ہے اور اس کے کسی بھی جوابی اقدام کی بھرپور حمایت کرے گی۔

قطر پر اسرائیلی حملہ، مسلم دنیا متحدہوگئی، دوحہ اجلاس کا مشترکہ اعلامیہ جاری

اسلامی ممالک کی اسرائیلی جارحیت کی سخت مذمت، قطر کے ساتھ مکمل یکجہتی اور جوابی اقدامات کی حمایت کا اعلان

وزیراعظم پاکستان محمد شہباز شریف نے دوحہ میں منعقدہ ہنگامی عرب اسلامی سربراہ اجلاس کے موقع پر سعودی ولی عہد اور وزیراعظم شہزادہ محمد بن سلمان بن عبدالعزیز سے ملاقات کی۔ اس موقع پر نائب وزیراعظم و وزیر خارجہ سینیٹر اسحاق ڈار اور چیف آف آرمی اسٹاف فیلڈ مارشل سید عاصم منیر بھی موجود تھے۔ملاقات میں دونوں رہنماؤں نے اسرائیل کی جانب سے قطر پر کی جانے والی حالیہ جارحیت کے بعد پیدا ہونے والی صورتحال پر تفصیلی تبادلہ خیال کیا۔ وزیراعظم آفس کے مطابق وزیراعظم نے اسرائیلی حملے کو مشرق وسطیٰ کے امن کو سبوتاژ کرنے کی سوچی سمجھی سازش قرار دیتے ہوئے اس کی سخت مذمت کی۔ انہوں نے کہا کہ دوحہ میں ایمرجنسی سمٹ کا انعقاد اس بات کا ثبوت ہے کہ پوری مسلم اُمہ اسرائیلی جارحیت اور بربریت کے خلاف یک زبان ہے۔شہباز شریف نے امت مسلمہ کو اکٹھا کرنے پر سعودی ولی عہد کی قائدانہ بصیرت کو سراہتے ہوئے انہیں یقین دلایا کہ پاکستان اقوام متحدہ سمیت ہر عالمی اور علاقائی فورم پر سعودی عرب کے ساتھ مکمل سفارتی تعاون جاری رکھے گا۔ انہوں نے مشکل کی ہر گھڑی میں سعودی عرب کے تعاون پر شکریہ بھی ادا کیا اور کہا کہ پاکستان اور سعودی عرب کے گہرے اور دیرینہ تعلقات مزید مضبوط ہوں گے۔سعودی ولی عہد شہزادہ محمد بن سلمان نے وزیراعظم پاکستان کی قیادت اور فعال سفارتی کوششوں کو سراہتے ہوئے کہا کہ وہ ہفتے کے اختتام پر وزیراعظم شہباز شریف کے سرکاری دورۂ ریاض کے منتظر ہیں۔ انہوں نے کہا کہ یہ دورہ دونوں ممالک کے درمیان دوطرفہ، علاقائی اور عالمی امور پر جامع مشاورت کا موقع فراہم کرے گا۔اس موقع پر وزیراعظم نے خادم الحرمین الشریفین شاہ سلمان بن عبدالعزیز کے لیے نیک تمناؤں اور احترام کا بھی اظہار کیا۔

وزیراعظم شہباز شریف اور سعودی ولی عہد کی ملاقات، اسرائیلی جارحیت کی مذمت

ملاقات میں وزیر خارجہ اسحاق ڈار اور آرمی چیف فیلڈ مارشل عاصم منیر بھی شریک تھے

پاکستان نے ایشیا کپ کے مزید میچز نہ کھیلنے کی دھمکی دیدی۔پاکستان کرکٹ بورڈ (پی سی بی) نے بھارت کے خلاف میچ کے دوران پیش آنے والے رویے پر سخت ردعمل دیتے ہوئے واضح کر دیا ہے کہ اگر میچ ریفری تبدیل نہ کیا گیا تو پاکستان ایشیا کپ کے آئندہ میچز میں شرکت نہیں کرے گا۔ذرائع کے مطابق پی سی بی نے آئی سی سی کو باضابطہ خط لکھ کر ریفری اینڈی پائی کرافٹ کو فوری ہٹانے کا مطالبہ کیا ہے اور ایشیا کپ کے ٹورنامنٹ ڈائریکٹر کو بھی صورتحال سے آگاہ کر دیا گیا ہے۔ چیئرمین پی سی بی محسن نقوی نے سماجی رابطے کی ویب سائٹ ایکس پر بتایا کہ آئی سی سی میں باضابطہ شکایت جمع کرا دی گئی ہے کیونکہ میچ ریفری نے کرکٹ کی اسپرٹ کے منافی اقدامات کیے اور کوڈ آف کنڈکٹ کی خلاف ورزی کی۔محسن نقوی نے کہا کہ پی سی بی نے ایشیا کپ سے متعلق اپنے خدشات واضح کر دیے ہیں اور اب فیصلہ آئی سی سی کے ہاتھ میں ہے۔ سابق کرکٹرز بھی پاکستان کے موقف کی حمایت کر رہے ہیں۔ توفیق عمر نے کہا کہ بھارتی ٹیم نے کھیل کے میدان میں غیر اسپورٹس مین شپ رویہ اپنایا جس سے کرکٹ کو نقصان ہوا ہے، جبکہ محمد عرفان کا کہنا تھا کہ بھارت کھیل میں سیاست کو نہ گھسیٹے اور آئی سی سی کو فوری ایکشن لینا چاہیے۔یاد رہے کہ پاکستان اور بھارت کے میچ سے قبل میچ ریفری اینڈی پائی کرافٹ نے دونوں کپتانوں کو ٹاس کے بعد مصافحہ کرنے سے روک دیا تھا، جس پر ٹیم منیجر نوید اکرم چیمہ نے سخت احتجاج کیا۔ پی سی بی نے اس معاملے پر ایم سی سی اور آئی سی سی کو خط لکھ کر نہ صرف میچ ریفری بلکہ ایونٹ ڈائریکٹر اینڈریو پارسل کو بھی ہٹانے کا مطالبہ کیا ہے۔

میچ ریفری تبدیل نہ کیاتو پاکستان ایشیا کپ کے مزید میچزنہیں کھیلے گا،پی سی بی کابڑافیصلہ

پی سی بی نے اسپرٹ آف دی کرکٹ کی پاسداری نہ کرنے پر میچ ریفری اور ایونٹ ڈائریکٹر کو ہٹانے کا مطالبہ کردیا

اسٹیٹ بینک آف پاکستان نے نئی مانیٹری پالیسی کا اعلان کردیا،اسٹیٹ بینک آف پاکستان نے نئی مانیٹری پالیسی جاری کر دی ہے جس کے مطابق شرح سود کو بدستور 11 فیصد پر برقرار رکھنے کا فیصلہ کیا گیا ہے۔ گورنر اسٹیٹ بینک جمیل احمد کی زیر صدارت مانیٹری پالیسی کمیٹی کا دوسرا اجلاس ہوا، جس میں ملکی اور عالمی معاشی حالات کا تفصیلی جائزہ لیا گیا۔مرکزی بینک کے مطابق آئندہ دو ماہ کے لیے بھی پالیسی ریٹ 11 فیصد رہے گا۔ واضح رہے کہ جون اور جولائی میں بھی کمیٹی نے یہی شرح برقرار رکھی تھی۔ اسٹیٹ بینک نے کہا کہ توانائی کی قیمتوں، خاص طور پر گیس ٹیرف میں اضافے کے باعث مہنگائی کے منظرنامے پر دباؤ ہے، اسی لیے شرح سود میں تبدیلی نہ کرنے کا فیصلہ کیا گیا۔مانیٹری پالیسی کمیٹی کا گزشتہ اجلاس 30 جولائی کو منعقد ہوا تھا جس میں بھی یہی فیصلہ کیا گیا تھا کہ معیشت کے موجودہ حالات میں پالیسی ریٹ کو 11 فیصد پر ہی برقرار رکھا جائے۔

اسٹیٹ بینک نےنئی مانیٹری پالیسی کا اعلان کردیا، شرح سود 11 فیصد پر برقرار رکھنے کا فیصلہ

اسٹیٹ بینک کی مانیٹری پالیسی کمیٹی کا اجلاس آج گورنر اسٹیٹ بینک کی زیر صدارت منعقد ہوا جس میں یہ فیصلہ کیا گیا

اسلام آباد کی اڈیالہ جیل کے باہر میڈیا سے گفتگو کرتے ہوئے پاکستان تحریک انصاف کے بانی کی بہن علیمہ خان نے بڑا انکشاف کر دیا۔ ان کا کہنا تھا کہ عمران خان کو ایک اور مقدمے میں سزا سنانے کی تیاری ہو رہی ہے اور عمران خان کو خود بھی اس بات کا علم ہے۔اُن کا کہنا تھا کہ عمران خان کو خود بھی بخوبی اندازہ ہے کہ فیصلہ ان کے خلاف ہی آئے گا اور انہیں ایک اور سزا سنائی جائے گی۔ موجودہ حالات میں انصاف کی فراہمی کی کوئی امید باقی نہیں رہی۔علیمہ خان نےمزید کہا کہ وہ مین اسٹریم میڈیا سے بات نہیں کریں گی کیونکہ کیمروں کے سامنے چند پلانٹڈ افراد کو صرف بدتمیزی کے لیے لایا جاتا ہے تاکہ ماحول خراب کیا جائے۔ اُنہوں نے خبردار کیا کہ ایسے اقدامات کارکنوں کو اشتعال دلانے اور گرفتاریوں کا سبب بن سکتے ہیں، جبکہ حقیقت یہ ہے کہ دو سال سے میڈیا کور کر رہا ہے لیکن کسی کارکن نے بدتمیزی نہیں کی۔انہوں نے مزید کہا کہ اب جان بوجھ کر پلانٹڈ لوگوں کو بھیج کر صورتحال خراب کرنے کی کوشش کی جا رہی ہے۔ علیمہ خان نے بتایا کہ ان کے خلاف اور کارکنوں کے خلاف ایک اور مقدمہ بھی درج کیا گیا ہے۔ ان کا کہنا تھا کہ توشہ خانہ ٹو کیس کی سماعت غیر معمولی جلدی میں کی جا رہی ہے اور اس کا مقصد صرف عمران خان کو سزا دلوانا ہے۔

یہ لوگ عمران خان کو ایک اور مقدمے میں سزا سنانے جا رہے ہیں، علیمہ خان

مین اسٹریم میڈیا سے بات نہیں کروں گی، کیمروں کے سامنےپلانٹڈ لوگوں کو بدتمیزی کیلئے بھیجا جا رہا ہے،اڈیالہ جیل کے باہر میڈیا سے گفتگو

جب خوبصورتی، اسٹائل اور شاندار شخصیت ایک ساتھ اسٹیج پر آئیں تو جادو سا چھا جاتا ہے۔ بالی ووڈ کی فٹنس کوئین شلپا شیٹھی نے سپر ڈانسر کے اسٹیج پر ایسا ہی نظارہ پیش کیا، جہاں ان کا رنگ برنگا اسٹائلش لہنگا اور پرکشش انداز سب کے دل جیت گیا۔ شلپا شیٹھی نے رئیلٹی ڈانس شو سپر ڈانسر کے اسٹیج پر اپنے شاندار انداز سے سب کو حیران کر دیا۔ رنگ برنگے اسٹائلش لہنگے میں ان کی انٹری نے پورے شو کا ماحول بدل دیا۔ روایتی اور ماڈرن فیشن کے امتزاج کے ساتھ تیار کیے گئے اس خوبصورت لہنگے میں نفیس کڑھائی اور جدید کٹ نے شلپا کو مزید پرکشش بنا دیا۔چمکتی مسکراہٹ اور پُراعتماد انداز کے ساتھ شلپا جب اسٹیج پر جلوہ گر ہوئیں تو ناظرین ہی نہیں بلکہ ننھے کنٹسٹنٹس بھی دنگ رہ گئے۔ انہوں نے نہ صرف بچوں کو دل سے حوصلہ افزائی دی بلکہ ان کی پرفارمنسز کو مزید جاندار بنانے کے لیے انرجی بھی دی۔سوشل میڈیا پر شلپا شیٹھی کے اس لک کو مداحوں نے ہاتھوں ہاتھ لیا۔ ٹرینڈز میں ان کا نام چھا گیا اور ہر طرف ان کی اسٹائلش اپیئرنس کی تعریفیں ہوئیں۔ ایک بار پھر یہ ثابت ہو گیا کہ شلپا صرف ایک کامیاب اداکارہ ہی نہیں بلکہ ٹائم لیس فیشن آئیکون بھی ہیں جن کا جادو ہر نسل کو متاثر کرتا ہے۔

شلپا شیٹھی کا سوپر ڈانسر پر دھماکہ خیز انداز، مداحوں کے دل جیت لیے

رنگ برنگے اسٹائلش لہنگے میں شلپا کا جادو، اسٹیج اور سوشل میڈیا دونوں پر چھا گئیں

ایران نے مسلمان ممالک سے اسرائیل کے خلاف مشترکہ آپریشن روم بنانے کا مطالبہ کر دیا۔ایرانی سپریم نیشنل سکیورٹی کونسل کے سیکرٹری علی لاریجانی نے مسلم ممالک سے اپیل کی ہے کہ وہ اسرائیل کے خلاف ایک مشترکہ آپریشن روم قائم کریں تاکہ موثر اور مربوط عملی اقدامات کے ذریعے صیہونی حکومت کے رویے کا مؤثر جواب دیا جا سکے۔لاریجانی نے اپنے بیان میں کہا کہ صرف تقریریں، بیانیے اور اجلاس مسئلے کا حل نہیں ہیں اور بغیر عملی قدم اٹھائے فلسطینی عوام کے حق میں آواز اٹھانا بے اثر ثابت ہوگا۔ اُن کے بقول خطے میں امن و استحکام کے تحفظ کے لیے مسلم ممالک کو کم از کم اپنے دفاع اور مشترکہ حکمتِ عملی کے حوالہ سے ٹھوس فیصلے کرنا ہوں گے۔انہوں نے خبردار کیا کہ اگر مسلم دنیا محض بیانات تک محدود رہی تو نہ صرف فلسطینیوں کی حالت بدتر ہو سکتی ہے بلکہ پورے خطے کا امن بھی خطرے میں پڑ جائے گا۔ اس لیے لاریجانی نے زور دے کر کہا کہ مربوط فوجی، سکیورٹی یا سفارتی رابطہ کاری کے لیے ایک مرکزی آپریشن روم کا قیام ایک مثبت اور ضروری قدم ہوگا۔اس مطالبے کے مطابق مشترکہ آپریشن روم نہ صرف فلسطینی عوام کی فوری امداد اور تحفظ کے لیے ایک طریقۂ کار مہیا کرے گا بلکہ علاقائی خودمختاری اور سکیورٹی کو مضبوط کرنے میں بھی معاون ثابت ہو سکتا ہے، بشرطیکہ اس میں شریک ممالک کے درمیان سیاسی ارادہ اور عسکری ہم آہنگی موجود ہو۔لاریجانی کا یہ مطالبہ جذباتی اور سیاسی طور پر طاقتور ہے، مگر اس کا عملی نفاذ پیچیدہ ہے — مختلف ممالک کے سفارتی مفادات، عسکری صلاحیتیں اور بین الاقوامی نتائج کو سامنے رکھ کر ہی ایسی کسی مشترکہ پہل کی منصوبہ بندی ممکن ہے۔ اگر واقعی مشترکہ آپریشن روم قائم کیا جاتا ہے تو یہ خطے کے توازن کو بدل سکتا ہے، مگر اس کے لیے شفافیت، قانونی فریم ورک اور خطرات کا محتاط اندازہ لازمی ہوگا۔

— مسلم ممالک مل کر اسرائیل کیخلاف ایک مشترکہ آپریشن روم قائم کریں،ایران کا مطالبہ

مشترکہ اقدام ہی فلسطینی عوام کے لیے حقیقی مدد اور خطے کی سلامتی کی ضمانت بن سکتا ہے، علی لاریجانی

صاحبزادہ فرحان بھارتی فاسٹ بولر جسپریت بمرا کو انٹرنیشنل کرکٹ میں چھکا لگانے والے پہلے پاکستانی بیٹر بن گئے،پاکستانی اوپنر صاحبزادہ فرحان نے دبئی انٹرنیشنل کرکٹ اسٹیڈیم میں کھیلے گئے ایشیا کپ کے پاک بھارت میچ میں ایک منفرد اعزاز اپنے نام کرلیا،کرکٹ کے میدان میں کچھ لمحے ایسے ہوتے ہیں جو تاریخ کا حصہ بن جاتے ہیں، دبئی انٹرنیشنل اسٹیڈیم میں کھیلا گیا پاک بھارت ٹاکرا بھی ایسا ہی ایک میچ ثابت ہوا۔پاکستانی اوپنر صاحبزادہ فرحان نے ایشیا کپ کے ہائی وولٹیج میچ میں وہ کر دکھایا جو آج تک کوئی پاکستانی بیٹر نہ کر سکا تھا۔ دنیا کے ٹاپ فاسٹ بولر جسپریت بمرا، جنہیں اپنی لائن و لینتھ اور نپی تلی بولنگ پر ناز ہے، پہلی بار ایک پاکستانی بیٹر کے چھکے کا نشانہ بنے۔ یہ یادگار لمحہ چھٹے اوور کی تیسری گیند پر آیا، جب فرحان نے بے خوفی سے شاٹ کھیلتے ہوئے گیند کو لانگ آن کے اوپر سے باؤنڈری پار کروا دیا۔ پورا اسٹیڈیم جھوم اٹھا، تماشائی حیران رہ گئے اور بھارتی کپتان سوریا کمار یادو کے تاثرات بھی دیکھنے لائق تھے۔کرکٹ شائقین نے اس تاریخی چھکے کو ہاتھوں ہاتھ لیا کیونکہ صاحبزاد فرحان ون ڈے اور ٹی ٹوئنٹی انٹر نیشنل میں جسپریت بمرا کو چھکا مارنے والے پہلے پاکستانی بیٹر ہیں، اس دوران  جسپریت بمرا نے 400 گیندیں کرائیں لیکن یہ اعزاز صاحبزادہ فرحان کو ملا۔پاک بھارت مقابلے ہمیشہ یادگار بنتے ہیں، لیکن اس بار صاحبزادہ فرحان کا ایک چھکا تاریخ کی کتابوں میں ہمیشہ سنہری لفظوں سے لکھا جائے گا۔

صاحبزادہ فرحان بھارتی فاسٹ بولر جسپریت بمرا کو چھکا مارنے والے پہلے پاکستانی بیٹر بن گئے

صاحبزادہ فرحان نے ایشیا کپ کے ہائی وولٹیج میچ میں وہ کر دکھایا جو آج تک کوئی پاکستانی بیٹر نہ کر سکا

Kane Williamson will miss the T20I series against Australia after signing an NZC casual contract, but remains committed to New Zealand’s T20 World Cup plans.

Kane Williamson Skips Australia T20Is on NZC Casual Deal

Kane Williamson will sit out New Zealand&rsquo;s upcoming T20I series against Australia but remains fully committed to the Black Caps&rsquo; T20 World Cup plans next year. The senior batter, along with Devon Conway, Finn Allen, Lockie Ferguson and Tim Seifert, has signed an NZC casual agreement for the 2025-26 season.

The five players were not among the 20 cricketers handed central contracts earlier this year. Instead, the casual contracts give them the freedom to stay within NZC&rsquo;s high-performance setup while also pursuing franchise opportunities overseas.

Seifert, Allen, and Ferguson are expected to feature in the Big Bash League during New Zealand&rsquo;s Super Smash window, while Conway and Williamson will balance commitments abroad. Women&rsquo;s captain Sophie Devine has opted for a similar deal, confirming her ODI retirement after the World Cup in India but staying available for T20Is.

<a href="https://www.tapmad.com/blog/heres-why-kane-williamson-is-not-part-of-new-zealands-squad-for-zimbabwe-tests/810-2-0">Williamson</a> has missed New Zealand&rsquo;s recent assignments, including the Test series against Zimbabwe and the preceding T20I tri-series. Instead, he has kept himself sharp with stints in England&rsquo;s domestic circuit, representing Middlesex in the Blast, London Spirit in The Hundred, and also appearing in the County Championship.

While Finn Allen had already been ruled out of the Australia matches in Mount Maunganui from October 1-4 due to foot surgery, NZC confirmed Williamson requested an exemption. Chief executive Scott Weenink defended the decision, calling the agreements a practical step in a World Cup year.

&ldquo;With such a pinnacle event on the horizon, we wanted to ensure our best T20 players were ready and available,&rdquo; Weenink said. &ldquo;The message from the players is that playing for the Black Caps is hugely important, and NZC will fully support them.&rdquo;

New Zealand&rsquo;s squad will be finalized later this week before the New Zealand vs Australia T20I series.

Williamson to Miss Australia T20I Series Under NZC Casual Deal

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan