Cricket

Entertainment

Football

اقتصادی سروے کی رپورٹ میں انکشاف کیا گیا ہے کہ رواں مالی سال کے دوران لاکھوں پاکستانی روزگار کیلئے بیرون ملک چلے گئے ہیں۔اقتصادی سروے رپورٹ کے مطابق  رواں مالی سال کے دوران پاکستان سے لاکھوں افراد روزگار کے لیے بیرون ملک چلے گئے۔ رپورٹ کے مطابق رواں مالی سال کے دوران 7 لاکھ 27 ہزار سے زائد افراد روزگار کے لیے بیرون ملک گئے۔رپورٹ کے مطابق سب سے زیادہ سعودی عرب میں 62 فیصد افراد روزگار کے لیے گئے،جن کی تعداد 4 لاکھ 52 ہزارہے، اومان میں 11 فیصد، متحدہ عرب امارات میں 09 فیصد افراد روزگار کیلئے گئے۔اقتصادی سروے رپورٹ کے مطابق بیرون ملک کام کیلئے جانے والوں کی تعداد سب سے زیادہ پنجاب سے ہے، جہاں سے1 سال کے دوران 4 لاکھ 4 ہزار 345 افراد بیرون ملک گئے۔رپورٹ کے مطابق خیبر پختونخوا سے بیرون ملک کام کے لیے جانے والے افراد کی تعداد 1 لاکھ 87 ہزار ہے جبکہ سندھ سے 60 ہزار 424 افراد بیرون ملک کام کے لیے گئے۔اسی طرح قبائلی علاقوں سے 29 ہزار 937 افراد بیرون ملک کام کے لیے گئے جبکہ آزاد کشمیر سے بیرون ملک جانے والی لیبر کی تعداد 29 ہزار 591 ہے، ایک سال میں وفاقی دارالحکومت سے 8 ہزار 621 ورکرز بیرون ملک گئے۔رپورٹ کے مطابق بلوچستان سے بیرون ملک جانے والے ورکرز کی تعداد 5 ہزار 668 ہے جبکہ شمالی علاقہ جات سے بیرون ملک جانے والے افراد کی تعداد 1692 ہے۔اقتصادی سروے رپورٹ کے مطابق رواں مالی سال ترسیلات زر 31.2 بلین امریکی ڈالرتک پہنچی۔

ایک سال کے دوران مزید 7 لاکھ سے زائد پاکستانی روزگار کیلئےملک چھوڑ گئے

بیرون ملک کام کیلئے جانے والوں کی تعداد سب سے زیادہ پنجاب سے ہے،اقتصادی سروے رپورٹ میں انکشاف

وفاقی حکومت کی جانب سےاگلے مالی سال کا 17 ہزار 600 ارب روپے کا وفاقی بجٹ آج پیش کیا جائے گا، جس میں تقریباً 2 ہزار ارب روپے کے نئے ٹیکس عائد ہونے کا امکان ہے۔قومی اسمبلی میں بجٹ پیش کرنے سے قبل شام 4 بجے وزیراعظم شہباز شریف کی زیر صدارت وفاقی کابینہ کا خصوصی اجلاس ہوگا جس میں بجٹ مسودے اور سرکاری ملازمین کی تنخواہوں و پنشن میں اضافے کی منظوری دی جائے گی۔اسپیکر ایازصادق کی زیرصدارت قومی اسمبلی کا اجلاس آج شام 5 بجے ہوگا، جس میں وفاقی وزیر خزانہ محمد اورنگزیب وفاقی بجٹ پیش کریں گے۔بجٹ میں سرکاری ملازمین کی تنخواہوں اور پنشن میں اضافے کے ساتھ ساتھ سرکاری ملازمین پر عائد ٹیکس میں ریلیف کا بھی امکان ہے جبکہ مالی سال 2025اور2026 کا کرنٹ اکائونٹ خسارہ جی ڈی پی کا منفی صفر اعشاریہ5فیصد رکھنے کا تخمینہ لگایا گیا ہے۔آئندہ مالی سال کیلئے برآمدات کا ہدف 35 ارب 30 کروڑ ڈالر مقرر کیا گیا ہے جبکہ درآمدات کا ہدف 65 ارب 20 کروڑ ڈالر مقرر کیا گیا ہے، نئے بجٹ میں وفاق کی آئندہ مالی سال آمدن 19 ہزار 300 ارب تک رہنے کی توقع ہے۔رپورٹ کے مطابق بجٹ میں مجموعی آمدن کا تخمینہ 19 ہزار 400 ارب اور ٹیکس وصولی کا ہدف 14 ہزار 130 ارب روپے ہے ،سرکاری ملازمین کی تنخواہ میں 10 فیصد جبکہ ریٹائرڈ ملازمین کی پنشن میں 5 سے ساڑھے 7 فیصد تک اضافے کی تجویز ہے ، بجٹ خسارے کا ہدف بھی یہی مقرر کیا گیا ہے۔رپورٹ کے مطابق نان ٹیکس آمدن دو ہزار 584 ارب روپے، صوبے ایک ہزار 220 ارب کا سرپلس دیں گے، دفاعی بجٹ میں 18 فیصد اضافہ متوقع ہے،بجٹ میں تعلیم کیلئے 13 ارب 58 کروڑ اور صحت کیلئے 14 ارب 30 کروڑ روپے رکھنے کی تجویز ہے۔رپورٹس کے مطابق گریڈ ایک سے 16 تک ملازمین کیلئے 30 فیصد ڈسپیرٹی الاؤنس ، گزشتہ 2 ایڈہاک میں سے ایک ایڈہاک تنخواہوں میں ضم کرنے کی بھی تجویز ہے۔اس کے علاوہ گریڈ 17 سے 22 تک 15 فیصد تنخواہوں میں اضافے ،آرمڈ فورسز کو کنٹری بیوٹری پنشن اسکیم سے مستثنی ٰرکھنے کی تجویز دی گئی ہے۔رپورٹس کے مطابق کے مطابق فیڈرل ایکسائز ڈیوٹی کی مد میں 1153 ارب روپے وصولیوں ، سیلز ٹیکس ہدف سے 4943 ارب ، کسٹمز ڈیوٹی کی مد میں ایک ہزار 741 ارب ، نان ٹیکس آمدن سے 2 ہزار 584 ارب روپے وصولیوں کا تخمینہ لگایا گیا ہے۔پیٹرولیم لیوی کا ہدف 1311 ارب روپے مقرر کرنے کی تجویز ہے ، صنعتی ترقی کے فروغ کیلئے 7 ہزار سے زائد ٹیرف لائنز پر ڈیوٹی میں کمی اورسمندر پار پاکستانیوں کیلئے پراپرٹی پر فیڈرل ایکسائز ڈیوٹی ختم کرنے کی تجویز ہے۔علاوہ ازیں اوورسیز کیلئے پراپرٹی پر ٹیکس چھوٹ کیلئے این او سی کی پابندی ختم کئے جانے کا امکان ہے ، رئیل اسٹیٹ پر فیڈرل ایکسائز ڈیوٹی ختم کرنے کی بھی تجویز ہے جبکہ پراپرٹی کی خریداری پر ایف ای ڈی ختم کئے جانے اور پراپرٹی کی خریداری پر لیٹ فائلرز، نان فائلرز کیلئے ایف ای ڈی میں ردوبدل کی تجاویز شامل ہیں۔

اگلےمالی سال کا 17 ہزار 600 ارب روپے کا وفاقی بجٹ آج پیش کیا جائے گا

قومی اسمبلی کا اجلاس آج شام 5 بجے ہوگا، وزیر خزانہ محمداونگزیب بجٹ 26-2025 پیش کریں گے

وفاقی وزیر خزانہ محمد اورنگزیب نے قومی اقتصادی سروے جاری کر دیا۔اسلام آباد میں قومی اقتصادی سروے پیش کرتے ہوئے وزیر خزانہ نے کہا کہ ہم معاشی استحکام کی طرف گامزن ہیں، رواں مالی سال جی ڈی پی گروتھ 2.7 فیصد رہی۔انہوں نے کہا کہ پاکستان کی افراط زر 4.6 فیصد ہے، گزشتہ سال پالیسی ریٹ 22 فیصد تھا، پالیسی ریٹ 22 فیصد سے کم ہو کر 11 فیصد پر آگیا۔اسلام آباد میں قومی اقتصادی سروے 25-2024 پیش کرتے ہوئے محمد اورنگزیب نے کہا کہ عالمی مجموعی پیداوار کی شرح میں کمی آئی ہے اور گلوبل جی ڈی پی نمو 2.8 فیصد ہے، تاہم ملکی مجموعی پیداوار میں اضافہ ریکارڈ کیا گیا اور جی ڈی پی میں اضافہ معاشی ترقی کی علامت ہے۔انہوں نے کہا کہ پاکستانی معاشی بحالی کو عالمی منظر نامے کے تناظر میں دیکھا جائے گا۔ 2023ء میں ہماری جی ڈی پی گروتھ منفی تھی اور مہنگائی کی شرح 29 فی صد سے بلند ہو چکی تھی، جس کے بعد حکومت نے بڑے فیصلے کیے، جس کے نتیجے میں ملکی معیشت اب بتدریج بہتر سے بہتر ہوتی جا رہی ہے۔وفاقی وزیر خزانہ کا کہنا تھا کہ افراط زر میں ریکارڈ کمی ہوئی ہے اور مہنگائی کی شرح کم ہوکر اب 4.6 فی صد پر آ چکی ہے۔ انہوں نے کہا کہ ہم معیشت کا ڈی این اے بدلنا چاہ رہے ہیں، جس کے لیے کچھ اسٹرکچرل ریفارمز ناگزیر ہیں۔ ٹیکس اصلاحات سب کے سامنے ہیں۔ ڈاکٹر شمشاد اختر نے معاشی اصلاحات کا پروگرام شروع کیا ہے، میں ان کی تعریف کروں گا۔انہوں نے کہا کہ انرجی اصلاحات کو اویس لغاری اور علی پرویز ملک تیزی سے آگے بڑھا رہے ہیں۔ ڈیسکوز کے بورڈ نجی شعبے سے لائے ہیں، اس سے کارکردگی بہتر ہو رہی ہے۔ 1.27ٹریلن روپے کے گردشی قرضے کے حل کے لیے بینکوں سے معاہدہ بھی ہوا ہے۔ نگران حکومت میں ہونے والے اچھے اقدامات کو سراہتا ہوں۔حکومتی اقدامات کے نتیجے میں پالیسی ریٹ 22 فیصد سے کم ہوکر 11 فیصد پر آگیا ہے۔ 24 ایس او ایزکو پرائیویٹائزیشن کے حوالے کیا ہے۔ پچھلے سال پالیسی ریٹ نیچے آنے سے ڈیبٹ سروسنگ کی مد میں کافی بچت ہوئی۔ پنشن ریفارمز کے تحت ڈیفائنڈ کنٹری بیوشن پنشن سسٹم کی طرف جاچکے ہیں ۔ لیکیج کا روکنا بہت ضروری ہے، اس سلسلے میں رائٹ سائزنگ کی جارہی ہیں۔وزیر خزانہ کا کہنا تھا کہ 43 وزارتیں اور 400 اٹیچ ڈیپارٹمنٹس کی رائٹ سائرنگ کی جارہی ہے۔ بجٹ میں بتاؤں گا کہ اسے آگے کیسے لے کر جائیں گے۔ اسے مرحلہ وار آگے لے کر جارہے ہیں۔ ہم وزارتوں اور محکموں کو ضم کررہے ہیں۔ان کا کہنا تھا کہ مشینری اور ٹرانسپورٹ کی گروتھ بڑھی ہے، ترسیلات زر میں اصافہ ہوا ہے۔ 37 سے38 ارب ڈالر اس سال ترسیلات زر رہنے کا امکان ہے۔وزیر خزانہ نے کہا کہ گلوبل جی ڈی پی گروتھ مسلسل گروٹ کا شکار رہی ہے، ہماری جی ڈی پی دو ہزار تیس میں منفی میں تھی، رواں سال جی ڈی پی کی گروتھ 2.7 فیصد ہے، عالمی مہنگائی میں اضافے کے باوجود ہماری مہنگائی میں کمی ریکارڈ ہوئی ہے۔محمد اورنگزیب نے کہا کہ ہماری ملک میں مہنگائی 4.6 فیصد تک گرچکی ہے، رواں سال تک شرح سود میں بھی خاطر خواہ کمی ہوئی ہے، وزیراعظم شہباز شریف نے نگران سے پہلے ایس بی اے کے ذریعے اچھے فیصلے کیے۔انہوں نے کہا کہ نگران حکومت نے معاشی میدان میں اچھے اقدامات لیے گئے، جولائی سے مئی کے دوران چھبیس فیصد ٹیکس میں اضافہ ہوا ہے، چوہتر فیصد ریٹیلرز رجسٹریشن مزید ہوئی ہے، ہم اب قرضے مزید نہیں لینے چاہتے اگر لیں گے تو اپنی شرائط پر لیں گے۔ان کا کہنا تھا کہ ہمیں قرضوں کی ادائیگیوں میں جتنا بھی بچے گا اس کو دیگر سیکٹر میں لے جائیں گے، صنعتوں کی گروتھ میں چھ فیصد تک اضافہ ہوا ہے، خدمات کے شعبے میں دو فیصد سے زائد کا اضافہ ہوا، رئیل اسٹیٹ اور تعمیرات کے شعبے میں تین فیصد تک اضافہ ہوا ہے، زرعی شعبے محض 0.6 فیصد تک بڑا ہے۔

قومی اقتصادی سروے جاری، معیشت بہتری کی جانب گامزن ہے،وفاقی وزیر خزانہ

درست سمت میں جارہے ہیں،اس سال جی ڈی پی گروتھ  2.7فیصد ہے،سال 2023 میں جی ڈی پی گروتھ منفی میں تھی،محمداورنگزیب

صدر مملکت آصف علی زرداری نے کہا ہے کہ بھارت میں پروان چڑھتا ہندوتوا نظریہ پورے خطے کے امن و استحکام کے لیے خطرے کی گھنٹی ہے۔ اُن کا کہنا تھا کہ بھارتی معاشرے میں بڑھتی ہوئی شدت پسندی اقلیتوں، بالخصوص مسلمانوں اور مسیحیوں کے لیے باعثِ تشویش ہے۔یہ بات انہوں نے ایوان صدر میں عید الاضحیٰ کے موقع پر پاکستان پیپلز پارٹی کے رہنماؤں اور کارکنوں سے ملاقات کے دوران کہی، جہاں انہوں نے پارٹی کارکنوں کو عید کی مبارکباد دی اور ان کی قربانیوں کو سراہا۔صدر آصف زرداری نے کہا کہ پارٹی کارکن ہماری طاقت ہیں، جو ہر مشکل گھڑی میں پارٹی کے ساتھ کھڑے رہے۔ انہوں نے زور دیا کہ ہمیں اپنی دھرتی سے وفاداری نبھاتے ہوئے ملکی ترقی کے لیے مشترکہ کوششیں کرنی ہوں گی۔ان کا مزید کہنا تھا کہ پاکستان میں ترقی کی بے شمار صلاحیت موجود ہے، خاص طور پر زراعت کے شعبے کو بنیاد بنا کر معیشت کو مستحکم کیا جا سکتا ہے۔ کسانوں کی بھرپور مدد کر کے ملک کو معاشی خود کفالت کی جانب لے جایا جا سکتا ہے۔صدر مملکت نے اس موقع پر زور دیا کہ تمام سیاسی قوتوں اور اداروں کو مل کر ملکی خوشحالی کے لیے کردار ادا کرنا ہوگا تاکہ پاکستان ایک مضبوط، خوشحال اور پرامن ملک بن سکے۔

بھارت کے انتہا پسند ہندوتوا نظریے سے پورے خطے کو خطرات لاحق ہیں، صدر مملکت

ملکی معیشت کو مضبوط بنانے کیلئے سب کو اپنا کردار ادا کرنا ہوگا، پارٹی رہنماؤں و کارکنوں سے ملاقات میں گفتگو

وفاقی حکومت کی طرف سے آئندہ مالی سال سے قبل اقتصادی سروے آج پیش کیا جائے گا جبکہ وفاقی بجٹ 2025-26 کے اجلاس کے شیڈول کی منظوری دیدی گئی ہے۔تفصیلات کے مطابق اسپیکر قومی اسمبلی سردار ایاز صادق نے مالی سال 2025-26 کے وفاقی بجٹ کے لیے قومی اسمبلی اجلاس کے شیڈول کی منظوری دے دی ہے۔میڈیارپورٹس کے مطابق وفاقی بجٹ کا اعلان 10 جون کو کیا جائے گا، جس کے بعد 11 اور 12 جون کو قومی اسمبلی کا اجلاس منعقد نہیں ہوگا۔ بجٹ پر باقاعدہ بحث کا آغاز 13 جون سے ہوگا، جو 21 جون تک جاری رہے گی۔ تمام پارلیمانی جماعتوں کو قواعد کے مطابق اظہار خیال کا موقع دیا جائے گا۔قومی اسمبلی کا اجلاس 22 جون کو بھی منعقد نہیں ہوگا، جب کہ 23 جون کو مختص اخراجات پر بحث کی جائے گی۔ 24 اور 25 جون کو مطالباتِ زر، کٹوتی کی تحاریک اور گرانٹس پر بحث اور ووٹنگ ہوگی۔ فنانس بل کی منظوری 26 جون کو دی جائے گی، جبکہ 27 جون کو ضمنی گرانٹس اور دیگر امور پر بحث اور ووٹنگ کی جائے گی۔ اسپیکر کے مطابق کسی بھی تبدیلی کا اختیار ان کے پاس محفوظ ہوگا۔دوسری جانب، بجٹ سے قبل اقتصادی سروے آج پارلیمان میں پیش کیا جائے گا۔ مالی سال 2025-26 کے لیے 17600 ارب روپے کے حجم کا بجٹ تجویز کیا گیا ہے، جس میں 19400 ارب روپے آمدن کا تخمینہ اور 14130 ارب روپے ٹیکس وصولی کا ہدف مقرر ہے۔قرضوں کی ادائیگی کے لیے 6200 ارب روپے مختص کیے گئے ہیں، جبکہ بجٹ خسارہ بھی اسی رقم کے قریب رہنے کا امکان ہے۔سرکاری ملازمین کی تنخواہوں میں 10 فیصد اور پنشن میں 5 سے 7.5 فیصد اضافے کی تجویز دی گئی ہے۔دفاعی بجٹ میں 18 فیصد اضافے کا امکان ہے، جبکہ تعلیم کے لیے 13 ارب 58 کروڑ اور صحت کے لیے 14 ارب 30 کروڑ روپے مختص کیے جانے کی سفارش کی گئی ہے۔ ڈیجیٹل معیشت اور آئی ٹی سیکٹر کے لیے 16 ارب 22 کروڑ روپے رکھے جانے کی توقع ہے۔

نئے مالی سال کا بجٹ کل پیش کیا جائے گا،، قومی اسمبلی اجلاس کا شیڈول جاری

وفاقی بجٹ 10 جون کو قومی اسمبلی میں پیش کیا جائے گا، 13 جون کو قومی اسمبلی میں وفاقی بجٹ پر بحث کا آغاز ہوگا

ملک بھر میں شدید گرمی کا سلسلہ برقرار ہے، جس کے باعث شہری بے حال ہونے لگے ہیں۔عید کے تیسرے روز بھی لاہور میں سورج کی تپش کم نہ ہو سکی، صبح سویرے ہی سورج کی تپش نے شہریوں کو بے حال کر دیا ہے، جبکہ محکمہ موسمیات نے ریکارڈ ٹوٹنے کے خدشے کا اظہار کیا ہے۔تفصیلات کے مطابق محکمہ موسمیات نے ملک بھر میں آج سے 12 جون تک شدید گرمی کی نئی لہر کی پیش گوئی کرتے ہوئے ہیٹ ویو الرٹ جاری کر دیا ہے۔اسلام آباد، بالائی پنجاب، خیبر پختونخوا، کشمیر اور گلگت بلتستان میں درجہ حرارت معمول سے 5 سے 7 ڈگری سینٹی گریڈ زیادہ رہنے کا امکان ہے۔جبکہ جنوبی پنجاب، سندھ اور بلوچستان کے میدانی علاقوں میں گرمی کی شدت 4 سے 6 ڈگری زائد ہو سکتی ہے، جہاں گرد آلود ہواؤں کا سلسلہ بھی متوقع ہے۔لاہور، ملتان، فیصل آباد اور پشاور میں درجہ حرارت 44 سے 47 ڈگری تک جا سکتا ہے۔ خاص طور پر لاہور میں درجہ حرارت کے نئے ریکارڈ بننے کا خدشہ ظاہر کیا گیا ہے۔ سورج کی تپش صبح سویرے ہی شدت اختیار کر لیتی ہے، جس کے باعث شہری بے حال ہو گئے ہیں۔گرمی کی شدت کے پیش نظر ٹھنڈے مشروبات، پانی اور آئس کریم کی مانگ میں اضافہ دیکھا جا رہا ہے۔ماہرین صحت نے عوام سے اپیل کی ہے کہ بلا ضرورت گھروں سے باہر نہ نکلیں، سر کو دھوپ سے بچائیں، اور پانی کا وافر استعمال کریں۔ بزرگوں، بچوں اور مریضوں کو خاص احتیاط برتنے کی ہدایت کی گئی ہے۔علاوہ ازیں موسمیات نے خیبر پختونخوا کے اضلاع  چترال اور دیر میں بارش کی توقع ظاہر کی ہے۔

محکمہ موسمیات نےآج سے ملک بھر میں شدید گرمی کی پیشگوئی کردی

درجہ حرارت معمول سے 7 ڈگری تک زیادہ، لاہور میں 47 ڈگری کا امکان، شہریوں کو احتیاط کی ہدایت

یوئیفا نیشنز کپ 2025 کے سنسنی خیز فائنل میں پرتگال نے دفاعی چیمپئن اسپین کو پینالٹی ککس پر شکست دے کر ایک بار پھر چیمپئن بننے کا اعزاز حاصل کرلیا۔تفصیلات کے مطابق  پرتگال نے نیشنز لیگ 2025 کا فائنل ایک سنسنی خیز مقابلے کے بعد پنالٹی شوٹ آؤٹ میں اسپین کو 3-5 سے شکست دے کر دوسری بار یہ اعزاز اپنے نام کر لیا۔مقررہ وقت تک دونوں ٹیمیں دو، دو گول سے برابر رہیں۔ پرتگال کی جانب سے لیجنڈری فارورڈ کرسٹیانو رونالڈو نے ایک بار پھر اپنی کلاس دکھاتے ہوئے 138 واں بین الاقوامی گول اسکور کیا، جس کے ذریعے پرتگال نے مقابلہ برابر کر دیا۔ یہ گول نہ صرف میچ کا اہم ترین لمحہ تھا بلکہ رونالڈو کے شاندار کیریئر میں ایک اور تاریخی سنگِ میل بھی ثابت ہوا۔تاہم میچ کے آخری لمحات میں رونالڈو انجری کا شکار ہو کر میدان سے باہر چلے گئے، جس پر پرتگالی شائقین کو شدید تشویش لاحق ہو گئی۔اضافی وقت میں کوئی ٹیم گول نہ کر سکی، اور میچ کا فیصلہ پینالٹی ککس پر ہوا، جہاں پرتگال نے اسپین کو تین کے مقابلے میں پانچ گول سے ہرا کر نیشنز کپ کا ٹائٹل دوسری بار اپنے نام کر لیا۔تیسری پوزیشن کے میچ میں فرانس نے میزبان جرمنی کو دو صفر سے شکست دی۔ کیلئین ایمباپے نے ایک گول اسکور کر کے اپنے انٹرنیشنل کیریئر کی ففٹی مکمل کر لی، جو ان کی شاندار کارکردگی کا مظہر ہے۔

یوئیفا نیشنز کپ2025، پرتگال نے اسپین کو شکست دے کر ٹائٹل دوسری بارجیت لیا

پرتگال کی ٹیم نے پینالٹی ککس پر دفاعی چیمپئن اسپین کو پانچ کے مقابلے میں تین گول سے شکست دی

وزیراعظم شہباز شریف نے چاروں وزرائے اعلیٰ کو فون کرکے عیدالاضحی کی مبارک باد دی۔پی ایم آفس کے پریس ونگ کی جانب سے جاری بیان کے مطابق وزیراعظم محمد شہباز شریف نے وزیراعلیٰ پنجاب مریم نواز ، وزیراعلیٰ سندھ سيد مراد علی شاہ، وزیراعلیٰ خیبر پختونخوا علی امین گنڈاپور اور وزیراعلیٰ بلوچستان میر سرفراز بگٹی کو  ٹیلیفون کیا اور انہیں عیدالاضحی کی مبارکباد کے ساتھ ساتھ ملکی ترقی اور اتحاد و یگانگت کی دعا بھی کی گئی۔چاروں وزرائے اعلیٰ نے وزیراعظم کی کال پر شکریہ ادا کیا اور انہیں بھی عید کی مبارکباد پیش کی۔اسی طرح وزیراعظم نے گورنر پنجاب، سندھ، خیبرپختونخوا اور بلوچستان سے بھی رابطہ کر کے تہنیت کا اظہار کیا۔ اس موقع پر قومی اسمبلی کے اسپیکر سردار ایاز صادق اور وفاقی وزیر خالد مقبول صدیقی سے بھی وزیراعظم نے ٹیلی فونک گفتگو کی، جس میں عید کی خوشیوں کو باہمی احترام اور خیرسگالی سے منانے پر زور دیا گیا۔تمام رہنماؤں نے وزیراعظم کے جذبات کی قدر کی اور ملک میں اتحاد و اتفاق کے فروغ کے عزم کا اظہار کیا۔وزیراعظم محمد شہباز شریف نے صدر مملکت آصف علی زرداری کو بھی ٹیلیفون پر عید الاضحیٰ کی مبارک باد دی، صدر زرداری نے وزیراعظم کا شکریہ ادا کیا اور ان کے لیے نیک تمناؤں کا اظہار کیا، دونوں رہنماؤں کے درمیان ملک کی مجموعی سیاسی صورتحال اور مختلف امور پر گفتگو بھی کی گئی۔

وزیراعظم کا چاروں وزرائے اعلیٰ اورگورنرزکو فون، عیدالاضحی کی مبارکباد

شہباز شریف نے اسپیکرقومی اسمبلی اورچاروں گورنرز کو بھی ٹیلیفون پر عید الاضحی کی مبارک باد دی

چند روز کے وقفے کے بعد کراچی میں ایک بار پھر زلزلے کے جھٹکے محسوس کیے گئے جس سے شہریوں میں ایک بار پھر سے خوف وہراس پھیل گیا اور وہ کلمہ طیبہ کا ورد کرتے ہوئے گھروں سے باہر نکل آئے۔تفصیلات کے مطابق کراچی اور بلوچستان کے ساحلی شہر اورماڑہ میں زلزلے کے ہلکے جھٹکوں نے شہریوں کو خوفزدہ کر دیا، تاہم کسی قسم کے جانی یا مالی نقصان کی اطلاع موصول نہیں ہوئی۔اس حوالے سے محکمہ موسمیات کا کہنا ہے کہ ملیر کے مختلف علاقوں میں زلزلے کے جھٹکے محسوس کیے گئے، زلزلے کی شدت 3.5 اور  گہرائی 9 کلو میٹر تھی۔دوسری جانب  بلوچستان کے شہر اورماڑہ میں زلزلے کے جھٹکے محسوس کیے گئے۔زلزلہ پیما مرکز کے مطابق بلوچستان کے شہر اورماڑہ میں اتوارکی شام پانچ بج کر 14منٹ پر زلزلے کے جھٹکے محسوس کیے گئے، زلزلے کی شدت 3.1 اور گہرائی 10 کلو میٹر ریکارڈ کی گئی۔زلزلہ پیما مرکز کے مطابق زلزلے کا مرکز اورماڑہ سے 118 کلو میٹر جنوب مشرق میں تھا۔یاد رہے کہ یکم جون سے کراچی میں شروع ہونے والے زلزلوں کے جھٹکوں مجموعی تعداد اب 30 سے زائد ہوچکی ہے، شہر میں حالیہ زلزلے کے جھٹکے قائدآباد، گڈاپ، ملیر، ڈی ایچ اے اور کورنگی کے علاقوں سے رپورٹ ہوئے ہیں۔

کراچی کے مختلف علاقوں میں ایک بارپھر زلزلے کے جھٹکے محسوس کیے گئے

شہرقائد میں ملیرکے مختلف علاقوں میں زلزلے کے جھٹکے محسوس کیےگئے، شدت  3.5ریکارڈ،محکمہ موسمیات

پرتگال کے لیجنڈری فٹبالر اور دنیا بھر میں مقبول اسٹار کھلاڑی کرسٹیانو رونالڈو نے رواں ماہ امریکا میں منعقد ہونے والے کلب ورلڈ کپ میں شرکت نہ کرنے کا فیصلہ کر لیا ہے، جس کی انہوں نے خود تصدیق کر دی ہے۔عالمی خبر رساں ادارے کے مطابق کرسٹیانو رونالڈو نے بتایا کہ انہیں کئی معروف کلبوں کی جانب سے کلب ورلڈ کپ کھیلنے کی پیشکش ہوئی تھی، تاہم انہوں نے ان سب کو ٹھکرا دیا۔ ان کا کہنا تھاکہ اس وقت میری مکمل توجہ قومی ٹیم پر مرکوز ہے، کلب ورلڈ کپ پر بات کرنا میرے لیے غیر ضروری ہے۔انہوں نے مزید کہا کہ وہ اب اپنی صحت، فٹنس اور مستقبل پر توجہ دینا چاہتے ہیں اور اسی لیے یہ فیصلہ ان کے لیے بہتر ہے۔ رونالڈو کے مطابق ہر موقع پر کھیلنا ضروری نہیں، کچھ فیصلے طویل المدتی سوچ کے تحت کیے جاتے ہیں۔ذرائع کے مطابق، رونالڈو کے اس فیصلے سے فیفا کے صدر جیانی انفانٹینو کو مایوسی ہوئی ہے، کیونکہ وہ اس ایونٹ میں رونالڈو جیسے عالمی اسٹار کی موجودگی کے خواہشمند تھے۔شائقین کی بڑی تعداد نے بھی اس فیصلے پر مایوسی کا اظہار کیا ہے، خاص طور پر وہ مداح جو رونالڈو کو ایک اور بڑے اسٹیج پر ایکشن میں دیکھنے کے منتظر تھے۔ تاہم، مبصرین کے مطابق 40 سالہ فٹبالر کی جانب سے اپنی صحت اور پیشہ ورانہ کیریئر کے تسلسل کو ترجیح دینا ایک دانشمندانہ فیصلہ ہے۔واضح رہے کہ فیفا کلب ورلڈ کپ رواں ماہ امریکا میں شیڈول ہے جس میں 32 ٹیمیں حصہ لیں گی۔

کرسٹیانو رونالڈو نےفیفا کلب ورلڈ کپ میں شرکت سے معذرت کر لی

اس وقت کلب ورلڈ کپ پر بات کرنا بے معنی ہے میری پوری توجہ قومی ٹیم پر ہے،کرسٹیانورونالڈو

وفاقی حکومت کی جانب سے مالی سال 2024-25 کے لیے قومی اقتصادی سروے کل پیش کیا جائے گا، جس میں موجودہ معاشی کارکردگی کا تفصیلی جائزہ پیش کیا جائے گا۔ ابتدائی اعداد و شمار کے مطابق، حکومت معاشی ترقی کا مقررہ ہدف حاصل کرنے میں ناکام رہی ہے۔میڈیارپورٹس کے مطابق رواں مالی سال کے دوران پاکستان کی شرح نمو 2.68 فیصد رہی، جو مقررہ 3.6 فیصد کے ہدف سے خاصی کم ہے۔معاشی حجم میں بھی اضافہ ریکارڈ کیا گیا۔ رواں مالی سال معیشت کا حجم 39 ارب 30 کروڑ ڈالر کے اضافے سے 410 ارب 96 کروڑ ڈالر تک پہنچا، جو پچھلے سال 371 ارب 66 کروڑ ڈالر تھا۔ ملکی سطح پر معیشت میں 9600 ارب روپے کا اضافہ ہوا، اور مجموعی حجم 114.7 ہزار ارب روپے تک جا پہنچا۔فی کس آمدنی میں بھی اضافہ دیکھا گیا، جو گزشتہ سال کے مقابلے میں 144 ڈالر بڑھ کر 1680 ڈالر تک پہنچ گئی۔زرعی شعبے کی کارکردگی توقعات سے کم رہی، جہاں اہم فصلوں کی گروتھ منفی 13.49 فیصد ریکارڈ کی گئی، جبکہ ہدف منفی 4.5 فیصد رکھا گیا تھا۔ کاٹن جیننگ کا شعبہ بھی 19 فیصد تک سکڑ گیا۔ زرعی شعبے کی مجموعی گروتھ صرف 0.56 فیصد رہی۔البتہ لائیو اسٹاک اور دیگر فصلوں میں کچھ بہتری دیکھی گئی، جن کی گروتھ بالترتیب 4.72 اور 4.78 فیصد رہی۔ جنگلات اور ماہی گیری کے شعبے بھی ہدف حاصل نہ کر سکے۔صنعتی شعبے کی مجموعی گروتھ 4.77 فیصد رہی، جو کہ 4.4 فیصد ہدف سے بہتر ہے۔ چھوٹی صنعتوں اور سلاٹرنگ میں نمایاں اضافہ ہوا، جبکہ بڑی صنعتیں منفی 1.53 فیصد کی شرح سے سکڑ گئیں۔ بجلی، گیس اور پانی کی فراہمی کے شعبے میں 28.88 فیصد کی غیر معمولی ترقی دیکھی گئی۔تعمیراتی شعبہ بھی 6.61 فیصد گروتھ کے ساتھ نمایاں رہا۔خدمات کے شعبے کی مجموعی گروتھ 2.91 فیصد رہی، جو 4.1 فیصد کے ہدف سے کم ہے۔ ہول سیل اور ریٹیل ٹریڈ میں محض 0.14 فیصد کا معمولی اضافہ ہوا۔ تاہم، پبلک ایڈمنسٹریشن اور سوشل سیکورٹی نے 9.92 فیصد کی شرح نمو کے ساتھ توقعات سے کہیں بہتر کارکردگی دکھائی۔اقتصادی سروے میں معیشت کی غیر متوازن اور شعبہ وار مخلوط کارکردگی سامنے آئی ہے۔ کچھ شعبوں میں مثبت پیش رفت دیکھی گئی جبکہ متعدد اہم سیکٹرز ہدف سے پیچھے رہے، جو معاشی پالیسیوں کے لیے چیلنج کا اشارہ دیتے ہیں۔

اقتصادی سروے کل پیش کیا جائے گا، حکومت معاشی اہداف حاصل نہ کر سکی

رواں مالی سال پاکستانی معیشت کی عبوری شرح نمو 2.68فیصد رہی جو مقررہ ہدف  3.6 سے کم ہے

ملک بھر میں عیدالاضحی کے دوسرے دن بھی سنت ابراہیمی کی پیروی کرتے ہوئے جانوروں کی قربانی کی جارہی ہے۔مختلف شہروں میں عیدالاضحی کا دوسرا دن بھی مذہبی جوش و جذبے سے منایا جارہا ہے۔مختلف شہروں، قصبوں اور دیہی علاقوں میں لوگ چھوٹے بڑے جانوروں کی قربانی کرتے نظر آ رہے ہیں۔ قربانی کے بعد گوشت کے حصے کیے جا رہے ہیں، جو رشتہ داروں، مستحقین اور ہمسایوں میں تقسیم کیے جا رہے ہیں۔ قربانی کا یہ سلسلہ کل تک جاری رہے گا۔کل کے مہمان آج میزبان بنیں گےاور گھروں میں لذیذ پکوان تیار ہوں گے۔عید کے دوسرے دن کا خاص رنگ دوستوں اور عزیز و اقارب سے ملاقاتیں و دعوتیں بھی ہیں۔خواتین گھروں میں عید کے خاص کھانے تیار کر رہی ہیں اور مختلف رشتہ داروں کو مدعو کیا جا رہا ہے۔ بچوں کا جوش و خروش بھی برقرار ہے، جو جانوروں کی دیکھ بھال، گوشت کی تقسیم اور عیدی کے مزے میں مصروف ہیں۔علمائے کرام اور مذہبی رہنماؤں کا کہنا ہے کہ عیدالاضحیٰ محض ایک تہوار نہیں ہے، بلکہ اس کے پیچھے اصل جذبہ تقویٰ، ایثار اور بھائی چارے کو فروغ دینا ہے۔ عیدالاضحیٰ ہمیں سکھاتی ہے کہ ہم اپنی خوشیوں میں دوسروں کو شامل کریں اور خاص طور پر مستحق افراد کا خیال رکھیں۔دوسری جانب ماہرینِ صحت نے مشورہ دیا ہے کہ عیدِ قرباں پر مزے مزے کے کھانے ضرور کھائیں مگر ہاتھ ذرا ہلکا رکھیں۔ شوگر، بلڈ پریشر، کولیسٹرول اور دل کے مریض خصوصی احتیاط کریں اور کلیجی، گردے، مغز اور پائے کھانے سے تھوڑا پرہیز کریں۔ ماہرینِ صحت نے یہ بھی مشورہ دیا ہے کہ شہری گھی، تیل اور تیز مسالوں سے بھی ذرا فاصلہ رکھیں۔

عیدالاضحی کا دوسرا دن بھی مذہبی جوش و جذبے سے منایا جارہا ہے، دعوتوں کا سلسلہ جاری

ملک مختلف شہروں، دیہی علاقوں میں لوگ چھوٹے بڑے جانوروں کی قربانی کر رہے ہیں

شوبز انڈسٹری کی مقبول اداکارہ ہانیہ عامر نے حج کی سعادت حاصل کرلی ہے۔ ہانیہ عامر پاکستان کی معروف اداکارہ ہیں، جن کے انسٹاگرام پر فالوورز کی تعداد 1 کروڑ 86 لاکھ سے زائد ہے۔ وہ کئی مشہور ڈراموں میں اپنی شاندار اداکاری کے جوہر دکھا چکی ہیں، جن میں کبھی میں کبھی تم، تتلی، میرے ہمسفر، دل رُبا اور مجھے پیار ہوا تھا شامل ہیں۔گزشتہ روز اداکارہ نے اپنے انسٹاگرام اکاؤنٹ پر اس مقدس سفر کے دوران اپنی تصاویر شیئر کیں، انسٹاگرام پر شیئر کی گئی تصاویر میں اداکارہ کو چند دوستوں جن میں عرب خواتین بھی شامل ہیں، کے ساتھ دیکھا جاسکتا ہے۔ان تصاویر میں وہ عبایا میں ملبوس دکھائی دے رہی ہیں، جب کہ تصویر کے کیپشن میں انہوں نے مداحوں کو ”چاند مبارک“ کا پیغام دیا۔ آج عید کے دن ہانیہ عامر کی جانب سے عبایا میں لی گئی تصاویر میں مداحوں کو عید کی مبارکباد بھی دی گئی ہے، جس پر شوبز سے وابستہ متعدد شخصیات اور مداحوں کی بڑی تعداد انہیں حج کی ادائیگی پر مبارکباد پیش کررہے ہیں۔

شوبز انڈسٹری کی مقبول اداکارہ ہانیہ عامر نے حج کی سعادت حاصل کرلی

ہانیہ عامر پاکستان کی معروف اداکارہ ہیں، جن کے انسٹاگرام پر فالوورز کی تعداد 1 کروڑ 86 لاکھ سے زائد ہے

چیف آف آرمی اسٹاف  فیلڈ مارشل سید عاصم منیر، نشانِ امتیاز (ملٹری) نے عیدالاضحی کے پہلے روز لائن آف کنٹرول (ایل او سی) پر اگلے مورچوں کا دورہ کیا اور فرنٹ لائن پر تعینات جوانوں کے ساتھ عیدالاضحی منائی۔پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق دورے کا آغاز عید کی نماز سے ہوا، جس میں پاکستان کے پائیدار امن، استحکام اور خوشحالی کے لیے خصوصی دعائیں کی گئیں، نیز اُن شہداء کے لیے بھی دعائیں کی گئیں جنہوں نے وطنِ عزیز کے دفاع کے لیے اپنی جانوں کا نذرانہ پیش کیا۔فیلڈ مارشل سید عاصم منیر نے افسران اور جوانوں کو عید کی دلی مبارکباد پیش کی اور ان کی غیر متزلزل وابستگی، پیشہ ورانہ مہارت اور مسلسل چیلنجز کے باوجود پائیدار خدمات کو سراہا۔آئی ایس پی آر کے مطابق فیلڈ مارشل عاصم منیر نے جوانوں کے حوصلے، پیشہ ورانہ مہارت کو سراہا اور کہا کہ قوم کے بچوں، خواتین اور بزرگوں کے قتل کا دلیری سے بدلہ لیا گیا۔فیلڈ مارشل نے معرکہ حق اور آپریشن بنیان مرصوص میں مثالی کارکردگی پر جوانوں کو خراج تحسین پیش کیا اور بھارتی سیزفائر خلاف ورزیوں کا موٴثر جواب دینے پر جوانوں کی تیاری کو سراہا۔فیلڈ مارشل نے کہا کہ محاذِ جنگ پر اپنے خاندانوں سے دُور رہ کر عید منانا، ملکی دفاع جیسے اعلیٰ قومی مقصد کی تکمیل ہے جس کیلئے ہر قیمت پر تیار ہیں۔انہوںنے  سپاہیوں سے گفتگو کرتے ہوئے کہا کہ آپ نے معصوم پاکستانی شہریوں بشمول بچوں، خواتین اور بزرگوں کی جانوں کے ضیاع کا دلیری اور مؤثر ردعمل کے ذریعے بھرپور بدلہ لیا۔فیلڈ مارشل نے مسلح افواج کی جنگی تیاریوں پر مکمل اعتماد کا اظہار کرتے ہوئے کہا کہ وہ کسی بھی جارحیت کو مؤثر طریقے سے روکنے اور شکست دینے کیلئے ہمہ وقت تیار ہیں۔فیلڈ مارشل نے کہا کہ مسئلہ کشمیر کا حل کشمیری عوام کی خواہشات اور اقوام متحدہ قراردادوں کے مطابق ہونا چاہیے، کشمیریوں کی بہادرانہ جدوجہد کو کبھی فراموش نہیں کیا جائے گا۔

مسئلہ کشمیر کا حل کشمیری عوام کی خواہشات اور اقوام متحدہ قراردادوں کے مطابق ہونا چاہیے، فیلڈمارشل

فیلڈ مارشل عاصم منیر نے لائن آف کنٹرول کا دورہ کیا اور اگلے مورچوں پر تعینات جوانوں کے ساتھ عید منائی، آئی ایس پی آر

پاکستان تحریک انصاف (پی ٹی آئی) کے بانی اور سابق وزیراعظم عمران خان نے عیدالاضحی کے موقع پر قوم کو مبارکباد دیتے ہوئے اپنے پیغام میں ملک کی موجودہ صورتحال پر روشنی ڈالی اور قربانی کے اصل مفہوم کو اجاگر کیا۔سابق وزیراعظم عمران خان کے ایکس اکائونٹ پرپوسٹ کے مطابق عمران خان نے کہا کہ عید قربان صرف جانوروں کی قربانی تک محدود نہیں، بلکہ اس کی اصل روح یہ ہے کہ انسان اللہ کی راہ میں اپنی سب سے قیمتی چیز خلوصِ نیت سے قربان کرے۔ انہوں نے کہا کہ پاکستان اس وقت جس بحرانی دور سے گزر رہا ہے، ان حالات میں سب سے بڑی قربانی یہی ہے کہ قوم سچ اور حق کے راستے پر ثابت قدمی سے چلے۔انہوں نے زور دیا کہ جب تک پاکستانی قوم ظلم، ناانصافی اور جبر کے نظام کے خلاف کھڑی ہو کر قربانی دینے کو تیار نہیں ہوگی، اس وقت تک ملک کے دیرینہ مسائل کا حل ممکن نہیں۔ ان کے مطابق ہر شہری پر لازم ہے کہ وہ موجودہ نظام کے خلاف آواز بلند کرے اور ملک کو اندھیروں سے نکالنے میں اپنا کردار ادا کرے۔عمران خان نے اپنے پیغام میں کہا کہ میں اور میرے تمام ساتھی، جو اس وقت سیاسی قید میں ہیں، اللہ کی رضا اور عوام کے حقوق کے لیے قربانی دے رہے ہیں۔ ہماری جدوجہد اقتدار کے لیے نہیں، بلکہ ایک ایسے پاکستان کے لیے ہے جو انصاف، آزادی اور خودداری پر مبنی ہو۔"اپنے پیغام کے آخر میں عمران خان نے معروف صوفی بزرگ مولانا رومی کا قول بھی دہرایا:"اگر اللہ نے تمہیں پر عطا کیے ہیں تو تمہیں چیونٹی کی طرح رینگنے کی ضرورت نہیں۔"انہوں نے کہا کہ یہ قول آج ہر پاکستانی کے لیے مشعل راہ بننا چاہیے تاکہ وہ عزت، خودداری اور آزادی کے لیے کھڑا ہو۔عید کے اس مقدس موقع پر عمران خان نے قوم سے اپیل کی کہ وہ اپنی انفرادی اور اجتماعی ذمہ داریوں کو پہچانیں اور پاکستان کو ایک باوقار، خودمختار اور آزاد ریاست بنانے کے لیے متحد ہو کر جدوجہد کریں۔

ہم اقتدارکیلئے نہیں، انصاف، آزادی اور خودداری کیلئے قربانی دے رہے ہیں،عمران خان

سابق وزیراعظم عمران خان کا عیدالاضحی کے موقع پر اڈیالہ جیل سے پاکستانی قوم کےنام خصوصی پیغام

چیئرمین پیپلز پارٹی بلاول بھٹو زرداری نے امریکا میں معروف مالیاتی ادارے بلومبرگ کو دیے گئے ایک انٹرویو میں انکشاف کیا ہے کہ پاکستان کو ایک موقع پر صرف 30 سیکنڈ میں یہ فیصلہ کرنا پڑا کہ آیا بھارت کی جانب سے داغا گیا میزائل ایٹمی نوعیت کا تھا یا نہیں۔بلاول بھٹو کا کہنا تھا کہ بھارت نے خطے میں کشیدگی کے دوران ایٹمی صلاحیت سے لیس سپر سونک میزائل استعمال کیے، جس کے نتیجے میں فیصلہ کرنے کے لیے پاکستان کے پاس انتہائی محدود وقت، صرف آدھا منٹ موجود تھا۔انہوں نے خبردار کیا کہ بھارت کے ایسے اقدامات نے دو ایٹمی طاقتوں کے درمیان جنگ کے خطرات کو مزید بڑھا دیا ہے۔ ان کا کہنا تھا کہ بھارت بغیر کسی ثبوت کے دہشت گرد حملوں کا بہانہ بنا کر جنگ کو جواز فراہم کرنے کی کوشش کر رہا ہے، اور اگر ایسا اصول بن جائے تو پاکستان بھی وہی رویہ اپنا سکتا ہے۔انٹرویو میں بلاول بھٹو زرداری نے سابق امریکی صدر ڈونلڈ ٹرمپ کے کردار کو سراہتے ہوئے کہا کہ انہوں نے پاک بھارت کشیدگی میں جنگ بندی کے لیے مثبت کردار ادا کیا۔ انہوں نے مطالبہ کیا کہ امریکا اب بھی دونوں ملکوں کو جامع مذاکرات کی میز پر لانے کے لیے فعال کردار ادا کرے۔چیئرمین پیپلز پارٹی نے چین پاکستان اقتصادی راہداری (سی پیک) کی طرز پر پاک بھارت اقتصادی راہداری قائم کرنے کی تجویز بھی پیش کی۔ان کا کہنا تھا کہ پاک بھارت مذاکرات میں مسئلہ کشمیر کو مرکزی حیثیت حاصل ہونی چاہیے۔ پاکستان دہشت گردی سمیت تمام اہم معاملات پر بات چیت کے لیے تیار ہے، کیونکہ پونے دو ارب افراد کی قسمت چند غیر ریاستی عناصر کے ہاتھوں میں نہیں چھوڑی جا سکتی۔

پاکستان کو صرف 30 سیکنڈ میں فیصلہ کرنا تھا کہ بھارتی میزائل ایٹمی تھا یا نہیں،بلاول بھٹوکاانکشاف

امریکا اب بھی دونوں ملکوں کو جامع مذاکرات کی میز پر لانے کے لیے فعال کردار ادا کرے، بلاول کا بلومبرگ کو انٹرویو

بنگلہ دیش کے عبوری سربراہ محمد یونس نے ملک میں اپریل 2026 میں عام انتخابات کرانے کا اعلان کردیا۔ محمد یونس نے قوم سے خطاب میں کہا کہ بنگلہ دیش میں عام الیکشن اپریل 2026 کے پہلے دو ہفتوں میں کسی بھی دن ہوں گے۔اپنے خطاب میں محمد یونس کا کہنا تھا کہ انتخابات کی تاریخ کا باضابطہ اعلان بنگلہ دیش کا الیکشن کمیشن جلد کرے گا اور مکمل شیڈول آنے والے دنوں میں جاری کیا جائے گا،ان کا مزید کہنا تھا کہ عبوری حکومت نے اصلاحات، انصاف اور انتخابات کے مینڈیٹ پر ملک کا انتظام سنبھالا تھا۔ آئندہ عیدالفطر تک ملک میں اس حوالے سے کام مکمل ہو چکا ہوگا۔

بنگلا دیش کے عبوری سربراہ محمد یونس نے ملک اپریل میں عام انتخابات کرانے کا اعلان کردیا

بنگلہ دیش میں عام الیکشن اپریل 2026 کے پہلے دو ہفتوں میں کسی بھی دن ہوں گے، محمد یونس

سربراہ عوامی مسلم لیگ اور سابق وفاقی وزیر داخلہ شیخ رشید نے خبردار کیا ہے کہ ملکی سیاسی حالات خراب ہو رہے ہیں۔ راولپنڈی میں نماز عیدالاضحیٰ کی ادائیگی کے بعد میڈیا سے گفتگو کرتے ہوئے شیخ رشید کا کہنا تھا کہ تمام عالم اسلام کو عید کی مبارک پیش کرتا ہوں، میں 14 کیسز میں بانی پی ٹی آئی عمران خان کے ساتھ ہوں، جیلوں میں قید غریب لوگوں کو رہا کیا جائے۔ انہوں نے کہا کہ انتظامیہ نے اس مرتبہ ریڑھی بانوں کو کاروبار کا موقع نہیں دیا، بھارت یقیناً شرارت کر سکتا ہے۔ سابق وزیر داخلہ شیخ رشید نے راولپنڈی کے لیاقت باغ میں نماز عید ادا کی، جہاں ضلع کا نماز عید کا سب سے بڑا اجتماع منعقد ہوا، کمشنر راولپنڈی عامر خٹک نے بھی لیاقت باغ میں نماز عید پڑھی۔

ملکی سیاسی حالات خراب ہو رہے ہیں، سابق وفاقی وزیر داخلہ شیخ رشید

14 کیسز میں بانی پی ٹی آئی عمران خان کے ساتھ ہوں، جیلوں میں قید غریب لوگوں کو رہا کیا جائے، سابق وفاقی وزیر

ٍعیدالاضحی کے موقع پر صدر مملکت آصف علی زرداری، وزیر اعظم شہباز شریف، فیلڈ مارشل سید عاصم منیر اور دیگر اعلیٰ عہدیداران نے قوم کو مبارکباد دیتے ہوئے خصوصی پیغام جاری کیا۔صدر مملکت آصف علی زرداری نے عیدالاضحی  کے مبارک موقع پر پوری پاکستانی قوم اور عالم ِاسلام کو دلی مبارکباد پیش کی اور کہا کہ عید الاضحٰی ہمارے ایمان، قربانی، ایثار اور بھائی چارے کے جذبے کو ازسرِ نوزندہ کرنے کا دن ہے۔انہوں نے کہا کہ عیدالاضحی  حضرت ابراہیم ؑ اور حضرت اسماعیل ؑ کی بے مثال اطاعت، قربانی اور تسلیم و رضا کی یاد تازہ کرتی ہے، یہ دن ہمیں یاد دلاتا ہے کہ اللہ کی رضا کے لیے کسی بھی قربانی سے دریغ نہیں کرنا چاہیے۔وزیراعظم شہبازشریف نے عید کے بابرکت موقع پر قوم کو مبارکباد پیش کرتے ہوئے قربانی کے اصل مفہوم پر زور دیا ہے۔اپنے خصوصی پیغام میں وزیراعظم نے کہا کہ عیدالاضحی  ٰ ہمیں صرف جانور کی قربانی کا نہیں، بلکہ اپنی خواہشات، نفس اور ذاتی مفادات کو اعلیٰ قومی مقاصد کے لیے قربان کرنے کا درس دیتی ہے۔وزیراعظم نے کہا کہ قربانی کا جذبہ انسان میں صبر، حوصلہ، ایثار اور استقامت جیسے اوصاف پیدا کرتا ہے، جو کسی بھی قوم کی ترقی اور استحکام کی بنیاد ہوتے ہیں۔انہوں نے کہا کہ پاکستان آج ترقی کی راہ پر گامزن ہے اور ایسے میں ہمیں اجتماعی یکجہتی، ایثار اور قربانی کے جذبے کو فروغ دینا ہو گا تاکہ یہ سفر مزید تیزی سے جاری رہے۔ فیلڈ مارشل سید عاصم منیر نے  عیدالاضحی  کے پرمسرت موقع پر پاکستانی عوام کو دل کی گہرائیوں سے مبارکباد پیش کی ہے۔ اس موقع پر چیئرمین جوائنٹ چیفس آف اسٹاف کمیٹی، نیول چیف اور ایئر چیف نے بھی قوم کو عید کی مبارکباد دیتے ہوئے نیک خواہشات کا اظہار کیا۔

صدر مملکت، وزیر اعظم، فیلڈ مارشل عاصم منیر اوردیگرکی عیدالاضحی پر قوم کو مبارکباد

عید الاضحٰی ہمارے ایمان، قربانی، ایثار اور بھائی چارے کے جذبے کو ازسرِ نوزندہ کرنے کا دن ہے،صدرمملکت

ملک بھر میں آج عیدالاضحی مذہبی جوش و جذبے اور عقیدت و احترام کے ساتھ منائی جا رہی ہے۔ سنتِ ابراہیمی کی یاد میں لاکھوں مسلمان نماز عید ادا کرنے کے بعد قربانی میں مصروف ہیں۔صبح کا آغاز نمازِ عید کے بڑے بڑے اجتماعات سے ہوا، اسلام آباد، کراچی، لاہور، پشاور اور کوئٹہ سمیت مختلف شہروں میں مساجد، عیدگاہوں اور کھلے میدانوں میں نمازِ عید کے بڑے اجتماعات منعقد ہوئے، جن میں امتِ مسلمہ اور وطن عزیز کی ترقی، خوشحالی اور امن کیلئے خصوصی دعائیں کی گئیں۔نمازِ عید کے بعد فرزندانِ اسلام سنتِ ابراہیمی پر عمل کرتے ہوئے جانوروں کی قربانی کر رہے ہیں۔اسلام آباد کی شاہ فیصل مسجد سمیت شہر کی مختلف مساجد، عید گاہوں اور امام بارگاہوں میں نمازِ عید کے روح پرور مناظر دیکھے گئے۔نماز کے اختتام پر افواجِ پاکستان، قومی سلامتی اور ملک و قوم کی سلامتی و ترقی کے لیے خصوصی دعائیں کی گئیں۔عید کے اجتماعات کے موقع پر سکیورٹی کے بھی سخت انتظامات کئے گئے تھے، حساس مقامات پر پولیس اور رینجرز کی اضافی نفری تعینات کی گئی جبکہ سی سی ٹی وی کیمروں کے ذریعے بھی نگرانی کی جاتی رہی تاکہ شہری بلا خوف و خطر عبادات اور قربانی کی ادائیگی کر سکیں۔نماز عید کی ادائیگی کے بعد لاکھوں فرزندان اسلام سنت ابراہیمیؑ کی پیروی کرتے ہوئے جانوروں کی قربانی کر رہے ہیں، قربانی کا سلسلہ تین روز تک جاری رہے گا۔قربانی کے بعد کوئی گوشت بانٹنے میں مصروف تو کوئی قصائی کا منتظر ہے۔

ملک بھر میں آج عیدالاضحی مذہبی عقیدت و احترام کے ساتھ منائی جا رہی ہے

نمازِ عید کے بعدعوام سنت ابراہیمی کی پیروی میں اپنے جانور اللہ کی راہ میں قربان کررہے ہیں

وزیراعظم شہبازشریف نے سعودی ولی عہد محمد بن سلمان سے ملاقات کی ہے۔سعودی میڈیا کے مطابق وزیر اعظم اور سعودی ولی عہد کی ملاقات منیٰ میں ہوئی جس میں نائب وزیراعظم اسحاق ڈار اور فیلڈ مارشل سید عاصم منیر بھی موجود تھے۔سعودی میڈیا نے بتایاکہ دونوں رہنماؤں نے ایک دوسرے کو عید کی مبارک باد دی۔ملاقات میں دونوں ملکوں کے دیرینہ تعلقات اور مختلف شعبوں میں تعاون مضبوط بنانے پر بات چیت کی۔علاوہ ازیں وزیر اعظم نے شاہی دیوان میں ولی عہد و وزیرِ اعظم سعودی عرب شہزادہ محمد بن سلمان بن عبدالعزیز آل سعود کی جانب سے دئیے گئے خصوصی ظہرانے میں بطور مہمانِ خاص شرکت کی ،ولی عہد سعودی عرب نے وزیرِ اعظم کا خصوصی استقبال کیا اور خود گاڑی چلا کر وزیرِ اعظم کو ظہرانے میں شرکت کیلئے لے کر گئے،ظہرانے میں سعودی ولی عہد نے وزیرِ اعظم محمد شہباز شریف کا بھرپور استقبال کیا اور دونوں رہنماؤں کے مابین غیر رسمی گفتگو ہوئی،ظہرانے میں مشرق وسطی کے اہم رہنماؤں سمیت سعودی کابینہ کے ارکان اور اعلی سعودی سول و عسکری قیادت شریک تھے،وزیرِ اعظم نے سعودی ولی عہد کی جانب سے شاندار استقبال اور ظہرانے میں بطور مہمان خاص شرکت کی، پاکستان و سعودی عرب کے دیرنہ برادرانہ تعلقات اور وزیرِ اعظم کی قیادت میں پاکستان کی سفارتی کامیابیوں کا مظہر ہے۔وزیراعظم آفس سے جاری کردہ اعلامیے کے مطابق وزیراعظم شہباز شریف اور ولی عہد محمد بن سلمان کے وفود کے ہمراہ تفصیلی ملاقات میں پاکستان اور مملکت سعودی عرب کے درمیان گہرے، اسٹریٹجک اور برادرانہ تعلقات کا اعادہ کیا گیا۔وزیراعظم نے پاک بھارت کشیدگی کے دوران مملکت کے فعال کردار اور امن و استحکام کو فروغ دینے کو سراہا اور کہا کہ جنوبی ایشیا میں پائیدار امن صرف بات چیت کے ذریعے ہی ممکن ہے۔دونوں رہنماوٴں نے غزہ کی سنگین انسانی صورتحال پر بات چیت کی اور بین الاقوامی برادری پر اخلاقی اور قانونی ذمہ داریوں کو پورا کرنے پر زور دیا، مسئلہ فلسطین کے منصفانہ اور پائیدار حل کے لیے اپنی غیر متزلزل حمایت کا اعادہ کیا۔وزیر اعظم شہباز شریف نے سیاسی، اقتصادی اور سیکیورٹی کے شعبوں میں دوطرفہ تعاون کی بڑھتی ہوئی رفتار پر اطمینان کا اظہار کیا۔ دونوں رہنماوٴں نے عوام کی امنگوں کے مطابق اسٹریٹجک شراکت داری کو مزید بلند کرنے پر اتفاق کیا۔سعودی ولی عہد نے وزیراعظم کی جلد ازجلد پاکستان کا سرکاری دورہ کرنے کی دعوت قبول کرلی۔بعدازاں وزیرِاعظم وفد کے ہمراہ واپس وطن روانہ ہوگئے۔

وزیراعظم کی سعودی ولی عہد سے ملاقات، ایک دوسرے کو عید کی مبارکباد دی

سعودی ولی عہد نے وزیرِ اعظم کا خصوصی استقبال کیا اور خود گاڑی چلا کر وزیرِ اعظم کو ظہرانے میں شرکت کیلئے لے کر گئے

South Africa vs India live streaming of the T20 World Cup 2024 final shouldn�t be missed. The only two sides that have remained unbeaten throughout the tournament will take on each other in the T20 World Cup�s biggest clash on 29th June 2024.

South Africa vs India Live Streaming T20 World Cup 2024 Final Live Telecast Where To Watch Match Live

<p>South Africa vs India live streaming of the T20 World Cup 2024 final shouldn&rsquo;t be missed. The only two sides that have remained unbeaten throughout the tournament will take on each other in the T20 World Cup&rsquo;s biggest clash on 29th June 2024.&nbsp;</p>

<p>This will be South Africa&rsquo;s first time playing the final of a T20 World Cup and they will be ready to take the trophy home.&nbsp;</p>

<p>India won the first edition of the mighty Twenty20 tournament back in 2007. Since then, they have qualified for the T20 World Cup final once only in 2014 and that match was won by Sri Lanka.&nbsp;</p>

<p>Both teams are in their absolute best form and will be looking to lift the shiny World Cup trophy at the Kensington Oval in Barbados.&nbsp;</p>

<h3>When will the South Africa vs India, T20 World Cup final match be played?</h3>

<p>The South Africa vs India, T20 World Cup final match will be played on Saturday, 29th June.&nbsp;</p>

<h3>Where will the South Africa vs India, T20 World Cup final match be played?</h3>

<p>The South Africa vs India, T20 World Cup final match will be played at the Kensington Oval Stadium in Barbados.&nbsp;</p>

<h3>What time will the South Africa vs India, T20 World Cup final match start?</h3>

<p>The South Africa vs India, T20 World Cup final match will start at 7:30 PM (PST).</p>

<h3>Which TV channels will telecast the South Africa vs India, T20 World Cup final match?</h3>

<p>The South Africa vs India T20 World Cup final live telecast will be available at PTV Sports and <a href="https://www.tapmad.com/play/tensports/9461">Ten Sports</a> in Pakistan.&nbsp;</p>

<h3>Where to follow the live streaming of the South Africa vs India, T20 World Cup final match?</h3>

<p>Cricket fans in Pakistan can enjoy the South Africa vs India, T20 World Cup final <a href="https://www.tapmad.com/play/watch-live-ind-vs-eng-t20-world-cup/11131">live</a> streaming online in HD and ad-free on tapmad.&nbsp;</p>

South Africa vs India Live Streaming T20 World Cup 2024 Final Live Telecast: Where To Watch Match Live

When will the South Africa vs India, T20 World Cup final match be played?

Where will the South Africa vs India, T20 World Cup final match be played?

What time will the South Africa vs India, T20 World Cup final match start?

Which TV channels will telecast the South Africa vs India, T20 World Cup final match?

Where to follow the live streaming of the South Africa vs India, T20 World Cup final match?

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan