Cricket

Entertainment

Football

ایرانی وزیر خارجہ عباس عراقچی نے کہا ہے کہ اسرائیل کی جانب سے ایران پر کیے گئے حالیہ حملوں میں امریکا براہِ راست شریک ہے، اور اس کے سنگین نتائج ہوں گے۔ ان کا کہنا تھا کہ اسرائیل نے ایران کی ایٹمی تنصیبات کو نشانہ بنا کر تمام "ریڈ لائنز" عبور کر لی ہیں، اور یہ حملے امریکی پشت پناہی کے بغیر ممکن نہیں تھے۔تہران میں پریس کانفرنس کرتے ہوئے ایرانی وزیر خارجہ نے کہا کہ اسرائیلی حملوں کے ثبوت موجود ہیں کہ ان میں امریکا کی واضح معاونت شامل ہے، اگرچہ واشنگٹن نے ایک سرکاری پیغام کے ذریعے ان حملوں سے لاتعلقی کا اظہار کیا ہے۔ایرانی وزیر خارجہ نے واضح کیا کہ ایران پر اسرائیلی حملے بین الاقوامی قوانین اور ایران کے دفاعی حق کی خلاف ورزی ہیں، اور ایران نے جوابی کارروائیاں اپنے دفاع میں کی ہیں۔ ان کا کہنا تھا کہ ایران خطے میں جنگ کے دائرہ کار کو وسیع کرنا نہیں چاہتا لیکن اگر ایران پر حملے جاری رہے تو تہران جنگ کے دائرہ کار کو دیگر ممالک تک بڑھانے پر بھی غور کر سکتا ہے۔انہوں نے کہا کہ ایران کسی ایسے معاہدے کا حصہ نہیں بنے گا جو اسے پرامن جوہری توانائی کے حق سے محروم کرے۔ ایران کا مؤقف بالکل واضح ہے کہ ہم ایٹمی ہتھیاروں کے خواہاں نہیں مگر پرامن جوہری پروگرام ہمارا حق ہے، اور ایران 60 فیصد سے زائد یورینیم کی افزودگی جاری رکھے گا۔عباس عراقچی نے عالمی برادری سے مطالبہ کیا کہ اسرائیل کی مسلسل جارحیت کا نوٹس لیا جائے، کیونکہ اسرائیلی حملے نہ صرف ایران کو نشانہ بنا رہے ہیں بلکہ پورے خطے کو جنگ کی طرف دھکیلنے کی کوشش کی جا رہی ہے۔ایرانی وزیر خارجہ کا کہنا تھا کہ اسرائیل جان بوجھ کر ایسے اقدامات کر رہا ہے جن کا مقصد ایران اور امریکا کے درمیان ہونے والی سفارتی پیش رفت کو سبوتاژ کرنا ہے۔ انہوں نے مزید کہا کہ اسرائیل خطے میں کسی بھی امن عمل کا دشمن ہے۔ایرانی وزیر خارجہ نے کہا کہ اگر اسرائیلی حملے بند ہو جائیں تو ایران بھی اپنے فوجی ردعمل کو روک دے گا۔ انہوں نے کہا کہ ایران کا دفاع بین الاقوامی قوانین، خصوصاً اقوامِ متحدہ کے چارٹر کے آرٹیکل 51 کے مطابق ہے جو حملے کی صورت میں اپنے دفاع کا حق دیتا ہے۔عباس عراقچی نے اس بات پر زور دیا کہ ایران جنگ کا خواہاں نہیں مگر اپنی سلامتی پر سمجھوتہ بھی نہیں کرے گا۔ اگر خطے میں امن چاہتے ہیں تو اسرائیل کو اپنی جارحیت ختم کرنا ہو گی۔

اسرائیل نے ریڈ لائنز عبور کر لیں، امریکا کے ملوث ہونے کے ثبوت موجود ہیں،ایران

ایران پرامن جوہری پروگرام سے پیچھے نہیں ہٹے گا، خطے میں جنگ نہیں چاہتے مگر دفاع لازم ہے، ایرانی وزیر خارجہ

امریکی صدر ڈونلڈ ٹرمپ نے ایران کو تنبیہ کرتے ہوئے خبردار کیا ہے کہ اگر ایران نے امریکا پر کسی بھی قسم کا حملہ کیا تو اسے ایسی فوجی طاقت کا سامنا کرنا پڑے گا جو دنیا نے پہلے کبھی نہیں دیکھی ہوگی۔ٹرمپ نے سوشل میڈیا پلیٹ فارم ٹرتھ سوشل پر اپنے جاری کردہ بیان میں واضح کیا کہ امریکا کا ایران پر ہونے والے حالیہ حملے سے کوئی تعلق نہیں ہے۔ انہوں نے کہا کہ امریکا کسی تنازع کا حصہ نہیں بننا چاہتا لیکن اگر امریکی مفادات یا تنصیبات کو نشانہ بنایا گیا تو امریکا بھرپور طاقت کے ساتھ جواب دے گا۔اپنے بیان میں ٹرمپ نے ایران اور اسرائیل کے درمیان جاری کشیدگی پر ثالثی کی پیشکش کرتے ہوئے کہا کہ ہم ایران اور اسرائیل کے درمیان آسانی سے معاہدہ کروا سکتے ہیں، تاکہ خونریزی کا یہ سلسلہ ختم کیا جا سکے۔ٹرمپ نے ایران کو خبردار کرتے ہوئے کہا،اگر ہم پر کسی بھی صورت حملہ کیا گیا تو امریکی فوج کی مکمل طاقت اور ایسا ردعمل دیکھو گے جو اس سے پہلے کبھی کسی نے نہیں دیکھا ہوگا۔ٹرمپ کے مطابق امریکا کا موجودہ جھگڑے سے کوئی براہِ راست تعلق نہیں، تاہم وہ تنازع کے خاتمے کے لیے ثالثی کے لیے تیار ہیں۔

اسرائیل اورایران کے درمیان معاہدہ کرواناآسان ہے،ٹرمپ نے ثالثی کی پیشکش کردی

اگر ایران نے کسی بھی شکل میں امریکا کو نشانہ بنایا تو امریکی فوج بے مثال طاقت سے جواب دے گی،ٹرمپ

پاکستان سمیت دنیا کے مختلف ممالک میں آج ’’فادرز ڈے‘‘ عقیدت و محبت کے ساتھ منایا جا رہا ہے۔ اس دن کا مقصد والد کی محبت، محنت اور قربانیوں کا اعتراف کرنا اور ان ہستیوں کو خراجِ تحسین پیش کرنا ہے جو زندگی بھر اپنی اولاد کے لیے جیتے ہیں۔فادرز ڈے ہر سال جون کے تیسرے اتوار کو منایا جاتا ہے تاکہ باپ جیسے عظیم رشتے کی اہمیت کو اجاگر کیا جا سکے۔ باپ وہ سایہ دار درخت ہے جو اپنی اولاد کو زندگی کی دھوپ سے بچاتا ہے۔ وہ خود خواہ کتنی ہی تکلیف میں ہو، مگر اپنی اولاد کو ہمیشہ محفوظ، خوش اور کامیاب دیکھنے کی خواہش رکھتا ہے۔ وہ اپنی محنت، جدوجہد اور قربانیوں سے بچوں کے خوابوں کو حقیقت میں بدلنے کی کوشش کرتا ہے۔ماں کی طرح باپ بھی اپنی محبت کے اظہار میں بے مثال ہوتا ہے۔ ماں اپنی ممتا سے اولاد کو پالتی ہے، جبکہ باپ اپنے خون پسینے کی کمائی سے ان کے مستقبل کی بنیاد رکھتا ہے۔ ایک باپ دن بھر کی مشقت کے بعد جب گھر لوٹتا ہے تو اس کی سب سے بڑی خوشی اپنی اولاد کی مسکراہٹ میں چھپی ہوتی ہے۔آج کا دن ہمیں یہ احساس دلاتا ہے کہ والد کی موجودگی ایک انمول نعمت ہے۔ ہمیں چاہیے کہ ہم ان کی زندگی میں ہی ان کی قدر کریں، محبت کا اظہار کریں اور ان کا شکریہ ادا کریں۔فادرز ڈے کی شروعات امریکہ میں ایک خاتون سونورا اسمارٹ ڈوڈ کی کوششوں سے ہوئی، جنہوں نے 1910 میں واشنگٹن کے شہر اسپوکین میں پہلی بار یہ دن منایا۔ سونورا کے والد، ویلیم جیکسن اسمارٹ، امریکی خانہ جنگی کے سابق فوجی تھے، جنہوں نے بیوی کے انتقال کے بعد اپنے بچوں کی تنہا پرورش کی۔ اپنے والد کی جدوجہد اور محبت نے سونورا کو فادرز ڈے منانے کا جذبہ دیا۔آج یہ دن پوری دنیا میں والدین کی عظمت کا عالمی پیغام بن چکا ہے۔ آئیے آج ہم اپنے والد کو دل سے سلام پیش کریں اور ان کے مقام کا اعتراف کریں۔

پاکستان سمیت دنیا کے مختلف ممالک میں آج ’’فادرز ڈے‘‘منایا جا رہا ہے

فادرز ڈے ہر سال جون کے تیسرے اتوار کو منایا جاتا ہے تاکہ باپ جیسے عظیم رشتے کی اہمیت کو اجاگر کیا جا سکے

مشرق وسطیٰ میں جنگ کے بادل مزید گہرے ہو گئے ہیں، ایران نے اسرائیل پر ایک بار پھر زبردست حملہ کرتے ہوئے 100 سے زائد بیلسٹک اور ہائپر سونک میزائل داغ دیے۔ ایرانی حملے کے بعد تل ابیب، حیفہ، بیت یام، تامرا اور کئی دیگر اسرائیلی شہروں میں سائرن کی گونج سنائی دی اور ہر طرف خوف و ہراس پھیل گیا۔ایرانی سرکاری میڈیا کے مطابق پاسداران انقلاب اسلامی (IRGC) کی جانب سے کیے گئے اس بڑے حملے میں اسرائیل کے فوجی اور توانائی کے اہم مراکز کو نشانہ بنایا گیا۔ ایران نے تصدیق کی ہے کہ "وعدہ صادق سوم" نامی آپریشن کے تحت اسرائیلی لڑاکا طیاروں کے ایندھن مراکز اور توانائی تنصیبات پر بیلسٹک میزائلوں اور ڈرونز سے حملے کیے گئے ہیں۔حملوں کے نتیجے میں حیفہ میں آئل ریفائنری سمیت متعدد مقامات پر آگ بھڑک اٹھی جبکہ بیت یام میں چھ اسرائیلی ہلاک ہو گئے۔ حیفہ اور تامرا شہر میں ہونے والے میزائل حملوں میں مزید چار افراد جان کی بازی ہار گئے، جس کے بعد ہلاکتوں کی مجموعی تعداد 10 ہو گئی ہے۔ اسرائیلی میڈیا کے مطابق ان حملوں میں 200 سے زائد افراد زخمی ہوئے ہیں جبکہ کئی عمارتیں تباہ ہو چکی ہیں۔ایران کا دعویٰ ہے کہ اس نے اسرائیل کے 10 طیارے بھی ایک گھنٹے کے اندر مار گرائے ہیں، جبکہ اس سے قبل ایران تین ایف-35 طیارے تباہ کرنے کا بھی اعلان کر چکا ہے۔اسرائیلی حکام کے مطابق ملک بھر میں ایمرجنسی نافذ کر دی گئی ہے، شہریوں کو گھروں میں رہنے اور بنکروں میں پناہ لینے کی ہدایات جاری کر دی گئی ہیں۔ اسرائیلی وزیراعظم نیتن یاہو کی زیر صدارت جنگی کابینہ کا ہنگامی اجلاس طلب کر لیا گیا ہے جس میں جوابی کارروائی اور دفاعی حکمت عملی پر مشاورت کی جا رہی ہے۔ایرانی پاسداران انقلاب نے خبردار کیا ہے کہ اگر اسرائیل نے جارحیت جاری رکھی تو حملوں میں مزید شدت لائی جائے گی۔ دفاعی تجزیہ کاروں کے مطابق خطے میں مکمل جنگ کا خطرہ بڑھ چکا ہے اور عالمی برادری ایک بار پھر ایران اسرائیل کشیدگی پر گہری نظر رکھے ہوئے ہے۔

ایران کا اسرائیل پر بڑا میزائل حملہ، تل ابیب، حیفہ اور دیگر شہر دھماکوں سے لرز اٹھے

100 سے زائد بیلسٹک اور ہائپر سونک میزائل داغے گئے، 10 اسرائیلی ہلاک، 200 سے زائد زخمی

آئی سی سی ٹیسٹ چیمیئن شپ کے فائنل مقابلے میں جنوبی افریقہ نے آسٹریلیا کو 5 وکٹوں سے شکست دے کر 27 سال بعد آئی سی سی ٹائٹل جیت لیا،جنوبی افریقا نے 282 رنز کا ہدف پانچ وکٹوں کے نقصان پر حاصل کیا،ایڈن مارکرم نے دوسری اننگز میں فائٹنگ سنچری بنا کر جنوبی افریقا کی فتح میں اہم کرادر ادا کیا اور 136 رنز کی میچ وننگ اننگز کھیلی،کپتان باؤما نے 66، ویان ملڈر نے27 رنز بناکر نمایاں رہے۔لارڈز کے تاریخی اسٹیڈیم کھیلے جارہے میچ کے چوتھے روز اننگز کا آغاز ہوا تو افریقی کپتان ٹمبا باوما محض ایک رنز کے اضافے کے بعد وکٹ گنوا بیٹھے، انہوں نے 66 رنز کی اننگز کھیلی، بعدازاں ٹرسٹن اسٹبس بھی 8 رنز بناکر آؤٹ ہوئے۔چوتھی وکٹ کیلئے ایڈن مارکرم اور ڈیوڈ بیڈنگھم نے 35 رنز کی پارٹنرشپ قائم کی تاہم مارکرم 136 رنز بناکر پویلین لوٹ گئے، انکی اننگز میں چوکے شامل تھے۔ ڈیوڈ بیڈنگھم 21 رنز بناکر ناٹ آؤٹ رہے۔آسٹریلیا کی جانب سے کپتان پیٹ کمنز، مچل اسٹارک اور جوش ہیزل ووڈ نے چوتھے روز گرنے والی تینوں وکٹیں حاصل کیں۔قبل ازیں آئی سی سی ٹیسٹ چیمپئن شپ فائنل کے تیسرے روز آسٹریلیا نے 8 وکٹوں کے نقصان پر 144 رنز کیساتھ اننگز کا آغاز کیا، تاہم دن کے آغاز پر نتھین لائن کی پہلی وکٹ گری، جو محض 2 رنز بناکر پویلین روانہ ہوئے۔جوش ہیزل ووڈ 17 رنز بناکر آئوٹ ہوگئے جبکہ مچل اسٹارک 58 رنز کے ساتھ ناٹ آئوٹ رہے۔ کینگروز نے جنوبیا فریقا کو ٹائٹل جیتنے کے لیے 282 رنز کا ہدف دیا۔جنوبی افریقا کی جانب سے کیگیسو رباڈا اور ایڈن مارکرم نے ایک، ایک وکٹ حاصل کی۔ہدف کے تعاقب میں جنوبی افریقا نے 2 وکٹوں کے نقصان پر 213 رنز بنا لیے اور اس وقت کریز پر ایڈن مارکرم 102 جبکہ کپتان ٹیمبا باوما 65 رنز کے ساتھ موجود ہیں۔ریان رکلٹن 6 اور وائن مولڈر 27 رنز بنا کر آؤٹ ہوئے۔ جنوبی افریقا کے دونوں کھلاڑی مچل اسٹارک کا شکار بنے۔ اس سے پہلے جنوبی افریقا نے 43 رنز 4 وکٹوں کے نقصان سے دوسرے روز کا آغاز کیا۔ کپتان باوما اور ڈیوڈ بیڈنگھم نے 63 رنز کی پارٹنرشپ قائم کی تاہم 94 کے مجموعی اسکور پر افریقی کپتان 36 بناکر آؤٹ ہوئے۔کپتان کی وکٹ کے بعد جنوبی افریقا کی 5 وکٹیں 44 رنز کے اضافے کے ساتھ گر گئیں اور پوری ٹیم 138 پر پویلین لوٹ گئی۔ڈیوڈ بیڈنگھم 45 رنز بنا کر نمایاں رہے۔ کائل ویرائن 13، کیشو مہاراج 7، کیگیسو رباڈا 1 اور مارکو جینسن 0 کے انفرادی اسکور پر آؤٹ ہوئے۔آسٹریلیا کی جانب سے کپتان پیٹ کمنز نے 28 رنز کے عوض 6 کھلاڑیوں کو آؤٹ کیا۔ یہ لارڈز کے میدان میں کسی بھی کپتان کے اب تک کے سب سے بہترین فیگرز ہیں۔مچل اسٹارک نے 2 اور جوش ہیزل ووڈ نے 1 وکٹ حاصل کی۔آسٹریلیا کی ٹیم نے 74 رنز کی برتری کے ساتھ دوسری اننگز کا آغاز کیا لیکن دن کے اختتام پر 144 رنز پر 8 وکٹیں گنوا بیٹھی۔ ٹیم کی مجموعی برتری 218 رنز تک پہنچی ۔آسٹریلیا کی جانب سے ایلکس کیرے 43 رنز بنا کر نمایاں رہے۔ مارنس لبوشین 22، اسٹیون اسمتھ 13، بیو ویبسٹر 9، ٹریوس ہیڈ 9، کپتان پیٹ کمنز 6، عثمان خواجہ 6 اور کیمرون گرین صفر کے انفرادی اسکور پر پویلین لوٹے۔مچل اسٹارک 16 اور نیتھن لائن 1 رن کے ساتھ کریز پر موجود ہیں۔پروٹیز کی جانب سے لْنگی اینگیڈی اور کیگیسو رباڈا نے 3، 3 جبکہ وائن مْلڈر اور مارکو جینسن نے 1، 1 کھلاڑی کو آؤٹ کیا۔پہلے روز جنوبی افریقا کی دعوت پر پہلے بیٹنگ کرتے ہوئے آسٹریلیا کی ٹیم 212 رنز بنا کر آؤٹ ہوئی، کینگروز کی جانب سے بیو ویبسٹر 72 رنز بنا کر نمایاں رہے۔اسٹیو اسمتھ 66، ایلکس کیرے 23، مارنس لبوشین 17، ٹریوس ہیڈ 11، کیمرون گرین 4، کپتان پیٹ کمنز 1، مچل اسٹارک 1 جبکہ نیتھن لائن اور عثمان خواجہ کھاتہ بغیر کھولے پویلین لوٹے۔جنوبی افریقا کی جانب سے کیگیسو رباڈا نے 5، مارکو جینسن نے 3 اور ایڈن مارکرم اور کیشو مہاراج نے 1، 1 وکٹ حاصل کی۔جواب میں پروٹیز کی پہلی اننگز کے پہلے روز 43 رنز پر 4 وکٹیں گر چکی تھی جبکہ 169 رنز کا خسارہ باقی تھا، افریقی بیٹر ریان رکلٹن 16، وائن مولڈر 6، ٹرسٹین اسٹبز اور ایڈن مارکرم 0 کے انفرادی اسکور پر پویلین روانہ ہوئے۔آسٹریلیا کی جانب سے مچل اسٹار ک نے 2 جبکہ پیٹ کمنز اور جوش ہیزل ووڈ نے 1، 1 وکٹ حاصل کی۔جنوبی افریقا کے سکواڈ میںکپتان ٹمبا باوما، ایڈن مارکرم، ریان رکلیٹن، ویان مولڈر، ٹرسٹن اسٹبس، ڈیوڈ بیڈنگھم، کائل ویرین، مارکو جانسن، کیشو مہاراج، کاگیسو ربادا اور این لونگی جبکہ آسٹریلیا کے سکواڈ میں کپتان پیٹ کمنز، عثمان خواجہ، مارنس لیبوشن، کیمرون گرین، اسٹیون اسمتھ، ٹریوس ہیڈ، بیو ویبسٹر، ایلکس کیری، مچل اسٹارک، نیتھن لیون اور جوش ہیزل ووڈ شامل تھے ۔

جنوبی افریقا  نے تاریخ رقم کر دی ،آسٹریلیا کو شکست دیکر ورلڈ ٹیسٹ چمپئن شپ کا ٹائٹل جیت لیا

ایڈن مارکرم نےسنچری بنا کر جنوبی افریقا کی فتح میں اہم کرادر ادا کیا اوراپنی ٹیم کو 27 برس بعد آئی سی سی ایونٹ کا ٹائٹل جتوادیا

اسرائیلی سکیورٹی اہلکاروں نے امریکی میڈیا کے صحافی کو ایران کے میزائل حملے کی تل ابیب میں کوریج سے روک دیا۔اس حوالے سے سامنے آنے والی ویڈیو میں دیکھا جاسکتا ہےکہ مذکورہ رپورٹر ایران کی جانب سے کیے گئے حملے کے بعد متاثرہ علاقے کی براہ راست کوریج کرنے کےلیے پہنچا تھا۔فاکس نیوز کا رپورٹر لائیو رپورٹ میں بتا رہا ہے کہ ایران نے اسرائیل کے فوجی ہیڈکوارٹر کریان کو کامیابی سے نشانہ بنایا ہے، جسے امریکی پینٹاگون کے برابر سمجھا جاتا ہے۔ اس کے بعد رپورٹر کو مقام سے ہٹا دیا گیا اور رپورٹنگ نہیں کرنے دی گئی،اس موقع پر اسرائیلی سکیورٹی اہلکاروں نے صحافی کو وہاں سے لائیو کوریج میں حملے سے ہونے والے نقصانات دکھانے سے روک دیا۔

اسرائیل نے امریکی صحافی کو ایرانی حملے کی کوریج سے روک دیا

رپورٹر ایران کی جانب سے کیے گئے حملے کے بعد متاثرہ علاقے کی براہ راست کوریج کرنے کےلیے پہنچا تھا

بھارت کی جانب سے فنانشل ایکشن ٹاسک فورس (فیٹف) کےآج ہونے والے اجلاس میں پاکستان کو دوبارہ گرے لسٹ میں شامل کرانے کی کوشش ناکام ہو گئی ہے۔ذرائع کے مطابق اجلاس میں پاکستان کو گرے لسٹ میں رکھنے کے بجائے صرف رپورٹنگ کے مرحلے میں رکھنے کا فیصلہ کیا گیا ہے۔اجلاس کے دوران بھارتی وفد نے پاکستان کے خلاف سخت مؤقف اپنانے کی بھرپور کوشش کی، تاہم چین نے پاکستان کے مؤقف کی کھل کر حمایت کی اور پاکستان کو ریلیف دینے کی تائید کی۔علاوہ ازیں، ترکی اور جاپان نے بھی پاکستان کے حق میں ووٹ دیا اور مکمل تعاون کا اظہار کیا۔یاد رہے کہ پاکستان کو اکتوبر 2022 میں فیٹف کی گرے لسٹ سے نکالا گیا تھا۔ پاکستان 2018 سے گرے لسٹ میں شامل تھا اور اس دوران کئی اہم اقدامات کئے گئے جنہیں عالمی سطح پر سراہا گیا۔فنانشل ایکشن ٹاسک فورس دنیا بھر میں منی لانڈرنگ اور دہشت گردی کی مالی معاونت کے خلاف نگرانی کرنے والا عالمی ادارہ ہے، جس کے 37 ارکان میں امریکا، برطانیہ، چین، بھارت، ترکی، خلیجی تعاون کونسل اور یورپی کمیشن شامل ہیں۔

پاکستان کو فیٹف کی گرے لسٹ میں شامل کرانے کی بھارتی کوشش ناکام ہوگئی

فیٹف اجلاس میں پاکستان کو گرے لسٹ میں رکھنے کے بجائے صرف رپورٹنگ لسٹ میں رکھنے کا فیصلہ کی اگیا ہے

کراچی کے مختلف علاقوں میں ایک دفعہ پھر زلزلے کے جھٹکے محسوس کیے گئے جس سے لوگوں میں خوف و ہراس پھیل گیا۔لوگ کلمہ طیبہ اور دورد پاک کا ورد کرتے ہوئے اپنے گھروں سے باہر نکل آئے۔ زلزلہ پیما مرکز نے کہا ہے کہ زلزلے کی شدت ریکٹر اسکیل پر 3.2 ریکارڈ کی گئی ہے،زلزلے کی گہرائی 35 کلو میٹر تھی، زلزلہ پیما مرکز کے مطابق زلزلہ ملیر سے 12 کلومیٹر جنوب میں آیا۔چیف میٹرولوجسٹ امیر حیدرنے بتایا ہے کہ کراچی کے علاقے ملیر، شاہ فیصل کالونی، قائد آباد، گلزار ہجری، یونیورسٹی روڈ  اور اس کے اطراف کے علاقوں میں زلزلے کے جھٹکے محسوس کیے گئے ہیں۔چیف میٹرولوجسٹ نے بتایا کہ زلزلے کے جھٹکے لانڈھی فالٹ لائن متحرک ہونے کی وجہ سے آرہے ہیں اور یہ جھٹکے کب تک  جاری رہ سکتے ہیں یہ بتانا ناممکن ہے۔انہوں نے کہا کہ 2009 میں بھی لانڈھی فالٹ لائن متحرک ہوئی تھی، اس وقت  2 ماہ سے زائد تک معمولی شدت کے زلزلے ریکارڈ ہوئے تھے۔واضح رہے کہ کراچی میں یکم جون سے زلزلوں کا سلسلہ شروع ہوا تھا اور اب تک مختلف علاقوں میں مجموعی طور پر 39 زلزلوں کے  جھٹکے محسوس کیے جا چکے ہیں۔

کراچی کے مختلف علاقوں میں ایک بار پھر زلزلے کے جھٹکے،لوگوں میں خوف ہراس

شہرقائد میںیکم جون سے شروع ہونے والا سلسلہ تاحال جاری، اب تک 39 زلزلوں کے جھٹکے محسوس کیے جا چکے ہیں

ایران نے جوابی کارروائی ’وعدہ صادق 3‘ کا آغاز کرتے ہوئے اسرائیل کے مختلف مقامات پر میزائل حملے کر دیے، گزشتہ رات سے جاری حملوں میں اسرائیل کی کئی عمارتیں تباہ ہوگئیں جب کہ ان حملوں کے نتیجے میں اسرائیلی خاتون سمیت 3 ہلاک اور 80 اسرائیلی شہری زخمی ہوگئے۔تفصیلات کے مطابق ایران اور اسرائیل کے درمیان جاری کشیدگی نے شدت اختیار کرلی ہے، ایران نے صبح سویرے اسرائیل پر پانچواں بڑا میزائل حملہ کر دیا۔ایران کی جانب سے کیے گئے تازہ حملے میں تل ابیب میں اسرائیلی جوہری تحقیقی مرکز پر میزائل حملہ کیا گیا۔ تازہ حملے میں درجنوں میزائل داغے گئے،ایران اب تک 200 سے زیادہ میزائل داغ چکا ہے،ایران کی جانب سے اسرائیل کے دارالحکومت تل ابیب میں میزائلوں کی بارش کی گئی جس سے  متعدد عمارتیں ملبے کا ڈھیر بن گئی ہیں ایرانی حملوں کے نتیجے میں اب تک4اسرائیلی ہلاک اور 63 سے زائد زخمی ہوئے ہیں۔اسرائیلی میڈیا کے مطابق دھماکوں کی آوازیں تل ابیب، یروشلم اور گش دان میں سنی گئیں جس سے شہریوں میں خوف وہراس پھیل گیا اور شہریوں کو محفوظ مقامات پر منتقل ہونے کی ہدایت کی گئی۔ تل ابیب میں اسرائیلی جوہری تحقیقی مرکز کو بھی نشانہ بنایا گیا۔ پاسداران انقلاب کے مطابق آپریشن وعدہ صادق 3 میں اسرائیل میں متعدد اہداف کو نشانہ بنایا گیا ہے اور اسرائیل پر 300 سے زائد میزائل داغے جا چکے ہیں۔ایرانی میڈیا کی جانب سے دعویٰ کیا گیا ہے کہ حملوں میں اشددود، تل ابیب، حیفہ اور بیرشیبا میں اسٹریٹیجک اہداف کو نشانہ بنایا گیا ہے۔ دوسری جانب اسرائیلی میڈیا کے مطابق ایران نے 200 بیلسٹک میزائل داغے ہیں جن میں سے متعدد کو فضا میں ہی ناکارہ کر دیا گیا۔ایرانی حملے میں اسرائیلی فوجی ہیڈکوارٹر کریا کی عمارت کو بھی نشانہ بنایا گیا۔اسرائیلی صحافی ایلون مزراہی نے سوشل میڈیا پر کہا ہے کہ ایرانی حملے میں تل ابیب میں واقع اسرائیلی فوجی ہیڈکوارٹر کو بھی نشانہ بنایا گیا ہے، کریا ہیڈکوارٹر میں اسرائیلی وزیراعظم نیتن یاہو فوجی بریفنگ لیتے رہے ہیں۔تل ابیب اور مقبوضہ بیت المقدس میں بیلسٹک میزائل فائر کیے گئے جن میں عمارتوں سمیت 7 مقامات کو نشانہ بنایا گیا جس سے 9 عمارتیں مکمل تباہ ہوگئیں اور سیکڑوں اپارٹمنٹس کو بھی نقصان پہنچا اور بجلی کا نظام مفلوج ہو گیا۔اسرائیل اور ایران کے درمیان یہ کشیدگی اب ایک کھلی جنگ کی شکل اختیار کر چکی ہے، جس کے اثرات پورے مشرقِ وسطیٰ میں محسوس کیے جا رہے ہیں۔ عالمی برادری شدید تشویش میں مبتلا ہے۔فی الوقت اسرائیل میں خوف و ہراس کی فضا قائم ہے، جب کہ ایران مسلسل جوابی کارروائی پر ڈٹا ہوا ہے، اس کے فوجی ذرائع واضح طور پر اعلان کر چکے ہیں کہ ’’اب صرف میزائل بولیں گے۔‘‘

ایران کے اسرائیل پر رات بھر میزائل حملے،تل ابیب دھماکوں سے لرز اٹھا، 4 ہلاک متعدد عمارتیں تباہ

تہران کا آپریشن ’وعدہ صادق 3‘ جاری،تل ابیب، حیفہ، مقبوضہ بیت المقدس پر میزائل برسادیے، صہیونی ریاست کا جوہری تحقیقی مرکز بھی نشانہ بنایا گیا

خیبرپختونخوا حکومت نے مالی سال 2025-26 کے لیے 2 ہزار 119 ارب روپے کا بجٹ پیش کر دیا، جس میں سرکاری ملازمین کی تنخواہوں میں 10 فیصد اور پنشن میں 7 فیصد اضافے کی تجویز دی گئی ہے۔صوبائی وزیر خزانہ آفتاب عالم خان نے صوبائی اسمبلی میں بجٹ پیش کرتے ہوئے کہا کہ رواں مالی سال کے دوران صوبے نے واجب الادا قرضوں کی مد میں 49 ارب روپے ادا کیے، جن میں 18 ارب روپے سود شامل ہے۔ ان کے مطابق، سابقہ حکومت نے 100 ارب روپے سرپلس بجٹ چھوڑا تھا، تاہم وفاق کی جانب سے این ایف سی شیئر میں 42 ارب روپے اور ضم شدہ اضلاع کے جاری اخراجات میں 40 ارب روپے کی کمی کی گئی۔وفاقی ٹیکس اہداف میںایک ہزار ارب روپے کی کمی کے باعث خیبرپختونخوا کو 90 ارب روپے کم موصول ہوئے۔ بجٹ میں سالانہ ترقیاتی پروگرام (ADP) کا حجم 547 ارب روپے رکھا گیا ہے، جبکہ کل اخراجات کا تخمینہ 1,962 ارب روپے ہے، اور 157 ارب روپے کا سرپلس بجٹ تجویز کیا گیا ہے۔کم از کم تنخواہ36ہزار روپے سے بڑھا کر40ہزار روپے کرنے کی تجویز ہے۔ ایگزیکٹو الاؤنس نہ لینے والے ملازمین کے لیے ڈسپیرٹی الاؤنس میں 15 سے 20 فیصد اضافہ تجویز کیا گیا ہے۔وزیر خزانہ نے نشاندہی کی کہ بجلی کے خالص منافع کی مد میں وفاق پر 71 ارب روپے اور تیل و گیس کی مد میں 58 ارب روپے کے بقایاجات واجب الادا ہیں۔ ترقیاتی بجٹ میں 1,349 جاری اور 810 نئے منصوبے شامل ہیں۔سڑکوں کی تعمیر کے لیے 16 فیصد حصہ مختص کیا گیا ہے، جس کے لیے 53 ارب 64 کروڑ روپے رکھے گئے ہیں۔ صحت کے لیے 182 منصوبوں پر 27 ارب، ابتدائی و ثانوی تعلیم کے 96 منصوبوں پر 13 ارب، اور اعلیٰ تعلیم کے 63 منصوبوں پر 6 ارب 27 کروڑ روپے خرچ کیے جائیں گے۔ٹرانسپورٹ، کھیل، داخلہ، توانائی، زراعت، اور اضلاع کی ترقی کے لیے بھی اربوں روپے کے منصوبے رکھے گئے ہیں۔ بندوبستی اضلاع کے لیے 120 ارب اور ADP پلس کے تحت ترقیاتی بجٹ میں 30 فیصد اضافہ کر کے اسے 155 ارب روپے تک پہنچایا گیا ہے۔مزید برآں، مختلف اصلاحاتی پروگراموں کے لیے 7 ارب روپے مختص کیے گئے ہیں، جن میں صحت، معدنیات، صنعت، لائیواسٹاک، بلدیات اور سیاحت کے منصوبے شامل ہیں۔

خیبرپختونخوا کا 2 ہزار 119 ارب روپے کا بجٹ پیش، تنخواہوں اور پنشن میں اضافہ

ترقیاتی پروگرام کیلئے 547 ارب روپےجبکہ کم سے کم ماہانہ اجرت میں 4 ہزار کا اضافہ کرتے ہوئے 40 ہزار روپے کر دی گئی ہے

وزیر اعلیٰ سندھ سید مراد علی شاہ نے نئے مالی سال کے لیے 3 ہزار 451ارب روپے کا بجٹ پیش کردیا، سرکاری ملازمین کے لیے بجٹ میں 10 تا 12 فیصد ایڈہاک ریلیف الاؤنس دینے، 5 فیصد محصولات ختم کرنے کا اعلان کیا گیا ہے۔سندھ بجٹ میں گریڈ ایک سے گریڈ 16تک کے ملازمین کی تنخواہوں میں 12اور پنشن میں 8 فیصد اضافہ کیا گیا ہے،جبکہ گریڈ 17 سے 22 تک کے ملازمین کی تنخواہوں میں 10 فیصد اضافے کی منظوری دے دی ہے، وزیراعلیٰ سندھ سید مراد علی شاہ بجٹ تقریر کررہے ہیں۔وزیراعلیٰ سندھ مراد علی شاہ نے کہا کہ یہ ایک جامع بجٹ ہے، پنشن میں 8 فیصد اضافہ کیا جائے گا، صحت کا بجٹ پچھلے سال کے 302.2 ارب روپے کے مقابلے میں 8 فیصد زیادہ ہے، لاڑکانہ میں ایک نئے اسپتال کے لیے 10 ارب روپے مختص کیے ہیں۔وزیراعلیٰ سندھ مراد علی شاہ نے اپنی تقریر میں کہا کہ میرے لیے اعزاز ہے کہ 10 ویں بار سندھ کا بجٹ پیش کر رہا ہوں، انشا اللہ آگے بھی کرتا رہوں گا۔دسواں بجٹ پیش کرتے ہوئے ان کا کہنا تھا کہ صوبائی بجٹ کا حجم 3 ہزار 451.87 ارب روپے رکھا گیا، بجٹ تخمینے 3 ہزار 56.3 ارب روپے کے مقابلے میں 12.9 فیصد زائد ہے۔سندھ بجٹ میں گریڈ ایک سے گریڈ 16تک کے ملازمین کی تنخواہوں میں 12اور پنشن میں 8 فیصد اضافہ کیا گیا ہے،جبکہ گریڈ 17 سے 22 تک کے ملازمین کی تنخواہوں میں10 فیصد اضافے کی منظوری دے دی ہے۔وزیر خزانہ سندھ نے کہا کہ بلدیاتی حکومتوں کیلئے سالانہ ترقیاتی پروگرام کا حصہ 132 ارب روپے رکھا گیا،مراد نئے بجٹ میں کراچی کی ترقی پر خصوصی توجہ دی گئی، سڑکوں کی مرمت، سیوریج اور پانی کی فراہمی کے نظام کی بہتری کیلئے رقوم مختص کی گئی ہیں، کراچی میں شہری ٹرانسپورٹ کو وسعت دی جائے گی۔انہوں نے بتایا کہ پاکستان کی پہلی 50 الیکٹرک بسیں کراچی میں متعارف کرائی جائیں گی، کراچی کی الیکٹرک بسوں کے قافلے میں اگست 2025ء تک مزید 100 بسیں شامل کی جائیں گی، کراچی کے بی آر ٹی منصوبوں میں پیش رفت ہوئی ہے، ییلولائن تکمیل کے قریب ہے، ریڈ لائن 50 فیصد سے زائد مکمل ہوگئی ہے، کورنگی کاز وے پل، شاہراہِ بھٹو کی بہتری کیلئے اقدامات بھی بجٹ کا حصہ ہیں۔

سندھ کا 3 ہزار 451 ارب روپے کا بجٹ پیش، سرکاری ملازمین کی تنخواہوں اور پنشن میں اضافہ

ترقیاتی پروگرام کیلئے 1018ارب، تعلیم کیلئے 523 ارب اور صحت کیلئے 326 ارب روپے مختص کیے گئے ہیں

امریکی صدر ڈونلڈ ٹرمپ نے واضح کیا ہے کہ ایران پر حالیہ اسرائیلی حملوں میں امریکہ براہ راست شامل نہیں تھا، تاہم انہوں نے تہران پر دباؤ ڈالتے ہوئے خبردار کیا ہے کہ اگر ایران نے جوہری معاہدے پر آمادگی ظاہر نہ کی تو آئندہ حملے پہلے سے کہیں زیادہ شدید اور تباہ کن ہوں گے۔غیر ملکی میڈیا کے مطابق ٹرمپ کا کہنا تھا کہ ہم نے ایران کو معاہدہ کرنے کا کہا، لیکن انہوں نے انکار کیا۔ ہم معاہدے کے بہت قریب تھے مگر کچھ رکاوٹوں کی وجہ سے یہ ممکن نہ ہو سکا۔انہوں نے مزید کہا کہ ایران کو جوہری معاہدے کا ایک اور موقع دیا جا رہا ہے اور اب فیصلہ تہران کو کرنا ہے، اس سے پہلے کہ دیر ہو جائے اور کچھ بھی باقی نہ بچے۔سابق امریکی صدر نے زور دے کر کہا کہ امریکہ دنیا کا سب سے مہلک ہتھیار بنانے والا ملک ہے، جب کہ اسرائیل کے پاس بھی ان ہتھیاروں کا بڑا ذخیرہ موجود ہے اور وہ جانتا ہے کہ ان کا استعمال کیسے کرنا ہے۔

معاملے کو ختم کرنا ہو گا ، ایران فوری معاہدہ کرلے ورنہ کچھ نہیں بچے گا،ڈونلڈ ٹرمپ

ایران پر حملوں میں امریکہ کا کوئی کردار نہیں، تہران معاہدہ کر لے ورنہ نتائج سنگین ہوں گے،امریکی صدر

ناظرین کے بے صبری سے انتظار کا وقت ختم ہوا!tapmad کی نئی اور بڑی پیشکش ’’شمشیر‘‘ کی پہلی قسط آج، 13 جون سے باقاعدہ طور پر اسٹریمنگ کے لیے دستیاب ہے۔ ڈرامے کا آفیشل ٹریلر پہلے ہی سوشل میڈیا پر تہلکہ مچا چکا ہے، اور اب اس کی مکمل سیریز کا آغاز ہو چکا ہے، جو ناظرین کو ایک نئی دنیا میں لے جائے گی۔شمشیر ایک ایسی داستان ہے جو طاقت کی ہوس، انتقام کی آگ اور انصاف کی جدوجہد کو نہایت مؤثر انداز میں پیش کرتی ہے۔ یہ سیریز جذباتی گہرائی، سنسنی خیز مناظر اور شاندار مکالموں سے مزین ہے، جو ناظرین کو مکمل طور پر اپنی گرفت میں لے لیتی ہے۔پاکستان کے قومی کھیل ہاکی پر بنائی گئی ویب سیریز کےمرکزی کرداروں میں فرحان سعید، حریم فاروق، خالد انعم اور بہروز سبزواری شامل ہیں، جن کی جاندار اداکاری پہلے ہی شائقین کی توجہ کا مرکز بنی ہوئی ہے۔ سیریز کو نینا کاشف اور tapmad نے پروڈیوس کیا ہے، جب کہ تحریر شاہد ڈوگر کی ہے۔ ہدایت کاری شہرزاد شیخ کی ہے، جن کا شمار پاکستان کے کامیاب ہدایت کاروں میں ہوتا ہے۔ ایگزیکٹو پروڈیوسر کے فرائض یاسر پاشا اور ایسوسی ایٹ پروڈیوسر کے طور پر احسن رضا فردوسی شامل ہیں۔اگر آپ رومانس، ڈرامہ، اور سنسنی سے بھرپور کہانیاں پسند کرتے ہیں، تو ’’شمشیر‘‘ آپ کے لیے ہے! اس کی پہلی قسط آج سےtapmad پر دیکھیں اور ایک نئی ڈرامائی دنیا کا حصہ بنیں۔

tapmad کی سنسنی خیز پیشکش ’’شمشیر‘‘ کی پہلی قسط آج سے اسٹریمنگ پر دستیاب ہوگی

اگر آپ رومانس، ڈرامہ، اور سنسنی سے بھرپور کہانیاں پسند کرتے ہیں، تو ’’شمشیر‘‘ آپ کے لیے ہے

سعودی عرب نے ایران پر اسرائیل کے حالیہ فضائی حملوں کو شدید تنقید کا نشانہ بناتے ہوئے انہیں ایران کی خودمختاری اور سلامتی کے خلاف کھلی جارحیت قرار دیا ہے۔سعودی وزارت خارجہ کی جانب سے جاری کردہ بیان میں کہا گیا ہے کہ اسرائیلی کارروائیاں بین الاقوامی قوانین، انسانی اصولوں اور اقوامِ متحدہ کے چارٹر کی واضح خلاف ورزی ہیں۔ بیان میں کہا گیا ہے کہ یہ ناقابلِ قبول حملے خطے کے امن کو سنگین خطرات سے دوچار کر سکتے ہیں۔سعودی عرب نے عالمی برادری، بالخصوص اقوام متحدہ اور سلامتی کونسل سے مطالبہ کیا ہے کہ وہ فوری طور پر اس جارحیت کو روکنے کے لیے مؤثر اور عملی اقدامات کریں۔بیان میں ایران کوبرادر اسلامی ملک قرار دیتے ہوئے واضح کیا گیا کہ اس طرح کے حملے نہ صرف ایران کی سالمیت پر حملہ ہیں بلکہ پورے خطے کے امن اور استحکام کے لیے بھی خطرناک ہیں۔

سعودی عرب کی ایران پر اسرائیلی حملے کی شدید مذمت، اقوام متحدہ سے فوری اقدام کا مطالبہ

وزارتِ خارجہ کی جانب سے جاری بیان میں کہا گیا ہے کہ یہ کارروائیاں بین الاقوامی قوانین اور اصولوں کی کھلی خلاف ورزی ہیں

ایران نے اسرائیلی جارحیت کا جواب دیتے ہوئے ایک بڑی کارروائی میں اسرائیل پر 100 سے زائد ڈرونز سے حملہ کر دیا ہے۔ اسرائیلی فوج نے حملے کی تصدیق کرتے ہوئے اسے انتہائی سنگین صورتِ حال قرار دیا ہے۔اسرائیلی ڈیفنس فورسز کے مطابق، ایران کی جانب سے کئی درجن ڈرونز اسرائیلی حدود کی طرف بھیجے گئے ہیں، جنہیں روکنے کے لیے فضائی دفاعی نظام کو فوری طور پر متحرک کیا گیا ہے۔ فوجی ترجمان کا کہنا ہے کہ آئندہ چند گھنٹے ہمارے لیے کڑے ہوں گے۔ایرانی ذرائع نے اس کارروائی کو ابتدائی ردعمل قرار دیتے ہوئے مزید جوابی اقدامات کا عندیہ دیا ہے۔عالمی میڈیا کے مطابق، اسرائیل میں تمام غیر ضروری سرگرمیوں کو معطل کر دیا گیا ہے، اسکول بند کر دیے گئے ہیں اور غیر ملکیوں کے انخلا کا عمل شروع ہو چکا ہے۔ اسرائیلی حکومت نے ملک بھر میں ہنگامی حالت نافذ کرتے ہوئے شہریوں کو قریبی بم شیلٹرز میں منتقل ہونے کی ہدایت کی ہے۔قبل ازیں، ایران کی جانب سے بیلسٹک میزائل حملوں کے خدشے کے پیش نظر اسرائیل نے اپنی فوج اور ایئر ڈیفنس سسٹمز کو پہلے ہی ہائی الرٹ پر رکھا تھا۔واضح رہے آج صبح اسرائیل نے ایران پر فضائی حملے کیے تھے، جن میں ایران کے جوہری پروگرام اور دیگر درجنوں عسکری اہداف کو نشانہ بنایا گیا تھا،ایرانی سرکاری میڈیا کے مطابق حملے کے نتیجے میں پاسداران انقلاب کے سپریم کمانڈر جنرل حسین سلامی اور میجر جنرل محمد باقری سمیت کئی اعلیٰ فوجی اور ایٹمی سائنسدان شہید ہوگئے تھے۔

ایران کا بھرپور جوابی وار، اسرائیل پر 100 سے زائد ڈرونز سے حملہ

اسرائیلی فوج نے ایرانی حملے کی تصدیق کر دی، ملک بھر میں ایمرجنسی نافذ، شہریوں کو شیلٹرز کے قریب رہنے کی ہدایت

بھارت کی ایک معروف خاتون نجومی آسٹو شرمستا کی حیران کن پیشگوئی سچ ثابت ہو گئی جس میں انہوں نے ایئر انڈیا کے بوئنگ 787 ڈریم لائنرکے حادثے کا اشارہ دیا تھا۔ یہ ویڈیو، جو 5 جون کو سوشل میڈیا پر پوسٹ کی گئی تھی، اب ایک بار پھر وائرل ہو رہی ہے۔ویڈیو میں آسٹو شرمستا کو واضح طور پر یہ کہتے سنا جا سکتا ہے کہ میں اپنی اُس پیشگوئی پر اب بھی قائم ہوں، کہ 2025 میں ایک بڑا فضائی حادثہ رونما ہو سکتا ہے۔یہ پیشن گوئی گزشتہ روز افسوسناک طور پر حقیقت کا روپ دھار گئی، جب احمد آباد سے لندن جانے والی ایئر انڈیا کی پرواز ٹیک آف کے کچھ ہی دیر بعد گر کر تباہ ہو گئی۔ طیارے میں موجود 242 مسافروں میں سے صرف ایک شخص معجزانہ طور پر زندہ بچ پایا۔سوشل میڈیا پر صارفین کی جانب سے نجومی کی حیران کن پیشگوئی پر حیرت اور تجسس کا اظہار کیا جا رہا ہے۔ایک صارف نے لکھا،آپ اتنی درست پیشن گوئیاں کیسے کر لیتی ہیں؟ کیا یہ کوئی خاص طاقت ہے؟دوسرا صارف کہتا ہے،یہ محض اتفاق نہیں لگتا، بلکہ حیرت انگیز مہارت کا مظاہرہ ہے۔خاتون نجومی کی ویڈیوز اب تک لاکھوں بار دیکھی جا چکی ہیں، اور ان کے فالورز کی تعداد تیزی سے بڑھ رہی ہے۔

بھارتی خاتون نجومی  شرمستھانے طیارہ حادثے کی ایک ہفتہ قبل کی گئی پیشگوئی وائرل ہوگئی

خاتون نجومی نےایک پیشن گوئی میں ایئر انڈیا کے بوئنگ 787 ڈریم لائنرکے حادثے کا اشارہ دیا تھا

امریکی صدر ٹرمپ نے پاکستان اور بھارت کے درمیان مسئلہ کشمیر پر ثالثی کی ایک بار پھر پیشکش کرتے ہوئے کہا ہے کہ میں کوئی بھی مسئلہ حل کر سکتا ہوں۔ امریکی صدر ڈونلڈ نے وائٹ ہاؤس میں میڈیا سے گفتگو میں کہا کہ میں نے تجارت کے ذریعے پاک بھارت جنگ روکی، پاکستان اور بھارت نے میری بات کو سمجھا، دونوں ملکوں کے درمیان جنگ روکنے کے لیے کوئی بات نہیں کررہا تھا لیکن یہ بڑا کام تھا۔پاکستان اور بھارت کے درمیان جوہری جنگ شروع ہونے والی تھی، پاکستان اور بھارت کی قدر کرتا ہوں، دونوں ملکوں سے کہا کہ اگر جنگ کرو گے تو تجارت نہیں ہوگی، پاکستانی وفد آئندہ ہفتے تجارت پر گفتگو کرنے امریکا آرہا ہے۔ان کا کہنا تھا کہ پاک بھارت جنگ روکنے پر فخر ہے، دونوں ملکوں کے پاس خطرناک تعداد میں جوہری ہتھیار ہیں، میرے خیال میں جنگ روکنے پر پوری ری پبلک پارٹی کو کریڈٹ دینا چاہیے۔امریکی صدر ٹرمپ کاکہناتھا کہ کشمیر کے مسئلے پر پاکستان اور بھارت کے درمیان ایک طویل عرصہ سے دشمنی چلی آ رہی ہے۔ اس لیے میں کشمیر کے مسئلے کے حل کے لیے کچھ بھی کرسکتا ہوں۔یاد رہے کہ امریکی صدر ڈونلڈ ٹرمپ اس سے قبل بھی متعدد بار پاک بھارت حالیہ جنگ رکوانے کا کریڈٹ خود کو دے چکے ہیں۔

امریکی صدر ٹرمپ نے ایک مرتبہ پھر کشمیر پر ثالثی کی پیشکش کردی

میں نے تجارت کے ذریعے پاکستان اور بھارت کے درمیان جنگ روک دی، دونوں ممالک نے میری بات کو سمجھا،ٹرمپ

ایران کے سپریم لیڈر آیت اللہ علی خامنہ ای نے اسرائیل کے حالیہ فضائی حملوں پر شدید ردِعمل دیتے ہوئے اسے سنگین جرم قرار دیا ہے اور خبردار کیا ہے کہ اسرائیل کو اس کارروائی کی بھاری قیمت چکانی پڑے گی۔سماجی رابطے کی ویب سائٹ ایکس (سابقہ ٹوئٹر) پر جاری بیان میں آیت اللہ خامنہ ای نے ایرانی قوم کو مخاطب کرتے ہوئے کہا کہ آج صبح صہیونی ریاست نے ایران کی سرزمین پر خون آلود اور شیطانی ہاتھوں سے سنگین جرم کا ارتکاب کیا۔ انہوں نے کہا کہ دشمن نے رہائشی علاقوں کو نشانہ بنا کر اپنی درندگی اور فطرت کو پوری دنیا کے سامنے بے نقاب کر دیا ہے۔سپریم لیڈر نے تصدیق کی کہ اسرائیلی حملے میں کئی فوجی کمانڈرز اور جوہری سائنسدان شہید ہو چکے ہیں، تاہم انہوں نے زور دیا کہ ان شہداء کے جانشین اپنے مشن کو جاری رکھیں گے اور دشمن کو منہ توڑ جواب دیں گے۔آیت اللہ خامنہ ای نے واضح انداز میں کہا کہ اسرائیل نے اپنے لیے تلخ اور تکلیف دہ انجام چن لیا ہے، اور اس میں کوئی شک نہیں کہ اسے اس جرم کی سزا ضرور ملے گی۔ ان کا کہنا تھا کہ ایران کی مسلح افواج کے مضبوط بازو اسرائیل کو سزا دیے بغیر خاموش نہیں بیٹھیں گے۔

اسرائیل نے اپنے لیے تلخ اور تکلیف دہ انجام چن لیا ہے،سزا ضرور ملے گی،آیت اللہ خامنہ ای

سپریم لیڈر کا شہداء کو خراجِ عقیدت ،ایران کی مسلح افواج اسرائیل کو سزا دیے بغیر نہیں رکیں گی ، ایرانی سپریم لیڈر

اسرائیل نے جارحیت کا مظاہرہ کرتے ہوئے ایران پر بڑا حملہ کیا ہے جس کے نتیجے میں ایران کی مسلح افواج کے سربراہ میجر جنرل محمد باقری اور ایرانی پاسداران انقلاب کے سربراہ جنرل حسین سلامی، جوہری سائنسدان محمد مہدی طہرانچی اور فریدون عباسی بھی شہید ہوگئے، اسرائیل نے حملے میں ایران کے جوہری اور عسکری مراکز کو نشانہ بنانے کا دعویٰ کیا ہے جبکہ ایرانی میڈیا کے مطابق حملوں میں شہری آبادی کو بھی نشانہ بنایا گیا ہے اور کئی بچے بھی شہید ہوئے ہیں۔ایرانی سرکاری ٹیلی ویژن نے اطلاع دی ہے کہ اسرائیل کی جانب سے کیے گئے فضائی حملوں میں تہران میں واقع اسلامی انقلابی گارڈز (پاسدارانِ انقلاب) کا ہیڈکوارٹر نشانہ بنا ہے۔غیر ملکی میڈیا کے مطابق اسرائیلی حملے میں ایرانی چیف آف اسٹاف میجر جنرل محمد باقری شہید ہو گئے ہیں، کمانڈر حسین سلامی کو بھی شہید کر دیا گیا ہے، جبکہ اسرائیلی حکام نے دعویٰ کیا ہے کہ حملے میں متعدد سینئر جوہری سائنسدان بھی مارے گئے ہیں۔ ایرانی میڈیا کے مطابق اسرائیل نے رہائشی علاقوں کو بھی نشانہ بنایا، جس میں متعدد بچے شہید ہو گئے ہیں۔تاحال ایرانی حکام کی جانب سے اس حملے میں پاسداران انقلاب کے سربراہ یا دیگر عہدیداروں کی شہادت کی باضابطہ تفصیلات جاری نہیں کی گئیں۔تہران میں سیکیورٹی الرٹ جاری کر دیا گیا ہے اور شہریوں کو محتاط رہنے کی ہدایت دی گئی ہے، جب کہ خطے میں جاری کشیدگی کے مزید بڑھنے کا خدشہ ظاہر کیا جا رہا ہے۔

اسرائیلی حملے میں ایرانی میجر جنرل محمد باقری، حسین سلامی اور کئی جوہری سائنسدان شہید ہوگئے

اسرائیل کی جانب سے کیے گئے فضائی حملوں میں تہران میں واقع پاسدارانِ انقلاب کا ہیڈکوارٹر نشانہ بنا ہے

مشرق وُسطیٰ میں حالات ایک بار پھر سنگین ہو گئے ہیں۔ اسرائیل نے ایران پر بڑے پیمانے پر فضائی حملے کر دیے ہیں جن میں ایرانی فوجی کمانڈرز، معروف جوہری سائنسدان اور متعدد عام شہریوں کی شہادت کی اطلاعات موصول ہوئی ہیں۔اطلاعات کے مطابق، اسرائیلی فضائیہ کے درجنوں لڑاکا طیاروں نے جمعہ کی صبح تہران سمیت ایران کے مختلف شہروں میں درجنوں مقامات کو نشانہ بنایا۔ حملوں میں ایرانی مسلح افواج کے سربراہ، پاسداران انقلاب کے کمانڈر، اور جوہری توانائی ادارے سے وابستہ اہم سائنسدانوں کے جاں بحق ہونے کا دعویٰ کیا گیا ہے۔برطانوی اور امریکی میڈیا کے مطابق، شہید ہونے والوں میں ڈاکٹر فریدون عباسی، سابق سربراہ ایرانی ایٹمی توانائی ادارہ، اور محمد مہدی طہرانچی، صدر اسلامی آزاد یونیورسٹی شامل ہیں۔ ان دونوں سائنسدانوں کو ایران کی جوہری پالیسی کا معمار سمجھا جاتا تھا۔ایرانی سرکاری میڈیا نے دارالحکومت تہران کے شمالی، مغربی اور وسطی علاقوں پر حملوں کی تصدیق کر دی ہے۔ کئی علاقوں میں دھماکوں کی آوازیں سنی گئیں اور دھوئیں کے بادل دیکھے گئے۔ شہریوں کو گھروں میں رہنے اور احتیاط برتنے کی ہدایات جاری کر دی گئی ہیں۔ ایران نے اہم ہوائی اڈوں پر تمام پروازیں معطل کر دی ہیں، جبکہ ریاستی ٹی وی نے لوگو پر سیاہ پٹی لگا کر ہنگامی صورتحال کی علامت دے دی ہے۔اسرائیلی وزیر دفاع نے اعلان کیا ہے کہ اسرائیل نے ایران پر پیشگی حملہ کر دیا ہے اور ملک میں ہنگامی حالت نافذ کر دی گئی ہے۔ اسرائیلی حکام کا کہنا ہے کہ یہ حملے ایران کی جوہری و عسکری صلاحیت کو محدود کرنے کے لیے کیے گئے۔عالمی سطح پر بھی ان حملوں کا فوری ردعمل دیکھنے میں آیا ہے۔ تیل کی قیمتوں میں اضافہ ہو گیا ہے اور امریکہ، آسٹریلیا، نیوزی لینڈ سمیت کئی ممالک نے مشرق وسطیٰ کی صورتحال پر شدید تشویش ظاہر کی ہے۔تجزیہ کاروں کے مطابق یہ کارروائی خطے میں ایک نئے اور ممکنہ طور پر خطرناک جنگی مرحلے کی شروعات ہو سکتی ہے۔

اسرائیل نے ایران پر بڑا حملہ کردیا، متعددفوجی کمانڈرز اور جوہری سائنسدان شہید

تہران میں سیکیورٹی ہائی الرٹ، شہری آبادی اور بچوں کی ہلاکت کی اطلاعات، خطے میں کشیدگی مزید بڑھنے کا خدشہ

آئی سی سی ہال آف فیم میں شامل ہونے والی پاکستان ویمن کرکٹ ٹیم کی سابق کپتان ثناء میر نے ایک اور اعزاز حاصل کرلیا۔سابق کپتان ثناء میر لارڈرز کرکٹ اسٹیڈیم کی تاریخی روایت کا حصہ بن گئیں، ثناءمیر نے ورلڈ ٹیسٹ چیمپئن شپ کے فائنل کے دوسرے روز روایتی گھنٹی بجائی۔ثناء میر نے روایتی انداز میں گھنٹی بجا کر کھیل کے شروعات کا اعلان کیا۔گھنٹی میچ کے آغاز سے 5 منٹ قبل بجائی جاتی ہے تاکہ کھلاڑی الرٹ ہوجائیں۔ واضح ہے کہ ثنا ءمیر کو حال ہی میں آئی سی سی ہال آف فیم میں شامل کیا گیا ہے اور وہ ہال آف فیم میں شامل ہونے والی پاکستان کی پہلی خاتون کرکٹر ہیں۔ یاد رہے کہ لارڈز کرکٹ گراؤنڈ میں آسٹریلیا اور جنوبی افریقہ کے درمیان ورلڈ ٹیسٹ چیمپئن شپ کا فائنل میچ کھیلا جا رہا ہے۔

پاکستان ویمنز ٹیم کی سابق کپتان ثناء میر نے ایک اور اعزاز اپنے نام کرلیا

ثناء میر نےورلڈ ٹیسٹ چیمپئن شپ کے دوسرے روز لارڈز کرکٹ گراؤنڈ کی گھنٹی بجائی

SL vs BAN live streaming will be one to look out for as the rivalry between the two Asian sides will be renewed when they go against each other in match 15 of the CWC 2024.

SL vs BAN Live Streaming   When Where To Watch Match 15 of CWC 2024 In Pakistan India Sri Lanka Bangladesh

SL vs BAN live streaming will be one to look out for as the rivalry between the two Asian sides will be renewed when they go against each other in match 15 of the CWC 2024.&nbsp;

Bangladesh and Sri Lanka faced each other in a 3-match T20I series in March this year. Visitors Sri Lanka won the series 2-1. The Wanindu Hasaranga-led team has won four of their last five T20I matches against Bangladesh.

Both teams will be looking to give their best in this match as Sri Lanka has already lost their first match against South Africa and Bangladesh will be looking to start their T20 World Cup journey with a victory.&nbsp;

The match will take place on 8th June at the Grand Prairie Cricket Stadium in Dallas, Texas.&nbsp;

So, let&rsquo;s take a look at how fans can watch SL vs BAN live streaming in Pakistan, India, Sri Lanka, and Bangladesh.&nbsp;

<h2>When to watch SL vs BAN match 15 of T20 World Cup 2024&nbsp;</h2>

This action-packed contest will be played at the Grand Prairie Cricket Stadium in Dallas on 8th June.&nbsp;

The SL vs BAN contest will begin at 5:30 AM (PST), 12:30 GMT, 8:30 (local time), 6 AM (Sri Lanka time), and 6:30 AM (Bangladesh time). Like every other match, the toss will take place 30 minutes before the start of the match i.e, at 5 AM (PST), 12 GMT, 8 local time, 5:30 AM (SL time), and 6 AM (BAN time).&nbsp;

The Lankan Lions and Bangla Tigers have had 11 T20I encounters in the past. 7 out of those 11 matches were won by Sri Lanka, whereas Bangladesh could only secure victory in 4 games.&nbsp;

SL and BAN have faced each other in a T20 World Cup only once and that contest was won by the Lankan Lions.&nbsp;

The win probability analysis suggests Sri Lanka having 63% chances of winning, whereas the Bangladesh team has a win probability of 37% only.&nbsp;

<h2>Where&nbsp;to watch SL vs BAN live streaming on mobile &amp; TV</h2>

In Pakistan, the Sri Lanka vs Bangladesh match live streaming will be available in HD and ad-free on tapmad. Moreover, fans can also use the Ten Sports app for free live streaming of the match.&nbsp;

On TV, the SL vs BAN match will be shown at PTV and Ten Sports in Pakistan.&nbsp;

In India, the Sri Lanka vs Bangladesh match live streaming will be available on Disney+ Hotstar.&nbsp;

For TV users, the match will be broadcast by Star Sports 1 SD, Star Sports 1 HD, Star Sports 1 Hindi SD and Star Sports 1 Hindi HD.

Bangladesh vs Sri Lanka match can be seen on Nagorik TV in Bangladesh and the live streaming can be seen on Toffee.&nbsp;

Maharaja TV in Sri Lanka will continue their coverage of ICC events through TV1, Sirasa, and Shakti TV for linear broadcasts. Maharaja TV website/ICC.tv will live stream the SL vs BAN match.&nbsp;

SL vs BAN Live Streaming - When & Where To Watch Match 15 of CWC 2024 In Pakistan, India, Sri Lanka, & Bangladesh

When to watch SL vs BAN match 15 of T20 World Cup 2024

Where to watch SL vs BAN live streaming on mobile & TV

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan