Cricket

Entertainment

Football

حیدرآباد(این این آئی) سابق بھارتی ٹینس اسٹار ثانیہ مرزا کی فیملی میں نئے ممبر کا اضافہ ہوگیا، جس کی تصاویر انہوں نے سوشل میڈیا پر شیئر کی ہیں۔ شعیب ملک سے طلاق کے بعد سے دبئی میں اپنے بیٹے اذہان کے ساتھ مقیم ثانیہ مرزا نے اپنی فیملی میں نئے اضافے کے حوالے سے سوشل میڈیا پر تصاویر شیئر کیں۔یہ اضافہ بلی کے بچے کا ہے جس کو انہوں نے خاص نام دیا ہے اور اذہان کے اس کے ساتھ کھیلنے کی تصویر بھی شیئر کی۔ثانیہ مرزا نے اس پوسٹ کو کہا کہ سب کچھ اور کچھ بھی ایک ساتھ نہیں۔ثانیہ نے اس پوسٹ کے ساتھ کیپشن شیئر کیا جس میں لکھا کہ طوفان ہمیشہ آپ کو تبدیل نہیں کریں گے۔ کبھی کبھی، وہ آپ کو صرف یہ دکھاتے ہیں کہ چھت کہاں سے ٹپکتی ہے۔

ثانیہ مرزا کی فیملی میں نئے ممبر کا اضافہ، تصاویر سامنے آگئیں

تصاویر میںاذہان کو فیملی میں شامل ہونے والے ممبر کو گلے لگاتے اوراس کیساتھ کھیلتے ہوئے دیکھا جاسکتا ہے

کراچی(این این آئی)شہر قائد میں لیاری عمارت سانحے میں جاں بحق افراد کی تعداد بڑھ کر19ہو گئی ہے، بغدادی میں منہدم عمارت کے ملبے سے دواور لاشیں نکال لی گئی ہیں۔لیاری بغدادی میں 5 منزلہ رہائشی عمارت گرنے سے کئی خاندانوں پر قیامت گزر گئی ، منہدم عمارت کے ملبے تلے ابھی تک کئی افراد دبے ہوئے ہیں، ریسکیو 1122 کے مطابق ہفتہ کو ملبے سے 3اورلاشیں نکالی گئی ہیں۔ڈی سی سائوتھ جاوید نبی کھوسو نے میڈیا سے گفتگو میں بتایا کہ ریسکیو ٹیمیں ہیوی مشینری کے ساتھ جائے وقوعہ پر مصروف عمل ہیں اور جدید ہیومن باڈی ڈکٹیکٹر کی مدد سے سرچ اینڈ اسکریننگ بھی کی جا رہی ہے، ملبہ ہٹاتے ہوئے احتیاط کو ملحوظ خاطر رکھا جا رہا ہے۔انہوں نے کہاکہ منہدم بلڈنگ کے اطراف بھی متعدد مخدوش عمارتیں موجود ہیں، جنھیں خالی کرا لیا گیا ہے، منہدم بلڈنگ کے مکینوں کی بحالی اور رہائش کیلئے اقدامات کر رہے ہیں، ڈی سی کے مطابق متاثرین کو کمیونٹی سینٹر میں بھی رہائش فراہم کی گئی ہے، کچھ متاثرہ خاندان اپنے رشتہ داروں کے یہاں رہائش پذیر ہیں۔ریسکیو کے مطابق اس واقعے میں زخمی ہونے والے 8 افراد اسپتال میں زیر علاج ہیں، جب کہ امدادی کارروائیوں کو 24 گھنٹے سے زائد کا وقت گزر چکا ہے، اور آپریشن مکمل کرنے کیلئے مزید 8 گھنٹے سے زائد کا وقت درکار ہوگا۔ ریسکیو حکام کے مطابق عمارت کے ملبے میں مزید 6 سے 7 افراد دبے ہونے کا خدشہ ہے۔امدادی ٹیمیں ہیوی مشینری کے ذریعے منہدم عمارت کا ملبہ ہٹانے میں مصروف ہے، ڈپٹی کمشنر نے کہاکہ متاثرہ عمارت کا ملبہ منی ڈمپر کی مدد سے دوسری جگہ منتقل کیا جا رہا ہے، جب کہ متاثرہ رہائشیوں کو گورنمنٹ کوارٹرز میں رکھا گیا ہے۔

لیاری عمارت سانحہ میں جاں بحق افراد کی تعداد19ہو گئی، ہیومن باڈی ڈکٹیکٹر کی مدد سے سرچنگ جاری

متاثرہ عمارت کا ملبہ منی ڈمپر کی مدد سے دوسری جگہ منتقل کیا جا رہا ہے، جب کہ متاثرہ رہائشیوں کو گورنمنٹ کوارٹرز میں رکھا گیا ہے، ڈی سی سائوتھ

سکھر(این این آئی)وفاقی وزیر داخلہ محسن نقوی نے صدر مملکت آصف علی زرداری کو ہٹانے سے متعلق سوال پر رد عمل دیتے ہوئے کہا ہے کہ پہلی بار سیاسی قیادت اور اسٹیبلشمنٹ اکٹھی ہے تو کچھ لوگوں کو تکلیف ہے، سوشل میڈیا کی خبروں پر دھیان نہ دیں۔ محسن نقوی کا کہناتھا کہ محرم الحرام میں امن و امان کا کریڈٹ قانون نافذ کرنے والے اداروں کو جاتا ہے، ملک بھر میں سکیورٹی کے بہترین انتظامات کئے گئے ہیں۔سکھر میں میڈیا سے گفتگو میں وزیر داخلہ محسن نقوی نے کہاکہ مذہبی منافرت اور فرقہ وارانہ بیانات پر زیرو ٹالرنس پالیسی اپنائی گئی ہے، سوشل میڈیا پر مذہبی اشتعال انگیزی برداشت نہیں کی جائے گی، ملک میں امن و امان برقرار رکھنا ہماری اولین ترجیح اور فتنہ الہندوستان کے مذموم عزائم کو ناکام بنانے کے لیے فورسز چوکنا ہیں، امید ہے کہ حکومتی اقدامات اور سیکیورٹی اداروں کی شبانہ روز محنت سے عاشورہ پر امن طور پر گزرے گا۔محسن نقوی نے کہا کہ آج ملک بھر میں 2700 جلوس نکالے جا رہے ہیں، ملک بھر میں سیکیورٹی کے فول پروف انتظامات ہیں، سیکیورٹی اداروں کو خراج تحسین پیش کرتا ہوں، سکھر میں آج پاکستان کا سب سے بڑا جلوس نکالا جارہا ہے، پاکستان کے سب سے بڑے جلوس کو ہینڈل کرنے کا کریڈٹ پوری ٹیم کو جاتا ہے، خیریت سے شام تک سارے جلوس ختم ہوجائیں گے۔صحافی نے سوال کیا کہ افواہیں کہ آصف زرداری کوبطور صدر ہٹایا جارہا ہے اورنئی ترمیم لائی جارہی ہے؟ جس پر وزیر داخلہ نے کہا کہ میری درخواست ہے کہ محرم الحرام میں سیاست نہ کریں تو بہت اچھی بات ہے، سوشل میڈیا کی خبروں پر بالکل دھیان نہ دیں، بعض لوگوں کو تکلیف ہے کہ ہم سب اکٹھے کیوں ہیں۔انہوں نے کہاکہ پہلی بار سیاسی قیادت اور اسٹیبلشمنٹ اکٹھی ہے تو کچھ لوگوں کو تکلیف ہوتی ہے، سب اکٹھے ہیں اس لیے جن لوگوں کو تکلیف ہورہی ہے وہ ایسی باتیں کررہے ہیں۔صحافی نے سوال کیا کہ کیا سندھ کے اضلاع شکارپور،کشمور،کندھ کوٹ کے حالات کی اطلاع وفاقی حکومت کونہیں ہے؟ اس پر انہوں نے کہا کہ ہمیں اطلاع ہے اور جس طرح کے پی میں دہشت گردوں کو ماربھگایا ہے، ڈاکوئوں کا بھی بندوبست کرلیں گے، ڈاکوئوں کا بندوبست وفاقی حکومت اورصوبائی حکومتیں مل کریں گی۔قبل ازیں وفاقی وزیرداخلہ محسن نقوی نے محرم الحرام کی مناسبت سے پاکستان کے سب بڑے و 500 سال قدیمی جلوس کا دورہ کیااور جلوس کے لیے کیے گئے انتظامات دیکھے ۔ انہوں نے پاکستان کے سب سے بڑے جلوس کے لئے کیے گئے انتظامات پر وزیر اعلی سندھ مراد علی شاہ۔سول انتظامیہ۔ سکھر پولیس اور رینجرز کے بہترین اقدامات کو سراہا۔وزیرداخلہ محسن نقوی نے قدیمی جلوس کے مختلف حصوں کا وزٹ کیا۔

پہلی بار حکومت اور ملٹری اسٹیبلشمنٹ ایک ساتھ ہیں تو کچھ لوگوں کو تکلیف ہے، وزیر داخلہ

مذہبی منافرت اور فرقہ وارانہ بیانات پر زیرو ٹالرنس پالیسی اپنائی گئی ہے، سوشل میڈیا پر مذہبی اشتعال انگیزی برداشت نہیں کی جائے گی،میڈیا سے گفتگو

کیپٹن کرنل شیر خان شہید نشانِ حیدر کی آج 26 ویں برسی منائی جارہی ہے۔کیپٹن کرنل شیر خان شہید کی 26 ویں برسی کے موقع پر فیلڈ مارشل، چیئرمین جوائنٹ چیفس آف اسٹاف کمیٹی، ائیرچیف، نیول چیف اور افواجِ پاکستان کی جانب سے شہید کو خراجِ عقیدت پیش کیا گیا۔اس کے علاوہ میجرجنرل انجم ریاض نے شہید کے مزار پر حاضری دی اور قبر پر پھول بھی رکھے۔اس موقع پر آئی ایس پی آر نے کہا کہ کرنل شیرخان شہید نے دشمن کے سامنے سیسہ پلائی دیوار بن کر وطن کے دفاع کے لیے اپنی جان قربان کی، وہ افواجِ پاکستان، پوری قوم کے لیے ہمیشہ ایک عظیم مثال اور تحریک کا ذریعہ رہیں گے۔آئی ایس پی آر نے مزید کہا کہ کیپٹن کرنل شیر خان کی قربانی آج بھی ہر پاکستانی کے دل میں زندہ ہے اور آنے والی نسلوں کے لیے مشعلِ راہ ہے، ہم اپنے اس عظیم ہیرو کو سلام پیش کرتے ہیں اور مادرِ وطن کے دفاع کے عزم کی تجدید کرتے ہیں۔

کیپٹن کرنل شیر خان شہید نشانِ حیدر کی آج 26 ویں برسی منائی جارہی ہے

کیپٹن کرنل شیر خان شہیدکی 26 ویں برسی، مزار پر پھول رکھنے کی تقریب

کراچی سمیت ملک بھر میں 9 محرم الحرام مذہبی عقیدت و احترام سے منایا جا رہا ہے۔شہر شہر میں شہدائے کربلا کی یاد میں جلوس نکالے جا رہے ہیں، جلوسوں کیلئے سکیورٹی ہائی الرٹ ہے، بعض شہروں میں موبائل سروس معطل اور حساس مقامات سیل کر دیے گئے ہیں جبکہ جلوسوں کے راستوں پر دودھ اور شربت کی سبیلوں کا بھی اہتمام کیا گیا ہے۔کراچی میں مرکزی جلوس نشترپارک سے برآمد ہوگیا، شرکا نے ایم اے جناح روڈ پر نماز ظہرین ادا کی، اسلام آباد، لاہور، پشاور اور کوئٹہ میں بھی جلوس روایتی راستوں پر رواں دواں ہیں۔کراچی میںمرکزی جلوس برآمد ہونے سے قبل نشتر پارک میں مجلس ہوئی، جس سے علامہ شہنشاہ حسین نقوی نے خطاب کیا۔نماز ظہرین کے بعد جلوس اپنے روایتی راستوں پر رواں دواں ہے، یہ جلوس نمائش، صدر، ریڈیو پاکستان، جامع کلاتھ، ڈینسو ہال سے ہوتا ہوا حسینیہ ایرانیاں امام بارگاہ کھارادر پر اختتام پذیر ہوگا۔ لاہور میں پانڈوا سٹریٹ سے 9 محرم کا مرکزی جلوس صبح 10 بجے برآمد ہوا،جلوس اسلام پورہ بازار، سیکرٹریٹ، پرانی انارکلی اور دیگر مقررہ راستوں سے ہوتا ہوا خیمہ سادات میں اختتام پذیر ہو گا،ترجمان پنجاب پولیس کے مطابق صوبے بھر میں آج 1689 عزاداری جلوس اور 3895 مجالس منعقد ہو رہی ہیں جن کی حفاظت پر ایک لاکھ سے زائد پولیس اہلکار تعینات ہیں، لاہور میں 79 جلوس اور 378 مجالس کی حفاظت پر 10 ہزار سے زائد اہلکار مامور ہیں۔ڈولفن اسکواڈ اور پولیس ریسپانس یونٹ (پی آر یو) کو خصوصی ہدایات جاری کی گئی ہیں، تمام ٹیمیں ریسکیو 1122، فائر بریگیڈ، 15 سمیت دیگر اداروں سے مسلسل رابطے میں رہیں گی جبکہ خواتین و بچوں کی حفاظت پر خصوصی توجہ دی جا رہی ہے۔اسلام آباد میں نویں محرم الحرام کا جلوس مرکزی امام بارگاہ اثنا عشریٰ جی سکس ٹو سے برآمد ہو کر مقررہ راستوں سے ہوتا ہوا وہیں اختتام پذیر ہوگا۔اسلام آباد پولیس نے جی 6 میں مرکزی جلوس کے لیے سیکیورٹی انتظامات کر لیے، جلوس میں پیدل داخلے کے لیے 2 راستے مختص ہیں، آئی جی اسلام آباد علی ناصر رضوی کے مطابق مختص راستوں کے علاوہ داخلے کی ہرگز اجازت نہیں ہوگی، داخلی راستوں پر اسکینرز بھی لگا دیے گئے ہیں، جب کہ 3 ہزار افسران و جوان جلوس کی سیکیورٹی پر مامور ہیں۔9 محرم کے جلوس کے لیے ہمیشہ کی طرح سیکیورٹی کے سخت انتظامات کیے گئے ہیں، پولیس کی بھاری نفری تعینات ہے اور راستے سیل کیے جا چکے ہیں، جلوس کی گزر گاہوں پر موبائل فون سروس بھی معطل ہے۔علاوہ ازیں راولپنڈی، ملتان، فیصل آباد اور دیگر شہروں سے بھی جلوس برآمد ہو گئے جس میں عزادار نوحہ خوانی، ماتم داری، سینہ کوبی اور زنجیر زنی بھی کر رہے ہیں۔اُدھر پشاور میں سیکورٹی خدشات کے باعث 9 اور 10 محرم کو موبائل فون سروس مکمل طور پر بند کر دی گئی ہے۔ پشاور صدر، کینٹ اور اطراف کے علاقوں کو مکمل سیل کر دیا گیا ہے، جہاں تجارتی سرگرمیاں بھی معطل ہیں۔9 محرم کا جلوس صبح 10 بجے حسینیہ ہال سے برآمد ہوا اور اس دوران تمام حساس مقامات کو مکمل طور پر سیل کیا گیا ہے۔ شہر میں بی آر ٹی سروس کو بھی دو روز کے لیے بند کر دیا گیا ہے تاکہ جلوسوں کے دوران کسی قسم کی نقل و حرکت میں خلل نہ ہو۔پشاور پولیس کے مطابق شہر بھر میں دس ہزار سے زائد سیکورٹی اہلکار تعینات کیے گئے ہیں، جب کہ افغان مہاجرین کے شہر میں داخلے پر بھی 48 گھنٹوں کے لیے پابندی عائد کر دی گئی ہے۔ قصہ خوانی بازار، خیبر بازار، سرکلر روڈ، جی ٹی روڈ اور دیگر اہم شاہراہیں بند کر دی گئی ہیں تاکہ جلوسوں کے دوران کوئی ناخوشگوار واقعہ پیش نہ آئے۔ملک بھر میں محرم الحرام کے احترام اور امن عامہ کے پیش نظر حکومت کی جانب سے خصوصی اقدامات کیے جا رہے ہیں۔ ہر شہر میں جلوسوں کے منتظمین اور سیکورٹی ادارے باہم رابطے میں ہیں تاکہ کسی بھی ناخوشگوار واقعے سے بچا جا سکے۔

کراچی، اسلام آباد، لاہور، پشاور، کوئٹہ میں 9 محرم کے جلوس ،سیکیورٹی کے سخت انتظامات

شہدائے کربلا کی یاد میں جلوس نکالے جا رہے ہیں، جلوسوں کیلئے سکیورٹی ہائی الرٹ ہے، موبائل فون سروس جزوی معطل

پیٹرن انچیف پاکستان تحریک انصاف عمران خان کی ہمشیرہ علیمہ خان نے کہا ہے کہ بانی پی ٹی آئی نے 10محرم کے بعد حکومت مخالف تحریک شروع کرنے کی ہدایت کی ہے۔راولپنڈی کی انسداد دہشتگردی عدالت کے باہر میڈیا سے گفتگو کرتے ہوئے علیمہ خان نے کہا کہ بانی پی ٹی آئی کا کہنا ہے 27 ویں ترمیم کے بجائے بادشاہت قائم کرلیں، عوام اپنی آزادی کے لیے نکلیں، غلامی سے بہتر ہے جیل میں ہی رہوں۔ انہوں نے کہا کہ بانی پی ٹی آئی جو جیل کاٹ رہے ہیں وہ ان کے مخالف سوچ بھی نہیں سکتے، اس حوالے سے عمران خان نے بتایا کہ وہ 22گھنٹے سیل میں ہوتے ہیں صرف 2 گھنٹےکے لیے انہیں باہر نکالتے ہیں۔ علیمہ خان کا کہنا تھا کہ بانی پی ٹی آئی کی تمام جیل سہولیات ختم کردی گئی ہیں، انہیں بچوں سے بات نہیں کرنے دیتے ،کتابیں نہیں دیتے، نواز شریف اور ان کی بیٹی تو ریسٹ ہاؤس میں رہتے تھے جہاں ساری سہولیات دستیاب تھیں،  نواز شریف کے تو کھانے گھر سے آتے تھے ، سو سو بندہ ملنے جاتا تھا۔علیمہ خان کا مزیدکہنا تھا کہ بانی پی ٹی آئی نے عاشورہ کے بعد احتجاجی تحریک شروع کرنے کی ہدایت کی ہے، پارٹی قیادت نے احتجاج کا پلان تیار کر لیا ہے، ہماری جدوجہد ملک میں آئین و قانون کی بالادستی اور عمران خان کی رہائی کے لیے ہے۔

عمران خان نے 10 محرم کے بعد تحریک کا آغاز کرنے کی ہدایت کی ہے،علیمہ خان

احتجاج کا پلان تیار کر لیا ہے، ہماری جدوجہد ملک میں آئین و قانون کی بالادستی اور عمران خان کی رہائی کیلئے ہے

قاتل پہاڑ اور دنیا کی نویں بلندی ترین چوٹی نانگا پربت سر کرنے کا خواب خاتون کوہ پیماءکی جان لے گیا۔رپورٹس کے مطابق پاکستان کے خطرناک ترین پہاڑوں میں شمار ہونے والے نانگا پربت کو سر کرنے کی کوشش کے دوران ایک غیر ملکی کوہ پیما حادثے کا شکار ہو کر ہلاک ہو گئی ہیں، خاتون کوہ پیما کا تعلق جمہوریہ چیک سے بتایا گیا ہے۔کلارا  نانگا پربت سر کرنے کی مہم کے دوران کیمپ ون اور کیمپ 2 کے درمیان حادثے کا شکار ہوئیں، کلارا اونچائی سے گرنے کے باعث ہلاک ہوئیں۔ایڈیشنل ڈپٹی کمشنر دیامر کا کہنا تھا کہ چیک ری پبلک کی کوہ پیما کیمپ ون اور کیمپ ٹو کے درمیان اونچائی سے گریں، خاتون کوہ پیما کے ساتھیوں نے بیس کیمپ پر خاتون کی ہلاکت کی اطلاع دی۔کوہ پیما کی ڈیڈ باڈی کو تلاش کرنے اور نکالنے کے لیے ریسکیو آپریشن جاری ہے۔چیک ریپبلک سے تعلق رکھنے والی 42 سالہ کلارا کولوخووا ایک تجربہ کار کوہ پیما تھیں اور ماؤنٹ ایورسٹ اور کے ٹو کو سر کرنے والی پہلی چیک خاتون ہونے کا اعزاز رکھتی تھیں۔وہ اس وقت دنیا کی نویں بلند ترین چوٹی، نانگا پربت سر کرنے کی مہم پر تھیں، جس کی بلندی8ہزار125 میٹر ہے، یہ پہاڑ اپنی خطرناک ساخت کے باعث ’قاتل پہاڑ‘ کے نام سے بھی جانا جاتا ہے۔

قاتل پہاڑنانگا پربت سر کرنے کی مہم جوئی کے دوران غیر ملکی خاتون کوہ پیماء ہلاک

’کلارا ‘ دنیا کی پہلی اور دوسری بلند ترین چوٹیاں ایورسٹ اور کے ٹو سر کرنے والی پہلی چیک خاتون ہونے کا اعزاز رکھتی تھیں

نیویارک کے میئر کے عہدے کے لیے انتخابی دوڑ میں شامل ڈیموکریٹک امیدوار زہران ممدانی نے الزام عائد کیا ہے کہ امریکی صدر ڈونلڈ ٹرمپ انہیں گرفتار کرنے، ملک بدر کرنے اور ان کی شہریت منسوخ کرنے کی دھمکیاں دے رہے ہیں۔زہران ممدانی نے ایک بیان میں کہا کہ صدر ٹرمپ ان پر اس لیے حملے کر رہے ہیں تاکہ محنت کش طبقات کے خلاف اپنی ناکامیوں سے توجہ ہٹائی جا سکے۔ ان کا کہنا تھا کہ وہ نیویارک کے ان شہریوں کی نمائندگی کر رہے ہیں جو مہنگائی اور کرایوں کے بوجھ تلے دب کر شہر چھوڑنے پر مجبور ہو گئے ہیں۔انہوں نے کہا کہ صدر ٹرمپ کی دھمکیاں اس بات کا ثبوت ہیں کہ وہ نہیں چاہتے کہ کوئی اُن عوام کی بات کرے جنہیں نظر انداز کیا جاتا ہے۔ ممدانی کے مطابق ٹرمپ نے اپنی انتخابی مہم میں مہنگائی پر قابو پانے کا وعدہ کیا تھا، لیکن وہ اس میں ناکام رہے ہیں اور اب اس ناکامی کا بوجھ اُن پر ڈالنا چاہتے ہیں۔قبل ازیں صدر ٹرمپ نے ایک بیان میں کہا تھا کہ اگر زہران ممدانی نے امیگریشن اینڈ کسٹمز انفورسمنٹ (ICE) کو کام کرنے سے روکا تو حکومت انہیں گرفتار کرے گی۔ انہوں نے ممدانی کے حامیوں کو بھی تنقید کا نشانہ بناتے ہوئے انہیں "پاگل" قرار دیا۔

ٹرمپ گرفتاری، ملک بدر اور امریکی شہریت ختم کرنے کی دھمکی دے رہے ہیں،زہران ممدانی

ٹرمپ عوامی مسائل سے توجہ ہٹانے کیلئے نشانہ بنا رہے ہیں، نیویارک کی میئرشپ کی دوڑ میں شامل ڈیموکریٹک امیدوار

برمنگھم(این این آئی)بھارت کے ٹیسٹ کپتان شبمن گل نے انگلینڈ کے خلاف پانچ میچز کی سیریز کے دوسرے ٹیسٹ میں ڈبل سنچری اسکور کرکے کئی ریکارڈز اپنے نام کرلیے۔انگلینڈ اور بھارت کے درمیان پانچ ٹیسٹ میچزکی سیریز کا دوسرا میچ  برمنگھم میں جاری ہے میچ کے دوسرے دن بھارتی کپتان شبمن گل نے بھارت کی پہلی اننگز میں  شاندار ڈبل سنچری اسکور کرتے ہوئے 269 رنز  بنائے۔یہ شبمن گل کے ٹیسٹ کیریئر کی پہلی ڈبل سنچری ہے۔269 رنز کی اننگز کھیل کر شبمن گل نے ٹیسٹ کرکٹ میں سب سے بڑی اننگز کھیلنے والے بھارتی کپتان کا اعزاز حاصل کرلیا۔ اس سے قبل یہ ریکارڈ ویرات کوہلی کے پاس تھا جنہوں نے 2019 میں بحیثیت کپتان 254 رنز بنائے تھے۔اس شاندار کارکردگی کے ساتھ 25 سالہ گل انگلینڈ میں ڈبل سنچری بنانے والے پہلے بھارتی کپتان بن گئے۔شبمن گل نے انگلینڈ میں بھارتی کپتان کی جانب سے سب سے بڑی ٹیسٹ اننگز  کا محمد اظہر الدین کا 35 سال پرانا ریکارڈ بھی توڑ دیا، جنہوں نے 1990 میں مانچسٹر میں 179 رنز بنائے تھے۔اس کے علاوہ شبمن گل انگلینڈ میں ٹیسٹ میچ کی ایک اننگز میں سب سے بڑا انفرادی اسکور بنانے والے بھارتی بیٹر بھی بن گئے۔انہوں نے سابق بھارتی لیجنڈری کرکٹ سنیل گواسکر کا ریکارڈ توڑا، جنہوں نے 1979 میں اوول کے میدان پر 221 رنز بنائے تھے۔واضح رہے کہ انگلینڈ کے خلاف دوسرے ٹیسٹ میں بھارتی کرکٹ ٹیم پہلی اننگز میں 587 رنز بناکر آؤ ٹ ہوئی۔ جواب میں انگلش ٹیم نے دوسرے دن کا کھیل ختم ہونے تک 3 وکٹوں پر 77 رنز بنائے۔میزبان انگلش ٹیم کو 5 ٹیسٹ میچز کی سیریز میں ایک صفر کی برتری حاصل ہے۔

برمنگھم،انگلینڈ کیخلاف ڈبل سنچری، شبمن گل نے کئی ریکارڈ اپنے نام کرلئے

انگلینڈ کے خلاف دوسرے ٹیسٹ میں بھارتی کپتان شبمن گل نے شاندار ڈبل سنچری اسکور کرتے ہوئے 269 رنز کی اننگز کھیلی

واشنگٹن (این این آئی )امریکا کے صدر ڈونلڈ ٹرمپ نے خود کو امن کے نوبیل انعام کیلئے بہترین امیدوار قرار دیتے ہوئے کہا ہے کہ انہوں نے پانچ ممالک کو جنگ میں جانے سے روکا۔آئیوا میں امریکا کے قومی دن کی تقریب سے خطاب میں انہوں نے کہا کہ ایٹمی جنگ ہونے سے پہلے پاکستان اور بھارت کے درمیان میں جنگ بندی کرائی، کوسوو اور سربیا کو لڑنے سے روکا، کانگو روانڈا جنگ بند کرائی۔ڈونلڈ ٹرمپ نے کہا کہ سب دیکھیں گے کہ ایک اسکول کے پروفیسر کو امن کا نوبیل انعام دے دیا جائے گا جسے آپ جانتے بھی نہیں ہوں گے۔صدر ٹرمپ نے مزید کہا کہ ایران کی جوہری تنصیبات کو صفحہ ہستی سے مٹادیا ہے، امریکا کے پاس دنیا کی مضبوط ترین فوج اور بہترین آلات ہیں، دنیا نے دیکھا امریکی طیاروں نے 37 گھنٹے بغیر رکے سفر کیا۔امریکی صدر نے بل کے ذریعے سرحد سے غیر قانونی داخلہ مکمل بند کرنے کا اعلان کرتے ہوئے کہا کہ امریکی تاریخ کا سب سے بڑا ڈیپورٹیشن پلان شروع کردیا ہے۔

دنیا میں 5 جنگیں رکوائیں، امن کے نوبل انعام کا بہترین امیدوار میں ہوں، امریکی صدر

سب دیکھیں گے کہ ایک اسکول کے پروفیسر کو امن کا نوبیل انعام دے دیا جائے گا جسے آپ جانتے بھی نہیں ہوں گے، ٹرمپ

کراچی کے علاقے لیاری بغدادی میں 5 منزلہ خستہ حال رہائشی عمارت گر گئی، جس کے نتیجے میں 4 افراد جاں بحق ہوگئے جبکہ عمارت کے ملبے تلے پھنسے لوگوں کو نکالنے کےلیے ریسکیو آپریشن جاری ہے۔رپورٹس کے مطابق شہر قائد کے علاقے لیاری کی بغدادی کالونی میں پانچ منزلہ رہائشی عمارت زمین بوس ہوگئی، عمارت کے منہدم ہوتے ہی علاقے میں افرا تفری مچ گئی۔ابتدائی طور پر 9 افراد کو ملبے سے نکال لیا گیا جن میں سے 5افراد جاں بحق ہوگئے، لیاری کی تنگ گلیوں کے باعث امدادی سرگرمیوں میں مشکلات کا سامنا ہے، وزیراعلیٰ سندھ نے واقعے کا نوٹس لیتے ہوئے شہر کی مخدوش عمارتوں کی تفصیلات طلب کرلیں۔حکام کا کہنا ہے کہ رہائشی عمارت کے ملبے سے5 نعشیں نکالی گئیں، 6 افراد کو زخمی حالت میں نکالا گیا جن میں 3 خواتین شامل ہیں، زخمیوں کو ٹراما سنٹر سول اسپتال منتقل کیا گیا جہاں طبی انتظامیہ نے بتایا کہ ایک زخمی خاتون کی حالت غیر ہے۔گرنے والی عمارت کے ساتھ جڑی 2 منزلہ عمارت کو بھی خالی کرالیا گیا ہے جب کہ دیگر ملحقہ عمارتوں کو بھی ممکنہ نقصان کے پیش نظر خطرے میں تصور کیا جا رہا ہے۔ریسکیو ترجمان نے علاقہ مکینوں کے حوالے سے بتایا کہ عمارت کے ملبے تلے 20 سے 25 افراد دبے ہو سکتے ہیں۔ایدھی ترجمان نے بتایا کہ ملبے سے 5 لاشیں اور 6 زخمیوں کو نکالا گیا، کراچی کے جناح ہسپتال اور سول ہسپتال میں ایمرجنسی نافذ کر دی گئی ہے۔ریسکیو حکام کا کہنا ہے کہ عمارت میں 6 خاندان رہائش پذیر تھے اور ملبے تلے دبے مزید لوگوں کو نکالنے کی کوشش کی جارہی ہے، گرنے والی عمارت سے ملحق 2 اور 7 منزلہ عمارتوں کو بھی خالی کروالیا گیا ہے۔ حکام نے بتایا کہ متعدد افراد رہائشی عمارت کے ملبے تلے دبے ہوئے ہیں، تنگ گلیوں کے باعث ہیوی مشینری کے پہنچنے میں مشکلات کا سامنا ہے، علاقہ مکینوں کی بڑی تعداد بھی امدادی سرگرمیوں میں مصروف ہے۔دوسری جانب وزیراعلیٰ سندھ سید مراد علی شاہ کا لیاری میں عمارت گرنے کے واقعے کا نوٹس لے لیا، وزیراعلیٰ سندھ نے کہا کہ یہ ایک انتہائی افسوسناک واقعہ ہے، متعلقہ حکام فوری رپورٹ پیش کریں اور ریسکیو ٹیمیں ملبے تلے دبے افراد کو فوری نکالنے کے لیے اقدامات کریں، زخمیوں کو فوری طبی امداد فراہم کی جائے۔

کراچی کے علاقےلیاری میں رہائشی عمارت گر گئی،5 افراد جاں بحق، ریسکیو آپریشن جاری

دیگر ملحقہ عمارتوں کو ممکنہ نقصان کے پیش نظر خطرے میں تصور کیا جا رہا ہے، رہائشیوں کو نکالنے کا عمل جاری

سکیورٹی فورسز نے بھارتی اسپانسرڈ شرپسندوں کی افغانستان سے دراندازی کی کوشش ناکام بنا دی، بھارتی حمایت یافتہ 30 دہشت گرد مارے گئے۔پاک فوج کے شعبہ ابلاغ عامہ (آئی ایس پی آر) کے مطابق شمالی وزیرستان کے علاقے حسن خیل میں پاکستان اور افغانستان کی سرحد کے قریب 1 اور 2 جولائی کی درمیانی شب اور پھر 2 اور 3 جولائی کی رات بھارتی حمایت یافتہ دہشتگرد گروہ ’’فتنہ الخوارج‘‘کی بڑی نقل و حرکت کو سکیورٹی فورسز نے بروقت کارروائی کرتے ہوئے ناکام بنا دیا۔یہ دہشتگرد گروہ، جسے بھارت کی مکمل سرپرستی حاصل تھی، پاکستان میں دراندازی کی کوشش کر رہا تھا، جسے مؤثر جوابی کارروائی کے دوران جہنم واصل کردیا گیا۔ترجمان پاک فوج کے مطابق تمام 30 دہشت گردوں کو بروقت کارروائی کرتے ہوئے ہلاک کردیا گیا۔ دہشت گردوں سے بھاری مقدار میں اسلحہ، گولہ بارود اور دھماکا خیز مواد بھی برآمد ہوا ہے۔پاکستانی سکیورٹی فورسز کی اس بروقت کارروائی نے ملک کو ممکنہ بڑے سانحے سے محفوظ کرتے ہوئے بڑی تباہی سے بچا لیا۔آئی ایس پی آر کے مطابق پاکستان کی سکیورٹی فورسز ملکی سرحدوں کا دفاع اور بھارتی حمایت یافتہ دہشت گردی کے مکمل خاتمے کے لیے پرعزم اور تیار ہیں۔ اس حوالے سے افغان حکومت سے مطالبہ کیا گیا ہے کہ وہ اپنی سرزمین کو دہشتگردی کے لیے ’’غیر ملکی پراکسیز‘‘کے استعمال سے روکے اور ایسے عناصر کے خلاف کارروائی کرے جو پاکستان میں دہشت گردی کو ہوا دینے کی کوشش کررہے ہیں۔پاک فوج کا کہنا ہے کہ وہ ملکی سرحدوں کے دفاع اور بھارتی سرپرستی میں ہونے والی دہشتگردی کو جڑ سے اکھاڑ پھینکنے کے لیے پرعزم ہے۔دوسری جانب وزیراعظم شہباز شریف فتنہ الخوارج کے دہشت گردوں کی جانب سے شمالی وزیرستان کے علاقے حسن خیل میں دراندازی ناکام بنانے پر سیکیورٹی فورسز کو خراج تحسین پیش کیا۔وزیراعظم نے دراندازی کی کوشش ناکام بناتے ہوئے 30 خوارجی دہشت گردوں کو ہلاک کرنے پر سیکیورٹی فورسز کی ستائش کی اور کہا کہ ملک کی حفاظت کے لیے پاکستان کی بہادر افواج سیسہ پلائی ہوئی دیوار کی طرح کھڑی ہیں۔وزیراعظم نے اس عزم کا اعادہ کیا کہ پاکستان سے ہر قسم کی دہشتگردی کے مکمل خاتمے تک جدوجہد جاری رہے گی اور اس مقصد کے حصول کے لیے قومی قیادت، ریاستی ادارے اور عوام یکجا ہیں۔

افغان سرحد سے دراندازی کی کوشش ناکام، بھارتی حمایت یافتہ 30 دہشت گرد ہلاک

ہلاک ہونے والے دہشت گردوں کے قبضے سے بھاری مقدار میں اسلحہ، گولہ بارود اور دھماکا خیز مواد برآمد

روس افغانستان میں طالبان کی حکومت تسلیم کرنے والا پہلا ملک بن گیا، روس نے افغانستان کے نئے سفیر کی اسناد کو قبول کر لیا۔روس نے اعلان کیا ہے کہ اس نے افغانستان کے نئے سفیر کی اسناد قبول کرلی ہیں جس کے بعد روس طالبان حکومت کو تسلیم کرنے والا پہلا ملک بن گیا ہے۔اس حوالے سے روسی وزارت خارجہ نے ایک بیان میں کہا ہے کہ ہم سمجھتے ہیں کہ اسلامی امارت افغانستان کی حکومت کو باضابطہ طور پر تسلیم کرنے کا اقدام، دونوں ممالک کے درمیان مختلف شعبوں میں تعمیری دوطرفہ تعاون ک کو مزید تقویت دے گا۔روسی وزارت خارجہ کے بیان میں اس عزم کا بھی اظہار کیا گیا ہے کہ افغانستان کے ساتھ سیکیورٹی، انسداد دہشت گردی اور منشیات کے خلاف جنگ میں تعاون، مدد اور حمایت جاری رکھیں گے۔بیان میں مزید کہا گیا ہے کہ دونوں ممالک کے درمیان تجارت اور معیشت کے شعبوں سمیت خاص طور پر توانائی، ٹرانسپورٹ، زراعت اور انفراسٹرکچر میں بھی بڑے مواقع موجود ہیں۔دوسری جانب افغان وزارت خارجہ نے بھی تصدیق کی ہے کہ روسی سفیر دمتری ژیرنوف نے طالبان کے وزیر خارجہ امیر خان متقی سے ملاقات کی اور انہیں اس فیصلے سے آگاہ کیا۔افغان وزارت خارجہ نے اپنے ایکس اکاؤنٹ پر پوسٹ کیا کہ ملک کے وزیر خارجہ مولوی امیر خان متقی اور روسی فیڈریشن کے سفیر دیمتری ژیرنوف نے کابل میں ملاقات کی، روسی سفیر نے اس ملاقات میں روس کی حکومت کا وہ باضابطہ فیصلہ سرکاری طور پر پہنچایا، جس کے تحت روسی فیڈریشن نے افغانستان کی امارتِ اسلامیہ کو تسلیم کر لیا ہے۔فغان وزارت خارجہ کے مطابق روسی سفیر نے اس فیصلے کی اہمیت کو اجاگر کرتے ہوئے اسے افغانستان اور روس کے درمیان تعلقات کو مضبوط بنانے کے لئے ایک تاریخی قدم قرار دیا۔افغان وزیر خارجہ نے روسی فیڈریشن کے اس فیصلے کا خیر مقدم کیا اور اسے دونوں ملکوں کے درمیان مثبت تعلقات، باہمی احترام اور تعمیری تعاون کا نیا مرحلہ قرار دیا۔امیر خان متقی نے کہا کہ روسی فیڈریشن کا یہ حقیقت پسندانہ فیصلہ دونوں ملکوں کے تعلقات کی تاریخ میں ایک اہم پیشرفت کے طور پر یاد رکھا جائے گا، وزیر خارجہ نے مزید کہا کہ اس اقدام کے ساتھ دونوں ملکوں کے درمیان دوطرفہ تعاون مزید وسعت پائے گا۔ یاد رہےکہ  15 اگست 2021 کو  امریکی افواج کے انخلا کے بعد طالبان نے افغان دارالحکومت کابل پر دوبارہ قبضہ کرلیا تھا۔یاد رہے کہ اگست2021میں امریکی افواج کے افغانستان سے انخلا کے بعد طالبان حکومت قائم ہوئی تھی اور صدر اشرف غنی ملک سے فرار ہوگئے تھے جبکہ  اقتدار میں آنے والے افغان طالبان کی حکومت کو اقوام متحدہ اور بین الاقوامی برادری نے باضابطہ طور پر تسلیم نہیں کیا، کیونکہ انہوں نے خواتین پر تعلیم اور ملازمت میں حصہ لینے پر پابندی سمیت اپنے شہریوں کے بنیادی حقوق پر پابندیاں عائد کر رکھی ہیں۔تاہم چین اور روس جنہوں نے عبوری افغان انتظامیہ کے ساتھ محدود سفارتی تعلقات کو فروغ دینے پر آمادگی ظاہر کی تھی گزشتہ دو سالوں میں افغان وزرا کو چین اور وسطی ایشیا کے فورمز میں شرکت کی دعوت دے چکے ہیں۔ امریکا کے انخلا  کے بعد روس  نے آہستہ آہستہ افغانستان کے ساتھ اپنے تعلقات بحال کیے ہیں۔ دو سال قبل روس کے صدر  پیوٹن نےکہا تھا کہ ان کا ملک طالبان کو دہشت گردی کے خاتمے کے لیے اپنا اتحادی سمجھتا ہے۔ماہرین کے مطابق روس افغانستان سے مشرق وسطیٰ تک کئی ممالک میں موجود شدت پسند گروپوں سے لاحق سکیورٹی خطرات کے پیش نظر طالبان کے ساتھ کام کرنا چاہتا ہے۔

روس افغانستان کی طالبان حکومت کو تسلیم کرنے والا پہلا ملک بن گیا، نئے سفیر کی اسناد قبول

افغانستان میں طالبان حکومت اگست 2021 میں قائم ہوئی تھی اور صدر اشرف غنی ملک سے فرار ہوگئے تھے

پاکستان نے جنوبی کوریا میں جاری ایشین یوتھ گرلز نیٹ بال چیمپئن شپ کے پلیٹ ڈویژن کپ کا فائنل جیت لیا ہے۔ فیصلہ کن معرکے میں پاکستان نے شاندار کارکردگی کا مظاہرہ کرتے ہوئے مالدیپ کو 35 کے مقابلے میں 60 گولز سے شکست دی۔ پاکستان اس ٹورنامنٹ کے دوران ناقابل شکست رہا اور فائنل سمیت مسلسل سات میچز میں کامیابی حاصل کی۔ فائنل میں مالدیپ کو کسی ایک کوارٹر میں بھی سبقت حاصل نہ ہو سکی۔ایشین یوتھ گرلز نیٹ بال چیمپئن شپ میں مجموعی طور پر 11 ٹیموں نے حصہ لیا، جنہیں دو گروپوں میں تقسیم کیا گیا تھا۔ گروپ اے کو گولڈ کپ ڈویژن جبکہ گروپ بی کو پلیٹ ڈویژن کا درجہ دیا گیا۔ گولڈ کپ گروپ (گروپ اے) میں ملائیشیا، سنگاپور، سری لنکا، ہانگ کانگ اور بھارت شامل تھے، جبکہ پلیٹ ڈویژن (گروپ بی) میں چائنیز تائپے، جاپان، کوریا، پاکستان، مالدیپ اور سعودی عرب کی ٹیمیں شامل تھیں۔

شاندار فتح، پاکستان نے مالدیپ کو شکست دیکر ایشین یوتھ گرلز نیٹ بال چیمپئن شپ جیت لی

فائنل میں پاکستان نے شاندار کارکردگی کا مظاہرہ کرتے ہوئے مالدیپ کو 35 کے مقابلے میں 60 گولز سے شکست دی

وفاقی حکومت نے( 9 اور 10 محرم الحرام )عاشورہ کی سرکاری تعطیلات کا اعلان کردیا جس کا نوٹیفکیشن بھی جاری کردیاگیاہے۔کابینہ ڈویژن کی جانب سے جاری کردہ اعلامیے کے مطابق 9 اور 10محرم الحرام بمطابق 5 اور 6 جولائی کو عام تعطیل ہوگی اور تمام سرکاری دفاتر بند رہیں گے۔کابینہ ڈویژن کے مطابق تعطیلات کا اعلان وزیراعظم شہباز شریف کی منظوری کے بعد کیا گیا ۔قبل ازِیں محرم الحرام کے دوران ممکنہ سیکیورٹی خدشات کے پیش نظر وزارت داخلہ نے ملک بھر میں پاک فوج تعینات کرنے کا فیصلہ کیا تھا اس فیصلے کا مقصد محرم کے جلوسوں اور مجالس کے دوران امن و امان کو یقینی بنانا ہے۔

وفاقی حکومت نے دو روزہ عام تعطیل کا اعلان کردیا،نوٹیفکیشن جاری

پانچ اور 6 جولائی (9اور 10محرم)کو عاشورہ کے موقع پر سرکاری تعطیلات ہوں گی

متحدہ قومی موومنٹ (ایم کیو ایم) پاکستان کے سینئر رہنما فاروق ستار نےکہاہے کہ نمبرپلیٹس کےنام پر کراچی ٹریفک پولیس شہریوں سے بھتہ وصول کر رہی ہے۔اپنے ایک بیان میں ان کا کہنا تھا کہ حکومت سندھ نےکراچی کےشہریوں کو لُوٹنے کا نیا راستہ نکال لیا ہے، کراچی میں ٹریفک پولیس کی جانب سےکروڑوں روپےروزانہ رشوت لی جاتی ہے۔فاروق ستار نے کہا کہ کراچی میں ٹریفک پولیس کی رشوت ستانی ایک صنعت کا درجہ اختیارکرچکی ہے، ایم کیو ایم پاکستان ٹریفک پولیس کو وردی کےنام پر کھلی بدمعاشی نہیں کرنے دےگی۔رہنما ایم کیو ایم کا مزید کہنا تھا کہ ٹریفک پولیس ڈمپر مافیا کےہاتھوں سینکڑوں شہریوں کی جان کومحفوظ نہیں بناسکی، شہری گھنٹوں ٹریفک جام میں پھنسے رہتے ہیں۔ڈاکٹر فاروق ستار نے کہا کہ حکومت سندھ نے کراچی کی سڑکیں موہنجوداڑو جیسی کردی ہیں، اور چالان امریکا جیسے لینے کی خواہش ہے، حکومت سندھ اپنی ناقص حکمت عملی اور ظلم و ناانصافی کےسلسلوں کو بند کرے۔

ٹریفک پولیس نمبر پلیٹس کے نام پر شہریوں سے بھتہ وصول کر رہی ہے، فاروق ستار

سندھ حکومت نے کراچی کی سڑکیں موہنجوداڑو جیسی کردی ہیں اور چالان امریکا جیسا لینے کی خواہش ہے، رہنما ایم کیو ایم

لاہور(این این آئی)مسافر ٹرینوں کے کرایوں میں ایک بار پھر اضافہ کردیا گیا ہے۔محکمہ ریلوے نے مسافر ٹرینوں کے کرایوں میں 2  فیصد اضافہ کیا ہے۔ 2 ہفتوں کے دوران دوسری مرتبہ کرایوں میں اضافہ کیا گیا ہے۔ریلوے نے 18 جون کو بھی کرایوں میں 3 فیصد اضافہ کیا تھا۔محکمہ ریلوے کی جانب سے جاری نوٹیفکیشن کے مطابق کرایوں میں اضافے کا اطلاق 4 جولائی سے ہوگا۔ریلوے حکام کا کہنا تھا کہ ڈیزل کی قیمت میں اضافے سے ریلوے کو شدید مالی نقصان کا سامنا ہے، کرایوں میں اضافہ ناگزیر تھا۔

پاکستان ریلوے نے 2 ہفتوں کے دوران دوسری مرتبہ کرایوں میں اضافہ کردیا

کرایوں میں اضافے کا اطلاق 4 جولائی سے ہوگا،ریلوے نے18 جون کو بھی کرایوں میں 3 فیصد اضافہ کیا تھا

ایک سانپ نے آسٹریلوی پرواز میں گھنٹوں کی تاخیر کروادی،میلبورن ایئرپورٹ پر ایک انوکھا واقعہ پیش آیا جہاں ایک سانپ کی موجودگی کے باعث مسافر طیارے کی روانگی میں دو گھنٹے کی تاخیر ہو گئی۔ واقعہ اس وقت پیش آیا جب عملے نے بورڈنگ سے قبل طیارے کے لینڈنگ گیئر کے قریب ایک زندہ سانپ کو دیکھا۔سیکیورٹی خدشات کے پیش نظر فوری طور پر وائلڈ لائف حکام کو طلب کیا گیا، جنہوں نے احتیاط سے طیارے کی تلاشی لی۔ بتایا گیا ہے کہ سانپ طیارے کے نچلے حصے میں چھپ گیا تھا جسے نکالنے میں دو گھنٹے لگے۔حکام کے مطابق سانپ ایک غیر زہریلا پائتھن تھا، جو آسٹریلیا کے گرم علاقوں میں عام پایا جاتا ہے، خاص طور پر گرمیوں کے موسم میں ہوائی اڈوں کے اطراف۔ مکمل حفاظتی معائنہ کے بعد پرواز کو روانگی کی اجازت دی گئی، اس دوران مسافروں کو ایئرپورٹ لاؤنج میں انتظار کرنا پڑا۔

آسٹریلیا،جہاز میں سانپ کی موجودگی، پرواز 2 گھنٹے تاخیر کا شکار ہوگئی

میلبرن ایئرپورٹ پر پرواز سے قبل لینڈنگ گیئر میں زندہ سانپ کی موجودگی، وائلڈ لائف ٹیم نے کارروائی کے بعد کلیئرنس دی

اسلام آباد(این این آئی) وفاقی وزیر داخلہ محسن نقوی نے کہا ہے کہ ایران اسرائیل کے درمیان سیزفائر میں وزیراعظم کا اہم کردار ہے، جنگ بندی کے پیچھے بھی وردی ہے، سیزفائر پر پاکستان کو فخر کرنا چاہیے۔وزیر مملکت داخلہ طلال چودھری کے ہمراہ محرم الحرام کے حوالے سے تمام مکاتب فکر کے علمائے کرام سے گفتگو کرتے ہوئے وزیر داخلہ محسن نقوی کا کہنا تھا کہ تمام علما کرام کی آمد پر شکر گزار ہوں، قیام امن میں علما کرام نے ہمیشہ اہم کردارادا کیا، چیئرمین رویت ہلال کمیٹی تمام مکاتب فکر کے لوگوں کو ساتھ لیکر چلتے ہیں۔انہوں نے کہا کہ حضرت امام حسینؓ سب کے ہیں، محرم الحرام میں مذہبی ہم آہنگی کا فروغ انتہائی ضروری ہے، قیام امن حکومت کی ترجیح ہے۔ان کا کہنا تھا کہ اللہ کی نصرت سے بھارت کے خلاف جنگ میں فتح نصیب ہوئی، بھارت کی طرف سے فائر کئے گئے میزائل ہدف تک نہیں پہنچے، جوابی کارروائی میں بھارتی شہریوں کو نشانہ نہیں بنایا، ہم نہیں چاہتے تھے کہ جنگ میں بھارت کے کسی سویلین کو نقصان ہو، ہمارا ایک میزائل بھارت کے آئل ڈپو میں لگا اور سویلین آبادی بچ گئی، فیلڈمارشل کو جنگ میں کسی قسم کی پریشانی نہیں تھی، بھارت نے 4 گنا زیادہ نقصان برداشت کیا، ہم جنگ میں جیت کے بعد یوم آزادی 4 گنا زیادہ منا رہے ہیں۔وزیر داخلہ نے کہا کہ خیبرپختونخوا میں جن علاقوں میں دہشت گردی زیادہ ہے وہاں علما سے بات چیت کرنا ضروری ہے، مقامی لوگوں کی مدد کے بغیر دہشت گردی ختم نہیں ہوسکتی۔محسن نقوی کا کہنا تھا کہ ایران اوراسرائیل کے درمیان سیز فائرمیں وزیراعظم کا اہم کردار ہے، جنگ بندی کے پیچھے بھی وردی ہے۔وزیر مملکت داخلہ طلال چودھری نے کہا کہ علما کرام نے پورے پاکستان میں اپنا فرض بہترین انداز میں نبھایا، علماء کرام دہشت گردی کے خاتمے میں اپنا کردار زیادہ سے زیادہ ادا کریں، سکیورٹی فورسز دہشت گردوں کے خلاف نبردآزما ہیں۔طلال چودھری کا کہنا تھا کہ ہمیں کسی نفرت، فرقہ واریت یا دشمن کے ایجنڈے کا شکار نہیں ہونا، ہم سب کو متحد رہنا ہے۔اس موقع پر چیئرمین مرکزی رویت ہلال کمیٹی مولانا عبدالخبیر آزاد کا کہنا تھا کہ مذہبی ہم آہنگی، رواداری کیلئے پاکستان نے عظیم کردار پیش کیا، اللہ نے ہمیں آپریشن بنیان المرصوص میں کامیابی عطا کی، بھارت جیسے جھوٹے اور مکار ملک نے ہم پر الزام لگایا اور جارحیت کو مسلط کیا۔انہوں نے کہا کہ حکومت اور افواج پاکستان نے بھارتی جارحیت کا منہ توڑ جواب دیا، یہ ملک کلمے کی بنیاد پر وجود میں آیا، عروج اللہ دیتا ہے، ہمارے دوست ملک ایران نے اسرائیل کو بھرپورجواب دیا، ایران اوراسرائیل جنگ میں پاکستان کا کردار بھی بہت روشن ہے، اللہ نے ہمیں عظیم کامیابیوں سے ہمکنار کیا ہے۔مولانا عبدالخبیر آزاد کا مزید کہنا تھا کہ محرم الحرام میں سب مراحل امن اورعافیت کے ساتھ چل رہے ہیں، دشمن بہت عیار ہے، اپنے مسلک کو چھوڑو مت اور کسی کے مسلک کو چھیڑو مت۔

ایران اسرائیل سیز فائر کے پیچھے بھی وردی ہے،بھارت کیخلاف جنگ میں غیبی مدد آئی، محسن نقوی

ایران اسرائیل کے درمیان سیزفائر میں وزیراعظم کا اہم کردار ہے، سیزفائر پر پاکستان کو فخر کرنا چاہیے، وفاقی وزیر داخلہ

اب اسلام آباد میں موٹر سائیکل پر بیٹھے دونوں افراد کوہیلمٹ کا استعمال کرنا پڑ ے گا۔میڈیارپورٹس کے مطابق اسلام آباد میں ٹریفک حادثات کے دوران قیمتی جانوں کے ضیاع کو روکنے کے لیے بڑا اقدام کر لیا گیا۔ اب موٹر سائیکل پر سوار دونوں افراد کے لیے ہیلمٹ پہننا لازمی قرار دے دیا گیا ہے۔چیف ٹریفک آفیسر اسلام آباد کے مطابق موٹر سائیکل پر سوار مرد ہو یا خاتون دونوں کیلئے ہیلمٹ پہننا لازمی ہو گا، انہوں نے کہا کے اس فیصلے کا باقاعدہ اطلاق دو ہفتوں کی آگاہی مہم کے بعد کیا جائے گا۔انہوں نے واضح کیا کہ مہم کے اختتام پر اگر موٹر سائیکل پر سوار دونوں افراد ہیلمٹ نہ پہنے ہوئے پائے گئے تو ان پر جرمانہ عائد کیا جائے گا۔حکام کا کہنا ہے کہ یہ اقدام شہریوں کی حفاظت کو یقینی بنانے اور حادثات میں اموات کی شرح کم کرنے کے لیے اٹھایا گیا ہے۔

اسلام آباد میں نیا ٹریفک قانون،موٹر سائیکل کے دونوں سواروں کے لیے ہیلمٹ لازم

دو ہفتوں کی آگاہی مہم کے بعد موٹر سائیکل پر دونوں سوار کے ہیلمٹ نہ پہننے پر جرمانہ ہوگا،چیف ٹریف آفیسر اسلام آباد

بھارتی شوبز انڈسٹری کی معروف اداکارہ شیفالی زری والا کی اچانک موت پر جہاں فلمی دنیا کی شخصیات نے گہرے دکھ اور افسوس کا اظہار کیا، وہیں معروف اسلامی اسکالر مفتی طارق مسعود کا اس واقعے پر تبصرہ بھی سوشل میڈیا پر تیزی سے وائرل ہو رہا ہے۔شیفالی زری والا، جو سن2ہزار کی دہائی میں’’کانٹا لگا‘‘ کے ریمکس سے شہرت کی بلندیوں پر پہنچی تھیں، 27 جون کی رات صرف 42 سال کی عمر میں دل کا دورہ پڑنے سے انتقال کر گئیں۔ ان کی فٹنس، جِم ٹریننگ اور اینٹی ایجنگ ٹریٹمنٹس کے باوجود ان کی اچانک وفات نے ان کے مداحوں اور بالی وڈ حلقوں کو ہلا کر رکھ دیا۔اس موقع پر مفتی طارق مسعود کی ایک ویڈیو سامنے آئی ہے جس میں وہ شیفالی زری والا کی موت کو عبرت کا نشان قرار دیتے ہوئے کہتے ہیں کہ بتایا جا رہا تھا کہ وہ بہت مشہور اداکارہ تھی، اس کے گانے دنیا بھر میں مشہور ہوئے۔ لیکن آج سب ختم ہو گیا۔ موت نے سب کچھ خاک میں ملا دیا۔ چونکہ وہ ہندو تھیں، انہیں جلا دیا گیا ہوگا، اور یہی انجام ہمیں انسان کی حقیقت سمجھاتا ہے۔انہوں نے افسوس کا اظہار کرتے ہوئے کہا کہ لوگ اس واقعے سے عبرت حاصل کرنے کے بجائے مرحومہ کے گانے چلا کر اسے خراجِ تحسین پیش کر رہے ہیں، جو اسلامی اعتبار سے نہ مناسب ہے اور نہ ہی اس سے کسی مرحوم کو فائدہ پہنچتا ہے۔اس اداکارہ کا میک اپ سالانہ کروڑوں میں ہوتا تھا تاکہ وہ حسین نظر آئے، لیکن اب یہی خوبصورتی راکھ میں تبدیل ہو چکی ہے۔ دنیا جسے کل تک سلیوٹ کرتی تھی، آج وہ مٹی بن چکی ہے۔مفتی طارق مسعود نے مزید کہا کہ غیر مسلموں کی وفات پر اسلامی تعلیمات کے مطابق دعائے مغفرت کرنا جائز نہیں، اور ہمیں اس ضمن میں دین کی حدود کو سمجھنا چاہیے۔انہوں نے یوٹیوب پر ایک ویڈیو کا حوالہ دیتے ہوئے بتایا کہ مردے کو جلانے کا منظر دیکھ کر ایک مسلمان نے کمنٹ کیا کےالحمدللہ کہ میں مسلمان ہوں۔یہ ویڈیو سوشل میڈیا پر تیزی سے وائرل ہو رہی ہے اور مختلف حلقوں میں اس پر بحث بھی جاری ہے۔

معروف بھارتی اداکارہ شیفالی زری والا کی موت، مفتی طارق مسعود کا تبصرہ سوشل میڈیا پر وائرل

غیر مسلموں کی وفات پر اسلامی تعلیمات کے مطابق دعائے مغفرت کرنا جائز نہیں،مفتی طارق مسعود

After a breakthrough Test season, Pakistan spinner Sajid Khan, 31, is seeking a move into English county cricket

Sajid Khan eyes county stint to enhance white-ball credentials

After a breakthrough Test season, Pakistan spinner Sajid Khan, 31, is seeking a move into English county cricket to sharpen his skills in the shorter formats and improve his white-ball prospects. The bid comes on the back of his impressive form, as he continues to push for ODI and T20I opportunities.

Since debuting in Test cricket in April 2021, Sajid has earned 59 wickets at an average of 27.28 over 12 matches&mdash;four of them five-wicket hauls&mdash;highlighting his growing dominance in red-ball cricket. Most recently, he took 15 wickets in the two-Test series against the West Indies in Multan, averaging just 17.00.

Despite this, he has yet to receive a white-ball cap. In a recent interview with Samaa TV, he said: &ldquo;I will look to learn something new if I get any opportunity to play in the white-ball formats in the future.&rdquo;

England&rsquo;s county championship&mdash;with its mix of red-ball and limited-over matches&mdash;is Sajid&rsquo;s ideal training ground ahead of a potential move to international white-ball cricket.

He disclosed that he&rsquo;s been practising extensively with the new Dukes ball in Peshawar, bowling hours at a stretch alongside coach Zohaib Khan. &ldquo;I&rsquo;ve worked &hellip; to prepare with the new ball &hellip; for one to two hours on end,&rdquo; Sajid confirmed to <a href="https://battingwithbimal.com/2025/02/05/bowl-with-the-new-ball-non-stop-for-1-to-2-hours-pakistan-spinner-enjoying-great-success-says/">ESPNcricinfo</a>, adding: &ldquo;It&rsquo;s about building stamina and control.&rdquo;

Cricketing legend <a href="https://battingwithbimal.com/2025/04/10/he-can-hit-sixes-shahid-afridi-wants-pakistan-spinner-full-of-confidence-picked-in-limited-overs-cricket/">Shahid Afridi</a> has lent support to the idea, suggesting Sajid&rsquo;s confidence, fielding, and even batting power could make him an asset in limited-overs cricket. &ldquo;His confidence is very high &hellip; he can also hit sixes in batting,&rdquo;

<h2>What&rsquo;s next</h2>

<ul>
	<li>County deal: Sajid is in advanced talks with at least one English county (likely from Division One) for the 2025 season. 
	&nbsp;</li>
	<li>White-ball debut: Selection for Pakistan&rsquo;s limited-overs games&mdash;such as the Champions Trophy or tri-series&mdash;remains a realistic aim if he performs abroad. 
	&nbsp;</li>
	<li>Domestic form: <a href="https://www.thenews.com.pk/print/1257833-sajid-leads-peshawar-with-five-wicket-haul?utm_source=chatgpt.com">Continued impact</a> in domestic tournaments like the Quaid-e-Azam trophy (where he recently claimed his 16th five-wicket haul) will bolster his case.</li>
</ul>

Sajid Khan&rsquo;s push into county cricket is a strategic move to evolve beyond a Test specialist. With red-ball dominance established, he&rsquo;s chasing broader horizons&mdash;and with endorsements from legends like Afridi, the white-ball arena is now firmly in his sights.

Sajid Khan eyes county stint to enhance white-ball credentials

What’s next

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan