Cricket

Entertainment

Football

پاکستان سپر لیگ ( پی ایس ایل ) 10 کے 23 ویں میچ کوئٹہ گلیڈی ایٹرز نے اسلام آباد یونائیٹڈ کو سنسنی خیز مقابلے کے بعد 2 وکٹوں سے شکست دے کر پلے آف مرحلے کے لیے کوالیفائی کرلیا۔ اسلام آبادیونائیٹڈ کی ناقص فیلڈنگ نے جیتا ہوا میچ گلیڈی ایٹرز کی جھولی میں ڈال دیاکوئٹہ گلیڈی ایٹرز نے حسن نواز کی شانداراننگز کی بدولت اسلام آبادیونائیٹڈڈ کادیاگیا 158 رنز کا ہدف ایک گیند قبل 8 وکٹوں کے نقصان پر حاصل کیا۔قبل ازیں کوئٹہ گلیڈی ایٹرز کے کپتان سعود شکیل نے ٹاس جیت کر پہلے فیلڈنگ کرنے کا فیصلہ کیا ۔اسلام آباد یونائیٹڈنےپہلے بیٹنگ کرتے ہوئے مقررہ 20 اوورز میں 9 وکٹوں کے نقصان پر 157 رنز اسکور کیے۔اسلام آباد یونائیٹڈ کی جانب سے محمد نواز 49 رنز بنا کر نمایاں رہے۔ صاحبزادہ فرحان 39، کائل مائرز 22، حیدر علی 10، کولن منرو 9، آندرے ہاؤس 8، نسیم شاہ 1 جبکہ کپتان سلمان آغا اور محمد شہزادصفرکے اسکور پر آؤٹ ہوئے۔جیسن ہولڈر 14 رنز بنا کر ناٹ آؤٹ رہے۔گلیڈی ایٹرز کی جانب سے فہیم اشرف نے 4 کھلاڑیوں کو آؤٹ کیا۔سعود شکیل، خرم شہزاد،  ابرار احمد اور کائل جیمیسن نے 1، 1 وکٹ حاصل کی۔اسلام آبادیونائیٹڈ کے دیئے گئے158رنز کے تعاقب میں کوئٹہ  گلیڈی ایٹرز نے 8 وکٹوں کے نقصان پر آخری اوور کی پانچویں گیند پر 159 رنز بنا کر مطلوبہ ہدف حاصل کرلیا اور ایونٹ کے پلے آف مرحلے کے لئے کوالیفائی کرنے والی پہلی ٹیم بن گئی۔گلیڈی ایٹرز کی جانب سے حسن نواز نے 64 رنز کی اننگ کھیل ٹیم کی جیت میں اہم کردار ادا کیا ، رائلی روسو 27، فن ایلن 20، محمد وسیم جونیئر 16، حسیب اللہ 7، کپتان سعود شکیل 7، فہیم اشرف 6، کائل جیمیسن 3 اور مارک چیپمن 2 رنز بنا کر آؤٹ ہوئے۔اسلام آبادیونائیٹڈ کی جانب سے نسیم شاہ اور سلمان ارشاد نے 2، 2 جبکہ محمد نواز، سلمان آغا اور جیسن ہولڈر نے ایک،ایک وکٹ حاصل کی۔

پی ایس ایل10،کوئٹہ گلیڈی ایٹرز نے اسلام آباد یونائیٹڈ کو2وکٹوں سے ہرادیا

سنسنی خیزمقابلے کے بعداسلام آبادیونائیٹڈ کا158رنز کاہدف کوئٹہ گلیڈی ایٹرزنے ایک گیندقبل حاصل کرلیا

بیجنگ(این این آئی )چین نے پاکستان کی حمایت میں بڑا اعلان کرتے ہوئے کہاکہ پاکستان کیخلاف کسی بھی جارحیت پر چین پاکستان کے ساتھ کھڑا ہوگا۔میڈیارپورٹس کے مطابق چینی صدر کے سابق معاون ڈاکٹر وکٹر گا نے کہاکہ چین پاکستان کی خودمختاری اور سالمیت کے دفاع کیلئے ہر سطح پر پرعزم ہے، کسی بھی جارحیت کو روکنا وقت کی اہم ضرورت ہے، پہلگام حملے پر مکمل اور غیرجانبدار تحقیقات ضروری ہیں۔سینٹر فار چائنا اینڈ گلوبلائزیشن کے نائب صدر ڈاکٹر وکٹر گا نے پاکستانی مقف کی حمایت کرتے ہوئے کہاکہ پاکستان نے بار بار پہلگام فالز فلیگ آپریشن پر شفاف تحقیقات کا مطالبہ کیا ہے۔

کسی بھی جارحیت پر پاکستان کے ساتھ کھڑے ہوں گے، چین کا بڑا اعلان

چین پاکستان کی خودمختاری اور سالمیت کے دفاع کیلئے ہر سطح پر پرعزم ہے، سابق معاون چینی صدر

نئی دہلی (این این آئی )پاکستان کی جانب سے ابدالی نیوکلئیر میزائل کے تجربے نے بھارت میں ہلچل مچادی ہے۔ پہلگام حملے کے بعد دونوں ممالک کے درمیان کشیدگی میں غیر معمولی اضافہ ہوا ہے، اور خود میزائل تجربے کرنے والا بھارت پاکستان کے اس اقدام کو اشتعال انگیزی قرار دے رہا ہے۔پاکستان کی جانب سے ایٹمی وار ہیڈ لے جانے والے ابدالی بیلسٹک میزائل سے بھارت اتنا خوفزدہ ہے کہ اس کے میڈیا نے ابدالی کے استعمال کے تجربے سے ایک دن پہلے ہی چیخ و پکار شروع کردی تھی۔غیرملکی میڈیا کے مطابق پاکستان کے بیلسٹک میزائل تجربے کی خبر نے بھارتی میڈیا میں ہنگامہ برپا کر دیا ہے۔ پاکستان نے گزشتہ دنوں میں سمندری مشقوں میں شدت پیدا کی ہے اور لائن آف کنٹرول پر قیامت ڈھا دی ہے۔پاکستان کی اس سرگرمی نے بھارت میں تشویش کی لہر دوڑا دی ہے، جہاں اسے ایک چیلنج کے طور پر دیکھا جا رہا ہے۔ بھارتی ذرائع کا کہنا ہے کہ یہ میزائل تجربہ ایک خطرناک اقدام اور پاکستان کی جانب سے بھارت کو اشتعال دینے کی واضح کوشش ہے۔پہلگام حملے کے بعد پاکستان نے مسلسل سمندری وارننگ جاری کی ہیں، عرب سمندر میں مشقوں میں اضافہ کیا اور لائن آف کنٹرول پر بھارتی فائرنگ کا موثر انداز میں جوب دینا جاری رکھا ہے۔میزائلوں کے علاوہ پاکستان کے 5 خاص ہتھیار جن سے بھارت خوفزدہ ہے پاکستان کے وزیر خارجہ اسحاق ڈار نے واضح کیا کہ پاکستان کسی بھی بھارتی حملے کا بھرپور جواب دے گا۔

پاکستانی میزائل تجربے سے بھارت خوفزدہ، میڈیا میں چیخ و پکار شروع

پاکستان کی اس سرگرمی نے بھارت میں تشویش کی لہر دوڑا دی ،غیرملکی میڈیا رپورٹ

بھارت کی جانب سے پی ایس ایل کی اسٹریمنگ پر پابندی کے بعد پاکستان نے بھی آئی پی ایل کی لائیو اسٹریمنگ پر پابندی لگا دی۔تفصیلات کے مطابق بھارت میں پاکستان سپر لیگ (پی ایس ایل) پر پابندی کے بعد جوابی اقدام اٹھاتے ہوئے پاکستان نے انڈین پریمئیر لیگ (آئی پی ایل) پر پابندی عائد کردی۔ پاکستان نے سرکاری طور پر انڈین پریمیئر لیگ (آئی پی ایل) 2025 کی نشریات ملک بھر میں معطل کر دی ہیں۔ یہ فیصلہ بھارت کی جانب سے پاکستان سپر لیگ (پی ایس ایل) کی نشریات پر پابندی کے جواب میں کیا گیا ہے، جسے حکام نے ’’برابر کے سلوک‘‘ اور’’قومی مفاد‘‘ کے تحفظ کا نام دیا ہے۔پاکستان الیکٹرانک میڈیا ریگولیٹری اتھارٹی (پیمرا) نے تمام مقامی ٹی وی چینلز اور ڈیجیٹل پلیٹ فارمز کو ہدایت جاری کی ہے کہ وہ فوری طور پر آئی پی ایل کی نشریات بند کریں۔ ان ہدایات پر عمل کرتے ہوئے ملک کا معروف اسٹریمنگ پلیٹ فارم ٹیپمیڈ بھی میدان میں آگیا، جس نے ہفتے کے روز اعلان کیا کہ وہ پاکستان میں آئی پی ایل 2025 کے تمام میچز کی اسٹریمنگ بند کر رہا ہے۔ٹیپمیڈ کے ترجمان نے اس اقدام کو ایک’’علامتی اور اصولی مؤقف‘‘ قرار دیتے ہوئے کہا کہ جب پاکستان کے اہم اسپورٹس ایونٹس کو بھارت میں روکا جاتا ہے، تو ہمیں بھی اسی نوعیت کا فیصلہ کرنا پڑتا ہے۔ ترجمان کے مطابق اس فیصلے کے پیچھے عوامی جذبات اور قومی غیرت کا گہرا تعلق ہے۔اس پیش رفت کے بعد ملک بھر میں کرکٹ شائقین اور میڈیا حلقوں میں شدید ردِعمل سامنے آیا ہے۔ کئی ماہرین اور مداحوں نے مطالبہ کیا ہے کہ کھیل کو سیاست سے دور رکھا جائے، مگر حکومتی نمائندوں کا کہنا ہے کہ بھارت کے’’متعصبانہ اور امتیازی رویے‘‘ کے بعد خاموشی ممکن نہیں تھی۔یہ پہلا موقع نہیں کہ پاک،بھارت کرکٹ نشریات سفارتی تنازعات کی نذر ہوئی ہوں۔ دونوں ہمسایہ ممالک کے درمیان جاری کشیدگی اب میدان کے ساتھ ساتھ اسکرین پر بھی واضح طور پر دکھائی دے رہی ہے، ایک ایسا المیہ جس سے دونوں ملکوں کے کرکٹ شائقین محروم ہو رہے ہیں۔یاد رہے اس سے قبل سونی اسپورٹس نیٹ ورک فینکوڈ اور کرک بز سمیت نشریاتی اداروں نے بھارت میں پاکستان سپر لیگ (پی ایس ایل) 2025 کی تمام کوریج معطل کی تھی۔

انڈین پریمئیر لیگ (آئی پی ایل) کے میچز اب پاکستان میں نہیں دیکھے جا سکیں گے

بھارت میں پی ایس ایل پر پابندی، پاکستان نے بھی آئی پی ایل کی اسٹریمنگ پر پابندی لگا دی

پاکستان نے کامیابی کے ساتھ ابدالی ویپن سسٹم کا تربیتی تجربہ کیا ہے جو زمین سے زمین تک مار کرنے والا میزائل ہے اور 450 کلومیٹر تک ہدف کو نشانہ بنانےکی صلاحیت رکھتا ہے۔ یہ تجربہ مشق ”ایکس انڈس“ کا حصہ تھا جس کا مقصد افواج کی آپریشنل تیاری کو جانچنا اور میزائل کے جدید نیویگیشن سسٹم اور بڑھائی گئی چالاکی کی خصوصیات کو پرکھنا تھا۔پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق یہ زمین سے زمین تک مار کرنے والا میزائل ہے جو450 کلومیٹر تک ہدف کو نشانہ بنانے کی صلاحیت رکھتا ہے۔بیان میں کہا گیا کہ یہ تجربہ مشق ’’انڈس‘‘ کے حصے کے طور پر کیا گیا جس کا مقصد افواج کی عملی تیاری کو جانچنا اور میزائل کے اہم تکنیکی پہلوؤں، بشمول جدید نیویگیشن سسٹم اور بہتر سمت تبدیل کرنے کی صلاحیت کو جانچنا تھا۔ترجمان پاک فوج کے مطابق تربیتی تجربے کا مشاہدہ کمانڈر آرمی اسٹریٹجک فورسز کمانڈ، اسٹریٹجک پلانز ڈویژن اور آرمی اسٹریٹجک فورسز کمانڈ کے سینئر افسران، پاکستان کے اسٹریٹجک اداروں کے سائنسدانوں اور انجینئروں نے کیا۔آئی ایس پی آر کے مطابق صدر مملکت، وزیر اعظم پاکستان، چیئرمین جوائنٹ چیفس آف اسٹاف کمیٹی اور تمام مسلح افواج کے سربراہان نے تجربے میں حصہ لینے والے افسران، سائنسدانوں اور انجینئروں کو مبارکباد دی۔

پاکستان نے زمین سے زمین تک مار کرنے والے ابدالی میزائل کا کامیاب تجربہ کر لیا

ابدالی میزائل کی رینج 450 کلو میٹر ہے اور میزائل جدید نیویگیشن سسٹم سے لیس ہے،آئی ایس پی آر

سربراہ عوامی مسلم لیگ شیخ رشید نے کہا ہے کہ امید ہے حالات جنگ کی طرف نہیں جائیں گے کیونکہ اگر ایسا ہونا ہوتا تو اب تک حالات بہت بگڑ چکے ہوتےانہوں نے کہا کہ بھارت ایک جانب جنگ کی باتیں کر رہا ہے اور دوسری طرف مذاکرات کی بھی کوششیں جاری رکھے ہوئے ہے شیخ رشید کاکہناتھا کہ وقت آنے پر دنیا دیکھے گی کہ پاکستانی قوم کتنی عظیم ہے۔راولپنڈی میں انسداد دہشت گردی عدالت کے باہر میڈیا سے گفتگو کرتے ہوئے عوامی مسلم لیگ کے سربراہ اور سابق وفاقی وزیر شیخ رشید نے کہا ہے کہ پاکستانی قوم متحد ہے اور اپنے وطن کے چپے چپے کی حفاظت کرنا جانتی ہے، وقت آنے پر دنیا دیکھے گی کہ پاکستانی قوم کتنی عظیم ہے۔ان کا کہنا تھا کہ پاکستان کے لیے جان دینے کا جذبہ ہر پاکستانی کے دل میں موجود ہے اور ہر فرد اپنے ملک اور دین اسلام کے لیے قربانی دینے کو تیار ہے۔انہوں نے امید ظاہر کی کہ حالات جنگ کی طرف نہیں جائیں گے کیونکہ اگر ایسا ہونا ہوتا تو اب تک حالات بہت بگڑ چکے ہوتے تاہم انہوں نے خبردار کیا کہ بھارت نے اگر پاکستانی قوم کو للکارا تو ہر بچہ، ہر فرد ملک کی حفاظت کے لیے میدان میں ہو گا۔

قوم متحد ہے اور وطن کے چپے چپے کی حفاظت کرنا جانتی ہے، شیخ رشیداحمد

بھارت نے اگر پاکستانی قوم کو للکارا تو ہر بچہ، ہر فرد ملک کی حفاظت کیلئے میدان میں ہوگا، سربراہ عوامی مسلم لیگ

پاکستان سپر لیگ (پی ایس ایل) سیزن 10 کے دلچسپ مقابلے جاری ہیں،پاکستان سپر لیگ میں آج ایک میچ کھیلا جائے گا،پی ایس ایل 10 کے23ویںمیچ میں آج اسلام آباد یونائیٹڈ اورکوئٹہ گلیڈی ایٹرز کی ٹیمیں آمنے سامنے ہوں گی ۔قذافی اسٹیڈیم لاہور میں کھیلا جانے والایہ میچ رات 8 بجے شروع ہو گا اورٹیپمیڈ پربراہ راست دکھایا جائے گا۔ اسلام آباد یونائیٹڈ کو مایہ ناز آل رائونڈر شاداب خان لیڈ کر رہے ہیں اور دیگر نمایاں کھلاڑیوں میں میتھیوشارٹ،کولن منرو،راسی وین ڈیر ڈوسن،جیسن ہولڈر،حیدرعلی،سلمان آغا،عمادوسیم،نسیم شاہ،حنین شاہ اور اعظم خان شامل ہیں۔کوئٹہ گلیڈی ایٹرز کی ٹیم مایہ ناز آل رائونڈر سعود شکیل کی زیر قیادت میدان میں اترے گی، دیگر نمایاں کھلاڑیوں میں مارک، چیپمین ،ریلی روسو،فن ایلن، حسن نواز،فہیم اشرف،شعیب ملک،حسیب اللہ خان،کوسل مینڈس،ابراراحمد،محمد عامر،سین ایبٹ اور کائل جیمیسن شامل ہیں۔ اسلام آباد یونائیٹڈ کی ٹیم نے ایونٹ کے 7 میچز میں سے 5 میں کامیابی حاصل کی ہے اور وہ 10 پوائنٹس کے ساتھ پوائنٹس ٹیبل پر ٹاپ پوزیشن پر برقرار ہے۔کوئٹہ گلیڈی ایٹرز کی ٹیم بھی 7 میچز کھیل چکی ہے جن میں اس کو 4 میچز میں فتح نصیب ہوئی جبکہ دو میں شکست ہوئی ہے۔کوئٹہ گلیڈی ایٹرز کی ٹیم ٹیبل پر 9 پوائنٹس کے ساتھ تیسرے نمبر پر ہے۔

پی ایس ایل 10  میں اسلام آباد یونائیٹڈ اورکوئٹہ گلیڈی ایٹرز کے درمیان مقابلہ آج ہوگا

میچ رات 8 بجے شروع ہو گا ،پوائنٹس ٹیبل پراسلام آبادیونائیٹڈ کے10جبکہ کوئٹہ گلیڈی ایٹرز کے9پوائنٹس ہیں

پاکستان سمیت دنیا بھر میں آج آزادی صحافت کا دن منایا جارہا ہے،، وہ دن جب ہم اُن صحافیوں کو یاد کرتے ہیں جنہوں نے سچ بولنے کی قیمت اپنی جان سے چکائی۔اس دن کو منانے کا بنیادی مقصد صحافت کے بنیادی اصولوں کے بارے میں شعور اجاگر کرنا، پیشہ وارانہ فرائض کی ادائیگی کے دوران صحافیوں اور صحافتی اداروں کو درپیش مشکلات، مسائل، دھمکی آمیز رویوں اور زندگیوں کو لاحق خطرات سے متعلق آگاہ کرنا ہے۔یہ دن ہر سال 3 مئی کو منایا جاتا ہے۔ 1993ء میں اقوام متحدہ نے اس دن کو باضابطہ طور پر تسلیم کیا تاکہ دنیا کو بتایا جا سکے کہ صحافت کرنا صرف خبر دینا نہیں، بلکہ سچائی کی خاطر ہر خطرہ مول لینا ہے۔آزادی صحافت کے عالمی دن کی مناسبت سے ملک بھر میں سرکاری، نجی اور صحافتی اداروں کے زیر اہتمام مختلف پروگرامز کا انعقاد کیا جائے گا،پاکستان میں بھی صحافیوں نے قید، تشدد، پابندیوں اور حتیٰ کہ موت کا سامنا کیا، لیکن سچ بولنے سے پیچھے نہیں ہٹے۔ یہ آزادی کسی تحفے کی مرہون منت نہیں بلکہ ان بہادر آوازوں کی قربانی کا نتیجہ ہے۔اعداد و شمار کے مطابق 1400 سے زیادہ صحافی دنیا بھر میں اپنے فرائض کی انجام دہی کے دوران قتل ہو چکے ہیں۔وزیراعظم شہباز شریف نے اس موقع پر پیغام دیا کہ پاکستان میں اظہارِ رائے کی آزادی آئینی حق ہے، لیکن میڈیا کو جھوٹ، فیک نیوز اور سازشی نظریات سے پاک رکھنا ہوگا۔اقوام متحدہ کے سیکرٹری جنرل نے بھی دنیا بھر کے صحافیوں سے یکجہتی کا اظہار کیا اور کہا کہ صحافت پر بڑھتے ہوئے حملے عالمی جمہوریت کے لیے خطرہ ہیں۔دوسری جانب عالمی پریس فریڈم انڈیکس میں پاکستان کی تنزلی ہوگئی،عالمی صحافتی تنظیم رپورٹرز ود آؤٹ بارڈرز نے 180ممالک میں آزادی صحافت کی صورتحال پر نئی رپورٹ جاری کردی۔عالمی پریس فریڈم انڈیکس میں پاکستان 152سے 158 درجے پر آگیا، رپورٹ میں آزادی صحافت پر لگنے والی قدغنیں تنزلی کی اہم وجہ قرار دی گئی۔رپورٹ میں دنیا بھر میں صحافتی آزادی کو لاحق خطرات پر تشویش کا اظہار کیا گیا جبکہ میڈیا پر بڑھتے معاشی دباؤ کو خطرناک مسئلہ قرار دیا گیا۔رپورٹ میں کہا گیا کہ امریکا سمیت تقریباً ایک تہائی ممالک میں معاشی مشکلات کے باعث خبررساں ادارے بند ہو رہے ہیں، آمرانہ حکومتیں میڈیا کو کنٹرول کرنے کے لیے اقتصادی دباؤ کا استعمال کر رہی ہیں۔انڈیکس میں بھارت میں میڈیا کی ملکیت چند سیاسی اشرافیہ کے ہاتھوں مرکوز ہونے پر تحفظات کا اظہار کیا گیا، رپورٹ میں فلسطین کی صورتحال کو تباہ کن قراردیتے ہوئے بتایا گیا ہے کہ اسرائیلی فوج نے تقریباً 200 صحافیوں کو شہید کیا۔

پاکستان سمیت دنیا بھر میں آج آزادی صحافت کا دن منایا جارہا ہے

عا لمی پریس فریڈم انڈیکس میں پاکستان کی تنزلی ہوگئی، پاکستان 152سے 158 درجے پر آگیا

پاکستان سپر لیگ سیزن 10 میں پشاور زلمی نے اسلام آباد یونائیٹڈ 6 وکٹوں سے شکست دیدی۔پشاور زلمی نے اسلام آباد یونائیٹڈ کی جانب سے دیاگیا 144 رنز کا ہدف 17 ویں اوور میں 4 وکٹوں کے نقصان پر حاصل کرلیا، معاذ صداقت 55 اور بابر اعظم 53 رنز کیساتھ نمایاں رہے۔قبل ازیں قذافی اسٹیڈیم لاہور میں کھیلے جارہے میچ میں اسلام آباد یونائیٹڈ نے ٹاس جیت کر پہلے کرتے ہوئے مقررہ 20 اوورز میں 9 وکٹوں کے نقصان پر 143 رنز بنائے تھے۔صاحبزادہ فرحان 36 رنز بناکر آؤٹ ہوئے جبکہ بین ڈی وارشز 33 رنز کے ساتھ نمایاں رہے۔پشاور زلمی کی طرف سے محمد علی نے 3، لیوک ووڈ، الزاری جوزف، احمد دانیال ،صائم ایوب اور حسین طلعت نے 1،1 وکٹ حاصل کی۔پشاور زلمی نے اسلام آباد یونائیٹڈ کی جانب سے ملنے والا 144 رنز کا ہدف 17 ویں اوور میں 4 وکٹوں کے نقصان پر حاصل کرلیا،ہدف کے تعاقب میں پشاور زلمی کا آغاز اچھا نہ تھا، اوپننگ بیٹر مچل اوون اور صائم ایوب بالترتیب 6 اور ایک رن بنا کر پویلین لوٹ گئے، محمد حارث بھی صرف 12 رنز بناسکے۔38 رنز پر 3 وکٹیں گرجانے کے بعد کپتان بابراعظم اور نوجوان بیٹر معاذ صداقت نے ذمے داریسے بیٹنگ کی ، پشاورزلمی کی جانب سے معاذ صداقت 55 رنز کے ساتھ نمایاں رہے۔ کپتان بابر اعظم 53 رنز کے ساتھ ناٹ آؤٹ پویلین لوٹے۔محمد حارث 13، مچل اوون 6 اور صائم ایوب 1 رن بنا کر آؤٹ ہوئے۔میکس برائنٹ 4 رنز بنا کر ناٹ آؤٹ رہے۔یونائیٹڈ کی جانب سے نسیم شاہ، بین ڈوارشوئس، رائلے میریڈتھ اور کائل مائرز نے 1، 1 وکٹ حاصل کی۔

پی ایس ایل10،پشاورزلمی نے اسلام آباد یونائیٹڈ کو6وکٹوں سے ہرادیا

پشاور زلمی نے اسلام آباد یونائیٹڈ کادیاگیا 144 رنز کا ہدف 4 وکٹوں کے نقصان پر حاصل کرلیا

کاروباری ہفتے کے پانچویں روز ملکی صرافہ مارکیٹوں میں سونے کی قیمتوں میں کمی واقع ہوئی ہے۔آل پاکستان جیمز اینڈ جیولرز ایسوسی ایشن کے مطابق ملک میں آج سونے کی فی تولہ قیمت 1300 روپے کمی کے ساتھ 3 لاکھ 44 ہزار 500 روپے ہے۔ایسوسی ایشن کے مطابق ملک میں 10 گرام سونے کی قیمت بھی 1114 روپے کمی کے ساتھ 2 لاکھ 95 ہزار  353 روپے ہے ۔جبکہ عالمی مارکیٹ میں بھی سونے کی قیمت 13 ڈالر کمی کے بعد 3263 روپے ہے۔دوسری جانب کاروباری ہفتے کے آخری روز اسٹاک ایکسچینج میں کاروبار کا آغاز ہی زبردست تیزی کیساتھ ہوا جس کے باعث 2900 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 14 ہزار 250 پوائنٹس کی سطح پر پہنچ گیا۔ بعدازاں کاروباری روز کا اختتام پر ہنڈرڈ انڈیکس معمولی کمی کیساتھ ایک لاکھ 14 ہزار 113 پوائنٹس کی سطح پر بند ہوا۔

ملک میں سونے کی قیمت میں فی تولہ ایک ہزار 300 روپے کی کمی ہو گئی

ملک میں 10 گرام سونے کی قیمت بھی 1114 روپے کمی کے بعد 2 لاکھ 95 ہزار  353 روپے ہوگئی

کراچی (این این آئی)پہلگام حملے پر مودی سرکار کے پاکستان پر بے بنیاد الزام عائد کرنے کے بعد اب بھارت کو اپنے بچکانہ اقدامات کے باعث ہر جگہ سے خفگی کا سامنا کرنا پڑ رہا ہے۔مودی سرکار کی وزارت اطلاعات و نشریات کی جانب سے متعدد پاکستانی کرکٹرز اور فنکاروں کے سوشل میڈیا اکاونٹ بھارت میں بلاک کردیئے گئے ہیں۔جن پاکستانی اداکاراوں کے بھارت میں انسٹاگرام اکاونٹس بند کیے گئے ہیں ان میں معروف اداکارہ اور میزبان اشنا شاہ بھی شامل ہیں۔حسِ مزاح سے بھرپور اداکارہ اشنا شاہ نے بھارتی حکومت کے اس بچکانہ اور مضحکہ خیز اقدام کا دلچسپ پیرائے میں جواب دیا ہے۔اشنا شاہ نے طنزا لکھا کہ میری دنیا ہی اجڑ گئی ابھی، مودی جی یہ کیا کر دیا۔ اداکارہ نے ٹوٹے دل اور رونے کے ایموجیز بھی استعمال کیں۔پرمزاح انداز میں اشنا شاہ کے اس طنزیہ وار کو سوشل میڈیا نے کافی سراہا اور ایک صارف نے لکھا کہ کاش یہ طنز مودی کو سمجھ میں آجائے۔ایک اور سوشل میڈیا صارف نے لکھا کہ آپ جنھیں سمجھا رہی ہیں وہ عقل کے کچے ہیں اور اگر نہیں ہوتے تو کبھی یہ مضحکہ خیز کام نہیں کرتے۔یاد رہے کہ بھارت میں ماہرہ خان، ہانیہ عامر اور علی ظفر متعدد فنکاروں کے سوشل میڈیا اکاونٹس بند کردیئے گئے ہیں۔اس سے قبل مودی سرکار نے بھارت میں مقبول پاکستانی کرکٹرز کے سوشل میڈیا اکاونٹس بھی بند کردیئے تھے۔

میری تو دنیا ہی اجڑ گئی، مودی جی یہ کیا کر دیا، اشنا شاہ کامودی پر گہرا طنز

بھارت میں انسٹااکاؤنٹ بلاک ہونے پر اُشنا شاہ کا دلچسپ ردِ عمل

آرمی چیف جنرل عاصم منیر کی زیرِ صدارت خصوصی کور کمانڈرز کانفرنس کے اجلاس میں ملکی دفاع کے عزم کا اعادہ کرتے ہوئے شرکا کانفرنس نے کہا کہ بھارت نے جنگ مسلط کی تو فیصلہ کن جواب کیلئے تیار رہے! جنگ کی کسی بھی کوشش کا بھر پور اور فیصلہ کن جوب دیا جائے گا، فورم نے کہا کہ پاکستانی عوام کی امنگوں کا ہر قیمت پر احترام کیا جائے گا۔ آرمی چیف نے تمام فارمیشنزاور اسٹرٹیجک فورسز پرمکمل اعتماد کا اظہار کیا۔پاک فوج کے شعبہ تعلقات عامہ (آئی ایس پی آر) سے جاری بیان کے مطابق آرمی چیف جنرل عاصم منیرکی زیر صدارت خصوصی کور کمانڈرز کانفرنس ہوئی، جہاں خطے کے موجودہ حالات کا جامع جائزہ بالخصوص پاک،بھارت کشیدگی اور علاقائی سلامتی پر غور کیا گیا۔فورم نے پاکستان کی مسلح افواج کی کسی بھی جارحیت یا مہم جوئی کے خلاف ملک کی خود مختاری اور علاقائی سالمیت کو برقرار رکھنے کے غیر متزلزل عزم کا اعادہ کیا۔آئی ایس پی آر کے مطابق آرمی چیف جنرل سید عاصم منیر نے مسلح افواج کی غیر متزلزل پیشہ وارانہ مہارت، ثابت قدم حوصلے اور آپریشنل تیاریوں کو سراہا۔ آرمی چیف نے کہا کہ پاکستان کی مسلح افواج دفاع وطن کیلئے اپنی عوام کے ساتھ متحد ہو کر کھڑی ہیں، جنگ مسلط کرنے کی کسی بھی کوشش کا یقینی اور فیصلہ کن جواب دیا جائے گا، آرمی چیف نے تمام محاذوں پر چوکنا رہنے اور فعال تیاریوں کی اہمیت پر زور دیا۔آئی ایس پی آر کے مطابق فورم نے کہا کہ بالخصوص پہلگام  واقعے کے بعد بھارتی افواج لائن آف کنٹرول کے معصوم شہریوں کو مسلسل نشانہ بنا رہی ہے اور تشویش ظاہر کی کہ بھارتی فوج کی غیر انسانی اور بلا اشتعال کارروائیاں علاقائی کشیدگی کو بڑھاتی ہیں، جس کا  مؤثر اور مناسب جواب دیا جائے گا۔کانفرنس کے شرکا نے بھارت کی جانب سے سیاسی اور فوجی مقاصد کے حصول کے لیے مستقل طور پر گھڑے جانے والے خود ساختہ بحرانوں پر تشویش کا اظہار کیا۔شرکا کانفرنس نے کہا کہ بھارت نے 2019 میں پلوامہ کا ڈرامہ رچایا، یہ ڈرامہ مقبوضہ کشمیر کے اسٹیٹس کو تبدیل کرنے کیلئے رچایا گیا، پہلگام واقعہ کا مقصد پاکستان کی توجہ مغربی سرحدوں سے ہٹانا اور اقتصادی بحالی کی کوششوں سے توجہ ہٹانا ہے۔کور کمانڈر کانفرنس میں شرکاء کانفرنس نے کہا کہ ان دو عوامل میں پاکستان پائیدار ترقی کی جانب گامزن ہے، بھارت سندھ طاس معاہدے کو نقصان پہنچانا چاہتا ہے، بھارت پاکستان کے بنیادی آبی حقوق کو غضب کرنے کے درپئے ہے۔شرکاء کور کمانڈرز نے کہا کہ پانی کو بطور ہتھیار استعمال کرنا انتہائی خطرناک ہے، بھارتی حرکت سے پاکستان کی 24 کروڑ آبادی متاثر ہوگی، جنوبی ایشیا میں عدم استحکام میں اضافہ ہوگا، بھارتی فوج پاکستان میں دہشتگردی کو منظم کر رہی ہے۔شرکا کانفرنس نے بھارتی فوج، انٹیلی جنس کے ملوث ہونے پر بھی تشویش کا اظہار کرتے ہوئے کہا کہ بھارتی فوج کی دہشتگردی کے ناقابل تردید شواہد موجود ہیں۔ یہ اقدامات ریاستی سرپرستی میں ہو رہے ہیں، یہ بین الاقوامی قوانین کی صریحاً خلاف ورزی اور ناقابلِ قبول ہے۔آرمی چیف جنرل عاصم منیر کی زیر قیادت کور کمانڈرز کانفرنس کے شرکا نے اس عزم کا اظہار کیا کہ جنگ کی کسی بھی کوشش کا فیصلہ کن جواب دیا جائے گا، پاکستان کے عوام کی امنگوں کا ہر قیمت پر احترام کیا جائے گا۔کور کمانڈرز اجلاس میں آرمی چیف نے تمام فارمیشنز اور اسٹرٹیجک فورسز پر مکمل اعتماد کا اظہار کیا۔

جنگ مسلط کرنے کی کسی بھی کوشش کا فیصلہ کن جواب دیا جائے گا، کورکمانڈرز کانفرنس

کورکمانڈرز کانفرنس میں خطے کی موجودہ صورتحال بالخصوص پاک،بھارت کشیدگی اور علاقائی سلامتی کا جامع جائزہ لیا گیا، آئی ایس پی آر

مودی سرکار نے گھبراہٹ میں آئی ایس پی آر کا یو ٹیوب چینل اور ایکس اکاؤنٹ بھی بلاک کردیا، ڈی جی آئی ایس پی آر نے بھارتی جھوٹ کو مفصل انداز سے بے نقاب کیا تھا۔پی ٹی وی نیوز کے مطابق پہلگام فالس فلیگ آپریشن کے حقائق سامنے لانے پر مودی سرکار بوکھلاہٹ کا شکار ہیں۔پہلگام فالس فلیگ آپریشن کے حوالے سے حقائق سامنے آنے کے بعد مودی سرکار کی جانب سے گھبراہٹ میں آئی ایس پی آر کا یوٹیوب چینل بھی بلاک کر دیا گیا ہے۔ اس حوالے سے بھارتی میڈیا نے بھی اعتراف کیا ہے کہ پاکستانی میڈیا بیانیے کی جنگ جیت گیا ہے۔ڈی جی آئی ایس پی آر نے 29 اور 30 اپریل کو پاکستان میں بھارتی دہشت گردی اور جھوٹ کو مفصل طریقے سے بے نقاب کیا تھا۔بھارتی میڈیا کے مطابق، پہلگام فالس فلیگ آپریشن میں بھارتی انٹیلی جنس ایجنسی را کا کردار بے نقاب ہو گیا ہے۔ اس حوالے سے لیک ہونے والی دستاویزات میں حملے کے 2 سے 4 گھنٹے کے اندر مصنوعی ذہانت کے نظام کے تحت گواہوں کے بیانات لینے اور دھندلی ویڈیوز کی مدد سے واقعے کی تصاویر دوبارہ بنانے کا انکشاف ہوا ہے۔ذرائع کے مطابق، مودی سرکار کی جانب سے پاکستان کے اکثر ٹی وی چینلز پہلے ہی معطل کیے جا چکے ہیں۔ اس کے ساتھ ساتھ مودی سرکار نے معروف پاکستانی شخصیات کے سوشل میڈیا اکاؤنٹس بھی بند کر دیے ہیں۔ دفاعی ماہرین کا کہنا ہے کہ پاکستان کے تمام ڈیجیٹل اور سوشل میڈیا پلیٹ فارمز بھی بے جا پابندی کی زد میں ہیں۔بھارتی میڈیا نے بھی پہلگام کے حوالے سے پاکستانی میڈیا کی حقائق پر مبنی رپورٹنگ کا اعتراف کیا ہے۔

مودی سرکار کی گھبراہٹ،آئی ایس پی آر کا یو ٹیوب چینل اور ایکس اکاؤنٹ بھی بلاک کردیا

آئی ایس پی آر کے یوٹیوب چینل سے پیش کردہ حقائق پر مودی حکومت بوکھلاہٹ کا شکار تھی

پہلگام حملے کے بعد بھارت کی جانب سے پاکستانی میڈیا پر ہونے والی پابندیوں کا سلسلہ جاری ہے، جس میں اب وزیراعظم پاکستان شہباز شریف کا سرکاری یوٹیوب چینل بھی شامل ہو گیا ہے۔بھارت وزیراعظم شہباز شریف سے ڈر گیا، کاکول اکیڈمی سے خطاب کے بعد بھارت نے وزیراعظم شہباز شریف کے یوٹیوب چینل پر پابندی عائد کردی، بھارتی شکایت پر وزیراعظم کی تقریر بھی یوٹیوب سے ہٹادی گئی۔پہلگام حملے کے بعد بھارت کی جانب سے متعدد پاکستانی یوٹیوب چینلز پر پابندی عائد کیے جانے کے بعد وزیر اعظم شہباز شریف کے یوٹیوب چینل پر پابندی عائد کر دی گئی۔وزیراعظم کے یوٹیوب چینل پر تقریر چلنے کے بعد یوٹیوب انتظامیہ نے بھارتی شکایت پر تقریر یوٹیوب سے ہٹا دی، انتظامیہ کا کہنا ہے کہ وزیر اعظم کی تقریر ہٹانے کے خلاف اپیل کا حق دیا گیا ہے۔اس سے قبل بھارت نے یوٹیوب پر پاکستان کے سولہ چینلز کی نشریات بلاک کردی تھیں جبکہ اس سے پہلے بھی مودی سرکار پاکستانی حکومت کے ایکس اکاؤنٹس پر بھارت میں پابندی لگا چکی ہے۔ واضح رہے کہ پاکستانی چینلز نے بھارت کے فالز فلیگ آپریشن سمیت دیگر جھوٹے دعوؤں کی قلعی کھول کر رکھ دی تھی، ایتھلیٹ ارشد ندیم سمیت کئی پاکستانی شخصیات کے سوشل میڈیا اکاؤنٹس بلاک کردیے گئے، اداکار فواد خان، ماہرہ خان، علی ظفر، سجل علی، صباقمر، ہانیہ عامرسمیت کئی فنکاروں کے اکاؤنٹس پر پابندی لگادی۔تجزیہ کاروں کا کہنا تھا کہ بھارت میں پاکستانی چینلز پرپابندی مودی سرکار کی اپنی ناکامیوں اوراندرونی تضادات کو چھپانے کی کوشش ہے۔

بھارت نے وزیراعظم شہباز شریف کے یوٹیوب چینل پر پابندی عائد کردی

وزیراعظم کے سرکاری چینل پر تقریر چلنے کے بعد یوٹیوب انتظامیہ نے بھارتی شکایت پر تقریر یوٹیوب سے ہٹا دی

پاکستان سپر لیگ (پی ایس ایل) سیزن 10 کے دلچسپ مقابلے جاری ہیں،پاکستان سپر لیگ میں آج ایک میچ کھیلا جائے گا،پی ایس ایل 10 کے22ویںمیچ میں آج اسلام آباد یونائیٹڈ اورپشاور کی ٹیمیں آمنے سامنے ہوں گی ۔قذافی اسٹیڈیم لاہور میں کھیلا جانے والایہ میچ رات 8 بجے شروع ہو گا اورٹیپمیڈ پربراہ راست دکھایا جائے گا۔ اسلام آباد یونائیٹڈ کو شاداب خان لیڈ کر رہے ہیں اور دیگر نمایاں کھلاڑیوں میں کولن منرو، جیسن ہولڈر، نسیم شاہ، عماد وسیم، سلمان آغا شامل ہیں۔پشاور زلمی مایہ ناز بیٹر بابر اعظم کی زیر قیادت میدان میں اترے گی اور انہیں ٹام کوہلر کیڈمور، صائم ایوب، محمد حارث، الزاری جوزف، حسین طلعت، سفیان مقیم جیسے باصلاحیت کھلاڑیوں کی خدمات حاصل ہیں۔ اسلام آباد یونائیٹڈ نے اپنے 6میں سے 5میچز جیتے ہیں اور ٹیبل پر 10پوائنٹس کے ساتھ سرفہرست ہے۔ پشاور زلمی نے 6میں سے 2میچز جیتے جبکہ 4 میں ناکامی کا سامنا کرناپڑا۔

پی ایس ایل 10  میں اسلام آباد یونائیٹڈ اور پشاورزلمی  کے درمیان مقابلہ آج ہوگا

میچ رات 8 بجے شروع ہو گا ،پوائنٹس ٹیبل پراسلام آبادیونائیٹڈ کے10جبکہ پشاورزلمی کے 4پوائنٹس ہیں

اسلام آباد(این این آئی)بھارت کی جانب سے سندھ طاس معاہدے کی معطلی پر پاکستان نے باقاعدہ سفارتی ذرائع سے نوٹس دینے کا فیصلہ کر لیا۔ذرائع کے مطابق سندھ طاس معاہدے کی معطلی پر قانونی و آئینی مشاورت کے بعد وزارت خارجہ، وزارت آبی وسائل اور وزارت قانون نے ابتدائی ہوم ورک کر لیا۔سفارتی ذرائع سے نوٹس میں معاہدے کی معطلی کی ٹھوس وجوہات طلب کی جائیں گی۔سندھ طاس معاہدے کی معطلی کے خلاف عالمی فورمز پر بھرپور احتجاج ریکارڈ کروانے پر بھی غور کیا جا رہا ہے جس میں بھارت کی آبی جارحیت کو موثر انداز میں دنیا کے سامنے لایا جائے گا۔اس اقدام کا مقصد پاکستان کے موقف کو قانونی اور اخلاقی جواز دینا ہے۔پاکستان سندھ طاس معاہدے پر قانونی سبقت رکھتا ہے، امید ہے بھارت کو جلد اپنے فیصلے پر نظرثانی کرنا پڑے گی۔ذرائع کے مطابق تمام اقدامات حکومت و کابینہ کی منظوری کے بعد کیے جائیں گے۔

سندھ طاس معاہدے کی معطلی، پاکستان نے بھارت کوباقاعدہ نوٹس دینے کا فیصلہ کرلیا

سندھ طاس معاہدے کی معطلی کے خلاف عالمی فورمز پر بھرپور احتجاج ریکارڈ کروانے پر بھی غور کیا جا رہا ہے، انڈس واٹر کمیشن

امریکی نائب صدر جے ڈی وینس نے کہا ہے کہ پاکستان ایک ذمے دار ملک ہے اور ہم امید کرتے ہیں کہ بھارت پہلگام معاملے پر ایسے ردعمل سے گریز کرے گا جس سے خطے میں کوئی تنازع پیدا ہونے کا امکان ہو۔میڈیارپورٹس کے مطابق امریکا نے مقبوضہ کشمیر کے علاقے پہلگام میں حالیہ واقعے پر تشویش کا اظہار کرتے ہوئے امید ظاہر کی ہے کہ بھارت اس واقعے پر ایسا ردعمل نہیں دے گا جو پورے خطے کو کشیدگی کی لپیٹ میں لے آئے۔ انہوں نے کہا کہ پاکستان ایک ذمے دار ملک ہے اور وہ اس معاملے کی تحقیقات کے لیے تعاون پر تیار ہے۔امریکی نائب صدر جے ڈی وینس نےفاکس نیوز کے شو ’اسپیشل رپورٹ وِد بریٹ بائر‘ میں انٹرویو کے دورا ن کہا کہ ’ہمیں امید ہے کہ بھارت اس دہشت گردانہ حملے کا اس طرح جواب دے گا جس سے وسیع تر علاقائی تنازع پیدا نہ ہو۔انہوں نے مزید کہا کہ واشنگٹن چاہتا ہے کہ جنوبی ایشیا میں امن قائم رہے۔ پہلگام واقعے کا جواب احتیاط اور دانشمندی سے دیا جائے۔ پاکستان ایک ذمے دار ملک ہے اور وہ بھارت کے ساتھ مل کر تحقیقات میں تعاون کرے گا۔انہوں نے کہا کہ اور ہم امید کرتے ہیں کہ پاکستان جس حد تک ذمہ دار ہے بھارت کے ساتھ تعاون کرے گا تاکہ اس بات کو یقینی بنایا جاسکے کہ دہشت گرد جو کبھی کبھار ان کی سرزمین سے کارروائی کرتے ہیں ان کا شکار کیا جائے اور ان سے نمٹا جائے۔واضح رہے کہ 22 اپریل کو مقبوضہ کشمیر کے علاقے پہلگام میں ہونے والے حملے میں 26 افراد ہلاک ہوئے تھے جن میں زیادہ تر سیاح شامل تھے۔یاد رہے کہ پاکستان نے پہلگام واقعےکی تحقیقات کے لیے اقوام متحدہ کا کمیشن بنانے کی پیشکش کی تھی۔بعد ازاں  امریکا کی جانب سے پاکستان اور بھارت سے پہلگام حملے کے بعد بڑھتی کشیدگی کا ذمہ دارانہ حل نکالنے کا مطالبہ سامنے آیا ہے۔

پاکستان ایک ذمے دار ملک ہے، امید ہے بھارت بھی متنازع ردعمل سےگریز کریگا،جے ڈی وینس

امید ہے بھارت پہلگام واقعے پر ایسا ردعمل نہیں دے گا جو پورے خطے کو کشیدگی کی لپیٹ میں لے آئے،امریکی نائب صدر

امریکا نے پاکستان اور بھارت سے پہلگام حملے کے بعد بڑھتی کشیدگی کا ذمہ دارانہ حل نکالنے کا مطالبہ کرتے ہوئے کہا ہے کہ جنوبی ایشیا میں امن کے لیے پاکستان اور بھارت ذمہ داری کا مظاہرہ کریں۔ترجمان امریکی محکمہ خارجہ ٹیمی بروس نے پریس بریفنگ میں کہا کہ ایسا حل نکالیں جس سے طویل مدتی امن، علاقائی استحکام برقرار رہے، امریکا دونوں ملکوں کی حکومتوں کے ساتھ مختلف سطح پر رابطے میں ہے، ہم خطے کی صورتحال کو مانیٹر کر رہے ہیں۔ٹیمی بروس کا کہنا تھاکہ امریکی وزیر خارجہ نے وزیراعظم پاکستان سے بدھ کو بات کی تھی، مارکو روبیو نے بھارتی ہم منصب جے شنکر سے بھی بدھ کو بات کی تھی۔ان کا مزید کہنا تھا کہ جنوبی ایشیا میں امن اورعلاقائی استحکام کیلئے دونوں ملک ذمہ دارانہ حل نکالیں۔پریس کانفرنس کے دوران ٹیمی بروس نے یہ بھی کہا کہ صدر ٹرمپ کی خارجہ پالیسی کامیاب ثابت ہو رہی ہے اور ان کی انتظامیہ کو امریکی تاریخ کی سب سے شفاف انتظامیہ قرار دیا۔جب یوکرین کے معاہدے پر روس کے ردعمل کے بارے میں سوال کیا گیا تو ٹیمی بروس نے اس پر تبصرہ کرنے سے گریز کیا۔

دیرپاامن کے لیے پاکستان اور بھارت ذمہ داری کا مظاہرہ کریں،امریکا

دونوں ممالک کو اپنے مسائل کا ذمہ دارانہ حل نکالنا چاہیے، ترجمان امریکی محکمہ خارجہ ٹیمی بروس

کراچی میں گلشن حدید کے قریب لنک روڈ پر مسافر بس الٹنے سے 4 افراد جاں بحق اورمتعدد مسافر زخمی ہو گئے۔ حادثے کے بعد ریسکیو ٹیمیں فوری طور پر موقع پر پہنچ گئیں اور زخمیوں کو طبی امداد کے لیے اسپتال میں منتقل کر دیا گیا۔میڈیارپورٹس کے مطابق حادثہ تیزرفتاری کے باعث پیش آیا حادثے کا شکار بس گلشن حدید کے قریب لنک روڈ سمندری بابا مزار کے قریب مسافر بس بے قابو ہو کر سڑک کنارے الٹ گئی۔ریسکیو حکام کا کہنا ہے کہ جاں بحق ہونے والوں میں 2 خواتین اور 2 مرد شامل ہیں، جاں بحق افراد کی شناخت 60 سالہ پنا زوجہ محمد علی، 35 سالہ کوثر، 59 سالہ عبدالغفور اور 25 سالہ غلام فرید کے ناموں سے ہوئی۔حادثے میں جاں بحق افراد کی لاشوں اور زخمیوں کو جناح اسپتال منتقل کر دیا گیا ہے۔

کراچی ،گلشن حدید میں مسافر بس الٹنے سے 4 افراد جاں بحق، متعددزخمی

حادثہ سمندری بابا مزار کے قریب پیش آیا، مرنے والوں میں 2 خواتین اور 2 مرد شامل ہیں

اقوام متحدہ میں پاکستان کے مستقل مندوب سفیر عاصم افتخار نے اقوام متحدہ کے سیکرٹری جنرل انتونیو گوتریس سے ملاقات کی ہے، جس میں جنوبی ایشیا میں سلامتی کی بدلتی صورتحال اور خطے میں کشیدگی کم کرنے پر گفتگو کی گئی۔ اس اہم ملاقات میں جنوبی ایشیا کی حالیہ کشیدہ صورت حال اور اس کے ممکنہ اثرات پر تفصیلی بات چیت کی گئی۔ پاکستانی مندوب نے زور دیا کہ اسلام آباد خطے میں امن و استحکام کے قیام کے لیے پرعزم ہے اور ہر ممکن سفارتی کوشش جاری رکھے گا، سیکرٹری جنرل گوتریس نے بھی جنوبی ایشیا میں پائیدار امن کی ضرورت پر زور دیا۔گفتگو کے دوران دونوں رہنماؤں نے کشیدگی کے خاتمے اور مسائل کے پرامن حل کی ضرورت پر اتفاق کیا۔پاکستانی مندوب آج نیویارک میں ایک اہم پریس کانفرنس سے بھی خطاب کریں گے، جو پاکستانی وقت کے مطابق رات 8 بجے ہوگی۔ اس کانفرنس میں خطے کی موجودہ صورت حال اور پاکستان کا مؤقف عالمی برادری کے سامنے رکھا جائے گا۔قبل ازیں، سفیر عاصم افتخار نے او آئی سی گروپ کے سفیروں کو بھی بریفنگ دی تھی جس میں انہوں نے بھارت کی سیاسی اور غیر ذمہ دارانہ اشتعال انگیزی کو علاقائی امن کے لیے شدید خطرہ قرار دیا تھا۔

پاکستانی مندوب کی سیکرٹری جنرل اقوام متحدہ سے ملاقات، خطے میں کشیدگی کم کرنے پر گفتگو

پاکستان خطے میں امن و استحکام کے قیام کیلئے پرعزم ہے اور ہر ممکن سفارتی کوشش جاری رکھے گا، عاصم افتخار

انقرہ(این این آئی )ترکی کے صوبے باتمان سے تعلق رکھنے والی ایک دلہن نے اپنے ولیمے کے موقع پر ملنے والا سونا فلسطینی عوام کی مدد کے لیے عطیہ کر دیا، جس کی مالیت تقریبا 40 ہزار ڈالر یعنی ایک کروڑ 12 لاکھ روپے کے قریب ہے۔غیرملکی خبررساں ادارے کے مطابق دلہن نے اپنا نام ظاہر نہ کرنے کی درخواست کرتے ہوئے کہا کہ وہ اپنی شادی کو ایک نیک مقصد کی شروعات بنانا چاہتی ہیں تاکہ غزہ کے مظلوم عوام کی مشکلات کو کم کیا جا سکے۔ انہوں نے امید ظاہر کی کہ ان کا یہ اقدام دوسروں کے لیے بھی جذب ہمدردی اور یکجہتی کی تحریک بنے گا، خصوصا ان حالات میں جب’’اسرائیلی‘‘جار رحیت کی وجہ سے فلسطینی عوام شدید مشکلات سے دوچار ہیں۔واضح رہے کہ غزہ میں اب تک اسرائیلی جارحیت میں شہید ہونیوالوں کی تعداد 52 ہزار سے تجاوز کر چکی ہے۔

ترک دلہن نے ایک کروڑ 12 لاکھ مالیت کا سونااہل غزہ کیلئے عطیہ کردیا

شادی کو ایک نیک مقصد کی شروعات بنانا چاہتی ہوں تاکہ غزہ کے مظلوم عوام کی زیادہ سے زیادہ مدد ہوسکے،ترک دلہن

The SA vs BAN live streaming will display another crisp competition as both teams will be looking to grab a place on the top of the Group D points table.

SA vs BAN Live Streaming When Where To Watch Match 21 of CWC 2024 In Pakistan India Bangladesh South Africa

The SA vs BAN live streaming will display another crisp competition as both teams will be looking to grab a place on the top of the Group D points table.&nbsp;

Match 21 of the T20 World Cup, the SA vs BAN match will be the former&rsquo;s 3rd and the latter&rsquo;s 2nd game of the group stage.&nbsp;

Both teams will step into the stadium undefeated and will look to stay the same way by the end of the game.&nbsp;

This contest is scheduled to take place on 10th June at the purpose-built Nassau County International Stadium, New York.

So, let&rsquo;s take a look at how fans can watch SA vs BAN live streaming in Pakistan, India, South Africa, and Bangladesh.&nbsp;

<h2>When to watch SA vs BAN match 21 of T20 World Cup 2024&nbsp;</h2>

This interesting match between top two teams of Group D will take place on 10th June at the Nassau County International Cricket Stadium in New York.&nbsp;

The SA vs BAN contest will begin at 7:30 PM (PST), 2:30 GMT, 10:30 AM local time, 8:30 PM Bangladesh time, and 4:30 PM South Africa time.&nbsp;

All-important toss will take place half an hour before the beginning of the match i.e, at 7 PM (PST), 2 GMT, 10 AM local time, 8 PM Bangladesh time, and 4 PM South Africa time.&nbsp;

South Africa and Bangladesh have had 8 head-to-head T20I encounters and all those matches were won by SA.

Moreover, the two teams have gone up against each other 3 times in the history of T20 World Cups and all those times South Africa emerged victorious.&nbsp;

Keeping in mind the history of SA vs BAN encounters, the win probability analyzer also suggests South Africa having 74% chances of winning this match.&nbsp;

<h2>Where to watch SA vs BAN live streaming on mobile &amp; TV</h2>

In Pakistan, the South Africa vs Bangladesh match live streaming will be available in HD and ad-free on tapmad. Moreover, fans can also use the Ten Sports app for free live streaming of the match.&nbsp;

On TV, the SA vs BAN match will be shown at PTV and Ten Sports in Pakistan.&nbsp;

In India, the South Africa vs Bangladesh match live streaming will be available on Disney+ Hotstar.&nbsp;

For TV users, the match will be broadcast by Star Sports 1 SD, Star Sports 1 HD, Star Sports 1 Hindi SD and Star Sports 1 Hindi HD.

Bangladesh vs South Africa match can be seen on Nagorik TV in Bangladesh and the live streaming will be available on Toffee.&nbsp;

People residing in South Africa can catch the live streaming of match 21 of T20 World Cup 2024 on the SuperSport app and the live broadcast on SuperSport TV channel.

SA vs BAN Live Streaming: When & Where To Watch Match 21 of CWC 2024 In Pakistan, India, Bangladesh, & South Africa

When to watch SA vs BAN match 21 of T20 World Cup 2024

Where to watch SA vs BAN live streaming on mobile & TV

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan