Cricket

Entertainment

News

Football

ایشیا کپ 2025 کے تیسرے میچ میں بنگلادیش نے شاندار کارکردگی کا مظاہرہ کرتے ہوئے ہانگ کانگ کو سات وکٹوں سے شکست دی۔ابوظہبی کے زید انٹرنیشنل اسٹیڈیم میں کھیلے گئے میچ میں بنگلادیش نے 144 رنز کا ہدف 18ویں اوور میں صرف تین وکٹوں کے نقصان پر با آسانی حاصل کرلیا۔ کپتان لٹن داس 59 رنز کی اننگز کے ساتھ نمایاں بلے باز رہے، جب کہ توحید ہریدوے 34 رنز بنا کر ناٹ آؤٹ رہے۔ پرویز حسین نے 19 اور تنزید حسن نے 14 رنز کی اننگز کھیلی۔قبل ازیں بنگلادیش کرکٹ ٹیم کے کپتان لٹن داس نے ٹاس جیت کر ہانگ کانگ کے کپتان کو پہلے بیٹنگ کی دعوت دی تھی،ہانگ کانگ نے ٹاس ہارنے کے بعد پہلے بیٹنگ کی اور مقررہ 20 اوورز میں سات وکٹوں کے نقصان پر 143 رنز اسکور کیے۔ نزاکت خان نے سب سے زیادہ 42 رنز بنائے، ذیشان علی 30 اور یاسیم مرتضیٰ 28 رنز کے ساتھ نمایاں رہے۔بنگلادیش کے بولرز نے شاندار کارکردگی دکھائی۔ تسکین احمد، ریشاد حسین اور تنظیم حسن نے دو، دو وکٹیں حاصل کیں۔واضح رہےکہ ہانگ کانگ کی اس ٹورنامنٹ میں یہ مسلسل دوسری شکست ہے،  گزشتہ روز کھیلے گئے میچ میں بھارت نے یو اے ای کو 9 وکٹوں سے شکست دی تھی جبکہ پہلے میچ میں افغانستان کے ہاتھوں ہانگ کانگ کو شکست کا سامنا کرنا پڑا تھا۔

ٹی 20ایشیا کپ، بنگلادیش نے ہانگ کانگ کو 7 وکٹوں سے شکست دیدی

بنگلادیش نے ہانگ کانگ کادیاگیا144 رنز کا ہدف 3 وکٹوں کے نقصان پر حاصل کرلیا

اسلام آباد /دو حہ(این این آئی)وزیراعظم شہبازشریف نے دوحہ پر اسرائیلی حملے کی پاکستان کی شدید مذمت اور قطر کی خودمختاری اور علاقائی سالمیت کی کھلم کھلا خلاف ورزی قرار دیتے ہوئے کہاہے کہ پاکستان کی قیادت اور عوام کو برادر ملک قطر کے خلاف اس حملے پر سخت تشویش ہے جو کہ بین الاقوامی قوانین کے منافی ہیں،مشرق وسطیٰ میں اسرائیل کی ڈھٹائی سے جاری جارحیت کو روکنا ہوگا اور امت کو اسرائیلی اشتعال انگیزیوں کے مقابلے میں اپنی صفوں میں اتحاد کی ضرورت ہے۔ وزیر اعظم محمد شہباز شریف نے دوحہ پر حالیہ اسرائیلی حملے کے تناظر میں قطر کی قیادت اور عوام سے اظہار یکجہتی کے لیے قطر کا ایک روزہ سرکاری دورہ کیا۔ دورے کے دوران وزیراعظم کی قطر کے امیر عزت مآب شیخ تمیم بن حمد الثانی سے ملاقات ہوئی۔ وزیراعظم شہبازشریف نے  دوحہ پر اسرائیلی حملے کی پاکستان کی شدید مذمت کرتے ہوئے اسے قطر کی خودمختاری اور علاقائی سالمیت کی کھلم کھلا خلاف ورزی قرار دیا۔ انہوں نے کہا کہ پاکستان کی قیادت اور عوام کو برادر ملک قطر کے خلاف اس حملے پر سخت تشویش ہے جو کہ بین الاقوامی قوانین کے منافی ہیں۔ پاکستان اور قطر کے درمیان تاریخی، برادرانہ رشتوں کا اعادہ کرتے ہوئے، وزیراعظم نے کہا کہ دونوں ممالک ایک دوسرے کے ساتھ کھڑے ہیں۔ انہوںنے کہاکہ بھائی چارے کے اس جذبے کے تحت پاکستان اس مشکل وقت میں عزت مآب امیر قطر، شاہی خاندان اور قطر کے برادر عوام کے ساتھ کندھے سے کندھا ملا کر کھڑا رہا ہے۔ انہوں نے قطری قیادت کو اس بلا جواز اشتعال انگیزی کے خلاف پاکستان کی مکمل یکجہتی اور حمایت کا یقین دلایا۔ انہوں نے اسرائیل کے اس وحشیانہ اور گھناؤنے حملے میں قیمتی جانوں کے ضیاع پر گہری ہمدردی کا اظہار کیا اور زخمیوں کی جلد صحت یابی کی دعا کی۔ وزیراعظم نے اس بات پر زور دیا کہ مشرق وسطیٰ میں اسرائیل کی ڈھٹائی سے جاری جارحیت کو روکنا ہوگا اور امت کو اسرائیلی اشتعال انگیزیوں کے مقابلے میں اپنی صفوں میں اتحاد کی ضرورت ہے۔ وزیراعظم نے غزہ میں قیام امن کی کوششوں میں قطر کے ذمہ دارانہ و تعمیری ثالثی کے کردار کو سراہا اور اس بات پر زور دیا کہ اسرائیلی جارحیت کی ایسی کارروائیوں کا مقصد واضح طور پر علاقائی استحکام کو نقصان پہنچانا اور جاری سفارتی اور انسانی کوششوں کو خطرہ ہے۔ وزیراعظم نے کہا کہ قطر کی درخواست پر پاکستان نے مشرق وسطیٰ کی حالیہ پیش رفت پر بات کرنے کے لیے اقوام متحدہ کی سلامتی کونسل کا ہنگامی اجلاس بلانے کی درخواست کی تھی۔ انہوں نے 15 ستمبر کو غیر معمولی عرب اسلامی سربراہی اجلاس کی میزبانی کے قطر کے فیصلے کا بھی خیرمقدم کیا اور کہا کہ پاکستان نے او آئی سی کو اس سربراہی اجلاس کے شریک سپانسر اور شریک انعقاد کے لیے اپنی رضامندی کا اظہار کیا ہے۔ وزیر اعظم نے رواں سال کے آغاز میں ہندوستان کی پاکستان پر بلاجواز جارحیت کے دوران پاکستان کے لئے قطر کی بھرپور حمایت پر عزت مآب امیر کا شکریہ بھی ادا کیا۔ قطر کے امیر نے اظہار یکجہتی کے لیے دوحہ کا دورہ کرنے کے پر وزیر اعظم شہباز شریف کا شکریہ ادا کیا۔ دونوں رہنماؤں نے علاقائی امن کو فروغ دینے، بین الاقوامی قانون کی پاسداری اور فلسطینی عوام کے جائز حقوق کی حمایت میں قریبی ہم آہنگی برقرار رکھنے پر اتفاق کیا۔ اس دورے میں دونوں رہنماؤں نے پاکستان اور قطر کے درمیان گہرے برادرانہ تعلقات اور خطے میں امن و استحکام کے لیے مشترکہ عزم کا اعادہ کیا۔

پاکستان مشکل وقت میں امیر قطر، شاہی خاندان اور قطر کے عوام کے ساتھ ہے، شہبازشریف

قطر پر اسرائیل کے حالیہ حملے کے تناظر میں اظہار یکجہتی کیلئے وزیراعظم کا دورہ قطر ،امیر شیخ تمیم سے ملاقات ،حملے کی شدید مذمت

کھیل میں سیاست لانے پر بھارتی انتہا پسندوں کو منہ کی کھانا پڑگئی، بھارتی انتہا پسندوں کی جانب سے پاک بھارت کرکٹ میچ رکوانے کی کوشش سپریم کورٹ میں بھی ناکام ہوگئی۔بھارتی سپریم کورٹ نے ایشیا کپ میں پاک بھارت میچ منسوخ کرنے کی درخواست سننے سے انکار کرتے ہوئے مسترد کر دی۔بھارتی سپریم کورٹ نے ایشیا کپ 2025 کے پاک بھارت میچ کو منسوخ کرنے کی درخواست مسترد کرتے ہوئے صاف کہہ دیا کہ ’’یہ صرف ایک میچ ہے، اسے میچ رہنے دیں‘‘۔دہلی میں جسٹس جے کے مہیشوری اور جسٹس وجے بشنوئی پر مشتمل دو رکنی بینچ نے وکیل اروشی جین کی پیش کردہ درخواست کی فوری سماعت سے انکار کیا۔ ججز نے ریمارکس دیے کہ اس معاملے میں کوئی ہنگامی نوعیت نظر نہیں آتی، میچ شیڈول کے مطابق ہی ہونا چاہیے۔درخواست بھارتی شہریوں نے آرٹیکل 32 کے تحت دائر کی تھی، جس میں مؤقف اپنایا گیا کہ پہلگام حملے اور فوجی نقصانات کے بعد پاکستان سے میچ کھیلنا قومی وقار کے منافی ہے۔ تاہم عدالت نے موقف مسترد کرتے ہوئے کہا کہ ’’میچ اتوار کو ہے، اس وقت کچھ نہیں ہو سکتا، میچ ہونا چاہیے‘‘۔واضح رہے کہ پاک بھارت میچ 14 ستمبر کو دبئی میں شیڈول ہے، جب کہ دونوں ٹیموں کی دوسرے راؤنڈ اور ممکنہ فائنل میں دوبارہ ٹکراؤ کے امکانات بھی موجود ہیں۔ بھارتی کرکٹ بورڈ پہلے ہی یہ مؤقف اختیار کر چکا ہے کہ حکومتی پالیسی کی وجہ سے پاکستان کے ساتھ دوطرفہ سیریز ممکن نہیں لیکن عالمی ایونٹس میں حصہ لینا ناگزیر ہے۔کھیل کو سیاست سے آلودہ کرنے کی ہر کوشش آخرکار ناکام ہی ثابت ہوتی ہے، کیونکہ کرکٹ کا اصل حُسن سرحدوں سے نہیں بلکہ میدان سے جُڑا ہوتا ہے۔

ایشیا کپ، بھارتی سپریم کورٹ نے پاک بھارت میچ رکوانے کی درخواست مسترد کر دی

'یہ ایک میچ ہے، اسے ہونے دیں، انڈیا پاکستان مقابلے کیخلاف دائر درخواست پربھارتی سپریم کورٹ کا تبصرہ

بین الاقوامی جریدے دی ڈپلومیٹ نے اپنی تازہ رپورٹ میں کہا ہے کہ پاکستان میں دہشت گردی کے خلاف کامیاب حکمت عملی اسی وقت ممکن ہے جب قومی سطح پر مکمل یکجہتی اور اتفاق رائے پیدا کیا جائے۔رپورٹ کے مطابق افواجِ پاکستان نے ماضی میں آپریشن ضربِ عضب اور ردالفساد جیسے کامیاب فوجی اقدامات کیے، لیکن سیاسی اختلافات اور متضاد حکمت عملیوں نے ان کامیابیوں کو کمزور کر دیا۔ خیبر پختونخوا حکومت کی وفاق سے مختلف پالیسی کو دہشتگردی کے خاتمے کی راہ میں سب سے بڑا چیلنج قرار دیا گیا۔جریدے نے لکھا کہ ماضی میں فتنہ الخوارج سے مذاکرات اور واپسی کی پالیسی نے شدت پسندوں کو مزید حوصلہ دیا، جب کہ آج بھی خیبر پختونخوا حکومت وفاقی حکمت عملی کو نظر انداز کرتے ہوئے الگ راستہ اپنائے ہوئے ہے۔رپورٹ کے مطابق افغان حکومت نے شدت پسند عناصر کے حامیوں کو اپنے نظام میں جگہ دی، جس پر پاکستان کے وزیر خارجہ اسحاق ڈار نے سخت تحفظات کا اظہار کیا ہے۔ وفاق اور خیبر پختونخوا کے درمیان غیر قانونی افغان مہاجرین کی واپسی پر بھی اختلاف موجود ہے، جب کہ وفاقی حکومت کا مؤقف ہے کہ یہی مہاجرین دہشتگردوں کو سہولت فراہم کر رہے ہیں۔دی ڈپلومیٹ نے واضح کیا کہ اگر قومی سطح پر پالیسی ایک نہ ہوئی تو شدت پسندی کی لہر دوبارہ زور پکڑ سکتی ہے، اور محض صوبائی اقدامات سے صورتحال پر قابو پانا ممکن نہیں۔اصل سوال یہی ہے کہ کیا سیاسی اختلافات سے بالاتر ہو کر پاکستان ایک مؤثر اور مشترکہ حکمت عملی اپنا پائے گا یا شدت پسندی پھر سے قدم جما لے گی؟

پاکستان میں دہشت گردی کے خاتمے کیلئے قومی یکجہتی ناگزیر،دی ڈپلومیٹ

وفاق اور خیبرپختونخوا کی متضاد پالیسی سب سے بڑا چیلنج بن گئی، عالمی جریدے کی رپورٹ

کراچی کے علاقے ڈیفنس فیز 6 سے ملنے والی ماڈل و اداکارہ حُمیرا اصغر کی موت مزید پراسرار ہوگئی۔ فائنل میڈیکو لیگل رپورٹ نے کئی نئے سوالات کھڑے کر دیے ہیں۔اداکارہ حُمیرا اصغر کی موت کی تحقیقات کے حوالے سے حتمی میڈیکولیگل رپورٹ میں انکشاف کیا گیا ہے کہ ماڈل کے کپڑوں پر خون کے نشانات ملے ہیں۔رپورٹ کے مطابق اداکارہ کی لاش مکمل نہیں تھی بلکہ صرف ہڈیاں ملی ہیں، جسمانی اعضا نہ ہونے کے باعث موت کی اصل وجہ سامنے نہیں آ سکی۔ تاہم کپڑوں پر خون کے نشانات اور ڈی این اے ملنے سے شبہات مزید بڑھ گئے ہیں۔ حمیرا کی ٹی شرٹ اور ٹراوزر پر خون واضح طور پر موجود تھا۔ذرائع کے مطابق بلڈ اور ڈی این اے کے میچنگ کے لیے کوئی ڈیٹا بینک دستیاب نہیں، جس کی وجہ سے تحقیقات آگے نہیں بڑھ پا رہیں۔ تفتیش کاروں کو اداکارہ کا ایک موبائل فون بھی تاحال نہیں ملا، جسے کیس میں اہم شواہد کا ذریعہ قرار دیا جا رہا ہے۔یاد رہے کہ 8 جولائی کو فلیٹ کا دروازہ نہ کھلنے پر جب بیلف نے اسے توڑا تو کمرے میں زمین پر حمیرا اصغر کی لاش برآمد ہوئی۔ وہ گزشتہ سات سال سے اسی کرائے کے فلیٹ میں مقیم تھیں اور بتایا جاتا ہے کہ 2024 سے کرایہ بھی ادا نہیں کر رہی تھیں۔یہ معاملہ اب پولیس کے لیے مزید پیچیدہ صورت اختیار کرتا جا رہا ہے، جبکہ اداکارہ کی موت پر کئی سوالات ہنوز جواب طلب ہیں۔

اداکارہ حمیرا اصغر کی فائنل میڈیکو لیگل رپورٹ تیار، موت پر شکوک و شبہات پیدا ہوگئے

اداکارہ کی لاش مکمل نہیں تھی، صرف ہڈیاں تھیں، جسمانی اعضا نہ ملنے کے باعث وجہ موت معلوم نہ ہوسکی

بابائے قوم قائداعظم محمد علی جناحؒ کی 77ویں برسی آج عقیدت و احترام کے ساتھ منائی جا رہی ہے۔آج دن کا آغاز ملک بھر کی مساجد میں قائداعظم کے ایصالِ ثواب اور وطنِ عزیز کی ترقی و خوشحالی کے لیے خصوصی دعاؤں سے ہوا۔ اس موقع پر سرکاری اور نجی سطح پر مختلف تقریبات کا اہتمام کیا گیا، جن میں بانِی پاکستان کو بھرپور خراجِ عقیدت پیش کیا گیا اور ان کی روح کے ایصالِ ثواب کے لیے قرآن خوانی بھی کی گئی۔1937ء میں مولانا مظہرالدین نے محمد علی جناحؒ کو ’’قائداعظم‘‘ کا خطاب دیا۔ آپ کی ولولہ انگیز قیادت نے برصغیر کے مسلمانوں کو متحد کیا اور ایک الگ وطن کے قیام کی منزل تک پہنچایا۔ آپ نے نہ صرف انگریزوں کے تسلط سے آزادی دلائی بلکہ مسلمانوں کو ایک الگ شناخت اور نصب العین بھی عطا کیا۔محمد علی جناحؒ نے گاندھی اور نہرو جیسے سیاستدانوں کو اصولی سیاست کے میدان میں مات دی۔ لارڈ ماؤنٹ بیٹن کے عزائم کے سامنے آپ ایک سیسہ پلائی دیوار ثابت ہوئے۔ آپ نے اختلافات کو دور کر کے قوم کو متحد کیا اور سب کو تحریکِ پاکستان کی جدوجہد میں شامل کیا۔ابتدا میں کانگریس کے ساتھ آزادی کی تحریک میں شریک رہے لیکن جب یہ حقیقت واضح ہوئی کہ بٹوارے کے بغیر مسلمانوں کے حقوق محفوظ نہیں رہ سکتے تو آپ نے ایک الگ ریاست کے لیے دن رات محنت کی۔ قیام پاکستان کے بعد آپ ملک کے پہلے گورنر جنرل بنے اور 11 ستمبر 1948 تک اس منصب پر فائز رہے۔اپنی وفات سے پہلے قوم کے نام اپنے پیغام میں قائداعظم نے فرمایا:’پاکستان کی بنیاد رکھ دی گئی ہے، اب آپ کا فرض ہے کہ اس کی تعمیر کریں۔‘

قائداعظم محمد علی جناح کی 77ویں برسی عقیدت و احترام سے منائی جا رہی ہے

یقین، اتحاد اور قربانی کا پیغام دینے والے عظیم قائد کی خدمات کو آج پوری قوم خراجِ عقیدت پیش کر رہی ہے

اسلام آباد(این این آئی)چیف جسٹس آف پاکستان یحییٰ آفریدی نے ایک بار پھر جسٹس منصور علی شاہ کو بیرون ملک ایک تقریب میں شرکت کیلیے این او سی دینے سے انکار کر دیا۔ذرائع کے مطابق جسٹس منصور شاہ کو گزشتہ ماہ امریکی ییل یونیورسٹی کے لاء اسکول نے10 سے 13 ستمبر تک گلوبل کانسٹیٹیونلازم 2025 میں شرکت کی دعوت دی تھی۔جسٹس منصور شاہ نے گزشتہ پانچ سال سے تقریب میں شرکت کیلیے مدعو کیا جا رہا ہے، جس میں دنیا بھر سے سینئر جج اور ییل، ہارورڈ اور پرنسٹن یونیورسٹیوں نے نامور اسکالرز شرکت کرتے ہیں۔رواں سال تقریب میں جسٹس منصور شاہ نے ’’منصوعی ذہانت اورمنصفی‘‘ پر مقالہ پیش کرنا تھا، ییل لاء سکول نے بھی چیف جسٹس آفریدی سے جسٹس منصور شاہ کو سرکاری طور پر نامزد کرنے کی تحریری درخواست کی تھی، جسٹس شاہ نے 6 اگست کو یہی درخواست کی۔ییل لاء سکول کو رجسٹرار سپریم کورٹ نے جواب میں کہا کہ سپریم کورٹ جسٹس شاہ کو تقریب میں شرکت کی سہولت دینے کی پوزیشن میں نہیں، اس کی وجہ 8 ستمبر کو عدالتی سال کا آغاز ہے، جس میں جامع فل کورٹ سیشن میں سالانہ پروگرام کے جائزے سمیت اہم ادارہ جاتی تقریبات اور وکلاء  برادری کیساتھ رابطے ایک روایت ہیں۔اس سلسلے میں نئے عدالتی سال کی افتتاحی تقریب میں تمام ججوں کی شرکت اجتماعی غوروغوض، ترجیحات کے تعین اور ادارہ جاتی سمت کیلئے ناگزیر ہے۔ان حالات میں سپریم کورٹ معزز جج کو پروقار تقریب میں شرکت کی سہولت دینے کی پوزیشن میں نہیں۔جسٹس منصور شاہ نے15 اگست کو ایک خط میں چیف جسٹس سے این اوسی جاری کرنے کی درخواست کی، جس میں انہوں نے کئی وجوہات بیان کیں جن کے باعث انہیں این او سی جاری ہونا چاہیے۔

چیف جسٹس یحییٰ آفریدی کا جسٹس منصور کو باہر جانے کیلئے این او سی دینے سے انکار

نئے عدالتی سال کی تقریبات کے باعث اجازت دینے کی پوزیشن میں نہیں،رجسٹرار

راولپنڈی(این این آئی) سکیورٹی فورسز نے مہمند ضلع، بنوں اور شمالی وزیرستان میں انٹیلی جنس بیسڈ آپریشن کرتے ہوئے بھارتی حمایت یافتہ 19 دہشت گردوں کو جہنم واصل کر دیا۔پاک فوج کے شعبہ تعلقات عامہ (آئی ایس پی آر)کے مطابق سکیورٹی فورسز نے خیبر پختونخوا کے مختلف علاقوں میں خفیہ معلومات پر نو اور دس دسمبر کی رات کارروائیاں کیں جس میں 19 خوارجی منطقی انجام کو پہنچے۔ضلع مہمند کے علاقہ گولونو میں خفیہ معلومات پر آپریشن کیا گیا، خوارجیوں کے ٹھکانے پر سکیورٹی فورسز کی مؤثر کارروائی میں 14 بھارتی حمایت یافتہ خوارج ہلاک ہوئے۔دوسرا آپریشن ضلع شمالی وزیر ستان کے عمومی علاقہ دتہ خیل میں کارروائی میں 4 خوارج مارے گئے۔ضلع بنوں میں ہونے والے ایک اور مقابلے میں ایک خارجی دہشت گرد مارا گیا۔آئی ایس پی آر کے مطابق بھارتی حمایت یافتہ خوارجیوں سے اسلحہ بارود برآمد ہوا، خوارج علاقہ میں دہشت گردی کی کئی وارداتوں میں ملوث تھے، بچے کھچے دہشت گردوں کی تلاش کے لیے آپریشن جاری ہے۔پاک فوج کے شعبہ تعلقات عامہ نے کہا کہ سکیورٹی فورسز پاکستان سے دہشت گردی کی لعنت ختم کرنے کے لیے پرعزم ہیں، ملک سے دہشت گردی کے مکمل خاتمے تک آپریشنز جاری رہیں گے، بھارتی سرپرستی میں کام کرنے والے دہشت گردوں کا مکمل صفایا کیا جائے گا۔

بنوں، شمالی وزیرستان اور مہمند میں  انٹیلی جنس بیسڈ آپریشن، 19 دہشت گرد ہلاک

سکیورٹی فورسز دہشت گردی کی لعنت ختم کرنے کیلئے پرعزم ہیں،مکمل خاتمے تک آپریشنز جاری رہیں گے،آئی ایس پی آر

امریکی قدامت پسند تجزیہ کارچارلی کرک قاتلانہ حملے میں ہلاک ہوگئے، قدامت پسند نظریات کے مؤثر ترجمان، صدر ٹرمپ کے قریبی ساتھی اور ’ ٹرننگ پوائنٹ یو ایس اے ‘ کے بانی چارلی کرک کو اُس وقت فائرنگ کا نشانہ بنایا گیا جب وہ یوٹاہ ویلی یونیورسٹی میں تقریر کر رہے تھے۔امریکی میڈیا کے مطابق چارلی کرک کو 200 یارڈ کے فاصلے پر واقع ایک عمارت سے نشانہ بنایا گیا۔ چارلی کرک کو گردن میں گولی لگی جس کے بعد انہیں تشویشناک حالت میں اسپتال منتقل کیاگیا تاہم وہ زخموں کی تاب نہ لاتے ہوئے دم توڑ گئے ان کی سرجری کی گئی جو کامیاب نہ ہو سکی، چارلی کرک کا قاتل تاحال گرفتار نہیں کیا جا سکا، چارلی کرک کو ٹرانس جینڈرز سے متعلق تقریر کے دوران گولی ماری گئی،امریکی صدر ڈونلڈ ٹرمپ نےاِس واقعے پر رد عمل دیتے ہوئے اپنے بیان میں کہا کہ عظیم اور تاریخی حیثیت رکھنے والے چارلی کرک اب اس دنیا میں نہیں رہے۔ٹرمپ کا کہنا تھا کہ امریکی نوجوانوں کےخیالات چارلی کرک سے بہتر کوئی نہیں سمجھ سکا، چارلی کرک مجھ سمیت تمام لوگوں کے  پسندیدہ شخصیت تھے، امریکی صدر نے اپنے پیغام میں چارلی کے اہلخانہ سے دلی ہمدردی کا بھی اظہار کیا۔ٹرمپ نے چارلی کرک کے قتل پر ملک بھرمیں 3 روزہ سوگ کا اعلان کیا اورکہا کہ وائٹ ہاؤس سمیت ملک بھر میں اتوار تک امریکی پرچم سرنگوں رہے گا۔سیاسی مبصرین کے مطابق چارلی کرک کی ہلاکت نہ صرف امریکی قدامت پسند تحریک کے لیے بڑا دھچکا ہے بلکہ اس واقعے سے امریکی معاشرے میں نظریاتی تقسیم اور بھی گہری ہونے کا خدشہ ہے۔

ٹرمپ کے قریبی ساتھی ،قدامت پسند رہنما چارلی کرک قاتلانہ حملے میں ہلاک

چارلی کرک کو اُس وقت فائرنگ کا نشانہ بنایا گیا جب وہ یوٹاہ ویلی یونیورسٹی میں تقریر کر رہے تھے

کراچی میں بارش کے بعد ایک بار پھر سڑکیں اور گلیاں پانی میں ڈوب گئیں، لیکن اس بار شہریوں نے مسئلے کا حل بھی سوشل میڈیا پر ڈھونڈ نکالا۔ ’یہی حال رہا تو 2035 تک کراچی کیسا ہوگا؟‘ کے عنوان سےسوشل میڈیا پر ایک ویڈیو وائرل ہورہی ہے جس میں مستقبل کے کراچی کا منظر مزاحیہ انداز میں دکھایا گیا ہے۔ویڈیو میں اسکول جاتے بچے کشتیوں پر روانہ ہو رہے ہیں، سبزی فروش پانی پر تیرتے ہوئے سامان بیچ رہے ہیں اور چائے کا ڈھابہ بھی کشتی پر ہی سجا دیا گیا ہے۔ یہ سب مناظر دیکھ کر کراچی کے باسیوں نے کہا کہ چاہے حالات جیسے بھی ہوں، زندگی کا پہیہ تو چلتا رہنا چاہیے۔کراچی کے شہری ہمیشہ کی طرح بارش کے بعد مشکل کو ہنسی میں اڑا کر مثبت انداز اپناتے نظر آئے۔ یہی وجہ ہے کہ میمز، تبصرے اور شیئرز کی بھرمار ہے، اور سب مان رہے ہیں کہ کراچی والے واقعی زندگی جینے کا الگ فن جانتے ہیں۔کراچی کی بارش کے مسائل کوئی نئی بات نہیں، لیکن ہر بار شہریوں کی تخلیقی مزاحیہ صلاحیتیں حیران کر دیتی ہیں۔ اس ویڈیو نے ایک بار پھر ثابت کیا کہ کراچی والے مشکلات کو برداشت کرنے کے ساتھ ساتھ ان سے مزہ کشید کرنے کا فن بھی رکھتے ہیں۔ تاہم، یہ طنز بھی ہے کہ اگر انفراسٹرکچر پر سنجیدگی سے توجہ نہ دی گئی تو یہ ’مزاحیہ منظر‘ حقیقت بھی بن سکتا ہے۔

2035 کا کراچی، بارش کے بعد سوشل میڈیا پر میمز اور مزاحیہ ویڈیوز کا طوفان

کشتیوں پر اسکول جاتے بچے، تیرتے سبزی فروش اور ڈھابے،سوشل میڈیا صارفین نے بارش کو بنا دیا انٹرٹینمنٹ

امریکی صدر ڈونلڈ ٹرمپ نے یورپی یونین سے مطالبہ کیا ہے کہ وہ روس سے تیل خریدنے پر چین اور بھارت پر 100 فیصد تک ٹیرف عائد کرے تاکہ ماسکو پر دباؤ بڑھایا جا سکے اور یوکرین میں جنگ ختم ہو۔برطانوی جریدے فنانشل ٹائمز کے مطابق یہ تجویز ٹرمپ نے واشنگٹن میں امریکی اور یورپی حکام کے ساتھ ایک اجلاس کے دوران دی۔ رپورٹ کے مطابق امریکا روسی تیل کے بڑے خریدار ممالک، چین اور بھارت، پر مزید ٹیرف لگانے کے لیے تیار ہے لیکن یہ اقدام یورپی اتحادیوں کے ساتھ مل کر ہی اٹھایا جائے گا۔ٹرمپ کی یہ تجویز ایسے وقت سامنے آئی ہے جب گزشتہ ماہ الاسکا میں ان کی روسی صدر ولادیمیر پیوٹن سے ملاقات کے باوجود یوکرین میں جنگ بندی کی کوششوں میں کوئی بڑی پیشرفت نہیں ہو سکی۔ پیوٹن نے کہا تھا کہ تنازع کے بنیادی اسباب حل کیے بغیر پائیدار امن ممکن نہیں۔خیال رہے کہ امریکا پہلے ہی بھارت کی روسی تیل کی درآمد پر 25 فیصد اضافی ڈیوٹی لگا چکا ہے، جس کے بعد مجموعی ٹیرف 50 فیصد تک جا پہنچا ہے۔ نئی دہلی نے ان اقدامات کو "غیر منصفانہ اور بلاجواز" قرار دیا ہے اور مغربی ممالک پر روس کے ساتھ اپنے تجارتی تعلقات کے دوہرے معیار پر تنقید بھی کی ہے۔دوسری جانب تجزیہ کاروں کا کہنا ہے کہ ٹرمپ کی یہ تجویز عالمی سطح پر تجارتی کشیدگی کو مزید بڑھا سکتی ہے، خصوصاً اس وقت جب عالمی معیشت پہلے ہی دباؤ کا شکار ہے۔

چین اور بھارت پر روسی تیل خریدنے پر 100 فیصد ٹیرف عائد کیا جائے،ٹرمپ کایورپی یونین سے مطالبہ

امریکا روسی تیل کے بڑے خریدار ممالک، چین اور بھارت، پر مزید ٹیرف لگانے کے لیے تیار ہے، امریکی صدر

وفاقی کابینہ نے گیس کے نئے کنکشن پر سے پابندی ہٹانے کا فیصلہ کرلیا جبکہ ملک میں زرعی اور ماحولیاتی ایمرجنسی بھی نافذ کی جائیگی۔اسلام آباد میں وزیر توانائی علی پرویز ملک اور وفاقی وزیر پارلیمانی امور ڈاکٹر طارق فضل چوہدری نے مشترکہ پریس کانفرنس کرتے ہوئے کہا کہ وزیراعظم اور کابینہ نے یہ فیصلہ کیا ہے کہ گیس کے نئے کنکشن دیے جائیں گے، جو مشکلات گیس کا کنکشن نہ ہونے کی وجہ سے عوام کو پیش آرہی تھیں، وہ دور ہوں گی۔وفاقی وزیر توانائی علی پرویز ملک نے کہا کہ عوام کی پریشانی کے پیش نظر گیس کے نئے کنکشن پر سے پابندی ختم کرنے کا فیصلہ کیا گیا ہے، اب آر ایل این جی کے نئے کنکشن دیے جائیں گے،ایل پی جی مہنگا ترین ایندھن ہے اور لوگوں کو سلنڈر بھروانے میں بھی تکلیف اٹھانی پڑتی ہے۔انہوں نے کہا کہ آر ایل این جی مہنگی ہوگی مگر پھر بھی یہ درآمد کردہ ایل پی جی سے 30 سے 35 فیصد سستی ہوگی۔ڈاکٹر طارق فضل چوہدری نے بتایا کہ کابینہ اجلاس میں موسمیاتی ایمرجنسی اور زرعی ایمرجنسی نافذ کرنے کا فیصلہ کیا گیا ہے۔ اس مقصد کے لیے چاروں صوبوں، آزاد کشمیر اور گلگت بلتستان کی حکومتوں سے مشاورت ہوگی۔ انہوں نے کہا کہ وزیراعظم جلد تمام وزرائے اعلیٰ سے ملاقات کریں گے۔ان کا کہنا تھا کہ وزیراعظم شہباز شریف کے حالیہ دورۂ چین نے پاکستان اور چین کی دوستی کو نئے دور میں داخل کر دیا ہے۔ انہوں نے کہا کہ 2021 سے گھریلو گیس کنکشن پر پابندی تھی، لیکن اب وزیراعظم کے فیصلے کے بعد یہ سہولت دوبارہ عوام کو فراہم کی جائے گی، جس سے گھریلو سطح پر مشکلات کم ہوں گی۔

حکومت کا بڑا فیصلہ، گھریلو صارفین کے لیے نئے گیس کنکشنز کی پابندی ختم

جو مشکلات گیس کا کنکشن نہ ہونے کی وجہ سے عوام کو پیش آرہی تھیں، وہ دور ہوں گی،وفاقی وزرا

دبئی (این این آئی)انٹرنیشنل کرکٹ کونسل(آئی سی سی) نے ون ڈے اور ٹی ٹوئنٹی پلیئرز کی نئی رینکنگ جاری کردی۔آئی سی سی کے مطابق ون ڈے بیٹرز کی رینکنگ میں بھارت کے شبمن گل پہلے نمبر پر موجود ہیں۔پاکستان کے بابر اعظم کا رینکنگ میں تیسرا نمبر برقرار ہے۔ون ڈیرینکنگ میں انگلینڈ کے جو روٹ 5 درجے ترقی کے بعد 19 ویں جبکہ جوز بٹلر 7 درجے ترقی کے بعد 35 ویں نمبر پر آ گئے۔ون ڈے بولرز کی رینکنگ میں جنوبی افریقا کے کیشو مہراج کا پہلا نمبر برقرار ہے۔انگلینڈ کے جوفرا آرچر لمبی چھلانگ لگاتے ہوئے 16 درجے ترقی کے بعد تیسرے نمبر پر آ گئے جبکہ انگلینڈ کے عادل رشید 7 درجے ترقی کے بعد 8 ویں نمبر پر آگئے۔ون ڈے رینکنگ میں پاکستان کا کوئی بولر ٹاپ 10 میں شامل نہیں ہے۔ شاہین آفریدی 2 درجے تنزلی کے بعد 16 ویں نمبر پر چلے گئے۔ون ڈے آل راؤنڈرز میں زمبابوے کے سکندر رضا کا پہلا نمبر برقرار ہے۔ٹی ٹوئنٹی بیٹنگ رینکنگ میں بھارت کے ابھیشک شرما کی پہلی پوزیشن برقرار ہے۔سری لنکا کے کوشال پریرا 3 درجہ بہتری کے بعد 9 ویں پوزیشن پر آگئے ، یواے ای کے کپتان محمدوسیم 4 درجہ بہتری کے بعد 22 ویں نمبر پر آگئے ۔بابر اعظم 3 درجہ تنزلی کے بعد 24 ویں ، رضوان 6 درجہ تنز لی کے بعد 28 ویں نمبر پر چلے گئے۔حسن نواز کی 4 درجہ تنزلی، رینکنگ میں 35 ویں ہو گئی۔ بنگلہ دیش کے لٹن داس 6 درجہ بہتری کے بعد 41 ویں نمبر پرآگئے،سلمان علی آغا 2درجہ بہتری کے بعد 57 ویں پوزیشن پر پہنچ گئے۔ٹی ٹوئنٹی آل راؤنڈرز رینکنگ میں  بھارت کے ہردک پانڈیا کی پہلی پوزیشن ہے۔زمبابوے کے سکندررضا تین درجہ بہتری کے بعد چوتھے نمبر پر پہنچ گئے،پاکستان کے صائم ایوب ٹاپ ٹین آل راؤنڈرز میں شامل ہوگئے ، صائم ایوب 5 درجہ بہتری کے بعد 10 ویں نمبر پر پہنچ گئے ، محمد نواز 5 درجہ بہتری کے بعد 16 ویں نمبرپر آگئے ،افغانستان کے عظمت اللہ عمرزئی 6 درجہ بہتری کے بعد 22 ویں پوزیشن پر براجمان ہیں ۔

آئی سی سی کی نئی رینکنگ جاری،شبمن گل نمبر ون، بابر اعظم تیسرے پر برقرار

بولنگ رینکنگ میں کیشو مہراج پہلے، شاہین آفریدی 16 ویں نمبر پر، آل راؤنڈرز میں سکندر رضا کا راج

ایشیا کپ 2025 کے دوسرے میچ میں بھارت نے یواے ای کوباآسانی 9 وکٹوں سے شکست دے کر ایونٹ میں شاندار فاتحانہ آغاز کیا۔دبئی میں کھیلے گئے اس میچ میں بھارتی کپتان سوریا کمار یادیو نے ٹاس جیت کر پہلے فیلڈنگ کا فیصلہ کیا۔ یو اے ای کی ٹیم بھارتی بولرز کے سامنے زیادہ دیر نہ ٹھہر سکی اور صرف 13 اعشاریہ 1 اوورز میں 57 رنز بنا کر پویلین لوٹ گئی۔ اوپنر علیشان 22 اور کپتان وسیم 19 رنز کے ساتھ نمایاں رہے جبکہ باقی بیٹر ڈبل فیگر میں داخل نہ ہوسکے۔بھارت کی جانب سے اسپنر کلدیپ یادیو نے شاندار بولنگ کا مظاہرہ کرتے ہوئے 4 وکٹیں حاصل کیں جبکہ شیوام دوبے نے 3 کھلاڑیوں کو آؤٹ کیا۔بھارت نے یواے ای کی جانب سے دیا گیا58 رنز کا ہدف پانچویں اوورز میں ایک وکٹ کے نقصان پرباآسانی حاصل کرلیا۔ ابھیشیک شرما 30 رنز بنا کر آؤٹ ہوئے، جبکہ شبمن گل 20 اور کپتان سوریا کمار یادیو 7 رنز کے ساتھ ناقابل شکست رہے۔یو اے ای کی جانب سے جنید صدیقی نے ایک وکٹ حاصل کی۔واضح رہے کہ بھارت اور یو اے ای گروپ اے میں شامل ہیں، جبکہ ایونٹ کا سب سے بڑا مقابلہ پاکستان اور بھارت کے درمیان 14 ستمبر کو دبئی میں کھیلا جائے گا۔یاد رہے گزشتہ روز ایشیا کپ کے افتتاحی میچ میں افغانستان نے ہانگ کانگ کو 94 رنز سے شکست دی تھی۔

ٹی20 ایشیا کپ، بھارت نے یو اے ای کوباآسانی 9 وکٹوں سے شکست دے دی

دبئی میں کھیلے گئے میچ میں یو اے ای کی پوری ٹیم صرف 57 رنز پر ڈھیر، بھارت نے ہدف پانچویں اوورز میں حاصل کرلیا

پاکستان نے قطر پر اسرائیلی جارحیت کی شدید مذمت کرتے ہوئے اقوام متحدہ کی سلامتی کونسل کا ہنگامی اجلاس بلانے کا مطالبہ کردیا۔نائب وزیراعظم و وزیر خارجہ اسحاق ڈار نےسماجی رابطے کی ویب سائٹس ایکس پراپنے بیان میں کہا کہ اسرائیل کی قطر کے خلاف بلاشتعال اور غیرقانونی جارحیت کے پیش نظر پاکستان نے الجزائر اور صومالیہ کے ساتھ مل کر اقوام متحدہ کی سلامتی کونسل کا ہنگامی اجلاس طلب کرنے کی درخواست کی ہے۔ انہوں نے کہا کہ یہ معاملہ نہایت سنگین نوعیت کا ہے اور سلامتی کونسل کو فوری طور پر اس پر غور کرنا چاہیے۔اسحاق ڈار نے قطر کی حکومت اور عوام کے ساتھ پاکستان کی مکمل یکجہتی اور غیر متزلزل حمایت کا اعادہ کیا۔یاد رہے کہ وزیراعظم شہباز شریف نے گزشتہ روز امیرِ قطر سے ٹیلیفونک رابطے میں اسرائیلی جارحیت کی مذمت کرتے ہوئے کہا تھا کہ پاکستان ہر سطح پر قطر کے ساتھ کھڑا رہے گا اور اسے تنہا نہیں چھوڑے گا۔

پاکستان نے قطر پر اسرائیلی جارحیت کیخلاف سلامتی کونسل کا ہنگامی اجلاس بلانے کا مطالبہ کردیا

یہ معاملہ نہایت سنگین نوعیت کا ہے اور سلامتی کونسل کو فوری طور پر اس پر غور کرنا چاہیے،نائب وزیراعظم اسحاق ڈار

وزیر اعظم شہباز شریف نے ملک میں ماحولیاتی اور زرعی ایمرجنسی لگانے کا اعلان کر دیا اور کہا کہ وفاق اپنا کردار ادا کرے گا، صوبے بھی اپنا حصہ ڈالیں، سیلاب متاثرین کی بحالی کیلئے ریلیف آپریشن جاری ہے، دعا ہے سندھ میں سیلاب سے زیادہ نقصان نہ ہو۔وزیر اعظم شہباز شریف نے وفاقی کابینہ کے اجلاس میں گفتگو کرتے ہوئے کہا کہ سیلاب نے پورے ملک میں بڑی تباہی مچائی ہے، تقریباً ایک ہزار پاکستانی سیلاب کی نذر ہو چکے ہیں، وفاق اور صوبائی حکومتیں مل کر اس بحران سے نمٹنے کیلئے اپنا کردار ادا کریں،شہباز شریف نے یہ اعتراف بھی کیا کہ سیلاب نے ملک کے کئی حصوں میں تباہی مچا دی ہے، خاص طور پر پنجاب میں فصلیں زیرِ آب ہیں اور سیلاب اب سندھ میں داخل ہو رہا ہے، موسمیاتی تبدیلیوں سے پاکستان اکیلا نہیں نمٹ سکتا۔پنجاب میں ہزاروں ایکڑ فصلیں زیر آب ہیں، اللہ کرے سیلاب سے سندھ میں نقصانات کم ہوں، فصلوں کے نقصانات کا تخمینہ لگایا جائے اور کابینہ میں اس پر غور کیا جائے۔وزیراعظم نے کہا کہ آج کابینہ مشاورت کے بعد ماحولیاتی اور زرعی ایمرجنسی کا اعلان کررہے ہیں اور ساتھ ہی احسن اقبال کی سربراہی میں ایک کمیٹی تشکیل دی جارہی ہے، جس میں متعلقہ وزرا اور سیکریٹریز ہوں گے، تاکہ اس پر کام شروع کیا جاسکے۔انہوں نے کہا کہ جہاں وفاق اس میں اپنا حصہ ڈال رہا ہے، وہی صوبوں کو بھی اس میں اپنا حصہ ڈالنا ہوگا، یہ ملکر ہی ہم اس نقصان کا ازالہ کرسکتے ہیں۔شہباز شریف نے چین میں دوطرفہ اقتصادی اقدامات کی تعریف کی اور کہا کہ میرا حالیہ دورئہ چین بہت کامیاب رہااور اس کے لئے تمام کابینہ کے ارکان، ڈپٹی پرائم منسٹرز اور فارن سیکریٹری کے تعاون کو سراہا۔شہباز شریف نے پاک فوج کے میجر عدنان اسلم کو خراج تحسین پیش کیا جنہوں نے گزشتہ روز ایف سی لائن بنوں میں دہشتگردوں سے لڑتے ہوئے جام شہادت نوش کی تھی۔شہبازشریف نے مزید کہاکہ ہم افواج پاکستان کی قربانیوں کی بدولت آزاد فضا میں سانس لے رہے ہیں لیکن سوشل میڈیا پر کچھ لوگ اداروں اور شہدا کی تضحیک کررہے ہیں جس کی جتنی مذمت کی جائے کم ہے اور ملک کیخلاف پروپیگنڈا کرنے والے فتنے کا مکمل خاتمہ کرنا ہمارا اولین فرض ہے۔شہباز شریف نے کہا کہ ہمارے بہادر میجر عدنان اسلم بنوں میں دہشتگردوں کا مقابلہ کرتےہوئے شہید ہوئے، گزشتہ روز جی ایچ کیو میں ان کی نماز جنازہ میں کل ہم شریک ہوئے، سپہ سالار فیلڈ مارشل سید عاصم منیر بھی موجود تھے۔ان کا کہنا تھا کہ نماز جنازہ کے دوران ہماری شہید کے خاندان کے افراد سے ملاقات ہوئی، ان کے والد نے کہا کہ میرے بیٹے نے شہادت دی ہے جس پر مجھے بہت فخر ہے، ان کے سسر بھی وہاں موجود تھے انہوں نے کہا کہ میرے داماد نے ہمارا سر فخر سے بلند کردیا۔وزیراعظم نے این ڈی ایم اے کو کراچی اور سندھ کے دیگر علاقوں میں سیلاب کے پیش نظر امدادی کارروائیوں کے لیے صوبائی حکومت اور سندھ ڈیزاسٹر مینجمنٹ اتھارٹی سے مکمل تعاون کرنے کی ہدایت کر دی۔وزیراعظم نے کراچی میں متحرک امدادی کارروائیوں پر ریسکیوڈبل ون ڈبل ٹو، پاک فوج اور رینجرز کی پذیرائی کی جبکہ انہوں نے گڈاب ندی میں شہریوں کے ڈوبنے پر اظہار افسوس کیا۔انہوں نے متعلقہ اداروں کو سیلاب میں لاپتہ افراد کو جلد از جلد تلاش کرنے کی ہدایت کر دی۔وزیراعظم کا کہنا تھا کہ عوام کو سیلابی صورتحال سے آگاہ کرنے کے لیے اگاہی مہم کو مزید متحرک کیا جائے تاکہ زیادہ سے زیادہ شہری سیلاب سے بچ سکیں۔شہبازشریف نے مزید کہا کہ کل اسرائیل نے قطر پر سفاکانہ حملہ کیا، اسرائیل نے کل پھر جارحیت کی جس کی جتنی مذمت کی جائے کم ہے، فلسطین میں بچوں، بزرگوں اور خواتین کا قتل عام جاری ہے، کل امیر قطر سے خود بات کی، انہوں نے پاکستان کا شکریہ ادا کیا۔

وزیراعظم شہبازشریف کا ملک میں زرعی اور موسمیاتی ایمرجنسی نافذ کرنے کا اعلان

ہزاروں ایکڑ پر فصلیں زیر آب ہیں، دعا ہے سندھ میں سیلاب سے کم نقصانات ہوں،کابینہ اجلاس سے خطاب

اسلام آباد کی مقامی عدالت نے وزیراعلیٰ خیبر پختونخوا علی امین گنڈاپور کے وارنٹ گرفتاری جاری کردیے،شراب و اسلحہ برآمدگی کیس میں اسلام آباد کی عدالت نے وزیر اعلیٰ خیبر پختونخوا علی امین گنڈاپور کو گرفتار کر کے 17 ستمبر کو عدالت میں پیش کرنے کی ہدایت کر دی۔ڈسٹرکٹ اینڈ سیشن کورٹس میں وزیر اعلیٰ خیبر پختونخوا علی امین گنڈا پور کے خلاف شراب اور اسلحہ برآمدگی کیس کی سماعت ہوئی جوڈیشل مجسٹریٹ مبشر حسن چشتی نے ڈسٹرکٹ اینڈ سیشن کورٹس اسلام آباد میں وزیر اعلیٰ خیبرپختونخوا علی امین گنڈا پور کے خلاف شراب و اسلحہ برآمدگی کیس کی سماعت کی جس میں جوڈیشل مجسٹریٹ مبشر حسن چشتی نے گنڈا پور کے وارنٹ گرفتاری جاری کیے۔ عدالت نے حکم دیا کہ علی امین گنڈا پور کو گرفتار کر کے 17 ستمبر کو عدالت میں پیش کیا جائے۔دوران سماعت عدالت میں ابتدائی طور پرعلی امین گنڈا پور کی جانب سے کوئی عدالت میں پیش نہ ہوا،بعدازاں علیٰ امین گنڈا پور کے شراب و اسلحہ برآمدگی کیس میں وارنٹ گرفتاری جاری ہونے کے بعد ان کے وکیل راجہ ظہور الحسن عدالت میں پیش ہوئے اور جج سے مکالمہ کرتے ہوئے موقف اپنایا کہ سر آپ نے وارنٹ گرفتاری جاری کردیئے۔جج مبشر حسن چشتی نے جواب دیا کہ آپ ملزم پیش کریں میں وارنٹ منسوخ کردوں گا جس پر وکیل راجہ ظہور الحسن نے کہا کہ سر اب تو میڈیا پر چل گیا ہے، ملزم کی سُبکی تو ہو گئی، اس پر معزز جج بولے میں میڈیا کو کیا کہہ سکتا ہوں؟ آپکا کوئی جونیئر بھی آکر تاریخ لے لیتا تو میں کیس رکھ لیتا۔عدالت نے گنڈا پور کے وکیل کی استدعا مسترد کرتے ہوئے وارنٹ گرفتاری برقرار رکھنے کا حکم دیا۔ کیس کی آئندہ سماعت 17 ستمبر مقرر کی گئی ہے۔ یہ مقدمہ تھانہ بارہ کہو میں درج کیا گیا تھا، جس میں وزیر اعلیٰ خیبر پختونخوا علی امین گنڈا پور کو نامزد کیا گیا ہے۔

شراب و اسلحہ برآمدگی کیس، علی امین گنڈا پور کے وارنٹ گرفتاری جاری

وزیراعلیٰ خیبر پختونخواعلی امین گنڈا پور کو گرفتار کر کے 17 ستمبر کو عدالت میں پیش کیا جائے،عدالت

قطر کے وزیراعظم شیخ محمد بن عبدالرحمٰن الثانی نے کہا کہ دوحہ پر اسرائیل کے حملے ریاستی دہشتگردی ہیں جس کا بھرپور جواب دیں گے۔دوحہ میں پریس کانفرنس سے خطاب کرتے ہوئے قطری وزیراعظم نے کہا کہ اسرائیل کا حملہ نہ صرف غیرقانونی اور اشتعال انگیز تھا بلکہ اس کا مقصد غزہ جنگ بندی کی کوششوں کو سبوتاژ کرنا ہے۔انہوں نے کہا کہ واقعے کا وقت اس اجلاس کے ساتھ جڑا تھا جس میں حماس کی مذاکراتی ٹیم امریکی تجاویز پر غور کر رہی تھی۔شیخ محمد نے اعلان کیا کہ قطر اسرائیل کے خلاف قانونی کارروائی کی تیاری کر رہا ہے اور بین الاقوامی سطح پر جوابدہی کے لیے ایک قانونی ٹیم تشکیل دے دی گئی ہے۔ انہوں نے کہا کہ ہم ایک فیصلہ کن موڑ پر کھڑے ہیں اب صرف بیانات نہیں بلکہ عملی اقدامات کا وقت ہے۔اُنہوں نے مزید کہا کہ اسرائیلی وزیراعظم خطے کو جان بوجھ کر افراتفری کی طرف دھکیل رہے ہیں، جبکہ اسرائیلی جارحیت پورے مشرق وسطیٰ کے امن کو خطرے میں ڈال رہی ہے۔قطری وزیراعظم نے اس تاثر کو مسترد کیا کہ قطر نے غزہ جنگ بندی میں ثالثی کا کردار معطل کر دیا ہے۔ ان کا کہنا تھا کہ ہماری ثالثی کی کوششیں جاری ہیں اور کوئی بھی ہمیں اس راستے سے روک نہیں سکتا۔امریکی کردار پر بات کرتے ہوئے انہوں نے واضح کیا کہ امریکا کی جانب سے حملے کی پیشگی اطلاع دیے جانے کی خبروں میں کوئی صداقت نہیں، کیونکہ حملے کے 10 منٹ بعد امریکی حکام نے رابطہ کیا، تاہم ڈرون ریڈار پر نہ آنے کے باعث قطر اسے روکنے میں ناکام رہا۔واضح رہے کہ اسرائیل نے قطر کے دارالحکومت دوحہ پر فضائی حملہ کرکے فلسطین کی مزاحمتی تنظیم حماس کی مرکزی قیادت کو نشانہ بنایا تھا۔

دوحہ پر اسرائیلی حملہ ریاستی دہشت گردی، بھرپور جواب دیا جائے گا،قطر کا دو ٹوک اعلان

امریکا کی جانب سے حملے کی پیشگی اطلاع دیے جانے کی خبروں میں کوئی صداقت نہیں،قطری وزیراعظم

افراتفری کے شکار ملک نیپال میں فوج نے مختلف علاقوں میں پوزیشن سنبھال لی۔پرتشدد مظاہروں اور جلاؤ گھیراؤ کے نتیجے میں حالات سنگین ہو گئے ہیں۔ مظاہرین نے سابق وزیراعظم جھالا ناتھ کھنل کے گھر کو آگ لگا دی، جس کے باعث ان کی اہلیہ جاں بحق ہو گئیں۔غیر ملکی میڈیا کے مطابق سیکیورٹی فورسز اور مظاہرین کے درمیان جھڑپوں میں اب تک 22 افراد ہلاک اور 500 سے زائد زخمی ہو چکے ہیں۔ حکومت کی جانب سے کرفیو کے نفاذ کے باوجود مظاہرین سڑکوں پر موجود ہیں۔دارالحکومت کھٹمنڈو اور دیگر شہروں میں سیاسی رہنماؤں کے گھروں کو بھی نشانہ بنایا گیا۔ سابق وزرائے اعظم پشپا کمل دہل (پراچندا)، شیر بہادر دیوبا اور دیگر رہنماؤں کی رہائش گاہوں پر حملے ہوئے جبکہ لالیت پور جیل سے تمام 1500 قیدی فرار کر گئے۔دوسری جانب فوج نے مختلف علاقوں میں تعیناتی کے بعد حالات پر قابو پانے کی کوششیں تیز کر دی ہیں۔ نیپالی آرمی چیف جنرل اشوک راج نے ویڈیو بیان میں مظاہرین کو مذاکرات کی دعوت دیتے ہوئے کہا کہ فوج قومی اتحاد اور ملکی سلامتی کے تحفظ کے لیے پرعزم ہے۔ انہوں نے مزید کہا کہ مظاہروں میں جانی اور مالی نقصان ہو چکا ہے، مظاہرین تحمل کا مظاہرہ کریں اور قومی یکجہتی و امن و امان کا قیام سب کی مشترکہ ذمہ داری ہے۔واضح رہے کہ نیپال میں نوجوان کرپشن کے خلاف سڑکوں پر نکل آئے تھے، جب حکومت نے سوشل میڈیا سائٹس سمیت 26 ویب سائٹس پر پابندی عائد کی تھی۔ تاہم مظاہروں کے دباؤ کے بعد حکومت نے یہ پابندی ختم کر دی۔نیپال ماضی میں بھی سیاسی عدم استحکام اور حکومتوں کی بار بار تبدیلی کا شکار رہا ہے۔ کرپشن، غربت اور نوجوانوں میں بڑھتی بے چینی نے حالیہ احتجاج کو ایک بڑے بحران میں بدل دیا ہے۔ ماہرین کا کہنا ہے کہ اگر حالات پر قابو نہ پایا گیا تو نیپال خانہ جنگی جیسے خطرناک مرحلے میں داخل ہو سکتا ہے، جس کے اثرات پورے خطے پر پڑیں گے۔

پرتشدد مظاہرے،نیپال میں فوج نے مختلف علاقوں میں پوزیشن سنبھال لی،کھٹمنڈو ایئرپورٹ مکمل بند

لالیت پور کی جیل سے تمام 1500قیدی فرارہوگئے ، متعدد سیاسی رہنمائوں کے گھروں پر بھی حملے،املاک کو نقصان پہنچا

ملک بھر کے بجلی صارفین کے لیے بڑی خوشخبری، نیشنل الیکٹرک پاور ریگولیٹری اتھارٹی (نیپرا) نے بجلی 1 روپیہ 78 پیسے فی یونٹ سستی کرنے کا اعلان کرتے ہوئے نوٹیفکیشن جاری کر دیا۔نیپرا کے مطابق یہ کمی ماہانہ فیول کاسٹ ایڈجسٹمنٹ کی مد میں کی گئی ہے جو جولائی کے لیے لاگو ہوگی۔ اس فیصلے سے صارفین کو ایک ماہ کے لیے ریلیف ملے گا اور یہ سہولت کراچی سمیت پورے ملک کے بجلی صارفین کو حاصل ہوگی۔نوٹیفکیشن کے تحت ڈسکوز اور کے الیکٹرک کے صارفین اس کمی سے فائدہ اٹھا سکیں گے تاہم لائف لائن کنزیومرز، پری پیڈ صارفین اور الیکٹرک وہیکل چارجنگ اسٹیشنز اس ریلیف سے مستفید نہیں ہوں گے۔نیپرا نے وضاحت کی کہ یہ رعایت ستمبر کے بلوں میں شامل ہوگی، جس سے ملک بھر کے لاکھوں صارفین کو وقتی ریلیف ملنے کی توقع ہے۔

بجلی صارفین کے لیے خوشخبری، نیپرا نے فی یونٹ 1 روپیہ 78 پیسے سستی کر دی

کراچی سمیت ملک بھر کے صارفین کو ایک ماہ کے لیے ریلیف، ستمبر کے بلوں میں کمی شامل ہوگی

کراچی میں گزشتہ دو روز کے دوران وقفے وقفے سے ہونے والی مسلسل بارشوں نے شہرِقائد کو شدید متاثر کیا۔ تھڈو ڈیم کے بھرنے اور لٹھ ندی میں طغیانی کے بعد ملیر اور لیاری ندیاں بپھر گئیں، جس سے پانی اطراف کی آبادیوں میں داخل ہو گیا اور کئی علاقے سیلابی صورتِ حال سے دوچار ہیں۔سیلابی ریلے کے باعث ملیر، ایم نائن موٹروے، سہراب گوٹھ، خمیسو گوٹھ، نیو کراچی، سرجانی، مچھر کالونی اور سعدی ٹاؤن سمیت درجنوں علاقے متاثر ہوئے۔ مختلف سوسائٹیاں ڈوب گئیں جبکہ مساجد سے حفاظتی اعلانات شروع کر دیے گئے۔ ایوب گوٹھ، لاسی گوٹھ، حسن منان کالونی اور عیسیٰ نگری میں گھروں کے اندر پانی بھر گیا اور شہری پھنس گئے۔تھڈو ڈیم کے اوور فلو ہونے کے بعد سپر ہائی وے اور اس سے متصل آبادیوں میں پانی داخل ہو گیا۔ نیشنل ہائی وے، گلشن حدید لنک روڈ اور جمالی پل سمیت کئی مقامات پر ندی کا پانی سڑکوں پر آ گیا، جس سے کراچی اور حیدرآباد کا زمینی رابطہ منقطع ہو گیا۔ موٹروے پولیس نے تصدیق کی کہ ایم 9 کا بڑا حصہ زیرِ آب ہے اور پانی موٹروے کی دیوار سے ٹکرا رہا ہے۔ صورتحال پر قابو پانے کے لیے کرش بیریئر ہٹا کر پانی کے بہاؤ کو موڑنے کی کوشش کی جا رہی ہے۔وزیراعلیٰ سندھ کی ہدایت پر کمشنر کراچی نے ریسکیو اور امدادی ٹیموں کو متحرک کر دیا ہے، جبکہ پاک فوج اور رینجرز کے دستے بھی متاثرہ علاقوں میں پہنچ گئے ہیں۔ کشتیوں اور ریسکیو وہیکلز کی مدد سے لوگوں کو محفوظ مقامات پر منتقل کیا جا رہا ہے۔ حسن منان کالونی اور سعدی ٹاؤن میں پھنسے شہریوں کو نکالا گیا، جبکہ بعض مقامات پر گاڑیاں پانی میں بہہ جانے کی اطلاعات بھی ملی ہیں۔میئر کراچی مرتضیٰ وہاب نے رات بھر مختلف علاقوں کا دورہ کیا اور بتایا کہ چیف سیکرٹری کے ذریعے پاک فوج سےمدد طلب کی گئی ہے۔ ضلعی انتظامیہ اور ریسکیو اداروں نے شہر میں رین ایمرجنسی نافذ کر دی ہے۔محکمہ موسمیات کے مطابق گزشتہ 24 گھنٹوں کے دوران سب سے زیادہ بارش سرجانی ٹاؤن میں 129.6 ملی میٹر ریکارڈ کی گئی، نارتھ کراچی میں 72.2 ملی میٹر، کورنگی میں 70.5 ملی میٹر اور ڈی ایچ اے فیز ٹو میں 70 ملی میٹر بارش ہوئی، جبکہ سب سے کم بارش جناح ٹرمینل پر 29 ملی میٹر ریکارڈ کی گئی۔شدید بارشوں اور سیلابی صورتحال کے پیش نظر کمشنر کراچی نے آج شہر کے تمام تعلیمی ادارے بند رکھنے کا اعلان کیا ہے، جبکہ شہریوں کو غیر ضروری سفر سے گریز کرنے کی ہدایت کی گئی ہے۔

کراچی میں بارش، لیاری، ملیر ندیاں بپھر گئیں، پانی آبادیوں میں داخل، موٹر وے اور تعلیمی ادارے بند، ریسکیو کیلیے فوج طلب

صورت حال کے باعث زمینی رابطے منقطع ہوگئے، سوسائٹیوں میں مساجد سے اعلانات کیے گئے۔

The South Africa Tour of Australia 2025 will start at the Marrara Cricket Ground, Darwin, with the 1st T20I on August 10.

SA vs AUS 1st T20I 2025: Preview, Squads & Where to Watch

The South Africa Tour of Australia 2025 will start at the Marrara Cricket Ground, Darwin, with the 1st T20I on August 10. This marks the first of the three thrilling white-ball confrontations in tropical Top End conditions.

<h2>Match Snapshot</h2>

<ul>
	<li>Fixture: Australia vs South Africa &ndash; 1st T20I 
	&nbsp;</li>
	<li>Date &amp; Time: August 10, 2025, schedule for 7:15 PM AET (~6:45 PM local Darwin time). 
	&nbsp;</li>
	<li>Venue: With expected dry and sunny conditions, international cricket will be hosted at Marrara Cricket Ground, Darwin, after many years. 
	&nbsp;</li>
</ul>

<h2>Team Squads &amp; Key Updates</h2>

<h3>South Africa T20I Squad (Captain: Aiden Markram)</h3>

The Proteas blend experience and emerging firepower:

<ul>
	<li>Captain: Aiden Markram leads the side. 
	&nbsp;</li>
	<li>Young talents worth noting include, Dewald Brevis (22) and Lhuan‑dre Pretorius (19), joining from solid recent performances in Zimbabwe. 
	&nbsp;</li>
	<li>Other seniors include Kagiso Rabada, Ryan Rickelton, Tristan Stubbs, George Linde, and Prenelan Subrayen. 
	&nbsp;</li>
	<li>Due to an injury, Marco Jansen will miss out, and Maharaj is not included in T20Is; he is, however, expected to be included for ODIs. Rabada returns as the senior quick. 
	&nbsp;</li>
</ul>

<h3>Australia T20I Squad (Captain: Mitchell Marsh)</h3>

<ul>
	<li>This series will see Mitchell Marsh as the captain. 
	&nbsp;</li>
	<li>Travis Head and Josh Hazlewood return to bolster experienced pace and batting depth. 
	&nbsp;</li>
	<li>Mitch Owen, fresh off debut heroics in the Caribbean, will likely slot into the middle order with aggressive intent. 
	&nbsp;</li>
</ul>

<h2>Tactical Outlook &amp; Key Matchups</h2>

<ul>
	<li>South Africa&rsquo;s strategy is spearheaded by pace, led by Rabada, combined with youthful batting dynamism from Brevis and Pretorius. 
	&nbsp;</li>
	<li>Australia&rsquo;s edge lies in squad depth&mdash;Head&rsquo;s stability, Owen&rsquo;s attacking flair, and the proven leadership of Marsh. 
	&nbsp;</li>
	<li>Matchups to watch: Markram&rsquo;s middle-order stewardship vs Australia&rsquo;s batting mix; Rabada vs fiery Aussie hitters; and spin options from Linde or Subrayen countering Australia&rsquo;s depth in strike rotation. 
	&nbsp;</li>
</ul>

<h2>How to Watch &ndash; Streaming &amp; Broadcasts</h2>

<ul>
	<li>Australia: All matches streamed live on Foxtel, with Kayo Sports fetching streaming access via Foxtel Go or a standalone subscription. 
	&nbsp;</li>
	<li>USA / Canada &amp; other regions: Likely broadcast via Willow TV or ICC.tv, per established rights. 
	&nbsp;</li>
	<li>Pakistan &amp; South Asia: As per usual rights arrangements, live coverage is expected to be available on <a href="https://www.tapmad.com">tapmad</a>. 
	&nbsp;</li>
</ul>

The first T20I is offering up a glitzy event in the heating Northern Australia: a contest of new and bright young upcoming talent from South Africa vs a balanced and well-composed Australian group. The feature will not only signal a lot of experience returning to the fold, but also opportunities for young arms in debut mode. The first T20I on its own will be indicative of the series ahead.&nbsp;

Catch all the big hits, fine margins, and strategy battles on August 10&mdash;live on Kayo Sports, Foxtel, Tapmad, or Willow TV, depending on your region.

SA vs AUS 1st T20I 2025: Preview, Squads & Where to Watch

Match Snapshot

Team Squads & Key Updates

South Africa T20I Squad (Captain: Aiden Markram)

Australia T20I Squad (Captain: Mitchell Marsh)

Tactical Outlook & Key Matchups

How to Watch – Streaming & Broadcasts

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan