Cricket

Entertainment

Football

پی ایس ایل 10 کے دوسرے ایلیمنیٹرمیں لاہور قلندرز نے اسلام آباد یونائیٹڈ کو 95 رنز سے شکست دے کر فائنل میں جگہ بنا لی۔لاہور قلندرز کے 203 رنز کے ہدف کے تعاقب میں اسلام آباد یونائیٹڈ کی ٹیم 107 رنز پر ڈھیر ہوگئی اور یوں اسے 95 رنز سے شکست کا سامنا کرنا پڑا۔لاہور قلندرز اور کوئٹہ گلیڈی ایٹرز کے درمیان فائنل 25 مئی کو لاہور میں قذافی اسٹیڈیم میں کھیلا جائے گا۔قبل ازیں لاہور کے قذافی اسٹیڈیم میں جاری ناک آؤٹ مقابلے میں لاہور قلندرز نے ٹاس جیت کر پہلے بیٹنگ کرنے کا فیصلہ کیا اور مقررہ 20 اوورز میں 8 وکٹوں کے نقصان پر 202 رنز بنائے۔لاہور قلندرز کی جانب سے کوشل پریرا 61 رنز بنا کر نمایاں رہے، محمد نعیم 50، عبداللہ شفیق 25، بھانوکا راجاپکشا 22، آصف علی 15، فخر زمان 12 جبکہ شکیب الحسن بغیر کوئی رن بنائے آؤٹ ہوئے۔اسی طرح ارشاد حسین 5 اور کپتان شاہین شاہ آفریدی صفر پر ناٹ آؤٹ پویلین لوٹے۔اسلام آباد یونائیٹڈ کی جانب سے ٹائمل ملز نے 3، سلمان ارشاد نے 2 جبکہ عماد وسیم اور جمی نیشم نےایک،ایک کھلاڑی کو آؤٹ کیا۔لاہورقلندرز کے دیئے گئے203 رنز کے ہدف کے تعاقب میں اسلام آباد یونائیٹڈ کی ٹیم 16 ویں اوور میں 107 رنز بنا کر ڈھیر ہوگئی۔سلمان آغا 33، کپتان شاداب خان 26، جیمی نیشم 8، عماد وسیم 8، وین ڈر ڈوسین 7، ٹائمل ملز 7، حیدر علی 4، صاحبزادہ فرحان 3 جبکہ نسیم شاہ اور محمد شہزاد بغیر کوئی رن بنائے آؤٹ ہوئے۔لاہورقلندرز کی جانب سے کپتان شاہین شاہ آفریدی، سلمان مرزا اور رشاد حسین نے 3، 3 کھلاڑیوں کو آؤٹ کیا۔پاکستان سپر لیگ کے دسویں ایڈیشن کا فائنل 25 مئی بروز اتوار کوئٹہ گلیڈی ایٹرز اور لاہور قلندرز کے درمیان لاہور میں کھیلا جائے گا۔

پی ایس ایل 10،لاہور قلندرز نے اسلام آباد یونائیٹڈ کو95رنز سے ہراکر فائنل میں جگہ بنا لی

لاہور قلندرز کے 203 رنز کے ہدف کے تعاقب میں اسلام آباد یونائیٹڈ کی ٹیم 107 رنز پر ڈھیر ہوگئی

وفاقی حکومت نے آئندہ وفاقی بجٹ 10 جون کو پیش کرنے کا اعلان کردیا اس سے قبل وفاقی حکومت کی جانب سے آئندہ مالی سال کا بجٹ پیش کرنے کیلئے 2 جون کی تاریخ مقرر کی گئی تھی جسے اب تبدیل کرتے ہوئے 10 جون کر دیا گیاہے ۔حکومت نے آئی ایم ایف سے مذاکرات اور عید کی تعطیلات کے پیش نظر تاریخ میں توسیع کرنے کا فیصلہ کیاہے ۔ وزیر خزانہ محمد اورنگزیب کے مشیر خرم شہزاد نے ایکس پر بتایا کہ آئندہ مالی سال کا بجٹ 10 جون کو قومی اسمبلی میں پیش کیا جائے گا، بجٹ سے ایک دن قبل (9 جون) پاکستان اکنامک سروے جاری کیا جائے گا۔میڈیا رپورٹس کے مطابق آئی ایم ایف کے ساتھ بجٹ تجاویز پر اتفاق رائے نہیں ہوسکا، آئی ایم ایف کے ساتھ بات چیت کا آج (بروز جمعہ) آخری روز تھا، آئی ایم ایف کے ساتھ بجٹ پر مذاکرات آئندہ ہفتے بھی جاری رہیں گے۔

آئندہ مالی سال کے بجٹ میں تاخیر،وفاقی بجٹ 10 جون کو پیش کیا جائے گا

حکومت نے آئی ایم ایف سے مذاکرات اور عید کی تعطیلات کے پیش نظر تاریخ میں توسیع کرنے کا فیصلہ کیا

پاکستانی فضائی حدود میں بھارتی طیاروں کی پرواز پر پابندی میں 24 جون تک توسیع کردی گئی، پاکستان ایئرپورٹس اتھارٹی نے نوٹم جاری کردیا۔پاکستانی فضائی حدود میں بھارتی طیاروں کی پرواز پر پابندی کے معاملے پر پاکستان ایئرپورٹس اتھارٹی نے نیا نوٹم جاری کردیا، نوٹم کے مطابق بھارتی طیاروں کی پرواز پر پابندی میں 24 جون 2025ء تک توسیع کردی گئی ہے۔بھارتی رجسٹرڈ، آپریٹڈ، ملکیت یا لیز پر لئے گئے تمام طیارے پابندی کی زد میں رہیں گے۔ پاکستان ائیرپورٹس اتھارٹی کے مطابق یہ پابندی بھارتی فوجی طیاروں پر بھی لاگو ہو گی۔ بھارتی ایئرلائنز یا آپریٹرز کے زیر انتظام کوئی بھی پرواز پاکستانی فضائی حدود استعمال نہیں کر سکے گی۔واضح رہے کہ بھارت کی جانب سے پہلگام واقعے کو بنیاد بنا کر پاکستانی پروازوں پر پابندی عائد کی گئی تھی، جس کے جواب میں پاکستان نے بھی بھارتی طیاروں کے پاکستانی فضائی حدود استعمال کرنے پر پابندی عائد کردیتی تھی۔

پاکستانی فضائی حدود میں بھارتی طیاروں کی پرواز پر پابندی میں توسیع کردی گئی

بھارتی ایئرلائنز یا آپریٹرز کے زیر انتظام کوئی بھی پرواز پاکستانی فضائی حدود استعمال نہیں کر سکے گی،پی اے اے

پاکستان کی خاتون کوہ پیما نائلہ کیانی نے دنیا کی تیسری بلند ترین چوٹی کنچن جونگا کو سر کرکے ایک اور سنگ میل عبور کرلیا۔پاکستان کی خاتون کوہ پیما نائلہ کیانی نے آج صبح 6 بجے دنیا کی تیسری بلند ترین چوٹی کنچن جونگا سر کر لی، جس کی بلندی 8,586 میٹر ہے۔بھارت اور نیپال کی سرحد پر واقع کنچن جونگا دنیا کی تیسری اور بھارت کی بلند ترین چوٹی ہے، کنچن جونگا کے ساتھ نائلہ کیانی نے 8 ہزار میٹر سے بلند 12 چوٹیاں سر کر لیں، انہوں نے 8,586 میٹر بلند کینچن جنگا چوٹی پر قومی پرچم لہرا دیا۔نائلہ کیانی 8 ہزار میٹر سے بلند 12 چوٹیاں سر کرنے والی پاکستان کی پہلی اور واحد خاتون ہیں، ان کی نظریں 8 ہزار میٹر سے بلند تمام چوٹیاں سر کرنے پر مرکوز ہیں۔اس حوالے سے نائلہ کیانی نے کہا کہ کنچن جونگا سر کرنا میرا ذاتی کارنامہ نہیں، خواتین کو بتانا چاہتی ہوں کہ وہ اپنی سوچ سے بھی زیادہ مضبوط ہیں، یہ تمام پاکستانی خواتین کےلیے ایک پیغام ہے۔اس سے قبل نائلہ کیانی ماؤنٹ ایورسٹ، کے ٹو، ناگا پربت سمیت دیگر بلند چوٹیوں پر بھی قومی پرچم لہرا چکی ہیں۔

پاکستانی خاتون کوہ پیما نائلہ کیانی نے دنیا کی تیسری بلند ترین چوٹی بھی سر کر لی

خاتون کوہ پیماماؤنٹ ایورسٹ، کے ٹو، ناگا پربت سمیت دیگر بلند چوٹیوں پر بھی قومی پرچم لہرا چکی ہیں

اسلام آباد(این این آئی)آئی ایم ایف نے تنخواہ دار طبقے کو ریلیف حکومتی اخراجات میں کمی سے مشروط کردیا۔ ذرائع کے مطابق عالمی مالیاتی ادارے نے برآمدی شعبے کو ممکنہ ریلیف پیکیجز پر بھی اعتراضات اٹھائے جبکہ صوبوں سے اخراجات میں کمی اور آمدن میں اضافے کا مطالبہ کیا گیا۔ذرائع کے مطابق دفاعی بجٹ کو ملکی ضروریات کے مطابق بڑھایا جائے گا، تاہم دیگر شعبوں میں کٹوتیوں پر غور جاری ہے۔ تنخواہوں اور پنشن میں اضافے کے امکانات بھی نہایت محدود اور برائے نام رہیں گے۔ذرائع کے مطابق آئی ایم ایف مشن نے پاکستان کا حالیہ دورہ مکمل کرلیا تاہم ورچوئل مذاکرات کا سلسلہ جاری رہے گا۔ حکومتی ذرائع نے بتایاکہ مالیاتی بل 26-2025 کو پارلیمنٹ میں پیش کرنے سے پہلے آئی ایم ایف کی تمام شرائط مکمل طور پر پوری کی جائیں گی۔

آئی ایم ایف نے تنخواہ دار طبقے کو ریلیف حکومتی اخراجات میں کمی سے مشروط کردیا

مالیاتی بل پارلیمنٹ میں پیش کرنے سے پہلے آئی ایم ایف کی تمام شرائط مکمل طور پر پوری کی جائیں گی،حکومتی ذرائع

ڈی جی آئی ایس پی آر لیفٹیننٹ جنرل احمد شریف چوہدری اور سیکریٹری داخلہ نے بھارت کی پراکسی وار کو فتنہ الہندوستان کا نام دے دیا۔پاک فوج کے ترجمان لیفٹیننٹ جنرل احمد شریف چوہدری نے کہا ہے کہ بھارت 20 برس سے ریاستی دہشت گردی کررہا ہے، خضدار واقعے میں فتنۃ الہندوستان ملوث ہے، فتنۃ الہندوستان نے خضدار میں دہشت گردی اور بھارتی پشت پناہی کا اعتراف کیا، فتنۃ الہندوستان کا بلوچستان سے کوئی تعلق نہیں، یہ درندے ہندوستان کے پیسے پر بربریت کر رہے ہیں، بلوچ بھی پوچھتے ہیں، دہشت گردی کا بلوچستان سے کیا تعلق ہے؟ سیکرٹری داخلہ محمد خرم آغا نے کہ خضدار میں حملہ اسکول بس پر نہیں، ہماری اقدار اور تعلیم پر تھا، دہشت گردوں کو خطرناک نتائج بھگتنا ہوں گے۔وفاقی سیکرٹری داخلہ خرم آغا کے ہمراہ پریس کانفرنس کرتے ہوئے ڈی جی آئی ایس پی آر کا کہنا تھا کہ بھارت 20 سال سے ریاستی دہشت گردی کی پالیسی جاری رکھے ہوئے ہے، مکتی باہنی کا قیام، سقوط ڈھاکہ اس کی مثالیں واضح ہیں، بھارت خطے کا امن سبوتاژ کر رہا ہے۔انہوں نے کہا کہ بھارت دہشت گردوں کو فنڈز فراہم کرتا ہے، 2016 میں بھی بھارتی دہشت گردی کے ثبوت دنیا کے سامنے رکھے، 2009 میں پاکستان نے ثبوت بھارتی وزیراعظم کو دیئے، گرفتار مختلف دہشت گردوں نے بھارتی پشت پناہی کا اعتراف کیا، کلبھوشن یادیو کو پاکستان سے گرفتار کیا گیا، کلبھوشن یادیو نے اپنے اعترافی بیان میں تمام حقائق بتائے۔لیفٹیننٹ جنرل احمد شریف چوہدری کا کہنا تھا کہ خضدار بچوں پر حملہ فتنہ الہندوستان کا مکروہ چہرہ ہے، کئی بچے اسپتال میں زیر علاج ہیں، خضدار حملہ بھارتی ایما پر فتنہ الہندوستان کے دہشت گردوں نے کیا۔ڈی جی آئی ایس پی آر نے کہا کہ 12 اپریل 2024 میں مزدوروں کو شہید کیا گیا، 9 مئی 2024 میں سات حجاموں کو دوران نیند قتل کیا گیا، 10 اکتوبر 2024 کو دکی میں کوئلہ کان میں کام کرنے والے مزدوروں کو شہید کیا گیا، 10 فروری 2025 کو کیچ میں 2 درزیوں کو فتنہ الہندوستان نے شہید کیا، 19 فروری 2025 کو بارکھان میں مزدوروں کو بس سے اتار کر شہید کیا گیا، 11 مارچ 2025 کو جعفر ایکسپریس پر حملے میں نہتے شہریوں کو شہید کیا گیا۔ان کا کہنا تھا کہ 9 مئی 2025 کو لسبیلہ میں 3 معصوم حجاموں کو شہید کیا گیا، 21 مئی 2025 کو خضدار میں معصوم بچوں کی بس کو نشانہ بنایا گیا، حملے میں 51 زخمی ہیں جن میں زیادہ تر تعداد بچوں کی ہے، بلوچستان کے لوگ بھی پوچھ رہے ہیں کہ دہشت گردی کا بلوچیت سے کیا تعلق ہے، یہ دہشت گردی کر رہے ہیں لیکن بلوچستان کے عوام کا عزم نہیں توڑ پا رہے۔انہوں نے کہا کہ بھارتی میجرسندیپ کا بیان ہے کہ بھارت بلوچستان سے لاہور تک دہشت گردی کرا رہا ہے، میجر سندیپ کے بیان سے واضح ہوا کہ یہ کیسے پاکستان میں دہشت گردی کرانے میں ملوث ہیں۔لیفٹیننٹ جنرل احمد شریف چوہدری کا کہنا تھا کہ 6 اور 7 مئی کی رات بھارت نے پاکستان میں کچھ مقامات پر حملہ کیا، انٹرنیشنل میڈیا نے ان مقامات کا دورہ کیا، کیا میڈیا کو ان مقامات پر ایسی کوئی سرگرمی نظر آئی جو مشکوک ہو، بھارت بتائے کس ثبوت کی بنیاد پر پاکستان میں ان مقامات کو نشانہ بنایا۔ڈی جی آئی ایس پی آر نے کہا کہ فتنہ الہندوستان کے دہشتگرد حیوانیت پر اتر آئے ہیں، پہلگام واقعہ کے بعد پاکستان نے ہر فورم پر بھارت سے ثبوت مانگے، فتنہ الہندوستان کے دہشتگردوں سے مہنگا اسلحہ برآمد ہو رہا ہے، فتنہ الہندوستان کے دہشتگرد جب بھی پکڑے جاتے ہیں ان سے مہنگا اسلحہ برآمد ہوتا ہے، ان دہشت گردوں کو اتنا مہنگا اسلحہ کون خرید کر دے رہا ہے، بھارتی میڈیا جھوٹ پھیلانے میں ملوث ہے۔ڈی جی آئی ایس پی آر اور سیکرٹری داخلہ آفتاب درانی نے بھارت کی پراکسی وار کو فتنہ الہندوستان کا نام دیا۔ان کا کہنا تھا کہ یہ فتنہ الہندوستان ہے، اس کا تعلق صرف ہندوستان سے ہے، بھارت دہشتگردوں کو پیسہ بھی دیتا ہے اور ہتھیار بھی، پاکستان میں دہشتگرد واقعات کو بھارتی میڈیا نے ایسے رپورٹ کیا جیسے بہت اچھی چیز ہو، میانوالی کے واقعہ کو بھی بھارتی میڈیا نے گلیمرائز کیا۔انہوں نے کہا کہ بھارتی میڈیا نے بزدلوں کی طرح خضدار واقعہ پر جشن منایا، بھارت کے علاوہ دنیا کا کون سا ملک ہے جو دہشتگرد حملوں پر جشن مناتا ہے، فتنہ الہندوستان نے اب سافٹ ٹارگٹس پر حملے شروع کر رکھے ہیں۔دوران پریس کانفرنس ڈی جی آئی ایس پی آر نے جنگ کے بعد بھارتی میڈیا پر چلنے والی ویڈیو چلا دیں۔لیفٹیننٹ جنرل احمد شریف چوہدری کا کہنا تھا کہ پوری دنیا دیکھ رہی ہے کہ دہشت گردی کون کر رہا ہے، بھارت ڈرامہ کر رہا ہے کہ پاکستان سے دہشت گردی ہو رہی ہے، بھارت اپنی دہشت گردی پر پردہ ڈالنے کیلئے یہ سب کر رہا ہے، بھارت کے اندر سے سوالات اٹھ رہے ہیں، پاکستان کی مسلح افواج سینہ تان کر کھڑی ہیں، ان کی بزدلانہ کارروائیوں سے ہم ڈرنے والے بالکل نہیں۔انہوں نے کہا کہ بھارتی میڈیا پر پاکستان کے افسروں اور جوانوں کے سروں کی قیمتیں لگائی جا رہی ہیں، بھارت کے اندر سے سوالات آ رہے ہیں کہ سکیورٹی فیلیئر ہوگیا، یہ دہشت گردی کہاں جا کر ختم ہوتی ہے، کون ہدایات دیتا ہے، سب کچھ واضح ہے، معرکہ حق میں اللہ تعالیٰ کی مدد سے بھارت کا منہ کالا کیا۔ان کا کہنا تھا کہ ہندوستان اور اس کے فتنے کھل کر سامنے آ رہے ہیں، بی ایل اے کے دہشت گرد بھارتی چینلز پر پاکستان کیخلاف ہرزہ سرائی کرتے ہیں، بھارت اور فتنہ الہندوستان پاکستان کا کچھ نہیں بگاڑ سکتے۔ڈی جی آئی ایس پی آر نے مزید کہا کہ بلوچستان میں حملے کا واقعہ بھارتی خفیہ ایجنسی را کی سرپرستی میں ہوا، فتنہ الہندوستان کا تعلق بلوچستان سے نہیں صرف بھارتی آقاؤں سے ہے، بھارت میں آزاد میڈیا کا کوئی وجود نہیں، سارا میڈیا ریاست کے کنٹرول میں ہے، پاکستان میں میڈیا کی آزادی کی بات کرنے والوں نے بھارتی میڈیا کا حال دیکھ لیا۔ پریس کانفرنس کے دوران خضدار بس سکول پر حملے میں شہید اور زخمی ہونے والے طلبہ کی تصاویر بھی دکھائی گئیں۔ڈی جی آئی ایس پی آر نے کہا کہ ہندوستان کو سمجھ نہیں آرہی کہ پاکستانی عوام اکٹھے ہورہے ہیں اور عوام اکٹھے ہوکے دہشتگردی کی تباہی نکال دیں گے، کیوں کہ پاکستانی عوام کو کلیئر ہے کہ یہ کوئی بلوچوں کی جنگ نہیں ہے، یہ ہندوستان کی پراکسیاں ہیں، یہ پیسوں پہ معصوم بچوں کو قتل کررہے ہیں۔ان کا کہنا تھا کہ ہندوستان کی ایک اور پریشانی یہ ہے کہ بلوچستان معاشی لحاظ سے بہت اہم ہے، بلوچستان میں ریکوڈک آپریشنل ہونے جارہا ہے جس میں متعدد بیرونی پارٹنر بھی شامل ہیں، بیرونی سرمایہ کاروں کی اس منصوبے میں بہت دلچسپی ہے، سرماریہ کاروں کی چاغی منرلز میں دلچسپی ہے۔ان کا کہنا تھا کہ بلوچستان میں بڑی چیزیں ہورہی ہیں، گرین پاکستان انیشیٹو کے تحت کام ہورہا ہے، لاکھوں ایکٹر زمین قابل کاشت ہوگئی ہے، کچھی کینال میں تیل کے پراجیکٹ پر کام ہورہا ہے، گوادر پورٹ، گوادر انٹرنیشنل ایئرپورٹ، 73 ہزار بلوچ طلبا اسکالر شپس پر تعلیم حاصل کررہے ہیں، صوبے میں 13 کیڈٹ کالجز ہیں،321 ٹیکنیکل کالجز ہیں، بلوچستان میں روڑ نیٹ ورک 25 ہزار کلومیٹر سے اوپر جاچکا ہے۔ڈی جی آئی ایس پی آر کا مزید کہنا تھا کہ دہشتگردی کے خلاف نیشنل ایکشن پلان کے 13پوائنٹ ہیں، ہرجگہ کہیں نہ کہیں امپرومنٹ کی گنجائش ہوتی ہے، ماہ رنگ بلوچ جیسے لوگوں کاچہرہ بے نقاب کرناچاہیے۔اس سے قبل وفاقی سیکرٹری داخلہ نے کہا کہ خضدار میں دہشتگردی کا افسوسناک واقعہ پیش آیا، دہشت گردوں نے اسکول کے معصوم بچوں کو نشانہ بنایا، دہشتگرد حملہ اسکول بس پر نہیں ہماری اقدار پر تھا، خضدار حملے میں فتنہ الہندوستان ملوث ہے، دہشتگردوں کو سنگین نتائج بھگتنا ہوں گے۔

خضدار واقعے میں فتنۃ الہندوستان ملوث ہے، ترجمان پاک فوج

بھارت 20 برس سے ریاستی دہشت گردی کررہا ہے، سیکرٹری داخلہ اور ڈی جی آئی ایس پی آر کی پریس کانفرنس

پاکستان سپر لیگ (پی ایس ایل) کا دسواں ایڈیشن اپنے اختتامی مرحلے کی طرف گامزن ہے۔پی ایس ایل 10کا دوسراالیمنیٹر آج قذافی اسٹیڈیم لاہور میں کھیلا جائے گا۔ دوسرےایلیمینیٹر میں اسلام آبادیونائیٹڈ کا مقابلہ لاہورقلندرزسے ہوگا میچ رات ساڑھے7بجے شروع ہو گا اورٹیپمیڈپربراہ راست دکھایاجائے گا۔آج کے میچ میں کانٹے دار مقابلہ  متوقع ہے جہاں دونوں ٹیمیں فائنل تک رسائی کیلئے میدان میں اتریں گی۔یاد رہے دفاعی چیمپئن اسلام آباد یونائیٹڈکو پہلے کوالیفائر میں ناکامی کا سامنا کرنا پڑا تھا، جبکہ لاہور قلندرز نے الیمنیٹر ون میں کراچی کنگز کو ہرایاتھا۔پاکستان سپرلیگ سیزن 10کافائنل اتوار کوکھیلا جائے گا جہاں آج کے میچ کی فاتح ٹیم کا مقابلہ کوئٹہ گلیڈی ایٹرز سے ہوگا۔

پی ایس ایل10،دوسرے ایلیمینیٹر میں آج اسلام آباد یونائیٹڈ کا مقابلہ لاہور قلندرز سے ہوگا

پی ایس ایل کا فائنل اتوار کوکھیلا جائے گا جہاں آج کے میچ کی فاتح ٹیم کا مقابلہ کوئٹہ گلیڈی ایٹرز سے ہوگا

انگلش کرکٹ ٹیم کے تجربہ کار بیٹر جو روٹ نے ٹیسٹ کرکٹ میں اہم سنگ میل عبور کرتے ہوئے نیا ریکارڈ قائم کر دیا وہ انگلینڈ کیلئے ٹیسٹ فارمیٹ میں 13 ہزار رنز بنانے والے پہلے کرکٹر بن گئے۔جو روٹ نے گزشتہ روز زمبابوے کے خلاف کھیلے جانیوالے واحد ٹیسٹ کے پہلے دن کے کھیل کے دوران ہی یہ تاریخی سنگ میل عبور کیا، جب انہوں نے 80 ویں اوور کی پہلی ڈلیوری پر وکٹر نیاچی کی گیند پر اپنا 28 واں رنز مکمل کیا۔جو روٹ ٹیسٹ کرکٹ میں 13 ہزار رنز مکمل کرنے والے دنیا کے پانچویں اور انگلینڈ کے پہلے بیٹر ہیں، جو روٹ نے نہ صرف یہ سنگ میل عبور کیا بلکہ ٹیسٹ کرکٹ میں تیز ترین 13 ہزار رنز بنانے والے بیٹر بھی بن گئے، انہوں نے یہ کارنامہ 153 ویں ٹیسٹ میچ میں سرانجام دیا۔اس سے قبل ٹیسٹ کرکٹ میں تیز ترین 13 ہزار رنز مکمل کرنے کا ریکارڈ جنوبی افریقا کے سابق کرکٹ جیک کیلس کے پاس تھا جنہوں نے 159 ٹیسٹ میچز میں یہ سنگ میل عبور کیا تھا، اس کے علاوہ راہول ڈریوڈ نے 160، رکی پونٹنگ نے 162 اور سچن ٹنڈولکر نے 163 ٹیسٹ میچز میں 13 ہزار رنز مکمل کئے تھے۔ ٹیسٹ کرکٹ میں سب سے زیادہ رنز بنانے کا ریکارڈ بھارت کے سابق لیجنڈری کرکٹر سچن ٹنڈولکر کے پاس ہے جنہوں نے 200 میچز میں 15 ہزار 921 رنز بنائے۔جو روٹ نے یہ سنگ میل محض 153 ویں ٹیسٹ میں حاصل کیا تاہم، 34 سال کی عمر میں یہ کارنامہ انجام دینے والے سب سے سست بلے باز بھی ہیں۔

انگلش بلے بازجو روٹ نے ٹیسٹ کرکٹ میں نیا ریکارڈ قائم کر دیا

جو روٹ انگلینڈ کیلئے ٹیسٹ فارمیٹ میں 13 ہزار رنز بنانے والے پہلے کرکٹر بن گئے

پاکستان نے بھارتی وزیراعظم کے اشتعال انگیز الزامات کی سختی سے تردید کر دی۔پاکستان نے نریندر مودی کی جانب سے راجستھان میں خطاب کے دوران لگائے گئے الزامات کو بے بنیاد، اشتعال انگیز اور غیر ذمہ دارانہ قرار دیتے ہوئے کہا ہے کہ بھارت کے بیانیے سے خطے کے امن کو خطرہ ہے۔تفصیلات کے مطابق دفتر خارجہ سے جاری ایک بیان میں کہا گیا ہے کہ پاکستان نے راجستھان میں حالیہ عوامی خطاب کے دوران بھارتی وزیراعظم کی جانب سے لگائے گئے بے بنیاد، اشتعال انگیز اور غیر ذمہ دارانہ الزامات کو واضح طور پر مسترد کرتا ہے، تحریفات، غلط بیانیوں اور اشتعال انگیز بیانات سے بھرے ان ریمارکس کا مقصد واضح طور پر سیاسی فائدے کے لیے علاقائی کشیدگی کو ہوا دینا ہے۔ترجمان دفتر خارجہ شفقت علی خان کا کہنا ہے کہ مودی کے اشتعال انگیز بیانات کا مقصد سیاسی فائدے کے لیے خطے میں کشیدگی بڑھانا ہے، اس طرح کے بیانات عوام کو گمراہ کرنے کی دانستہ کوشش ہیں، یہ بیانات ذمہ دار ریاستی نظام کے اصولوں کی بھی خلاف ورزی کرتے ہیں۔ترجمان نے کہا کہ پاکستان دہشت گردی کے خلاف عالمی جنگ میں فعال شراکت دار ہے، پاکستان پر دہشت گردی کا الزام گمراہ کن ہے، اس طرح کا حربہ بھارت اپنے اندرونی مسائل سے توجہ ہٹانے کے لیے استعمال کرتا ہے۔انہوں نے کہا کہ خودمختار ملک کے خلاف فوجی کارروائی پر فخر کرنا عالمی قانون کی خلاف ورزی ہے، اس طرح کا رویہ علاقائی امن و استحکام کو نقصان پہنچاتا ہے، بھارتی قیادت پر زور دیتے ہیں کہ ذمہ داری اور تحمل کا مظاہرہ کرے۔انہوں نے یہ بھی کہا کہ جارحانہ بیانات کشیدگی کو بڑھانے کا کردار ادا کرتے ہیں، پاکستان خطے کے استحکام اور امن کے لیے پرعزم ہے مگر پاکستان کی امن کی خواہش کو کمزوری نہ سمجھا جائےپاکستان خودمختاری کے تحفظ کی مکمل صلاحیت رکھتا ہے۔کسی بھی جارحیت کا منہ توڑ جواب دیا جائے گا۔عالمی برادری بھارت کے جنگی بیانیے اور نفرت انگیز رویے کا نوٹس لے۔یاد رہے کہ بھارتی وزیراعظم نریندر مودی نے راجستھان میں اپنے ایک انتخابی جلسے کے دوران ماضی کی طرح پاکستان پر جھوٹے الزامات عائد کرتے ہوئے کہا ہے کہ پاکستان کو دہشت گرد حملوں کی قیمت چکانی پڑے گی اور بھارت اپنے دریاؤں کا پانی پاکستان کو نہیں دے گا۔

پاکستان نے بھارتی وزیرِاعظم مودی کے بے بنیاد، اشتعال انگیز الزامات کو سختی سے مسترد کردیا

امن کی خواہش کو کمزوری نہ سمجھا جائے،کسی بھی جارحیت کا بھرپور جواب دیا جائیگا،مودی کے خطاب پر سخت ردعمل

سابق مشیر امریکی قومی سلامتی کے پاکستان کے جوہری ہتھیاروں سے متعلق بیان پر ترجمان دفتر خارجہ کا ردعمل سامنے آگیا۔ترجمان دفترخارجہ کا کہنا ہے کہ پاکستان کو اپنے جامع ایٹمی سیکیورٹی نظام اور کمانڈ اینڈ کنٹرول ڈھانچے کی مضبوطی پر مکمل اعتماد ہے۔وزارت خارجہ کی جانب سے یہ بیان سابق امریکی قومی سلامتی کے سابق مشیر جان بولٹن کے ایک بھارتی میڈیا ادارے کو دیے گئے ریمارکس کے بعد جاری کیا ہے جس میں وزیر دفاع راج ناتھ سنگھ کے پاکستان کے جوہری ہتھیاروں سے متعلق بیان کا ذکر تھا۔ترجمان دفتر خارجہ کے مطابق پاکستان عالمی معیار کے مطابق کام کرتا ہے، پاکستان نے ہمیشہ عالمی جوہری سلامتی کے اصولوں کی پاسداری کی ہے۔ترجمان دفترخارجہ کاکہناتھاکہ راج ناتھ سنگھ پاکستان کیخلاف بار بار جارحیت کی دھمکیاں دینے کیلئے مشہور ہیں ۔ترجمان کا کہنا تھا کہ عالمی برادری کواس امرپرشدید تشویش ہونی چاہیے کہ بھارت کے جوہری اثاثے راج ناتھ سنگھ جیسے افراد کے کنٹرول میں ہیں۔انہوں نے مزید کہا کہ بھارت میں جوہری مواد کی چوری اوربلیک مارکیٹ میں فروخت جیسے واقعات اس کے نظام میں سنگین خامیوں کا ثبوت ہیں۔انہوں نے اقوام متحدہ اورعالمی ایٹمی اداروں سے مطالبہ کیا کہ وہ بھارت کے جوہری پروگرام کی آزادانہ تحقیقات کریں تاکہ خطے میں امن وسلامتی کو یقینی بنایا جا سکے۔

پاکستان کواپنے ایٹمی سیکیورٹی نظام کی مضبوطی پر مکمل اعتماد ہے، ترجمان دفترخارجہ

بڑھتی بنیاد پرستی، جوہری بلیک مارکیٹ اور راج ناتھ سنگھ جیسے عناصر بھارت کی ایٹمی ساکھ کیلئے خطرہ ہیں

کراچی(این این آئی)پاکستان کرکٹ ٹیم کے نئے ہیڈ کوچ مائیک ہیسن نے قومی مینز ٹیم میں کھلاڑیوں کی شمولیت سے متعلق اپنی رائے کا اظہار کردیا۔ مائیک ہیسن نے اپنے ایک حالیہ انٹرویو میں کہا کہ کھلاڑیوں کا ٹیم میں انتخاب ان کے تجربے یا شہرت کی بنیاد پر نہیں کیا جائے گا۔اُنہوں نے مزید کہا کہ ٹیم میں کھلاڑیوں کا انتخاب واضح طور پر بیان کردہ کرداروں پر منحصر ہوگا اور ہر ایک کو ٹیم کے پلان کے مطابق کارکردگی کا مظاہرہ کرنا ہوگا۔قومی ٹیم کے ہیڈ کوچ نے کہا کہ میرا مقصد ایک جدید اور کامیابیاں حاصل کرنے والی ٹیم بنانا ہے جو دلچسپ کرکٹ کھیلے۔اُنہوں نے کہا کہ یہ سنہری موقع ہے، میں اپنا کردار ادا کرنے کیلئے پُرجوش ہوں اور مجھے یقین ہے کہ میں ٹیم کی رہنمائی کر سکتا ہوں۔مائیک ہیسن نے کہا کہ ہم کامیاب کرکٹ کھیلنا چاہتے ہیں جو شائقین کے دل بھی جیت لے لیکن میں جانتا ہوں کہ یہ ایک بڑا چیلنج ہے۔واضح رہے کہ بنگلادیش کے خلاف آئندہ 3 ٹی 20 میچز کی سیریز کیلئے اسکواڈ میں بابر اعظم، محمد رضوان اور شاہین آفریدی جیسے بڑے ناموں کو شامل نہیں کیا گیا۔

تجربے یا شہرت پر سلیکشن نہیں ہو گی، نئےہیڈ کوچ  مائیک ہیسن کا اعلان

انتخاب واضح طور پر بیان کردہ کرداروں پر منحصر ہوگا، ہر ایک کو پلان کے مطابق کارکردگی کا مظاہرہ کرنا ہوگا،انٹرویو

پاکستان سپر لیگ سیزن 10 کے پہلے ایلیمینیٹر میچ میں لاہور قلندرز نے کراچی کنگز کو 6 وکٹوں سے شکست دے دی۔قذافی اسٹیڈیم لاہور میں کھیلے گئے میچ میں لاہور قلندرز نے کراچی کنگز کی جانب سے جیت کے لیے دیا گیا 191 رنز کا ہدف چار وکٹوں کے نقصان پر 18 ویں اوور میں حاصل کر لیا۔قلندرز کی جانب سے عبداللہ شفیق 65، فخر زمان 47 جب کہ کوشال پریرا 30 رنز بنا کر نمایاں رہے، اب لاہورقلندرز کادوسرے کوالیفائر میں اسلام آباد یونائیٹڈ سے کل مقابلہ ہوگا۔قبل ازیں لاہور کے قذافی اسٹیڈیم میں کھیلے جارہے میچ میں کراچی کنگز نے ٹاس جیت کر پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 190 رنز بنائے۔کراچی کنگز کی جانب سے کپتان ڈیوڈ وارنر 52 گیندوں پر 75 رنز بنا کر نمایاں رہے ، ان کی اننگ میں 3 چھکے اور 8 چوکے شامل تھے، عرفان خان 18، ٹم سائفرٹ اور محمد نبی 16،16، سعد بیگ 11 جبکہ جیمز وینس 4 اورعباس آفریدی 2 رنز بنا کر پویلین لوٹ گئے،حسن علی بغیر کوئی رن بنائے آؤٹ ہوئے، جبکہ خوشدل شاہ نے 27 اور میر حمزہ نے 2 رنز کی ناٹ آؤٹ اننگ کھیلی۔لاہور قلندرز کی جانب سے حارث رؤف نے 3، شاہین شاہ آفریدی نے 2 جب کہ زمان خان، شکیب الحسن اور محمد نعیم نے ایک ایک وکٹ حاصل کی۔لاہور قلندرز نےکراچی کنگز کادیاگیا 191 رنز کا ہدف 19ویں اوور میں چار وکٹ پر حاصل کرلیا۔ لاہور قلندرز کی جانب سے عبداللہ شفیق نے 35 گیندوں پر 5 چھکوں اور3 چوکوں کی مدد سے 65 رنز کی جارحانہ اننگ کھیلی۔فخرزمان نے 28 گیندوں پر 3 چھکوں اور 5 چوکوں کے عوض 47 رنز اسکور کیے، کوشال پریرا 30 اور محمد نعیم 14 رنز بنا سکے، بہانوکا راجا پکشا 23 جبکہ آصف علی ایک رن بنا کر ناٹ آؤٹ رہے،کراچی کنگز کی جانب سے حسن علی نے 2 کھلاڑیوں کو آؤٹ کیا۔لاہور قلندرز اور اسلام آباد یونائیٹڈ کل ایلیمنیٹر ٹومیں مدمقابل آئیں گی۔

پی ایس ایل10،پہلا ایلیمینیٹر، لاہور قلندرز نے کراچی کنگز کو 6 وکٹوں سے ہرادیا

لاہور قلندرز نے کراچی کنگز کادیاگیا191 رنز کا ہدف چار وکٹوں کے نقصان پرحاصل کرلیا

راولپنڈی (این این آئی)پاکستان تحریک انصاف کے بانی اور سابق وزیراعظم عمران خان نے کہا ہے کہ کوئی ڈیل ہوئی ہے نہ اس حوالے سے بات چیت جاری ہے،کے پی کے علاقوں میں ڈرون حملوں میں معصوم شہریوں کی شہادت پر رنجیدہ ہوں ،صوبائی حکومت وفاقی حکومت کو احتجاج ریکارڈ کروائے ،اگر آپ دہشت گردی کے خلاف ہیں تو اپنے ہی لوگوں کے گھروں پر بم مت گرائیں۔اڈیالہ جیل میں قائم غیر قانونی ٹرائل کورٹ میں اپنے وکلا اہل خانہ اور صحافیوں سے گفتگو کے دوران عمران خان نے کہا کہ مجھے خیبرپختونخوا کے علاقوں میں کیے گئے ڈرون حملوں کے حوالے سے تفصیلات کا پتا چلا، میں ڈرون حملوں میں معصوم شہریوں کی شہادت پر نہایت رنجیدہ ہوں اور اس کی شدید مذمت کرتا ہوں۔انہوں نے خیبر پختونخوا حکومت کو ہدایت کی کہ وفاقی حکومت کو احتجاج ریکارڈ کروائیں اور ان ڈرون حملوں کو فوری طور پر رکوائیں جبکہ ہماری کئی سالوں کی جدوجہد کے بعد پاکستان میں امریکی ڈرون حملے رکے تھے۔انہوںنے کہاکہ ڈرون حملوں میں معصوم شہریوں کی اموات سے دہشت گردی کم نہیں ہوتی بلکہ مزید بڑھتی ہے، اگر آپ دہشت گردی کے خلاف ہیں تو اپنے ہی لوگوں کے گھروں پر بم مت گرائیں۔کوئی ڈیل ہوئی ہے نہ اس حوالے سے بات چیت جاری ہے۔ انہوںنے کہاکہ میرے ساتھ جو ڈیل کی افواہیں پھیلائی جا رہی ہیں، کوئی ڈیل ہوئی ہے نہ ہی ڈیل کے حوالے سے بات چیت جاری ہے، یہ سب جھوٹ ہے۔انہوں نے کہا کہ میں خود اسٹیبلشمنٹ کو دعوت دے رہا ہوں کہ اگر پاکستان کے مفاد میں بات کرنا چاہتے ہیں، پاکستان کی فکر ہے تو آکر بات کریں، اس وقت ملک کو بیرونی خطرات، بڑھتی ہوئی دہشت گردی اور معیشت کی بحالی کے لیے اکٹھا ہونا پڑے گا جب کہ میں نہ پہلے اپنے لیے کچھ مانگ رہا تھا، نہ اب مانگوں گا۔ایک سوال کے جواب میں عمران خان نے کہا کہ ہماری فورسز خصوصاً ایئر فورس نے جس طرح مودی کے عزائم کو ناکام بنایا ہے اس کے بعد مجھے خدشہ ہے کہ وہ اب مزید حماقت کرے گا، جس کے لیے ہمیں بطور قوم تیار رہنا چاہیے۔انہوںنے کہاکہ پاکستان میں اس وقت ایسا ماحول بنا دیا گیا ہے کہ قانون صرف کمزور کے لیے ہے، طاقتور کے لیے نہیں، یہی نظام کی سب سے بڑی خرابی ہے۔انہوں نے کہا کہ جمہوریت دو بنیادی چیزوں پر قائم ہوتی ہے، قانون کی بالادستی اور اخلاقی اقدار لیکن ٓج جمہوریت کے ان دونوں ستونوں کو زمین بوس کر دیا گیا ہے، جو حالات چل رہے ہیں، وہ اس بات کے غماز ہیں کہ جمہوریت کی روح کو کچلا جا رہا ہے۔سابق وزیراعظم نے کہاکہ جب آپ لوگوں کو یہ پیغام دیں گے کہ جتنا بڑا چور ہوگا، اتنا بڑا عہدہ ملے گا، تو انصاف کا جنازہ نکل جاتا ہے، آصف زرداری کی بہن کے خلاف 5 اپارٹمنٹس کا کیس نیب کے پاس ہے، جو ملازمین کے نام پر ہیں اور وہ خود ملک سے باہر ہے، کوئی پوچھنے والا نہیں، اسی طرح شہباز شریف پر 22 ارب روپے منی لانڈرنگ کا کیس تھا، اس کے باوجود اسے وزیرِاعظم بنا دیا گیا۔انہوں نے کہا کہ پچھلے 3 سالوں میں پاکستان کی اخلاقی اقدار اور آئینی ڈھانچے کو بالکل تباہ کر کے رکھ دیا گیا ہے، توشہ خانہ ٹو کیس میں مضحکہ خیز ٹرائل دوبارہ شروع کیا گیا ہے۔انہوںنے کہاکہ باقی جیل کی طرح جیل کورٹ بھی ایک کرنل کی مرضی سے چلائی جاتی ہے، میری بہنوں اور وکلا تک کو کورٹ میں آنے سے روکا جا رہا ہے، میرے رفقا تک کو مجھ سے نہیں ملنے دیا جاتا۔عمران خان نے کہا کہ میرے بچوں سے کئی کئی ماہ میری بات نہیں کروائی جاتی، میری کتابیں تک نہیں پہنچنے دی جاتیں اور نہ ہی میرے ذاتی معالج تک رسائی دی جاتی ہے اور یہ سب عدالتی احکامات اور قوانین کی مسلسل توہین ہے۔

خیبر پختونخوا کے علاقوں میں ڈرون حملوں میں معصوم شہریوں کی شہادت پر رنجیدہ ہوں ،عمران خان

صوبائی حکومت وفاقی حکومت کو احتجاج ریکارڈ کروائے ،اگر آپ دہشت گردی کیخلاف ہیں تو اپنے ہی لوگوں کے گھروں پر بم مت گرائیں، بانی پی ٹی آئی

صدر مملکت آصف علی زرداری اور وزیراعظم شہباز شریف نے  بے مثال قیادت اور ملکی دفاع کیلئے گرانقدر خدمات کے اعتراف میںآرمی چیف جنرل عاصم منیر کو بیٹن آف فیلڈ مارشل سے نوازدیا۔جمعرات کوایوان صدر میں ہونے والی تقریب میں صدر پاکستان آصف علی زرداری، وزیراعظم شہباز شریف، نائب وزیراعظم اسحق ڈار، سابق وزیراعظم نواز شریف، چیئرمین پیپلزپارٹی بلاول بھٹو زرداری نے شرکت کی۔اسی طرح وفاقی کابینہ کے ارکان، سروسز چیفس، صوبائی گورنرز، وزرائے اعلی اور ارکان پارلیمنٹ کی بڑی تعداد، غیر ملکی سفارتکار، سول وعسکری حکام بھی تقریب میں موجود تھے۔صدر مملکت آصف علی زرداری اور وزیراعظم شہباز شریف نے جنرل عاصم منیر کو بیٹن آف فیلڈ مارشل کا اعزاز دیا، انہیں یہ اعزاز بے مثال قیادت اور ملکی دفاع کے لیے گرانقدر خدمات کے اعتراف میں دیا گیا۔صدر پاکستان نے اپنے خطاب میں کہا کہ تقریب کا مقصد قوم کے بہادر سپوتوں کو خراج تحسین پیش کرنا ہے،پوری قوم کو اپنی بہادر مسلح افواج پر فخر ہے، سید عاصم منیر کو فیلڈ مارشل کا اعزاز قابل فخر لمحہ ہے، فیلڈ مارشل کا اعزاز دینے کی منظوری پر مجھے بہت مسرت ہوئی۔انہوںنے کہاکہ معرکہ حق کے دوران فیلڈ مارشل سید عاصم منیر نے فرنٹ سے لیڈ کیا، دشمن کے خلاف پوری قوم اپنی بہادر افواج کے شانہ بشانہ تھی، ہمارے بھرپور جواب نے دنیا پر ہماری صلاحیت ثابت کردی، پاکستان امن کا داعی ہے لیکن امن کی خواہش کو کمزوری نہ سمجھا جائے۔صدر آصف علی زرداری نے کہا کہ وطن عزیز کے چپے چپے کا دفاع کرنا جانتے ہیں، اللہ تعالی وطن عزیز کے محافظوں کو اپنی حفظ وامان میں رکھے۔تقریب سے خطاب میں وزیراعظم شہباز شریف نے کہا کہ ایک تاریخی اور قابل فخر دن ہے، ہم اپنے ہیروز کی خدمات کے معترف ہیں، ہماری عسکری قیادت نے دشمن کے خلاف بے مثال اور تاریخی فتح حاصل کی، بھرپور اور موثر جواب دیا کہ دشمن گھٹنے ٹیکنے پر مجبور ہوا۔انہوں نے کہا کہ افواج پاکستان نے دشمن کے غرور کو خاک میں ملایا، کشیدہ صورتحال کے دوران فیلڈ مارشل سید عاصم منیر کا جذبہ اور عزم مثالی تھا، وطن عزیز کے لیے فیلڈ مارشل کی خدمات کو خراج تحسین پیش کرتے ہیں۔شہباز شریف نے کہا کہ ملکی خود مختاری اور سلامتی کے لیے فیلڈ مارشل کا کردار بہت اہم ہے، آپریشن بنیان مرصوص کے دوران فیلڈ مارشل عاصم منیر نے قائدانہ کردار ادا کیا، قوم کے بہادر سپوت فیلڈ مارشل عاصم منیر نے نئی تاریخ رقم کی۔

صدر،وزیراعظم نے جنرل عاصم منیر کو بیٹن آف فیلڈ مارشل کے اعزاز سے نواز دیا

آرمی چیف عاصم منیر کو یہ اعزاز بے مثال قیادت اور ملکی دفاع کیلئے گرانقدر خدمات کے اعتراف میں دیا گیا

فیلڈ مارشل عاصم منیر کی زیر صدارت کورکمانڈر کانفرنس نے پاکستان کی سلامتی ہر صورت یقینی بنانے کے لیے تمام اقدامات کرنے کے عزم کا اعادہ کرتے ہوئے کہا ہے کہ خضدار میں سفاکانہ کارروائی بھارتی پشت پناہی میں پراکسیز نے کی، انتشار اور خوف کی فضا پیدا کرنے کے لیے بیرونی سرپرستی میں کام کرنے والے ملک دشمن عناصر کو قومی عزم اور مکمل استعداد کے ساتھ نیست و نابود کر دیا جائے گا۔آئی ایس پی آر کے مطابق فیلڈ مارشل سید عاصم منیر، نشان ِ امتیاز (ملٹری) ، چیف آف آرمی اسٹاف کی زیر صدارت 270 ویں کور کمانڈرز کانفرنس ہوئی جس میں اندرونی اور بیرونی سلامتی کے درپیش چیلنجز اور مجموعی سکیورٹی صورتحال کا تفصیلی جائزہ لیا گیا۔فیلڈ مارشل سید عاصم منیر نے کہا کہ ہم بیرونی جارحیت، دہشت گردی اور انتہا پسندی کے خلاف جاری اپنی مشترکہ جدوجہد میں عوام کے اعتماد اور امیدوں پر پورا اترنے کے لیے پُرعزم ہیں۔پاک فوج کے شعبہ تعلقات عامہ کے مطابق فیلڈ مارشل نے پاکستان کے عوام کی غیر متزلزل حمایت کو خراجِ تحسین پیش کرتے ہوئے کہا کہ پاکستان کے عوام ہماری طاقت کا سرچشمہ ہیں ۔کانفرنس کا آغاز آپریشن بنیان مرصوص اور بلوچستان کے ضلع خضدار میں دہشت گردانہ حملے کے شہداء کے ایصالِ ثواب کیلئے فاتحہ خوانی سے ہوا، فورم کے مطابق بھارت ایک جانب خود کو دہشت گردی کا شکار ظاہر کرتا ہے جبکہ درحقیقت وہ خود دہشت گردی کا مرتکب اور علاقائی عدم استحکام کا مرکز ہے، بھارتی حمایت یافتہ ملک دشمن عناصر کو نیست ونابود کیا جائیگا۔شرکاء کانفرنس کا کہنا تھا کہ یہ سفاکی بھارت کی پشت پناہی سے چلنے والی پراکسیز کے ذریعے کی گئی، جس کے نتیجے میں چار معصوم بچے اور دو بے گناہ افراد شہید ہوئے، فورم نے نہتے شہریوں، بالخصوص معصوم بچوں کو دانستہ نشانہ بنانے کو انسانیت کے بنیادی اصولوں اور بین الاقوامی قوانین کی صریحاً اور قابلِ مذمت خلاف ورزی قرار دیا۔فورم نے معرکہ حق کے شہداء کو زبردست خراج عقیدت پیش کیا جنہوں نے بھارت کی بلا اشتعال جارحیت کے دوران اپنی جانوں کا قیمتی نذرانہ پیش کیا، فورم نے اعادہ کیا کہ شہداء کا خون رائیگاں نہیں جائے گا، پاکستان کے عوام کا تحفظ مسلح افواج کی اولین ترجیح رہے گا۔شرکاء کانفرنس نے فیلڈ مارشل کے سٹریٹجک وژن، غیر متزلزل قیادت اور قومی دفاع کے لیے اُن کی مؤثر اور گراں قدر خدمات کا بھی اعتراف کیا، فورم نے آرمی چیف کو فیلڈ مارشل کا اعزاز ملنے پر مبارکباد پیش کی۔فورم نے اندرونی اور بیرونی سلامتی کے درپیش چیلنجز اور مجموعی سکیورٹی صورتحال کا تفصیلی جائزہ لیا، خاص طور پر  معرکہ حق  کے ایک اہم اور فیصلہ کن مرحلے، آپریشن  بنیان مرصوص  کی کامیاب تکمیل کو سراہا۔شرکا کانفرنس نے پاکستان کی مسلح افواج کی پیشہ وارانہ مہارت، باہمی ہم آہنگی، بلند حوصلے اور قوم کی غیر متزلزل حمایت کو سراہا، فورم نے پاکستانی میڈیا اور "انفارمیشن وارئیرز" کو سراہا جو بھارتی پروپیگنڈے، جعلی خبروں اور جنگی جنون کیخلاف ریاست کے ساتھ قدم ملا کر کھڑے رہے۔شرکا کانفرنس کا کہنا تھا کہ پاکستانی میڈیا نے حقائق اور اعداد و شمار کو درست طریقے سے پیش کرتے ہوئے عوامی اعتماد کو فروغ دیا اور غلط معلومات کا تدارک کیا۔فورم نے پاکستانی نوجوانوں کے جذبے اور متحرک شراکت کو تہہ دل سے سراہا، جن کی قومی حب الوطنی اور جوش و جذبے نے نہ صرف قومی روح کو اُجاگر کیا بلکہ قومی بیانیہ کو مؤثر انداز میں پیش کیا۔شرکا کانفرنس نے سیاسی قیادت کو ان کی دور اندیشی، معرکہ حق کے دوران بے مثال قیادت ، پختہ یقین اور غیر متزلزل عزم کے ساتھ قوم کی رہنمائی پر سلام پیش کیا اور بھارتی مسلح جارحیت کے خلاف کامیابی کو ان عوامل کی مرہونِ منت قرار دیا۔فورم نے پاکستان کے مؤثر اور بروقت دفاعی رسپانس کو مثالی قرار دیا اور پاکستان کی بھرپور جوابی دفاعی کارروائی کو بہترین اور واضح تزویراتی حکمت عملی کا عکاس قرار دیا۔شرکا کانفرنس نے پاکستان کی خود مختاری، علاقائی سالمیت کی بقاء کے لئے کسی بھی بیرونی جارحیت کا مکمل آپریشنل تیاری سے مقابلہ کرنے کے عزم کا اظہار کیا۔فورم نے اعادہ کیا کہ طاقت کے استعمال اور دھمکی آمیز رویے کے ذریعے پاکستان پر دباؤ ڈالنے کی کسی بھی کوشش کو کامیاب نہیں ہونے دیا جائے گا، اس موقع پر قومی مفادات کے تحفظ کے لیے تمام ضروری اقدامات اُٹھانے کے عزم کا اعادہ کیا گیا۔ شرکا کانفرنس نے بلوچستان اور خیبر پختونخوا میں متحرک ہندوستانی حمایت یافتہ دہشت گرد پراکسیوں کی سرکوبی کے لئے تمام وسائل بروئے کار لانے کا اعادہ کیا۔کانفرنس کے شرکا نے کہا کہ پہلگام واقعے کی آڑ میں کی جانے والی جارحیت کی ناکامی پر بھارت پاکستان میں بدامنی پھیلانے کے خفیہ منصوبے پر عملد درآمد کر رہا ہے۔شرکاء کانفرنس نے کہا کہ پاکستان کو کمزور کرنے کے لئے پراکسیوں کا استعمال بھارت کا وتیرہ رہا ہے، پاکستان کسی صورت بھی بیرونی سرپرستی میں ہونے والی دہشت گردی کے ذریعے اپنے امن پر سمجھوتہ کرنے کی اجازت نہیں دے گا۔فورم کے مطابق مسلح افواج، انٹیلی جنس ایجنسیوں اور قانون نافذ کرنے والے اداروں کے درمیان ہم آہنگی کے ساتھ دہشت گرد پراکسیوں اور ان کے سہولت کاروں کا غیر متزلزل عزم کے ساتھ مقابلہ کریں گی۔شرکاء کانفرنس کا کہنا تھا کہ انتشار اور خوف کی فضا پیدا کرنے کے لیے بیرونی سرپرستی میں کام کرنے والے ملک دشمن عناصر کو قومی عزم اور مکمل استعداد کے ساتھ نیست و نابود کر دیا جائے گا، انشاء اللہ۔فورم نے حالیہ کشیدگی کے تناظر میں علاقائی سلامتی اور مشرقی بارڈر پر سکیورٹی کی صورتحال کا تفصیلی جائزہ لیا، فورم نے مقبوضہ کشمیر میں انسانی حقوق کی سنگین اور مسلسل خلاف ورزیوں پر شدید تشویش کا اظہار کیا۔شرکاء کانفرنس نے بھارت کی اشتعال انگیز کارروائیوں کی سخت مذمت کی اور انہیں مقامی سطح پر فطری ردعمل کے جنم کا شاخسانہ قرار دیا، شرکاء نے خطے میں پائیدار امن کے لئے بین الاقوامی برادری کی فوری توجہ اور مؤثر مداخلت کی ضرورت پر زور دیا۔فورم نے کشمیریوں کی حقِ خود ارادیت کے لیے جاری منصفانہ جدوجہد اور ان کی مکمل سفارتی، سیاسی، اخلاقی اور انسانی حمایت کے غیر متزلزل عزم کا اعادہ کیا۔آرمی چیف نے تمام رینکس کے بلند حوصلے، اعلیٰ آپریشنل تیاری، غیر معمولی پیشہ وارانہ صلاحیتوں اور پاکستانی قوم کی غیر متزلزل حمایت کو سراہا، آرمی چیف نے حالیہ کامیابیوں کو اللہ تعالیٰ کا فضل و کرم قرار دیا۔آرمی چیف نے فورم کو درپیش سلامتی کے خطرات کے تناظر میں اعلیٰ ترین آپریشنل تیاری کی ضرورت پر زور دیا۔کانفرنس کے اختتام پر آرمی چیف نے اندرونی استحکام کو یقینی بنانے اور قومی سرحدوں کو محفوظ بنانے میں پاک فوج کے کلیدی کردار پر اعتماد کا اظہار کیا اور اِ س سلسلے میں اٹھائے جانے والے اقدامات کو سراہا۔

شہدا ء کا خون رائیگاں نہیں جائے گا ، پاکستان کے عوام کا تحفظ مسلح افواج کی اولین ترجیح رہے گا،کور کمانڈرز کانفرنس

بیرونی جارحیت، دہشت گردی اور انتہا پسندی کے خلاف عوام کے اعتماد پورا اترنے کے لیے پُرعزم ہیں، فیلڈر مارشل عاصم منیر

پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) لیفٹیننٹ جنرل احمد شریف چوہدری نے کہا ہے کہ پاکستان کی مسلح افواج نے بھارتی فوج کو ایسا سبق سکھایا ہے جو وہ کبھی نہیں بھولیں گے، بھارتی حملے کا مقابلہ کرنے کے لیے جو عسکری منصوبے اپنائے گئے ہیں وہ کئی دہائیوں تک زیر مطالعہ رہیں گے، بھارت سندھ طاس معاہدہ جاری نہیں رکھتا تو کشمیر کی آزادی پر تمام 6 دریا پاکستان کے ہوں گے۔قطر کے نشریاتی ادارے الجزیرہ کو انٹرویو دیتے ہوئے ڈی جی آئی ایس پی آر لیفٹیننٹ جنرل احمد شریف چوہدری نے کہا کہ پاکستانی فوج نے بھارت پر برتری حاصل کی ہے اور حالیہ حملے میں بھارت کو اپنے مقاصد حاصل کرنے سے روک دیا ہے۔لیفٹیننٹ جنرل احمد شریف چوہدری نے کہا کہ پاکستانی فوج کا حوصلہ اور بھارت پر حاصل کی گئی برتری نے عوام کے دلوں میں فوج کی اہمیت کو بڑھا دیا ہے، اور اب فوج عزت اور فخر کی علامت بن چکی ہے۔اس سوال پر کہ حالیہ جھڑپوں میں پاکستان اور بھارت میں سے کون فاتح رہا؟ ترجمان پاک فوج نے کہا کہ ہم ہمیشہ کہتے ہیں کہ جنگ ہماری ہے اور فتح صرف اللہ کی ہے، لہٰذا میرا خیال ہے کہ اس سوال کا جواب بین الاقوامی برادری، پوری دنیا اور غیر جانبدار نگرانوں کے پاس ہے، کیونکہ وہی اس کا درست جواب دے سکتے ہیں۔انہوں نے کہا کہ یہ سوال اس وقت واضح ہو جاتا ہے جب آپ پاکستان کی سڑکوں اور شہروں کا دورہ کریں، اس کا جواب آپ پاکستانی عوام کے چہروں پر دیکھ سکتے ہیں، ان کی خوشیاں اور جشن جو وہ ابھی منا رہے ہیں، لہٰذا اس سوال کا جواب بہت ہی واضح ہے۔لیفٹیننٹ جنرل احمد شریف چوہدری نے کہا کہ معاملہ صرف عسکری میدان تک محدود نہیں ہے، نہ ہی یہ محض فضائی اور زمینی لڑائیوں تک محدود ہے، اس تنازع میں پاکستان نے جھوٹ، فریب، دباؤ، جارحیت اور بھارت کے دیگر کئی پہلوؤں کا پردہ فاش کیا ہے۔انہوں نے کہا کہ پہلگام واقعے کے بعد بھارت نے ایک فرضی کہانی گھڑی، اور پاکستان کا مطالبہ بہت سادہ تھا، اگر آپ کے پاس کسی پاکستانی شہری کے ملوث ہونے کا کوئی ثبوت ہے تو براہِ کرم وہ ثبوت پیش کریں، اسے بین الاقوامی برادری، کسی تیسرے فریق یا کسی معتبر ادارے کے حوالے کریں تاکہ شفاف تحقیقات ہو سکیں، بھارت کے پاس کوئی جواب نہیں تھا، اور آج تک وہ اس کا جواب نہیں دے سکا۔ڈی جی آئی ایس پی آر نے کہا کہ وہ ( بھارت) اپنی فضائیہ کی پوری طاقت اور دستیاب دفاعی نظام کے ساتھ اپنی مرضی کے وقت اور جگہ پر آئے، ہم نے ان کے 6 ہوائی جہاز گرا دیے، لہٰذا ہمیں وہاں برتری حاصل رہی اور ہم نے انہیں سخت ترین سزا دی، دنیا نے دیکھا کہ بھارتی فورسز نے لائن آف کنٹرول اور دوسری سرحدوں پر کئی مقامات پر سفید جھنڈے لہرائے۔انہوں نے کہا کہ ہم نے بھارت پر حملہ نہیں کیا، ہمارا جواب رات کے اندھیرے میں نہیں تھا جیسا کہ بزدل کرتے ہیں، ہم نے اعلان کیا کہ ہم جواب دیں گے، اس لیے تیار رہیں، ہم نے 26 اہداف منتخب کیے اور الحمدللہ، 26 کو نشانہ بنایا۔انہوں نے کہا کہ یہاں تک کہ معلومات کے میدان میں بھی ہم شفاف رہے، ہم نے سچ بولا، جھوٹ نہیں بولا، نہ ہی حقائق کو مسخ کیا، دنیا نے دیکھا کہ ان کا میڈیا اور حکومت مسلسل جھوٹ بولتے رہے اور آج تک مختلف بے بنیاد کہانیاں پیش کر رہے ہیں۔’لہٰذا، میرا مختصر جواب یہ ہے کہ پاکستان کے لوگوں کے چہروں کو دیکھیں اور طویل جواب یہ ہے کہ معاملے کو جس طرح چاہیں جانچیں، الحمدللہ، پاکستان کو وہ فتح نصیب ہوئی جس کا ہم امن کے لیے جشن منا رہے ہیں‘۔لیفٹیننٹ جنرل احمد شریف چوہدری نے کہاکہ بھارتی کہتے ہیں کہ انہوں نے کراچی کی بندرگاہ پر حملہ کیا، کئی ہوائی جہاز گرائے اور کہتے ہیں کہ ہمارے وزیر اعظم کو محفوظ جگہ منتقل کر دیا گیا ہے، یہاں تک کہ ان کے ہائی کمشنر نے جعلی لوگوں کی تصاویر دکھائیں اور کہا کہ وہ دہشت گرد ہیں، جن میں ایک نمازی بھی تھا جو اصل میں ایک عام شہری تھا۔انہوں نے کہا کہ بھارتیوں نے کہا کہ جوہری تابکاری ہوئی ہے، کچھ ہوا ہے، اور عالمی ٹیکنالوجی کے ماہرین کو فوراً مداخلت کرنی چاہیے، لیکن یہ سب جھوٹ تھا، کوئی بھی معتبر اور سنجیدہ ادارہ بھارتی دعووں کو سنجیدگی سے نہیں لیتا۔ترجمان پاک فوج نے کہا کہ بھارت کی ایک بڑی مشکل یہ ہے کہ وہ خود پر حد سے زیادہ اعتماد کرتے ہیں، اور ہمیں معلوم نہیں کہ یہ اعتماد کہاں سے آیا، ان کے پاس غلط اندازے اور مفروضے تھے کہ وہ شہری مقامات، مساجد پر حملہ کریں گے اور کچھ نہیں ہوگا، پاکستان جواب نہیں دے گا، لہٰذا، اب وہ فرضی کہانیاں بنا رہے ہیں اور وہ اس میں ماہر ہیں۔انہوں نے کہا کہ بھارت کے پاس بہت طاقتور میڈیا ہے جبکہ تھیٹر اور فلموں میں بھی وہ پاکستان سے بہت آگے ہیں، پھر بھی، وہ مختلف کہانیاں پیش کرتے رہتے ہیں، مثال کے طور پر، کل انہوں نے کہا کہ پاکستان نے امرتسر میں سکھوں کے مقدس گولڈن ٹیمپل پر حملہ کیا، جو کہ بہت ہی مضحکہ خیز بات ہے۔ترجمان پاک فوج نے کہا کہ ہم اپنی حفاظت کر رہے ہیں، پنجاب کی حفاظت کر رہے ہیں، اور اس علاقے کی تمام مقدس جگہوں اور تمام مذہبی فرقوں کا بہت احترام کرتے ہیں، ہمارے اور سکھوں کے درمیان مشترکہ ثقافت، محبت، اور ایک پنجابی زبان ہے، ہمارا طریقہ نہیں کہ ہم کسی بھی شہری یا مذہبی جگہ پر حملہ کریں، یہ ہمارے اصولوں اور دین کے خلاف ہے۔لیفٹیننٹ جنرل احمد شریف چوہدری نے مزید کہا کہ میرے خیال میں بھارتیوں کو پہلے اپنی ساکھ بنانی ہوگی، اور ساکھ ہزاروں ویب سائٹس بند کرنے، میڈیا پر پابندیاں لگانے یا حکومت پر تنقید کرنے والوں کو قید کرنے سے نہیں بلکہ سچ بولنے سے بنتی ہے، اس کے برعکس، کیا آپ نے حالیہ تنازع کے دوران دیکھا کہ پاکستان نے کوئی صحافی گرفتار کیا؟ نہیں، آپ ایسا نہیں پائیں گے، ہم نے ایسا نہیں کیا، یہی ہمارا پیغام ہے۔انہوں نے کہا کہ ہم اپنے فضائیہ کے جوانوں اور ان کی کارکردگی پر فخر کرتے ہیں اور اس حالیہ فوجی تصادم میں ہم نے زمینی، فضائی اور بحری افواج کے ساتھ ساتھ سیاسی قیادت اور مسلح افواج کے درمیان بھی درمیان ہم آہنگی دیکھی اور ساتھ ہی پوری پاکستانی قوم کے درمیان مضبوط اتحاد دیکھا۔انہوں نے کہا کہ ہمارے پاس ایک مضبوط فولادی دیوار تھی، پاکستان نے ایک مستحکم فولادی دیوار کھڑی کی ہے جو کسی بھی بھارتی جارحیت کے خلاف ہے، یہ دیوار انضمام اور غلبے کی کوششوں کے خلاف سخت مزاحم ہے۔لیفٹیننٹ جنرل احمد شریف چوہدری نے کہا کہ پاکستان کے عوام، ہمارے سفارت کار، میڈیا، تمام سیاسی جماعتوں کے رہنما اور فضائیہ، بحریہ، بری فوج اور دیگر سیکیورٹی ادارے ایک ساتھ مل کر اس جارحیت کا مقابلہ کر رہے تھے، یقیناً ہم اپنے پاکستانی فضائیہ پر فخر کرتے ہیں۔انہوں نے کہا کہ یہ صرف ہمارا فخر نہیں ہے بلکہ 6 اور 7 مئی کی درمیانی شب ہونے والی فضائی جھڑپ کا دنیا نے مشاہدہ کیا ہے اور مجھے یقین ہے کہ یہ واقعہ آئندہ دہائیوں تک ایئر وار کالجز اور فوجی اداروں میں پڑھایا اور زیر بحث رکھا جائے گا۔اس سوال پر کہ کیا آپ توقع کرتے ہیں کہ جوہری ہمسایہ ممالک کے درمیان جنگ بندی قائم رہے گی؟ ترجمان پاک فوج نے کہا کہ جنگ بندی کا مطلب صرف اتنا ہے کہ دونوں فریق ایک دوسرے کے خلاف لڑائی روک دیں، لیکن اصل امن تب ہی آئے گا جب بھارتی اس سیاسی ذہنیت سے آزاد ہو جائیں جو ان پر مسلط ہے، وہ ذہنیت جو جنگ کو اپناتی ہے اور بھارت کی سیاسی اشرافیہ پر حاوی ہے، یہ وہ جنگی جنون ہے جو بھارتی سیاسی منظرنامے پر غالب ہے، اور اس کے تحت وہ مسلمانوں اور اقلیتوں پر جو ظلم ڈھا رہے ہیں، اسے ایک معمول کی بات سمجھتے ہیں۔انہوں نے کہا کہ بھارت میں ایک سنگین مسئلہ ہے، یہ مسئلہ صرف مسلمانوں کے خلاف نہیں، بلکہ عیسائیوں، سکھوں، دیگر برادریوں اور پسماندہ طبقات کے خلاف بھی ہے، وہاں بہت ظلم ہو رہا ہے، لہٰذا جو معاشرہ اس ظلم کا شکار ہے، وہ اس کے خلاف فطری ردعمل ظاہر کرتا ہے، لیکن بھارتی حکومت اس مسئلے کو حل کرنے سے انکاری ہے۔ترجمان پاک فوج نے کہا کہ انتہا پسندی اور ان کے نیٹ ورکس بھی اسی ردعمل کا حصہ ہیں، جنہیں وہ نظر انداز کرنا چاہتے ہیں، یہ ان کا اندرونی مسئلہ ہے، مگر وہ اسے بیرونی مسئلے میں بدل کر پاکستان پر جھوٹے الزام لگاتے ہیں، جب تک یہ اندرونی مسائل حل نہیں ہوں گے، اور کشمیر کا مسئلہ بھی حل نہیں ہوگا، جو ایک بیرونی مسئلہ ہے اور جس میں پاکستان، چین اور بھارت شامل ہیں اور جسے اقوام متحدہ کی قراردادوں اور عوام کی خواہش کے مطابق حل کیا جانا چاہیے، تب تک کوئی حقیقی امن قائم نہیں ہو سکتا۔سندھ طاس معاہدے کی معطلی سے متعلق سوال پر لیفٹیننٹ جنرل احمد شریف چوہدری نے کہا کہ صرف ایک پاگل ہی یہ سوچ سکتا ہے کہ وہ 24 کروڑ انسانوں کا پانی روک سکتا ہے، کوئی ایسا نہیں کر سکتا، ہمیں حقائق کو سمجھنا ہوگا۔انہوں نے کہا کہ حقیقت یہ ہے کہ کشمیر سے 6 دریا بہتے ہیں، جو اقوام متحدہ کی قراردادوں کے مطابق ایک متنازع علاقہ ہے، 1960 میں طویل مذاکرات کے بعد ورلڈ بینک نے ثالثی کر کے ایک معاہدہ کروایا جس کے تحت 3 دریا پاکستان کو اور 3 دریا ہندوستان کو دیے گئے۔انہوں نے کہا کہ اگر بھارت اس معاہدے کی پابندی نہیں کرنا چاہتا، تو یاد رہے کشمیر ایک متنازع علاقہ ہے، اگر کل کشمیر اپنے عوام کی مرضی کے مطابق پاکستان کے ساتھ شامل ہو جاتا ہے، تو یہ تمام 6 دریا پاکستان کے ہوں گے، اور بھارت کو ایک بھاری بوجھ اٹھانا پڑے گا، ہم دیکھیں گے کہ اس کا ہم کس طرح مقابلہ کرتے ہیں، یہی حقیقت ہے۔غزہ کی صورتحال سے متعلق سوال پر ترجمان پاک فوج نے کہا کہ جو کچھ غزہ میں ہو رہا ہے وہ نسل کشی ہے، اور یہ بالکل ناقابل قبول ہے، یہ انسانی ضمیر پر ایک سیاہ داغ ہے، وہاں جو کچھ ہو رہا ہے وہ ہمیں، بحیثیت پاکستان اور بحیثیت عسکری حکام، ایک سبق سکھاتا ہے کہ آپ کے پاس اپنی طاقت ہونی چاہیے، آپ کو مضبوط کھڑا ہونا چاہیے، اور ان کے سامنے ثابت قدم رہنا چاہیے جو سمجھتے ہیں کہ وہ مداخلت کر سکتے ہیں یا اپنی مرضی کے مطابق کچھ بھی کر سکتے ہیں۔انہوں نے کہا کہ اسی لیے ممالک کو اپنی حفاظت کرنی چاہیے اور امت کو اپنی طاقت کو بڑھانا چاہیے، کیونکہ بدقسمتی سے اس دنیا میں کچھ مخصوص سیاسی ذہنیتیں موجود ہیں جو نہ صرف ایسے نسل کشی کے واقعات کا سوچ کرسکتی ہیں بلکہ انہیں عملی جامہ بھی پہنا سکتی ہیں، جیسا کہ ہم غزہ میں دیکھ رہے ہیں اور جیسا ظلم کشمیر کے مسلمانوں اور بھارت میں اقلیتوں پر ہو رہا ہے۔انہوں نے کہا کہ ایک رائج عقیدہ ہے کہ آپ کا مذہب، یا آپ کا ڈی این اے، یا آپ کے جینز آپ کو کمتر یا برتر بناتے ہیں، یہ وہ راستہ نہیں ہے جو انسانیت نے سیکھا ہے، اور نہ ہی یہی طریقہ ہے جس سے پاکستانی اور مسلمان دنیا کو دیکھتے ہیں، ان کا اخلاقی نقطہ نظر اور زندگی کا انداز مختلف ہے، لہٰذا، اگر ایسی اخلاقی گراوٹ ہو جائے تو انسان کو اٹھ کھڑا ہونا چاہیے اور پاکستانی روزانہ یہی کچھ کرنے کوشش کرتے ہیں۔

بھارت سندھ طاس معاہدہ جاری نہیں رکھتا تو کشمیر کی آزادی پر تمام 6 دریا پاکستان کے ہونگے، ترجمان پاک فوج

پاکستان کی مسلح افواج نے بھارتی فوج کو ایسا سبق سکھایا ہے جو وہ کبھی نہیں بھولیں گے، ڈی جی آئی ایس پی آر کاالجزیرہ کوانٹرویو

بحیرہ عرب میں ہوا کا کم دباؤ تشکیل پا گیا، ترجمان محکمہ موسمیات کا کہنا ہے کہ ہوا کا کم دباؤ آئندہ 24 گھنٹوں میں شدت اختیار کر کے ڈپریشن میں تبدیل ہوگا۔محکمہ موسمیات کے مطابق یہ سسٹم کراچی سے تقریباً 1075 کلومیٹر جنوب مشرق میں واقع ہے اور آئندہ 36 گھنٹوں میں اس کی شدت میں اضافہ ہو کر یہ ڈپریشن کی شکل اختیار کر سکتا ہےانہوں نے بتایا کہ جیسے ہی سسٹم قریب آیے گا تو ساحلی علاقوں سے سمندری ہوائیں معطل ہوجائے گی۔محکمہ موسمیات کا کہنا ہے کہ ابتدائی طور پر یہ سسٹم شمال کی جانب بڑھے گا، تاہم فی الحال پاکستان کے کسی ساحلی علاقے کو اس سے کوئی خطرہ نہیں ہے۔مزید بتایا گیا ہے کہ محکمہ موسمیات کا سائیکلون وارننگ سینٹر اس سسٹم پر مسلسل نظر رکھے ہوئے ہے۔دوسری جانب ساحلی علاقوں کے علاوہ پورا سندھ ہیٹ ویو کی لپیٹ میں ہے، ملک میں ہیٹ ویو کا سلسلہ 24 مئی تک جاری رہے گا، کراچی میں ہوامیں نمی کا تناسب 72 فیصد ہونے کے سبب گرمی کی شدت میں اضافہ متوقع ہے۔محکمہ موسمیات کے مطابق شہر میں 15 کلو میٹر فی گھنٹہ کی رفتار سے جنوب مغربی ہوا چل رہی ہے اور آئندہ دو روز تک گرمی کا زور برقرار رہنے کا امکان ہے

بحیرہ عرب میں ہوا کا کم دباؤ بن گیا، سمندری طوفان میں تبدیل ہونے کا خدشہ

فی الحال پاکستان کے کسی ساحلی علاقے کو اس سے کوئی خطرہ نہیں ہے، ترجمان محکمہ موسمیات

سپریم کورٹ کے 11 رکنی آئینی بنچ نے مخصوص نشستوں کے کیس میں سنی اتحاد کونسل کی جانب سے دائر کردہ اعتراض پر محفوظ فیصلہ سنا دیا۔سپریم کورٹ نے سنی اتحاد کونسل کی متفرق درخواستوں پر مختصر فیصلہ سناتے ہوئے مخصوص نشستوں سے متعلق نظر ثانی کی درخواستوں پر سماعت براہ راست نشتر کرنے سے متعلق درخواست منظور کرلی تاہم بینچ کی تشکیل پر اعتراض سے متعلق تینوں درخواستیں مسترد کردیں۔سنی اتحاد کونسل نے عدالت میں مؤقف اختیار کیا تھا کہ مخصوص نشستوں سے متعلق نظرثانی کی درخواستیں موجودہ بینچ نہ سنے، اور یہ کہ پہلے 26 ویں آئینی ترمیم کی سماعت کی جائے۔ تاہم عدالت نے دونوں مطالبات مسترد کرتے ہوئے قرار دیا کہ مخصوص نشستوں کے مقدمے کی کارروائی موجودہ بینچ ہی جاری رکھے گا۔عدالت عظمیٰ کے فیصلے کے بعد مخصوص نشستوں کے کیس کی سماعت بغیر کسی رکاوٹ کے آگے بڑھے گی، جبکہ 26 ویں آئینی ترمیم سے متعلق پہلے سننے کی سنی اتحاد کونسل کی درخواست بھی مسترد کردی۔سپریم کورٹ کے 11 رکنی بینچ نے متفقہ طور پر عدالتی کارروائی براہ راست دکھانے کی متفرق درخواست منظور کرلی۔جسٹس امین الدین خان نے مختصر حکمنامہ سنایا، آئینی بینچ نے کہا کہ تفصیلی فیصلہ بعد میں جاری کیا جائے گا، آئینی بینچ نے کیس کی سماعت پیر تک ملتوی کردی۔سپریم کورٹ نے عدالتی کارروائی براہ راست دکھانے کیلئے آئی ڈیپارٹمنٹ کو انتظامات کرنے کی ہدایت کردی۔

مخصوص نشستوں کا کیس،سنی اتحاد کونسل کا اعتراض مسترد، 11 رکنی آئینی بنچ برقرار

سپریم کورٹ نے مخصوص نشستوں سے متعلق کیس کو براہ راست نشر کرنے کی اجازت دیدی

پاکستان سپر لیگ (پی ایس ایل) کا دسواں ایڈیشن اپنے اختتامی مرحلے کی طرف گامزن ہے۔ پی ایس ایل10 میں آج ایلیمینیٹر میچ کھیلا جائے گا جس میں لاہور قلندرز اور کراچی کنگز کی ٹیمیں قذافی اسٹیڈیم ،لاہورمیں آمنے سامنے ہوں گی ۔ میچ رات ساڑھے7بجے شروع ہو گا اورٹیپمیڈپربراہ راست دکھایاجائے گا۔لاہور قلندرز کی ٹیم مایہ ناز بائولنگ آل رائونڈر شاہین شاہ آفریدی کی قیادت میں میدان میں اترے گی ، اس ٹیم میں عبداللہ شفیق،آصف علی،فخرزمان،شکیب الحسن،حارث رئوف،زمان خان اور سلمان مرزا جیسے بہترین کھلاڑی شامل ہیں ۔کراچی کنگز کو مایہ ناز آسٹریلوی اوپننگ بلے باز ڈیوڈ وارنر لیڈ کریں گے اور انہیں ٹم سیفرٹ ،جیمز وینس،سعد بیگ،عرفان خان،خوشدل شاہ،محمد نبی،میر حمزہ،حسن علی اور عامر جمال جیسے کھلاڑیوں کی خدمات حاصل ہیں۔ایونٹ کے پہلے مرحلے میں کراچی کنگز نے 10میں سے 6میچز جیتے اور 4 میں ناکامی کا سامنا کرنا پڑا۔ لاہور قلندرز نے اپنے کھیلے گئے 10 میچز میں سے 5میں کامیابی سمیٹی، 4 میچز ہارے جبکہ ایک میچ بے نتیجہ رہا۔ دونوں ٹیمیں اس اہم میچ کو جیتنے کے لیے پرجوش ہیں، کیونکہ جو ٹیم ہارے گی وہ ٹورنامنٹ سے باہر ہو جائے گی، جبکہ جیتنے والی ٹیم ایلیمینیٹر 2 میں کوالیفائر میچ کی ہارنے والی ٹیم سے کل، جمعہ 23 مئی کو مقابلہ کرے گی۔ایلیمینیٹر 2 کی فاتح ٹیم پی ایس ایل 10 کے فائنل میں جگہ بنائے گی، جو اتوار، 25 مئی کو کھیلا جائے گا۔

پی ایس ایل10، کراچی کنگز اورلاہور قلندرزآج پہلے ایلیمینیٹر میں آمنے سامنے آئینگی

میچ شام ساڑھے 7بجے شروع ہوگا،آج کے میچ کی فاتح ٹیم کل دوسرے  ایلیمینیٹرمیں اسلام آبادیونائیٹڈ کا مقابلہ کرے گی

امریکی صدر ڈونلڈ ٹرمپ نے اپنا دعویٰ دہراتے ہوئے کہا ہے کہ پاکستان اور بھارت کے درمیان جنگ بندی میں نے کرائی۔تفصیلات کے مطابق ٹرمپ نے ایک بار پھر پاک بھارت کشیدگی میں کمی کا سہرا اپنے سر باندھتے ہوئے کہا ہے کہ دونوں ممالک کے درمیان جنگ بندی اُن کی مداخلت سے ممکن ہوئی۔وائٹ ہاؤس میں جنوبی افریقا کے صدر سیرل رامافوسا کے ساتھ پریس بریفنگ کے دوران ٹرمپ نے کہا کہ میں نے دونوں ممالک سے کہا کہ یہ کیا کر رہے ہو؟ اُن کے مطابق دونوں ملکوں کے درمیان کشیدگی بڑھ رہی تھی، اور پھر انہوں نے تجارت کے ذریعے تنازعہ حل کرایا۔ٹرمپ نے کہا کہ امریکا بھارت اور پاکستان دونوں کے ساتھ بڑے تجارتی معاہدے کر رہا ہے اور خطے میں امن کے فروغ کے لیے واشنگٹن بھرپور کردار ادا کرتا رہے گا۔ٹرمپ کا کہناتھا کہ پاکستان کے لوگ بہترین اور لیڈر عظیم ہیں، بھارت میں میرا دوست نریندر مودی ہے۔پریس بریفنگ کے دوران جب ٹرمپ نے جنوبی افریقا کے مسائل پر بات کی، تو صدر رامافوسا نے مزاحیہ انداز میں جواب دیا،سوری، میرے پاس آپ کو دینے کے لیے طیارہ نہیں ہے جس پر ہال میں قہقہے گونج اُٹھے۔واضح رہے کہ پاکستانی افواج کے معرکہ حق کے بعد ٹرمپ نے اپنے سوشل میڈیا پلیٹ فارم ٹروتھ سوشل پر بھی 10 مئی کو ایک پیغام میں دعویٰ کیا تھا کہ پاکستان اور بھارت جنگ بندی پر متفق ہوگئے ہیں۔تاہم بھارت کی جانب سے ان دعوؤں کو مسترد کیا گیا ہے۔چند روز قبل بھارتی سیکرٹری خارجہ وکرم مسری نے ایک پارلیمانی کمیٹی کو بریفنگ دیتے ہوئے کہا تھا کہ پاک بھارت فائربندی ایک مکمل طور پر دوطرفہ عمل تھا، اس میں امریکی صدر کا کوئی کردار نہیں تھا۔

بھارتی بیانیہ مسترد، پاکستان اور بھارت کے درمیان جنگ بندی میں نے کرائی،امریکی صدر ٹرمپ

پاکستان اور بھارت کوتجارت بڑھانے اوربڑی ڈیل کا پیغام دیا، دنیا میں امن قائم کرنا چاہتا ہوں، امریکی صدر

امریکا کے دارالحکومت واشنگٹن ڈی سی میں فائرنگ کے ایک واقعے میں اسرائیلی سفارت خانے کے دو اہلکار ہلاک ہو گئے۔قطری نشریاتی ادارے الجزیرہ کے مطابق فائرنگ کا واقعہ اس وقت پیش آیا جب جیوش میوزیم کے قریب امریکی یہودی کمیٹی کی جانب سے ایک تقریب منعقد کی جا رہی تھی، نامعلوم حملہ آور نے باہر موجود دو افراد کو گولیاں مار دیں۔امریکی سیکیورٹی چیف نے تصدیق کی ہے کہ ہلاک ہونے والے دونوں افراد اسرائیلی سفارتی عملے کے رکن تھے۔ہوم لینڈ سیکیورٹی کے محکمے کی سیکریٹری کرسٹی نوم نے سوشل میڈیا پلیٹ فارم ایکس پر مطلع کیا ہے کہ ’اسرائیلی سفارت خانے کے 2 اہلکاروں کو آج رات واشنگٹن ڈی سی میں یہودی میوزیم کے قریب قتل کر دیا گیا۔میٹروپولیٹن پولیس کی سربراہ پامیلا اسمتھ نے ایک پریس کانفرنس میں صحافیوں کو بتایا کہ شکاگو سے مشتبہ شوٹر کو حراست میں لیا گیا ہے۔پولیس سربراہ کے مطابق ہلاک ہونے والے اسرائیلی اہلکاروں میں ایک مرد اور ایک خاتون شامل ہیں۔میٹروپولیٹن پولیس کی سربراہ پامیلا اسمتھ کے مطابق گرفتار مشتبہ شخص نے میوزیم کے باہر ہینڈگن سے حملہ کیا، تاہم اس کے فوری بعد تقریب کی سیکیورٹی نے مشتبہ شخص کو حراست میں لے لیا۔پولیس کے مطابق حملہ آور کی شناخت 30 سالہ الیاس روڈریگز کے نام سے ہوئی ہے۔ حملہ آور نے دوران حراست ’آزاد فلسطین’ کا نعرہ لگایا۔

امریکا،واشنگٹن میں فائرنگ سے اسرائیلی سفارتخانے کے 2 اہلکار ہلاک

اسرائیلی سفارت کاروں کو قتل کرنے کے بعد قاتل نے ’’فری فلسطین‘‘ کے نعرے لگائے،پولیس حکام

Pakistan Champions Trophy 2025 squad: Babar Azam, Mohammad Rizwan, Salman Ali Agha, Kamran Ghulam..

Likely Pakistan Squad for Champions Trophy 2025 Revealed

Multiple reports have emerged in the media suggesting that the Pakistan team selection committee has finally come up with a list of squad for the ICC Champions Trophy 2025, but the official announcement is awaiting Saim Ayub&rsquo;s complete medical reports.&nbsp;

The likely Pakistan squad for Champions Trophy 2025 includes star players like Babar Azam, Mohammad Rizwan, Shaheen Afridi, Naseem Shah, Haris Rauf, and Salman Ali Agha.&nbsp;

As per various sources, the PCB is waiting to receive opening batsman Saim Ayub&rsquo; complete medical reports before making an official announcement regarding the squad.&nbsp;

Except for host nation Pakistan, all other teams have officially announced their squads for the upcoming edition of Champions Trophy.&nbsp;

As per ICC regulations, the squad must be finalized by February 11, 2025.

Likely Pakistan squad for Champions Trophy 2025:

Babar Azam, Mohammad Rizwan, Salman Ali Agha, Kamran Ghulam, Tayyab Tahir, Shaheen Shah Afridi, Naseem Shah, Haris Rauf, Abrar Ahmed, Sufyan Maqeem, Irfan Khan, Fakhar Zaman, Mohammad Hasnain, Haseebullah, and Imam-ul-Haq.

Explosive batsman Fakhar Zaman will be making a comeback, whereas opening batsman Abdullah Shafique has been left out due to his consistent underwhelming performances.&nbsp;

The Men in Green have a good chance of testing out different squad combinations during the tri-series set to be played between Pakistan, South Africa, and New Zealand.&nbsp;

Probable Pakistan Squad for Champions Trophy 2025

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan