Cricket

Entertainment

Football

ایمسٹرڈیم (این این آئی)اسرائیلی مظالم کے خلاف اور غزہ کے شہید بچوں کی یاد میں نیدرلینڈز میں ہزاروں جوتے رکھ کر منفرد احتجاج ریکارڈ کروایا گیا۔ نیدرلینڈز کے  شہر المیرے کے ٹان اسکوائر میں غزہ میں جاری اسرائیلی مظالم کے خلاف اور غزہ کے بچوں حق میں لوگوں نے بچوں کے ہزاروں جوتے سڑک پر رکھ کر منفرد احتجاج کیا۔ نیدرلینڈز میں گزشتہ سال بھی لوگوں نے غزہ کے بچوں کے حق میں اس طرح کے مظاہرے کیے تھے اور ایسے ہی ایک مظاہرے میں مقامی تنظیم نے ڈچ شہر روٹرڈیم کے مرکزی چوک پر بچوں کے 8 ہزار جوتے رکھ کر عالمی بے حسی کو آئینہ دکھانے کی کوشش کی تھی۔ اقوام متحدہ کے ادارے یونیسیف کی ایک رپورٹ کے مطابق غزہ میں  اکتوبر 2023 سے جاری اسرائیلی حملوں میں اب تک 50 ہزار بچے شہید یا  زخمی ہوچکے ہیں۔

نیدرلینڈز کے عوام کا غزہ کے شہید بچوں کے حق میں منفرد احتجاج

شہید بچوں کی یاد میں نیدرلینڈز میں ہزاروں جوتے رکھ کر منفرد احتجاج ریکارڈ کروایا گیا

سپریم کورٹ کے مخصوص نشستوں کے نظرثانی فیصلے کے بعد پاکستان تحریک انصاف (پی ٹی آئی) نے ایک بار پھر عدالتِ عظمیٰ کا رخ کرلیا ہے۔ میڈیارپورٹس کے مطابق پی ٹی آئی کی جانب سے سپریم کورٹ کے رجسٹرار کو ایک باضابطہ خط لکھا گیا ہے، جس میں 27 جون کو سنائے گئے فیصلے سے متعلق وضاحت طلب کی گئی ہے۔یہ خط پارٹی کے سیکرٹری جنرل، سلمان اکرم راجہ کی جانب سے تحریر کیا گیا، جس میں موقف اختیار کیا گیا ہے کہ فیصلے کے ساتھ جاری کیے گئے "آرڈر آف دی کورٹ" پر صرف 10 ججز کے دستخط موجود ہیں، حالانکہ بنچ 12 ججز پر مشتمل تھا۔خط میں نشاندہی کی گئی ہے کہ جسٹس صلاح الدین پنہور بنچ سے علیحدہ ہوگئے تھے، جبکہ جسٹس جمال مندوخیل، جسٹس مظہر نقوی اور جسٹس حسن اظہر رضوی کی آرا الگ تھیں۔ اس بنا پر پی ٹی آئی نے مطالبہ کیا ہے کہ تمام جج صاحبان کے انفرادی فیصلوں کی مصدقہ نقول جاری کی جائیں۔یاد رہے کہ 27 جون کو سپریم کورٹ کے آئینی بینچ نے مخصوص نشستوں سے متعلق نظرثانی درخواستوں پر مختصر فیصلہ سنایا تھا، جس میں پشاور ہائی کورٹ کا فیصلہ بحال کرتے ہوئے تحریک انصاف کو خواتین اور اقلیتوں کی مخصوص نشستوں سے محروم کردیا گیا تھا۔ عدالتی فیصلے کے مطابق یہ نشستیں حکومتی اتحاد کی جماعتوں، مسلم لیگ (ن)، پیپلز پارٹی اور دیگر اتحادیوں کو دی جائیں گی۔

مخصوص نشستوں کا فیصلہ،پی ٹی آئی دوبارہ سپریم کورٹ پہنچ گئی

پی ٹی آئی کا مخصوص نشستوں کے فیصلے پر 12 ججز کے دستخط شدہ آرڈر جاری کرنے کا مطالبہ

ایجسٹن (این این آئی)ورلڈ چیمپیئنزآف لیجنڈز کپ کامیلہ انگلینڈ میں سجنے کو تیارہے، قومی ٹیم یونس خان کی قیادت میں اِن ایکشن ہوگی، 18 جولائی کوپہلے میچ میں میزبان انگلینڈ سے سامنا ہوگا۔ پاک بھارت ٹاکرا 20 جولائی کو ایجبسٹن میں شیڈول ہے۔تفصیلات کے مطابق کرکٹ شائقین کرکٹ کیلئے بڑی خوشخبری، ورلڈ چیمپیئنز آف لیجنڈز کپ کا میلہ انگلینڈ میں سجنے کو تیار ہے، جہاں دنیا بھر کے لیجنڈری کھلاڑی ایک بار پھر میدان میں اتر کر شائقین کو ماضی کی یادیں تازہ کرائیں گے۔پاکستان کا پہلا مقابلہ 18 جولائی کو میزبان انگلینڈ کے خلاف شیڈول ہے، جو ٹورنامنٹ کا افتتاحی میچ بھی ہوگا۔ اس مقابلے سے ورلڈ لیجنڈز کپ کا باقاعدہ آغاز ہو گا۔شائقین کرکٹ کی سب سے بڑی دلچسپی کا مرکز پاکستان اور بھارت کا ٹاکرا 20 جولائی کو ایجبسٹن، برمنگھم میں ہوگا۔ دونوں ٹیموں کے مابین یہ مقابلہ روایتی جوش و خروش اور کرکٹ کے اعلیٰ معیار سے بھرپور ہوگا۔پاکستان کا مکمل شیڈول جاری کردیاگیا ہے جس کے مطابق 18 جولائی پاکستان بمقابلہ انگلینڈ، 20 جولائی پاکستان بمقابلہ بھارت (ایجبسٹن) 25 جولائی پاکستان بمقابلہ جنوبی افریقہ 26 جولائی پاکستان بمقابلہ ویسٹ انڈیز۔ 29 جولائی پاکستان بمقابلہ آسٹریلیا ہوگا۔ورلڈ چیمپیئنز آف لیجنڈز کپ میں شریک ٹیموں میں پاکستان، بھارت، انگلینڈ، آسٹریلیا، جنوبی افریقہ اور ویسٹ انڈیز شامل ہیں۔ ہر ٹیم میں اپنے دور کے عظیم کھلاڑی شامل ہوں گے، جو ایک مرتبہ پھر قومی رنگوں میں جلوہ گر ہوں گے۔شائقین کرکٹ نہ صرف روایتی حریفوں کے درمیان دلچسپ مقابلے دیکھنے کیلئے پرجوش ہیں بلکہ اپنے پسندیدہ سابق اسٹارز کو ایکشن میں دیکھنے کے لیے بھی بے تاب ہیں۔

ورلڈ چیمپئن شپ آف لیجنڈز، پاکستان اور بھارت 20 جولائی کو مد مقابل ہونگے

قومی ٹیم یونس خان کی قیادت میں اِن ایکشن ہوگی، 18 جولائی کوپہلے میچ میں میزبان انگلینڈ سے سامنا ہوگا

لاہور (این این آئی)پاکستانی اداکارہ اور رقاصہ مہر بانو نے انکشاف کیا ہے کہ انٹرٹینمنٹ انڈسٹری میں فنکاروں کو کام کے بدلے ناجائز مطالبات اور ہراسانی کا سامنا کرنا پڑتا ہے اور صرف خواتین نہیں، بلکہ مرد فنکار بھی اس کا شکار بنتے ہیں۔شوبز کی چمک دمک کے پیچھے چھپے ہراسانی کےمعاملے پر پاکستانی اداکارہ و رقاصہ مہر بانو نے کھل کر بات کی ہے۔ٹیکسالی گیٹ کی اسٹار اور بیرون ملک مقیم پاکستانی فنکارہ مہر بانو نے انکشاف کیا ہے کہ فنکاروں کو کام دینے کے عوض بڑی بڑی ڈیمانڈز اور ناجائز مطالبات کیے جاتے ہیں، اور اس انڈسٹری میں اکثر لڑکے اور لڑکیاں دونوں ہی ہراسانی کا سامنا کرتے ہیں۔ مہر بانو، جو اپنی بے باک شخصیت اور جرات مندانہ بیانیے کے باعث سوشل میڈیا پر ہر لمحہ موجود رہتی ہیں، حال ہی میں نجی ٹی وی چینل کے پروگرام میں شریک ہوئیں۔ تابش ہاشمی کی میزبانی میں ہونے والے اس پروگرام میں انہوں نے انڈسٹری کے ان پہلوں پر روشنی ڈالی، جو اکثر پردے میں رہتے ہیں۔پروگرام کے دوران ایک نوجوان کے سوال پر مہر بانو نے اعتراف کیا کہ جیسے ہر انڈسٹری کے سیاہ پہلو ہوتے ہیں، ویسے ہی شوبز میں بھی فنکاروں کو طاقتور لوگوں کی جانب سے دبا کا سامنا رہتا ہے اور کام دلانے کے عوض ان سے نامناسب مطالبات کیے جاتے ہیں۔انہوں نے واضح کیا کہ اس انڈسٹری میں خوبصورت چہرے اور دلکش شخصیات کی موجودگی کے باعث لوگ آسانی سے نشانہ بن جاتے ہیں اور ہراسانی کا شکار ہو جاتے ہیں۔اداکارہ نے مزید کہا کہ اکثر لڑکے یا لڑکیاں دونوں کو ہراسانی کا سامنا کرنا پڑتا ہے، جو صنعت میں جنس کی بنیاد پر ہونے والے استحصال کی جانب ایک اہم اشارہ ہے۔ ان کے بقول، یہ مسئلہ صنعت کا ایک ایسا سیاہ پہلو ہے جس پر کھل کر بات کرنے کی ضرورت ہے۔

کام کے بدلے ناجائز مطالبات: مہر بانو کا شوبز انڈسٹری میں ہراسانی کا انکشاف

اکثر لڑکے یا لڑکیاں دونوں کو ہراسانی کا سامنا کرنا پڑتا ہے، اداکارہ ورقاصہ مہر بانو

کراچی (این این آئی)محکمہ موسمیات کا کہنا ہے کہ مون سون کا پہلا اسپیل کراچی سے رخصت ہوگیا جبکہ شہر میں مون کا دوسرا اسپیل 5جولائی سے انٹری دے گا۔محکمہ موسمیات کے مطابق 5 یا 6 جولائی سے سندھ میں مون سون کا نیا اسپیل داخل ہوگا، کراچی سمیت مختلف شہروں میں بارشیں متوقع ہیں۔ محکمہ موسمیات کے مطابق شہر میں موسم جزوی طور پر ابرآلود رہے گا جبکہ ہوا میں نمی کا تناسب 68 فیصد تک ریکارڈ کیا گیا ہے۔محکمہ موسمیات کے مطابق اس وقت شہر کا درجہ حرارت 32 ڈگری سینٹی گریڈ ہے جبکہ گرمی کی شدت 36 ڈگری سینٹی گریڈ تک محسوس کی جا رہی ہے۔دوسری جانب پاکستان میں قدرتی آفات سے نمٹنے والے ادارے نیشنل ڈیزاسٹرمنیجمنٹ اتھارٹی (این ڈی ایم اے) نے آئندہ 4 روز تک مون سون بارشوں کی پیش گوئی کرتے ہوئے ممکنہ سیلاب کا الرٹ جاری کر دیا ہے۔این ڈی ایم اے کے مطابق 5 جولائی تک کشمیر، اسلام آباد، پوٹھوہار، خیبرپختونخوا میں موسلادھار بارشیں متوقع ہیں اور ممکنہ بارشوں کے نتیجے میں پشاور، چارسدہ، نوشہرہ اور کوہاٹ میں سیلاب کا خدشہ ہے۔

مون سون کا دوسرا اسپیل 5 جولائی سے سندھ میں داخل ہوگا

کراچی سمیت مختلف شہروں میںپانچ یا6جولائی سے بارشیں متوقع ہیں، محکمہ موسمیات

نائب وزیراعظم اور وزیر خارجہ اسحاق ڈار نے کہا ہے کہ پاکستان اپنے شہریوں کو بھارتی آبی جارحیت کے نتیجے میں یرغمال نہیں بننے دے گا۔اسلام آباد میں انسٹیٹیوٹ آف اسٹریٹجک اسٹڈیز کے 52ویں یومِ تاسیس کے موقع پر خطاب کرتے ہوئے نائب وزیراعظم و وزیر خارجہ اسحاق ڈار نے کہا کہ پاکستان اپنی خودمختاری اور علاقائی سالمیت کے دفاع کے لیے پرعزم ہے۔ انہوں نے بھارت کو سخت پیغام دیتے ہوئے کہا کہ بھارت پاکستان پر اپنی مرضی مسلط نہیں کر سکتا اور اپنی پالیسیوں پر نظرِثانی کرے۔اسحاق ڈار نے واضح کیا کہ پہلگام حملے کے بعد بھارت نے جارحیت کی کوشش کی، جس کا پاکستان نے فوری اور مؤثر جواب دیا۔ ان کا کہنا تھا کہ بھارت سندھ طاس معاہدے کو یکطرفہ طور پر معطل کرنے کا اختیار نہیں رکھتا، اگر بھارت پانی کو بطور ہتھیار استعمال کرتا ہے تو یہ جنگی اقدام سمجھا جائے گا۔ پاکستان کبھی بھی 24 کروڑ عوام کو یرغمال نہیں بننے دے گا۔انہوں نے مسئلہ کشمیر کو اقوام متحدہ کی قراردادوں کے مطابق حل کرنے کی ضرورت پر زور دیتے ہوئے کہا کہ اس کے بغیر خطے میں پائیدار امن ممکن نہیں۔اسحاق ڈار نے مشرقِ وسطیٰ کی صورتحال پر تشویش کا اظہار کرتے ہوئے ایران کے دفاع کے حق کی بھرپور حمایت کی۔ ان کا کہنا تھا کہ پاکستان، ایران کے قانونی مؤقف کا حامی ہے اور دونوں ممالک کے درمیان جنگ بندی کا خیرمقدم کرتا ہے۔ انہوں نے کہا کہ ایران کے جوہری مسئلے کا حل صرف مذاکرات کے ذریعے ممکن ہے۔

بھارت پاکستان پر اپنی مرضی مسلط نہیں کر سکتا، پالیسیوں پر نظرثانی کرے، نائب وزیراعظم

پاکستان اپنے شہریوں کو بھارتی آبی جارحیت کے نتیجے میں یرغمال نہیں بننے دے گا، اسحاق ڈار کا خطاب

اظہر محمود کو پی سی بی میں نیا عہدہ مل گیاپاکستان کرکٹ بورڈ (پی سی بی) نے اظہر محمود کو قومی ٹیسٹ ٹیم کا عبوری ہیڈ کوچ مقرر کرنے کا اعلان کر دیا ہے۔ ان کی پہلی اسائمنٹ جنوبی افریقا کے خلاف ٹیسٹ سیریز ہوگی۔ تفصیلات کے مطابق پاکستان کے سابق آل راؤنڈر اظہر محمود کو قائم مقام ریڈ بال ہیڈ کوچ مقرر کر دیا گیا،اظہر محمود کی پہلی اسائمنٹ جنوبی افریقا کے خلاف ٹیسٹ سیریز ہوگی۔پی سی بی کے مطابق اظہر محمود اپنے موجودہ معاہدے کے اختتام تک اس عہدے میں کام کریں گے۔ پی سی بی حکام کو یقین ہے کہ اظہر محمود کی زیر نگرانی پاکستان ٹیم  ٹیسٹ کرکٹ میں اچھی کارکردگی دکھائے گی۔اظہر محمود ایک تجربہ کار کرکٹنگ ذہن کے طور پر جانے جاتے ہیں، جو ماضی میں قومی ٹیم کے اسسٹنٹ ہیڈ کوچ کے طور پر بھی خدمات انجام دے چکے ہیں۔ ٹیم کی حکمتِ عملی کے اہم ستون کے طور پر ان کا کردار ہمیشہ نمایاں رہا ہے۔ ان کا کھیل سے گہرا تعلق، بین الاقوامی سطح پر عملی تجربہ اور انگلش کاؤنٹی سرکٹ میں کامیابیاں انہیں اس عہدے کے لیے موزوں بناتی ہیں۔اظہر محمود کی قیادت میں انگلش کاؤنٹی چیمپئن شپ کے دو ٹائٹل جیتنا ان کی صلاحیتوں، منصوبہ بندی کی مہارت اور اعلیٰ کارکردگی کے عزم کا ثبوت ہے۔پی سی بی کے مطابق اظہرمحمود کی سرپرستی میں پاکستان کی ٹیسٹ ٹیم عالمی سطح پر مزید مضبوط، منظم اور کامیاب ثابت ہوگی۔

پی سی بی نے اظہر محمود کو قومی ٹیسٹ ٹیم کا عبوری ہیڈ کوچ مقرر کرنے کا اعلان کر دیا

اظہر محمود اپنے موجودہ معاہدے کے اختتام تک اس عہدے میں کام کریں گے، ترجمان پی سی بی

وفاقی حکومت نے امریکی عدالت میں ڈاکٹر عافیہ صدیقی کے مقدمے میں عدالتی معاونت فراہم کرنے اور فریق بننے سے انکار کر دیا ہے۔ اس حوالے سے اسلام آباد ہائی کورٹ میں جسٹس سردار اعجاز اسحاق خان نے ڈاکٹر فوزیہ صدیقی کی جانب سے دائر کردہ درخواست پر سماعت کی، جو ڈاکٹر عافیہ صدیقی کی صحت اور وطن واپسی سے متعلق ہے۔سماعت کے دوران درخواست گزار کے وکیل عمران شفیق، ایڈیشنل اٹارنی جنرل اور دیگر متعلقہ حکام عدالت میں پیش ہوئے۔ عدالت نے وفاقی حکومت سے استفسار کیا کہ وہ امریکہ میں زیر سماعت مقدمے کا فریق کیوں نہیں بننا چاہتی۔ایڈیشنل اٹارنی جنرل نے عدالت کو بتایا کہ حکومت نے امریکہ میں کیس کا فریق نہ بننے کا فیصلہ کیا ہے، تاہم وجوہات کی وضاحت نہیں کی گئی۔ اس پر جسٹس اعجاز اسحاق خان نے ریمارکس دیے کہ کوئی بھی فیصلہ وجوہات کے بغیر نہیں ہوتا، خاص طور پر جب وہ اٹارنی جنرل یا حکومت کی جانب سے ہو۔ انہوں نے کہا کہ یہ ایک آئینی عدالت ہے، اور یہاں وجوہات کے بغیر کوئی فیصلہ قابل قبول نہیں۔عدالت نے حکومت کو آئندہ سماعت پر مکمل وضاحت کے ساتھ وجوہات پیش کرنے کی ہدایت کی اور کیس کی سماعت 4 جولائی (جمعہ) تک ملتوی کر دی۔

وفاقی حکومت نے امریکی عدالت میں ڈاکٹر عافیہ صدیقی کیس میں فریق بننے سے انکار کردیا

عدالت نے حکومت کو آئندہ سماعت پر مکمل وضاحت کیساتھ وجوہات پیش کرنے کی ہدایت کرتے ہوئے سماعت4جولائی تک ملتوی کردی

جنوبی افریقہ کے اسپنر کیشو مہاراج نے ٹیسٹ کرکٹ میں شاندار کارکردگی دکھاتے ہوئے ایک نئی تاریخ رقم کر دی ہے۔ انہوں نے زمبابوے کے خلاف جاری پہلے ٹیسٹ میچ کے دوران اپنی 200 وکٹیں مکمل کر کے یہ اعزاز حاصل کیا کہ وہ جنوبی افریقا کے پہلے اسپنر بن گئے جنہوں نے ٹیسٹ کرکٹ میں یہ سنگِ میل عبور کیا ہے۔35 سالہ مہاراج نے یہ کارنامہ زمبابوے کی پہلی اننگز کے 34ویں اوور میں حریف کپتان کریگ ایرون کو آؤٹ کر کے اپنے 59ویں ٹیسٹ میچ میں مکمل کیا۔ جنوبی افریقہ کی ٹیسٹ تاریخ میں سب سے زیادہ وکٹیں لینے کا ریکارڈ اب بھی تیز گیند باز ڈیل اسٹین کے پاس ہے، جنہوں نے 93 ٹیسٹ میچوں میں 439 وکٹیں حاصل کیں۔ادھر بلاوائیو میں جاری ٹیسٹ میچ پر جنوبی افریقہ کی پوزیشن مزید مضبوط ہو گئی ہے۔ مہمان ٹیم نے دوسری اننگز میں ایک وکٹ کے نقصان پر 49 رنز بنا لیے ہیں اور اسے مجموعی طور پر 216 رنز کی برتری حاصل ہو چکی ہے۔یاد رہے کہ جنوبی افریقہ نے پہلی اننگز میں 418 رنز اسکور کیے تھے، جس کے جواب میں زمبابوے کی ٹیم 251 رنز پر ڈھیر ہو گئی تھی۔

کیشو مہاراج ٹیسٹ کرکٹ میں 200 وکٹیں مکمل کرنے والے پہلے جنوبی افریقی اسپنر بن گئے

جنوبی افریقی اسپنر نے یہ کارنامہ اپنے 59 ویں ٹیسٹ میچ میں کریگ ایرون کوآئوٹ کرکے سرانجام دیا

وفاقی حکومت نے یکم جولائی 2025 سے گیس کی قیمتوں میں اضافے کااعلان کردیاجس کا اوگرا کی جانب سے نوٹیفکیشن بھی جاری کردیا گیا۔آئل اینڈ گیس ریگولیٹری اتھارٹی (اوگرا) کی جانب سے جاری کردہ نوٹیفکیشن میں کہا گیا ہے کہ گیس کی قیمتوں میں حالیہ اضافے کا اطلاق گھریلو صارفین پر نہیں ہوگا، گھریلو صارفین کے لئے صرف ماہانہ فکسڈ چارجز میں اضافہ کیا گیا ہے۔نوٹیفکیشن میں کہا گیا ہے کہ گھریلو صارفین کے سلیب ریٹ، روٹی تنور اور کمرشل کے ریٹ تبدیل نہیں کیے گئے، جنرل انڈسٹری، کیپٹو، سی این جی، سیمنٹ اور کھاد کے لیے بھی گیس کی قیمتیں تبدیل نہیں کی گئیں ۔اوگرا کے مطابق حکومت نے بلک صارفین، توانائی اور انڈسٹری کے لیے گیس کی قیمتوں میں اضافہ کیا ہے، گھریلو صارفین کے صرف فکسڈ چارجز میں اضافہ ہوگا۔نوٹیفکیشن میں بتایا گیا ہے کہ حکومت نے محفوظ صارفین کے مقررہ چارجز 50 فیصد بڑھا کر 400 روپے سے 600 روپے کر دیے ہیں، غیر محفوظ گھریلو صارفین کے مقررہ چارجز 50 فیصد بڑھا کر ایک ہزار روپے سے ایک ہزار 500 روپے کر دیے گئے ہیں۔اسی طرح بلک صارفین کے لیے گیس کے نرخ 9.5 فیصد بڑھا کر 2 ہزار 900 روپے سے 3 ہزار 175 روپے فی ایم ایم بی ٹی یو کر دیے گئے، بجلی بنانے کیلئے گیس کی قیمتیں ایک ہزار 50 روپے سے ایک ہزار 215 روپے فی ایم ایم بی ٹی یو کر دی گئیں۔اوگرا کی جانب سے مزید بتایا گیا کہ کیپٹو پاور پلانٹس کیلئے گیس کے نرخ ساڑھے تین ہزار روپے فی ایم ایم بی ٹی یو مقرر کیے گئے ہیں۔

حکومت نےیکم جولائی سے گیس کی قیمتوں میں اضافہ کردیا، نوٹیفکیشن جاری

اطلاق بلک صارفین،پاور سیکٹر اور انڈسٹری کیلئے ہوگا،گھریلو صارفین کیلئے صرف ماہانہ فکسڈ چارجز میں اضافہ کیا گیا

انڈونیشیا میں تعینات بھارت کے دفاعی اتاشی کیپٹن شیوکمار نے اعتراف کیا ہے کہ 7 مئی کو پاکستان کے ساتھ فضائی جھڑپ کے دوران بھارتی فضائیہ کے جنگی طیارے تباہ ہوئے تھے۔ بھارتی ویب سائٹ ’دی وائر‘ کی رپورٹ کے مطابق کیپٹن شیوکمار نے ایک سیمینار کے دوران انکشاف کیا کہ بھارتی طیارے اس لیے مارے گئے کیونکہ سیاسی قیادت نے فوج کو پاکستانی فوجی اہداف پر حملے سے روک دیا تھا۔اگرچہ کیپٹن شیوکمار نے طیاروں کی درست تعداد بتانے سے گریز کیا، تاہم انہوں نے تسلیم کیا کہ "ہم نے کچھ طیارے ضرور کھوئے ہیں۔ یہ انکشاف ایسے وقت میں آیا ہے جب پاکستان اور بھارت کے درمیان کشیدگی بدستور موجود ہے اور دونوں ممالک کے درمیان معمولی جھڑپ بھی کسی بڑے تنازع میں بدل سکتی ہے۔ادھر انڈونیشیا میں بھارتی سفارتخانے نے دفاعی اتاشی کی جانب سے سیمینار میں پیش کی گئی پریزنٹیشن سے متعلق میڈیا رپورٹس کا نوٹس لیتے ہوئے کہا کہ کیپٹن شیو کمار کے طیارے گرائے جانے سے متعلق بیان کو سیاق و سباق سے ہٹ کر پیش کیا گیا۔بھارتی دفاعی اتاشی کا بیان سامنے آنے پر کانگریس نے مودی سرکار پر تنقید کرتے ہوئے کہا کہ مودی سرکار نے قوم کو گمراہ کیا اور یہ بتانے میں ناکام رہی کہ آپریشن سندور میں بھارت کے کتنے لڑاکا طیارے تباہ ہوئے۔یاد رہے کہ بھارت نے پہلگام فالس فلیگ کی آڑ میں6 اور 7 مئی کی درمیانی شب جارحیت کا ارتکاب کرتے ہوئے پاکستان پر حملہ کیا تھا جس کا پاکستان نے بروقت اور مؤثر جواب دیا۔پاکستانی شاہینوں نے رات کی تاریکی میں میزائل حملوں میں شہریوں کو نشانہ بنانے والے بھارت کے 6 جنگی طیارے مار گرائے تھے جن میں رافیل بھی شامل تھا۔

پاکستان سے جھڑپ میں جنگی طیارے تباہ ہوئے، بھارتی دفاعی اتاشی کا اعتراف

بھارتی دفاعی اتاشی،بیان سامنے آنے پر کانگریس نے مودی سرکار کوآڑے ہاتھوں لے لیا

پاکستان کی معاشی مشکلات میں کمی کی ایک بڑی پیش رفت سامنے آئی ہے، چین نے پاکستان پر واجب الادا 3 ارب 40 کروڑ ڈالر کا قرض رول اوور کر دیا ہے۔ اس اقدام سے ملکی زرمبادلہ کے ذخائر میں نمایاں بہتری کی توقع کی جا رہی ہے۔غیر ملکی خبررساں ایجنسی کے مطابق چین نے پاکستان کے پاس گزشتہ 3 سال سے موجود 2 ارب 10 کروڑ ڈالر کو رول اوور کیا گیا ہے جبکہ پاکستان کی جانب سے 2 ماہ قبل واپس کیے گئے ایک کروڑ 30 لاکھ ڈالر کے کمرشل قرضوں کو بھی ری فنانس کیا گیا ہے۔پاکستان کو مشرق وسطیٰ کے کمرشل بینکوں سے ایک ارب ڈالر اور 50 کروڑ ڈالر دیگر ملٹی لیٹرل فنانسنگ سے حاصل ہوچکے ہیں، آئی ایم ایف کی شرائط کے تحت پاکستان کو مالی سال کے اختتام تک زرمبادلہ ذخائر 14 ارب ڈالر سے زائد رکھنے ہیں۔غیر ملکی خبررساں ایجنسی کا کہنا ہے کہ قرض رول اوور کرنے کے بعد پاکستان کے ذرمبادلہ ذخائر 14 ارب ڈالر تک پہنچ جائیں گے۔

چین نے پاکستان کا 3 ارب 40 کروڑ ڈالر کا قرض رول اوور کردیا

آئی ایم ایف کی شرائط کے تحت پاکستان کو مالی سال کے اختتام تک زرمبادلہ ذخائر 14 ارب ڈالر سے زائد رکھنے ہیں

ایشیا کپ 2025 کے ممکنہ شیڈول کی تفصیلات سامنے آ گئیں، بھارتی میڈیا کے مطابق ایشین کرکٹ کونسل کے زیر اہتمام یہ میگا ایونٹ ستمبر میں کھیلا جائے گا، جس کا آغاز 10 ستمبر سے ہونے کی تجویز دی گئی ہے۔اس بارے میں حتمی فیصلہ جولائی کے پہلے ہفتے میں ہونے کا امکا ن ہے۔میڈیارپورٹس کے مطابق ایشیا کپ2025 کے انعقاد پر چھائے غیریقینی کے بادل چھٹنے لگے، ٹی20 فارمیٹ میں کھیلے جانے والے ایونٹ کا ممکنہ شیڈول سامنے آگیا۔اس بار ایشیا کپ کا انعقاد چوں کہ ٹی ٹوئنٹی فارمیٹ کے تحت کھیلا جارہا ہے اس لیے شائقین کو اس کا بے صبری سے انتظار ہے، تاہم پاک بھارت کشیدگی کے سبب ایشیا کپ پر غیریقینی کے بادل تھے لیکن اب ٹی20 ایشیا کپ2025 کا ممکنہ شیڈول سامنے آگیا ہے۔ذرائع نے بتایا کہ ایونٹ بھارت کی میزبانی میں 12 سے 28ستمبر تک منعقد ہوگا، ایشیا کپ2025 یو اے ای کے میدانوں میں منعقد ہوگا۔پاکستان اور بھارت سمیت 6ٹیمیں ایشا کپ میں حصہ لیں گی، ایشیا کپ میں پاکستان، بھارت، سری لنکا، بنگلہ دیش، افغانستان اور متحدہ عرب امارات کی ٹیموں کی شرکت متوقع ہے۔ پاکستان اور بھارت کے درمیان حالیہ جنگ اور جاری تناؤ کے سبب ایونٹ کے انعقاد پر سوالیہ نشان موجود ہے۔پہلگام واقعے سے قبل چیمپئنز ٹرافی فائنل کے دوران بھی ایشیائی ملکوں کے حکام کے درمیان ایشیا کپ سے متعلق بات چیت ہوئی تھی۔اس وقت بھی یہ اطلاعات سامنے آئی تھیں کہ رواں سال ستمبر میں شیڈول ایشیا کپ ایونٹ کا میزبان بھارت ہی رہیگا تاہم میچز کا انعقاد ممکنہ طور پر متحدہ عرب امارات کے میدانوں میں ہوگا۔بھارت نے ایونٹ کی ذمہ داری بورڈ کے نائب صدر راجیو شکلا کو سونپی ہے، ایشیا کپ رواں سال دفاعی چیمپئن بھارت میں شیڈول ہے اور آئندہ برس ٹی 20 ورلڈ کپ کو مدنظر رکھتے ہوئے یہ ایونٹ بھی ٹی 20 فارمیٹ میں کھیلا جانا ہے۔

ایشیا کپ پر چھائے غیریقینی کے بادل چھٹنے لگے، ممکنہ شیڈول سامنے آگیا

ایونٹ بھارت کی میزبانی میں 12 سے 28ستمبر تک یو اے ای کے میدانوں میں منعقد ہوگا

ملکی سیاست میں ایک ممکنہ بڑی پیش رفت کی جھلک اس وقت نظر آئی جب وزیراعظم شہباز شریف، سابق وفاقی وزیر داخلہ اور مسلم لیگ (ن) کے ناراض رہنما چوہدری نثار علی خان سے ملاقات کے لیے ان کی رہائشگاہ پہنچے۔میڈیا رپورٹس کے مطابق وزیراعظم سہ پہر سوا تین بجے چوہدری نثار کی رہائش گاہ پر پہنچے، جہاں انہوں نے خیریت دریافت کی اور ملک کی سیاسی صورتحال سمیت باہمی دلچسپی کے امور پر تفصیلی گفتگو کی۔ ملاقات کے دوران چوہدری نثار کے صاحبزادے تیمور علی خان بھی موجود تھے۔ذرائع کے مطابق ملاقات خوشگوار ماحول میں ہوئی، جس دوران وزیراعظم نے مسکراتے ہوئے چوہدری نثار سے کہا، ’’چوہدری صاحب! آپ تو ہمیں بھول ہی گئے‘‘۔ جواباً چوہدری نثار نے ہنستے ہوئے کہا، ’’نہیں میاں صاحب، بس طبیعت کچھ عرصے سے ناساز تھی‘‘۔تقریباً ڈیڑھ گھنٹہ جاری رہنے والی اس ملاقات کے بعد وزیراعظم شہباز شریف واپس روانہ ہو گئے۔ رپورٹس کے مطابق یہ گزشتہ آٹھ برسوں میں دونوں رہنماؤں کے درمیان دوسری براہِ راست ملاقات تھی۔ اس سے قبل 2023 میں وزیراعظم شہباز شریف، چوہدری نثار کی ہمشیرہ کے انتقال پر تعزیت کے لیے ان کے گھر گئے تھے۔واضح رہے کہ چوہدری نثار علی خان مسلم لیگ (ن) کے ساتھ 34 سالہ طویل وابستگی کے بعد 2018 میں پارٹی قیادت سے اختلافات کے باعث الگ ہو گئے تھے۔ اس موقع پر انہوں نے کہا تھا کہ انہوں نے جماعت سے علیحدگی "ضمیر کے مطابق" اختیار کی، کیونکہ وہ "اقتدار نہیں، عزت کی سیاست" پر یقین رکھتے ہیں۔2018 کے عام انتخابات میں انہوں نے راولپنڈی سے آزاد امیدوار کی حیثیت سے حصہ لیا اور پارٹی قیادت پر تنقید کرتے ہوئے دعویٰ کیا کہ زیادہ تر پارٹی ٹکٹ "سیاسی یتیموں" کو دیے گئے۔ بعد ازاں پاکستان تحریکِ انصاف نے بھی انہیں پارٹی میں شامل کرنے کی کوشش کی، تاہم عمران خان سے ذاتی تعلقات کے باوجود چوہدری نثار نے شمولیت سے انکار کر دیا تھا۔سیاسی حلقے اس تازہ ملاقات کو مستقبل کے کسی ممکنہ سیاسی اتحاد یا مسلم لیگ (ن) میں واپسی کی بنیاد کے طور پر دیکھ رہے ہیں، تاہم ابھی تک اس حوالے سے کوئی باضابطہ اعلان سامنے نہیں آیا۔

چوہدری صاحب! آپ تو ہمیں بھول ہی گئے، وزیراعظم کی چوہدری نثار سے اہم ملاقات

شہباز شریف کی سابق وفاقی وزیر داخلہ سے ڈیڑھ گھنٹے طویل ملاقات، ملکی سیاست میں نئی پیش رفت کا امکان

بارباڈوس (این این آئی)ویسٹ انڈیز کرکٹ ٹیم کے کوچ ڈیرن سیمی کو امپائر پر تنقید کرنا مہنگا پڑگیا۔انٹرنیشنل کرکٹ کونسل (آئی سی سی) نے ویسٹ انڈیز کے کوچ ڈیرن سیمی پر جرمانہ عائد کردیا ہے۔ انہیں آئی سی سی کوڈ آف کنڈکٹ کی خلاف ورزی کا مرتکب قرار دیا گیا ہے۔آئی سی سی نے ڈیرن سیمی کو میچ فیس کا 15 فیصد جرمانہ عائد کیا ہے اور انہیں ایک ڈی میرٹ پوائنٹ بھی دیا گیا ہے۔اس حوالے سے بتایا گیا ہے کہ ڈیرن سیمی نے آسٹریلیا کے خلاف پہلے ٹیسٹ میچ کے دوسرے روز کوڈ آف کنڈکٹ کی لیول ون خلاف ورزی کی، انہوں نے پلیئرز اینڈ اسپورٹس اسٹاف کے کوڈ آف کنڈکٹ کے آرٹیکل 7. 2 کی خلاف ورزی کی۔آئی سی سی کے مطابق ڈیرن سیمی نے پریس کانفرنس میں ایک امپائر کے فیصلوں کو تنقید کا نشانہ بنایا تھا، ڈیرن سیمی نے اپنی غلطی تسلیم کی ہے۔

امپائر پر تنقید مہنگی پڑگئی،آئی سی سی نے ڈیرن سیمی پر جرمانہ عائد کردیا

ڈین سیمی کوڈ آف کنڈکٹ کی خلاف ورزی کے مرتکب قرار،میچ فیس کا 15 فیصد جرمانہ عائد

وزیراعظم شہباز شریف نے ملک بھر میں بجلی کے بلوں سے پی ٹی وی لائسنس فیس ختم کرنے کا اعلان کر دیا ہے۔ انہوں نے کہا کہ توانائی کے شعبے کو درپیش بڑے چیلنجز میں بجلی کی چوری اور کھپت میں کمی شامل ہیں، جن پر قابو پانے کے لیے حکومت تیزی سے اصلاحات لا رہی ہے۔وزیراعظم نےاپنا میٹر، اپنی ریڈنگ منصوبے اور پاور اسمارٹ موبائل ایپ کے افتتاح کے موقع پر کہا کہ یہ منصوبہ عام صارفین کے لیے ایک انقلابی قدم ہے، جس سے میٹر ریڈنگ میں شفافیت آئے گی اور شکایات کا ازالہ ممکن ہوگا۔تقریب سے خطاب کرتے ہوئے وزیراعظم شہباز شریف کا کہنا تھا کہ اپنا میٹر، اپنی ریڈنگ منصوبے کا باضابطہ اجراء باعث اطمینان ہے، یہ اقدام شہریوں کو بااختیار بنانے کے ساتھ ساتھ ادارہ جاتی اصلاحات کی جانب اہم سنگ میل ہے۔ انہوں نے کہا کہ اصلاحات کے عمل کو مزید تیز کیا جائے گا تاکہ بجلی کی قیمتوں میں کمی ممکن بنائی جا سکے۔انہوں نے بتایا کہ عالمی منڈی میں تیل کی قیمتوں میں کمی کا فائدہ عوام تک منتقل کرتے ہوئے بجلی کی قیمتوں میں ساڑھے 4 روپے فی یونٹ جبکہ مجموعی طور پر ساڑھے 7 روپے فی یونٹ کمی کی گئی ہے۔ وزیراعظم کا کہنا تھا کہ آئی پی پیز کے ساتھ مشکل مذاکرات، شرح سود میں کمی اور سرکلر ڈیٹ کا حل اس کامیابی کا حصہ ہے۔وزیراعظم نے توانائی کے شعبے میں سالانہ 500 ارب روپے کی بجلی چوری کو سب سے بڑا چیلنج قرار دیا اور کہا کہ اس پر قابو پانے کے لیے حکومت متحرک ہے۔ انہوں نے اس بات پر بھی زور دیا کہ بجلی تو موجود ہے، لیکن کھپت کم ہونے کی وجہ سے نظام پر بوجھ بڑھ رہا ہے، جسے متوازن کرنے کے لیے اقدامات کیے جا رہے ہیں۔انہوں نے کہا کہ حکومت سولرائزیشن کی حوصلہ افزائی جاری رکھے گی، کیونکہ شمسی توانائی دنیا میں سب سے سستی بجلی کا ذریعہ ہے، اور پاکستان اس حوالے سے ترقی کی راہ پر گامزن ہے۔ تاہم ساتھ ہی صنعتی اور گھریلو صارفین کو سستی بجلی فراہم کرنا حکومت کی ترجیح ہے۔شہباز شریف نے کہا کہ اپنا میٹر، اپنی ریڈنگ ایپ کا اصل فائدہ عام صارف کو ہوگا، اور یہ ہر گھر کی سطح پر مثبت تبدیلی لائے گی۔ انہوں نے وزیر توانائی کو ہدایت کی کہ اس ایپ کو کراچی سے پشاور تک ہر گھر تک متعارف کرایا جائے اور اس میں مزید بہتری کے لیے وزارت اطلاعات کے ساتھ مل کر کام کیا جائے۔وزیراعظم نے ایپ کو پانچ زبانوں میں متعارف کرانے کوقومی خدمت قرار دیا اور کہا کہ اس سے زیادہ سے زیادہ صارفین مستفید ہو سکیں گے۔

وزیراعظم نے ملک بھر میں بجلی کے بلوں میں ٹی وی لائسنس فیس ختم کرنے کا اعلان کردیا

وزیراعظم شہباز شریف نے ’اپنا میٹر، اپنی ریڈنگ‘ کے تحت اسمارٹ ایپ کا باقاعدہ افتتاح بھی کردیا

صدر مملکت آصف علی زرداری نے جسٹس سرفراز ڈوگر کو اسلام آباد ہائیکورٹ کا سینئر ترین جج ڈکلیئر کر دیا،ججز ٹرانسفر کیس کا فیصلہ آنے کے بعد بڑی پیش رفت سامنے آ گئی ہے۔صدر مملکت آصف علی زرداری نے جسٹس سرفراز ڈوگر کو اسلام آباد ہائی کورٹ کا سینئر ترین جج قرار دے دیا ہے۔ اس کے ساتھ ہی جسٹس سرفراز ڈوگر سمیت دیگر دو ججز کے تبادلے کو بھی مستقل قرار دے دیا گیا ہے۔سپریم کورٹ نے ہائیکورٹ ججز کی سینیارٹی کے تعین کا معاملہ صدر مملکت کو بھیجا تھا۔ صدر مملکت نے تعین کے بعد اسلام آباد ہائیکورٹ کے ججز کی سینیارٹی لسٹ جاری کر دی۔صدر مملکت کے فیصلے کے بعد وزارت قانون نے ججز سینیارٹی کا نوٹیفکیشن جاری کردیا۔ جاری کیے گئے نوٹیفکیشن کے مطابق، جسٹس سرفراز ڈوگر کے ساتھ ساتھ دیگر دو ججز کے تبادلوں کو بھی مستقل حیثیت دے دی گئی ہے۔ سینیارٹی لسٹ میں جسٹس محسن اختر کیانی دوسرے، جب کہ جسٹس میاں گل حسن اورنگزیب تیسرے نمبر پر ہوں گے۔ جسٹس طارق محمود جہانگیری سنیارٹی میں چوتھے نمبر پر ہوں گے، جسٹس بابر ستار سنیارٹی میں پانچویں، جسٹس سردار اعجاز اسحاق چھٹےنمبر پر ہیں۔جسٹس ارباب طاہر سنیارٹی میں ساتویں نمبر پر ہوں گے، جسٹس ثمن رفعت سنیارٹی میں آٹھویں، جسٹس خادم سومرو نویں نمبر پر ہوں گے، جسٹس اعظم خان سنیارٹی میں دسویں، جسٹس محمدآصف 11ویں اور جسٹس انعام امین منہاس سنیارٹی میں سب سے آخری 12ویں نمبر ہوں گے۔یاد رہے کہ 19 جون کو سپریم کورٹ کے آئینی بینچ نے اسلام آباد ہائی کورٹ میں تین ججز کے تبادلے کو آئینی اور قانونی قرار دیتے ہوئے، پانچ ججز کی جانب سے دائر کردہ درخواستیں مسترد کر دی تھیں۔ ان ججز نے فیصلے کے خلاف گزشتہ روز اپیل دائر کی تھی۔

صدر زرداری کا بڑا فیصلہ،جسٹس سرفراز ڈوگر اسلام آباد ہائی کورٹ کے سینئر ترین جج قرار

ایوانِ صدر کی جانب سے اسلام آباد ہائی کورٹ کے ججز کی نئی سنیارٹی لسٹ بھی جاری کر دی گئی

ایرانی پارلیمنٹ کے نائب اسپیکر حامد رضا حاجی بابائی نے اعلان کیا ہے کہ بین الاقوامی ایٹمی توانائی ایجنسی (IAEA) کے سربراہ رافیل گروسی کو ایران کی ایٹمی تنصیبات کے دورے کی اجازت نہیں دی جائے گی۔انہوں نے بتایا کہ یہ فیصلہ اس بنیاد پر کیا گیا ہے کہ ایران کے جوہری پروگرام سے متعلق حساس معلومات اسرائیلی حکومت کو دستیاب ہو چکی ہیں، جو کہ آئی اے ای اے کے ذریعے لیک ہوئیں۔ نائب اسپیکر کے مطابق اب ایران ان تنصیبات پر ایجنسی کو نگرانی کے کیمرے نصب کرنے کی بھی اجازت نہیں دے گا۔ادھر ایرانی وزیر خارجہ عباس عراقچی نے رافیل گروسی کے متوقع دورے کو غیر ضروری اور بدنیتی پر مبنی قرار دیا ہے۔ ان کا کہنا تھا کہ ایسے اقدامات سے ایران کے اندرونی معاملات میں مداخلت کا تاثر پیدا ہوتا ہے۔خیال رہے کہ ایرانی پارلیمنٹ پہلے ہی آئی اے ای اے سے ہر قسم کے تعاون کے خاتمے کی منظوری دے چکی ہے۔ اسپیکر پارلیمنٹ رافیل گروسی کو اسرائیل کا نمائندہ اور جانبدار قرار دے چکے ہیں۔رافیل گروسی نے حالیہ امریکی حملوں کے بعد ایرانی ایٹمی تنصیبات کا دورہ کرنے کی خواہش ظاہر کی تھی، تاہم ایران نے سخت ردعمل دیتے ہوئے اس دورے کو مسترد کر دیا ہے۔

ایران نے آئی اے ای اےکے سربراہ پر ایٹمی تنصیبات کا دورہ کرنے پر پابندی لگادی

آئی اے ای اے کو ایٹمی تنصیبات پر کیمرے لگانے کی بھی اجازت نہیں ہوگی،ایرانی وزیرخارجہ

اسلام آباد (این این آئی)پاکستان کے ڈیفالٹ رسک میں گزشتہ 12ماہ میں بڑی کمی ہوگئی۔ بلوم برگ کی رپورٹ کے مطابق پاکستان کے ڈیفالٹ ہونے کا امکان 59فیصد سے کم ہو کر 47فیصد رہ گیا۔رپورٹ میں کہا گیا ہے کہ معاشی استحکام ،اصلاحات ،عالمی مالیاتی اداروں کی جانب سے کریڈٹ آئوٹ لک میں بہتری سے ڈیفالٹ رسک میں کمی ہوئی ہے۔ رپورٹ میں کہا گیا ہے کہ پاکستان کے ڈیفالٹ رسک میں کمی سرمایہ کاروں کے بڑھتے اعتماد کا مظہر ہے۔

پاکستان کے ڈیفالٹ رسک کا خطرہ 59 سے 47فیصد پر آگیا، بلوم برگ

ڈیفالٹ رسک میں نمایاں کمی سرمایہ کاروں کے بڑھتے اعتماد کا مظہر ہے، بلوم برگ کی رپورٹ

راولپنڈی (این این آئی)خیبر پختونخوا کے ضلع شمالی وزیرستان میں سیکیورٹی فورسز کے قافلے پر خود کش حملے میں 13جوان شہید جبکہ جوابی کارروائی میں 14خواجی جہنم واصل کردیے گئے۔آئی ایس پی آر کے مطابق گاڑی میں سوار بھارتی حمایت یافتہ فتنہ الخوارج کے خودکش حملہ آور نے سکیورٹی فورسز کے قافلے کو نشانہ بنانے کی کوشش کی تو قافلے کے آگے موجود دستے نے بروقت کارروائی کرتے ہوئے مذموم منصوبے کو ناکام بنا دیا، مایوسی کے عالم میں خوارج نے بارود سے بھری گاڑی قافلے کے اگلے دستے کی ایک گاڑی سے ٹکرا دی جس کے نتیجے میں دھرتی کے 13بہادر سپوت صوبیدار زاہد اقبال، حوالدار سہراب خان، حوالدار میاں یوسف ، نائیک خطاب شاہ، لانس نائیک اسماعیل اور سپاہی روحیل ، سپاہی محمد رمضان، سپاہی نواب، سپاہی زبیراحمد، سپاہی محمد سخی، سپاہی ہاشم عباسی، سپاہی مدثر اعجاز، سپاہی منظر علی جام شہادت نوش کرگئے۔ترجمان کے مطابق افسوسناک اور سفاک واقعے میں 2بچے اور ایک خاتون شدید زخمی ہوئی۔ آئی ایس پی آر کے مطابق  علاقے میں سینی ٹائزیشن آپریشن کے دوران فائرنگ کے تبادلہ میں سکیورٹی فورسز نے بھرپور جوابی کارروائی کے دوران 14خوارجیوں کو جہنم واصل کیا۔آئی ایس پی آر کے مطابق یہ حملہ بھارت کی دہشت گرد ریاست کی منصوبہ بندی اور نگرانی میں فتنہ الخوارج نے کیا۔

شمالی وزیرستان، سیکیورٹی فورسز کے قافلے پر فتنہ الخوارج کاحملہ،13جوان شہید

کلیئرنس آپریشن میں 14خوارج ہلاک، خودکش حملے میں دو بچے اور خاتون بھی شدید زخمی ہوئے، آئی ایس پی آر

فیلڈ مارشل سید عاصم منیر نے کہا ہے کہ معرکہ حق بھارت کی یادداشت سے کبھی ختم نہیں ہوگا، ہم اپنی قومی طاقت میں مسلسل اضافہ کر رہے ہیں، اگر دشمن یہ سمجھے کہ پاکستان کمزور ہے،جواب نہیں دے گا، تو وہ سخت غلطی پر ہے، اگر دشمن نے خودمختاری کو چیلنج کیا تو نتائج کی ذمہ داری اسی پر ہوگی، خودمختاری اور قومی مفادات کے دفاع میں کسی قسم کی جھجک نہیں دکھائیں گے،بھارت جسے ’’دہشت گردی‘‘ کہتا ہے وہ آزادی کی ایک جائز اور قانونی جدوجہد ہے، کشمیریوں کی جدوجہد آزادی کو بین الاقوامی قوانین بھی تسلیم کرتے ہیں۔فیلڈ مارشل کاکہناتھا کہ پاکستان کی ترقی اور استحکام کے لیے عوام، حکومت اور افواج کے درمیان مضبوط روابط انتہائی اہم ہیں، جبکہ ملکی خودمختاری پر کسی قسم کا سمجھوتہ نہیں کیا جائے گا۔پی این ایس رہبر، کراچی میں پاک بحریہ کی 123ویں مڈ شپ مین اور 31ویں شارٹ سروس کمیشن کی پاسنگ آؤٹ پریڈ سے خطاب کرتے ہوئے فیلڈ مارشل نے شریک کیڈٹس اور دوست ممالک کے نمائندوں کو مبارکباد پیش کی۔ انہوں نے کہا کہ بحریہ کے جانبازوں کی شاندار پریڈ کا معائنہ کرنا ان کے لیے باعثِ فخر ہے۔انہوں نے کہا کہ پاکستان خطے میں پائیدار امن کا خواہاں ہے، مگر ہماری امن پسندی کو کمزوری نہ سمجھا جائے۔ اگر دشمن نے ہماری خودمختاری کو چیلنج کیا تو اس کے نتائج کی مکمل ذمہ داری خود دشمن پر ہوگی۔ پاکستان ہر حال میں اپنی سرزمین کا دفاع کرے گا اور اس میں کوئی جھجھک نہیں دکھائے گا۔فیلڈ مارشل نے بھارت کو شدید تنقید کا نشانہ بناتے ہوئے کہا کہ بھارت نے غیر ذمہ دارانہ طرزِ عمل اپنایا، دو بار پاکستان پر حملے کی کوشش کی، اور اپنی فوجی طاقت، قوم پرستی اور جعلی اسٹریٹجک اہمیت کو سیاسی فائدے کے لیے استعمال کیا۔ تاہم پاکستان کی مسلح افواج کے پُرعزم اور موثر ردعمل نے نہ صرف بھارت کا غرور خاک میں ملایا بلکہ خطے کو ممکنہ جنگ سے بھی بچایا۔انہوں نے کہا کہ بھارت معرکہ حق اور اس میں ہونے والی شکست کو کبھی فراموش نہیں کر سکے گا۔ کشمیر کے حوالے سے ان کا کہنا تھا کہ پاکستان کشمیری عوام کے حق خودارادیت کے ساتھ کھڑا ہے۔ مسئلہ کشمیر کو نظر انداز نہیں کیا جا سکتا، اسے اقوام متحدہ کی قراردادوں اور کشمیریوں کی امنگوں کے مطابق حل کرنا ہوگا، کیونکہ جنوبی ایشیا میں پائیدار امن کا قیام کشمیر کے حل کے بغیر ممکن نہیں۔فیلڈ مارشل نے واضح کیا کہ پاکستان خطے میں نیٹ ریجنل اسٹیبلائزر کی حیثیت سے ابھرا ہے، اور بھارتی اشتعال انگیزیوں کے باوجود پاکستان نے صبر، ذمہ داری اور تدبر کا مظاہرہ کرتے ہوئے امن کو ترجیح دی۔انہوں نے کہا کہ ہمارا قومی جذبہ ہر آزمائش میں مزید مضبوط ہوا ہے، آج ہم پہلے سے کہیں زیادہ پُرعزم اور منظم ہیں۔ دہشت گردی کے خلاف جنگ کو اس کے منطقی انجام تک پہنچایا جائے گا۔فیلڈ مارشل نے بحریہ کے افسران کو میرٹائم وارفئیر کے بڑھتے ہوئے چیلنجز کے لیے تیار رہنے کی تلقین کرتے ہوئے کہا کہ پاکستان کی بحری قوت مستقبل میں قومی سلامتی میں کلیدی کردار ادا کرے گی۔

معرکہ حق بھارت کی یادداشت سے کبھی ختم نہیں ہوگا، فیلڈ مارشل عاصم منیر

مسئلہ کشمیر اقوام متحدہ کی قراردادوں کے مطابق حل ہونا چاہیے،فیلڈ مارشل کا بحریہ کی پاسنگ آؤٹ پریڈ سے خطاب

Liverpool are reportedly preparing a significant offer to sign Marc Guehi, the Crystal Palace defender.

Liverpool reportedly planning major bid for Crystal Palace’s Marc Guehi

Liverpool are reportedly preparing a significant offer to sign Marc Guehi, the Crystal Palace defender who has also impressed for England during the Euros.

According to <a href="https://www.skysports.com/football/news/11095/13385981/marc-guehi-transfer-news-liverpool-expected-to-make-significant-offer-for-crystal-palace-captain-paper-talk">Sky Sports</a>, Liverpool have made initial enquiries and are planning to follow up with a serious proposal. Guehi, 23, is expected to be one of the most in-demand defenders this summer, and Crystal Palace could be bracing for a number of high-profile offers.

Guehi, who captained Palace in several games during the 2023&ndash;24 season, has established himself as a key part of the club&rsquo;s defence. His calm presence, ability to read the game, and ball-playing skills have drawn comparisons to elite-level centre-backs &mdash; making him a strong fit for Liverpool&rsquo;s evolving backline.

The Reds are reportedly looking for a long-term successor to Virgil van Dijk and Joel Matip, both of whom are nearing the final stages of their contracts. New manager Arne Slot is also said to favour athletic, technically sound defenders, making Guehi a natural candidate.

Fan reactions have been mixed. Some believe Guehi&rsquo;s profile suits Liverpool&rsquo;s future ambitions, while others are cautious about the expected &pound;50m+ valuation.

Guehi is currently focused on his Euro 2024 duties with England but is expected to make a decision on his club future after the tournament concludes.

Liverpool reportedly planning major bid for Crystal Palace’s Marc Guehi

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan