Cricket

Entertainment

News

Football

ٹی ٹوئنٹی ایشیا کپ کے 11 ویں میچ میں سری لنکا نے افغانستان کو 6 وکٹوں سے شکست دے کرٹورنامنٹ سے باہر کردیا اور سپرفور مرحلے کیلئے کوالیفائی کرلیا ،سری لنکا نے افغانستان کا 170 رنز کا ہدف 4 وکٹوں کے نقصان پر 19 ویں اوور میں حاصل کرلیا۔ابوظبی میں کھیلے گئے میچ میںافغانستان نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 8 وکٹوں کے نقصان پر 169 رنز بنائے۔ محمد نبی نے صرف 22 گیندوں پر 60 رنز کی شاندار اننگز کھیلی، جس میں 6 چھکے اور 3 چوکے شامل تھے۔ ابراہیم زادران اور راشد خان نے 24،24 رنز بنائے جبکہ صدیق اللہ نے 18 اور رحمان اللہ گرباز نے 14 رنز کا اضافہ کیا۔ سری لنکا کی جانب سے نوان تھوشارا نے 4 کھلاڑیوں کو پویلین کی راہ دکھائی۔جواب میں سری لنکا نے ہدف با آسانی 19ویں اوور میں 4 وکٹوں کے نقصان پر حاصل کر لیا۔ کوشل مینڈس 74 رنز بنا کر ناقابل شکست رہے جبکہ کمندو مینڈس نے 26 رنز کا سہارا دیا۔ کوشل پریرا نے 28 اور اسالنکا نے 17 رنز کی اننگز کھیلی۔اس فتح کے ساتھ ہی افغانستان کا ایونٹ میں سفر ختم ہوگیا جبکہ گروپ بی سے سری لنکا اور بنگلادیش نے سپر فور مرحلے کیلئے کوالیفائی کرلیا۔گروپ بی میں سری لنکا مسلسل 3 میچز میں کامیابی کے ساتھ 6 پوائنٹس حاصل کرکے پہلی پوزیشن پر ہے جبکہ بنگلادیش کے 4 پوائنٹس ہیں۔

ایشیاکپ،سری لنکا نے افغانستان کو 6وکٹوں سےہرا کر ٹورنامنٹ سے باہر کردیا

کوشل مینڈس کی ناقابل شکست 74 رنز کی اننگز نے سری لنکا کو فتح دلادی، افغانستان کا ایشیا کپ میں سفر ختم

امریکا اور برطانیہ نے ایک بڑے ٹیکنالوجی شراکت داری معاہدے پر دستخط کیے ہیں جسے "ٹیک پراسپرٹی ڈیل" کا نام دیا گیا ہے۔ اس معاہدے کا مقصد دونوں ممالک کے درمیان سائنس و ٹیکنالوجی کے شعبوں میں تعاون کو نئی بلندیوں تک لے جانا ہے۔ معاہدے پر دستخط امریکی صدر ڈونلڈ ٹرمپ اور برطانوی وزیراعظم کیئر اسٹارمر نے چیکرز میں ملاقات کے دوران کیے۔معاہدے کے تحت مصنوعی ذہانت (AI)، کوانٹم کمپیوٹنگ، ایٹمی توانائی اور ڈیجیٹل فنانس جیسے شعبوں میں مشترکہ منصوبے شروع کیے جائیں گے۔ دونوں ممالک تحقیق و ترقی کو فروغ دینے، توانائی کی خودکفالت میں اضافہ کرنے اور ماہرین کے درمیان براہِ راست تعاون بڑھانے پر متفق ہوئے ہیں۔برطانوی حکومت کے مطابق، امریکی کمپنیاں برطانیہ میں اربوں پاؤنڈ کی سرمایہ کاری کریں گی۔ اس سرمایہ کاری میں ڈیٹا سینٹرز، سپر کمپیوٹرز اور ایٹمی ری ایکٹرز کے منصوبے شامل ہیں۔ معاہدے کے تحت برطانیہ روسی ایٹمی ایندھن پر انحصار ختم کرنے اور اپنی سپلائی چین کو محفوظ بنانے کے لیے بھی اقدامات کرے گا۔امریکی صدر ڈونلڈ ٹرمپ نے کہا کہ یہ معاہدہ نجی شعبے میں سرمایہ کاری کی نئی لہر پیدا کر رہا ہے اور برطانیہ بھر میں بڑے منصوبے حقیقت کا روپ دھار رہے ہیں۔ ان کا کہنا تھا کہ امریکا اور برطانیہ کے تعلقات ایک قیمتی وراثت ہیں اور یہ شراکت داری دونوں ممالک کے لیے بے پناہ مواقع لے کر آئے گی۔وزیراعظم کیئر اسٹارمر نے اس معاہدے کو برطانیہ کی تاریخ کا سب سے بڑا سرمایہ کاری پیکج قرار دیا۔ ان کے مطابق یہ شراکت داری اٹلانٹک کے دونوں کناروں پر اربوں ڈالر کی آمد و رفت اور ہزاروں نئی ملازمتوں کا سبب بنے گی۔ انہوں نے کہا کہ یہ معاہدہ ٹیکنالوجی، توانائی اور دفاع جیسے شعبوں میں برطانیہ اور امریکا کو عالمی رہنما کے طور پر مزید مضبوط کرے گا۔ماہرین کا کہنا ہے کہ "ٹیک پراسپرٹی ڈیل" نہ صرف دونوں معیشتوں کے لیے فائدہ مند ثابت ہوگی بلکہ دنیا بھر میں ٹیکنالوجی کے نئے رجحانات متعارف کرانے کا ذریعہ بھی بنے گی۔

امریکا اور برطانیہ کا’ٹیک پراسپرٹی ڈیل‘ تاریخی ٹیکنالوجی شراکت داری معاہدہ

مصنوعی ذہانت، توانائی اور کوانٹم کمپیوٹنگ میں اربوں ڈالر کی سرمایہ کاری، ہزاروں نئی ملازمتوں کے مواقع

ٹوکیو میں جاری ورلڈ ایتھلیٹکس چیمپئن شپ میں پاکستان کے اولمپک گولڈ میڈلسٹ ارشد ندیم اور بھارت کے دفاعی چیمپئن نیرج چوپڑا میڈل حاصل کرنے میں ناکام ہوگئے۔فائنل راؤنڈ میں ارشد ندیم نے پہلی کوشش میں 82.73 میٹر اور تیسری کوشش میں 83.75 میٹر کی تھرو کی، تاہم دو مرتبہ فاول ہونے کے باعث وہ ٹاپ 8 میں جگہ نہ بنا سکے اور ابتدائی مرحلے ہی میں میڈل ریس سے باہر ہوگئے۔ ارشد ندیم نے مسلسل فاول تھروز کے بعد کوچ سلمان بٹ سے مشورہ بھی کیا مگر قسمت ان کا ساتھ نہ دے سکی۔بھارت کے نیرج چوپڑا نے 83.65 اور 84.03 میٹر کی تھرو کی، لیکن باقی کوششوں میں ناکامی نے انہیں بھی پوزیشن سے باہر کردیا۔ایونٹ میں ٹرینیڈاڈ کے اولمپک ہیرو کیشورن والکوٹ نے شاندار کارکردگی دکھاتے ہوئے سونے کا تمغہ اپنے نام کیا، گریناڈا کے اینڈرسن پیٹرز نے چاندی اور امریکہ کے کرٹس تھامسن نے کانسی جیتا۔جرمنی کے جولین ویبر نے 86.11 میٹر کی تھرو کی، لیکن بھارت کے نوجوان ایتھلیٹ سچن یادوو نے پہلی ہی کوشش میں اپنے کیریئر کی بہترین 86.27 میٹر کی تھرو کرکے سب کو حیران کردیا۔گزشتہ روز کھیلے گئے کوالیفائنگ راؤنڈ میں ارشد ندیم نے ابتدائی دو کمزور تھروز کے بعد تیسری کوشش میں 85.28 میٹر کی تھرو کرتے ہوئے فائنل کے لیے کوالیفائی کیا تھا۔خیال رہے کہ ارشد ندیم انجری کے باعث اس سے قبل ورلڈ ایتھلیٹکس سلور ٹور اور ڈائمنڈ لیگ میں شرکت نہیں کر سکے تھے۔ رواں سال جون میں انہوں نے پنڈلی کی سرجری کرائی اور بعد ازاں لندن میں ری ہیب مکمل کرنے کے بعد وطن واپس آکر چیمپئن شپ کی تیاری کی تھی۔

ورلڈ ایتھلیٹکس چمپئن شپ، ارشد ندیم اور نیرج چوپڑا میڈل کی دوڑ سے باہر ہوگئے

دفاعی چیمپئن کی حیثیت سے ٹورنامنٹ میں حصہ لینے والے بھارت کے نیرج چوپڑا بھی میڈل کی دوڑ سے باہر

پاکستان اور سعودی عرب کے درمیان ہونے والے اسٹریٹجک باہمی دفاعی معاہدے پر بھارت تشویش کا شکار، ردعمل بھی سامنے آ گیا ہے۔ بھارت نے کہا ہے کہ پاکستان اور سعودی عرب کے درمیان بڑھتے ہوئے تعلقات اور اس پیش رفت (دفاعی معاہدے) کے بارے میں اطلاعات تھیں اور اُن پر غور بھی کیا جا رہا تھا۔بھارتی وزارتِ خارجہ نے یہ بیان پاکستان اور سعودی عرب کے درمیان طے پانے والے اہم سٹریٹجک باہمی دفاعی معاہدے پر ردِعمل دیتے ہوئے جاری کیا ہے کہ معاہدے کا مکمل جائزہ لیں گے۔بھارتی وزارتِ خارجہ کے ترجمان رندھیر جیسوال نے کہا کہ ہمیں پاکستان اور سعودی عرب کے درمیان دفاعی معاملات میں تعاون اور سلامتی سے متعلق سٹرٹیجک باہمی دفاعی معاہدے پر دستخط سے متعلق اطلاعات ملی ہیں۔انہوں نے کہا کہ ہم اس معاہدے کے اثرات کا مطالعہ کریں گے تاکہ یہ دیکھا جا سکے کہ یہ ہماری قومی سلامتی، خطے اور عالمی استحکام پر کس طرح اثرانداز ہوگا، حکومت قومی مفادات کے تحفظ اور ہر سطح پر جامع سلامتی کو یقینی بنانے کے لیے پرعزم ہے۔واضح رہے کہ پاکستان اور سعودی عرب نے دفاعی معاملات میں تعاون اور سلامتی سے متعلق اس معاہدے پر دستخط کیے ہیں جس کے تحت کسی ایک ملک کے خلاف بیرونی جارحیت کو دونوں ملکوں کے خلاف جارحیت تصور کیا جائے گا۔پاکستان اور سعودی عرب کے مابین دفاعی شراکت داری سے متعلق اس معاہدے کا اعلان ایک ایسے وقت میں ہوا ہے جب اسرائیل کی جانب سے قطر کے دارالحکومت دوحہ میں ہونے والے حملے کے بعد سے عرب ممالک میں تشویش پائی جاتی ہے۔

پاکستان،سعودی عرب دفاعی معاہدےنے نئی دہلی کو پریشان کردیا

کھسیانی بلی کھمبا نوچے،پاکستان اور سعودی عرب کی قربت پر بھارت کی جھنجھلاہٹ نمایاں

عمران خان نے چیف جسٹس آف پاکستان یحییٰ آفریدی کو خط لکھ دیا، سابق وزیراعظم کا کہنا ہے کہ اپنے حلف کی پاسداری کریں اور جرات مندانہ فیصلے کریں، آپ کے دلیرانہ فیصلے قوم کی تقدیر کی کتاب میں لکھے جائیں گے۔چیف جسٹس آف پاکستان یحییٰ آفریدی کو لکھے گئے خط میں عمران خان نے کہا ہے کہ انصاف کے دروازے مجھ پر اورمیری اہلیہ پر بند ہیں،سات سو بَہتتر دنوں سے تنہائی کی قید میں ہوں، کمرہ نو بائے گیارہ کا پنجرہ بنا دیا گیا۔عمران خان کااپنے خط میں کہنا ہے کہ 300 سے زائد سیاسی مقدمات قائم کیے گئے، پاکستان کی تاریخ میں ایسی مثال نہیں، بُشریٰ بی بی کی صحت بگڑ رہی ہے لیکن ڈاکٹر کو معائنہ کی اجازت نہیں دی جاتی،وہ علاج سے محروم، ٹی وی، کتابوں، یا باہر کی دنیا سے رابطے سے دور ہیں، نہ ہی اُنہیں علاج کی سہولت دی گئی ہے، پاکستانی قانون خواتین کو ضمانت کیلئے خصوصی رعایت دیتا ہے لیکن بُشریٰ بی بی کے کیس میں یہ اصول معطل کر دیا گیا، صرف اس لیے کہ وہ میری بیوی ہیں، وہ اُنہیں توڑنا چاہتے ہیں لیکن اُنہیں اس طاقت کا اندازہ نہیں جو اُن کے ایمان سے اُنہیں ملتی ہے۔عمران خان کے خط میں مزیدکہا گیا ہے کہ اہلخانہ اور وکلا سے ملاقات کرائی جاتی ہے نہ ہی بیٹوں سے فون پر بات کرنے کا بنیادی حق دیا جا رہا ہے، یہ قید نہیں بلکہ سوچا سمجھا نفسیاتی تشدد ہے تاکہ عوام کا حوصلہ توڑا جا سکے،اُنہوں نے کہا کہ ہزاروں کارکنان اور حامی اب بھی جیلوں میں بند ہیں جبکہ بھانجے حسن نیازی کو فوجی حکام نے حراست میں لے کر اذیت دی اوردس سال قید کی سزا سنائی گئی، بہنوں اور بھانجوں کو بھی ناحق مقدمات اور قید کا سامنا ہے۔عمران خان نے خط میں مؤقف اپنایا کہ جب قانون کی حکمرانی دفن ہو جائے تو قومیں اندرونی زوال کا شکار ہو جاتی ہیں۔، انصاف ذوالفقار بھٹو کیس کی طرح 44 سال بعد نہیں بلکہ وقت پر ملنا چاہئے۔خط میں چیف جسٹس سے اپیل کی گئی کہ بیٹوں سے فون پر بات کرنے کی اجازت دی جائے اوربُشریٰ بی بی کو علاج کے لیے ڈاکٹر تک فوری رسائی فراہم کی جائے۔عمران خان نے کہا کہ پاکستان کے عوام سپریم کورٹ کو انصاف کی آخری پناہ گاہ سمجھتے ہیں اور عدلیہ کی خودمختاری بحال ہونی چاہئے۔عمران خان نے کہا کہ  آج پاکستان فیصلہ کن موڑ پر کھڑا ہے، میں آپ سے گزارش کرتا ہوں کہ آپ اپنے حلف کو پورا کریں اور ثابت کریں کہ پاکستان کی سپریم کورٹ اب بھی انصاف کی آخری پناہ گاہ ہے، سپریم کورٹ بنیادی حقوق کی ضامن ہے، عدلیہ کی آزادی کو بحال کریں، امید ہے آپ حلف کی پاسداری کرتے ہوئے انصاف فراہم کریں گے۔خیال رہےکہ عمران خان کا یہ خط اُن کی بہنیں لے کرسپریم کورٹ پہنچ گئیں۔ سپریم کورٹ کے باہر میڈیا سے گفتگو کرتے ہوئے علیمہ خان نے کہا کہ عمران خان نے چیف جسٹس یحییٰ آفریدی کو خط لکھا ہے۔انہوں نے بتایا کہ بانی پی ٹی آئی کا خط چیف جسٹس کو دینے کے لیے یہاں آئے ہیں۔

انصاف کے دروازے بندہیں، میرا کمرہ پنجرہ بنا دیا گیا، عمران خان نے چیف جسٹس کو خط لکھ دیا

ذوالفقاربھٹو کیس کی طرح 44 سال بعد نہیں بلکہ وقت پر انصاف ملنا چاہیئے، عدلیہ کی آزادی بحال کریں،سابق وزیراعظم

ممبئی (این این آئی)بالی ووڈ اداکارہ جھانوی کپور نے ٹریلر لانچ ایونٹ میں ایسی باتیں کر ڈالیں کہ میڈیا اور فینز دونوں حیران اور خوش ہو گئے۔ شادی، شوہر اور پروپوزل پر ان کے مزاحیہ جوابات نے محفل کو رنگین کر دیا۔ خوبرو آنجہانی اداکارہ سری دیوی کی بیٹی اداکارہ جھانوی کپور نے شوہر کی خوبیوں پر اظہارِ خیال کیا ہے۔ حال ہی میں ریلیز ہونے والی فلم سنی سنسکاری کی تلسی کماری کے ٹریلر کی تقریبِ رونمائی کے موقع پر جھانوی نے شوہر کی خوبیوں پر دلچسپ خیالات کا اظہار کیا۔ جھانوی سے پوچھا گیا کہ وہ اپنے جیون ساتھی میں کون سی خصوصیات چاہتی ہیں، جس پر انہوں نے جواب دیا کہ وہ مہذب، خوش مزاج اور کھانے کا شوقین ہونا چاہیے۔جب جھانوی کپور سے شوہر کی آمدنی سے متعلق سوال کیا گیا تو اداکارہ نے ہنستے ہوئے کہا کہ آمدنی زیادہ ضروری نہیں، کچھ بھی چلے گا۔ شادی کب کریں گی؟ اس سوال کے جواب میں جھانوی نے کہا کہ اس وقت ان کی ساری توجہ فلمی کیریئر پر ہے اور شادی کے بارے میں سوچنے کا ابھی کوئی ارادہ نہیں۔اس دوران ایک رپورٹر نے مذاقا کہا کہ جھانوی کو پرپوز کون کرے گا؟ اس پر ان کے ساتھی اداکار ورون دھون نے فلم کے دوسرے اداکار روہت سراف کا نام تجویز کیا، جس پر روہت نے مسکراتے ہوئے کہا، میں شیکھر سے مار نہیں کھانا چاہتا۔یہ جملہ اس لیے دلچسپی کا باعث بنا کیونکہ جھانوی کپور شیکھر پہاڑیا کیساتھ قریبی تعلقات میں ہیں تاہم دونوں نے تاحال اپنے تعلق کی باضابطہ تصدیق نہیں کی۔یاد رہے کہ جھانوی کپور روہت سراف اور ورون دھون کی فلم سنی سنسکاری کی تلسی کماری دواکتوبرکو سنیما گھروں کی زینت بنے گی۔اب دیکھنا یہ ہے کہ جھانوی کپور فلمی دنیا میں چھا جانے کے بعد شادی کی دنیا میں کب دھماکہ کرتی ہیں۔

ساری توجہ فلمی کیریئر پر ہے، شادی کے بارے میں سوچنے کا ابھی کوئی ارادہ نہیں،جھانوی کپور

جھانوی کپور راور ورون دھون کی فلم سنی سنسکاری کی تلسی کماری 2 اکتوبر 2025 کو سنیما گھروں کی زینت بنے گی

اسلام آباد ہائی کورٹ نے چیئرمین پی ٹی اے میجر جنرل ریٹائرڈ حفیظ الرحمان کو عہدے سے ہٹانے کا جسٹس بابر ستار کا فیصلہ معطل کرتے ہوئے انھیں عہدے پر بحال کردیا۔ عدالت نے سنگل بینچ کا فیصلہ معطل کرتے ہوئے کہا کہ اپیل پر مزید کارروائی تک حفیظ الرحمان اپنا کام جاری رکھیں گے۔اسلام آباد ہائیکورٹ کے جسٹس محمد آصف اور جسٹس انعام امین منہاس پر مشتمل 2 رکنی بنچ نے چیئرمین پی ٹی اے کو عہدے سے ہٹانے کے فیصلے کے خلاف انٹرا کورٹ اپیل پر سماعت کی۔یاد رہے کہ ایک روز قبل اسلام آباد ہائیکورٹ کے جسٹس بابر ستار نے اپنے فیصلے میں چیئرمین پی ٹی اے کو فوری طور پر عہدے سے ہٹانے کا حکم دیا تھا،جسٹس بابرستار کے جاری فیصلے میں کہا گیا تھا کہ چیئرمین پی ٹی اے کی تعیناتی قانونی طور پر درست نہیں، اس لیے انہیں فوری طور پر عہدے سے ہٹایا جائے۔اس فیصلے کے خلاف حفیظ الرحمان نے انٹراکورٹ اپیل دائر کی، جس پر آج عدالت نے سنگل بینچ کا فیصلہ معطل کرتے ہوئے انہیں بحال کر دیا۔اب دیکھنا یہ ہے کہ چیئرمین پی ٹی اے اپنی کرسی بچا پاتے ہیں یا یہ قانونی جنگ مزید لمبی چلے گی۔

اسلام آباد ہائیکورٹ نے چیئرمین پی ٹی اے کو عہدے پر بحال کردیا

عدالت نے چیئرمین پی ٹی اے کو عہدے سے ہٹانے کا جسٹس بابر ستار کا فیصلہ معطل کردیا

بجلی صارفین پر مزید اضافی بوجھ ڈالنے کی تیاری کی جارہی ہے، کراچی سمیت ملک کے تمام شہروں میں بجلی کے نرخوں میں ایک اور اضافہ متوقع ہے۔ بجلی تقسیم کار کمپنیوں نے نیشنل الیکٹرک پاور ریگولیٹری اتھارٹی (نیپرا) سے فی یونٹ 19 پیسے بڑھانے کی درخواست کی ہے۔یہ اضافہ اگست کے مہینے کی فیول ایڈجسٹمنٹ کی مد میں مانگا گیا ہے، جس پر سماعت 29 ستمبر کو ہوگی۔درخواست کے مطابق اگست میں بجلی کی مجموعی پیداوار 14 ارب 22 کروڑ یونٹس رہی، جن میں سے 13 ارب 71 کروڑ 50 لاکھ یونٹس تقسیم کار کمپنیوں کو فراہم کی گئیں۔ فی یونٹ بجلی کی اوسط لاگت 7 روپے 50 پیسے رہی جبکہ ریفرنس لاگت 7 روپے 31 پیسے مقرر کی گئی تھی۔نیپرا کی منظوری کی صورت میں یہ ایڈجسٹمنٹ کے الیکٹرک سمیت ملک بھر کے صارفین پر لاگو ہوگی، جس کے نتیجے میں عوام کو مزید مہنگی بجلی برداشت کرنا پڑے گی۔

کراچی سمیت ملک بھر کے صارفین کیلئے بری خبر،بجلی مزیدمہنگی ہونے کا امکان

بجلی کی تقسیم کار کمپنیوں نے نیپرا میں درخواست دے دی، سماعت 29 ستمبر کو ہوگی

اقوام متحدہ کی سلامتی کونسل کے اجلاس میں پاکستان کے مستقل مندوب عاصم افتخار نے انکشاف کیا ہے کہ افغانستان میں ٹی ٹی پی سمیت مختلف شدت پسند گروہوں کے 60 سے زائد کیمپ اب بھی سرگرم ہیں۔انہوں نے بتایا کہ ان دہشتگردوں کی پناہ گاہیں براہِ راست پاکستان پر حملوں میں استعمال ہو رہی ہیں، جو علاقائی امن و سلامتی کے لیے سنگین خطرہ ہیں۔ عاصم افتخار کے مطابق پاکستان اور چین نے بی ایل اے اور مجید بریگیڈ پر عالمی پابندی عائد کرنے کی باضابطہ درخواست بھی جمع کرائی ہے۔پاکستانی مندوب نے زور دیا کہ طالبان حکومت اپنی بین الاقوامی ذمہ داریوں کو پورا کرے اور دہشتگرد گروہوں کے محفوظ ٹھکانے ختم کرے۔ انہوں نے کہا کہ دنیا کو مل کر ایک پرامن اور مستحکم افغانستان کے قیام میں کردار ادا کرنا ہوگا، ورنہ یہ مسئلہ خطے کے تمام ممالک کے لیے خطرہ بنا رہے گا۔انہوں نے مزید خبردار کیا کہ افغانستان سے پھوٹنے والی دہشتگردی پاکستان کی قومی سلامتی کے لیے براہِ راست خطرہ ہے۔ یاد رہے کہ ماضی میں بھی پاکستان متعدد بار طالبان قیادت سے مطالبہ کر چکا ہے کہ سرحد پار سے ہونے والی دراندازی اور شدت پسند گروہوں کے کیمپس ختم کیے جائیں۔واضح رہے کہ وزیراعظم شہباز شریف اس سے قبل یہ کہہ چکے ہیں کہ افغانستان کو دوٹوک پیغام دیا گیا ہے کہ اسے یا تو دہشتگرد عناصر کا ساتھ دینا ہوگا یا پاکستان کے ساتھ کھڑا ہونا ہوگا، کیونکہ حالیہ دہشتگردی کے بیشتر واقعات میں افغان باشندوں کے ملوث ہونے کے شواہد موجود ہیں۔پاکستان نے ایک بار پھر عالمی برادری کو خبردار کیا ہے کہ اگر افغانستان میں دہشتگرد گروہوں کو روکا نہ گیا تو خطے کا امن اور استحکام مزید خطرے میں پڑ سکتا ہے، اور یہ صرف پاکستان کا نہیں بلکہ عالمی تحفظ کا مسئلہ ہے۔

افغانستان سے دہشت گردی قومی سلامتی کیلئے بڑا خطرہ ہے، عاصم افتخار

افغانستان میں دہشت گردوں کے 60 سے زائد کیمپ سرگرم ہیں،پاکستانی مندوب عاصم افتخار کا سلامتی کونسل میں انکشا ف

امریکی صدر ٹرمپ سرکاری دورے پر برطانیہ میں موجود ہیں، ٹرمپ کے برطانیہ پہنچنے پرایک جگہ استقبال تو دوسری جگہ مظاہرے ہوئے ، جس میں شرکا نے مطالبہ کیا کہ غزہ میں فوری جنگ بندی کرائی جائے۔بین الاقوامی میڈیا کےمطابق امریکی صدر کے سرکاری دورے پر برطانیہ میں ان کا پرتپاک استقبال کیا گیا، دوسری جانب وسطی لندن میں ان کی آمد کے خلاف احتجاجی مظاہرے شروع ہوگئے ، جس میں ہزاروں کی تعدا د میں مرد و خواتین نے شرکت کی۔لندن کے علاقے میں مظاہرین نے بڑی تعداد میں فلسطینی پرچم اور ٹرمپ مخالف پلے کارڈز اٹھائے ہوئے تھے، جس میں مطالبہ کیا گیا تھا کہ امریکی صدر اسرائیل کو مزید ہتھیار فراہم نہ کریں اور غزہ میں جاری جنگ کو فوری طور پر رکوانے کیلئے عملی اقدامات کریں۔ احتجاجی ریلی کے دوران پولیس کی بھاری نفری تعینات رہی تاکہ کسی بھی ناخوشگوار صورتحال سے بچا جا سکے۔دوسری جانب ڈونلڈ ٹرمپ اور خاتونِ اول میلانیا ٹرمپ کی برطانیہ آمد پر شاہی خاندان کی جانب سے شاندار استقبال کیا گیا، پرنس ولیم اور شہزادی کیتھرین نے امریکی مہمانوں کا خیرمقدم کیا، امریکی صدر ہیلی کاپٹر کے ذریعے ونزر کاسل پہنچے جہاں خصوصی شاہی جلوس کا اہتمام کیا گیا، اس جلوس میں صدر ٹرمپ کے ساتھ کنگ چارلس سواری کر رہے تھے جبکہ کوئین کمیلا اور میلانیا ٹرمپ اسکاٹش اسٹیٹ کوچ میں موجود تھیں۔شاہی محل ونزر کاسل پہنچنے پر شاہ چارلس سوم اور ملکہ کمیلا نے امریکی صدر اور خاتونِ اول کو خوش آمدید کہا، شاہی محل کے اس استقبالیہ میں دونوں ملکوں کے پرچم لہرائے گئے اور شاہی بینڈ نے خصوصی دھنیں بھی پیش کیں گئیں۔شاہ چارلس سوئم نے مہمان کے اعزاز میں عشائیہ دیا، شاہ چارلس نے امریکی صدر ڈونلڈ ٹرمپ کو خراج تحسین میں کہا امن کیلئے ڈونلڈ ٹرمپ کا عزم قابل قدر ہے، امریکا اور برطانیہ قریبی رشتے دار کی طرح ہیںاس موقع پر ٹرمپ کا تقریب سے خطاب میں کہنا تھا کے امریکا اور برطانیہ کے تعلقات دہائیوں سے قابل فخر ہیں، برطانیہ کا دورہ میری زندگی کے بڑے اعزازات میں سے ایک ہے، برطانیہ نے دنیا کو میگناکارٹا کی صورت میں ماڈرن پارلیمنٹ کا تصور دیا۔امریکی صدر ڈونلڈ ٹرمپ کے اس دورے کے دوران کئی اہم ملاقاتیں متوقع ہیں۔ٹرمپ کے دورۂ برطانیہ نے ایک بار پھر یہ حقیقت اجاگر کی ہے کہ مغرب میں طاقت ور رہنماؤں کے سرکاری پروٹوکول اور عوامی غصے کا بیانیہ اکثر ایک ساتھ چلتا ہے، خصوصاً جب معاملہ غزہ جیسے حساس مسئلے کا ہو۔

برطانیہ کے دورے پر امریکی صدرٹرمپ کیخلاف مظاہرے، غزہ جنگ رکوانے کا مطالبہ

شاہی خاندان نے امریکی صدر کے اعزاز میں خصوصی عشائیہ دیا، وسطی لندن میں ہزاروں افراد نے فلسطینی پرچم اٹھا کر احتجاج کیا

پاکستان میں معاشی حالات اور عوامی توقعات کے حوالے سے جاری ہونے والے تازہ سروے نے ایک بار پھر مشکلات کی نشاندہی کی ہے۔پاکستان میں معاشی حالات اور عوامی توقعات پر ایپسوس (Ipsos) کا تازہ کنزیومر کانفیڈنس انڈیکس سروے جاری کردیا گیا ہے، جس نے عوامی تشویش کو ایک بار پھر نمایاں کر دیا۔رپورٹ کے مطابق 74 فیصد پاکستانیوں کا خیال ہے کہ ملک غلط سمت میں جا رہا ہے جبکہ صرف 30 فیصد عوام موجودہ حالات کو درست سمت قرار دیتے ہیں۔ ہر چار میں سے صرف ایک شہری کو یقین ہے کہ پاکستان صحیح ٹریک پر گامزن ہے۔سروے میں بتایا گیا کہ 64 فیصد پاکستانیوں نے مہنگائی کو سب سے بڑا مسئلہ قرار دیا، اس کے بعد سب سے زیادہ شکایات بے روزگاری اور غربت سے متعلق سامنے آئیں۔ بے روزگار افراد کی شرح میں 7 فیصد اور غربت سے متاثرہ شہریوں کی شرح میں 6 فیصد اضافہ ریکارڈ کیا گیا۔معاشی اعتماد کے حوالے سے صورتحال مزید مایوس کن ہے۔ صرف 16 فیصد عوام معیشت کو مضبوط تصور کرتے ہیں جبکہ 61 فیصد کے نزدیک معیشت کمزور ہوچکی ہے۔ گھریلو اور ذاتی ضروریات پوری کرنا بھی عوام کے لیے مشکل ہوتا جا رہا ہے، 88 فیصد شہریوں نے بتایا کہ روزمرہ اشیا کی خریداری آسان نہیں رہی۔ملازمت اور کاروبار کے حوالے سے عوامی اعتماد بھی گر چکا ہے۔ صرف 19 فیصد پاکستانیوں کو اپنی جاب یا کاروبار کے محفوظ رہنے پر اعتماد ہے جو گزشتہ سروے کے مقابلے میں نمایاں کمی ہے۔رپورٹ میں نشاندہی کی گئی کہ بجلی اور ٹیکسز سے متعلق شکایات میں معمولی کمی آئی ہے، تاہم مہنگائی، بیروزگاری اور غیر یقینی معاشی حالات عوام کے لیے بدستور سب سے بڑے مسائل ہیں۔ایپسوس کی رپورٹ یہ بتاتی ہے کہ مہنگائی اور معاشی غیر یقینی صورتحال نے عوامی اعتماد کو شدید دھچکا دیا ہے، اور اگر حالات بہتر بنانے کے لیے فوری اور مؤثر اقدامات نہ کیے گئے تو یہ بے اعتمادی مزید گہری ہو سکتی ہے۔

74 فیصد پاکستانیوں کے نزدیک ملک غلط سمت میںہے، مہنگائی سب سے بڑا مسئلہ قراردیدیا

اکثریت کا معیشت پر عدم اعتماد، صرف 16 فیصد پاکستانی معیشت کو مضبوط تصور کرتے ہیں، بے روزگاری اور غربت میں بھی اضافہ ریکارڈ

ایشیا کپ کے دسویں میچ میں پاکستان نے یو اے ای کو 41 رنز سے شکست دے کر سپر فور مرحلے کے لیے کوالیفائی کرلیاجہاں اس کا 21 ستمبر کو بھارت سے مقابلہ ہوگا۔دبئی میں کھیلے گئے میچ میں پاکستان کی جانب سے دیے گئے 147 رنز کے تعاقب میں یو اے ای کی ٹیم اَٹھارویں اوورز میں 105 رنز پر آل آؤٹ ہوگئی، شاہین آفریدی کو آل راؤنڈ کارکردگی پر میچ کا بہترین کھلاڑی قرار دیا گیا۔قبل ازیں دبئی میں کھیلے گئے گروپ اے کے میچ میں یو اے ای نے ٹاس جیت کر پاکستان کو پہلے بیٹنگ کی دعوت دی۔پہلے بیٹنگ کرتے ہوئےپاکستان نے مقررہ 20 اوورز میں 9 وکٹوں کے نقصان پر 146 رنز بنائے۔پاکستان کی جانب سے فخر زمان 50 رنز بنا کر نمایاں رہے،جبکہ شاہین شاہ آفریدی 14 گیندوں پر 29 رنز بناکر ناٹ آئوٹ رہے،اس کے علاوہ صائم ایوب صفر، صاحبزادہ فرحان 5، کپتان سلمان علی آغا 20، حسن نواز 3، خوشدل شاہ اور محمد نواز4، 4 اور محمد حارث 18 رنز بناکر آؤٹ ہوئے،یو ا ے ای کی جانب سے جنید صدیقی نے 4، سمرنجیت سنگھ نے 3 اور دھروو پراشار نےایک وکٹ حاصل کی۔پاکستان کے دیئے گئے 147 رنز کے ہدف کے تعاقب میں یو اے ای کی ٹیم 105 رنز بنا کر آؤٹ ہوگئی۔یو اے ای کی جانب سے راہول چوپڑا 35 رنز بنا کر نمایاں رہے۔ دھروو پراشار 20، کپتان محمد وسیم 14، علی شان شرفو 12، حیدر علی 6، محمد زوہیب 4، محمد روہید 2، سمرنجیت سنگھ ایک جبکہ ہرشت کوشک اور آصف خان صفر کے انفرادی اسکور پر آؤٹ ہوئے۔واضح رہے ایشیا کپ میں گروپ اے سے بھارت اور پاکستان نے سپر فور مرحلے کیلئے کوالیفائی کیا ہے جبکہ عمان اور یو اے ای کا ایونٹ میں سفر ختم ہوگیا ہے۔

ایشیا کپ،پاکستان نے یو اے ای کو41رنز سے ہراکر سپر فور مرحلے کیلئے کوالیفائی کر لیا

پاکستان کے 147 رنز کے ہدف کے تعاقب میں یو اے ای کی پوری ٹیم 105 رنز بناکر آؤٹ ہوگئی

سعودی ولی عہد اور وزیرِاعظم پاکستان شہباز شریف نے ریاض میں ایک تاریخی’اسٹریٹجک باہمی دفاعی معاہدے‘ (ایس ایم ڈی اے) پر دستخط کیے ہیں۔ معاہدے کے تحت طے پایا کہ کسی ایک ملک کے خلاف ہونے والی جارحیت کو دونوں ممالک پر حملہ تصور کیا جائے گا۔ اس اقدام کا مقصد پاکستان اور سعودی عرب کے مابین دفاعی تعلقات کو مزید مضبوط بنانا اور مشترکہ سلامتی کو یقینی بنانا ہے۔وزیرِاعظم شہباز شریف نے سعودی ولی عہد و وزیرِاعظم محمد بن سلمان کی دعوت پر سعودی عرب کا سرکاری دورہ کیا، جہاں الیمامہ پیلس ریاض میں ان کا پرتپاک استقبال کیا گیا۔ اس موقع پر دونوں رہنماؤں کی موجودگی میں وفود کی سطح پر مذاکرات ہوئے۔ ملاقات میں دوطرفہ تعلقات، علاقائی سلامتی اور مشترکہ دلچسپی کے امور پر تفصیلی بات چیت کی گئی۔مشترکہ اعلامیے کے مطابق پاکستان اور سعودی عرب کے درمیان آٹھ دہائیوں پر محیط گہرے برادرانہ اور اسٹریٹجک تعلقات ہیں جو اسلامی یکجہتی اور باہمی اعتماد پر قائم ہیں۔ اسی تسلسل میں دفاعی تعاون کو مزید وسعت دینے کے لیے یہ معاہدہ کیا گیا، جو دونوں ممالک کے مشترکہ عزم اور خطے میں امن و استحکام کے قیام کی عکاسی کرتا ہے۔مشترکہ اعلامیے میں کہا گیا کہ پاکستان اور سعودی عرب کے تعلقات کئی دہائیوں پر محیط تاریخی شراکت، برادرانہ رشتے اور اسلامی یکجہتی پر قائم ہیں۔ دونوں ملک نہ صرف خطے بلکہ دنیا میں امن و استحکام کے لیے اپنے کردار کو مزید فعال بنانے پر متفق ہوئے ہیں۔اعلامیے کے مطابق موجودہ اور متوقع خطرات و چیلنجز کے تناظر میں یہ معاہدہ دفاع کو مضبوط بنائے گا اور دونوں ممالک کی دفاعی صلاحیتوں کی تیاری اور انضمام کو بڑھائے گا، معاہدے سے دونوں ممالک کی سلامتی اور علاقائی سالمیت کو لاحق کسی بھی خطرے کا مقابلہ کیا جا سکےگا۔ نیا دفاعی معاہدہ اس بات کی عکاسی کرتا ہے کہ اسلام آباد اور ریاض کسی بھی بیرونی جارحیت کے خلاف ایک دوسرے کے شانہ بشانہ کھڑے ہوں گے اور سلامتی و دفاعی تعاون کو مزید گہرا کریں گے۔اعلامیے کے مطابق وزیر اعظم نے پرتپاک استقبال اور مہمان نوازی پر محمد بن سلمان کا شکریہ ادا کیا، سعودی ولی عہد نے وزیرِ اعظم کی اچھی صحت اور عوام کی خوشحالی کے لیے نیک تمناؤں کا اظہار کیا۔وزیراعظم کے ہمراہ پاکستانی وفد میں نائب وزیراعظم محمد اسحاق ڈار، فیلڈ مارشل سید عاصم منیر، وفاقی وزرا خواجہ محمد آصف، عطاء اللّٰہ تارڑ، محمد اورنگزیب، ڈاکٹر مصدق ملک اور معاون خصوصی طارق فاطمی شامل ہیں۔ قبل ازِیںسعودی عرب پہنچنے پروزیراعظم اور پاکستانی وفد کاپُرتپاک استقبال کیا گیا، وزیرِ اعظم کی ریاض آمد پر پورے شہر میں سبز ہلالی پرچم لہرائے گئے۔اس موقع پر وزیرِ اعظم کو 21 توپوں کی سلامی اور سعودی عرب کی افواج کے چاک و چوبند دستے نے سلامی پیش کی۔ وزیراعظم شہزادہ محمد بن سلمان سے ملاقات کے لیے سعودی شاہی دیوان قصر یمامہ پہنچے جہاں وزیرِ اعظم کا سعودی شاہی پروٹوکول کے ساتھ گھڑ سواروں نے استقبال کیا۔ وزیراعظم کو سعودی مسلح افواج کے دستوں نے گارڈ آف آنر پیش کیا۔یہ دفاعی معاہدہ پاکستان اور سعودی عرب کے تعلقات میں ایک نئے باب کا آغاز ہے، جو دونوں ممالک کو خطے میں امن، استحکام اور سلامتی کے لیے مزید قریب لائے گا۔

ایک ملک پر حملہ دونوں پر تصور ہوگا،پاکستان اور سعودی عرب کے درمیان دفاعی معاہدہ

ریاض میں ہونے والے اعلیٰ سطحی مذاکرات میں خطے اور دنیا میں امن، استحکام اور دفاعی تعاون کو فروغ دینے پر اتفاق

ایشیا کپ کے متنازع ریفری اینڈی پائی کرافٹ نے پاکستانی ٹیم سے معافی مانگ لی جب کہ آئی سی سی نے معاملے کی تحقیقات کا فیصلہ کیا ہے۔ترجمان پی سی بی کے مطابق آئی سی سی کے میچ ریفری اینڈی پائی کرافٹ نے پاکستان ٹیم منیجر نوید اکرم چیمہ اور کپتان سلمان علی آغا سے باضابطہ معافی مانگی اور 14 ستمبر کو پاک بھارت میچ میں پیش آنے والے واقعہ کو غلط فہمی کا نتیجہ قرار دیا ہے۔اس حوالے سے پی سی بی نے ایکس پر پوسٹ شیئر کی ہے، جس میں کہا گیا ہے کہ آئی سی سی نے 14 ستمبر کے پاک بھارت میچ میں کوڈ آف کنڈکٹ کی خلاف ورزی کی تحقیقات پر آمادگی کا اظہار کیا ہے۔پی سی بی کی جانب سے اس حوالے سے ایک ویڈیو بھی جاری کی گئی ہے، جس میں زمبابوے سے تعلق رکھنے والے میچ ریفری اینڈی پائی کرافٹ کو ڈریسنگ روم میں پاکستان کرکٹ ٹیم کے منیجر نوید اکرم راجا، کپتان سلمان علی آغا اور ہیڈ کوچ مائیک ہیسن سے گفتگو کرتے اور ان سے پاک بھارت میچ کے دوران ہونے والے متنازع واقعہ پر معذرت کرتے دکھایا گیا ہے۔واضح رہےپاک بھارت میچ میں ریفری اینڈی پائی کرافٹ کے کردار پر شدید تحفظات کے بعد پاکستان کرکٹ بورڈ نے ان کی تبدیلی کا مطالبہ کیا تھا۔ اس حوالے سے پی سی بی نے آئی سی سی کو دو خطوط ارسال کیے اور واضح کیا کہ اگر ریفری کو نہ ہٹایا گیا تو پاکستان ایشیا کپ کے بقیہ میچز میں شرکت نہیں کرے گا۔ اس دباؤ کے نتیجے میں آئی سی سی کا ہنگامی اجلاس طلب ہوا، جہاں پی سی بی اور آئی سی سی کے درمیان طویل ڈیڈلاک کے بعد معاملہ آگے بڑھا۔ اس دوران قومی ٹیم پی سی بی کی ہدایت پر ہوٹل میں ہی موجود رہی اور میدان میں نہیں اتری۔ چیئرمین محسن نقوی نے سابق چیئرمین رمیز راجہ اور نجم سیٹھی سے بھی مشاورت کی، جبکہ آئی سی سی نے میچ کا آغاز ایک گھنٹہ مؤخر کردیا۔ بالآخر پی سی بی نے اپنے حتمی مؤقف سے آئی سی سی کو آگاہ کیا جس کے بعد تحقیقات پر اتفاق ہوا اور اینڈی پائی کرافٹ نے باضابطہ معافی مانگ لی۔ اس کے بعد قومی ٹیم کو اسٹیڈیم جانے کی اجازت دی گئی اور ٹیم یو اے ای میں اپنا میچ کھیلنے پہنچی۔یہ واقعہ ثابت کرتا ہے کہ کرکٹ میں شفافیت اور غیرجانبداری پر کوئی سمجھوتہ ممکن نہیں، اور مضبوط مؤقف ہی عالمی اداروں کو جوابدہ بنانے کا واحد راستہ ہے۔

ایشیا کپ تنازع، میچ ریفری اینڈی پائی کرافٹ نے معافی مانگ لی آئی سی سی تحقیقات پر آمادہ

پاکستان کرکٹ ٹیم کو تحقیقات کی یقین دہانی اور ریفری کی معافی کے بعد کھیلنے کی اجازت دی گئی

پاکستان اور یو اے ای کے میچ کو ایک گھنٹہ آگے بڑھا دیا گیا،چیئرمین پاکستان کرکٹ بورڈ (پی سی بی ) محسن نقوی نے پاکستان کرکٹ ٹیم کو اسٹیڈیم جانے کا کہہ دیا ہے۔سماجی رابطے کی ویب سائٹ ایکس پر چیئرمین پی سی بی محسن نقوی نے بتایا کہ پاکستان کرکٹ ٹیم کو اسٹیڈیم جانے کا کہہ دیا  ہے۔دوسری جانب ایشیا کپ میں میچ ریفری اینڈی پائی کرافٹ کی تبدیلی کے معاملے پر پی سی بی حکام کی مشاورت جاری ہے تاہم پاکستان اورمتحدہ عرب امارات کےمیچ کوایک گھنٹہ آگےبڑھا دیا گیا ہے۔ترجمان پی سی بی عامر میر نے میڈیا سے گفتگو کرتے ہوئے کہا کہ چیئرمین محسن نقوی کی جانب سے مشاورت کی دعوت پر سابق چیئرمین پی سی بی نجم سیٹھی اور رمیز راجہ پی سی بی ہیڈ آفس پہنچ چکے ہیں۔چیئرمین پی سی بی محسن نقوی کی دونوں سابق چیئرمینوں سے مشاورت کے بعدحتمی فیصلے کا اعلان کرینگے، کوشش ہےکہ اچھی خبرآئے۔ترجمان پی سی بی نے کہا کہ پاکستان اور یو اے ای کے درمیان میچ ایک گھنٹہ تاخیر کا شکار ہوگیا ہے، میچ ساڑھے 7 بجے کے بجائے ساڑھے 8 بجے ہوگا۔

ایشیا کپ ، پاکستان اور یو اے ای کے میچ کو ایک گھنٹہ آگے بڑھا دیا گیا

پاکستان کرکٹ ٹیم کو اسٹیڈیم جانے کا کہہ دیا، چیئرمین پی سی بی محسن نقوی

پاکستان تحریک انصاف کے چیئرمین بیرسٹر گوہر نے کہا ہے کہ ملک میں سزاؤں کا سلسلہ بند ہونا چاہیے کیونکہ نفرتوں کی سیاست سے صرف پاکستان کو نقصان پہنچ رہا ہے۔پشاور ہائیکورٹ میں میڈیا سے گفتگو کرتے ہوئے انہوں نے بتایا کہ آج عمر ایوب، شبلی فراز اور عبدالطیف کی نااہلی سے متعلق کیس کی سماعت تھی، جنہیں الیکشن کمیشن نے غیر قانونی طور پر نااہل قرار دیا۔ بیرسٹر گوہر کا کہنا تھا کہ عدالت سے درخواست کی ہے کہ اس معاملے کی جلد سماعت کی جائے، عوام انصاف کے منتظر ہیں اور عدلیہ پر امیدیں لگائے بیٹھے ہیں۔انہوں نے کہا کہ اسلام آباد ہائیکورٹ کے جج جسٹس طارق جہانگیری کو روکنے کا واقعہ افسوسناک ہے، کسی بھی جج کو عدالتی امور سے روکنا ناقابل قبول ہے۔ ان کے مطابق عوام کا عدلیہ پر پہلے ہی اعتماد کم ہوچکا ہے اور اب سپریم کورٹ کو فوری ایکشن لینا ہوگا۔چیئرمین پی ٹی آئی نے کہا کہ زیر التوا مقدمات جلد نمٹائے جائیں، ورنہ عوامی مایوسی مزید بڑھے گی۔ ان کا کہنا تھا کہ اگر ماتحت عدالتوں پر نظر رکھی جاتی تو ہمارے 3 رہنماؤں کو 100 سال کی سزا نہ دی جاتی۔ انہوں نے مطالبہ کیا کہ سزاؤں کا اتوار بازار بند ہونا چاہیے کیونکہ نفرت کی بنیاد پر حکومت کرنا ملک کے مفاد میں نہیں۔

سزاؤں کا اتوار بازار بند ہونا چاہیے، نفرتوں سے صرف نقصان ہوگا، بیرسٹر گوہر

عدلیہ سے انصاف اور ریلیف کی امید ہے، سپریم کورٹ فوری ایکشن لے،چیئرمین پی ٹی آئی کی گفتگو

امریکا نے ایران کے خلاف نئی اقتصادی پابندیوں کا اعلان کر دیا ہے۔ امریکی محکمہ خزانہ کے مطابق ایران سے متعلقہ کئی افراد اور کمپنیوں کو بلیک لسٹ کیا گیا ہے، جن پر الزام ہے کہ وہ ایرانی فوج اور حکومت کو مالی معاونت فراہم کرتے رہے۔پریس ریلیز میں بتایا گیا کہ ہانگ کانگ اور متحدہ عرب امارات میں سرگرم بعض شخصیات بھی اس فہرست کا حصہ ہیں۔ ان افراد اور اداروں پر یہ الزام عائد کیا گیا ہے کہ انہوں نے ایرانی تیل کی فروخت سے حاصل ہونے والی تقریباً 10 کروڑ ڈالر مالیت کی کرپٹو کرنسی منتقل کرنے میں کردار ادا کیا، جو بعد ازاں ایران کے دفاعی اور حکومتی اداروں کے لیے استعمال ہوئی۔امریکی حکام نے واضح کیا کہ اب ان کمپنیوں اور شخصیات کے ساتھ کوئی بھی امریکی شہری یا ادارہ تجارتی تعلق قائم نہیں کر سکے گا۔یہ پابندیاں ظاہر کرتی ہیں کہ امریکا ایران کے خلاف محض سفارتی سطح پر نہیں بلکہ مالیاتی میدان میں بھی دباؤ بڑھا رہا ہے، اور اس کے اثرات مشرقِ وُسطیٰ کی معیشت اور خطے کی سیاست دونوں پر پڑ سکتے ہیں۔

امریکا کا ایران کیخلاف ایک اور بڑا اقدام، نئی پابندیاں عائد کر دیں

ایرانی فوج کی مالی معاونت میں ملوث افراد اور ادارے بلیک لسٹ، ہانگ کانگ اور یو اے ای کی شخصیات بھی شامل

پنجاب حکومت نے جی ایچ کیو حملہ کیس کے جیل ٹرائل کا نوٹیفکیشن واپس لے لیا، اس حوالے سے نیا نوٹیفکیشن بھی جاری کر دیا گیا ہے۔میڈیارپورٹس کے مطابق حکومت پنجاب نے جی ایچ کیو حملہ کیس میں جیل ٹرائل سے متعلق جاری کیا گیا نوٹیفکیشن واپس لے لیا ہے۔ اس کیس کی سماعت اب یکم اکتوبر کو ہوگی جس میں بانی پی ٹی آئی عمران خان ویڈیو لنک کے ذریعے شریک ہوں گے۔انسدادِ دہشت گردی عدالت کے جج امجد علی شاہ نے سماعت کے دوران تین گواہان کو یکم اکتوبر کے لیے طلبی کے نوٹس جاری کیے اور ہدایت دی کہ ان کی حاضری ہر صورت یقینی بنائی جائے۔ عدالت نے واضح کیا کہ سانحہ 9 مئی کے 11 دیگر مقدمات میں اسی تاریخ کو چالان کی نقول تقسیم کی جائیں گی۔سابق وزیر خارجہ شاہ محمود قریشی بھی لاہور جیل سے ویڈیو لنک پر سماعت میں شریک ہوں گے۔ عدالت نے آئندہ پیشی کے لیے تمام ملزمان کے سمن جاری کرتے ہوئے ان کی یکم اکتوبر کو حاضری یقینی بنانے کا حکم دیا۔ وزیر اعلیٰ خیبر پختونخوا علی امین گنڈاپور کو بھی سمن بھیج دیا گیا ہے۔ادھر عمر ایوب، شبلی فراز، زرتاج گل اور کنول شوزب عدالت میں پیش نہ ہوئے، حالانکہ ان کے خلاف وارنٹ گرفتاری پہلے ہی جاری ہو چکے تھے۔ عدالت نے ان کے خلاف اشتہاری قرار دینے کی کارروائی شروع کرنے کی ہدایت بھی دی۔ فیصل آباد کی ایک عدالت پہلے ہی 14 ملزمان کے وارنٹ گرفتاری جاری کر چکی ہے۔ہوم ڈیپارٹمنٹ کی جانب سے جیل ٹرائل منسوخی کا نوٹیفکیشن سرکاری پراسیکیوٹر اکرام آمین منہاس نے عدالت میں پیش کیا۔ بانی چیئرمین پی ٹی آئی کے وکلاء نے بھی باقاعدہ طور پر یہ نوٹیفکیشن عدالت کو فراہم کرنے کی درخواست دی تھی۔جی ایچ کیو حملہ کیس کی مزید سماعت 19 ستمبر تک ملتوی کر دی گئی جبکہ سانحہ 9 مئی کے باقی مقدمات یکم اکتوبر کو سنے جائیں گے۔یہ پیش رفت اس بات کی عکاس ہے کہ 9 مئی کے واقعات سے جڑے مقدمات صرف قانونی نہیں بلکہ سیاسی نوعیت کے بھی ہیں، اور ان کا اثر مستقبل کی سیاست پر گہرا پڑ سکتا ہے۔

جی ایچ کیو حملہ کیس، پنجاب حکومت نے جیل ٹرائل کا نوٹیفکیشن واپس لے لیا

یکم اکتوبر کو عمران خان ویڈیو لنک پر شریک ہوں گے، عدالت نے تمام ملزمان کو طلب کر لیا

امریکی صدر ڈونلڈ ٹرمپ نے ٹک ٹاک پر پابندی کی ڈیڈ لائن میں ایک بار پھر توسیع کر دی ہے، اب یہ تاریخ 16 دسمبر 2025 تک بڑھا دی گئی ہے۔ ٹرمپ کے مطابق واشنگٹن اور بیجنگ کے درمیان اس معاملے پر معاہدہ طے پا گیا ہے جس کے تحت ٹک ٹاک کو امریکا میں کام کرنے کی اجازت مل جائے گی۔صدر ٹرمپ نے وائٹ ہاؤس سے برطانیہ روانگی کے موقع پر صحافیوں کو بتایا کہ "ٹک ٹاک پر ہماری ڈیل مکمل ہو گئی ہے، چین کے ساتھ معاہدہ طے پایا ہے اور جمعہ کے روز صدر شی جن پنگ سے اس کی باضابطہ تصدیق کروں گا۔"وال اسٹریٹ جرنل کے مطابق مجوزہ ڈیل کے تحت ٹک ٹاک کا امریکی آپریشن ایک نئے کنسورشیم کے سپرد کیا جائے گا، جس میں اوریکل، سلور لیک اور وینچر کیپیٹل فرم انڈریسن ہورووٹز جیسے سرمایہ کار شامل ہوں گے۔ اس نئی امریکی کمپنی میں تقریباً 80 فیصد حصص امریکی سرمایہ کاروں کے پاس ہوں گے جبکہ بورڈ میں بھی اکثریت امریکی نمائندوں کی ہوگی۔ ایک رکن امریکی حکومت نامزد کرے گی۔معاہدے کے تحت امریکا میں صارفین کو ایک نئی ایپ پر منتقل کیا جائے گا جس میں بائٹ ڈانس سے لائسنس شدہ الگورتھم استعمال ہوگا۔ یہی الگورتھم ٹک ٹاک کی کامیابی کی سب سے بڑی وجہ سمجھا جاتا ہے۔خیال رہے کہ امریکی حکام نے ٹک ٹاک کی مالک چینی کمپنی بائٹ ڈانس کو یا تو اپنا آپریشن امریکی سرمایہ کاروں کو فروخت کرنے یا پھر مکمل پابندی کا سامنا کرنے کی ہدایت دی تھی۔ اب تک ٹک ٹاک پر پابندی کی ڈیڈ لائن چار بار بڑھائی جا چکی ہے اور تازہ توسیع کے بعد نئی تاریخ 16 دسمبر 2025 مقرر کی گئی ہے۔ٹرمپ کا یہ فیصلہ وقتی ریلیف ضرور ہے، مگر اس سے واضح ہوتا ہے کہ ٹیکنالوجی صرف تفریح نہیں بلکہ اب عالمی سیاست اور طاقت کا ہتھیار بھی بن چکی ہے۔

ٹرمپ نے امریکا میں ٹک ٹاک پر پابندی کی ڈیڈ لائن 16دسمبر تک بڑھا دی

چین کے ساتھ معاہدہ کر لیا ہے اور جمعہ کو صدر شی جن پنگ سے اس کی باضابطہ تصدیق کروں گا،ڈونلڈٹرمپ

ایشین کرکٹ کونسل نے آج ہونے والے پاکستان اور یواے ای کے میچ کی پوسٹ ڈیلیٹ کر دی۔ایشین کرکٹ کونسل نے پاکستان اور متحدہ عرب امارات کے درمیان آج شیڈول میچ کے حوالے سے اپنے سوشل میڈیا پیجز پر پوسٹ لگائی اور کچھ ہی دیر بعد اسے حذف کر دیا۔ ابتدائی اعلان میں کہا گیا تھا کہ پاکستان اور یو اے ای کے درمیان ہونے والا میچ’ڈو اور ڈائی‘ ہوگا، جیتنے والی ٹیم اگلے مرحلے کے لیے کوالیفائی کرے گی جبکہ شکست کھانے والی ٹیم ایونٹ سے باہر ہو جائے گی۔ تاہم اچانک پوسٹ ڈیلیٹ کرنے سے صورتحال مزید الجھ گئی ہے۔دوسری جانب میچ ریفری اینڈی پائی کرافٹ سے متعلق تنازع مزید سنگین ہوگیا ہے۔ پی سی بی نے آئی سی سی کو دوسرا اور جوابی خط لکھتے ہوئے ٹی ٹوئنٹی ایشیاکپ کے میچ ریفری اینڈی پائیکرافٹ کو ہٹانے کا اپنا اصولی مطالبہ پھر دہرا دیا، پی سی بی نے اپنے جواب میں مؤقف اختیار کیا کہ اینڈی پائی کرافٹ نے جانبدار رویہ اپنایا اور ان کے خلاف کارروائی نہ کرنا ناقابل قبول ہے۔پی سی بی ذرائع کا کہنا ہے کہ پاکستان نے اینڈی پائی کرافٹ کی نگرانی میں میچ کھیلنے سے انکار کر دیا ہے اور واضح کر دیا ہے کہ اگر ان کا مطالبہ تسلیم نہ کیا گیا تو بائیکاٹ پر قائم رہیں گے۔ مزید کہا گیا ہے کہ آئی سی سی کی جانب سے ریفری کے خلاف کی جانے والی انکوائری محض ایک رسمی کارروائی تھی، جس میں نہ تمام پہلوؤں کا جائزہ لیا گیا اور نہ ہی متعلقہ افراد سے مؤثر طور پر رابطہ کیا گیا۔پاکستان نے اپنے مؤقف میں زور دیا ہے کہ جب تک تمام تر تحفظات دور نہیں ہوتے اور باضابطہ اعلان نہیں کیا جاتا، ٹیم میدان میں نہیں اترے گی۔ سخت موقف کے بعد آئی سی سی کو شدید دباؤ کا سامنا ہے اور امکان ہے کہ جلد ہی باضابطہ طور پر اینڈی پائی کرافٹ کو پاکستانی میچز سے ہٹانے کا اعلان کر دیا جائے گا۔پاکستانی ٹیم کے لیے آج کا میچ نہایت اہمیت کا حامل ہے کیونکہ فتح ہی اسے اگلے مرحلے میں لے جا سکتی ہے۔ شائقین کرکٹ پرامید ہیں کہ معاملہ جلد حل ہوگا اور اتوار کو روایتی حریف پاکستان اور بھارت کے درمیان ایک اور بڑا ٹاکرا دیکھنے کو ملے گا۔

ایشین کرکٹ کونسل نے پاکستان اور یواے ای کے آج ہونیوالے میچ کی پوسٹ ڈیلیٹ کردی

ایشیا کپ،پاکستان کرکٹ بورڈ کے سخت مؤقف کے بعد آئی سی سی دباؤ میں، جلد بڑا فیصلہ متوقع

ملالہ یوسفزئی کا سیلاب متاثرین کیلئے بڑا اقدام،پاکستان میں حالیہ تباہ کن سیلاب کے بعد ملالہ یوسفزئی ایک بار پھر متاثرین کے ساتھ کھڑی ہو گئیں۔ انہوں نے ادارہ تعلیم و آگاہی کے لیے 2 لاکھ ڈالر جبکہ ماونٹین انسٹیٹیوٹ فار ایجوکیشن اینڈ ڈیویلپمنٹ کے لیے 30 ہزار ڈالر گرانٹ دینے کا اعلان کیا ہے۔سماجی رابطے کی ویب سائٹ ’ایکس‘ پر اپنےویڈیو پیغام میں ملالہ نے کہا کہ ملک بھر میں سیلاب نے ہر صوبے کو متاثر کیا، ہزاروں اسکول تباہ ہوئے اور لاکھوں طلبہ، خصوصاً لڑکیاں، تعلیم سے محروم ہو گئیں۔ملالہ کا کہنا تھا کہ مشکل وقت میں ان کا دل پاکستانی عوام کے ساتھ ہے اور ہمیں سب کو مل کر ریلیف سرگرمیوں کو آگے بڑھانا ہوگا۔ انہوں نے واضح کیا کہ یہ وقت یکجہتی کا ہے تاکہ تعلیمی ڈھانچے کی ازسرِ نو تعمیر ممکن ہو اور متاثرہ بچیاں دوبارہ کلاس رومز تک پہنچ سکیں۔ملالہ یوسفزئی کا یہ اقدام نہ صرف ریلیف سرگرمیوں کو سہارا دے گا بلکہ مستقبل کی نسل کو تعلیم سے جڑے رہنے کا حوصلہ بھی فراہم کرے گا۔

ملالہ یوسفزئی کا سیلاب متاثرین کیلئے دل بڑا، لاکھوں ڈالر کی گرانٹس کا اعلان

پاکستانی طلبہ، بالخصوص بچیوں کی تعلیم جاری رکھنے کیلئے ہر ممکن تعاون کروں گی،ملالہ یوسفزئی

Pakistan’s Nadeem Arshad fell short at the finals, as Trinidad and Tobago’s Keshorn Walcott won gold at World Athletics Championship Final.

Nadeem Falls Short as Keshorn Walcott Wins Javelin Gold

Trinidad and Tobago&rsquo;s Keshorn Walcott came out as the ultimate winner in the Men&rsquo;s Javelin Final at the World Athletics Championships. He won his first global title after winning Olympic gold in 2012. The exceptional 88.16m throw gave Walcott the Javelin crown of the World Athletics Championship in Tokyo, Japan.

In gusty conditions at National Stadium, Walcott produced a masterclass with the help of two long throws. The 32-year-old Caribbean athlete was literally invincible at the finals. He looked prepared to take the crown, as his throws landed right into the winning territory.

Walcott first got the Olympic gold in 2012 when he was just a teenager. This made headlines everywhere, as getting a gold at such a small age is itself a big achievement. After that, he once again won bronze in the Rio Olympics 2016.

The silver medal of the Men&rsquo;s Javelin Final went to Anderson Peters of Grenada. He got the medal with a splendid 87.38m throw at the World Athletics Championship in Tokyo. This allowed him to add another big medal to his tally, complementing the wins of the 2019 and 2022 World Championships, where he also won golds.

The bronze medal went to Curtis Thompson of the United States. His throw of 86.67m in the final gave the US its first medal since Breaux Greer in 2007.

Surprisingly, Nadeem Arshad of Pakistan didn&rsquo;t achieve any feat in the finals. It should be noted that Nadeem had an injury for quite some time. This forced the legendary athlete to focus on rehab during much of the season.

Nadeem performed well in the previous round to book a place in the finals. However, due to not being at his best, he couldn&rsquo;t do well at the big stage that ultimately saw Caribbean stars taking the Javelin crown. Nadeem ultimately finished at the 10th position with his longest throw of 82.75m.

Meanwhile, Neeraj Chopra of India also failed to make a mark in the World Athletics Championship Final. He finished at the 8th position with his longest throw of 84.03m.

Some other notable names that missed the mark in the finals include Germany&rsquo;s Julian Weber. He was considered one of the favorites to grab the gold in the final. However, he also failed to deliver. His longest throw of 86.11m fell well short to match the prowess of leading Caribbean Javelin stars.

Trinidad’s Walcott Grabs Javelin Gold at World Athletics Championship Final

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan