Cricket

Entertainment

Football

تھائی وزیراعظم پیتونگا ترن شیناوترا معطل، فون کال لیک معاملے پر آئینی عدالت کا بڑا فیصلہ ،تھائی لینڈ کی آئینی عدالت نے ملک کی وزیراعظم پیتونگا ترن شیناوترا کو معطل کر دیا ہے۔ یہ فیصلہ اُس درخواست کے بعد سامنے آیا ہے جو تھائی لینڈ کے 36 سینیٹرز نے عدالت میں دائر کی تھی۔ درخواست گزاروں نے وزیراعظم پر سابق وزیراعظم کے ساتھ ایک نجی فون کال کے لیک ہونے کے بعد آئینی خلاف ورزی اور بے ایمانی کے الزامات عائد کیے تھے۔عدالت نے حکم دیا ہے کہ جب تک سینیٹرز کی جانب سے دائر درخواست پر حتمی فیصلہ نہیں ہو جاتا، وزیراعظم اپنے عہدے پر کام نہیں کر سکیں گی۔یاد رہے کہ حالیہ مہینے تھائی لینڈ اور کمبوڈیا کے درمیان فوجی کشیدگی کے بعد وزیراعظم پیتونگا ترن کی کمبوڈین رہنما سے ایک ٹیلیفونک گفتگو لیک ہو گئی تھی۔ اس گفتگو میں وہ تھائی فوجی جنرل پر تنقید کرتے ہوئے کمبوڈین قیادت کو مشورہ دے رہی تھیں کہ دوسرے فریقوں کی باتوں پر دھیان نہ دیں کیونکہ وہ خود کو زیادہ اہم ظاہر کرنے کی کوشش کر رہے ہیں۔فون کال کے لیک ہونے کے بعد وزیراعظم کو نہ صرف عوامی دباؤ کا سامنا کرنا پڑا بلکہ ان کے استعفے کا بھی مطالبہ کیا گیا، تاہم انہوں نے مستعفی ہونے سے انکار کر دیا تھا۔ اب عدالتی حکم کے بعد وہ عارضی طور پر اقتدار سے باہر ہو گئی ہیں۔

تھائی وزیراعظم  معطل، فون کال لیک معاملے پر آئینی عدالت کا بڑا فیصلہ

چھتیس سینیٹرز کی درخواست پر آئینی عدالت کا بڑا فیصلہ، فوجی جنرل کے خلاف تبصرے پر سیاسی طوفان

ترکیہ میں گستاخانہ خاکہ شائع کرنے پر ہفت روزہ میگزین کے ایڈیٹرز اور کارٹونسٹ کو گرفتار کرلیا گیا۔ترک میڈیا کے مطابق میگزین میں پیغمبر اسلام ﷺ کے گستاخانہ خاکے شائع کیے گئے جس پر عوام میں شدید غم و غصے کی لہر دوڑ گئی تھی۔یہ گستاخانہ خاکہ 26 جون 2025 کے شمارے میں شائع کیا گیاان گستاخانہ خاکوں کی اشاعت پرمذہبی حلقوں کی جانب سے بھی شدید ردعمل سامنے آیا تھا۔استنبول میں واقع میگزین کے دفتر پر مشتعل مظاہرین نے حملہ کر دیا۔ پولیس کی مشتعل مظاہرین کو روکنے کی تمام کوششیں ناکام ثابت ہوئیں۔پولیس نے میگزین کے تازہ شمارے کی تمام کاپیاں ضبط کرلیں اور ادارے کے خلاف قانونی کارروائی کا آغاز کر دیا گیا۔پولیس نے میگزین کے 4 سینیئر ملازمین 2 ایڈیٹر انچیفس، کارٹونسٹ اور منیجنگ ایڈیٹر کو گرفتار کرلیا جبکہ دیگر کئی افراد کے وارنٹ گرفتاری جاری کیے گئے ہیں۔ترک وزیر داخلہ علی یرلی قایا نے بعد ازاں سوشل میڈیا پلیٹ فارم ’ایکس‘ پر ایک ویڈیو شیئر کی، جس میں دکھایا گیا ہے کہ کارٹونسٹ کو ہتھکڑیاں لگا کر لے جایا جا رہا ہے۔وزیر داخلہ نے کارٹونسٹ کے ابتدائی ناموں کا استعمال کرتے ہوئے لکھا کہ ڈی پی نامی شخص، جس نے یہ گھٹیا ڈرائنگ بنائی تھی، اسے پکڑ لیا گیا ہے اور تحویل میں لے لیا گیا ہے۔ بے شرم افراد قانون کے سامنے جوابدہ ہوں گے۔اگرچہ ترکی میں ایک سیکولر قانونی نظام ہے، جس نے 1920 کی دہائی میں اسلامی قانون کو ختم کر دیا تھا۔ تاہم اگر کوئی شخص عوام کے کسی فرقے کی مذہبی اقدار کی کھلم کھلا توہین کرتا ہے، تو قانون کے تحت کسی بھی شخص کو ایک سال تک قید کی سزا دی جا سکتی ہے۔ترک میڈیا کی اطلاعات کے مطابق سوشل میڈیا پر اس تصویر کے پھیلنے کے بعد کئی درجن مظاہرین استنبول میں لیمن کے دفتر کے باہر جمع ہو گئے۔میگزین کے ایڈیٹر انچیف نے ان الزامات کو مسترد کرتے ہوئے وضاحت کی کہ متنازع خاکے کا پیغمبر اسلام سے کوئی تعلق نہیں۔میگزین نے کسی بھی طرح سے جذبات مجروح ہونے کے لیے سوشل میڈیا پر معافی نامہ جاری کیا اور کہا کہ کارٹون کو غلط سمجھا گیا ہے۔بیان میں کہا گیا ہے کہ کارٹونسٹ کا مقصد اسلام کی توہین کرنے کے بجائے اسرائیلی حملوں میں ہلاک ہونے والے ایک مسلمان شخص کے دکھ کو اجاگر کرنا تھا۔میگزین نے کہا کہ مسلمانوں میں پیغمبر کی تعظیم کے لیے دنیا میں سب سے زیادہ استعمال ہونے والا نام محمد ہے۔ اس کارٹون میں پیغمبر کو نہیں دکھایا گیا ہے اور نہ ہی اس میں مذہبی اقدار کا مذاق اڑایا گیا ہے۔میگزین نے کہا کہ بعض افراد اس کی دانستہ طور پر کچھ ایسی تشریحات کر رہے ہیں، جو بدنیتی پر مبنی ہیں۔اس حوالے سے ترک صدر طیب اردوان نے کہا کہ جو لوگ حضرت محمد ﷺ اور دیگر انبیا کی شان میں گستاخی کریں گے ان سے قانون کے مطابق بازپرس کی جائے گی۔صدر اردوان نے مزید کہا کہ مذکورہ خاکہ مزاح کے پردے میں کی گئی ایک گھٹیا اشتعال انگیزی ہے جو نفرت پر مبنی جرم ہے۔

ترکیہ میں توہین رسالت کے شبہے میں کارٹونسٹ اور ایڈیٹوریل ٹیم گرفتار

میگزین کے ایڈیٹر انچیف نے ان الزامات کو مسترد کرتے ہوئے وضاحت کی کہ متنازع خاکے کا پیغمبر اسلام سے کوئی تعلق نہیں

وفاقی حکومت نے بجلی بلوں سے پی ٹی وی فیس ختم کرنے کے اعلان کا نوٹیفکیشن جاری کردیا۔پاور ڈویژن کی جانب سے جاری نوٹیفیکیشن کے مطابق بجلی صارفین کیلئے جولائی 2025سے باضابطہ پی ٹی وی فیس کا خاتمہ کر دیا گیا ہے۔نوٹیفکیشن میں کہا گیا ہے کہ وزیراعظم کے اعلان کی روشنی میں تمام ڈسکوز کو بلوں سے فیس کے خاتمے کے احکامات جاری کئے گئے تھے۔خیال رہے وزیراعظم نے گزشتہ دنوں بجلی بل میں پی ٹی وی لائسنس فیس ختم کرنے کا اعلان کیا تھا جس پر عملدرآمد کرتے ہوئے یہ فیس ختم کر دی گئی۔واضح رہے کہ بجلی کے بلوں میں پی ٹی وی لائسنس فیس وصولی کا آغاز تقریباً 25 سال قبل کیا گیا تھا۔ ابتدا میں اس کی فیس 25 روپے ماہانہ تھی جو اب بڑھا کر 35 روپے کر دی گئی تھی۔تاہم کوئی میکنزم نہ ہونے کے باعث مساجد اور مدارس کے بجلی بلوں میں بھی پی ٹی وی لائسنس فیس شامل ہوتی تھی۔ جس پر عوام الناس کی جانب سے کئی بار ردعمل ظاہر کیا گیا تاہم پی ٹی وی لائسنس فیس مساجد اور مدارس کے بلوں میں بھی وصول کی جاتی رہی۔

پچیس سال بعد بجلی کے بلوں سے پی ٹی وی لائسنس فیس ختم،نوٹیفکیشن جاری  کردیاگیا

پاور ڈویژن نے نوٹی فکیشن میں واضح کردیا ہے کہ پی ٹی وی فیس کا خاتمہ رواں ماہ سے نافذ العمل ہوگا

پاکستان تحریک انصاف کے بانی و سابق وزیراعظم عمران خان نے پارٹی قیادت کو ہدایت کی ہے کہ 10 محرم الحرام کے بعد حکومت کے خلاف بھرپور تحریک شروع کی جائے۔راولپنڈی کی اڈیالہ جیل کے باہر عمران خان کی بہنوں نے میڈیا سے گفتگو کی، جنہوں نے عمران خان سے ملاقات کے دوران ہونے والی تفصیلات سے آگاہ کیا۔علیمہ خان اور نورین خان نے میڈیا سے گفتگو کرتے ہوئے کہاکہ عمران خان نے شکوہ کیا ہے کہ آج میری بہنوں کو صرف 15 منٹ کے لیے ملاقات کی اجازت دی گئی، جبکہ وکیل ظہیر عباس کو ڈیڑھ منٹ کی اجازت ملی۔ دیگر وکلا سلمان صفدر، سلمان اکرم راجا اور نیاز اللہ نیازی کو ملاقات کی اجازت تک نہیں دی گئی۔علیمہ خان کے مطابق عمران خان نے کہاکہ ان تمام رکاوٹوں کا مقصد مجھے سیاسی طور پر مائنس کرنا ہے۔ میں نے 26 ویں آئینی ترمیم پر بات کی تھی، جس کے اثرات اب سب کے سامنے آ رہے ہیں۔ اگر آپ لوگوں کا ووٹ چوری کرلیں اور کہیں کہ ووٹ کی کوئی اہمیت نہیں، تو یہ مارشل لا ہی ہے۔ اگر عدلیہ کو حکومت کا محکمہ بنا دیا جائے اور ججوں کے ساتھ جو سلوک ہو رہا ہے وہ جاری رہا تو ملک میں قانون کی حکمرانی ختم ہو جائےگی۔علیمہ خان کے مطابق بانی پی ٹی آئی نے کہاکہ موجودہ اسمبلیوں میں بیٹھے افراد عوام کے ووٹ سے نہیں آئے بلکہ ان پر عوام کی مرضی مسلط کی گئی ہے۔ میڈیا کی آواز بند کی جا چکی ہے اور اب 27 ویں آئینی ترمیم لائی جا رہی ہے۔عمران خان کے بقول اس ترمیم کے بعد بہتر ہے کہ بادشاہت کا اعلان کر دیا جائے کیونکہ عوام کی آواز ختم کر دی گئی ہے۔ پاکستان ہندوستان سے آزادی کے بعد کلمہ طیبہ کے نام پر وجود میں آیا تھا، یہی کلمہ ہماری بنیاد ہے، لیکن آج قوم کو مکمل طور پر غلام بنایا جا رہا ہے۔ اگر یہ غلامی برقرار رہتی ہے تو میں پوری زندگی جیل میں گزارنے کو تیار ہوں۔علیمہ خان کے مطابق عمران خان نے اپنی جماعت کو واضح ہدایات دے دی ہیں کہ 10 محرم الحرام کے بعد اس غلامی کے نظام کے خلاف منظم تحریک شروع کی جائے۔انہوں نے پنجاب اسمبلی میں اپوزیشن کے کردار کو سراہتے ہوئے مزاحمت کرنے والے اراکین کی تعریف کی اور کہا کہ اس وقت 26 اراکین ایسے ہیں جن پر مختلف پابندیاں عائد کی گئی ہیں، لہٰذا بہتر ہوگا کہ ہمارے ارکان اسمبلی کے باہر اپنی الگ اسمبلی لگائیں۔عمران خان نے تحریک انصاف کی قیادت کو واضح ہدایت دے دی ہے کہ تحریک کی تیاری مکمل رکھی جائے، اور ان کی طرف سے دی گئی رہنمائی سلمان اکرم راجا کو فراہم کر دی گئی ہے۔علیمہ خان نے مزید کہاکہ عمران خان کو جیل میں تنہائی میں رکھا جا رہا ہے، اور انہیں بنیادی حقوق تک نہیں دیے جا رہے۔ ان کے مطابق جیل انتظامیہ انہیں کتابیں تک مہیا نہیں کر رہی، 22 گھنٹے سیل میں بند رکھتے ہیں اور صرف 2 گھنٹے کے لیے باہر آنے کی اجازت ملتی ہے۔انہوں نے اعلان کیا کہ 10 محرم کے بعد پاکستان تحریک انصاف باضابطہ احتجاجی تحریک کے لائحہ عمل کا اعلان کرےگی۔

عمران خان نے پارٹی قیادت کو 10 محرم کے بعد حکومت کیخلاف تحریک چلانے کی ہدایت کردی

قوم کو مکمل طور پر غلام بنایا جارہا ہے اس غلامی سے بہتر ہے میں ساری زندگی جیل میں رہوں، عمران خان

سپریم کورٹ کے سینئر جج جسٹس منصور نے جوڈیشل کمیشن کے اجلاس میں 26ویں آئینی ترمیم پر فیصلہ پہلے کرنے کا مطالبہ کردیا، جبکہ جسٹس منیب اختر نے بھی جسٹس منصور علی شاہ کی رائے سے اتفاق کیا۔میڈیارپورٹس کے مطابق چیف جسٹس سپریم کورٹ آف پاکستان، جسٹس یحییٰ آفریدی کی صدارت میں جوڈیشل کمیشن کا اجلاس ہوا، جس میں مستقل چیف جسٹس پشاور ہائی کورٹ کے نام پر غور کیا گیا۔جوڈیشل کمیشن اجلاس میں جسٹس ایس ایم عتیق شاہ کو چیف جسٹس پشاور ہائی کورٹ تعینات کرنے کا فیصلہ کیا گیا۔ذرائع کے مطابق جسٹس منصور علی شاہ نے اجلاس کی کارروائی کے دوران اعتراض اٹھا دیا اور کہا کہ 26 ویں آئینی ترمیم پر فیصلہ پہلے ہونا چاہیے۔ جسٹس منیب اختر نے بھی جسٹس منصور علی شاہ کی رائے کے حق میں رائے دی۔ذرائع کے مطابق پی ٹی آئی کے دو ممبران جوڈیشل کمیشن نے بھی جسٹس منصور شاہ کی رائے کی حمایت کی، وزیر قانون خیبرپختون خوا نے بھی جسٹس منصور علی شاہ کی رائے سے اتفاق کیا۔

چھبیسویں آئینی ترمیم پر پہلے فیصلہ کیا جائے، جسٹس منصور علی شاہ کا جوڈیشل کمیشن میں مؤقف

پی ٹی آئی کے دو ممبران اور خیبرپختونخوا کے وزیر قانون نے جسٹس منصور کے مؤقف کی تائید کر دی

اسلام آباد(این این آئی)عوام پر اضافی ٹیکسوں کا بوجھ ڈالنے کے باوجود حکومت 129 کھرب روپے سے زائد ٹیکس ہدف حاصل کرنے میں ناکام ہوگئی، مجموعی طور پر محصولات میں گزشتہ سال کی نسبت 26 فیصد یا24.3 کھرب روپے زائد اضافہ ہوا۔میڈیارپورٹ کے مطابق وزیرخزانہ محمد اورنگ زیب نے بغیر منی بجٹ129کھرب سے زائد وصولیاں یقینی بنانے کا عندیہ دیا تھا۔مبصرین کے مطابق منی بجٹ کے بغیر محصولات کے ہدف کا حصول ممکن نہیں تھا۔عبوری اعدادوشمار کے مطابق ایف بی آر نے ختم ہونیوالے مالی سال میں117.3 کھرب روپے کی وصولیاں کی، جو ہدف سے تقریباً 12 کھرب روپے کم ہیں۔حکومت نے مالی سال2024-25کے دوران ٹیکس جی ڈی پی تناسب10.6 فیصد تک بڑھانے کاآئی ایم ایف سے وعدہ کیا، جوکہ 10.2 فیصد رہا۔ ٹیکس حکام کے مطابق بجٹ میں13 کھرب کے اضافی ٹیکس عائد کرنے کے باوجود وصولیاں ہدف سے12 کھرب روپے کم رہیں۔اس ناکامی نے سابق چیئر مین ایف بی آر امجد زبیر ٹوانہ کی پیش گوئی درست ثابت کی کہ تمام تر کوششوں کے باوجود وصولیاں118 کھرب سے بڑھ نہیں سکتیں۔حکومت نے 129.7 کھرب کا ٹیکس ہدف حاصل کرنے کیلئے تنخواہ دار طبقے پر اضافی بوجھ، پیکٹ دودھ سمیت لگ بھگ تمام اشیائے ضرورت پر ٹیکس لگایا، مگر غیر حقیقی ٹیکس ہدف، معاشی سست روی اور شرح مہنگائی میں مسلسل کمی محصولات میں26 فیصد اضافہ ممکن نہ بنایا جا سکا،تاجر دوست اسکیم کے تحت دکان داروں سے50 ارب روپے انکم ٹیکس حاصل نہ ہوا۔

عوام پر بھاری ٹیکسوں کے بوجھ کے باوجود ٹیکس ہدف حاصل نہ ہوا

وصولیوں میں 12 کھرب روپے خسارہ، پٹرولیم لیوی میں اضافہ، دیگر اقدامات بھی کام نہ آئے،رپورٹ

قومی ٹیم کو بڑا جھٹکا، اہم آل راؤنڈر بنگلادیش اور ویسٹ انڈیز سیریز سے باہرہوگئے،ذرائع کے مطابق نائب کپتان قومی ٹی ٹوئنٹی ٹیم شاداب خان کندھے کی تکلیف میں مبتلا ہوگئے ہیں، وہ 3 ماہ تک کرکٹ سے آؤٹ ہو سکتے ہیں۔ شاداب خان کی کندھے کی تکلیف سے نجات کیلئے سرجری کا امکان ہے، جس کے لیے وہ انگلینڈ بھی جا سکتے ہیں۔ذرائع کے مطابق پاکستانی آل راؤنڈر دائیں کندھے کی تکلیف کا شکار ہیں، معالجوں نے انہیں سرجری تجویز کی ہے۔سرجری کے بعد شاداب تقریباً 3 ماہ تک کرکٹ سے آؤٹ ہوسکتے ہیں، بنگلا دیش اور ویسٹ انڈیز کے خلاف سیریز میں بھی شاداب خان نہیں کھیل سکیں گے۔سرجری کے بعد شاداب خان لگ بھگ 3 ماہ تک ہر طرح کی کرکٹ سے آؤٹ ہو سکتے ہیں۔

قومی ٹیم کو بڑا جھٹکا، اہم آل راؤنڈر بنگلادیش اور ویسٹ انڈیز سیریز سے باہر

معالجین نےشاداب خان کو سرجری تجویزکی ہے اور اس مقصد کے لیے وہ انگلینڈ روانہ ہو سکتے ہیں

فٹبال کی دنیا کے اسٹار لیونل میسی کو جہاں لاکھوں نوجوان مداح پسند کرتے ہیں، وہیں ایک 98 سالہ معمر فین نے انوکھی پیشکش کرکے سب کو حیران کر دیا!’گینگسٹر گرینی‘ کے نام سے مشہور پالین کینا نے میسی سے شادی کی پیشکش کر دی، وہ بھی ایک بڑے بینر پر لکھ کر ، جس کے بعد فٹبالر کا دلچسپ ردعمل توجہ کا مرکز بن گیا۔فٹبال کے عظیم کھلاڑی لیونل میسی کے مداح دنیا بھر میں موجود ہیں، مگر اس بار ان کی ایک 98 سالہ پُرجوش فین نے سب کی توجہ اپنی جانب مبذول کروالی۔’گینگسٹر گرینی‘ کے لقب سے مشہور بزرگ خاتون نے میسی سے شادی کی دلچسپ پیشکش کر کے اس لمحے کو اسٹیڈیم اور سوشل میڈیا پر یادگار بنا دیا۔یہ واقعہ اس وقت پیش آیا جب انٹر میامی فیفا کلب ورلڈکپ کے گروپ اسٹیج کے آخری میچ میں پالمیراس کے مدمقابل تھی۔ میچ کے آغاز سے قبل میسی وارم اپ کر رہے تھے، ان کی نظر ایک منفرد بینر پر پڑی جس پر جاذبِ نظر الفاظ تحریر تھے کہ ’میسی، کیا آپ مجھ سے شادی کریں گے؟‘یہ پیغام کسی نوجوان مداح کا نہیں بلکہ 98 سالہ پالین کینا کا تھا، جنہیں ان کے مداح ’گینگسٹر گرینی‘ کے نام سے جانتے ہیں۔ بینر پر لکھی بات پڑھ کر میسی مسکراتے نظر آئے۔اگرچہ انہوں نے ہاتھ کے اشارے سے نہایت مہذب انداز میں انکار کیا، لیکن ان کے چہرے کے تاثرات بدل گئے۔ پالین کینا صرف ایک عام گرینی نہیں بلکہ سوشل میڈیا اسٹار بھی ہیں، وہ اکثر اپنے نواسے راس اسمتھ کے ہمراہ مختلف اسپورٹس ایونٹس میں شرکت کرتی ہیں۔ ’گینگسٹر گرینی‘ اپنی حاضر دماغی اور زندہ دلی سے سب کا دل موہ لیتی ہیں۔اور یہی وجہ ہے کہ اس بار انہوں نے ناصرف اسٹیڈیم میں موجود شائقین بلکہ خود لیجنڈری فٹبالر لیونل میسی کا بھی دل جیتا۔ انسٹاگرام پر ان کا اکاؤنٹ پہلے ہی ’Gangster Granny‘ کے نام سے مشہور تھا، تاہم میسی کو شادی کی پیشکش کے بعد ان کے فالورز کی تعداد میں بے پناہ اضافہ ہو گیا۔

۔۔98 سالہ ’گینگسٹر گرینی‘ کی میسی کو شادی کی پیشکش، فٹبالر کا ردعمل وائرل

’میسی، کیا آپ مجھ سے شادی کریں گے؟‘98 سالہ پالین کینا‘ بینر پر لکھی بات پڑھ کر میسی مسکراتے نظر آئے

امریکا نے شام پر سے اقتصادی پابندیاں اٹھانے کا اعلان کر دیا۔امریکا کے صدر ڈونلڈ ٹرمپ نے شام پر عائد اقتصادی پابندیاں باضابطہ ختم کرتے ہوئے صدارتی ایگزیکٹو آرڈر جاری کر دیا،امریکی محکمہ خارجہ کی ترجمان نے کہا کہ سابق شامی صدر بشارالاسد، داعش اور ایرانی اتحادیوں پر پابندیاں برقرار رہیں گی۔سینئر امریکی عہدیدار کا کہنا تھا کہ امریکا شام کو دہشتگردی کی معاون ریاست قرار دینے کے فیصلے کا جائزہ لے رہا ہے۔دوسری جانب شامی وزیر خارجہ نے امریکی اقدامات کا خیر مقدم کرتے ہوئے کہا کہ پابندیاں اٹھانے سے شام عالمی برادری کے لیے کھل جائے گا۔ان کا کہنا تھا کہ پابندیوں کا خاتمہ تعمیرِ نو اور ترقی کا راستہ ہموار کرے گا۔

امریکی صدرٹرمپ نے شام پر عائد پابندیاں ہٹانے کے حکم نامے پر دستخط کردیے

سابق شامی صدر بشارالاسد، داعش اور ایرانی اتحادیوں پر پابندیاں برقرار رہیں گی،ترجمان محکمہ خارجہ

لاہور سمیت پنجاب کے مختلف شہروں میں زلزلے کے جھٹکے محسوس کیے گئے ہیں جس کے باعث شہریوں میں خوف و ہراس پھیل گیا۔زلزلے کے شدید جھٹکے قصور، اوکاڑہ، شیخوپورہ، گوجرانوالہ، مریدکے، کامونکے، ننکانہ میں بھی محسوس کیے گئے ہیں، زلزلے سے عمارتیں لرز گئیں۔زلزلہ پیما مرکز کے مطابق زلزلے کی شدت 4.4 ریکارڈ کی گئی ہے جب کہ گہرائی 12 کلو میٹر تھی۔ زلزلے سے عمارتیں لرز گئیںاور عوام میں خوف ہراس پھیل گیا، لوگ کلمۂ طیبہ کا ورد کرتے ہوئے گھروں سے باہر نکل آئے، اس زلزلے کے نتیجے میں تاحال کسی قسم کے نقصان کی اطلاع موصول نہیں ہوئی۔

لاہور سمیت پنجاب کے مختلف شہروں میں زلزلے کے جھٹکے

قصور، اوکاڑہ، ننکانہ، شیخوپورہ، مریدکے، کامونکی، گوجرانوالہ میں بھی زلزلہ، شہری کلمہ طیبہ کا ورد کرتے ہوئے گھروں سے باہر نکل آئے

عالمی شہرت یافتہ پرتگالی فٹبالر کرسٹیانو رونالڈو نے سعودی عرب میں مستقل رہائش اختیار کرنے کی خواہش ظاہر کر دی ہے۔ النصر فٹبال کلب کی جانب سے جاری کردہ ایک ویڈیو پیغام میں رونالڈو نے کہا کہ وہ اپنی بقیہ زندگی سعودی عرب میں گزارنا چاہتے ہیں، جہاں وہ اور ان کا خاندان خود کوگھر جیسا ماحول محسوس کرتے ہیں۔رونالڈو نے کہا، میرا خاندان ہمیشہ میرے فیصلوں کے ساتھ کھڑا رہا ہے اور ہم یہاں سعودی عرب میں بہت خوش ہیں، اسی لیے ہم نے یہی اپنی زندگی کا نیا گھر بنانے کا فیصلہ کیا ہے۔ رونالڈو نے دسمبر 2022 میں مانچسٹر یونائیٹڈ کو خیرباد کہہ کر سعودی کلب النصر میں شمولیت اختیار کی تھی۔ حال ہی میں انہوں نے النصر کے ساتھ اپنا معاہدہ 2027 تک بڑھا دیا، جس کا باضابطہ اعلان گزشتہ جمعرات کو کیا گیا۔فٹبال کے میدان میں اپنے عزائم کا اظہار کرتے ہوئے رونالڈو نے کہا کہ ان کا ہدف النصر کے ساتھ بڑا ٹائٹل جیتنا ہے۔ انہوں نے مزید انکشاف کیا کہ انہیں امریکا میں جاری فیفا کلب ورلڈ کپ میں شرکت کی پیشکش ملی تھی، تاہم انہوں نے آرام اور آئندہ سیزن کی تیاری کو ترجیح دیتے ہوئے اس میں شرکت سے معذرت کر لی۔

سعودی عرب میرا نیا گھر ہے،اسٹارفٹبالرکرسٹیانو رونالڈو کا بڑا اعلان

خاندان سمیت سعودی عرب میں مستقل رہائش کا فیصلہ،فیفا کلب ورلڈ کپ کی پیشکش بھی مسترد کر دی

عالمی درجہ حرارت میں اضافے سے یورپ میں گرمیوں کی پہلی ہیٹ ویو جاری کردی گئی۔یورپ بھر میں رواں سیزن کی پہلی خطرناک ہیٹ ویو نے درجہ حرارت کے ریکارڈ توڑ دیے ہیں۔ جنوبی یورپ کے کئی ممالک شدید گرمی کی لپیٹ میں آ چکے ہیں، جہاں درجہ حرارت 40 ڈگری سینٹی گریڈ سے بھی تجاوز کر گیا ہے۔ اسپین کے شہر ایل گراناڈو میں جون کے مہینے میں درجہ حرارت 46 ڈگری سینٹی گریڈ تک جا پہنچا، جب کہ پرتگال کے علاقے مورا میں 47 ڈگری سینٹی گریڈ ریکارڈ کیا گیا۔اٹلی، یونان، فرانس، اسپین اور پرتگال میں شدید گرمی کے باعث صحت کے حوالے سے ایمرجنسی الرٹس جاری کر دیے گئے ہیں۔ اٹلی سمیت متعدد ممالک میں ہیٹ ویو کے پیش نظر شہریوں کو گھروں میں رہنے کی ہدایات دی گئی ہیں، جب کہ روم میں گرمی سے بچاؤ کے لیےڈھائی ہزار فوارے نصب کیے گئے ہیں۔دوسری جانب وسطی اور مشرقی یورپ کے ممالک جیسے آسٹریا، بلجیم، بوسنیا، ہنگری، سربیا، سلووینیا اور سوئٹزرلینڈ میں بھی گرمی کی غیر معمولی شدت کی پیش گوئی کی گئی ہے۔برطانیہ بھی جھلسا دینے والی گرمی کی زد میں ہے، جہاں لندن میں درجہ حرارت 33 ڈگری سینٹی گریڈ تک پہنچ گیا۔ بارشوں کی کمی اور مسلسل دھوپ کے باعث ملک میں خشک سالی کے خدشات بھی بڑھ رہے ہیں۔ماہرین موسمیات کا کہنا ہے کہ عالمی حدت میں اضافہ اب یورپ کے موسمِ گرما کو پہلے سے کہیں زیادہ شدید بنا رہا ہے۔

یورپ شدید ترین گرمی کی لپیٹ میں، اسپین اور پرتگال میں درجہ حرارت 47 ڈگری تک جا پہنچا

برطانیہ بھی جھلسا دینے والی گرمی کی زد میں ہے، جہاں لندن میں درجہ حرارت 33 ڈگری سینٹی گریڈ تک پہنچ گیا

حکومت نے ایک بار پھر مہنگائی کی ماری عوام پر پٹرول بم گرا دیا۔وفاقی حکومت نے پیٹرولیم مصنوعات کی نئی قیمتوں کا اعلان کر دیا۔نوٹیفکیشن کے مطابق پٹرول کی قیمت میں 8 روپے 36 پیسے فی لیٹر اضافہ کیا گیا ہے، جس کے بعد پٹرول کی نئی قیمت 258 روپے 43 پیسے سے بڑھ کر 266 روپے 79 پیسے فی لیٹر ہو گئی ہے۔اسی طرح ہائی اسپیڈ ڈیزل کی قیمت میں 10 روپے 39 پیسے فی لیٹر اضافہ کیا گیا ہے، جس کے بعد نئی قیمت 262 روپے 59 پیسے سے بڑھ کر 272 روپے 98 پیسے فی لیٹر ہو گئی ہے۔وزارتِ خزانہ کے مطابق نئی قیمتوں کا اطلاق آج  سے کر دیا گیا ہے۔

حکومت نے ایک بار پھر مہنگائی کی ماری عوام پر پٹرول بم گرا دیا،قیمتوں میں بڑا اضافہ

ڈیزل کی قیمت میں 10 روپے 39 پیسےفی لیٹر اور پیٹرول کی قیمت میں 8 روپے 36 پیسے فی لیٹر اضافہ کیا گیا ہے

امریکی سابق صدر ڈونلڈ ٹرمپ نے خبردار کیا ہے کہ اگرزہران ممدانی نیویارک کے میئر منتخب ہوئے تو نیویارک کو وفاقی فنڈز فراہم نہیں کیے جائیں گے۔امریکی ٹی وی کو انٹرویو دیتے ہوئے ٹرمپ نے الزام لگایا کہ زہران ممدانی ’’خالص کمیونسٹ‘‘ نظریات رکھتے ہیں، اور ان کی کامیابی نیویارک کے لیے نقصان دہ ثابت ہوگی۔انہوں نے مزید کہا کہ اگر ممدانی میئر بن گئے اور میں دوبارہ صدر منتخب ہوا، تو انہیں اپنے اقدامات درست کرنے ہوں گے، ورنہ نیویارک کو وفاقی فنڈنگ نہیں دی جائے گی۔واضح رہے کہ نیویارک میں میئر کے انتخابات رواں سال نومبر میں ہونے ہیں، اور حالیہ ڈیموکریٹک پرائمری میں زہران ممدانی نے بھاری مارجن سے کامیابی حاصل کی ہے۔زہران ممدانی، جو نیویارک میئرشپ کے لیے مسلم امیدوار ہیں، پہلے ہی یہ اعلان کر چکے ہیں کہ اگر وہ میئر منتخب ہوئے اور اسرائیلی وزیراعظم نیویارک کا دورہ کریں گے، تو وہ ان کی گرفتاری کا حکم جاری کریں گے۔یاد رہے زہران ممدانی نیویارک میں فلسطینی عوام کے کھلے حامی اور اسرائیلی پالیسیوں کے ناقد سمجھے جاتے ہیں۔ انہوں نےاسٹوڈنٹس فار جسٹس ان فلسطین تنظیم کے کالج چیپٹر کی بنیاد رکھی اور 2023 میں جنگ بندی کے حق میں وائٹ ہاؤس کے سامنے بھوک ہڑتال بھی کی۔زہران نے حالیہ پرائمری انتخابات میں سابق گورنر اینڈریو کومو کو شکست دی، اور اب وہ نیویارک سٹی کے پہلے مسلمان میئر بننے کے قریب ہیں۔ ان کی جیت کو امریکہ میں مسلم کمیونٹی کے لیے تاریخی موڑ سمجھا جا رہا ہے۔ٹرمپ ماضی میں بھی مختلف ریاستوں، یونیورسٹیوں اور حکام کو دھمکیاں دیتے رہے ہیں کہ اگر وہ ان کی پالیسیز سے انحراف کریں تو اُن کی فنڈنگ بند کر دی جائے گی۔سیاسی تجزیہ کاروں کے مطابق زہران ممدانی کی یہ کامیابی نہ صرف نیویارک بلکہ امریکہ بھر میں مسلم کمیونٹی کے لیے ایک تاریخی پیش رفت ہے۔ دوسری جانب، ڈونلڈ ٹرمپ کا یہ سخت موقف اُن کے اُس بیانیے کا تسلسل ہے جس میں وہ اپنے مخالفین پر دباؤ ڈالنے کے لیے وفاقی فنڈز کو ہتھیار کے طور پر استعمال کرتے رہے ہیں۔

ڈونلڈٹرمپ کی زہران ممدانی کے میئر بننے پر نیو یارک کو فنڈز نہ دینے کی دھمکی

زہران ممدانی نیویارک میں فلسطینی عوام کے کھلے حامی اور اسرائیلی پالیسیوں کے ناقد سمجھے جاتے ہیں

سوشل میڈیا ایک بار پھر بین الاقوامی محبت کی نئی مثال بن گیا۔ امریکی ریاست شکاگو سے تعلق رکھنے والی مینڈی نامی خاتون خیبرپختونخوا کے ضلع اپر دیر پہنچ گئی ہیں جہاں وہ مقامی نوجوان ساجد زیب خان سے اسلامی تعلیمات اور ثقافتی روایات کے مطابق نکاح کریں گی۔سوشل میڈیا پروائرل ایک ویڈیو میں دیکھا جا سکتا ہے کہ مینڈی کے اسلام آباد ایئرپورٹ پہنچنے پر ان کا شاندار استقبال کیا گیا، جہاں ساجد کے اہلِ خانہ نے گلدستے پیش کر کے ان کا خیرمقدم کیا۔ ویڈیو میں مینڈی نہایت خوش اور مطمئن دکھائی دے رہی ہیں۔رپورٹس کے مطابق مینڈی اور ساجد کی دوستی فیس بک پر کئی سال قبل ہوئی تھی، جو وقت کے ساتھ مضبوط رشتے میں بدلی اور بالآخر دونوں نے شادی کا فیصلہ کر لیا۔ ساجد زیب نے بتایا کہ کچھ عرصہ قبل مینڈی نے شادی کی خواہش ظاہر کی، جسے میں نے قبول کیا اور پھر ہم نے اپنے خاندانوں کو اعتماد میں لیا۔مینڈی کا کہنا ہے کہ وہ پہلی بار پاکستان آئی ہیں اور یہاں آ کر محسوس ہوا کہ یہ ایک خوبصورت اور پُرامن ملک ہے۔ جلد ہی دونوں اپر دیر میں اپنے خاندان کی موجودگی میں شادی کے بندھن میں بندھ جائیں گے۔یہ واقعہ سوشل میڈیا کے ذریعے پروان چڑھنے والے بین الاقوامی رشتوں اور بین الثقافتی شادیوں کے بڑھتے رجحان کی ایک تازہ مثال ہے۔ حالیہ مہینوں میں اس نوعیت کے کئی واقعات سامنے آئے ہیں۔چند ہفتے قبل جنوبی کیرولینا سے تعلق رکھنے والی کیرنشا میڈسائن گریس نامی امریکی خاتون نے جھنگ کے نوجوان نعیم الحسن سے دوستی کے بعد اسلام قبول کیا، اپنا نام کنیز عائشہ رکھا اور شادی کے بعد مقامی عدالت میں بیان بھی ریکارڈ کروایا۔تاہم، ہر ایسی کہانی کا اختتام خوشگوار نہیں ہوتا۔ کچھ ماہ قبل اونیجا اینڈریو رابنسن نامی امریکی خاتون بھی پاکستان آئیں لیکن ان کا خواب ادھورا رہ گیا۔ یک طرفہ محبت اور پاکستانی نوجوان کے عدم تعاون کی وجہ سے انہیں خالی ہاتھ وطن واپس جانا پڑا۔اسی طرح تیونس کی 19 سالہ سندا ایاری کی کہانی سوشل میڈیا پر پروان چڑھی شادی کی ایک اور تلخ حقیقت سامنے لاتی ہے۔ کراچی کے رہائشی محمد عامر سے شادی کے چند ماہ بعد ہی اختلافات کے باعث طلاق ہو گئی، ویزا کی مدت ختم ہونے کے بعد سندا دربدر پھرتی رہیں اور ذہنی دباؤ میں خودکشی کی کوشش بھی کی۔ بعد ازاں تیونس کے سفارتخانے کی مدد سے انہیں وطن واپس بھیجا گیا۔یہ تمام واقعات سوشل میڈیا کی طاقت، بین الاقوامی رشتوں کے امکانات اور ان کے خطرات کی عکاسی کرتے ہیں، جو محبت کے ساتھ ساتھ احتیاط کا بھی پیغام دیتے ہیں۔

ایک اور امریکی خاتون پاکستان آ کر نوجوان سے شادی کے بندھن میں بندھنے کو تیار

شکاگو کی مینڈی نے دیر کے ساجد زیب سے نکاح کا فیصلہ کرلیا، ایئرپورٹ پر شاندار استقبال،ویڈیووائرل

حکومت نے گھریلو صارفین کیلئے بجلی بلوں میں شامل الیکٹریسٹی ڈیوٹی ختم کرنے کا فیصلہ کرلیا۔وفاقی وزیر اویس لغاری نے صارفین کے بلوں کے ذریعے وصول کیے جانے والے متعدد چارجز، ٹیکسز اور ڈیوٹیوں کی وجہ سے پیدا ہونے والی پیچیدگیوں کو دور کرنے کے لیے تمام وزرائے اعلیٰ سے تعاون طلب کرلیا۔ رپورٹس کے مطابق وزیر توانائی اویس لغاری نے تمام وزرائے اعلی کو خط ارسال کئے ہیں جن میں کہا گیا ہے کہ جولائی 2025ء سے بجلی بلوں کے ذریعے صوبائی  الیکٹریسٹی ڈیوٹی کی وصولی بند ہو گی۔خط میں کہا گیا ہے کہ بجلی بلوں میں ٹیکسوں کا بوجھ کم کرنا چاہتے ہیں، بلوں میں متعدد چارجز اور ڈیوٹیوں سے صارفین الجھن کا شکار ہیں۔خط میں وفاقی وزیر نے بجلی کے نرخ کم کرنے کے حکومتی اقدامات بھی اجاگر کیے۔ وفاقی وزیر نے خط میں آئی پی پیز معاہدوں پر نظرثانی، سرکاری پاور پلانٹس کاآراو ای کم کرنے پر کام جاری رکھنے کا ذکر کیا۔اویس لغاری نے لکھا کہ بل صرف بجلی کے اصل خرچ کو ظاہر کریں، یہی ہمارا ہدف ہے، صوبے متبادل ذرائع سے ڈیوٹی وصولی کے طریقے تجویز کریں۔وفاقی وزیر نے کہا کہ حکومت اضافی چارجز کا خاتمہ اور صارفین سے بلوں کے ذریعے صرف بجلی کی قیمت وصول کرنا چاہتی ہے۔وفاقی وزیر نے تمام وزرائے اعلیٰ سے محصولات کی وصولی کے متبادل طریقوں کی نشاندہی اور ان پر عمل درآمد کے لیے تعاون بھی طلب کیا جو اس اقدام کو کامیاب بنانے میں معاون ثابت ہوں گے۔

وفاقی حکومت نے بجلی بلوں سے صوبائی ’الیکٹریسٹی ڈیوٹی‘ ختم کرنے کا فیصلہ کرلیا

حکومت صارفین سے صرف بجلی کی قیمت وصول کرنا چاہتی ہے، وفاقی وزیر کا وزرائے اعلی کو خط

ایمسٹرڈیم (این این آئی)اسرائیلی مظالم کے خلاف اور غزہ کے شہید بچوں کی یاد میں نیدرلینڈز میں ہزاروں جوتے رکھ کر منفرد احتجاج ریکارڈ کروایا گیا۔ نیدرلینڈز کے  شہر المیرے کے ٹان اسکوائر میں غزہ میں جاری اسرائیلی مظالم کے خلاف اور غزہ کے بچوں حق میں لوگوں نے بچوں کے ہزاروں جوتے سڑک پر رکھ کر منفرد احتجاج کیا۔ نیدرلینڈز میں گزشتہ سال بھی لوگوں نے غزہ کے بچوں کے حق میں اس طرح کے مظاہرے کیے تھے اور ایسے ہی ایک مظاہرے میں مقامی تنظیم نے ڈچ شہر روٹرڈیم کے مرکزی چوک پر بچوں کے 8 ہزار جوتے رکھ کر عالمی بے حسی کو آئینہ دکھانے کی کوشش کی تھی۔ اقوام متحدہ کے ادارے یونیسیف کی ایک رپورٹ کے مطابق غزہ میں  اکتوبر 2023 سے جاری اسرائیلی حملوں میں اب تک 50 ہزار بچے شہید یا  زخمی ہوچکے ہیں۔

نیدرلینڈز کے عوام کا غزہ کے شہید بچوں کے حق میں منفرد احتجاج

شہید بچوں کی یاد میں نیدرلینڈز میں ہزاروں جوتے رکھ کر منفرد احتجاج ریکارڈ کروایا گیا

سپریم کورٹ کے مخصوص نشستوں کے نظرثانی فیصلے کے بعد پاکستان تحریک انصاف (پی ٹی آئی) نے ایک بار پھر عدالتِ عظمیٰ کا رخ کرلیا ہے۔ میڈیارپورٹس کے مطابق پی ٹی آئی کی جانب سے سپریم کورٹ کے رجسٹرار کو ایک باضابطہ خط لکھا گیا ہے، جس میں 27 جون کو سنائے گئے فیصلے سے متعلق وضاحت طلب کی گئی ہے۔یہ خط پارٹی کے سیکرٹری جنرل، سلمان اکرم راجہ کی جانب سے تحریر کیا گیا، جس میں موقف اختیار کیا گیا ہے کہ فیصلے کے ساتھ جاری کیے گئے "آرڈر آف دی کورٹ" پر صرف 10 ججز کے دستخط موجود ہیں، حالانکہ بنچ 12 ججز پر مشتمل تھا۔خط میں نشاندہی کی گئی ہے کہ جسٹس صلاح الدین پنہور بنچ سے علیحدہ ہوگئے تھے، جبکہ جسٹس جمال مندوخیل، جسٹس مظہر نقوی اور جسٹس حسن اظہر رضوی کی آرا الگ تھیں۔ اس بنا پر پی ٹی آئی نے مطالبہ کیا ہے کہ تمام جج صاحبان کے انفرادی فیصلوں کی مصدقہ نقول جاری کی جائیں۔یاد رہے کہ 27 جون کو سپریم کورٹ کے آئینی بینچ نے مخصوص نشستوں سے متعلق نظرثانی درخواستوں پر مختصر فیصلہ سنایا تھا، جس میں پشاور ہائی کورٹ کا فیصلہ بحال کرتے ہوئے تحریک انصاف کو خواتین اور اقلیتوں کی مخصوص نشستوں سے محروم کردیا گیا تھا۔ عدالتی فیصلے کے مطابق یہ نشستیں حکومتی اتحاد کی جماعتوں، مسلم لیگ (ن)، پیپلز پارٹی اور دیگر اتحادیوں کو دی جائیں گی۔

مخصوص نشستوں کا فیصلہ،پی ٹی آئی دوبارہ سپریم کورٹ پہنچ گئی

پی ٹی آئی کا مخصوص نشستوں کے فیصلے پر 12 ججز کے دستخط شدہ آرڈر جاری کرنے کا مطالبہ

ایجسٹن (این این آئی)ورلڈ چیمپیئنزآف لیجنڈز کپ کامیلہ انگلینڈ میں سجنے کو تیارہے، قومی ٹیم یونس خان کی قیادت میں اِن ایکشن ہوگی، 18 جولائی کوپہلے میچ میں میزبان انگلینڈ سے سامنا ہوگا۔ پاک بھارت ٹاکرا 20 جولائی کو ایجبسٹن میں شیڈول ہے۔تفصیلات کے مطابق کرکٹ شائقین کرکٹ کیلئے بڑی خوشخبری، ورلڈ چیمپیئنز آف لیجنڈز کپ کا میلہ انگلینڈ میں سجنے کو تیار ہے، جہاں دنیا بھر کے لیجنڈری کھلاڑی ایک بار پھر میدان میں اتر کر شائقین کو ماضی کی یادیں تازہ کرائیں گے۔پاکستان کا پہلا مقابلہ 18 جولائی کو میزبان انگلینڈ کے خلاف شیڈول ہے، جو ٹورنامنٹ کا افتتاحی میچ بھی ہوگا۔ اس مقابلے سے ورلڈ لیجنڈز کپ کا باقاعدہ آغاز ہو گا۔شائقین کرکٹ کی سب سے بڑی دلچسپی کا مرکز پاکستان اور بھارت کا ٹاکرا 20 جولائی کو ایجبسٹن، برمنگھم میں ہوگا۔ دونوں ٹیموں کے مابین یہ مقابلہ روایتی جوش و خروش اور کرکٹ کے اعلیٰ معیار سے بھرپور ہوگا۔پاکستان کا مکمل شیڈول جاری کردیاگیا ہے جس کے مطابق 18 جولائی پاکستان بمقابلہ انگلینڈ، 20 جولائی پاکستان بمقابلہ بھارت (ایجبسٹن) 25 جولائی پاکستان بمقابلہ جنوبی افریقہ 26 جولائی پاکستان بمقابلہ ویسٹ انڈیز۔ 29 جولائی پاکستان بمقابلہ آسٹریلیا ہوگا۔ورلڈ چیمپیئنز آف لیجنڈز کپ میں شریک ٹیموں میں پاکستان، بھارت، انگلینڈ، آسٹریلیا، جنوبی افریقہ اور ویسٹ انڈیز شامل ہیں۔ ہر ٹیم میں اپنے دور کے عظیم کھلاڑی شامل ہوں گے، جو ایک مرتبہ پھر قومی رنگوں میں جلوہ گر ہوں گے۔شائقین کرکٹ نہ صرف روایتی حریفوں کے درمیان دلچسپ مقابلے دیکھنے کیلئے پرجوش ہیں بلکہ اپنے پسندیدہ سابق اسٹارز کو ایکشن میں دیکھنے کے لیے بھی بے تاب ہیں۔

ورلڈ چیمپئن شپ آف لیجنڈز، پاکستان اور بھارت 20 جولائی کو مد مقابل ہونگے

قومی ٹیم یونس خان کی قیادت میں اِن ایکشن ہوگی، 18 جولائی کوپہلے میچ میں میزبان انگلینڈ سے سامنا ہوگا

لاہور (این این آئی)پاکستانی اداکارہ اور رقاصہ مہر بانو نے انکشاف کیا ہے کہ انٹرٹینمنٹ انڈسٹری میں فنکاروں کو کام کے بدلے ناجائز مطالبات اور ہراسانی کا سامنا کرنا پڑتا ہے اور صرف خواتین نہیں، بلکہ مرد فنکار بھی اس کا شکار بنتے ہیں۔شوبز کی چمک دمک کے پیچھے چھپے ہراسانی کےمعاملے پر پاکستانی اداکارہ و رقاصہ مہر بانو نے کھل کر بات کی ہے۔ٹیکسالی گیٹ کی اسٹار اور بیرون ملک مقیم پاکستانی فنکارہ مہر بانو نے انکشاف کیا ہے کہ فنکاروں کو کام دینے کے عوض بڑی بڑی ڈیمانڈز اور ناجائز مطالبات کیے جاتے ہیں، اور اس انڈسٹری میں اکثر لڑکے اور لڑکیاں دونوں ہی ہراسانی کا سامنا کرتے ہیں۔ مہر بانو، جو اپنی بے باک شخصیت اور جرات مندانہ بیانیے کے باعث سوشل میڈیا پر ہر لمحہ موجود رہتی ہیں، حال ہی میں نجی ٹی وی چینل کے پروگرام میں شریک ہوئیں۔ تابش ہاشمی کی میزبانی میں ہونے والے اس پروگرام میں انہوں نے انڈسٹری کے ان پہلوں پر روشنی ڈالی، جو اکثر پردے میں رہتے ہیں۔پروگرام کے دوران ایک نوجوان کے سوال پر مہر بانو نے اعتراف کیا کہ جیسے ہر انڈسٹری کے سیاہ پہلو ہوتے ہیں، ویسے ہی شوبز میں بھی فنکاروں کو طاقتور لوگوں کی جانب سے دبا کا سامنا رہتا ہے اور کام دلانے کے عوض ان سے نامناسب مطالبات کیے جاتے ہیں۔انہوں نے واضح کیا کہ اس انڈسٹری میں خوبصورت چہرے اور دلکش شخصیات کی موجودگی کے باعث لوگ آسانی سے نشانہ بن جاتے ہیں اور ہراسانی کا شکار ہو جاتے ہیں۔اداکارہ نے مزید کہا کہ اکثر لڑکے یا لڑکیاں دونوں کو ہراسانی کا سامنا کرنا پڑتا ہے، جو صنعت میں جنس کی بنیاد پر ہونے والے استحصال کی جانب ایک اہم اشارہ ہے۔ ان کے بقول، یہ مسئلہ صنعت کا ایک ایسا سیاہ پہلو ہے جس پر کھل کر بات کرنے کی ضرورت ہے۔

کام کے بدلے ناجائز مطالبات: مہر بانو کا شوبز انڈسٹری میں ہراسانی کا انکشاف

اکثر لڑکے یا لڑکیاں دونوں کو ہراسانی کا سامنا کرنا پڑتا ہے، اداکارہ ورقاصہ مہر بانو

کراچی (این این آئی)محکمہ موسمیات کا کہنا ہے کہ مون سون کا پہلا اسپیل کراچی سے رخصت ہوگیا جبکہ شہر میں مون کا دوسرا اسپیل 5جولائی سے انٹری دے گا۔محکمہ موسمیات کے مطابق 5 یا 6 جولائی سے سندھ میں مون سون کا نیا اسپیل داخل ہوگا، کراچی سمیت مختلف شہروں میں بارشیں متوقع ہیں۔ محکمہ موسمیات کے مطابق شہر میں موسم جزوی طور پر ابرآلود رہے گا جبکہ ہوا میں نمی کا تناسب 68 فیصد تک ریکارڈ کیا گیا ہے۔محکمہ موسمیات کے مطابق اس وقت شہر کا درجہ حرارت 32 ڈگری سینٹی گریڈ ہے جبکہ گرمی کی شدت 36 ڈگری سینٹی گریڈ تک محسوس کی جا رہی ہے۔دوسری جانب پاکستان میں قدرتی آفات سے نمٹنے والے ادارے نیشنل ڈیزاسٹرمنیجمنٹ اتھارٹی (این ڈی ایم اے) نے آئندہ 4 روز تک مون سون بارشوں کی پیش گوئی کرتے ہوئے ممکنہ سیلاب کا الرٹ جاری کر دیا ہے۔این ڈی ایم اے کے مطابق 5 جولائی تک کشمیر، اسلام آباد، پوٹھوہار، خیبرپختونخوا میں موسلادھار بارشیں متوقع ہیں اور ممکنہ بارشوں کے نتیجے میں پشاور، چارسدہ، نوشہرہ اور کوہاٹ میں سیلاب کا خدشہ ہے۔

مون سون کا دوسرا اسپیل 5 جولائی سے سندھ میں داخل ہوگا

کراچی سمیت مختلف شہروں میںپانچ یا6جولائی سے بارشیں متوقع ہیں، محکمہ موسمیات

The International Cricket Council (ICC) has approved a revised method for calculating Powerplay duration

ICC introduces new powerplay rules for shortened men’s T20 matches

The International Cricket Council (ICC) has approved a revised method for calculating Powerplay duration in reduced-length men&rsquo;s T20 Internationals, effective July 2025.

Under the updated rules, Powerplay length in truncated matches will now be rounded to the nearest ball, not the nearest over. This ensures the Powerplay remains close to 30% of the total innings. For instance:

<ul>
	<li>An 8-over innings now features 2.2 overs (14 balls) of Powerplay</li>
	<li>A 9-over game has 2.4 overs</li>
	<li>A 6-over match includes 1.5 overs</li>
	<li>A 7-over match includes 2.1 overs</li>
</ul>

Previously, rounding Powerplay to the nearest whole over led to fielding imbalance in rain-shortened games&mdash;over or under-rewarding either batters or bowlers. The new calculation aligns more precisely with game length to maintain fairness .

This ball-by-ball method has been successfully used in England&rsquo;s T20 Blast for years. According to the <a href="https://www.espn.com/cricket/story/_/id/45594252/icc-tweaks-powerplay-rules-shortened-t20is-men-cricket">ICC Men&rsquo;s Cricket Committee</a>, ending Powerplays mid-over &ldquo;has caused no difficulty for players or officials&rdquo;.

The changes take effect from 2 July 2025 alongside other adjustments to white-ball playing conditions.

By adopting a more precise, proportional approach to Powerplay overs in rain-affected or shortened T20s, the ICC aims to enhance fairness and preserve the intended competitive balance of the format. This tweak reduces fielding inequity and follows a model already tested in top domestic leagues.

ICC introduces new powerplay rules for shortened men’s T20 matches

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan