Cricket

Entertainment

Football

کراچی (این این آئی)پاکستانی ڈراما انڈسٹری کی نامور اداکارہ سارہ خان کا کہنا ہے کہ وہ خود کو بہت بڑی فیمنسٹ نہیں سمجھتیں۔سارہ خان کے اینٹی فیمینزموقف پر سوشل میڈیا پر بحث کا طوفان برپا ہوگیا۔پاکستان کی صفِ اول کی اداکارہ سارہ خان نے حالیہ انٹرویو میں خواتین کے حقوق سے متعلق اپنے خیالات کا اظہار کیا تھا جس پر سوشل میڈیا پر شدید بحث چھڑ گئی ہے۔معروف ویب پلیٹ فارم کو دیے گئے انٹرویو میں سارہ خان نے خود کے فیمینسٹ نہ ہونے کا دعوی کیا اور روایتی صنفی کرداروں کی حمایت کی۔ سارہ خان نے کہا کہ میری ذاتی رائے یہ ہے کہ مردوں کو وہ مقام دینا چاہیے جو ان کے لیے مخصوص ہے تاکہ عورت سکون سے جی سکے، میں خود کو پرانے زمانے کی عورت سمجھتی ہوں، مجھے باہر جا کر لائن میں کھڑے ہو کر بل دینا پسند نہیں، یہ کام میرا شوہر کر سکتا ہے، میں تو گھر پر رہنے والی ہوں۔اداکارہ نے یہ بھی کہا کہ وہ گھریلو زندگی کو زیادہ ترجیح دیتی ہیں اور مرد کو مرد کی حیثیت سے دیکھنا پسند کرتی ہیں۔ان کے اس بیان کے بعد انٹرنیٹ پر بحث شدت اختیار کر گئی ہے، کچھ صارفین نے ان کے خیالات کی تائید کرتے ہوئے کہا کہ سارہ درست اقدار کو فروغ دے رہی ہیں، روایتی کردار ہی معاشرتی سکون کی ضمانت ہے، اسلام نے خواتین کو تمام حقوق دیے ہیں، مغربی فیمینزم کی ضرورت نہیں۔دوسری جانب کئی افراد نے ان کے موقف کو ناپسند کیا اور ان پر تنقید کی۔ایک صارف نے لکھا لگتا ہے سارہ کو فیمینزم کا مطلب ہی نہیں معلوم، پہلے کتاب پڑھ لیں۔ایک اور صارف کا کہنا ہے کہ اگر فیمینزم نہ ہوتا تو شاید آپ بھی آج کام نہ کر رہی ہوتیں۔

اداکارہ سارہ خان کے اینٹی فیمینزموقف پر سوشل میڈیا پر بحث کا طوفان برپا ہوگیا

میری ذاتی رائے یہ ہے کہ مردوں کو وہ مقام دینا چاہیے جو ان کیلئے مخصوص ہے تاکہ عورت سکون سے جی سکے،سارہ خان

پاکستان اور آئی ایم ایف کے درمیان نئے بجٹ پر مذاکرات جاری ہیں، حکومت نے نان فائلرز کے گردگھیرا تنگ کرنے کی یقین دہانی کرادی ہے۔ذرائع کے مطابق ٹیکس سسٹم سینان فائلرز کی کیٹیگری ختم کرنے پر کام جاری ہے،نئے بجٹ میں نان فائلرز کے لیے آسانی نہیں بلکہ مزید سختی ہوگی، نان فائلرز کیلئے گاڑیوں اور جائیداد کی خریداری پر  پابندی ہوگی، نان فائلرز مالی لین دین کی ٹرانزیکشن نہیں کرسکیں گے۔ذرائع کے مطابق آئی ایم ایف کو بریفنگ میں بتایا گیا ہے کہ تاجر دوست اسکیم اپنے اہداف پورے نہیں کرسکتی، غیر رجسٹرڈ دکانداروں  پر  ودہولڈنگ ٹیکس بڑھانے کے مثبت نتائج ملے۔ تاجروں، ہول سیلرزکیٹیگری میں فائلرزکی تعداد میں 51 فیصد اضافہ ہوا۔ذرائع کے مطابق آئی ایم ایف کو بریفنگ میں بتایا گیا کہ ٹیکس نادہندگان کے بارے میں تھرڈ پارٹی ڈیٹا کا تجزیہ جاری ہے، ٹیکس نظام کو مؤثر بنانیکے لیے اقدامات کیے جا رہے ہیں۔کراچی اور لاہور میں کمپلائنس رسک منیجمنٹ سسٹم فعال کردیا گیا ہے، اس نظام کو کارپوریٹ ٹیکس یونٹس تک بھی مؤثر توسیع دی جائیگی۔اس سے قبل ذرائع نے بتایا کہ آئی ایم ایف وفد کے ساتھ آمدن اور اخراجات پر حتمی مذاکرات ہوں گے، تنخواہ دار طبقے کے لیے انکم ٹیکس کی شرح کم کرنے پر بھی بات چیت ہوگی اور اس حوالے سے حکومت سالانہ 10 سے 12 لاکھ تنخواہ لینے والوں کو ٹیکس فری کرنے کوشش کرے گی۔ذرائع کے مطابق وزیراعظم کی ہدایت پر ایف بی آر انکم ٹیکس میں ریلیف کی کوشش کرے گا جبکہ مذاکرات 23 مئی تک جاری رہیں گے۔ذرائع وزارت خزانہ کے مطابق 22 مئی تک تمام بجٹ تجاویز کو حتمی شکل دی جائیگی جب کہ نئے مالی سال کا بجٹ 2 جون کو پیش کیا جائیگا۔

حکومت نے آئی ایم ایف کو نان فائلرز کے خلاف سختی کی یقین دہانی کرادی

بجٹ میں نان فائلرزکیلئے آسانی نہیں بلکہ مزید سختی ہوگی، نان فائلرز کیلئے گاڑیوں اور جائیداد کی خریداری پر پابندی ہوگی

پی ایس ایل 10 کے 30ویں میچ میں اسلام آباد یونائیٹڈ نے کراچی کنگز کو 79 رنز سے شکست دے دی۔راولپنڈی میں کھیلے گئے میچ میں اسلام آباد یونائیٹڈ کی جانب سے دیے گئے 252 رنز کے تعاقب میں کراچی کنگز کی ٹیم 18.1 اوورز میں 172 رنز پر آؤٹ ہوگئی۔کپتان ڈیوڈ وارنر 43 رنز کیساتھ نمایاں رہے۔اس فتح کے ساتھ ہی اسلام آباد یونائیٹڈ پوائنٹس ٹیبل پر دوسری پوزیشن حاصل کرنے میں کامیاب ہو گئی، یوں اسے پلے آف مرحلے کے میچ میں شکست کی صورت میں بھی فائنل میں پہنچنے کیلئے ایک اور موقع ملے گا۔ کراچی کنگز کوپوائنٹس ٹیبل پردوسرے نمبر پررہنے کیلئے204رنز بنانے تھے جس میںکراچی کنگز کی ٹیم ناکام رہی۔قبل ازیںراولپنڈی کرکٹا سٹیڈیم میں ہونیوالے میچ میں کراچی کنگز نے ٹاس جیت کر اسلام آباد یونائیٹڈ کو پہلے بیٹنگ کی دعوت دی، تاہم پہلے بیٹنگ کرتے ہوئے اسلام آباد یونائیٹڈ نے مقررہ 20 اوورز میں 5 وکٹوں کے نقصان پر 251 رنز بنائے۔اسلام آباد یونائیٹڈ کی جانب سے ایلکس ہیلز 88اور صاحبزادہ فرحان 73رنز بنا کر نمایاں رہے، کپتان شاداب خان 42، سلمان آغا 7 جبکہ راسی وین ڈیر ڈوسن ایک رن بناکر پویلین لوٹ گئے، حیدر علی 19 اور بین ڈوریشز 10 رنز کیساتھ ناقابل شکست رہے۔کراچی کنگز کی جانب سے میر حمزہ، خوشدل شاہ اور عامر جمال نے ایک ایک وکٹ حاصل کی۔کراچی کنگز کی ٹیم 252 رنز کے تعاقب میں 19 ویں اوور میں 172 رنز بنا کر آؤٹ ہو گئی۔کنگز کی جانب سے کپتان ڈیوڈ وارنر 43 رنز بنا کر نمایاں رہے۔عباس آفریدی 34،  ٹِم سائفرٹ 26، عامر جمال 16، عرفان خان نیازی 14، جیمز ونس 8، محمد نبی 5، سعد بیگ 5، خوشدل شاہ 1 جبکہ حسن علی بغیر کوئی رن بنائے پویلین لوٹے۔میر حمزہ 12 رنز بنا کر ناٹ آؤٹ رہے۔اسلام آبادیونائیٹڈ کی جانب سے کپتان شاداب خان نے 4، سلمان ارشاد نے 3، عماد وسیم نے 2 اور سلمان آغا نے ایک وکٹ حاصل کی۔

پی ایس ایل 10، اسلام آباد یونائیٹڈ نے کراچی کنگز کو 79 رنز سے ہرا دیا

اسلام آباد یونائیٹڈ کے252 رنز کے تعاقب میں کراچی کنگز کی ٹیم 172 رنز پر آؤٹ ہوگئی

وزیراعظم شہباز شریف نے کہا ہے کہ پاکستان جارحانہ عزائم نہیں رکھتا، لیکن وطن عزیز کے ایک ایک انچ کا دفاع کرنا اچھی طرح جانتے ہیں،ہماری افواج نے دشمن کو وہ سبق سکھایا جسے وہ قیامت تک یاد رکھے گا، ہماری بحریہ اس بار بھی دوارکا کی تاریخ دہرانے کے لیے تیار تھی مگر بحریہ کی تیاری دیکھ کر دشمن کی ہمت نہیں ہوئی۔ڈاکیارڈ کراچی میں نیوی کے افسروں اور جوانوں سے خطاب کرتے ہوئے وزیراعظم شہباز شریف نے کہا کہ پاک بحریہ کے جوانوں کو زبردست خراج تحسین پیش کرتا ہوں، بحری فوج کی تیاری ویسی ہی تھی، جیسے بری اور فضائی افواج کی تھی، پاک بحریہ نے بندرگاہوں اور تجارتی راستوں کا بھرپور تحفظ کیا، ہماری افواج کی مکمل تیاری کی وجہ سے دشمن ہمارا بال بھی بیکا نہ کر سکا، افواج پاکستان نے قوم کا سر فخر سے بلند کر دیا۔ انہوں نے کہا کہ پوری قوم سیسہ پلائی دیوار کی طرح پوری اپنی افواج کے ساتھ کھڑی تھی اور کھڑی ہے،جس طریقے سے ہماری بری فوج نے دشمن کے ٹھکانوں پر ٹھیک ٹھیک نشانے لگائے، اسی طرح ہماری فضائیہ نیدشمن کے ٹھکانوں پر جدید ٹیکنالوجی کے ذریعے اسے وہ سبق سکھایا جو وہ قیامت تک رہے گا، اسی طریقے سے ہماری بحریہ کی تیاری ویسے ہی تھی جیسی بری فوج اور فضائیہ کی تھی۔وزیراعظم شہباز شریف نے کہا کہ ہماری بحریہ اس بار بھی دوارکا کی تاریخ دہرانے کے لیے تیار تھی مگر بحریہ کی تیاری دیکھ کر دشمن کی ہمت نہیں ہوئی، اور جس طرح بری فوج اور فضائیہ نے مل کر اس کی پٹائی تو شائد وہ مزید رسوا ہونے کے لیے تیار نہیں تھا۔انہوں نے کہا کہ یہ تاریخ کا وہ قابل فخر واقعہ ہے جس نے پاکستان کو پہلے بھی اور آئندہ کے لیے بھی ناقابل تسخیر بنادیا ہے۔وزیراعظم نے کہا کہ میں اس موقع پر پی این ایس مہران کے شہید لیفٹیننٹ یاسر کو سلام پیش کرتا ہوں جنہوں نے جان کی پروا کیے بغیر دشمن کے سامنے سینہ سپر ہوکر اپنی جان کی قربانی دی مگر پاکستان کے وقار اور بحری اثاثوں کے اوپر آنچ نہیں آنے دی، یہ تمام غازی اور شہدا ہماری قوم کا سرمایہ افتخار ہیں۔انہوں نے کہا کہ بھارت کی حالیہ ناکام اور ہزیمت آمیز مہم جوئی میں دنیا نے ایک بار پھر دیکھ لیا کہ ہماری بحریہ مکمل طور پر تیار تھی، بھارت کا فخریہ ایئرکرافٹ کیریئر وکرانت 400 ناٹیکل میل سے قریب آنے کی جرات نہیں کرسکا، یہ بے مثال دفاعی حکمت عملی اور جوانوں کے غیرمتزلزل عزم کی زندہ مثال ہے۔وزیراعظم شہباز شریف نے کہا کہ یہ کامیابی افواج پاکستان کی مربوط حکمت عملی اور بالخصوص سپہ سالار جنرل سید عاصم منیر کی بہترین کوآرڈینیشن کی مرہون منت ہے جس نے پوری قوم کے عزم اور حوصلے کو نئی توانائی بخشی۔انہوں نے کہا کہ ہمیں یاد رکھنا چاہیے کہ اس امتحان کے دوران ہماری بندرگاہیں مکمل طور پر فعال رہیں، کراچی اور بن قاسم پر تجارتی جہاز بلاتعطل آتے جاتے رہے، جبکہ بھارت کے مغربی ساحل پر تجارتی سرگرمیاں ماند پڑگئیں، پانچ گنا بڑی بھارتی بحریہ اس پوری صورتحال میں مکمل طور پر مفلوج دکھائی دی، رافیل جہازوں کا حشر دیکھ کر ان کا نام نہاد وکرانت میدان جنگ سے یوں بھاگا کہ پلٹنے کا نام تک نہ لیا، یعنی ہماری شارکس نے ہندوستانی وہیل کو مار بھگایا۔وزیراعظم نے کہا کہ آج ہمارا دشمن خود اس بات کا اعتراف کرتا ہے کہ پاکستان نیوزی نے خلیج فارس، بحیرہ عرب اور بحیرہ احمر میں طاقت کا توازن بدل کر رکھ دیا ہے، یہ آپ سب کی اور پوری قوم کی فتح ہے۔انہوں نے کہا کہ ہم ایک امن پسند قوم ہیں اور اپنے تمام تصفیہ طلب مسائل کا پرامن حل چاہتے ہیں لیکن اگر ہم پر جنگ دوبارہ مسلط کی گئی تو دشمن ہمیں ہمیشہ تیار پائے گا، ہم جارحانہ عزائم نہیں رکھتے لیکن ہم اپنے وطن عزیز کے ایک ایک انچ کا تحفظ کرنا بہت اچھی طرح جانتے ہیں۔وزیراعظم نے کہا کہ میں ان تمام برادر ممالک کا بھی شکریہ ادا کرنا چاہتا ہوں جنہوں نے نہ صرف ہمارا ساتھ دیا اور حوصلہ بلکہ پاکستان کے موقف کی بھرپور تائید کی کہ اگر پاکستان پہلگام کے افسوس ناک واقعے کی ایک شفاف عالمی تحقیقات کرانا چاہتا ہے تو بھارت کو اس پر کیا اعتراض ہے۔وزیراعظم نے کہا کہ چین، ترکی، سعودی عرب، آذر بائیجان اور دیرینہ دوست چین کا شکریہ ادا کرنا چاہتا ہوں، میں صدر امریکا ڈونلڈ ٹرمپ کا شکریہ ادا کرنا چاہتا ہوں جنہوں نے دو ایٹمی ممالک کے درمیان جنگ کی سلگتی آگ کو بھانپتے ہوئے جنگ بندی میں کلیدی کردار ادا کیا۔شہباز شریف نے کہا کہ امریکا کے صدر ڈونلڈ ٹرمپ کا شکر گزار ہوں جنہوں نے جنگ کی سلگتی آگ کو ڈھانپا، وزیراعظم شہباز شریف نے امریکی صدر ڈونلڈ ٹرمپ کو  Man of Peace قرار دے دیا۔

ہماری افواج نے دشمن کو وہ سبق سکھایا جسے وہ قیامت تک یاد رکھے گا،وزیراعظم  شہبازشریف

پوری قوم سیسہ پلائی دیوار کی طرح اپنی افواج کے ساتھ کھڑی تھی اور کھڑی ہے، کراچی میں نیوی کے افسران و جوانوں سےخطاب

راولپنڈی(این این آئی)بلوچستان ، خیبر پختونخوا میں سکیورٹی فورسز کے مختلف آپریشنز میں 12دہشت گرد ہلاک، دو زخمی ہو گئے۔آئی  ایس پی آرکے مطابق ضلع آواران کے علاقے گیشکور میں سیکورٹی فورسز کی جانب سے دہشت گردوں کی موجودگی کی اطلاع پر آپریشن کیا گیا۔ترجمان پاک فوج نے بتایا کہ بلوچستان میں سکیورٹی فورسز سے دو الگ الگ جھڑپوں میں انڈین پراکسی بلوچ لبریشن فرنٹ کے 3دہشت گرد ہلاک مارے گئے جبکہ شدید فائرنگ کے تبادلے میں بھارتی حمایت یافتہ دہشت گرد یونس ہلاک، 2زخمی ہوئے۔ آئی ایس پی آر کے مطابق ضلع کیچ کے شہر تربت میں سکیورٹی فورسز کی دوسری کارروائی میں بھارتی حمایت یافتہ دہشت گرد سرغنہ صبر اللہ اور امجد عرف بچھو مارے گئے۔دوسری جانب ترجمان پاک فوج نے بتایا کہ خیبر پختونخوا میں سکیورٹی فورسز نے پہلا انٹیلی جنس بیسڈ آپریشن ضلع لکی مروت میں کیا جس میں بھارتی حمایت یافتہ 5خوارج کو جہنم واصل کردیا، جبکہ دوسرا آپریشن بنوں میں کیا گیا جس میں 2بھارتی سپانسرڈ خوارج کو ہلاک کیا گیا۔اسی طرح شمالی وزیرستان کے علاقہ میرعلی میں خوارج نے سکیورٹی فورسز کے قافلے پر حملہ کیا جس میں بھارتی حمایت یافتہ 2 دہشت گرد مارے گئے جبکہ شدید فائرنگ کے تبادلے میں سپاہی فرہاد علی طوری اور لانس نائیک صابر آفریدی شہید ہو گئے۔آئی ایس پی آر کے مطابق مارے گئے دہشت گردوں سے اسلحہ اور گولہ بارود برآمد ہوا ہے، ہلاک دہشت گرد سکیورٹی فورسز پر حملوں، شہریوں کی ٹارگٹ کلنگ میں ملوث تھے۔ترجمان پاک فوج نے کہاہے کہ علاقے میں مزید دہشت گردوں کے خاتمے کیلئے سینی ٹائزیشن آپریشن جاری ہے ، سکیورٹی فورسز بھارتی پراکسیز کی جانب سے بلوچستان کا امن و ترقی سبوتاژ کرنے کی کوششیں ناکام بنانے کیلئے پرعزم ہیں۔

بلوچستان ، خیبر پختونخوا میں سکیورٹی فورسز کی کارروائیاں، 12دہشت گرد جہنم واصل، 2 جوان شہید

ہلاک دہشت گرد سکیورٹی فورسز پر حملوں، شہریوں کی ٹارگٹ کلنگ میں ملوث،اسلحہ اور گولہ بارود برآمد ہوا،آئی ایس پی آر

پاکستان میں آج  پھر سونے کی قیمت میں بڑا اضافہ ہوا ہے۔آل پاکستان جیمز اینڈ جیولر ایسوسی ایشن کے مطابق سونے کی فی تولہ قیمت 4000 روپے اضافے کے بعد 3 لاکھ 42 ہزار 500 روپے ہوگئی ہے۔ایسوسی ایشن کے مطابق 10 گرام سونا 3429 روپے مہنگا ہوکر 2 لاکھ 93ہزار638 روپے کا ہوگیا ہے۔جبکہ عالمی صرافہ میں سونے کا بھاؤ  40 ڈالر اضافے سے 3241 ڈالر فی اونس ہے۔دوسری جانب کاروباری ہفتے کے پہلے روز پاکستان اسٹاک ایکسچینج میںمثبت رجحان رہا،کاروباری روز کے اختتام پر ہنڈرڈ انڈیکس 40 پوائنٹس اضافے کیساتھ ایک لاکھ 19 ہزار 689 پوائنٹس کی سطح پر بند ہوا۔واضح رہے کہ گزشتہ کاروباری ہفتے کے آخری روز سٹاک مارکیٹ میں ہنڈرڈ انڈیکس 312 پوائنٹس کی کمی کیساتھ ایک لاکھ 19 ہزار 649 پوائنٹس کی سطح پر بند ہوا تھا۔ادھرکاروباری ہفتے کے پہلے روز انٹربینک میں امریکی کرنسی کی قیمت میں 11 پیسے کا اضافہ ریکارڈ کیا گیا جس کے باعث انٹربینک میں ڈالر 281 روپے 77 پیسے پر بند ہوا۔

پاکستان میں آج سونے کی قیمت میں 4 ہزار روپےفی تولہ کا بڑا اضافہ

ملک میں  10 گرام سونا 3429 روپے مہنگا ہوکر 2 لاکھ 93ہزار638 روپے کا ہوگیا

ڈھاکہ (این این آئی)شیخ مجیب الرحمن کی زندگی پر بننے والی فلم مجیب، دی میکنگ آف اے نیشن میں شیخ حسینہ واجد کا کردار ادا کرنے والی بنگلادیشی اداکارہ نصرت فاریہ کو گرفتار کر لیا گیا۔معروف بنگلا دیشی اداکارہ نصرت فاریہ کو ڈھاکا کے شاہ جلال انٹرنیشنل ایئر پورٹ سے گرفتار کر لیا گیا۔ان پر گزشتہ سال وزیراعظم شیخ حسینہ کے خلاف عوامی احتجاج کے دوران قتل کی کوشش کا سنگین الزام ہے۔31سالہ نصرت فاریہ کو اس وقت حراست میں لیا گیا جب وہ تھائی لینڈ روانہ ہونے والی تھیں۔امیگریشن چیک پوائنٹ پر ان کے خلاف وارنٹ کی بنیاد پر کارروائی کی گئی۔پولیس ذرائع کا کہنا ہے کہ یہ گرفتاری جولائی 2024 کے حکومت مخالف مظاہروں کے تناظر میں ہوئی، جن کے بعد شیخ حسینہ نے وزارتِ عظمی سے استعفیٰ دیا اور پڑوسی ملک بھارت روانہ ہو گئیں۔خیال رہے کہ نصرت فاریہ نے 2023 کی بنگلادیش اور بھارت مشترکہ فلم مجیب،دی میکنگ آف اے نیشن میں شیخ حسینہ کا کردار ادا کیا تھا، جو ہدایت کار شیام بینیگل نے بنائی تھی۔

شیخ مجیب پر بنی فلم میں حسینہ واجد کا کردار نبھانےوالی بنگلا دیشی اداکارہ گرفتار

اداکارہ پر گزشتہ سال وزیرِاعظم شیخ حسینہ کے خلاف عوامی احتجاج کے دوران قتل کی کوشش کا سنگین الزام ہے

پاکستان نے آپریشن ’بنیان مرصوص‘ میں بھارت کے خلاف شاہین میزائل استعمال کرنے کے دعوؤں کو مسترد کردیا۔ترجمان دفتر خارجہ کی جانب سے جاری ایک بیان میں کہا گیا ہے کہ پاکستان بھارتی میڈیا میں گردش کرنے والی ان افواہوں کی سختی سے تردید کرتا ہے جن میں کہا گیا ہے کہ پاکستان نے آپریشن ’بنیان مرصوص‘ میں شاہین میزائل کا استعمال کیا۔بھارتی میڈیا کے شاہین میزائل کے استعمال سے متعلق بے بنیاد دعوؤں پر ترجمان دفتر خارجہ نے اپنے ردعمل میں بتایا کہ بھارتی فوج نے اپنے ایکس ہینڈل سے شاہین میزائل کے استعمال پر ایک ویڈیو جاری کی لیکن بعد میں مذکورہ ویڈیو کے غیر مصدقہ ہونے پر ویڈیو ہٹا دی گئی، بعض بھارتی میڈیا ادارے تاحال گمراہ کن بیانیہ پھیلا رہے ہیں۔ترجمان دفتر خارجہ کے مطابق پاکستان نے آپریشن بنیان مرصوص میں فتح F1، F2 میزائل استعمال کیے، پاکستان کی جدید گائیڈڈ میزائل، ڈرونز اور آرٹلری نے دشمن کے اہداف کو نشانہ بنایا۔دفتر خارجہ کے مطابق بھارتی فوج کی خاموشی، اعترافِ شکست کے مترادف ہے، گمراہ کن مہم بھارت کی آپریشن سندور میں ناکامی چھپانے کی کوشش ہے۔ترجمان دفتر خارجہ کے مطابق نام نہاد’’جوہری بلیک میلنگ‘‘ کا بھارتی دعویٰ بے بنیاد اور من گھڑت ہے، اشتعال انگیز خبریں خطے کے امن کے لیے خطرہ ہیں۔دفتر خارجہ کے مطابق پاکستان نے آپریشن میں جدید گولہ بارود، طویل فاصلے تک مار کرنے والے ڈرونز، اور درست نشانے والے طویل الفاصلہ توپ خانے کا استعمال کیا۔ترجمان دفتر خارجہ نے کہا کہ بھارت اور مقبوضہ جموں و کشمیر میں جن فوجی مقامات کو نشانہ بنایا گیا، ان کی تفصیلات بھی 12 مئی کی آئی ایس پی آر پریس ریلیز میں ہیں۔انہوں نے کہا کہ بلا تصدیق کے اشتعال انگیز مواد پھیلانا نہ صرف علاقائی استحکام کے لیے نقصان دہ ہے بلکہ اس سے سرکاری اداروں کی پیشہ ورانہ ساکھ کو بھی نقصان پہنچاتا ہے۔

پاکستان نے آپریشن بُنیان مرصوص میں شاہین میزائل استعمال کرنے کا بھارتی دعویٰ مسترد کردیا

آپریشن ’بنیان مرصوص‘ میں شاہین میزائل استعمال نہیں کیا گیا، ترجمان دفتر خارجہ نے مؤقف جاری کردیا

بھارتی میڈیا کی جانب سے ایشیا کپ 2025 کے ممکنہ بائیکاٹ کی خبروں پر بھارتی کرکٹ بورڈ (بی سی سی آئی) نے ردعمل دیتے ہوئے انہیں بے بنیاد اور قبل از وقت قرار دے دیا۔میڈیارپورٹس کے مطابق بھارتی کرکٹ بورڈ نے ایشیا کپ 2025 اور ویمنز ایمرجنگ ٹیمز ایشیا کپ سے بھارت کے دستبردار ہونے کی خبروں کو بے بنیاد قرار دے دیا۔بی سی سی آئی کے سیکریٹری دیو جیت سائیکیا نے میڈیا رپورٹس پر ردِ عمل دیتے ہوئے کہا کہ بورڈ نے ایشیا کرکٹ کونسل (اے سی سی) کے کسی بھی ایونٹ سے متعلق نہ تو کوئی فیصلہ کیا ہے اور نہ ہی اس حوالے سے کوئی بات چیت ہوئی ہے۔ انہوں نے کہا کہ ان خبروں میں کوئی صداقت نہیں، یہ صرف مفروضوں پر مبنی رپورٹس ہیں۔انہوںنے مزید کہا کہ ایشیا کپ کے حوالے سے کوئی بھی فیصلہ وقت آنے پر ایشین کرکٹ کونسل (اے سی سی) کی مشاورت سے کیا جائے گا۔سائیکیا کا کہنا تھا کہ اس وقت بورڈ کی مکمل توجہ انڈین پریمیئر لیگ (آئی پی ایل) اور انگلینڈ کے خلاف آئندہ سیریز پر مرکوز ہے، اور اے سی سی کے ایونٹس سے متعلق کسی قسم کی حتمی پوزیشن اختیار نہیں کی گئی۔یاد رہے کہ بھارتی میڈیا نے دعویٰ کیا تھا کہ بھارت نے پاکستان کے ساتھ بڑھتی ہوئی کشیدگی کے پیش نظر اے سی سی کے تمام ایونٹس سے دستبرداری کا فیصلہ کیا ہے، ایشیا کپ رواں سال ستمبر میں بھارت میں شیڈول ہے۔ ان رپورٹس کے مطابق بھارت ستمبر میں شیڈول ایشیا کپ 2025 میں شرکت نہیں کرے گا، تاہم بی سی سی آئی نے ان تمام دعوؤں کو سختی سے مسترد کر دیا ہے۔

کیا بھارت ایشیا کپ چھوڑ رہا ہے؟ بی سی سی آئی نے خاموشی توڑ دی

ایشیا کپ کے حوالے سے تاحال کوئی فیصلہ نہیں کیا گیا اور نہ ہی ایونٹ کے بائیکاٹ کا کوئی امکان زیر غور ہے،بی سی سی آئی

چیئرمین پاکستان تحریک انصاف بیرسٹر گوہر نے وزیراعظم اور اسپیکر قومی اسمبلی کے خلاف تحریک عدم اعتماد لانے کی خبروں کی تردید کر دی۔ بیرسٹر گوہر نے کہا ہے کہ وزیراعظم اورا سپیکر کے خلاف تحریکِ عدم اعتماد لانے کا کوئی ارادہ نہیں۔میڈیا سے گفتگو میں بیرسٹر گوہر نے تحریک عدم اعتماد لانے کی تردید کرتے ہوئے کہا کہ ایسی خبروں میں کوئی صداقت نہیں، میڈیا پر چلنے والی تمام خبریں بے بنیاد ہیں۔ان کا کہنا تھا کہ پی ٹی آئی کا فی الحال کسی کے خلاف تحریک عدم اعتماد لانے کا کوئی ارادہ نہیں۔چیئرمین پی ٹی آئی نے مزید کہا کہ مجھے بانی عمران خان نے تحریک عدم اعتماد لانے کے حوالے سے کوئی ہدایات نہیں دی ہیں۔

بیرسٹر گوہر نے وزیراعظم اور اسپیکر قومی اسمبلی کیخلاف تحریک عدم اعتماد لانے کی خبروں کی تردید کر دی

خبریں بے بنیاد ہیں،مجھے بانی چیئرمین نے اس حوالے سے کوئی ہدایات نہیں دیں ،چیئرمین پی ٹی آئی بیرسٹرگوہر

ملالہ یوسفزئی کا تعلیم کے فروغ کے لیے ایک اور اہم قدم، دنیا بھر میں تعلیم کی علمبردار، ملالہ یوسفزئی نے ایک بار پھر انسانیت اور تعلیم سے محبت کا عملی مظاہرہ کرتے ہوئے جنگ زدہ ملک لبنان کے بچوں کی تعلیم اور بحالی کے لیے ڈیڑھ لاکھ ڈالر کی خطیر رقم عطیہ کر دی ہے۔سوشل میڈیا پر بیان جاری کرتے ہوئے ملالہ یوسف زئی کا کہنا تھا کہ جنگ بندی کے اعلان کے باوجود جنوبی لبنان میں اسرائیلی فضائی حملوں کے نتیجے میں 15 لاکھ سے زائد افراد بے گھر ہو چکے ہیں۔انہوں نے کہا کہ لبنان میں ہزاروں بچے سکولوں سے باہر ہیں اور انہیں محفوظ اور مستحکم تعلیمی ماحول تک رسائی حاصل نہیں ہے۔نوبل انعام یافتہ ملالہ یوسف زئی نے کہا کہ مجھے یہ اعلان کرتے ہوئے فخر محسوس ہو رہا ہے کہ ملالہ فنڈ نے حال ہی میں لبنان میں تعلیم اور بحالی کی کوششوں کیلئے ڈیڑھ لاکھ ڈالر کی ایمرجنسی گرانٹ دی۔

ملالہ یوسف زئی نے جنگ زدہ لبنان میں بچوں کی تعلیم کیلئے رقم عطیہ کر دی

فخر محسوس ہو رہا ہے کہ ملالہ فنڈ نے لبنان میں تعلیم اور بحالی کی کوششوں کیلئے ڈیڑھ لاکھ ڈالر کی ایمرجنسی گرانٹ دی

پاکستان سپر لیگ (پی ایس ایل) سیزن 10 کے دلچسپ مقابلے جاری ہیں،پاکستان سپر لیگ میں آج ایک میچ کھیلا جائے گا،پی ایس ایل 10 کے گروپ مرحلے کا آخری میچ میں آج راولپنڈی کرکٹ اسٹیڈیم میں کھیلا جائے گا جہاںکراچی کنگز اور اسلام آباد یونائیٹڈ کی ٹیمیں آمنے سامنے ہوں گی میچ رات ساڑھے7بجے شروع ہوگا اورٹیپمیڈ پربراہ راست دکھایاجائے گا،دونوں ٹیمیں پہلے ہی پلے آف مرحلے میں جگہ بناچکی ہیں۔ کراچی کنگز 12 پوائنٹس کے ساتھ دوسرے اور اسلام آباد یونائیٹڈ 10 پوائنٹس کے ساتھ چوتھے نمبر پر ہے۔دونوں ٹیمیں اپنے بہترین اسکواڈ کے ساتھ میدان میں اتریں گی اور شائقین کو ایک سنسنی خیز مقابلے کی توقع ہے۔ اسلام آباد یونائیٹڈ کی جانب سے شاداب خان، عماد وسیم، صاحبزادہ فرحان، محمد نواز، سلمان آغا، اعظم خان اور نسیم شاہ جیسے کھلاڑی اپنی ٹیم کی جیت میں کلیدی کردار ادا کر سکتے ہیں جبکہ کراچی کنگز کی امیدیں کپتان ڈیوڈ وارنر، جیمز ونس، حسن علی، خوشدل شاہ، محمد نبی جیسے تجربہ کار کھلاڑیوں سے وابستہ ہوں گی۔ راولپنڈی کی پچ بیٹنگ کیلئے سازگار سمجھی جاتی ہے لہٰذا ایک ہائی اسکورنگ میچ متوقع ہے۔دوسری جانب ایچ بی ایل پاکستان سپرلیگ (پی ایس ایل 10) میں آج بریسٹ کینسر سے آگاہی کا دن منایا جائے گا۔راولپنڈی میں ہونے والے کراچی کنگز سے میچ کے لئے میزبان اسلام آباد یونائیٹڈ کی ٹیم نے اسی مناسبت سے ٹیم کی جرسیاں تیار کرائی ہیں، پنک ربن مہم کا مقصد اس بیماری کیخلاف لوگوں کا شعور اجاگر کرنا ہے۔میزبان ٹیم اسلام آباد یونائیٹڈ نے خصوصی جرسیاں تیار کرائی ہیں جبکہ کراچی کنگز کی ٹیم اور میچ آفیشلز گلابی رنگ کے کیپس پہنیں گے، دوران میچ پلیئرز، میچ آفیشلز، سپورٹ اسٹاف اور کمنٹیٹرز بھی بریسٹ کینسر کی بیماری سے متعلق اظہار کریں گے اورڈیجیٹل اسکرینوں پر بریسٹ کینسر کے آگاہی کے پیغامات دکھائے جائیں گے۔

پی ایس ایل10میں اسلام آباد یونائیٹڈ اورکراچی کنگز کے درمیان مقابلہ آج ہوگا

میچ رات ساڑھے 7 بجے شروع ہو گا،پوانٹس ٹیبل پرکراچی کنگز کے12جبکہ اسلام آباد یونائیٹڈکے10پوائنٹس ہیں

بھارتی ہٹ دھرمی کے باعث اس سال شیڈول ایشیا کپ نہ ہونے کا امکان ہے۔پاکستان کیخلاف ایک اور سازش رچاتے ہوئے بھارت نے ایشیا کپ سے دستبرداری کا فیصلہ کر لیا۔بھارتی میڈیا کے مطابق پاکستان سے کشیدگی کے بعد بھارت کی جانب سے ایشیا کپ نہ کھیلنے کا فیصلہ کیا گیا ہے۔بھارتی میڈیاکے مطابق، بھارتی کرکٹ بورڈ نے اپنے اس فیصلے سے متعلق ایشین کرکٹ کونسل کو باضابطہ طور پر آگاہ کردیا ہے کہ بھارت نہ صرف اگلے ماہ سری لنکا میں ہونے والے ویمنز ایمرجنگ ٹیمز ایشیا کپ سے دستبردار ہورہا ہے بلکہ ستمبر میں مجوزہ مینز ایشیا کپ میں بھی شرکت نہیں کرے گا۔بھارتی میڈیا کے مطابق مینز ایشیا کپ رواں سال ستمبر میں کھیلا جانا ہے جبکہ ویمنز ایمرجنگ ایشیا کپ جون کے مہینے میں سری لنکا میں شیڈول ہے۔بھارتی میڈیا دعویٰ کررہا ہے کہ یہ فیصلہ پاکستان کو کرکٹ حلقوں میں تنہا کرنے کی حکمتِ عملی کا حصہ ہے۔ واضح رہے کہ اس وقت اے سی سی کی صدارت پاکستان کے وزیر داخلہ اور پاکستان کرکٹ بورڈ (پی سی بی) کے چیئرمین محسن نقوی کے پاس ہے۔بھارتی میڈیا نے بی سی سی آئی کے عہدیدار سے متعلق بتایا کہ بھارتی کرکٹ ٹیم کسی بھی ایسے ٹورنامنٹ میں شرکت نہیں کرسکتی جس کی قیادت پاکستان کے پاس ہو۔ بی سی سی آئی کے عہدیدار نے مزید کہا کہ وہ اس صورتحال میں بھارتی حکومت سے مسلسل رابطے میں ہیں اور اپنے اس فیصلے سے متعلق اے سی سی کو زبانی طور پر آگاہ کردیا ہے کہ بھارت ویمنز ایمرجنگ کپ میں حصہ نہیں لے گا بلکہ مستقبل میں ہونے والے ایونٹس میں بھی شرکت غیر یقینی ہے۔بی سی سی آئی نے کہا کہ ویمنز ایمرجنگ ایشیا کپ سے دستبرداری کا زبانی طور پر ایشین کرکٹ کونسل کو آگاہ کر دیا ہے جبکہ اے سی سی کے باقی شیڈول ایونٹس کو بھی ہولڈ کردیا ہے، ہم اس حوالے سے حکومت کے ساتھ مسلسل رابطے میں ہیں۔یاد رہے کہ ایشیا کپ 2025 کی میزبانی بھارت کو دی گئی تھی، لیکن پاکستان کے خلاف میچ نہ ہونے کی صورت میں ٹورنامنٹ کی مالی اہمیت ختم ہو جاتی ہے۔ بھارت کی اس ضد سے نہ صرف ایشیائی کرکٹ متاثر ہوگی بلکہ سری لنکا، بنگلہ دیش اور افغانستان جیسے ممالک بھی مالی نقصان کا شکار ہوں گے، جو اس ایونٹ سے ریونیو حاصل کرتے ہیں۔واضح رہے کہ یہ پہلا موقع نہیں ہے کہ بھارت نے کھیل کو سیاست سے آلودہ کیا ہو۔ 2019 کے ورلڈ کپ اور 2023 کے ایشیا کپ میں بھی بھارت نے اسی قسم کا رویہ اپنایا تھا، جس پر بین الاقوامی حلقوں نے بھی تنقید کی تھی۔واضح رہے کہ ستمبر میں بھارت میں ہونے والے ایشیا کپ میں بھارت، پاکستان، سری لنکا، بنگلہ دیش اور افغانستان کی ٹیمیں شامل تھیں تاہم اگر بھارت ایونٹ کھیلنے سے انکار کرتا ہے تو اس کا مستقبل غیر یقینی کا شکار ہوسکتا ہے۔تاہم دوسری جانب ذرائع کا دعویٰ ہے کہ بی سی سی آئی نے تاحال ایشین کرکٹ کونسل کو اپنی دستبرداری سے باضابطہ طور پر آگاہ نہیں کیا۔

پاک بھارت کشیدگی، بھارتی ہٹ دھرمی کے باعث اس سال ایشیا کپ نہ ہونے کا امکان

بھارتی ٹیم ایسے ٹورنامنٹ میں شرکت نہیں کر سکتی جو ایسی تنظیم کے تحت منعقد ہو جس کا سربراہ پاکستان کا وزیر ہو، بی سی سی آئی عہدیدار

سابق امریکی صدر جو بائیڈن کو پروسٹیٹ کینسر کی تشخیص ہوئی ہے، جس کی تصدیق ان کے دفتر کی جانب سے جاری کردہ ایک سرکاری بیان میں کی گئی ہے۔بیان کے مطابق، 82 سالہ بائیڈن کو پروسٹیٹ کینسر کی ایک جارحانہ قسم لاحق ہوئی ہے جو ان کے جسم کی ہڈیوں تک پھیل چکی ہے۔ اس تشویشناک صورتحال کے پیشِ نظر بائیڈن اور ان کے اہلِ خانہ ماہر معالجین کے ساتھ مل کر ممکنہ علاج کی حکمتِ عملی پر غور کر رہے ہیں۔واضح رہے کہ بائیڈن کی صدارتی مدت 20 جنوری کو ختم ہوئی تھی، جس کے بعد وہ معمول کی زندگی گزار رہے تھے۔دوسری جانب موجودہ صدر ڈونلڈ ٹرمپ نے اس خبر پر افسوس کا اظہار کرتے ہوئے کہا کہ میلانیا اور میں جو بائیڈن میں کینسر کی تشخیص کی خبر سن کر بے حد افسردہ ہیں۔ انہوں نے بائیڈن کی اہلیہ جل بائیڈن اور ان کے اہلِ خانہ سے ہمدردی کا اظہار کرتے ہوئے ان کی جلد صحت یابی کے لیے دعا کی۔ میڈیکل ماہرین کے مطابق، پروسٹیٹ کینسر مردوں میں عام پایا جانے والا مرض ہے جو تولیدی نظام کے ایک چھوٹے سے غدود، پروسٹیٹ گلینڈ میں پیدا ہوتا ہے۔ اس کی ابتدائی تشخیص اور بروقت علاج سے زندگی بچانے کے امکانات کافی حد تک بڑھ جاتے ہیں۔

سابق امریکی صدر جوبائیڈن میں پروسٹیٹ کینسر کی تشخیص

علاج کے آپشن کا جائزہ لیا جا رہا ہے ، بائیڈن آفس ، بیماری کا سن کر افسردہ ہوں ، ڈونلڈ ٹرمپ

فضا علی حال ہی میں اپنے لائیو مارننگ شو میں پہنے گئے بولڈ لباس کی وجہ سے سوشل میڈیا پر تنقید کی زد میں آ گئیں ہیں،پاکستانی شوبز انڈسٹری کی معروف اداکارہ، گلوکارہ، ماڈل اور ٹی وی میزبان فضا علی کو اپنے مارننگ شو کی حالیہ ایپی سوڈ میں بولڈ اور انتہائی باریک لباس پہن کر پروگرام کرنے پر شدید تنقید کا سامنا کرنا پڑ رہا ہے۔ فضا نے اس شو میں سیاہ اور نیلے رنگ کا شیفون کا لباس پہنا، جس میں ان کے بازو اور پیٹ نمایاں ہورہے تھے۔یہ شو پالتو کتوں کے حوالے سے تھا، جس کی ویڈیو اور تصاویر سوشل میڈیا پر وائرل ہو رہی ہیں۔سوشل میڈیا پر فضا کے لباس پر صارفین کی جانب سے شدید ردعمل دیکھنے میں آیا۔فضا علی کی جانب سے پہنے گئے لباس پر سوشل میڈیا صارفین نے سخت ناراضگی کا اظہار کرتے ہوئے ٹی وی میزبان کو شدید تنقید کا نشانہ بنایا اور بعض صارفین نے تو اداکارہ  کے خلاف انتہائی نامناسب اور سخت الفاظ کا بھی استعمال کیا۔  ایک صارف نے تبصرہ کیا،بہت سستا لباس ہے، جبکہ ایک اور نے کہا، کم از کم ایک بڑا اِنر پہن لیتیں۔کچھ صارفین نے ان کے اکثر شو میں دکھائی دینے والے مذہبی رویے اور لباس کے تضاد پر بھی سوال اٹھایا، خاص طور پر رمضان ٹرانسمیشن کے بعد کے اس طرح کے لباس کے انتخاب پر تنقید کی۔پروگرام کے دوران فضا علی کی کتوں کے ہمراہ بنائی گئی ایک ویڈیو بھی سوشل میڈیا پر تیزی سے وائرل ہو گئی جس پر ان کے مداحوں نے ان کے انداز اور لباس دونوں کو ہی تنقید کا نشانہ بنایا۔

معروف اداکارہ فضا علی کومارننگ شو میں بولڈ لباس پہننے پر کڑی تنقید کا سامنا

سیاہ اور نیلے رنگ کا شیفون کا لباس پہنا، جس میں ان کے بازو اور پیٹ نمایاں ہورہے تھے

پاک فوج کے ترجمان اور شبہ تعلقات عامہ آئی ایس پی آر کے ڈائریکٹر جنرل لیفٹیننٹ جنرل احمد شریف چوہدری کا کہنا ہے نا تو بھارت اسرائیل ہے اور نا ہی پاکستان فلسطین، ہم امن پسند لوگ ہیں بھارت نے ہمیں اکسایا یا حملہ کیا تو  ہمارا ردعمل تیز اور وحشیانہ ہوگاان کا کہناتھا کہ ہم کبھی بھی بھارتی بالادستی کے آگے نہیں جھکیں گے، وہ یہ بات جتنی جلدی سمجھ لے، علاقائی امن اور دنیا کیلئے اتنا ہی بہتر ہوگا۔ڈائریکٹر جنرل آئی ایس پی آر لیفٹیننٹ جنرل احمد شریف چوہدری نے ترکیہ کے سرکاری خبر رساں ادارے انادولو ایجنسی کو انٹرویو دیتے ہوئے مقبوضہ جموں و کشمیر کے علاقے پہلگام میں سیاحوں پر ہونےو الے حملے کا الزام پاکستان پر عائد کرنے اور ان دعوؤں کے حوالے سے کوئی ثبوت پیش نہ کرنے پر کہا کہ نئی دہلی حکومت دہشت گردی کے واقعات کو بہانہ بنارہی ہے اور اسے اس سے باز آنا چاہیے۔ڈی جی آئی ایس پی آر احمد شریف کا واضح طور پر کہنا تھا کہ’’ پاکستان دنیا میں اس وقت سب سے زیادہ دہشت گردی کا شکار ملک ہے‘‘۔ پاکستان میں جنوری 2024 سے اب تک 3700 سے زیادہ دہشت گردی کے واقعات ہو چکے ہیں۔ان 17 ماہ سے بھی کم عرصے میں 3896 افراد جاں بحق ہوئے  جن میں سے 1314 شہید ہیں۔ 2500 سے زیادہ اپنے اعضاء کھو چکے ہیں، ہمارے لاکھوں لوگ جان کی بازی ہار چکے ۔اس ساری دہشت گردی کی سرپرستی اور حوصلہ افزائی بھارت کر رہا ہے۔ڈی جی آئی ایس پی آر نے کہا کہ کشمیر میں یا بھارت میں جو کچھ بھی ہو رہا ہے وہ بھارتی جبر کی وجہ سے اندرونی مسئلہ ہے۔ کشمیر ایک بین الاقوامی تسلیم شدہ تنازعہ ہے۔ بھارت کشمیر کو حل کرنے کی کوشش نہیں کر رہا  بلکہ وہ جبر سے اسے اندرونی مسئلہ  بنانے کی کوشش کر رہا ہے۔ہم ایک امن پسند قوم ہیں، اگر بھارت نے ہمیں اکسایا یا حملہ کیا تو ہمارا ردعمل تیز اور وحشیانہ ہوگا۔انہوں نے واضح کیا کہ حقیقت یہ ہے کہ بھارت امریکا نہیں، اور پاکستان افغانستان نہیں ہے۔ بھارت اسرائیل نہیں ہے اور پاکستان  فلسطین نہیں ہے۔ پاکستان، بھارتی تسلط کے سامنے نہیں جھکے گا۔ بھارت جتنی جلدی یہ بات سمجھ جائے گا یہ علاقائی اور عالمی امن کیلئے اچھا ہوگا۔ بھارت پہلگام واقعہ میں پاکستان کو مورد الزام ٹھہرا کر کوئی بھی ثبوت دینے میں ناکام رہا۔نئی دہلی حکومت ان واقعات کو دہشت گردی کے بہانے کے طور پر استعمال کر رہی ہے۔ڈی جی آئی ایس پی آرکے مطابق جعفرایکسپریس پر حملہ کرنے والی بی ایل اے نے کھلے عام بھارت سے فوجی مدد کی درخواست کی تھی۔نئی دہلی میں کچھ رہنماؤں، سیاست دانوں اور ریٹائرڈ جنرلوں نے بی ایل اے کی حمایت میں بیانات دیے تھے۔حالیہ کشیدگی میں بھارت کے پانچ جنگی طیارے مار گرائے جن میں سے تین رافیل تھے۔پوری دنیا جانتی ہے کہ پاکستان نے بھارتی طیارے مار گرائے لیکن نئی دہلی اسے ماننے کو تیار نہیں۔

بھارت اسرائیل ہے نہ پاکستان فلسطین، جارحیت کا بے رحمانہ جواب دینگے،ترجمان پاک فوج

بھارت جتنی جلدی یہ سمجھ جائے گا یہ علاقائی اور عالمی امن کیلئے اچھا ہوگا،ترکیہ کی سرکاری خبررساں ایجنسی کو انٹرویو

راولپنڈی(این این آئی)ڈی جی  آئی ایس پی آر لیفٹیننٹ جنرل احمد شریف چوہدری نے کہا ہے کہ کوئی پاکستان کا پانی روکنے کی جرات نہ کرے، بھارت نے پانی روکا تو پاکستان کے ردعمل کے نتائج سالوں اور دہائیوں تک محسوس کیے جائیں گے، بھارت کی کشمیرپالیسی، ظلم وجبر اور کشمیر کو اندرونی معاملہ بنانے کی کوشش ناکام ہو چکی ہے۔برطانوی میڈیا کو دئیے گئے انٹرویو میں ڈی جی آئی ایس پی آر نے کہاکہ حکومت پاکستان پانی کے معاملے پربھارت کو واضح کرچکی ہے، فوج کی طرف سے مزید کچھ کہنے کی ضرورت نہیں،24کروڑ سے زائد لوگوں کا پانی روکنے کا کوئی پاگل آدمی ہی سوچ سکتا ہے۔انہوںنے کہاکہ بھارت ایسا کرنے کی ہمت نہیں کرسکتا، امید کرتے ہیں ایسا وقت نہ آئے لیکن آیا تو دنیا ہمارے اقدامات دیکھے گی، بھارت نے پاکستان کا پانی روکا تو سالوں اور  دہائیوں تک اس کے نتائج محسوس کیے جائیں گے۔ ترجمان پاک فوج نے کہا کہ ہم اپنے کیے گئے وعدوں کی مکمل پاسداری کرتے ہیں، ہم سیاسی حکومت کی ہدایات کو مکمل طور پر مانتے ہیں اور ان کے عزم کا پاس رکھتے ہیں، پاکستانی فوج کی طرف سے یہ جنگ بندی برقرار رہے گی، فریقین کے درمیان رابطے میں اعتماد سازی کے اقدامات کیے گئے ہیں، اگر خلاف ورزی ہوتی ہے تو ہمارا جواب ہمیشہ ہوگا اور موقع پر ہوگا، جواب صرف ان ہی چوکیوں اور مقامات پر ہوگا جہاں سے جنگ بندی کی خلاف ورزی کی گئی ہو۔ایک سوال کے جواب میں   لیفٹیننٹ جنرل احمد شریف چوہدری نے کہاکہ میں تصدیق کرسکتا ہوں کہ بھارت کا چھٹا گرنے والا طیارہ میراج 2000ہے، ہم نے صرف طیاروں کو نشانہ بنایا، مزید کارروائی کرسکتے تھے مگر ہم نے ضبط کا مظاہرہ کیا، حملوں کے باوجود ہمارے تمام فضائی اڈے مکمل طور پر فعال ہیں، پاک فضائیہ کے پاس ایسے وسائل ہیں جن کی مدد سے فوری طور پر اڈوں کو فعال کیا جاسکتا ہے۔ترجمان پاک فوج نے کہاکہ بھارت کی کشمیرپالیسی، ظلم وجبر اور کشمیر کو اندرونی معاملہ بنانے کی کوشش ناکام ہو چکی ہے، جب تک بھارت بات چیت نہیں کرتا دونوں ممالک مسئلے کا حل نہیں نکالتے، تنازع کی آگ بھڑکنے کا خطرہ موجود رہے گا۔

بھارت نے پانی روکا تو ہمارے ردعمل کے نتائج دہائیوں تک محسوس کیے جائینگے،ترجمان پاک فوج

کوئی پاگل شخص 24 کروڑ سے زائد عوام کا پانی روکنے کا سوچ سکتا ہے، خلاف ورزی پر جواب دیں گے، انٹرویو

پاکستان سپر لیگ (پی ایس ایل) کے دسویں ایڈیشن کے 29ویں میچ میں لاہور قلندرز نے پشاور زلمی کو 26 رنز سے شکست دے کر پلے آف کے لیے کوالیفائی کرلیا۔راولپنڈی میں آندھی اور بارش کی وجہ سے میچ کا ٹاس تاخیر سے ہوا جس کے بعد اوورز کو 20 کے بجائے ایک اننگز میں 13 تک محدود کیا گیا۔پشاور زلمی کی ٹیم بابر اعظم کی کپتانی میں پہلی بار لیگ کے اگلے رائونڈ میں نہ جاسکی، پشاور کی ٹیم 150 رنز کے تعاقب میں 123 رنز بناسکی۔قبل ازیں راولپنڈی کرکٹ اسٹیڈیم میں ہونیوالے میچ میں پشاور زلمی نے ٹاس جیت کر لاہور قلندرز کو بیٹنگ کی دعوت دی، پہلے بیٹنگ کرتے ہوئے لاہور قلندرز نے مقررہ 13 اوورز میں 8 وکٹوں کے نقصان پر 149 رنز بنائے۔لاہور قلندرز کی جانب سے فخر زمان 60 رنز بناکر نمایاں رہے، محمد نعیم نے 22، کوشال پریرا نے 17، عبداللہ شفیق نے 5، سکندر رضا نے 4 جبکہ آصف علی نے 18 رنز بنائے۔پشاور زلمی کی جانب سے ڈینیل سیمز ، علی رضا اور احمد دانیال نے 2، 2 وکٹیں حاصل کی۔150رنز کےہدف کےتعاقب میں 20 کے مجموعی اسکور پر صائم ایوب پویلین لوٹ گئے، پھر 35 کے مجموعی اسکور پر محمد حارث بھی آؤٹ ہوگئے،زلمی کی جانب سے اننگز کا آغاز کرنے والے صائم ایوب اور محمد حارث 8،8 رنز بناسکے، بابراعظم 16، میکس برائنٹ صفر، معاز صداقت 4 رنز کے مہمان ثابت ہوئے۔ عبدالصمد 17، احمد دانیال 24، لک ووڈ صفر پر ہی آؤٹ ہوگئے جبکہ ڈینئل سیمز 26، اور کپتان بابر اعظم نے 16 رنز بناسکے۔ شاہین آفریدی نے 2، حارث رؤف اور سکندر رضا نے ایک ایک وکٹ حاصل کی، سلمان مرزا نے 4 کھلاڑیوں کو پویلین بھیجا۔خیال رہے کراچی کنگز، کوئٹہ گلیڈی ایٹرز، لاہور قلندرز اور اسلام آباد یونائیٹڈ پلے آف میں پہنچ گئی ہیں۔میچ میں اننگز کے وقفے کے دوران پاک فضائیہ کو خراج تحسین پیش کرنے کی تقریب ہوئی ،ایئر چیف اورچیئرمین پی سی بی محسن نقوی بھی راولپنڈی کرکٹ اسٹیڈیم میں موجود تھے۔اسٹیڈیم میں پاک فضائیہ اورپاکستان زندہ باد کے نعرے گونجتے رہے،گلوکار ساحر علی بگا اور شجاع حیدر نے شاندار پرفارمنس دی،اسٹیڈیم میں شاندار آتش بازی کا مظاہرہ بھی کیا گیا۔

پی ایس ایل 10،لاہور قلندرز نے پشاور زلمی کو26رنز سے ہراکر پلے آف کیلئے کوالیفائی کرلیا

بارش سے متاثرہ 13 اوورزکے میچ میںپشاور زلمی کی ٹیم 150 رنز کے ہدف کے جواب میں 128 رنز بناسکی

اسلام آباد(این این آئی)مشہور پاکستانی کوہ پیما سرباز خان نے نیپال میں واقع دنیا کی تیسری بلند ترین چوٹی مانٹ کنچن جنگا (8586 میٹر)کو کامیابی سے سر کر لیا، اس کامیابی کے ساتھ ہی وہ دنیا کی 8000میٹر سے بلند 14پہاڑی چوٹیوں کو آکسیجن کی مدد کے بغیر سر کرنے والے پہلے پاکستانی بن گئے۔سرباز خان نے اتوار کی صبح بغیر اضافی آکسیجن کے نیپال میں واقع دنیا کی تیسری بلند ترین چوٹی مانٹ کنچن جنگا (8586 میٹر)کو سر کیا، دنیا کی تمام 14آٹھ ہزار میٹر سے بلند پہاڑی چوٹیوں کو آکسیجن کی مدد کے بغیر سر کرنے کا کارنامہ چند ہی کوہ پیماں نے سر انجام دیا ہے۔سرباز خان اس سے قبل گزشتہ سال اکتوبر میں دنیا کے 8000 میٹر سے بلند تمام 14 پہاڑوں کو سر کرنے والے پہلے پاکستانی کوہ پیما بن چکے تھے۔سرباز کے ٹور آرگنائزر، امیجن نیپال نے ایک بیان میں کوہ پیما کو مبارکباد دیتے ہوئے کہا کہ ہم پاکستان سیاپنے عزیز دوست، کلائنٹ، اور شراکت دار سرباز خان کو صبح 18مئی 2025 کو بغیر اضافی آکسیجن کے دنیا کے تیسرے بلند ترین پہاڑ کنچن جنگا (8586 میٹر)کو سر کرنے کی ان کی ناقابل یقین کامیابی پر دل کی گہرائیوں سے مبارکباد پیش کرتے ہیں۔اس بارے میں الپائن کلب آف پاکستان کے سیکرٹری کرار حیدری نے کہاکہ اس چوٹی کو سر کرنے کے ساتھ ہی، سرباز خان بغیر آکسیجن کے تمام 14 بلند ترین چوٹیوں کو سر کرنے والے پہلے پاکستانی بن گئے ہیںانہوں نے مزید کہاکہ سرباز خان نے پوری قوم کا سر فخر سے بلند کر دیا ہے، بغیر آکسیجن کے تمام 14 آٹھ ہزار میٹر بلند چوٹیوں کو سر کرنا ایک نادر اور بہادرانہ کارنامہ ہے، وہ دنیا کی بلند ترین چوٹیوں پر پاکستانی عزم، مہارت اور حوصلے کی علامت ہیں۔سرباز نے اتوار کی صبح پاکستانی وقت کے مطابق 4:15 بجے مانٹ کنچن جنگا کو کامیابی سے سر کر کے کوہ پیمائی کی تاریخ میں ایک سنگ میل عبور کیا۔اس کارنامے کو جو چیز غیر معمولی بناتی ہے وہ یہ ہے کہ سرباز نے بغیر کسی اضافی آکسیجن کے دنیا کے تیسرے بلند ترین پہاڑ کو سر کیا ،جو پاکستان کے کوہ پیمائی کے ورثے میں ایک یادگار لمحہ ہے۔اس تاریخی سنگ میل تک سرباز کا سفر ایک دہائی سے زیادہ کے عزم، نظم و ضبط اور خالص حوصلے پر محیط ہے، انہوں نے آکسیجن سلنڈر کے بغیر 8000 میٹر سے بلند درج ذیل 14 چوٹیوں کو کامیابی سے سر کیا۔مانٹ کنچن جنگا کی چوٹی سر کرنا نہ صرف سرباز خان کو تاریخ کے عظیم ترین کوہ پیماں میں شامل کرتا ہے بلکہ اس سے پاکستان کے عوام اور خاص طور پر گلگت بلتستان کی کوہ پیمائی کی برادری کو بے حد فخر محسوس ہوتا ہے، جہاں سے سرباز کا تعلق ہے۔انہوں نے یہ کامیابی خالص الپائن کوہ پیمائی کے جذبے، یعنی کم سے کم ساز و سامان، شرپاں کی طرف سے لگائی گئی کوئی مقررہ رسیاں یا کیمپ نہیں، اور آکسیجن سلنڈر کا سہارا لیے بغیر، حاصل کی، یہ ایک ایسا انداز ہے جو کوہ پیمائی کی حقیقی اور مشکل ترین شکل کی نمائندگی کرتا ہے۔سرباز کا مشن ہمیشہ سے یہ رہا ہے کہ وہ دنیا کے بلند ترین مقامات پر پاکستان کی نمائندگی کریں اور اگلی نسل کے کوہ پیماں کو اسی جذبے اور استقامت کے ساتھ اپنے نقش قدم پر چلنے کی ترغیب دیں۔35 سالہ سرباز کا تعلق گلگت بلتستان کے ضلع ہنزہ کے علاقے علی آباد سے ہے اور انہوں نے 2016 میں اپنے کوہ پیمائی کے کیریئر کا آغاز کیا تھا۔ان میں سے چار مہمات میں، ان کے ہمراہ مرحوم محمد علی سدپارہ بھی تھے۔گزشتہ سال دھولاگیری چوٹی سر کرنے کے مشن پر روانہ ہونے سے قبل انہوں نے کہا تھا:  میں اس مہم کا منتظر ہوں اور اپنے مرشد علی سدپارہ کے خواب کے قریب پہنچ رہا ہوں، جن کا بھی 14 بلند ترین چوٹیوں کو سر کرنے کا ایسا ہی خواب تھا، لیکن بدقسمتی سے اس سال کے اوائل میں کے ٹو پر موسم سرما کی مہم کے دوران وہ جاں بحق ہوگئے ۔کوہ پیما نائلہ کیانی، ساجد سدپارہ، سول سوسائٹی کے ممبران اور سیاستدانوں سمیت پاکستانی کوہ پیماں نے سرباز کو ان کے تاریخی کارنامے پر مبارکباد پیش کی ہے۔

بنا آکسیجن دنیا کی تمام بلند ترین چوٹیاں سر کرنے والا پہلا پاکستانی کوہ پیماسرباز خان

سرباز خان آکسیجن سپورٹ کے بغیر دنیا کی 8000 میٹر سے بلند 14 پہاڑی چوٹیاں سر کرنے والے پہلے پاکستانی بن گئے

اسلام آباد(این این آئی)معرکہ حق پاکستان نے تاریخی فتح پر بھارتی جارحیت اور جھوٹ بے نقاب کر کے ڈوزیئر جاری کر دیا، ڈوزیئر میں آپریشن بنیان مرصوص میں تاریخی کامیابی کے ناقابل تردید شواہد موجود ہیں۔ذرائع کے مطابق  ڈوزیئر میں پہلگام فالس فلیگ اور بھارتی جارحیت کے ناقابل تردید شواہد بھی موجود ہیں، آپریشن بنیان مرصوص کے حقائق، سیٹلائٹ تصاویر ڈوزیئر کا حصہ ہیں، پہلگام فالس فلیگ پر مستند بین الاقوامی میڈیا رپورٹس بھی ڈوزیئر کا حصہ ہیں۔ڈوزیئر میں کہا گیا ہے کہ پاکستان امن کا علم بردار ہے اور اپنی سالمیت کا ہر قیمت پر دفاع کرے گا۔ڈوزیئر میں پہلگام فالس فلیگ کے بعد بھارتی میڈیا اور را  سے منسلک سوشل میڈیا اکاؤنٹس کی تفصیلات بھی شامل ہیں۔ڈوزیئر میں پاکستان مخالف منظم مہم اور فیک نیوز کے ناقابل تردید شواہد پیش کیے گئے ہیں۔ڈوزیئر میں کہا گیاکہ بھارتی جنگجو میڈیا نے جھوٹی خبروں اور گمراہ کن پروپیگنڈا کر کے جنگ کا ماحول بنایا، بین الاقوامی میڈیا، بھارتی سیاستدانوں، عوام نے پہلگام فالس فلیگ اور  بھارتی میڈیا کے کردار پر سوالات اٹھائے۔ذرائع کے مطابق  ڈوزیئر میں پاکستان کی جانب سے بھارت کو پہلگام واقعے کی شفاف تحقیقات کے لیے مخلصانہ کاوشوں کا بھی ذکر کیا۔ڈوزیئر میں کہا گیا کہ بھارتی جارحیت اور بزدلانہ حملے میں معصوم پاکستانی بچے، خواتین اور شہری شہید ہوئے، بھارتی جارحیت کے تمام شواہد ڈوزیئر میں پیش کیے گئے ہیں۔ڈوزیئر میں کہا گیا کہ پاکستان نے اپنے دفاع اور بھارتی جارحیت کے جواب میں آپریشن بنیان مرصوص شروع کیا، آپریشن بنیان مرصوص نے بھارت کو دھول چٹا دی اور بھارتی عزائم کو خاک میں ملا دیا، پاکستان نے بھارتی جارحیت کے جواب میں صرف بھارتی ملڑی ٹارگٹس کو نشانہ بنایا۔ڈوزیئر میں کہا گیا کہ صرف ان بھارتی ٹارگٹس کو نشانہ بنایا گیا جہاں سے نہتے اور معصوم پاکستانیوں پر حملے کیے گئے۔ڈوزیئر میں بھارتی نقصانات کی تفصیل ناقابلِ تردید شواہد کے ساتھ پیش کی گئی ہیں۔سفارتی ماہرین نے کہا کہ پاکستان نے مکمل شواہد کے ساتھ ڈوزیئر جاری کر کے سفارتی محاذ پر بھی کامیابی حاصل کر لی ہے، پاکستان نے بھارتی جارحیت کو شواہد سے بے نقاب کیا ہے۔

معرکہ حق، پاکستان نے بھارتی جارحیت اور جھوٹ بے نقاب کر کے ڈوزیئر جاری کر دیا

آپریشن بُنیان مرصوص کےحقائق، سیٹلائٹ تصاویر، پہلگام فالس فلیگ پر مستند بین الاقوامی میڈیا رپورٹس بھی ڈوزیئر کا حصہ ہیں

پاکستان سپر لیگ (پی ایس ایل) سیزن 10 میں پشاور زلمی اور لاہور قلندرز کا گروپ مرحلے کا میچ راولپنڈی میں آندھی وبارش کے باعث تاخیر کا شکار ہوگیا۔ راولپنڈی اور اسلام آباد میں تیزآندھی اوربارش کے باعث لاہور قلندرز اور پشاور زلمی کے میچ کا ٹاس تک نہیں ہوسکا، تیز آندھی اور طوفانی بارش کے باعث اسٹیڈیم میں پچ کو کور سے ڈھانپ دیا گیا۔واضح رہےلاہورقلندرز اورپشاورزلمی دونوں ٹیموںکیلئے آج کا میچ انتہائی اہم ہے فتح کی صورت میں ایک ٹیم اگلے پلے آف مرحلے میں کوالیفائی کرجائے گی۔اگربارش کے باعث میچ نہ ہوسکا تو پوائنٹس کے حساب سے لاہور قلندرز کی ٹیم پلے آف میں جگہ بنالےگی۔واضح رہے دن بھر کی شدید گرمی کے بعد شام ڈھلتے ہی اسلام آباد راولپنڈی سمیت ملک کے مختلف شہروں میں آندھی کیساتھ موسلا دھار بارش ہوئی ، بارش ہونے سے مختلف شاہرائوں پر پانی کھڑا ہوگیا جس سے ٹریفک کی روانی بھی متاثر ہوئی۔راولپنڈی میں بھی وقفے وقفے سے بارش کا سلسلہ جاری ہے ،اٹک اور گردونواح میں تیز ہواؤں کے ساتھ موسلا دھار بارش ہوئی جس سے جھلستی گرمی کا زور ٹوٹ گیا ،پشاور میں طوفان سے مختلف علاقوں میں درخت اور دیواریں گرنے سے 5 افراد زخمی ہوگئے ، ریسکیو 1122 کے مطابق افغان کالونی، اسد انور کالونی، رانو گھڑی میں مختلف عمارتوں کی چھتیں اور دیواریں گر گئیں۔

راولپنڈی میں بارش کے باعث لاہورقلندرزاورپشاورزلمی کا میچ تاخیر کا شکار ہوگیا

اسلام آباد وراولپنڈی کے مختلف علاقوں میں تیزہوائوں کیساتھ بارش، اسٹیڈیم میں پچ کو کور سے ڈھانپ دیا گیا

The PCB has accepted the hybrid model for Champions Trophy 2025 but only one condition.

Champions Trophy 2025: Will ICC Accept PCB's Condition?

The ICC, BCCI, and the PCB have failed to reach a middle ground regarding <a href="https://www.tapmad.com/blog/icc-champions-trophy-2025-virtual-meeting-with-bcci-and-pcb/505-2-0">Champions Trophy 2025 venue</a> despite all the meetings taking place over the weekend.

The Pakistan Cricket Board officials including Chairman Mohsin Naqvi have returned to Pakistan after attending a series of meetings with the International Cricket Council and the Board of Control for Cricket India.&nbsp;

Before the meeting, the ICC came up with two possible solutions with the most popular one including staging all of India&rsquo;s matches at a neutral venue like Dubai.&nbsp;

This meant that Pakistan would also be stripped of the chance of hosting the Champions Trophy 2025 semi-final or even the final match if India qualifies for it.

The ICC made it clear that the tournament could not be held without India therefore, it was looking to find a solution that gave some peace and satisfaction to both countries.&nbsp;

Earlier, the PCB had completely rejected the possibility of adopting a hybrid model, stating that it was not ready to share the hosting rights with another country. 
 
After Friday&rsquo;s 15-minute long abandoned <a href="https://www.tapmad.com/blog/icc-champions-trophy-2025-venue-issue-unresolved/503-2-0">meeting between the ICC, BCCI, and the PCB</a>, Chairman Mohsin Naqvi and co. have decided to accept the hybrid model but with certain conditions.&nbsp;

As per PCB&rsquo;s condition which is also being called the &ldquo;Partnership or Fusion Formula&rdquo;, all of India vs Pakistan matches will be played in Dubai for the next three years starting from ICC Champions Trophy 2025.&nbsp;

This means that neither India nor Pakistan will travel to each other&rsquo;s countries to participate in any ICC related tournaments and play their matches against each other at a neutral venue.&nbsp;

According to sources, the ICC has listened to the PCB&rsquo;s fusion formula, but they will only make a decision after discussing it with the BCCI.&nbsp;

It&rsquo;s worth remembering that it was the BCCI who actually suggested the hybrid model when the Indian government refused to send its cricket team to Pakistan.&nbsp;

Let&rsquo;s see if the ICC and BCCI will accept the Pakistan Cricket Board&rsquo;s fusion formula and finally put an end to this bone of contention regarding the ICC Champions Trophy 2025 venue.&nbsp;

ICC Champions Trophy 2025 Venue Still Undecided: Will The BCCI Put Their Foot Down?

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan