Cricket

Entertainment

Football

معرکہ حق آپریشن “ بُنْيَانٌ مَّرْصُوْصٌ“ میں افواج پاکستان کی شاندار کامیابی اور بھارت کے خلاف عظیم فتح کے اعتراف میں ملک بھر میں آج یوم تشکر منایا جا رہا ہے۔یوم تشکر پر ملک بھر میں دن کا آغاز مساجد میں قرآن خوانی اور خصوصی دعاؤں سے ہوا، وفاقی دارالحکومت میں 31 اور صوبائی دارالحکومتوں میں21،21  توپوں کی سلامی دی گئی۔اس کے دوران فضااللہ اکبر اورپاکستان زندہ باد کے نعروں سے گونج اٹھی۔نماز فجر کے بعد مساجد میں قرآن خوانی کی گئی۔ ملکی سلامتی اورشہدا کے لیے خصوصی دعائیں کی گئیں۔ ملک بھرمیں یادگارِ شہداء پر پھول چڑھائے جائیں گے اور دعائیہ تقاریب ہوں گی۔مرکزی تقریب آج رات اسلام آباد میں پاکستان مونومنٹ پرمنعقد کی جائے گی۔ وزیراعظم شہبازشریف مہمانِ خصوصی ہوں گے۔ چیئرمین جوائنٹ چیفس آف اسٹاف کمیٹی جنرل ساحر شمشاد مرزا اور تینوں مسلح افواج کے سربراہان بھی تقریب میں شرکت کریں گے۔یوم تشکر پر وفاقی اور صوبائی دارالحکومتوں میں پرچم کشائی کی تقریبات ہوں گی۔ ملک بھر میں یادگار شہدا پر پھول رکھے جائیں گے اور دعائیہ تقریب منعقد ہو گی۔ شہدا کو خراج عقیدت پیش کرنے کیلئے لواحقین سے خصوصی ملاقاتیں ہوں گی۔

معرکہ حق میں تاریخی فتح پر ملک بھر میں آج یوم تشکر منایا جا رہا ہے

دن کا آغاز وفاقی دارالحکومت میں 31 اور صوبائی دارلحکومت میں 21 توپوں کی سلامی سے کیا گیا

عالمی ایٹمی توانائی ایجنسی (آئی اے ای اے) نے پاکستان کی تمام ایٹمی سائٹس کو محفوظ قرار دیتے ہوئے بھارتی جھوٹ کو بے نقاب کر دیا، پاکستانی فوج کے ہاتھوں درگت بننےکے بعد بھارت نے جھوٹا پروپیگنڈا شروع کیا تھا۔نیوزایجنسی کے مطابق عالمی ایٹمی توانائی ایجنسی نے پاکستان کی جوہری تنصیب سے تابکاری کے بھارتی پروپیگنڈے کو بے نقاب کردیا۔عالمی ایجنسی نے بتایا ہے کہ ان کی ٹیم نے پاکستان کا دورہ کیا اور اس دوران یہ ثابت ہوئی کہ بھارتی حملوں میں پاکستان کی تمام جوہری تنصیبات محفوظ رہی ہیں۔ایجنسی نے بھارتی پروپیگنڈے کو بے نقاب کرتے ہوئے کہا کہ پاکستان کی کسی جوہری تنصیب سے تابکاری مواد کا کوئی اخراج نہیں ہوا ہے۔واضح رہے کہ پہلگام واقعے کے بعد سے بھارت پاکستان کے خلاف مسلسل پروپیگنڈوں میں مصروف ہیں اور اسے ہر سازش پر منہ کی کھانی پڑ رہی ہے، اب اس معاملے پر بھی عالمی ایجنسی نے بھارتی وزیر دفاع کے جھوٹ کو بے نقاب کردیا ہے۔بھارتی وزیر دفاع اور میڈیا نے پروپیگنڈا کیا تھا کہ انڈیا کے میزائل حملے میں پاکستان کی کیرانہ ہلز میں جوہری تنصیب کو نقصان پہنچا ہے جس کے بعد سے تابکاری ہورہی ہے۔بھارتی وزیر دفاع نے عالمی ایٹمی ایجنسی (آئی اے ای اے) سے مطالبہ کیا تھا کہ وہ پاکستان کے حوالے سے اقدامات کرے، ان کا مطالبہ سختیوں اور پابندیوں کیلئے تھا۔

عالمی ایٹمی توانائی ایجنسی نےپاکستان کے تمام جوہری اثاثے محفوظ قرار دیدیے

پاکستان کی تمام جوہری تنصیبات مکمل محفوظ ہیں، عالمی ایٹمی توانائی ایجنسی نے تصدیق کردی

حکومت نے پیٹرول کی قیمت میں کوئی تبدیلی نہ کرنے کا فیصلہ کیا ہے، جبکہ ہائی اسپیڈ ڈیزل کی قیمت میں 2 روپے فی لیٹر کمی کر دی گئی ہے۔تفصیلات کے مطابق حکومت نے آئندہ 15 دنوں کےلیے پٹرولیم مصنوعات کی قیمتوں کا اعلان کردیا ہے، پٹرول کی قیمتوں میں کوئی ردو بدل نہیں کیا گیا۔وزارت خزانہ کے مطابق پیٹرول کی قیمت 252روپے 63 پیسے فی لیٹر برقرار ہے جبکہ ڈیزل کی2 روپے فی لیٹر سستا ہونے کے بعد نئی قیمت254 روپے 64 پیسے فی لیٹر مقرر ہے۔اس کے علاوہ مٹی کا تیل 5 روپے 4 پیسے فی لیٹر سستا کیا گیا ہے جس کے بعد مٹی کے تیل کی نئی قیمت 164روپے 65 پیسے فی لیٹر مقرر ہے۔لائٹ ڈیزل آئل کی قیمت میں بھی 4 روپے 68 پیسے فی لیٹر کمی کی گئی ہے جس کے بعد لائٹ ڈیزل آئل کی نئی قیمت 150 روپے 65 پیسے فی لیٹر مقرر ہوگئی ہے۔

پیٹرول کی قیمت برقرار، ڈیزل 2 روپے فی لیٹر سستا کردیا گیا

پیٹرول 252روپے63پیسے فی لٹر ہی ملے گا،جبکہ2روپے کمی کے بعدڈیزل کی نئی قیمت254روپے64پیسے ہوگئی

وزیراعظم شہباز شریف نے بھارت کی جارحیت کے خلاف شان دار فتح حاصل کرنے پر مسلح افواج کو مبارک باد دیتے ہوئے کہا ہے کہ دشمن کو پیغام مل گیا اگر دوبارہ ہماری طرف میلی آنکھ سے دیکھا تو پائوں تلے روند دیں گے، افواج نے دشمن کے چاروں طبق روشن کردیئے ،دوستوں ،بہی خواہوں کے اعتماد کو آسمان تک پہنچا دیا،جس طرح رافیل کو نشانہ بنایا گیااسے مودی و دنیا قیامت تک یاد رکھے گی،پاکستان کی شاندار فتح نے خطے کا توازن دنیا کی سوچ کو تبدیل کردیا ہے، بھارت جنگی جنون کا بخار اتر نے کے بعد اب امن کی بات کرے ،شرائط اچھی طرح جانتا ہے۔جمعرات کو وزیراعظم شہباز شریف نے کامرہ ایئر بیس کا دورہ کیا جہاں پاک فضائیہ کے شاہینوں سے ملاقا ت کی۔ اس موقع پر نائب وزیر اعظم و وزیر خارجہ محمد اسحق ڈار، وزیرِ دفاع خواجہ آصف، آرمی چیف جنرل سید عاصم منیر، ایئر چیف مارشل ظہیر احمد بابر سدھو، وزیر منصوبہ بندی احسن اقبال، وزیرِ اطلاعات و نشریات عطا اللہ تارڑ اور اعلی سول و عسکری قیادت بھی ان کے ہمراہ تھی ۔اس موقع پر خطاب کرتے ہوئے وزیراعظم شہباز شریف نے کہا کہ آج میں آپ کو اپنی طرف اور پاکستان کے 24 کروڑ عوام کی طرف سے عظیم اور شان دار فتح پر آپ کو دل کی گہرائیوں سے مبارک باد پیش کرنے آیا ہوں۔انہوں نے کہا کہ ابھی میں قوم کے عظیم ماں کے بیٹوں سے مل کر آیا ہوں جنہوں نے اس مختصر جنگ میں دشمن کے نہ صرف دانت توڑے بلکہ اس کے گھمنڈ اور غرور کو بھی اعلی ترین پیشہ ورانہ مہارت اور دلیری کے ساتھ خاک میں ملایا۔ انہوں نے کہا کہ 6مئی سے لے کر 10مئی کے جو دن گزرے ہیں اور 10مئی کو اختتام سے قبل پوری دنیا کو آپ نے اپنی اعلی ترین مہارت سے ورطہ حیرت میں ڈال دیا،آپ نے دشمنوں کے چاروں طبق روشن کردیئے اور دوستوں اور بہی خواہوں کے اعتماد کو آسمان تک پہنچا دیا۔وزیراعظم نے کہا کہ پاکستان کی تاریخ میں اس سے شان دار فتح پہلے ہمیں کبھی نصیب نہیں ہوئی اور اس شان دار فتح سے نہ صرف دنیا کی سوچ تبدیل کردیا بلکہ خطے اور پوری دنیا میں توازن کو تبدیل کردیا ہے، اس سے بڑی اللہ تعالی کی ہم پر مہربانی کوئی نہیں ہوسکتی۔ انہوں نے کہا کہ پاک فوج کی اس شان دار کامیابی پر ہم سب کی گردنیں اللہ کے حضور جھکی ہوئی ہیں مگر دشمن کو پیغام دیا کہ دوبارہ میلی سے دیکھا تو اس کو پاں تلے روند دیں گے۔انہوں نے کہا کہ جنہوں نے فرنٹ سے لیڈ کیا، ان میں سپہ سالار جنرل عاصم منیر کو مبارک پیش کرتا ہوں، ایئرچیف بابرسندھو اور نیول چیف کو مبارک پیش کرتا ہوں کہ 10مئی کو پوری دنیا میں ایک گونج اٹھی کہ یہ جنگ پاکستان نے اپنی تکنیکی مہارت، اپنی تحقیق سے مہارت حاصل کی تھی اس سے جیتی ہے۔وزیراعظم نے کہا کہ ابھی ہم نے ایک شان دار پریزینٹیشن لی، اس میں صحیح صورت حال سامنے آئی کہ آج میں قوم کو بلاخوف و تردید یہ بتا سکتا ہوں کہ ان شاہینوں نے دشمن کے 5نہیں 6جہاز مار گرائے ہیں اوراس کیساتھ ڈرونز بھی مارے۔انہوں نے کہا کہ ایک ایسا دشمن جو آبادی کے لحاظ سے کئی گنا بڑا ہے اور حالیہ برسوں میں اس نے کئی سو ارب ڈالر خرچ کرکے دنیا کا سب سے جدید اسلحہ خریدا اور عالمی طاقتوں کو بتایا کہ اس خطے میں وہی تھانیدار اور وہی پولیس مین ہے لیکن 10 مئی کی شام کو شاہینوں نے اس تھانیدار کا بت پاش پاش کردیا اور رہتی دنیا تک اب وہ اس طرح غرور اور گھمنڈ میں مبتلا نہیں ہوگا۔وزیراعظم نے بتایا کہ اس مختصر جنگ کے چند گھنٹوں میں اپنی بہادری اور دلیری سے شاہینوں نے وہ تاریخ رقم کی ہے کہ قیامت تک دوست اور دشمن اس کو پڑھتے رہیں گے، 10گھنٹوں سے کم وقت میں اس کو شکست دی اور پاکستان کا جھنڈا وہاں تک بلند کیا جہاں آج پوری دنیا احترام سے دیکھ رہی ہے۔انہوں نے کہا کہ میں اپنے شاہینوں اور قوم کے عقابوں کو دل کی گہرائی سے مبارک پیش کرتا ہوں، پوری قوم یک جان دو قالب ہیں اور پوری قوم اس جنگ میں ان کی کامیابی کے لیے دعا گوہ تھے۔وزیراعظم نے کہا کہ ابھی پریزینٹیشن میں بتایا گیا کہ شاہینوں نے 3 رافیل گرائے ہیں اور یہ معرکہ ان نوجوانوں نے سر کیا اور یہ رافیل کو آپ نے جو مارگرایا تو قرآن میں واقعہ آتا ہے کہ ابابیلوں نے ہاتھیوں شہ مات دی۔انہوں نے پاک فضائیہ کے شاہینوں کو مخاطب کرتے ہوئے کہا کہ آپ نے جے ایف 17اور چینی ساختہ جہازوں کیساتھ رافیل کو نشانہ بنایا ہے اس قیامت تک مودی اور دنیا یاد رکھے گی۔قرآن مجید کی سورت الفیل کی تلاوت اور ترجمہ پیش کرتے ہوئے وزیراعظم نے کہا کہ تاریخ انہیں الفاظ میں رافیل کے مقابلے کو یاد رکھے گی۔انہوں نے کہا کہ آپ نے ایم ایم عالم، فیصل چوہدری، سرفراز رفیقی کی یاد دلادی، جن کی بہادری اور شجاعت کے قصے آج پوری قوم کی زبان پر ہیں۔ وزیراعظم نے کہاکہ اس طرح کی مشاورت شاید اس کی پاکستان کی تاریخ میں پہلے کوئی مثال موجود نہیں ہے، میں تاریخ کے ان اوراق کا گواہ ہوں جس میں اس طرح کی مشاورت کی ماضی میں فقدان تھا لیکن یہ وہ دردناک کہانیاں سنانے کا وقت نہیں ہے۔وزیراعظم نے کہا کہ ہم امن چاہتے ہیں مگر دشمن اسے ہماری کمزوری نہ سمجھے، میں دشمن کو کہنا چاہتا ہوں کہ تمہارا جنگی جنون کا بخار اترچکا ہے، اب امن کی بات کرو ہم اس کیلئے ہم تیار ہیں اور اس امن کیلئے جو لازمی شرائط ہیں وہ تمھیں اچھی طرح پتا ہیں کہ کشمیریوں کو اقوام متحدہ کی قراردادوں کے مطابق ان کا حق خود ارادیت دینا ہوگا۔انہوں نے کہا کہ کشمیر میں تحریک اس وقت تک جاری رہے گی جب تک کشمیریوں کو ان کا حق نہیں مل جاتا، آئیں اس کیلئے بیٹھ کر بات کریں تاکہ یہ ایشو ، جو کبھی بھی جنگ کی آگ کو بھڑکا سکتا ہے اسے حل کریں۔

دشمن کو پیغام مل گیا دوبارہ میلی آنکھ سے دیکھا تو پائوں تلے روند دیں گے،وزیراعظم شہباز شریف

جیسے رافیل کو نشانہ بنایا اسے مودی و دنیا قیامت تک یاد رکھے گی، کامرہ ایئر بیس میں پاک فضائیہ کے شاہینوں سے خطاب

ملک بھر میں مسلسل دوسرے روز سونے کی قیمتوں میں ہزاروں روپے کی کمی ہو گئی۔آل پاکستان جیمز اینڈ جیولر ایسوسی ایشن کے مطابق سونے کی فی تولہ قیمت میں 6 ہزار 700 روپے کی کم ہوئی ہے جس کے بعد فی تولہ سونا 3 لاکھ 35 ہزار 200 روپے کا ہوگیا ہے۔اسی طرح 10 گرام سونے کا بھاؤ 5 ہزار 745 روپے کم ہوکر 2 لاکھ87 ہزار 379 روپے ہے۔دوسری جانب عالمی بازار میں سونے کا بھاؤ 67 ڈالر کمی سے 3168 ڈالر فی اونس ہے۔دوسری جانب پاکستان اسٹاک مارکیٹ میں آج مثبت رجحان رہا جس کے باعث سرمایہ کاروں کو اربوں روپےکا فائدہ ہوا۔کاروباری ہفتے کے چوتھے روز کاروبار کے آغاز پر اسٹاک ایکسچینج میں تیزی دیکھنے میں آئی جو کاروباری روز کے اختتام تک برقرار رہی جس کے باعث ہنڈرڈ انڈیکس 1425 پوائنٹس اضافے کیساتھ ایک لاکھ 19 ہزار 961 پوائنٹس کی سطح پر بند ہوا۔ادھرکاروباری ہفتے کے چوتھے روز انٹربینک میں امریکی کرنسی کی قیمت میں 11 پیسے کی کمی ریکارڈ کی گئی جس کے باعث انٹربینک میں ڈالر 281 روپے 61 پیسے پر بند ہوا۔

پاکستان میں آج فی تولہ سونا 6 ہزار 700 روپے سستا ہوگیا

اسٹاک مارکیٹ میں ہنڈرڈ انڈیکس 1425 پوائنٹس اضافے کیساتھ ایک لاکھ 19 ہزار 961 پوائنٹس کی سطح پر بند ہوا

بھارتی جارحیت کے خلاف پاک فوج کے آپریشن بنیان مرصوص معرکہ حق میں تاریخی فتح پر کل ملک بھر میں یوم تشکر منایا جائے گا۔میڈیارپورٹس کے مطابق حکومت نے آپریشن بُنْيَانٌ مَّرْصُوْص کی شاندار کامیابی پر قومی سطح پر یوم تشکر منانے کا اعلان کر دیا۔پاکستانی عوام اور افواج پاکستان کو خراج تحسین پیش کرنے اور معرکہ حق میں تاریخی فتح پر ملک بھر میںکل 16 مئی 2025ء کویوم تشکر منانے کا اعلان کیا گیا ہے۔یوم تشکر کے موقع پر دن کا آغاز مسجدوں میں قرآن خوانی اور خصوصی دعاؤں سے کیا جائے گا، وفاقی دارالحکومت میں 31 جبکہ صوبائی دارالحکومت میں 21 توپوں کی سلامی دی جائے گی۔مزار قائد اور مزار اقبال پر گارڈز کی تبدیلی کی تقریب کا انعقاد کیا جائے گا، پرچم کشائی کی تقریبات وفاقی اور صوبائی دارالحکومت میں منعقد کی جائیں گی۔ملک بھر میں یادگار شہداء پر پھول رکھے جائیں گے اور دعائیہ تقاریب منعقد ہوں گی، آپریشن بنیان مرصوص کے شہداء کو خراج عقیدت پیش کرنے کے لیے ان کے لواحقین سے خصوصی ملاقاتیں کی جائیں گی۔یوم تشکر کی نمایاں تقریب کل رات پاکستان مونومنٹ اسلام آباد میں منعقد ہوگی،تقریب کے مہمان خصوصی وزیراعظم ہوں گے جبکہ چیئرمین جوائنٹ چیفس آف سٹاف کمیٹی اور مسلح افواج کے سربراہ بھی تقریب کا حصہ ہوں گے۔یوم تشکر کی اس نمایاں تقریب میں تمام مکاتب فِکر سے تعلق رکھنے والی اہم شخصیات شرکت کریں گی۔

معرکہ حق میں تاریخی فتح ،حکومت کا کل ملک بھرمیں یوم تشکر منانے کا اعلان

دن کا آغاز وفاقی دارالحکومت میں 31 اور صوبائی دارلحکومت میں 21 توپوں کی سلامی سے کیا جائے گا

پاکستان نے مقبوضہ جموں و کشمیر میں بھارتی وزیر دفاع کی جانب سے پاکستان کے جوہری اثاثوں سے متعلق دیے گئے بیان کی شدید مذمت کرتے ہوئے عالمی ایٹمی ایجنسی اور عالمی برادری سے بھارت میں ایٹمی تنصیبات اور مواد کی سیکیورٹی کا جائزہ لینے کا مطالبہ کردیا۔ترجمان دفتر خارجہ کا کہنا ہےکہ یہ غیر ذمہ دارانہ بیان بھارتی قیادت کی پاکستان کی مؤثر دفاعی صلاحیت اور بھارت کی جارحیت کے خلاف مزاحمتی حکمت عملی سے عدم تحفظ کا مظہر ہے، پاکستان کی روایتی عسکری صلاحیت بھارت کو روکنے کے لیے کافی ہے۔ ترجمان نے کہا کہ بھارت خود ساختہ ‘جوہری بلیک میل’ کے جنون میں مبتلا ہے، بھارتی وزیر دفاع کے ریمارکس بین الاقوامی ایٹمی توانائی ایجنسی کے مینڈیٹ اور ذمہ داریوں سے مکمل لاعلمی کا بھی ثبوت ہیں۔دفتر خارجہ کے بیان میں کہا گیا کہ اگر کسی چیز پر IAEA اور عالمی برادری کو تشویش ہونی چاہیے تو وہ بھارت میں جوہری اور تابکار مواد کی بارہا چوری اور غیرقانونی اسمگلنگ کے واقعات ہیں۔ترجمان نے کہا کہ گزشتہ سال بھارت کے شہر دہرہ دون میں بھابھا ایٹمی تحقیقاتی مرکزسے چوری شدہ تابکار آلہ رکھنے والے پانچ افراد گرفتار کیے گئے، اسی سال، ایک گروہ کے قبضے سے انتہائی تابکار اور مہلک مادہ “کالیفورنیئم” برآمد ہوا، جس کی مالیت 10 کروڑ امریکی ڈالر سے زائد تھی۔دفتر خارجہ نے کہا کہ سال 2021 میں بھی کالیفورنیئم کی چوری کے تین واقعات رپورٹ ہو چکے ہیں، یہ واقعات بھارت میں جوہری و تابکار مواد کی سیکیورٹی کے ناقص اقدامات اور خطرناک بلیک مارکیٹ کے وجود کی نشاندہی کرتے ہیں۔ترجمان نے کہا کہ جو ریاست جوہری استعمال والے حساس مواد کی غیر قانونی خرید و فروخت میں ملوث ہو سکتی ہے، پاکستان ان واقعات کی شفاف اور جامع تحقیقات کا مطالبہ کرتا ہے، اور بھارت پر زور دیتا ہے کہ وہ اپنے جوہری اثاثوں اور تنصیبات کی سیکیورٹی یقینی بنائے۔

پاکستان نے بھارتی ایٹمی تنصیبات اور مواد کی سیکیورٹی کا جائزہ لینے کا مطالبہ کردیا

بھارت میں ایٹمی مواد کی چوری اور اسمگلنگ پر عالمی برادری کو تشویش ہونی چاہئے، ترجمان دفتر خارجہ

امریکا نے ایران کے بیلسٹک میزائل پروگرام میں مدد فراہم کرنے والے چھ افراد اور بارہ کمپنیوں پر نئی پابندیاں عائد کر دی ہیں۔ ان میں چند چینی شہری بھی شامل ہیں۔یہ پابندیاں ان افراد اور اداروں پر لگائی گئی ہیں جو ایران کو ایسے سامان اور مواد فراہم کر رہے تھے جو میزائل بنانے کے لیے ضروری ہیں۔ امریکی حکام کا کہنا ہے کہ یہ کمپنیاں ایران کی میزائل سازی کی صلاحیت کو مقامی سطح پر مضبوط بنانے میں اہم کردار ادا کر رہی تھیں۔امریکی وزیر خزانہ اسکاٹ بیسنٹ نے کہا ہے کہ امریکا ایران کو ایسے خطرناک میزائل بنانے کی اجازت نہیں دے سکتا جو بین البراعظمی فاصلے تک مار کر سکیں۔ انہوں نے کہا کہ ایران کی میزائل تیاری کی کوششیں پورے خطے کے امن کے لیے بڑا خطرہ ہیں۔ یہ فیصلہ ایسے وقت میں کیا گیا ہے جب امریکا اور ایران کے درمیان جوہری پروگرام پر مذاکرات جاری ہیں۔ ان مذاکرات کا مقصد ایک ایسا معاہدہ بنانا ہے جس سے ایران کو جوہری ہتھیار بنانے سے روکا جا سکے۔ یاد رہے کہ حالیہ ہفتوں میں امریکا پہلے ہی ایران کی تیل اور جوہری صنعت سے وابستہ کئی اداروں اور افراد پر پابندیاں لگا چکا ہے۔ ادھراس حوالے سے ایرانی صدر نے کہا ہے کہ کسی غنڈہ گردی کے آگے نہیں جھکیں گے۔ایرانی صدر مسعود پزشکیان نے امریکی صدر ڈونلڈ ٹرمپ کے خلیجی ممالک کےدورے کےدوران تہران پر تنقید کو آڑے ہاتھوں لیتے ہوئے کہا کہ آپ یہاں کیا ہمیں ڈرانے کیلئے آئے ہیں؟ ہم غنڈہ گردی کے آگے نہیں جھکیں گے۔ایرانی صدر کا کہنا تھا کہ ڈونلڈ ٹرمپ سوچتا ہے کہ وہ یہاں آکر ہمیں ڈرا سکتا ہے، ہمارے لیے شہادت کی موت بستر پر مرنے سے زیادہ پیاری ہے۔سعودی عرب میں ڈونلڈ ٹرمپ نے کہا تھا کہ ایران کے ساتھ معاہدہ کرنا چاہتا ہوں، اگر ایران کے ساتھ معاہدہ نہ ہوا تو ایران پر سخت معاشی پابندیاں عائد کریں گے۔علاوہ ازیں ایران کے سپریم لیڈر کے سینئر مشیر نے اعلان کیا ہے کہ اگر امریکی صدر ڈونلڈ ٹرمپ کی جانب سے عائد اقتصادی پابندیاں مکمل طور پر ختم کر دی جائیں تو تہران جوہری معاہدے پر دوبارہ دستخط کے لیے تیار ہے۔ایرانی سپریم لیڈر کے سینئرمشیرعلی شمخانی کے مطابق ایران افزودہ یورینیم کا موجودہ ذخیرہ ترک کر دے گا، بشرطیکہ امریکا ایرانی شرائط کو تسلیم کرے۔انہوں نے کہا کہ ایران یورینیم کی افزودگی کو صرف سول سطح تک محدود رکھنے پربھی رضامند ہے تاہم اس کے لیے امریکا کو پابندیاں مکمل طور پر ختم کرنا ہوں گی۔علی شمخانی نے مزید کہا کہ اگر سمجھوتہ ہو جاتا ہے تو ایران بین الاقوامی معائنہ کاروں کو اپنی جوہری تنصیبات تک رسائی دینے پر بھی آمادہ ہوگا۔

امریکا نے ایران کے بیلسٹک میزائل پروگرام پر نئی پابندیاں لگادیں

ہم غنڈا گردی کے آگے نہیں جھکیں گے۔ ہمارے لیے شہادت بستر پر مرنے سے زیادہ پیاری ہے، ایرانی صدر

پاکستان اور بھارت کے ڈی جی ایم اوز کے درمیان تیسرا رابطہ ہوا، جس میں سیز فائر برقرار رکھنے کیلئے مزید مثبت اقدام پر اتفاق کیا گیا۔میڈیارپورٹس کے مطابق پاکستان اور بھارت کے ڈی جی ایم اوز کے درمیان رابطوں کا سلسلہ جاری ہے، ذرائع نے بتایا کہ گزشتہ روز ڈی جی ایم اوز پاکستانی فوج کے میجر جنرل کاشف عبداللہ اور ہندوستانی فوج کے لیفٹیننٹ جنرل راجیو گھئی کے درمیان سیز فائر کے بعد تیسرا رابطہ ہوا جس میں بھارت کے درمیان جنگ بندی برقرار رکھنے پر اتفاق ہوا ہے۔ یہ سیزفائر امریکا اور دیگر دوستانہ ممالک کی کوششوں سے ممکن ہوا تھا، دونوں ڈی جی ایم اوز نے زمینی صورتحال پر تبادلہ خیال کیا، اگرچہ اس رابطے کی تفصیلات کسی بھی جانب سے منظرعام پر نہیں آئیں۔باخبر ذرائع نے بتایا ہے کہ دونوں ممالک نے سیزفائر برقرار رکھنے اور سابقہ رابطے (جو پیر کو ہوا تھا) میں طے شدہ ا’سٹیٹس کو‘ کو برقرار رکھنے پر اتفاق کیا ہے۔دفتر خارجہ کے ایڈیشنل سیکرٹری اور ترجمان شفقات علی خان اس حوالے سے آج میڈیا کو بریفنگ دیں گے۔

پاک بھارت ڈی جی ایم اوز کا تیسری بار ہاٹ لائن رابطہ، سیز فائر برقرار رکھنے پر اتفاق

دونوں ممالک نے سیزفائر برقرار رکھنے اور سابقہ رابطے میں طے شدہ اسٹیٹس کو کو برقرار رکھنے پر اتفاق کیا ہے

چیئرمین پاکستان تحریک انصاف (پی ٹی آئی) بیرسٹر گوہرعلی خان نے کہا ہے کہ بانی پی ٹی آئی عمران خان کے ساتھ کسی بھی قسم کی کوئی ڈیل نہیں ہوئی۔ بیرسٹر گوہر نے پارلیمنٹ ہاؤس کے باہر میڈیا سے گفتگو کرتے ہوئے کہا ہے کہ حکومت سے کسی قسم کی کوئی ڈیل نہیں ہو رہی، اور نہ ہی کوئی مذاکرات زیر غور ہیں۔ انہوں نے دوٹوک مؤقف اپناتے ہوئے کہا کہ چیئرمین عمران خان بے گناہ ہیں، وہ ناحق اور بے بنیاد مقدمات میں قید ہیں، اور وہ کسی بھی قسم کی سودے بازی یا ڈیل نہیں کریں گے۔بیرسٹر گوہر نے وزیر اعظم شہباز شریف کی جانب سے پارلیمنٹ کے فلور پر دی جانے والی مذاکرات کی پیشکش کا خیرمقدم کیا اور کہا کہ میں نے اس پیشکش کو سراہا ہے، تاہم اس حوالے سے پارٹی کے بانی عمران خان اور قیادت سے مشاورت کے بعد جواب دیا جائے گا۔بیرسٹر گوہر کا کہنا تھا کہ بانی پی ٹی آئی کی اندر کی بات کو باہر کبھی شیئر نہیں کیا اور ہمیشہ ان کی امانت کو محفوظ رکھا۔چیئرمین پی ٹی آئی نے کہا کہ سیاسی معاملات کا حل صرف مذاکرات میں ہے اور تمام سٹیک ہولڈرز کو اس سمت میں سنجیدگی سے سوچنا ہوگا۔انہوں نے اس بات پر بھی زور دیا کہ بانی پی ٹی آئی کے اہلِ خانہ بھی حالات سے مکمل طور پر باخبر ہیں اور ان کے بچوں نے بھی واضح طور پر کہہ دیا ہے کہ کوئی ڈیل نہیں کی گئی، قاسم سلیمان اپنے والد سے رابطے میں ہیں،بیرسٹر گوہر نے عمران خان کے صاحبزادوں کی جانب سے حالیہ انٹرویوز کا حوالہ دیتے ہوئے کہا کہ لندن میں ہونے کے باوجود انہوں نے پاکستان کی صورتحال پر گہری اور سنجیدہ باتیں کی ہیں، جو اس بات کا ثبوت ہیں کہ وہ معاملات سے بخوبی باخبر ہیں۔ انہوں نے کہا کہ چیئرمین عمران خان کا مؤقف آج بھی وہی ہے جو پہلے دن تھا، اور پارٹی کسی غیر آئینی اقدام یا دباؤ کے تحت راستہ تبدیل نہیں کرے گی۔

بانی پی ٹی آئی عمران خان کیساتھ کسی بھی قسم کی ڈیل کی تردید کرتا ہوں، بیرسٹر گوہر

عمران خان سے کسی کی ڈیل نہیں ہوئی، سیاسی معاملات کو مذاکرات سے حل ہونا چاہیے، چیئرمین پی ٹی آئی

بانی پاکستان تحریک انصاف اور سابق وزیراعظم عمران خان نے وزیراعظم محمد شہباز شریف کی حالیہ پیشکش کے بعد وفاقی حکومت کے ساتھ مذاکرات پر آمادگی ظاہر کی ہے۔تفصیلات کے مطابق سینئر صحافی انصار عباسی نے دعویٰ کیا ہے کہ پاکستان تحریک انصاف کے بانی عمران خان نے وزیراعظم شہباز شریف کی حالیہ پیشکش کے بعد حکومت کے ساتھ بات چیت پر آمادگی ظاہرکر دی۔صحافی انصار عباسی کی رپورٹ کے مطابق سابق وزیراعظم عمران خان نے گزشتہ روز اڈیالہ میں ملاقات کیلئے آئے چیئرمین پاکستان تحریک انصاف بیرسٹر گوہر کو وفاقی حکومت کے ساتھ بات چیت کی اجازت دی تھی۔رپورٹ کے مطابق اڈیالہ جیل میں چیئرمین پی ٹی آئی بیرسٹر گوہر علی خان سے ملاقات کے دوران عمران خان نے اس بات پر زور دیا کہ یہ مذاکرات کا عمل مٰیڈیا کی چکاچوند سے دور ہوں تاکہ حقیقی اور نتیجہ خیز پیش رفت ممکن ہو سکے۔ پارٹی ذرائع کے مطابق پاکستان تحریک انصاف اب باضابطہ طور پر وفاقی حکومت کے ساتھ مذاکرات آگے بڑھانے کیلئے رجوع کرے گی۔پی ٹی آئی کا مؤقف ہے کہ ماضی میں بات چیت میڈیا کی غیر ضروری مداخلت اور سیاسی پوائنٹ اسکورنگ کی نذر ہوئی، جس کے باعث معاملات میں سنجیدگی کا فقدان رہا۔اس مرتبہ پارٹی نے فیصلہ کیا ہے کہ گفتگو کا ہر مرحلہ خفیہ اور بامقصد ہوگا تاکہ قومی سیاسی بحران سے نکلنے کی کوئی راہ نکل سکے۔دوسری جانب وزیراعظم کے مشیر برائے سیاسی امور رانا ثناءاللہ کا کہنا ہے کہ پی ٹی آئی سمیت تمام سیاسی جماعتوں سے بات چیت کیلئے تیار ہیں،سیاسی جماعتوں کے درمیان اتفاق اور اختلاف کی باتیں ہوتی رہتی ہیں ، پی ٹی آئی یا دوسری جماعتیں جب چاہیں ہم بات کرنے کو تیار ہیں۔

عمران خان نے وزیراعظم شہباز شریف کی جانب سے مذاکرت کی پیشکش پر رضامندی ظاہر کردی

بانی پی ٹی آئی نےبیرسٹرگوہر کوحکومت کے ساتھ بات چیت کی اجازت دی، سینئر صحافی انصار عباسی کا دعویٰ

پاکستان کی جانب سے بھارتی جارحیت پر مؤثر ردعمل کے فوراً بعد چین نے بھی بھارت کو بڑا جھٹکا دے دیا ہے۔ چین نے بھارت کے زیرانتظام شمال مشرقی ریاست اروناچل پردیش کو اپنا علاقہ قرار دیتے ہوئے وہاں کے متعدد مقامات کو باضابطہ طور پر چینی نام دے دیے ہیں اور اسے اپنی خودمختاری کا حصہ قرار دیا ہے۔تفصیلات کے مطابق چین نے بھارت پر کاری ضرب لگاتے ہوئے ارونا پردیش کا نام زنگنان رکھ دیا ہے اور زنگنان کے 27 مقامات کے نام بھی تبدیل کر دیئے ہیں۔چینی وزارت خارجہ نے کہا ہے کہ چین کی حکومت نے زنگنان (اروناچل پردیش) کے مقامات کے نام تبدیل کرنا چینی خود مختاری ہے، زنگنان تاریخی، جغرافیائی اور انتظامی اعتبار سے چین کا حصہ ہے، ان مقامات کو چینی نام دینا ہمارے اندرونی معاملات میں شامل ہے۔بیان میں کہا گیا کہ یہ اقدام چین کے خودمختار انتظامی دائرہ اختیار کے تحت کیا گیا ہے، ایسا کرنے کا مقصد خطے میں تاریخی اور ثقافتی شناخت کو اجاگر کرنا ہے۔بھارت زنگنان کو اروناچل پردیش کے نام سے اپنا حصہ قرار دیتا ہے جبکہ چین اسے جنوبی تبت کا علاقہ تصور کرتا ہے، دونوں ممالک کے درمیان اس مسئلے پر پہلے ہی کشیدگی پائی جاتی ہے۔دفاعی ماہرین نے کہا ہے کہ پاکستان کے بھارتی جارحیت پر منہ توڑ جواب کے بعد چین کی جانب سے زنگنان پر دو ٹوک موقف بھارتی حکومت کیلئے بڑا دھچکا ہے، مودی حکومت نے خطے کے ہر ملک کے ساتھ تنازع کھڑا کرکے ثابت کیا ہے کہ بھارتی حکومت خطے کے امن کی دشمن ہے۔

چین کی جانب سے بھی بھارت کو دھچکا، ارونا چل پردیش کا نام زنگنان رکھ دیا

زنگنان تاریخی، جغرافیائی اور انتظامیہ اعتبار سے چین کا حصہ ہے، چینی وزارت خارجہ

بھارتیہ جنتا پارٹی ( بی جے پی ) کے وزیر وجے شاہ کو بھارتی فوج کی مسلم خاتون افسر کرنل صوفیہ قریشی کے خلاف توہین آمیز بیان دینا مہنگا پڑ گیا۔تفصیلات کے مطابق مدھیہ پردیش کےوزیر وجے شاہ کا کرنل صوفیہ قریشی کے خلاف دیا گیا متنازعہ بیان اب زور پکڑنے لگا ہے۔بھارتی ریاست مدھیہ پردیش کی ہائی کورٹ نے کرنل صوفیہ قریشی کے خلاف ’نازیبا بیان‘ دینے والے حکمراں جماعت کے وزیر کے خلاف مقدمہ دائر کرنے کا حکم دیا ہے۔میڈیارپورٹس کے مطابق مدھیہ پردیش ہائی کورٹ نے حکم دیا کہ بھارتی جنتا پارٹی (بی جے پی) کے وزیر کنور وِجے شاہ کے خلاف ایف آئی آر درج کی جائے۔بی جی پی سے تعلق رکھنے والے ریاستی وزیر وجے شاہ نے بھارتی فوج کی کرنل صوفیہ قریشی کو دہشت گردوں کی بہن کہا تھا۔بھارتیہ جنتا پارٹی کے وزیر وجے شاہ نے بھارتی فوج کی ترجمان خاتون افسر کرنل صوفیہ قریشی کے خلاف متنازع بیان دیا تھا اور کہا تھا کہ جن لوگوں نے ہماری بیٹیوں کا سندور اجاڑا تھا ہم نے اُن کی بہن کو ہی اُن کے پاس بھیج کر اُن کی پٹائی کی۔وجے شاہ کاکہناتھاکہ مودی نے دہشت گردوں کی بہن کرنل صوفیہ قریشی کو سبق سکھانے کے لیے آگے کر دیا ہے کرنل صوفیہ قریشی کو دہشت گردوں کی بہن کہنے پر کانگریس کے کارکنوں نے بھارتی وزیر کے خلاف مظاہرہ کیا ہے۔کانگریس کے مشتعل کارکنوں نے بی جے پی کے ریاستی وزیر وجے شاہ کے نام کی تختی پر سیاہی پھینک دی۔ گزشتہ روز مدھیہ پردیش ہائی کورٹ نے وجے شاہ کے خلاف آج ہی ایف آئی آر درج کرنے کا حکم دیتے ہوئے اپنے فیصلے میں کہا کہ یہ ریمارکس نہ صرف کرنل قریشی بلکہ پوری بھارتی فوج کی توہین ہیں اور یہ بیانات مذہبی ہم آہنگی کو نقصان پہنچا سکتے ہیں۔دوسری جانب شدید تنقید اور بی جے پی کی جانب سے طلب کیے جانے کے بعد وجے شاہ نے معافی مانگتے ہوئے کہا کہ ان کے بیان کو سیاق و سباق سے ہٹ کر پیش کیا گیا اور وہ کرنل قریشی کی عزت کرتے ہیں۔انہوں نے کہا کہ اگر ان کے بیان سے کسی کو ٹھیس پہنچی تو وہ دس بار معافی مانگنے کو تیار ہیں تاہم، اس معافی سے عوامی غم و غصہ کم نہیں ہوا۔خیال رہے کرنل صوفیہ قریشی بھارتی فوج کی ان دو خواتین آفیسرز میں سے ایک ہیں جنہوں نے ’آپریشن سندور‘ کے دوران میڈیا کو بریفنگز دی تھیں۔کرنل صوفیہ قریشی 1999 سے بھارتی فوج کے سگنلز کور میں خدمات انجام دے رہی ہیں اور آپریشن سندور کے دوران میڈیا بریفنگز کی وجہ سے قومی سطح پر مشہور ہوئیں۔وہ 2016 میں ملٹی نیشنل ملٹری ایکسرسائز کی قیادت کرنے والی پہلی خاتون افسر بھی تھیں۔

کرنل صوفیہ قریشی کے خلاف بیان بازی، بی جے پی کے وزیر پر مقدمہ دائر کرنے کا حکم

بی جے پی کےوزیر وجے شاہ نے بھارتی فوج کی کرنل صوفیہ قریشی کو دہشت گردوں کی بہن کہا تھا

کراچی کنگز کے کپتان ڈیوڈ وارنر کے بعد اسلام آباد یونائیٹڈ کے ایلکس ہیلز نے پاکستان سپر لیگ (پی ایس ایل) 10 کے بقیہ میچز کیلئے پاکستان آنے کا اعلان کردیا۔تفصیلات کے مطابق انگلینڈ کرکٹ ٹیم کے جارحانہ بلے باز ایلکس ہیلز اسلام آباد یونائیٹڈ کا دوبارہ حصہ بن گئے اس حوالے سے ایک بیان میں ایلکس ہیلز نے کہا کہ اسلام آباد یونائیٹڈز میرے دل کے بہت قریب ہے۔انہوںنے کہاکہ اسلام آباد یونائیٹڈ پی ایس ایل میں میری پہلی ٹیم تھی جس کے لیے میں نے پاکستان میں کھیلا۔ایلکس ہیلز نے کہا ہے کہ اسلام آباد یونائیٹڈ کے شائقین اور مینجمنٹ نے ہمیشہ مجھے سپورٹ کیا، ٹیم جوائن کرنے کے لیے بے تاب ہوں۔ان کا کہنا ہے کہ جب اسلام آباد یونائیٹڈ نے مجھے اپریل میں واپس سائن کیا، تو میں واقعی ٹورنامنٹ کے آخری مراحل کے لیے اسکواڈ کے ساتھ شامل ہونے کا منتظر تھا۔ پی ایس ایل کی تاریخوں میں تبدیلی کے ساتھ، مجھے کچھ کمٹمنٹس میں ردوبدل کرنا پڑا لیکن میں پاکستان میں سرخ رنگ میں واپس آکر بالکل خوش ہوں۔دوسری جانب اسلام آباد یونائیٹڈ نے رسی وین ڈر ڈوسن اور ایلکس ہیلز کی دسویں ایڈیشن کے بقیہ میچز کے لیے ٹیم میں واپسی کی تصدیق کر دی۔ اسلام آباد یونائیٹڈ کی جانب سے اعلان کیا گیا کہ جنوبی افریقا کےبلے باز رسی وین ڈر ڈوسن اور انگلش بیٹر ایلکس ہیلز نے پاکستان سپر لیگ (پی ایس ایل) کے دسویں ایڈیشن کے بقیہ میچز کے لیے ٹیم میں دوبارہ شمولیت اختیار کر لی ہے۔ فرنچائز نے رسی وین ڈر ڈوسن پر مکمل اعتماد کا اظہار کرتے ہوئے کہا کہ ان کی موجودگی سے ٹورنامنٹ کے مجموعی معیار میں اضافہ ہوگا جبکہ انہیں جدید کرکٹ کے سب سے اہم بیٹرز میں سے ایک قرار بھی دیا گیا۔

پی ایس ایل10،جارحانہ بلے باز ایلکس ہیلز اسلام آباد یونائیٹڈ کا دوبارہ حصہ بن گئے

اسلام آباد یونائیٹڈ نے رسی وین ڈر ڈوسن اور ایلکس ہیلز کی دسویں ایڈیشن کے بقیہ میچز کیلئے ٹیم میں واپسی کی تصدیق کر دی

بھارت کی جانب سے سندھ طاس معاہدے پر’’گیدڑ بھبکیوں‘‘ کے بعد عالمی بینک نے واضح اور دوٹوک پیغام دے دیا ہے کہ یہ معاہدہ معطل نہیں کیا جا سکتا۔تفصیلات کے مطابق عالمی بینک کے صدر نے کہا ہے کہ سندھ طاس معاہدے کو معطل کرنے کی کوئی گنجائش نہیں ہے، اس معاہدے کو دونوں فریقین کی مرضی سے ختم یا اس میں ترمیم تو کی جا سکتی ہے مگر یکطرفہ طور پر معطل نہیں کیا جاسکتا۔ سی این بی سی کو انٹرویو دیتے ہوئے صدر عالمی بینک اجے بنگا نے میزبان کی جانب سے سندھ طاس معاہدے ( انڈس واٹر ٹریٹی ) کی معطلی کے بھارتی اقدام کے حوالے سے پوچھے گئے سوال کے جواب میں کہا کہ سندھ طاس معاہدہ معطل نہیں کیا گیا، بلکہ تکنیکی طور پر بھارتی حکومت نے اسے ’ التوا میں’ قرار دیا ہے۔انہوں نے کہا کہ سندھ طاس معاہدے میں معطلی کی کوئی گنجائش نہیں ہے، اس معاہدے کو ختم یا تبدیل تو کیا جاسکتا مگر اس کے لیے دونوں ممالک کا راضی ہونا ضروری ہے۔اجے بنگا نے کہا کہ سندھ طاس معاہدے میں عالمی بینک کا کردار بنیادی طور پر سہولت کار کا ہے، اگر فریقین میں اختلاف ہو تو ہمارا کام فیصلہ کرنا نہیں ہے، بلکہ ان کے درمیان اختلافات کو دور کرنے کے لیے ایک غیر جانبدار ماہر یا ثالثی عدالت تلاش کرنے کے لیے ایک عمل سے گزرنا ہے۔صدر عالمی بینک نے کہا کہ ہمیں ان لوگوں کی فیس ایک ٹرسٹ فنڈ کے ذریعے ادا کرنی ہوتی ہے جو معاہدے کے وقت بینک میں قائم کیا گیا تھا، ہمارا کردار بس اتنا ہی ہے، اس سے آگے ہمارا کوئی کردار نہیں ہے۔انہوں نے کہا کہ مجھے ابھی تک کسی بھی ملک سے سندھ طاس معاہدے ( کی معطلی ) سے متعلق کوئی اطلاع نہیں ملی ہے، میں جانتا ہوں کہ میڈیا میں اس بارے میں بہت قیاس آرائیاں ہیں کہ عالمی بینک بھارتی اقدام کا سدباب کرے گا یا نہیں، یا اس ( عالمی بینک ) سے رجوع کیا جائے گا یا نہیں، یہ سب فضول باتیں ہیں کیونکہ ہمارا ایسا کوئی کردار نہیں ہے۔اجے بنگا نے کہا کہ یہ معاہدہ دو خودمختار ممالک کے درمیان ہے اور انہیں فیصلہ کرنا ہے کہ کیا وہ اسے جاری رکھنا چاہتے ہیں، یہ ان کا فیصلہ ہوگا، یہ معاہدہ 60 سال سے چلا آرہا ہے، اگرچہ اس پر عمل درآمد کے سلسلے میں نشیب و فراز آتے رہے ہیں۔انہوں نے کہا کہ اس معاہدے میں عالمی بینک کا کردار وہی ہے جو معاہدے میں بیان کیا گیا ہے، نہ اس سے زیادہ اور نہ اس سے کم۔یاد رہے کہ 22 اپریل 2025 کو پہلگام واقعے کے بعد بھارت نے پاکستان پر الزام تراشی کا آغاز کیا تھا جس کے بعد دونوں میں ملکوں میں سرد مہری کا شکار تعلقات کشیدہ ہوگئے تھے۔بھارت نے سندھ طاس معاہدہ معطل کرنے کا اعلان کرتے ہوئے پاکستانی سفارتی عملے کو محدود کردیا تھا جبکہ بھارت میں موجود پاکستانی کے ویزے منسوخ کرتے ہوئے علاج کی غرض سے جانے والے بچوں سمیت تمام پاکستانیوں کو وطن واپس بھیج دیا تھا۔جواب میں پاکستان نے سندھ طاس معاہدے کی غیرقانونی معطلی کو اعلان جنگ قرار دیتے ہوئے بھارتی سفارتی عملے کو محدود کرنے کے ساتھ سکھ یاتریوں کے علاوہ تمام بھارتیوں کے ویزے منسوخ کردیے تھے، جبکہ بھارت کے ساتھ ہر قسم کی تجارت منسوخ کرتے ہوئے بھارتی پروازوں کے لیے فضائی حدود بند کردی تھی۔بعد ازاں بھارت نے 6 اور 7 فروری کی درمیانی شب کوٹلی، بہاولپور، مریدکے، باغ اور مظفر آباد سمیت 6 مقامات پر میزائل حملے کیے جس کے نتیجے میں 26 شہری شہید اور 46 زخمی ہوئے تھے، جس کے جواب میں پاکستان فوری دفاعی کارروائی کرتے ہوئے 3 رافیل طیاروں سمیت 5 بھارتی جنگی طیارے مار گرائے تھے۔بھارت نے 10 فروری کی رات پاکستان کی 3 ایئربیسز کو میزائل اور ڈرون حملوں سے نشانہ بنایا جس کے بعد علی الصبح پاکستان نے بھارتی جارحیت کے جواب میں’آپریشن بنیان مرصوص’ (آہنی دیوار) کا آغاز کیا تھا اور بھارت میں ادھم پور، پٹھان کوٹ، آدم پور ایئربیسز اور کئی ایئرفیلڈز سمیت براہموس اسٹوریج سائٹ اور میزائل دفاعی نظام ایس 400 کے علاوہ متعدد اہداف کو تباہ کردیا تھا۔سیکیورٹی ذرائع نے بتایا تھا کہ پاکستان کے عوام اور مساجد کو جن ایئربیسز سے ٹارگٹ کیا گیا تھا، ان اہداف کو نشانہ بنایا گیا ہے۔سیکیورٹی ذرائع کے مطابق فجر کے وقت دشمن کے خلاف آپریشن ’بنیان مرصوص‘ کا ا?غاز کیا گیا اور بھارت پر فتح ون میزائل فائر کیے گئے تھے۔اسی طرح پاکستانی میزائلوں سے بیاس کے علاقے میں براہموس اسٹوریج سائٹ تباہ کردی گئی تھی، جبکہ پاک فوج نے پٹھان کوٹ میں ایئرفیلڈ کو بھی تباہ کردیا، راجوڑی اور نوشہرہ میں پاکستان میں دہشت گردی کروانے والے بھارتی ملٹری انٹیلی جنس کے تربیتی مراکز بھی تباہ کر دیے گئے تھے۔

سندھ طاس معاہدہ معطل کرنے کی کوئی گنجائش نہیں ہے،صدرورلڈ بینک

معاہدے کو دونوں فریقین کی مرضی سے ختم یا اس میں ترمیم تو کی جا سکتی ہے مگر یکطرفہ طور پر معطل نہیں کیا جاسکتا

وزیرِ اعظم محمد شہباز شریف نے معرکہ حق کے دوران آپریشن بنیان مرصوص کی فرنٹ لائنز میں شامل پسرور چھاؤنی سیالکوٹ کا دورہ کیا۔وزیراعظم شہباز شریف نے پسرور چھاؤنی کے دورے کے دوران معرکہ حق کے دوران آپریشن بنیان مرصوص کی فرنٹ لائنز پر افسران و جوانوں سے ملاقاتیں کیں۔ نائب وزیرِ اعظم و وزیرِ خارجہ محمد اسحٰق ڈار، وزیر دفاع خواجہ آصف، آرمی چیف جنرل سید عاصم منیر اور ایئر چیف مارشل ظہیر احمد بابر سدھو، وفاقی وزرا احسن اقبال، عطا اللہ تارڑ، کور کمانڈر سیالکوٹ بھی وزیراعظم کے ہمراہ تھے۔اس موقع پر خطاب کرتے ہوئے وزیر اعظم شہباز شریف کا کہنا تھا کہ بہادر افواج نے مادر وطن کا بھرپور دفاع کیا اور پاکستان کو اپنے بہادر بیٹوں پر بے پناہ فخر ہے جبکہ پاک افواج کے جوان قوم کے سر کا تاج ہیں۔شہباز شریف کا کہنا تھا کہ معصوم شہریوں کے خلاف کھلی جارحیت کی گئی اور بچوں، خواتین اور بزرگوں کی شہادتیں ہوئیں جبکہ معصوم شہریوں کو دہشت گرد کہنا شرمناک ، عالمی قوانین ، اصولوں اور اخلاقیات کیخلاف ہے۔ان کا کہنا تھا کہ ہماری تحقیقات کی پیشکش کے باوجود بھارت نے جان بوجھ کر ایسا راستہ اختیار کیا، بھارت کے پاس ثابت کرنے کیلئے کچھ نہیں تھا اور اس نے جھوٹے بہانے ، تکبر اور انا کی بنیاد پر جارحانہ کارروائی شروع کی۔انہوں نے کہا کہ تاریخ یاد رکھے گی کس طرح چند گھنٹے میں دشمن کی جارحیت ناکام بنائی گئی جبکہ شہدا ہمیشہ قوم کیلئے سرخرو رہے ہیں اور ہمیشہ سرخرو رہیں گے۔انہوں نے جوانوں کو شاباش دیتے ہوئے کہا کہ آپ نے دشمن کے دانت توڑ دیے، کورکمانڈر نے بتایا کہ کس طرح چوکی کا دفاع کیا اور دشمن کو آگے بڑھنے کا موقع نہیں دیا۔ قوم کے عظیم بیٹوں، زمین پر جس طرح آپ نے دشمن کے ٹھکانوں کو برباد کیا، فضا میں جیسے شاہینوں نے دشمن کے جہازوں کو برباد کیا یہ معمولی کارنامہ نہیں ہے۔وزیراعظم نے کہا کہ آج اغیار اور دوست سب کہنے پر مجبور ہیں کہ ہندوستان پاکستان پیچھے رہ گیا ہے مگر اس جنگ میں آپ نے ثابت کیا کہ روایتی جنگ میں بھی آپ توانا ہے اور اس کا بہترین مقابلہ کرسکتے ہیں جبکہ تکنیکی لحاظ سے آپ نے جسطرح یہ جنگ لڑی ماہرین اس پر آئندہ کئی سالوں تک آرٹیکل اور کتابیں لکھیں گے۔انہوں نے کہا کہ چیئرمین جوائنٹ چیف آف اسٹاف جنرل ساحر شمشاد، سپہ سالا عاصم منیر، ایئرمارشل ظہیر بابر اور نیول چیف نوید اشرف کو اور تینوں مسلح افواج کے اہلکاروں کو سلام اور چوبیس کروڑ عوام کی طرف سے مبارک باد دینے آیا ہوں۔انہوں نے کہا کہ 9 اور 10 مئی کو جو ہوا اُس سے دنیا میں موجود ہمارے مخالف کے ہوش ٹھکانے آگئے جبکہ دوستوں کے حوصلے آسمان سے باتیں کررہے ہیں، جو کامیابی ملی اُسے کتابوں اور خوابوں میں سوچا جاتا تھا۔وزیراعظم نے کہا کہ بنیان مرصوص میں بھارت سے 1971 کا بدلہ لیا ہے۔

وزیراعظم شہبازشریف اورآرمی چیف کا آپریشن ’بنیان مرصوص‘ کی فرنٹ لائنز کا دورہ

تاریخ گواہ رہے گی کہ پاک فوج نے چند گھنٹوں میں بھارتی جارحیت کو خاک میں ملا دیا، وزیراعظم شہباز شریف

بھارتی فوج کی بزدلانہ جارحیت کے نتیجے میں زخمی ہونے والے پاک فوج کے مزید 2 جوان شہید ہوگئے۔پاک فوج کے شعبہ تعلقات عامہ (آئی ایس پی آر) کے مطابق 6 اور 7 مئی کی درمیانی شب بھارتی فوج کی جانب سے آبادیوں پر حملہ میں ملک کا دفاع کرتے ہوئے زخمی ہونے والے مزید 2 جوان شہید ہوگئے، پاک فوج کے جوان ہسپتال میں زیرِ علاج تھے، شہید جوانوں میں آرمی کے حوالدار محمد نوید اور فضائیہ کے سینئر ٹیکنیشن محمد ایاز شامل ہیں۔آئی ایس پی آر کے مطابق پاک افواج کے شہداء کی مجموعی تعداد 13 ہوگئی، 78 جوان دوران ڈیوٹی زخمی ہوئے۔ترجمان پاک فوج کے مطابق شہداء کی عظیم قربانی ان کی جرات، فرض شناسی اور بے مثال حب الوطنی کی لازوال مثال ہے، پاکستان کی مسلح افواج پوری قوم کے ساتھ مل کر ان عظیم شہداء کو خراجِ عقیدت پیش کرتی ہے، پاکستان کی مسلح افواج شہداء کے اہلخانہ سے اظہار تعزیت کرتی ہے۔آئی ایس پی آر کا کہنا ہے کہ زخمی ہونے والے تمام جوانوں کی جلد اور مکمل صحتیابی کے لئے دعا گو ہیں، شہداء کی قربانی قوم کی یادوں میں ہمیشہ زندہ رہے گی اور آنے والی نسلوں کے لئے باعثِ فخر بنے گی۔

بھارتی فوج کی پاکستان پر جارحیت میں زخمی ہونیوالے مزید 2 فوجی جوان شہید

شہدا میں حوالدار محمد نوید اور سینئر ٹیکنیشن محمد ایاز شامل، شہدا کی مجموعی تعداد 13 ہو گئی، آئی ایس پی آر

پیٹرولیم مصنوعات کی قیمتوں میں آئندہ 15 روز کے لیے بڑی کمی کا امکان ہے۔تفصیلات کے مطابق بین الاقوامی مارکیٹ اور پیٹرول پر درآمدی پریمیم میں معمولی کمی کی وجہ سے پیٹرولیم مصنوعات سستی ہوسکتی ہیں۔پیٹرول اور ڈیزل کی قیمتوں میں بالترتیب 3.5 اور 7 روپے فی لیٹر کی کمی کا امکان ہے۔ذرائع کا کہنا ہے کہ موجودہ ٹیکس کی شرح کی بنیاد پر 15 مئی کو ہونے والے حتمی حساب سے پیٹرول کی ایکس ڈپو قیمت میں تقریباً 3.5 روپے کی کمی کا تخمینہ ہے جبکہ ہائی اسپیڈ ڈیزل میں 7 روپے فی لیٹر کمی کی جا سکتی ہے۔ پیٹرول کی قیمت میں کمی کا تخمینہ پچھلے دو ہفتوں کے دوران پیٹرول کی بین الاقوامی قیمت میں تقریباً 1.5 ڈالر فی بیرل اور ڈیزل میں تقریباً 3 ڈالر فی بیرل کمی سے لگایا گیا۔ایکس ڈپو پیٹرول کی موجودہ قیمت 252.63 روپے فی لیٹر ہے۔

قوم کیلئے خوشخبری، پیٹرولیم مصنوعات کی قیمتوں میں بڑی کمی کا امکان

بین الاقوامی مارکیٹ اور پیٹرول پر درآمدی پریمیم میں معمولی کمی کے باعث پیٹرولیم مصنوعات سستی ہوسکتی ہیں

انٹرنیشنل کرکٹ کونسل (آئی سی سی) ورلڈ ٹیسٹ چیمپئن شپ کے فائنل کے لیے جنوبی افریقا نے بھی 15 رکنی اسکواڈ کا اعلان کردیا۔ورلڈ ٹیسٹ چیمپئن شپ کے فائنل میں ٹیمبا باووما جنوبی افریقی ٹیم کی قیادت کریں گے۔ٹونی ڈی زورزی، ایڈن مارکرم، ریان ریکلٹن، ٹرسٹیئن اسٹبز، ڈیوڈ بیڈنگراہم، مائیک ویرین، ویان مولڈر، سینوران متھوسامے اور کیشو مہاراج اسکواڈ کا حصہ ہیں۔اس کے علاوہ مارکو ینیسن، کاربن بوش، کگیسو ربادا، لونگی اینگیدی اور ڈین پیٹرسن بھی جنوبی افریقی اسکواڈ میں شامل ہیں۔ورلڈ ٹیسٹ چیمپئن شپ کا فائنل جنوبی افریقہ اور آسٹریلیا کے درمیان 11 جون سے لارڈز میں کھیلا جائے گا۔واضح رہے کہ اس سے قبل انٹرنیشنل کرکٹ کونسل (آئی سی سی) ورلڈ ٹیسٹ چیمپئن شپ کے فائنل کیلئے کرکٹ آسٹریلیا نے اسکواڈ کا اعلان کیا تھا۔آسٹریلوی ٹیم کی قیادت پیٹ کمنز کریں گے، اسٹیو اسمتھ اور جوش ہیزل ووڈ بھی اسکواڈ کا حصہ ہیں،الیکس کیری، کیمرون گرین، ٹریوس ہیڈ، جوش انگلس، عثمان خواجہ، سیم کونسٹاس، میٹ کوہنیمن اور مارنوس لبوشین بھی اسکواڈ میں شامل ہیں۔ اس کے علاوہ اسکاٹ بولینڈ، نیتھن لیون، مچل اسٹارک اور بیو ویبسٹر بھی اسکواڈ کا حصہ ہیں۔ کرکٹ آسٹریلیا کا کہنا ہے کہ دورۂ ویسٹ انڈیز کےلیے بھی یہی 15 رکنی اسکواڈ برقرار رہے گا، دونوں ٹیموں کے درمیان 3 ٹیسٹ میچز کی سیریز کا پہلا ٹیسٹ 25 جون سے برج ٹاؤن میں شروع ہو گا۔

ورلڈٹیسٹ چیمپئن شپ کے فائنل کیلئے جنوبی افریقا نے 15 رکنی اسکواڈ کا اعلان کر دیا

ورلڈ ٹیسٹ چیمپئن شپ کا فائنل جنوبی افریقا اور آسٹریلیا کے درمیان 11 جون سے لارڈز میں کھیلا جائے گا

پاکستان کو عالمی مالیاتی فنڈ (آئی ایم ایف) سے موجودہ قرض پروگرام کی دوسری قسط موصول ہوگئی۔تفصیلات کے مطابق بھارت کی تمام ترکوششیں ناکام ہوگئیں اور عالمی مالیاتی ادارے (آئی ایم ایف) سے قرض پروگرام کی قسط کے ایک ارب 2 کروڑ 30 لاکھ ڈالرپاکستان منتقل ہوگئے۔اسٹیٹ بینک آف پاکستان کا کہنا ہے کہ آئی ایم ایف نے رقم ای ایف ایف قرض پروگرام کی دوسری قسط کے طور پر جاری کی۔اسٹیٹ بینک کے اعلامیے میں کہا گیا ہے کہ آئی ایم ایف کے جائزہ مشن نے پاکستان کی معیشت کا جائزہ لینے کے بعد قسط جاری کرنے کی سفارش کی تھی، آئی ایم ایف کے ایگزیکٹو بورڈ نے گزشتہ ہفتے 9 مئی کو پاکستان کیلئے رقم جاری کرنے کی منظوری دی تھی، دوسری قسط کی رقم 16 مئی 2025 کے زرمبادلہ ذخائر کا حصہ ہوگی۔اعلامیہ میں کہا گیا کہ موسمیاتی تبدیلیوں کے لیے 1.4 ارب ڈالر ملیں گے، جب کہ پاکستان کو اصلاحات پر سختی سے عمل درآمد کرنا ہوگا۔آئی ایم ایف کی جانب سے جاری کردہ اعلامیہ کے مطابق پاکستان نے معاشی اہداف کے حصول میں شاندار کارکردگی دکھائی، آئندہ مالی سال سے زرعی آمدن پر انکم ٹیکس کی وصولی کو یقینی بنانا ہوگا۔

بھارت کی تمام ترکوششیں ناکام ہوگئیں ، پاکستان کو قرض پروگرام کی دوسری قسط موصول

آئی ایم ایف کی طرف سے پاکستان کو ایک ارب2کروڑ ڈالرز 30لاکھ ڈالرزموصول ہوگئے

پاکستان نے غزہ میں مستقل اورغیر مشروط جنگ بندی کا مطالبہ کر دیا۔اقوام متحدہ میں پاکستان کے مستقل مندوب، سفیر عاصم افتخار احمد نے سلامتی کونسل میں ایک بیان دیتے ہوئے غزہ میں جاری انسانیت سوز بحران کو اجاگر کیا اور عالمی برادری سے مطالبہ کیا کہ وہ انسانی امدادی کارکنوں کے تحفظ اور فلسطینی عوام کی حالتِ زار کو ختم کرنے کے لیے فوری اقدام کرے۔تفصیلات کے مطابق اقوام متحدہ میں پاکستان کے مستقل مندوب عاصم افتخار نے اقوام متحدہ کے سلامتی کونسل اجلاس میں خطاب کرتے ہوئے کہاکہ غزہ سے فلسطینیوں کی بے دخلی منظور نہیں، غزہ کے محاصرے کو فوری ختم کیا جائے، غزہ میں بھوک کو بطور ہتھیاراستعمال کیا گیا۔عاصم افتخار نے کہاکہ غزہ میں طبی عملے اور ہسپتال پر حملے کئے گئے، 71ہزار بچوں 17ہزار ماؤں کو علاج معالجہ کی ضرورت ہے، فلسطینیوں کو امن کے ساتھ رہنے کا حق ہے، غزہ کی تعمیر نو کے پروگرام کی بھر پور حمایت کی جائے۔یواین ریلیف چیف نے سلامتی کونسل کو بریفنگ دیتے ہوئے بتایاکہ کہ غزہ کی ناکہ بندی فوری ختم کی جائے، غزہ میں قحط تشویشناک رخ اختیار کرگیا ہے۔دوسری جانب غزہ میں اسرائیلی جارحیت بدستور جاری ہے۔ عرب میڈیا کے مطابق گزشتہ چوبیس گھنٹوں میں اسرائیلی فضائی حملوں میں مزید 46 فلسطینی شہید اور 73 زخمی ہو گئے۔ اسرائیل نے پناہ گزین کیمپوں اور رہائشی گھروں کو نشانہ بنایا، جب کہ خان یونس پر کی گئی بمباری میں کم از کم 20 افراد شہید ہوئے۔18 مارچ سے اب تک 2,780 فلسطینی شہید ہو چکے ہیں جب کہ غزہ میں شہداء کی مجموعی تعداد 52,908 ہو گئی ہے۔ زخمیوں کی تعداد ایک لاکھ انیس ہزار سات سو اکیس (119,721) ہو چکی ہے۔ انفراسٹرکچر کی تباہی نے غزہ کو کھنڈر میں تبدیل کر دیا ہے اور انسانی بحران شدید ترین سطح پر پہنچ چکا ہے۔اقوام متحدہ، اسلامی ممالک اور انسانی حقوق کی عالمی تنظیموں کی جانب سے مطالبہ کیا جا رہا ہے کہ اسرائیلی حملے فوری بند کیے جائیں، محاصرہ ختم کیا جائے اور غزہ میں فوری انسانی امداد کی بلا رکاوٹ فراہمی کو یقینی بنایا جائے۔

سلامتی کونسل کااجلاس، پاکستان کا غزہ میں مستقل اورغیر مشروط جنگ بندی کا مطالبہ

غزہ میں بھوک کو بطور ہتھیار استعمال کیا جا رہا ہےجس سے لوگ مر رہے ہیں اقوام متحدہ میں مستقل مندوب عاصم افتخار کا خطاب

Watch the Dolphins vs Panthers champions cup live match online on tapmad. The 3rd match of the tournament will be played on 14th September at the Iqbal Stadium in Faisalabad.

How To Watch Dolphins vs Panthers 3rd Match Champions Cup 2024 Live?

<p>The Champions One-Day Cup 2024 is already underway and is becoming a sight for sore eyes of Pakistani cricket fans.&nbsp;</p>

<p>This tournament promises to bring some classic cricket to the table with players of the national team competing with young promising players.&nbsp;</p>

<p>The Dolphins vs Panthers match will be played at the Iqbal Stadium in Faisalabad at 3 PM.</p>

<p>Dolphins led by Saud Shakeel and mentored by wicket-keeper batsman, Sarfaraz Ahmed, will be put up against Shadab Khan&rsquo;s Panthers, whose mentor is veteran spinner Saqlain Mushtaq.&nbsp;</p>

<h2>Dolphins vs Panthers live streaming Pakistan Champions Cup</h2>

<p>tapmad will live stream Dolphins vs Panthers 3rd match of Champions Cup 2024.&nbsp;</p>

<h2>Pakistan Champions Cup 2024 Dolphins squad&nbsp;</h2>

<p>Saud Shakeel (captain), Aftab Ibrahim, Asif Ali, Awais Ali, Faheem Ashraf, Kashif Ali, Mir Hamza, Mohammad Huraira, Mohammad Abbas Afridi, Muhammad Akhlaq, Muhammad Ghazi Ghori, Muhammad Riazullah, Noman Ali, Qasim Akram, Sameen Gul, Sahibzada Farhan, Sufiyan Moqim, Umar Amin, Usman Qadir.</p>

<p>The Dolphins squad for the Pakistan Champions Cup 2024 is an exciting blend of seasoned professionals and rising stars.&nbsp;</p>

<p>Led by captain Saud Shakeel, with Sarfaraz Ahmed serving as mentor, the team is destined to make a significant impact in the tournament.&nbsp;</p>

<p>Known for their strong batting lineup and versatile bowling attack, the Dolphins are not to be taken lightly.&nbsp;</p>

<h2>Pakistan Champions Cup 2024 Panthers squad&nbsp;</h2>

<p>Shadab Khan (captain), Abdul Wahid Bangalzai, Ahmed Bashir, Ali Asfand, Ali Raza, Amad Butt, Arafat Minhas, Azan Awais, Haider Ali, Mohammad Hasnain, Mohammad Umar, Mohammad Zeeshan, Mubasir Khan, Rehan Afridi,, Rizwan Mehmood, Saim Ayub, Umar Siddiq, Usama Mir, Usman Khan, Usman Salahuddin.&nbsp;</p>

<p>The Panthers, driven by the dynamic leadership of Shadab Khan, are a team celebrated for their aggressive and fearless style of play.&nbsp;</p>

<p>As Pakistan&rsquo;s white-ball vice-captain, Shadab has demonstrated sharp leadership skills and excels as a versatile all-rounder, making valuable contributions with both bat and ball.&nbsp;</p>

<p>His ability to shift the momentum with timely wickets or explosive batting cameos makes him a crucial asset in this tournament.</p>

<p>Under the mentorship of veteran spinner Saqlain Mushtaq, the Panthers are well set in terms of strategy and execution.&nbsp;</p>

<p>Panthers will give their all in this match as they have already lost their 1st encounter against Markhors.&nbsp;</p>

<h2>Dolphins vs Panthers live score update</h2>

<p>We will provide ball-by-ball updates of Dolphins vs Panthers 3rd match of the Champions Cup 2024 as soon as it begins. Every ball, every wicket, and every boundary will be covered and delivered to your phone screens.</p>

<h2>Champions One-Day Cup 2024 match time and venue</h2>

<p>The Dolphins vs Panthers clash will commence on 14th September at 3 PM. This highly anticipated clash will take place at the Iqbal Stadium in Faisalabad.&nbsp;</p>

Dolphins vs Panthers Champions Cup 2024 3rd Match Streaming & Match Details

Dolphins vs Panthers live streaming Pakistan Champions Cup

Pakistan Champions Cup 2024 Dolphins squad

Pakistan Champions Cup 2024 Panthers squad

Dolphins vs Panthers live score update

Champions One-Day Cup 2024 match time and venue

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan