افغانستان میں ہلاکت خیز زلزلہ، برطانیہ کا ایک ملین پاؤنڈ امداد کا اعلان

افغانستان میں گزشتہ روز آنے والے زلزلہ کے بعد برطانیہ نےافغانستان کو ایک ملین پاؤنڈز کی امداد بھیجنے کا اعلان کیا ہے۔ تفصیلات کے مطابق برطانوی حکومت کی جانب سے افغانستان میں ہلاکت خیز زلزلے سے متاثرہ خاندانوں کی امداد کے لیے ایک ملین پاؤنڈ کے ہنگامی پیکج کا اعلان کر دیا ہے۔ان کی جانب سے اس اقدام کا مقصد اقوام متحدہ کی پاپولیشن فنڈ (UNFPA) کی امدادی کوششوں کو سہارا فراہم کرنا ہے، اس امداد میں موبائل ہیلتھ ٹیمیں، ایمرجنسی ہیلتھ کِٹس، اور بے گھر لوگوں کے لیے پناہ گاہیں شامل ہیں۔گزشہ روز مشرقی افغانستان میں مہلک زلزلہ آیا، جس سے صوبہ کنڑ اور ننگرہار میں تباہی مچ گئی، اور اس دوران سینکڑوں افراد جاں بحق جبکہ ہزاروں زخمی اور بے گھر ہو گئے ہیں، طالبان حکومت کے مطابق زلزلے میں 800 سے زائد افراد جاں بحق ہوئے ہیں۔ اس صورتحال میں طالبان حکومت نے اقوام عالم سے امداد کی اپیل بھی کی ہے۔