پاکستان کرکٹ ٹیم آئندہ ماہ بنگلادیش میں 3ٹی ٹوئنٹی انٹرنیشنل میچز کھیلے گی

بنگلا دیش کرکٹ بورڈ نے پاکستان کے خلاف تین ٹی 20 انٹرنیشنل میچوں کی سیریز کے شیڈول کا اعلان کر دیا۔بنگلا دیش کرکٹ بورڈ کے مطابق پاکستان مینز کرکٹ ٹیم ٹی ٹوئنٹی انٹرنیشنل میچوں کی سیریز کھیلنے کیلئے آئندہ ماہ بنگلادیش کا دورہ کرے گی۔پاکستانی ٹیم16جولائی کو ڈھاکہ پہنچے گی اوراتوار20جولائی کوپہلے ٹی ٹوئنٹی انٹرنیشنل میچ میں میزبان ٹیم بنگلادیش کے مدمقابل ہوگی۔ دوسراٹی ٹوئنٹی انٹرنیشنل میں بروزمنگل22جولائی کو کھیلائے جائے گا جبکہ سیریز کاتیسرااورآخری میچ جمعرات24جولائی کو ہوگا۔ تینوںٹی20میچز ڈھاکہ کے شیربنگلا نیشنل کرکٹ اسٹیڈیم میں کھیلے جائیں گے۔یہ میچ بنگلا دیش کے مقامی وقت کے مطابق شام6بجےجبکہ(پاکستان کے معیاری وقت کے مطابق شام5بجے ) شروع ہوں گے۔ خیال رہے دونوں ٹیمیںآخری بار حال ہی میں لاہورکے قذافی اسٹیڈیم میں تین میچوں کی ٹی ٹوئنٹی سیریز میں مدمقابل ہوئی تھیں جس میں قومی ٹیم نے کلین سوئپ کیاتھا۔