بھارتی شہر پونے میں دریا پر بنا پُل گرگیا ، 10 افراد ہلاک متعددپانی میں بہہ گئے

بھارت کے شہر پونے میں دریا پر بنا پُل گرگیا جس کے نتیجے میں 10 افراد ہلاک اور متعدد شہری پانی میں بہہ گئے۔بھارتی میڈیا کے مطابق پل گرنے کے باعث پُل پر موجود 15 سے 20 افراد کا دریا میں بہہ جانے کا خدشہ ظاہر کیا جا رہا ہے۔پُل پر لوگ پانی کا تیز بہاؤ دیکھنے کے لیے جمع ہوئے تھے، پُل ٹوٹتے وقت 100 سے 120 لوگ موجود تھے، پل لوگوں کا وزن برداشت نہ کر سکا اور ٹوٹ کر دریا میں جا گرا۔حادثے کے مقام پر امدادی سرگرمیاں جاری ہیں، پانی کے ریلے میں بہنے والے متعدد افراد کو بچا لیا گیا، ریسکیو آپریشنز جاری ہیں اور نیشنل ڈیزاسٹر ریسپانس فورس کی ٹیمیں امدادی کارروائیوں میں مصروف ہیں۔ ابتدائی اطلاعات کے مطابق، پُل پر سیاحوں کی بڑی تعداد موجود تھی جو حالیہ بارشوں کے باعث دریا کے تیز بہاؤ کو دیکھنے کے لیے جمع ہوئے تھے۔پُل کی ساختی کمزوریوں کے باعث یہ حادثہ پیش آیا۔