Cricket

Entertainment

News

Football

مشرقِ وُسطیٰ کی سیاست میں ایک بڑا دھماکہ خیز فیصلہ سامنے آیا ہے۔۔۔ ترکیہ نے اسرائیل کے ساتھ اپنے تمام تجارتی اور سفری تعلقات یکسر ختم کر دیے ہیں!ترکیہ نے اسرائیل کے ساتھ ہر قسم کے تجارتی اور سفری تعلقات منقطع کرنے کا اعلان کر دیا ہے۔ ترک وزیر خارجہ حقان فدان نے پارلیمنٹ میں خطاب کرتے ہوئے کہا کہ اب ترک بحری جہاز اسرائیلی بندرگاہوں پر نہیں جائیں گے اور اسرائیلی جہازوں کو بھی ترک بندرگاہوں میں داخلے کی اجازت نہیں دی جائے گی۔انہوں نے واضح کیا کہ اسرائیلی طیاروں کے لیے ترکیہ کی فضائی حدود بھی بند کر دی گئی ہے۔ وزیر خارجہ نے کہا کہ ترک قوم فلسطینی عوام کے دکھ درد میں شریک ہے اور ان کی سرزمین چھیننے کے کسی بھی منصوبے کو، چاہے وہ کہیں سے بھی آئے، ترکیہ کبھی قبول نہیں کرے گا۔حقان فدان کے مطابق یہ فیصلہ اسرائیل کی جانب سے غزہ میں جاری خونریزی، مغربی کنارے پر مظالم اور بیت المقدس میں جارحانہ اقدامات کے ردعمل میں لیا گیا ہے۔ انہوں نے مزید کہا کہ امریکا کی غیر مشروط حمایت سے اسرائیل جو منصوبہ بنا رہا ہے، وہ دو ریاستی حل کو ختم کرنے کی سازش ہے۔ترکیہ کے اس دو ٹوک اعلان کے بعد خطے کی سیاست میں ہلچل مچ گئی ہے۔۔۔ اب دیکھنا یہ ہے کہ باقی مسلم ممالک کب ایسا جرات مندانہ قدم اٹھاتے ہیں!

ترکیہ نے اسرائیل سے تمام تعلقات ختم کر دیے، فضائی و بحری پابندیاں عائد

اسرائیلی جہازوں کو ترک فضائی حدود سے گزرنے کی اجازت نہیں ہوگی، ترک وزیرخارجہ

یورپ پہنچنے کا خواب موت کا سفر بن گیا،شمال مغربی افریقی ملک موریطانیہ کے قریب تارکینِ وطن کی کشتی الٹنے سے ایک بڑا سانحہ پیش آیا ہے، جس میں درجنوں افراد اپنی جانوں سے ہاتھ دھو بیٹھے جبکہ درجنوں تاحال لاپتہ ہیں۔غیر ملکی میڈیا کے مطابق حادثہ گزشتہ روز پیش آیا جب تقریباً 160 افراد کو لے کر گیمبیا سے روانہ ہونے والی کشتی سمندر میں ڈوب گئی۔ واقعے میں اب تک 49 افراد کی ہلاکت کی تصدیق ہو چکی ہے جبکہ تقریباً 100 افراد لاپتہ ہیں۔ ریسکیو ٹیموں نے 17 افراد کو زندہ بچا لیا ہے۔بتایا گیا ہے کہ کشتی میں زیادہ تر سینیگال اور گیمبیا کے شہری سوار تھے جو بہتر مستقبل کی تلاش میں خطرناک سفر پر نکلے تھے۔ تاہم حکام کی جانب سے یہ نہیں بتایا گیا کہ کشتی کا حتمی ہدف کون سا ملک تھا۔یہ سانحہ ایک بار پھر اس تلخ حقیقت کو اجاگر کرتا ہے کہ یورپ تک رسائی کے خواب میں ہزاروں افریقی تارکین وطن اپنی زندگیاں داؤ پر لگا دیتے ہیں۔

موریطانیہ کے ساحل کے قریب کشتی الٹ گئی، 49 تارکین وطن ہلاک

گیمبیا سے روانہ کشتی میں 160 افراد سوار تھے، صرف 17 کو زندہ بچایا جا سکا، 100 لاپتہ

فیلڈ مارشل سید عاصم منیر نے کہاہے کہ سیلاب سے متاثرہ تمام مذہبی مقامات کو اصل حالت میں بحال کیا جائیگا۔پاک فوج کے شعبہ تعلقاتِ عامہ (آئی ایس پی آر) کے مطابق فیلڈ مارشل سید عاصم منیر نے سیالکوٹ سیکٹر، شکرگڑھ، نارووال اور کرتارپور کا دورہ کیا اور سیلاب سے متاثرہ علاقوں کا جائزہ لیا۔فیلڈ مارشل سید عاصم منیر کو موجودہ صورتحال اور بارشوں کے آئندہ سلسلے کے لیے تیاریوں پر بریفنگ بھی دی گئی۔انہوں نے علاقے کی متاثرہ سکھ برداری سے ملاقات کی اور کہا کہ اقلیتوں اور ان کے مذہبی مقامات کا تحفظ ریاست اور اس کے اداروں کی ذمہ داری ہے، پاکستان اپنی ذمے داری ادا کرنے میں کوئی کسر نہیں چھوڑے گا۔فیلڈ مارشل سید عاصم منیر نے کہا کہ سیلاب سے متاثرہ تمام مذہبی مقامات کو اصل حالت میں بحال کیا جائے گا، دربار صاحب کرتارپور کو ترجیحی بنیادوں پر اصل حالت میں بحال کیا جائے گا۔آئی ایس پی آر کے مطابق سول انتظامیہ کے نمائندوں سے گفتگو میں آرمی چیف نے بروقت اور فعال اقدامات کی بھی تعریف کی۔ کور کمانڈر گوجرانوالہ نے ان کا استقبال کیا، اس موقع پر آرمی چیف نے متاثرہ سکھ برادری سے ملاقات کی اور یقین دہانی کرائی کہ سیلاب سے متاثرہ تمام مذہبی مقامات، بشمول دربار صاحب کرتارپور کو ترجیحی بنیاد پر مکمل طور پر بحال کیا جائے گا۔سکھ برادری نے سول انتظامیہ اور فوج کی طرف سے فراہم کردہ سہولیات پر آرمی چیف کا شکریہ ادا کیا، آرمی چیف نے دربار صاحب کرتارپور کا فضائی جائزہ بھی لیا۔ یہ دورہ نہ صرف متاثرین کے لیے امید کا پیغام ہے بلکہ دنیا کو بھی یاد دلاتا ہے کہ پاکستان اپنی عوام اور اقلیتوں کے ساتھ کھڑا ہے۔

سیلاب سے متاثرہ تمام مذہبی مقامات کو اصل حالت میں بحال کیا جائیگا، فیلڈ مارشل

پاکستان اپنی ذمے داری ادا کرنے میں کوئی کسر نہیں چھوڑے گا، سیالکوٹ شکر گڑھ، نارووال اور کرتارپور کے دورہ کے موقع پر گفتگو

ایک لیک فون کال… اور پورا سیاسی کیریئر پلک جھپکتے ہی زمین بوس! تھائی لینڈ کی آئینی عدالت نے معطل وزیراعظم پائی تونگ تران شینا وتری کو عہدے سے برطرف کرنے کا بڑا فیصلہ سنا دیا۔غیر ملکی میڈیا کے مطابق یہ فیصلہ اُس وقت سامنے آیا جب شینا وتری کی کمبوڈین رہنما ہن سین کے ساتھ خفیہ فون کال لیک ہوئی۔ عدالت نے قرار دیا کہ وزیراعظم نے گفتگو میں قومی مفاد کے بجائے ذاتی تعلقات کو ترجیح دی اور اس طرح وہ "اخلاقی معیار" پر پورا نہیں اتر سکیں۔عدالتی ریکارڈ کے مطابق، لیک کال میں شینا وتری کو ہن سین کو "انکل" کہتے جبکہ تھائی فوج کے ایک سینئر کمانڈر کو ڈانٹتے اور اپنا دشمن قرار دیتے ہوئے سنا گیا۔ یہ رویہ عدالتی فیصلے کے مطابق ایک وزیراعظم کے منصب کے شایانِ شان نہیں تھا۔نو رکنی آئینی عدالت نے یاد دلایا کہ 2008 کے بعد یہ پانچویں موقع ہے جب کسی تھائی وزیراعظم کو عدالتی حکم پر ہٹایا گیا۔ عدالت نے اپنے فیصلے میں لکھا کہ 39 سالہ شینا وتری جون میں ہونے والی گفتگو کے دوران قومی مفاد کے بجائے ذاتی رویہ اپناتی رہیں۔ یوں ایک فون کال نہ صرف اقتدار کی کرسی ہلا گئی بلکہ تھائی لینڈ کی سیاست میں ایک اور بڑا طوفان برپا کر دیا!

تھائی لینڈ میں بڑا سیاسی دھماکہ، فون کال اسکینڈل پر وزیراعظم برطرف

آئینی عدالت نے پائی تونگ تران شینا وتری کو عہدے سے ہٹا دیا، کمبوڈین رہنما سے لیک گفتگو فیصلہ کن ثبوت بنی

بھارت اور کینیڈا کے درمیان کشیدہ تعلقات باِلآخر نرم پڑنے لگے ہیں۔ دونوں ممالک نے تعلقات بحال کرتے ہوئے اپنے اپنے دارالحکومتوں میں نئے ہائی کمشنرز تعینات کرنے کا اعلان کر دیا ہے۔کینیڈا کی وزیر خارجہ انیتا آنند نے کہا کہ کرسٹوفر کوٹر کو بھارت میں ہائی کمشنر مقرر کیا جا رہا ہے، جو دہلی کے ساتھ تعلقات کو مضبوط بنانے کی نئی حکمتِ عملی کا حصہ ہے۔ دوسری جانب بھارتی وزارت خارجہ نے بھی تصدیق کی کہ اسپین میں تعینات موجودہ سفیر دنیش پٹنائک کو اوٹاوا بھیجا جائے گا۔یاد رہے کہ جون 2023 میں کینیڈا کے شہر وینکوور میں سکھ رہنما ہردیپ سنگھ نجر کے قتل کے بعد دونوں ممالک کے تعلقات شدید بحران کا شکار ہوگئے تھے۔ کینیڈا کے اس وقت کے وزیراعظم جسٹن ٹروڈو نے دعویٰ کیا تھا کہ قتل میں بھارتی انٹیلی جنس ملوث ہے، جس پر بھارت نے ان الزامات کو بے بنیاد قرار دیتے ہوئے سخت ردعمل دیا۔ نتیجتاً دونوں ملکوں نے ایک دوسرے کے کئی سفارت کار ملک چھوڑنے پر مجبور کر دیے اور ویزوں پر بھی پابندیاں عائد کی گئیں۔تاہم جون میں جی سیون اجلاس کے موقع پر کینیڈین وزیراعظم مارک کارنی اور بھارتی وزیراعظم نریندر مودی کی ملاقات کے بعد تعلقات میں بہتری آنے لگی اور اب نئے ہائی کمشنرز کی تقرری کے ساتھ دونوں ملکوں نے سفارتی تعلقات معمول پر لانے کا عملی قدم اٹھا لیا ہے۔اب دیکھنا یہ ہے کہ کیا یہ سفارتی بحالی دیرپا ثابت ہوتی ہے یا پھر خالصتان تنازع دوبارہ تعلقات کو لپیٹ میں لے لیتا ہے۔

بھارت اور کینیڈا کے تعلقات میں برف پگھل گئی، نئے ہائی کمشنرز کا اعلان

سکھ رہنما کے قتل اور کشیدہ حالات کے بعد دونوں ممالک نے تعلقات بحالی کی طرف قدم بڑھا دیا

ایٹمی پروگرام پر مذاکرات کے حوالے سے نئی پیش رفت، ایران نے اپنے ایٹمی پروگرام کے حوالے سے مذاکرات کی مشروط آمادگی ظاہر کی ہے۔عالمی میڈیا کے مطابق ایرانی وزیر خارجہ عباس عراقچی نے کہا کہ اگر مغربی ممالک سنجیدگی اور خیرسگالی کا مظاہرہ کریں تو تہران بات چیت دوبارہ شروع کرنے کے لیے تیار ہے۔عباس عراقچی نے یورپی یونین کی خارجہ پالیسی کی سربراہ کاجا کالاس کو ایک خط میں آگاہ کیا کہ مذاکرات کی کامیابی کا انحصار فریقین کے رویے پر ہے۔ ان کا کہنا تھا کہ ایسے اقدامات سے اجتناب کیا جانا چاہیے جو سفارتی عمل کو نقصان پہنچا سکتے ہیں۔یہ پیش رفت ایسے موقع پر سامنے آئی ہے جب برطانیہ، فرانس اور جرمنی نے ایران پر دوبارہ اقوام متحدہ کی پابندیاں عائد کرنے کا باضابطہ عمل شروع کیا ہے۔ تینوں ممالک نے سلامتی کونسل کو لکھے گئے خط میں مؤقف اپنایا ہے کہ ایران نے 2015 کے جوہری معاہدے کی پاسداری نہیں کی اور اپنی ذمہ داریوں سے انحراف کیا ہے۔ان ممالک کے مطابق "اسنیپ بیک میکنزم" کے تحت 30 دن کے اندر ایران پر دوبارہ عالمی پابندیاں نافذ ہو سکتی ہیں۔ واضح رہے کہ حالیہ ہفتوں میں ایران اور یورپی ممالک کے درمیان نئے جوہری معاہدے کے حوالے سے ابتدائی بات چیت بھی ہوئی ہے۔

ایٹمی پروگرام پر مذاکرات کے حوالے سے نئی پیش رفت، ایران نے مشروط آمادگی ظاہر کردی

سنجیدگی اور خیرسگالی دکھائی گئی تو بات چیت ممکن ہے،یورپی دباؤ کے درمیان تہران کا مؤقف

سہ ملکی ٹی 20 سیریز کا پہلا میچ آج پاکستان اور افغانستان کے درمیان شارجہ میں کھیلا جائے گا۔تفصیلات کے مطابق آج سے متحدہ عرب امارات میں پاکستان، افغانستان اور یو اے ای کی ٹیموں کے درمیان 3 ملکی ٹی 20 سیریز کا آغاز آج سے ہو رہا ہے۔ سہ فریقی سیریز کا پہلا میچ آج کھیلا جائے گا،میچ پاکستان وقت کے مطابق رات 8 بجے شروع ہوگا،پاکستان ٹیم مسلسل 15 ویں ٹی ٹوئنٹی میچ میں بابر اعظم اور محمد رضوان کے بغیر میدان میں اترے گی۔سہ فریقی سیریز میں تیسری ٹیم میزبان یو اے ای ہے،یہ سیریز ایک لحاظ سے ایشیا کپ کا وارم اپ ہے جو 9 سے 28 ستمبرسے دبئی اور ابوظہبی میں منعقد ہوگا۔پاکستان ٹیم 30 اگست کو اپنا دوسرا میچ متحدہ عرب امارات کے خلاف کھیلے گی،2 ستمبر کو پاکستان کا تیسرا میچ افغانستان کے خلاف ہوگا،4 ستمبر کو پاکستان ٹیم اپنے چوتھے میچ میں متحدہ عرب امارات کے خلاف مدمقابل ہوگی۔ سیریز کا فائنل 7 ستمبر کو کھیلا جائے گا۔ سیریز کے تمام میچزپاکستانی وقت کے مطابق رات8 بجے شروع ہونگے۔گزشتہ روزٹرائی نیشن سیریز کی ٹرافی کی رونمائی ہوئی جس میں تینوں کپتانوں نے شرکت کی، پاکستان ٹیم کے کپتان سلمان علی آغا، افغانستان کے کپتان راشد خان اور یو اے ای کے کپتان محمد وسیم کا ٹرافی کے ساتھ فوٹو شوٹ ہوا۔پاکستانی ٹیم کے کپتان سلمان علی آغا کا پریس کانفرنس کرتے ہوئے کہناتھا کہ سہ فریقی سیریز سے ہمیں ایشیا کپ کی تیاری میں بڑی مدد ملے گی اور وہ اس سیریز کے لیے بہت زیادہ پرجوش ہیں اور یہ چیلنجنگ بھی ہوگی جس کے لیے وہ تیار ہیں۔سلمان آغا کا کہناتھاکہ پاکستان ٹیم کی قیادت کرنا ان کے لیے نہ صرف اعزاز کی بات ہے بلکہ یہ ایک ذمہ داری بھی ہے۔ پاکستان ٹیم اسوقت اچھا کھیل رہی ہے اور امید ہے کہ آنے والے میچوں میں بھی وہ اچھی کارکردگی کا مظاہرہ کرے گی۔انہوںنے مزید کہا کہ موجودہ پاکستانی ٹیم کے بارے میں سابق کھلاڑیوں کے خیالات سے انہیں اور ٹیم کو فرق نہیں پڑتا، ہم نے گزشتہ 3 سیریز میں بہترین کھیل پیش کیا ہے، اس سیریز میں بھی اپنا بہترین دینے کی کوشش کریں گے۔

سہ فریقی ٹی ٹوئنٹی سیریز ،پاکستان اور افغانستان آج پہلے میچ میں مدمقابل ہوںگے

سہ فریقی سیریز ایشیا کپ کی تیاریوں کا بہترین موقع ثابت ہوگی، کپتان قومی کرکٹ ٹیم سلمان علی آغا

انسٹاگرام پر شوہر کو طلاق دینے والی دبئی کی شہزادی شیخہ مہرہ نے منگنی کرلی۔دبئی کے حکمران شیخ محمد بن راشد المکتوم کی صاحبزادی، شہزادی شیخہ مہرہ ایک بار پھر عالمی میڈیا کی سرخیوں میں ہیں۔ اس بار وجہ ان کی منگنی ہے جو انہوں نے مشہور امریکی-مراکشی ریپر فرنچ مونٹانا (اصل نام کریم خربوش) سے کر لی ہے۔غیر ملکی میڈیا رپورٹس کے مطابق دونوں کے تعلقات کا آغاز 2024 کے آخر میں ہوا جب شیخہ مہرہ نے فرنچ مونٹانا کو دبئی کا دورہ کروایا۔ رواں برس جون میں پیرس فیشن ویک کے دوران دونوں پہلی بار ہاتھوں میں ہاتھ ڈالے عوامی طور پر نظر آئے اور اپنے تعلق کو باضابطہ تسلیم کیا۔ اب فرنچ مونٹانا کے نمائندے نے ان کی منگنی کی باضابطہ تصدیق کر دی ہے۔31 سالہ شہزادی مہرہ نے اس سے قبل اپریل 2023 میں شیخ مانع آل مکتوم سے شادی کی تھی جو جولائی 2024 میں طلاق پر ختم ہوئی۔ اس شادی سے دو ماہ قبل ان کی بیٹی ’مہرہ‘ کی پیدائش ہوئی تھی۔ شہزادی نے انسٹاگرام پر طلاق کا اعلان کرتے ہوئے شوہر کی بے وفائی کو وجہ قرار دیا تھا۔40 سالہ فرنچ مونٹانا اپنے عالمی شہرت یافتہ گانوں Unforgettable اور No Stylist کے باعث دنیا بھر میں جانے جاتے ہیں۔ وہ افریقہ اور مشرقِ وسطیٰ میں تعلیم اور صحت کے منصوبوں کے لیے فلاحی سرگرمیوں میں بھی بڑھ چڑھ کر حصہ لیتے ہیں۔یہ منفرد جوڑی، ایک طرف عرب شاہی خاندان اور دوسری طرف ہالی وڈ میوزک ورلڈ، عالمی میڈیا اور سوشل میڈیا پر زبردست توجہ حاصل کر رہی ہے۔

شوہر کو طلاق دینے والی دبئی کی شہزادی نےامریکی ریپر فرنچ مونٹانا سے منگنی کرلی

طلاق کے بعد نیا آغاز، پیرس فیشن ویک سے سوشل میڈیا تک، شہزادی اور ریپر کی کہانی

پنجاب کے مختلف اضلاع میں شدید بارشوں اور دریاؤں میں طغیانی کے باعث سیلابی صورتحال بدترین شکل اختیار کر گئی ہے،لاہور کی آبادیاں بھی سیلاب کی زد میں آ گئیں، لوگوں کو محفوظ مقامات پر منتقل کیا جا رہا ہے، بھارت سے آج شام ایک اور سیلابی ریلا چناب میں آئے گا جبکہ آج پنجاب سمیت ملک بھر میں مون سون بارشوں کا نیا سلسلہ شروع ہونے کی پیشگوئی کی گئی ہے جس سے سیلابی صورتحال بدتر ہو سکتی ہے۔سیلاب نے راوی، چناب اور ستلج میں طغیانی نے لاہور، قصور، جھنگ، حافظ آباد، پاکپتن، سیالکوٹ، چنیوٹ، منڈی بہاؤالدین، گوجرانوالہ، وزیر آباد، سرگودھا، نارووال، بہاولنگر اور بہاولپور سمیت کئی اضلاع کو شدید متاثر کیا ہے۔ لاہور کی کئی آبادیاں بھی زیرِ آب آ گئیں اور شہری محفوظ مقامات کی جانب نقل مکانی پر مجبور ہیں۔پنجاب ڈیزاسٹر مینجمنٹ اتھارٹی کے مطابق حالیہ بارشوں اور بھارت کی جانب سے ڈیموں سے پانی چھوڑنے کے باعث صوبے میں چار دہائیوں کا بدترین سیلاب آیا ہے۔ صرف رواں ہفتے کے دوران 14 لاکھ 60 ہزار سے زائد افراد بے گھر ہوئے ہیں جبکہ 1600 سے زیادہ دیہات میں پانی داخل ہو گیا ہے۔راوی، چناب اور ستلج میں آنے والے سیلابی ریلوں نے لاہور، قصور، جھنگ، سیالکوٹ، حافظ آباد، چنیوٹ، منڈی بہاؤالدین، گوجرانوالہ، بہاولنگر اور بہاولپور سمیت درجنوں اضلاع کو متاثر کیا ہے۔ زرعی زمینیں اور فصلیں بھی بڑے پیمانے پر تباہ ہو گئی ہیں۔لاہور کے بادامی باغ، چوہنگ، برکت کالونی اور دیگر کئی علاقے سیلابی پانی کی زد میں آ گئے ہیں۔ متعدد ہاؤسنگ سوسائٹیز کے مکین رات گئے اپنے گھر بار چھوڑنے پر مجبور ہوئے، جبکہ شہری انتظامیہ کی جانب سے نقل مکانی کے انتظامات کا دعویٰ کیا جا رہا ہے۔فلڈ فورکاسٹنگ سینٹر کے مطابق بھارت کی جانب سے چھوڑا گیا ایک اور بڑا سیلابی ریلا آج شام دریائے چناب میں ہیڈ تریموں پہنچنے کا امکان ہے، جبکہ 2 ستمبر کو ہیڈ پنجند پر انتہائی اونچے درجے کا ریلا متوقع ہے۔فلڈ فورکاسٹنگ ڈویژن کے رات 11 بجے کے اعداد وشمار کے مطابق دریائے راوی پر سائفن کے مقام پر پانی کی آمد 2 لاکھ 20 ہزار 627 کیوسک ریکارڈ کی گئی ہے۔ اعداد وشمار کے مطابق شاہدرہ کے مقام پرپانی کا بہاؤ 2 لاکھ 19 ہزار 770 کیوسک ریکارڈ کیا گیا ہے۔فلڈ کنٹرول روم کے مطابق دریائے چناب میں چنیوٹ برج پر پانی کے بہاؤ میں اضافہ ہورہا ہے۔ چنیوٹ کے مقام پر پانی کا بہاؤ 8 لاکھ 5ہزار 300 کیوسک ریکارڈ کیا گیا ہے۔ خانکی کے مقام پر پانی کی آمد 3 لاکھ 5 ہزار436 کیوسک ریکارڈکیا گیا جبکہ تریموں ہیڈ ورکس کے مقام پر بھی پانی کی سطح میں اضافہ ہوا ہے۔ادھر دریائے ستلج میں گنڈا سنگھ والا کے مقام پر پانی کا بہاؤ 2 لاکھ 61 ہزار کیوسک سے زائد ریکارڈ کیا گیا۔انتظامیہ لوگوں کو محفوظ مقامات پر منتقل کرنے میں مصروف ہے۔قوم آج ایک ہی سوال کر رہی ہےکیا ہم ہر بار سیلاب کے رحم و کرم پر رہیں گے یا اس تباہی سے سیکھ کر مستقبل کو محفوظ بنائیں گے؟

پنجاب میں سیلاب سے بڑی تباہی،لاہور سمیت درجنوں اضلاع متاثر

حالیہ بارشوں اور بھارت کی جانب سے ڈیموں سے پانی چھوڑنے کے باعث صوبے میں چار دہائیوں کا بدترین سیلاب آیا ہے

پولینڈ میں ائیرشو کی تیاری کے دوران F-16 طیارہ گر کرتباہ ہوگیا،پولینڈ کے شہر ریڈوم میں بین الاقوامی ایئر شو کی ریہرسل کے دوران ایک افسوسناک واقعہ پیش آیا۔ فضائیہ کا جدید ایف-16 جنگی طیارہ کرتب دکھاتے ہوئے زمین سے ٹکرا گیا، جس کے نتیجے میں پائلٹ ہلاک ہوگیا۔ اس دلخراش منظر کی ویڈیوز سوشل میڈیا پروائرل ہوگئی ہے۔ پولِش فوج کے مطابق یہ حادثہ جمعرات کی شب ریڈوم ایئرپورٹ پر پیش آیا، جب ایف-16 طیارہ ایروبٹک مظاہرے کے دوران اچانک ناک کے بل زمین کی طرف جھپٹا اور زور دار دھماکے کے ساتھ شعلوں میں لپٹ گیا۔ خوش قسمتی سے تماشائی محفوظ رہے اور کسی شہری کے زخمی ہونے کی اطلاع نہیں ملی۔فوری طور پر فائرفائٹرز اور ریسکیو ٹیمیں جائے حادثہ پر پہنچ گئیں، لیکن بدقسمتی سے پائلٹ جان بچانے میں کامیاب نہ ہوسکا۔ رپورٹس کے مطابق یہ پائلٹ نیٹو کے ایلیٹ "ٹائیگر ڈیمو یونٹ" سے تعلق رکھتا تھا اور حادثے کے وقت ایجیکشن نہیں کرسکا۔پولینڈ کے وزیر دفاع نے جائے حادثہ کا دورہ کیا اور کہاکےایف-16 طیارے کے حادثے میں ایک پولش فوجی پائلٹ ہلاک ہوا ہے، وہ ایک ایسا افسر تھا جس نے ہمیشہ اپنے ملک کی خدمت جرات اور لگن کے ساتھ کی۔ میں اس کی یاد کو سلام پیش کرتا ہوں۔"حادثہ شام 7 بج کر 30 منٹ پر پیش آیا اور دیکھتے ہی دیکھتے ایئر شو کا ماحول جشن سے سوگ میں بدل گیا۔حادثے کے سبب آج سے پولینڈ میں ہونے والا ائیرشو منسوخ کر دیا گیا۔ایونٹ میں 20 ملکوں کے 150 طیاروں کو حصہ لینا تھا۔واضح رہے کہ ایف-16 طیارہ دنیا کے کئی ممالک بشمول پاکستان، امریکا، ترکی اور دیگر میں استعمال ہوتا ہے تاہم اس جدید طیارے کی تباہی کے کئی واقعات پہلے بھی سامنے آ چکے ہیں، جن میں تکنیکی خرابی اور تربیتی مشقیں عام وجوہات رہی ہیں۔

پولینڈ میں ائیرشو کی ریہرسل کے دوران F-16 طیارہ گر کر تباہ ہوگیا، پائلٹ ہلاک

ایئر شو کی تیاری غم میں بدل گئی،حادثے کے سبب آج سے پولینڈ میں ہونے والا ائیرشو منسوخ کر دیا گیا

پاکستان تحریک انصاف کے چیئرمین بیرسٹر گوہر نے عمران خان کی ہدایت پر قومی اسمبلی کی 4 قائمہ کمیٹیوں سے استعفیٰ دے دیا۔چیئرمین پی ٹی آئی بیرسٹر گوہر قانون و انصاف، بزنس ایڈوائزری، انفارمیشن ٹیکنالوجی (آئی ٹی) اور انسانی حقوق کی کمیٹیوں سے اپنے استعفیٰ قومی اسمبلی سیکرٹریٹ میں جمع کرو ادیا۔بیرسٹر گوہر نے نجی ٹی وی کو تصدیق کرتے ہوئے بتایا کہ میں نے سربراہ تحریک انصاف عمران خان اور سیاسی کمیٹی کی ہدایت پر عمل کرتے ہوئے چاروں کمیٹیوں سے استعفیٰ دے دیا ہے۔قومی اسمبلی کے ڈائریکٹر جنرل میڈیا ظفر سلطان خان نے تصدیق کرتے ہوئے بتایا کہ پی ٹی آئی کے 18 ممبران بشمول بیرسٹر گوہر نے قائمہ کمیٹیوں سے استعفے دے دیے ہیں۔خیال رہے کہ پی ٹی آئی کے 18 ارکان قومی اسمبلی کی 34 قائمہ کمیٹیوں کا حصہ تھے۔دریں اثنا چیف وہپ عامر ڈوگر نے بھی قومی اسمبلی کی چار مختلف کمیٹیوں سے استعفیٰ دینے کا سوشل میڈیا سائٹ ایکس پر اعلان کرتے ہوئے لکھا کہ میں اپنے لیڈر عمران خان کے حکم کے عین مطابق قومی اسمبلی کی اسٹینڈنگ کمیٹیوں سے استعفیٰ پیش کرتا ہوں۔انہوں نے کہا کہ میں عمران خان کا سچا سپاہی ہوں اور کوئی بھی عہدہ میرے لیڈر سے زیادہ معنی نہیں رکھتا، میری سیاست کا مقصد صرف اور صرف عمران خان کا مشن، پاکستان کی حقیقی آزادی اور عوام کی خدمت ہے۔واضح رہے کہ گزشتہ روز (27 اگست) کو پاکستان تحریک انصاف سے تعلق رکھنے والے چیئرمین پبلک اکاؤنٹس کمیٹی جنید اکبر اور ثنا اللہ مستی خیل سمیت دیگر اراکین قومی اسمبلی نے اسٹینڈنگ کمیٹیوں سے استعفیٰ دے دیا تھا۔اس حوالے سے پاکستان تحریک انصاف کے رہنما اور چیئرمین پبلک اکاؤنٹس کمیٹی جنید اکبر نے ڈان نیوز کو استعفیٰ دینے کی تصدیق کی تھی۔اپنے بیان میں جنید اکبر نے کہا کہ بانی پی ٹی آئی عمران خان اور سیاسی کمیٹی کی ہدایات پر استعفیٰ دیا۔قبل ازیںپی ٹی آئی کے ایم این اے زرمحمد خان، فضل محمد خان، علی اصغر خان، فیصل امین خان، محمد اقبال خان ا?فریدی اور مولانا نسیم علی شاہ نے بھی قومی اسمبلی کی قائمہ کمیٹی سے استعفیٰ دے دیا تھا۔خیال رہے کہ 26 اگست کو بانی پاکستان تحریک انصاف ، عمران خان نے پارٹی رہنماؤں کو ضمنی انتخابات میں حصہ نہ لینے اور پارلیمنٹ کی تمام کمیٹیوں سے مستعفیٰ ہونے کی ہدایت کی تھی۔27 اگست کو اڈیالہ جیل میں عمران خان سے ملاقات کے بعد ان کی ہمشیرہ علیمہ خان نے میڈیا سے گفتگو کرتے ہوئے کہا تھا کہ عمران خان نے پارٹی کو ہدایات دی ہیں کہ پارلیمنٹ کی تمام کمیٹیوں سے مستعفی ہوجائے۔انہوں نے کہا تھا کہ عمران خان نے ضمنی انتخابات کے حوالے سے بیرسٹر گوہر خان اور سلمان اکرم راجا کو ہدایات دیتے ہوئے کہا تھا کہ ہمیں ضمنی انتخابات میں حصہ لے کر ان انتخابات کو قانونی جواز فراہم نہیں کرنا چاہیے۔

چیئرمین پی ٹی آئی بیرسٹر گوہر نے قومی اسمبلی کی 4 قائمہ کمیٹیوں سے استعفیٰ دے دیا

بیرسٹر گوہر نے قانون و انصاف، انسانی حقوق، آئی ٹی اور ہاؤس بزنس ایڈوائزری سے استعفیٰ دیا

وزیراعظم محمد شہباز شریف نے کہا ہے کہ پانی کے نئے ذخائرکی تعمیروقت کی ضرورت ہے ،ہمیں سیلابی صورتحال سے نمٹنے کیلئے قلیل ، درمیانی اور طویل المدتی پالیسیاں وضع کرنا ہوں گی، ٹیم ورک کے ذریعے سیلاب جیسی قدرتی آفت سے نمٹنا جاسکتا ہے، پیشگی اطلاعات کے نظام کی وجہ سے نقصان کم سے کم ہوا ہے،پاکستان موسمیاتی تبدیلی سے سب سے زیادہ متاثرہ 10ممالک میں شامل ہے، ریسکیو اور قدرتی آفات سے پیدا ہونے والی صورتحال سے نمٹنے والے اداروں کو مزید متحرک کرنا ہوگا۔ وہ سیلاب زدہ علاقوں کے دورے کے موقع پر بریفنگ کے دوران گفتگوکررہے تھے۔ اس موقع پر وزیراعلیٰ پنجاب مریم نواز شریف،وفاقی وزیر منصوبہ بندی و ترقی پروفیسر احسن اقبال ، وفاقی وزیر اطلاعات ونشریات عطاء اللہ تارڑ ، چیئرمین این ڈی ایم اے لیفٹیننٹ جنرل انعام حیدرملک اور دیگراعلیٰ حکام بھی موجود تھے۔ چیئرمین این ڈی ایم اے نے وزیراعظم کوپنجاب کے دریائوں میں طغیانی اورزیر آب علاقوں میں ریسکیو و ریلیف آپریشن سے متعلق بریفنگ دی۔وزیراعظم نے کہا کہ گلگت بلتستان خیبر پختونخوا کے بعد اب پنجاب کو بارشوں اور سیلاب کی صورتحال کا سامنا ہے، سیلاب سے ہونے والے جانی نقصان پر افسوس ہے، وفاقی وزرا،افواج پاکستان،سول انتظامیہ ، این ڈی ایم اے ، ریسکیو1122 ، نارووال کی سیاسی قیادت اوردیگر اداروں کا کردار قابل تحسین ہے،ہیلی کاپٹرز اور کشتیوں کا بھی انتظام کیا گیا ہے ، پیشگی اطلاعات کے نظام کی وجہ سے نقصان کم سے کم ہوا ہے۔ انہوں نے کہا کہ 2022میں صوبہ سندھ ، بلوچستان ، خیبرپختونخوا اور پنجاب کے جنوبی اضلاع میں بہت نقصان ہوا تھا، لاکھوں ایکڑ اراضی پر کھڑی فصلیں تباہ ہوگئی تھیں اور پاکستان کو اربوں ڈالر کا نقصان ہوا تھا۔وزیراعظم نے کہا کہ پاکستان بدقسمتی سے ان ممالک میں شامل ہے جو قدرتی آفات کا نشانہ بن رہے ہیں اور ماحولیاتی تبدیلی سے سب سے متاثرہ 10ممالک میں پاکستان کا نام شامل ہے،ہمیں یہ بات ذہن میں رکھنی چاہئے کہ آئندہ آنے والے سالوں میں یہ سلسلہ چلتا رہے گا، اب یہ ہم پرمنحصرہے کہ ہم کس طرح اس چیلنج سے نمٹتے ہیں ، وفاق ، چاروں اکائیاں، آزاد کشمیر اور گلگت بلتستان مل کر اس کا مقابلہ کریں گے تو آنے والی صورتحال سے نمٹ سکتے ہیں۔ وزیراعظم نے کہا کہ اس مقصد کیلئے صوبوں نے اپنی سطح پر تیاریاں کرنی ہیں ، وفاق کی سطح کی این ڈی ایم اے اور دیگرمتعلقہ اداروں کو مکمل طورپر تیاریاں کرنا ہوں گی۔ انہوں نے کہا کہ پانی ذخیرہ کرنے کی صلاحیت میں اضافہ کرنا ہوگا اور اس کیلئے اپنے وسائل کو بروئے کار لانا ہوگا، اس سے سیلاب کی صورتحال پر قابو پایا جاسکے گا اگرپانی ذخیرہ کرنے کی صلاحیت ہمارے پاس نہیں ہوگی توہم جتنی بھی کوششیں کرلیں یہ نامکمل ہوں گی۔ انہوں نے کہا کہ ہمیں وسائل خود جمع کرنے ہوں گے،ملک میں وفاق اور صوبوں کے درمیان مل کر یہ سکت موجودہے،اگر سرجوڑ کے بیٹھیں گے تو اس کا حل ڈھونڈ لیا جائے گا، آنے والے سالوں میں ماحولیاتی چیلنج سے ہمیں نمٹنا ہے۔ وزیراعظم نے کہا کہ ایپکس کمیٹی کے گزشتہ اجلاس میں میں نے یہ معاملہ اٹھایا تھا کہ پانی ذخیرہ کرنے کی استعدادوقت کی ضرورت ہے اور بغیروقت ضائع کئے اس کی تیاری کرنا چاہئے،بھاشا ڈیم اورمہمند ڈیم کی تعمیر بہت اہم ہے ،اسی طرح پنجاب میں چنیوٹ اور کئی دیگرمقامات پر پانی ذخیرہ کرنے کی صلاحیت پیدا کی جاسکتی ہے،شمالی علاقوں میں چھوٹے چھوٹے ڈیم بنائے جاسکتے ہیں ،ریسکیو اور قدرتی آفات سے پیدا ہونے والی صورتحال سے نمٹنے والے اداروں کو مزید متحرک کرنا ہوگا اگرہم آج سے آغاز کریں گے توپانی ذخیرہ کرنے کے عظیم منصوبوں کو پورا کرنے میں کئی سال درکار ہوں گے،پنجاب کے بعد سیلابی ریلا سندھ کا رخ کرے گا، ہماری دعا ہے کہ اس کی طغیانی میں کمی آئے ، یہ ایک چیلنج ہے، اس چیلنج سے ہمیں مل کر نمٹنا ہوگا، تباہ ہونے والی فصلوں کے مالکان کو نقصانات کا معاوضہ فوری ادا کرنے کا وزیر اعلیٰ پنجاب کا اعلان خوش آئند ہے، اسی طرح جو جانی نقصان ہوا ہے، گھر تباہ ہوئے ہیں ان کے نقصان کا بھی ازالہ کیا جائے گا۔وزیراعلیٰ پنجاب اور ان کی پوری ٹیم اور این ڈی ایم اے کو شاباش دیتا ہوں اور افواج پاکستان کا شکریہ ادا کرتا ہوں کہ سب مل کر جانفشانی کے ساتھ کام کررہے ہیں ، گوردوارہ کرتارپور سے یاتریوں کے انخلاکیلئے وزیراعلیٰ پنجاب نے ہیلی کاپٹر بھجوانے کا حکم دیا تھا لیکن موسم کی خرابی کے باعث پھرکشتیوں کے ذریعے ان کے انخلا کو یقینی بنایا گیا۔گوردوارہ کرتار پور سکھ برادری کا مقدس مقام ہے، پانی کی فوری نکاسی کرنا ہوگی۔

موسمیاتی تبدیلیاں بڑا چیلنج ہیں، وقت ضائع کئے بغیر نئے ڈیمز بنانا ہوں گے، وزیراعظم

پاکستان ان ممالک میں شامل ہے جو ماحولیاتی تبدیلی سے زیادہ متاثر ہو رہے ہیں،شہبازشریف کااجلاس سے خطاب

مائیکروسافٹ کے بانی بل گیٹس کی فلاحی تنظیم ’’گیٹس فاؤنڈیشن‘‘ نے پاکستان کے سیلاب متاثرین کیلئے ایک ملین ڈالر امداد دینے کا اعلان کیا ہے۔یہ رقم حکومت پاکستان کو ڈبلیو ایچ او کے ذریعے فراہم کی جائے گی۔ یہ امداد چاروں صوبوں کے 33 متاثرہ اضلاع میں 4 لاکھ 65 ہزار افراد کو طبی سہولیات فراہم کرنے کیلئے استعمال کی جائے گی۔پاکستان میں ڈبلیو ایچ او کے نمائندہ ڈاکٹر ڈاپنگ لو نے گیٹس فاؤنڈیشن کا شکریہ ادا کرتے ہوئے کہا کہ یہ امداد متاثرین کی جانیں بچانے میں مددگار ثابت ہوگی۔ اُن کا کہنا تھا کہ ماحولیاتی تبدیلی کے باعث قدرتی آفات میں اضافہ ہو رہا ہے، جس کیلئے بروقت تیاری ضروری ہے۔ ڈبلیو ایچ او کے مطابق 26 جون سے 27 اگست تک پاکستان میں 802 اموات اور ہزار سے زائد افراد زخمی ہوئے،  ملک بھر میں ساڑھے 5 ہزار سے زائد مویشی ہلاک ہوچکے، سیلاب سے ملک بھر میں 7465 مکانات،658 کلومیٹر سڑکیں،238پل،7 صحت مراکز تباہ اور 89 مراکز کو نقصان پہنچا ہے۔ اب تک سیلاب اور طوفانی بارشوں نے سب سے زیادہ تباہی صوبہ خیبر پختونخوا میں ہوئی۔

بل گیٹس کا پاکستان کے سیلاب متاثرین کیلئے 10لاکھ ڈالر امداد دینے کا اعلان

گیٹس فاؤنڈیشن یہ امداد عالمی ادارہ صحت کے ذریعہ پاکستان کو فراہم کرے گی

یوکرین کے صدر وولوڈیمیر زیلنسکی نے کہا ہے کہ کیف پر تازہ روسی حملہ اس بات کا ثبوت ہے کہ ماسکو کو سفارت کاری میں کوئی دلچسپی نہیں، بلکہ وہ طاقت کے ذریعے اپنی مرضی منوانا چاہتا ہے۔بین الاقوامی خبر ایجنسیوں کے مطابق روس نے گزشتہ رات یوکرین کے دارالحکومت کیف پر بیلسٹک میزائلوں اور ڈرونز کے ذریعے شدید حملہ کیا۔ حملے کے نتیجے میں کم از کم 10 افراد ہلاک اور 30 سے زائد زخمی ہوئے۔ یوکرینی حکام کا کہنا ہے کہ یہ حملہ گزشتہ چند ماہ میں سب سے شدید نوعیت کا تھا، جس نے دارالحکومت کے کئی رہائشی علاقوں کو نشانہ بنایا۔صدر زیلنسکی نے اپنے بیان میں کہا ہے کےروس مذاکرات کی میز کے بجائے بیلسٹک میزائلوں کو چُنتا ہے۔ یہ حملے اس بات کی عکاسی کرتے ہیں کہ ماسکو کو حقیقی سفارت کاری میں کوئی دلچسپی نہیں ہے۔انہوں نے عالمی برادری سے روس کے خلاف مزید سخت پابندیوں کا مطالبہ کیا اور کہا کہ روس جنگ ختم کرنے کے بجائے قتل و غارت گری جاری رکھے ہوئے ہے۔دوسری جانب یوکرین کے ڈرون فورسز کے کمانڈر نے دعویٰ کیا ہے کہ یوکرینی ڈرونز نے جوابی کارروائی کرتے ہوئے روس میں دو آئل ریفائنریز کو نشانہ بنایا۔کیف کی سڑکوں پر تباہی کے ڈھیر، اور زیلنسکی کا سوال وہی پرانا، دنیا کب تک روسی میزائلوں کے سامنے خاموش رہے گی؟

یوکرینی صدر نےروس پر نئی عالمی پابندیوں کا مطالبہ کر دیا

کیف پر تازہ روسی حملہ اس بات کا ثبوت ہے کہ ماسکو کو سفارت کاری میں کوئی دلچسپی نہیں،زیلنسکی

وزیراعلیٰ پنجاب مریم نواز شریف نے کہا ہے کہ صوبے کو 38 سال بعد ایک غیر معمولی سیلاب کا سامنا ہے۔ بھارت کی جانب سے ڈیم بھرنے کے بعد اچانک پانی چھوڑنے اور شدید بارشوں کے نتیجے میں دریاؤں میں گنجائش سے زیادہ پانی آگیا، جس کی توقع نہیں تھی۔شاہدرہ کے مقام پر دریائے راوی میں سیلابی صورتحال کا جائزہ لینے کے بعد میڈیا سے گفتگو کرتے ہوئے مریم نواز نے بتایا کہ اگر بروقت اقدامات نہ کیے جاتے تو تباہی کئی گنا زیادہ ہوتی، مگر اللہ تعالیٰ کے فضل اور انتظامیہ کی کوششوں سے بڑے نقصان سے بچا لیا گیا ہے۔وزیراعلیٰ نے مزید کہا کہ نارووال مکمل طور پر پانی میں ڈوبا ہوا ہے جبکہ سیالکوٹ کی صورتحال بھی نہایت خراب ہے۔ انتظامیہ اور ریسکیو اداروں نے بہترین کام کیا اور 50 ہزار سے زائد افراد کو محفوظ مقامات پر منتقل کیا، خوش قسمتی سے کسی تاخیر یا غفلت کے باعث جانی نقصان نہیں ہوا۔ انہوں نے وعدہ کیا کہ ہر متاثرہ شخص کے نقصان کا ازالہ کیا جائے گا۔مریم نواز خود کشتی کے ذریعے دریائے راوی میں داخل ہوئیں اور سیلابی صورتحال کا قریب سے معائنہ کیا۔ حکام نے انہیں دریا میں بڑھتے پانی اور جاری ریسکیو آپریشنز پر بریفنگ دی۔دوسری جانب وزیراعظم شہباز شریف اور وزیراعلیٰ پنجاب نے پنجاب کے سیلاب سے متاثرہ اضلاع کا فضائی اور زمینی دورہ کیا۔ چیئرمین این ڈی ایم اے لیفٹیننٹ جنرل انعام حیدر نے وزیراعظم کو ملک بھر کی صورتحال اور جاری امدادی سرگرمیوں پر بریفنگ دی۔ فضائی معائنے کے دوران وزیراعظم کو نارووال اور گوجرانوالہ ڈویژن میں شدید متاثرہ علاقوں کی تفصیلات سے آگاہ کیا گیا۔ وزیراعظم نے ہدایت دی کہ مزید جانی و مالی نقصان سے بچنے کے لیے تمام ممکنہ اقدامات فوری اٹھائے جائیں اور ریلیف آپریشن مزید تیز کیا جائے۔ادھر محکمہ آبپاشی کے مطابق دریائے راوی میں شاہدرہ کے مقام پر پانی کا بہاؤ ایک لاکھ 74 ہزار کیوسک سے تجاوز کر گیا ہے۔ جسڑ پر بھی اونچے درجے کا سیلاب ریکارڈ کیا گیا جہاں بہاؤ ایک لاکھ 28 ہزار کیوسک پر برقرار ہے، جبکہ بلوکی کے مقام پر بھی پانی کی سطح مسلسل بڑھ رہی ہے۔

ادارے الرٹ نہ ہوتے تو پنجاب میں سیلاب سے تباہی زیادہ ہوتی،وزیراعلیٰ پنجاب

وزیراعظم اور وزیراعلیٰ کا فضائی و زمینی معائنہ،نارووال اور سیالکوٹ شدید متاثر، 50 ہزار افراد محفوظ مقامات پر منتقل

اداکارہ و ٹی وی میزبان فضا علی نے بولی وڈ اداکارہ نورا فتیحی اور ملائیکا اروڑا کی جسمانی ساخت پر طنز کرتے ہوئے کہا ہے کہ مرد نورا فتیحی کو اس وقت تک پیچھے سے دیکھتے رہتے ہیں، جب تک وہ گھر میں داخل نہیں ہوجاتی۔ فضا علی نے حال ہی میں اپنے شو کے دوران خواتین کی خوبصورتی اور پلاسٹک سرجری کے بڑھتے ہوئے رجحان پر بات کرتے ہوئے متنازع گفتگو کی۔ اس دوران انہوں نے پاکستان کے مختلف خطوں سے تعلق رکھنے والی خواتین کی جسمانی ساخت کا موازنہ بھی کیا اور بھارتی اداکاراؤں ملائیکا اروڑا اور نورا فتیحی پر طنزیہ تبصرے کیے۔فضا علی نے کہا کہ کراچی، لاہور، بلوچستان اور خیبرپختونخوا کی خواتین کی نسوانیت ایک دوسرے سے مختلف ہے۔ ان کے مطابق اگر کوئی کراچی کی لڑکی لاہور کی لڑکی کی طرح نظر آنا چاہے یا لاہور کی لڑکی کراچی کی لڑکی جیسی دبلی پتلی بننا چاہے تو یہ ممکن نہیں۔انہوں نے بھارتی اداکاراؤں کا ذکر کرتے ہوئے دعویٰ کیا کہ آج کل ملائیکا اروڑا اور نورا فتیحی جیسی جسمانی ساخت کا ٹرینڈ چل رہا ہے، اور اسی وجہ سے کئی خواتین ان جیسی دکھنے کی خواہش رکھتی ہیں۔ ان کا کہنا تھا کہ جب خواتین دیکھتی ہیں کہ ان کے شوہر نورا فتیحی کو پیچھے سے دیکھتے رہتے ہیں تو وہ بھی ایسی جسامت کی خواہش کا اظہار کرتی ہیں۔اس موقع پر فضا علی نے بعض نامناسب الفاظ بھی استعمال کیے، جس پر بعد ازاں صارفین نے سخت ردعمل دیا۔سوشل میڈیا پر متعدد افراد نے فضا علی کے تبصروں کو غیر مناسب اور خواتین کے لیے توہین آمیز قرار دیا اور کہا کہ ایسے بیانات معاشرتی طور پر منفی اثرات ڈالتے ہیں۔ماہرین کے مطابق شوبز شخصیات کے بیانات سماجی رویوں پر اثرانداز ہوتے ہیں، اس لیے عوامی پلیٹ فارمز پر محتاط گفتگو ناگزیر ہے۔

فضا علی کا بولی وڈ اداکاراؤں پر طنز، خواتین کی جسمانی ساخت پر متنازع ریمارکس

مرد نورا فتیحی کو اس وقت تک پیچھے سے دیکھتے رہتے ہیں، جب تک وہ گھر میں داخل نہیں ہوجاتی، فضا علی

امریکا میں غیر ملکیوں کے لیے رہائش کے اصول بدلنے جا رہے ہیں، طلبہ اور صحافیوں کو اب لامحدود قیام کی سہولت نہیں مل سکے گی،ٹرمپ انتظامیہ نے اب طلبہ اور صحافیوں کے قیام کو محدود کرنے کا عندیہ دے دیا۔امریکی محکمہ ہوم لینڈ سکیورٹی نے غیر ملکی طلبہ اور صحافیوں کے ویزا کی مدت محدود کرنے کی تجویز پیش کر دی ہے۔ اس فیصلے کے تحت ایف ویزا اور دیگر کیٹیگریز میں دی جانے والی لامحدود مدتِ قیام کو ختم کر کے مخصوص مدت کے اندر محدود کیا جائے گا۔ 1978 سے اب تک ایف ویزا رکھنے والے غیر ملکی طلبہ کو لامحدود قیام کی اجازت حاصل تھی، تاہم حکام کا کہنا ہے کہ اس سہولت نے امریکی شہریوں کے لیے مسائل پیدا کیے۔ مجوزہ قانون کے تحت غیر ملکی طلبہ کو صرف اپنے اسٹڈی پروگرام کی مدت تک قیام کی اجازت ہوگی اور وہ زیادہ سے زیادہ چار سال سے زائد امریکا میں نہیں رہ سکیں گے۔محکمہ ہوم لینڈ سکیورٹی کے مطابق میڈیا نمائندگان کو بھی ریگولر جانچ پڑتال کا سامنا کرنا ہوگا، اور ان کے قیام کی ابتدائی مدت 240 دن تک محدود کی جا سکتی ہے۔صدر ٹرمپ نے جنوری میں عہدہ سنبھالنے کے بعد امیگریشن قوانین سخت کرنے کی مہم کا آغاز کیا تھا۔ تجویز کردہ نیا قانون اسی وسیع کریک ڈاؤن کا حصہ ہے جس کا مقصد امریکا میں غیر ملکیوں کے قیام کے لیے سخت شرائط متعارف کرانا ہے۔واضح رہے کہ اسی نوعیت کی ایک تجویز 2020 میں بھی پیش کی گئی تھی، تاہم بعد ازاں بائیڈن حکومت نے اس قانون کو مسترد کر دیا تھا۔ اگر نیا قانون منظور ہوا تو ہزاروں غیر ملکی طلبہ اور صحافی اس کے اثرات سے براہِ راست متاثر ہوں گے،ماہرین کے مطابق اگر یہ پالیسی عملی شکل اختیار کر لیتی ہے تو ہزاروں غیر ملکی طلبہ اور صحافی امریکا میں اپنے مستقبل کے بارے میں شدید خدشات کا شکار ہو جائیں گے۔

امریکا میں غیر ملکی طلبہ و صحافیوں کے ویزا پر پابندیاں سخت کرنے کی تجویز

امریکی حکومت نے اسٹوڈنٹس، میڈیا نمائندگان اور کلچرل ایکسچینج وزٹرز کے قیام پر نئی پابندیوں کا عندیہ دے دیا

اقوام متحدہ نے پاکستان میں حالیہ مون سون بارشوں اور تباہ کن سیلاب کے نتیجے میں متاثرہ افراد کی فوری مدد کیلئے ہنگامی اقدام اٹھاتے ہوئے 6 لاکھ امریکی ڈالر کی امداد جاری کر دی ہے۔یو این سیکریٹری جنرل کے ترجمان نے نیویارک میں صحافیوں کو بتایا کہ پاکستان میں گزشتہ دس روز کے دوران تباہ کن بارشوں اور سیلاب سے 400 سے زائد افراد جاں بحق اور تقریباً 190 زخمی ہو چکے ہیں۔اقوام متحدہ کے مطابق اب تک 20 ہزار سے زیادہ افراد اپنے گھروں سے محروم ہو چکے ہیں اور انہیں فوری پناہ، طبی امداد، پینے کا صاف پانی اور نقد معاونت درکار ہے۔ خواتین اور بچیوں کے تحفظ کو بھی اس وقت ایک بڑا چیلنج قرار دیا گیا ہے۔ترجمان نے کہا کہ 26 جون سے شروع ہونے والی بارشوں اور لینڈ سلائیڈنگ نے پاکستان بھر میں سنگین تباہی مچائی ہے۔ مقامی حکام کے مطابق اب تک مجموعی طور پر 798 افراد جان کی بازی ہار چکے ہیں جبکہ ایک ہزار سے زیادہ زخمی ہیں، جن میں بڑی تعداد خواتین اور بچوں کی ہے۔اقوام متحدہ نے عالمی برادری سے اپیل کی ہے کہ وہ پاکستان کے ساتھ یکجہتی کا مظاہرہ کرتے ہوئے متاثرین کی مدد کے لیے آگے بڑھے۔ ترجمان کے مطابق اقوام متحدہ کی ایجنسیاں، مقامی حکام اور شراکت دار ادارے مل کر ریلیف سرگرمیاں جاری رکھے ہوئے ہیں تاکہ متاثرہ لوگوں کو فوری مدد فراہم کی جا سکے۔

اقوام متحدہ کا پاکستان کے سیلاب متاثرین کے لیے 6 لاکھ ڈالرکی ہنگامی امداد کا اعلان

مون سون بارشوں اور سیلاب سے 798 اموات، ہزاروں افراد بے گھر، یو این نے فوری عالمی تعاون کی اپیل کر دی

چین نے امریکا اور روس کے ساتھ جوہری ہتھیاروں میں کمی کے سہ فریقی مذاکرات میں شامل ہونے سے انکار کر دیا ۔چینی وزارت خارجہ کے ترجمان نے ایک بیان میں کہا کہ سہ فریقی ایٹمی تخفیف اسلحہ بات چیت غیر معقول ہے کیوں کہ چین کے پاس جوہری ہتھیاروں کا ذخیرہ امریکا اور روس کے مقابلے میں کہیں کم ہے۔چینی وزارت خارجہ کے ترجمان کا کہنا ہے کہ بیجنگ کو ایسے مذاکرات میں شامل کرنے کی کوشش کرنا حقیقت سے دور کرنے کے مترادف ہے، امریکا اور چین کا اسٹریٹجک ماحول اور جوہری پالیسیاں بالکل مختلف ہیں۔ترجمان نے کہا کہ چین کسی ملک کے ساتھ ہتھیاروں کی دوڑ میں شامل نہیں ہوگا، چین نے واضح کیا جوہری طاقت رکھنے والے بڑے ملک خاص طور پر امریکا اور روس کو پہلے بڑے پیمانے پر تخفیف کرنی چاہیے۔چینی وزارت خارجہ کے ترجمان نے کہا کہ دونوں ممالک کے تخفیف کے بعد دیگر ملکوں کو شامل کیا جاسکتا ہے، صدر ٹرمپ نے چین کو مذاکرات میں شمولیت کی خواہش ظاہر کی تھی۔یہ بیان اس وقت سامنے آیا ہے جب حالیہ دنوں میں صدر ڈونلڈ ٹرمپ نے روسی صدر ولادیمیر پیوٹن کے ساتھ ملاقات کے دوران یہ عندیہ دیا تھا کہ امریکا چین کو بھی مستقبل کے مذاکرات میں شامل کرنے کا خواہاں ہے۔ تاہم بیجنگ نے واضح کر دیا کہ وہ اس وقت کسی سہ فریقی فریم ورک کا حصہ نہیں بنے گا۔چین کے اس اعلان کے بعد عالمی ماہرین کا کہنا ہے کہ جوہری ہتھیاروں کی عالمی سیاست ایک نئے تناؤ کی طرف بڑھ رہی ہے، کیونکہ دنیا کے سب سے بڑے تین ایٹمی طاقتور ممالک ایک ہی میز پر بیٹھنے سے اب بھی قاصر ہیں۔

چین کا امریکا اور روس کے ساتھ ایٹمی مذاکرات سے انکار

سہ فریقی ایٹمی تخفیف بات چیت غیر معقول ہے، امریکا اور روس کے پاس ہتھیاروں کا ذخیرہ کہیں زیادہ ہے،بیجنگ کا مؤقف

آسٹریلیا کرکٹ ٹیم کے اوپنر عثمان خواجہ نے ایک بار پھر فلسطینی عوام اور معصوم بچوں کے حق میں آواز بلند کرتے ہوئے اسرائیلی مظالم کی شدید مذمت کی ہے۔سوشل میڈیا پر جاری بیان میں عثمان خواجہ نے کہا کہ وہ پارلیمنٹ جا کر غزہ میں جاری انسانی المیے اور کھیل میں جوئے کے خلاف آواز اٹھائیں گے۔ ان کا کہنا تھا کہ “ہمیں صرف آسٹریلوی نہیں بلکہ انسان ہونے کے ناطے بھی حق اور انصاف کے لیے کھڑا ہونا ہوگا۔ معصوم بچوں کے قتل اور بھوک کو اب فوراً روکنا ہوگا۔”انہوں نے کہا کہ دنیا کو اب محض بیانات سے آگے بڑھ کر عملی اقدامات کرنے ہوں گے۔ عثمان خواجہ نے مطالبہ کیا کہ جب تک غزہ میں امدادی سامان کی ترسیل اور مظالم کا خاتمہ یقینی نہیں ہوتا، اسرائیل پر تجارتی پابندیاں عائد کی جائیں۔ ان کے مطابق، کسی ایسے ملک کے ساتھ تعلقات رکھنا ممکن نہیں جو انسانی حقوق اور عالمی قوانین کی کھلے عام خلاف ورزی کرے۔یاد رہے کہ اس سے قبل بھی عثمان خواجہ نے اسرائیلی جارحیت کے خلاف آواز بلند کرنے والے آسٹریلوی صحافی پیٹر لالور کی برطرفی پر احتجاج کرتے ہوئے میڈیا انٹرویو دینے سے انکار کر دیا تھا۔

آسٹریلوی کرکٹر عثمان خواجہ نے ایک بارپھرفلسطین کے حق میں آواز بلند کردی

صرف بولنے نہیں بلکہ عمل کا وقت ہے،آسٹریلوی اوپنر کا پارلیمنٹ میں غزہ کی مظلوم عوام کیلئے آواز اٹھانے کا اعلان

لاہور سمیت پنجاب کے مختلف اضلاع میں دریاؤں کی طغیانی سے تباہی مچ گئی ہے، جس کے نتیجے میں اب تک کم از کم 22 افراد جاں بحق اور متعدد لاپتا ہو چکے ہیں، جبکہ لاکھوں شہری متاثر ہوئے ہیں۔پنجاب کے بڑے دریاؤں سے پانی کناروں سے نکل کر آبادیوں میں داخل ہونے سے لاکھوں ایکڑ زرعی اراضی تباہ ہو گئی ہے، 6 لاکھ سے زیادہ افراد متاثر ہو چکے ہیں، سیکڑوں دیہات زیر آب آ چکے ہیں جبکہ بنیادی ڈھانچہ جات کے نقصانات کا اندازہ پانی اترنے کے بعد ہی ہو سکے گا۔لاہور میں شاہدرہ کے مقام پر دریائے راوی میں اونچے درجے کا سیلاب ہے جہاں پانی کا بہاؤ ایک لاکھ 45 ہزار کیوسک تک پہنچ گیا۔ انتظامیہ کے مطابق صورتحال قابو میں ہے تاہم مسلسل نگرانی جاری ہے۔پی ڈی ایم اے کی جانب سے جاری بیان کے مطابق، آئندہ 12 گھنٹوں میں شاہدرہ کے مقام پر پانی کے بہاؤ میں مزید اضافہ متوقع ہے۔ڈی جی پی ڈی ایم اے عرفان علی کاٹھیا کا کہنا ہے کہ شاہدرہ سے آج تقریبا 2 لاکھ کیوسک تک پانی کا ریلہ گزرے گا۔ ان کا کہنا ہے کہ اس وقت شاہدرہ کے مقام پر پانی کا بہاؤ 1 لاکھ 51 ہزار کیوسک ہے۔ جسڑ پر پانی کا دباؤ کم ہو کر ایک لاکھ 52 ہزار کیوسک رہ گیا ہے۔چناب میں ہیڈ خانکی اور ہیڈ قادر آباد پر بھی خطرناک صورتحال برقرار ہے۔ خانکی پر بہاؤ 10 لاکھ کیوسک سے کم ہو کر 8 لاکھ 59 ہزار کیوسک اور قادرآباد پر 9 لاکھ 96 ہزار کیوسک ریکارڈ کیا گیا۔دریائے ستلج میں گنڈا سنگھ والا کے مقام پر پانی کا بہاؤ 2 لاکھ 61 ہزار کیوسک سے تجاوز کر گیا، متعدد دیہات پانی میں ڈوب چکے ہیں۔ ہیڈ مرالہ پر بھی اونچے درجے کا سیلاب ہے جبکہ بلوکی اور سلیمانکی پر درمیانے درجے کی صورتحال ہے۔سیالکوٹ میں ایک ہی خاندان کے 5 افراد جبکہ گجرات میں 4 اور نارووال میں 3 شہری جاں بحق ہوئے۔ گوجرانوالہ، حافظ آباد اور دیگر اضلاع سے بھی ہلاکتوں کی اطلاعات ملی ہیں۔گجرات میں شہبازپور کے قریب چناب کا بند ٹوٹنے سے تین بچے پانی میں بہہ گئے جن میں سے دو کی لاشیں نکال لی گئیں۔ سیالکوٹ میں 3 افراد تاحال لاپتا ہیں۔نارووال، شکرگڑھ، ساہیوال، وزیرآباد، مظفرگڑھ، بہاولنگر، وہاڑی اور ملتان کے متعدد علاقے زیرِ آب ہیں۔ ہزاروں ایکڑ پر کھڑی فصلیں تباہ ہوگئیں جبکہ کئی سڑکیں اور پل بہہ گئے۔ ریل کا نظام بھی متاثر ہوا ہے اور شکر گڑھ میں ٹرین سروس معطل ہوگئی ہے۔ریسکیو ٹیموں کے ساتھ مقامی لوگ بھی اپنی مدد آپ کے تحت نقل مکانی کر رہے ہیں جبکہ اگلے دو سے تین دنوں میں بڑے ریلے گزرنے کا امکان ظاہر کیا جا رہا ہے۔

پنجاب میں دریاؤں کی طغیانی،لاکھوں شہری متاثر، 22 افراد جاں بحق

راوی، چناب اور ستلج میں اونچے درجے کے سیلاب، سیکڑوں دیہات ڈوب گئے، فصلیں تباہ، سڑکیں و ریل ٹریک بہہ گئے

Arsenal have officially completed the signing of talented Spanish centre-back Cristhian Mosquera from Valencia

Arsenal Secure Spanish Prospect Mosquera in €15–20M Deal from Valencia

Arsenal have officially completed the signing of talented Spanish centre-back Cristhian Mosquera from Valencia. <a href="https://www.reuters.com/sports/soccer/arsenal-sign-defender-mosquera-valencia-2025-07-24/">The 21-year-old has joined the Gunners</a> on a long-term contract until 2030, with the deal reportedly worth an initial &euro;15 million &mdash; potentially rising to &euro;20 million with add-ons.

Mosquera featured in 37 of 38 La Liga matches last season, accruing 90 senior appearances for Valencia and becoming one of Europe&#39;s most dependable young defenders.

Manager Mikel Arteta described Mosquera as &quot;intelligent, pacey and versatile,&quot; capable of slotting in central or on the right as injuries and workload demand. Sporting director Andrea Berta called him a long-term asset, highlighting his strong reputation in European football.

<h2>Player Profile &amp; Style</h2>

<ul>
	<li>Versatility: Primarily a centre-back, also fielded at right-back and across the back line, offering tactical flexibility. 
	&nbsp;</li>
	<li>Maturity &amp; Reliability: Played over 6,300 minutes across the last two seasons &mdash; the most of any U21 player in Europe&rsquo;s top flights &mdash; showing notable resilience and fitness. 
	&nbsp;</li>
	<li>Scouting acclaim: Seen by Arsenal as one of the most promising young defenders in Spain, with a track record of consistency and composure at the top level. 
	&nbsp;</li>
</ul>

Mosquera also brings elite youth international experience representing Spain across U15 to U21 levels, including winning Olympic gold at the 2024 Paris Games. He is also eligible for Colombia through parentage.

<h2>Integration &amp; Outlook</h2>

<ul>
	<li>Jersey number: Mosquera will wear No.3, formerly worn by Kieran Tierney. 
	&nbsp;</li>
	<li>Pre-season debut: He has already joined the Emirates squad in Singapore and may feature in upcoming friendlies against Newcastle and Tottenham. 
	&nbsp;</li>
	<li>Squad depth upgrade: The signing adds reinforcement for key centre-backs William Saliba and Gabriel, a priority given Arsenal&rsquo;s injury-plagued campaign last season. 
	&nbsp;</li>
</ul>

Arteta emphasised that while Mosquera might not be a regular starter immediately, his arrival strengthens squad depth and long-term planning. The move continues Arsenal&rsquo;s busy summer window, following signings such as Martin Zubimendi, Noni Madueke, Kepa Arrizabalaga, and Christian N&oslash;rgaard.

Arsenal launch their 2025&ndash;26 Premier League season on 17 August at Manchester United, making pre-season preparation key for Mosquera&rsquo;s adaptation. With competition heating up at the back, the youngster will aim to establish himself as a reliable option and future starter.

Arsenal Secure Spanish Prospect Mosquera in €15–20M Deal from Valencia

Player Profile & Style

Integration & Outlook

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan