Sports News

Entertainment

چیف آف آرمی اسٹاف جنرل سید عاصم منیر نے کہا ہے کہ سپریم کورٹ کے حکم پر نو مئی کے ورغلائے لوگوں کو پہلے ہی شک کا فائدہ دیا جاچکا ہے تاہم اصل مجرم کو حساب دینا پڑے گا اور اُن سے کوئی ڈیل بھی نہیں ہوگی۔پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل سید عاصم منیر نے لاہور گیریژن کا دورہ کیا اور وطن کی خاطر قربانیاں دینے والے شہدا کو خراج عقیدت پیش کرتے ہوئے یادگار شہدا پر پھول چڑھائے۔  اس موقع پر کور کمانڈر لاہور نے آرمی چیف کا استقبال کیا اس موقع پر آرمی چیف کو فارمیشن کی آپریشنل تیاریوں پر تفصیلی بریفنگ دی گئی، کور ہیڈ کوارٹرز میں گیریژن آفیسرز سے آرمی چیف نے خطاب کرتے ہوئے افسروں اور جوانوں کو ان کی قوم کیلئے خدمات پیش کرنے اور پیشہ ورانہ مہارت پر سراہا۔آرمی چیف نے اس بات پر زور دیا کہ دشمن قوتیں اور ان کے سرپرست جھوٹ، جعلی خبروں اور پراپیگنڈے کے ذریعے ڈیجیٹل ٹیررازم کر رہے ہیں اور مسلح افواج اور پاکستانی عوام کے درمیان تفریق پیدا کرنے کی بھرپور کوشش کر رہے ہیں، مگر قوم کی حمایت سے ان تمام قوتوں کے عزائم کو ناکام بنایا جائے گا۔ آرمی چیف نے کہا کہ پاک فوج کا ہر سپاہی اور افسر کسی بھی دوسری وابستگی یا ترجیحات سے قطع نظر اپنے فرائض اور ذمہ داریوں کو اولیت دیتا ہے اور روزانہ کی بنیاد پر قربانیاں دے رہا ہے۔انہوں نے مزید کہا کہ بلاشبہ 9 مئی پاکستان کی تاریخ میں ایک سیاہ دن رہے گا جب دانستہ طور پر شرپسندوں نے شہداء کی یادگاروں کی بے حرمتی کرتے ہوئے ریاست اور قومی اتحاد کی علامتوں پر حملہ کیا، ان پرتشدد اور مذموم کارروائیوں کی وجہ سے پاکستان کے دشمنوں کو ریاست اور قوم کا مذاق اڑانے کا موقع فراہم کیا گیا۔آرمی چیف نے افسوس کا اظہار کیا کہ اب وہی سازشی عناصر ڈھٹائی سے بیانیہ کو توڑ مروڑ کر ریاست کو اس مذموم کوشش میں ملوث کرنے کی کوشش کر رہے ہیں جنہوں نے تاریخ کا یہ سیاہ باب رقم کیا، ایسی ذہنیت کے منصوبہ سازوں اور کرداروں کے ساتھ نہ کوئی سمجھوتہ ہوسکتا ہے اور نہ ہی ڈیل۔آرمی چیف نے کہا کہ وہ معصوم لوگ جو ان مجرمانہ عناصر کے مذموم سیاسی مقاصد کو نہیں سمجھ سکے ان کو منصوبہ سازوں نے اپنی خواہشات کا ایندھن بنایا، ان ورغلائے ہوئے لوگوں کو سپریم کورٹ کی ہدایات پر پہلے سے ہی شک کا فائدہ دیا جا چکا ہے۔ انہوں نے مزید کہا کہ تاہم اس گھناؤنے منصوبے کے اصل رہنما جو کہ اپنے آپ کو معصوم ظاہر کرتے ہیں کو اب اپنے جرائم کا حساب دینا پڑے گا، خصوصاً جب ان کے ملوث ہونے کے واضح ثبوت موجود ہیں۔آرمی چیف نے پاک فوج کے افسروں اور جوانوں کو یقین دلایا کہ شہداء اور ان کے اہلخانہ یا ادارے کی بے حرمتی کرنے کی کسی کو اجازت نہیں دی جائے گی، 9 مئی کے منصوبہ سازوں، سہولت کاروں اور مجرموں کو ملکی قانون کے مطابق انصاف کے کٹہرے میں لایا جائے گا۔بعد ازاں آرمی چیف نے لاہور گیریژن میں جناح لائبریری کا افتتاح بھی کیا اور اس موقع پر ان کا کہنا تھا کہ ہم ایک تعمیری قوت کی حیثیت سے تخریبی قوتوں کی جانب سے بنائے گئے راکھ اور ملبے کے ڈھیروں پر اس پبلک لائبریری کو بنا کر قائد کی حرمت کو دوبارہ روشن  کر رہے ہیں۔

سانحہ 9 مئی کے اصل مجرم کو حساب دینا پڑیگا،اور اُن سے کوئی ڈیل بھی نہیں ہوگی، آرمی چیف

News

ناقابل تردید شواہد موجود ہیں، چارہ بننے والے سادہ لوح عناصر کو پہلے ہی شک کا فائدہ دیا جا چکا ہے، یادگار شہدا پر گفتگو

اسلام آبادپولیس نے تحریک انصاف کے احتجاج کے پیش نظر عام افراد کا ریڈ زون میں داخلہ بند کردیا۔نجی ٹی وی کے مطابق پولیس کی جانب سے ریڈ زون کے داخلی راستوں پر کنٹینرز رکھ دئیے گئے ہیں اور ریڈ زون میں کسی بھی غیر متعلقہ شخص کو داخل ہونے سے روکا جارہا ہے تفصیلات کے مطابق اسلام آباد میں سکیورٹی کے پیش نظر دفعہ 144 نافذ کرکے ریڈ زون سیل کر دیا گیا۔واضح رہے کہ پاکستان تحریک انصاف نے آج اسلام آباد میں ریلی نکالنے کا اعلان کر رکھا تھا جس کے باعث اسلام آباد میں سیکیورٹی کے پیش نظر دفعہ 144 نافذالعمل کردی گئی ہے ۔  تاہم سکیورٹی کے پیشِ نظر  ڈی چوک کے اطراف کنٹینرز لگا دیے گئے اور  پولیس کی بھاری نفری بھی تعینات کر دی گئی ہے۔ترجمان پولیس کے مطابق کسی نے 9 مئی کو قانون ہاتھ میں لینے کی کوشش کی تو قانون کے مطابق سختی سے نمٹا جائے گا۔

پی ٹی آئی کی ریلی ، اسلام آبا د میں دفعہ 144 نافذ، ریڈ زون سیل کر دیا گیا

ڈی چوک کے اطراف کنٹینرز لگا دیے گئے اور پولیس کی بھاری نفری بھی تعینات کر دی گئی ہے

سپریم کورٹ نے وفاقی اورچاروں صوبائی حکومتوں کو سرکاری پراجیکٹس پر ذاتی تشہیر سے روک دیا اور ریمارکس دیے کہ عوام کے ٹیکس کا پیسہ ذاتی تشہیر پر استعمال نہ ہو۔میڈیا رپورٹس کے مطابق سپریم کورٹ نے وفاقی و صوبائی حکومتوں کو سپریم کورٹ کے 2021 کے فیصلے پر عملدرآمد کی ہدایت کرتے ہوئے ترقیاتی منصوبوں پر سیاستدانوں کی تختیاں لگانے پر ایک بار پھر پابندی عائد کردی ہے۔ چیف جسٹس نے ریمارکس دیے کہ اپنی جیب سے ترقیاتی کام کروائیں تو پھر اپنے نام کی تختی لگا لیں۔سپریم کورٹ نے 2 ہفتے میں وفاقی و صوبائی حکومتوں سے عملدرآمد رپورٹ طلب کرلی۔خیبرپختونخوا حکومت سے ترقیاتی فنڈز آئین اور قانون کے مطابق خرچ کرنے پر بھی رپورٹ طلب کی گئی۔ چیف جسٹس نے ریمارکس دیے کہ اپنی جیت سے ترقیاتی کام کروائیں تو پھر اپنے نام کی تختی لگا لیں۔سپریم کورٹ نے احکامات جاری کرتے ہوئے ریمارکس دیے کہ پاکستان جمہوری ملک ہے کوئی بادشاہت نہیں، پاکستان میں عوام کسی حکمران کی رعایا نہیں ہے، کیا عوام کا پیسہ آئین اور قانون کے برخلاف خرچ کیا جا سکتا ہے؟ عدالت نے خیبرپختونخوا میں سرکاری فنڈز کی تقسیم کے حوالے سے چیف سیکرٹری کو عملدرآمد رپورٹ پیش کرنے کی بھی ہدایت کی۔چیف جسٹس قاضی فائز عیسیٰ نے اس موقع پر ریمارکس دیتے ہوئے کہا کہ ذاتی تشہیر اور ترقیاتی فنڈز کے معاملے پر تمام سیاسی جماعتیں ایک پیج پر ہیں، غریب عوام نے آخر حکومتوں کا بگاڑا کیا ہے؟ مقابلہ کرنا ہے تو اس بات پر کریں کہ کس سیاستدان نے کتنا انکم ٹیکس دیا ہے۔انہوں نے مزید کہا کہ کیا آئین اجازت دیتا ہے کہ اسمبلی کی منظوری کے بغیر پیسہ خرچ کیا جا سکے؟ ممبران اسمبلی کیوں جاتے ہیں اور الیکشن کیوں لڑتے ہیں؟ اسمبلی جانے کا بنیادی مقصد قانون سازی اور فنڈز خرچ کرنے کی اجازت لینا ہوتا ہے۔علاوہ ازیں چیف جسٹس قاضی فائزعیسیٰ نے سندھ میں اضافی لا افسران کی تقرری پر برہمی کا اظہار کیا اور ریمارکس دیے کہ پنجاب حکومت نے اضافی لا افسران کو ہٹا دیا ہے، سندھ میں کیوں نہیں ہوا؟چیف جسٹس قاضی فائزعیسیٰ نے سندھ حکومت سے بھی جواب طلب کرلیا۔

سپریم کورٹ نےترقیاتی منصوبوں پر سیاستدانوں کی تختیاں لگانے پر پابندی عائد کردی

اپنی جیب سے ترقیاتی کام کروائیں تو پھر اپنے نام کی تختی لگا لیں،چیف جسٹس قاضی فائزعیسیٰ

عالمی شہرت یافتہ پاکستانی شوبز انڈسٹری کی اداکارہ ماہرہ خان نے بھی غزہ کے مظلوم مسلمانوں کے حق میں آواز بلند کردی۔تفصیلات کےمطابق انسٹاگرام پر اداکارہ ماہرہ خان نے رفح میں اسرائیلی بمباری اور ننھے مظلوم فلسطینی بچے کی ویڈیو شیئر کی جس میں وہ اپنے اوپر ہونے والے مظالم کو رکوانے کیلئے عالمی برداری سے اپیل کررہا ہے۔ویڈیو میں فلسطینی بچہ کہتا ہے کہ 7 اکتوبر کے بعد سے غزہ کے مظلوم مسلمان اسرائیلی جارحیت کا نشانہ بنائے جارہے ہیں، ہمارے سروں پر بم برسائے جارہے ہیں جبکہ 6 ماہ کی قلیل مدت کے دوران قابض افواج نے 13 ہزار سے زائد معصوم بچے شہید کردیئے ہیں۔ایک انسٹااسٹوری کی ویڈیو اقوام متحدہ کے سربراہ انتونیو گوتریس کی ویڈیو بھی شیئر کی گئی ہے جس میں وہ بتارہے ہیں کہ اسرائیل کو اسکے قریبی دوست بھی رفح میں حملے کرنے سے منع کررہے ہیں۔واضح رہے کہ غزہ میں جاری اسرائیلی جارحیت کے نتیجے میں ہزاروں فلسطینی شہید ہوچکے ہیں جبکہ متعدد اداکار بھی اسرائیلی مظالم پر آواز بلند کرچکے ہیں۔

اسرائیلی جارحیت، ماہرہ خان نے ننھے مظلوم فلسطینی بچے کی ویڈیو شیئر کردی

ماہرہ خان نے معصوم فلسطینی بچوں کے حق میں آواز اٹھادی

پاکستان کی مسلح افواج، چیئرمین جوائنٹ چیفس آف اسٹاف کمیٹی اور سروسز چیفس نے سانحہ 9 مئی پر ہونے والی مجرمانہ کارروائیوں کی شدید مذمت کرتے ہوئے کہا کہ 9مئی کو برین واشڈ شرپسندوں نے بغاوت کی۔تفصیلات کے مطابق  ترجمان پاک فوج نے کہا ہے کہ 9 مئی کے منصوبہ سازوں اور سہولت کاروں کے ساتھ کوئی سمجھوتا نہیں ہوگا۔پاک فوج کے شعبہ تعلقات عامہ آئی ایس پی آر نے کہا کہ 9 مئی کو سیاسی طور پر محرک اور برین واشڈ شرپسندوں نے ایک بغاوت کی اور جان بوجھ کر ریاستی اداروں کے خلاف تشدد کا سہارا لیا، شرپسندعناصر نے جان بوجھ کر ریاست کی مقدس علامتوں اور قومی ورثے پر توڑ پھوڑ کی جس کا مقصد ملک میں خود ساختہ اور تنگ نظر انقلاب لانے کی ناکام کوشش تھی۔ترجمان پاک فوج نے بتایا کہ 9 مئی کو پاکستان کی مسلح افواج نے انتہائی تحمل کا مظاہرہ کرتے ہوئے تخریب کاروں اور ان کے سرغنوں کی گھناؤنی سازش کو ناکام بنا دیا، ان شر پسند عناصر کا بنیادی مقصد افراتفری پھیلا کر عوام اور مسلح افواج کے درمیان تصادم کو ہوا دے کر پاکستان کو غیرمستحکم کرنا تھا۔آئی ایس پی آر کے مطابق اس سازش کے منصوبہ سازوں، سہولت کاروں نے مسلح افواج اور ریاست کے خلاف نفرت کی ایک مذموم مہم شروع کی، ان شرپسند عناصر نے بیانیہ کو توڑ مروڑ کر شرمناک طریقے سے خود کو بری الذمہ قرار دینے اور الزام ریاستی اداروں پر ڈالنے کی بھی کوشش کی۔ پاک فوج کے ترجمان نے بتایا کہ انہی وجوہات کی بنا پر 9 مئی سانحہ کے منصوبہ سازوں، سہولت کاروں سے کوئی سمجھوتا ہو سکتا ہے اور نہ ہی انہیں قانون کی دھجیاں اڑانے کی اجازت دی جائے گی، 9 مئی کے اصل مجرموں کو انصاف کے کٹہرے میں لانا اس بات کو یقینی بنانا ہے کہ مستقبل میں کوئی بھی ہمارے ہیروز کی یادوں اور ہمارے اتحاد کی علامتوں کو اسی طرح کے غلط طرز عمل کے ذریعے بے حرمتی کرنے کی جرات نہ کرے۔آئی ایس پی آر کا کہنا تھا کہ آج کے دن پاکستان کی مسلح افواج اپنے وقار اور عزت کو ہر قیمت پر برقرار رکھنے کا عہد کرتی ہیں، ہمارے شہداء اور ان کے خاندان پاکستان کا فخر ہیں، پاکستان کی مسلح افواج کا پاکستانی عوام کے ساتھ بہت خاص رشتہ ہے۔ترجمان پاک فوج نے کہا کہ آئیے آج پاکستان کو کمزور کرنے کی سازشوں کی پرزور مذمت کرنے اور اپنے پیارے ملک کی خوشحالی اور استحکام کیلئے مل کر کام کریں۔

سانحہ 9 مئی کے منصوبہ سازوں اور سہولت کاروں کیساتھ سمجھوتا نہیں ہوسکتا، آئی ایس پی آر

افراتفری پھیلانے کا مقصد عوام اور مسلح افواج کے درمیان تصادم کو ہوا دے کر پاکستان کو غیر مستحکم کرنا تھا، ترجمان پاک فوج

نامعلوم مسلح افراد نےبلوچستان کے ساحلی شہر گوادر میںرہائشی کوارٹر پر حملہ کردیا اور فائرنگ کرکے 7 افراد کو قتل کردیا۔ جاں بحق ہونے والے تمام افراد پنجاب سے آئے ہوئے تھے۔ایس ایچ او تھانا گوادر محسن علی کے مطابق نامعلوم افراد نے گوادر فش ہاربر کے قریب رہائشی کوارٹر پر فائرنگ کی جس کے نتیجے میں 7 افراد جاں بحق اور ایک زخمی ہو گیا۔محسن علی کا کہنا ہے کہ جاں بحق اور زخمی افراد سربندر میں حجام کی دکان میں کام کرتے تھے، لاشوں اور زخمی شخص کو گوادر اسپتال منتقل کر دیا گیا ہے۔ایس ایچ او تھانا گوادر کے مطابق جاں بحق اور زخمی افراد کا تعلق پنجاب کے ضلع خانیوال سے بتایا گیا ہے۔حکومت بلوچستان کی جانب سے جاری بیان میں کہا گیا ہے کہ گوادر میں مزدوروں کا قتل کھلی دہشت گردی ہے اور ترجمان بلوچستان حکومت کا کہنا ہے کہ مزدوروں کی فیملیز سے رابطہ کیا جارہا ہے۔وزیر داخلہ بلوچستان ضیا لانگو نے  گوادرمیں افسوسناک واقعےکی تحقیقات کاحکم دیتے ہوئے کہا کہ مزدوروں کا قتل بزدلانہ اقدام ہے، دہشتگردوں سے سختی سے نمٹیں گے۔

گوادرمیںحجام کی دکان میں کام کرنیوالے 7 افراد کو فائرنگ کر کے قتل کر دیا گیا

جاں بحق اور زخمی افراد سربندر میں حجام کی دکان میں کام کرتے تھے، تعلق پنجاب کے ضلع خانیوال سے بتایا گیا ہے

حج کا مقدس سفر شروع،روٹ ٹومکہ کے تحت کراچی سے حج آپریشن کا آغاز ہوگیا، دو حج پروازیں 330 عازمین کو لیکر مدینہ منورہ روانہ ہوگئیں۔تفصیلات کے مطابق رات گئے پہلی پرواز 150 عازمین حج کو لے کر کراچی انٹرنیشنل ایئرپورٹ سے مدینہ منورہ کیلئے روانہ ہوئی جبکہ کراچی سے ہی دوسری پرواز 180 عازمین کو لے کر سعودی عرب پہنچی، سرکاری حکام نے عازمین کو الوداع کیا۔کراچی ایئرپورٹ پر روڈ ٹو مکہ منصوبے کے تحت سعودی امیگریشن حکام کو 8 کاؤنٹرز دیے گئے ہیں۔ایئرپورٹ انتظامیہ کی جانب سے حج آپریشن کے لئے بہترین انتظامات کئے گئے ہیں، کراچی سے مجموعی طور پر 16 ہزار 281 عازمین حج پر جائیں گے۔سرکاری اسکیم کے تحت آج سے شروع ہونے والا حج آپریشن 9 جون تک جاری رہے گا، 259 حج پروازوں کے ذریعے 68 ہزار عازمین حجاز مقدس پہنچیں گے، روڈ ٹو مکہ پراجیکٹ کے تحت عازمین حج کی امیگریشن سعودی حکام کراچی میں ہی کر رہے ہیں۔خیال رہے لاہور کے علامہ اقبال انٹرنیشنل ایئر پورٹ سے بھی پہلی حج پرواز آج صبح روانہ ہونی تھی تاہم امیگریشن کاؤنٹر کی سیلنگ میں آگ لگنے کے باعث اس پرواز کی روانگی میں تاخیر ہوئی۔

حج آپریشن کا آغاز،کراچی سے 2 پروازیں 330 عازمین کو لے کر مدینہ منورہ روانہ

شہرقائد سے 16 ہزار عازمین حج جائیں گے، سرکاری اسکیم کے تحت حج آپریشن 9 جون تک جاری رہے گا

قومی ہاکی ٹیم 13 سال بعد اذلان شاہ ہاکی کپ کے فائنل میں پہنچ گئی جہاں اس کا مقابلہ جاپان سے 11 مئی کو ہوگا۔پاکستان 2011 کے بعد پہلی بار اذلان شاہ کپ کے فائنل میں پہنچا ہے۔تفصیلات کے مطابق پاکستان اور جاپان کی ٹیموں نے سلطان اذلان شاہ کپ 2024 کے فائنل کی سیٹ کنفرم کرلی، دونوں ٹیموں پوائنٹس ٹیبل پر بالترتیب پہلے اور دوسرے نمبر پر براجمان ہیں۔ملائیشیا کے شہر ایپوہ میں جاری ایونٹ میں جاپان نے ملائیشیا کو 1-2 سے شکست دے دی۔پوائنٹس ٹیبل پر پاکستان اور جاپان کے 10، 10 پوائنٹس ہوگئے، جس کے بعد دونوں ٹیموں نے فائنل کےلیے کوالیفائی کرلیا۔پاکستان اپنے پول کا پانچواں میچ نیوزی لینڈ کے خلاف 10 مئی کو پاکستانی وقت کے مطابق دوپہر ایک بجےکھیلے گا،خیال رہے کہ پاکستان 2011 کے بعد اذلان شاہ کپ کے فائنل میں پہنچا ہے، قومی ہاکی ٹیم نے گزشتہ ایونٹ میں تیسری پوزیشن کا میچ جیت کر کانسی کا تمغہ حاصل کیا تھا۔

پاکستان اذلان شاہ ہاکی ٹورنامنٹ کے فائنل میں پہنچ گیا

Sports

قومی ہاکی ٹیم 13 سال کے بعد سلطان اذلان شاہ ٹورنامنٹ کا فائنل جاپان کے ساتھ کھیلے گی

لاہور کے علامہ اقبال انٹرنیشنل ایئر پورٹ پر آتشزدگی سے پہلی حج پرواز سمیت 6 بین الاقوامی پروازوں کی روانگی تاخیر کا شکار ہوگئی ہے۔ آگ لگنے کے بعد لاؤنج خالی کرالیا گیا۔میڈیارپورٹس کے مطابق لاہور ایئرپورٹ کے لاؤنج میں اچانک آگ بھڑک اُٹھی، جس سے ایئرپورٹ کے لاؤنج میں دھوا بھر گیا۔ آتشزدگی کے نتیجے میں امیگریشن سسٹم کونقصان پہنچا جس کی وجہ سے متعدد پروازوں کا رخ موڑ دیا گیا۔تفصیلات کے مطابق لاہور کے علامہ اقبال انٹرنیشنل ایئرپورٹ کے ایف آئی اے کے امیگریشن ہال میں اچانک آگ بھڑک اٹھی جس نے دیکھتے ہی دیکھتے پورے حصے کو لپیٹ میں لے لیا، آگ کے باعث مسافروں میں بھگدڑ مچ گئی، حکام نے امیگریشن ہال خالی کروا لیا۔آگ سے امیگریشن ہال کے ارد گرد دھواں جمع ہونے سے شہریوں کو مشکلات کا سامنا کرنا پڑا، آگ کے بعد امیگریشن کا عمل روک دیا گیا جس کی وجہ سے مسافروں کو بھی پریشانی اٹھانی پڑی، امیگریشن سسٹم میں خرابی کی وجہ سے سری لنکن ایئر لائن کی پرواز کا رخ موڑ دیا اور لاہور سے جانے والی حج پرواز کو بھی روک لیا گیا۔آتشزدگی کی اطلاع ملنے کے بعد ریسکیو اور فائر بریگیڈ کا عملہ موقع پر پہنچ گیا اور کئی گھنٹوں کی جدوجہد کے بعد آگ پر قابو پا لیا،ابتدائی تحقیقات کے مطابق آگ شارٹ سرکٹ کی وجہ سے لگی۔آگ لاؤنج میں واقع امیگریشن کاؤنٹر کی سیلنگ میں لگی۔ فائر فائٹرز نے آگ پر قابو پالیا۔ کوئی جانی نقصان نہیں ہوا۔

لاہور ایئرپورٹ پر اچانک آتشزدگی،حج پرواز سمیت عالمی پروازوں کا شیڈول متاثر

آگ پرقابوپالیاگیا،آگ امیگریشن کاؤنٹر کی سیلنگ میں لگی، کوئی جانی نقصان نہیں ہوا

پاکستان میں آج  ذی القعد 1445 ہجری کا چاند نظر نہیں آیا،اس لئے یکم ذوالقعدہ بروزجمعہ10مئی کو ہوگی۔تفصیلا ت کے مطابق مولانا عبدالخبیر آزاد کی زیر سرپرستی چیئر مین رویت ہلال کمیٹی کا اجلاس منعقد میں جس میں ملک بھر سے شہادتیں جمع کی گئیں لیکن ذی القعدہ 1445 ہجری کا چاند نظر نہیں آیا، رویت ہلال کمیٹی کی جانب سے جاری نوٹیفکیشن میں کہا گیا ہے کہ یکم ذی القعدہ جمعہ 10 مئی سے ہو گی۔

پاکستان میں ذی القعد کا چاند نظر نہیں آیا، یکم ذی القعدہ 10مئی کو ہوگی

ملک بھر سے شہادتیں جمع کی گئیں لیکن ذی القعدہ 1445 ہجری کا چاند نظر نہیں آیا،رویت ہلال کمیٹی

خیبر پختونخوا میں سکیورٹی فورسز کا آپریشن،6دہشت گرد وں کو جہنم واصل کردیا۔پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے خیبر پختونخوا میں 2 الگ الگ آپریشنز کئے، ڈی آئی خان میں دہشتگردوں کی موجودگی پر کارروائی کی گئی، شدید فائرنگ کے تبادلے میں 5 دہشت گرد مارے گئےہلاک دہشت گردوں سے اسلحہ اورگولہ باردو برآمدہوا۔آئی ایس پی آر کے مطابق شمالی وزیرستان میں انعام اللہ نامی دہشت گرد مارا گیا، ہلاک دہشت گرد سکیورٹی فورسز اور شہریوں پر حملوں میں ملوث تھے۔پاک فوج کے شعبہ تعلقات عامہ کے مطابق علاقے میں دیگر دہشت گردوں کے خاتمے کیلئے سینی ٹائزیشن آپریشن جاری ہے، سکیورٹی فورسز ملک سے دہشت گردی کی لعنت کے خاتمے کیلئے پرعزم ہیں۔

سیکیورٹی فورسز کی ڈی آئی خان، شمالی وزیرستان میں کارروائیاں، 6 دہشت گرد جہنم واصل

ڈیرہ اسماعیل خان میں 5اور شمالی وزیرستان میں ایک دہشت گر دہلاک ہوا، آئی ایس پی آر

پی ٹی آئی کے رہنما اور اپوزیشن لیڈر قومی اسمبلی عمر ایوب نے کہا کہ ملک میں آئین وقانون کی بالادستی ہونی چاہئے۔اپوزیشن لیڈر قومی اسمبلی عمر ایوب نے کہا کہ پچھلے ہفتے بانی پی ٹی آئی سے میری ملاقات ہوئی، بانی پی ٹی آئی نے کہا کہ وہ کسی قسم کی سودا بازی کرنے کیلئے تیارنہیں، آئین میں واضح ہے کہ فوج سیاست میں مداخلت نہیں کرے گی۔عمر ایوب نے کہا کہ ہمارا ایک ہی ایجنڈا آئین وقانون کی بالادستی ہے، ہماری پارٹی نے بہت قربانیاں دی ہیں، ہم نے ربڑ بلٹ، آنسو گیس کی شیلنگ برداشت کی، آگ کا دریا عبور کرکے یہاں پہنچے۔ اپوزیشن لیڈر کا مزید کہنا تھا کہ مجھ پر ایک کیس ایکسرے مشین کی چوری کا بھی بنایا گیا، مجھ پر ایک کیس پرانی موٹرسائیکل چھیننے کا بھی بنایا گیا، قتل، اغوا اور دہشتگردی کے پرچے ہم پردرج کئے گئے، ہمارے میڈیا کے لوگوں کو اٹھایا جا رہا ہے۔انہوں نے کہا کہ یہ سب لندن پلان کا حصہ تھا، ٹارگٹ اس وقت کے وزیراعظم تھے۔

بانی پی ٹی آئی عمران خان کسی قسم کی سودے بازی کرنے کیلئے تیار نہیں،عمر ایوب

ہمارا ایک پوائنٹ ایجنڈا آئین اور قانون کی بالادستی ہے، اپوزیشن لیڈر کا سیمینار سے خطاب

پاکستان تحریک انصاف (پی ٹی آئی) کے بانی اور سابق وزیراعظم عمران خان نے کہا ہے کہ وہ 2014 میں ہونے والے دھرنے کی انکوائری کے لیے تیار ہیں اور انہیں اس ایسی کمیٹی کے سامنے پیش ہوکر خوشی محسوس ہوگی۔عمران خان نے اڈیالہ جیل میں میڈیا سے بات چیت کرتے ہوئے کہا کہ مجھے خوشی ہوگی کہ مجھے انکوائری کمیٹی میں پیش کیا جائے، 2014ء کے دھرنے کے حوالے سے مجھ پر جتنے الزامات لگائے گئے سب غلط ہیں۔عمران خان کا کہنا تھا کہ سابق نگران وزیراعظم انوار الحق کاکڑ کے فارم 47 کے حوالے سے بیان کے بعد وفاقی حکومت سے کیا مذاکرات ہوسکتے ہیں؟ صدر وزیراعظم وزیراعلی پنجاب اور سینٹ الیکشن فراڈ ہیں،انہوں نے کہا کہ نون لیگ کے لوگوں نے انہیں پہلے ہی نجی طور پر مطلع کردیا تھا کہ جب تک قاضی فائز عیسیٰ چیف جسٹس نہیں بنتے نہ الیکشن ہوں گے اور نہ ہی نواز شریف واپس آئیں گے۔عمران خان نے کہا کہ میرا آدھا خاندان فوج اور آدھا خاندان بیورو کریسی میں ہے، فوج ہماری ہے اور ہمیں فوج سے کوئی مسئلہ نہیں، انہوں نے کہا کہ خدا کے واسطے فوج کو سیاست میں نہ گھسیٹیں، ہم نے اپنی 27 سال کی تاریخ میں کبھی جلاؤ گھیراؤ نہیں کیا،انہوں نے مزید کہا کہ دو حکومتیں ہم نے انتخابات کے لیے تحلیل کیں کیوں کہ ہماری سیاسی جماعت انتشار نہیں چاہتی۔عمران خان کا کہناتھا کہ نو مئی واقعات کا مجھے اس وقت پتا چلا جب مجھے سپریم کورٹ میں پیش کیا گیا، میں نے نومئی کے واقعات کی چیف جسٹس عمر عطا بندیال کے سامنے مذمت کی تھی۔

سارےالزامات غلط ہیں،2014ء کے دھرنے کی انکوائری کیلئے تیار ہوں، عمران خان

خدا کے واسطے فوج کو سیاست میں نہ گھسیٹیں، ہمیں فوج سے کوئی مسئلہ نہیں،اڈیالہ جیل میں صحافیوں سے گفتگو

بجلی صارفین کے لیے بری خبر آ گئی۔ حکومت نے ایک ماہ کیلئے بجلی 2 روپے 83 پیسے فی یونٹ مہنگی کردی۔تفصیلات کے مطابق حکومت نے مہنگائی کے ستائے ہوئے عوام پر بجلی بم گرا دیا گیا، بجلی مزید 2 روپے 83 پیسے فی یونٹ مہنگی کر دی گئی جس کا نوٹیفکیشن جاری کر دیا گیا۔بجلی کی قیمتوں میں اضافہ مارچ کی ماہانہ فیول ایڈجسٹمنٹ کی مد میں ایک ماہ کےلیے کیا گیا۔بجلی کی قیمتوں میں اضافے کا اطلاق رواں ماہ کے بجلی بلوں پر ہوگا، اضافہ کا اطلاق لائف لائن اور کے الیکٹرک صارفین پر نہیں ہوگا،نیپرا کے نوٹیفکیشن کے مطابق قیمتوں میں اضافے سے صارفین پر 26 ارب کا اضافی بوجھ پڑے گا۔

حکومت نے مہنگائی کے ستائے ہوئے عوام پرایک اوربجلی بم گرادیا

بجلی کی قیمتوں میں اضافہ مارچ کی ماہانہ فیول ایڈجسٹمنٹ کی مد میں ایک ماہ کےلیے کیا گیا

ملائیشیا میں جاری سلطان اذلان شاہ ہاکی ٹورنامنٹ میں پاکستان نے کینیڈا کو 4-5 گول سے شکست دے کر ایونٹ کے فائنل کیلئے مضبوط امیدوار کے طور پر اپنی حیثیت ثابت کردی۔ تفصیلات کے مطابق اذلان شاہ ہاکی ٹورنامنٹ میں پاکستان نے تیسری کامیابی سمیٹ لی، قومی ٹیم نے کینیڈا کو بھی شکست دے دی۔آئپوہ میں جاری سلطان اذلان شاہ ہاکی کپ کے پانچویں منٹ میں سین ڈیوس نے گول اسکور کیا جبکہ 17ویں منٹ میں ہربر سدھو نے فیلڈ گول اسکور کرکے کینیڈا کو صفر کے مقابلے میں 2 گول کی برتری دلادی۔تاہم پاکستان نے کم بیک کرتے ہوئے پہلے ہاف کے اختتام سے پہلے پاکستان کے ابوبکر نے یکے بعد دیگرے پینلٹی کارنر کے 2 گول اسکور کرکے میچ برابر کردیا۔دوسرے ہاف میں پاکستان کا پلڑا بھاری رہا، 36ویں منت میں ارشد لیاقت، 44 ویں منٹ میں علی غضنفر نے فیلڈ گول اسکور کیا جبکہ کینیڈا کی جانب سے سین ڈیویس اور ارجات نے فیلڈ گول کیے۔میچ کے اختتام تک پاکستان کو کینیڈا کے چار گول کے مقابلے میں پانچ گول کی برتری حاصل ہوگئی۔واضح رہے سلطان اذلان شاہ ہاکی ٹورنامنٹ میں میزبان ملائشیا، پاکستان، کینیڈا، جاپان، نیوزی لینڈ اور جنوبی کوریا کی ٹیمیں شریک ہیں۔

اذلان شاہ ہاکی ٹورنامنٹ میں پاکستان کی تیسری فتح کینیڈا کو بھی ہرادیا

ہاکی ٹورنامنٹ میں میزبان ملائشیا، پاکستان، کینیڈا، جاپان، نیوزی لینڈ اور جنوبی کوریا کی ٹیمیں شریک ہیں

پی ڈی ایم اے پنجاب نے رواں ہفتے صوبے میں ہیٹ ویو، بارشوں اور طوفان کا الرٹ جاری کر دیا۔ترجمان پی ڈی ایم اےکےمطابق 8 سے 10 مئی پنجاب میں دن کے درجہ حرارت میں 3 سے 5 ڈگری اضافے کا امکان ہے۔ پنجاب کے بیشتر اضلاع میں گرد آلود ہوائیں، گرج چمک کے ساتھ بارش ہو سکتی ہے۔پنجاب کے مختلف اضلاع میں 10 اور 11 مئی کو طوفانی بارشوں کا امکان ہے، پنجاب بھرمیں ضلعی انتظامیہ کو اس موسمی صورتٍ حال سے آگاہ کر دیا گیا ہے۔پی ڈی ایم اے پنجاب کے ڈی جی کے مطابق طوفان سے کھڑی فصلوں کو نقصان پہنچنے کا خدشہ ہے۔انہوں نے یہ بھی کہا ہے کہ گرمی اور لو کی شدت میں اضافے سے عوام کو محتاط رہنا ہو گا۔ دوپہر کے وقت کام کرنے والے لو سے بچنے کا اہتمام کریں۔

پی ڈی ایم نےرواں ہفتے ہیٹ ویو، بارشوں، طوفان کا الرٹ جاری کردیا

پنجاب کے مختلف اضلاع میں 10 اور 11 مئی کو طوفانی بارشوں کا امکان ہے، پی ڈی ایم اے

چین کے تعاون سے پاکستان نے خلائی تحقیق کے میدان میں اہم سنگ میل عبور کرلیا، خلائی مشن ’چینگ ای 6‘ کے ساتھ پاکستان کا سیٹلائٹ ’آئی کیوب قمر‘ چاند کے مدار میں داخل ہوگیا۔تفصیلات کے مطابق  پاکستان کا پہلا سیٹلائٹ خلائی مشن آئی کیوب چاند کے مدار میں کامیابی سے پہنچ گیا۔چانگ ای 6 مشن نے پاکستانی سیٹلائٹ آئی کیوب قمر کو کامیابی سے چاند کے مدار میں پہنچا دیا۔ آئی کیوب قمر کی ڈپلائمنٹ کے بعد ایس او پیز کے مطابق تمام ذیلی سسٹمز کا جائزہ لیا جائے گا۔پاکستانی خلائی سائنسدان ڈاکٹر خرم خورشید اور ڈاکٹر قمر الاسلام چین میں موجود ہیں، آئی کیوب قمر کی ڈپلائمنٹ سے پہلے ایس او پیز کے مطابق تمام ذیلی سسٹمز کا جائزہ لیا جائے گا، سیٹلائٹ امیجنگ سسٹم کے آپریشنل ہونے سے پہلے تمام ذیلی نظاموں کی تصدیق میں تقریباً ایک ہفتہ لگ سکتا ہےجس کے بعد آئی کیوب قمر سے چاند کی پہلی تصویر 15 یا 16 مئی تک موصول ہو نے کا امکان ہے۔اگلے مرحلے میں چانگ ای 6 کے لینڈر اور اسینڈر کو چاند کے جنوبی قطب کی عقبی جانب لینڈ کروایا جائے گا، چانگ ای 6 مشن سے مین لینڈر 1 جون کو علیحدہ ہوگا جبکہ چانگ ای 6 مشن 2 جون کو قمری سطح سے مٹی اور چٹانوں کے سیمپلز جمع کرے گا۔چانگ ای 6 مشن چار جون کو واپسی کا سفر شروع کرے گا اور 6 جون کو چانگ ای 6 مشن ڈاکنگ کرے گا، پروگرام کے مطابق چانگ ای 6 مشن 53 روزہ مشن مکمل کرنے کے بعد 25 جون کو زمین پر واپس لینڈ کرے گا۔واضح رہے کہ آئی کیوب قمر پاکستان کا پہلا چاند پر بھیجا گیا سیٹلائٹ ہے، جو 3 مئی کو چین کے ہینان اسپیس لانچ سائٹ سے خلا میں بھیجا گیا تھا۔ آئی کیوب قمر پاکستان کا پہلا ڈیپ اسپیس مشن ہے۔

بڑی کامیابی پاکستان چاند پرپہنچ گیا، آئی کیوب قمر چاند کے مدار میں داخل

آئی کیوب قمر کے مطابق تمام ذیلی سسٹمز کا جائزہ لیا جائے گا، 15 یا 16 مئی تک چاند کی پہلی تصویر موصول ہونے کا امکان

لاہور ہائیکورٹ کے باہر وکلاء کی احتجاجی ریلی پر پولیس نے دھاوا بول دیا۔سول عدالتوں کی ماڈل ٹاؤن کچہری منتقلی اور وکلاء کیخلاف مقدمات کے معاملے پر وکلاء نے ایوان عدل سے لاہور ہائیکورٹ تک احتجاجی ریلی نکالی، احتجاجی مظاہرین جی پی او چوک پہنچے تو پولیس نے دھاوا بول دیا۔جی پی او چوک پر پولیس اور احتجاجی وکلاء کے درمیان تصادم ہوا جس کے نتیجے میں پولیس نے مظاہرین پر لاٹھی چارج کیا اور آنسو گیس کے شیل برسائے، پولیس کی جانب سے احتجاجی مظاہرین کو منتشر کرنے کیلئے واٹرکینن کا بھی استعمال کیا گیا۔پولیس نے مظاہرے میں شریک وکلاء کو گرفتار بھی کیا، وکلاء نے جی پی او چوک اور ہائیکورٹ کے باہر لگے بیریئرز کو ہٹا دیا، وکلاء کی جانب سے پولیس پر پتھراؤ بھی کیا گیا جس کے نتیجے میں  ایس پی ماڈل ٹاؤن زخمی ہو گئے۔پولیس کی اضافی نفری بھی صورتحال کو قابو کرنے اور وکلا کو منتشر کرنے کے لیے طلب کرلی گئی ہے، اینٹی رائٹس فورس کے دستوں کو بھی طلب کرلیا گیا ہے۔وکلاء مظاہرین اور پولیس کے درمیان تصادم کے باعث مال روڈ پر ٹریفک کا نظام درہم برہم ہو کررہ گیا جبکہ اطراف کی سڑکوں پر ٹریفک کا شدید دباؤ ہے۔دوسری جانب ایس ایس پی آپریشنز لاہور نے کہا ہے کہ وکلاء کے پتھراؤ کے بعد پولیس نے شیلنگ کی، وکلاء کو پُرامن ریلی نکالنے کی اجازت ہے، وکلاء نے پولیس پر تشدد کیا، وکلاء نے قانون کو ہاتھ میں لینے کی کوشش کی، قانون کسی کو ہاتھ میں لینے کی اجازت نہیں ہے۔

وکلاء کی احتجاجی ریلی پر پولیس نے دھاوا بول دیا

لاہور میں وکلا کا مطالبات کے حق میں احتجاج، پولیس کا لاٹھی چارج ، متعدد گرفتار

عدالت نے بشریٰ بی بی کو سب جیل بنی گالہ سے اڈیالہ جیل منتقل کرنے کا حکم دے دیا۔ہائی کورٹ کے جسٹس میاں گل حسن اورنگزیب نے بشریٰ بی بی کی جانب سے دائر درخواست منظور کرتے ہوئے محفوظ کیا گیا فیصلہ جاری کردیا۔واضح رہے کہ سابق وزیراعظم عمران خان کی اہلیہ بشریٰ بی بی کی جانب سے بنی گالہ سے اڈیالہ جیل منتقلی کی درخواست دائر کی گئی تھی، جس پر اسلام آباد ہائی کورٹ کے جسٹس میاں گل حسن اورنگزیب نے گزشتہ ہفتے فریقین کے دلائل سننے کے بعد فیصلہ محفوظ کیا تھا۔عدالت نے بشریٰ بی بی کو بنی گالہ سب جیل رکھنے کا نوٹیفکیشن کالعدم قرار دے کر اڈیالہ جیل منتقل کرنے کا حکم دے دیا۔واضح رہے کہ 31 جنوری کو بشریٰ بی بی کو توشہ خانہ ریفرنس میں 14 سال قید کی سزا سنائی گئی تھی۔خیال رہے بانی پی ٹی آئی کی اہلیہ اور سابق خاتون اول توشہ خانہ ریفرنس اور عدت میں نکاح کے مقدمات میں قید اورجرمانے کی سزا بھگت رہی ہیں۔

اسلا م آباد ہائی کورٹ نے بنی گالہ کو سب جیل رکھنے کا نوٹی فکیشن کالعدم قرار دے دیا

عدالت نےبشریٰ بی بی کو بنی گالہ سے اڈیالہ جیل منتقل کرنے کا حکم دیدیا

امریکا نے کہا ہے کہ سعودی ولی عہد محمد بن سلمان کے دورہ پاکستان کی حمایت کرتے ہیں اور اسے سراہتے ہیں۔ترجمان امریکی محکمہ خارجہ میتھیو ملر نے پریس بریفنگ میں کہا کہ پاکستانی انتخابات سے متعلق ہمارےمؤقف میں کوئی تبدیلی نہیں آئی۔ انہوں نے کہا کہ امریکا پاکستان میں کسی سیاسی جماعت کو سپورٹ نہیں کر تا۔انہوں نے کہا کہ امریکی سفیر ڈونلڈ بلوم نے قائد حزب اختلاف عمر ایوب اور دیگر سے ملاقات کی، معاشی اصلاحات، انسانی حقوق، علاقائی سلامتی اور دوطرفہ تعلقات پر تبادلہ خیال کیا گیا۔ میتھیو ملر کا مزید کہنا تھا کہ امریکا سعودی ولی عہد کے دورۂ پاکستان کی حمایت کرتا ہے اور اسے سراہتا ہے۔پی ٹی آئی رہنماؤں کے ساتھ عمران خان کے خلاف ’بے بنیاد‘ الزامات اور انسانی حقوق پر بات چیت سے متعلق گفتگو کرتے ہوئے میتھیو ملر نے سیاسی غیر جانبداری پر امریکی موقف کو دہرایا۔انہوں نے کہا کہ ہمارا مؤقف وہی ہے جو ہم پہلے بیان کر چکے ہیں، پاکستان میں انتخابات سے متعلق کوئی پوزیشن نہیں رکھتے، ہم بنیادی انسانی حقوق کو برقرار رکھنا چاہتے ہیں۔امریکی محکمہ خارجہ نے سابق وزیراعظم عمران خان سمیت پاکستان میں قید تمام قیدیوں کے تحفظ کو یقینی بنانے کی اہمیت پر زور دیتے ہوئے کہا ہے کہ امریکا پاکستان میں کسی سیاسی جماعت کو سپورٹ نہیں کرتا۔ امریکی محکمہ خارجہ نے کہا کہ ہم پاکستان یا دنیا میں کہیں بھی ہر قیدی کی حفاظت دیکھنا چاہتے ہیں۔ ہر شخص، ہر قیدی قانون کے تحت تحفظ کا حقدار ہے

سعودی ولی عہد کے دورۂ پاکستان کی حمایت کرتے ہیں، امریکا

عمران خان سمیت تمام قیدیوں کا تحفظ چاہتے ہیں، امریکی محکمہ خارجہ

پاسپورٹ بنوانے کے پلان بنانے والے شہریوں کے لیےا بری خبر آگئی ہے، پاسپورٹ کی فاسٹ ٹریک کیٹیگری فیسوں میں اضافہ کردیا گیا ہے، نئی اضافہ شدہ فیس کا اطلاق 8 مئی بروز بدھ (آج)سے ہوگا۔پاسپورٹ حکام کے مطابق آرڈینری اور ارجنٹ پاسپورٹ کی فیسوں میں پہلے اضافہ کردیا گیا تھا، فنانس اپروول آنے پر فاسٹ ٹریک کی فیسوں میں کردیا گیا۔ڈائریکٹریٹ جنرل امیگریشن اینڈ پاسپورٹس کے مطابق پانچ سال کی مدت کے حامل چھتیس صفحات کے مشین ریڈایبل پاسپورٹ کی فیس ساڑھے 12 ہزار، بہتر صفحات کی فیس ساڑھے 18 ہزار اور سو صفحات کی فیس 23 ہزار روپے ہوگی۔دس سالہ مشین ریڈایبل پاسپورٹ کے لیے چھتیس، بہتر اور سو صفحات کے لیے فیس بالترتیب 16 ہزار 200، 25 ہزار 200 اور 32 ہزار روپے ہوگی۔پانچ سال کے 36 صفحات والے نارمل پاسپورٹ کی فیس بڑھا کر ساڑھے 4 ہزار روپے کر دی گئی، جبکہ ارجنٹ پاسپورٹ کی ساڑھے 7 ہزار، دس سال والے پاسپورٹ کی فیس 6 ہزار 700 اور ارجنٹ کی 11 ہزار 200 روپے کردی گئی ہے۔اسی طرح پانچ سال کے 72 صفحات والے نارمل پاسپورٹ کی فیس 8 ہزار 200، ارجنٹ کی ساڑھے 13 ہزار، دس سال والے پاسپورٹ کی فیس 12 ہزار 400 اور ارجنٹ کی 20 ہزار 200 روپے کردی گئی ہے۔ 5 سال کی مدت کے حامل 36 صفحات کے مشین ریڈ ایبل پاسپورٹ کی فیس اضافے کے بعد 12500 روپے ہوگئی ہے۔72 صفحات کی فیس 18500 روپے جبکہ 100 صفحات کے حامل پاسپورٹ کی فیس 23000 روپے مقرر کی گئی ہے۔نئی فیسوں کے اطلاق کے بعد 10 سالہ مشین ریڈ ایبل پاسپورٹ کے لیے 36، 72 اور100 صفحات کے لیے فیس بالترتیب 16200، 25200 اور32000 ہزارروپے ہوگی، اضافہ شدہ فیس کا اطلاق بدھ 8 مئی سے ہوگا۔دوسری جانب لاہور اور کراچی میں ایک ایک پاسپورٹ دفتر 24 گھنٹے کھلا رکھنے کا نوٹیفکیشن جاری کر دیا گیا۔ڈائریکٹوریٹ جنرل امیگریشن اینڈ پاسپورٹس نے نوٹیفکیشن جاری کیا۔  نوٹیفکیشن کے مطابق گارڈن ٹاؤن لاہور اور عوامی مرکز کراچی کے پاسپورٹ دفتر 24 گھنٹے کھلیں رہیں گے۔

پاسپورٹ کی فاسٹ ٹریک کیٹیگری کی فیسوں میں ایک بار پھر بڑا اضافہ کردیاگیا

فیسوں میں اضافہ فنانس اپروول آنے پر کیا گیا ،اضافہ شدہ فیس کا اطلاق آج سے ہو گا، پاسپورٹ حکام

The Multan Sultans, who are five days away from the ninth edition of the Pakistan Super League (PSL), have suffered yet another setback with the announcement that their star fast bowler, Ihsanullah, would not play in the new season.

The PCB has notified the Sultans&#39; owner, Ali Tareen, that Ihsanullah will be out for the entirety of the PSL owing to an injury.

<h2>The Exclusion Of Reece Topley</h2>

The first blow to the Sultans was delivered earlier today when English bowler Reece Topley was excluded from PSL 9 for failing to receive a No Objection Certificate (NOC) from the England and Wales Cricket Board (ECB).

Remarkably, Ihsanullah finished as the second highest wicket taker in PSL 8 with an astounding 22 scalps in 12 innings.

But once the competition was over, the 21-year-old started having elbow pain, which required surgery performed by the PCB under close supervision.

Karachi, Lahore, Multan and Rawalpindi will host PSL 9 matches. On March 18, the final match of the championship will take place in Karachi&#39;s National Bank Stadium.

On February 18, the Sultans will host the Karachi Kings to begin their season at home. They will use their home field for five of the games.

Pakistan Pacer Ihsanullah Misses PSL 9 Due To Injury

The Exclusion Of Reece Topley

Related Post

Pakistan's Usman Tariq Stuns Fans with Unique Bowling Action in PSL

Why aren't fans of the PSL in Karachi attending matches? Wasim Akram clarifies

Jordan Training Camp for Pakistan Football Team Postponed Due to PFF's Financial Issues

Misbah Questions Islamabad's Handling of Naseem Shah in PSL 9

Pakistan's Usman Tariq Stuns Fans with Unique Bowling Action in PSL

Why aren't fans of the PSL in Karachi attending matches? Wasim Akram clarifies

Jordan Training Camp for Pakistan Football Team Postponed Due to PFF's Financial Issues

What to watch

Tensports

Indian Premier League - Ad Free

Eurosport